பிழம்பு

கருத்துக்கள உறவுகள்
  • Content Count

    6,067
  • Joined

  • Last visited

  • Days Won

    2

பிழம்பு last won the day on May 7 2015

பிழம்பு had the most liked content!

Community Reputation

209 Excellent

About பிழம்பு

  • Rank
    கருடன்
  • Birthday January 1

Contact Methods

  • Website URL
    http://

Profile Information

  • Gender
    Male
  • Location
    ஈர்பற்ற திசை
  • Interests
    வாழ்தல்

Recent Profile Visitors

2,941 profile views
  1. தமிழ் மாணவர்கள் தமது மத, கலாசார சூழலில் கல்விகற்கும் இலட்சியத்துடன் உருவாக்கபட்ட அனுராதபுரம் விவேகானந்தா தமிழ் மகா வித்தியாலயம் முஸ்லீம் பாடசாலையாக மாற்றும் நீண்டகால திட்டத்தை தடுத்து நிறுத்துமாறு அனுராதபுரம் விவேகானந்தா சபையின் தலைவரும் பாடசாலையின் முன்னாள் அபிவிருத்திசங்க செயலாளருமான வி.ஞானசந்திரன் தெரிவித்துள்ளார். அனுராதபுரத்தில் அமைந்துள்ள விவேகானந்தா தமிழ் மகா வித்தியாலத்தில் நடைபெறும் அநீதிகள் தொடர்பாக விளக்கமளிக்கும் ஊடக சந்திப்பொன்று வவுனியா தமிழ் ஊடக மையத்தில் நேற்றைய தினம் காலை நடைபெற்றது. அதில் கலந்துகொண்டு கருத்து தெரிவிக்கும் போதே அவர் மேற்படி தெரிவித்தார். இங்கு அவர் மேலும் தெரிவிக்கையில், ”1961ம் ஆண்டு பாராளுமன்றில் நிறைவேற்றப்பட்ட சட்டத்தின் பிரகாரம் உருவாக்கபட்டதே அனுராதபுரம் விவேகானந்தா தமிழ்வித்தியாலயம். 1985ம் ஆண்டு வரை சிறப்பாக செயற்பட்ட நிலையில் 1985ம் ஆண்டு ஏற்பட்ட இடப்பெயர்வால் பாடசாலை மூடபட்டிருந்தது. பின்னர் மீண்டும் முஸ்லீம் அதிபர், ஆசிரியர் குழாமுடன் மீளஇயங்கியது. இந்து தமிழ் மாணவர்களின் நலன் காக்க யாருமற்ற நிலையில் சிறிது, சிறிதாக பாடசாலை நிர்வாகத்தால் எமது மாணவர்களிற்கு அநீதிகள் புரியபட்டது. இதனால் 100 வீதம் இந்துக்களாக இருந்த பலர் மதமாற்றத்திற்கு உள்ளாகினார்கள். 1987 முதல் 2000 ஆம் ஆண்டுவரை விவேகானந்தா சபை இயங்காத நிலையில் குறிப்பிட்ட காலபகுதிக்குள் குறித்த பாடசாலையை முஸ்லீம் பாடசாலையாக மாற்றும் நீண்டகால திட்டம் முஸ்லீம் நிர்வாகத்தால் மேற்கொள்ளபட்டது. பின்னர் 2000ஆம் ஆண்டு விவேகானந்தா சபை இயங்கஆரம்பித்தது. தற்போதுவரை பாடசாலையின் நிர்வாகம் பாடசாலையின் பழைய வரலாறுகளை அழித்து, சபை மற்றும் கதிரேசன் ஆலயத்திற்கிடையிலான தொடர்புகளை துண்டித்து முஸ்லீம் பாடசாலையாக மாற்றும் நோக்குடன்செயற்பட்டு வருகின்றது. எமது சபை கதிரேசன் ஆலயம், விவேகானந்தா வித்தியாலம் ஆகிய மூன்றும் ஒரே நேர்கோட்டிலேயே அமைந்துள்ளது. தற்போதைய நிர்வாகம் வரலாறு தெரியாத இந்து தமிழ் பெற்றோர்களை மூளைச் சலவைசெய்து விவேகானந்தா சபை மற்றும் ஆலயத்துடனான தொடர்புகளை துண்டித்துவருகிறது. இந்துமாணவர்களிற்கும் விவேகானந்தா சபைக்கும் அநீதி ஏற்படும்போது பௌத்தமதகுருக்கள், சிங்கள அறிஞர்கள், அரசியல்வாதிகள் எமக்கு உதவிவருகின்றனர். தற்போதுவரை இந்துமத விடுமுறை நாட்களில் பாடசாலை நடாத்தபடுகின்றது. வீபூதி தரிக்க அனுமதி மறுக்கபடுகின்றது. இந்துசமய பிரார்தனைகளிற்கு தடைவிதிக்கபடுவதுடன், இந்துசமயம் கற்பிப்பதற்கு வகுப்பறைகொடுக்காமல் மரங்களின் கீழேயே நடைபெற்றுவருகிறது. விவேகானந்தன் என்ற பெயரில் இருந்த சஞ்சிகையின் பெயர் விவேகி என மாற்றபட்டது. விவேகானந்தரின் படம் அகற்றபட்டது, இந்து மாணவர்கள் பர்தா அணிவிக்கபட்டார்கள், சிவராத்திரி தினத்தில் விளையாட்டுப்போட்டி நடைபெற்றது . பாடசாலையில் கற்பிக்கும் 11 தமிழ் ஆசிரியர்களும் கதிரேசன் ஆலயத்திற்கு வருவதில்லை. அவர்களிற்கு தடை விதிக்கபடுவதாக உணர்கின்றோம். இவ்வாறான விடயங்கள் தற்போது பாடசாலையில் நிகழ்ந்து வருகிறது. இது அநீதியான செயற்பாடு. தற்போது எமது முயற்சியின் விளைவாக வவுனியாவில் இருந்து இந்து அதிபர் ஒருவரை பாடசாலைக்கு நியமித்தோம். எனினும் அவரை பிரதி அதிபராகவே மாகாணகல்விப் பணிப்பாளர் அங்கு நியமித்துள்ளார். பாடசாலைக்கு இந்து அதிபர் நியமிக்க வேண்டும் என்பது எமது வேண்டுகோள். இது தொடர்பாக ஆளுநர், அரச அதிகாரிகளுடன் ஒரு கலந்தரையாடலை மேற்கொண்டு வருகிறோம். அத்துடன் எமது பிரச்சினைகளை அனைவரும் புரிந்துகொள்ளுமாறு அனைத்து தரப்புகளுக்கும் தெரியப்படுத்துகின்றோம்.” என்றார் அவர். https://www.ibctamil.com/srilanka/80/112355?fbclid=IwAR0DaOsC5OQRW1cjFIK_xuJBfUCT_5WDDM8t5NxikxNdBJAXkEUfnTM_iGc
  2. முரளிதரன் காசிவிஸ்வநாதன் பிபிசி தமிழ் விருதுநகரில் எச்.ஐ.வி. தொற்று இருந்த ரத்தம் ஏற்றப்பட்டதால், பாதிக்கப்பட்ட பெண்ணுக்கு பிறந்த குழந்தைக்கு எச்.ஐ.வி பரவும் வாய்ப்பு மிகக் குறைவு என்கிறார்கள் மருத்துவர்கள். தாய்க்கு எச்ஐவி இருந்தால், குழந்தைக்குப் பரவாமல் தடுக்க முடியுமா? விருதுநகர் மாவட்டம் சாத்தூரைச் சேர்ந்த கர்ப்பிணிப் பெண்ணுக்கு ரத்தசோகை இருந்ததால் சில நாட்களுக்கு முன்பாக ரத்தம் ஏற்றப்பட்டது. ஆனால், அடுத்த சில நாட்களில் அந்த ரத்தத்தை தானமளித்த இளைஞர், தனக்கு எச்.ஐ.வி. பாதிப்பு இருப்பதாகக் கூறினார். இதையடுத்து தானம் பெற்ற பெண்ணை சோதித்துப் பார்த்த மருத்துவர்கள் அந்தப் பெண்ணுக்கும் எச்ஐவி தொற்று ஏற்பட்டிருப்பதைக் கண்டறிந்தனர். இதற்குப் பிறகு அந்தப் பெண் மதுரை அரசு ராஜாஜி மருத்துவமனை மருத்துவர்களின் கண்காணிப்பின் கீழ் கொண்டுவரப்பட்டார். உடனடியாக அவருக்கு எச்.ஐ.வி எதிர்ப்பு மருந்துகள் அளிக்கப்பட்டன. குழந்தை பிறக்கும்போது, அந்தக் குழந்தைக்கு எச்.ஐ.வி பரவாமல் இருப்பதற்கான அனைத்து முன்னேற்பாடுகளும் செய்யப்படுமென்றும் மருத்துவர்கள் தெரிவித்தனர். இந்த நிலையில், அந்தப் பெண்ணுக்கு வியாழக்கிழமை இரவில் பெண் குழந்தை பிறந்தது. தாயும் குழந்தையும் மருத்துவர்களின் தீவிர கண்காணிப்பில் இருப்பதாகவும் குழந்தை ஒரு கிலோ 700 கிராம் எடை இருப்பதாகவும் மருத்துவர்கள் தெரிவித்துள்ளனர். "தற்போது தாயும் குழந்தையும் நலமாக உள்ளனர்," என பிபிசியிடம் தெரிவித்தார் மதுரை அரசு ராஜாஜி மருத்துவமனையின் டீன் டாக்டர் சண்முகசுந்தரம். இப்போது பிறந்துள்ள குழந்தைக்கு எச்.ஐ.வி பரவாமல் தடுக்க என்ன முன்னேற்பாடுகள் செய்யப்பட்டன? "குழந்தை பிறந்த உடனேயே எச்.ஐ.வி எதிர்ப்பு மருந்தான நேவிரபைன் கொடுக்கப்பட்டுள்ளது. தொடர்ந்து ஆறாவது மாதத்திலும் 12 மாதத்திலும் எதிர்ப்பு மருந்து கொடுக்கப்படும். இப்படிச் செய்வதன் மூலம் குழந்தைக்கு எச்.ஐ.வி. பரவும் வாய்ப்பு ஒரு சதவீதத்திற்கும் குறைவு" என்று கூறினார் சண்முகசுந்தரம். படத்தின் காப்புரிமை DESHAKALYAN CHOWDHURY தற்போது தாயையும் குழந்தையையும் 9 மருத்துவர்கள் அடங்கிய குழு கண்காணித்து வருவதாக மருத்துவமனை வட்டாரங்கள் தெரிவிக்கின்றன. "இந்த விவகாரத்தில் எச்.ஐ.