• advertisement_alt
  • advertisement_alt
  • advertisement_alt

Leaderboard

  1. தமிழ் சிறி

    தமிழ் சிறி

    கருத்துக்கள உறவுகள்


    • Points

      147

    • Content Count

      42,162


  2. ராசவன்னியன்

    ராசவன்னியன்

    கருத்துக்கள உறவுகள்


    • Points

      137

    • Content Count

      5,422


  3. குமாரசாமி

    குமாரசாமி

    கருத்துக்கள உறவுகள்


    • Points

      98

    • Content Count

      25,138


  4. நிழலி

    நிழலி

    கருத்துக்கள பொறுப்பாளர்கள்


    • Points

      96

    • Content Count

      11,525



Popular Content

Showing content with the highest reputation since 08/24/2018 in all areas

  1. 15 points
  2. 8 points
    இந்த களத்தில் இவர் சீமானுக்கு எதிரான கருத்துக்களை முன்வைக்கவே வருகின்றார். இது ஒரு தனிப்பட்ட காழ்புணர்வு சார்ந்தது. 1996 ல் சீமான் தயாரித்த பாஞ்சாலம் குறிச்சி படத்தில் சீமான் என்றே பெயர் உள்ளது. ஏதோ ஒன்றை இழுத்து சொட்டை நொட்டை சொல்வதே நோக்கமாக உள்ளது. கிறித்தவ பெயர் இஸ்லாமியப்பெயர் இந்து பெயர் என எதுவாக இருந்தால் தான் என்ன பிரச்சனை ? ------ தமிழக அரசியலை பெறுத்தவரை தேமுதிக மதிமுக போன்ற கட்சிகள் வலைத்தளங்களில் கேலிகளுக்கு உள்ளாகி பெரும் பின்னடைவை சந்தித்தது. ஒருவகையில் குறிவைத்து தக்கப்பட்டது என்ற செல்ல முடியும். இவ்வாறு நடக்கும் போது வேறு தெரிவுகள் இல்லாத நிலையில் திமுக அதிமுக மீளவும் பலம்பெறுகின்றது. அரசியல் வாதியை விமர்சனம் செய்கின்றேன் என்ற போர்வையில் தன்தலையில் தானே மண்ணள்ளி போடும் கதைதான் நடக்கின்றது. புலிகள் இருக்கும் வரை அவர்களை விமர்சிப்பதையே ஒரு வேலையாக செய்துகொண்டிருந்த தளங்கள் கடசியாக கண்டது ஒன்றும் இல்லை. புலிகளின் முடிவுக்கு பின்னர் அவர்கள் வலைத்தளங்களை கூட காப்பாற்ற முடியவில்லை. தமிழ்த்தேசீயம் - இனம் சர்ந்த உணர்வு எங்கெல்லாம் துளிர்விடுகின்றதோ அவைகள் தமிழர்களாலேயே கிள்ளி எறியப்படும். சாதியச் சமூகங்களின் சிந்தனை முறை ஒரு போதும் நேர்த்தியாகவோ தூரநோக்கிலோ இருக்காது. இனத் தேசீய எழுச்சிக்கு எதிராகவே அது இயங்கும். அதை புரிந்துகொள்வது கடினம். இன்றய தமிழகத்தின் "கலாய்த்தல்" என்ற பகிடி கலாச்சாரம் நேற்றய சாதிய நையப்புடைப்புகளின் நீட்சியோடு தொடர்புடையது. அரசியல் விமர்சனங்களிலும் இவை கலந்தே உள்ளது. சாண் ஏற