ragunathan

கருத்துக்கள உறவுகள்
  • Content Count

    5,228
  • Joined

  • Last visited

  • Days Won

    35

ragunathan last won the day on January 10

ragunathan had the most liked content!

Community Reputation

1,228 நட்சத்திரம்

Contact Methods

  • ICQ
    0
  • Yahoo
    anton_devaranjith@yahoo.com

Profile Information

  • Gender
    Male
  • Location
    Sydney
  • Interests
    Politics, music, sports.

Recent Profile Visitors

5,476 profile views
  1. நான் இதை எழுதுவது, சுமந்திரனை ஆதரிப்பதாலோ அல்லது எதிர்ப்பதாலோ அல்ல. மாறாக, அவர்மீது வைக்கப்பட்டு வரும் விமர்சனங்கள் பற்றிய தெரிவான புரிதலை நான் அடைவதற்கு மட்டுமே. முதலாவதாக, சுமந்திரன் மட்டும் ஏன் இலக்குவைத்து தொடர்ச்சியாக விமர்சிக்கப்படுகிறார் என்கிற கேள்வி. இதுபற்றிய எனது புரிதல் என்பது இவ்வாறு அமைகிறது. இன்று தமிழர்களைப் பெரும்பான்மையாகப் பிரதிநித்துவப்படுத்தும் தமிழ்த் தேசியக் கூட்டமைப்பில், தொடர்ச்சியாக தமிழர்களின் பிரச்சனைகள் பற்றியோ அவற்றிற்கான தீர்வொன்றினைப் பற்றியோ பேசிவருவது யார்? சம்பந்தனால் இதுதொடர்பாக குறிப்பிட்ட அள்விற்கு மேல் பேச முடியாது. வெளிநாட்டுப் பிரதிநிதிகளைச் சந்திப்பதுடன் அவருடைய பேச்சு நின்று விடும். மாவை எதுவுமே பேசுவதில்லை. ஆனால், சுமந்திரன் தொடர்ந்து பேசுகிறார். அரசியலமைப்பு ஆணைக்குழுவில் அங்கத்துவம் வகிக்கிறார். இப்போது வெளியிடப்பட்ட நகலில் பங்குபற்றியதோடு மட்டுமல்லாமல், அதுபற்றி பேசியும் வருகிறார். அவர்மூலமாகவே இந்த முயற்சிகள் பற்றி அறிந்துகொள்கிறோம், ஆகவே அவரை விமர்சிக்கிறோம். ஆனால், அவர்மீதான விமர்சனத்திற்கு இன்னொரு காரணமும் இருக்கிறது. அதுதான் அவரது புலிகள் தொடர்பான நிலைப்பாடு. புலிகள் நடவடிக்கைகள் மீது அவர் வைக்கும் விமர்சனம். புலிகள் மீது அபிமானம் வைத்திருக்கும் எல்லோருக்கும் சுமந்திரனது கருத்துக்களும், விமர்சனங்களும் ஆத்திரத்தை உண்டுபண்ணும் என்பது இயல்பானது. ஆனால், புலிகளை அவர் விமர்சிக்கிறார் என்கிற காரணத்தை மட்டுமே முன்வைத்து அவரை நாம் விமர்சிப்பதென்பது, உண்மையாகவே அவர் ஒரு நல்ல விடயத்தைச் செய்கிறார் (ஒரு பேச்சிற்கு) என்று வைத்துக்கொண்டால், அது தவறாகி விடாதோ என்கிற் ஐய்யமும் எனக்கிருக்கிறது. புலிகள் மீதான அவரது விமர்சனத்தை விலக்கிப் பார்த்தால், அவர் இப்போது செய்துவருவது உண்மையிலேயே தவறானதா என்பது பார்க்கபடல் வேண்டும். அடுத்தது, அவர் ஒரு துரோகியா என்பது. ஒருவர் துரோகியாவதற்கோ அல்லது ஒரு இனத்தை ஏமாற்றுவதற்கோ, முதலில் ஒன்றைச் செய்வதாகக் கூறி, பின்னர் வேறொன்றை, அந்த