வியைவிட மிகப் பெரிய பிரச்சனை, ஹெபடிடிஸ்-பி. அதை குழந்தைக்குக் கட்டுப்படுத்துவதுதான் மிகப் பெரிய சவாலாக இருக்கும். தவிர, இம்மாதிரி எச்.ஐ.வி. பாதித்த தாய்களுக்கு இயல்பான பிரசவத்தைவிட, சிசேரியன் மூலம்தான் குழந்தை பிறப்பது பாதுகாப்பானது. காரணம், இயல்பான பிரசவத்தில் குழந்தை பிறக்கும் நேரத்தில் தாய் குழந்தையை வெளியேற்ற முயற்சிக்கும்போது தொப்புள்கொடி மூலம் கூடுதலான ரத்தம் குழந்தைக்குப் பாயும்" என்கிறார் ரத்தநாள அறுவைசிகிச்சை நிபுணரான டாக்டர் அமலோற்பவநாதன். ஆனால், இந்த விவகாரத்தில் குழந்தை இயல்பான பிரசவத்திலேயே நிகழ்ந்துள்ளது. இது குறித்து கேட்டபோது, "குழந்தையின் எடை மிகக் குறைவாக இருந்தது. எடை முடிந்த அளவு அதிகரிக்கட்டும் என காத்திருந்தோம். ஆனால், அதற்குள் தாய்க்கு பிரசவ வலி ஏற்பட்டு குழந்தை பிறந்துவிட்டது" என்கிறார் டாக்டர் சண்முகசுந்தரம். ஹெபடிடிஸ்-பி நோயைப் பொறுத்தவரை, "நோயெதிர்ப்பு சக்திக்கான மருத்து அளிக்கப்பட்டுள்ளது. தடுப்பூசியும் போடப்பட்டுள்ளது. சரியான இடைவெளியில் மேலும் சில தடுப்பூசிகள் போடப்படும். ஆகவே ஹெபடிடிஸ்-பி ஏற்படுவதற்கான வாய்ப்பு மிகக் குறைவு" என்கிறார்கள் அரசு மருத்துவர்கள். படத்தின் காப்புரிமை CHINA PHOTOS ஆயிரத்திற்கும் மேற்பட்ட எச்.ஐ.வி பாதிக்கப்பட்ட பெண்களுக்குப் பிரசவம் செய்திருக்கும் மருத்துவரான டாக்டர் அமுதா, மிகச் சரியான விதத்தில் கவனித்துக்கொண்டால் குழந்தைக்கு எச்.ஐ.வி பரவுவதைத் தடுத்துவிடலாம் என்கிறார். "குழந்தை பிறப்பதற்கு முன்பும் பிறந்த பிறகும் எச்.ஐ.வி எதிர்ப்பு மருந்து அளிக்கப்படும். குழந்தை பிறந்த பிறகு குழந்தைக்கும் ஏ.ஆர்.டி என்ற அந்த கூட்டு மருந்து அளிக்கப்படும். பொதுவாகப் பார்த்தால், எச்.ஐ.வி பாதிக்கப்பட்ட பெண்ணுக்கு மருத்துவமே அளிக்காமல் இருந்தால் பிறக்கும் குழந்தைக்கும் எச்.ஐ.வி இருக்கும் வாய்ப்பு 30-40%. மருத்துவம் அளித்தால், எச்.ஐ.வி பரவும் வாய்ப்பு 2 சதவீதத்திற்கும் குறைவு. நான் பார்த்த 1000க்கும் மேற்பட்ட பிரசவங்களில் ஒரு குழந்தைக்குக்கூட தாயிடமிருந்து எச்.ஐ.வி பரவவில்லை" என்கிறார் அமுதா. குழந்தை பிறந்து நாற்பத்தைந்து நாட்களுக்குப் பிறகுதான், தாயிடமிருந்து எச்.ஐ.வியும் ஹெபடிடிஸ்-பியும் குழந்தைக்கு பரவியிருக்கிறதா என்பதற்கான பரிசோதனை மேற்கொள்ளப்படும். இதற்குப் பிறகு இதனை மீண்டும் உறுதிசெய்துகொள்ள, 18வது மாதத்தில் ஒரு பரிசோதனை செய்யப்படும். குழந்தைக்கு தற்போதைக்கு தாய்ப்பால் கொடுக்க வேண்டாம் என அறிவுறுத்தப்பட்டுள்ளதாகவும், குழந்தை ஆரோக்கியமாக இருக்க தேவையான உணவுகள் கொடுக்கப்பட்டு வருவதாகவும் மருத்துவமனையின் டீன் சண்முகசுந்தரம் தெரிவித்திருக்கிறார். https://www.bbc.com/tamil/india-46931405
  3. படத்தின் காப்புரிமை Gopal saini/bbc Image caption வலது சாரி சமூக வலைதள பக்கங்கள் பரப்பும் புகைப்படம் துபாயைச் சேர்ந்த நாளிதழொன்று ராகுல்காந்தியை அவமதித்து செய்தி வெளியிட்டதாக தெரிவிக்கும் வலது சாரி சமூக வலைதள பக்கங்கள் இவ்விவகாரத்தை வைரலாக்கின. ராகுல் காந்தியின் சமீபத்திய துபாய் பயணத்தில், இந்தியாவுக்கு அவர் இழுக்கு ஏற்படுத்தியதாக வலது சாரி சமூக வலைதள பக்கங்கள் கூறின. இதற்கு ஆதாரமாக கல்ஃப் நியூஸ் நாளிதழின் முதல் பக்கத்தையும் வெளியிட்டன. அவர்கள் வெளியிட்ட புகைப்படத்தில், கல்ஃப் நியூஸ் நாளிதழின் முதல் பக்கத்தில் ராகுல் காந்தியை 'பப்பு லேபிள்' என குறிப்பிட்டு கேலிச் சித்திரம் தீட்டப்பட்டிருந்தது. அந்த புகைப்படத்தில் உள்ள அந்த செய்தித் தாளின் முதல் பக்கம் சாதுர்யமாக மடிக்கப்பட்டுள்ளது. இந்த புகைப்படத்தை வெளியிட்டுள்ள சில வலது சாரி சமூக வலைதள பக்கங்கள் '' பாருங்கள், அயல்நாட்டுக்குச் சென்று நமது நாட்டை இழிவுபடுத்துபவர்களுக்கு இது போன்ற மரியாதைதான் கிடைக்கும். அபுதாபி நாளிதழ் போலவே கல்ஃப் நாளிதழும் தனது கட்டுரையில் ராகுல் காந்தியை ‘பப்பு‘ என குறிப்பிட்டுள்ளது. நாட்டை 65 ஆண்டுகள் ஆண்ட ஓர் அரசியல் கட்சியின் தலைவர் அயல்நாட்டுக்கு சென்று இந்தியாவில் ஊழலும், வறுமையும் ஆழமாக வேரூன்றியுள்ளது எனக்கூறினால், 65 ஆண்டுகளாக தமது கட்சி என்ன செய்தது என சிந்திக்க வேண்டும். பல பாஜக தலைவர்கள் கடந்த காலங்களில் ராகுல்காந்தியை தாக்குவதற்காக “பப்பு” என்ற வார்த்தையை பயன்படுத்தியுள்ளனர். சரி, உண்மையில் அந்த நாளிதழ் ராகுல் காந்தியை இழிவுபடுத்தியதா? படத்தின் காப்புரிமை Amit patel/facebook உண்மை நிலவரம் அவர்கள் கூறுவதற்கு மாறாக உள்ளது. நாளிதழ் வைத்துள்ள முழுமையான தலைப்பு '' பப்பு என்ற பட்டம் ராகுலை எப்படி மாற்றியது?'' என்பதே. அந்த தலைப்பும் கேலி சித்திரமும் ராகுல் காந்தியின் ஒப்புதல் பெற்றே வெளியிடப்பட்டது என அந்நாளிதழ் தெரிவித்துள்ளது. சரி. தலைப்பில் ஏன் 'பப்பு' என குறிப்பிட்டிருந்தார்கள்? “பப்பு” என அவருக்கு பட்டப்பெயர் சூட்டி அழைப்பதற்கு அவர் என்ன பதிலளித்தார் என்பதை குறிப்பிடும் பொருட்டு அவ்வாறு குறிப்பிட்டிருக்கிறார்கள். படத்தின் காப்புரிமை Sharad ghelani/facebook Image caption முழுமையான தலைப்பு என்ன? நாளிதழின் கேள்விக்கு ராகுல் காந்தி அளித்த பதில் என்ன? '' 2014-ம் ஆண்டில்தான் எனக்கு சிறந்த பரிசு கிடைத்தது. வேறு எங்கும் என்னால் கற்றிருக்க முடியாததை அப்பரிசின் மூலமாக கற்றுக்கொண்டேன். எனது எதிராளிகள் என் வாழ்க்கையை எவ்வளவுக்கெவ்வளோ கடினமாக்குக்கிறார்களோ, அது எனக்கு கடினமானதாகவும் நல்லதாகவும் இருக்கிறது. “பப்பு” என அவர்கள் சொல்வது குறித்து நான் கவலையடையவில்லை. எனது எதிராளிகளின் தாக்குதல்களை பாராட்டுகிறேன். அவர்களிடமிருந்து நான் கற்றுக்கொள்கிறேன்'' என பதிலளித்திருக்கிறார். ஆகவே, ராகுல் காந்தியை இழிவுபடுத்துவதற்காக “பப்பு” என்ற பதத்தை அந்நாளிதழ் பயன்படுத்தவில்லை என்பது தெளிவு. வலது சாரி சமூக வலைதள பக்கங்கள் இவ்வாறு புகைப்படம் போட்டு அவர்களது கருத்துக்களை கூறி வைரலாக்கிக்கொண்டிருந்த நிலையில், ராகுல் காந்தியை தங்களது நாளிதழ் இழிவுபடுத்தியதாக கூறுவது போலிச் செய்தி என கல்ஃப் நாளிதழ் செய்தி வெளியிட்டுள்ளது. கடந்த வாரம் ஒரு ஸ்டேடியத்தில் வெளிநாடு வாழ் இந்தியர்களை துபாயில் சந்தித்து பேசினார் ராகுல் காந்தி. இந்நிகழ்வு பிரதமர் மோதி அயல் நாடுகளுக்குச் சென்று அங்கு வசிக்கும் இந்தியர்கள் மத்தியில் உரையாற்றுவதை ஒத்திருந்தது. https://www.bbc.com/tamil/india-46921164
