Sign in to follow this  
நவீனன்

ஐரோப்பா கண்டத்தில் நிலவும் கடுங்குளிரால் 20க்கும் மேற்பட்டோர் பலி

Recommended Posts

ஐரோப்பா கண்டத்தில் நிலவும் கடுங்குளிரால் 20க்கும் மேற்பட்டோர் பலி

 

ஐரோப்பா கண்டம் முழுவதும் நிலவுகின்ற கடுமையான குளிரால் கடந்த இரண்டு நாட்களில் இருபதுக்கும் மேற்பட்டோர் உயிரிழந்துள்ளதாக ஐரோப்பிய நாடுகளின் அதிகாரிகள் தெரிவிக்கின்றனர்.

 
  ஐரோப்பா கண்டம் முழுவதும் கடுங்குளிர்

உயிரிழந்தவர்களில் பலர் அகதிகள் மற்றும் வசிப்பிடம் இல்லாதவர்கள்.

வெள்ளிக்கிழமையன்று, ரஷியாவின் சில பகுதிகளில் 120 ஆண்டுகளில் இல்லாத மிக குளிரான பழம் பெரும் கிறித்துமஸ் நாளை மக்கள் கொண்டாடினர்.

மாஸ்கோவில் இரவு நேரங்களில் வெப்பநிலை மைனஸ் முப்பது டிகிரி செல்ஷியஸாக குறைந்துள்ளது.

போலாந்தின் வெப்பநிலை மைனஸ் பதிநான்காக குறைந்ததையடுத்து அங்கு 10 பேர் உயிரிழந்தனர்.

இத்தாலியில் தென் கிழக்கு மற்றும் மத்திய பிராந்தியங்களில் சூழப்பட்டுள்ள கடுமையான பனிப்போர்வையால் 7 பேர் பலியாகியுள்ளனர்.

இதுவரை மிக குளிரான குளிர்கால இரவை சந்தித்துள்ள செக் தலைநகர் ப்ராக்கில், மூன்று பேர் உயிரிழந்துள்ளனர்.

http://www.bbc.com/tamil/global-38546286?ocid=socialflow_facebook

Share this post


Link to post
Share on other sites
51 minutes ago, தமிழ் சிறி said:

நேற்று..... இங்கு, -14 பாகை.

-14 எல்லாம் ஒரு குளிரா ?
எமக்கு -20 எல்லாம் சாதாரணம் 
மாசி மதம் முடியத்தான் உங்கள் செல்ஷியஸில் எமக்கு ஸிரோவிட்கு 
மேலே வரும். 

என்ன இது சாதாரணம் என்பதால் எம்மிடம் அதட்கான முன் ஏற்பாடுகளும் 
கைவசம் இருக்கும். உங்களிடம் குளிருக்கு உகந்த ஜாக்க்கெட் கூட இருக்காது 
என்று நினைக்கிறேன்.

லண்டனில் கழிவு தண்ணீர் வெளியாகத்தானே போகிறது 
முதல் முதலில் பார்த்த போது எனக்கு வியப்பாக இருந்தது.
இங்கு என்றால் ஐஸ் ஆகி நின்றுவிடும். 

  • Like 1

Share this post


Link to post
Share on other sites
24 minutes ago, Maruthankerny said:

-14 எல்லாம் ஒரு குளிரா ?
எமக்கு -20 எல்லாம் சாதாரணம் 
மாசி மதம் முடியத்தான் உங்கள் செல்ஷியஸில் எமக்கு ஸிரோவிட்கு 
மேலே வரும். 

என்ன இது சாதாரணம் என்பதால் எம்மிடம் அதட்கான முன் ஏற்பாடுகளும் 
கைவசம் இருக்கும். உங்களிடம் குளிருக்கு உகந்த ஜாக்க்கெட் கூட இருக்காது 
என்று நினைக்கிறேன்.

லண்டனில் கழிவு தண்ணீர் வெளியாகத்தானே போகிறது 
முதல் முதலில் பார்த்த போது எனக்கு வியப்பாக இருந்தது.
இங்கு என்றால் ஐஸ் ஆகி நின்றுவிடும். 