இனத்திற்கெதிராகச் செய்பவராக இருக்க வேண்டும். அப்படிப் பார்த்தால், சுமந்திரன் எதைச் முன்னர் சொன்னார், இப்போது என்ன செய்கிறார் என்பது பார்க்கப்படல் வேண்டும். என்னைப்பொறுத்தவரை, சுமந்திரன் தனி ஈழம் பெற்றுத்தருவேன் என்று எந்தவிடத்திலும் சொல்லவில்லை. அதிகமாக ஆசைப்படாதீர்கள், எம்மால் முடிந்ததைத்தான் பெற்றுக்கொள்ள முடியும் என்றுதான் சொல்லி வருகிறார். இதை நோக்கித்தான் அவரது செயற்பாடும் இருக்கிறது. தாம் செய்வதையும், இருக்கும் சந்தர்ப்பங்களையும் யதார்த்தமாகப் பேசுகிறார் என்பதுதான் எனது எண்ணம், இது தவறாக இருக்கலாம். எமக்கான தீர்வை பெறுவதற்கு இருக்கும் சாத்தியம் என்பது, எமது கைகளை விட்டுப் போனபின்னர், அவர்களுடன் சமரசத்திற்கு வந்துதான் எமக்கானவற்றை பெற்றுக்கொள்ள வேண்டும் என்கிற கட்டாயம் இருக்கிறது. இலங்கைக்கெதிராக எந்தவொரு சர்வதேச நாடும் இறங்கிவந்து எமக்கான உரிமைகளையோ தனிநாட்டையோ பெற்றுத்தரப்போவதில்லை. இது சுமந்திரனுக்கு நன்கே தெரிந்திருக்கிறது, எமக்கும் இது தெரியும். ஆகவே, அதி தீவிர தேசிய தேடும் எம்மால் இப்போதைக்கு காத்திரமாக எதையுமே செய்ய முடியப்போவதில்லை என்பதுதான் உண்மை. சுமந்திரனுடன் சேர்ந்து முழுத்தமிழினமும் மீண்டுமொருமுறை ஏமாற்றப்படப் போகிறதென்கிற கருத்து. இது சாத்தியமானதென்றே நான் நினைக்கிறேன். ஏனென்றால், இது முன்னரும் நடந்தது. செல்வநாயகம் தொடங்கி, அவ்வப்போது முயற்சித்த அனைத்து தமிழ்த் தலைவர்களுக்கும் இது நடந்தது. இப்போது சுமந்திரனது தடவை, அவரும் முயற்சிக்கிறார். 2009 இல் இனக்கொலையை நடத்தி வெற்றிக் களிப்போடு வீற்றிருந்த மகிந்த, மேற்கிற்கு எதிராக சீனாவின் பக்கம் சாய்ந்தபோது, அவருக்கு அழுத்தம் கொடுக்கவே போர்க்குற்ற விசாரணை, மனிதவுரிமை மீறலுக்கான விசாரணை என்று மேற்குலகு செயற்பட்டதென்பது பொதுவான கருதுகோள். மகிந்த தொடர்ச்சியாக ஆட்சியில் இருப்பதென்பது, தமது தலைவர்களையும், போரில் வெற்றியை ஈட்டித் தந்த ராணுவ அதிகாரிகள் மற்றும் வீரர்களையும் சர்வதேச விசாரணை ஒன்றில் இழக்க நேரிடலாம் என்று கருதிய சிங்களப் புத்திஜீவிகளின் முயற்சியே மகிந்தவை ஆட்சியிலிருந்து அகற்றி மேற்குலகிற்குச் சார்பான ரணில் அரசை ஆட்சிக்குக் கொண்டுவந்தது என்கிற அபிப்பிராயமும் இருக்கிறது. இந்த ரணில் அரசை ஆட்சிக்குக் கொண்டுவருதல் மற்றும் ஆட்சியில் ரணிலை தொடர்ந்தும் வைத்திருத்தலில் சுமந்திரன் தலைமையில் இயங்கும் கூட்டமைப்பின் வகிபாகம் என்பது ஒருவிதத்தில் சிங்களப் பேரினவாதப் புத்திஜீவிகளின் முயற்சிக்கு ஏதுவாக அமைந்ததுடன், அப்போது மேற்குலகு மகிந்த மீது வைத்திருந்த அழுத்தத்தையும் நீர்த்துப் போட்டது என்றும் கருதப்படுகிறது. இக்கருத்தின்படி