நவீனன்

கருத்துக்கள உறவுகள்
  • Content count

    46,738
  • Joined

  • Last visited

  • Days Won

    317

நவீனன் last won the day on May 21

நவீனன் had the most liked content!

Community Reputation

5,789 நட்சத்திரம்

About நவீனன்

  • Rank
    Advanced Member

Profile Information

  • Gender
    Male
  • Location
    Germany
  • Interests
    cricket,internet,

Recent Profile Visitors

23,380 profile views
  1. பஸ்சை இழுத்த பேராண்மை சீனர்! கொசகொசவென சிக்கலான நூடுல்ஸை குச்சியில் குத்தி தின்னும் சீனர்கள், யோசிப்பதே மீட்டருக்கு மேல ரகத்தில்தான். அதிலும் குங்பூ மாஸ்டர்களின் சாதனைகளெல்லாம் ஏன் இப்படி? என்ற விநோதரச மஞ்சரி கேட்டகிரியில் வருபவைதான். சீனாவின் குவாங்டாங் பகுதியைச் சேர்ந்த குங்பூ மாஸ்டர் ஹூயூசு செய்த சாதனையைத்தான் உலகில் பலரும் கிச்சுகிச்சு சிரிப்போடு பேசிக்கொண்டிருக்கிறார்கள். மாஸ்டர் என்ன காரியம் செய்தார் தெரியுமா? சிம்பிள். பஸ்ஸை இழுத்தார். அவ்வளவுதான். கயிற்றால் அல்ல. தன் ஆண் உறுப்பால் என்பதுதான் சீனா முழுக்க குருவின் புகழ் தீயாய் பரவக் காரணம். பஸ்ஸை பல்லைக்கடித்துக் கொண்டு தம் கட்டி 6 அடி தொலைவுக்கு கட்டி இழுத்து சாதித்திருக்கிறார் மாஸ்டர் ஹூயூசூ. பஸ்ஸின் எடை எவ்வளவு தெரியுமா? ஜஸ்ட் 13 டன்கள்! http://www.kungumam.co.in
  2. இன்று நடந்த பயிற்சி ஆட்டத்தில் Sri Lanka 318/7 (50.0 ov) Australia 319/8 (49.4 ov) Australia won by 2 wickets (with 2 balls remaining)
  3. படமெடுத்தவாறே ஜீவ சமாதி நாகபாம்பு ஒன்று படமெடுத்தவாறே ஜீவ சமாதியாகியுள்ளமை இங்கு காணலாம்.
  4. இது வரையில் போட்டியில் கலந்து கொண்டவர்கள்.. 1. ஈழப்பிரியன் 2. nesen 3. suvy 4. நந்தன் 5. nunavilan 6. நிழலி 7. ஜீவன் சிவா 8. வாத்தியார் 9. vasanth1 10. EppothumThamizhan 11. செந்தமிழாளன் 12. தமிழினி 13. யாழ்கவி 14. கறுப்பி 15. கிருபன் 16. பகலவன் 17.Ahasthiyan போட்டி முடிவு திகதி 30.05.2017 ஜெர்மனி நேரம் மதியம் 12 மணி.
  5. 9 மில்லியன் டாலர் வரி ஏய்ப்பு?: சிக்கலில் கிறிஸ்டியானோ ரொனால்டோ ரியல் மாட்ரிட்டின் கிறிஸ்டியானோ ரொனால்டோ 9 மில்லியன் டாலர் அளவில் வரி ஏய்ப்பு செய்துள்ளதாக கூறப்படுகிறது. போர்ச்சுக்கல் நாட்டின் முன்னணி கால்பந்து வீரர் கிறிஸ்டியானோ ரொனால்டோ. இவர் ஸ்பெயின் நாட்டின் முன்னணி கிளப் அணியான ரியல் மாட்ரிட் அணிக்காக விளையாடி வருகிறார். அந்த அணியில் வாரத்திற்கு ஒரு கோடி ரூபாய்க்கு மேல் சம்பளம் வாங்குகிறார். மேலும், விளம்பரங்கள் மூலம் பலகோடி ரூபாய் சம்பாதித்து வருகிறார். இதுபோன்று சம்பாதித்த வருமானத்திற்கு உரிய வகையில் வரி கட்டவில்லை என்ற விமர்சனம் எழுந்தது. சமீபத்தில் இதே விவகாரத்தில் மெஸ்சியின் தண்டனையை குறைக்க உச்சநீதிமன்றம் மறுத்துவிட்டது. இதனால் ரொனால்டோ விவகாரம் சூடுபிடித்துள்ளது. ஸ்பெயின் நாட்டின் வரித்துறை அதிகாரிகள் சுமார் 8.95 மில்லியன் டாலர் அளவிற்கு ரொனால்டோ மோசடி செய்துள்ளதாக கருதுகின்றனர். கிறிஸ்டியானோ ரொனால்டோ 2011-ல் இருந்து 2013-வரை தனது படத்தை விளம்பரத்துக்கு பயன்படுத்துவதற்கான உரிமை குறித்து சரியான தகவலை தெரிவிக்கவில்லை என்று ஸ்பெயின் பத்திரிகைகள் வெளியிட்டுள்ளன. அதனடிப்படையில் இந்த விவகாரம் வெளி வந்துள்ளது. ஒருவேளை வருமான வரித்துறையினர் விசாரணை நடத்தி, ரொனால்டோ மீது குற்றம் நிரூபிக்கப்பட்டால் ஒரு வருடத்திற்கு நான்கு மாதம் என 12 மாதங்கள் சிறைத்தண்டனை அனுபவிக்க வேண்டியிருக்கும். http://www.maalaimalar.com/News/Sports/2017/05/26212946/1087386/Cristiano-Ronaldo-Defrauded-Nearly-9-Million-Dollar.vpf
