சண்டமாருதன்

கருத்துக்கள உறவுகள்
  • Content Count

    2,344
  • Joined

  • Last visited

  • Days Won

    30

சண்டமாருதன் last won the day on November 25 2018

சண்டமாருதன் had the most liked content!

Community Reputation

1,225 நட்சத்திரம்

2 Followers

About சண்டமாருதன்

Profile Information

  • Gender
    Male
  • Location
    Toronto

Recent Profile Visitors

4,117 profile views
  1. இனம் என்பதே தமிழர்களுக்கான அடயாளம். இந்த இனத்தை மதவாரியாக பிரித்து பின்னர் மதங்கள் மோதும் போது இனம் அழிந்துபோகும். மதம் என்பது ஒரு ஆயுதம். அதை எவ்வாறு பயன்படுதுகின்றார்கள் என்பதே பிரதானம். ஒரு இனம் அல்லது தேசததை அழிக்கவும் ஆக்கவும் மதம் வலுவாகப் பயன்படும் ஆயுதம். பின்னணியில் ஒரு நோக்கமும் இன்றி யாரும் மதம் மாற்றப்போவதில்லை. ஏன் மதமாற்றத்துக்கான அவசியம் ஏற்படுகின்றது என்பதே முக்கியமானது. சைவம் இந்துவாகியபோது சைவமும் தமிழும் என்ற அடிப்படை தன்மை வலுவிழக்கத்தொடங்கியது. தமிழ்கடவுள் என்ற வணக்கமுறை ஒரு மொழியை அடிப்படையாகக் கொண்டு தமிழர் மண்ணில் உருவாகிய பக்தி இலக்கியங்கள் பின்னுக்கு தள்ளப்பட்டது. தமிழர் மண்ணில் கடவுள் வழிபாட்டுடன் மொழியும் பிணைந்தே உள்ளது. ஈழத்தமிழர் சிறு இனக் கூட்டம். இதற்குள் நடக்கும் மதமாற்றங்களும் பிளவுகளும் இவ் இனத்தை அழிக்கவும் சிதைக்கவும் வழிசெய்யும். சிங்களப் பேரினவாதம் பல்லாயிரக்கணக்கில் தமிழர்களை கொன்றொழித்ததிற்கு பிரதான உந்து சக்தியாக பொளத்தமதம் இருக்கின்றது. புழுபூச்சியை கூட கொல்லக் கூடாது என்பதுதான் அதன் அடிப்படைவாதம். ஆனால் மதம் என்ற ஆயுதம் அல்லது போதை அல்லது உணர்சிகளை கொந்தளிக்கச் செய்யும் உளவியல் நோய் என எப்படிவேண்டுமானாலும் மதம் என்ற ஆயுததத்தை பயன்படுத்த முடியும். சிங்கள இரணுவத்திற்கு நிகராக தென்தமிழீழத்தில் இஸ்லாமியர்களால் தமிழர்கள் கொல்லப்பட்டும் வாழ்விடங்கள் சூறையாடப்பட்டும் உள்ளது. இவைகள் ஏற்கனவே நடந்த வரலாறுகள். ஈழத்தமிழர் இந்து என்பதாலோ இல்லை சிவசேனை என்பதாலோ இந்தியாவில் உள்ள இந்துத்துவ மத்திய அரசு தமது அதரவை தந்ததும் இல்லை தரப்போவதும் இல்லை. மாறாக எம்மை அழிப்பதற்கே எப்போதும் துணைபோகின்றது. அதேபோல் நாவாலிதேவாலயத்தில் குண்டுபோட்டதற்கு கிறித்துவ நாடுகள் இலங்கைமீது நடவடிக்கை எடுத்ததும் இல்லை எடுக்கப்போவதும் இல்லை. தமிழ் இஸ்லாமியர்களுக்கு ஒரு துயர் என்றால் அரபுநாடுகள் வந்து உதவப்போவதும் இல்லை. மதம் ஆட்சியை பிடிக்க தக்கவைக்க அதிகாரத்தை அடைய அல்து தக்கவைக்க வியாபரம் கொள்கைகளை திணிக்க வன்முறை போர்களை தூண்ட பெண்களை அடிமைப்படுத்த ஆணாதிக்கத்தை நிலைநாட்ட என பல நூறுவகையாக புத்திசாலிகளால் பயன்படுத்தப்படும் ஆயுதம். அதற்கும் கடவுள் என்ற உணர்தலுக்கும் சம்மந்தமே கிடையாது. இனம் என்ற உணர்வை பின்தள்ளி மதம் என்பது முன்னுக்கு வருவது இனத்தின் அழிவின் தொடக்கம் எனலாம். இது கடந்த காலத்தில் நடந்தும் உள்ளது.