முழம் சறுக்கும். நாம் சாதி மத பிரதேசவாத முரண்பாடுகளை கடந்து ஒரு இனமாக மாற முற்படுகின்றோம் தவிர நாம் ஒரு பலமான தேசீய இனத்தை சார்ந்தவர்கள் இல்லை. தமிழர்களது அரசியல் என்பது எப்போதும் தனது இனத்தை கட்டமைப்பதும் பிற இனங்களிடம் இருந்து தன்னை தற்காத்துக்கொளவதும் என்ற இரண்டு நிலை இயக்கத்தில் இருக்கும் அதனடிப்படையில் எமக்கு நாமே எதிரிகள் மற்றது புறநிலை எதிரிகள். எமது வார்த்தைகள் கருத்துக்கள் நாம் எதிர்பார்ப்பதை விட நூறுமடங்கு இனமென்ற அடிப்படையில் எமக்கே எதிரானவை. அழிவுகளை ஏற்படுத்துபவை.
  3. 7 points
    பாவி கையில இருந்த சாப்பாட்டை நாயிட்டை விட்டெறிந்து போட்டு பே ....பே என்று ஓடியிருக்கலாம். தொழிலில் இன்னும் முன்னேற வேண்டும்......!
  4. 6 points
    சீமானின் தமிழ்த்தேசியத்தின்பாலான உறுதியென்பதைச் சிதைக்கும் எண்ணம் ஒருவருக்கு வருகிறதென்றால், நிச்சயம் அவர் தமிழ்த்தேசியத்துக்கு எதிரானவர் என்பதுதான் எனது கருத்து. இன்று சீமானை விமர்சிக்கும் விகடன் குழுமமாக இருக்கட்டும், தினமலர் ஆக இருக்கட்டும், ஹிந்துவாக இருக்கட்டும், இவர்கள் எல்லோருமே திராவிடக் கொள்கை ஆரம்பித்த காலத்திலிருந்தே இன்றுவரைக்கும் தமிழ்த் தேசியம் பேசும் அனைவருக்கு எதிராகவும் செயற்பட்டு வருகிறார்கள். இதற்கு முக்கியமான காரணமாக அமைவது அப்பத்திரிக்கை நிறுவனங்களை ஆளும் அல்லது வழிநடத்துகின்றவர்கள் தமிழ்த்தேசியக் கொள்கைக்கெதிரான பிராமணர்களாக இருப்பது ஆகும். தமிழ்த்தேசியத்தின் ஒரு அங்கமான ஈழத்தமிழரின் தேசிய விடுதலைப் போரட்டத்தினை எதிர்ப்பதென்னும் இவர்களின் போக்கு இந்த அடிப்படையேலே பார்க்கப்படுதல் அவசியம். ஹிந்துவை ஆரம்பித்த சுப்ரமணிய ஐய்யராக இருக்கட்டும், விகடன் குழுமத்தை ஆரம்பித்த புத்தலூர் வைத்தியநாதர் ஐய்யராக இருக்கட்டும், தினமலரை ஆரம்பித்த ராமசுப்பைய்யராக இருக்கட்டும், துக்ளக்கினை ஆரம்பித்த சோ ராமசாமியாக இருக்கட்டும், ஹிந்துவில் தமிழின விஷம் கக்கிய ராம் மாணிக்கலிங்கம், பார்த்தசாரதி, பத்மநாபன் ஆகிய எல்லோருமே பிராமணர்கள்தான்.இவர்களைவிடவும், இன்றும் 2009 இனக்கொலைக்காக மகிந்தவைப் பாராட்டி கெளரவிக்க முன்னிற்கும் சுப்ரமணியசுவாமி கூட பிராமணர்தான். ஆக, இவர்களின் விமர்சனங்கள் இப்படித்தான் இருக்குமென்பது ஆச்சரியமல்ல.
  5. 6 points