பார்த்தால், தமிழ்க் கூட்டமைப்பின் ஒரு நடவடிக்கை சிங்களத்தின் மீதான போர்க்குற்ற விசாரணைகளை சில வருடங்களுக்காவது பின் தள்ளியிருக்கிறது அல்லது, தாமதப்படுத்தி ஆறப்போட்டிருக்கிறது என்று சொல்லலாம். ஆறிய கஞ்சி பழங்கஞ்சி என்கிற நிலைதான் எமது போர்க்குற்ற விசாரணைகளுக்கான நிலை. தமிழ்க் கூட்டமைப்பின் தொடர்ச்சியான ஆதரவிற்கு மத்தியிலும் கூட, மகிந்த உற்பட்ட, பெளத்த மகா சங்கத்தினர், புத்தி ஜீவிகள், இனவாதிகளின் அழுத்தத்திற்குப் பணிந்து ரணில் ஒருவேளை இந்த தீர்மானங்களைக் கைவிட்டால், மீண்டும் பண்டா - செல்வா காலத்திற்கு வந்து நிற்கப்போகிறோம் என்கிற கருத்தும் இருக்கிறது. ஆகவே, சுமந்திரன் தமிழர்களின் அபிலாஷைகளுக்கான தீர்வொன்றை நியாயமாகவே கொண்டுவர நினைத்தாலும்கூட, அவர் கூட ஏமாற்றப்படலாம் என்கிற நிலைதான் இப்போது. எல்லோரும் ஏறி விழுந்த குதிரையில், சுமந்திரனும் ஏறி விழக்கூடும். பார்க்கலாம்.
  2. சிங்கள நீதித்துறை என்பது சுயாதீனமாக இயங்கக் கூடிய ஒரு அமைப்பல்ல. எப்பக்கம் அதிகாரம் இருக்கின்றதோ, அப்பக்கம் சார்ந்து செயற்படக்கூடியது. ஆகவே, சவீந்திர சில்வா எனும் போர்க்குற்றவாளிக்கெதிரான வழக்கென்பது, சிங்கள நீதிமன்றில் விசாரணைக்கு எடுத்துக்கொள்ளப்படக் கூடும் என்பதை நம்பமுடியாது. 2009 இனவழிப்புப் போரில் இவனது படுகொலைகள் விசாரிக்கப்பட முடியுமென்றால், கடந்த 40 ஆண்டுகளாக தமிழ் மக்கள் மீது கட்டவிழ்த்து விடப்பட்ட அனைத்துப் படுகொலைகளும் விசாரிக்கப்பட்டிருக்க வேண்டும். ஆனால், கிருஷாந்தி குமாரசாமி மற்றும் அவரின் குடும்பத்தாரின் படுகொலைகளைகளின் சூத்திரதாரிகளின் மீதான விசாரணையைத்தவிர வேறு எந்தச் சிங்கள ராணுவக் கொலையாளிகளும் இதுவரை விசாரிக்கப்படவில்லை என்பதுதான் உண்மை. ஆகவே சுமந்திரனால் எதுவுமே செய்ய முடியாது. சிங்களவரின் தயவுடனான ஒரு அரசியல் தீர்வைப் பெறவேண்டும் என்கிற உறுதியில் செயற்பட்டு வரும் சுமந்திரனால், ரணில் அரசிற்கு கீழ்ப்படாத ராணுவத்திற்கெதிரான ஒரு வழக்கை கொண்டு நடத்தமுடியுமென்பது இயலாத காரியம். இது, அவரது தீர்விற்கான முயற்சிகளை முற்றாகவே கலைத்துப் போட்டுவிடும். இதில் இன்னொரு விடயமும் இருக்கிறது. 2001 ரணில் புலிகள் பேச்சுவார்த்தையில், அப்போது சனாதிபதியாகவிருந்த சந்திரிக்கா, தொடர்ச்சியான முட்டுக்கட்டைகளை சமாதான முயற்சிகளுக்கு எதிராகப் போட்டு வந்ததுபோல, இன்றைய ரணில் அரசிற்கும் மைத்திரி செய்துவருகிறார். மகிந்த எனும் இனக்கொலையாழியின் உத்தரவின்பேரில் செயற்பட்டுவரும் மைத்திரியின் இன்றைய நடவடிக்கைகளில் ஒன்றுதான் சவீந்திர எனும் போர்க்குற்றவாளியின் பதவி நியமனமும். அதுமட்டுமல்லாமல், ஐ. நா வினால் பரிந்துரைக்கப்பட்ட