• advertisement_alt
  • advertisement_alt
  • advertisement_alt

ragunathan

கருத்துக்கள உறவுகள்
  • Content Count

    5,143
  • Joined

  • Last visited

  • Days Won

    33

ragunathan last won the day on October 26

ragunathan had the most liked content!

Community Reputation

1,135 நட்சத்திரம்

About ragunathan

  • Rank
    Advanced Member
  • Birthday 12/05/1973

Contact Methods

  • ICQ
    0
  • Yahoo
    anton_devaranjith@yahoo.com

Profile Information

  • Gender
    Male
  • Location
    Sydney
  • Interests
    Politics, music, sports.

Recent Profile Visitors

4,624 profile views
  1. சீனாவின் கடனினூடான ஆக்கிரமிப்பினை எதிர்க்கும் மாலைதீவு புதிதாகப் பதவியேற்றிருக்கும் மாலைதீவுகளின் சனாதிபதி நஷீட், முன்னைய அரசாங்கத்தினால் சீனாவுடன் செய்துகொள்ளப்பட்டிருக்கும் திறந்த வர்த்தக உடன்பாடு சமநிலையானது அல்ல, சீனாவுக்கே அதிகளவு அனுகூலமானதென்று தெரிவித்திருக்கிறார். தனது நாட்டினை பாரிய கடந்தொகைகள் மூலம் கட்டுப்பாட்டில் வைத்திருக்க சீனாவுக்கு வாய்ப்பளித்த இந்த வர்த்தக உடன்பாட்டிலிருந்து தாம் விலகப்போவதாக அவர் அறிவித்திருக்கிறார். பிரஸ்த்தாப வர்த்தக உடன்பாட்டின்படி மாலைதீவுகளின் பல தீவுகளை முழுமையாக 50 ஆண்டு 100 ஆண்டு குத்தகைக்கு எடுத்திருக்கும் சீன நிறுவனங்கள் பெருமளவு பணத்தினை முதலீடு செய்திருக்கும் நிலையில் மாலைதீவின் புதிய தலைவர் இவ்வாறு அறிவித்திருப்பது சினாவுக்கு சினத்தை ஏற்படுத்தும் என்பது திண்ணம். மேலும், தற்போது பதவியேற்றிருக்கும் நஷீட், இந்தியாவுக்கு மிகவும் நெருக்கமானவர் என்பதோடு, அவரின் பதவியேற்பு வைபவத்தில் இந்தியப் பிரதமர் நரேந்திர மோடி கலந்துகொண்டிருந்ததும் குறிப்பிடத்தக்கது. சில நாட்களுக்கு முன்னர், சீனாவின் கடனினூடான ஆக்கிரமிப்பென்பதை மாலைதீவுகளின் முக்கிய அரச அதிகாரியொருவர் கடுமையாக விமர்சித்திருந்ததும், அதற்கு மாலைதீவிலிருக்கும் சீனத் தூதரகம் கடுமையான தொனியில் பதிலளித்திருந்ததும் குறிப்பிடத் தக்கது. இது இவ்வாறிருக்க, பப்புவா நியுகினியா தீவில் அண்மையில் இடம்பெற்று முடிந்த ஏப்பெக் நாடுகளின் கூட்டத்தொடரில் அமெரிக்காவும் சீனாவும் நேரடியாகவே வாக்குவாதத்தில் ஈடுப்பட்டது நடந்திருக்கிறது. சீனாவின் கடனினூடான ஆக்கிரமிப்பை கடுமையாக விமர்சித்த அமெரிக்காவின் ராஜாங்கச் செயலாளர், பலவீனமான நாடுகள் மீதான சீனாவின் பலவந்தப் போக்கையும் சாடியிருந்தார். அதற்குப் பதிலளித்த சீனா, அமெரிக்காவும் நேச நாடுகளும் வேண்டுமென்றே ஆசிய பசுபிக் பிராந்தியத்தில் மூக்கை நுழைப்பதாகக் குற்றம் சுமத்தியிருந்தது. பப்புவா நியுனிகினியாவில் பெருமளவு பணத்தினை முதலீடு செய்திருக்கும் சீனா, இக்கூட்டத்தொடரின்பொழுது அந்நாட்டின் பிரதமுருடன் தனியே சந்திப்பொன்றை நடத்துவதற்குக் கோரியிருந்ததும், அதற்கு அந்நாடு சாதகமான பதிலினை அளிக்காததைத் தொடர்ந்து, நான்கு சீன அதிகாரிகள், பலவந்தமாக பிரதம மந்திரியின் அலுவலகத்திற்குள் நுழைய முற்பட்டதும், பின்னர் பொலிசாரினால் அவர்கள் அப்புறப்படுத்தப்பட்டதும் நிகழ்ந்திருக்கிறது. இக்கூட்டத் தொடருக்கு வந்த சீனத் தலைவரின் வருகை மற்றும் அவர் ஈடுபடும் சந்திப்புகள் தொடர்பாகவும் செய்தி சேகரிக்கச் சென்ற பத்திரிக்கையாளர்களை விரட்டிய சீன அதிகாரிகள், தனியே சீன செய்தி நிறுவனங்களுக்கு மட்டுமே அனுமதியளித்திருந்ததோடு, பலரிடமும் மிகவும் கடுமையாக நடந்துகொண்டுள்ளனர். மாநாட்டுக்கு முன்னதாக, பப்புவா நியுகினி அரசை நிர்ப்பந்தப்படுத்தி முடிவொன்றினை எடுக்கச் சீன அதிகாரிகள் எடுத்திருந்த முயற்சிகள் தோற்றுப்போன நிலையிலேயே சீனா அதிகாரிகள் இவ்வாறு நடந்துகொண்டுள்ளமை தெரிய வந்திருக்கிறது. இவற்றுடன் சேர்த்து இலங்கையிலும் சீனாவின் செல்லப்பிள்ளை மகிந்த அரசிலிருந்து அகற்றப்பட்டால், சீனாவின் கடனினூடான அக்கிரமிப்பென்பது இன்னும் பலவீனமாகும் என்பது திண்ணம்.
