nunavilan

கருத்துக்கள நிர்வாகம்
  • Content Count

    38,135
  • Joined

  • Last visited

  • Days Won

    25

nunavilan last won the day on May 20

nunavilan had the most liked content!

Community Reputation

2,485 நட்சத்திரம்

2 Followers

About nunavilan

  • Rank
    நிர்வாகம்
  • Birthday 02/16/1980

Profile Information

  • Gender
    Male
  • Location
    USA

Recent Profile Visitors

16,240 profile views
  1. மக்களுக்கு கோடி பிரச்சனைகள் உள்ளன. இவர்கள் சிலை வைப்பதிலேயே காலத்தையும் பணத்தையும் விரயமாக்குகிறார்கள்.
  2. நிழலிக்கு இனிய பிறந்த நாள் வாழ்த்துக்கள். அண்மையில் பிறந்த நாள் கொண்டாடிய சகாறா, ரகுனாதன் ஆகியோருக்கும் பிந்திய பிறந்த நாள் வாழ்த்துக்கள்.
  3. ISIS குர்ஆனை ஆதாரம் காட்டி மக்களைக் கொலை செய்வது போன்றுதான் ஐ.தே.க.யின் நிலை- டளஸ் ஐக்கிய தேசியக் கட்சியின் தலைவர்கள் ஜனநாயகம் குறித்து கருத்துத் தெரிவிப்பதற்கு உதாரணம், ஐ.எஸ்.ஐ.எஸ். பயங்கரவாதிகள் புனித குர்ஆனை ஆதாரம் காட்டி மனிதர்களின் கழுத்தை வெட்டிக் கொலை செய்வதைப் போன்றது என பொதுஜன பெரமுனவின் பாராளுமன்ற உறுப்பினர் டளஸ் அழகப்பெரும தெரிவித்தார். ஐக்கிய தேசியக் கட்சி எம்மைப் பார்த்து அரசியலமைப்பு சதிகாரர்கள் எனக் கூறுகின்றனர். உலகில் எந்தவொரு நாட்டிலாவது அரசியலமைப்புக்கு எதிராக செயற்படுபவர்கள் யாராவது தேர்தலைக் கேட்டு போராட்டம் நடாத்தியிருக்கின்றார்களா? இருந்தால், ஒரு உதாரணம் கூறுங்கள் எனவும் அவர் மேலும் கூறினார். இன்று (14) கொழும்பில் நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவிக்கையில் அவர் இதனைக் குறிப்பிட்டார். http://www.dailyceylon.com/173956
  4. மஹிந்த தலைமையில் விசேட கலந்துரையாடல் ! முன்னாள் ஜனாதிபதி மஹிந்த ராஜபக்ஷவுக்கும் ஸ்ரீ லங்கா பொதுஜன பெரமுனவைப் பிரதிநிதித்துவப்படுத்தும் பாராளுமன்ற உறுப்பினர்கள் குழுவுக்கும் இடையிலான கூட்டமொன்று தற்பொழுது கொழும்பு விஜேராம மாவத்தையிலுள்ள மஹிந்த ராஜபக்ஷவின் உத்தியோகபுர்வ வாசஸ்தலத்தில் நடைபெறுவதாக கூறப்படுகின்றது. இந்த கூட்டத்தில் ஸ்ரீ லங்கா சுதந்திரக் கட்சியைப் பிரதிநிதித்துவப்படுத்தும் எம்.பி.க்களும் கலந்து கொண்டுள்ளதாகவும் தகவல்கள் தெரிவிக்கின்றன. மஹிந்த ராஜபக்ஷவின் இராஜினாமா உரை இன்று காலை 9.00 மணிக்கு இடம்பெறவுள்ளதாக ஏற்கனவே அறிவிக்கப்பட்டுள்ள நிலையில் இக்கூட்டம் நடைபெறுகின்றமை குறிப்பிடத்தக்கது. http://www.dailyceylon.com/173977
