சுப.சோமசுந்தரம்

கருத்துக்கள உறவுகள்
  • Content Count

    142
  • Joined

  • Last visited

  • Days Won

    1

சுப.சோமசுந்தரம் last won the day on May 5

சுப.சோமசுந்தரம் had the most liked content!

Community Reputation

143 Excellent

About சுப.சோமசுந்தரம்

  • Rank
    உறுப்பினர்
  • Birthday 06/24/1960

Profile Information

  • Gender
    Male
  • Location
    Tirunelveli, Tamilnadu, India
  • Interests
    Literature - Classical and Modern, Social and Union Activities
  1. சுப.சோமசுந்தரம்

    கோலமாவு கோகிலா திரை விமர்சனம்

    ஏற்கெனவே நவீனன் அவர்கள் பதிவு செய்துள்ளதை நான் கவனிக்கவில்லை . நன்றி.
  2. சுப.சோமசுந்தரம்

    கோலமாவு கோகிலா திரை விமர்சனம்

    Black Humour ல் அருமையாக ஆக்கப்பட்ட படம்தான். பொதுவாக இந்த genre ல் பெரிதாக லாஜிக் எதிர்பார்ப்பது இல்லை . லாஜிக் இல்லாமலும் அறிவுபூர்வமாகப் படம் எடுக்கலாம் என்பதற்கு இத்தகைய படங்கள் சாட்சி. நவீனன் அல்லது Nunavilan அடுத்து ' மேற்குத் தொடர்ச்சி மலை ' திரைப்பட விமர்சனத்தைப் பதிவு செய்யலாம். சமூக அக்கறையுடன் மிக நேர்த்தியாக எடுக்கப்பட்ட படம். வளர்ச்சி என்ற பெயரில் இன்று தமிழ்ச் சமூகம் தாக்குதல்களை எதிர்கொள்ளும் நேரத்திற்கு உகந்த படம்.
  3. ' நாங்களும் ஒழுங்கு நடவடிக்கை எடுப்போம்ல ' என்பது போல் இருக்கிறது நிர்வாகத்தின் நடவடிக்கை . இதுவரை குட்டைப் பாவாடை அணிந்து உள்ளாடை தெரிய விளையாடுகையில் போட்டியை மட்டுமா ரசித்தனர் (ரசித்தோம்) ? அப்போ ஆடையின்றி விளையாட வந்தால் என்றெல்லாம் அபத்தமாகக் கேட்காதீர்கள். அப்படி வந்தால் அப்புறம் யோசிப்போம். அதுவரை அதையே யோசியுங்கள் !
  4. " மேலோர்கள் வெஞ்சிறையில் வீழ்ந்து கிடப்பதும் நூலோர்கள் செக்கடியில் நோவதும் காண்கிலையோ ! " என பாரதி கையறு நிலையில் பாடிய அவலம் பாதகரால் மீண்டும் வந்த கொடுமை என்ன ! "விதியே , விதியே , தமிழச் சாதியை என் செய நினைத்தாய் எனக்குரையாயோ ? " என மீண்டும் பாரதி கர்ஜிப்பது கேட்கிறது . எந்த சமூகத்தின் பொறுமைக்கும் எல்லையுண்டு . அறம் தோற்றால் Tulpen அவர்கள் சொன்னது போல் அரம்(ஆயுதம்)தான் வழியோ ?
  5. சுப.சோமசுந்தரம்

    தமிழ் மொழியின், சிறப்பு.