தீர்மானங்களுக்கு ஒத்துழைப்பு வழங்குவதென்கிற முடிவிற்கெதிராகச் செயற்பட மைத்திரி முடிவெடுத்திருப்பதும் இதன் ஒரு அங்கம்தான். கூட்டு பாதுகாப்பு ஒப்பந்தம் ஒன்றிற்கான அமெரிக்க பரிந்துரையை உதாசீனம் செய்திருக்கும் மைத்திரி, மகிந்தவின் ஆலோசனையின்படி செயற்பட்டு மேற்குலகினை இலங்கையில் ஓரங்கட்டி வருகிறார். போர்க்குற்ற விசாரணைகளிலிருந்து மகிந்த, கோத்தா மற்றும் உயர் ராணுவ அதிகாரிகள் முதல், சாதாரண சிப்பாய்கள் வரையானவர்கள் எல்லோருமே தப்பிக்க, மேற்குலகினை விட்டு சீனாவின் பக்கம் மைத்திரி சென்றுகொண்டிருக்கிறார். சுமந்திரனுக்கும் சம்பந்தருக்கும் இன்னொரு வழியிருக்கிறது. சிங்களத்துடன் உடன்பட்டுப் போகாமல், நேரடியாக சர்வதேசத்திடம் நீதிகேட்டு, சர்வதேச குற்றவியல் நீதிமன்றில் போர்க்குற்றங்களுக்கெதிரான வழக்கொன்றைப் பதிவுசெய்யலாம். ஆனால், அது சிங்களத்துடனான அனைத்துக் கதவுகளையும் மூடி விடும். அதன்பிறகு, சமரசம் என்கின்ற பேச்சிற்கு இடமிருக்காது. மேற்குலகு, தமிழரின் நலனுக்காக இறங்கிவந்து, சிங்களப் போர்க்குற்றவாளிகளை தண்டித்து எமக்கு ஒரு தீர்வைப் பெற்றுத்தரும் என்பது நம்பமுடியாதது. ஏனென்றால், போர்க்குற்றங்கள் நடைபெற்றபோது, அதற்குத் தேவையான அனுசரணையை வழங்கி, தமிழர்களை அழிக்கத் துணைபோய், அதை ஆமோதித்தவர்களே இந்த மேற்குலகுதான்.
  3. நல்ல விடயம்தானே? ஆனால், அவரை களமிறக்குவது தமது தேர்தல் வெற்றிக்காகத்தான். மன்மோகன் சிங்கை பொம்மையாக முன்னுக்கு நிறுத்தி சோனியா என்கிற பிணம்தின்னி அரசாண்டதுபோல சங்கக்காரவை வைத்து சிங்கள பெளத்த பூதம் அரசாளும்.
  4. அண்மையில் வரணிப்பகுதியில் கோயில் ஒன்றின் தேர் உற்சவத்திற்கு வெளிநாடுகளில் வசிக்கும் பெருமளவு ஊர்மக்கள் பணம் அனுப்பியிருந்தார்கள். தேரும் அமோகமாக அலங்கரிக்கப்பட்டு வீதி உலா வரும் நாளும் நெருங்க, அதை இழுப்பதற்கு ஆட்கள் போதவில்லை. அப்ப்குதியிலேயே வதியும் இன்னொரு குல மக்கள் தேர் இழுப்பதற்கு விருப்பம் தெரிவித்திருந்த நிலையிலும் கூட அவர்கள் புறக்கணிக்கப்பட்டு மண் அகழும் இயந்திரம் ஒன்றினைக்கொண்டு தேரை இழுத்து முடித்தார்களாம். இதை ஏன் சொல்கிறேன் என்றால் மக்களின் வாழ்வை விட தெய்வங்களின் வாழ்வு முக்கியம். அதைவிட முக்கியம் எமதி சாதிகள்!!!
  5. உண்மையாகவே நீங்கள் இதை தெரிந்துதான் எழுதுகிறீர்களா அல்லது குத்துமதிப்பாக எழுதுகிறீர்களா? 1950 களிலேயே கிழக்கு மாகாண கல்லோயாத் திட்டம் என்று தொடங்கி அம்பாறை, மன்னம்பிட்டி என்று நீண்டு திருகோணமலை , பதவியா, மணலாறு, கொக்கொத்துடுவாய், தென்னமரவாடி, ஜனகபுர முதல் தெற்கு வவுனியா வரை நீண்டுசெல்லும் சிங்களவர்கள் எப்படி அங்கே கொண்டுவரப்பட்டார்கள் என்று நினைக்கிறீர்கள்? வடக்கையும் கிழக்கையும் நிலத்தொடர்பறுத்தல் மூலம் துண்டாடியது எந்த முஸ்லிம் குடியேற்றம் என்று சொன்னால் அறிந்துகொள்ள ஆசை!
