நவீனன்

கருத்துக்கள உறவுகள்
  • Content count

    53,392
  • Joined

  • Last visited

  • Days Won

    355

நவீனன் last won the day on August 14

நவீனன் had the most liked content!

Community Reputation

6,849 நட்சத்திரம்

About நவீனன்

  • Rank
    Advanced Member

Profile Information

  • Gender
    Male
  • Location
    Germany
  • Interests
    cricket,internet,

Recent Profile Visitors

25,557 profile views
  1. உலகில் சமந்தாவை விட அழகான பெண் யாரும் இல்லை: நாகசைதன்யா உலகில் சமந்தாவை விட அழகான பெண் யாரும் இல்லை என நடிகர் நாகசைதன்யா கூறியுள்ளார். நடிகை சமந்தாவுக்கும் பிரபல தெலுங்கு நடிகர் நாகார்ஜுனாவின் மகனும் நடிகருமான நாகசைதன்யாவுக்கும் திருமணம் முடிவாகியுள்ளது. இவர்களின் நிச்சயதார்த்தம் கடந்த ஜனவரி மாதம் இடம்பெற்றது. திருமணம் அக்டோபர் மாதம் 6 ஆம் திகதி கோவாவில் உள்ள நட்சத்திர விடுதியில் நடைபெறவுள்ளது. சமந்தா-நாகசைதன்யா இருவரும் இந்து, கிறிஸ்தவ முறைப்படி திருமணம் செய்துகொள்கின்றனர். திருமணம் முடிந்ததும் ஹைதராபாத்தில் விருந்து நிகழ்ச்சிக்கும் ஏற்பாடு செய்துள்ளனர். தெலுங்கில் முதல் படத்தில் நாகசைதன்யா ஜோடியாக அறிமுகமானபோதுதான் அவரைப் பார்த்தேன். அந்த முதல் பார்வையிலேயே அவர் மீது காதல் வயப்பட்டு விட்டேன். மனதளவில் எங்களுக்கு எப்போதோ திருமணம் முடிந்து விட்டது. வெளி உலகத்திற்காகத்தான் இப்போது திருமணம் செய்து கொள்ள இருக்கிறோம். என்னிடம் நிறைய பேர் நீங்கள் இருவரும் அழகான ஜோடி என்று கூறுகிறார்கள். இது மகிழ்ச்சியாக இருக்கிறது என சமந்தா கூறியுள்ளார். உலகில் சமந்தாவை விட அழகான பெண் யாரும் இல்லை. அவர் எனக்கு மனைவியாக அமைவது அதிர்ஷ்டம். அவருடைய குணம் எனக்கு மிகவும் பிடித்து இருக்கிறது. கோபம் வந்தால் மட்டும் என்னை முறைத்து பார்ப்பார். திட்ட மாட்டார். எங்கள் காதல் வாழ்க்கை மிகவும் இனிமையானது, நாங்கள் சந்தித்தது முதல் திருமணம் வரை எங்கள் வாழ்க்கையில் நடந்த அனைத்து சம்பவங்களையும் தொகுத்து யாராவது சினிமா படமாக எடுத்தால் சந்தோஷப்படுவேன். அந்த படத்தில் நானும், சமந்தாவும் இணைந்து நடிக்க தயாராக இருக்கிறோம். என நாகசைதன்யா தெரிவித்துள்ளார். http://newsfirst.lk/tamil/2017/08/உலகில்-சமந்தாவை-விட-அழகா/
  2. இளமை புதுமை பல்சுவை

    2017 தெரண மிஸ் ஸ்ரீலங்கா அழகுராணி போட்டியின் நிகழ்வு http://www.virakesari.lk/
  3. கவிதைகள்