  2. புரிந்துகொள்ளவேண்டிய கருத்து. நன்றிகள். ஆங்கிலேய ஆட்சியில் கணக்கு பிளளை கண்காணி குமாஸ்தா வேலை பாரக்கவும் படித்த கூட்டமே புத்திஜீவிதக் கூட்டம். இந்த படிப்பும் மேற்தட்டு வர்க்கத்துக்கே சாத்தியமானது. ஆங்கிலேய ஆட்சிக்காலத்தில் இந்த கண்காணிகள் சிங்களவர்களை நடத்திய விதமே அடிப்படை தமிழ் சிங்கள விரோதத்திற்கு காரணமாகியது. ஆங்கிலேயர் சென்றபின் சிங்கள அரசின் கீழ் இந்த வரக்கம் வேலை பாரக்கத் தொடங்கியது. ஆட்சியாளர்களை அண்டிப்பிழைப்பதற்கே கல்விபயன்பட்டது. ஆட்சியாளர்களை அண்டிப்பிழைத்தல் அனுசரித்து நடத்தல் என்றவாறே அறிவுசார் வட்டாரத்தின் சிந்தனை முறை அமைந்தது. இவற்றுக்குள்ளாகவே தமிழர்களுக்கான அரசியல் தலமைகள் இயங்கியது. இவ் அரசியல் ஒரு வர்க்க அரசியல். பேரினவாத ஒடுக்குமுறைக்கு துணைபோகும் அரசியலாக இருந்தது. இதன் எதிர்வினையே ஆயுதப்போராட்டம். இன்றும் இந்த வரக்க அரசியல் தொடர்கின்றது. நேற்றுவரை சிங்கள அரச இயந்திரத்தில் ஒரு அங்கமான விக்கினேஸ்வரன் இன்று வடக்கு முதலமைச்சர். அவரது அறிவுசார் தன்மையே இங்கு நம்பப் படுகின்றது ஆனால் அவர் அறிவை விருத்தி செய்ததது தமிழ்த்தேசீயவாதத்திற்காக அல்ல, மாறாக சிங்கள எந்திரத்தில் நீதிபதியாக இருப்பதற்கு. தமிழ் அரசியல் வாதிகளிடம் உள்ள அடிப்படை சிந்தனை முறையே அண்டிப்பிழைத்தல் அனுசரித்து நடத்தல் என்பதாகவே இருக்கின்றது ஏனெனில் நாம் பாய்ந்து பாய்ந்து கல்வி கற்பது இதற்காகத்தான். உதாரணமாக இன்று சுமந்திரன் தமிழ்மக்களிடையே பேசி அவர்களை ஒரணியாக்கி பல்வேறு கோரிக்கைகளை முன்வைத்து ஒரு பேரணி , அடயாள உண்ணாவிரதம் ஆர்பாட்டம் என்பதை செய்வதற்குப் பதிலாக சிங்கள மக்களுக்கு சமஷ்டி பற்றி பாடம் எடுக்கின்றார். இப்படித்தான் இவர்களால் சிந்திக்க முடியும். அதாவது தமிழ் மக்களே நீங்கள் அமைதியாய் இருங்கள் நான் போய் சிங்களவர்களிடம் பேசி சமஸ்டியை வாங்கிக்கொண்டுவாரன் இது எப்படி மக்கள் அரசியலாகமுடியும் ? எமது அரசியல் வாதிகளுக்கும் சிங்கள ஆட்சியாளர்களுக்கும் இடையில் இருககும் நெருக்கம் அரசியல் வாதிகளுக்கும் மக்களுக்கும் இடையில் ஒருபோதும் வரலாற்றில் இருந்ததில்லை. இனிமேலும் இருக்காது ஏனெனில் இதுவே எமது கல்வியும் அறிவும் தந்த சிந்தனைமுறை. இந்த சிந்தனை