  6. நிவாரணப் பொருட்களுடன் இலங்கை விரையும் இந்திய கப்பல் படத்தின் காப்புரிமைGETTY IMAGES இலங்கையில் ஏற்பட்டுள்ள கடும் வெள்ளப்பெருக்கு மற்றும் நிலச்சரிவில் சிக்கியுள்ள பொதுமக்களை மீட்க அண்டை நாடுகளின் உதவியை இலங்கை கோரியிருந்த நிலையில், உடனடியாக எதிர்வினையாற்றிய இந்திய அரசு நிவாரணப் பொருட்களுடன் கப்பல் ஒன்றை இலங்கைக்கு அனுப்பியுள்ளது. இந்த தகவலை கொழும்பில் உள்ள இந்திய உயர் ஆணையர் இன்று (வெள்ளிக்கிழமை) அறிவித்துள்ளார். மேலும், நிவாரணப் பொருட்களுடன் மற்றொரு கப்பல் ஞாயிறன்று இலங்கைக்கு வந்து சேரும் என்றும் அவர் தெரிவித்துள்ளார். இலங்கையில் சீரற்ற கால நிலை தொடரும் நிலையில் மழை வெள்ளம் மற்றும் நிலச்சரிவுகளில் சிக்கி மரணமடைந்த மற்றும் காணாமல் போனவர்களின் எண்ணிக்கை தொடர்ந்து அதிகரித்து வருகின்றது. களுத்துறை , இரத்தினபுரி , மாத்தறை மற்றும் கேகாலை ஆகிய நான்கு மாவட்டங்களிலும் வெள்ளிக்கிழமை மாலை வரையில் 91 மரணங்கள் பதிவாகியுள்ள அதே வேளை 110 பேர் காணாமல் போயுள்ளதாக அரசு பேரிடர் முகாமம்துவ மையத்தின் துனை இயக்குநரான பிரதீப் கொடிப்பிலி கூறுகின்றார். தென் , மேல் மற்றும் சப்ரகமுவ மாகாணங்களில் ஏற்பட்ட இந்த அனர்த்தம் தொடர்பாக வெள்ளிக்கிழமை இரவு அரசு பேரிடர் முகாமைத்துவ மையம் வெளியிட்ட அறிக்கையில் மேல் மாகாணத்திலே கூடுதலானோர் உயிரிழந்தும் காணாமலும் போயுள்ளதாக கூறப்பட்டுள்ளது. அம் மாகாணத்திலுள்ள களுத்துறை மாவட்டத்தில் மட்டும் 38 பேர் மரணமடைந்துள்ளனர்.80 பேர் காணாமல் போயுள்ளனர். மற்றுமோர் மாவட்டமான கம்பகாவில் 2 பேர் உயிரிழந்துள்ளனர். சப்ரகமுவ மாகாணத்தில் இரத்தினபுரி மாவட்டத்தில் 46 பேரும் கேகாலை மாவட்டத்தில் 2 பேரும் என 48 மரணங்கள் பதிவாகியுள்ளன. தென் மாகாணத்தில் ஹம்பாந்தோட்டை -01 மற்றும் காலி -02 என பேர் பலியாகியுள்ளனர். மற்றுமோர் மாவட்டமான மாத்தறை மாவட்டத்தில் 30 பேர் பற்றிய தகவல்கள் இல்லை என அரசு பேரிடர் முகாமைத்துவ மையம் வெளியிட்டுள்ள அறிக்கையில் குறிப்பிடப்பட்டுள்ளது . மூன்று மாகாணங்களிலும் இந்த அனர்த்தம் காரணமாக சுமார் 16 ,500 குடும்பங்களை சேர்ந்த 61 ஆயிரம் பேர் பாதிப்புக்குள்ளாகியுள்ளதாக அரசு பேரிடர் முகாதத்துமம்தின் தகவல்கள் மூலம் தெரியவந்துள்ளது. படத்தின் காப்புரிமைGETTY IMAGES அம்மாவட்டத்தில் மரணமடைந்தவர்களின் எண்ணிக்கை -. 38 என்றும் காணாமல் போனவர்களின் எண்ணிக்கை - 80 என தெரிவிக்கப்பட்டுள்ளது. கடந்த புதன்கிழமை தொடக்கம் நாட்டின் மேல், சப்ரகமுவ மற்றும் தென் மாகாணங்கள் உள்ளிட்ட சில பிரதேசங்களில் கன மழை பெய்து வருகின்றது. கன மழை காரணமாக நீர்த் தேங்கங்களும் நீர் நிலைகளும் நிரம்பி வழிகின்றன. இதன் காரணமாக தாழ்ந்த பிரதேசங்களில் வெள்ளம் ஏற்பட்டுள்ளது . பல கிராமங்களும் நகரங்களும் வெள்ளத்தில் மூழ்கி காணப்படுகின்றன. வெள்ளத்திலும் நிலச்சரிவு அனர்த்தத்திலும் சிக்கியுள்ளவர்களை மீட்கும் பணியில் முப் படையினரும் ஈடுபட்டுள்ளனர்.