  5. கரு வீட்டில் ஒரு மணி நேரம் ரணிலுடன் மனம் விட்டுப்பேசினார் மைத்திரி சிறிலங்கா அதிபர் மைத்திரிபால சிறிசேனவுக்கும், ஐக்கிய தேசியக் கட்சியின் தலைவர் ரணில் விக்கிரமசிங்கவுக்கும் இடையில் நேற்றுமுன்தினம் இரவு நீண்ட சந்திப்பு ஒன்று இடம்பெற்றதாக தற்போது தகவல்கள் வெளியாகியுள்ளன. நாடாளுமன்றக் கலைப்பு தொடர்பான, சிறிலங்கா அதிபரின் அரசிதழ் அறிவிப்பு சட்டவிரோதமானது என்று உச்சநீதிமன்றம் நேற்றுமுன்தினம் மாலை அறிவித்திருந்தது. இதையடுத்து, சிறிலங்கா அதிபர் மைத்திரிபால சிறிசேனவுடன், சபாநாயகர் கரு ஜெயசூரியவும், ரணில் விக்கிரமசிங்கவும் மூடிய அறைக்குள் இரகசிய பேச்சு நடத்தியதாக செய்திகள் வெளியாகியிருந்தன. இந்தப் பேச்சு 10 நிடங்களே இடம்பெற்றது என்று முன்னர் தகவல்கள் வெளியாகியிருந்த போதும், ஒரு மணித்தியாலம் இந்தச் சந்திப்பு இடம்பெற்றதாகவும், புதிய தகவல்கள் தெரிவிக்கின்றன. சபாநாயகர் கரு ஜெயசூரியவின் இல்லத்திலேயே இந்தச் சந்திப்பு இடம்பெற்றிருக்கிறது. சுமுகமான சூழலில் நடத்தப்பட்ட பேச்சுக்களை அடுத்தே, ரணில் விக்கிரமசிங்கவுக்கு மீண்டும் பிரதமர் பதவியை வழங்க சிறிலங்கா அதிபர் இணங்கியுள்ளார். நேற்றிரவு மீண்டும் ரணில் விக்கிரமசிங்கவும், சிறிலங்கா அதிபர் மைத்திரிபால சிறிசேனவும், தொலைபேசியில் உரையாடினர். இதன்போதே, நாளை காலை ரணில் விக்கிரமசிங்க பிரதமராகப் பதவியேற்பது என்று முடிவாகியுள்ளது. முன்னதாக, ரணில் விக்கிரமசிங்கவை மீண்டும் பிரதமராக நியமிக்கமாட்டேன் என்று, சிறிலங்கா அதிபர் கூறிவந்தார். எனினும், உச்சநீதிமன்றத்தை தீர்ப்பை அடுத்து, ரணில் விக்கிரமசிங்கவுடன் நடத்திய பேச்சுக்களின் பின்னரே அவர் தனது இறுக்கமான பிடிவாதத்தில் இருந்து விலகினார் என்றும் கூறப்படுகிறது. http://www.puthinappalakai.net/2018/12/15/news/35363