  4. படத்தின் காப்புரிமை 3DSCULPTOR அமெரிக்கா, ரஷ்யா, சீனாவைப் போன்றே இஸ்ரோவின் வழியும் தனிவழி. உலகின் சில முன்னணி நாடுகளைப் போலவே விண்வெளிக்கு மனிதர்களை அனுப்பும் முயற்சியில் ஈடுபட்டுள்ளது இஸ்ரோ. அதற்கான சோதனை முயற்சியில் விலங்குகளுக்கு பதிலாக மனித ரோபோக்களை அனுப்பலாம் என இந்திய விண்வெளி ஆய்வு நிறுவனம் இஸ்ரோ முடிவு செய்துள்ளது. 'ககன்யான் மிஷன்' திட்டத்தின் கீழ் இந்திய பயணிகளை விண்வெளிக்கு அனுப்பும் திட்டத்தில் தீவிரமாக இருப்பதாக இந்திய அரசும் இஸ்ரோவும் தெளிவாக கூறியிருக்கின்றன. 2021ஆம் ஆண்டின் இறுதிவாக்கில் விண்வெளிக்கு மனிதர்களை அனுப்ப இஸ்ரோ திட்டமிட்டுள்ளது. பிபிசியிடம் பேசிய இஸ்ரோ தலைவர் சிவன், "விண்வெளிக்கு மனிதர்களை அனுப்பும் சோதனை முயற்சிகள் சிக்கலான செயல்முறைகளை உள்ளடக்கியவை. அதில், பலவீனமான விலங்குகளை பயன்படுத்தும் எண்ணம் இஸ்ரோவிடம் இல்லை" என்று தெரிவித்தார். படத்தின் காப்புரிமை Getty Images ஆனால், இதற்கு முன் விண்வெளிக்கு மனிதர்களை அனுப்பியிருக்கும் அமெரிக்கா, ரஷ்யா, சீனா ஆகிய நாடுகள் மனிதர்களை அனுப்புவதற்கு முன்பு, சோதனை முயற்சியாக விலங்குகளையே அனுப்பிய நிலையில், இஸ்ரோ ஏன் ரோபோவை அனுப்ப முடிவு செய்திருக்கிறது என்ற கேள்வி எழுகிறது. இதுகுறித்து, இஸ்ரோ தலைவர் சிவனிடம் பிபிசி கேட்டபோது, "இந்தியா சரியான முயற்சியையே மேற்கொள்கிறது," என்று அவர் உறுதியுடன் பதிலளித்தார். "அமெரிக்காவும் ரஷ்யாவும் விலங்குகளை விண்வெளிக்கு அனுப்பி வைத்தபோது, தற்போது இருக்கும் நவீன தொழில்நுட்பங்கள் இருக்கவில்லை, அப்போது, மனித ரோபோக்கள் கண்டுபிடிக்கப்படவில்லை. எனவே, விலங்குகளின் உயிரை பணயம் வைத்து அந்த சோதனைகளை நடத்தினார்கள். ஆனால் தற்போது, நம்மிடம் மேம்பட்ட உணர்திறன் கருவிகள் (சென்சார்கள்), நவீன தொழில்நுட்ப வசதிகள் உள்ளன. காலத்திற்கு ஏற்றவாறு தொழில்நுட்ப வசதிகளை பயன்படுத்த முடிவு செய்திருக்கிறோம்." 'ககன்யான் மிஷன்' திட்டத்தை செயல்படுத்துவதற்கு முன்னதாக, இஸ்ரோ இரண்டு முன்னோட்ட சோதனைகளை மேற்கொள்ள வேண்டும், அதில் மனிதனைப் போல வடிவமைக்கப்பட்டுள்ள ரோபோ பயன்படுத்தப்படும். ஆனால் விலங்குகளை இந்த சோதனையில் ஈடுபடுத்துவது ஆபத்தானது என நினைக்க காரணம் என்ன? சோதனைக்கு பிறகு மனிதர்கள்தானே விண்வெளிக்கு அனுப்பப்பட வேண்டும்? ஒரு உயிரினத்திற்கும் ரோபோக்கும் வித்தியாசம் உள்ளதே? அறிவியல் துறை நிபுணரான பல்லவ பாக்லாவின் கருத்துப்படி, "ககன்யான் திட்டத்தின் கீழ், இஸ்ரோ நேரடியாக மனிதனை அனுப்ப முடிவு செய்தால், அதற்கு முன்னதாக வேறு இரண்டு சோதனைகளை செய்யவேண்டும். கரியமில வாயு, வெப்பம், ஈரப்பதம், விபத்து போன்றவற்றை உணரும் திறன் கொண்ட உயிரினத்தை அனுப்புவதற்கு பதிலாக, இந்த உணர்வுகளை உணரும்படி, சென்சார்கள் பொருத்தப்பட்ட மனித ரோபோவை அனுப்பலாம். என்னைப் பொருத்தவரையில் இது மிகவும் ஆபத்தானது என்றே சொல்வேன். ஏனென்றால், இதுவரை உயிரினங்களே வசித்திராத விண்வெளிக்கு விண்கலனை அனுப்பவிருக்கிறது என்ற நிலையில் ஆபத்தும் அதற்கு ஏற்றவாறு அதிகமாகவே இருக்கும்". படத்தின் காப்புரிமை Getty Images மறுபுறம், ககன்யான் திட்டம் துரிதகதியில் முன்னேற்றம் அடைந்துவருவதாக இஸ்ரோ கூறுகிறது. இந்த ஆண்டு இறுதிவாக்கில் விண்வெளிக்கு செல்லும் வீரர்களை தேர்ந்தெடுக்கும் பணி நிறைவடைந்துவிடும். விண்வெளிக்கு மனிதர்களை அனுப்பும் இந்தத் திட்டத்தில் ஆபத்து அதிகம் இருக்கிறதே என்று இஸ்ரோ தலைவர் சிவனிடம் பிபிசி கேட்டக் கேள்விக்கு, "இதற்கு முன்பு விண்வெளிக்கு அனுப்பப்பட்ட இந்திய விண்வெளி வீரர்களின் உயிருக்கு ஆபத்து இருந்ததில்லையா," என்று எதிர்கேள்வி கேட்கிறார். இந்தியாவின் இந்த லட்சிய பணிக்கான செலவு சுமார் 10,000 கோடி ரூபாயாக இருக்கும் என்றும், அதற்கு அரசு ஒப்புக்கொண்டிருப்பதாகவும் அரசின் புள்ளிவிவரங்கள் கூறுகின்றன. 2018ஆம் ஆண்டு சுதந்திர தினத்தன்று டெல்லி செங்கோட்டையில் உரையாற்றிய பிரதமர் நரேந்திர மோதி, இந்தத் திட்டத்தை அறிவித்தார். "இந்தத் திட்டத்தை வெற்றிகரமாக நிறைவேற்றவேண்டும் என்ற அழுத்தம் இஸ்ரோ மற்றும் அமைச்சகத்திற்கு சற்று கூடுதலாகவே உள்ளது" என்று அறிவியல் மற்றும் தொழில்நுட்ப அமைச்சகத்தின் சில உயர் அதிகாரிகள் கருதுகின்றனர். இஸ்ரோ தலைவர் சிவனின் கருத்துப்படி, "ககன்யான் திட்டத்திற்கான முயற்சிகள் பல கட்டங்களை கடந்துவிட்டன; விண்கலன் செலுத்து மையம் (Spacefield Center) அமைக்கப்பட்டுவிட்டது. 2020 டிசம்பர் மாதத்திற்குள் ஆளில்லா முதல் விண்கலனும், 2021, ஜூலை மாதத்திற்குள் ஆளில்லா இரண்டாவது விண்கலனும் விண்வெளிக்கு செலுத்தப்படும். அதன்பிறகு, மனிதர்கள் பயணிக்கும் இந்தியாவின் முதல் விண்கலன் 2021 டிசம்பர் மாதத்திற்குள் விண்வெளிக்கு அனுப்பப்படும். படத்தின் காப்புரிமை Getty Images இந்தத் திட்டம் வெற்றியடைந்துவிட்டால், விண்வெளிக்கு மனிதர்களை அனுப்பிய நாடுகளின் பட்டியலில் இந்தியா நான்காவது இடத்தை பிடித்துவிடும். ஐம்பதுக்கும் அதிகமான ஆண்டுகளுக்கு முன்னரே, முதன்முதலில் விண்வெளிக்கு மனிதனை அனுப்பியது சோவியத் யூனியனாக இருந்த தற்போதைய ரஷ்யா. சோவியத் யூனியனை தொடர்ந்து இரண்டாவதாக அந்த சாதனையை செய்த நாடு அமெரிக்கா. இந்த இரண்டு நாடுகளுமே, மனிதர்களை விண்வெளிக்கு அனுப்புவதற்கு முன்னர் விலங்குகளை சோதனை முயற்சியாக அனுப்பின. சோதனை முயற்சிகள் வெற்றி பெற்ற பிறகே, மனிதர்களை விண்வெளிக்கு அனுப்பின. இந்த இரண்டு நாடுகளைத் தொடர்ந்து, 2003ஆம் ஆண்டில் சீனா விண்வெளிக்கு மனிதர்களை அனுப்பி, பட்டியலில் மூன்றாம் இடத்தை பிடித்தது. "பெரும்பாலான நாடுகள் தங்கள் விண்வெளிப் பயணிகளைப் பற்றிய தகவல்களை ரகசியமாக வைக்கின்றன. உதாரணமாக, 2003இல் சீனாவின் முதல் விண்வெளி வீரர், விண்வெளி பயணத்தில் இருந்து திரும்பியபோது, அவர் உடலில் ரத்தக்கசிவு இருந்ததாக உறுதிப்படுத்தப்படாத தகவல்கள் வெளியாகின." <div class="embed-image-wrap" style="max-width: 500px"> <a href="https://www.youtube.com/watch?v=sowuEesRwTc"> <figure class="media-landscape full-width embed-screenshot-nonejs"> <span class="image-and-copyright-container"> <img class="js-image-replace" alt="யூடியூப் இவரது பதிவு BBC News Tamil: விண்வெளி வாழ்க்கை எப்படி இருக்கும்?" src="https://ichef.bbci.co.uk/news/1024/socialembed/https://www.youtube.com/watch?v=sowuEesRwTc~/tamil/india-46931410" width="500" height="269"> <span class="off-screen">புகைப்பட காப்புரிமை BBC News Tamil</span> <span class="story-image-copyright" aria-hidden="true">BBC News Tamil</span> </span> </figure> </a> </div> இதுபோன்ற முயற்சிகளில் அதிக அளவு அபாயம் இருப்பதை மறுக்க முடியாது என்று வேறு சில நிபுணர்களும் கூறுகின்றனர். இந்திய அறிவியல் கழகத்தில் இருந்து ஓய்வு பெற்ற பேராசிரியர் ஆர்.கே. சின்ஹா இவ்வாறு கூறுகிறார்: "பிரிட்டன், பிரான்ஸ் மற்றும் ஜப்பான் போன்ற நாடுகள் இதுவரையில் இந்த முயற்சியில் ஈடுபடவில்லை. ஆனால் இந்தியா பத்து ஆயிரம் கோடி ரூபாய் முதலீடு செய்து இந்த முயற்சியில் ஈடுபட்டுள்ளது." "இந்த முயற்சியின் இலக்கு மிகப் பெரியது என்பதும், இதில் பல அபாயங்கள் இருப்பதை ஏற்றுக்கொண்டாலும், ஒரு விஷயத்தை கவனத்தில் கொள்ள வேண்டியது அவசியம். பொதுவாக இஸ்ரோ என்ன சொல்கிறதோ, அதை நிறைவேற்றிக் காட்டிவிடும்" என்று முத்தாப்பாய் கூறுகிறார் அறிவியல் துறை நிபுணர் பல்லவ் பாக்லா. https://www.bbc.com/tamil/india-46931410