  6. சவீந்திர சில்வாவின் நியமனத்தின் மூலம் சிங்களம் சர்வதேசத்திற்குச் சொல்லும் செய்தி என்னவென்றால், தாம் ஒருபோதும் தமதுராணுவத்தைக் காட்டிக் கொடுக்கப்போவதில்லை என்பதுதான். அதுமட்டுமில்லாமல், எந்த மனிதவுரிமை மீறல்களுக்காக இவன் ஐ. நா வில் பேசப்பட்டானோ அதே மனிதவுரிமைகளுக்குப் பொறுப்பான, அவற்றைக் கண்காணிக்கும் ஒருவனாகவும் இவனை சிங்களம் இன்றுவரை அழகு பார்த்து வந்தது. அதுகூட ஐ நா வுக்குச் சிங்களம் கொடுத்த செருப்படிதான்.
  7. மனிதர்களால் புனையப்படும் அடிப்படையற்ற கதைகளே சரித்திரங்களையும், மத, இன , மொழி, அடையாளங்களின் இருப்பையும் தீர்மானிக்கும் சக்திகளாக இன்றும் இருப்பதால், நாம் இவற்றிலிருந்து விலகி நடத்தலவசியம். நிழலியின் கருத்து அருமை. அதேபோல, இங்கே துல்பெனால் இவை மேற்கோள் காட்டப்பட்டமை அவற்றை விமர்சிக்கும் பாங்கிலேயன்றி ஏற்றுக்கொண்டதனால் அல்ல என்பதே எனது அபிப்பிராயம்.
  8. எனக்கு கொழும்பான் இறந்த விமானப்படை வீரர்கள் மேல் கவலைப்பட்டு எழுதியதாகத் தெரியவில்லை. மாறாக, 185 வருடங்களை இறந்த 37 படையினரால் பிரித்து 5 ஆண்டுகளா என்று கேட்டதாகவே படுகிறது. அநியாயத்திற்கு கொழும்பானைச் சாட வேண்டாம்.
  9. ரதி, இதிலும் ஒரு பிரச்சினை இருக்கிறது. கருணா பிரிந்தபொழுது ஒரு முஸ்லீம் அமைச்சரூடாகத்தான் கொழும்பிற்குச் சென்றார். அன்றிலிருந்து இன்றுவரை மகிந்தவின் கையாளாகத்தான் வேலை செய்தும் வருகிறார். அண்மையில் நடந்த மட்டக்களப்பு நகர் இரு பொலீஸ்காரர் கொலை உற்பட. ஆகவே, கருணா என்பவர் பேரினவாதத்தின் ஒரு கருவியே அன்றி கிழக்குத் தமிழருக்கான விடிவெள்ளி கிடையாது. நீங்கள் சொல்வதுபோல, முஸ்லீம்களுடன் அவர் முரண்பட்டு, கிழக்கைப் பாதுகாப்பார் என்பது செல்லாது ஏனென்றால், அவர் சிங்களத்துக்கு இன்னொரு பக்கத்தால் வேலை பார்ப்பார். முஸ்லீகளால் பறிக்கப்படாத தமிழ் நிலம், சிங்களவருக்குத் தாம்பாளத்தில் வைத்துக் கருணாவால் கொடுக்கப்படும். அப்போதும் கூட இழப்பது தமிழர்தான். கருணாவினால் சிங்களப் பேரினவாதத்தைவிட்டு வெளியே வரமுடியாது. சிங்கத்தின் வாலைப் பிடித்துக்கொண்டு தொங்குகிறார், விட்டால் அது அவரைக் கொன்று தின்று ஏப்பம் விட்டுவிடும் என்பது அவருக்கு நன்றாகவே தெரியும். அதனால், அவருக்கு மகிந்த எனும் இனக்கொலையாளிக்குச் செம்பு தூக்குவதைவிட வேறு வழியில்லை. தமிழ்க் கூட்டமைப்பிற்கு கருணா நிச்சயம் மாற்றீடாக இருக்கமுடியாது. ஏனென்றால் தமிழ்க் கூட்டமைப்பு செய்வது அரசியல், கருணா செய்வது கூலிக் கொலைகள்.