    ஒரு அமரர் மீண்டும் அமரராகிறார்! கவிதை: ஜெ.பிரான்சிஸ் கிருபா உச்சிவெயிலில் நகரத்தின் தார்ச்சாலை அப்பளமாக பொரிந்துகொண்டிருந்த வேளையில் சிக்னலில் எரிந்த சிவப்பு விளக்குக்காக சாலையில் நின்றிருந்த அமரர் ஊர்தியில் மயானம் நோக்கிப் பயணப்பட்டிருந்த அமரர் படுக்கையிலிருந்து எழுந்து அமர்ந்தபடி ஆசுவாசமாய் சுற்றும்முற்றும் தலையைச் சுழற்றி ஒரு மேற்பார்வை மேற்கொண்டுவிட்டு என்னைக் கண்டதும் மென்மையாகப் புன்னகைத்தார். பதிலுக்கு நானும் அதிர்ச்சியோடு புன்னகைப்பதா வேண்டாமா என்ற குழப்பத்தில் பார்வையைச் சட்டென வேறுபக்கமாகத் திருப்பிக்கொண்டேன். பாராமுகம் காட்டியபடியே இவர் யாராக இருக்குமென்று யோசிக்கலானேன். ஒரு சாயலில் காலையில் தொலைக்காட்சிப்பெட்டியில் பன்னிரண்டு ராசிகளுக்கும் அருள் பொங்கும் முகம் மலர அமர்த்தலான சிரிப்போடு பலன்கள் சொன்ன ஜோசியரின் பட்டையணிந்த முகம் போலிருந்தது. மற்றொரு சாயலில் சில வருடங்களுக்கு முன்பு ஒரு ரயில் பயணத்தில் எதிர் இருக்கையில் அமர்ந்தபடி இருநூறு கிலோமீட்டர் நீளத்துக்கு அறுநூறு கிலோமீட்டர் வேகத்தில் இடைவிடாமல் அரசியல் பேசி நான் கொலைகாரனாய் மாறவிருந்த ஸ்டேஷனுக்கு முந்திய ஸ்டேஷனில் இறங்கிப்போனவரைப் போலுமிருந்தார். இன்னொரு கோணத்தில் இயன்றவரை இயந்து முடிந்த அளவு பணிந்து குடும்பம் நடத்தியும் துணிந்துபோய் குடும்ப நல கோர்ட்டில் விவாகரத்து வேண்டி நின்ற என் மனைவியின் தரப்பில் ஆஜராகி வாதாடியபடியே நீதிபதியைக் கோமாளியாக மாற்றிய வழக்கறிஞரின் முகவெட்டும் ஒத்துப்போனது. இவர்களில் ஒருவர்தானா என்று உறுதிசெய்யும்பொருட்டு மனதை திடப்படுத்திக்கொண்டு திரும்பிப் பார்த்தபோது மஞ்சள் விளக்கு அணைந்தது பச்சை விளக்கு எரிந்ததும் படுக்கையில் மீண்டும் படுத்துக்கொண்டார் அமரர்! http://www.vikatan.com
  4. ஜெ. மரணம் குறித்து விசாரிக்க விசாரணை ஆணையம் அமைக்கப்படுவது கண்துடைப்பு நாடகம்: ஸ்டாலின் ஸ்டாலின் - கோப்புப் படம் ஜெயலலிதா மரணம் குறித்து விசாரிக்க விசாரணை ஆணையம் அமைக்கப்படுவதாக முதல்வர் வெளியிட்டுள்ள அறிவிப்பு கண்துடைப்பு நாடகம் என்று திமுக செயல் தலைவர் ஸ்டாலின் கூறியுள்ளார். மேலும், ஜெயலலிதாவின் மரண மர்மம் குறித்து உண்மையான விசாரணை நடைபெற முதல்வரும், அமைச்சர்களும் பதவி விலக வேண்டும் என்று அவர் வலியுறுத்தியுள்ளார். இது தொடர்பாக இன்று ஸ்டாலின் வெளியிட்ட அறிக்கையில், ''முன்னாள் முதல்வர் ஜெயலலிதா இறந்து 8 மாதங்கள் கழித்து, அவரது மர்ம மரணம் குறித்து விசாரிப்பதற்காக விசாரணை ஆணையம் அமைக்கப்படும் என்று முதல்வர் எடப்பாடி பழனிசாமி வெளியிட்டுள்ள அறிவிப்பு 'ஊழல் அணிகள் சங்கமம்' ஆவதற்காக அரங்கேற்றப்பட்டுள்ள கண்துடைப்பு நாடகம். திமுகவின் சார்பிலும், பல்வேறு அரசியல் கட்சிகள் சார்பிலும் ஜெயலலிதாவின் மரணம் குறித்து சி.பி.ஐ. விசாரணைக்கு உத்தரவிட வேண்டும் என்று பல மாதங்களாக தொடர்ந்து கோரிக்கை எழுப்பிய போதும், அதற்கெல்லாம் எவ்வித நடவடிக்கையும் எடுக்காமல் மர்ம மரணத்தின் தடயங்கள், வீடியோ காட்சிகள் அனைத்தும் அழிக்கப்பட வேண்டும் என்று அமைதி காத்தவர்கள்தான் முன்னாள் முதல்வர் ஓ.பன்னீர்செல்வமும், இந்நாள் முதல்வர் எடப்பாடி பழனிசாமியும் என்பதை தமிழக மக்கள் நன்கு அறிவார்கள். முன்னாள் முதல்வர் ஜெயலலிதா 22.9.2016 அன்று மருத்துவமனையில் சேர்க்கப்பட்டு 5.12.2016 அன்று மரணம் அடையும் வரை அத்தனை ரகசியங்களையும், மர்மங்களையும் மறைத்தவர்கள் இந்த இருவரும் மட்டுமல்ல- அமைச்சர்களும்தான். அதிலும் குறிப்பாக முன்னாள் முதல்வர் ஓ.