    தமிழ்த் துரோகி — பூ அரசு கையை பிளேட்டால் வெட்டி, கூட்டணிக்காரரிற்கு பொட்டு வைத்து விட்டு தமிழீழம் கிடைக்கும் வரை கலியாணம் கட்ட மாட்டேன் என்று அறுவைதாசன் சபதம் எதுவும் செய்யவில்லை. ஆனாலும் அவனுக்கு வயது வட்டுக்குள்ளே போன பிறகும் கலியாணம் நடக்கவில்லை. எந்தப் பெட்டையும் அவனை ஏறெடுத்து பார்த்ததில்லை. "தும்பிக்கையான் துணை" திருமண சேவை நடத்தும் சுந்தரம் சித்தப்பா காட்டும் பெட்டைகளின் படங்களை இவனுக்கு பிடிக்கவில்லை. அவனின்ரை தாய் தான் எங்கடை பரம்பரையின்ரை பேர் உன்னோடை முடியிறதோ எண்டு அழுது குழறி விடாமல் தொடர்ந்து பொம்பிளை பார்த்துக்கொண்டு இருந்தாள். சலரோகம், ரத்தக்கொதிப்பு தான் உங்கடை பரம்பரைச் சொத்து. இதுவெல்லாம் ஒரு பரம்பரை என்று அறுவை தாயிடம் எரிந்து விழுந்தாலும் யாழினியின் படத்தைக் கண்டதும் அப்பிடியே கவிண்டு போய் விட்டான். விமான நிலையத்தில் யாழினி வந்து இறங்கிய போது நடந்தது தான் அறுவையின் வாழ்க்கையையே மாற்றி விட்டது. யாழினியை கண்டதும் அறுவை வாய் காது வரை விரிய சிரிச்சுக் கொண்டே பக்கத்திலே போனான். ஆனால் யாழினி இவனை ஏறெடுத்தும் பாராமல் யாரையோ தேடினாள். என்ன தேடுறீர் நான் தான் சிவா என்றான் அறுவை. உம்மடை அம்மா மகன் வெள்ளை எண்டு சொன்னா, அது தான் அந்த வெள்ளை ஆளைத் தேடினேன் என்று ஒரு நக்கல் சிரிப்பு முகத்தில் மலர்ந்தபடி யாழினி சொன்னாள். இந்த மனிசி எப்பவும் இப்பிடித்தான் கழுத்தறுக்கும் என்று தாயை நினைத்து பல்லைக் கடிச்ச அறுவையின் நல்லெண்ணெய் கறுப்பு முகம் இன்னும் கறுப்பானது. அன்றைக்கு யாழினியின் முகத்தில் பூத்த நக்கல் புன்னகை பிறகு எந்தக்காலத்திலும் வாடவேயில்லை. அறுவையின் பேச்சுகளும், போக்குகளும் யாழினியின் சிரிப்பை இன்னும் கூட்டிகொண்டே போனது. அறுவைக்கு ஒவ்வொரு நாளும் அவனது கூட்டாளிகள் போன் எடுத்து உலகத்து பிரச்சனை முழுக்க அலசுவார்கள், இடைக்கிடையே வீட்டை வந்தும் விவாதங்கள் நடக்கும். அவையளிற்கு ஒரு கட்சி வேறு இருந்தது. இவங்கள் முப்பது வருசங்களிற்கு மேலே கரடியாக கத்தி வந்தாலும் கட்சியிலே ஏழரை பேர்தான் இருக்கினம். ஒருவர் கட்சியிலே இருக்கிறாரா இல்லையா என்று கட்சிக்கும் தெரியாது, அவருக்கும் தெரியாது. அப்பப்ப வந்து போய்க்கொண்டு இருப்பார் அதாலே அவரை அரைக்கணக்கில் அறுவை சேர்த்திருந்தான். இந்த லட்சணத்திலே ஏன் பொதுமக்கள் மனித விரோதிகளையே ஆதரிக்கிறார்கள் என்று ஒரு ஆராய்ச்சி வேறு நடக்கும். பொறுத்து, பொறுத்து பார்த்த யாழினி ஒருநாள் பொங்கி எழுந்தாள். நீங்கள் கதைக்கிறது மற்றவைக்கு விளங்கினால் தானே ஆட்கள் உங்களோடு சேருவினம். முதலிலே என்னை மாதிரி பொதுமக்களுக்கு விளங்கக் கூடிய மாதிரி கதைக்கப் பழகிக் கொள்ளுங்கோ என்றாள். கனநாளாக அறுவைக்கு ஒரு சந்தேகம். எஸ்.