மழை வெள்ளம் மற்றும் நிலச்சரிவு காரணமாக சில பிரதேசங்களில் போக்குவரத்து தடை தொடர்ந்து காணப்படுகின்றது. படத்தின் காப்புரிமைGETTY IMAGES தலைநகர் கொழும்புக்கு அண்மித்த களனி கங்கையின் நீர் மட்டம் உயர்ந்து வருவதால் அடுத்த 48 மணி நேரத்திற்குள் கங்கை பெருக்கெடுக்கும் அபாயம் இருப்பதாக நீர்ப்பாசன இலாகா கூறுகின்றது. களனி கங்கையை அண்மித்த மற்றும் அதன் கிளைகளை அண்மித்த பகுதிகளிலுள்ள குடியிருப்பாளர்கள் அங்கிருந்து வெளியேறி பாதுகாப்பான இடங்களுக்கு செல்லுமாறு அறிவிக்கப்பட்டுள்ளது. அனர்த்தத்திற்குள்ளான மாவட்டங்களிலுள்ள மாவட்ட செயலகங்கள் மற்றும் பிரதேச செயலகங்களில் பணியாற்றும் பணியாளர்களின் அனைத்து விடுமுறைகளும் மறு அறிவித்தல் வரை ரத்து செய்யப்பட்டுள்ளதாக உள்நாட்டு அலுவல்கள் அமைச்சு அறிவித்துள்ளது . http://www.bbc.com/tamil/sri-lanka-40064495
  7. பின்லேடனின் கடைசி நிமிடங்களில் நடந்தது என்ன? உடனிருந்த மனைவியின் முதல் பேட்டி படத்தின் காப்புரிமைREUTERS அல்-கொய்தா தீவிரவாத அமைப்பின் தலைவர் ஒசாமா பின்லேடன் பாகிஸ்தானில் பதுங்கியிருந்தபோது, 2011-ஆம் ஆண்டு மேமாதம் முதல் நாள், அமெரிக்க ராணுவம் சுட்டுக் கொன்றது பற்றிய விஷயம் மீண்டும்-மீண்டும் பேசப்பட்டாலும், ஒசாமாவின் இறுதி நிமிடங்களில் அவருடன் இருந்தவர் சொல்வது என்ன? அந்த இருட்டான இரவு நேரத்தில் என்ன நடந்தது என்று மனம் திறந்து முதன்முறையாக சொல்கிறார் ஒசாமா பின்லேடனின் நான்காவது மனைவி அமால். ஸ்காட் கிளார்க் மற்றும் அட்ரியன் லெவி இணைந்து எழுதிய, "த எக்ஸைல்: த ப்ளைட் ஆஃப் ஒசாமா பின் லேடன் அபவுட் த லாஸ்ட் ஃப்யூ மினிட்ஸ் ஆஃப் 9/11 மாஸ்டர்மைண்ட்ஸ் லைஃப் புத்தகத்திற்காக, அமால் அவர்களிடம் மனம் திறந்து பேசியிருக்கிறார். "சண்டே டைம்ஸ் யூ.கே" -இல் இந்த புத்தகத்தின் ஒரு பகுதி வெளியாகியுள்ளது. 2011, மே முதல் தேதியன்று இரவு உணவு முடிந்து, பாத்திரங்களும் சுத்தம் செய்யப்பட்டன. வழக்கமான இரவு நேர தொழுகைக்கு பின் ஒசாமா பின்லேடனும், அமாலும் மேல் மாடியில் இருந்த படுக்கையறைக்கு சென்றுவிட்டனர். இரவு 11 மணி இருக்கும், ஒசாமா ஆழ்ந்த நித்திரையில் இருந்தார். படத்தின் காப்புரிமைGETTY IMAGES பாகிஸ்தானின் அபோட்டாபாதில் ஒசாமா பின்லேடன் ரகசியமாக மறைந்து வாழ்ந்த வீட்டில் திடீரென்று மின்சாரம் தடைபட்டு, வீடு முழுவதும் இருளில் மூழ்கியது. பாகிஸ்தானில் மின்சாரத் தடை ஏற்படுவது வழக்கமானது என்பதால், யாரும் அதை பெரிதாக எடுத்துக் கொள்ளவில்லை. நள்ளிரவு நேரம், அமாலின் மனதில் காரணமே இல்லாமல் ஏதோ கலக்கம் ஏற்பட்டு தூக்கம் கலைந்தது. ஏதோ சப்தம் கேட்டதாக தோன்றினாலும், அது பிரம்மையாக இருக்கும் என்று நினைத்தார், ஆனால் சிறிது நேரத்திலேயே மாடியில் யாரோ ஏறுவது போல தோன்றியதால் அமாலுக்கு கவலை ஏற்பட்டது. உன்னிப்பாக கவனித்தார். மின்சாரம் இல்லாமல், இருள் சூழ்ந்த நள்ளிரவாக இருந்தாலும், யாரோ கடந்து போனது நிழல் போல தெரிந்தது. சப்தங்கள் அதிகமானது, ஜன்னல் வழியாக காற்று உள்ளே வந்தபோது, அன்னியர்கள் நுழைந்துவிட்டார்களோ என்ற அமாலின் சந்தேகம் உறுதியானது. படத்தின் காப்புரிமைGETTY IMAGES இதற்கிடையில் படுக்கையில் படுத்திருந்த ஒசாமா