போல்

கருத்துக்கள உறவுகள்
  • Content count

    2,723
  • Joined

  • Last visited

Community Reputation

189 Excellent

1 Follower

About போல்

  • Rank
    Advanced Member
  • Birthday

Profile Information

  • Gender
    Male
  • Interests
    வாசித்தல், இசை, விளையாட்டு, ...

Recent Profile Visitors

1,200 profile views
  1. வலிகாமம் வடக்குப் பிரதேசத்தில் உயர்பாதுகாப்பு வலயத்தில் இலங்கை இராணுவம் ஆக்கிரமித்துள்ள 1600 ஏக்கர் நிலங்களை நிரந்தரமாகச் சுவீகரிக்கவுள்ளதாக யாழ். மாவட்ட இராணுவத் தளபதி மகேஷ் சேனநாயக்க அண்மையில் வெளிப்படையாகத் தெரிவித்துள்ள கருத்துக்குக் கடுமையான கண்டனம் தெரிவித்துள்ளார் வலி. வடக்கு மீள்குடியேற்றச் சங்கத் தலைவர் ச.சஜீவன். குறித்த கருத்துத் தொடர்பில் அவரிடம் வினாவிய போது, இலங்கை இராணுவம் தமிழ்மக்களின் காணிகளைத் தொடர்ச்சியாக அடாத்தாகச் சுவீகரிப்பதும், அந்தக் காணிகளை இராணுவ உறுப்பினர்கள் தங்களுடைய நலன்களுக்காகப் பாவிப்பதும் தொடர் கதையாகவுள்ளது. வலிகாமம் வடக்கில் எங்கள் மக்கள் பரம்பரை பரம்பரையாக ஆண்ட உரித்துக் காணிகள் அனைத்தும் மீண்டும் எமக்கு வழங்கப்படும் வரை எமது போராட்டம் தொடரும். நல்லாட்சி அரசாங்கம் என்று சொல்லப்படுகின்ற தற்போதைய அரசாங்கம் பெயருக்கு மாத்திரமே அவ்வாறு செயற்படுகிறதோ என எண்ணுமளவுக்கு அதனுடைய செயற்பாடுகள் அமைந்துள்ளன. இலங்கை அரசாங்கத்தால் வலிகாமம் வடக்கில் ஏற்கனவே விடுவிக்கப்பட்டுள்ள 2000 ஏக்கர் நிலப் பகுதியில் 700 ஏக்கர் வரையான காணிகள் இன்னமும் இராணுவத்தினரின் கட்டுப்பாட்டிலேயே உள்ளது. ஆகவே, இலங்கை அரசாங்கம் சர்வதேசத்தை ஏமாற்றுவதற்கும், ஜெனீவா மனித உரிமைகள் கூட்டத் தொடரில் தங்களுக்கு எதிரான தீர்மானங்கள் வராமலிருப்பதற்காகவே மீள்குடியேற்றம் என்ற போர்வையில் சில பகுதிகளை மாத்திரம் விடுவித்திருக்கிறது. ஆகவே, இவ்வாறான சில காணி விடுவிப்புக்கள் சர்வதேசத்தை ஏமாற்றும் ஒரு நாடகமே தவிர இராணுவத்தினரால் ஆக்கிரமிக்கப்பட்டுள்ள தமிழர்களின் முழுக் காணிகளையும் விடுவிக்க வேண்டுமென்பதில் அரசாங்கத்திற்கு உண்மையான அக்கறையில்லை எனவும் அவர் மேலும் சாடியுள்ளார். http://www.tamilwin.com/community/01/135890