பொன்னுத்துரை சொன்ன மாதிரி யாழினி தானும் புருசனும் தட்டாருமாக வாழ வேண்டும் என்ற யாழ்ப்பாணப் பாரம்பரியத்திலே வந்த பெட்டை. அதன்படி புருசன் மற்றவர்களுடன் சேர்ந்தால் கெட்டுப்போய் விடுவான், வீண்செலவுகள் செய்வான் என்ற ஒப்பற்ற கொள்கைகளை சொல்லிச் சொல்லி வளர்த்த சமுதாயத்தில் வளர்ந்தவள். அவள் எப்படி அவனது தோழர்கள் போன் எடுத்தாலோ, வீட்டை வந்தாலோ முகம் சுளிக்காமல் இருப்பது மட்டுமல்லாமல் அவர்களை வரவேற்று உபசரிக்கவும் செய்கிறாளே என்று பாண்டியன் ஒருவனிற்கு பெண்டாட்டியின் கூந்தலிற்கு வாசம் இயற்கையா, செயற்கையா என்று வந்ததை போல ஒரு சந்தேகம் வந்தது. ஒருநாள் அவள் சந்தோசமாக இருந்த நேரத்திலே தன்ரை சந்தேகத்தைக் கேட்டும் விட்டான். அவளின்ரை முகத்திலே அந்த புன்சிரிப்பு தன்ரை பாட்டிலே பூத்தது. நான் வந்த புதிதிலே உமக்கு மண்டை கழண்டு போனதை பார்த்து கவலைப்பட்டேன். பிறகு இவையளை பார்த்த பிறகு உம்மை மாதிரி இன்னும் நாலு பேர் இருக்கினம் எண்டு ஆறுதல் வந்தது. அதாலே தான் உம்மடை கூட்டாளிகளை சந்தோசமாக வரவேற்கிறேன் என்றாள். அவனிற்கு மண்டை கிறுகிறுத்துப்போனது. தாங்கள் உலகத்தையே மாற்ற பாடுபட்டுக் கொண்டிருக்க இவள் இப்படி இருக்கிறாளே என்று கவலைப்பட்டான். இவளை எப்படியாவது மாற்ற வேண்டும் என்று யோசித்து தங்களுடைய இணையங்களை வாசிக்கச் சொன்னான். அதிலேயிருந்து அவளுடைய மொழி நடையே மாறிவிட்டது. மயிர், கோவணம், தூமை, எல்லாம் சர்வ சாதாரணமாக அவளின்ரை வாயிலே இருந்து வந்தது. ஒருநாள் அவள் வைத்த சொதி நல்லாயில்லை என்று அறுவை ஒரு விமர்சனம் வைத்தான். நீர் நான் வைச்ச சொதியின் மேலே ஒண்ணுக்கடிக்கிறீர் என்று அவங்கடை இணையத் தமிழ் நடையிலேயே அவள் மறுமொழி சொன்னாள். சொதியை குடிக்கும் போதே அதைக் குடிக்கிற மாதிரித் தான் இருந்திச்சுது என்று முனகினான் அவன். மறுபடியும் வேதாளம் முருங்கை மரத்திலே ஏறியது என்று நீண்டு கொண்டே போகும் விக்கிரமாதித்தன் கதைகளை போலே நீளமான தமிழ் சீரியல்களை பார்த்துக் கொண்டிருந்த யாழினி இப்ப அதுகளை விட்டு விட்டு இணையத்தளச் சண்டைகளையும், தொலைக்காட்சிகளில் வரும் அரசியல் விவாதங்களையும் ஆர்வமாக பார்க்கத் தொடங்கினாள். சீரியல்களில் வரும் மாமியார் - மருமகள் சண்டைகளை விட இவையளின்ரை சண்டை பார்க்க நல்லாயிருக்கு