நவீனன்

கருத்துக்கள உறவுகள்
  • Content count

    78,649
  • Joined

  • Last visited

  • Days Won

    476

நவீனன் last won the day on June 22

நவீனன் had the most liked content!

Community Reputation

9,494 நட்சத்திரம்

About நவீனன்

  • Rank
    Advanced Member

Profile Information

  • Gender
    Male
  • Interests
    cricket,internet,

Recent Profile Visitors

  1. வணக்கம் தாய்நாடு..... பெரிய குடும்பம் ஒன்றுக்காக உழைக்கும் 13 வயது சிறுவன்
  2. அரசியலமைப்பும் இல்லை – அரசியல் தீர்வும் இல்லை! – மனோ நாட்டின் தற்போதைய சூழ்நிலையில், தமிழர்களின் பிரச்சினைகளுக்கு தீர்வினை முன்வைக்கும் அரசியல் தீர்வு ஒருபோதும் ஏற்படாதென தேசிய சகவாழ்வு, நல்லிணக்கம் மற்றும் அரச கரும மொழிகள் அமைச்சர் மனோ கணேசன் தெரிவித்தார். கொழும்பு தமிழ்ச் சங்கத்தில் நேற்று (சனிக்கிழமை) மாலை இடம்பெற்ற நூல் வெளியீட்டு நிகழ்வொன்றில் கலந்துகொண்டிருந்தபோதே அவர் இதனை சுட்டிக்காட்டினார். அரசியல் தீர்வு வருமென கூறிக்கொண்டே 10 வருடங்கள் வெறுமனே கழிந்துவிட்டதென குறிப்பிட்ட மனோ, வடக்கு கிழக்கு மக்கள் இன்னும் கண்ணீரும் கவலையுடனுமே வாழ்ந்து வருகின்றனர் என சுட்டிக்காட்டினார். இதனைக் கருத்திற்கொண்டே தமிழ் தேசியக் கூட்டமைப்பினர் அமைச்சுப் பதவிகளை பெற்றுக்கொள்ள வேண்டுமென தான் குறிப்பிட்டதாக அவர் மேலும் தெரிவித்தார். அத்தோடு, இன்றைய சூழ்நிலையில் புதிய அரசியலமைப்பை ஏற்படுத்துவதற்கான சூழலும் குறைவாகவே உள்ளதென மனோ குறிப்பிட்டார். அரசியலமைப்பு வழிநடத்தல் குழுவில் அங்கம் வகிக்கின்றவர் என்ற ரீதியில் இவ்விடயம் குறித்து தமக்குத் தெரியும் என்றும் சுட்டிக்காட்டினார். இந்நிலையில், வடக்கு கிழக்கு மக்களின் நிலையுணர்ந்து அரசாங்கத்தின் வளங்களை பகிர்ந்தளிக்கும் கடப்பாடு அரசாங்கத்திற்கு உண்டு என்றும், அம்மக்களின் பிரதிநிதிகள் நேரடியாக அரசாங்கத்திற்குள் வந்து அதனை மேற்கொண்டால் மாத்திரமே வளப்பகிர்வு நியாயமானதாகவும் சரியாகவும் இருக்கும் என்றும் அமைச்சர் மனோ மேலும் குறிப்பிட்டார். http://athavannews.com/?p=693140-அரசியலமைப்பும்-இல்லை-–-அரசியல்-தீர்வும்-இல்லை!-–-மனோ
  3. நவீனன்

    ஃபைவ் ஸ்டார் துரோகம்...