  2. இலங்கையில் நடைபெறவுள்ள விசாகப்பண்டிகை (வெசாக்) நிகழ்வில் பங்கேற்பதை இந்திய பிரதமர் நரேந்திர மோடி உறுதி செய்துள்ளார். இலங்கையின் அமைச்சர் விஜயதாஸ ராஜபக்சவை கோடிட்டு இதனை சீனாவின் சிங்வா ஊடகம்தெரிவித்துள்ளது. இந்த நிகழ்வு எதிர்வரும் மே மாதம் இடம்பெறவுள்ளது. புத்தபெருமானின் பிறப்பு, ஞானோதயம் மற்றும் இறப்பு என்பவற்றை நினைவுகூரும் நிகழ்வாகவிசாகப்பண்டிகை கொண்டாடப்படுகிறது. http://www.tamilwin.com/politics/01/135905 மே மாதம் சிறிலங்கா வருகிறார் இந்தியப் பிரதமர் மோடி இந்தியப் பிரதமர் நரேந்திர மோடி வரும் மே மாதம் சிறிலங்காவுக்குப் பயணம் மேற்கொள்ளவுள்ளார். இதனை இந்தியப் பிரதமர் உறுதிப்படுத்தியிருப்பதாக சிறிலங்கா அமைச்சர் ஒருவர் தகவல் வெளியிட்டுள்ளார். ஐ.நா வெசாக் நாள் எதிர்வரும் மே மாதம் சிறிலங்காவில் கொண்டாடப்படவுள்ளது. இதனை முன்னிட்டு இந்தியப் பிரதமர் நரேந்திர மோடி உள்ளிட்ட பல்வேறு நாடுகளின் தலைவர்களுக்கும் சிறிலங்கா அரசாங்கத்தின் சார்பில் அழைப்பு விடுக்கப்பட்டது. ஐ.நா வெசாக் நாள் நிகழ்வில் பங்கேற்க வரும் மே மாதம் சிறிலங்காவுக்கான பயணத்தை மேற்கொள்ளவிருப்பதை இந்தியப் பிரதமர் உறுதிப்படுத்தியுள்ளார் என்று சிறிலங்காவின் பௌத்த சாசன அமைச்சர் விஜேதாச ராஜபக்ச தெரிவித்துள்ளார். கடந்த 2015ஆம் ஆண்டு மார்ச் மாதம் இந்தியப் பிரதமர் நரேந்திர மோடி சிறிலங்காவுக்கான பயணத்தை மேற்கொண்டிருந்தார் என்பது குறிப்பிடத்தக்கது. http://www.puthinappalakai.net/2017/02/18/news/21426
  3. முல்லைத்தீவு - கேப்பாபுலவு மக்கள் தங்களது சொந்த நிலங்களை மீட்டெடுப்பதற்காக கடந்த 31 திகதியில் இருந்து தொடர் போராட்டம் ஒன்றை முன்னெடுத்து வருகின்றனர். குறித்த போராட்டத்திற்கான உரிய தீர்வு கிடைப்பதற்காக கேப்பாபுலவு பிள்ளையார் ஆலயத்தில் நேற்று 18 நாளாக தொடர்ச்சியான சிவலிங்க பூஜை நடைபெற்றுள்ளது. கேப்பாபுலவு மக்கள் தங்களது சொந்த காணிகளை விடுவிக்குமாறு கோரி அறவழிப் போராட்டத்தில் ஈடுபடத் தொடங்கிய தினத்தன்று ஆலய மண்டபத்தில் ஆரம்பிக்கப்பட்ட சிவலிங்கம் பூஜை இன்று வரை ஆலய பெரியவர் ஒருவரால் நடைபெற்று வருகின்றது. அத்துடன், சிவலிங்கத்தின் மேற்பகுதியில் மண்பானை கட்டி, நீரூற்றி அந்நீரின் துளிகள் சிவலிங்கத்தின் மேல் விழும் வகையில் துவாரமிட்டு அவர் தொடர்ச்சியாக பூஜைகள் நடாத்தப்படுகின்றது. மேலும், அந்த விநாயகர் ஆலயமானதுகேப்பாபுலவு பிரதேசத்தில் விமானப்படையினரின் கட்டுப்பாட்டில் இருப்பதாகவும் கேப்பாபுலவு மாதிரிக் கிராமம் அமைத்து மக்களிடம் கையளித்த போது தற்போதுள்ள விநாயகர் ஆலயமும் நிர்மாணிக்கப்பட்டதாக குறிப்பிடப்படுகின்றது. http://www.tamilwin.com/community/01/135910