    தோழர் ! ரூம் போட்டு யோசிக்கிறீங்களே ! உங்கள் கற்பனை வளம் மென்மேலும் பெருக வாழ்த்துக்கள்.
  6. ஜேர்மனிய ஜனாதிபதியின் பரந்துபட்ட பார்வையும் கருத்து வெளிப்பாடும் மானிடர்க்கு நம்பிக்கை அளிப்பவை.
  7. பாமரர் வழக்கே பாவலர் வழக்கு தேர்வு முடிவு வெளியானதும் மாணவன் ஒருவன் “அஞ்சும் (ஐந்தும்) பாஸ்” என மகிழ்ச்சியில் குதிக்கிறான். அவன் ஐந்தும் எனச் சொன்னதை வைத்து அவன் எழுதிய தேர்வுத் தாள்கள் மொத்தமே ஐந்து என்பது நமக்குப் புலனாகிறது. “இனைத்தென அறிந்த சினைமுதற் கிளவிக்கு வினைப்படு தொகுதியின் உம்மை வேண்டும்” என நவில்வது தொல்காப்பியம். மேற்கூறிய எடுத்துக்காட்டில் மொத்தம் இவ்வளவுதான் என (இனைத்தென) அறிந்த சினை முதற்சொல் (ஐந்து) வினைச்சொல்லுடன் இணையும் இடத்தில் (‘பாஸ்’ செய்தல் என்ற வினைப்படு தொகுதியில்) “உம்” வேண்டும். “அஞ்சும் பாஸ்” எனச் சொன்னவன் தொல்காப்பியனை அறிந்திலன்; அதனைக் கேட்டு மொத்தம் ஐந்து தாள்கள் எனப் புரிந்துகொண்ட யாமும் தொல்காப்பியம் அறிந்திலம். இதிலிருந்து நாம் தொல்காப்பியனைப் படிக்கவில்லை; தொல்காப்பியன்தான் நம்மைப் படித்தான் என்பது தெளிவு. மக்கள் பேசுவதற்காக இலக்கணம் அல்ல; மக்கள் பேசியதே இலக்கணம் என உலகிற்கு முதலில் உரைத்தவன் தொல்காப்பியன். உலக இலக்கணங்களுக்கே இலக்கணம் வகுத்தவன் அவன். இலக்கணமே இவ்வாறென்றால் இலக்கியம் பற்றிக் கேட்கவா வேண்டும்? மக்களுக்கான இலக்கியம் என்பதை விட மக்களே இலக்கியம் என்பதுதானே சாலப் பொருத்தம்? மின்னல் கீற்றாய் நினைவில் ஒளிரும் ஒன்றிரண்டு இடங்களைக் குறித்தல் ஈண்டு நம் கருத்துக்கு நிறைவாய் அமையும். எங்கள் இல்லத்தின் முற்றத்தில் ஒரு ஓரமாக முடங்கிக் கிடந்த உரலை ( ஒரு காலத்தில் உயிரோட்டமாய் இருந்து கிரைண்டர் யுகத்தில் தான் முடக்கப்பட்டதால் நம்மையும் முடங்க வைத்த பொருள்) நகர்த்த வேண்டியிருந்தது. தனியாளாய் நான் முயல, அந்நேரத்தில் வந்த என் ஆருயிர்த்தோழன், “எலே ! தனியாவா தூக்குத? ஒம் முதுகெலும்பு ஒடிஞ்சி இன்னிக்கு எழவுக் கொட்டு அடிக்கணும்ல !” என்றான். இந்த மிகைப்படுத்தலை வள்ளுவன் நலம் புனைந்துரைத்தலில் மக்களிடமிருந்து எடுத்தாளக் காணலாம் : அனிச்சப்பூ கால்களையாள் பெய்தாள் நுசிப்பிற்கு நல்ல படாஅ பறை மலர்களில் மென்மையானது அனிச்சம். அந்த அனிச்சப் பூவின் காம்பினைக் (கால்) களையாமல் சூடிக் கொண்டாள் (பெய்தாள்). மென்மை மலருக்கு மட்டுந்தானே ! காம்பிற்கு இல்லையே ! எனவே அக்காம்பின் கனத்தைக் கூடத் தாங்க இயலாத அவளது இடை வருத்தத்திற்கு (நுசிப்பிற்கு) – இடை ஒடிந்ததற்கு – நல்ல பறை படவில்லை (ஒலிக்கவில்லை). அஃதாவது சாப்பறை (இழவு கொட்டு) ஒலித்தது. உரலை நகர்த்தியதற்கு எலும்பொடிந்து சாவு நிச்சயம் எனும் மிகைப்படுத்தலை மிதமிஞ்சிய உயர்வு நவிற்சி அனிச்சத்தின் காம்பினால் இடையொடிந்து சாப்பறை ஒலித்தது. பாமரன் கோடு போட்டால் பாவலன் ‘ரோடு’ போட வேண்டாமா? அதுதானே இலக்கிய இன்பம் ! என் இளாம்பிராயத்தில் என் ஆச்சி (பாட்டி) அடுத்த வீட்டு ஆச்சியிடம் என் சேட்டைகள் குறித்து அங்கலாய்த்தாள், “ஒம் பேரன் என்னா சேட்டை பண்ணுதாங்கிற !”