முறையும் புலிகளின் சிந்தனை முறையும் இருவேறு துருவங்கள். அண்டிப்பிழைத்தல் அனுசரித்துப்போதல் என்பதற்கு நேரேதிரான இயங்கு நிலை. அவர்கள் பிரதேசங்களை மீட்டு தமிழீழம் என்ற அரசையும் அதற்கான கட்டமைப்புகளையும் உருவாக்க முனைந்தார்கள். அவர்களை பொறுத்தவரை அதுதான் அவர்களது அரசியல். அழிவுகளுக்கு ஏராளமான அக புற காரணிகள் இருக்கின்றது. எப்பொழுதும் சொலவதுபோல புலிகள் மீது விமர்சனங்களை தாரளமாக முன்வைக்கலாம் ஆனால் அவர்களை நேக்கி ஒரு விரல் சுட்டிக்காட்டும் போது ஏனைய விரல்கள் எம்மையே சுட்டிக்காட்டும். இது எமது சமூகத்தில் தவிர்க்க முடியாத விதி.
  3. ஈழத் தமிழர் ஒப்பீட்டளவில் சிறு சமூகமாக இருந்தாலும் அச் சமூகம் இயங்கும் அரசியல் தளம் பல்வேறானது. ஒவ்வொரு தளத்திற்கும் ஒவ்வொரு வகையான பலம் உண்டு. தாயகத்தில் நடந்த கடந்த இரு மாவீரர் தினமும் எந்த ஒரு அரசியல் கட்சிகள் மற்றும் செயறபாடடாளர்களின் உந்துதலின் பின்னணியில் மக்கள் ஒன்றுதிரளவில்லை. ஒன்று திரண்ட மக்கள் சக்தியோடு அரசியல் செயற்பாட்டாளரகள் ஒட்டிக்கொண்டார்கள். வேறு வழியில்லை. முள்ளிவாய்க்கால் ஒன்று கூடலில் பல்கலைக் கழகமும் அரசியல் செயற்பாட்டாளர்களும் ஒட்டிக்கொண்டதும் தலமை தாங்க முற்பட்டதும் மக்கள் திரட்சிக்கு பின்னால் தவிர அவர்கள் ஒன்று கூடலுக்கு மக்களை திரட்டவில்லை. அவ் மக்கள் சக்தியே பிரதானமானது. ஆனால் அவர்களுக்கும் கூட்டமைப்பு அரசியல்வாதிகளுக்கும் இடையில் அந்நியோன்ய உறவு கிடையாது இதற்கு மேட்டுக்குடி மனோபாவம், பூசுவாத்தனம், ஆட்சியாளர்களை அண்டிப்பிழைக்கும் பாரம்பரியம் என பல அடிப்படைக் காரணங்கள் எப்போதும் இருக்கின்றது. மக்களும் இவர்களால் தாம் விடுதலை பெறுவோம் என்று நம்பி வாக்களிப்பதில்லை வேறு தெரிவற்ற நிலையில் வாக்களிக்கின்றார்கள். புலம்பெயர் தேசத்தில் பல்வேறு முரண்பாடுகளுக்கு மத்தியிலும் நீங்கள் மேலே குறிப்பிட்ட திட்டுபவர்கள் சார்ந்த பிரிவே பலமானது. அவர்களின் வாக்குகள் இன்றி புலம்பெயர் தேசங்களில் யாரும் அரசியல் பதவிகளை அடய முடியாது அதே நேரம் பல்வேறு விதமானவர்கள் தாயக மக்களுக்கு உதவி செய்தாலும் இப் பிரிவினரே அதிக உதவிகளை செய்தவர்களாக எக்காலத்திலும் இருப்பார்கள். போராட்டத்தில் நேரடியாக பங்குபெற்றவர்கள் தாயகத்தில் இருந்து அதற்கு தோழ்கொடுத்தவர்கள் புலம்பெயர் தேசங்களில் இருந்து ஆதரித்தவர்கள் இவர்களே ஈழத்தமிழரின் நிரந்தர பிரதான அரசியல் சக்தி. இச் சக்தியை பயங்கரவாதமாக்க நேற்று கதிர்காரமர் பாடுபாட்டதானாலும் சரி இன்று புலம்பெயர் தீவிரவாதத் தமிழர் என்று சுமந்திரன் சம்மந்தன் முக்குவதானாலும் சரி அது பேரினவாதத்திற்கு