ஜேர்மனிய ரயில் நிலையத்தில் விதிகளுக்கு முரணாக சைக்கிள் செலுத்திய ஆர்னோல்ட்; எச்சரிக்கை விடுத்த பின்னர் செல்பீ படம் பிடித்துக்கொண்ட பொலிஸ் உத்தியோகத்தர்

[நவீனன்]

ஜேர்மனிய ரயில் நிலையத்தில் விதிகளுக்கு முரணாக சைக்கிள் செலுத்திய ஆர்னோல்ட்; எச்சரிக்கை விடுத்த பின்னர் செல்பீ படம் பிடித்துக்கொண்ட பொலிஸ் உத்தியோகத்தர்

2016-10-05 14:49:53

ஹொலிவூட் நட்சத்திரமான ஆர்னோல்ட் ஷ்வார்ஸ்நெகர் ஜேர்மனியிலுள்ள ரயில் நிலையமொன்றில் விதிகளுக்கு முரணாக சைக்கிளோட்டிக்கொண்டு சென்ற வேளையில், அவரை தடுத்து நிறுத்திய பொலிஸ் உத்தியோகத்தர் ஒருவர் எச்சரிக்கை விடுத்ததுடன் பின்னர் ஆர்னோல்ட்டுடன் செல்பீ படம் பிடித்துக் கொண்டுள்ளார்.

 

ஜேர்மனியின் மூனிச் நகரில் அண்மயில் இச் சம்பவம் இடம்பெற்றுள்ளது. 69 வயதான நடிகர் ஆர்னோல்ட் கலிபோர்னியா மாநில ஆளுநராகவும் 2003 முதல்  2011 ஆம் ஆண்டு வரை பதவி வகித்தமை குறிப்பிடத்தக்கது.

 

ஜேர்மனிக்கு சுற்றுலா சென்ற அவர், கடந்த வெள்ளிக்கிழமை மியூனிச் நகரிலுள்ள ரயில் நிலையமொன்றுக்கு சென்றார். ரயில் நிலையத்தை அடைந்த பின்னரும் அவர் சைக்கிளை விட்டு இறங்காமல், தொடர்ந்தும் சைக்கிளை செலுத்திச் சென்றார்.

 

இதை அவதானித்த ஜேர்மன் பொலிஸ் உத்தியோகத்தர் ஒருவர், ஆர்னோல் ட்டை தடுத்து நிறுத்தினார். இவ்வாறு ரயில் நிலையத் துக்குள் சைக்கிள் செலுத்தி வந்த நபர் உலகப் புகழ்பெற்ற  ஹொலி வூட் நடிகரான ஆர்னோல்ட் ஷ்வார்ஸ் நெகர் என்பதை அறிந்தவுடன் அப் பொலிஸ் உத்தியோகத்தர் வியப்படைந்தார்.

 

அதன்பின் ஆர்னோல்ட்டை எச்சரிக்கையுடன் அவர் விடுவித்தார். அதேவேளை தனது அபிமான நடிகரான ஆர்னோல்ட்டுடன் செல்பீ படமொன்றையும் பிடித்துக் கொண்டார்.

 

 

இப் புகைப்படத்தை ஜேர்மனியின் பேயெர்ன் பொலிஸார் தமது டுவிட்டர் பக்கத் தில் வெளியிட்டுள்ளனர். 'டேர்மினேட்டராக இருந்தாலும் மியூனிச் மத்திய ரயில் நிலையத்தில் சைக்கிளோட்டு வது தடுக்கப்பட்டுள்ளது' என ஜேர்மன் பொலி ஸார் தெரிவித்து ள்ளனர்.

 

http://www.metronews.lk/article.php?category=gossips&news=19733

[தமிழ் சிறி]

ஆர்னோல்ட்டுக்கு.... சைக்கிள் ரயரின்,  

காத்தை திறந்து விட்டு இருக்க வேணும்.  அப்ப தான்... இவங்கள் திருந்துவாங்கள். 

[suvy]

3 hours ago, தமிழ் சிறி said:

ஆர்னோல்ட்டுக்கு.... சைக்கிள் ரயரின்,  

காத்தை திறந்து விட்டு இருக்க வேணும்.  அப்ப தான்... இவங்கள் திருந்துவாங்கள். 

அவர் திருந்த வேண்டாம் சிறி ..., அப்பத்தான் உங்களுக்கும் ஏதாவதொரு சமயத்தில் அவருடன் செல்ஃபீ  எடுக்கும் சந்தர்ப்பம் அமையும் ....! 

நானுந்தான் ஸ்டேசனுக்க சைக்கிள் ஒட்டிக் கொண்டு போறன் ஸ்டேசன் மாஸ்ட்டர் வேண்டாம் ஒரு பாசஞ்சர் கூட என்னோடு செல்ஃபீ  எடுக்க முயற்சிக்கவில்லை ....!