  6. புதிய அமைச்சர்களின் பட்டியல் இன்று மைத்திரியிடம் கையளிப்பு சிறிலங்காவின் புதிய பிரதமராக நாளை பதவியேற்பார் என்று எதிர்பார்க்கப்படும் ரணில் விக்கிரமசிங்க தமது அமைச்சரவையின் பட்டியலை இன்று சிறிலங்கா அதிபரிடம் கையளிப்பார் என தகவல்கள் தெரிவிக்கின்றன. சிறிலங்கா அதிபர் மைத்திரிபால சிறிசேன முன்னிலையில் நாளை காலை 10 மணிக்கு, ரணில் விக்கிரமசிங்க பிரதமராக பதவியேற்பார் என்று, ஐதேக வட்டாரங்கள் உறுதிப்படுத்தியுள்ளன. புதிய அமைச்சர்களின் பதவியேற்பு நாளை மறுநாள் திங்கட்கிழமை இடம்பெறலாம் என்றும் எதிர்பாார்க்கப்படுகிறது. அதேவேளை, ரணில் விக்கிரமசிங்கவின் அமைச்சரவையில் இடம்பெறவுள்ள அமைச்சர்களின் பட்டியலைத் தயாரிக்கும் பணி நேற்றிரவு அலரி மாளிகையில் இடம்பெற்றது. ரணில் விக்கிரமசிங்க, சஜித் பிரேமதாச உள்ளிட்ட ஐதேக தலைவர்களும், ஐக்கிய தேசிய முன்னணியின் தலைவர்களும் இதுதொடர்பான ஆலோசனைகளில் ஈடுபட்டனர். இன்று அமைச்சர்களின் பட்டியலை சிறிலங்கா அதிபரிடம் ரணில் விக்கிரமசிங்க, கையளிப்பார் என்று அதிபர் செயலக வட்டாரங்கள் தகவல் வெளியிட்டுள்ளன. 19 ஆவது திருத்தச்சட்டத்துக்கு அமைய, 30 அமைச்சர்கள் மற்றும், பிரதி அமைச்சர்கள் மற்றும் இராஜாங்க அமைச்சர்கள் 45 பேரை மட்டுமே நியமிக்க முடியும். இந்த அமைச்சரவையில் சிறிலங்கா சுதந்திரக் கட்சியை சேர்ந்த 6 பேரும் இடம்பெறும் வாய்ப்புகள் இருப்பதாக தகவல்கள் தெரிவிக்கின்றன. http://www.puthinappalakai.net/2018/12/15/news/35374
  7. மகிந்தவின் விலகல் நடந்தது எப்படி?- சமந்தா பவர் கூறும் காரணம் சிறிலங்கா மக்கள், சிவில் சமூகம், சுதந்திர ஊடகங்கள், நீதிமன்றம் ஆகியவற்றினால் தான், பிரதமர் பதவியில் இருந்து மகிந்த ராஜபக்ச பதவி விலகும் நிலை ஏற்பட்டுள்ளது என்று ஐ.நாவுக்கான அமெரிக்காவின் முன்னாள் தூதுவர் சமந்தா பவர் தெரிவித்துள்ளார். சிறிலங்காவின் பிரதமர் பதவியில் இருந்து மகிந்த ராஜபக்ச விலகிக் கொள்ள முடிவு செய்திருப்பதாக நேற்றுமாலை, தகவல் வெளியானதை அடுத்தே, அவர், சிறிலங்கா மக்கள், சிவில் சமூகம், சுதந்திர ஊடகங்கள், நீதிமன்றம் ஆகியவற்றினால் தான், இது நடந்திருக்கிறது என்று குறிப்பிட்டுள்ளார். அதேவேளை, நாடாளுமன்றத்தைக் கலைத்து சிறிலங்கா அதிபர் மைத்திரிபால சிறிசேன வெளியிட்ட அரசிதழ் அறிவிப்பு சட்டவிரோதமானது என்று உச்சநீதிமன்றம் அளித்த தீர்ப்புக் குறித்து கருத்து வெளியிட்டுள் சமந்தா பவர், “இது சிறிலங்காவின் ஜனநாயகத்துக்குக் கிடைத்த மிகப் பெரிய வெற்றி” என்று கூறியுள்ளார். “இதிலிருந்து சிறிசேன செய்தியைப் பெற்றுக் கொள்ள வேண்டும். பிளவுகள் ஆழமாக முன்னர் இந்த பிரச்சினையைத் தீர்ப்பதை நோக்கி நகர வேண்டும்” என்றும் அவர் குறிப்பிட்டுள்ளார். தனது கீச்சகப் பதிவுகளில் சமந்தா பவர் இந்தக் கருத்துக்களை வெளியிட்டிருக்கிறார். http://www.puthinappalakai.net/2018/12/15/news/35360