-14 பாகை அளவில்.... குளிர் காலத்துக்கு இரண்டு மூன்று முறை தான் இங்கு வரும். 
அதுகும்... மாசி மாதத்தில் மட்டுமே வருவது, இம்முறை தை  மாதத்தில், வந்து விட்டது.
சென்ற 5 வருடங்களை விட... இந்த முறை குளிரும், பனிப் பொழிவும் இங்கு  அதிகமாக உள்ளது.   
இங்கு..... குளிருக்கு, தண்ணீர் அடைப்பதை கேள்விப் படவில்லை.
சிலவேளைகளில் குளிர் அதிகமாக இருக்கும் போது, வீதியில் உள்ள  கழிவு வாய்க்கால் நீர் ஓடும் குழாய்களில் இருந்து,   நீர் ஆவியாக மேலே செல்வதை காணக்  கூடியதாக இருப்பதை பார்த்தால், அந்த வாய்க்கால்கள், உறைநிலைக்கு மேற்படட வெப்பத்தில்... இருக்கலாம் என நினைக்கின்றேன். 

Share this post


Link to post
Share on other sites

அப்பாடா போட்டு தாக்குது குளிர்.அடுத்த வின்ரருக்காவது ஊருக்கு போற பாக்கியம் கிடைக்கும் என்று நம்புறன்.

  • Like 1

Share this post


Link to post
Share on other sites

ஐரோப்பா முழுவதும் கடுமையான குளிர் நிலவுவது உண்மையே, அதுக்காக அநியாயத்துக்கும் அதைப் பெரிசாக்கக்கூடாது.

கடந்த பத்து வருடத்துக்கு முன்பு நான் வாழும் தேசத்தின் தலைநகரிலிருந்து கிட்டத்தட்ட ஆயிரத்து இருநூறு கிலோமீட்டர்கள் பூமி உருண்டையின் மேல் பாகத்தில் (ஆர்டிக்வட்டகை) ஆறு வருடங்கள் வாழ்ந்திருக்கிறேன் அங்கு குளிர் மைனஸ் 42 பாகை செல்சியஸையும் தொட்டிருக்கு. ஆனால் வீடுகள் எல்லாம் பக்காவாகத் திட்டமிட்டுக்கட்டியவை பெரிசாக்குளிரை உணரமுடியாது. வெளியில்போனால்தான் பிரச்சனை ஆனால் போயாகவேண்டும். இல்லையேல் பிழைப்புக்கு என்ன வழி. இப்போ இரண்டு நாதளுக்குமுன்பு தலைநகரில் மைனஸ் இருபதைத் தொட்டது தொடர்ந்து வேலை. வயசாகிப்போட்டுது கஸ்டம்தான்.

  • Like 1

Share this post


Link to post
Share on other sites
6 hours ago, Maruthankerny said:


இங்கு என்றால் ஐஸ் ஆகி நின்றுவிடும். 

 
 
 

கவனம் மருதர்...

சரியான குளிரான இடத்தில இருக்கிறியள்.

என்ன அவசரம் எண்டாலும் வெளியால நம்பர் ஒன்னு அடிக்க எண்டு காரில் இருந்து இறங்கிடாதீங்கோ.

சர்... எண்டு போகேக்கையே... ஐஸாக போயிடும்.... பிறகு.... உடைச்சுத்தான்.... விடணும்...

உந்த  -14 பாகைல விஷயம் தெரியாம தமிழ் சிறியர் சரியான பிரச்சனைப் பட்டுப் போனார் எண்டால் பாருங்கோவன். :grin: 

Edited by Nathamuni
  • Like 1

Share this post


Link to post
Share on other sites
On 8.1.2017 at 2:01 PM, Maruthankerny said:

-14 எல்லாம் ஒரு குளிரா ?
எமக்கு -20 எல்லாம் சாதாரணம் 
மாசி மதம் முடியத்தான் உங்கள் செல்ஷியஸில் எமக்கு ஸிரோவிட்கு 
மேலே வரும். 

என்ன இது சாதாரணம் என்பதால் எம்மிடம் அதட்கான முன் ஏற்பாடுகளும் 
கைவசம் இருக்கும். உங்களிடம் குளிருக்கு உகந்த ஜாக்க்கெட் கூட இருக்காது 
என்று நினைக்கிறேன்.