பன்னீர்செல்வம் 11.10.2016 முதல் ஜெயலலிதாவின் பொறுப்புகள் அனைத்தையும் கவனித்து முதல்வர் பொறுப்பிலே இருந்தவர் என்பது குறிப்பிடத்தக்கது. இதன் பிறகு 5.2.2017 அன்று தனது முதல்வர் பதவியை ராஜினாமா செய்யும் வரை அமைதியாக இருந்த ஓ.பன்னீர்செல்வம் முன்னாள் முதல்வர் ஜெயலலிதாவின் சமாதி முன்பு 40 நிமிடங்கள் தியானம் இருந்து விட்டு திடீர் ஞானோதயம் வந்தவராக பொறுப்பில் உள்ள உச்ச நீதிமன்ற நீதிபதி தலைமையில் ஜெயலலிதாவின் மரணம் குறித்து விசாரணை கமிஷன் அமைக்கப்படும் என்று அறிவித்தார். எடப்பாடி பழனிசாமி பிப்ரவரி 16 ஆம் தேதி முதல்வராக நியமிக்கப்படும் வரை விசாரணைக்கான எந்த உத்தரவும் வெளியாகவில்லை. அதற்கு மாறாக 6.2.2017 அன்று முன்னாள் முதல்வர் ஜெயலலிதாவுக்கு சிகிச்சை அளித்த லண்டன் மருத்துவர் ரிச்சர்ட் பீலேவை அழைத்து வந்து தமிழக அரசு மருத்துவரையும் பங்கேற்க வைத்து, 'ஜெயலலிதா மரணத்தில் மர்மம் இல்லை', என்பதாக விரிவான பத்திரிக்கையாளர் சந்திப்பே நடைபெற்றது. அப்போதும் முதல்வராக பதவியில் நீடித்தவர் ஓ.பன்னீர்செல்வம்தான். பிறகுதான் 'தர்மயுத்தம்' என்று புதிய அவதாரம் எடுத்து 'ஜெயலலிதா மரணம் குறித்து சி.பி.ஐ. விசாரணை நடத்த வேண்டும்' என்று திடீரென்று கோரிக்கை வைத்தார் ஓ.பன்னீர்செல்வம். இந்நிலையில் முதல்வராக பதவியேற்ற எடப்பாடி பழனிசாமி பிப்ரவரி 16-ம் தேதியிலிருந்து ஏறக்குறைய ஆறு மாதங்கள் ஜெயலலிதாவின் மரணம் குறித்து எவ்வித விசாரணைக்கும் உத்தரவிடவில்லை. விசாரணை கமிஷனை அமைக்கவும் முன் வரவில்லை. சென்னை உயர் நீதிமன்ற நீதிபதி வைத்தியநாதன், 'ஜெயலலிதா மரணத்தில் மர்மம் இருக்கிறது' என்று கூறிய பிறகும் கூட இப்படியொரு விசாரணை கமிஷனை அமைக்கவில்லை. மாறாக, 'முன்னாள் முதல்வர் ஜெயலலிதாவின் மரணத்தில் மர்மம் இருக்கிறது' என்று பேட்டியளித்த டாக்டர் சீதாவை ஒரு பெண் என்றும் பாராமல் கைது செய்து சிறையில் அடைத்தது எடப்பாடி பழனிசாமி அரசுதான். இப்படி, சட்டமன்றத்திலும், மக்கள் மன்றத்திலும் இந்த கோரிக்கை வைக்கப்பட்ட போதெல்லாம் 'அது குறித்த வழக்கு உயர் நீதிமன்றத்தில் இருக்கிறது' என்று கூறி தட்டிக் கழித்தது மட்டுமல்ல, தடயங்களை முழுவதும் மறைக்க உதவி செய்தவர்கள்தான் முதல்வர் எடப்பாடி பழனிசாமியும், அவரது அமைச்சரவை சகாக்களும். செப்டம்பர் 22-ம் தேதியிலிருந்து டிசம்பர் 5 ஆம் தேதி வரை முதல்வரின் பொறுப்புகளை கவனித்து வந்த பன்னீர்செல்வம், முக்கியத்துவம் வாய்ந்த ஐவர் குழு அமைச்சர்களாக இருந்தவர்களில் ஒருவரான எடப்பாடி பழனிசாமி ஆகியோர் கூட்டாக முன்னாள் முதல்வர் ஜெயலலிதாவின் உடல்நிலை குறித்த மர்மங்களை மறைத்தார்கள். பிறகு 5.12.2016 முதல் 16.2.2017 வரை இருவரும் முன்னாள் முதல்வர் ஜெயலலிதாவின் மரணத்தில் உள்ள மர்மங்களை மறைத்தார்கள். 16.2.2017 முதல் இன்றுவரை ஆறு மாதங்களுக்கு மேல் முன்னாள் முதல்வர் ஜெயலலிதா மரணம் தொடர்பான மர்மத்தை இரும்புத் திரை போட்டும், கைது நடவடிக்கைகள் எடுத்தும் முற்றிலும் மறைத்தவர் எடப்பாடி பழனிசாமி. இந்த கூட்டணிதான் இப்போது விசாரணை கமிஷன் அறிவித்திருப்பதிலும் தொடருகிறது. ஊழல்களின் ஊற்றுக்கண்களாக இருதரப்பும் இருக்கும் நிலையில் ஓ.