பாராமுகத்தில் சென்னையும், தில்லியும் ஒன்றா?

[ராசவன்னியன்]

பாராமுகத்தில் சென்னையும், தில்லியும் ஒன்றா..?

சக மனிதன் உயிர்போகும் நிலையில், பாரமுகமாக செல்லும் மனித மனங்களைப் பொறுத்தவகையில் சென்னையும், தில்லியும் ஒன்றே என இக்காணொளி நிரூபிக்கிறது.

(பலவீனமானவர்கள், காணொளியை பார்க்க வேண்டாம்)

 

[ராசவன்னியன்]

செத்து விட்டதா மனித நேயம்..!?

 

மேற்கு வங்கத்தைச் சேர்ந்த மத்பூல் எனும் 40 வயது இளைஞர் கிழக்கு டில்லியில் பகலில் இ.ரிக்‌ஷா டிரைவராகவும், இரவுகளில் செக்யூரிட்டியாகவும் பணியாற்றிக் கொண்டிருந்தார். நேற்று பகலில் கிழக்கு டில்லியின் சுபாஷ் நகர் பகுதியில் மத்பூலின் வாகனத்தை டெம்போ வேன் ஒன்று மோதியதில் மத்பூல் பலத்த காயங்களுடன் ஆபத்தான நிலையில் உயிருக்குப் போராடும் நிலையில் சாலையோரம் கிடந்தார். இந்நிலையில் மத்பூலின் வாகனத்தை இடித்து தள்ளிய டெம்போ ஓட்டுனர், தனது வாகனத்தைவிட்டு இறங்கி வந்து அடிபட்டவர் உயிருடன் இருக்கிறாரா? என்று பார்த்து விட்டு காயமுற்றவரை காப்பாற்றும் மனிதநேயம் சிறிதுமின்றி மறுபடியும் தனது வாகனத்தை  எடுத்துக் கொண்டு சம்பவ இடத்திலிருந்து விரைந்து மறைந்து போனார். டிரக் ஓட்டுனர் மட்டுமல்ல அந்தச் சாலையைக் கடந்த எல்லா மனிதர்களும் மத்பூலின் நிலையை வேடிக்கை பார்த்தார்களே தவிர அவருக்கு உதவும் மனநிலை யாருக்குமே வரவில்லை.

அதோடு மட்டுமல்ல, மத்பூலைக் கடந்து போன ஒரு கை ரிக்‌ஷா தொழிலாளி ரத்த வெள்ளத்தில் உயிருக்குப் போராடிக் கொண்டிருந்த சக மனிதனுக்கு உதவாமல், மத்பூலின் அருகே கிடந்த அவரது மொபைல் ஃபோனை மட்டும் எடுத்துக் கொண்டு விலகிச் செல்வது சி.சி.டி.வி வீடியோ கேமராவில் பதிவாகியுள்ளது. சாலை விபத்து குறித்து மட்டுமல்ல என்ன மாதிரியான சமூகத்தில் நாம் வாழ்ந்து கொண்டிருக்கிறோம் எனும் அச்சத்தை ஏற்படுத்துகிறது இந்தப் வீடியோ பதிவு.

‘மண்ணில் மனித நேயம் வளர்ப்போம்' எனும் சொல்லாடல் வாகனங்களின் பின்னால் எழுதப்பட்டிருக்கும் பலவிதமான வாசகங்களில் இதுவும் ஒன்றே எனும்படியாக முக்கியத்துவம் அற்று நீர்த்துப் போய் விட்டது.

சுவாதி கொலையில் அந்தப் பெண் உயிருக்குப் போராடும் போது மக்கள் கண்டுகொள்ளாமல் ஒதுங்கினார்கள் என்ற குற்றச்சாட்டு எப்படி எழுந்ததோ, அதைப் போலவே நேற்று கிழக்கு டில்லியில் நடந்த ஒரு சம்பவம் மக்களிடையே மிகக் கடுமையான ஆட்சேபத்தை ஏற்படுத்தியுள்ளது.

இங்கே வேடிக்கை என்னவென்றால் சக உயிர்களின் ஜீவ மரணப் போராட்டத்தை கண்டுகொள்ளாமல் அப்போது  வேடிக்கை பார்த்தவர்களும் மக்களே! இப்போது ஆட்சேபிப்பவர்களும் மக்களே!  இதில் யாரைக் குறை சொல்வது? 

’மனிதநேயம்’ என்ற வார்த்தை செத்து விட்டது என்று வேண்டுமானால் சொல்லலாம்.

தினமணி

[தமிழ் சிறி]

மனித உயிருக்கு, மதிப்பு அற்றுப் போய்விட்டதா ?
இங்கு  விபத்தை ஏற்படுத்தியவர்..... காவல் துறைக்கு அறிவிக்காமல்  தப்பி ஓடினால், அது மிகப் பெரிய பார தூரமான குற்றமாக கருதப்படும்.