ஜெனீவா தீர்மானம்: இனிமேல்தான் முடிவு

[akootha]

""ஜெனீவாவில் நடைபெறும் ஐ.நா. மனித உரிமைகள் கவுன்சில் கூட்டத்தில் அமெரிக்கா கொண்டுவரும் தீர்மானம் குறித்து அமெரிக்காவுடன் இலங்கை அரசு பேச்சு நடத்திய பிறகு, அந்தத் தீர்மானத்தை ஆதரிப்பதா, வேண்டாமா என்பது குறித்து மத்திய அரசு முடிவு செய்யும்'' என்று வெளியுறவு அமைச்சர் சல்மான் குர்ஷித் கூறினார்.

 

 

இலங்கை போர்க்குற்றங்கள் தொடர்பாக ஜெனீவா கூட்டத்தில் அமெரிக்கா கொண்டுவரும் தீர்மானத்தை ஆதரிக்க வேண்டும் என்று திமுக, அதிமுக, இடதுசாரிக் கட்சிகள் மத்திய அரசை வலியுறுத்தி வருகின்றன.

இது தொடர்பாக நாடாளுமன்றத்தில் கடந்த மூன்று தினங்களாக அக்கட்சிகளின் உறுப்பினர்கள் குரல் கொடுத்து வருகின்றனர்.

 

இது குறித்து, நாடாளுமன்ற வளாகத்தில் செய்தியாளர்களிடம் சல்மான் குர்ஷித் புதன்கிழமை கூறியதாவது:

ஜெனீவாவில் நடைபெற்றுவரும் ஐ.நா. மனித உரிமைகள் கவுன்சில் கூட்டத்தில் இலங்கைக்கு எதிராகத் தீர்மானம் கொண்டு வரப்படும் என அமெரிக்கா கூறியுள்ளது.

 

அந்தத் தீர்மானம் தொடர்பாக அமெரிக்காவுடன் பேச்சு நடத்தி சுமுகத் தீர்வு எட்டும் வாய்ப்பை ஆராயும்படி இலங்கை வெளியுறவு அமைச்சர் ஜி.எல். பெரிûஸ கேட்டுக் கொண்டுள்ளேன்.

கடந்த ஆண்டு நடைபெற்ற ஐ.நா. மனித உரிமைகள் கவுன்சில் கூட்டத்தில் இலங்கை போர்க் குற்றங்கள் தொடர்பாக தீர்மானம் நிறைவேற்றப்பட்டது.

 

அந்தத் தீர்மானம் எந்த அளவுக்குச் செயல்படுத்தப்பட்டுள்ளது, மேற்கொண்டு என்ன செய்யப்படும் என்பன போன்றவற்றை அமெரிக்காவிடம் இலங்கை விளக்க வேண்டும்.

அத்துடன், தனக்கு எதிரான தீர்மானத்தை முன்மொழியாமல் அமெரிக்காவை தடுக்கும் வாய்ப்புகளை இலங்கை அரசு ஆராய வேண்டும்.

 

இலங்கை போர்க்குற்றங்கள் குறித்த விவகாரம் மனிதாபிமானத்துடன் தொடர்புடையது. இந்த விஷயத்தில் யார் பெரியவர், யார் சிறியவர் என்று பார்க்காமல் பரஸ்பரம் பேசித் தீர்வு காண வேண்டும் என்று ஜி.எல். பெரிûஸ கேட்டுக் கொண்டுள்ளேன். அதன் பிறகே இந்தியாவின் நிலை தெளிவுபடுத்தப்படும். அதுவரை சம்பந்தப்பட்டவர்கள் காத்திருக்க வேண்டும் என்று சல்மான் குர்ஷித் கூறினார்.

 

http://dinamani.com/india/article1491461.ece

[nunavilan]

இப்போதும் மதில் மேல் பூனையாக தான் இந்தியா உள்ளது.இதனால் தான் இவர்களை நண்பனாக சிறிய நாடோ பெரிய நாடோ ஏற்பதில்லை.

[புங்கையூரன்]

சுப்பிரமணியன் சுவாமியைப் பாத்துக் கொண்டு இருக்கினம் போல கிடக்கு!

[alvayan]

சு.சாமி..நேரே ஒபாமாவை சந்திதிருப்பார்.....(ஒபாமாவுடன் போட்டோ எடுப்பதற்கு சில ஆயிரங்கள் போது...அப்புறம் படம் காட்டி அரசியல் நடத்தலாம்)அப்படியே ..நேரை வந்து சோனியாவை சந்திக்கலாம்..நாய் வால் கிந்தியங்கள்...ஊழல் பெருச்சாளிகள்...திருதவே முடியாத ஜென்மங்கள்...இவங்களுக்கு தோல்வி நிச்சயம்...இப்ப இலங்கயை சாட்டிவிட்டு தப்ப நினைக்கிறங்கள்...ஏனெனில் எப்படியோ ஏதொ ஒர் தீர்மானம் வரப்போகுது...அது பெரும்பன்மை வாக்கால் நிறைவேறப்போகுது.....அதுதான் உண்மை..