இஸ்ரேலின் விவசாய நீர்ப்பாசன முறைகள்

[ஈசன்]

.

Drip Irrigation ஐ மிகவும் செவ்வையாகப் பயன்படுத்துவதன் மூலம் பாலைவனங்களை சோலைகளாக்குகின்றார்கள்.

நீர், பசளை என்பன மிகக்குறைந்த அளவில் பயன்படுத்தப்பட்டு நல்ல விளைச்சல் பெறப்படுகின்றது. நீர், பசளை விரயமாதல் தவிர்க்கப்படுகின்றது.

[media=]

[புங்கையூரன்]

இணைப்புக்கு நன்றிகள், ஈசன்!

எமது நாட்டுக்கும், வருங்காலத்தில் இந்த முறை பயன்படுத்தப் படலாம்.

அவுஸில்,Hydroponic முறை, பயன்படுத்தப்படும், இடங்களுக்குப் போயிருக்கின்றேன்! குறைந்த இடப்பரப்பில் விளைச்சல் மிகவும் அதிகமாகக் கிடைக்கின்றது! கிருமிநாசினிகள், உபயோகிக்கும் தேவையும் இல்லை! வருடம் முழுவதும், உற்பத்தி செய்கிறார்கள்!

[அபராஜிதன்]

பகிர்வுக்கு நன்றி

[குமாரசாமி]

நல்லதொரு இணைப்பு.எம்மவருக்கு பயன்படக்கூடியதுமானது. நன்றி ஐயா

[குமாரசாமி]

இணைப்புக்கு நன்றிகள், ஈசன்!

எமது நாட்டுக்கும், வருங்காலத்தில் இந்த முறை பயன்படுத்தப் படலாம்.

அவுஸில்,Hydroponic முறை, பயன்படுத்தப்படும், இடங்களுக்குப் போயிருக்கின்றேன்! குறைந்த இடப்பரப்பில் விளைச்சல் மிகவும் அதிகமாகக் கிடைக்கின்றது! கிருமிநாசினிகள், உபயோகிக்கும் தேவையும் இல்லை! வருடம் முழுவதும், உற்பத்தி செய்கிறார்கள்!

ஐரோப்பாவின் மரக்கறித்தோட்டங்களான ஸ்பானியாவிலும்.நெதர்லாந்திலும் இதேமுறையில்த்தான் பயிரிடுகின்றார்கள்.

[ஈசன்]

.

நானும் Dural, Glenorie போன்ற பகுதிகளில் Hydroponic Green Houses பார்த்திருக்கிறேன் பூங்கையூரன். நிறைய ஆசைகள் இருக்கிறது. பார்க்கலாம்.

அபராஜிதன், கு.சா மிக்க நன்றிகள்.

தீவுப்பகுதிகளில் / யாழின் ஏனைய பகுதிகளில் இருக்கும் தரவை என்று சொல்லப்படும் மைல்கணக்கான வெட்ட வெளிகளை எப்படி சோலைகளாக்கலாம் என்று சிறு வயது முதலே நிறைய யோசித்து வைத்திருக்கிறேன். அதைப்பற்றி அடுத்ததாக எழுதலாம். அதற்குரிய ஒரு அறிமுகம் தான் இந்த Drip Irrigation.

[இணையவன்]

ஐரோப்பிய நாடுகளிலும் நிலத்தடியில் இருந்து எடுக்கப்படும் நீருக்குத் தட்டுப்பாடு ஏற்பட்டுள்ளது. ஏறத்தாள இதே முறையைத்தான் சில இடங்களில் பாவிக்கின்றனர்.

ஆபிரிக்காவில் இரவில் காற்றில் இருக்கும் ஈரப்பதனை நீராக்கி பகலில் நீர்ப்பாசனம் செய்யும் முறையை எங்கோ பார்த்துள்ளேன்.

[புங்கையூரன்]

ஐரோப்பிய நாடுகளிலும் நிலத்தடியில் இருந்து எடுக்கப்படும் நீருக்குத் தட்டுப்பாடு ஏற்பட்டுள்ளது. ஏறத்தாள இதே முறையைத்தான் சில இடங்களில் பாவிக்கின்றனர்.

ஆபிரிக்காவில் இரவில் காற்றில் இருக்கும் ஈரப்பதனை நீராக்கி பகலில் நீர்ப்பாசனம் செய்யும் முறையை எங்கோ பார்த்துள்ளேன்.

இணையவனுக்காக, மிகவும் சிரமப்பட்டுத் தேடியெடுத்த படம்!

[தப்பிலி]

மிகவும் பயனுள்ள இணைப்பு.

உலக அளவில் நீர்ப்பற்றாக்குறை அதிகரித்து வருவதால், இந்த முறையை உபயோகிக்க ஆரம்பிப்பது நல்லது.