  4. கொழும்பிலுள்ள இந்தியத் தூதுரகத்தின் புதிய பாதுகாப்பு ஆலோசகராக கப்டன் அசோக் ராவ் நியமிக்கப்பட்டுள்ளார். கடந்த இரண்டு ஆண்டுகளாக இந்தப் பதவியில் இருந்த கப்டன் பிரகாஸ் கோபாலன், பணியை முடித்துக் கொண்டு நாடு திரும்பியதை அடுத்தே, கப்டன் அசோக் ராவ், கொழும்பில் பணிகளைப் பொறுப்பேற்றுள்ளார். கப்டன் அசோக் ராவ், இந்தியத் தூதரக பாதுகாப்பு ஆலோசகராகப் பொறுப்பேற்றதையடுத்து, சிறிலங்காவின் முப்படைகளின் தளபதிகளை மரியாதை நிமித்தமாக சந்தித்து கலந்துரையாடி வருகிறார். இவர் நேற்று முன்தினம் சிறிலங்கா இராணுவத் தலைமையகத்தில் இராணுவத் தளபதி லெப். ஜெனரல் கிரிசாந்த டி சில்வாவைச் சந்தித்துப் பேச்சு நடத்தினார். இரதரப்பு உறவுகள் தொடர்பாக இந்தச் சந்திப்பில் கலந்துரையாப்பட்டுள்ளது. சிறிலங்கா கடற்படைத் தளபதி வைஸ் அட்மிரல் ரவீந்திர விஜேகுணரத்ன, பாகிஸ்தானுக்குப் புறப்படுவதற்கு முன்னர், இந்திய தூதரகப் பாதுகாப்பு ஆலோசகர் கப்டன் அசோக் ராவ், அவரைச் சந்தித்துப் பேசியிருந்தார் என்பது குறிப்பிடத்தக்கது. அதேவேளை, கப்டன் அசோக் ராவ் விரைவில் வடக்கிற்கான பயணம் ஒன்றையும் மேற்கொள்ளவிருப்பதாக தகவல்கள் தெரிவிக்கின்றன. http://www.puthinappalakai.net/2017/02/18/news/21421
  5. ஆக்கிரமிக்கப்பட்ட நிலங்களை விடுவிக்கும் போராட்டங்களை ஆதரிப்போம் இலங்கை தமிழரசு கட்சி துணைத் தலைவர் மாவை.சோ.சேனாதிராசா தெரிவித்துள்ளார். கேப்பாப்பிலவு மக்களின் போராட்டத்திற்கு ஆதரவு தெரிவிக்கும் வகையில் அவர் வெளியிட்டுள் அறிக்கையிலேயே இவ்வாறு தெரிவித்துள்ளார். சென்ற பல நாட்களாக முல்லைத்தீவில் அஹிம்சை வழியில் ஜனநாயக வழிகளில் அரசுப் படைகளினால் ஆக்கிரமிக்கப்பட்ட மக்களின் சொந்த நிலங்களை மீட்கவும் அந்த நிலங்களில் மீளக்குடியேறி வாழ்வதற்குமான உரிமை மறுக்கப்பட்ட மக்கள் போராட்டங்களை நடாத்தி வருகின்றனர். இனவிடுதலைப் போராட்ட காலங்களில் துன்பமான துயரமான இழப்புக்களையும் அனுபவித்த மக்கள் திடசங்கற்பம் கொண்டு நடாத்தும் போராட்டங்களை நாம் ஆதரிக்கின்றோம். ஒரு திட்டமிட்ட அடிப்படையில் அனைவரும் ஒருங்கினைந்து இலக்கை எட்டும் வரை போராடுவது நியாயமானதேயாகும். இப் போராட்டங்களில் அமைதியான அஹிம்சை வழியிலான வன்முறைகளுக்கு இடமளிக்காத ஜனநாயக வழிப் போராட்டங்களில் நாம் பங்கு கொள்ள வேண்டும் என அழைப்பு விடுக்கின்றோம். ஆக்கிரமிக்கப்பட்ட நிலங்களை விடுவித்து அதற்குச் சொந்தமான மக்களைமீளக் குடியமர்த்துவோம் என ஜனாதிபதியும் அரசும் வாக்குறுதி அளித்து இரண்டு வருடங்களாகிவிட்டன. இக் காலத்தில் ஒருசிறு முன்னேற்றம் ஏற்ப்பட்டதே தவிர மக்கள் நிலங்கள் பெருமளவில் இன்னும் விடுவிக்கப்படவில்லை. இவ்விடயங்களில் 2012,2013,2014,2015,ஆம் ஆண்டுகளில் இலங்கையுட்பட அங்கத்துவ நாடுகளினால் ஒரு மனதாக நிறைவேற்றப்பட்ட ஐ.நா.