  2. அருமையான கட்டுரை, ஆனாலும் ஒரு சிக்கல் இருக்கிறது. தமிழர் பிரச்சினை தொடர்பாகவோ அல்லது போர்க்குற்றங்களுக்குப் பொறுப்புக் கூறுதல் தொடர்பாகவோ மேற்குலகிற்கு உண்மையாகவே அக்கறை இருக்கிறதா என்பது. ஏனென்றால் போர்க்குற்றங்கள் நடைபெற்றபொழுது மேற்குலகு நன்கு தெரிந்திருந்தும், எதுவுமே செய்யாமல் பேசாமல்த்தான் இருந்தது. இன்னும் சொல்லப்போனால், போர்க்குற்றங்கள் நடைபெறுவதற்கு ஏதோ ஒரு விதத்தில் மேற்குலகும் ஐ. நா வும்கூட துணைபோயிருந்தன என்றுதான் சொல்லவேண்டும். ஆகவே, அவர்களுக்கு எமது பிரச்சினை என்பது தொடர்பாக உண்மையான அக்கறை என்பதைக் காட்டிலும், அவர்களுக்கு என்ன லாபம் இருக்கிறதென்பதே அவர்களின் உண்மையான நோக்கமாக இருக்கும். கூட்டமைப்பின் இன்றைய தெரிவுகள் பற்றிய உங்களின் மதிப்பீடு சரியானதுதான். மகிந்தவுக்கு ஆதரவாகவோ அல்லது நடுநிலமை வகிப்பதோ மகிந்தவை மீண்டும் ஆட்சிப் பொறுப்பில் ஏற்றிவிடும் என்பது உண்மை. ஆகவே, கூட்டமைப்பிற்கு உள்ள ஒரே தெரிவு, ரணிலை ஆதரிப்பதுதான். இன்றுவரை அவர்கள் ரணிலை ஆதரிப்பதுகூட, தப்பித் தவறியும் தம்மால் மகிந்த ஆட்சிக்கு வரக்கூடாதென்கிற நிலைப்பாடுதான். ஆனால், இந்த நிலைப்பாடு, தமிழர்களின் பிரச்சினைகள் தொடர்பாகப் போதுமானதா? தமிழர்களை அழித்தவர்கள் ஆட்சிக்கு வரக்கூடாதென்கிற நோக்கம் சரியாகப் பட்டாலும் கூட, ரணிலை தொடர்ந்தும் ஆட்சியில் வைத்திருப்பதால் எமது பிரச்சினைகள் தீர்க்கப்படும் என்கிற உத்தரவாதம் இதுவரையில் கிடைக்கவில்லை என்பதுதானே உண்மை. நல்லிணக்க அரசின் சனாதிபதியாக இருந்த மைத்திரி கூட வடக்குக் கிழக்கு இணைப்பென்பதை உயிருள்ளவரை நடக்க அனுமதிக்கப்போவதில்லை, சமஷ்ட்டி என்கிற பேச்சிற்கே இடமில்லை என்றுதான் இன்றும் கூறிவருகிறார். இன்று ரணில், மைத்திரியைக் காரணம் காட்டி தன்னால் எதுவுமே செய்ய முடியாது என்று தப்பித்துக்கொண்டாலும், ரணிலிடம் எமக்குத் தருவதற்கு எதுவுமேயில்லை என்பதுதானே உண்மை. மேற்குலகினைப் பொறுத்தவரைக்கும், தமக்குச் சார்பான அரசொன்று ஆட்சியில் இருந்தால்ப் போதும் என்கிற நிலைப்பாடுதான் இருக்கிறது. மகிந்தவின் சீனச் சார்பு நிலைப்பாடுதான் இன்றுவரை அவரின் மீதான போர்க்குற்ற விசாரணைகள், ஏனைய நெருக்குவாரங்கள் தொடர்பாக மேற்குலகினைப் பேச வைக்கிறது. ஆகவே ரணில் மீண்டும் ஆட்சிக்கு வருவது, தமிழரின் பிரச்சினைகள் தொடர்பான முயற்சிகளைக் கிடப்பில் போடும் ஒரு நிலையினை உருவாக்கி விடாதா? தமக்குச் சார்பான அரசொன்றின் மீது அழுத்தத்தினைப் பிரயோகிக்க வேண்டிய தேவை மேற்குலகிற்கு இருக்கிறதா? இன்று விழுந்தடித்துக்கொண்டு வரிச்சலுகை, நாணய நிதிய உதவிகள் ஆகியவற்றை நிறுத்தப்போகிறோம் என்று பயமுறுத்தும் மேற்குலகு மைத்திரி - ரணில் நல்லிணக்க அரசு பதவியிலிருக்கும் காலத்தில் இதைச் செய்யவில்லையே? தமிழருக்கு நடந்த அக்கிரமங்களைத் தீர்த்து வையுங்கள், அல்லது இவற்றைச் செய்வோம் என்று ரணிலையோ அல்லது மைத்திரியையோ பயமுறுத்தவில்லையே? மகிந்த ஆட்சியில் இருப்பதால்த்தான் இவையெல்லாம் நடக்கிறது? ஆகவே, கூட்டமைப்பினருக்கு வேறு தெரிவில்லை. மகிந்தவை ஆட்சிக்குக் கொண்டுவந்தால் தமிழ் மக்கள் அவர்களை மன்னிக்க மாட்டார்கள். அதேவேளை, ரணில் ஆட்சியிலிருந்தால், தீர்மானங்களும் காலக்கெடுக்களுமே தமிழருக்குத் தீர்வுகளாக அமையப் போகின்றன. அதேபோல, ராணுவ ஆட்சியென்பது தமிழருக்கு உவப்பாக இருக்கப்போவதில்லை. ராணுவ நலன்களே முன்னிறுத்தப்படும். 2009 மே வரைக்கும் ராணுவம் தமிழருடன் நடந்துகொண்ட விதம் முன்னேற்றமடையும் என்று எண்ணுவதற்கும் எந்தக் காரணமும் இல்லை. போர்க்குற்றங்களில் ஈடுபட்ட தனது ராணுவ வீரர்களை எப்படியும் காப்பதில்த்தான் ராணுவம் ஈடுபடும். இவ்வாறான நிலமை மகிந்த ஆட்சிக்கு வருவதைக் காட்டிலும் மோசமாக அமையலாம். ரணிலின் ஆட்சியில் தமிழர்கள் ஒப்பீட்டளவில் நிம்மதியாக வாழ்கிறார்கள். மகிந்த ஆட்சியிலோ அல்லது ராணுவ ஆட்சியிலோ மீண்டும் அழுத்தங்கள் தமிழர்மேல் கட்டவிழ்த்து விடப்படும். ஆனால், இதில் உள்ள ஒரேயொரு நண்மை, மேற்குலகு போர்க்குற்றம்பற்றிப் பேசிக்கொண்டிருக்கும்.