. நிஜத்தில் நான் இவளுக்குத்தான் பேரன். என்னை அவள் பேரன் ஆக்கியது அவர்களது நட்பின், உறவின் நெருக்கத்தைக் காட்டுவது. சில காலம் கழித்துத் தமிழாசிரியர், கம்பனின் யுத்த காண்டத்தில் “குகனொடும் ஐவர் ஆனோம்முன்பு பின் குன்று சூழ்வான் மகனொடும் அறுவரானோம் எம்முழை அன்பின் வந்த அகனமர் காதல் ஐயநின்னொடும் எழுவர் ஆனோம் புகலருங் கானம் தந்து புதல்வராற் பொலிந்தான் நுந்தை” என இராமன் வீடணனுக்குச் சொன்னதை எடுத்துரைத்த போது சத்தியமாக என் ஆச்சிதான் நினைவுக்கு வந்தாள். தயரதனின் நான்கு புதல்வரோடு குகனை ஐந்தாவதாக, சுக்ரீவனை (குன்று சூழ்வான்) ஆறாவதாக, அன்பினால் எதிரிக் கோட்டையிலிருந்து வந்த வீடணனை ஏழாவதாக வரிசைப்படுத்துகிறான் இராமன். அத்தோடு நின்றானில்லை. “அரிய கானக வாழ்வை எமக்குத் தந்து மென்மேலும் புதல்வர்களால் பொலிவு பெற்றான் உன் தந்தை” என்றான். வீடணனை உடன்பிறப்பாய் ஏற்ற இராமன் தன் தந்தையை உன் தந்தை எனச் சொல்லி உடன்பிறப்பு எனும் உறவை உடனே உறுதிப்படுத்தினான். தன் பேரனை உன் பேரன் என தோழியிடம் சொன்ன என் ஆச்சி கம்பனை அறிந்தாளில்லை. கம்பன் அவளை அறிந்திருக்கிறான் என்பதையுணர்ந்து வியந்துதான் போனேன். முதிய உறவினர் ஒருவர் வேண்டிய பொருள் தந்து பேணும் தம் மகனிடம், “அப்பப்போ குழந்தைகளைக் கொண்டு வந்து காட்டு. எத்தனையோ வேலை வந்துட்டதால என்னைச் சவலையாய் ஆக்கிடாத” எனும்போது மணிவாசகர் திருவாசகம் திருக்கோத்தும்பி எனும் பகுதியில் “நோயுற்று மூத்து நான் நுந்து கன்றாகி” என இறைவனிடம் இறைஞ்சுவது நினைவுக்கு வருவது தவிர்க்க இயலாத ஒன்று. பால்குடி மறவாத குழந்தை இருக்கையில் அடுத்த குழந்தையைப் பெற்றெடுத்த தாய்க்கு அந்த முதற் பிள்ளை சவலைப் பிள்ளை. இதே நிலை கன்றில் நுந்து கன்று. தன் தாத்தா தன்னை விட்டு ஊருக்குச் செல்லக்கூடாது என அடம்பிடித்த என் மகள் தாத்தாவின் கைகளை இறுகப்பற்றி “நீ எப்படிப் போவேன்னு பாக்குறேன்” என்று மல்லுக்கட்டும் போது மீண்டும் மாணிக்கவாசகர் திருவாசகம் ‘பிடித்த பத்து’வில் எம்பொருட்டுன்னைச் சிக்கெனப் பிடித்தேன் எங்கெழுந் தருளுவ தினியே என இறைவனிடம் மல்லுக்கட்டுவது நினைவில் நிழலாடுகிறதே ! இரண்டிலும் பிணைத்தது தப்பிக்க இயலாத அன்புச் சங்கிலியே ! இலக்கியச் சுவையுணர்ந்த பாமரர் பாவலர் படைத்த இலக்கிய வாழ்வுதனை நண்ணினார். அப்பாமரர்தம் வாழ்வுதானே இலக்கியம் எனப் பாவலர் எண்ணினார். - சுப. சோமசுந்தரம்
  8. சுப.சோமசுந்தரம்