மனித உரிமைத் தீர்மானங்கள் பெருமளவில் நிறைவேற்றப்படாமல் அரசும் ,ஜனாதிபதியும் இழுத்தடிப்புச் செய்துவருவதை ஏற்றுக் கொள்ள முடியாது. மக்களைப் போராட அரசு நிர்ப்பந்திப்பதை வன்மையாகக் கண்டிக்கின்றோம். ஜனாதிபதியும் அரசும் உடன் நேரடியாகக் தலையிட்டு ஆக்கிரமிக்கப்பட்ட நிலங்களை விடுவிக்க வேண்டும் என்றும் அந்த மக்களை மீளத் தங்கள் நிலங்களில் குடியேற்ற வேண்டுமென்றும் வற்புறுத்துகின்றோம். அனைத்துத் தரப்பு மக்கள் சிவில் அமைப்புக்கள் நிலமீட்புக்காகப் போராட்டங்களில் ஈடுபடுவதையும் வரவேற்கின்றோம். தமிழ்த் தேசியக் கூட்டமைப்பின் தலைவர்களும் பாராளுமன்றத்திலும் நேரடியாகவும் ஜனாதிபதியிடமும் அரசிடமும் ஆக்கிரமிக்கப்பட்ட நிலங்களை விடுவிக்கவேண்டுமென வற்புறுத்தி வருகின்றனர். பாராளுமன்றத்தில் முல்லைத்தீவில் இடம்பெறும் போராட்டங்கள் தொடர்பிலும் ஒத்தி வைப்புப் பிரேரனை கொண்டு வந்து விவாதித்துள்ளனர். ஆனாலும் விடிவு இல்லை. எனவே மக்கள் போராட்டங்களை நில ஆக்கிரமிப்புக்கு எதிராக தங்கள் சொந்த நிலங்களை விடுவித்து மீளக்குடியிருப்புக்குரித்ததான மக்கள் வாழ்வுரிமைப் போராட்டங்களை ஆதரிப்போம் அப் போராட்டங்களின் பங்காளிகளாவோம். இத்தகைய போராட்டங்களை நடாத்தியும் பங்களிப்புச் செய்தும் ஆதரித்தும் வந்த வரலாற்றைக் கொண்ட நான் சென்ற திங்கள் 09.01.2017 அன்று நினைவிழக்கும் வரையிலான கொடிய நோயொன்றினால் நீண்ட நாட்கள் மருத்துவமனையில் சிகிச்சை பெற்று வந்ததனால் நான் பங்கு பற்ற முடியவில்லை என எனது மன வருத்தத்தைத் தெரிவித்துக்கொள்கின்றேன். மருத்துவர்களின் ஆலோசனைப்படி நோயிலிருந்து தேறுவதற்கு மருந்து உட்கொண்டு வருகின்றேன். மருத்துவர்களின் ஆலோசனைப்படி நடக்க வேண்டியுள்ளது. இருப்பினும் நான் விரைவாகத் தேறி வருகின்றேன். இத்தகைய போராட்டங்களை ஆதரிக்கின்றேன். விரைவில் போராட்டங்களில் பங்கெடுக்க முடியும் என நம்புகின்றேன். அதனாலும் இவ்வறிக்கையை வெளியிடுகின்றேன் என்று அந்த அறிக்கையில் குறிப்பிட்டுள்ளார். http://www.tamilwin.com/community/01/135961
  6. 50 வருட அரசியல் அனுபவமுள்ள கைக்குழந்தை சம்பந்தன் ஏமாற்றப்பட்டுவிட்டது!
  7. சிற்றூந்துகளை இயக்கி போதிய அனுபவம் இல்லாத இளைஞர்கள் கைகளில் வலுமிக்க சிற்றூந்துகளை கொடுப்பதன் மூலம் தினமும் ஒரு உயிராவது பறிக்கப்பட்டுக் கொண்டிருக்கிறது. இந்த விபத்துக்களை அவதானித்தால் 98% ஆனவை 100 சிசி வலுவிலும் கூடிய சிற்றூந்துக்களால் ஏற்படுகின்றன. இன்னொரு விடயம் பெரும்பாலானவை டிஸ்க் பிரேக் கொண்டவை. அதிகூடிய வலு, டிஸ்க் பிரேக் - இவையிரண்டையும் கையாளும் அனுபவம் இல்லாத இளைஞர்களின் அதிவேக பேராசை வருடம்தோறும் 400க்கு மேற்பட்ட இளம் தமிழ் உயிர்களை பறிக்கின்றன. பொறுப்பற்ற பெற்றோர்கள், உறவினர்கள் சிந்திக்க வேண்டும்!