என்று ஒரு காரணம் வேறு சொன்னாள். அவர்களின் பிள்ளைகள் சங்கீதம் பழகுகிறார்கள். வெளிநாட்டில் வளரும் பிள்ளைகளிற்கு தமிழ் படிப்பதே கஸ்டம் இதிலே கீர்த்தனைகளை எதுக்கு சொல்லிக் கொடுத்து சிரமப்படுத்த வேண்டும் என்று அவன் அடிக்கடி சண்டை போடுவான். அன்றைக்கு ஒரு கீர்த்தனையை அவள் சொல்லிக் கொடுத்துக் கொண்டிருக்க பிள்ளைகள் விளங்கி கொள்ள முடியாமல் சிரமப் பட்டார்கள். "எனக்கே கஸ்டமாக இருக்கு. இதிலே சின்னப் பிள்ளையள் எப்பிடி பாடுறது" என்ற அறுவை சும்மா இருக்க முடியாமல் யாழினி பாடுவதை நக்கலாக பாடிக் காட்டினான். ஆத்திரத்தின் உச்சிக்கு போன யாழினி சட்டென்று "தமிழ்ப் பாட்டு வேண்டாம் என்று சொல்லும் நீர் ஒரு தமிழ்த் துரோகி. தெலுங்கருக்கோ, சிங்களருக்கோ செம்பு தூக்கிறீர்" என்றாள். "நாம் தமிழர்" கட்சிக்காரற்றை பேச்சுக்களையும் இப்ப கேக்கிறாள் போலே என்று யோசிச்சு தலையைக் கவிட்டுக் கொண்டான் அறுவை. http://poovaraasu.blogspot.com/2018/08/blog-post_18.html?m=1
  6. 6 points
    தமிழகத்தின் தலைவிதியை தீர்மானிப்பது வறுமையில் இருப்பவர்களும் பாமர மக்களும் எனில் அதற்கு அர்த்தம் பணம் படைத்த கட்சியே தலைவிதியை தீர்மானிக்கின்றது என்பதாகும். கடந்த காலங்களில் நடந்ததும் இதுவே. 50 ஆண்டுகளில் திமுகவும் அதிமுகாவும் ஆட்சிக்கு வந்ததே தவிர கருத்தியல் ரீதியான அரசியல் மாற்றம் ஏற்படவில்லை. வறுமைப்பட்ட மக்கள் ஆட்சியை தீர்மானித்தால் ஏன் அவர்கள் வறுமை போகவில்லை ? நீங்கள் மீம்ஸ் என்ற சிறு விசயத்தோடு நிற்பது உங்கள் அறியாமை. வியாபாரிகள் அரசியல்கட்சிகள் செய்தி ஊடகங்கள் என்ற கூட்டணியில் வலைத்தளங்கள் ஒரு அங்கமே ஆகும். தமிழகம் மட்டுமல்ல இந்தியாவின் எந்த மாநிலத்திலும் வறுமைப்பட்ட மக்கள் தமது அரசியல் தலைவிதியை தீர்மானிப்பதில்லை. மேலே சொன்ன கூட்டணியில் ஏமாற்றப்பட்டுக்கொண்டே இருக்கின்றார்கள். தெலுங்கு மலையாளி கன்னடர் என்பது சாதிகள் இல்லை இனங்கள். தமிழனத்தை தமிழன் ஆழவேண்டும் என்பது உங்கள் பாணியில் சிதைவென்றால் பிறகெதுக்கு சிங்கள இனத்தோடு சண்டை தனிநாடு எல்லாம் ? ஏன் நீங்கள் தலைவரையும் போரட்டத்தையும் குத்தகைக்கு எடுத்துள்ளீர்களா ? தலைவர் படத்தை தூக்கிப்பிடிப்பதால் புலிக்கொடியை தூக்கிப் பிடிப்பதால் வருமானம் வரும் என்றால் புலம்பெயர் நாட்டில் தூக்கிப்பிடித்துக்கொண்டிருப்பார்கள் ஆனால் லாபம் இல்லை என்றவுடன் கீழே போட்டாகிவிட்டதே. இன எழுச்சிக்கு அடயாளமாக