    என்னண்ணே சொல்றீங்க......? ராஜேஷ் குமாரின் பைவ் ஸ்டார் துரோகம் (19)-ராஜேஷ் குமார் கஜபதி நிலை குலைந்து போனார். எழுந்து நின்று பதறினார். “அண்ணே எனக்கு அவனைத் தெரியுமா..... என்னண்ணே சொல்றீங்க......?” முகில்வண்ணன் அவரை இடது கையால் அமர்த்தினார். “கஜபதி, ஏன் இப்படி பதட்டப்படறே......?” ஏதோ நீயே தப்பு பண்ணிட்ட மாதிரி புலம்பறே ......! என்னோட மாப்பிள்ளை மணிமார்பனை தாக்கி கடத்திவிட்டு போன ஆளை உனக்குத் தெரியும். ஏன்னா வாட்டர்கேன் சப்ளை பண்ற அந்தக் கம்பெனி ஓனரையும், அந்த கம்பெனியில் வேலை செய்யற ஆட்களையும் உனக்குத்தான் தெரியும்......! “என்னண்ணே செல்றீங்க...... எனக்கு ஓன்றுமே புரியலை ......! போலீஸ் கமிஷனர் ஆதிமுலம் இப்போது பேச்சில் குறுக்கிட்டார். “உங்களுக்குப் புரியும்படியா நான் சொல்றேன். நேற்று காலை மாப்பிள்ளை மணிமார்பனை காணோம்ன்னு எல்லோரும் தேடிகிட்டு இருக்கும்போது குடிதண்ணீர் கேன்களை விழா மேடைக்குப் பின்னாடி அடுக்கி வெச்ச “அமிர்தம் வாட்டர் சர்வீஸ்“ கம்பெனிக்கு சொந்தமான வேன் ஓண்ணு இந்த வீட்டோட பின்பக்க மெயின் கேட் வழியா வெளியே போயிருக்கு. அந்த வேனை செக் பண்ண நிறுத்தியிருக்கார் செக்யூரிட்டி வீராசாமி . ஆனா அந்த வேன் டிரைவர் வேனை நிறுத்தாமே அந்த செக்யூரிட்டிகிட்ட “இன்னும் நூறு கேன் வாட்டர் சப்ளை பண்ணணும். இப்படி நிறுத்தி நிறுத்தி சோதனை போட்டுகிட்டு இருந்தா சரியான நேரத்துல எப்படி சப்ளை பண்றதுன்னு சத்தம் போடவே செக்யூரிட்டி வேனை சோதனை போட்டாம அனுப்பிட்டார். அப்படி அனுப்பினபிறகுதான் செக்யூரிட்டிக்கு அந்த காட்சி ஞாபகத்துக்கு வந்து இருக்கு.......! அது என்ன காட்சி என்பது போல் கஜபதி போலீஸ் கமிஷனரை பார்க்க அவர் சில விநாடிகள் மெளனம் சாதித்துவிட்டு தொடர்ந்தார். அந்த வேனை ஓட்டிட்டு வந்த டிரைவரின் இடது தோள் பட்டை சட்டையில் ரத்தக் கறைகள் இருந்ததை பார்த்து இருக்கார் செக்யூரிட்டி. அது அந்த சமயத்துல பெரிய விஷயமாக தெரியல. ஆனா மாப்பிள்ளை மணிமார்பனை காணோம்ன்னு எல்லோரும் தேடிகிட்டு இருந்த போதுதான் அந்த ரத்தக் கறை விஷயம் ஞாபகம் வந்து இருக்கு. உடனே செக்யூரிட்டி வீராசாமி ரெண்டு மணி நேரத்துக்கு முன்னாடி வந்து என்கிட்டே விஷயத்தைச் சொன்னார். செக்யூரிட்டி சொன்ன விபரங்களை வெச்சுப் பார்க்கும்போது மணிமார்பன் தாக்கப்பட்டு அந்த வேன் டிரைவரால் கடத்தப்பட்டு இருக்கலாம் என்கிற முடிவுக்கு வரவேண்டியிக்கிறது. உங்களுக்கு அந்த அமிர்தம் வாட்டர் சர்வீஸ் கம்பெனியோட ஓனரைத் தெரியும்தானே.....?” கஜபதி கலங்கிப் போனவராய் தலையாட்டினார். “தெரியும்“ “அவரோட பேர் என்ன......?” “அமிர்தலிங்கம்.......“ “குடிதண்ணீர் கேன் ஏற்பாடுகளை எல்லாம் இந்த விழாவுக்காக பண்ணிக் கொடுத்தது நீங்கதானே......?” ”ஆமா...... ஸார்...... ” ”மணிமார்பன் தாக்கப்பட்டு காணாமே போனதுக்கும் வாட்டர் சர்வீஸ் ஓனர் அமிர்தலிங்கத்துக்கும் ஏதாவது தொடர்பு இருக்கும்ன்னு நினைக்கிறீங்களா......?” ”நான் அப்படி நினைக்கலை ஸார்...... ஏன்னா அமிர்தலிங்கத்தை எனக்கு பல வருஷ காலமாய் தெரியும். எந்த ஓரு அரசியல் கட்சியையும் சேராதவர்... தான் உண்டு தன் தொழில் உண்டு என்று இருப்பவர். கடவுள் பக்தி ரொம்பவும் அதிகம். கோயில் விழாக்களுக்கெல்லாம் தண்ணீரை இலவசமாகவே சப்ளை பண்ணக்கூடியவர். அவர் இப்படிப்பட்ட படுபாதகமான வேலையை பண்ணியிருக்கமாட்டார்” ”ஓரு வேளை அவருக்கே தெரியாமே அந்த வேன் டிரைவர் வேறு யாருடைய பேச்சைக் கேட்டு மணிமார்பனை தாக்கி வேன்ல கடத்திட்டுப் போயிருக்கலாமோ......?” ”அப்படியிருக்கவும் வாய்ப்பு இருக்கு ஸார் .......! ” சரி..... அந்த வேன் டிரைவர் யாருன்னு உங்களுக்கு தெரியுமா கஜபதி ......?” ”தெரியாது.... அமிர்தலிங்கத்தை கேட்டா தெரியும்... ” ”ம்.... கேளுங்க..... நானோ போலீஸ் டிபார்ட்மெண்ட்ல இருக்கற வேறு எந்த அதிகாரியோ இதுவரைக்கும் அமிர்தலிங்கத்துக்கு போன் பண்ணியோ அல்லது நேரிடையாகவோ விசாரிக்கலை...... நீங்க போன் போட்டு பேசுங்க.... விஷயத்தை சொல்லாமே அந்த வேன் டிரைவர் யார் எப்படிப்பட்டவன் மட்டும் விசாரிங்க” “ஸார்...... இந்த மிட் நைட்ல போன் பண்ணி பேசினா அது சரியாய் இருக்குமா ......?” “இது மாதிரியான விஷயங்களுக்கு இதுதான் சரியான நேரம்.... ம்.... போன் பண்ணுங்க....... “ கஜபதி சில விநாடிகள் தயங்கிவிட்டு தன் செல்போனை எடுத்து அந்த அந்த அமிர்தலிங்கத்தை தொடர்பு கொண்டார். நல்ல தூக்கக் கலக்கத்தில் அவர் பேசினார். செல்போனின் ஸ்பீக்கர் ஆனில் இருந்தது. “என்ன கஜபதி இந்த அகால வேளையில் எனக்கு போன் பண்றே...ஏதாவது மோசமான சம்பவமா.......?” “ஆமா .....ஓரு சரியான விபரம் உன் கிட்டயிருந்து எனக்கு வேணும் . எதையும் மறைக்காமல் சொல்லணும்..... பொய் சொல்லிடாதே பிரச்சினையாயிடும்“ நீ பேசற விஷயத்தை பார்த்தா விவகாரம் பெரிசாயிருக்கும் போலிருக்கே......?” “பெரிசுதான்...... எக்ஸ் சீப்மினிஸ்டர் முகில்வண்ணன் வீட்டு விசேஷத்துக்கு குடி நீர் கேன் சப்ளை பண்ண எந்த வேன் டிரைவரை நீ அனுப்பி வைச்சேன்னு உனக்கு ஞாபகம் இருக்கா......?” “ இருக்கே....... “ “ யாரு.. “ “ நீலகண்டன் “ “ ஆள் எப்படி......?” “ எப்படின்னா ......?” “ பழக்கவழக்கம்தான்“ “ அவன் வேலைக்கு சேர்ந்து ஆறுமாசம்தான் ஆச்சு. நல்ல டைப். சொன்ன வேலையைப் பண்ணிட்டு போயிட்டே இருப்பான்“ “ அந்த நீலகண்டனை வேலைக்கு சேர்க்கிறதுக்கு முந்தி அவனோட பின்னணி விசாரிச்சிங்களா ......?” “ம்.... விசாரிச்சேன்..... ஆறுமாசத்துக்கு முன்னாடி வரை ஃபஸ்ட் அண்ட் பெஸ்ட் ட்ராக் கால் டாக்ஸியில் வேலை பார்த்து சம்பள பிரச்சினையில் வெளியே வந்திருக்கிறான். கல்யாணம் இன்னும் இல்லை....... சொந்த ஊர் நாகர்கோவில். இதுவரைக்கும் அவன் மேல எந்த ஓரு ரிமார்க்கும் இல்லை.... ஆனா நீ இப்போ போன் பண்ணியிருக்கிறதைப் பார்த்தா அங்கே ஏதாவது பிரச்சினை பண்ணியிருப்பான் போல் தெரியுது“ “அமிர்தம்.....இன்னிக்கு ராத்திரி நீ டி.வி. ந்யூஸ் பார்த்தியா ...?” ”ம்.... பார்த்தேன். எக்ஸ் சி.எம்.முகில்வண்ணனோட மாப்பிள்ளை மணிமார்பனை காணாம போன நியூஸ்தானே...?” ”ஆமா..... அந்த சம்பவத்துக்கும், நீலகண்டனுக்கும் ஏதோ ஓரு வகையில் சந்தேகம் இருக்குன்னு போலீஸ் சந்தேகப்படுது....” ”எதனால அந்த சந்தேகம்...?” ”குடி நீர் கேன்களை சப்ளை பண்ணிட்டு வெளியே போகும் போது வேனை சோதனை போடக்கூடாதுன்னு நீலகண்டன் செக்யூரிட்டிகிட்டே விவாதம் பண்ணியிருக்கான்..... செக்யூரிட்டி விட்டுட்டார். ஆனா நீலகண்டனின் சட்டையில ரத்தக் கறை இருந்ததை செக்யூரிட்டி பார்த்து இருக்கார்.. இந்த விபரங்கள் எல்லாம் இப்பத்தான் தெரிய வந்தது” ”இந்த பிரச்சினையெல்லாம் வெச்சு பார்க்கும் போது மணிமார்பன் தாக்கப்பட்டு கடத்தப்பட்டதற்கும், நீலகண்டனுக்கும் சம்பந்தம் இருக்குன்னு நீ சந்தேகப்படறே இல்லையா கஜபதி...?” “ஆமா ..... “ “மறுமுனையில் அமிர்தலிங்கம் குரலைத் தாழ்த்தினார். “கஜபதி.... நீ இப்ப எங்கேயிருந்து போன் பண்ணி பேசிட்டிருக்கே...?” “ என்னோட வீட்லயிருந்துதான்“ “நான் இப்ப சொல்லப்போற விஷயத்தை கேட்டு நீ ஷாக் ஆக வேண்டாம்“ “சொல்லு .... என்ன விஷயம்“ “நான் இப்போ ராயப்பேட்டை ஜெனரல் ஹாஸ்பிடல்ல இருக்கேன்“ ஹாஸ்பிடல்ல இருக்கியா “ ஆமா ..... “ “யார்க்கு என்ன உடம்பு“ “நீலகண்டன் இப்போ உயிரோடு இல்லை....பாடி மார்ச்சுவரியில இருக்கு“(தொடரும்)Read more at: https://tamil.oneindia.com/columnists/rajeshkumar/rajesh-kumar-series-five-star-dhrogam-19-321662.html
  4. தொடங்கியது துருக்கி தேர்தல்: மீண்டும் அதிபராகும் நம்பிக்கையில் எர்துவான் படத்தின் காப்புரிமைGETTY IMAGES Image captionரெசெப் தாயிப் எர்துவான் துருக்கியின் அடுத்த நாடாளுமன்றத்தையும், அதிபரையும் தேர்ந்தேடுக்கும் தேர்தல் இன்று (ஞாயிற்றுக்கிழமை) தொடங்கியுள்ளது. இத்தேர்தல், தற்போதைய அதிபர் ரிசெப் தயிப் எர்துவானின் அரசியல் எதிர்காலத்தைத் தீர்மானிக்க உள்ளது. துருக்கியின் உள்ளூர் நேரப்படி 8 மணிக்கு வாக்குப்பதிவு தொடங்கியது. இத்தேர்தலில் ரிசெப் தயிப் எர்துவான் வெற்றி பெற்றால், புதிதாக சில முக்கிய அதிகாரங்கள் அவரது கைகளுக்கு செல்லும். இது ஜனநாயக ஆட்சியை பலவீனப்படுத்தும் என விமர்சகர்கள் கூறுகின்றனர். குடியரசு மக்கள் கட்சியின் மைய-இடது வேட்பாளரான முஹர்ரம் இன்ஸ், எர்துவானுக்கு முக்கிய சவாலாக உள்ளார். ஜூன் 2016 ஆம் ஆண்டு நடந்த தோல்வியடைந்த ஆட்சிக்கவிழ்ப்புக்கு பின்னர், அமல்படுத்தப்பட்ட அவரச நிலை இன்னும் துருக்கியில் உள்ளது. 2019-ல் நடக்க வேண்டிய தேர்தலை, முன்னமே நடத்த எர்துவான் முடிவு செய்ததால் தற்போது தேர்தல் நடக்கிறது. பிரசாரத்தின் கடைசி நாளான நேற்று(சனிக்கிழமை) எர்துவானும், அவரது முக்கிய போட்டியாளரான முஹர்ரமும் மிகப்பெரிய பேரணியில் கலந்துகொண்டனர். துருக்கியை ஆட்சி செய்ய தகுதியற்றவர்கள் என இவர்கள் ஒருவரை ஒருவர் குற்றஞ்சாட்டினர். படத்தின் காப்புரிமைAFP/GETTY IMAGES Image captionமுஹர்ரமும் ''எர்துவான் வெற்றி பெற்றால், உங்கள் போன் ஒட்டுக்கேட்கப்படும். பயம் தொடரும்'' என இஸ்தான்புல்லில் கூடியிருந்த மில்லியன் கணக்கான மக்கள் மத்தியில் முஹர்ரமும் பேசினார். 2014-ம் ஆண்டு துருக்கியின் அதிபராவதற்கு முன்பு, 11 ஆண்டுகள் துருக்கியின் பிரதமாக இருந்த எர்துவான் பிரசாரத்தின் போது, தனது போட்டியாளரான முஹர்ரமுற்கு போதுமான திறன்கள் இல்லை என கூறினார். முன்னாள் ஆசிரியரான முஹர்ரமும், 16 ஆண்டுகள் நாடாளுமன்ற உறுப்பினராக இருந்தவர். ''இயற்பியல் ஆசிரியராக இருப்பது வேறு, நாட்டை வழிநடத்துவது வேறு. அதிபராக இருப்பதற்கு அனுபவம் வேண்டும்'' என எர்துவான் குறிப்பிட்டார். வாக்குப்பதிவு எப்படி நடக்கும்? படத்தின் காப்புரிமைGETTY IMAGES ஞாயிற்றுக்கிழமை இரண்டு வாக்குப்பதிவு நடக்கும். ஒரு ஓட்டு அதிபரை தேர்ந்தேடுப்பதற்கு, மற்றொரு ஓட்டு நாடாளுமன்ற உறுப்பினரை தேர்தேடுப்பதற்கு. கிட்டதட்ட 60 மில்லியன் வாக்காளர்கள் துருக்கியில் உள்ளனர். அதிபர் பதவிக்கு 6 வேட்பாளர்கள் போட்டியிடுகின்றனர். இதில் 50%த்துக்கும் அதிகமான வாக்குகளைப் பெறுபவர் அதிபராகத் தேர்ந்தேடுக்கப்படுவார். யாருமே 50%த்துக்கும் அதிகமான வாக்குகளைப் பெறவில்லை என்றால், அதிக ஓட்டுகளைப் பெற்ற முதல் இரண்டு வேட்பாளர்கள் இடையே ஜூலை 8-ம் தேதி இரண்டாம் கட்ட வாக்குப்பதிவு நடக்கும். உறுதியாக வெற்றி பெற்றுவிடுவோம் என எர்துவான் நம்பிக்கையுடன் உள்ளார். https://www.bbc.com/tamil/global-44591649