ஈசன் உங்கள் தொடரை ஆரம்பியுங்கள். நிறையப் பயனுள்ளதாக இருக்கும்.

[அபராஜிதன்]

உங்கள் தொடரையும் ஆரம்பியுங்கள்

(ஒர்கானிக் farm) பூச்சிகொல்லிகள் இரசாயன உரம்கள் பயன்படுத்தாமல் செய்யபடும் பயிர்செய்கை முறை பற்றி யும் எழுதுங்கள் (உங்களுக்கு தெரிந்தவற்றை)

[media=]

இந்த காணொலியினை பாருங்கள் ஒர்கானிக் ஃபார்ம் பற்றிய அதன் தேவை பற்றி சில தகவல்கள் இருக்கிறது

[ஈசன்]

.

இணையவன் சொல்லியது இப்படியானதாகத் தான் இருக்க வேண்டும். இரவில் காற்றின் ஈரப்பதன் குளிரிற்கு அதிகரித்து பனியாக ஒடுங்கும் போது பிளாஸ்ரிக் மேற்பரப்பில் விழுந்து தாவரத்தின் தண்டின் அடிப்பகுதிக்குச் செல்கிறது. (மாசிப் பனி மூசிப்பெய்யும் !!)

மற்றொரு முறை குளிரூட்டித் ( Air Condition - AC ) தத்துவத்தினை போன்றது. குளிரூட்டியினுள் நுழைவதற்கு முன் காற்றானது ஈரலிப்பான செங்கல் அடுக்கினூடாகச் செல்லும். இதன் போது காற்றின் வெப்பநிலையும் குறையும். அதன் ஈரலிப்பும் அதிகரிக்கும். (செங்கல் கடல் நீரினால் ஈரலிப்பாக்கப் படுகின்றது.) குளிரூட்டி காற்றின் வெப்பநிலையை மேலும் குறைக்க காற்றின் ஈரப்பதன் நீராக ஒடுங்குகின்றது.

* * * * *

மிக்க நன்றி தப்பிலி. விவசாயம் விருப்பமான தொழில். வஞ்சகமில்லாமல் இங்க எழுதுவோம்.

* * * * *

"சத்தியமே வெல்லும்" பிற்பாடு பார்த்துச் சொல்கிறேன் அபராஜிதன். நீளமாக இருக்கிறது. 1 மணித்தியாளம்!!

இணைப்பிற்கு நன்றி.

[இணையவன்]

தகவல்களுக்கு நன்றி ஈசன்.

நான் குறிப்பிட்டது புங்கையூரன் இணைத்த படம் போன்று நீண்ட வலைத் தொகுதிகளை அமைத்து இரவில் குளிர் காற்றில் உள்ள நீரினை அவற்றில் படியவைத்துச் சேமிப்பதாகும்.

2005 இல் யாழ்ப்பாணம் போனபோது நிலாவரை கிணற்றைச் சுற்றியுள்ள பகுதிகளில் சீமெந்தினால் கட்டப்பட்ட சிறு நீர்ப்பாசன கால்வாய்களைக் காண முடிந்தது. அவற்றில் இப்போது நீர்ப்பாசனம் செய்வதில்லை என்றார்கள். கூடுதலான நீரைக் கிணற்றிலிருந்து வெளியேற்றியதால் உப்பு கலந்த நீர் தற்போது அதில் வருவதாகக் கூறினார்கள்.

அதிகரித்து வரும் தேவைக்கேற்ப நவீன உபகரணங்களைப் பாவித்து விவசாயம் செய்ய வேண்டியுள்ள இன்றைய நிலையில் யாழ்ப்பாணத்தின் நீர்க் கொள்ளளவு ஆபத்தான எதிர்காலத்தை நோக்கிச் சென்றுகொண்டுள்ளது. நிலத்தடி நீரைக் கட்டுப்பாடற்ற முறையில் அங்கு பாவிக்கப்படுகின்றது. ஏறத்தாள எல்லாப் பக்கமும் கடலால் சூழப்பட்ட யாழ்ப்பாணத்தின் நிலத்தடி நீரினைப் படிப்படியாக உப்புநீர் ஆகிரமிக்கலாம்.

அரசாங்கம் இதனை அலட்சியமாகவே கையாளும். அங்குள்ள மக்களுக்கு விழிப்புணர்வு ஏற்படுத்தப்பட வேண்டும்.

[ஈசன்]

.

அதுவும் ஒரு வெற்றிகரமான முறை இணையவன். சிலி நாட்டில் வெற்றிகரமாக இயங்கி நாளொன்றுக்கு 15,000 லீட்டர் தண்ணீர்வரை உற்பத்தி செய்ததாக இணையத்தில் போட்டுள்ளார்கள். ஆனால் உயரமான மலைப்பகுதிகளிளேயே இம்முறை வேலை செய்யும். பனிப்புகார் ஏற்படும் அளவிற்கு உயரம் வேண்டும்.