சார்பானதேயன்றி தமிழர்நலன் சார்ந்தது இல்லை ஏனெனில் இவ்வாறான பிரிவினை விதைப்பு அவசியங்களும் தேவைகளும் பேரினவாதத்திற்கே உள்ளது தவிர தமிழர்களுக்கு இல்லை. பிரித்தாளும் சதிகள் எமக்கு புதியவையில்லை. இயக்கங்களுக்கு இடையில் இந்திய ஆதிக்கம், கதிர்காரமர் வகையறா புரட்டஸ்தாந்து மற்றும் மேட்டுக்குடிகளுக்கும் விடுதலைப் போராட்டத்திற்கும் இடையிலான பிரிவினையில் பேரினவாத ஆதிக்கம், இந்து இஸ்லாம் பிரிவினை, வடக்கு கிழக்கு பிரதேசவாத பிரிவினை, இவ்வாறான பல பிரிவினைகளின் நீட்சியிலேயே புலம்பெயர் தமிழர் தாயகத்தமிழர் என்பதும் வருகின்றது. அரசின் இராணுவ வெற்றிகளும் வெலியோயா திட்டத்தின் ஊடாக வடகிழக்கு துண்டிப்பு தொடக்கம் தீவகங்கள் யாழ் தொடர்பு துண்டிப்பு , வன்னியாழ் தொடர்பு துண்டிப்பு வன்னி கிழக்கு தெடர்பு துண்டிப்பு என்ற புவியியல் அடிப்படையிலான பிரித்தாளும் யுத்திகளூடாகவே அமைந்தது. தமிழர்களை அரசியல் ரீதியாகவும் புவியியல் ரீதியாகவும் எவ்வளவு சிதைக்க முடியுமோ அவ்வளவு சிதைக்கின்றனர். அதன் பிறகு தனிநாடு என்ன சமஷ்டி மாகாண சபை மாவட்ட பஞ்சாயத்து அதிகாரம் என எதற்கும் அவசியம் இருக்காது.
  4. அவசரப்பட்ட பதிவுகள் மற்றும் ஊக அடிப்படையில் கருத்துக்களை முன்வைப்பதும், ஆயுதப் போராட்டத்தின் போது சில பிரதேசங்களை கட்டுப்பாட்டில் வைத்திருந்து நிழல் அரசை நடத்திய காலத்தில் எழுதிய பாடலை இதனோடு தொடர்புபடுத்துவதும் மிக அபத்தமானது. இன்றய காலத்தில் சிங்களத்தின் முழு கட்டுப்பாட்டில் தமிழர்தேசம் முழுவதும் உள்ளது. ஒரு வெளிநாட்டு அரசின் அங்கமான தமிழ் பிரதிநிதி இலங்கை அரசை அலட்சியப்படுத்தி பாதிக்கப்பட்ட தமிழர்களை நேரடியாக சந்திப்பது இரு நாடுகளுக்கு இடையில் பிரச்சனையை உண்டாக்கவல்லது. வாக்களித்தவர்களின் எதிர்பார்புபோல் நாடுகளின் சட்டதிட்டங்கள் இருப்பதில்லை. அரசியல் சூழல் இருப்பதில்லை. அதே நேரம் தாம் பதவிக்கு வந்தால் தாயக மக்களின் பிரச்சனைகளை பேசுவோம் என்றும் இதனடிப்படையில் வெளிநாட்டில் உள்ள தமிழர்கள் தமது சமூகத்தில் இருந்து ஒரு அரசியல் பிரதிநிக்கு வாக்களிப்பது தாயக மக்களின் துயருக்கு முடிந்தளவு குரலை கொடுப்பார்கள் என்ற நம்பிக்கையிலேயே. இவ்வாறான வாக்குகளை தமது அடயாள அந்தஸ்த்தை நிலைநாட்ட பயன்படுத்தும் சுயநலவாதிகளளை நம்பிக்கைத் துரோகிகளாக வாக்களித்தவர்கள் விமர்சிப்பதுக்கும் உரிமை உண்டு. இவ்வாறான நிகழ்வுகளை பொறுத்தவரை சம்மந்தப்பட்ட நபர் இலங்கை ஜனாதிபதியை சந்தித்ததை தொடர்ந்து அவலப்பட்ட மக்களை சந்திக்கின்றாரா அவர்கள் பிரச்சனைகள் சார்நத கருத்துக்களை அவரது பதவிக்காலத்தில் தனது அதிகாரத்துக்கு