தலைவர் படத்தை நாம்தமிழர் பயன்படுத்துகின்றார்கள். இந்தியாவை பொறுத்தவரை அதனால் அவர்களுக்கு நட்டமே தவிர லாபம் கிடையாது. அவர்களால் கனகாலத்துக்கு இதை பயன்படுத்தவும் முடியாது. குறிப்பிட்ட காலத்தில் அவை தடைசெய்யப்படும். நீங்கள் தமிழ் தேசீயம் சார்ந்து இன எழுச்சி ஐக்கியப்படு சார்ந்து ஏதாவது இயக்கம், அரசியல், மாநாடு நடத்துகின்றீர்களா ? அதற்காக தலைவர் போராட்டம் போராளிகளை பயன்படுத்தப்போகின்றீர்களா ? இல்லை யாரும் பயன்படுத்தக் கூடாது என்று சட்ட ரீதியாக உரிமை கொண்டாடுகின்றீர்களா? இல்லை புலிகளின் முடிவுக்கு முன்னர் இவற்றைப் யாரும் பயன்படுத்தக் கூடாது என்று சொல்லிவிட்டு முடிந்துபோனார்களா ? ஒன்றும் புரியவில்லை, உங்கள் எதிர்பிற்கு என்ன அடிப்படை ?அதனால் எதை முன்வைக்க விரும்புகின்றீர்கள் ? நீங்கள் ஈழத்தமிழனாக தலைவர் போராளிகள் போராட்டத்தை பாவிப்பதை எதிர்த்தால் நாங்கள் ஈழத்தமிழராக பாவிப்பதை ஆதரிக்கின்றோம். முடிந்தவரை இன தேசீய எழுச்சிக்காவும் ஐக்கியப்பட்டுக்காகவும் யார் பயன்படுத்தினாலும் ஆதரிக்கின்றறோம். இவற்றைப் பாவித்து புலம்பெயர் நாட்டில் நிகழ்ச்சி நடத்துவது வியாபாரம் செய்வது காசு சேர்த்து கல்லா கட்டுவது வடை வாய்பன் விற்பதை எதிர்க்கின்றோம். சீமான் பாவிப்பதால் உங்களுக்கு எங்க அரிக்கின்றது என்பது நன்கு விளங்குது ஆனால் இங்க சொறிய யாரும் இல்லை.
  7. 5 points
    ஆடு வளர்ப்பை வெற்றிகரமாக மேற்கொள்ளும் மன்னார் உதயன் ஆடு வளர்ப்பு என்பது எம் முன்னோர்களின் பிரதான வாழ்வாதாரமாக இருந்து வந்திருக்கிறது. வளர்த்த ஆட்டை விற்று முக்கிய பொருளாதார கடமைகளை நிறைவேற்றும் நிலைமையும் இருந்தது. குடும்பத்தில் உள்ள அனைவருமே ஆடுவளர்ப்பில் அக்கறை செலுத்துவார்கள். ஆட்டுப்பால் சிறார்கள் முதல் பெரியவர்கள் வரை விரும்பிக் குடிக்கும் நிலை உள்ளது. நோயெதிர்ப்பு சக்தி மிக்கது என அறியப்பட்டது. ஆட்டிறைச்சிக்கு எம்மவர்கள் மத்தியில் என்றுமே தேவை குறைந்ததில்லை. அதுவும் வெளிநாட்டில் இருந்து வருபவர்கள் ஊருக்கு வர முதலே உறவினர்களிடம் “ஒரு நல்ல கிடாயா பார்த்து வாங்கி வீட்டை கட்டி வையுங்கோ! வருகிறோம்” என இரண்டு மாதங்களுக்கு முன்பே சொல்லுகின்ற நிலையும் உள்ளது. இதன் மூலம் எங்கள் பிரதேசங்களில் ஆடுகளுக்கு நல்ல கிராக்கி உள்ளது என்பதனை அறிந்து கொள்ளலாம். ஆட்டெருவும் உடனடியாக விவசாயத் தேவைகளுக்கு பயன்படுத்தக் கூடியதாகும். மன்னார் மாவட்டத்தின் பரப்பாக்கண்டல் பிரதேசத்தில் உள்ள