  3. திருப்பியும் அதே தவறை விடுகிறீர்கள். எனது பிரச்சினை தலைவரோ, இணைத்தலைவரோ அல்ல. தமிழர் வாக்குகள் பிரியப்போகின்றதென்பதுதான். உங்களுடன் வாதாடுவதில் பயனில்லை. ஏதோ செய்யுங்கள்.
  4. ஓ..இணைத்தலைவர்தானா?? அப்போ, விக்கி தலைமையேற்கப் போவதில்லை ? எனக்குப் பாடம் எடுப்பதிருக்கட்டும். நான் எழுதுவது என்னவென்பதை விளங்கிக்கொண்டு பதில் எழுதுங்கள். தமிழர் வாக்குகள் பிரியப்போகிறதென்று எழுதிய கருத்தின் ஆழம் தெரியாது வெறும் இணைத்தலைவர் பற்றி எழுதிய ஒற்றை வசனத்தைத் தூக்கிப்பிடித்துக்கொண்டு என்னை விமர்சிக்க வருகிறீர்கள். என்னை விமர்சிக்க முதல் கருத்தை ஒருமுறையாவது படியுங்கள். மொத்தக் கருத்திற்கும் விமர்சனம் வையுங்கள். அதை விடுத்து ஒரு வசனத்தைப் பிடித்துக்கொண்டு தொங்க வேண்டாம்.
  5. இறுதியாக விக்கி கூட தானும் மற்றோர்போன்ற இன்னொரு சாதாரண அரசியல்வாதிதான் என்று நிரூபிக்கிறாரோ என்னவோ. எனக்கென்றால், பேரவையின் கூட்டத்துக்கு புளொட் அழைக்கப்பட்டதும், இணைத்தலைவரால் வெளியேற்றப்பட்டதும், பின்னர் மன்னிப்புக் கேட்டதும் அவ்வளவு நல்லதாகப் படவில்லை.இனி, சுரேஷுக்கும் இதே கதி நிகழலாம். பேரவையின் தலைவராக விக்கி இருந்தால், லக்ஷ்மன் எதற்கு முடிவெடுக்கிறார்? கஜேந்திரகுமாரின் விருப்பிற்கு ஏற்பத்தான் இதெல்லாம் நடக்கிறதென்றால், ஏன் இதை முன்னமே செய்யவில்லை என்று தெரியவில்லை. அதேவேளை, புளொட்டோ அல்லது சுரேஷ் அணியோ, பேரவையில் இணைவதால் வரும் பிரச்சினை என்னவென்றும் புரியவில்லை. தமிழரின் வாக்குகள் பிரியக்கூடாதென்று இன்று எவருமே நினைப்பதாகத் தெரியவில்லை. கூட்டமைப்பிலிருந்து கஜேந்திரக்குமார் வெளியேறினார். அனந்தி சசிதரன் தனிக்கட்சி தொடங்கினார். பின்னர் விக்கி வெளியேறினார். வியாழேந்திரன் பிய்ச்சுக்கொண்டு போய் மகிந்தவிடம் சரணடைந்தார். இப்போது பேரவையிலிருந்து புளொட்டும், சுரேஷும் வெளியேறப் போகிறார்கள். தமிழரின் வாக்குகள் கட்சி ரீதியாகவும், தனிப்பட்டவர்கள் ரீதியாகவும் பிரிந்து செல்லாக்காசாகிப் போய்விட, சிங்களப் பெரும்பான்மையினக் கட்சிகளைப் பிரதிநிதிப்படுத்தும் தெமுலுக்களும், யாழ்ப்பாணத்தில் தமிழர்களுடன் ஒப்பிடும்பொழுது மிகச்சிறியளாவான எண்ணிக்கையைக் கொண்ட முஸ்லீம்களும் ஆசனங்களைக் கைப்பற்றப் போகிறார்கள். வெகு விரைவில், டக்கிளஸ், அங்கஜன் போன்ற தெமுலுக்களினதும், முஸ்லீம்களினதும் கைகளில் தமிழரின் பாரம்பரிய கலாசார நகரான யாழ்ப்பாணமும் போய்விடுமென்பதில் எந்த ஐயமும் இல்லை. இந்த கோலத்தைக் காண்பதற்காகத்தான் 40,000 போராளிகளும், 150,000 மக்களும் உயிரிழந்தார்கள் என்று நினைக்கும்போது, தமிழனாக இருப்பதில் வெட்கப்படாமால் இருக்க முடியவில்லை. ஏதோ செய்யுங்கள். புலிகளாலேயே முடியவில்லையாம் தமிழரை ஒன்றிணைக்க, இவர்களால் என்ன முடியப்போகிறது?