பன்னீர்செல்வம் அணி 'தர்மயுத்தம்' என்று நாடகம் போடுவதும், ஊழல் கடலில் மூழ்கி நீச்சலடித்துக் கொண்டிருக்கும் எடப்பாடி பழனிசாமி அணி 'ஜெயலலிதா மர்ம மரணம் குறித்து விசாரணை கமிஷன்' என்பதும் தமிழக மக்களை ஏமாற்றும் வேலை மட்டுமல்ல, முன்னாள் முதல்வர் ஜெயலலிதாவின் மரணத்தை முன் வைத்து தர்மயுத்தத்தை முடித்துக் கொண்டு, இரு அணிகளும் இணைந்து, 'சச்சரவின்றி ஊழல் அத்தியாயத்தை' தொடங்கப் போடுகின்ற மோசடித் திட்டம் என்பதை அழுத்தம் திருத்தமாக தெரிவித்துக் கொள்ள விரும்புகிறேன். ஆகவே, இந்தக் கண்துடைப்பு நாடகத்தை கைவிட்டு, முன்னாள் முதல்வர் ஜெயலலிதாவின் மரணத்தில் உள்ள மர்மங்களை விசாரிப்பதில் எடப்பாடி பழனிசாமிக்கு உண்மையில் ஆர்வமும், அக்கறையும் இருக்குமென்றால், மரணத்தில் உள்ள மர்மங்கள் குறித்து சி.பி.ஐ. விசாரணைக்கு உத்தரவிட வேண்டும். அந்த விசாரணை முறையாக நடக்க, இந்த மர்ம மரணத்திற்கு துணை போன அல்லது கடந்த 8 மாதங்களாக அது தொடர்பான சாட்சியங்கள், தடயங்கள் மறைப்பதற்கு மனப்பூர்வமாக ஒத்துழைப்பு வழங்கிய ஓ. பன்னீர்செல்வம் மற்றும் எடப்பாடி பழனிசாமி ஆகிய இருவரின் அமைச்சரவையிலும் தொடர்பவர்கள் - புதிதாக இடம்பெற்றோர் உள்ளிட்ட அனைவரும் தங்கள் பதவிகளை ராஜினாமா செய்துவிட்டு, புதிய அமைச்சரவை ஒன்றை அமைத்து, அதன்கீழ் முன்னாள் முதல்வர் ஜெயலலிதா மரணம் குறித்து சி.பி.ஐ. விசாரணை மேற்கொள்ள உத்தரவிட வேண்டும். குறிப்பாக முதல்வர் எடப்பாடி பழனிசாமி இந்த மர்ம மரணம் குறித்த சி.பி.ஐ. விசாரணைக்கு உத்தரவிட்டு, நியாயமான விசாரணை நடைபெறுவதற்கு வழிவிட்டு, தனது முதல்வர் பதவியை ராஜினாமா செய்ய வேண்டும்'' என்று ஸ்டாலின் தெரிவித்துள்ளார். http://tamil.thehindu.com/tamilnadu/article19510616.ece?homepage=true
  5. விகாரைகளில் அரசியல் செய்து வஞ்சகப் பேச்சால் மக்களை குழப்பும் மஹிந்த துரோகி ; மங்கள ஆவேசம் (லியோ நிரோஷ தர்ஷன்) வஞ்சகப் பேச்சால் மக்கள் மத்தியில் குழப்பத்தை ஏற்படுத்திவரும் முன்னாள் ஜனாதிபதி மஹிந்த ராஜபக்ஷ தன்னை தோல்வியடையச் செய்த மக்கள் பழிவாங்கும் நோக்கில் தொடர்ந்தும் செயற்படுகின்றார் என நிதி மற்றும் ஊடக அமைச்சர் மங்கள சமரவீர தெரிவித்துள்ளார். அமைச்சர் மங்கள சமரவீர இன்று வெளியிட்ட ஊடக அறிக்கையிலேயே மேற்கண்டவாறு குறிப்பிடப்பட்டுள்ளது அவ்வறிக்கையில் மேலும் குறிப்பிடப்பட்டுள்ளதாவது, ஹம்பாந்தோட்டை துறைமுகம் தனியார் மயமாக்கப்பட்டதன் ஊடாக நாட்டிற்கு பாரிய அழிவு ஏற்பட்டுள்ளதாக அறிக்கைவிடும் மஹிந்த ராஜபக்ஷ தனது ஆட்சிக் காலத்தில் தேசிய வளங்களை மீளப் பெறமுடியாதவாறு அந்நிய நாடுகளுக்கு விற்பனை செய்ததை மறந்து விட்டார். கொழும்பு துறைமுகத்தில் ஒரு பகுதியை 85 க்கு 15 என்ற வீதத்தின் அடிப்படையில் சீனாவிற்கு மஹிந்த ராஜபக்ஷ வழங்கினார். இதே போன்றதொரு வீதத்தில் ஹம்பாந்தோட்டை துறைமுகத்தையும் சீனாவிற்கு வழங்குவதற்கு 2014 ஆம் ஆண்டு ஒப்பந்தம் ஒன்று செய்தார். இந்த ஒப்பந்தம் நடைமுறைப்படுத்தப்பட்டிருந்தால் மேலும் 350 மில்லியன் அமெரிக்க டொலர்களுக்கும் அதிகமான தொகையை சீனாவிற்கு கடனாக செலுத்தும் நிலை ஏற்பட்டிருக்கும். 