  8. தமிழர்கள் 11 பேரைக் கடத்திச் சென்று கொலை செய்த வழக்கில், சிறிலங்கா கடற்படையைச் சேர்ந்த 10 அதிகாரிகளை அடுத்த வாரத்துக்குள் கைது செய்வதற்கான நடவடிக்கைகளில் குற்றப்புலனாய்வுப் பிரிவினர் ஈடுபட்டுள்ளனர். திருகோணமலையில் 5 பல்கலைக்கழக மாணவர்கள் உள்ளிட்ட 11 பேரை கடத்திச் சென்று கொலை செய்தார்கள் என்ற குற்றச்சாட்டில் சம்பந்தப்பட்டவர்கள் என்ற வலுவான சான்றுகள் உள்ள 11 கடற்படை அதிகாரிகளைக் கைது செய்யும் முயற்சியிலேயே குற்றப்புலனாய்வுப் பிரிவினர் இறங்கியுள்ளனர். எனினும், எந்தவொரு கடற்படை அதிகாரியையும் கைது செய்யக் கூடாது என்று அரசியல் உயர்மட்டத்தில் இருந்து குற்றப்புலனாய்வுப் பிரிவு அதிகாரிகளுக்கு உறுதியான உத்தரவு பிறப்பிக்கப்பட்டுள்ளதாக, குற்றப் புலனாய்வுப் பிரிவின் மூத்த அதிகாரி ஒருவர் தெரிவித்தார். எவ்வாறாயினும், இந்தக் கடத்தல்கள் கொலைகளில் இவர்கள் சம்பந்தப்பட்டுள்ளமை தொடர்பான உறுதியான சான்றுகள் குறித்த சாதகமான தகவல்கள் எம்மிடம் உள்ள நிலையில், கடற்படையினரைக் காவலில் எடுப்பது தவிர்க்க முடியாது. அவர்கள் போர் வீரர்களாக இருந்தாலும், நாட்டில் உள்ள எவரையும் கொலை செய்வதற்கு உரிமையில்லை, இழிவான குற்றங்களில் ஈடுபடுவதற்கு சீருடையின் அதிகாரத்தைப் பயன்படுத்த முடியாது என்ற உண்மையை ஒவ்வொருவரும் அறிந்திருக்க வேண்டும். இந்த கடற்படையினர், தமது சீருடையின் அதிகாரத்தைப் பயன்படுத்தி பாரிய கொள்ளைகளில் ஈடுபட்டுள்ளனர் என்று நம்புகிறேன். ஏற்கனவே கடற்படை லெப்.கொமாண்டர் ஒருவர் கைது செய்யப்பட்டு காவலில் வைக்கப்பட்டுள்ளார். ஏனைய சந்தேகநபர்களைக் கைது செய்வதற்கு அரசியல்மட்டத்தில் தடைகள் ஏற்படுத்தப்பட்டால் அந்தச் சூழலில் என்ன செய்வதென்று தெரியவில்லை. அவ்வாறு நடந்து கொண்டால்,குற்றப் புலனாய்வுப் பிரிவின் மீதான நம்பிக்கையை மக்கள் இழப்பார்கள். கடந்த வியாழக்கிழமை இந்த வழக்கை விசாரணைக்கு எடுத்துக் கொண்ட கோட்டே நீதிவான், சந்தேக நபர்களை உடனடியாக கைது செய்யுமாறு உத்தரவிட்டிருந்தார். கப்டன் டி.கே.ஜே.தசநாயக்க, லெப்.கொமாண்டர் சம்பத் முனசிங்க, லெப்.கொமாண்டர் சுமித் ரணசிங்க மற்றும் கடற்படையினரான, உதய குமார, கே.விக்கிரமசிங்க ஆகியோரே காவலில் வைக்கப்படவுள்ளதாகவும் அந்த அதிகாரி தெரிவித்துள்ளார். http://www.puthinappalakai.net/2017/02/15/news/21372