  6. ம்ம்...சரியான ஆள்த்தான், தமிழ்க் கூட்டமைப்பிலிருந்து 50,000 பேருக்கு அநியாயம் செய்வதைக் காட்டிலும் மகிந்தவுடன் சேர்ந்து 5 பேருக்கு நல்லதைச் செய்யப் போகிறாராம். அதுசரி, அந்த ஐந்து பேரும் யார் வியாழேந்திரன் ? உங்களுடன் கூடவிருக்கும் உங்கள் நண்பர்களா? தமிழ்க் கூட்டமைப்பு ரணிலுக்கு ஆதரவு தெரிவிப்பதற்குக் காரணம் சொல்கிறார்கள். நீங்கள் மகிந்தவுக்கு ஆதரவு கொடுக்காமல் நடுவுநிலமை வகிக்கலாமே? எதற்கு ஆதரவு கொடுக்கவேண்டும்? கூட்டமைப்பு அதைச் செய்தால், நான் இதைச் செய்வேன் என்று சொல்வது சிறுபிள்ளைத்தனமானதாக மட்டுமன்றி, முழங்காலுக்கும் மொட்டந்தலைக்கும் முடிச்சுப் போடுவதாகாதா? இதுவரையில், சிங்களப் பேரினவாதத்துடன் இணைந்து கொண்டு, அதற்கு முண்டுகொடுத்த தமிழர்களில் எவராவது தமிழரின் பிரச்சினைக்கோ அல்லது அரசியல்க் கைதிகளின் விடுதலைக்கோ என்னவகையான தீர்வினைப் பெற்றுக்கொடுத்திருக்கிறார்கள் வியாழேந்திரன்? அப்படி ஒருவரை உங்களால் காட்டமுடியுமா? ஆக, இதுவரை நடைபெறாத ஒன்றை, எப்படி மகிந்த உங்களுக்காக, அதுவும் அவரது கட்சியில் அடைக்கலம் புகுந்த உங்களுக்காக செய்வார் என்று நம்புகிறீர்கள் வியாழேந்திரன்? இது முழுக்க முழுக்க உங்களை நீங்களே மக்கள் முன் முட்டாளாக்கும் வேலையல்லவா? இந்த முட்டாள்த்தனமான நியாயப்படுத்தல்களை விட்டு விட்டு, துணிவாகச் சொல்லுங்கள். நான் மகிந்தவுடன் சேர்ந்தது எனக்காகத்தான். முடிந்தால் என்னுடைய மக்களுக்கு சில நண்மைகளையேனும் செய்ய முயற்சிக்கிறேன் என்று சொல்லுங்கள். இதைச் செய்வதற்கு நீங்கள் ஒன்றும் கொள்கை விளக்கம் கொடுத்துக் கஷ்ட்டப்பட வேண்டாம்.
  7. இவர் ஒரு தீவிர வலதுசாரி பழமைவாதக் கட்சியைச் சார்ந்தவர். மகிந்தவுக்கு மிகவும் நெருக்கமானவ்ர். 2009 இல் போர் முடிவுற்றபோது, ஐ. நா வினால் முன்வைக்கப்பட்ட 40,000 வரையிலான பொதுமக்கள் கொலைகளை கடுமையாக எதிர்த்ததோடு மட்டுமல்லாமல், இவ்வெண்ணிக்கை புலிகளின் அமைப்புகளாலும், தமிழ்நெட் போன்ற இணையத்தளங்கினாலும் முன்வைக்கப்படும் எண்ணிக்கையென்றும் தொடர்ந்தும் வாதாடி வந்தவர். மிஞ்சி மிஞ்சிப் போனால், வெறும் 7,000 பொதுமக்கள் கொல்லப்பட்டிருக்கலாம் என்று தனக்கு நம்பகத்தன்மை வாய்ந்தவர்கள் மூலம் அறியக் கிடைத்ததாகக் கூறும் இவர், இக்கொலைகளுக்கு புலிகளே பெரும்பாலும் பொருப்பானவர்கள் என்று கூறியிருக்கிறார். இலங்கை தொடர்பான இங்கிலாந்து பாராளுமன்றக் குழுவின் தலைவராக செயற்பட்ட இவர் பலமுறை மகிந்த தலைமையிலான அரசின் தலைவர்களுடன் தொடர்பிலிருந்தவர் என்பதோடு, இங்கிலாந்துப் பாராளுமன்றத்தில் இலங்கையின் போர்க்குற்றங்கள் தொடர்பான விவாதத்தின்போது, இலங்கைக்கு மிகவும் சாதகமான முறையில் வாதங்களை முன்வைத்ததோடு மட்டுமல்லாமல், ஐ. நா வில் இலங்கை மீது கொண்டுவரப்படும் தீர்மானங்களை மேற்குநாடுகள் நிராகரிக்கவேண்டுமென்றும், இலங்கை மீதான அனைத்து அழுத்தங்களும் நீக்கப்பட்டு, அவர்கள் சுதந்திரமாக செயலாற்ற அனுமதிக்கப்படவேண்டுமென்றும் விவாதித்தவர். தமிழ்த்தேசியத்தை 1975 ஆம் ஆண்டிலிருந்து எதிர்த்துவரும் இவர், தமிழர் மீதான போரின்போது ராணுவ நடவடிக்கைகளை ஆதரித்ததோடு, இங்கிலாந்துப் பாராளுமன்றத்தில் இலங்கையின் குரலாக ஒலித்தவர். அதேபோல, சர்வதேச அழுத்தங்களைச் சமாளிக்க இலங்கை அரசால் அமைக்கப்பட்ட உண்மைகளைக் கண்டறியும் குழுவின் பரிந்துரைகளை உண்மையென்று வாதாடியதுடன், தமிழர்களைக் கொல்லவேண்டும் என்கிற தேவை சிங்கள அரசில் உள்ள எவருக்கும் இல்லையென்று வாதாடியதுடன், கொல்லப்பட்ட தமிழர்கள் சிவிலுடையிலிருந்த புலிப்பயங்கரவாதிகள் தானென்றும் வாதாடியிருக்கிறார். ஆகவே, இப்படியான ஒருவர், இன்று மகிந்தவுக்கும் அவரின் போர்க்குற்றப் பங்காளியான மைத்திரிக்கும் மிகவும் நெருக்கமான ஒருவரின் இன்றைய கருத்துக்கள் பற்றி நாங்கள் ஆச்சரியப்படுதற்கு எதுவுமில்லை. இவரது இங்கிலாந்துப் பாராளுமன்ற விவாத உரை பற்றி மேலும் அறியவேண்டுமென்றால், என்னால் அதனை இங்கே இணைக்க முடியும்.