10 ஆண்டுகள் நாட்டை ஆட்சி செய்து தோல்வியடைந்து வீட்டிற்கு சென்ற முதலாவது நிறைவேற்று அதிகாரம் கொண்ட ஜனாதிபதி மஹிந்த ராஜபக்ஷ ஆவார். இன, மத வாதத்திற்கு மீண்டும் நாட்டை பலிகொடுத்த நிலையிலேயே அதிகாரத்தை விட்டுச் சென்றார். தற்போது முன்னெடுக்கப்படுகின்ற ஊழல் மோசடி விசாரணைகளின் பின்னர் மஹிந்த ராஜபக்ஷ மற்றும் அவரது குடும்பத்தினர் வசம் இருந்த சட்டவிரோதமாக சேர்த்துக் கொள்ளப்பட்ட 500 கோடிக்கும் அதிகமான சொத்துக்கள் நீதிமன்றம் மற்றும் அரச உடைமைகளாக காணப்படுகின்றது. தானோ தனது குடும்பத்தினரோ ஒரு ரூபா ஏனும் திருடியிருந்தால் வயிற்றை கிழித்துக்கொள்வோம் எனக் கூறிய மஹிந்த ராஜபக்ஷ தற்போது அந்த உறுதிமொழியையும் மறந்து விட்டார். உத்தேச புதிய அரசியலமைப்பு தொடர்பில் போலியான பிரசாரங்களை முன்னெடுப்பதோடு அரச சொத்துக்கள் தனியார்மயமாக்கப்படுகின்றது. தேசிய சொத்துக்கள் அந்நிய நாட்டவர்களுக்கு விற்பனை செய்யப்படுகின்றது என மக்கள் மத்தியில் குழப்பத்தை தோற்றுவித்து வருகின்றார். விஹாரைகளில் அரசியல் செய்து நாட்டிற்கும் நாட்டு மக்களுக்கும் பாரிய துரோகத்தை மஹிந்த ராஜபக்ஷ செய்கின்றார் எனவும் அந்த அறிக்கையில் குறிப்பிடப்பட்டுள்ளது. http://www.virakesari.lk/article/23267
  6. யார் வீட்டை... யார் நினைவிடமாக்குவது? திகு திகு தீபா முதல்வர் எடப்பாடி பழனிசாமி, ஜெயலலிதா வாழ்ந்த போயஸ் கார்டன் வேதா நிலையம் இல்லத்தை நினைவிடமாக்குவதாக அறிவித்தார். இதற்கு ஜெயலலிதாவின் அண்ணன் மகள் தீபா கடும் எதிர்ப்பை தெரிவித்துள்ளார். 'சசிகலா குடும்பத்தைக் கட்சியிலிருந்து நீக்க வேண்டும். ஜெயலலிதாவின் மரணத்தை சி.பி.ஐ. விசாரிக்க வேண்டும்' என்று வலியுறுத்தி தர்மயுத்தத்தை முன்னாள் முதல்வர் ஓ.பன்னீர்செல்வம் தொடங்கினார். ஏற்கெனவே, சசிகலா குடும்பத்தை கட்சியிலிருந்து நீக்க முதல்வர் எடப்பாடி பழனிசாமி தீர்மானம் நிறைவேற்றினார். அடுத்து, ஜெயலலிதாவின் மரணம் குறித்து ஓய்வுபெற்ற நீதிபதி தலைமையில் விசாரணை கமிஷன் அமைக்கப்படும் என்று முதல்வர் எடப்பாடி பழனிசாமி இன்று அறிவித்தார். அதோடு, ஜெயலலிதா வாழ்ந்த போயஸ் கார்டன், வேதா நிலையம் இல்லம் அரசுடைமையாக்கப்படும் என்று தெரிவித்தார். போயஸ் கார்டன் இல்லத்தை நினைவிடமாக்கும் அறிவிப்புக்கு ஜெயலலிதாவின் அண்ணன் மகள் தீபாவிடம் கருத்துக்கேட்க அவரது செல்போனில் தொடர்பு கொண்டோம். தீபா தரப்பில் நம்மிடம் பேசினார் அ.தி.மு.க. ஜெ. தீபா அணியின் தலைமை செய்தித் தொடர்பாளர் பசும்பொன்பாண்டியன். "ஜெயலலிதா மறைந்து ஒன்பது மாதங்களாகின்றன. அவரது பூத உடல் அடக்கம் செய்யப்பட்ட இடத்தில்கூட நினைவிடம் அமைக்க எந்த நடவடிக்கையும் எடுக்கப்படவில்லை. தீபாவை பழிவாங்க, போயஸ் கார்டன் வீட்டை அரசுடைமையாக்கப்படும் என்று முதல்வர் எடப்பாடி பழனிசாமி அறிவித்துள்ளார். இதற்கான அனுமதியை தீபாவிடம் பெறவில்லை. போயஸ் கார்டன் வீடு தொடர்பாக சென்னை உயர்நீதிமன்றத்தில் வழக்கு தொடர நடவடிக்கை எடுத்துள்ளோம். முதல்வரின் அறிவிப்புக்கு உடனடியாக நீதிமன்றத்தில் தடை உத்தரவு வாங்கவுள்ளோம். ஜெயலலிதாவின் மரணத்தை விசாரிக்க விசாரணை கமிஷன் அமைக்கப்படும் என்று முதல்வர் அறிவித்திருப்பது கண்கெட்டப்பிறகு சூர்யநமஸ்காரம் போன்றது. கண்துடைப்புக்காக விசாரணை கமிஷன் அமைக்கப்படக்கூடாது. இந்த விசாரணை வளையத்தில் முதல்வர் எடப்பாடி பழனிசாமி, ஓ.பன்னீர்செல்வம் மற்றும் அமைச்சரவையில் இடம்பெற்றவர்கள், சசிகலா குடும்பத்தினர் என சம்பந்தப்பட்ட அனைவரையும் விசாரிக்க வேண்டும். விசாரணை கமிஷன் என்ற அறிவிப்பை வரவேற்கிறோம்" என்றார். http://www.vikatan.com/news/tamilnadu/99401-this-is-our-house-slams-deepa.html
  7. நியூஸ்பெஸ்ட் வழங்கும் நல்லையான் சந்நிதி விசேட தொகுப்பு - 05
  8. வடக்கு மாகாண சபையில் தன்னால் முன்வைக்கப்பட்ட கேள்விகளுக்கு முதலமைச்சர் சரியாக பதில் அளிக்கவில்லை என எதிர்கட்சி தலைவர் சி.தவராசா குற்றம் சுமத்தியுள்ளார்.
  9. இளமை புதுமை பல்சுவை