  8. சுதந்திரக் கட்சி எம்.பிக்கள் தனியாக ஆலோசனை சிறிலங்கா சுதந்திரக் கட்சியின் நாடாளுமன்ற உறுப்பினர்களின் குழுவொன்று தமது எதிர்கால அரசியல் நடவடிக்கை தொடர்பாக தற்போது ஆலோசனையில் ஈடுபட்டுள்ளதாக தகவல்கள் தெரிவிக்கின்றன. கொழும்பில் உள்ள ஐக்கிய மக்கள் சுதந்திர முன்னணியின் பொதுச்செயலரான நாடாளுமன்ற உறுப்பினர் மகிந்த அமரவீரவின் இல்லத்திலேயே இந்தக் கலந்துரையாடல் இடம்பெற்று வருகிறது. ஐக்கிய தேசிய முன்னணி அரசாங்கத்தில் இணைந்து செயற்படுவது குறித்தே இவர்கள் ஆலோசனைகளை நடத்தி வருவதாக நம்பகமான வட்டாரங்களில் இருந்து தெரியவருகிறது. சிறிலங்கா சுதந்திரக் கட்சியின் எத்தனை நாடாளுமன்ற உறுப்பினர்கள் இந்தக் கூட்டத்தில் பங்கேற்றுள்ளனர் என்பது தொடர்பான தெளிவான விபரங்கள் இன்னமும் கிடைக்கவில்லை. http://www.puthinappalakai.net/2018/12/15/news/35377
  9. மைத்திரி இருக்கும் வரைக்கும் திடுக்கிடும் அரசியல் மாற்றங்கள் தொடரும்.
  10. அசைவ முத்தமா… உன் செவ்விதழ்கள் செந்தேன் சுரக்க… என் செவ்வாயில் முத்தத்தால் ஒரு பூகம்பம்… கனவில் நீ அள்ளி தரும் அசைவ முத்தமா… By… அவள் விழிகளில் இதயத்தைத் தொலைத்தவன்… N.AJNESSH http://ajnesshn.blogspot.com/2017/01/blog-post_52.html
  11. தேசத்தின்குரல் அன்ரன் பாலசிங்கம் அவர்களின் மறைவு தமிழீழ மக்கள், விடுதலைப்போராட்டபாதையில் இன்றும் நிரப்பமுடியாத இடமாக காணப்படுகின்றது, தமிழீழ தேசியத்தலைவர் அவர்களால் ஆழமாக நேசித்த ஒரு விடுதலைவீரனாக அன்ரன் பாலசிங்கம் அவர்கள் காணப்பட்டார். தமிழீழ விடுதலைப்போராட்டத்தின் தொடக்காலத்தில் இருந்து செயற்பட்ட பாலா அண்ணா விடுதலை இயக்கத்தின் பிதாவாக காணப்பட்டார். தமிழீழ தேசியத்தலைவர் அவர்களுக்கும் விடுதலைப் போராளிகளுக்கும் உலக போராட்ட வரலாறுகளை எடுத்துக் கூறி பல்வேறு நாடுகளின் அரசியலாளர்களின் தொடர்புகளை ஏற்படுத்தி அதனுடாக விடுதலைக்கான உழைப்பினை மேற்கொண்டதில் தேசத்தின்குரல் முதன்மையானவர். தமிழீழ விடுதலைப் போராட்டத்தில் தனது துணைவியினையும் இணைத்துக் கொண்ட