உட்பட்டளவில் வெளிப்படுத்துகின்றாரா இல்லை அடயாள அந்தஸ்த்து தேடலுக்கு பயன்படுத்துகின்றரா என்பதை பொறுத்திருந்து பார்த்துதான் விமர்சனத்தை முன்வைக்க முடியும் தவிர ஒரு சந்திப்பை வைத்தல்ல. கனடாவைப் பொறுத்தவரை மக்கள் வாக்களித்து அரசியலுக்குள் நுழைந்தவர்கள் தாயக மக்களின் அவலத்திற்காக அரும்பணியாற்றியுள்ளார்கள், ஆற்றிககொண்டுமிருக்கின்றார்கள். கொட்டும் பனியிலும் வியர்வை சிந்தி உழைக்கின்றார்கள், உழைத்தார்கள்.
  5. மிக நல்ல கட்டுரை இணைப்பிற்கு நன்றிகள் ஈழத்தில் மட்டுமில்லை தமிழகத்திலும் இதே நிலைதான். கல்விகற்றால் வாழ்வில் மேன்நிலைக்கு வந்துவிடலாம் என்று தமிழர்களுக்கு சுட்டிக்காட்டப்பட்ட கல்வி மேலே உள்ள படத்தில் உள்ள கல்வியைத்தான். இந்த கல்வி முறை தனக்கான சுய உரிமையை இழக்கவைத்துள்ளது. சமூக உறவில் இருந்து அந்நியப்படவைத்துள்ளது, தனது நீர் நில வளங்களை பாதுகாக்கும் கடமையில் இருந்து விலக வைத்துள்ளது. தனது நிலத்திற்கான அரசியல் மற்றும் அரசியல் தலமையை உருவாக்க முடியாத நிலையை ஏற்படுத்தியுள்ளது. சுருக்கமாகச் சொல்லப்போனால் ஒரு இனத்தை படிப்படியாக தற்கொலைக்கு கொண்டு செல்லும் கல்விமுறை. இயற்கையோடும் சமூகத்தோடும் இருக்கும் அறம் சார்ந்த தொடர்புகள் உணர்வுகளை அழிதது மனிதனை எந்திரமாக்கும் முதலாளிகளின் தொழிற்சாலைகளாக கல்விக்கூடங்கள் மாறிவிட்டது. என்னுமொரு திரியில் பதிவிட்ட தமிழ்நாடு குறித்த இந்த காணொளிக் கருத்து இங்கு பொருந்தும். படித்து வேலைக்குப் போவதை குறிக்கோளாகக் கொண்ட ஒரு சமூகம் எப்படி அடிமைநிலைக்கு உட்படுகின்றது. சிறு முதலாளிகள் பெருமுதலாளிகள் நாளை அவர்களே அரசிலையும் தீர்மானிப்பார்கள். இதுவே தமிழகத்தில் நடக்கின்றது.
  6. முற்பகுதி முஸ்தப்பாவுக்கு புலி சொல்லும் கதை பிற்பகுதி முஸ்தப்பா புலிக்கு சொல்லும் கதை. உண்மைச் சம்பவங்களை அடிப்படையாகக் கொண்டது எனப்படுகின்றது. அந்தந்த இடம் காலம் சூழலில் நிகழும் நம்பிக்கை தியாகம் துரோகம் தண்டனைகள் சார்ந்த கதை. இணைப்பிற்கு நன்றி .
  7. புலிகளின் முடிவோடு புலம்பெயர் தமிழர்களின் கடும்போக்கும் முடிந்துவிட்டது. கடும்போக்கு என்பதன் பொருள் தமிழர்களுக்கான தனிநாடு என்பதுதே. அதற்கு மக்கள் எழுச்சியும் போராட்டமும் அவசியமானது. அதற்கான வலு தாயகத்தில் உள்ள மக்களிடமும் புலம்பெயர் மக்களிடமும் தற்போது இல்லை. ஆகக் குறைந்தது போர்குற்ற விசாரணை, அரசியல் கைதிகளின் விடுதலை, நில ஆக்கிரமிப்புக்கு எதிரான போரட்டம், காணாமல் ஆக்கப்பட்டோர் பிரச்சனை என எதிலும் புலம்பெயர் மக்கள் ஈடுபடவில்லை. அதே நேரம் தமிழ்த் தேசீயக் கூட்டமைப்பும் எந்தவொரு