  5. இராணுவ அதிகாரியிடமிருந்து தமிழ்த் தலைமைகள் கற்றுக்கொள்ள வேண்டும்….. முன்னாள் முதலமைச்சர் அ.வரதராஜப்பெருமாள் “என்னைப் போன்றவர்களுக்கு தமிழ் மக்கள் வாக்களிக்கமாட்டார்கள்” எனக் கூறும் இணைந்த வடக்கு, கிழக்கு மாகாணத்தின் முன்னாள் முதலமைச்சர் அ.வரதராஜப்பெருமாள், அதனை அறிந்துகொண்டே தேர்தல் சகதிக்குள் குதிக்கும் எண்ணம் தமக்கில்லை என்கின்றார். விசுவமடுவில் இராணுவ அதிகாரியொருவர் அண்மையில் இடமாற்றம் பெற்றுச் சென்றபோது அவரை கண்ணீர் மல்க அப்பகுதி மக்கள் வழியனுப்பி வைத்தனர். கேர்ணல் ரட்ணப்பிரிய அப்பகுதி மக்களுக்கு அளப்பரிய சேவை ஆற்றயிருக்கின்றார். இது எதனைக் காட்டுகின்றது? தமிழ் அரசியல்வாதிகளின் வங்குரோத்து நிலையால் தமிழர்கள் இராணுவத்தின் உதவியை நாடும் நிலைக்குத் தள்ளப்பட்டிருக்கின்றார்கள் என்பதையா? இதில் சில விடயங்கள் கவனத்தில் கொள்ளப்பட வேண்டும். குறிப்பாக முல்லைத்தீவு மற்றும் கிளிநொச்சிப் பகுதிகளில் உள்ளவர்கள் எவ்வளவுதான் புனர்வாழ்வு பெற்றிருந்தாலும், அங்கு புனர் நிர்மாண வேலைகள் நடைபெற்றாலும், அடிப்படையில் அங்குள்ள போரால் பாதிக்கப்பட்டவர்கள், பெண் தலைமைத்துவக் குடும்பங்கள் வேலைவாய்ப்பின்றி, போதிய வருமானமின்றியே இருக்கின்றனர். அவ்வாறானவர்கள் நல்ல சம்பளத்துடனான வேலைவாய்ப்பினை ஒரு வரப்பிரசாதமாகவே பார்க்கின்றனர், இது முதலாவது. இரண்டாவது, அரசு கொடுக்கும் பணத்தைத்தான் இராணுவமும் செலவு செய்து இந்த வேலைத்திட்டங்களைச் செய்கின்றது. அரசின் பணத்தைத்தான் அதிகாரிகளும் செலவு செய்தாலும் அவர்கள் மக்கள் மீதான எந்தவிதமான அக்கறையுடனும் அவற்றைச் செய்வதில்லை. மக்கள் அன்றாடம் காணும் அதிகாரிகள் எவரும் அவர்களுடன் நட்புறவுடன் பழகுவதில்லை. எனவே அவர்களிடத்தில் மக்களின் பாசம் வெளிப்படுவதில்லை. இங்கே ஒரு இராணுவ அதிகாரி தனக்குக் கொடுக்கப்பட்ட கடமையை வெறுமனே உத்தியோகமாகப் பார்க்காமல், தான் ஊடாடிய சகலரினதும் இன்ப துன்பங்கள் பற்றிய அக்கறையோடும், அன்போடும் செயற்பட்டிருக்கின்றார். அவ்வாறு எல்லா அதிகாரிகளும் செயற்பட்டிருந்தால் மக்கள் எல்லோரிடமும் அன்பைச் சொரிந்திருப்பார்கள். அதில் தமிழதிகாரி அல்லது சிங்கள அதிகாரி என்ற பேதமிருக்காது. இதனை இராணுவம் என்ற கோணத்தில் பார்ப்பது தவறானது. ஆனால், மக்களுக்கு வேலைவாய்ப்பினையோ, இருப்பிட வசதிகளையோ வழங்க வேண்டியது இராணுவத்தின் வேலை அல்ல என்ற விமர்சனங்கள் பரவலாக உள்ளனவே? இராணுவ அதிகாரி உதவிக்கரம் நீட்டியதன் பின்னணியில் ஒரு நிகழ்ச்சி நிரல் இருப்பதாகவே பலர் விமர்சிக்கின்றனரே? என்னதான் நிகழ்ச்சி நிரல் இருந்தாலும் அதற்கும் அந்த இராணுவ அதிகாரிக்கும் என்ன தொடர்பிருக்க முடியும்? ஒரு இராணுவ அதிகாரி தனக்கு சொல்லப்பட்டதைத்தான் செய்வான். யுத்தமொன்று நடைபெற்று இருதரப்பும் பாரிய சேதங்களை எதிர்கொண்டுள்ள நிலையில், இங்கு நான் இரு தரப்பும் என்று சொல்வது சண்டையில் ஈடுபட்ட இரண்டு தரப்பினரையும் தான். அவர்கள் பரஸ்பரம் கோபமும் குரோதமும் நிறைந்தவர்களாகவுமே இருப்பார்கள். ஏனெனில் இரண்டு தரப்புமே பாதிக்கப்பட்டது. இராணுவத் தரப்பினர் தாங்கள் எந்த மக்களுக்கெதிராக கொடிய ஆயுதங்களைப் பாவித்தார்களோ அந்த மக்களின் மீது அன்பைப் பொழிய வேண்டும் என எண்ணுவதை மிகவும் முக்கியமான ஒரு அம்சமாக நான் கருதுகின்றேன். இராணுவத்தினர் தாங்கள் தமிழ் மக்கள் மீது கொடூரமாக நடந்துகொண்டதை உணர்ந்து, தற்போது இரக்கம் காட்ட நினைப்பதாக இதனைக் கொள்ளலாம். அது மாத்திரமல்ல, இதற்குப் பின்னாலுள்ள நிகழ்ச்சி நிரல் என்னவென்பதைப் பற்றியே கேட்கத்தேவையில்லை. வடக்கிலுள்ள மக்களுக்கென அரசு நிதியொதுக்கியிருக்கின்றது. மக்களுக்கு வேலை கிடைத்திருக்கின்றது. அவர்கள் நல்ல சம்பளம் பெறுகின்றார்கள். இதில் ஒரு நிகழ்ச்சி நிரல் இருந்தால்த்தான் என்ன? அப்படிப் பார்த்தால் எல்லா விடயங்களுமே ஏதோ நிகழ்ச்சி நிரல் ஒன்றுக்காகத்தான் நடைபெறுகின்றதென விளக்கம் கொடுக்கலாம் அல்லவா? ஆனால், வேலை வாய்ப்பு அதிக சம்பளம் போன்றவற்றை வழங்கி தங்களது அபிலாஷைகள் குறித்த உணர்வை தமிழர்களிடமிருந்து மழுங்கடிக்க அரசு முனைவதாகவும் குற்றச்சாட்டு உள்ளதே? அப்படியானால் தமிழர்கள் வேலைவாய்ப்பேதுமின்றி பிச்சைக்காரர்களாக அலைய வேண்டுமா? தமிழ் அரசியல் தலைமைகள் தங்கள் வங்குரோத்துத் தனத்தை மறைக்க அவ்வாறு பிரசாரம் செய்கின்றார்கள். தமிழ் அரசியல் தலைமைகள் அரசிடமிருந்து பதவிகளைப் பெறுகின்றார்கள், எவ்வளவு வசதிகளைப் பெறுகின்றார்கள்? வெறும் தமிழ்த் தேசியம் என்ற பேரில் நடக்கின்ற வார்த்தை ஜாலங்களை விட மக்களின் அடிப்படை வாழ்க்கை தொடர்பாக இவர்கள் என்ன நடவடிக்கை எடுக்கின்றார்கள்? அந்தப் பயத்திலேயே அவர்கள் இவ்வாறான பிரசாரங்களைச் செய்கின்றார்கள். அந்த இராணுவ அதிகாரி எவ்வாறு மக்களின் அபிமானத்தை வென்றாரோ, அதனை விட அதிகளவிலான மக்கள் அன்பை பெறும் வகையில் எங்கள் அரசியல் தலைவர்களும் பிரமுகர்களும் நடந்து கொள்ள வேண்டும். ஏன் அவ்வாறு தமிழ்த் தலைவர்களால் செயற்பட முடியாதிருக்கின்றது? அந்த இராணுவ அதிகாரியைப் போலவோ, அதனிலும் அதிகமான அன்பையோ எங்கள் தமிழ்த் தலைமைகள் மக்களுக்கு காட்டியிருந்தால் ஏன் அவர்கள் இராணுவ அதிகாரியை நாடுகின்றார்கள்? தற்போது எங்கள் தமிழ்த் தலைமைகள் எங்கு சென்றாலும் தமிழ் மக்கள் தங்கள் எதிர்ப்பைத் தானே காண்பிக்கின்றார்கள்? எனவே, மேற்குறிப்பிட்ட சம்பவத்தில் அதன் பின்னணியைப் பற்றி ஆராயாமல், அரச அதிகாரியொருவர் எவ்வாறு நடக்க வேண்டும் என்பதையே உதாரணமாகக் கொள்ள வேண்டும். உண்மையில் அரச அதிகாரிகளை நாடும் பயம் தானே எங்கள் மக்களிடம் அதிகளவில் உள்ளது. தங்களை அதிகாரிகள் மதிக்கின்றார்கள் இல்லை. அலைக்கழிக்கின்றார்கள் என்ற எண்ணப்பாங்குதானே மக்களிடம் அதிகளவில் உள்ளது? அவ்வாறான சூழலில் ஓர் இராணுவ அதிகாரி தங்கள் மீது பாசம் காட்டினால் மக்கள் வரவேற்கத்தானே செய்வார்கள்? இராணுவ அதிகாரியிடமிருந்து எங்கள் அரச அதிகாரிகள் கற்றுக்கொள்ள வேண்டும். தனக்கான அதிகாரங்களைப் பெறுவதற்கான எந்தவொரு முயற்சியையும் வடமாகாணசபை மேற்கொள்ளவில்லை என்று நீங்கள் அடிக்கடி குற்றம்சாட்டி வந்திருக்கின்றீர்களே? ஆமாம். வட மாகாணசபை இது வரையிலும் 450 தீர்மானங்கள் வரை நிறைவேற்றியிருக்கின்றது. அவற்றில் மாகாண சபையின் அதிகாரம் தொடர்பில் ஏதேனும் தீர்மானம் அவர்களால் நிறைவேற்றப்பட்டுள்ளதா? அவ்வாறானதொரு முயற்சியெதுவும் இதுவரை மேற்கொள்ளப்படவில்லை. மற்றையது, எப்போதும் அரசியல் யாப்புத் தொடர்பான விவாதம் இருந்தால், மாகாணசபைக்குக் கொடுக்க வேண்டிய அதிகாரம் கொடுக்கப்படவில்லையெனில், வெறுமனே மேடையில் பேசுவதிலும் அறிக்கை விடுவதிலும் பயன் ஏதுமில்லை. அதற்கான தீர்வைப் பெறக்கூடிய ஒரே இடம் உச்ச நீதிமன்றம் தான். அதனை எப்போதுமே அவர்கள் செய்ததில்லை. ஒரு சிறிய காணிப் பிரச்சினை என்றால் கூட நீதிமன்றம் போவார்கள். ஆனால் அரசியல் யாப்பு தொடர்பான விடயங்களில் ஏன் இவர்கள் நீதிமன்றத்தின் உதவியை நாடாமல் இருக்கின்றார்கள்? இதன் மூலம் இவர்களுக்கு அதிகாரப் பகிர்வு தொடர்பில் எந்தவித அக்கறையும் இல்லை என்றே எண்ணத் தோன்றுகின்றது. ஆனால் அதனை வைத்து எவ்வாறு அரசியல் வியாபாரம் செய்வது என்பதை மாத்திரம் அவர்கள் நன்கு அறிந்து வைத்திருக்கின்றார்கள். நீதிமன்ற உதவியை நாடியிருந்தால் தீர்வு கிட்டியிருக்குமா? அது வேறு விடயம். தமக்கு சார்பாக எப்போதுமே தீர்வு கிடைக்கும் என நினைத்தா மனிதர்கள் எப்போதும் நீதிமன்ற உதவியை நாடுகின்றார்கள்? நீதிமன்றில் ஒருவருக்குச் சாதகமாகவும் இன்னொருவருக்கு பாதகமாகவுமே தீர்ப்பு வழங்கப்படும். நாட்டில் எத்தனை சட்டத்தரணிமார் இருக்கின்றார்கள்? எல்லோருமே தாங்கள் ஆஜரான வழங்குகளில் எல்லாம் வெற்றிதான் பெறுகின்றார்களா? எனவே நீதிமன்றத்தை நாடுவது என்பது அவரவர் கெட்டித்தனத்திலும் ஈடுபாட்டுலுமே தங்கியிருக்கின்றது. சட்டத்தரணிகள், எம்பிக்களாகவும், அமைச்சர்களாகவும், முதலமைச்சர்களாகவும் இருக்கின்றார்கள். முதலமைச்சர் கூட தான்தான் அதிகாரமுடையவர் எனக்கோரி இதுவரை எந்த வழக்கையும் தாக்கல் செய்யவில்லை. இவர்கள் இந்த விடயங்களை மாகாணசபைத் தேர்தல்களிலும் பாராளுமன்றத் தேர்தல்களிலும் வெற்றி பெறவும் அதன் சுகங்களை அனுபவிக்கவுமே பயன்படுத்துகின்றார்கள். இவர்களுக்கு சமூக அக்கறை எதுவும் கிடையாது. எதிர்வரும் மாகாணசபைத் தேர்தல்களில் வினைத்திறன் மிக்க எவராவது மாகாணசபையைக் கைப்பற்றினால் அவர்கள் அவ்வாறு சட்ட உதவியை நாடி திறன் மிக்க ஆட்சியை வழங்குவதற்கான சாத்தியங்கள் உள்ளனவா? எங்கள் தமிழ் மக்கள் மத்தியில் உள்ள பெரிய பிரச்சினை பொய், வீம்பு பேசுபவர்களையே பெரிய நாயகர்களாக அவர்கள் நினைப்பதும், மதிப்பதும் தான் . மக்கள் மனங்களில் மாற்றம் ஏற்படும் வரை அவர்களுக்கான நல்லதொரு தலைமை கிடைப்பது கடினமானதே. அறிவு பூர்வமாகவும் பகுத்தறிவு பூர்வமாகவும் சிந்திக்கவும் அந்தச் சிந்தனையின் அடிப்படையில் செயற்படவும் முதலில் மக்கள் தயாராக இருக்க வேண்டும். மக்கள் தங்களது நலன்களுக்கு எதிரானவர்களைத் தெரிவுசெய்வதை நிறுத்தாதவரை மக்களின் நலன்களைப் பாதுகாப்பது யார்? எதிர்வரும் மாகாணசபைத் தேர்தல்களில் போட்டியிடும் எண்ணம் உங்களுக்கு இல்லையா? எனக்கு அவ்வாறானதொரு எண்ணம் இருந்ததில்லை. என்னைப் போன்றவர்களுக்கு தமிழ் மக்கள் வாக்களிக்கவும் மாட்டார்கள். அதனை அறிந்துகொண்டே சகதிக்குள் இறங்கக் கூடாதல்லவா? சேறாகிப்போயிருக்கும் தமிழர் அரசியலை துப்பரவு செய்ய முயற்சிக்கின்றோம். அது வேறு விடயம். ஆனால் தமிழர் தரப்பில் உள்ள படித்தவர்கள், அரச உத்தியோகத்தர்கள், ஆசிரியர்கள், விரிவுரையாளர்கள் என எல்லோரும் வீம்பு பேசுவதையே பெருமையாக நினைக்கின்றார்கள். சமூகத்தை ஏமாற்றும் கெட்டித்தனமும், மனோபாவமும் இருந்தால்தான் தேர்தலில் இறங்கலாம், அதனை விட கோடிக்கணக்கான பணமும் தேவை. முதலமைச்சரின் கீழ் அவரே தெரிவு செய்த நான்கு அமைச்சர்கள் மீது ஊழல் குற்றச்சாட்டு சுமத்தப்பட்டது. பின்னர் அவர்கள் ஊழல் செய்ததாக முதலமைச்சரே ஒப்புக்கொள்கின்றார். ஊழல் குற்றச்சாட்டுக்களின் பேரில் பதவி நீக்கிய ஒருவரையே தனது வலது கையாக முதலமைச்சர் அழைத்துச் செல்கின்றார். அவ்வாறானால் இங்கு சமூக அக்கறை எங்கே இருக்கின்றது. அவ்வாறானவர்களைத் தானே தமிழ் மக்களும் தெரிவு செய்கின்றார்கள்? தமிழர்கள் தங்கள் தலைகளில் தாங்களே மண் அள்ளிப் போட்டால் என்னசெய்வது? அமெரிக்கா ஐ.நா மனித பேரவையில் இருந்து விலகுவது இலங்கைக்கு பாதமானது என்று சொல்லப்படுகின்றதே? அமெரிக்கா மனித உரிமைப் பேரவையில் இருந்து விலகினாலும் அது தான் நினைத்ததை இன்னொரு நாட்டைக் கொண்டு நிறைவேற்றியே தீரும். தான் நினைத்ததைச் செய்ய அமெரிக்கா ஒரு சபையில் அங்கம் வகிக்க வேண்டிய அவசியமேதுமில்லையே. தனக்குச் சாதகமாய் இல்லை என அதனை விட்டு வெளியேறினாலும் கூட, அந்தச் சபையை தனக்குச் சாதகமாகவே அது பயன்படுத்திக் கொள்ளும், அமெரிக்க நலனில் பார்த்தால் அது வெளியேறியதொன்றும் விசேடமானதல்ல. ஆனால் இலங்கையில் தமிழர்கள் அமெரிக்காவை இன்னமும் நம்பியிருப்பதுதான் அறிவற்ற செயல். முள்ளிவாய்க்காலுக்கு ஒபாமா கப்பல் அனுப்புவார் என்று எதிர்பார்த்துத்தானே இலட்சக்கணக்கானவர்கள் பலியானார்கள்? அவ்வாறு இனிமேலும் அமெரிக்கா காப்பாற்றும் என எதிர்பார்த்தால் என்ன செய்வது? தமது இயலாமைக்காக யாராவது சீமான் காப்பாற்ற வருவான் என எதிர்பார்க்கும் அதே பழக்கத்தில் தான் இப்போதும் அமெரிக்காவை எதிர்பார்க்கின்றார்கள். ஏனெனில் அமெரிக்கா எல்லோருக்கும் அடிக்குமாம். பெரிய பொலிஸ்காரனாம் ஆதலால் எங்களையும் காப்பாற்றும் என்று தமிழர்கள் நினைத்துக் கொண்டே இருக்கின்றார்கள். சினிமாவிலும் 50 பேரை அடித்து வீழ்த்துபவன் தானே நாயகன்? அவ்வாறான ஒரு கனவிலேயே தமிழர்கள் இருக்கின்றார்கள். நன்றி – வாசுகி சிவகுமார் – தினகரன்… http://globaltamilnews.net/2018/84945/