ஒரு மூத்தஅரசியல் போரளியாக,ஒரு மதியுரைஞராக, தத்துவ ஆசிரியராக, தமிழீழ தேசியத்தலைவர் அவர்களுக்கு அருகில் இருந்து விடுதலைப் போராட்டததிற்கு ஊக்கமும் ஆக்கமும் அளித்துள்ளார். பரந்து வாழும் உலகத்தில் தமிழ்மக்கள் பெருமை கொள்ளும் வகையில் அரசியல் உலகிலும் இராஜ தந்திர உலகிலும் முடிவில்லா சாதனை புரிந்து தமிழ் மக்களின் சுதந்திர போராட்டத்தை உலக அரங்கில் முன்னிறுத்திய பெரும் போராட்டப் பணிக்காக தமிழீழத் தேசியத் தலைவர் அவர்கள் தேசத்தின் குரல் என்ற மாபெரும் மதிப்பினை வழங்கி மதிப்பளித்தார். தாயகத்தில் போர் உக்கிரம் பெற்ற கால கட்டப் பகுதிகளில் தாயத்தில் இருந்து கொண்டு அரசியல் செயற்பாடுகளை நகர்த முடியாத சூலலிலும் உடல் நலத்தினை கருத்தில் கொண்டும் கடற்புலிகளின் சிறப்பு பாதுகாப்புடன் கடல் வழியாக பன்னாட்டிற்கு சென்று பன்னாடுகளுக்கு தமிழ் மக்களின் அரசியல் செயற்பாடுகளை எடுத்து கூறி, 2002 ஆம் ஆண்டு ஸ்ரீலங்கா அரசுடன் ஏற்பட்ட போர்நிறுத் உடன்பாட்டிற்கு முதன்மை வகித்தார். ஸ்ரீலங்கா அரசின் பல மறை முக எதிர்புக்களுக்கு மத்தியிலும் உயில் அச்சுறுத்தல்களுக்கு மத்தியிலும் விடுதலைப் பற்றுக் கொண்டவனாக அன்று இரணைமடு குளத்தில் விமானத்தில் வந்திறங்கி தனது அரசியல் சக்தியினை ஸ்ரீலங்கா அரசிற்கு தெரியப்படுத்தினார். அதனை தொடர்ந்து தாய்லாந்து தொடக்கம் ஜெனீவா வரையான பலசுற்று பேச்சுவார்தைகளில் பங்கொடுத்து தமிழ் மக்களின் அரசியல் வேட்கையினை உலகிற்கு எடுத்துக்கூறி ஸ்ரீலங்காஅரசாங்கத்துடன் பேச்சுக்களில் ஈடுபட்டு பிரிகேடியர் சு.ப.தமிழ்செல்வன் அவர்களை தனக்கு அடுத்த அரசியல் செயற்பாட்டாளனாக வளர்த்தெடுத்த பெருமை அன்ரன் பாலசிங்கம் அவர்களை சாரும் தமிழீழ மண்ணில் பலகல்விக் கூடங்களையும் அரசியல் நிர்வாக அலகுகளின் அலுவலங்களையும் திறந்து வைத்தும் பல போராளிகளுக்கு அரசியல் வகுப்புக்களை கற்பித்த எங்கள் ஆசானாக என்றும் அவர் எங்கள் மனங்களில் நிறைந்திருப்பார். ஸ்ரீலங்கா அரசு போர்நிறுத்த மீறல்களை மேற்கொண்டு தமிழர் தாயகப் பரப்பில் அத்துமீறிய போர் நடவடிக்கையினை மேற்கொண்ட கால கட்டப்பகுதியான 2006ம் ஆண்டு காலகடத்தில் உடல் உபாதையால் பாதிப்புற்ற அன்ரன் பாலசிங்கம் அவர்கள் 2006ம் ஆண்டு மார்கழி 14ம் தேதி தமிழ்மக்களை விட்டு பிரிந்து சென்றார். தாய்மண்ணின் விடியலில் நாளும் அயாராது