  8. முரளி சொல்வதை எவரும் ஏற்றுக்கொள்ளவேண்டும் என்கிற தேவையில்லை. 80% பெளத்தர்கள் ஆகிறபடியினால், இது அவர்களது நாடென்று என்று ஆகிவிடும் என்று முரளிகுறிப்பிடுவது அவரது அறியாமையைத்தான் காட்டுகிறது. இல்லையேல், அவரது சிங்களப் பேரினவாதத்திற்கான விசுவாசம் அவரை இவ்வாறு பேசவைக்கிறது.. 1977 இல் இவரது வீடு தீக்கிரையாக்கப்பட்டதும், தந்தை கூரிய ஆயுதத்தால் தாக்கப்பட்டு காயப்பட்டதும் நடந்தாலும்கூட, அவர் தமிழர்களுக்கு ஒரு பிரச்சினை இருப்பதாக ஏற்றுக் கொள்ளவில்லை. 2009 இல் போர் நிறவிற்குக் கொண்டுவரப்பட்டதன் பின்னர் தான் சுதந்திரத்தை அனுபவிப்பதாகச் சொல்கிறார். ஆனால், இவர்களது வாக்குறிமை பறிக்கப்பட்டதுமுதல், இன்றுவரை இவரது சமூகத்தைச் சேர்ந்தவர்களும், ஏனைய தமிழர்களும் உண்மையான சுதந்திரத்தை அனுபவிக்கவில்லை என்பது இவருக்குத் தெரிந்திருக்க நியாயமில்லை.யுத்தம் இல்லாத, மயான அமைதிதான் சுதந்திரம் என்று இவர் போன்றவர்கள் நினைப்பதும் தவறில்லை. இரண்டுலட்சம் பேரைக் காவுகொடுத்து, இன்றுவரை அடிப்படை உரிமைகளுக்காக போராடும் ஈழத் தமிழினம் படும் அவஸ்த்தைகள் இவருக்குப் புரியப் போவதில்லை. சிங்கள நாட்டின் கிரிக்கெட் குழுவில் விளையாடி பலமுறை அவர்கள் வெல்வதற்குக் காரணமான ஒரு தமிழனை அவர்கள் சிறப்பாகக் கவனிப்பதை எல்லாத் தமிழர்களுக்குமான நிலைமை இதுதான் என்று நினைக்கிறார். இவர் பிரகாசிக்காது விட்டிருந்தால், இவரைப் பற்றி யாருமே கவலைப்பட்டிருக்க மாட்டார்கள். இன்றுவரை இவர் தவிர்த்து வேறு எந்தத் தமிழரும் சிங்களக் கிரிக்கெட் அணியில் விளையாடச் சந்தர்ப்பம் வழங்கப்படவில்லை என்பது இவருக்குத் தெரிந்திருக்க வாய்ப்பில்லை. அதுமட்டுமல்லாமல், சென்றமுறை மகிந்த ஆட்சியில் இருந்தபொழுது, இவரது சகோதரர் மருத்துவத் தேவைக்கென்ற பெயரில் இறக்குமதிசெய்த பெருமளவு ரசாயனம் உண்மையாகவே மதுபான உற்பத்திக்ககத்தான் என்று கண்டறியப்பட்டு சுங்கத்தால் தடுத்துவைக்கப்பட்டதும், பின்னர் முரளி மகிந்தவுடன் சமரசம் செய்துகொண்டு அப்பொருட்களை விடுவித்ததும் நினைவிலிருக்கலாம். முரளி ஈழத் தமிழரின் சார்பாகப் பேச எந்த அருகதையும் அற்றவர். முதலாவது அவர் மலையகத் தமிழர். அவர்கள் எதிர்நோக்கும் பிரச்சனைகள் ஈழத் தமிழரின் பிரச்சனைகளிலிருந்தும் வேறுபட்டவை. அடுத்ததாக, அவரும் லக்ஷ்மன் கதிர்காமர், ஜெயராஜ் பெர்ணான்டோப்புள்ளே, நீலன் திருச்செல்வம் போன்ற ஏனைய சிங்களத் - தமிழர்கள் போன்று நன்றாகக்க் கவனிக்கப்படுபவர். ஆகவே, அவருக்குத் தமிழரின் உண்மையான பிரச்சினைகள் பற்றித் தெரிந்திருக்க வாய்ப்பில்லை. சிங்களத்தால் செல்லமாக வளர்க்கப்படும் தமிழ் வளர்ப்பு நாய்களின் குரைத்தல் பற்றி நாம் அலட்டிக்கொள்ளத்தேவையில்லை.
  9. இங்கே இவர் சில விடயங்களைச் சொல்கிறார், முதலாவது, துரோகி என்பதற்கான விளக்கம். தான் ஆயுதக் குழுவொன்றிலிருந்து வரவில்லையென்பதும், ஆயுத இயக்கங்களின் பின்னணனியைக் கொண்டிருக்கவில்லையென்பதும். ஆனால், துரோகியென்பதற்கான விளக்கமே, தனது இனத்தை, தனது அமைப்பை, தனது மக்களை தனது சொந்தத் தேவைகளுக்காக விலைபேசுவது அல்லது அந்த மக்களின் நலன்களை தனது நலனுக்காக இழக்கவும் விரும்புவது. ஒருவர் துரோகியாவதற்கு கட்டாயம் அவர் ஒரு ஆயுதக்குழுவிலிருந்தோ அல்லது ஆயுதக் கலாசாரப் பின்னணியிலிருந்தோ வரவேண்டும் என்கிற நியதி கிடையாது. அடுத்ததாக, இவர் கூறுவதுபோலவே, தான் ஒரு ஆயுதக்குழுவிலிருந்து வரவில்லையென்றால், தர்மலிங்கம் சித்தார்த்தனுக்கும் இவருக்குமிடையிலான தொடர்பென்ன? இவரை ஒரு ஆயுதக் குழுவின் தலைவர் ஏன் தனது அமைப்பினூடாக அரசியலுக்குக் கொண்டுவரவேண்டும்? தானே நேரடியாக அரசியலில் இறங்கியிருக்கலாம் தானே? ஆக, இவர் துரோகியொருவருக்கான சிறப்பம்சங்களென்று குறிப்பிட்டு, தான் அப்படியில்லை என்று நிறுவ முற்படும்பொழுது, தானாகவே தன்னைத் துரோகியென்று நிறுவியிருக்கிறார் என்பது வெளிப்படை. அடுத்ததாக, அபிவிருத்தியென்பதும் உரிமைதான் என்று இவர் சொல்லும் புதிய அரசியல். ஒரு சாதாரண