சிறுவன் & சிறுமி

[கந்தப்பு]

அண்மையில் உளுறு என்ற மத்திய அவுஸ்திரெலியாவின் நகரமொன்றுக்கு சென்றிருந்தேன். மாலைநேரம் அங்கு தங்கிய விடுதியில் இருந்த நீச்சல்  குளமொன்றினைச் சுற்றி அமைந்துள்ள கதிரையொன்றில் இளைப்பாறிக்கொண்டிருந்தேன். ஒரு 7 வயதுடைய அவுஸ்திரெலியா ஆதிவாசிகளின் இனமான அபோரிஜினல் இனத்தினைச் சேர்ந்த சிறுமி ஒருத்தி , ஒரு வெள்ளைக்கார சிறுவனுடன் நீரினில் விளையாடிக் கொண்டிருந்தாள்.  சிறுவனுக்கும் 7 வயது இருக்கும். அவர்களின் உரையாடலின் மூலம் அச்சிருமியை, வெள்ளைக்காரக் குடும்பம்  சொந்தப்பிள்ளையாக  வளர்த்து வருவதை அறிந்தேன்.  சிறுவனும் சிறுமியும் அங்குதான் முதலில் சந்தித்ததை உணர்ந்தேன்.

அவர்களின் உரையாடல்களில் சில

சிறுவன் -   அவுஸ்திரெலியா தினத்தினை நீ  கொண்டாடுகிறாயா?.

சிறுமி --  ஆம்.

சிறுவன் - வெளினாடுகளில் இருந்து வந்து உனது இனத்தினை அழித்து அவுஸ்திரெலியா என்ற நாட்டினை உருவாக்கிய நாள்தான்     அவுஸ்திரெலியா தினம்.    உனது இனத்தினை  அழித்த   தினத்தினை நீ  கொண்டாடலாமா?

 சிறுமி -  ஏன் எனதுநாட்டுக்கு அவர்கள் வந்தார்கள்?

  சிறுவன் -  உனதுநாட்டில் இருக்கும் இருப்பவற்றை எடுத்துச் செல்லவந்தார்கள்  .   நல்லகாலம் நீ அப்பொழுது பிறக்கவில்லை.  உன்னைக் கொலை செய்து இருப்பார்கள்..             

சிறுமி - அப்பொழுது நான்  எனது அம்மாவின் வயிற்றில் இருந்ததினால் தப்பிவிட்டேன்.

நீண்டகாலத்துக்கு பின்பு யாழில் எழுதுவதினால் ஏற்பட்ட சொல்பிழை, எழுத்துப்பிழைகளுக்கு மன்னிக்கவும்.

[putthan]

அந்த சிறுவர்கள் அப்படி கதைப்பதற்கு ஊடகங்களும் முக்கிய காரணம்.  ஊடகங்களில் இப்படி விவாதம் போனது அதைப்பற்றி பெற்றோர்கள்  வீட்டில் கதைத்திருப்பார்கள் அதன் தாக்கமாக இருக்க‌லாம்.....எங்கன்ட பிள்ளைகள் ,விஜய்யைப்பற்றியும்,சல்மான் காணைப்பற்றியும்தானே கதைக்கினம்....

அது சரி அப்பு ,இப்ப நீங்கள்  சிட்னியில் இல்லையோ? எப்ப தொடக்கம் உளுறு வில் இருக்கிறீங்கள் அங்கு யாழிணையம் பார்க்க கூடியதாக உள்ளதா? ....

[suvy]

சிந்திக்க வைக்கும் துணுக்குடன் சந்திக்க வந்திருக்கின்றீர்கள் கந்தப்பு... வணக்கம் அப்பப்ப இங்கும் கொஞ்சம் குந்தியிருந்து அளவளாமே....!  

[ஈழப்பிரியன்]

உழுறுவில் இருந்து உழறியது சரி.
அந்தச் சிறுமி ஒரு காலத்தில் போராளியாகவும் மாறலாம்.

[பகலவன்]

கந்தப்பு கண்டத்தில் மகிழ்ச்சி. தொடர்ந்தும் எழுதுங்கள்.

[தனிக்காட்டு ராஜா]

வாங்கோ கந்தப்பு கனகாலம் கண்டு சுகம் தானே  ?

[புங்கையூரன்]

சின்னன் சிறுசுகள் கூடச் சிந்திக்கத் தொடங்கீட்டுதுகள்!

களத்தில் கண்டது மகிழ்ச்சி..!

தொடர்ந்தும் எழுதுங்கள்!

சூரிய உதயம் பார்த்தீர்களா?

[கந்தப்பு]

கருத்துக்கள் பகிர்ந்த புத்தன், சுவி, ஈழப்பிரியன், பகலவன், புங்கையூரான், முனிவர் ஜீக்கும் நன்றிகள்.   சூரிய உதயம் பார்த்தேன்.