லண்டனில் கழிவு தண்ணீர் வெளியாகத்தானே போகிறது 
முதல் முதலில் பார்த்த போது எனக்கு வியப்பாக இருந்தது.
இங்கு என்றால் ஐஸ் ஆகி நின்றுவிடும். 

கனடாவிலையும் கழிவுதண்ணி இறுகிறேல்லையாம்.....
அமெரிக்கா உலகத்துக்கு பெரிசாய் தெரிஞ்சாலும் ஒருசில ரெக்னிக்கிலை இன்னும் பின்னுக்குத்தான் நிக்குதெண்டு ஜேர்மன்காரர் சொல்லுவினம். :)

On 8.1.2017 at 2:26 PM, தமிழ் சிறி said:


இங்கு..... குளிருக்கு, தண்ணீர் அடைப்பதை கேள்விப் படவில்லை.
சிலவேளைகளில் குளிர் அதிகமாக இருக்கும் போது, வீதியில் உள்ள  கழிவு வாய்க்கால் நீர் ஓடும் குழாய்களில் இருந்து,   நீர் ஆவியாக மேலே செல்வதை காணக்  கூடியதாக இருப்பதை பார்த்தால், அந்த வாய்க்கால்கள், உறைநிலைக்கு மேற்படட வெப்பத்தில்... இருக்கலாம் என நினைக்கின்றேன். 

சிறித்தம்பி! தண்ணி பைப்புகள் இறுகிற விளையாட்டெல்லாம் இஞ்சை 40,50 வருசத்துக்கு முதல் நடந்திருக்குதாம். இப்ப கொஞ்சம் கொஞ்சமாய் முன்னேறிட்டாங்கள்......அதை விட கனடா அமெரிக்கா குளிரோடை எங்களை ஒப்பிட்டு பாக்கவும் ஏலாது எண்டு நினைக்கிறன்.

Share this post


Link to post
Share on other sites
8 hours ago, குமாரசாமி said:

கனடாவிலையும் கழிவுதண்ணி இறுகிறேல்லையாம்.....
அமெரிக்கா உலகத்துக்கு பெரிசாய் தெரிஞ்சாலும் ஒருசில ரெக்னிக்கிலை இன்னும் பின்னுக்குத்தான் நிக்குதெண்டு ஜேர்மன்காரர் சொல்லுவினம். :)

சிறித்தம்பி! தண்ணி பைப்புகள் இறுகிற விளையாட்டெல்லாம் இஞ்சை 40,50 வருசத்துக்கு முதல் நடந்திருக்குதாம். இப்ப கொஞ்சம் கொஞ்சமாய் முன்னேறிட்டாங்கள்......அதை விட கனடா அமெரிக்கா குளிரோடை எங்களை ஒப்பிட்டு பாக்கவும் ஏலாது எண்டு நினைக்கிறன்.

கழிவு தண்ணி இங்கேயும் இறுகுவதில்லை 
காரணம் நிலத்திற்கு கீளால்தான் பைப்புகள் செல்கினறன 

லண்டனில் சமையலறையில் நீங்கள் கழுவினால் 
வெளியில் தண்ணீர் வருவதை காணலாம் 

அப்படி கனடா அமெரிக்காவில் இருந்தால் ஐஸ்தான் இருக்கும். 
அமெரிக்காவிலும் மேலேதான் குளிர் .... கீழ் பகுதி 
புளோரிட்டா பகுதிகள் எப்போதும் சமர் போலத்தான்.

Share this post


Link to post
Share on other sites

பின்லாந்தில், வீடுகளுக்கான வெப்பமூட்டிகளுக்கு நிலத்துக்கடியில் பலமீற்றர் தூரம் துளையுட்டு அத்துளையினூடே தண்ணீரை அனுப்பி அதை சூடான தண்ணீராகத் திரும்பப்பெறுவதானல் குறந்த செலவிலான வெப்பத்தைப் பெறக்கூடியதாக இருக்கின்றது ஆனால் இம்முறை அனைத்து வீடுகளுக்கும் இல்லை, தவிர நிலத்தடிக்கழிவுவாய்கால் ஓரளவு ஆழமான பகுதிகளில் தாள்க்கப்பட்டிருப்பதால் பூமியினது வெப்பம் அங்கு அதிகமானதால் கழிவுநீர் உறைவதில்லை, சில இடங்களில் பராமரிப்புக்கான இறங்குகுழாய்கள் சரிவரப்பராரிக்கப்படாமையாலும், பெரிய மரங்களது வேர்கள் நீரைத்தேடி கழிவுநீர்க்குழாயைநோக்கி வருவதால் ஏற்படும் அடைப்புகளும் ஏற்பட வாய்ப்பிருக்கு. தவிர நாட்டின் மேற்பகுதியில் நிலத்தின் மேல்மட்டத்தில் காணப்படும் கழிவுநீர்க்குழாய்களுக்குள் முன்சாரம்மூலம் ஓரளவு வெப்பத்தை உண்டுபண்ணக்கூடிய மிந்தடைகளை நிர்மானிப்பதன்மூலம் நீர் உறைவதைத் தடுக்கிறார்கள்.