  9. அரசாங்கத்திற்கு இரண்டு வருட கால அவகாசம் வழங்குவதில் உடன்பாடில்லாத போதும் குறுகிய காலம் மற்றும் அதிகளவான மேற்பார்வை அவசியமென வடமாகாண முதலமைச்சர் சீ.வி.விக்னேஸ்வரன் தெரிவித்தார். ஐ.நா மனித உரிமைகள் ஆணைக்குழு அமர்வின் போது,பொறுப்புக்கூறல் விடயத்திற்காக அரசாங்கம் இரண்டு வருட கால அவகாசம் கேட்கப் போவதாக கூறியுள்ள நிலையில், அந்த கால அவகாசம் வழங்குவது குறித்து முதலமைச்சரின் கருத்தினை ஊடகவியலாளர்கள் கேட்டிருந்தனர். 2 வருட கால அவகாசம் கொடுத்தால் ஐ.நாவின் கண்காணிப்புடன் கொடுக்கப்பட வேண்டுமென்று தமிழ் தேசிய கூட்டமைப்பின் தலைவர் இரா.சம்பந்தன் தெரிவித்துள்ளார். அந்தவகையில் இதுவரையில் ஐ.நாவின் கண்காணிப்பு இருக்கவில்லையா என ஊடகவியலாளர்கள் முதலமைச்சரிடம் கேள்வி எழுப்பினர். இதற்கு பதிலளிக்கையிலேயே முதலமைச்சர் இவ்வாறு தெரிவித்தார். அவர் மேலும் தெரிவித்ததாவது: அரசாங்கத்திற்கு 2 வருட கால அவகாசம் வழங்கினால் தமிழ் மக்களின் பிரச்சினைகளை சர்வதேசம் மறந்துவிடும். இதுவரை காலமும் அரசாங்கத்திற்கு ஒரு வருடகாலம் வழங்கப்பட்டது. அந்த கால கட்டத்தில் அரசாங்கத்தினால் குறிப்பிட்ட அளவு தான் செய்ய முடிந்துள்ளது. தொடர்ந்தும் சிலகாலங்களை கொடுப்பதில் பிழை இருக்க முடியாது. கால அவகாசம் கொடுப்பது நன்மை தான் என்றும் அவர் தெரிவித்துள்ளார். காலஅவகாசம் வழங்கும் போது இவ்வளவு காலமும் எடுத்த நடவடிக்கைகளில் மக்களுக்கு எந்தளவிற்கு நன்மை கிடைத்துள்ளதென ஆராய்ந்து பார்த்து கால அவகாசத்தை வழங்க முடியும். அரசாங்கம் என்ன செய்கின்றது என்பதை மாதாந்தம் அறிய கூடியவாறு ஏதாவது ஒரு செயற்திட்டத்தை வகுக்குமாறு கூறமுடியும். இதுவரையில் கொடுக்கப்பட்ட கால அவகாசங்களில் எந்தளவு செயற்பாடுகள் முன்னெடுக்கப்பட்டுள்ளன. அந்த செயற்பாடுகள் மக்களுக்கு நன்மை அளித்துள்ளனவா என ஐ.நா ஆராய்ந்து பார்க்க வேண்டும். இரண்டு வருட கால அவகாசம் கொடுப்பதில் எனக்கு உடன்பாடில்லை. குறுகிய காலமும், அதிகளவான மேற்பார்வையும் முக்கியமானது எனவும் முதலமைச்சர் தெரிவித்தார். http://www.tamilwin.com/politics/01/135653
  10. நேற்று மலை 6 மணியளவில் குறித்த பிரதேசத்தில் இருந்து நெல்லியடி சந்திக்கு அருகாமையில், இலக்கத்தகடுகள் இன்றி மோட்டார் சைக்கிளில் வாள்கள், பொல்லுகளுடன் ரவுடிகள் சுற்றித்திரிந்ததாக கூறப்படுகின்றது. மேலும் குறித்த ரவுடிகள் பொதுமக்களை நோக்கிவந்து , வாள்களை காட்டி மிரட்டியதாகவும் தெரிவிக்கப்படுகின்றது. குறித்த சம்பவம் தொடர்பில் பொலிஸாருக்கு தகவல்கள் வழங்கப்பட்டதும் குறித்த ரவுடிகள் உடனேயே தப்பி ஓடிவிட்டதாக பொலிஸார் கூறியுள்ளனர். மேலும் குறித்த சம்பவம் தொடர்பில் தற்போதும் பொலிஸார் மற்றும் புலனாய்வு துறையினர் விசாரணைகளை மேற்கொண்டு வருகின்றமை குறிப்பிடத்தக்கது. http://www.tamilwin.com/community/01/135739