ஆக்கபுர்வமான போராட்டக் குரலையும் இந்த விடயத்தில் கொடுக்கவில்லை. இந் நிலையில் கடும்போக்கு என்பதற்கு எந்த பொருளும் எங்கும் இல்லை. சிங்களப் பேரினவாதம் எதை தர விரும்புகின்றதோ அதையே போராடிப் பெற்ற உரிமையாக ஆறுதல் படுவதே தற்போதைய அரசியல் முன்னெடுப்பு. எம்மை நாமே எதற்கு இவ்வாறான வார்த்தைப்பிரயோகங்களால் ஏமாற்றவேணும் என்பது புரியவில்லை.
  8. மொழி கலாச்சாரம் பண்பாடு என்ற அடிப்படையில் எங்கும் ஒற்றுமையுடன் தமிழர்கள் இல்லை. கலாச்சரம் பண்பாடு என்பது எந்த வரையறைக்கும் உட்பட்டதும் இல்லை. பல்வேறு தேசங்களில் வாழும் தமிழர்களுக்கு இடையிலாக ஏற்படும் தொடர்பு எதிர்கால புலம்பெயர் தலமுறைக்கு தமது அடயாளங்களை உணர்ந்துகொள்ள உதவும் என்பதே எழுதப்பட்ட கருத்து. நீங்கள் மொழி கலாச்சாரம் பண்பாட்டை தக்கவைத்தால் தான் தொடர்புகளும் பொதுத் தன்மையும் வரும் என்று புரிந்துகொள்கின்றீர்கள் நான் தொடர்புகளும் பொதுத் தன்மையும் தான் எதிர்காலத் தலமுறைக்கு மொழியையும் தமது இன அடயாளங்களையும் தக்கவைக்க உதவும் என்கின்றறேன். உதாரணமாக றியுனியன் தீவில் உள்ள தமிழர்களுக்கும் தாய்த்தமிழகத்துக்குமிடைலான தொடர்பு அவர்கள் அடயாளங்களை தக்க வைக்க உதவும். தகவல் தொழில்நுட்ப வளர்ச்சி இதற்கு உதவியாக இருக்கும். றியூனியன் தீவில் உள்ள மக்கள் தமது மொழி கலாச்சாரம் பண்பாட்டைத் அழித்தொழித்தவிட்டால் எங்கிருந்து இது வரும் என்பது புரிதல் அல்ல. வேறு வேறு இனங்கள் வாழும் தேசத்திற்கு புலம்பெயர்ந்துவிட்டால் தலமுறைகள் தாண்டும் போது எமது இன அடயாளங்கள் காணாமல் போவது தவிர்க்க முடியாத நிகழ்வு. அவற்றை எவ்வாறு தக்கவைப்பது என்பது தான் இங்கு முன்வைக்க முயலும் கருத்துக்கள்..
  9. உண்மையில் அறிய முடியாததொன்று தான். இதற்கு பல தரப்பில் இருந்து காரணங்களை ஒவ்வொருவரும் உணர முடியும். மீனுக்கு தண்ணீரில் பலம் போல் யானைக்கு காட்டில் பலம்போல் பெறுமதியை உணர்வதற்கு தாயகம் ஒன்றையே மனம் அதரமாக உணர்கின்றது ஆனால் பேரினவாதத்திற்கு அடிமைப்பட்ட தேசத்தில் எமது பெறுமதி இங்கிருப்பதை விட மோசமானநிலையில் இருக்கும். வாழ்க்கை வெளிச்சத்தை நோக்கி நகர்கின்றதா இல்லை சூனியத்தை நோக்கி நகர்கின்றதா என்பதற்கு விடையின்றியே முடிகின்றது. உங்கள் பின் பந்திக்கு முன்பந்தியில் பதில் இருப்பது போலும் உள்ளது. உங்கள் முதல் பந்தியின் கொண்டாட்டம் குறித்து பார்க்கையில், கொண்டாடத் தெரியாதவனா இல்லை இங்கு வெற்றியின் கொண்டாட்டத்தில் ஈடுபடும் போது வேறெங்கோ அல்லது வேறெதிலோ தோற்கின்றேன் என்று உணர்வு மேலோங்குகின்றதா என்ற தர்ம சங்கடத்தில் காலம் கரைகின்றது. அறிதலே கடந்து செல்லுதல்" பல வருடங்களுக்கு முன்னர் படித்த பழமொழி பலதையும் அறிந்துகொள்ளவும் வாசிக்கவும் பெருந்தூண்டுதலாக இருந்தது. இன்றைய காலத்தில் இந்த தூண்டுதல் ஒரு ஐயத்தை தோற்றுவிப்பது போலும் உள்ளது.. வழக்கம் போல சிந்தனையை தூண்டும் உங்கள பதிவிற்கு நன்றி. உங்களை கண்டதிலும் மகிழ்ச்சி.