பின்லேடனும் திடுக்கிட்டு எழுந்து உட்கார்ந்தார். அவர் முகத்தில் அச்சம் நிலவியது அப்பட்டமாக தெரிந்தது. கணவர் தன்னை பிடித்துக் கொண்டதாக கூறும் அமால், "எங்களை யாரோ உற்றுப்பார்ப்பது போலவும், மேலே ஆட்கள் ஓடுவது போலும் உணர்ந்தேன். சட்டென்று நாங்கள் இருவரும் அங்கிருந்து எகிறி குதித்து ஓடினோம். எங்கள் வீட்டின் சுவர்கள் அதிர்ந்தன. ''பால்கனியை ஒட்டியிருந்த கதவின் வழியாக பார்த்தோம், அவர்கள் உள்ளே வந்துக் கொண்டிருந்தார்கள். அமெரிக்காவின் பிளாக் ஹாக் ஹெலிகாப்டர் வீட்டின் அருகே இருந்ததை பார்த்துவிட்டோம். சில நிமிடங்களில் மற்றொரு ஹெலிகாப்டரும் வந்துவிட்டது. அத்துடன், அமெரிக்க ராணுவத்தின் சிறப்பு குழுவும் அவர்களுடன் இணைந்து கொண்டது'', என்று மறக்கமுடியாத அந்த இரவை பற்றி அமால் வர்ணிக்கிறார். படத்தின் காப்புரிமைGETTY IMAGES யாரோ தங்களை ஏமாற்றிவிட்டதை அவர்கள் உணர்ந்ததாக தோன்றியதாக, ஒசாமாவின் கடைசி நிமிடங்கள் பற்றிய புத்தகத்திற்காக கொடுத்த பேட்டியில் அமால் சொல்கிறார். பல ஆண்டுகளாக ரகசியமாகவும், பாதுகாப்பாகவும் இருந்த அந்த வீடே தங்களுக்கு மரணப்பொறியாக மாறிவிட்டது என்கிறார் அமால். ஒசாமா பின்லேடனின் நான்கு மனைவிகளில் மூன்று பேரும், குழந்தைகளும் இரண்டாவது மாடியில் இருந்த படுக்கையறைக்குள் வந்துவிட்டார்கள், என்ன செய்வது என்று யாருக்கும் புரியவில்லை, அனைவரும் தொழுகை செய்தார்கள். வழக்கமான தொழுகைக்கும், அன்றைய கனத்த இரவின் தொழுகைக்கும் இருந்த ஒரே வித்தியாசம், அது ஒசாமாவின் கடைசித் தொழுகையாக இருந்தது என்பது தான். பிறகு குடும்பத்தினரிடம் பேசிய ஒசாமா, ''அவர்கள் கொல்ல விரும்புவது என்னைத்தான் உங்களை அல்ல'' என்று சொன்னதுடன், மனைவிகளையும், குழந்தைகளையும் வீட்டின் கீழ்தளத்திற்கு செல்லுமாறு கூறினார். இருந்தபோதிலும், தனது மகன் ஹுசைனுடன் ஒசாமாவின் அருகிலேயே இருக்க அமால் முடிவு செய்தார். ''ஹெலிகாப்டரின் ஓசையால் அவருடைய உறக்கம் கலைந்துவிட்டது. அமெரிக்கா தன்னை சுற்றிவளைத்துவிட்ட்து என்பதை அவர் உணர்ந்துவிட்டார். வீட்டைச் சுற்றி வளைத்தவர்கள் பால்கனிக்குள் வந்துவிட்டார்கள். சப்தங்கள் அதிகமாயின, ஒரு கட்டத்தில் வீடே அதிர தொடங்கியது, அதோடு எங்களது மன அதிர்வும் அதற்கு குறைந்ததாக இல்லை'' என்கிறார் அமால். படத்தின் காப்புரிமைGETTY IMAGES வானில் நிலவில்லாத அந்த இரவில், மின்சாரமும் இல்லை. எதுவும் தெளிவாகத் தெரியவில்லை என்றாலும், தவறாக நடக்கிறது என்பதை உணர்ந்துவிட்டோம். ஹெலிகாப்டர்கள் வருகை, ஆட்கள் நடக்கும் சப்தம், வீடு அதிர்வது, எல்லாம் நிலைமையின் விபரீதத்தை உணர்த்தியது. அமெரிக்க ராணுவத்தினர் எங்கள் வீட்டிற்குள் வந்துவிட்டார்கள். செஹம் மற்றும் காலித் இருவரும் அமெரிக்கர்களை நெருக்கத்தில் பார்த்துவிட்டார்கள்''. தங்கள் இருப்பிடத்தைப் பற்றிய முழுத் தகவல்களையும் யாரோ அமெரிக்காவிற்கு தெரிவித்துவிட்டார்கள், இல்லையென்றால் இது என்றுமே சாத்தியமாகியிருக்காது என்று கூறுகிறார் அமால். ''யாரோ எங்களுக்கு துரோகம் இழைத்துவிட்டார்கள் என்பது உறுதியாக தெரிந்துவிட்டது. இப்படி சுற்றிவளைக்கப்படுவோம் என்று எங்களில் யாருமே எதிர்பார்க்கவில்லை''. ஒசாமா பின்லேடன் காலிதை அழைத்தார். அவன் ஏ.கே-47 துப்பாக்கியை கையில் எடுத்துக்கொண்டான். 13 வயதே நிரம்பிய காலிதுக்கு துப்பாக்கியை இயக்கத் தெரியாது என்பது அமாலுக்கு தெரியும். குழந்தைகள் அழுதன. அமால் அவர்களை சமாதானப்படுத்திக் கொண்டிருந்தார். அமெரிக்கா ராணுவத்தினர் மேல் மாடிக்கு வந்துவிட்டனர். அதன்பிறகு அனைத்தும் சில நிமிடங்களில் முடிந்துவிட்டது. http://www.bbc.com/tamil/global-40063262