    பத்து அடி உயரத்திற்கு வளர்ந்துள்ள கோவாச் செடி ஹற்றன் – குடாகம பிரதேசத்தில் பத்து அடி உயரத்திற்கு கோவாச் செடியொன்று அதிசயிக்கும் வகையில் வளர்ந்துள்ளது. இந்த இலைக் கோவாச் செடியானது 6 மாத காலத்தில் உயரமாக வளர்ந்துள்ளதாக வீட்டுத் தோட்டத்தின் உரிமையாளர் குமாரி திசாநாயக தெரிவித்துள்ளார். நுவரெலியாவிலிருந்து கொண்டு வந்த இலைக் கோவாவின் ஒரு கிளையை வீட்டுத் தோட்டத்தில் நாட்டி வைத்து பசுவின் சாணம் உரமாக இட்டு வந்ததாகவும் அவர் குறிப்பிட்டுள்ளார். இதேவேளை, இந்தக் கோவாச் செடியிலிருந்து கிடைக்கும் இலைக் கோவாவை வீட்டு சமையலுக்கும் அயலவர்களுக்கும் வழங்குவதுடன் இலைக் கோவா 1 கிலோகிராம் 45 ரூபாய் விற்பனை செய்வதாகவும் அவர் குறிப்பிட்டுள்ளார். http://newuthayan.com
  10. முதல்வர் பழனிசாமியின் அறிவிப்பும் முக்கியத் தலைவர்களின் கருத்துகளும் சென்னை: மறைந்த முதல்வர் ஜெயலலிதாவின் மரணம் குறித்து நீதி விசாரணைக்கு உத்தரவிடப்படும் என்று முதல்வர் பழனிசாமி அறிவித்த அறிவிப்புக்கு பல்வேறு அரசியல் கட்சித் தலைவர்களும் தங்களது கருத்துகளை வெளியிட்டுள்ளனர். தமிழகத்தின் மறைந்த முதல்வர் ஜெயலலிதா மரணம் குறித்து ஓய்வுபெற்ற நீதிபதி தலைமையில் விசாரணை ஆணையம் அமைக்கப்படும்; வேதா நிலையம் நினைவிடமாக மாற்றப்படும் என்று முதல்வர் பழனிசாமி இன்று அறிவித்தார். சென்னை தலைமைச் செயலகத்தில் இன்று மாலை செய்தியாளர்களை சந்தித்த முதல்வர் பழனிசாமி இந்த அதிரடி அறிவிப்புகளை வெளியிட்டார். இந்த நிலையில் ஓ.பி.எஸ். அணியினர், இணைவதற்காக வைத்த இரண்டு முக்கிய நிபந்தனைகளையும் ஏற்று, முதல்வர் பழனிசாமி இன்று இந்த அறிவிப்புகளை வெளியிட்டிருப்பது முக்கியத்துவம் பெற்றுள்ளது. ஓபிஎஸ் அணியைச் சேர்ந்த மாஃபா பாண்டியராஜன், ஓ. பன்னீர்செல்வத்தின் தர்மயுத்தத்துக்குக் கிடைத்த வெற்றியாகவே இதனைப் பார்க்கிறேன். போயஸ் இல்லத்தை நினைவிடமாக மாற்றும் அறிவிப்பு உட்பட இரண்டு அறிவிப்புகளையுமே வரவேற்கிறேன் என்றார். ஓபிஎஸ் அணியினரின் 2 முக்கியக் கோரிக்கைகள் ஏற்கப்பட்டுள்ளது. எனவே இரு அணிகளின் இணைப்பு சாத்தியம் என்று பாஜக தேசியச் செயலர் ஹெச். ராஜா டிவிட்டரில் பதிவிட்டுள்ளார். விசாரணை ஆணையம் என்பது கண்துடைப்பு நடவடிக்கையே என்று திமுகவின் செய்தித் தொடர்பாளர் டிகேஎஸ் இளங்கோவன் கூறியுள்ளார். யார் வீட்டு பணத்தை வீணடிப்பதற்காக இந்த நடவடிக்கை என்றும் அவர் கேள்வி எழுப்பினார். உண்மை தெரிந்தால் அனைவருக்கும் நல்லதுதானே என்று தமிழக காங்கிரஸ் கட்சித் தலைவர் திருநாவுக்கரசர் கருத்துத் தெரிவித்துள்ளார். http://www.dinamani.com/tamilnadu/2017/aug/17/முதல்வர்-பழனிசாமியின்-அறிவிப்பும்-முக்கியத்-தலைவர்களின்-கருத்துகளு-2756938.html
