சென்னையைக் கலக்கிய கூர்க்கா கொள்ளையர்கள்

[ஈழவன்85]

சென்னை: சென்னை புறநகர்ப் பகுதி மக்களை கடந்த 6 ஆண்டுகளாக கலக்கி வந்த கிரில் கொளளையர்கள் கூண்டோடு பிடிபட்டுள்ளனர்.

சென்னை புறநகர்ப் பகுதிகளில் கடந்த 6 ஆண்டுகளுக்கும் மேலாக கலக்கி வந்தவர்கள் கிரில் கொள்ளையர்கள். வீடுகளின் ஜன்னல் கிரில் கம்பிகளை வளைத்து உள்ளே நுழைந்து திருடிச் செல்வது இவர்களது பாணி.

நகை, பணத்தை மட்டுமே கொள்ளையடிப்பார்கள், ஆள் இல்லாத வீடுகளைத்தான் நோட்டமிட்டுக் கொண்டு நுழைந்து கொள்ளை அடிப்பார்கள்.

புறநகர்ப் பகுதிகளில் 60க்கும் மேற்பட்ட வீடுகளில் இந்த கிரில் கொள்ளையர்கள் கைவரிசை காட்டியுள்ளனர். சென்னை தவிர மதுரையில் 11 வீடுகள், வேலூரில் 7 வீடுகள் சென்னைக்கு வெளியிலும் துணிகரத் திருட்டை நடத்தியுள்ளனர்.

தாங்கள் நுழையப் போகும் வீட்டை முன்கூட்டியே நோட்டமிட்டு தெளிவாக அடையாளம் பார்த்துக் கொள்வார்கள் இந்த திருடர்கள். எப்படி நுழையலாம், எப்படித் தப்பலாம் என்பதை தெளிவாக திட்டமிட்ட பின்னரே திருட்டில் குதிப்பர்.

இந்தக் கொள்ளைக் கும்பலைப் பிடிக்க போலீஸார் பல்வேறு தனிப்படைகள் அமைத்த வலை வீசித் தேடசியும் கூட இக்கும்பலைப் பிடிக்க முடியவில்லை. போலீஸாருக்கு பெரும் சவாலாக இருந்தது இக்கும்பல்.

இந்த நிலையில் சமீபத்தில் கூடுதல் ஆணையர் ஜாங்கிட் தலைமையில் புதிய தனிப்படையை அமைத்து இக்கொள்ளைக் கும்பலைப் பிடிக்க ஆணையர் லத்திகா சரண் உத்தரவிட்டார்.

ஜாங்கிட் உடனடியாக களத்தில் இறங்கினார். ஏற்கனவே பவேரியா கொள்ளைக் கும்பலை உத்தரப் பிரதேசம் வரை விரட்டிப் போய் பிடித்து 2 பேருக்குத் தூக்குத் தண்டனையும் வாங்கிக் கொடுத்து கலக்கியவர் ஜாங்கிட் என்பது நினைவிருக்கலாம்.

இந்தக் கும்பல்தான் கும்மிடிப்பூண்டி அதிமுக எம்.எல்.ஏ. உள்ளிட்டவர்களைக் கொன்றது.

எனவே கிரில் கொள்ளையர்களையும் வளைத்துப் பிடிக்க துரிதமாக களத்தில் இறங்கிய ஜாங்கிட், இதற்காக புதிய தனிப்படையை அமைத்தார். அந்தத் தனிப்படையை பல்வேறு இடங்களுக்கும் அனுப்பி தீவிர விசாரணையை முடுக்கி விட்டார்.

விசாரணை தீவிரமாக நடந்து கொண்டிருந்த நிலையில் சில நாட்களுக்கு முன் திருமுல்லைவாயிலில் உள்ள ஒரு வீட்டிற்குள் கிரில் கொள்ளையர்கள் புகுந்து விட்டனர். அவர்களை பக்கத்து வீட்டுக்காரர் பார்த்துள்ளார்.

உடனடியாக அவர் போலீஸுக்குத் தகவல் தர தனிப்படை போலீஸார் மின்னலென விரைந்தனர். வீட்டுக்குள் திருட்டில் மும்முரமாக இருந்த 2 கொள்ளையர்களையும் மடக்கிப் பிடித்தனர். அவர்களிடம் நடத்திய விசாரணையில் இக்கும்பல்தான் கிரில் கொள்ளையில் ஈடுபட்டு வருவது தெரிய வந்தது.

இந்தக் கும்பலில் மொத்தம் 10 பேர் உள்ளனர். அனைவரும் நேபாள நாட்டு கூர்க்காக்கள். நேபாளத்திலிருந்து தமிழகத்திற்கு வந்து கூர்காக்க்கள் ஆக வேலை பார்த்து வந்தனர். அப்படியே கிரில் திருட்டில் இறங்கினர்.

இருவ>ட.ம் நடத்திய விசாரணையில் இக்கும்பலைச் சேர்ந்த மற்றவர்கள் கொல்கத்தாவில் இருப்பது தெரிய வந்தது. இதையடுத்து போலீஸ் படை கொல்கத்தாவுக்கு விரைந்தது. அங்கு மற்றவர்களையும் போலீஸார் வளைத்துப் பிடித்தனர்.

அவர்களிடமிருந்து ஏராளமான நகைகளும் பறிமுதல் செய்யப்பட்டதாக போலீஸார் தெரிவித்துள்ளனர். இந்தக் கொள்ளையர்கள் பிடிபட்ட தகவலை முதல்வர் கருணாநிதி திருச்சியில் செய்தியாளர்களிடம் பேசியபோது தெ>வித்தார்.

மாநகர காவல்துறை ஆணையர் லத்திகா சரண் இன்று செய்தியாளரக்ளிடம் கிரில் கொள்ளையர்கள் பிடிபட்டது குறித்து அதிகாரப்பூர்வமாக தெரிவிக்கவுள்ளார்.

http://thatstamil.oneindia.in/news/2007/01/29/chennai.html