கிளிநொச்சியிலும் படம்பிடித்த இராணுவம் (VIDEO)

[நவீனன்]

கிளிநொச்சியிலும் படம்பிடித்த இராணுவம் (VIDEO)

 

-எஸ்.என்.நிபோஜன்

கிளிநொச்சி, பரவிபாஞ்சான் மக்கள் இராணுவத்தின் கட்டுப்பாட்டில் உள்ள தங்களின் காணிகள் விடுவிக்கப்பட வேண்டும் என, கவனயீர்ப்பு போராட்டத்தில் இன்று ஈடுபட்டனர்.

இதன்போது, போராட்டத்தில்  செய்தி சேகரிக்கச் சென்ற  ஊடகவியலாளர்களை, அருகில் காவலரணில் இருந்த   இராணுவத்தினர்,  தங்களின் அலைபேசிகள மூலம் புகைப்படம் மற்றும் வீடியோ எடுத்தனர்.

 

 

http://www.tamilmirror.lk/191873/க-ள-ந-ச-ச-ய-ல-ம-படம-ப-ட-த-த-இர-ண-வம-VIDEO-

[நவீனன்]

கிளி.பரவிப்பாஞ்சான் மக்களும் தொடர் போராட்டத்தில்

கிளிநொச்சி – பரவிப்பாஞ்சான் பகுதியில் இராணுவம் ஆக்கிரமித்துள்ள தமது காணிகளை விடுவிக்குமாறுகோரி,பரவிப்பாஞ்சான் இராணுவ முகாமிற்கு முன்பாக இன்று காலை பொதுமக்கள் தொடர் போராட்டத்தை ஆரம்பித்துள்ளனர்.

 

கிளிநொச்சி பரவிப்பாஞ்சான் இராணுவ முகாமால் கடந்த ஏழு வருடங்களாக கையகப்படுத்தப்பட்டிருக்கும் தமது காணிகளை விடுவிக்குமாறு வலியுறுத்தி கடந்த ஓகஸ்ட் மாதம் 31 ஆம திகதி மாலை முதல் 17 குடும்பங்கள் முகாமுக்கு முன்னால் கவனயீர்ப்புப் போராட்டத்தில் ஈடுபட்டு வந்தன.

ஏழு நாட்களாக போராட்டம் தொடர்ந்த போதிலும், மக்களின் காணிகளை விடுவிக்க எந்தவொரு தரப்பினரும் முன்வராததை அடுத்து அப்பகுதி மக்கள் காலவரையரையற்ற உண்ணாவிரதப் போராட்டத்தை ஆரம்பித்திருந்தனர்.  

 

இதற்கமைய கடந்த மாதம் தொடர் போராட்டத்தில் ஈடுபட்ட நிலையில் போராட்டம் நடைபெற்ற இடத்திற்கு நேரடியாக சென்ற எதிர்க்கட்சித் தலைவர் இரா. சம்பந்தன், தான் பாதுகாப்பு அமைச்சின் செயலாளருடன் இந்த விடயம் தொடர்பில் பேசியுள்ளதாக வும், இரண்டு வாரங்களுக்குள் தீர்வு பெற்றுக்கொடுக்கப்படும் என்றும் உறுதியளித்திருந்தார்.

 

இதனையடுத்து இரண்டு வாரங்களுக்கு தமது போராட்டத்தை மக்கள் ஒத்திவைத்திருந்தனர்.

 

இந்த நிலையில், குறிப்பிட்ட காலப்பகுதிக்குள் அப்பகுதி மக்களுக்கு வழங்கப்பட்ட வாக்குறுதியின் பிரகாரம் மூன்று ஏக்கர் காணி மாத்திரமே விடுவிக்கப்பட்டநிலையில் ஏனைய 15 க்கும் அதிகமான குடும்பங்களுக்கான 10 ஏக்கர் காணி விடுவிக்கப்படவில்லை.

 

எஞ்சிய 10 ஏக்கர் காணிகளை விடுவிக்குமாறு வலியுறுத்தி பரவிப்பாஞ்சான் மக்கள் மீண்டும் போராட்டத்தில் ஈடுபட்ட நிலையில், போராட்டம் இடம்பெற்ற பகுதிக்குச் சென்ற சிறுவர் மற்றும் மகளிர் விவகார இராஜாங்க அமைச்சர் விஜயகலா மகேஸ்வரன் 03 மாத காலப்பகுதிக்குள் இராணுவத்திடம் உள்ள காணிகள் விடுவிக்கப்படும் என உறுதியளித்திருந்தார்.

 

இந்தநிலையில், கடந்த டிசம்பர் மாதம் 8 ஆம் திகதி, விஜயகலா மகேஸ்வரன் அளித்த காலக்கெடு முடிவடைந்த நிலையில், மீண்டும் அப்பகுதி மக்கள் இன்றுமுதல்  தொடர் போராட்டத்தில் ஈடுபட்டுள்ளனர்.

இதேவேளை  கிளிநொச்சி – பரவிப்பாஞ்சான் பகுதியில் இராணுவத்திடமுள்ள தமது காணிகளை விடுவிக்குமாறு கோரி, இன்று முதல் தொடர் போராட்டத்தில் ஈடுபட்டுவரும் மக்களை  தமது முகாமுக்குள் இருந்தவாறு  இராணுவத்தினர் புகைப்படம் எடுத்து வருகின்றனர். 

---

http://www.onlineuthayan.com/news/24122

[nunavilan]

மக்கள் போராடி தமது இடங்களை பெற்றால் சரி. அரசியல்வாதிகள் கையாலாகாதவர்களாகவே உள்ளனர்.

[nunavilan]

 

 

 

[குமாரசாமி]

ஈழத்தில்.. "சிறீலங்கா படையினரே வெளியேறு; இது எங்கள் நிலம்" முல்லைத்தீவு சிறார்கள் போர்க்கோலம்

[nedukkalapoovan]

சொறீலங்கா இராணுவம் இப்ப கையடக்கத் தொலைபேசியும் கமராவுமாத் தான் திரியுது. கொழும்பில் கூட வாகனங்களில் இருந்தபடி... கிளிக் நடக்குது. என்னத்தை எடுக்கிறாய்ங்களோ.

சொறீலங்கா இராணுவம் ஏகபோக எகத்தாளத்தனத்தோடு இருக்க அனுமதிக்கப்பட்டுள்ளதன் விளைவுகள் இவை. இவற்றிற்கு சிங்கள மக்களும் விலைகொடுக்கிறார்கள். குறிப்பாக இளம் சிங்களப் பெண்பிள்ளைகளை படம்பிடிப்பதும் நடக்குது. 

இதுக்கு எல்லாம் காரணம் சிங்கள இராணுவ ரவுடிகளுக்கு வெற்றி வீரர்கள் பட்டம் சூட்டி அழகு பார்ப்பது தான். அவர்களுக்கு நன்னடத்தைகளை.. தண்டனைகளை வழங்க ஒருவருக்கும் சொறீலங்காவில் திராணியில்லை. அதுதான் இந்த ஆட்டம்.