உழைத்து தலைவனின் நினைவிலும், தமிழ் மக்களின் நெஞ்சங்களையும் நிறைத்து மாவீரர்களுடன் தமிழீழக் காற்றில் கலந்த தேசத்தின் குரல் அன்ரன் பாலசிங்கம் அவர்களுக்கு வீரவணக்கத்தை தெரிவித்துக் கொள்கின்றோம். பதிவு வேர்கள் இன்று (Dec 14) மதியுரைஞர் கலாநிதி அன்டன் பாலசிங்கம் அவர்கள் மறைவு நாள். (1938-2006) தனது வாழ்நாளை தமிழினத்தின் விடிவுக்காக அர்ப்பணித்து வாழ்ந்து மறைந்த பெருந்தகை. தலைவரின் பெருமதிப்பு பெற்ற எமது தேசத்தின் குரல் ஓய்ந்து போகாது இருந்திருந்தால், தோல்வி என்பதை தமிழினம் காணாதிருந்திருக்கும். தமிழினம் உள்ளவரை உங்கள் அருமையும் பெருமையும் பேசப்படும். இந்நாளில் கண்ணீருடன் வணக்கம் செலுத்தி, ஆத்மா சாந்தியடைய பிரார்த்திக்கிறேன் !
  12. நாடாளுமன்றம் கலைக்கப்பட்டமை யாப்புக்கு முரணானதென உயர் நீதிமன்றம் தீர்ப்பு- சர்வஜன வாக்கெடுப்பு நடத்த மைத்திரி தீர்மானம் நீதியரசர்களின் தீர்ப்பை ஏற்க வேண்டும் என்ற அவசியம் இல்லையென மகிந்த தரப்பு விளக்கம் இலங்கை ஒற்றையாட்சி அரசாங்கத்தின் ஜனாதிபதி மைத்திரிபால சிறிசேன நாடாளுமன்றத்தின் ஆயுட்காலம் நான்கரை வருடங்கள் நிறைவடைவதற்கு முன்னர் நாடாளுமன்றத்தைக் கலைத்தமை தவறானது என்றும், அவ்வாறு கலைக்க வேண்டுமானால் நாடாளுமன்றத்தில் மூன்றிலிரண்டு பெரும்பான்மையை நிரூபிக்க வேண்டியது அவசியம் எனவும் இலங்கை உயர்நீதிமன்றம் தீர்ப்பளித்துள்ளது. இலங்கை நாடாளுமன்றம் கலைக்கப்பட்டதாக மைத்திரிபால சிறிசேன கையொப்பமிட்டு வெளியிட்ட இலங்கை அரச வர்த்தமானி அறிவித்தலை சவாலுக்கு உட்படுத்தி தாக்கல் செய்யப்பட்ட மனுக்கள் மீதான விசாரணையை அடுத்து இந்தத் தீர்ப்பு இன்று வியாழக்கிழமை மாலை ஏழு பேர் கொண்ட நீதியரசர்கள் குழுவினால் வெளியிடப்பட்டுள்ளது. நாடாளுமன்றம் கலைக்கப்பட்டதையடுத்து நவம்பர் 12 ஆம் திகதி ஐக்கிய தேசியக் கட்சி, தமிழ்த்தேசியக் கூட்டமைப்பு. ஜே.வி.பி ஆகிய கட்சிகளும் பொது அமைப்புகளும் அடிப்படை உரிமை மீறல் மனுக்களைத் தாக்கல் செய்திருந்தன. இந்த மனுக்களை விசாரணை செய்த உயர் நீதிமன்றம், நாடாளுமன்றம் கலைக்கப்பட்டமை 19 ஆவது திருத்தச் சட்டத்திற்கு முரணானது எனக் குறிப்பிட்டு மைத்திரிபால சிறிசேன கையொப்பமிட்டு வெளியிட்ட இலங்கை அரச வர்த்தமானி அறிவித்தலுக்கு இடைக்காலத் தடை விதித்திருந்தது. இதனால் நாடாளுமன்றம் மீண்டும் 