லிப்ஸ்டிக் போட ஆசையா?

[கறுப்பி]

லிப்ஸ்டிக் போட ஆசையா?

லிப்ஸ்டிக் போட்டுக் கொள்ள ஆசைப்படாத பெண்களே கிடையாது. ஏதாவது ஒரு காரணத்துக்காக அதைத் தவிர்க்கலாமே தவிர, ஆசை மட்டும் அடி மனதில் இருக்கும். லிப்ஸ்டிக் போடும் பழக்கம் உள்ளவர்கள் தங்களுக்கு பொருந்தக் கூடிய வகையில் லிப்ஸ்டிக் போட வேண்டும். அழகுக் கலை நிபுணர்கள் இதுகுறித்து என்ன சொல்கின்றனர்? படியுங்கள்:

லிப்ஸ்டிக் வாங்கக் கடைக்குச் சென்றால் ஒரு மணி நேரம் அதற்கே செலவிடுகிறோம். ஒவ்வொரு நிற லிப்ஸ்டிக்கையும், அதன் தன்மையையும் ஆராய்ந்து, நாம் அதை பூசிக் கொண்டு தேவதை போல நம்மை கற்பனை செய்து கொண்டு, "இதை வாங்கலாமா... அந்த கிரே ஜீன்சுக்கு இந்த டார்க் மரூன் நிறம் ஒத்து வருமா? பச்சை கலர் புடவை தான் சாந்தினியோட ரிசப்ஷனுக்கு கட்டப் போறோம். அதற்கு இந்த லைட் பிங்க் ஒத்து வருமா என்ன...' என்றெல்லாம் யோசித்து ஆராய்ந்து... கடைசியில் நமக்கு சற்றும் பொருந்தாத லிப்ஸ்டிக்கை வாங்கி வருவோம்.

இதை தவிர்க்க சில வழிகள்:

லிப்ஸ்டிக் கேசில் உள்ள லிப்ஸ்டிக்கை உதட்டில் பூசும்போது அதே நிறம் கிடைப்பதில்லை. ஏன்? லிப்ஸ்டிக்கில் உள்ள "அண்டர்டோன்' நிறம் தான் நீங்கள் பூசும்போது வெளிப்படும். உதட்டில் பூசி "டெஸ்ட்' செய்ய முடியாத நிலையில், ஒரு வெள்ளைத் தாளில் லிப்ஸ்டிக்கை பூசிப் பாருங்கள். அது எந்த நிறம் கொடுக்கிறதோ அது தான் லிப்ஸ்டிக்கின் உண்மையான நிறம்.

உதாரணமாய், சிவப்பு மற்றும் பிங்க் நிற லிப்ஸ்டிக்கை எடுத்துக் கொள்ளுங்கள். வெள்ளைத் தாளில் இந்த லிப்ஸ்டிக்கைப் பூசிப் பார்த்தால், கேசில் நீங்கள் பார்க்கும் நிறத்தை விடக் கூடுதலாகக் காட்டும். உண்மையில் இந்த கூடுதல் நிறம் தான் இதன் உண்மையான நிறம். உங்கள் உதட்டில் இதைப் பூசிக் கொண்டால் "லுக் அட் மீ' என்று சொல்ல வைக்கும்.

மஞ்சள் அல்லது ஆரஞ்சு நிற சாயல்கள் கொண்ட லிப்ஸ்டிக் வாங்கும்போது மிகுந்த கவனம் தேவை. ஆரஞ்சு நிற லிப்ஸ்டிக்கும் "லுக் அட் மீ' சொல்ல வைக்கும். இந்த நிறங்களை மிகுந்த கவனத்துடன் பார்த்து வாங்க வேண்டும்.

பச்சை மற்றும் நீல நிற சாயல்களில் உள்ள லிப்ஸ்டிக்குகள் உங்கள் நிறத்தைக் கூடுதலாக்கும். இரவு நேரத்தில் அரை விளக்கு வெளிச்சத்தில் ஒளிரும் ரம்மியமான தோற்றம் கிடைக்கும்.

சில்வர் மற்றும் இளங்கருப்பு நிறச் சாயல் கொண்டவை, உங்களை மென்மையானவராகக் காட்டும். பிடித்தமானவர்கள் போட்டுக் கொள்ளலாம்.

[லிசான்]

வெள்ளைத்தாழில் பூசுவதை விட கையின் பின்புறம் அல்லது பெருவிரலின் பின்புறம் பூசிப் பார்த்தால் உண்மையான நிறம் தெரியும்.

[பிரியசகி]

ம்ம் லிசா நீங்கள் நாடி பார்க்கும் இடத்தை தானே சொல்கிறீர்கள்?

அது கூட முகத்திற்க்கு பூசும் பொருட்களை தான் பூசி பார்க்கணும். ஏனென்றால் கூட முகத்தின் நிறத்தோரு ஒத்துப்போகும் கலர் தான் நாடி பார்க்கும் இடத்திலும் இருக்கின்றது. லிப்சோடு அந்தக் கலர் ஒத்துப்போகுமா? தெரிந்தால் சொல்லுங்கள்..

கறுப்பி நன்றி உங்கள் தகவலுக்கு. இப்போ கூட லிப்ஸ் ஸ்டிக் பூசுவதை நான் காணுவது குறைவு. கொஞ்சம் ஒரு 30 வயதுள்ள பெண்களும், அதற்கு கூடியவர்களும் தான் லிப்ஸ் ஸ்டிக் என்று பூசுகிறார்கள். மற்றவர்கள் கூட லிப் குளோஸ் தானே பூசுகிறார்கள். அதுதான் தற்போது பிரபலமாக இருக்கின்றது. நான் பார்த்தவரையில் தான். அதுதான் பூசுகிறார்கள் என்று சொல்லவில்லை. ;)