  6. ஜீரண சக்தியை அதிகரிக்கும் புதினா ரசம் அ-அ+ காய்ச்சல், சளி உள்ளவர்கள் புதினா ரசம் செய்து குடித்தால் உடலுக்கு தொம்பு கிடைக்கும். இன்று இந்த ரசத்தை செய்வது எப்படி என்று பார்க்கலாம். தேவையான பொருட்கள் : புதினா - ஒரு கப், மிளகு - ஒரு டீஸ்பூன், தனியா - ஒரு டீஸ்பூன், சீரகம் - ஒரு டீஸ்பூன், துவரம்பருப்பு - ஒரு டீஸ்பூன், புளி - எலுமிச்சை அளவு, பெருங்காயம் - சிறிதளவு, கடுகு, நெய் - தலா அரை டீஸ்பூன், உப்பு - தேவையான அளவு. செய்முறை : வாணலியில் நெய் விட்டு புதினாவை லேசாக வதக்கவும். மிளகு, தனியா, சீரகம், துவரம்பருப்பை ஊற வைக்கவும். புளியைக் கரைத்து உப்பு சேர்த்து கொதிக்கவிடவும். ஊற வைத்த பொருட்களுடன் புதினாவை சேர்த்து நைஸாக அரைக்கவும். புளித் தண்ணீர் கொதித்ததும், அரைத்த புதினா கலவையை சேர்த்து, ஒரு கொதி வந்ததும், தண்ணீர், உப்பு சேர்த்து, நுரைத்ததும் இறக்கவும். நெய்யில் கடுகு, பெருங்காயம் தாளித்து சேர்க்கவும். https://www.maalaimalar.com
  7. சிறுத்தையை கொலை செய்தவர்களுக்கு விளக்கமறியல் நீடிப்பு சிறுத்தை கொல்லப்பட்ட சம்பவம் தொடர்பில் கைது செய்யப்பட்ட சந்தேகநபர் இருவரையும் எதிர்வரும் 29 ஆம் திகதி வரை விளக்கமறியலில் வைக்குமாறு கிளிநொச்சி மாவட்ட நீதவான் நீதிமன்றம் உத்தரவிட்டுள்ளது. குறித்த சந்தேகநபர்களை இன்று (ஞாயிற்றுக்கிழமை) கிளிநொச்சி மாவட்ட நீதவான் நீதிமன்றத்தில் முன்னிலைப்படுத்தியபோது பதில் நீதவான் கிரேஷியன் இந்த உத்தரவை பிறப்பித்துள்ளார். மேலும் சிறுத்தை கொல்லப்பட்ட சம்பவத்துடன் தொடர்புடைய ஏனைய சந்தேகநபர்களையும் விரைவில் கைது செய்யுமாறு பொலிஸாருக்கும் நீதவான் உத்தரவிட்டுள்ளார். கிளிநொச்சி, அம்பாள்புரம் பகுதியில் சிறுத்தையை கொலை செய்து துன்புறுத்திய சம்பவம் சமூகவலைத்தளங்களில் காணொளியாக வெளியானதையடுத்து குற்றவாளிகள் இனங்காணப்பட்டுள்ளமை குறிப்பிடத்தக்கது. சிறுத்தையை கொன்ற மற்றுமொருவர் பொலிஸில் சரண் (2ஆம் இணைப்பு) கிளிநொச்சி, அம்பாள்புரம் பகுதியில் சிறுத்தையொன்றை துன்புறுத்தி கொலை செய்த குற்றச்சாட்டில் ஒருவர் கைது செய்யப்பட்டுள்ள நிலையில், மேலும் ஒருவர் இன்று (ஞாயிற்றுக்கிழமை) காலை கிளிநொச்சி பொலிஸ் நிலையத்தில் சரணடைந்துள்ளார். இந்நிலையில் இவ்விருவரையும் கிளிநொச்சி மாவட்ட நீதவான் நீதிமன்றத்தில் முன்னிலைப்படுத்துவதற்கான ஏற்பாடுகளை கிளிநொச்சி பொலிஸார் முன்னெடுத்துள்ளனர். சிறுத்தைக் கொலையுடன் சம்பந்தப்பட்ட ஏனைய சந்தேகநபர்களை தேடும் நடவடிக்கையை பொலிஸார் தீவிரப்படுத்தியுள்ளனர். சிறுத்தையை கொன்ற ஒருவர் கைது கிளிநொச்சி, அம்பாள்புரம் பகுதியில் சிறுத்தையொன்றை துன்புறுத்தி கொலை செய்த குற்றச்சாட்டில் ஒருவர் கைது செய்யப்பட்டுள்ளதாக பொலிஸ் தலைமைக்காரியாலயம் எமது ஆதவன் செய்தி பிரிவுக்கு உறுதிபடுத்தியது. சந்தேகநபர் நேற்று (சனிக்கிழமை) இரவு மாங்குளம் பொலிஸாரால் கைது செய்யப்பட்டதாக பொலிஸ் தலைமையகம் மேலும் குறிப்பிட்டது. கிளிநொச்சியில் கடந்த இரண்டு தினங்களுக்கு முன்னர் குடியிருப்பு பகுதிக்குள் நுழைந்த சிறுத்தையொன்றை அங்குள்ள இளைஞர்கள் அடித்து கொன்றதோடு அதனை துன்புறுத்தி காயப்படுத்தியுள்ளனர். இது தொடர்பான ஒளிபடங்களும் காணொளிகளும் சமூக வலைத்தளங்களில் பரவலாக வெளிவந்ததோடு சர்ச்சைகளை ஏற்படுத்தியிருந்தது. மேலும் சிறுத்தை கொலையுடன் சம்மந்தப்பட்டடவர்களை கைது செய்யுமாறு கிளிநொச்சி நீதவான் நீதிமன்றம் உத்தரவிட்டிருந்தது. இந்நிலையில் மூன்று விசேட பொலிஸ் குழுக்கள் 5 கிராமங்களில் தீவிர தேடுதல் நடவடிக்கையில் ஈடுபட்டுள்ளன. இதனடிப்படையில் ஒருவர் கைது செய்யப்பட்டுள்ளார். http://athavannews.com/?p=693067/சிறுத்தையை-கொலை-செய்தவர்களுக்கு-விளக்கமறியல்-நீடிப்பு-(3ஆம்-இணைப்பு)/
  8. புலிக் கொடி விவகாரம்: பிரதான சந்தேகநபர் கைது முல்லைத்தீவு, ஒட்டுச்சுட்டான் பகுதியில் 15 கிலோ கிளைமோர் குண்டு மற்றும் புலிக் கொடிகள் என்பவற்றை வைத்திருந்த குற்றச்சாட்டில் பிரதான சந்தேகநபர் கைது செய்யப்பட்டுள்ளார். இச்சம்பவம் தொடர்பாக ஏற்கனவே நால்வர் கைது செய்யப்பட்டுள்ள நிலையில் பிரதான சந்தேகநபர் தப்பியோடியிருந்தார். இந்நிலையில், நேற்று (சனிக்கிழமை) இரவு மாங்குளம் பகுதியில் அவர் கைதுசெய்யப்பட்டதாக பொலிஸார் குறிப்பிட்டனர். சந்தேகநபரிடம் பொலிஸ் குற்றத்தடுப்புப் பிரிவினர் விசாரணைகளை முன்னெடுத்து வருகின்றனர். முல்லைத்தீவு- ஒட்டுசுட்டான், பேராறு பகுதியில் கடந்த வெள்ளிக்கிழமை முச்சக்கர வண்டியொன்றை சோதனையிட்டபோது 15 கிலோ கிளைமோர் குண்டு, 120 ரி-56 ரக தோட்டாக்கள், வெடிபொருட்கள், தமிழீழ விடுதலைப் புலிகளின் தயாரிப்பான 2 கைக்குண்டுகள், 6 தொலைவுக் கட்டுப்பாட்டுக் கருவிகள், புலிக்கொடிகள் மற்றும் உடைகள் ஆகியவற்றை பொலிஸார் கைப்பற்றியிருந்தமை குறிப்பிடத்தக்கது. http://athavannews.com/?p=693126/புலிக்-கொடி-விவகாரம்:-பிரதான-சந்தேகநபர்-கைது/
  9. விக்கியின் நூலை வெளியிட்டு வைத்தார் சம்பந்தன் வடக்கு மாகாண முதலமைச்சர் சி.வி. விக்கினேஸ்வரனின் ‘நீதியரசர் பேசுகிறார்’ எனும் நூலை, தமிழ் தேசியக் கூட்டமைப்பின் தலைவரும், எதிர்க்கட்சி தலைவருமான இரா. சம்பந்தன் வெளியிட்டு வைத்துள்ளார். யாழ். வீரசிங்கம் மண்டபத்தில் இன்று (ஞாயிற்றுக்கிழமை) நடைபெற்ற நூல் வெளியிட்டு விழாவில், முதலமைச்சரிடமிருந்து கூட்டமைப்பின் தலைவர் சம்மந்தன் வெளியிட்டு வைக்க, முதலமைச்சரின் சகோதரி நூலை பெற்றுக் கொண்டார். இதன்போது, முதலமைச்சர் சி.வி. விக்கினேஸ்வரன், சம்மந்தனுக்கு பொன்னாடை போர்த்தி மாலை அணிவித்து கௌரவித்தார். இதனைத் தொடர்ந்து, முதலமைச்சர் விக்கினேஸ்வரனால் எதிர்க்கட்சித் தலைவர் சம்மந்தன் உட்பட பிரதம விருந்தினர்களுக்கு சிறப்பு பிரதிகள், நினைவுப் பரிசுகள் வழங்கி வைக்கப்பட்டன. இந்நிகழ்வில், வடமாகாண எதிர்கட்சி தலைவர் சி. தவராசா, தமிழ் தேசியக் கூட்டமைப்பின் நாடாளுமன்ற உறுப்பினர்களான எம்.ஏ.சுமந்திரன், மாவை சேனாதிராஜா, செல்வம் அடைக்கலநாதன், ஈ.சரவவணபவன், த. சித்தார்த்தன், யாழ். மாநகர மேயர் இமானுவேல் ஆர்னோல்ட், வடமாகாண அமைச்சர்கள், வடமாகாண சபை உறுப்பினர்கள், தமிழ் தேசிய முன்னணியின் செயலாளர் சிவராசா கஜேந்திரன், என். வித்தியாதரன் உள்ளிட்ட சிரேஷ்ட ஊடகவியலாளர்கள், இலக்கிய ஆர்வலர்கள், சமய தலைவர்கள், அரசியல் ஆய்வாளர்கள், பொதுமக்கள் என ஏராளமானோர் கலந்துக்கொண்டிருந்தனர். வடக்கு அரசியல் விவகாரத்தில் எதிரும் புதிருமாய் பார்க்கப்படும், எதிர்க்கட்சி தலைவர் இரா.சம்பந்தனும், முதலமைச்சர் சி.வி.விக்னேஸ்வரனும் நீண்ட காலத்திற்குப் பின்னர் ஒரே மேடையில் தோன்றியுள்ளனர். வடக்கு மாகாண முதலமைச்சர் சி.வி.விக்னேஸ்வரனின் உரைகள் அடங்கிய ‘நீதியரசர் பேசுகிறார்’ என்ற நூல் வெளியீடடு விழா, யாழ். வீரசிங்கம் மண்டபத்தில் இன்று (ஞாயிற்றுக்கிழமை) நடைபெறுகின்றது. இந்நிகழ்வில் இருவரும் ஒரே மேடையில் அருகருகே அமர்ந்து உரையாடுவது அனைவரது கவனத்தையும் ஈர்த்துள்ளது. வடக்கு மாகாணத்தில் அடுத்த முதலமைச்சர் வேட்பாளர் தொடர்பான கேள்விகள் எழுந்துள்ள அதே சந்தர்ப்பத்தில், கூட்டமைப்புக்கு எதிராக முதலமைச்சர் கருத்துக்களை வெளியிட்டு வருகின்றார் என்ற விமர்சனங்களும் எழுந்துள்ளன. இந்நிலையில், இன்றைய நிகழ்வு முக்கியமான ஒன்றாக கருதப்படுகிறது. முதலமைச்சரும் எதிர்க்கட்சித் தலைவரும் இன்று இது தொடர்பில் பேசலாம் என்ற எதிர்பார்ப்பும் அதிகரித்துள்ளது. இந்த நூல் வெளியீட்டு விழாவில் தமிழ் தேசியக் கூட்டமைப்பின் நாடாளுமன்ற உறுப்பினர்களான எம்.ஏ.சுமந்திரன், மாவை சேனாதிராஜா, யாழ். மாநகர மேயர் இமானுவேல் ஆர்னோல்ட், வடக்கு மாகாண சபை உறுப்பினர்கள் எனப் பலர் கலந்துகொண்டுள்ளனர். http://athavannews.com/?p=693093-விக்கியின்-நூலை-வெளியிட்டு-வைத்தார்-சம்பந்தன்-(3ஆம்-இணைப்பு
  10. பொறாமை தலைதூக்கியுள்ளது: பி.எச்.அப்துல் ஹமீட் ஆதங்கம் தாம் வானொலியில் காலடி எடுத்து வைத்த காலப்பகுதியில் ஒரு நிகழ்ச்சிக்கு பலரது பங்களிப்பு இருந்ததாகவும், அதன் பாராட்டு ஒருவருக்கு மட்டுமே சென்றாலும் ஏனையோர் ஒருபோதும் பொறாமைப்பட்டதில்லையென்றும் உலக அறிவிப்பாளர் பி.எச்.அப்துல் ஹமீட் குறிப்பிட்டார். எனினும், அப்போது ஏற்படாத பொறாமை இப்போது எப்படி ஏற்பட்டதென ஆதங்கப்பட்டார். சிரேஷ்ட அறிவிப்பாளர் வி.என்.மதிஅழகனின், ‘வி.என்.மதிஅழகன் சொல்லும் செய்திகள்’ என்ற நூல் வெளியீட்டு விழா கொழும்பு தமிழ் சங்கத்தில் நேற்று (சனிக்கிழமை) மாலை இடம்பெற்றது. இந்நிகழ்வில் சிறப்பு அதிதியாக கலந்துகொண்டு உரையாற்றிய போதே உலக அறிவிப்பாளர் மேற்கண்ட விடயத்தை குறிப்பிட்டார். அத்தோடு, தனது அனுபவத்தையும் நூலுரு பெறச் செய்ய வேண்டுமென பலர் கேட்டுக்கொண்டதாகவும், தனது வாழ்நாளில் அது சாத்தியமாகுமா என்ற சந்தேகம் காணப்படுவதாகவும் அவர் மேலும் குறிப்பிட்டார். http://athavannews.com/?p=693182/பொறாமை-தலைதூக்கியுள்ளது:-பி.எச்.அப்துல்-ஹமீட்-ஆதங்கம்/
