யாழ்.நல்லூரில் கடைக்குள் புகுந்த மர்மக்கும்பல் இளைஞர்கள் மீது வாள்வெட்டு

[நவீனன்]

யாழ்.நல்லூரில் கடைக்குள் புகுந்த மர்மக்கும்பல் இளைஞர்கள் மீது வாள்வெட்டு

 

 

யாழ்ப்பாணம்  நல்லூர் அரசடி வீதியில்  உள்ள கடையொன்றினுள் இன்று   இரவு 7.15 மணியளவில் நுழைந்த   இனந்தெரி யாத  பத்துப்பேர் அடங்கிய கும்பல்  கடையில் வேலை செய்யும் இரு இளைஞர்களை வாளால் வெட்டியதுடன் கடையை யும்  தீயிட்டு கொழுத்தி உள்ளனர்.

 

இச் சம்பவத்தில் 24  வயதுடைய கஜலக்சன் மற்றும் 20  வயதுடைய அஜித் என்பவர்களே வாள்   வெட்டுக்கு இலக்காகி யாழ்.  போதனா வைத்தியசாலையில் அனுமதிக்கப்பட்டுள்ளனர்.

 

சம்பவ  இடத்திற்கு  மாநகர தீயணைப்பு படை  விரைந்து வந்து தீயை அணைத்ததுடன் பொலிஸார் விசாரணைகளை மேற்கொண்டு வருகின்றனர். 

 

கடையினுள் உள்ள சீ.சி.ரி கமெராவில்  அனைத்தும் பதிவாகியுள்ள போதும்  மர்ம நபர்கள் முகத்தினை மறைத்த நிலை யில் வந்துள்ளனர். எனினும்  அவர்களின் மோட்டார் சைக்கிள் இலக்கங்கள் சீ.சி.ரி கமெராவில் பதிவாகியுள்ளது.

---

http://www.onlineuthayan.com/news/23311

[மெசொபொத்தேமியா சுமேரியர்]

இந்தியா மாதிரி மாறிக்கொண்டிருக்கிறது ஈழமும்

[குமாரசாமி]

27 minutes ago, மெசொபொத்தேமியா சுமேரியர் said:

இந்தியா மாதிரி மாறிக்கொண்டிருக்கிறது ஈழமும்

இலங்கையிலை முந்தி ஏதோ வாள்வெட்டும் கத்திக்குத்தும் கட்டுத்துவக்காலை சுட்டதும் நடக்காத மாதிரியெல்லோ கதைவருது......சனம் ஏதோ புலிகள் காலத்திலை கட்டுப்பாடாய்.... உந்த கோதாரியளாலை அவதிப்படாமல் இருந்தது உண்மைதான்......அதுக்காக பாலும் தேனும் ஓடின மண் இல்லை.

[vanangaamudi]

எல்லாம் முந்தியும் இருந்தது தான் ஆனால் கால ஓட்டத்தில் இப்ப கொஞ்சம் ஓவரா நடக்குது. போர் முடிவுக்கு வந்தபின் கோஸ்டி மோதலில் பயன்படுத்தும் ஆயுத தளபாடத்தை சுடுகுழலில் இருந்து  வீச்சுவாள் ஆக down grade செய்யப்பட்டுள்ளதை கருத்தில் எடுக்கும்போது இது ஒன்றும் மோசமில்லை என்றுதான் சொல்லத் தோன்றும். எனினும்  நாங்கள் தமிழ் சமுதாயத்தின் இளைய தலைமுறையின் முன்னேற்றத்தைப்பற்றி கரிசனை கொள்பவராயிருந்தால் ஆயுதக்கலாச்சாரம் களையப்படவேண்டிய ஒன்று என்பதில் மாற்றுக்கருத்தில்லை.

[Knowthyself]

ஏன் யாழில் உள்ள சிலபேரோட, இங்கு எழுதுவதை, பக்கத்தில் நின்று சொன்னால் உதுதான் நடக்கும். FOR VARIOUS REASONS, தாங்கள் சொல்வதை எதிர்த்தால், தங்கள் வட்டத்துக்குள் நாங்கள் போனால் (வட்டத்துக்குள் நிப்பவர்கள் ஒருவரும் வெளியில் வரமுடியாது வந்தால் அவர் செத்தார்), எங்களால் பயன் அவர்களுக்கு இல்லாது போனால், ETC.
 

[நவீனன்]

யாழில் வாள்வெட்டு ; வெளியாகியது காணொளி

யாழ் அரசடி பகுதியில் உள்ள கடை  ஒன்றிற்குள் நேற்று  இரவு  நுளைந்த இனந் தெரியாத கும்பல் ஒன்று வாள்களால் இருவரை வெட்டியுள்ளதுடன் கடை மீது பெற்றோல் குண்டுத் தாக்குதலையும் நடத்தியுள்ளது.

குறித்த தாக்குதலில் கடையில் வேலை செய்யும் இளைஞர் ஒருவரும் கடைக்குப் பொருட்கள் வாங்க வந்த ஒருவரும்   படுகாயமடைந்த நிலையில் யாழ்.போதனா வைத்தியசாலையில் அனுமதிக்கப்பட்டுள்ளனர்.

இந்த தாக்குதல்  சம்பவத்திற்கு காரணமாக எந்தவித முற்பகைகளும் தமக்கு இல்லை என்றும் எதற்கு இந்தத் தாக்குதல் மேற்கொள்ளப்பட்டது என்பது தொடர்பில் தமக்கு தெரியாது எனவும் கடை உரிமையாளர்கள் தெரிவித்துள்ளனர்.

சம்பவம் தொடர்பில் யாழ்ப்பாண பொலிசார் மேலதிக விசாரணைகளை மேற்கொண்டு வருகின்றனர்.

 

http://www.virakesari.lk/article/16025