  11. போயஸ் கார்டன் இல்லத்துக்கு பாதுகாப்பு அதிகரிப்பு சென்னை: ஜெயலலிதா வாழ்ந்த வேதா இல்லத்தை அரசு நினைவிடமாக மாற்றி பொதுமக்கள் பார்வைக்கு அனுமதிக்கப்படும் என்று முதல்வர் பழனிசாமி இன்று அறிவித்தார். இதையடுத்து போயஸ் கார்டன் இல்லத்துக்கு பாதுகாப்பு அதிகரிக்கப்பட்டுள்ளது. போயஸ் இல்ல சாலையில் போலீஸார் குவிக்கப்பட்டுள்ளனர். அந்த சாலை வழியே செல்ல தடை விதிக்கப்பட்டுள்ளது. செய்தியாளர்கள் செய்தி சேகரிக்க அனுமதி மறுக்கப்பட்டுள்ளது. http://www.dinamani.com/latest-news/2017/aug/17/போயஸ்-கார்டன்-இல்லத்துக்கு-பாதுகாப்பு-அதிகரிப்பு-2756939.html
  12. நியூஸ்பெஸ்ட் வழங்கும் நல்லையான் சந்நிதி விசேட தொகுப்பு - 04
  13. தோனி பங்களிப்பு செய்யாமல் இருந்தால்தான் மாற்று வீரர்களை பரிசீலிக்க முடியும்: எம்.எஸ்.கே.பிரசாத் கருத்து தோனி. - படம். | ஏ.எப்.பி. இலங்கை அணிக்கு எதிராக அறிவிக்கப்பட்ட இந்திய அணியில் ‘தோனி, ஆட்டோமேட்டிக் தேர்வா’ என்று கேள்வி எழுப்பப்பட அணித்தேர்வுக்குழு தலைவர் எம்.எஸ்.கே. பிரசாத் ‘அப்படியல்ல’ என்று பதிலளித்தார். அதாவது அணித்தேர்வு செய்யும் போது கோலி, தோனி... சரி.. அடுத்தது என்ற ரீதியில் தேர்வு நடைமுறை செல்கிறதா என்று செய்தியாளர் சந்திப்பில் கேள்வி எழுப்பப்பட்டது, இதற்கு பிரசாத் பதில் அளிக்கும் போது, “நான் இப்போதுதான் ஆந்த்ரே அகாஸியின் புத்தகத்தைப் படித்துக் கொண்டிருந்தேன். அவரது டென்னிஸ் வாழ்க்கை உண்மையில் 30-வயதில்தான் தொடங்கியது. அதுவரை 2 அல்லது 3 முறை வென்றிருப்பார். ஆனால் அதன் பிறகுதான் அவரது ஆட்டம் களைகட்டியது. அவரும் ஊடக அழுத்தத்திற்கு ஆளானார். ’எப்போது ஓய்வு பெறப்போகிறீர்கள்? என்று கேட்டுக் கொண்டேயிருந்தனர், ஆனால் அவர் 36 வயது வரை ஆடி பல கிராண்ட்ஸ்லாம் பட்டங்களை வென்றார். எனவே யாரும் எதுவும் கூறமுடியாது. நமக்குத் தெரியாது. எனவே ஆட்டோமேட்டிக் என்று நாங்கள் கூற மாட்டோம். ஆனால் பொறுத்திருந்து பார்ப்போம். இந்திய அணி நன்றாக ஆட வேண்டும் என்று நாம் அனைவருமே விரும்புகிறோம். அவர் பங்களிப்பு செய்ய முடியும் போது ஏன் அவர் நீடிக்கக் கூடாது? அப்படியில்லையெனில் மாற்றுகளை பரிசீலிக்கலாம். தோனி மட்டுமல்ல அனைத்து வீரர்கள் பற்றியும் விவாதிப்போம், அணிச்சேர்க்கை என்று வரும்போது அனைவரையுமே விவாதிப்போம்” என்றார். 2019 உலகக்கோப்பையில் தோனி பற்றி எவ்வளவு தன்னம்பிக்கை உங்களுக்கு இருக்கிறது என்ற கேள்விக்கு பிரசாத், “நாம் பார்ப்போம், பார்ப்போம். அவர் ஒரு லெஜண்ட், ஆனாலும் எங்களிடம் திட்டம் உள்ளது. ரிஷப் பந்த்தை பொறுத்தவரையில் எதிர்காலத்திற்காக பார்க்கப்பட வேண்டிய வீரர் ஆவார். அவரை ஏ தொடர்களில் வளர்த்தெடுத்து வருகிறோம். தென் ஆப்பிரிக்கா ஏ தொடருக்கு அவர் சென்றார், ஆனால் அங்கு அவரது ஆட்டம் சாதாரணமாக இருந்தது. அதற்காக அவர் தேர்வுப் பரிசீலனையில் இல்லை என்று அர்த்தமல்ல. இன்னொரு ஏ தொடர் வருகிறது, ரிஷப் பந்த் டி20 வீரர் என்பதையும் கடந்தவர் என்பதை அறிவோம், எனவே அவரை எப்போதும் பரிசீலிப்போம். என் இதயத்தில் கை வைத்துச் சொல்ல வேண்டுமெனில் சாம்பியன்ஸ் டிராபிக்குப் பிறகே வலுவான அணி வேண்டுமென்றே நாங்கள் அனைவரும் கருதினோம். நம் அணியினர் உடல்தகுதியை மேலும் வலுவாக வைத்துக் கொள்ள வேண்டும் என்று விரும்புகிறோம். பீல்டிங் தரத்தை முன்னேற்ற வேண்டும். 