14 ஆம் திகதி கூடியது. ரணில் விக்கிரமசிங்கவை மீ்ண்டும் பிரதமராக நியமிக்க வேண்டும் என ஐக்கிய தேசியக் கட்சியை மையப்படுத்திய ஐக்கிய தேசிய முன்னணியும் தமிழ்த் தேசியக் கூட்டமைப்பும் தொடர்ந்தும் வலியுறுத்தி வந்தன. ரணில் விக்கிரமசிங்க மீதான நம்பிக்கைப் பிரேரணைகளும் நாடாளுமன்றத்தில் நான்கு தடவைகள் நிறைவேற்றப்பட்டுமிருந்தன. ஆனாலும் அதனை ஏற்க முடியாதென மைத்திரிபால சிறிசேனவும் தொடர்ச்சியாக மறுத்து வந்தார். இந்த நிலையில் ஏழு நீதியரசர்களைக் கொண்ட உயர் நீதிமன்றம் இன்று மாலை அந்த இடைக்காலத் தடை உத்தரவை உறுதிப்படுத்தி நாடாளுமன்றம் கலைக்கப்பட்டமை அரசியல் யாப்பின் 19 ஆவது திருத்தத்தச் சட்டத்திற்கு முரணானது என்று தீர்ப்பளித்துள்ளது. பிரதம நீதியரசர் நளின் பெரேரா தலைமையில் நீதியரசர்கள் பிரசன்ன ஜயவர்தன, பிரியந்த ஜயவர்தன, புவனேக அலுவிஹாரே, விஜித் மலல்கொட, சிசிர டீ ஆப்ரூ, முருது பெர்னாண்டோ ஆகியோர் கொண்ட நீதியர்குழு மனுக்களை விசாரித்தனர். குறித்த மனுக்களுக்கு எதிராக கடந்த நவம்பர் 13 ஆம் திகதி இடைக்காலத் தடையுத்தரவு பிறப்பித்திருந்தபோது மூன்று நீதியரசர்களே விசாரணைகளை நடத்தியிருந்தனர். ஆனால் இந்த மனுக்கள் அரசியல் யாப்பு நெருக்கடி தொடர்பானது என்பதால் முழு நீதிமன்றமும் விசாரணை நடத்த வேண்டும் எனக் கோரி மகிந்த தரப்புக்கு சார்பான முன்னாள் அமைச்சர் பேராசிரியர் பீரிஸ் மனு ஒன்றைத் தாக்கல் செய்திருந்தார். இதனால் ஏழுபேர் கொண்ட நீதியர்களை உயர் நீதிமன்ற பிரதம நீதியரசா் நியமித்திருந்தார். அதேவேளை, அரசியல் யாப்பின் பிரகாரம் உயர் நீதிமன்றத் தீர்ப்பை ஏற்க வேண்டும் என்ற அவசியம் ஜனாதிபதிக்கு இல்லை என மகிந்த தரப்பு உறுப்பினர் தினேஸ் குணவர்த்தன இன்று மாலை கொழும்பில் செய்தியாளர்களிடம் கூறியுள்ளார். ஆனால் உயர் நீதிமன்றத் தீர்ப்புக்கு மதிப்பளித்துச் செயற்பட வேண்டும் எனவும் பிரதமர் பதவியில் இருந்து விலக்கப்பட்ட ரணில் விக்கிரமசிங்க ஜனாதிபதி மைத்திரியிடம் கோரியுள்ளார். நாடாளுமன்றத்தைக் கலைத்து பொதுத் தேர்தல் ஒன்றை நடத்தலாமா இல்லையா என்பது குறித்து சர்வஜன வாக்கெடுப்பு நடத்தும் அறிவிப்பு ஒன்றை ஜனாதிபதி மைத்திரிபால சிறிசேன வெளியிடுவார் என உள்ளகத் தகவல்கள் கூறுகின்றன. https://www.koormai.com/pathivu.html?therivu=599&vakai=1