  11. பின்னிலையிலிருந்து மீண்டெழுந்த ஜெர்மனி: டோனி குரூஸின் திகைக்க வைத்த கடைசி நிமிட கோலினால் ஸ்வீடனை வீழ்த்தியது திகைப்பூட்டும் 2வது கோலை அடித்த டோனி குரூஸைப் பாராட்டும் ஜெர்மனி. - படம். .| ஏஎஃப்பி. உலகக்கோப்பைக் கால்பந்து 2018-லிருந்து ஜெர்மனி முதல் சுற்றிலேயே வெளியேறும் என்ற பலரது ஆசைகளும் எதிர்பார்ப்புகளும் வீணாகின. மெக்சிகோவுடன் தோல்விக்கு அடுத்து நேற்று முதல் பாதியில் ஸ்வீடன் 1-0 என்று முன்னிலை பெற்றவுடனேயே வர்ணனையாளர்கள் கடைசியாக ஜெர்மனி முதல் சுற்றில் வெளியேறியது எப்போது (1938) என்று ஜெர்மனியின் தோல்வி வரலாற்றை இரங்கற்பா பாடத்தொடங்கினர். 80 ஆண்டுகள் ஒரு அணி முதல் சுற்றில் வெளியேறவில்லை என்பதே அந்த அணியின் கால்பந்து பாரம்பரியத்தை அறிவுறுத்துகிறது, ஆனால் சாம்பியன் அணிகள் தோற்க வேண்டும், சிறந்த அணிகள் தோற்க வேண்டும் என்பது பொதுவாக சிலருக்கு ஏற்படும் வக்கிர எண்ணமாகும். ஆனால் ஸ்வீடன் அணி ஜெர்மனியை கடைசியாக வீழ்த்தியது 1978-ல் தான். இந்தப் புள்ளி விவரங்களை அறியாத பத்திரிகையாளர்தான் அன்று ஜெர்மனிக்கு பிளைட் டிக்கெட் எடுத்துக் கொடுத்தார். ஆனால் நடந்தது என்ன? பலரது எதிர்பார்ப்புகளையும் மீறி ஜெர்மனி மார்கோ ரியூஸின் 48வது நிமிட கோலினாலும் டோனி குரூஸ் 90 நிமிடங்கள் கடந்து 4 நிமிடங்கள் கழித்து அடித்த மிகச்சிறப்பான கோலினாலும் ஜெர்மனி 2-1 என்று வெற்றி பெற்றது. உலகக்கோப்பை சாம்பியன் அணிகள் பல அடுத்த உலகக்கோப்பையிலேயே முதல் சுற்றில் வெளியேறிய கதைகள் பேசப்பட்டன, பிரான்ஸ் 2002லும் இத்தாலி 2010-லும், ஸ்பெயின் 2014-லும் இப்படித்தான் வெளியேறின, அடுத்ததாக ஜெர்மனி என்று ஹேஷ்யங்கள் முன் வைக்கப்பட்டன. ஸ்வீடன் அணி மிகவும் கடினமான அணி, அதிலும் அவர்கள் கோல் கீப்பர் ராபின் ஆல்சன் கடந்த அக்டோபர் முதல் கோல் விடாத ஒரு சாதனையில் ஆடவந்துள்ளார். ஆனால் ஜெர்மனி அணி மெக்சிகோவிடம் தோற்றதனாலோ என்னவோ கொஞ்சம் கட்டுக்கோப்பு இழந்து ஆடியது, அந்த அணியின் ஜெரோமி போட்டெங், ஸ்வீடன் வீரர் மார்கஸ் பெர்கை தடுக்க முனைந்து 2வது மஞ்சள் அட்டை வாங்கி ஜெர்மனி 10 வீரர்களுடன் ஆட நேரிட்டது, அதிலும் கடைசியில் கோல் வாங்காமல் கோல் அடித்தது சாம்பியன் அணிக்கான தருணம். அந்தக் கடைசி 4 நிமிடங்கள்: ஏற்கெனவே போட்டெங் செய்த மடத்தனமான ஃபவுலினால் அவர் வெளியேற்றப்பட 10 வீரர்களுக்கு ஜெர்மனி குறுக்கப்பட்டது. 92வது நிமிடத்தில் வெர்னருக்கு இடது புறம் கார்னர் வாய்ப்பு கிடைத்தது. ஆனால் அவர்கள் லாங் பாஸ் செய்யாமல் ஷார்ட் பாஸ் மேற்கொண்டனர், குண்டோகன் சர்க்கிளின் முனையிலிருந்து பிராண்ட்டிடம் அனுப்பினார், பந்து பவுன்ஸ் ஆனது அதனை 20 அடியிலிருந்து இடது காலால் ஒரே குத்துக் குத்தினார், ஸ்வீடன் கோல் கீப்பர் ஆல்சனைக் கடந்து வலது போஸ்ட்டில் அடித்தது. பட்ட பந்து மீண்டும் வெர்னரிடம் வர அவர் அடிக்கும் முன் ஆஃப் சைடு விசில் ஊதப்பட்டது. எந்த அணி வெற்றி பெறவும் 2 நிமிடங்கள் இருந்தன. 1-1 என்ற நிலையில் கடும் சவால். இருதரப்பினரும் மோதிக்கொண்டனர், ஆனால் ஜெர்மனி வசமே பந்து அதிகம் இருந்தது. அவர்கள் கால்களில் புதிய வேகத்தையும் அவசரத்தையும் காண முடிந்தது. டோனி குரூஸின் மிக அருமையான கடைசி கோல். | ஏஎப்பி. அப்படிப்பட்ட தருணத்தில்தான் டுர்மாஸைக் கடந்து ஜெர்மனி வீரர் வெர்னர் பந்தை விறுவிறுவென ஸ்வீடன் கோல் எல்லைக்குள் கொண்டு வந்தார், ஆனால் வெர்னரைக் கீழே தள்ளி ஒரு வேஸ்ட் ஃபவுலைச் செய்தது ஸ்வீடன். ஃப்ரீ கிக் வழங்கப்பட்டது. டொனி குரூஸ் ஃப்ரீ கிக்கிற்கு இடது புறத்திலிருந்து தயாரானார், கோல் வலை அந்தக் கோணத்திலிருந்து சற்றே கடினமானது, பாஸ் செய்து கோலடிக்கலாமே தவிர, அந்தக் கடினமான கோணத்திலிருந்து ஃப்ரீ கிக்கை நேரடியாக கோலுக்குள் அடிப்பது கடினம். டோனி குரூஸ் பந்தை சும்மா லேசாக மிக அருகில் இருந்த ரியூஸுக்குத் தட்டி விட்டார், அவர் பந்தை நிச்சலனமாக நிறுத்த டோனி குரூஸ் அடித்த ஷாட் இந்த உலகக்கோப்பையின் மிகச்சிறந்த கோல்களில் ஒன்றாகத் தேர்ந்தெடுக்கப்படுவதற்கு வாய்ப்பான கோல். வலது காலால் அவர் தூக்கி அடித்த ஷாட் வளைந்து கோலுக்குள் சென்றது, சாத்தியமில்லாத கோணம், சாத்தியமில்லாத ஷாட், ஜெர்மனி ஷாட்களையெல்லாம் தடுத்து வெறுப்பேற்றிய ஸ்வீடன் கோல் கீப்பர் ஆல்சனும் ஆச்சரியமடைந்த கோல்!! ஜெர்மனி 2-1 என்று கடினமான ஒரு வெற்றியை முயன்று பெற்றது. ஜோக்கிம் லோ-வின் தைரியமான அணித்தேர்வு: மெக்சிகோவுடனான தோல்விக்குப் பிறகு ஜெர்மனி மேலாளர் ஜோக்கிம் லோ தைரியமாக 4 வீரர்களை உட்கார வைத்தார், அதில் குறிப்பாக சேமி கேதிரா, மெசூட் ஓஸில் ஆகியோர் மிக முக்கியமானவர்கள். இடைவேளைக்கு முன்பாக செபாஸ்டியன் ரூடி, ஸ்வீடனின் ஒரே கோலை அடித்த டாய்வோனென் கைவரிசையில் மூக்குடைபட்டு பெஞ்சுக்குத் திரும்பினார். 87வது நிமிடத்திலும் ஜோக்கிம் லோ மேற்கொண்ட அபார மாற்றமும் கைகொடுத்தது. ஹெக்டரை திரும்ப அழைத்து, தாக்குதல் நடுக்கள வீரர் ஜூலியன் பிராண்ட்டை களத்துக்கு அனுப்ப்பினார், அவர் வந்தவுடனேயே வெறித்தனமாக அடித்த ஷாட்தான் கோல் கீப்பர் ஜூலியன் டைவையும் மீறி கோல் போஸ்ட்டைத் தாக்கியது, ஸ்வீடன் அரண்டு போனது. கடைசியில் வெற்றி கோலை திகைப்பூட்டும் விதத்தில் அரிய கோணத்தில் அடித்த டோனி குரூஸ்தான் முதல் பாதியில் பந்தை ஸ்வீடன் வீரர் பெர்கிற்கு விட்டுக் கொடுத்தார், ஆனால் அவர் முயற்சி வைடாக, விக்டர் கிளாசன் டாய்னவனுக்கு ஒரு அபார கிராஸ் செய்ய டாய்னவன் முதலில் மார்பில் பந்தைத் தாங்கி பிறகு மிக அருமையாக கோலுக்குள் தூக்கி விட்டார், இது ஷாட் அல்ல ஒரு டச்தான். ஜெர்மனி கோல் கீப்பர் மேனுயெல் நூயருக்கு ஒரு வாய்ப்பும் இல்லை. வேடிக்கைதான் பார்க்க முடிந்தது, ஸ்வீடன் அபாரமான முறையில் 1-0 என்று முன்னிலை பெற்றது. முதல் பாதியில் ஸ்வீடன் கோல் அடித்தாலும் ஜெர்மனி முழுத்தாக்குதல் தொடுத்தது 70% பந்துகளை தங்கள் வசம் வைத்திருந்தது, ஆனால் போட்டெங், அனுபவ வீரர் க்லோஸ், வலது புறத்தில் முல்லர், டோனி குரூஸ் போன்றவர்கள் இருந்தும் கோல் மட்டும் வரவில்லை. ஸ்வீடன் கோல் கீப்பர் ஆல்சன் சாதாரணமானவர் கிடையாது, அசாதாரண கோல் கீப்பராவார். அவரது கணிப்புகள் எதுவும் தவறவில்லை, மிகத்துல்லியமாகக் கணித்து ஜெர்மனியின் ஷாட்களுக்குத் தக்கவாறு தன்னை நகர்த்திக் கொண்டார். அதே போல் அவரது கோல் கீக்கும் மிகத்துல்லியமானவை. ஜெர்மனி தாக்குதல் ஆட்டம் ஆடினாலும் எதிர்த்தாக்குதலில் ஸ்வீடனும் சளைக்கவில்லை. ஸ்வீடன் மிகவும் ஒரு கடினமான அணி, தோற்கடிப்பது அவ்வளவு எளிதல்ல. ஜெர்மனி தடுப்பாட்டமே ஓரிரு கணங்களில் ஒன்றுமில்லாமல் போனது. ஸ்வீடனின் அற்புத எதிர்த்தாக்குதலும் முதல் கோலும் அப்படிப்பட்ட எதிர்த்தாக்குதலில்தான் ஜெர்மனி வீரரிடமிருந்து பந்தைத் தட்டிப்பறித்த ஸ்வீடன் பந்தை பெர்க் பெற, அவர் மிக அருமையாக பந்தை வேகமாக எடுத்து வந்தார், எமில் ஃபார்ஸ்பெர்க்குக்கு கொடுக்க ஜெர்மனி தடுப்பாட்ட வீரர்களே இல்லை, கிளாசன் நல்ல நிலையில் நிற்க ஃபார்ஸ்பெர்க் அவருக்குக் கொடுத்தார், ஆனால் கிளாசன் பந்து வந்தவுடனேயே கோலை நோக்கி அடித்திருக்க வேண்டும், ஆனால் அவர் பந்தை நிறுத்த ஹெக்டர் குறுக்கே புகுந்து கோல் முயற்சியை தடுத்தார், இது பெனால்டி பகுதியில் ஹெக்டர் இப்படி தடுத்ததால் பெனால்டி வேண்டும் என்று ஸ்வீடன் அடம்பிடித்தது, வீடியோ ரெஃபரல் செய்திருந்தால் ஒருவேளை பெனால்டி கிடைத்திருக்கலாம். பிறகு பெர்க் அடித்த தலை ஷாட் ஒன்று நூயரை சிக்கலுக்குள்ளாக்கியது. ஸ்வீடன் வீரர் டாய்வொனென் கோல் அடித்த பிறகு. | ஏ.எஃப்.பி. ஆட்டத்தின் 28வது நிமிடத்திலிருந்தே ஸ்வீடன் அணி கொஞ்சம் தாக்குதல் ஆட்டத்தில் வேகம் காட்டியது. 26வது நிமிடத்தில்தான் ரூடியின் மூக்கை உடைத்து ரத்தம் வர அவர் வெளியேறினார். 28வது நிமிடத்தில் அகஸ்டின்சன் வலதுபுறம் பந்தை எடுத்துச் சென்று கிராஸ் செய்தார், ஹெக்டர் அதனை தலையால் முட்ட ஸ்வீடனுக்கு கார்னர் வாய்ப்பு. கார்னர் ஷாட்டை வெர்னர் தலையால் முட்டி வெளியே தள்ளினார். 32வது நிமிடத்தில் ஜெர்மனிவசம் இருந்த பந்தை ஸ்வீடன் பிடுங்கியது, டோனி குரூஸ்தான் பந்தை ஸ்விடன் வசம் விட்டவர், பந்தை ஸ்வீடன் வலது புறம் வேகமாக எடுத்து சென்றது, கிளாசன் பார்த்தார், நடுவில் டாய்வோனென் இருந்ததைக் கவனித்தார், அவரிடம் ஒரு அழகான பாஸைச் செய்ய இரண்டு ஜெர்மனி தடுப்பாட்ட வீரர்களுக்கு இடையே பந்தை மார்பில் தாங்கினார் டாய்வோனென், பிறகு முன்னேறி வந்த ஜெர்மன் கோல் கீப்பர் நூயரைத் தாண்டி தூக்கி விட்டார். பந்து கனவுக் காட்சி போல் கோலுக்குள் சென்றது. பந்தை தன் வசமிழந்த டோனி குரூஸ் தன் முகத்தில் கையை வைத்து கொண்டு குற்ற உணர்வில் தவித்தார். டோனி குரூஸ் ஒருவேளை அப்போது முடிவெடுத்திருப்பார் வெற்றி கோலை அடிக்கப்போவது தானே என்று!! இடைவேளையின் போது ஸ்வீடன் மிக அபாயகரமாக 1-0 என்று முன்னிலையுடன் சென்றது. இடைவேளைக்குப் பிறகு ஜெர்மனி வேறொரு அணியானது. இங்கிலாந்து போல் பின்களத்தில் 4 வீரர்கள், நடுக்களத்தில் 4 வீரர்கள் முன் களத்தில் 2 வீரர்கள் என்று நிலைநிறுத்தியிருந்தது. ஜெர்மனியின் முதல் கோல், மார்கோ ரியூஸ். | ஏ.எப்.பி. இடைவேளை முடிந்து இறங்கியவுடன் நீண்ட நேரம் எடுத்துக் கொள்ளவில்லை 48வது நிமிடத்தில் இடது புறம் வெர்னர் தாக்குதல் தொடுக்க பந்தை உள்ளுக்குள் தள்ளி 6 அடி பாக்சிற்குள் கிராஸ் செய்தார், கோம்ஸ் அதை சரியாகக் காலாளவில்லை, அவரிடமிருந்து சுழன்று சென்றது பந்து ஆனால் ஸ்வீடன் வீரரைக் கடந்து ரியூஸ் உள்ளே வந்து ஆல்சன் தள்ளி நிற்க கோலாக மாற்றினார், ஜெர்மனி சமன் செய்தது. கோம்ஸைக் கொண்டுவந்ததும் ஜோக்கின் லோவின் அருமையான ஒரு முடிவாகும். கடந்த 26 போட்டிகளில் உட்கார வைக்கப்படாத ஓஸிலை உட்காரவைத்தது ஜோக்கிம் லோ-வின் தைரியமான முடிவாகும். மொத்தத்தில் கடுமையாக ஆடிய ஸ்வீடனை ஜெர்மனி 10 வீரர்களுக்குக் குறைக்கப்பட்டாலும் அபாரமான தனிநபர் திறமைகளினால் வென்றது. ஆனால் முல்லர் என்ன செய்கிறார்? அவர்பாட்டுக்கு வலது புறம் தெய்வமேனு ஆடப்பணிக்கப்பட்டிருப்பது ஏன்? ஒரு ஸ்ட்ரைக்கரைப் பூனைக்குட்டிப் போல் ஆக்கிவிட்டு விங்கில் ஜோக்கிம் லோ குட்டிப்போட்ட பூனை போல் அலைவது ஏன்? ஒருவேளை வரும் போட்டிகளில் இதற்கு விடை கிடைக்கலாம். கொரியாவை ஜெர்மனி வீழ்த்தி, மெக்சிகோவை ஸ்வீடன் வீழ்த்தினால் 3 அணிகளும் 6 புள்ளிகளுடன் இருக்கும், அப்போது கோல் வித்தியாசம் அடுத்த சுற்றுக்கு முன்னேறும் 2 அணிகளைத் தீர்மானிக்கும். இந்த குரூப் எஃப் தான் ஊசி முனையில் தள்ளாடுகிறது. ஜெர்மனி போன்ற அணிகளிடம் காணப்படும் முக்கிய குணாம்சம் என்னவெனில் பெரிய தொடர்களில் சரியான நேரத்தில் அவர்கள் ஆட்டம் உச்சம் பெறும் சூடுபிடிக்கும், நேற்று ஸ்வீடன் அணிக்கு எதிராக அதுதான் நடந்தது, ஆனால் ஸ்வீடன் அணி உண்மையில் கடும் அச்சுறுத்தலான அணியாகும், மெக்சிகோ தோற்றாலும் ஆச்சரியப்படுவதற்கில்லை http://tamil.thehindu.com/sports/article24245098.ece
  12. நவீனன்