  8. ஜெர்மனியர்கள் ரொம்ப மோசம்: அமெரிக்க அதிபர் டிரம்ப் கருத்தால் சலசலப்பு ஜெர்மனியர்கள் மிகவும் மோசமானவர்கள் என்று ஐரோப்பிய ஒன்றிய தலைவர்களிடம் அமெரிக்க அதிபர் டொனால்டு டிரம்ப் கூறியதாக தகவல்கள் வெளியாகி பரபரப்பை ஏற்படுத்தியுள்ளது. அமெரிக்க அதிபர் டொனால்டு டிரம்ப் தனது வெளிநாட்டு பயணத்தின் ஒரு பகுதியாக நேற்று பிரஸ்சல்ஸில் ஐரோப்பிய ஒன்றிய தலைவர்களை சந்தித்து பேசினார். அப்போது, அவர் ஜெர்மனியர்கள் குறித்து சர்ச்சைக்குரிய கருத்தை தெரிவித்ததாக ஜெர்மன் வார இதழில் செய்தி வெளியிடப்பட்டுள்ளது. ‘ஜெர்மனியர்கள் மிகவும் மோசமானவர்கள். அமெரிக்காவில் எண்ணற்ற கார்களை விற்பனை செய்து கொள்ளை வருமானம் ஈட்டுகின்றனர். இதனை தடுத்து நிறுத்துவோம்’ என டிரம்ப் பேசியதாக தெரிகிறது. அப்போது, குறுக்கிட்ட ஐரோப்பிய கமிஷன் தலைவர் ஜங்கர், தடையற்ற வர்த்தகத்தால் ஒவ்வொருவரும் பயனடையத்தான் செய்வார்கள் என ஜெர்மனிக்கு ஆதரவாக பேசியதாகவும் கூறப்படுகிறது. தேர்தலுக்கு முன்புகூட ஜெர்மனியையும், அந்நாட்டின் சான்சலர் ஏஞ்சலா மெர்கலையும் டிரம்ப் தாக்கிப் பேசினார். இத்தாலியில் இன்று நடைபெற உள்ள ஜி7 மாநாட்டின்போது ஏஞ்சலா மெர்கலை டிரம்ப் சந்திக்க திட்டமிட்டுள்ளது குறிப்பிடத்தக்கது. http://www.maalaimalar.com/News/TopNews/2017/05/26194311/1087374/Trump-reportedly-calls-Germans-very-bad.vpf
  9. தமிழகத்தில் இடி மற்றும் மழையால் 8 பேர் பலி..!! தமிழகத்தின் பல்வேறு பகுதிகளில் இடி மற்றும் மழை காரணமாக 8 பேர் பலியாகியுள்ளனர், 6 ஆடுகள் உயிரிழந்துள்ளது. திருவண்ணாமலை மாவட்டம் செங்கம் தளவாநாயக்கன்பேட்டையில் உள்ள தனியார் நெல் அரவை ஆலையில் கூலி வேலையில் 7 பெண்கள் ஈடுபட்டு வந்தனர். செங்கத்தில் இன்று மாலை மழை பெய்ததால் 7 பெண்களும் ஒரு அறையில் ஒதுங்கியுள்ளனர். அப்போது ஆலையின் புகை போக்கியின் மீது இடி தாக்கி மேற்கூரை சரிந்து விழுந்ததில் சிக்கிய 5 பெண்கள் சம்பவ இடத்தில் பலியாகினர். படுகாயமடைந்த 2 பேர் மருத்துவமனையில் அனுமதிக்கப்பட்டனர். அதில் ஒருவர் சிகிச்சை பலனின்றி இறந்துள்ளார். இதேபோல விழுப்புரம் மாவட்டம் உளுந்தூர்பேட்டையில் கிரிக்கெட் விளையாடிக் கொண்டிருந்தபோது இடி தாக்கியதில் திருஞானம், மணிகண்டன் ஆகிய இருவர் உயிரிழந்தனர். சுரேஷ், திருகுவேலன், நிதிஷ், பரணிதரன் ஆகிய நான்கு பேர் உளுந்தூர்பேட்டை மற்றும் முண்டியம்பாக்கம் அரசு மருத்துவமனையில் சிகிச்சைக்காக அனுமதிக்கப்பட்டிருக்கின்றனர். மேலும், திட்டக்குடியைச் சேர்ந்த செங்கமுத்துவின் மகள் வயலில் ஆடுகளை மேய்த்துக் கொண்டிருந்தபோது திடீரென இடி மின்னலுடன் மழை பெய்தது. பலமான இடி இடித்ததில் மின்சார லைன் அறுந்து ஆடுகள் மீது விழுந்தது. இதில் ஆறு ஆடுகள் மின்சாரம் பாய்ந்து இறந்துள்ளது. http://www.vikatan.com/news/district-news/90502-more-than-10-dead-over-thunder-and-heavy-rain.html