  10. கார்காலம் கார்காலம் குறித்து பாமயன் அவர்களின் உரை முன்பனிக் காலம் குறித்து நக்கீரன்அவர்களின் உரை
  11. இலங்கையில் பொளத்த பேரினவாத அரசிடம் இருந்து தமிழர்களுக்கான அடிப்படை உரிமைகளை அடையும் முயற்சியில் அரசியல் அணுகுமுறையில் முன்னேற்றம் அற்ற நிலையிலேயே ஆயுதப்போராட்டம் உருவாகியது. இவ் ஆயுதப்போராட்டம் வலுவடையும்போது ஆயுதப்போராட்டத்தில் இருந்து அந்நியப்பட்டும் ஆயுதப் போராட்டத்தை எதிர்த்தும் அல்லது சந்தேகத்திற்கு இடமாக செயற்பட்ட அரசியல் முன்னெடுப்புகள் அது சார்ந்த செயற்பாடுகள் இயல்பாக எதிர்க்கப்பட்டது. கொலைகள் நடைபெற்றது. எதிர்காலத்தில் மீள ஒரு ஆயுதப்போராட்டம் தோன்றினாலும் அதற்கு அந்நியப்பட்ட அரசியல் செயற்பாடுகள் எதிர்க்கப்படும். கொலைகள் நடைபெறும். இவ்வாறான நிகழ்வுகளை அந்தந்த காலச் சமூக அரசியல் சூழலே தீர்மானிக்கும். தமிழ்ச்சமூகத்தில் உள்ள சமூக முரண்பாடுகள் சாதீயத் தளங்களின் பண்பாட்டு உளவியல் அமைப்பு, மத பிரிவினைகள், மதப் பிரிவினைகள் எனும்போது இஸ்லாமிய இந்து முரண்பாடுகள், கத்தோலிக்க இந்து இணக்கப்பாடும் அதே நேரம் புரட்டஸ்தாந்து இந்து எதிர்ப்பு நிலைப்பாடும். (நவாலி தேவாலயப் படுகொலையை சிங்களப் பேரினவாதிகளை முந்திக்கொண்டு கதிர்காமர் நியாயப் படுத்தியதற்கும் சிங்களத்திற்கு வக்காலத்து வாங்கியதற்கும் UTHR அமைப்பின் சதிப்பிரச்சாரங்களும் புரட்டஸ்தாந்து முரண்பாடுகளை தவிர்த்துப் பார்க்க முடியாது) இதற்கு அப்பால் பிரதேசவாதப் பேதங்கள், புத்திஜீவிகள் என்றழைக்கப்படுவோர்க்கும் பொளத்த பேரினவாதகளுக்கும் இடையேயான அனுசரிப்பு போக்கு, புறநிலையில் இந்திய மத்திய ஆழும்வர்க்கத்தின் பிரித்தாளும் சூழ்ச்சி விழையாட்டுக்களில் சிக்குண்ட ஆயுதமேந்திய இயக்கங்களும் என ஜனநாயகத்திற்கு சம்மந்தமில்லாத ஒரு தளச் சூழுலில் நடந்த ஆயதப்போராட்டத்தில் தியாகங்கள் அர்பணிப்புகள் படுகொலைகள் ஜனநாயகம் பயங்கரவாதம் அனைத்தும் இருந்தது. இனி ஒரு ஆயுதப்போராட்டம் ஆரம்பித்தாலும் இவை அனைத்தும் இருக்கும் ஏனெனில் போராட்டத்திற்கு முன்னரும் போராட்டகாலத்திலும் போராட்டத்தின் பின்னரான தற்போதும் அரசியலும் ஆயுதப்போராட்டமும் நடக்கும் தளம் ஒன்றுதான். அதில் எந்த மாற்றமும் ஏற்படவில்லை. ஏற்படவும் முடியாது.
  12. சண்டமாருதன்