    இளமை புதுமை பல்சுவை

    பீச்சில் படுத்துறங்கிய கண்ணதாசன்... தடியால் எழுப்பிய போலீஸ்! பிறந்ததின சிறப்புப் பகிர்வு கவியரசு கண்ணதாசன் பிறந்த தினத்தை முன்னிட்டு அவர் பற்றிய சிறப்புக் கட்டுரை... சென்னைக்கு வரும் அவர், மெரினா கடற்கரைக்குச் செல்கிறார். அந்தக் கடற்கரைக்குச் செல்லாதவர்கள் யார்தான் உண்டு? அழகான காட்சிகளையும், அலங்கோல காட்சிகளையும் அனுதினமும் தந்துகொண்டிருப்பதில் மெரினா என்றால் மிகையாகாது. அதனால்தான் பலமொழி மாநிலத்தவரும் அங்கு படையெடுக்கின்றனர். மெரினாவைக் காணும் அதே ஆசையில்தான் நாம் சொல்லும் நபரும் அங்கே பயணிக்கிறார். காதலர்கள் மீது பொறாமை! மாலை வேளை வந்துவிட்டது என்பதைச் சூரியனுக்குச் சொல்லிக்கொண்டிருந்தது கடிகார முட்கள். அந்த நேரத்தில், அப்படியே மண்ணில் கால்பதித்து அமர்கிறார் நம்மவர். அப்போது, ஒரு பொருளுக்கு இரண்டு குழந்தைகள் ஆசைப்படுவதைப் பார்க்கிறார். அந்தப் பொருள் ஒரு குழந்தைக்குக் கிடைத்துவிடுகிறது. ஆனால், அதே பொருள் மற்றொரு குழந்தைக்குக் கிடைக்கவில்லை. இதைக் கவனிக்கும் அவர், இதுதான் உலகமா என்று விந்தையுடன் யோசிக்க ஆரம்பிக்கிறார். அடுத்து, அதே இடத்தில் ஒரு காதலர்களைப் பார்க்கிறார். அவர்கள் அடிக்கடி சிரித்து மகிழ்வதையும், அடித்து விளையாடுவதையும் பார்த்து பொறாமை கொள்கிறார். அதைப் பார்க்கும் நம்மவர், `நாமும் காதலித்திருக்கிறோம்... ஆனால், இதுபோல் நடந்துகொண்டதில்லையே... காதல் என்பது கண்கள் வரை அல்லவா' என்று ஏங்குகிறார்; `இவர்களிடம் காதல் எல்லை தாண்டிப் போகிறதே' என்று எண்ணுகிறார். அதற்குமேல் அந்தக் காட்சிகளைச் சகித்துக்கொள்ளாதவர், அதிலிருந்து பார்வையை விலக்கிக் கடலில் பயணிக்கும் கட்டுமரங்களையும், படகுகளையும் பார்க்கிறார். அதன்மூலம் உழைத்து குடும்பத்தைக் காப்பாற்றும் மீனவர்களின் உயர்ந்த நிலையை எண்ணிப் பெருமைகொள்கிறார். நண்டினால் பயம்! அந்த நேரத்தில்தான் அவர் காலடியில் வந்து ஒரு பெரிய நண்டு விழுகிறது. இதை ஓர் அலை, துணிச்சலுடன் செய்துவிட்டு மறைந்துவிடுகிறது. ஆனாலும், அவர் அதைச் சற்றும் எதிர்பார்க்கவில்லை. பயத்தில், ஒருவித பதற்றத்தில் அப்படியே எழுந்துநிற்கிறார். கரையில் விழுந்த நண்டு மீண்டும் கடலுக்குள் போய்விடுகிறது. இது, அவருக்கு நம்பிக்கையை விதைக்கிறது. சமூகம் நம்மை வெளியே தள்ளினாலும், அந்தச் சமூகத்துக்குள்ளேயே நாம் நிரந்தர இடத்தைப் பிடிக்க வேண்டும் என்ற ஆவலை அவர் மனம் இறுகப்பிடித்துக்கொள்கிறது. அந்த ஆசையிலேயே அங்கேயே உறங்கிவிடுகிறார். தட்டியெழுப்பிய போலீஸ்! அடுத்தநொடி, போலீஸாரின் கைத்தடி தட்டியெழுப்புகிறது. ஒருகாலத்தில் தந்தை பெரியாரின் கைத்தடி, நாட்டிலிருந்த சமூக அவலங்களைத் தோலுரித்துக் காட்டியதுடன் உண்மையை உலகுக்கும் உணர்த்தியது. அதன்மூலம் மக்களை விழித்துக்கொள்ளவும் வகை செய்தது. ஆனால் இன்று, ஆட்சியின் அதிகாரபலத்தால் விழித்திருக்கும் மக்களைக்கூடக் காவல் துறையின் கைத்தடிகள் காயப்படுத்தி, `இனி நீங்கள் விழிக்கவே கூடாது' என்று எச்சரிக்கின்றன. அந்த நிலைதான் அவருக்கும். ``ஏய், நீ யாரு... இங்கே எதற்கு வந்தாய்... சொந்த ஊரு எது... கையில் எவ்வளவு காசு வைத்திருக்கிறாய்... கடற்கரையில் தூங்கக்கூடாது என்று உனக்குத் தெரியாதா... இங்கிருந்து எழுந்து போ'' எனத் துளைத்தெடுத்தது அந்தப் போலீஸ்காரரின் குரல். உண்மையிலேயே நம்மவரிடம் அன்று பைசா இருந்து போலீஸாரிடம் கொடுத்திருந்தால், நிச்சயம் அங்கு உறங்குவதற்கு இடம் கிடைத்திருக்கலாம். ஏனென்றால், இந்த உலகமே லஞ்சம், ஊழல் உள்ளிட்டவற்றில்தானே கொடிகட்டிப் பறக்கிறது. போலீஸாருக்குப் பயந்து அங்கிருந்து போனவர் மீண்டும் அதே கடற்கரையில் வேறோர் இடத்தில் படுத்தத் தூங்க ஆரம்பித்தார். நம்பிக்கை விதை! இந்த முறை சில்மிஷம் செய்யும் காற்றுக்கூட அவரது தூக்கத்தைக் கெடுக்கவில்லை. ஓடிப்போன சூரியன் மீண்டும் வந்ததைக் கண்டு பொழுது புலர்ந்துவிட்டதை நம்மவர் உணர்ந்துகொண்டார். இப்போது ஒரு முடிவுக்கு வந்தார், அவர். எந்த வேலை கிடைத்தாலும் செய்ய வேண்டும் என்று. ஆம், அப்படிப்பட்ட முடிவை இந்த உலகில் எந்த மனிதன் எடுத்தாலும், அதுவும் குறிப்பாகக் கெளரவம் பார்க்காமல் நேர்மையுடனும், திறமையுடனும் உழைத்தால் நிச்சயம் ஜெயிப்பான். அதனால்தான் நம்மவரும் பின்னாளில் ஜெயித்தார். அவர், வெற்றி கண்டது திரைத்துறையில்... அதன்மூலம் நின்றார் பலருடைய மனத்திரையில்! எத்தனையோ தோல்விகளையெல்லாம் தாங்கிக்கொண்ட அவர், அதன் மொத்த வலிகளையெல்லாம் தன்னுடைய முதல் பாட்டிலேயே நம்பிக்கை விதையாய் விதைத்தார். ``கலங்காதிரு மனமே - உன் கனவெல்லாம் நனவாகும் ஒரு தினமே!'' - என்று எழுதினார். அரசியலில் சூடு! உண்மையில், அவருடைய கனவு வென்றது. அந்த வெற்றி, அவரை அரசியல் பாதைக்கும் அழைத்துச் சென்றது. சினிமாவிலிருந்து வந்தவர்கள் அரசியலிலும் ஜெயித்திருக்கிறார்களே... அதன் தொடர்ச்சி, இன்றும் அரங்கேறுகிறதே? நம்மவரும், நட்பின் மூலம் அரசியலுக்குள் புகுந்தார். ஆனால், போகப்போக அரசியல் நமக்குச் சரிப்பட்டு வராது என்பதை அவர் புரிந்துகொண்டார். ஒருமுறை தேர்தலில் தோல்வியுற்ற அவர், அதன் வருத்தத்தை, வலி மிகுந்த வேதனையை இப்படிப் பதிவு செய்தார். ``யாரை எங்கே வைப்பது என்று யாருக்கும் தெரியல்லே அட அண்டங்காக்கைக்கும் குயில்களுக்கும் பேதம் புரியல்லே பேதம் புரியல்லே! பேரெடுத்து உண்மையைச் சொல்லி பிழைக்க முடியல்லே இப்போ பீடிகளுக்கும் ஊதுபத்திக்கும் பேதம் தெரியல்லே!'' - என்று `பலே பாண்டியா' படத்தில் எழுதினார். அதேபோல், அரசியலில் சூடுபட்டுக் கொண்டதை `ஆலயமணி' படம் மூலம் உணர்த்தினார். அந்தப் படத்தில் எழுதியுள்ள ஒரு பாடலில், ``சட்டி சுட்டதடா கை விட்டதடா புத்தி கெட்டதடா நெஞ்சைத் தொட்டதடா நாலும் நடந்து முடிந்த பின்னால் நல்லது கெட்டது தெரிந்ததடா!'' - என்று உண்மையை உணர்த்தியிருப்பார். இப்படி, பல மனிதர்களிடையே பழகி அதற்கான அனுபவங்களைப் பெற்றதால்தான் அவர், “எப்படியெல்லாம் வாழக்கூடாதோ, அப்படியெல்லாம் வாழ்ந்தவன் நான். அதனால் இப்படித்தான் வாழ வேண்டும் என்று அறிவுரை சொல்லும் தகுதி எனக்கு இருக்கிறது'' என்று எல்லோருக்கும் அறிவுரை வழங்கும் அளவுக்கு அனுபவமிக்கவராக விளங்கினார். அவர், வேறு யாருமல்ல... கவியரசு கண்ணதாசன். அவருடைய பிறந்த தினம் இன்று. https://www.vikatan.com
  13. தலைவாழை இசை... எம்.எஸ்.வி. வாழ்க! இசை ஓவியம் எம்.எஸ்.வி (ஓவியம்: பாரதிராஜா) இசையை யார் வேண்டுமானாலும், எப்போது வேண்டுமானாலும் எப்படி வேண்டுமானாலும் ரசிக்கலாம். காற்றுக்கு எப்படித் தடையில்லையோ... அப்படித்தான் இசைக்கும் தடையில்லை. இசையை ரசிப்பதற்கும் எல்லையில்லை. அப்படியான இசையை, எல்லா தரப்பு மக்களும் ரசிக்கவைத்த புண்ணியம், இசை தந்த இரட்டிப்பு மகிழ்ச்சி, அந்த இருவரைச் சேரும். அதுவரை இருந்த திரை இசையில் நளினத்தை இன்னும் புகுத்தினார்கள். நவீனத்தை இன்னொரு டீஸ்பூன் சேர்த்துக் கொடுத்தார்கள். அதை பக்கெட் பக்கெட்டாக, அண்டா அண்டாவாக குடித்துக் கரைந்து இசையில் கலந்தார்கள் ரசிகர்கள். அத்தனைப் பெருமைக்கும் உரியவர்கள் விஸ்வநாதன் & ராமமூர்த்தி. அவர்களில் விஸ்வநாதனுக்கு என தனித்த அடையாளமும் உண்டு. அவரின் இன்னொரு பெயர் எம்.எஸ்.வி.! மெல்லிசை ராணியின் மன்னர் எம்.எஸ்.வி. எந்த சங்கீதத்தையும் இவர் கரம் பட்டு, கையசைவு பட்டு வந்தாலே, தமிழகத்தின் காதுகளில் புகுந்து, மனதில் இனம் புரியாத சந்தோஷமும் அமைதியும் குடிகொள்ளும். சங்கீதத்தின் பல சாளரங்களைத் திறந்துவிட்ட அசாதாரண இசைக்குச் சொந்தக்காரர். படத்துக்குத் தகுந்தது போல் மெட்டு போடுவார்கள். பாட்டுக்குத் தகுந்தது மாதிரி மெட்டு அமைப்பார்கள். இவர், நடிகர்களுக்குத் தகுந்தது போலவும் மெட்டு அமைக்கும் ஜித்தர். அதனால்தான், எம்ஜிஆரின் ஹிட் பாடல்களிலும் சிவாஜியின் முக்கியமான பாடல்களிலும் ஜெமினிகணேசனின் பிரபலமான பாடல்களிலும் முத்துராமனின் முக்கியப் பாடல்களிலும் இவரின் பாடல்கள் தனிமுத்திரையுடன் இருக்கும். அந்த முத்திரையைக் கண்கள் மூடிக் கேட்கும் போது, தழையத்தழைய தெருவைக் கூட்டுகிற அந்த வேஷ்டி கட்டுகிற ஸ்டைலும் மழுங்க எடுத்த பளீர் முகமும் நெற்றியின் சந்தனமும் குங்குமமும் நம் எதிரே முகமாய் விரியும். நாமும் முகமன் கூறி, பாடலை முணுமுணுப்பதில் கிறங்கிவிடுவோம். எல்லாப் பாடல்களையும் ஹிட்டாக்கி விடுகிற யுக்தியை விரல்களில் வைத்திருக்கும் வித்தைக்காரர் எம்.எஸ்.