  5. அம்பாறையில், இராணுவத்தின் கட்டுப்பாட்டில் இருந்த அரச மற்றும் தனியார் காணிகள் 39 ஏக்கரை விடுவித்திருப்பதாக இராணுவ ஊடகப் பிரிவு தெரிவித்துள்ளது. ஜனாதிபதி மைத்திரிபால சிறிசேனவின் பணிப்பிற்கு அமைவாகவே விடுவித்திருப்பதாகவும் தெரிவிக்கப்பட்டுள்ளது. போர்க்காலத்தில், இராணுவ முகாங்கள் அமைப்பதற்காகவே இந்தக் காணிகள் பயன்படுத்தப்பட்டதாகவும் தற்போது மக்களின் பாவனைக்கு வழங்கப்பட்டுள்ளதாகவும் தெரிவிக்கப்பட்டுள்ளது. பாதுகாப்புப் படையின் கிழக்கு தளபதி மேஜர் ஜெனரல் அருண ஜயசேகரவின் கண்காணிப்பில், அம்பாறை மாவட்ட செயலகத்தில் இந்த நடவடிக்கை முன்னெடுக்கப்பட்டதாக இராணுவத்தின் ஊடகப்பிரிவு குறிப்பிட்டுள்ளது. இதனடிப்படையில், அம்பாறை – கல்முனை பிரதேச செயலகப் பிரிவின் பெரிய நீலாவணை பகுதியில், அரை ஏக்கர் தனியார் காணியும் பள்ளக்காடு பகுதியில் 39 ஏக்கர் அரச காணியும் விடுவிக்கப்பட்டுள்ளன. http://globaltamilnews.net/2019/110451/
  6. கத்தரிக்காய் மிளகு கறி ஒரு சுவையான டிஷ். சூடான ரைஸ் உடன் பரிமாறவும். <img class="alignnone size-full wp-image-16470" itemprop="image" src="https://cdn.awesomecuisine.com/wp-content/uploads/2014/07/brinjals.jpg" alt="Brinjals" width="553" height="400" itemprop="image" srcset="https://cdn.awesomecuisine.com/wp-content/uploads/2014/07/brinjals.jpg 553w, https://cdn.awesomecuisine.com/wp-content/uploads/2014/07/brinjals-300x217.jpg 300w, https://cdn.awesomecuisine.com/wp-content/uploads/2014/07/brinjals-40x30.jpg 40w" sizes="(max-width: 553px) 100vw, 553px" title="Brinjals"> தேவையான பொருட்கள் கத்தரிக்காய் – அரை கப் (நறுக்கியது) தேங்காய் எண்ணெய் – இரண்டு தேகரண்டி வெங்காயம் – ஒன்று (நறுக்கியது) உப்பு – தேவைகேற்ப பூண்டு – இரண்டு பல் மஞ்சள் தூள் – சிறிதளவு தேங்காய் பால் – முக்கால் டம்ளர் கரிவேபில்லை – சிறிதளவு அரைக்க: பூண்டு – நான்கு பல் மிளகு – ஒன்று கால் டீஸ்பூன் சீரகம் – ஒரு டீஸ்பூன் முன்றையும் விழுதாக அரைத்து கொள்ளவும். செய்முறை கடாயில் தேங்காய் எண்ணெய் ஊற்றி காய்ந்ததும் வெங்காயம், உப்பு, மஞ்சள் தூள், பூண்டு, கத்தரிக்காய் சேர்த்து நன்றாக வதக்கவும். பின், அரைத்த விழுது சேர்த்து கிளறி சிம்மில் வைத்து எட்டு நிமிடங்களுக்கு நன்றாக வேகவிடவும். பிறகு, தேங்காய் பால் சேர்த்து மூன்று நிமிடம் கழித்து கிரேவி பதம்வந்ததும் கரிவேபில்லை போட்டு இறக்கவும். https://www.awesomecuisine.com/recipes/22996/kathirikai-milagu-curry-in-tamil.html
  7. இலங்கை மக்களுடனான தமது உறவு சிங்களம் பேசும் மக்களுடன் மட்டுப்படுத்தப்பட்டதல்ல என்று தெரிவித்துள்ள இலங்கைக்கான சீன தூதுவர் செங் யுவான், தமிழ் மொழி பேசும் மக்களையும் தமது உறவு வலயத்தில் வைக்கவே விரும்புவதாகவும் கூறியுள்ளார். இலங்கையிலுள்ள சீன தொழில் முயற்சி திட்ட வளாகங்களில், இலங்கையின் மொழிக்கொள்கை பின்பற்றப்படுவதில்லை. விசேடமாக, தமிழ் மொழி புறக்கணிப்புக்கு உள்ளாகிறது என்ற புகார், சமீப காலங்களில் மேலெழுந்துள்ளது. இவை பற்றி சீன தூதுவரை சந்தித்து நேரடியாக கலந்துரையாட விரும்புவதாக, தேசிய ஒருமைப்பாடு, அரச கரும மொழிகள், சமூக மேம்பாடு, இந்து சமய விவகார அமைச்சு, கொழும்பிலுள்ள சீன தூதரகத்துக்கு அறிவித்திருந்தது. அதையடுத்து, அமைச்சர் மனோ கணேசனை, தனது அதிகாரபூர்வ இல்லத்துக்கு வருகை தரும்படி, சீன தூதுவர் செங் யுவான் விடுத்த அழைப்பை, அமைச்சர் மனோ கணேசன் ஏற்றுக்கொண்டதையடுத்து, இன்று இச்சந்திப்பி இடம்பெற்றிருந்தது. இதன்போதே, அவர் மேற்கண்டவாறு கருத்துத் தெரிவித்தார். அவர் தொடர்ந்து கூறியுள்ளமையானது, இலங்கையில் இடம்பெறும் சீன அபிவிருத்தி மற்றும் தொழிற்றிட்டங்களின் பெயர்ப் பலகைகளில், தமிழ் மொழியைத் திட்டமிட்டு அவமதிக்கும் நோக்கம் கிடையாது என்றும் இனிமேல், சீன நிறுவனங்களின் பெயர்பலகைகள் இலங்கையில் அமைக்கப்படும் போது, தேசிய ஒருமைப்பாடு, அரச கரும மொழிகள் அமைச்சுடன் கலந்துரையாடிய பின்னர் அவற்றை அமைப்பதற்காக, வர்த்தகப் பிரிவு அதிகாரியை தான் நியமிப்பதாகவும் அவர் இதன்போது கூறியுள்ளார். இன்ச்சந்திப்பின் போது சென தூதுவர் அமைச்ஜ்ச்ஜர் மனோ கணேசனிடம் கூறியதாவது, இதுவரை அமைக்கப்பட்டுள்ள தொழிற்றிட்டங்களின் பெயர் பலகைகளில் உள்ள எழுத்து பிழைகள் அல்லது மொழி புறக்கணிப்பு போன்றவை, படிப்படியாக திருத்தப்படும் என்று உறுதியளித்துள்ள அவர், அவற்றுக்கு, மொழிபெயர்ப்பு போன்ற விடயங்களுக்கு, அமைச்சசை நாடுவதாகவும் இனிமேல், சீன நிறுவனங்களின் பெயர்பலகைகள் அமைக்கப்படும் போது அமைச்சுடன் நிச்சயமாக கலந்துரையாடப்படும் என்றும் அவர் கூறியுள்ளார். இதன்போது பதிலளித்த அமைச்சர் மனோ கணேசன், சீன தொழிற்றிட்டங்களின் பெயர் பலகைகளில், தமிழ் மொழி புறக்கணிப்பு தமிழ் மக்கள் மத்தியில் கவலையை ஏற்படுத்தியுள்ளது என்றும் இலங்கையில், சிங்களம், தமிழ் ஆகியவை தேசிய அரசகரும மொழிகள் என்றும் ஆங்கிலம் இணைப்பு மொழியாகும் என்றும் விளக்கமளித்தார். அத்தோடு, இந்த மொழி விவகாரங்களுக்காக நியமிக்கப்படும் அதிகாரியுடன் இணைந்து செயற்படுவதற்கு, அரச கரும மொழிகள் ஆணைக்குழுவின் பணிப்பாளரை நியமிப்பதாகவுமு் அவர் கூறினார். http://www.tamilmirror.lk/செய்திகள்/உறவு-வலயத்துக்குள்-தமிழும்-வேண்டும்-சீன-தூதுவர்/175-228250
  8. வடக்கில் ஏற்பட்டுள்ள குளிரான காலநிலை மேலும் இரண்டு வாரங்களுக்கு நீடிக்கும். இதன்போது சுவாசம் தொடர்பான நோய்கள், உடலில் அசொகரியங்களும் ஏற்படும். எனவே குளிரைத் தாங்கக் கூடியவாறான உடைகளை அணிந்திருப்பது சிறந்தது என்று தெரிவிக்கப்பட்டுள்ளது. வடக்கின் பெரும்பாலான பகுதிகளில் அதிகுறைந்த வெப்ப நிலையின் அளவு 18.5பாகை செல்சியசாகக் காணப்பட்ட அதேவேளை அதிகூடிய வெப்பநிலை 29 பாகையாகக் காணப்பட்டது. அடுத்து வரும் தினங்களுக்கும் இதே நிலமை தொடரும். பனிப்பொழிவின் ஒரு வடிவமான (mist) மாலை 4 மணிக்கு ஆரம்பிக்கின்றது. மறுநாள் காலை 7.30 மணிவரை தொடரும். இதனால் இரவு மற்றும் அதிகாலை வேளைகளில் நடமாடும் போது கடும் குளிரைத் தாங்கக் கூடியவாறு பாதுகாப்பு ஏற்பாடுகளை மேற்கொள்வது சிறந்தது. கடுமையான வெப்ப வீழ்ச்சியின் காரணமாக ஏற்படுகின்ற தீவிர குளிர் வானிலை நிலமை சுவாசம் சம்பந்தமான நோய்களுக்கும், மனித உடற்சௌகரியத்துக்கும் பாதிப்பை ஏற்படுத்தும். விலங்குகளிலும், தாவரங்களிலும், குறிப்பாக பயிர்ச்செய்கை நடவடிக்கைகளிலும் இதன் தாக்கம் காணப்படும். இந்த நிலமை இரண்டு வாரங்களாவது நீடிக்கும் என்று எதிர்ப்பார்க்கப்படுவதால், பாதுகாப்பாக இருப்பது மக்களுக்கு ஏற்படும் அசௌகரியங்களைத் தடுக்க உதவியாக இருக்கும் என்றும் தெரிவிக்கப்பட்டுள்ளது. https://newuthayan.com/story/17/வடக்கு-மக்கள்-அவதானம்.html