  11. பௌத்த மதம் தொடர்பில் அரசியலமைப்பில் குறிப்பிடப்பட்டுள்ள விடயங்களை மேலும் பலப்படுத்த நடவடிக்கை எடுப்பதாக ஜனாதிபதி மைத்திரிபால சிறிசேன கூறியுள்ளார். கேகாலை, நாபே ஸ்ரீ போதியக்காராம விகாரையில் நிர்மாணிக்கப்பட்ட புத்த பிரானின் 36 உருவச்சிலைகளை திறந்து வைக்கும் நிகழ்வில் நேற்று கலந்துகொண்டு உரையாற்றும் போதே ஜனாதிபதி மேற்கண்டவாறு தெரிவித்துள்ளார். மேலும், அவற்றை எழுத்துடன் மட்டுப்படுத்தாமல் பௌத்த மதத்தை போதிக்கும் அரசாங்கத்தின் பொறுப்பை மேலும் செயற்பாட்டு ரீதியாக அமுல்படுத்துவதாகவும் ஜனாதிபதி தெரிவித்துள்ளார். இதேவேளை, ஜனாதிபதியின் விஜயத்தின் நினைவாக சந்தன மரமொன்று குறித்த விகாரையில் நடப்பட்டமை குறிப்பிடத்தக்கது. http://www.tamilwin.com/politics/01/135716
  12. நீதிமன்ற விவகாரங்களில் தலையீடு செய்வதில்லை என ஜனாதிபதி மைத்திரிபால சிறிசேன தெரிவித்துள்ளார். கொழும்பு ஹோட்டல் ஒன்றில் நேற்று மாலை நடைபெற்ற நிகழ்வு ஒன்றில் அவர் இதனைக் குறிப்பிட்டுள்ளார். அவர் மேலும் கூறுகையில், நீதிமன்ற துறையில் நியமனங்களை மேற்கொள்ளும் போது எந்தவொரு சந்தர்ப்பத்திலும் எனது தனிப்பட்ட தேவைக்கு நியமனங்கள் மேற்கொண்டதில்லை. அண்மையில் ஊடகங்களில் மேல் நீதிமன்ற நீதிபதி ஒருவரின் நியமனம் குறித்து குற்றம் சுமத்தப்பட்டிருந்தது. இந்த நியமனம் சட்டத்தரணிகள் சங்கத்தின் கோரிக்கைக்கு அமையவே மேற்கொள்ளப்பட்டுள்ளது. நீதிமன்றதுறைசார் நிறுவனங்களின் அனுமதியும் இந்த நியமனத்திற்கு பெற்றுக்கொள்ளப்பட்டுள்ளது. நீதிமன்ற விவகாரங்கள் மிகுந்த வெளிப்படைத்தன்மையுடன் மேற்கொள்ளப்பட வேண்டும் என்பதே அன்றும் இன்றும் என்னும் எனது நோக்கமாகும். 19ம் திருத்தச் சட்டத்தின் ஊடாக எனது அதிகாரங்களின் ஒரு தொகுதியை நாடாளுமன்றம் மற்றும் ஏனைய சுயாதீன நிறுவனங்களிடம் ஒப்படைத்துள்ளேன் என ஜனாதிபதி தெரிவித்துள்ளார். http://www.tamilwin.com/politics/01/135668
  13. மன்னார் பிரதேசச் செயலாளர் பிரிவில் உள்ள தாராபுரம் கடலோரப் பகுதியில் புதிதாக நிர்மாணிக்கப்பட்டு வரும் கட்டடமொன்று தொடர்பில் பாராளுமன்ற உறுப்பினர் சாள்ஸ் நிர்மலநாதன் குற்றச்சாட்டுக்களை முன்வைத்துள்ளார். தாராபுரம் கடலோரப்பகுதியில் மன்னார் பிரதேச சபையின் அனுமதியின்றி சுற்றுலா விடுதி அமைக்கும் வகையில் கட்டடம் நிர்மாணிக்கப்படுகின்றமை தொடர்பில், மக்களிடமிருந்து முறைப்பாடு கிடைத்துள்ளதாக அவர் தெரிவித்தார். இந்த நிலையில் அனுமதியின்றி சட்டவிரோதமான முறையில் அமைக்கப்பட்டு வரும் குறித்த கட்டடத்திற்கான நிர்மானப்பணிகளை இடைநிறுத்தும் வகையில் மன்னார் பிரதேச சபையினால் அறிவித்தலொன்று ஒட்டப்பட்டுள்ளது. குறித்த பகுதிக்கு நேற்று திடீர் விஜயம் ஒன்றை மேற்கொண்ட பாராளுமன்ற உறுப்பினர் சாள்ஸ் நிர்மலநாதன் சட்ட விரோதமான முறையில் அமைக்கப்பட்டு வரும் கட்டத்தை பார்வையிட்டதோடு இது தொடர்பாக துரித நடவடிக்கைகளை முன்னெடுக்குமாறு உரிய அதிகாரிகளிடம் கோரிக்கை விடுத்துள்ளார். மேலும், அமைச்சர் ஒருவர் இவ்வாறான சட்ட விரோத நடவடிக்கைகளை தொடர்ச்சியாக மன்னாரில் முன்னெடுத்து வருவதாக பாராளுமன்ற உறுப்பினர் சார்ள்ஸ் நிர்மலநாதன் மேலும் தெரிவித்தார். http://www.tamilwin.com/development/01/135678