மனிதனின் அடிப்படை உரிமைகளுக்கும் அவனது பிரதேச அபிவிருத்திக்குமிடையே ஒரு வேறுபாட்டை காணமுடியாத ஒருவர் எப்படி அம்மக்களுக்கான அரசியல் உரிமைகளைப் பெற்றுத்தரப் போகிறார்? ஒருவேளை, அபிவிருத்தியடைந்தாலே போதும், உரிமையெதுவும் தேவையில்லை என்கிற முடிவில் இருக்கிறாரோ என்னவோ? முடிவாக, தான் பணம் பெற்றூக்கொண்டுதான் கட்சி தாவினேன் என்பதற்கு ஆதாரங்களைக் காட்டமுடியுமா என்று சவால் விடுகிறார். தான் கைய்யால் ஒரு சதத்தையும்கூட வாங்கவில்லையென்று சத்தியம் செய்கிறார். எங்காவது ஒருவர், தனது இனத்தினருக்கெதிராக, அவர்களை அழித்தவர்களுடன் கூட்டுச் சேரும்பொழுது, தனக்குக் கிடைக்கும் சன்மானங்களை, வெளிப்படையாக, ஆயிரம் பேர் பார்க்கும்படி இதுவரையில் தமது கைகளால் வாங்கியிருக்கிறார்களா? அப்படியிருக்க, இவர் பெற்றுக்கொண்ட பணத்திற்கான சாட்சியத்தை எப்படி ஒருவரால் நிறுவ முடியும்? முடியாதென்கிற தைரியத்தினால்த்தானே இப்படியொரு சவால்? திரு வியாழேந்திரன் அவர்களே, பணத்திற்காகவோ அல்லது உங்களுக்கு மிகவும் பெறுமதியான இன்னொரு காரணத்திற்காகவோ இன்று மகிந்த அணியில் சேர்ந்துவிட்டீர்கள். நீங்கள் சொல்வதுப்பொலவே, உரிமையில்லாவிட்டாலும்கூட, அபிவிருத்தியாவது உங்களால் பிரதிநிதித்துவப்படுத்தப்படும் மக்கள் அனுபவிக்கட்டும். ஆனால், உங்களின் வசதி மட்டுமே போதும், மக்களாவது மண்ணாவது என்று மற்றைய தமிழ் - பேரினவாத அரசியல்வாதிகளைப்போல மாறிவிடாதீர்கள். ஆனால், ஒரேயொரு கவலை, வடக்குக் கிழக்கு இணைந்த தமிழர் தாயகம் என்பதனை தேவையற்றது என்று போகிற போக்கில் சொல்லிவிட்டுப் போகிறீர்கள் பாருங்கள், அங்கே தெரிகிறது உங்களின் சுயரூபம் !
  10. ஜீவன் சிவா, உங்களின் கருத்துக்களுடன் நான் உடன்படாவிட்டாலும் கூட, நீங்கள் சொல்லும் விதத்தை நான் பார்த்து வியந்திருக்கிறேன். ஆனால் அண்மைக் காலமாக, உங்களின் கருத்துகளில் வெறும் வக்கிரத்தைத்தவிர வேறு எதுவுமில்லை. விதண்டாவாதம் மட்டுமே மேலோங்கி நிற்கிறது. இங்கே உங்களின் துப்பாக்கி இல்லாத மக்கள் வாக்கு எனும் கருத்துக்கு துல்பேன் மிகவும் விரிவான பதிலொன்றைத் தந்திருக்கிறார். ஆயுத பலத்தின்மூலம் தீர்மானிக்கப்ப பின்னரே ஜனநாயகமும் வாக்குகளும். இன்று நீங்கள் பிரதமராக வேண்டும் என்று எதிர்பார்க்கும் மகிந்த கூட 2009 இல் ஆயிரக்கணக்கில் தமிழர்களைக் கொன்றுதான் வந்திருக்கிறார். தமிழர்களை ஆயிரக்கணக்கில் கொன்று அவர்களது தாயக கோட்பாட்டை முற்றாக இல்லாமலாக்கியவர் என்கிற காரணத்தினால்த்தான் சிங்களவர்கள் அவரை இன்னும் விரும்புகிறார்கள் என்பது இவ்வளவு அறிவுள்ள உங்களுக்கு எப்படி விளங்காமல்ப் போனது? அடிக்கொருதரம், துப்பாக்கியில்லாமல், வாக்குகளால் வரட்டும் என்று கூறிக்கொள்ளும் நீங்கள், இந்தச் சிங்கள வாக்குகள் கூட மகிந்தவின் துப்பாக்கிகளால்த்தான் கிடைக்கப்பெற்றன என்பதை எப்படி மறந்தீர்கள்? ஒருவேளை மகிந்த யுத்தத்தில் தோற்றிருந்தால், இன்றிருக்கும் அவருக்கான சிங்கள மக்கள் ஆதரவென்பது இல்லாமல்ப் போயிருக்கும் என்பது எப்படி தெரியாமல்ப் போனது? மகிந்த வென்ற தேர்தல் என்றால் என்ன, தோற்ற தேர்தல் என்றால் என்ன, தமிழர்கள் எப்போதுமே அவருக்கு எதிராகத்தான் வாக்களித்தார்கள் என்பது உங்களுக்குத் தெரியுமா? அப்படித் தெரிந்திருந்தால், அவர்களின் வாக்குகள் அளிக்கப்பட்ட நோக்கத்தை ஏற்றுக்கொள்கிறீர்களா? அதாவது தங்களை அழித்தவன் பதவிக்கு வரக்கூடாது எனும் நோக்கம். ஆக நீங்கள் இன்று துப்பாக்கி வேண்டாம், வாக்கு மட்டுமே வேண்டும் என்று சொல்வது, தமிழர்களின் விருப்பமில்லாத, சிங்களவர்களின் விருப்பத்தை மட்டும்தான் என்பது புலனாகிறது. அதாவது, துப்பாக்கியால் பெறப்பட்ட வெற்றியை ஆதரித்துச் சிங்களவர்கள் இடும் வாக்கை நீங்கள் ஏற்றுக்கொள்கிறீர்கள் என்று முடிவாகிறது.