  9. பிபிசி யின் தரம் தாழ்ந்து போகின்றது என்பதை விட வல்லரசு கனவில் இருக்கும் இந்தியாவின் பேராசிரியர்களின் தரம் கீழே செல்கின்றது என்பது தான் முக்கிய விடயம். பா.ஜ.க எனும் வகுப்புவாத மதவாத கட்சி ஆட்சிக்கு வந்த பிறகு இந்தியாவின் 'அறிவியல்' கீழ்த்தரமான அளவுக்கு போய்க் கொண்டு இருக்கு. அண்மையில் அறிவியல் மாநாட்டில் பேராசிரியர்களால் முன் வைக்கப்பட்ட மோட்டுத்தனமான விளக்கங்களுக்கு அடுத்ததாக இந்த பேராசிரியரின் கருத்து வந்து இருக்கு. இந்தியாவின் பெருமை உலகளவில் கீழ் இறங்குவது சந்தோசத்தைதான் தருகின்றது.
  10. ‘‘நாம் எதிர்­பார்த்த வகையில் மைத்­திரி –- மகிந்த கூட்­ட­ணிக்­குள் மோதல் வெடித்­துள்­ளது. இதை­ய­டுத்து எதிர்க்­கட்­சித் தலை­வர் மகிந்த ராஜ­பக்ச தலை­மை­யி­லான அணி­யி­னர் தனி­வ­ழி­யில் சென்று மீண்­டும் ஓர் அர­சி­யல் சூழ்ச்சி ஊடாக அதி­கா­ரத்­தைக் கைப்­பற்ற இர­க­சி­யத் திட்­டம் வகுக்­கின்­ற­னர். இந்­தத் தக­வல் வெளி­யில் கசிந்­துள்­ளது. எனி­னும் இந்த அர­சி­யல் சூழ்ச்­சி­யை­யும் நாம் வெற்­றி­க­ர­மாக முறி­ய­டிப்­போம்.’’ -இவ்­வாறு ஐக்­கிய தேசி­யக் கட்­சி­யின் பிர­தித் தலை­வ­ரும் வீட­மைப்பு மற்­றும் கலா­சார அலு­வல்­கள் அமைச்­ச­ரு­மான சஜித் பிரே­ம­தாச தெரி­வித்­தார். அவர் மேலும் தெரி­வித்­த­தா­வது: ‘சர்­வா­தி­கா­ரப் போக்­கு­டைய ராஜ­பக்ச அணி­யி­னர் மீண்­டும் ஆட்­சிப்­பீ­டம் ஏற நாம் ஒரு­போ­தும் இட­ம­ளி­யோம். அவர்­க­ளின் திட்­டங்­களை முளை­யி­லேயே கிள்­ளி­வி­டு­வோம். அதி­கார வெறி பிடித்­த­வர்­கள் – பதவி ஆசை பிடித்­த­வர்­கள் வெட்­கம் இன்றி ஜன­நா­ய­கத் தீர்ப்­புக்கு முர­ணாக – குறுக்கு வழி­யில் – திருட்­டுத்­த­ன­மாக ஆட்­சி­யைப் பிடிக்க முயல்­வது வழமை. அவர்­க­ளுக்கு தோல்வி என்­பது சக­ஜ­ய­மா­கி­வி­டும். ஐக்­கிய தேசி­யக் கட்­சி­யின் இந்த ஆட்சி, தடை­க­ளைத் தகர்த்­தெ­றிந்து தொட­ரும். எமது ஆட்­சியை எவ­ரும் இனி­மேல் கவிழ்க்க முடி­யாது. நாடா­ளு­மன்­றத் தேர்­தலோ அல்­லது அரச தலை­வர் தேர்­தலோ எந்­தத் தேர்­த­லை­யும் அர­ச­மைப்பு விதி­மு­றை­க­ளுக்­க­மைய எதிர்­கொள்ள நாம் தயா­ராக இருக்­கின்­றோம். அனைத்­துத் தேர்­தல்­க­ளி­லும் நாமே வெற்­றி­வாகை சூடு­வோம். நாட்டு மக்­கள் உண்மை நிலை­யைப் புரிந்­து­விட்­டார்­கள். அவர்­கள் எமது பக்­கமே நிற்­கின்­றார்­கள். ‘ஒக்­டோ­பர் 26 அர­சி­யல் சூழ்ச்சி’ மாதிரி மீண்­டும் ஒரு அர­சி­யல் சூழ்ச்சி அரங்­கே­றி­னால் நாம் மட்­டு­மல்ல நாட்டு மக்­களே அணி­தி­ரண்டு முறி­ய­டிப்­பார்­கள். ஒக்­டோ­பர் 26 அர­சி­யல் சூழ்ச்­சியை முறி­ய­டித்­த­தில் நாட்டு மக்­க­ளுக்­கும் பெரும் பங்கு உண்டு – என்­றார். https://newuthayan.com/story/17/மீண்­டும்-அர­சி­யல்-சூழ்ச்சி-மகிந்த-இர­க­சி­யத்-திட்­டம்.html
  11. எதிர்க்கட்சி தலைவர் மஹிந்த ராஜபக்ஷ சற்று முன்னர் தனது கடமைகளை உத்தியோகப்பூர்வமாக பொறுப்பேற்றார். கொழும்பிலுள்ள எதிர்க்கட்சி தலைவர் அலுவலகத்தில் இடம்பெற்ற மத வழிபாடுகளை தொடர்ந்து சம்பிரதாயபூர்வமாக அவர் கடமைகளை பொற்றுப்பேற்றுள்ளார். புதிய எதிர்க்கட்சி தலைவராக நியமிக்கப்பட்டுள்ள மஹிந்த ராஜபக்ஷ இன்று (வெள்ளிக்கிழமை) தனது கடமைகளை உத்தியோகப்பூர்வமாக பொறுப்பேற்றுள்ளார். அதன்படி சமய வழிபாடுகளை தொடர்ந்து இன்று காலை எதிர்கட்சித் தலைவர் அலுவலகத்தில், தனது கடமைகளை ஆரம்பித்துள்ளார். புதிய எதிர்க்கட்சி தலைவர் நியமனம் பல்வேறு விமர்சனங்களை தோற்றுவித்திருந்த நிலையில், விமர்சனங்களுக்கு முற்றுப்புள்ளி வைத்து மஹிந்த ராஜபக்ஷ இன்று கடமைகளை பொறுப்பேற்றுள்ளார். எதிர்க்கட்சி தலைவராக மஹிந்த ராஜபக்ஷ நியமிக்கப்பட்ட போதிலும், முன்னாள் எதிர்க்கட்சி தலைவரான தமிழ் தேசிய கூட்டமைப்பின் தலைவர் இரா.சம்பந்தன் எதிர்க்கட்சி தலைவர் அலுவலகத்தை ஒப்படைக்காத நிலையில் புதிய எதிர்க்கட்சி தலைவர் கடமைகளை பொறுப்பேற்பதில் தாமதம் நிலவி வந்தது. அந்தவகையில், மஹிந்த தற்போது அலுவலகத்தை பொறுப்பேற்று கடமைகளை ஆரம்பித்துள்ளார் http://www.virakesari.lk/article/48243
  12. பிபிசி இந்தி சேவை டெல்லி பேஸ்புக் அல்லது ட்விட்டரில் நீங்கள் இருந்தால் #10YearChallenge எவ்வளவு வைரலாக பரவியிருக்கிறது என்பது உங்களுக்கு தெரிந்திருக்கும். நீங்களோ அல்லது உங்களுக்கு தெரிந்தவர்கள் எவரோ தற்போது மற்றும் 10 ஆண்டுகளுக்கு முன்பு எடுக்கப்பட்ட புகைப்படத்தை பகிர்ந்திருக்கலாம். பிரச்சனை இல்லை. முதலில் இந்த போக்கில் எந்த தீங்கும் இல்லாத மாதிரிதான் இருந்தது. ஆனால், சமூக ஊடகங்களில் வைரலாகும் ஒவ்வொரு விஷயத்திற்கும் பின்னால் நிச்சயம் ஏதோ ஒன்று இருக்கும். ஏதேனும் தொழில் யோசனையின் ஒரு பகுதியா இது? ஒரு தரவு வங்கி தயாரிப்பதற்காக, உங்கள் பழைய மற்றும் புதிய புகைப்படங்களை வேண்டுமென்றே கேட்கிறார்களா? இதற்கு பின் ஏதேனும் சதித்திட்டம் இருக்கிறதா? இதில் இருந்து நாம் தள்ளி இருக்க வேண்டுமா? பேஸ்புக் கூறுவது என்ன? படத்தின் காப்புரிமை Getty Images இந்த கேள்விகளுக்கு எல்லாம் விடை தேடுவதற்கு முன்னால், இதுகுறித்து பேஸ்புக் என்ன கூறியுள்ளது என்று பார்க்கலாம். "இது பயன்பாட்டாளர் ஒருவரால் தொடங்கப்பட்ட மீம். தானாகவே வைரலாகி உள்ளது. இந்த ட்ரென்டை பேஸ்புக் தொடங்கவில்லை" என்கிறது. "ஏற்கனவே இருக்கும் புகைப்படத்தை வைத்துதான் மீம்கள் செய்யப்படுகின்றன. பேஸ்புக் இதனை எந்த வகையிலும் பயன்படுத்தவில்லை. ஆனால், பேஸ்புக் பயனாளர்கள், முகம் அடையாளப்படுத்தும் தன்மை என்று அறியப்படும் பேஷியல் ரெகக்னிஷன் வசதியை ஆன் அல்லது ஆஃப் செய்யலாம் என்பதை நினைவில் வைத்துக் கொள்ள வேண்டும்." பேஸ்புக் தெளிவாக கூறியிருக்கிறது. ஆனால், #10YearChallenge குறித்து மட்டுமல்லாமல் சமீபத்தில் இந்த மாதிரியான விளையாட்டுகள் அல்லது மீம்கள் பெரும் திட்டத்தின் ஒரு பகுதியாக இருந்திருக்கின்றன. இவற்றின் திட்டம் தரவுகளை சேகரிப்பது. இந்த சவால் ஒரு டைம் பாஸோ அல்லது கேளிக்கையோ இல்லை, இதிலிருந்து விலகி இருப்பதே நல்லது. இது நாம் அச்சப்பட வேண்டிய விஷயமா? படத்தின் காப்புரிமை Getty Images இதனால் ஏதும் தீங்கு ஏற்படுமா என்று சைபர் சட்ட வல்லுநர் பவன் டக்கலை பிபிசி தொடர்பு கொண்டு பேசியது. ஆம், சைபர் கிரிமினல்கள் இதனை தவறாக பயன்படுத்தலாம்" என்று அவர் தெரிவித்தார். 