  10. கிரேக்கத்தில் ஒரு தீமிதி திருவிழா கிரேக்க கிராமத்தில் ஆண்டுதோறும் நடக்கும் சாமியாட்டம், சன்னதம், பிரார்த்தனை, சிலையெடுப்புடன் கூடிய தீமிதி திருவிழா காட்சிகள்
  11. சக்தி டிவி செய்திகள் 26th May 2017, 8PM
  12. ஓபர் பெற்றுக்கொண்ட உறுப்பினர்கள் அரசாங்கத்துக்கு மகாணசபைகளின் பலத்தை காப்பாற்றிக்கொள்ள திரைமறைவில் பாரிய வேலைத்திட்டமொன்று முன்னெடுக்கப்பட்டு வருவதாக விஷயமறிந்த சிலர் சொல்கின்றனர். அதன்காரணமாக நாற்காலி கட்சியில் இருந்து விலகி மஹிந்தவை சரணடைந்தவர்களுக்கு இப்போது சிறந்த ஓபர் கிடைக்க ஆரம்பித்துள்ளதாம். பெரிய சைஸ் உறுப்பினர்கள் பலர், மயில் தாள்களின் ஊடாக ஏலம் எடுக்கப்படுவதாக தகவல். http://www.tamilmirror.lk
  13. கிளிநொச்சியில் வீழ்த்தப்பட்ட நீர்த்தாங்கியும் விடுவிக்கப்படுகிறது கிளிநொச்சி நகரில் ஏ9 பிரதான வீதிக்கு அருகில் காணப்படுகின்ற யுத்த காலத்தில் வீழ்த்தப்பட்ட நீர்த்தாங்கியும் இராணுவத்தினரால் வரும் முப்பதாம் திகதி விடுவிக்கப்படுகிறது. கடந்த காலத்தில் நாமல் ராஜபக்ஸவினால் பயங்கரவாத்தின் அழிவை வெளிப்படுத்த வேண்டும் எனக் கூறி வீழ்த்தப்பட்ட நீர்த்தாங்கி யுத்த அழிவு சின்னமாக பேணப்பட்டு வந்தது. அதனை கிளிநொச்சியில் உள்ள படையினர் பாதுகாத்து வந்தனர். பெருமளவான தென்னிலங்கை சுற்றுலா பயணிகள் வருகைதந்து பார்வையிடுவது வழக்கமாக இருந்தது. அவர்களுக்கு இராணுவத்தினர் வீழ்த்தப்பட்ட நீர்த்தாங்கி தொடர்பில் விளக்கமளித்து வந்தனர். யுத்த காலத்தில் இராணுவத்தினரால் மேற்கொள்ளப்பட்ட பாரிய அழிவுகள் தொடர்பில் காணப்பட்ட பலவற்றை அபிவிருத்தி செய்து அவற்றை இல்லாது செய்து அரசு விடுதலைப்புலிகளினால் வீழ்த்தப்பட்ட நீர்த்தாங்கியை மாத்திரம் யுத்த அழிவுச் சின்னமாக பேணியமை தமிழ் மக்கள் மத்தியில் கடும் விசனத்தை ஏற்படுத்தியிருந்தது. மாவட்ட மற்றும் மாகாண மட்டங்களில் இடம்பெற்ற பல கூட்டங்களிலும் இது தொடர்பில் எதிர்ப்புக்கள் வெளிப்படுத்தப்பட்டன. இந்த நிலையில் எதிர்வரும் முப்பதாம் திகதி குறித்த நீர்ததாங்கி உள்ள நாற்பது பேர்ச் காணி இராணுவத்தினரால் கரைச்சி பிரதேச செயலாளரிடம் கையளிக்கப்படவுள்ளது. அதனை பிரதேச செயலகம் தேசிய நீர் வழங்கல் மற்றும் வடிகால் அமைப்பு சபையிடம் கையளிக்கவுள்ளது. FacebookTwitterGoogle+
  14. யாழ். மாவட்ட உறுப்பினர்கள் பலர் சபையில் இருப்பதில்லை வடக்கு மாகாண சபை அமர்வில் குற்றச்சாட்டு வடக்கு மாகாண சபை உறுப்­பி­னர்­க­ளில் யாழ்ப்­பாண மாவட்­டத்­தைச் சேர்ந்த பெரும்­பா­லா­னோர் சபை அமர்­வு­க­ளில் முழு­மை­யாக இருப்­ப­தில்லை என்று ஆளும் கட்சி உறுப்­பி­னர் ஜி.ரி. லிங்­க­நா­தன் குற்­றஞ்­சாட்­டி­னார். வடக்கு மாகாண சபை­யின் 93ஆவது அமர்வு அவைத்­த­லை­வர் சி.வி.கே.சிவ­ஞா­னம் தலை­மை­யில் நேற்று நடை­பெற்­றது. பிற்­ப­கல் அமர்­வில் வடக்கு மாகா­ணத்­தில் அடகு பிடிப்­போ­ருக்­கான நிய­திச் சட்­ட­வ­ரைவு மீதான குழு­நிலை விவா­தம் நடை­பெற்­றது. விவா­தத்­தில் சபை­யில் சில உறுப்­பி­னர்­கள் இல்லை. யாழ்ப்­பாண மாவட்­டத்­தைச் சேர்ந்த 16 உறுப்­பி­னர்­கள் உள்­ள­னர். அவர்­க­ளில் முத­ல­மைச்­சர், அவைத்­த­லை­வர், சி.