  11. ஜீவன் சிவாவை விடுங்கள், அவர் பிரச்சனை வேறு. நீங்கள் 2009 வரை எப்படி இருந்தீர்கள் என்பதை எப்படி அவ்வளவு இலகுவில் மறந்தீர்கள்? இன்று துரையப்பா செய்த அபிவிருத்திகள் பற்றியும், புலிகள் அவரைக் கொன்று அபிவிருத்தியை நிறுத்திவிட்டதைப் பற்றியும் ஆதங்கப்படும் நீங்கள் 2009 வரை ஏன் இதுபற்றி வாயே திறக்கவில்லை? துரையப்பா கொல்லப்பட்டு கிட்டத்தட்ட 30 வருடங்களாக புலிகள் செய்தது பிழையென்று உங்களுக்குத் தெரியவில்லை, ஆனால் 2009 இற்குப் பிறகு தெரிகிறதே, அது ஏன்? சேற்றுக்குள் போனார்கள், சேற்றுக்குள்; போனார்கள் என்று உங்களின் இந்தப் புத்தம் புதிய காழ்ப்புணர்வெல்லாம் கொட்டி மகிழ்கிறீர்களே, அந்த சேற்றுக்குள் போனவர்களால்த்தான் தமிழருக்கு விடிவு வருமென்று 2009 வரை எப்படி நம்பியிருந்தீர்கள்? 2009 இற்கு முன், 2009 இற்குப் பின் என்று உங்களின் எண்ணங்களின் முற்றான மாற்றம் எதனால் ஏற்பட்டது? எப்படி மூளைச்சலவை செய்யப்பட்டீர்கள்? இன்று, புலிகளை மிகவும் கீழ்த்தரமாக விழித்து எழுதுவதற்கு நீங்கள் காரணங்களை முன்வைப்பதுபோல, 2009 வரைக்கும் அவர்களை நம்பியிருந்ததற்கும் காரணங்களை முன்வைக்க முடியுமா?
  12. கூட்டமைப்புடன் சேர்ந்திருப்பதால் எவருக்குமே எதுவும் கிடைக்கப்போவதில்லை என்பதை ஏற்றுக்கொள்கிறேன். ஏனென்றால், இதுவரையில், சேர்ந்திருந்து சேர்ந்திருந்து கண்டது எதுவுமில்லை. இனியும் எதுவுமே நடக்கப்போவதில்லை. நண்பர் ஒருவர் சொன்னதுபோல, தமிழ்த்தேசிய அரசியல் இனி எடுபடாது. அது வேண்டுமென்றால், உங்கள் மனதிலும், உங்கள் குழந்தைகளுக்கு ஊட்டூவதொடும் நிற்கட்டும். அதைவைத்து அரசியல் செய்ய முடியாது. கூட்டமைப்பினை தமிழ்த்தேசியத்தின் ஒரு வடிவமாகப் பார்ப்பதால்த்தான், சிங்களவர்கள் எதையுமே தரமறுக்கிறார்கள். ஆனால், சிங்கள அரசியல்வாதிகளுக்கு இவர்கள் தேவை தமது அரசியலுக்கு. இவர்களின் தமிழ்த்தேசியத்தின் வீரியத்தை நன்கே அறிந்துவைத்துள்ள அவர்கள், தேவைக்கேற்றவாறு இவர்களைப் பாவிக்கிறார்கள். ஆனால், இவர்கள் பிரதிநித்துவப்படுத்தும் மக்களுக்கு ஈற்றில் எதுவுமே கிடைக்கப்போவதில்லை, நல்லிணக்க அரசும் சம்மந்தனையும், சுமந்திரனையும் பாவித்து பதவிக்கு வந்தார்களே ஒழிய, தாம் தருவதாகச் சொன்ன எதையுமே தரவில்லை. மைத்திரி ஒருபடி மேலே சென்று நான் உயிரோடு இருக்கும்வரை சமஷ்ட்டி என்பதோ, வடக்குக் கிழக்கு இணைப்பென்பதோ நடக்க விடப்போவதில்லை என்று வேறு சூளுரைத்திருக்கிறார். நிலைமை இப்படியிருக்கிறது. தமிழர்களிலிருந்து முஸ்லீம்கள் அந்நியப்பட்டதுபோல, வடக்குத் தமிழர்களும் கிழக்குத் தமிழர்களும் பிரிந்து இயங்குவதுதான் யதார்த்தம் என்றால் அதை எவராலும் தடுக்க முடியாது. அவர்களது அரசியலை அவர்கள் பார்த்துக்கொள்ளட்டும். தமிழ்த் தேசியத்தில் நின்று இன்றுவரை சாதித்தவை எதுவுமேயில்லை என்றானபிறகு, தொடர்ந்தும் அங்கே நிற்பதிலும், ஏதோ ஒரு பெரும்பான்மை அரசியல்த் தலைவருக்கு அவ்வப்போது எடுபிடியாக பாவிக்கப்படுதலிலும் பார்க்க, அவர் தனித்தோ அல்லது நேரடியாகவோ சிங்களப் பேரினவாதக் கட்சி ஒன்றுடன் இணைந்து, கூட்டமைப்பிலிருந்து செய்ய முடியாததை, இப்போது செய்யட்டும். ஆனால், இங்கே முன்வைக்கப்படும் காரணங்களில் என்னை ஒன்றே ஒன்று உருத்துகிறது. அதாவது முஸ்லீம்களின் அடாவடி காணிப்பறிப்பிற்கு முகம்கொடுக்கத்தான் மகிந்தவுடன் இணைகிறோம் என்பது. எம்மில் பலருக்கு உண்மையான எதிரியார்? உண்மையான நண்பன் யார் என்று பிரித்துப் பார்ப்பதில் எப்போதும் ஒரு பிரச்சினை இருக்கிறது. முஸ்லீம்கள் காணி பறிக்கிறார்கள் என்பதற்காக, சிங்களம் இன்றுவரை தமிழர்களுக்கெதிராக, அவர்கள் கிழக்காக இருந்தாலும் சரி, வடக்காக இருந்தாலும் சரி, செய்த அநியாயங்களும், அக்கிரமங்களும், இறுதியான 2009 முள்ளிவாய்க்கால் திட்டமிட்ட