10 ஆண்டுகள் பழைய புகைப்படத்தை சமூக ஊடகத்தில் பகிர்வதால் என்ன பிரச்சனை என்று கேட்டதற்கு பதிலளித்த அவர், "இந்த புகைப்படங்களை தவறாக பயன்படுத்தியதற்கான ஆதாரங்கள் இதுவரை ஏதுமில்லை. ஆனால், இவ்வளவு நாட்களாக கிடைத்திராத பழைய புகைப்படம் இப்போது கிடைத்துள்ளது. மக்கள் அவர்களாகவே கொடுக்கின்றனர்" என்றார். "இந்த புகைப்படங்கள் சமூக ஊடகத்தில் பகிரப்படும்போது, அவற்றை மார்ஃப் செய்து மாற்றலாம், உங்களை இலக்காக ஆக்க முடியும்." ஆனால், பேஸ்புக் ரெகக்னிஷன் தொழில்நுட்பத்திற்கும் இதற்கும் என்ன தொடர்பு? "பேஷியல் ரெகக்னிஷன் குறித்து உலகம் முழுவதும் பல்வேறு விஷயங்கள் நடந்து கொண்டிருக்கின்றன. இதனை வைத்து 10 ஆண்டுகளில் எந்த அளவிற்கு வடிவம் மாறியுள்ளது என்பதை எளிதாக கண்டுபிடிக்க முடியும்" என்கிறார் டக்கல் பழைய புகைப்படங்கள் ஏன் ஆபத்தானவை? படத்தின் காப்புரிமை Getty Images இந்த புகைப்படங்கள் 10 ஆண்டுகளுக்கு முன்பாகவே பேஸ்புக்கில் பதிவேற்றப்பட்டது தானே? ஏற்கனவே பேஸ்புக்கில் இருக்கும் புகைப்படம், தற்போது இதனால் என்ன ஆபத்து? "குறிப்பிட்ட புகைப்படம் பேஸ்புக்கில் ஏற்கனவே இருப்பது உண்மைதான். ஆனால், அது எங்கேயோ இருந்தது. இந்த சவாலை ஏற்று உங்கள் புதிய புகைப்படத்தோடு, பழைய புகைப்படத்தை வைக்கிறீர்கள்." "இதுபோன்று செய்யும்போது, இதுவரை சமூக வலைதளங்களில் இல்லாத புதிய தரவுகளை நீங்கள் உருவாக்குகிறீர்கள். இதனை சைபர் கிரிமினல்கள் தவறாக பயன்படுத்த முடியும்." "எனவே, இது மாதிரியான சவால்களை தவிர்ப்பது அவசியம். ஏனென்றால், நீங்கள் உங்கள் புகைப்படத்தை பகிரும்போது, நிறுவனங்களுக்கு உங்களது பழைய மற்றும் முக்கியமான தகவல்களை தருகிறீர்கள். மேலும், எந்த அளவிற்கு அவற்றை தவறாக பயன்படுத்த முடியும் என்பதை உங்களால் நினைத்துக்கூட பார்க்க முடியாது" என்றார் அவர். எந்தெந்த நிறுவனங்கள் இதன் மீது ஒரு கண் வைத்திருக்கின்றன? டக்கல் மாதிரியான நிபுணர்களின் எச்சரிக்கை ஒருபுறமிருந்தாலும், இது ஒரு சாதாராண படம் தானே. இதை வைத்து நிறுவனங்கள் எவ்வாறு பலனடையமுடியும் மேலும் இதை எப்படி அவர்கள் பயன்படுத்தக்கூடும் என பலருக்கும் சந்தேகம் எழக்கூடும். உலக அளவில் பிரசித்திப் பெற்ற நாளிதழான வயர்ட் இது குறித்து சொல்வதென்ன? யாராவது உங்களது பேஸ்புக் படங்களை பேஷியல் ரெக்ககனைஷன் அல்காரிதத்தை மேம்படுத்துவதற்கான நடவடிக்கைகளுக்கு பயன்படுத்தினால் அது தவறாகுமா? (பேஷியல் ரெக்ககனைஷன் என்பது கணிதமுறைப்படி உங்களின் முக அமைப்பை கணக்கிட்டு தரவுகளை சேகரித்து வைக்கும் ஒரு முறையாகும்.) தொழில்நுட்பம் என வரும்போது நீங்கள் என்ன தரவுகளை உற்பத்தி செய்கிறீர்கள் மற்றும் அந்த தரவுகள் எப்படி பயன்படுத்தப்படுகிறது என்பது முக்கியம். இம்மாதிரியான சவால்களில் இருந்து உங்களின் முகம் உங்களின் வயது சார்ந்து எப்படி மாறியுள்ளது என்ற தகவல்களை அவர்களின் விளம்பரத்துக்கு பயன்படுத்தமுடியும். படத்தின் காப்புரிமை Getty Images அடுத்தது என்ன? வயர்ட் நிறுவனத்தின் கருத்துப்படி, இந்த முக ஆதாரங்கள் எந்தவொரு தருணத்திலும் காப்பீடுக்கான மதிப்பீடு மற்றும் உடல் நலன் சார்ந்த சேவைகளில் பயன்படுத்த முடியும். நீங்கள் உங்களின் வயதை ஒப்பிடும்போது விரைவாக முதுமை அடைகிறீர்கள் எனில் நீங்கள் காப்பீடு நிறுவனங்களுக்கு நல்ல நுகர்வோர் கிடையாது. படத்தின் காப்புரிமை Getty Images 2016-ம் ஆண்டு அமேசான் நிறுவனம் முக அமைப்பை கண்டுபிடிக்கும் சேவைகளை துவக்கியது பின்னர், அமெரிக்க அரசு நிறுவனங்களிடம் ஒப்படைத்தது. இந்த தொழில்நுட்பம் தனி நபர் தகவல்கள் குறித்த கவலைகளை அதிகரித்ததை இந்த நாளிதழ் சுட்டிக்காட்டியுள்ளது. காவல்துறைக்கோ அல்லது வேறு ஏதேனும் நிறுவனத்துக்கு இந்த தகவல்கள் கிடைக்கும் பட்சத்தில், அவர்களுக்கு குற்றச்செயல்களில் ஈடுபட்டவர்கள் தரவுகள் மட்டும் கிடைப்பதில்லை, குற்றச்செயல்களில் ஈடுபடாதவர்களின் தகவல்களும் அவர்களின் கைகளுக்குச் செல்கின்றன என்ற அச்சகமும் இன்னமும் இருக்கிறது https://www.bbc.com/tamil/india-46908869
  13. முரளிதரன் காசிவிஸ்வநாதன் பிபிசி தமிழ் உலகின் இரண்டாவது மிக இளைய கிராண்ட் மாஸ்டர் என்ற தகுதியை சென்னையைச் சேர்ந்த டி குகேஷ் பெற்றிருக்கிறார். இந்தியாவின் இளைய கிராண்ட் மாஸ்டரான குகேஷ், டெல்லியிலிருந்து சென்னை விமான நிலையத்தில் வந்து இறங்கியதிலிருந்து தொடர்ந்து ஊடகங்களுக்கு பேட்டியளித்தபடி இருக்கும் குகேஷிடம் களைப்பின் சுவடே இல்லை. சுறுசுறுப்பாக, அதே நேரம் அமைதியாக பதில் சொல்லிக்கொண்டேயிருக்கிறார். சற்றுத் தள்ளியிருந்தபடி இதையெல்லாம் பார்த்துக்கொண்டிருக்கும் குகேஷின் தந்தை ரஜினிகாந்த், "களைப்பாக இருக்கிறது. அதே நேரம் மகிழ்ச்சியாக இருக்கிறது" என்கிறார். சென்னை வேலம்மாள் வித்யாலயா பள்ளிக்கூடத்தில் படிக்கும் டி குகேஷுக்கு வயது தற்போது 12 வயது 7 மாதம். உலகில் கிராண்ட் மாஸ்டர் அந்தஸ்தை எட்டியவர்களில் மிகவும் இளையவர்களில் இவர் இரண்டாவது இடத்தில் இருக்கிறார். முதலிடத்தில் இருப்பவர் உக்ரைனைச் சேர்ந்த செர்ஜி கர்ஜகின். இருந்தபோதும் இந்தியாவின் மிக இளைய கிராண்ட் மாஸ்டர் குகேஷ்தான். தெலுங்குப் பின்னணியைக் கொண்ட டாக்டர் ரஜினிகாந்த் ஒரு காது - மூக்கு - தொண்டை அறுவை சிகிச்சை நிபுணர். இவரது மனைவி பத்மா குமாரியும் ஒரு மருத்துவர்தான். இந்தத் தம்பதியின் ஒரே மகன்தான் குகேஷ். "நானும் என் மனைவியும் அவ்வப்போது செஸ் விளையாடிக்கொண்டிருப்போம். மூன்றரை வயதாகும்போதிலிருந்து குகேஷ் அதைக் கவனிப்பான். அதற்குப் பிறகு எங்கள் உறவினரான தினேஷுடன் சேர்ந்து விளையாட ஆரம்பித்தான். அப்படித்தான் செஸ் மீது அவனுக்கு ஆர்வம் ஏற்பட்டது" என்கிறார் ரஜினிகாந்த். பள்ளிக்கூடத்தில் சேர்ந்த பிறகு, குகேஷ் செஸ் விளையாடியதைப் பார்த்த அந்தப் பள்ளிக்கூடத்தின் கோச், அவனை தொடர்ந்து அதில் விளையாட அறிவுறுத்தினார். பாடம் தவிர்த்த செயல்பாடடு ஒன்றைத் தேர்வுசெய்யும்படி பள்ளிக்கூடம் சொன்னபோது, பெற்றோர் உடனடியாக செஸ்ஸையே தேர்வுசெய்தனர். இதற்குப் பிறகு மேல் நோக்கிய பயணம்தான். 7 வயதிலேயே போட்டிகளில் ஆட ஆரம்பித்தான் குகேஷ். அப்போதே ரேட்டிங் போட்டிகளிலும் கலந்துகொள்ள ஆரம்பித்தவனுக்கு 2013 ஆகஸ்டில் 1291 புள்ளிகளுடன் தரவரிசை கிடைத்தது. இதற்குப் பிறகு 2015ல் சிங்கப்பூரில் நடந்த 9 வயதுக்குட்பட்டோருக்கான போட்டியில் விளையாடி காண்டிட் மாஸ்டர் பட்டத்தை வென்றான். செஸ்ஸைப் பொறுத்தவரை, காண்டிட் மாஸ்டர் பட்டத்தை வென்ற பிறகு கிராண்ட் மாஸ்டர் பட்டத்தை அடைவதற்கு பல கட்டங்களைக் கடந்தாக வேண்டும். அதாவது, இன்டர்நேஷனல் மாஸ்டர் பட்டத்தை அடைய மூன்று கட்டங்களையும் கிராண்ட் மாஸ்டர் பட்டத்தை அடைய மூன்று கட்டங்களையும் கடக்க வேண்டும். மொத்தமாக 2500 தரவரிசைப் புள்ளிகளையும் பெற வேண்டும். இந்தக் கடினமான பயணத்தில் படிப்படியாக, உறுதியாக முன்னேறினான் குகேஷ். 