அகி­ல­தாஸ், க. சர்­வேஸ்­வ­ரன், திரு­மதி அனந்தி சசி­த­ரன், சி. தவ­ராசா ஆகிய 6 உறுப்­பி­னர்­கள் மட்­டுமே சபை­யில் இருந்­த­னர். ஏனைய உறுப்­பி­னர்­கள் அனை­வ­ருமே கிளி­நொச்சி, முல்­லைத்தீவு, வவு­னியா, மன்­னர் மாவட்­டங்­க­ளைச் சேர்ந்­த­வர்­கள். ‘யாழ்ப்­பா­ணத்­தில் இருக்­கின்ற மாகாண சபை உறுப்­பி­னர்­க­ளுக்­கும் வெளி மாவட்­டத்­தி­லி­ருந்து வருகை தரும் மாகாண சபை உறுப்­பி­னர்­க­ளுக்­கும் போக்­கு­வ­ரத்து கொடுப்­ப­ன­வு­கள் வழங்­கப்­ப­டு­கின்­றன. ஆனால் வெளி­மா­வட்­டத்­தி­லி­ருந்து வரும் நாங்­கள் மட்­டுமே இறு­தி­வரை சபை நட­வ­டிக்­கை­க­ளில் கலந்­து­கொள்­கின்­றோம். யாழ்ப்­பாண மாவட்ட உறுப்­பி­னர்­க­ளின் இந்­தச் செயற்­பாடு மாகாண சபை­யை­யும் முத­ல­மைச்­ச­ரை­யும் அவ­மா­னப்­ப­டுத்­து­வ­தா­கவே காணப்­ப­டு­கின்­றது’ என்று உறுப்­பி­னர் ஜி.ரி. லிங்­க­நா­தன் குற்­றஞ்­சாட்­டி­னார். ‘மாகாண சபை அனைத்து உறுப்­பி­னர்­க­ளுக்­கும் போக்­கு­வ­ரத்து கொடுப்­ப­ன­வு­கள் வழங்­கப்­ப­டு­கின்­றன. யாழ்ப்­பா­ணத்­தில் 16 உறுப்­பி­னர்­கள் இரு­கின்­ற­னர். ஆனால் தற்­போது சபை­யில் சிலர்­தான் இருக்­கின்­ற­னர். மாகாண சபை­யின் அமர்­வுக்கு வரும் சில உறுப்­பி­னர்­கள் வந்து தலை­யைக் காட்­டி­விட்டு உட­ன­டி­யா­கவே சபை­யி­லி­ருந்து வெளி­யே­று­கின்­ற­னர். வேறு சிலர் சபைக்கு வந்­து­விட்டு கதி­ரை­யி­லி­ருந்து காலாட்­டிக் கொண்­டி­ருந்­து­விட்டு சிறிது நேரத்­தி­லேயே சபை­யை­விட்டு ஓடி­வி­டு­கின்­ற­னர். இவ்­வா­றான செயற்­பா­டு­க­ளுக்கு உரிய நட­வ­டிக்­கையை இனி­வ­ரும் காலங்­க­ளில் எடுக்க வேண்­டும்’ என்று அவைத் தலை­வர் சி.வி.கே. சிவ­ஞா­னம் தெரி­வித்­தார். http://uthayandaily.com/story/4205.html
  15. "வாழ்க்கை ஒரு வட்டம்" - ட்ரம்ப் ட்வீட் தந்த ட்விஸ்ட்! ஓர் அரசன் சட்டம் இயற்றுகிறான் அல்லது மற்ற நாட்டவரை விமர்சிக்கிறான் என்றால், அந்த விஷயத்தில் அவன் வலிமையானவனாக இருக்கிறான் என்றுதான் அர்த்தம். ஆனால் அது அமெரிக்க அதிபர் டொனால்டு ட்ரம்ப் விஷயத்தில் தலைகீழ். எதைத் தவறு என்று ட்ரம்ப் விமர்சித்தாரோ அதையே அவரது மனைவியும், மகளும் செய்து ட்ரம்ப்-ஐ தர்மசங்கடத்தில் ஆழ்த்தியுள்ளனர். அமெரிக்க அதிபராக டொனால்ட் ட்ரம்ப் பதவியேற்று 100 நாள்களுக்கு மேல் ஆகியுள்ளது. இந்த நிலையில், அவர் தனது முதல் அரசு முறைப் பயணமாக சவுதி அரேபியாவுக்குச் சென்றார். மனைவி மெலானியாவுடன் சவுதி அரேபியா வந்து இறங்கிய ட்ரம்ப்-ஐ அந்த நாட்டு மன்னர் சல்மான் பின் அப்துலாசிஸ் அல் சாத் வரவேற்றார். விமான நிலையத்தில் அவர்களுக்கு சிவப்புக் கம்பள வரவேற்பு அளிக்கப்பட்டது. மே 20, 2017 சனிக்கிழமை அன்று சவுதி அரேபியாவுக்குச் சென்றார் ட்ரம்ப். அப்போது, இஸ்லாமியர்கள் வழக்கமாக அணியும் 'பர்தா' எனப்படும் தலையங்கியை ட்ரம்ப்பின் மனைவி மெலானியா அணியவில்லை. அவர் வழக்கமான அவரது நேர்த்தியான உடையிலேயே வந்திருந்தார். மெலானியாவைப் பொறுத்தவரை அவர் முன்னாள் 'மாடல்' என்பதால் அவருக்கு எந்த உடையும் கச்சிதமாகப் பொருந்தும். அதுபோன்ற சவுதிஅரேபியப் பயணத்தின்போதும் மெலானியா உடை அணிந்திருந்தார். இத்தகைய சூழலில், சவுதி அரேபியாவுக்கே உரிய வழக்கமாக பெண்கள் உடல் முழுவதையும் மறைக்கக்கூடிய ஆடைகளையே அணிவர். அது மட்டுமல்லாமல், தலையங்கியும் கட்டாயம் அணிய வேண்டும் என்பதுதான் அந்நாட்டு வழக்கம். ஆனால், மெலானியா தலையங்கி அணியவில்லை. என்றாலும், அந்நாட்டில் இருந்து