இனக்கொலையும் எமக்கு மறந்ததுபோனது எப்படி? இன்றும் முல்லைத்தீவு, திருகோணமலை ஆகிய தமிழ் இடங்களில் நடைபெறும் சிங்களக் குடியேற்றங்களைச் செய்வது யார்? அதைத் தடுக்க நாம் யாருடன் இணையப் போகிறோம்? அல்லது 50 களில் ஆரம்பிக்கப்பட்டு கிழக்கின் தமிழரின் பாரம்பரிய நிலங்களை அபகரித்து கொழுத்திருக்கும் கல்லோயா தொடங்கலாக, அம்பாறை, பொத்துவில் என்று நீளும் பறிபோன தமிழ்க் கிராமங்களின் பட்டியலில் இருப்பவை யாரால் அபகரிக்கப்பட்டவை, முஸ்லீம்களாலா? இவற்றை மீட்பதற்கு யாருடன் கூட்டுச் சேர்வதாக உத்தேசம்? பெளத்த சின்னங்களைப் பாதுகாக்கிறோம் என்கிற போர்வையில் இன்னுமின்னும் வடக்கு மற்றும் கிழக்கு மாகாணங்களில் சிங்களத்தால் காவுகொள்ளப்படவிருக்கும் தமிழரின் நிலங்கள் பற்றிப் புரிகிறதா உங்களுக்கு? இதைத் தடுக்க யாருடன் கூட்டுச் சேரப் போகிறீர்கள்? தமிழர்கள் முட்டாள்கள். ஆத்திரக் காரர்கள். அவசரக் காரர்கள். முஸ்லீம்கள் செய்வது பெரிதாகத் தெரியும் எமக்கு, அரசு செய்வது தெரியவில்லை. சிங்களம் எம்மீது நடத்தி முடித்த இனவழிப்புப் போருக்குப் பின்னரும் கூட எம்மில பலர், "சிங்களவோனோட சேர்ந்து வாழலாம், ஆனால் இந்தக் காக்காமாரோட சேர்ந்து வாழ ஏலாது" என்று வாய்கூசாமல்ச் சொல்வதைக் கேட்டிருக்கிறேன். அப்படி சிங்களம் செய்ததை விட இந்தக் காக்காமார் என்னதான் செய்துவிட்டார்கள் உங்களுக்கு ? நீங்கள் அவர்களுக்குச் செய்யாததை விடவா அவர்கள் செய்துவிட்டார்கள்? மகிந்த பதவியேற்றவுடன் அவரைச் சந்திக்கச் சென்ற பல்கலைக் கழகப் பேராசிரியர்களின் கூட்டு அறிக்கையை யாராவது படித்தீர்களா? மகிந்த இனி என்ன செய்யவேண்டும் என்று வழங்கப்பட்டிருக்கும் ஆலோசனைகளைப் பார்த்தீர்களா? கிளிநொச்சியில் ராணுவம் அமைத்த ஒரு செங்கல் மதிலை சிறிதரன் உடைத்தபோது, 3000 ஆண்டு புத்த சின்னத்தை உடைத்து தமிழின வெறியைக் காட்டுகிறது கூட்டமைப்பு என்று நாடகமாடிய சிங்களம், இன்று நாடுமுழுவதுமுள்ள பெளத்த சின்னங்கள் அரசின் நேரடிக் கட்டுப்பாட்டின் கீழ் கொண்டுவரப்பட வேண்டும் என்று சொல்வதன் மூலம் நடக்கவிருக்கும் அநியாயத்தின் அளவு புரிகிறதா உங்களுக்கு? அதேபோல வடக்குக் கிழக்கு இணைப்பென்பதும், சமஷ்ட்டி என்பதும் முற்றாகத் தவிர்க்கப்படவேண்டியவை என்றும் கோரப்பட்டிருப்பது தெரியுமா யாருக்காவது? உங்களின் சுயநலத்திற்கோ, அல்லது உங்களின் தோழர்களின் நலன்களுக்காகவோ அல்லது உங்களின் கிராம - பிரதேச நலன்களுக்காகவோ உண்மையாகவே உழைக்க வேண்டுமென்றால் தாராளமாகப் போய்ச் சேருங்கள், பணத்தை வாங்குங்கள், நீங்களும் அனுபவித்து மற்றவனுக்கும் கொடுங்கள். அதை விடுத்து முஸ்லீம்களின் ஆக்கிரமிப்பிற்கெதிராகத்தான் சிங்களத்துடன் கூட்டுச் சேர்கிறோம் என்று மட்டும் சொல்லாதீர்கள், ஏனென்றால, சிங்களமே மிகவும் மோசமான ஆக்கிரமிப்பாளன். அதேபோல முஸ்லீம் ஆக்கிரமிப்பென்பது சிங்களத்தின் ஆசீர்வாதம் இல்லாமல் நடைபெறுவதுமில்லை. பிரித்தாளும் தந்திரம் பற்றி ஆளாளுக்குப் பாடமெடுத்த நாங்களா இப்படிப் பேசுவது? தன்னால் இயலாவிட்டாலும் கூட, இன்றுவரை தமிழ்த்தேசியம் எனும் பெயரைத் தாங்கிக்கொண்டு இன்றுவரை ஏதோ ஒரு நம்பிக்கையில் வாழும் திரு ஞானவரோதயம் சம்பந்தன் ஐய்யா அவர்களுக்காக உண்மையாகவே வேதனைப்படுகிறேன். ஆனால், தேசியம் தேசியம் என்று தான் வளர்த்தவர்கள் ஒருநாள் தன்னை விட்டுப் போவார்கள் என்று அவர் அறிந்தே வைத்திருப்பார். எல்லாத் தலைவர்களுக்கும் இது ஒரு கட்டத்தில் நடக்கும். இதுதான் தமிழர்களின் வரலாறு.
  13. தொழிலாளர் காங்கிரஸ், முஸ்லீம் காங்கிரஸ்.........சுயநல ஒட்டுண்ணிகள்.
  14. புங்கை, இந்தியா மகிந்தவைக் கொண்டுவரவேண்டும் என்று விரும்பியதாக நானும் கேள்விப்பட்டேன். ஆனால் ஏன் என்றுதான் புரியவில்லை. மகிந்த சீனாவின் செல்லப்பிள்ளையாச்சே?!