வி. எங்கவீட்டுபிள்ளையில் ‘குமரிப்பெண்ணின் உள்ளத்திலே‘ என்றொரு பாடல். டிரிபிள் பேங்கோஸின் அடியில் சொக்கிவிடுவோம். ‘நான் அள்ளிக்கொள்ள அவள் பள்ளி கொள்ள சுகம் மெல்லமெல்லவே புரியும்‘ என்ற வரிகளைச் சொல்லும் மெட்டில், காதலின் சுகத்தையும் இசையின் சுகானுபவத்தையும் கலந்துகட்டித் தந்திருப்பார். பச்சைவிளக்கு என்றொரு படம். சிவாஜி நடித்தது. அதில் ‘ஒளிமயமான எதிர்காலம் என் உள்ளத்தில் தெரிகிறது‘ பாடல். முன்னதாக, மங்கல வாத்தியத்தை இசைக்கவிட்டிருப்பார். சிவாஜியை திரையில் நடக்கவிட்டிருப்பார்கள். முகம் முழுக்க புன்னகையுடன் தங்கையின் எதிர்காலக் கனவில் சிவாஜி இருப்பதை, அந்த இசையே நமக்குச் சொல்லிவிடும். றெக்கை இல்லாமல் பறக்கமுடியுமா. முடியும். வானில் ஒரு ரவுண்டு பறந்துவிட்டு வரமுடியுமா. அதுவும் சாத்தியம். எப்படி? ஆயிரத்தில் ஒருவன் படத்தில், ‘அதோ அந்தப் பறவை போல் வாழவேண்டும்‘ என்ற பாட்டின் இசையைக் கேளுங்கள். அப்படிப் பறந்துவிட்டு, இப்படியாக வந்து இறங்குவோம்; கிறங்குவோம். அதிலும் ஹம்மிங்கில் ஜிம்மிக்ஸ் காட்டுகிற ஜாலம் அவருடைய ஸ்டைல். இதேபாடலில், ‘லலாலா... லலாலா... லலலலலலலல்லா‘ என்று ஹம்மிங் போட்டிருப்பார். சர்வம் சுந்தரம் படம். நாகேஷ் ஹீரோ. நடிகராகவே நடித்திருப்பார். ‘அவளுக்கென்ன... அழகிய முகம் அவளுக்கென்ன...‘ என்ற பாடலில் பாடகர்களின் குரல்களுடன் வாத்தியங்களும் பாடிக்கொண்டே வரும். இந்தப் பாடலைக் கேட்கும் போது, அந்த இசையையும் நம் வாயாலேயே பாடவைத்துவிடுவார் எம்.எஸ்.வி. என்னைப் போல் ஒருவன் படத்தில், வேலாலே விழிகள் இங்கு ஆலோலம் இசைக்கும் பாட்டும், ராஜபார்ட் ரங்கதுரையின் மதனமாளிகையில்... பாட்டும் நம்மை என்னவோ செய்யும். எம்.ஜி.ஆருக்கு ‘எங்கிருந்தோ ஆசைகள்... எண்ணத்திலே ஓசைகள். என்னென்று சொல்லத் தெரியாமலே...‘ என்ற பாடல், நம்மையும் எம்ஜிஆருடன் சேர்ந்து காதல் செய்யவைத்துவிடும். காதலிக்க நேரமில்லை படத்தில் அனுபவம் புதுமை பாடலில், ‘ராராராரா ராரா...‘ என்றும் விசில் சத்தமும் கொடுத்திருப்பார். பாசமலர் படத்தில், மலர்ந்தும் மலராத பாதிமலர் போல பாடலில் முந்தைய இசையே ஒரு மென்சோகத்தை நமக்குள் கடத்திவிடும், உணர்ந்திருக்கிறீர்களா? அதேபோல், பாடலின் நிறைவில், ம்ம்ம்ம்ம்ம்ம்ம்ம்....ம்ம்ம்ம்ம்ம்ம்ம்ம்... அன்பே ஆரிராரோ ஆரிராரோ... ஆரிராரிரோ..‘ என்று பாசத்துக்கும் இதுமாதிரியான இசைக்கும் நம்மை ஏங்கச் செய்துவிடுவார். குடியிருந்த கோவில் படத்தில், ‘என்னைத் தெரியுமா‘ பாடல். ‘உங்கள் ரசிகன் நல்ல ரசிகன்‘ என்றொரு கோரஸ் வரும். அந்த கோரஸ் கூட்டத்தில் நாமும் கோரஸாகிவிடுவோம். பெரிய இடத்துப் பெண் படத்தில், பாரப்பா பழநியப்பா பாடலில் டுர்டுர்... என்றெல்லாம் பாடவைத்திருப்பார். நாமும் மாட்டுவண்டியில் ஏறிக்கொள்வோம். பாலும்பழமும் படத்தில் நான் பேச நினைப்பதெல்லாம் பாடலில்... ம்ம்ம்ம்ம்ம்.. ம்ம்ம்ம்ம்.. ம்ம்ம்ம்ம். என்றும் அந்த வாத்தியக்கருவிகளின் குழைவும் தடக்கென்று தடதடவென ஓடி வழிகிற இசையும் ஸ்பெஷல் சுகம். பட்டிகாடா பட்டணமா படத்தின் பிப்பீப்பீ டும்டும் பிப்பீப்பீ டும்டும் பிப்பீ டும்டும்டும்..., ஊட்டி வரை உறவு படத்தில், பூமாலையில் ஓர் மல்லிகை பாடலின் முந்தைய ஹம்மிங்கும்... நடுவே ஆஆஆஆஆஆஆஆ... என்கிற ஹம்மிங்கும் தயிர் வடையின் மேலே தூவுகிற காராபூந்திகள். தினசரி பேப்பரைக் கொடுத்தால் கூட, அதற்கு ஒரு மெட்டைப் போட்டுவிடுவார் என்பார்கள். நெஞ்சிருக்கும் வரை படத்தில், பூமுடிப்பாள் இந்தப் பூங்குழலி என்ற பாடலின் நடுவே, கல்யாணப் பத்திரிகையை அப்படியே வாசிக்கச் செய்து மெட்டாக்கியிருப்பார். அதேபடத்தின் முத்துக்களோ கண்கள் பாடல், அந்தக் காலத்துக் காதலர்களின் டாப் டென் ரகசிய கீதங்கள். அவரின் விரல்களைப் போலவே குரலும் தனி ரவுசு பண்ணும். ரகளை பண்ணும். சொல்லத்தான் நினைக்கிறேன் படத்தில் அவரே பாடியிருப்பார். ‘காதல் என்பது மழையானால் அவள் கண்கள்தானே நீர்மேகம்‘ என்ற வரிகளிலும்... ‘சொல்லத்தான்...‘ என்ற வரியிலும் அத்தனையையும் சொல்லி நிறைத்திருப்பார் எம்.எஸ்.வி. புதிய பறவையில் பார்த்த ஞாபகம் இல்லையோ... பாடலின் முந்தைய ஹம்மிங், எதுஎதையோ ஞாபகத்துக்குக் கொண்டுவந்துவிடும். இதோ எந்தன் தெய்வம் பாடலும் அப்படித்தான். நாளை நமதே படத்தில், ‘அன்பு மலர்களே...‘ பாட்டு தனி எனர்ஜி. இயக்குநர்கள் ஸ்ரீதரும் பாலசந்தரும் எம்.எஸ்.வி.யின் காதலர்கள். ரசித்து ரசித்து அவரிடம் இசையை வாங்கியிருப்பார்கள். சிவந்த மண் படத்தில் ஒரு ராஜா ராணியிடம் பாட்டை கேட்டிருப்பீர்கள். தயவுசெய்து இன்னொரு முறை கேளுங்கள். அவரின் இசை எங்கெல்லாம் சென்றிருக்கும். ஒரே பாடலுக்குள் எத்தனை மெட்டுகளை செருகியிருப்பார். என்னென்ன வித்தைகளையெல்லாம் கையாண்டிருப்பார் என்பது தெரியும். எங்கவீட்டுபிள்ளையிலும் நான் ஆணையிட்டால் என்று சாட்டைச் சத்தம் கொடுப்பார். சிவந்த மண்ணிலும் பட்டத்து ராணி என்று சாட்டைச் சத்தம் தருவார். இரண்டுக்குமான வித்தியாச நிகழ்வுகளை சாட்டைச் சொடுக்கிலும் சத்தத்திலும் தந்திருப்பார் அசகாய விஸ்வநாதன். வறுமையின் நிறம் சிகப்பின் சிப்பி இருக்குது முத்தும் இருக்குது இசையின் தலைவாழை ருசி. இசைக்கு இன்னொரு பெயர் வைக்கலாம் என்றால் அது... எம்.எஸ்.வி. எம்.எஸ்.வி.க்கு இன்னொரு பெயர் வைக்கலாம் என்றால் இசை. மெல்லிசை! இசையில் ராஜாங்கம் நடத்திய எம்.எஸ்.வி.யின் பிறந்தநாளில்... அவரைப் போற்றுவோம். அவரின் பாடல்களை இப்போதும் கேட்போம். எப்போதும் கேட்போம். கேட்டு இன்புறுவோம்! https://www.kamadenu.in/news/cinema/3599-msv-birthday.html?utm_source=site&utm_medium=TTH_slider_banner&utm_campaign=TTH_slider_banner
  14. இன்­னொரு ஹிட்­லரை அனு­ம­திக்­குமா உலகம்? கோத்­தா­பய ராஜபக் ஷ இரா­ணுவ ஆட்­சியை – கடும்­போக்கு ஆட்­சியை விரும்­பு­பவர். அத­னையே தனது அடை­யா­ள­மாக நிரூ­பிக்­கவும் எத்­த­னிப்­பவர். இது அவரைச் சுற்­றி­யி­ருப்­ப­வர்­க­ளுக்கு நன்­றா­கவே தெரியும். அதனால் தான், அவ­ரது அந்த அடை­யா­ளத்தை முன்­னி­லைப்­ப­டுத்தி, அவரை மேல் மட்­டத்­துக்குக் கொண்டு வர முனை­கி­றார்கள். ஆனால், அர­சியல் என்­பது வேறு. அதற்கும் இரா­ணுவ ஆட்­சிக்கும் ஒரு­போதும் ஒத்­துப்­போ­காது. ஜன­நா­யகப் பாரம்­ப­ரி­யங்­களை மதிக்­கின்ற வகை­யி­லான, பண்­பு­களைக் கொண்­ட­வர் க­ளுக்குத்தான் அர­சியல் பொருத்­த­மு­டை­யது ஹிட்­ல­ராக மாறி, இரா­ணுவ ஆட்­சியின் மூலம், நாட்டைக் கட்­டி­யெ­ழுப்ப வேண்டும் என்று, கோத்­தா­பய ராஜபக் ஷவுக்கு அஸ்­கி­ரிய பீடத்தின் அனு­நா­யக்க தேர­ரான, வண. வெத­ருவே உபாலி தேரர் வழங்­கிய ஆசி, பெரும் பர­ப­ரப்பை தோற்­று­வித்­தி­ருக்­கி­றது. கோத்­தா­பய ராஜபக் ஷவின் 69 ஆவது பிறந்த நாளை முன்­னிட்டு, மிரிஹானயில் உள்ள வீட்டில் நடந்த சமய நிகழ்­வி­லேயே, அனு­நா­யக்க தேரர் இவ்­வாறு ஆசி வழங்­கி­யி­ருக்­கிறார். மூன்று பௌத்த பீடங்­க­ளி­னதும் உயர் பிர­தி­நி­தி­களும், மஹிந்த ராஜபக் ஷ, சமல் ராஜபக் ஷ, பசில் ராஜபக் ஷ போன்­ற­வர்­களும் இந்த நிகழ்வில் பங்­கேற்­றி­ருந்­தனர். இதன்­போதே, இரா­ணுவ ஆட்சி, ஹிட்லர் போன்ற சொற்­களின் ஊடாக கோத்­தா­பய ராஜபக் ஷவுக்கு உசார் ஏற்றும் முயற்­சிகள் நடந்­தி­ருக்­கின்­றன. எனினும், ஊட­கங்­களில் வெளி­யா­னவை போன்று, அனு­நா­யக்கர் அவ்­வாறு கூற­வில்லை என்றும், “அவர்கள் உங்­களை ஹிட்லர் என்று அழைத்தால், அப்­போது ஹிட்­ல­ராக மாறி நாட்டைக் கட்­டி­யெ­ழுப்­புங்கள்” என்றே அஸ்­கி­ரிய அனு­நா­யக்கர் ஆசி வழங்­கி­ய­தா­கவும் இன்­னொரு தக­வலும் உள்­ளது. கோத்­தா­பய ராஜபக் ஷ அடுத்த ஜனா­தி­பதி தேர்­தலில் போட்­டி­யி­டு­வாரா இல்­லையா- அதற்­கான தகு­தி­களை அவர் கொண்­டி­ருக்­கி­றாரா இல்­லையா- என்­பது பற்­றிய வாதங்கள் எல்லாம் ஒரு­புறம் நடந்து கொண்­டி­ருக்கும் நிலையில், அவரை ஒரு கடும்­போக்­கு­வாத ஆட்­சி­யா­ள­ராக உரு­வாக்­கு­வதில் இன்­னொரு தரப்பு ஈடு­பட்­டி­ருக்­கி­றது என்­பது மறுக்க முடி­யாத உண்மை. முன்­னைய ஆட்­சிக்­கா­லத்தில் கோத்­தா­பய ராஜபக் ஷ அசைக்க முடி­யாத இரும்பு மனி­த­ரா­கவே உலா வந்­தவர். ஜனா­தி­ப­தி­யாக இருந்த மஹிந்த ராஜபக் ஷவே, பல­வே­ளை­களில் கோத்­தா­பய ராஜபக் ஷவின் பேச்­சுக்கு மடங்கிப் போன­தாக கூறப்­ப­டு­வ­துண்டு. சில சந்­திப்­பு­களின் போது, இயல்­பாக பேசிக்­கொண்­டி­ருக்கும் மஹிந்த ராஜபக் ஷ, கோத்­தா­பய ராஜபக் ஷ வரு­கிறார் என்­றதும் பேச்சை மாற்றிக் கொண்­ட­தா­கவும் கூட பலரும் கூறி­யி­ருக்­கி­றார்கள். கோத்­தா­பய ராஜபக் ஷ இரா­ணுவ ஆட்­சியை ஒத்த ஒரு கட்­ட­மைப்பை ஏற்­ப­டுத்தி வைத்­தி­ருந்தார். மஹிந்த