வெளியாகும் பத்திரிகை ஒன்றில், 'மெலானியா அணிந்திருந்தது ஒரு கண்ணியமான உடைதான். அதைப் பார்க்கும்போதே அபையா அணிந்திருப்பதுபோலத் தான் காட்சியளித்தது' என செய்தி வெளியிடப்பட்டிருந்தது. மேலும், ட்ரம்ப் மனைவியின் ஆடை பற்றி பல மதிப்புமிக்க விமர்சனங்களும் வந்துள்ளன. தலையங்கி அணியாமல் சவுதி அரேபியாவுக்கு வந்தவர்களில் மெலானியா முதல் பெண்ணல்ல. ஏற்கெனவே அமெரிக்க முன்னாள் அதிபர் ஒபாமாவின் மனைவி மிச்சல் ஒபாமாவும் தலையங்கி அணிந்தது இல்லை. மற்ற பெண் தலைவர்களான பிரிட்டன் பிரதமர் தெரசா மே, ஜெர்மனி அதிபர் ஏஞ்சலா மெர்கல் ஆகியோரும் சவுதி அரேபியாவுக்குச் சென்றபோது, தலையங்கி அணியவில்லை. இதுவரை சவுதி அரேபியாவுக்குச் சென்ற பெரும்பாலான பெண் தலைவர்களும், வெளிநாட்டுத் தலைவர்களின் மனைவிகளும் தலையங்கிகள் அணிந்தது கிடையாது. ஆனால், 2015 ஆம் ஆண்டு முன்னாள் அதிபர் ஓபாமா மனைவி மிச்சல் ஓபாமா தலையங்கி அணியாமல் சவுதி அரேபியாவுக்குச் சென்றதை, ட்ரம்ப் தன்னுடைய ட்விட்டர் பக்கத்தில் விமர்சித்து பதிவிட்டிருந்தார். அதில், "ஒபாமா மனைவி தலையங்கி அணிய மறுத்ததைப் பலரும் பாராட்டுவதாகச் சொல்கிறார்கள். ஆனால் அவர்கள் அங்கு அவமானப்பட்டிருக்கிறார்கள். இப்போது இருக்கும் எதிரிகளே போதும்" என்று குறிப்பிட்டிருந்தார். ஆனால், ட்ரம்ப் அப்போது பதிவிட்டதை பலரும் இப்போது பேசி வருகின்றனர். மெலானியாவின் உடை மற்றும் தலையங்கி பற்றி வெள்ளை மாளிகை செய்தித்தொடர்பாளர் கூறுகையில், "பெண்கள் அபையா அணிவது முக்கியமானது என்று கருதும் ஒரு நாடு சவுதி அரேபியா. மெலானியாவுக்கு உடை தயாரித்தவர் பிரிட்டன் நாட்டைச் சேர்ந்த ஸ்டெல்லா மெக்கார்ட்னி என்பவர்தான். அவர் கறுப்பு நிறத்தில் நீள கவுன், தங்க நிறத்திலான பட்டை (belt), கைகளில் தங்க நிறத்திலான பட்டன் ஆகியவற்றை வைத்து மிக நேர்த்தியாக உருவாக்கியிருந்தார். மெலானியாவைப் பொறுத்தவரை, அவர் சென்ற இடத்துக்கு ஏற்றவாறுதான் உடை அணிந்திருந்தார். மேலும், அவர் தலையங்கி அணிய வேண்டியத் தேவையில்லை. அதுமல்லாமல், யாரும் அவரை தலையங்கி அணியும்படி கட்டாயப்படுத்தவும் இல்லை" என்று தெரிவித்தார். மெலானியாவுடைய உடை பற்றிய விவாதங்கள் ஒருபுறம் இருந்தாலும், இன்னொரு புறம் அவர் ட்ரம்பின் கையை தட்டிவிட்டதுதான் வைரலாகப் பரவி வருகிறது. இஸ்ரேல் விமான நிலையத்தில் இறங்கியது முதல் மெலானியாவை ட்ரம்ப் கண்டுகொள்ளவே இல்லை. மீடியா மற்றும் பத்திரிகை அருகில் வருவதைப் பார்த்த ட்ரம்ப் உடனே மெலானியாவின் கையைப் பிடிப்பதற்காக தன் கையை நீட்டினார். ஆனால், மெலானியா அதை தட்டிவிட்டார். இந்தச் செயல், செய்தித் தொலைக்காட்சி ஒளிப்பதிவாளர்களின் வீடியோவில் பதிவானது. இப்படி, ட்ரம்ப் என்ன செய்தாலும் சர்ச்சை மற்றும் வைரலுக்கு பஞ்சமில்லாமல் பார்த்துக் கொள்கிறார். வெளிநாட்டில், ட்ரம்ப் உடன் கைகோக்க அவரது மனைவி மறுத்தது, மிச்சல் ஒபாமாவை ட்ரம்ப் விமர்சனம் செய்த நிலையில், அவரது மனைவியே தலையங்கி அணியாமல் சென்றது போன்ற விஷயங்கள் அவரது முதல் வெளிநாட்டுப் பயணத்தில் மிகப் பெரிய மைனஸ் தான். ட்ரம்ப் தொடர்புடைய இந்த சர்ச்சைகளை நெட்டிசன்களும் தங்கள் பங்குக்கு விட்டு வைக்காமல், ஏராளமான மீம்ஸ்களைப் போட்டு விமர்சித்து வருகிறார்கள். http://www.vikatan.com/