மெட்ராஸ் மட்டன் சால்னா

[nunavilan]

மெட்ராஸ் மட்டன் சால்னா

by musabbihu

தேவையானப் பொருட்கள்

 

• ஆட்டுகறி -அரை கிலோ
• இஞ்சி-இரண்டு அங்குலத் துண்டு
• பூண்டு-ஆறு பற்கள்
• பெரிய வெங்காயம்-இரண்டு
• காய்ந்த மிளகாய்-இரண்டு
• தேங்காப்பூ-நான்கு மேசை கரண்டி
• தனியா-ஒரு மேசை கரண்டி
• கசகசா-இரண்டு தேக்கரண்டி
• பச்சைமிளகாய்-பத்து
• உப்புத்தூள்-இரண்டு தேக்கரண்டி
• கறிவேப்பிலை-ஒரு கொத்து
• கொத்தமல்லி-ஒரு பிடி
• எண்ணெய்-கால் கோப்பை.
• பட்டை-இரண்டு துண்டு
• இலவங்கம்-நான்கு
• ஏலக்காய்-நான்கு.

செய்முறை

 

• கறியை சிறு சிறு துண்டுகளாக்கி நன்கு கழுவி வைத்துக் கொள்ளவும்.
• வெங்காயத்தை பொடியாக நறுக்கி கொள்ளவும்.
• பிறகு தேங்காய்,இஞ்சி பூண்டு,தனியா,கசகசா, பச்சைமிளகாய்,ஆகியவற்றை சேர்த்து அரைத்துக் கொள்ளவும்.
• பிறகு குக்கரை அடுப்பில் வைத்து,எண்ணெயை ஊற்றி காய்ந்ததும் வாசனை பொருட்களை போடவும்.தொடர்ந்து காய்ந்த மிளகாயை உடைத்து போட்டு வருக்கவும்.
• பிறகு வெங்காயத்தை போட்டு சிவக்க வறுக்கவும்.தொடர்ந்து அரைத்த விழுதை போட்டு எண்ணெய் கக்கும் வரை வதக்கவும்.
• பின்பு கறியை சேர்த்து உப்பு,சிறிது மஞ்சத்துள் போட்டு நன்கு வதக்கவும்.
• தண்ணீர் மூன்று கோப்பை ஊற்றி மூடி போட்டு வேக விடவும்.கறி நன்கு வெந்தவுடன் கரம்மசாலா அரை தேக்கரண்டி போடவும்.குழம்பு சற்று நீர்த்தாற் போல் இருக்க வேண்டும்.
• கறிவேப்பிலை,கொத்தமல்லியை தூவி சூடாக இட்லியுடன் பரிமாறவும்.

http://kilakaraimutton.wordpress.com/page/4/

[நவீனன்]

மதுரை ஸ்பெஷல் மட்டன் சால்னா

 

 

அ-அ+

சாதம், தோசை, பரோட்டா, சப்பாத்தி, இட்லிக்கு தொட்டுக்கொள்ள அருமையாக இருக்கும் இந்த மதுரை ஸ்பெஷல் மட்டன் சால்னா. இன்று இதன் செய்முறையை பார்க்கலாம்.

 

 

 

 

 

தேவையான பொருட்கள் :

மட்டன் - அரை கிலோ
துவரம் பருப்பு - 3 ஸ்பூன்
பெரிய வெங்காயம் - 2
தக்காளி - 2
இஞ்சி பூண்டு பேஸ்ட் - 2 ஸ்பூன்
மஞ்சள் தூள் - அரை ஸ்பூன்
மிளகாய் தூள் - 1 ஸ்பூன்
மல்லி தூள் - 2 ஸ்பூன்
உப்பு - தேவையான அளவு

அரைப்பதற்கு..

தேங்காய் - 3 ஸ்பூன்
சோம்பு - அரை ஸ்பூன்
சீரகம் - அரை ஸ்பூன்
மிளகு -  கால் ஸ்பூன்
எண்ணெய் - 5 ஸ்பூன்
உப்பு - தேவையான அளவு

தாளிப்பதற்கு...

பட்டை
கிராம்பு
ஏலக்காய்

பிரியாணி இலை

 

செய்முறை :

மட்டனை கழுவி சுத்தம்செய்து கொள்ளவும்.

வெங்காயம், தக்காளியை பொடியாக நறுக்கவும்.

அரைக்க கொடுக்கப்பட்டுள்ள பொருள்களை தண்ணீர் சேர்த்து நைசாக அரைத்து கொள்ளவும்

குக்கரை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை ஒவ்வொன்றாக போட்டு தாளித்த பின்னர் வெங்காயத்தை சேர்த்து வதக்கவும்.

வெங்காயம் நன்றாக வதங்கியதும் இஞ்சி பூண்டு பேஸ்ட் சேர்த்து வதக்கவும்.

இஞ்சி, பூண்டு விழுது பச்சை வாசனை போனவுடன் தக்காளி, கறிவேப்பிலை சேர்த்து தக்காளியின் பச்சை வாசனை போக வதக்க வேண்டும்.

பிறகு அதில் மஞ்சள் தூள், மிளகாய் தூள், மல்லி தூள் மற்றும் உப்பு சேர்த்து வதக்க வேண்டும்.

அடுத்து அதில் கழுவி வைத்துள்ள மட்டனை சேர்த்து சிறிதளவு உப்பு சேர்த்து 5 நிமிடம் நன்கு கிளறி விட வேண்டும்.

அடுத்து அதில் துவரம் பருப்பை சேர்த்து, தேவையான அளவு தண்ணீர் சேர்த்து, குக்கரை மூடி 7 விசில் விட்டு இறக்கவும்
 

10 நிமிடம் கழித்து குக்கரை திறந்து அதில் அரைத்து வைத்துள்ள தேங்காய் விழுது சேர்த்து, பச்சை வாசனை போக குழம்பை நன்கு கொதிக்க விட்டு இறக்கி, கொத்தமல்லியைத் தூவினால், மதுரை ஸ்பெஷல் மட்டன் சால்னா ரெடி.

 

https://www.maalaimalar.com