2017 அக்டோபரில் மலேசியாவில் நடந்த போட்டியில் பங்கேற்று இன்டர்நேஷனல் நார்ம் முதல் கட்டத்தைத் தாண்டினான். அதற்குப் பிறகு 2018 ஜனவரியில் மாஸ்கோவில் நடந்த போட்டியில் இரண்டாவது கட்டத்தையும் அதே ஆண்டு மார்ச்சில் ஃபிரான்சில் நடந்த போட்டியில் பங்கேற்று மூன்றாவது கட்டத்தையும் தாண்டி 2400 தகுதிப் புள்ளிகளையும் பெற்று இன்டர்நேஷனல் மாஸ்டர் என்ற தகுதியைப் பெற்றான். இதற்குப் பிறகு, 2018ல் பாங்காக்கில் நடந்த போட்டியில் கிராண்ட் மாஸ்ட்ர் நார்ம் முதல் கட்டத்தையும் அதே ஆண்டு டிசம்பரில் செர்பியாவில் நடந்த போட்டியில் இரண்டாவது கட்டத்தையும் கடந்த குகேஷ், உலகின் மிக இளைய கிராண்ட் மாஸ்டர் என்ற சாதனையைப் படைத்துவிட முடியும் என்றே பலரும் நினைத்தார்கள். மிக இள வயதில் கிராண்ட் மாஸ்டர் பட்டத்தை எடுத்த செர்ஜி கர்ஜகின், 12 வயது 7 மாதங்களில் இந்த சாதனையை நிகழ்த்தினார். அந்த சாதனையை குகேஷ் முறியடித்திருக்க வேண்டுமானால் கடந்த ஆண்டு டிசம்பர் 29ஆம் தேதிக்குள் கிராண்ட் மாஸ்டர் தகுதியைப் பெற்றிருக்க வேண்டும். டிசம்பரில் நடந்த Sunway Sitges International போட்டியில் வெற்றிபெற்றிருந்தால், இந்தச் சாதனையைப் பெற்றிருக்க முடியும். ஆனால், அந்தப் போட்டி வெற்றி - தோல்வியின்றி முடிவடைந்தது. ஆனால் மனமுடைந்துவிடாமல் தொடர்ந்து விளையாடிய குகேஷ், தில்லி இன்டர்நேஷனல் ஓடன் ஜிஎம் போட்டியின் ஒன்பதாவது சுற்றி வெற்றிபெற்றதன் மூலம் இந்தியாவின் கிராண்ட் மாஸ்டர் நார்மின் மூன்றாவது கட்டத்தைத் தாண்டி, இந்தியாவின் மிக இளைய கிராண்ட் மாஸ்டர் என்ற சாதனையைப் படைத்தான். இதற்கு முன்பாக கடந்த ஆண்டில் சென்னையைச் சேர்ந்த பிரக்ஞானந்தா இந்த சாதனையைப் படைத்திருந்தான். தற்போது அதனை குகேஷ் முறியடித்திருக்கிறான். பிரக்ஞானந்தா 12 வயது பத்து மாதங்களில் அந்த சாதனையைச் செய்தான். தற்போது குகேஷ் 12 வயது 7 மாதங்களில் இந்த இலக்கை எட்டியிருக்கிறான். தொடர்ந்து விளையாடியது சோர்வளிக்கவில்லையா? "இல்லை. செஸ் எனக்குப் பிடிக்கும். சாதாரணமாகத்தான் இருக்கிறேன்" என்கிறார் குகேஷ். கடந்த 16 மாதங்களில் 6 நார்ம்களை, அதாவது இன்டர்நேஷனல் மாஸ்டர் பட்டத்திற்காக மூன்று நார்ம்களையும் கிராண்ட் மாஸ்டர் பட்டத்திற்காக மூன்று நார்ம்களையும் கடந்திருக்கும் குகேஷ், இந்த காலகட்டத்தில் 2323 புள்ளிகளிலிருந்து தற்போது 2512 புள்ளிகளை எட்டியிருக்கிறான். கடந்த ஆண்டிலிருந்து இந்த ஆண்டு வரை 243 ஆட்டங்களை ஆடியிருக்கிறான். "படிப்பைப் பொறுத்தவரை பள்ளிக்கூடத்தில் மிகவும் ஆதரவாக இருக்கிறார்கள். 2015வரை குகேஷ்தான் பள்ளியிலேயே முதல் மாணவன். அதற்குப் பிறகு செஸ்ஸில் கவனம் செலுத்த விரும்பியதால் வகுப்புகளைக் குறைத்துக் கொண்டார்கள். தேர்வு மட்டும் எழுதி வந்தான். தற்போது தேர்வுக்கும் விலக்குக் கேட்டிருக்கிறோம்" என்கிறார் ரஜினிகாந்த். தன் மகனுடன் டோர்னமென்ட்களுக்காக தொடர்ந்து பயணம் செய்ய வேண்டும் என்பதால் முழு நேரப் பணியிலிருந்து தன்னை விடுவித்துக்கொண்டிருக்கும் ரஜினிகாந்த், தற்போது ஒரு மருத்துவமனையில் கன்சல்டன்டாக மட்டும் சென்றுவருகிறார். "மாதத்திற்கு ஐந்து நாட்கள் சென்றாலே பெரிது. அந்த அளவுக்கு பிஸியாக போட்டிகளுக்குச் செல்கிறோம்" என்கிறார் ரஜினிகாந்த். பணமும் ஒரு முக்கியமான பிரச்சனை. எல்லா நாடுகளுக்கும் சொந்த செலவில்தான் செல்ல வேண்டும். கடந்த ஆண்டிலிருந்து ஓஎன்ஜிசி உதவித் தொகை வழங்க ஆரம்பித்துள்ளது. மைன்ட்சென்ஸ் என்ற நிறுவனமும் சிறிய அளவில் ஸ்பான்சர் செய்கிறது. ஆனால், பெரும்பாலான தருணங்களில் இந்த உதவிகள் போதுமானதாக இருப்பதில்லை. குகேஷின் கோச் விஷ்ணு பிரசன்னா. அவனது வெற்றியில் முக்கியப் பங்கு வகித்தவர். செஸ் என்பது மனரீதியான ஆட்டம். இந்த வயதில் இவ்வளவு கவனத்துடன் எப்படி இருக்க முடிகிறது? "அது எனக்கு சாதாரணமாகத்தான் இருக்கிறது. அவ்வளவு பெரிய விஷயமாக அதனை நான் நினைக்கவில்லை" என்கிறான் குகேஷ். செஸ் விளையாட்டிற்கு வெளியில் குகேஷ் ஒரு இயல்பான சிறுவன்தான். கிரிக்கெட், பேட்மிடன் ஆடுவதோடு சினிமா பார்க்கவும் பிடிக்கும். "மாலை பேட்ட படத்திற்குச் செல்கிறோம்" என்கிறார் ரஜினிகாந்த். தற்போது முக்கியமான உயரத்தைத் தொட்டிருக்கும் குகேஷைப் பொறுத்தவரை, அடைய வேண்டிய பல உயரங்கள் இன்னும் காத்திருக்கின்றன. "பல கிராண்ட் மாஸ்டர்களைத் தோற்கடிக்க வேண்டும். உலக சாம்பியன்ஷிப் பட்டத்தை வெல்லவேண்டும்" என்கிறான் குகேஷ். https://www.bbc.com/tamil/global-46914980
  14. திவ்யா ஆர்யா பிபிசி படத்தின் காப்புரிமை AFP இந்தியாவில் புகழ்பெற்ற பல்கலைக்கழகம் ஒன்றில் கல்வி கற்பிக்கும் பேராசிரியர் ஒருவருக்கு, பெண்களின் கன்னித்தன்மை பற்றி மாணவர்களிடம் விழிப்புணர்வு இல்லை என்பது கவலைக்குரியதாகியுள்ளது. சமூக நன்மதிப்புகள் பற்றி கற்றுத் தருவதைப் போல ஃபேஸ்புக் அவர் எழுதியுள்ளார். பெண்களின் கன்னித்தன்மை பற்றி பையன்கள் விழிப்புடன் இருக்க வேண்டும் என்று அவர் கூறியுள்ளார். ``கன்னிப் பெண்கள் சீலிட்ட பாட்டில்களைப் போன்றவர்கள். குளிர்பான பாட்டில் ஒன்றையோ அல்லது பிஸ்கட் பாக்கெட்டையோ சீல் உடைந்திருந்தால் நீங்கள் வாங்குவீர்களா?'' என்று பதிவில் அவர் கேட்டுள்ளார். இதில் பெரிய ஆச்சர்யம் இல்லை. பெண்களை ஏதாவது பொருளுடன் ஒப்பிடுவது, தங்களுக்குப் பிடித்த பொருட்களுடன் அவர்களை ஒப்பிடுவது என்பது பழைய பாணிதான். பெண்கள் மேலும் மேலும் விமர்சனத்துக்கு ஆளாகின்றனர். இளம் பெண்கள் மீது ஆசை கொள்வதைப் போல, மோட்டார் சைக்கிள்கள் மற்றும் கார்கள் மீது ஆண்கள் ஆசைப்படுகிறார்கள் என்று சில நேரங்களில் விளம்பரங்களில் காட்டப்படுகிறது. சில நேரங்களில் பீர் பாட்டில்களின் வளைவுகள் பெண்களின் உடலுடன் ஒப்பிட்டுக் காட்டப்படுகின்றன. இப்போதும் கூட பொருளுடன் ஒப்பிடுதல், பாலியல் ரீதியாக ஒப்பிடுதல்தான் பிரச்சனை. குளிர்பான பாட்டிலின் அல்லது பிஸ்கட் பாக்கெட்டின் வடிவம் குறித்து இங்கு முக்கியத்துவம் தரப்படவில்லை. அதற்கு மாறாக, பாக்கெட் `சீலிடப்பட்டு' இருக்கிறது, அதனால் `சுத்தமானது' என்று சொல்லப்பட்டிருக்கிறது. பேராசிரியரின் கருத்தின்படி பிறப்பில் இருந்து ஒரு பெண் சீலிடப்பட்டிருக்கிறாள், சீல் திறக்கப்படும் வரை அப்படியே இருக்கிறாள், கன்னித்தன்மையுடன் உள்ள மனைவி ஒரு `தேவதை' என்று குறிப்பிடப்பட்டுள்ளது. ஒரு பெண்ணின் அடக்கம் மற்றும் ஆசை ஒரு பாட்டிலில் சீல் வைக்கப்பட்டதைப் போல என்று சொல்வது சரிதான். அதை