  10. யூகொஸ்லாவியா பிரிந்தபோது உருவாகிய செர்பியா, குரோஷியா மற்றும் பொஸ்னியா ஹெர்ஸகோவினா ஆகிய நாடுகளில் பொஸ்னியா பெரும்பான்மை முஸ்லீம்களைக் கொண்டது. குரோஷியா கத்தோலிக்கர்களையும், சேர்பியா பழமைவாத கிறீஸ்த்தவர்களையும் கொண்டது. பார்க்கபோனால், ஓரளவிற்கு மத அடிப்படையில்த்தான் பிரிந்து இவை உருவாகின என்று நான் நினைக்கிறேன். 20 ஆம் நூற்றாண்டில், யூதர்களுக்குப் பின்னர் இனவழிப்பிற்குள் அகப்பட்ட இனம் என்றால் அது பொஸ்னிய முஸ்லீம்களாகத்தான் இருக்கும்.
  11. நேரடியான தடை எதுவும் போட்டதாக நான் அறியவில்லை. மத்திய அரசின் அமைச்சர்களூடாக ஏதும்செய்திருக்கலாம். இதுகூட ஊகம்தான். மற்றும்படி தமிழரசுக் கட்சி உறுப்பினர்கள்மூலம் விக்கிமீது தொடர்ச்சியான அழுத்தங்களை கூட்டமைப்பின் தலைமை பிரயோகித்தது என்பதை நான் நம்புகிறேன்.
  12. போர்க்குற்றவாளி சவீந்திர சில்வாவை ராணுவப் பிரதானியாக்கிய சிங்களப் பேரினவாதம் 2009 மே மாதத்தில் முடிவுற்ற இனவழிப்புப் போரில் ஒபெரும்பாலான போர்க்குற்றங்கள் மற்றும் மனிதநேயத்திற்கெதிரான குற்றங்களில் ஈடுபட்ட சிங்கள ராணுவத் தளபதியான மேஜர் ஜெனரல் சவீந்திர சில்வாவை ராணுவப் பிரதானியாகச் சிங்களம் இன்று அறிவித்திருக்கிறது. மகிந்தவின் ஆட்சிக் காலத்தில் ஐக்கிய நாடுகள் சபைக்கான சிங்களத் தூதுவராகக் கடமையாற்றிய காலத்தில் அங்கிருந்த தமிழ் ஆர்வலர்களுக்கும், சில பத்திரிக்கையாளர்களுக்கும் அச்சுருத்தல் கொடுத்த இந்தப் போர்க்குற்றவாளி பின்னர் மீண்டும் இலங்கைக்குத் திருப்பி அழைக்கப்பட்டதும் நினவிருக்கலாம். அண்மைக் காலம்வரை சிங்கள ராணுவத்திற்கான மனிதவுரிமைகள் கப்பகத்தின் தலைமை அதிகாரியாகப் பதவி வகித்த இப்போர்க்குற்றவாளி தற்பொழுது இனவழிப்புப் போரில் ஆற்றிய சேவையைக் கெளரவிக்கும் முகமாக ராணுவப் பிரதானியாக நியமிக்கப்பட்டுள்ளார்
  13. அதுபற்றி எனக்குத் தெரியவில்லை, ஒரு சந்தர்ப்பம் கொடுத்தால் தெரியும். எத்தனையோ பேருக்கு எத்தனையோ முறை நாம் சந்தர்ப்பம் கொடுத்துக்கொண்டுதானே இருக்கிறோம். விக்கியருக்கும் ஒருமுறை கொடுத்துப் பார்க்கலாம், என்ன குறைந்துவிடப்போகிறது.
  14. நான் இறுதியாகக் கூறியது இதைத்தான். "சுமந்திரனையே சமாளிக்க முடியாத விக்கியர், எப்படிச் சிங்களவரைச் சமாளிக்கப் போகிறார்" எனும் உங்களின் கேள்வியைத்தான். இந்தக் கேள்வியில் நீங்கள் யாரைத் தவறானவர் என்று குறிப்பிடுகிறீர்கள்? விக்கியருக்குத் தலையிடியைக் கொடுக்கும் சுமந்திரனையா அல்லது அவரைச் சமாளிக்கத் திணறும் விக்கியையா? நீங்கள் சுமந்திரனைத்தான் தவறானவர் என்று குறிப்பிடுகிறீர்கள் என்று நான் எடுத்துக்கொள்ளலாமா? இப்போது புரிகிறதா உங்களுக்கு ?