இவைபற்றி ஓரளவு எனக்குத் தெரியக்காரணம் இத்துறையில் நான் சில காலம் வேலை பார்த்திரிக்கிறேன், 

அதுக்காக இந்தியாவில் மனிதக்கழிவு வாய்க்காலுக்குள் இறங்கி ஏறுவதுபோல் கற்பனை செய்யவேண்டாம். 

Share this post


Link to post
Share on other sites

ஐரோப்பா மற்றும் ஐக்கிய இராச்சியத்தில் கடும் குளிருக்கு அறுபது பேர் பலி

 

ஐரோப்பா மற்றும் ஐக்கிய இராச்சியத்தில் நிலவி வரும் கடுமையான பனிப் பொழிவினால் இதுவரை அறுபது பேர் உயிரிழந்துள்ளனர். இவர்களுள், வீடற்றோர் மற்றும் வயோதிபர்களின் எண்ணிக்கையே அதிகமாகக் காணப்படுகிறது.

4_Winter_Dead.jpg

இந்த நிலையையடுத்து வீடற்றோர் பாடசாலைகளில் ஆரம்பிக்கப்பட்டுள்ள தற்காலிக முகாம்களுக்குச் செல்லுமாறு கேட்கப்பட்டுள்ளனர்.

கடந்த வாரம் போலந்தில் மட்டும் இருபது பேர் பனிக்கு இரையாகியுள்ளனர். அங்கு நிலவிவரும் கடுமையான காலநிலையால் பாடசாலைகள் மூடப்பட்டுள்ளன.

மேலும் பனிக்காலத்தில் சுற்றுச்சூழல் மாசடைவதைத் தவிர்க்கும் முகமாக வோர்ஸோ நகரில் இலவச போக்குவரத்து வசதிகள் ஏற்பாடு செய்யப்பட்டுள்ளன. இதனால் வாகனப் பயன்பாடு குறையும் என எதிர்பார்க்கப்படுகிறது.

சேர்பியாவில் வறிய நிலையில் வாழும் 88 வயதுத் தந்தையும் அவரது 66 வயது மகனும் கடும் குளிரினால் உயிரிழந்துள்ளனர். 

http://www.virakesari.lk/article/15346

Share this post


Link to post
Share on other sites

சென்ற வருடமும் இந்த வருடமும் வழமையாக சினோ  கொட்டும் இடங்களில் கொட்டாமால்   இடம் பெயர்ந்து கொட்டுகின்றது.

Share this post


Link to post
Share on other sites

இலங்கையிலும் சீரற்ற காலநிலைதான் கடும் பனிக்காற்று பாடசாலை கூட காலை 8.30 மணிக்கு ஆரம்பிக்க பரிந்துரை செய்யப்பட்டுள்ளது  திருவெம்பா போகலாம் என்று எழும்பினால்  உடம்பு தவில் அடிக்குது  இந்த குளிருக்கே இப்படியென்றால் உங்கள் நிலை   ஐயோ  எப்படித்தான் வாழ்கிறீர்கள்  tw_cold_sweat:

Share this post


Link to post
Share on other sites

உறைபனியில் அகதிகளின் அவலம்

கிரேக்கத்தில் வழக்கத்தைவிட அதிகமான திடீர் குளிர் ஏற்பட்டுள்ளது.

அதனால், ஆயிரக்கணக்கான அகதிகள் இருபது டிகிரி ஷெல்ஷியஸுக்கும் குறைவான கடுங்குளிரில் நடுங்கிக்கொண்டிருக்கிறார்கள்.