2019 உலகக்கோப்பைக்கு தேர்வு செய்யும் முன் 2-3 அளவுகோல்களை வைத்துள்ளோம். எனவே இந்த அளவுகோல்களை பூர்த்தி செய்யாத வீரர்கள் 2019 உலகக்கோப்பை அணியில் இடம்பெற வாய்ப்பில்லை. அது யாராக இருந்தாலும் சரி. ஏ அணி மட்டத்தில் ராகுல் திராவிடை பயிற்சியாளராக அடைந்தது ஆசீர்வாதம்தான். அவர் முழுதும் தயாரான வீரர்களை இந்திய அணிக்காக ஏ அணியிலிருந்து அளித்து வருகிறார். வரும் வீரர்கள் நேரடியாக அணியுடன் இணைந்து செயல்பட முடியும். ராகுல் திராவிடை நியமித்ததன் ஒட்டுமொத்த பெருமையும் பிசிசிஐ-யே சாரும். ராகுல் திராவிட் நாள் முழுதும் வீரர்களுக்கு பந்துகளை வீசி பயிற்சி அளித்துக் கொண்டிருப்பதை பார்க்கிறேன், தன்னிடமே அனைத்துப் பொறுப்பையும் வைத்துள்ளார். அந்த மட்டத்தில் ராகுல் திராவிட் போல் ஒருவர் கிடைத்திருப்பது அதிர்ஷ்டமே. இவ்வாறு கூறினார் அணித்தேர்வுக்குழு தலைவர் எம்.எஸ்.கே. பிரசாத். http://tamil.thehindu.com/sports/article19492261.ece
  14. கோலியை விமர்சனம் செய்தே ஆஸ்திரேலிய ஊடகங்கள் எழுதும்: மைக்கேல் கிளார்க் 2012-ம் ஆண்டு புகைப்படம். அடிலெய்ட் டெஸ்ட். விராட் கோலி, பேட்ஸ்மன் மைக்கேல் கிளார்க். - படம். | ராய்ட்டர்ஸ். இந்திய கேப்டன் விராட் கோலியிடம் நிறைய ‘ஆஸ்திரேலிய உணர்வு’ (ஸ்பிரிட், மனநிலை, அணுகுமுறை) இருப்பதாகவும் ஆனால் இதற்காக ஆஸ்திரேலிய ஊடகம் விராட் கோலியை ஒருபோதும் புகழ்ந்து எழுதாது என்றும் கூறினார் முன்னாள் ஆஸ்திரேலிய கேப்டன் மைக்கேல் கிளார்க். ஆஸ்திரேலியச் சுற்றுலாத் துறையை விளம்பரப்படுத்தும் நிகழ்ச்சிகாக புனே வந்திருந்த மைக்கேல் கிளார்க் கூறியதாவது: ஆஸ்திரேலியாவில் விராட் கோலிக்கு அதிக ரசிகர்கள் இல்லை என்பதை நான் ஏற்க மறுக்கிறேன். விராட் கோலியிடன் நிறைய ஆஸ்திரேலிய உணர்வு, மனநிலை, அணுகுமுறை உள்ளது. உள்ளபடியே கூற வேண்டுமென்றால் அவர் ஆட்டத்தைக் கடினமாக உழைத்து ஆடுகிறார், களத்தில் சவாலாகத் திகழ்கிறார். ஆனால் களத்துக்கு வெளியே அவர் நன்றாகப் பழகக் கூடியவர். எனவே விராட் கோலியை நன்கு அறிந்தவர்களுக்குத் தெரியும் களத்தில் அவர் வெளிப்படுத்துவது அவரது போர்க்குணம் என்பது. எந்த ஒரு ஆஸ்திரேலிய வீரரும் இவ்வாறுதான் இருப்பார்கள், இவ்வாறு இல்லாத ஆஸி. வீரர்கள் இருக்கிறார்களா என்பது சந்தேகமே. எனவே ஆஸ்திரேலியாவில் விராட் கோலிக்கு மரியாதை நிச்சயம் உண்டு. ஆனாலும் ஒன்றைக் கூறிவிடுகிறேன், இதற்காக விராட் கோலியை பாராட்டி ஆஸ்திரேலிய ஊடகம் ஒருபோதும் எழுதி விடாது. அவர்கள் எதிர்மறைச் செய்திகளையே கோலி பற்றி எழுத விரும்புவார்கள். ஆனால் எனக்கு அவரிடம் பெரிய விதத்தில் உறவு உள்ளது. அவர் மரியாதைக்குரியவர் என்றே நான் மதிப்பிடுகிறேன். இவ்வாறு கூறினார் கிளார்க். http://tamil.thehindu.com/sports/article19508643.ece