ராஜபக் ஷவிடம் இருந்த நிறை­வேற்று அதி­காரம் என்ற கவ­சத்தை, அதற்குச் சாத­க­மாகப் பயன்­ப­டுத்திக் கொண்டார். கொழும்பு நகரை அழ­கு­ப­டுத்­தி­யது உள்­ளிட்ட சில விட­யங்­களில் அவ­ரது கடும்­போக்கும், எடுக்கும் முடி­வு­களை பின்­வி­ளை­வு­களைப் பற்றி யோசிக்­காமல் நடை­மு­றைப்­ப­டுத்தும் குணமும், பல­ராலும் ஆத­ரிக்­கப்­ப­டு­கி­றது. ஆனால், நடை­முறை அர­சி­யலில் அவர் ஒரு ஜன­நா­யக ஆட்­சியை நடத்தக் கூடிய இயல்­பு­டை­யவர் அல்ல என்­பது, அவ­ரது பெரும் பல­வீ­ன­மாகப் பார்க்­கப்­ப­டு­கி­றது. கோத்­தா­பய ராஜபக் ஷ இரா­ணுவ ஆட்­சியை – கடும்­போக்கு ஆட்­சியை விரும்­பு­பவர். அத­னையே தனது அடை­யா­ள­மாக நிரூ­பிக்­கவும் எத்­த­னிப்­பவர். இது அவரைச் சுற்­றி­யி­ருப்­ப­வர்­க­ளுக்கு நன்­றா­கவே தெரியும். அதனால் தான், அவ­ரது அந்த அடை­யா­ளத்தை முன்­னி­லைப்­ப­டுத்தி, அவரை மேல் மட்­டத்­துக்குக் கொண்டு வர முனை­கி­றார்கள். ஆனால், அர­சியல் என்­பது வேறு. அதற்கும் இரா­ணுவ ஆட்­சிக்கும் ஒரு­போதும் ஒத்­துப்­போ­காது. ஜன­நா­யகப் பாரம்­ப­ரி­யங்­களை மதிக்­கின்ற வகை­யி­லான, பண்­பு­களைக் கொண்­ட­வர்­க­ளுக்குத் தான் அர­சியல் பொருத்­த­மு­டை­யது. மஹிந்த ராஜபக் ஷவை அமெ­ரிக்கா எதேச்­சா­தி­காரி என்று குறிப்­பிட்­டி­ருந்­தாலும், அவர் தேர்­தல்­களை ஒழுங்­காக நடத்தி, தான் ஜன­நா­யக ஆட்­சியை நடத்­து­வ­தாக காட்டிக் கொண்­டவர். ஆனாலும், அவ­ரது ஆட்­சியை, தனது முரட்­டுத்­த­ன­மான இரா­ணுவ போக்கில் நாட்டை வழி­ந­டத்திச் சென்று, மேற்­கு­ல­கினால் எதேச்­சா­தி­கார ஆட்சி என்ற விமர்­ச­னங்­களை தோற்­று­விக்க கார­ண­மாக இருந்­தவர் கோத்­தா­பய ராஜபக் ஷ. மஹிந்த ராஜபக் ஷ ஆட்­சியின் போது, இவர் எடுக்கும் முடி­வு­களே பெரும்­பாலும் இறு­தி­யா­ன­தாக இருந்து வந்­தது. கடும்­போக்கு வாதமும், இறுக்­க­மான இரா­ணுவ நிர்­வாகம் போன்ற கெடு­பி­டி­களும், இரா­ணுவ ஆட்சி நடக்கும் நாடு போன்ற தோற்­றப்­பாட்டை உரு­வாக்­கி­யது. அதனைத் தான் மீண்டும் அஸ்­கி­ரிய அனு­நா­யக்கர் போன்­ற­வர்கள் எதிர்­பார்க்­கி­றார்கள். அனு­நா­யக்கர் மாத்­தி­ர­மன்றி, கோத்­தா­பய ராஜபக் ஷவைச் சுற்­றி­யி­ருப்­ப­வர்­களும் அதனைத் தான் விரும்­பு­கி­றார்கள். ஆட்சி மாற்­றத்­துக்குப் பின்னர் ராஜபக் ஷவி­ன­ருடன் அதிகம் ஒட்டிக் கொண்டு செயற்­படும்- கோத்­தா­பய ராஜபக் ஷவுடன் இணைந்து எலிய அமைப்பை உரு­வாக்­கி­யதில் முன்­னின்று செயற்­பட்ட கலா­நிதி தயான் ஜய­தி­லக அண்­மையில் விடுத்த எச்­ச­ரிக்கை இதனைச் சார்ந்­த­தா­கவே இருந்­தது. கோத்­தா­பய ராஜ­பக்ச பய­ணிக்கும் வழி தவ­றா­னது, பண முத­லை­களும், முன்னாள் இரா­ணுவ அதி­கா­ரி­க­ளான கடும்­போக்­கா­ளர்­க­ளுமே அவரைச் சுற்­றி­யி­ருக்­கி­றார்கள் என்ற தொனியில் அவர் கருத்து வெளி­யிட்­டி­ருந்தார். கோத்­தா­பய ராஜபக் ஷ இவ்­வா­றான போக்கில் நீடித்தால், சர்­வ­தேச மட்­டத்தில் அவரால் ஆத­ரவைப் பெற முடி­யாமல் போகும் என்ற கருத்தை முன்­வைத்து தான், தயான் ஜய­தி­லக இந்தக் கருத்தை வெளி­யிட்­டி­ருந்தார். அதா­வது கோத்­தா­பய ராஜபக் ஷ அடுத்த ஜனா­தி­பதி தேர்­தலில் கள­மி­றங்­கு­வ­தானால், அதற்கு முன்னர் அவர் தன்னை ஒரு ஜன­நா­ய­க­வா­தி­யாக- சிவில் ஆட்­சியை நடத்தக் கூடிய நிர்­வா­கி­யாக இருப்பார் என்­பதை நிரூ­பிக்க வேண்டும் என்று தயான் ஜய­தி­லக போன்­ற­வர்கள் எதிர்­பார்ப்­ப­தாக தெரி­கி­றது. ஆனால், கோத்­தா­பய ராஜபக் ஷவினால் இது­வ­ரையில் அந்த தகை­மையை நிரூ­பிக்­கவும் முடி­ய­வில்லை. அவரைச் சுற்­றி­யி­ருப்­ப­வர்கள் நிரூ­பிக்­கவும் விடப் போவ­தில்லை. அஸ்­கி­ரிய அனு­நா­யக்கர் போன்­ற­வர்­களும் சரி, றியர் அட்­மிரல் சரத் வீர சேகர போன்­ற­வர்­களும் சரி, கோத்­தா­பய ராஜபக் ஷவை ஒரு ஹிட்­ல­ராக- இரும்பு மனி­த­ராக, இரா­ணுவ ஆட்­சியை ஒத்த ஒரு நிர்­வா­கத்தை ஏற்­ப­டுத்தக் கூடி­ய­வ­ராக உரு­வாக்­கு­வ­தி­லேயே குறி­யாக இருக்­கி­றார்கள். அதற்­கான தூண்­டு­தல்­களைக் கொடுத்துக் கொண்­டி­ருக்­கி­றார்கள். இதன் மூலம் தான் நாட்டைக் கட்­டி­யெ­ழுப்­பலாம் என்று அவரை நம்ப வைக்க முனை­கி­றார்கள். அவர்கள் அவ்­வாறு நம்­பு­வது ஒற்­றை­யாட்­சியை இரும்­புக்­க­ரங்­களால் உறு­திப்­ப­டுத்த வேண்டும் என்ற அடிப்­ப­டை­யி­லா­னது. அதி­காரப் பகிர்வு முயற்­சி­களைத் தோற்­க­டித்து, வடக்­கையும், கிழக்­கையும், இறுக்­க­மான பிடியில் வைத்துக் கொண்டு, தமி­ழர்­களை அடக்­கி­யாள வேண்டும் என்ற பேரி­ன­வாதச் சிந்­த­னையின் அடிப்­ப­டை­யி­ன­லா­னது. கோத்­தா­பய ராஜபக் ஷவை வைத்தே அதனைச் செய்­யலாம் என்று அவர்கள் நினைக்­கி­றார்கள். ஆனால், அவர்­க­ளுக்கு ஒன்று மட்டும் புரி­யாமல். இருக்­கி­றது. நவீன உலகம், சர்­வா­தி­கா­ரி­க­ளையோ, இரா­ணுவப் பாணி ஆட்­சி­யா­ளர்­க­ளையோ விரும்­பு­வதும் இல்லை, விட்டு வைப்­பதும் இல்லை. ஜன­நா­யக அர­சி­ய­லுக்கு ஒத்­து­வ­ரா­த­வர்­களை, அதி­கா­ரத்­துக்கு வர­வி­டாமல் தடுப்­ப­தையும், அவ்­வாறு வந்­த­வர்­களை விரட்­டு­வ­தையும் சர்­வ­தேச அர­சியல் ஒரு ஒழுக்­க­மா­கவே பின்­பற்றி வரு­கி­றது. அண்­மையில், மஹிந்த ராஜபக் ஷவு­ட­னான சந்­திப்பின் போது, அமெ­ரிக்கத் தூதுவர் அதுல் கெசாப் கூறி­ய­தாக சொல்­லப்­ப­டு­கின்ற விட­யங்­களில் இதுவும் ஒன்று. பயங்­க­ர­வா­தத்தை இரும்­புக்­கரம் கொண்டு நசுக்­கு­வது வேறு, ஜன­நா­யக அர­சி­யலை அதற்­கு­ரிய மாண்­புகள், பண்­பு­க­ளுடன் கொண்டு நடத்­து­வது வேறு என்று, குறிப்­பிட்டே, கோத்­தா­பய ராஜபக் ஷ பொருத்­த­மற்ற வேட்­பாளர் என்­பதை மஹிந்­த­விடம் அமெ­ரிக்கத் தூதுவர் விளக்­கி­ய­தாக சொல்­லப்­ப­டு­கி­றது. ஆனாலும், கோத்­தா­பய ராஜபக் ஷவை ஒரு இரா­ணுவ ஆட்­சி­யா­ள­ராக- ஹிட்­ல­ராக, உரு­வாக்கி விடும் முனைப்­புகள் தான் தெற்கில் தீவி­ர­ம­டைந்­தி­ருக்­கின்­றன. இத்­த­கைய உசுப்­பேற்­றல்­க­ளுக்கு கோத்­தா­பய ராஜபக் ஷவும், அடி­மைப்­பட்டுக் கொண்­டி­ருக்­கிறார் போலவே தோன்­று­கி­றது. ராஜபக் ஷவி­னரின் தரப்­பினால், ஜனா­தி­பதி வேட்­பாளர் இவர் தான் என்று, அவர் இன்­னமும், உறு­தி­யா­கவும் அதி­கா­ர­பூர்­வ­மா­கவும் அறி­விக்­கப்­ப­ட­வில்லை. ஜனா­தி­பதி தேர்­தலில் போட்­டி­யி­டு­வ­தற்கு அடிப்­படைத் தேவை­யான- அமெ­ரிக்­காவின் இரட்டைக் குடி­யு­ரி­மை­யையும் அவர் துறக்­க­வில்லை. அதற்­குள்­ளா­கவே, அவரை முன்­னி­றுத்தி ஒரு இரா­ணுவ ஆட்­சிப்­பா­ணி­யி­லான, ஹிட்­ல­ராட்­சியை ஏற்­ப­டுத்த வேண்டும் என்று ஒரு குறு­கிய சிந்­தனை கொண்ட கூட்டம் கிளம்­பி­யி­ருக்­கி­றது. கடந்த ஆட்­சிக்­கா­லத்தில், மஹிந்த ராஜபக் ஷவை தோற்­க­டிப்­பதில் ஞான­சார தேரரின் பொது பல­சேனா முக்­கிய பங்­காற்­றி­யது. கோத்­தா­பய ராஜபக் ஷவுக்கு நெருக்­க­மாக இருந்த பொது பல­சே­னாவின் நட­வ­டிக்­கை­களால் அதி­ருப்­தி­ய­டைந்த முஸ்­லிம்கள், மஹிந்த ராஜபக் ஷவிடம் இருந்து வில­கி­னார்கள். அதே­போன்­ற­தொரு நிலை இப்­போது உரு­வாகி வரு­வது போலுள்­ளது. கோத்­தா­பய ராஜபக் ஷவைச் சுற்­றி­யி­ருப்­ப­வர்கள், அவரை ஒரு சர்­வா­தி­கா­ரி­யாக உரு­வாக்கப் போவ­தாக கிளப்பி விடும் மாயை, ஜன­நா­யக அர­சியல் சக்­தி­க­ளையம் சாதா­ரண மக்­க­ளையும் அச்­சத்­துக்குள் தள்­ளி­யி­ருக்­கி­றது. இது, கோத்­தா­பய ராஜபக் ஷவுக்கு எதி­ரான ஓர் அலையைத் தோற்­று­விக்கும் சூழலை உரு­வாக்­கலாம். ஏனென்றால் ஜனா­தி­பதி தேர்தல் என்­பது, தனியே சிங்­கள மக்­களின் வாக்குகளால் தீர்மானிக்கப்படுவதல்ல. தமிழ், முஸ்லிம் மக்களின் வாக்குகளும் முக்கியமானவை. அதனைக் கருத்தில் கொள்ளாமல், கோத்தாபயவைக் கொண்டு ஓர் இராணுவ ஆட்சியை, ஏற்படுத்தி, அவரை ஒரு ஹிட்லராக மாற்றி சிங்களப் பேரினவாத கனவுகளை நனவாக்கலாம் என்று எதிர்பார்த்தால் அது முட்டாள்தனம். நாட்டை மீண்டும் சர்வாதிகார ஆட்சிக்குள் செல்வதற்கு அனுமதியேன் என்று, ஜனாதிபதி மைத்திரிபால சிறிசேன கூறியிருப்பதும், இதனை அடிப்படையாக வைத்துத் தான். ஆனாலும், கோத்தாபய ராஜபக் ஷவைச் சுற்றி சிங்கள பௌத்த கடும்போக்காளர்கள் கட்டியெழுப்பி வரும் கோட்டை அவர்களுக்கே ஆபத்தானது. இது மஹிந்த ராஜபக் ஷவுக்கு தெரியாத சூத்திரம் அல்ல. இருந்தாலும் அவர் இதனை விட்டுப் பிடிக்க நினைக்கிறார் போலும், ஏனென்றால், கோத்தாபய ராஜபக் ஷ தன்னை மிஞ்சியவராக வளருவதை அவரும் விரும்பவில்லை. தனது விருப்பங்களுக்கு அப்பால் கோத்தாபய ராஜபக் ஷவை சுற்றி உருவாக்கப்பட்டு வரும் ஒளிவட்டத்தை மஹிந்த இரசிக்கவில்லை. அதனால் தான் அவர் அமைதியாக இருக்கிறார். http://epaper.virakesari.lk/newspaper/Weekly/samakalam/2018-06-24#page-1