உடைத்தால் எந்த ஜின் வெளியே வரும் என்று யாருக்குத் தெரியும்? கன்னித்தன்மை பரிசோதனை பதற்றம் அடைய வேண்டாம். திருமணத்துக்கு முன்பு உடலுறவை நான் ஆதரிக்கிறேன் என்று நினைக்க வேண்டாம். இதில் தொடர்புடைய ஆண் மற்றும் பெண்ணின் உரிமை மற்றும் விருப்பத்தைப் பொருத்தது அது. சமூக மாண்புகள் குறித்த இந்த எச்சரிக்கை இப்போது தளர்வடைந்துவிட்டது என்பதைத்தான் நான் சுட்டிக் காட்டுகிறேன். பெண்கள் தங்களுடைய விருப்பங்களை தாராளமாக வெளிப்படுத்தி, பூர்த்தி செய்து கொள்ளக்கூடும் என்ற அச்சத்தை மூடி மறைப்பதாக சமூக மாண்புகள் இருக்கின்றன. படத்தின் காப்புரிமை Getty Images அதே சமயத்தில் ஆண்களின் கன்னித்தன்மையை உறுதி செய்வதற்கு எந்த வழிமுறையும் இல்லை. சமூக மாண்புகளின்படி அவர்கள் நடந்து கொள்கிறார்களா என்ற அழுத்தம் அவர்கள் மீது இல்லை. திருமணத்துக்கு முன்போ அல்லது அதற்குப் பிறகோ தங்களுடைய சீலை உடைத்துக் கொள்ளும் சுதந்திரம் அவர்களுக்கு இருக்கிறது. அவர்களுக்கு எந்தப் பரிந்துரையோ அல்லது எச்சரிக்கையோ பேராசிரியரிடம் இருந்து வரவில்லை. ஆனால், தங்களுடைய செக்ஸ் விருப்பத்தை பெண்கள் வெளிப்படுத்தத் தொடங்கினால், குறும்புத்தனங்களை அனுமதித்தால் என்ன நடக்கும். அவர்களுடைய உடலை கட்டுப்பாட்டுடன் வைத்திருப்பது பற்றி சமூகம் மிகவும் கவலைப்படுகிறது. மகாராஷ்டிராவில் கஞ்சர்பட் என்ற மலைவாழ் சமூகத்தினர், திருமண இரவில் தம்பதியினர் பயன்படுத்தும் படுக்கை விரிப்பை ஆய்வு செய்து `கன்னித்தன்மை சோதனை' நடத்தும் நிலை உள்ளது. இப்போது சமூகத்தில் சில ஆண்கள் இந்த சம்பிராதயத்துக்கு எதிர்ப்பு தெரிவிக்கின்றனர். திருமணத்துக்கு முன்பு உடலுறவு வைத்துக் கொண்டதால் `சுத்தமற்றவராக இல்லை' என்று முத்திரை குத்தும் வகையில் வெளிப்படையாக சோதனை நடத்தும் அழுத்தம் பெண்களுக்கு வருவதை அவர்கள் விரும்பவில்லை. சீலிடப்பட்டது ஆனால், காதலிக்கும் காலத்திலோ அல்லது திருமணப் பேச்சு நடக்கும்போதோ தங்களுடைய கன்னித்தன்மை பற்றி பெண்கள் பேச வேண்டும் என்று பேராசிரியர் கூறுகிறார். இதனால் அவருடைய கணவர் மற்றும் காதலரால் மதிக்கப்படுவார் என்றும் குறிப்பிட்டுள்ளார். இந்த பரபரப்பை ஏற்படுத்தியுள்ள உடைக்கப்பட்ட சீலை மீண்டும் சீல் செய்ய முடியும் என்று அறிந்து கொள்வது நல்ல விஷயம். பெண் உறுப்பின் வெளிப்புற திசுக்களை தைப்பதற்கு ஹைமெனோபிளாஸ்டி (Hymenoplasty ) சிகிச்சையை எடுத்துக் கொள்ளலாம். பாலியல் தாக்குதலின் போது ஏற்பட்ட பாதிப்பை சரி செய்வதற்கு இது உதவுகிறது. ஆனால் பல மேற்கத்திய நாடுகளில், அழகுசார்ந்த விஷயமாக `கன்னித்தன்மையை' மீண்டும் உருவாக்கிக் கொள்வதற்கு இந்த அறுவை சிகிச்சை முறை பயன்படுத்தப்படுகிறது. ஒரு பெண் உடலுறவு வைத்துக் கொண்டிருந்தால், கன்னித்தன்மையை மீண்டும் உருவாக்க முடியாது. ஆனால் ஹைமெனோபிளாஸ்டி முறையில் பெண் உறுப்பின் வெளிப்புறத்தில் ஒரு மாற்றத்தை ஏற்படுத்தி உடல் உறவு காரணமாக புணர்ச்சி எதுவும் நடக்கவில்லை என்பதைப் போல தோன்றும்படி செய்ய முடியும். படத்தின் காப்புரிமை Getty Images கன்னித்தன்மை குறித்து தேவையில்லாமல் சமூகத்தில் முக்கியத்துவம் காட்டப் படுவதால், பெண்கள் திருமணத்துக்கு முன்பு அவஸ்தையான இந்த அறுவை சிகிச்சை வரை செல்லும் நிலை ஏற்பட்டுள்ளது. திருமணத்துக்கு முன்பு ஒரு பெண் உடலுறவு வைத்துக் கொண்டால், அதில் ஒரு ஆணுக்கும் பங்கு உண்டு, இரண்டு பேரும் சீல் உடைத்துக் கொள்கிறார்கள், பாட்டிலில் உள்ள குமிழ்கள் உற்சாக மிகுதியில் வெளியேறும் என்பதையும் நினைவில் கொள்ள வேண்டும். பெண்களுக்கு எதிராக கேள்விகள் கேட்டால், அதே கேள்விகளை ஆண்களுக்கு எதிராகவும் கேட்க வேண்டும் என்பது வாதமாக இருக்கலாம். ஆனால், ஏன் அத்தனை கேள்விகள் கேட்கப் படுகின்றன? வயதுக்கு வந்த ஆண்கள் மற்றும் பெண்கள் குறித்து நாம் ஏன் இவ்வளவு அச்சப்படுகிறோம்? தங்களுடைய பாட்டில்களில் உள்ள ஜின்கள் பற்றி அவர்களை கையாளட்டும். அவமானம் மற்றும் சமூக மதிப்புகள் என்ற சுமை ஏதும் இருக்க வேண்டாமே. தூய்மை என்பது கன்னித்தன்மையில் கிடையாது. ஆனால் பாசம் மற்றும் திருமண உறவில் உண்மையானவராக நடந்து கொள்வதில்தான் இருக்கிறது. தண்ணீரை தாராளமாக ஓட அனுமதிக்கும் போதுதான் அது அமைதியாகவும், சுத்தமாகவும் இருக்கிறது- பாட்டில் அடைத்து சீல் செய்திருக்கும் போது அல்ல. https://www.bbc.com/tamil/india-46905790
  15. படத்தின் காப்புரிமை Getty Images அமெரிக்க அதிபர் டெனால்டு டிரம்பு மற்றும் வட கொரிய தலைவர் கிம் ஜாங்-உன் இடையே நடைபெற சாத்தியமுள்ள இரண்டாவது உச்சி மாநாட்டுக்கு முன்பு வட கொரியாவின் அரசு தரப்பபை சேர்ந்த முக்கிய அதிகாரியொருவர் அமெரிக்கா சென்றுள்ளார். கிம் யோங்-சோல் என்ற அந்த வட கொரிய பேச்சுவார்த்தையாளர் சீனாவின் தலைநகரான பெய்ஜிங்கிலிருந்து கிம்மிடமிருந்து அமெரிக்க அதிபர் டிரம்புக்கு ஒரு கடிதத்தை கொண்டு சென்றதாக தென் கொரிய ஊடக தகவல்கள் கூறுகின்றன. வெள்ளிக்கிழமையன்று அமெரிக்க வெளியுறவு செயலர் மைக் பாம்பேயோவை கிம் யோங்-சோல் சந்திக்கவுள்ளார் என்று தென் கொரிய செய்தி முகமையான யோன்ஹாப் குறிப்பிட்டுள்ளது. படத்தின் காப்புரிமை EPA டிரம்ப் மற்றும் கிம் இடையேயான இரண்டாவது உச்சி மாநாடு வியட்நாமில் நடக்கக்கூடும் என்ற யூகங்கள் தற்போது அதிகரித்துள்ளன. வரும் பிப்ரவரியில் வட கொரிய தலைவர் கிம் கம்யூனிச நாடான வியட்நாமுக்கு அரசுமுறை பயணம் மேற்கொள்ள திட்டமிடப்பட்டுள்ளதாக தெரிவித்துள்ள ராய்ட்டர்ஸ் செய்தி நிறுவனம் பெயர் குறிப்பிடாமல் சில ஆதாரங்களை மேற்கோள் காட்டியுள்ளது. கடந்த ஜூன் மாதத்தில் கிம் மற்றும் டிரம்ப் இடையே நடந்த வரலாற்று சிறப்புமிக்க சிங்கப்பூர் உச்சி மாநாட்டுக்கு பிறகு வட கொரியாவை அணுஆயுத பிரதேசமற்றதாக மாற்றும் திட்டத்தில் சிறிய அளவே முன்னேற்றம் ஏற்பட்டுள்ளது. யார் இந்த கிம் யோங்-சோல்? முன்னாள் உளவுப்படை தலைவரான ராணுவ ஜெனரல் கிம் யோங்-சோல், வட கொரிய தலைவர் கிம்மின் வலது கரமாக வர்ணிக்கப்படுகிறார். தற்போது அமெரிக்காவுடனான வட கொரியாவின் பேச்சுவார்த்தைகளில் அந்நாட்டின் சார்பாக பங்கேற்கும் முக்கிய பிரமுகராக இவர் உருவாகியுள்ளார். ஒரு சர்ச்சைக்குரிய நபராக அறியப்படும் கிம் யோங்-சோல், 2010 ல் ராணுவ உளவுத்துறைத் தலைவராக இருந்த காலத்தில் தென் கொரிய போர்க்கப்பல்களின் மீதான வட கொரியாவின் தாக்குதல் திட்டங்களில் பின்புலமாக செயல்பட்டார் என்றும் குற்றம் சாட்டப்பட்டார். கடந்த ஆண்டு ஜூன் மாதத்தில் வாஷிங்டனுக்கு கிம் யோங்-சோல் சென்றிருந்தார், இரு நாடுகளுக்கும் இடையே நடந்த வரலாற்று பேச்சுவார்த்தைக்கு முன்பாக அவர் டிரம்ப்பை சந்தித்து வட கொரியாவின் சார்பாக ஒரு கடிதம் அளித்தார். https://www.bbc.com/tamil/global-46914979