இது ஒர் Passive Method.

Air Condition தத்துவத்தினை போன்ற ( Active Method ) முறை மூலம் வளிமண்டல ஈரப்பதனைப் பிரித்து எடுக்கும் ஆய்வு வேலைகளில் யாருக்காவது ஆர்வம் இருந்தால் தெரியப்படுத்துங்கள். அதைப்பற்றி கலந்துரையாடலாம்.

* * * * * * * *

இனி.. இது சம்பந்தமாக ஒரு சிறிய கானொலி..

[media=]

[ஜீவா]

இதையும் கொஞ்சம் பாருங்கள்..

[துளசி]

பகிர்வுக்கு நன்றி ஈசன் அண்ணா. விவசாயம் பற்றி எனக்கு ஒன்றும் தெரியாது. ஆனால் நானும் இத்திரியில் இணைந்திருக்கிறேன். படங்கள் அழகாக இருக்கின்றன.

[ஜீவா]

Pictured here is corn growing now at Wise Farms. Irrigation pipes are under the plastic to control the water supply to the tender young plants. The plastic also keeps weed growth on the farm to a minimum.

The corn will grow very fast and will be ready early summer. Can't wait!

[ஜீவா]

[விசுகு]

நன்றி பதிவுவுக்கு ஈசன்

இன்று தான் பார்த்தேன்

தண்ணீருக்கு தட்டுப்பாடு நிலவும் ஊரைச்சேர்ந்த எனக்கு இது மிகவும் பயனுள்ளதாக இருக்கும்

(மழை நீரை பாடசாலைகளில் சேமிக்கும் திட்டம் ஒன்றை எமது ஊரில் ஆரம்பித்துள்ளோம். அது சிறிது சிறிதாக வளர்ந்து ஒவ்வொரு வீட்டிலும் ஆந்த முறையை ஏற்படுத்துவதே முதல் திட்டம். அந்தவகையில் அதன் அடுடத்த கட்டமாக இது எமக்கு பயன்படும்)

[இசைக்கலைஞன்]

கறுப்பு பிளாஸ்டிக்கால் செடியின் அடியை மூடியிருக்கிறார்களே.. வெப்பத்தை தக்க வைப்பதற்கா?

[அபராஜிதன்]

கறுப்பு பிளாஸ்டிக்கால் செடியின் அடியை மூடியிருக்கிறார்களே.. வெப்பத்தை தக்க வைப்பதற்கா?

எனக்கும் இதில் சந்தேகம் இருக்கிறது கருப்பு பிளாஸ்டிக் வெப்பத்தினை உறிஞ்சும் அல்லவா? அதை பயன்படுதுவதால் ஈரலிப்பு உலர்த்தபட்டுபட்டு விடுமல்லவா செடியின் அடிப்பகுதியில் உள்ள?

[இசைக்கலைஞன்]

எனக்கும் இதில் சந்தேகம் இருக்கிறது கருப்பு பிளாஸ்டிக் வெப்பத்தினை உறிஞ்சும் அல்லவா? அதை பயன்படுதுவதால் ஈரலிப்பு உலர்த்தபட்டுபட்டு விடுமல்லவா செடியின் அடிப்பகுதியில் உள்ள?

இரவில் குளிர் அதிகம் உள்ள பிரதேசங்களில் வேர் உள்ள பகுதி உறைந்துபோகாமல் (Freezing up) தடுக்க உதவும்தானே..

பகலில் வெப்பம் அதிகமாகும்போது நீர் ஆவியானாலும் பிளாஸ்டிக் உறையினால் தடுக்கப்பட்டு பிறகு வெப்பம் தணிந்தவுடன் மீண்டும் நீர் ஆகும்.

[nedukkalapoovan]

கறுப்பு பிளாஸ்டிக்கால் செடியின் அடியை மூடியிருக்கிறார்களே.. வெப்பத்தை தக்க வைப்பதற்கா?

1. தாவரத்தைச் சுற்றிய பகுதியில் கூடிய அளவு ஈரலிப்பை தக்க வைக்க.

2. தேவையான தாவரத்தை அண்டிய பகுதியில்.. தாவரப் பீடைகளை கட்டுப்படுத்த. இதன் மூலம் இரசாயன பீடை நாசினிகளை தவிர்த்து.. செலவைக் கட்டுப்படுத்தி.. இனவிடை போட்டியை குறைத்து விளைச்சலை கூட்ட முடியும்..!

என்று நினைக்கிறேன்.