    கொரியாவும் தமிழ் இளவரசியும்

  13. இணைப்பிற்கு நன்றிகள்.. எம்மவர்கள் அன்றாட உரையாடல் இயல்பையே மேடைப்பேச்சுத்தமிழாகவும் பாவிப்பதால் விவாதம் போல் இந்நிகழ்வை உணரமுடியவில்லை ஒரு நடுவரைவைத்து இரு தரப்பு உரையாடுவதுபோல் இருக்கின்றது. இருந்தும் நல்ல முயற்சி.
  14. புலம்பெயர்ந்த மக்கள் பலருக்குள்ள நியாயமான பயஉணர்வை வெளிப்படுத்தியுள்ளது இந்த ஆக்கம். அடுத்தடுத்த தலைமுறைகள் கலப்பினமாக மாறுவது தவிர்க்கமுடியாத நிகழ்வுப்போக்கு. உலகமயமாக்கலும் தொழில்நுட்ப வளர்ச்சியும் தனித்துவங்களை வேகமாக சிதைக்கின்றது. இவற்றில் பல நன்மைகளும் தீமைகளும் இருக்கின்றது. எல்லாம் மாற்றத்துக்கு உட்பட்டதே என்பதை இயல்பாக ஏற்பதுதான் ஆரோக்கியமானது. அந்நியோன்யமான உறவு, தனித்துவமான கலாச்சாரம் பண்பாடு எல்லாம் புலம்பெயர் தேசத்தில் மட்டுமில்லை ஊரில் கூட கேள்விக்குரியதே. இங்கு நிற வேற்றுமை என்றால் அங்கு சாதியம் என்ற கசப்புகள் உட்பட ஏராளமான பிரச்சனைகள் இருக்கின்றது. இதனால் எங்கும் நாம் தனித்தனித் தீவுகள் தான். அடுத்தடுத்த தலைமுறைகளால் இந்த நிலமை கூட மாற வாய்ப்பிருக்கின்றது. புலம்பெயர் அடுத்தடுத்த தலைமுறைகளால் பல நல்ல மாற்றங்களும் அடிப்படையில் எமது இனத்திற்கு ஏற்படும் வாய்ப்புள்ளது. எமது மனமும் தளமும் அடிப்படையில் பரந்துபட்டதாக மாறுவது புதிய தலமுறைகளுக்கு நல்லது. ஈழத்தமிழர் இப்போது கனடா தமிழர் இங்கிலாந்து தமிழர் என்று பல பிரிவுகளாக விரிவடைகின்றார்கள்.. பிரெஞ்சு டொச்சு ஜெர்மன் என்று பல அடயாளப் பின்புலங்களோடு இணைகின்றார்கள். தாய்த்தமிழகம் உட்பட உலகின் உள்ள அனைத்து தமிழர்களும் ஒரு பொது தன்மைக்குள் வருவதும் உறவுகள் ஏற்படுவதும் இந்த ஆக்கம் வெளிப்படுத்தும் எதிர்கால தலமுறைகள் குறித்த ஐயத்திற்கு தீர்வாக அமையலாம். உலகின் தற்போதைய நகர்வோடு எமது இனம் இவ்வாறுதான் ஒத்திசைந்து போவது ஆரோக்கியமாக அமையும் அதற்கு எதிர்த்திசையில் தலமுறைகளை எமது கைக்குள் வைத்துக்கொள்வதும் தனித்துவங்கள் என்ற பேர்வையில் குறுகிய வட்டத்துக்குள் மேலும் மேலும் செல்வதும் அதையே சிறந்தது என்று எண்ணுவதும் தற்போதைய உலகப்போக்கிற்கு எதிர்த்திசையில் செல்வதாக அமையும்.