  14. ஒரு தனி மனித செயற்பாடு ஒட்டு மொத்த சமூகத்திற்கும் பெரும் இழுக்கினை ஏற்படுத்தும் என்பது உண்மையான கூற்று. இலங்கையில் இப்போது பௌத்தம் அழிந்து கொண்டு வருகின்றது என்று பல வகையான போராட்டங்கள் செய்யப்பட்டு வருகின்றது. இந்த நிலையிலேயே ரம்புக்கனை பிரதேசத்தைச் சேர்ந்த ஒரு பௌத்த துறவி தனக்கு பல வகையான நோய் இருப்பதாக கூறி பணம் சேர்ப்பதும், பின்னர் சிகரட் புகைப்பதும் காணொளியாக வெளியிடப்பட்டுள்ளது. தனிப்பட்ட ஆசைகளை துறப்பவரே துறவி அப்படியான ஒருவர் இவ்வாறான ஓர் செயலில் ஈடுபடுவது அனைத்து மதங்களிடையேயும் பலவாறான விமர்சனங்களை எழுப்பியுள்ளது. புனித பௌத்த மதத்தில் வாழ்ந்து வரும் இவ்வாறான போலிக் காவி அணிந்த ஏமாற்றுப் பேர்வழிகள், ஏமாற்றிப் பிழைக்கும் நபர்கள் இருக்கும் வரை உண்மையான துறவிகளின் வாழ்விற்கும் வாக்கிற்கும் பெருமதி இல்லை. இந்தக் காணொளி சமூக வலைத்தளங்களிலும் தற்போது வைரலாக பரவி வருவதோடு பௌத்த மத இளைஞர்கள், குறித்த பிக்குவை காவியை கழற்றி அடிக்க வேண்டும், கொல்ல வேண்டும் அதுவே சரியான தண்டனை” என விமர்சித்து கடும் கோபத்தில் கருத்து வெளியிட்டு வருகின்றனர். இதன் காரணமாக பௌத்தத்தை இழிவு படுத்திய குறித்த பிக்கு தற்போது தலைமறைவாகி விட்டதாகவும் கூறப்படுகின்றது. http://www.tamilwin.com/community/01/135687
  15. இலங்கையில் இனங்களுக்கு இடையில் நல்லிணக்கத்தை அதிகரிக்க தேவையான அனைத்து ஒத்துழைப்புகளும் வழங்கப்படும் என ஐக்கிய நாடுகள் அமைப்பும், ஐரோப்பிய ஒன்றியமும் வாக்குறுதியளித்துள்ளன. வடக்கிற்கு விஜயம் செய்த ஐக்கிய நாடுகள் அமைப்பின் இணைப்பாளர் ஹூனா மெக்கோலி மற்றும் ஐரோப்பிய ஒன்றியத்தின் தூதுவர் டுலாய் மார்க் ஆகியோர் முதலமைச்சர் சீ.வி. விக்னேஸ்வரனை சந்தித்து இந்த வாக்குறுதியை வழங்கியுள்ளனர். நாட்டின் தற்போதைய அரசியல் நிலைமைகள் மற்றும் வடக்கு மாகாண சபையின் நடவடிக்கைகள் குறித்தும் இதன் போது அதிகமாக பேசப்பட்டுள்ளது. புதிய அரசியலமைப்புச் சட்டத்தில் அதிகாரத்தை பரவலாக்க வேண்டிய தேவை மற்றும் வடக்கு மாகாண சபைக்கு கிடைத்த அதிகாரங்கள் சம்பந்தமாகவும் கலந்துரையாடப்பட்டுள்ளது. இது குறித்து வடக்கு மாகாண முதலமைச்சர் முன்வைத்த யோசனைகள் மற்றும் கருத்துக்கள் அனுகூலமான மட்டத்தில் இருப்பதாகவும் ஐரோப்பிய ஒன்றிய தூதுவர் குறிப்பிட்டுள்ளார். http://www.tamilwin.com/politics/01/135702