ஆனால்.. இதில் பாதகங்களும் உள்ளது. குறிப்பாக.. இந்த ஈரலிப்பான.. இருண்ட சூழல்.. நுண்ணங்கிகளுக்கு.. மற்றும்... பூச்சி வகைகளுக்கு.. சாதமாகலாம். அவை தாவரங்களை தாக்கக் கூடும். மேலும்.. கறுப்பு பிளாஸ்ரிக்.. துளையிடப்படாத நிலையில் பாவிக்கப்படும் நிலையில்.. தாவர வேர்ப்பகுதியில் ஒக்சிசன்.. மற்றும் நீர் பரவல் குறைய வாய்ப்புள்ளது..!

[புங்கையூரன்]

கறுப்பு பிளாஸ்டிக்கால் செடியின் அடியை மூடியிருக்கிறார்களே.. வெப்பத்தை தக்க வைப்பதற்கா?

அவுஸ்திரேலியா ஒரு வெப்பநிலை கூடிய நாடு, இசை!

இங்கு அனேகமாக வீட்டுத் தோட்டங்களில் கூட, இந்தக் கறுப்புப் பிளாஸ்டிக் போடுவதுண்டு!

முதல் காரணம் 'புற்கள்!, இரண்டாவது காரணம், நீர் ஆவியாக வெளியேறுவதைத் தடுத்தல்! இங்கு வளரும், உள்ளூர்ப் புல்லின் பெயர், கைக் கியூ, என அழைக்கப் படும்! அத்துடன் பற்றி ஏரிகள்! முளைத்து மூன்று நாட்களில், உங்கள் முழங்காலைத் தடவி 'ஹாய்' சொல்லக் கூடியவை!

மத்திய அவுஸ்திரேலியாவில், உள்ள நகரமொன்றின், வீதிக்கரையில் முட்டை ஒன்று,, சூரிய வெப்பத்தில் பொரிக்கப் படுகின்றது!

[இசைக்கலைஞன்]

ஸ்ஸ்ஸப்பா.. இதுக்கு கனடா பரவாயில்லை..

[ஈசன்]

.

இசை, நெடுக்ஸ், பூங்கையூரன் சொன்னது போல் கறுப்புப் படலத்தின் நன்மைகள்

1. ஒளி புகாமல் தடுப்பதனால் களைகள் வளராமல் தடுக்கப்படும். இது முதன்மைக் காரணம்.
   
2. படலத்தின் கீழ் மண் வெப்பநிலை அதிகரிப்பதால் தீங்கு செய்யும் குடம்பிகள், புழுக்கள், ஃப‌ங்கஸ் என்பன கொல்லப்படும்.
   
3. அதிகரித்த மண் வெப்பநிலை வேர் தொழிற்பாட்டை அதிகரிக்கின்றது. இதனால் தாவரம் விரைவாக வளர்கின்றது.
   
4. மூடி இருப்பதால் ஆவியாகும் நீர் மீண்டும் ஒடுங்கி தாவரத்திற்கே கிடைக்கிறது.
   

* * * * * * * *

மேலே இணையவனுக்காக இணைக்கப்பட்ட பிளாஸ்ரிக்கினால் ஆன படியும் பனியை பிடிக்கும் சதுரங்களை டால் யா (Tal - Ya) என்னும் இஸ்ரேலிய கம்பனி தயாரிக்கின்றது. இந்த மிக எளிமையான ஒரு தொழில் நுட்பத்தின் மூலம் பாலவனத்தில் எப்படி திராட்சை காய்த்துக் குழுங்குகின்றது என்பதைப் பாருங்கள்.

படம் துளசியும் பார்த்து ரசிப்பதற்கு.

அழகான படங்களிற்கு நன்றி ஜீவா.

தகவலுக்கு நன்றி விசுகு அண்ணா. வளி மண்டல ஈரப்பதனை நீராக்கும் உபகரணம் எம் ஊர்களில் மிகவும் வெற்றிகரமாக வேலை செய்யும். ஊர் புழுக்கம் (வியர்வை) ஞாபகம் இருக்கிறது தானே ?

* * * * * * *

இனி...

இந்த தரவைகளில் காணப்படும் பயிர்ச்செகைக்கு ஒவ்வாத காரணிகள்.

1. மெல்லிய மண் படை

--சில இடங்களில் ஒரு சாண் தடிப்புக் கூட இல்லை. சிறிது கிண்டவே பார் வந்து விடும்.

2. கோடை காலங்களில் உலர்ந்த, வரண்ட‌ மண்.

3. மாரிகாலங்களில் நீர் தேங்கி நிற்றல்.

4. கடலுக்கு அண்மையாகவோ, கடலோடு தொடர்பான ஏரிகளுக்கு அண்மையாகவோ காணப்படுவதால் இந்த தரவைகளில் நிலக்கீழ் நீர் உவர்பானதாகக் காணப்படும்.

5. களித்தன்மையான மண்.

.