அறுபதாயிரம் அகதிகள் முகாம்களில் தங்கியுள்ளனர்.

அவர்களில் பத்தாயிரம் பேர் குளிர் தாங்க முடியாத கூடாரங்களில் தங்கவைக்கப்பட்டுள்ளனர்.

 

பனி மிதக்கும் நதி

ஹங்கேரியின் பூடாபெஸ்டிலுள்ள டான்யூப் நதியில் உறைபனி மிதக்கிறது.

ஐரோப்பாவின் பல பகுதிகளில் நிலவும் கடுங்குளிரால் ஒட்டுமொத்த டான்யூப் நதியே உறைபனியாகத் தோன்றுகிறது.

ஹங்கேரி உள்ளிட்ட ஐரோப்பாவின் பல நாடுகள் உறைபனியால் போர்த்தப்பட்டு, உறைய வைக்கும் குளிரில் நடுங்கிக்கொண்டிருக்கின்றன

Share this post


Link to post
Share on other sites

லண்டனில் கடும் பனிப்பொழிவு - ஹீத்ரோ விமான நிலையத்தில் விமான சேவைகள் ரத்து

கடும் பனிப்பொழிவு காரணமாக லண்டன் நகரின் ஹீத்ரோ விமான நிலையத்தில் 12-க்கும் அதிகமான விமானங்களின் சேவை ரத்து செய்யப்பட்டுள்ளது.

 
 
லண்டனில் கடும் பனிப்பொழிவு - ஹீத்ரோ விமான நிலையத்தில் விமான சேவைகள் ரத்து
 
லண்டன்:

கடந்த சில தினங்களாக லண்டன் நகர் முழுவதும் கடுமையான பனிப் பொழிவு நிலவி வருகிறது. பனிப் பொழிவுடன் பலத்த காற்றும் வீசுகிறது.

இந்நிலையில், கடும் பனிப்பொழிவு காரணமாக லண்டன் நகரின் ஹீத்ரோ விமான நிலையத்தில் 12-க்கும் அதிகமான விமானங்களின் சேவை ரத்து செய்யப்பட்டுள்ளது. சில சேவைகள் தாமதமாக ஆரம்பிக்கப்பட்டதாகவும் விமான நிலைய அதிகாரிகள் தெரிவித்தனர்.

ஜெனீவா, மான்செஸ்டர், பிளாங்பர்ட் ஆகிய நரங்களுக்கு செல்லும் முக்கிய விமானங்களில் சேவையும் ரத்து செய்யப்பட்டுள்ளது.

ஐரோப்பாவில் மிகவும் பரபரப்பாக இயங்கும் விமான நிலையங்களில் ஒன்று ஹீத்ரோ விமான நிலையம். ஹீத்ரோ விமான நிலையத்தில் நேற்று திட்டமிடப்பட்ட 1,350 விமானங்களின் சேவைகளில் 80 சேவைகள் முன்னெச்சரிக்கை நடவடிக்கை காரணமாக ரத்து செய்யப்பட்டது.

இது தொடர்பாக ஹீத்ரோ விமான நிலையம் தனது டுவிட்டர் பக்கத்தில், “மோசமான வானிலை காரணமாக விமான சேவைகளின் திட்டமிடலில் மாற்றங்கள் செய்யப்படலாம். பயணிகள் தங்களது பயண விவரங்களை முன் கூட்டியே அறிந்து கொள்ள வேண்டும்” என்று கேட்டுக் கொள்ளப்பட்டுள்ளது.
28986452-F96D-4389-9666-767B8BAC68D5_L_s

சனிக்கிழமை வரை இந்த பனிப் பொழிவு இருக்கும் என்று அந்நாட்டு வானிலை ஆய்வு மையம் தரப்பில் எச்சரிக்கை விடுக்கப்பட்டுள்ளது. ஹீத்ரோ விமான நிலையம் மட்டுமன்றி ஐரோப்பாவின் ஏனைய விமான நிலையங்களும் பனிப்பொழிவால் பாதிக்கப்பட்டுள்ளன. 

http://www.maalaimalar.com/News/TopNews/2017/01/12225931/1061859/Heathrow-Airport-cancels-flights-amid-snow-forecasts.vpf

Share this post


Link to post
Share on other sites
Sign in to follow this