    நினைவாற்றலை இழந்த மஹிந்த!

    கனவிலும் இந்த உலகம் மறக்க முடியாத கொடுமைகளை அரங்கேற்றிய உனக்கு நினைவில்லையா ? உன்னையும் தாங்கிச் சுழலும் இந்த பூமி சுக்குநூறாய் வெடிக்க மறந்ததால் நீயும் மறந்தனையோ , கொடியவனே ?
  9. அடேய் , அப்போ மீண்டும் செம்பரப்பாக்கம் ஏரியை வேளை கெட்ட வேளையில் துறந்து விடப் போறீங்களா ? ஏதோ ஜாக்பாட் அடித்தது , முடிந்த வரை கொள்ளையடித்தோம் என்று பேசாம இருங்கடா.
  10. பண்பாடு அல்லது கலாச்சாரம் என்பதும் சம்பிரதாயம் அல்லது வழக்கம் என்பதும் வெவ்வேறானவை . நீங்கள் சொல்கிற இந்து சமய சம்பிரதாயங்களில்தான் ஒரு காலத்தில் சில இடங்களில் உடன்கட்டை ஏறுதலும் , சிறார் திருமணங்களும் நடந்தேறின . தன் சாமியை நினைத்து உடலை வருத்துவதிலும் மனித நாகரிகத்தில் வரைமுறை உண்டு . நெடுந்தூரம் நடந்து சென்று வணங்குவதில் வன்முறையில்லை. அலகு குத்துவதிலும் தீ மிதிப்பதிலும் வன்முறை உண்டு . அபாயமும் உண்டு . இந்து சமயத்தில் மட்டுமல்ல . எந்த சமயத்திலும் தவறான வழக்கங்களைச் சுட்டுவது நம் கடமை . குடும்பக் கட்டுப்பாடு முறைகளுக்கு எதிரான கிறித்துவத்தையும் , பல (மூன்று) தார மணத்தை ஆதரிக்கும் இஸ்லாத்தையும் , துறவிகள் ஆடை துறந்து திரியும் ஜைனத்தையும் விமர்சிப்பது என் கடமை என நினைக்கிறேன் . மதம் சொல்லும் மானுடத்தை ஏற்கலாம் . மதம் 'மதம்' கொள்வதை ஏற்க இயலாது . அநாகரிகங்களை ஜனநாயக அரசேயானாலும் நிராகரிக்க வேண்டும் . இன்னும் சொல்லப்போனால் ஒரு ஜனநாயக அரசுதான் முதலில் நிராகரிக்க வேண்டும் .
  11. இலங்கையின் அரசியல் மாய ஜாலங்கள் எனக்கு அவ்வளவாகத் தெரியவில்லை - விஜயகலா எவ்வளவு சாதாரண / மலிவான அரசியல்வாதி என்பது உட்பட . ஆனால் சட்டம், ஒழுங்கு நிலைமை அவர் சொல்வது போல் இருக்கும் பட்சத்தில் , யாராவது இந்த ஒப்பீட்டை ( சுயலாபம் என்றாலும் ) செய்துதானே ஆக வேண்டும் ? சாத்தானாக இருந்தாலும் மெய்மறை ஓதி விட்டுப் போகட்டுமே எனத் தோன்றுகிறது .
  12. அங்கே கோயில் கட்டுங்கள். கோயிலில் சிற்பங்களைச் செதுக்குங்கள். தேரோட்டுங்கள். பக்தி இலக்கியங்களைக் கொண்டு செல்லுங்கள். இவற்றின் மூலமாக தமிழனின் இறைமை கலை சார்ந்தது ; மானிடத்திற்கானது ; அறிவியல் பூர்வமானது என உலகோர்க்குப் பறைசாற்றுங்கள். அதை விடுத்து கன்னத்தில் அலகு குத்தி, முதுகில் கொக்கியை மாட்டி என்னை நாகரிகமடையாதவனாய்க் காண்பிக்கவா கடல் கடந்து சென்றீர்கள் ?
  13. " ஓடி விளையாடு பாப்பா " என பாரதி சொல்கையில் " நீ கண்ட புதுமைப் பெண்ணாக்கும் நான் " என அந்த மீசைக்காரனையே மிரட்டும் பெண்ணடி நீ ! நீ விளையாடு செல்லம். இனி இந்த உலகமே உன் கையில்.
  14. பொதுவாக மற்றவர்களை நேருக்கு நேராகவே தரக்குறைவான வார்த்தைகளில் (பெரும்பாலும் கெட்ட வார்த்தைகளில்) திட்டுவது அமெரிக்கச் சமூகத்தில் வழக்கமாகிவிட்டது . 'வல்லான் வகுத்ததே வாழ்க்கை' என்பது போல் உலகில் படித்த (!!) பெரும்பாலானோர் அமெரிக்க பாணியை அனைத்து விடயங்களிலும் பின்பற்றுவதே நாகரிகம் (!!!) எனத் திரிவது அரைவேக்காட்டுத்தனம் . ட்ரம்ப் பெரும்பான்மை அமெரிக்கச் சமூகத்தின் பிரதிநிதி . வேறு என்னத்தை அவரிடம் எதிர்பார்க்க முடியும் ? ஒரு சாதாரண அமெரிக்கன், கையில் செழிப்பாக டாலர் வைத்துத் திரியும் காட்டுமிராண்டி . இதைச் சொல்வதால் நான் ஏதோ அமெரிக்க வெறுப்பை உமிழும் பொதுவுடைமைவாதி என எண்ண வேண்டாம் . சீனர்களைப் பற்றியும் ரஷ்ய அரசைப் பற்றியும் இதை விடக் கடுமையான விமர்சனங்கள் என்னிடம் உண்டு.
  15. சுப.சோமசுந்தரம்

    இல்லறத்தமிழன் துணையிருக்கும் இயல்புடைய மூவர் யார்? - குறள் ஆய்வு-6 பகுதி-2

    ஆரிய ஏகத்துவத்தை எதிர்க்கவும், அறியாமல் அவர் வலையில் திராவிடச் சிந்தனையாளர் வீழ்வதைத் தடுக்கவும் இத்தகைய எழுத்துக்கள் இன்றைய தேவை.