காத்தான்குளம் கிராமசேவகர் பிரிவில் பிரதான வீதியில் இருந்து உள்ளே சென்றால் "நம்பிக்கை பண்ணை" எல்லோரையும் வரவேற்கின்றது. கட்டுக்கரை குளத்துக்கு அண்மையில் (சின்ன அடைப்பு துருசு) க்கு அண்மையாக இப்பண்ணை அமைந்துள்ளது. பெயருக்கு ஏற்றால் போல் குறித்த பண்ணை நமக்கெல்லாம் நம்பிக்கை அளிக்கின்றது. உதயன் என்பவர் இந்தப் பண்ணையை நிர்வகித்து வருகின்றார். கிறிஸ்தவ தொண்டு நிறுவனம் ஒன்றும் இந்தப் பண்ணையின் வளர்ச்சிக்கு உதவி வருகிறது. எதற்காக இப்படி ஒரு பண்ணை எனக் கேட்ட போது உற்சாகமாக பேச ஆரம்பிக்கிறார் உதயன். தற்போது நம்பிக்கை பண்ணை அமைந்துள்ள ஏறக் குறைய 4 ஏக்கர் காணி என் அப்பா அன்பளிப்பாக எனக்கு தந்திருந்தால் . 2009 யுத்தம் முடிவுற்ற பிறகு நிர்க்கதியாகவுள்ள எமது மக்களுக்கு எப்படியாவது உதவ வேண்டும் என்கிற உந்துதல் எனக்குள் எழுந்தது. குறித்த காணியைப் பயன்படுத்தி ஏதாவது மக்களின் பொருளாதாரத்தை கட்டியெழுப்பக் கூடிய மாதிரி விடயங்கள் செய்யவேண்டுமென நினைத்தேன். ஆனால் அதற்கு முதலீடு செய்ய பணம் பெரிய தடையாக இருந்தது. 2012 ஓகஸ்ட் மாதம் தான் ஒரு பண்ணையை ஆரம்பிப்பது என்று முடிவெடுத்து காணியை சுற்றி வேலி அமைத்தோம். 2013 இல் ஏழு பால் மாடுகளை வாங்கினோம். மாடுகளின் மூலம் சிறிய வருமானத்தை பெற்று அதனை வளர்ச்சிப் பாதையில் கொண்டு செல்வது தான் நோக்கமாக இருந்தது. ஆனால், எதிர்பார்த்தளவு பால் உற்பத்தியினை குறித்த மாடுகளிடம் இருந்து பெற்றுக் கொள்ள முடியவில்லை. நல்ல இன பால்மாடுகளை வாங்குவதில் சிக்கல் இருந்தது. அப்போது மாட்டை தொடர்ந்தும் வைத்திருக்கப் போகின்றோமா என்று யோசிக்க வேண்டி இருந்தது. 5 வருடங்கள் மாடுகளுடன் செலவழித்து விட்டோம். அதனால் பெரிதாக வருமானம் வரவில்லை. அடுத்த கட்டம் என்ன செய்வது என பணியாளர்களுடன் சேர்ந்து சிந்தித்தோம். 2015 நடுப்பகுதியில் ஆடுகளை வாங்கி வளர்ப்பது நல்லது என யோசித்து 10 ஆடுகளை வாங்கி வளர்த்துக் கொண்டு அதே நேரம் மாடுகளை பண்ணையில் இருந்து குறைத்துக் கொண்டு வந்து 2017 இல் மாடுகளை முற்றாக விற்று ஆட்டுப்பண்ணை அமைப்பது என முடிவெடுத்தோம். முதலில் ஏற்கனவே இருந்த பரண் முறையிலான ஆட்டுக் கொட்டகை ஒன்றை விலைபேசி வாங்கி கொண்டு வந்து அமைத்தோம். அதோடு சேர்த்து 35 ஆடுகள் வரை வாங்கி சிறியதொரு ஆட்டுப் பண்ணையை அமைத்தோம். எங்களுடைய காலநிலைக்கு ஏற்ற கலப்பின ஆடுகளையே நாங்கள் அதிகம் வைத்திருக்கிறோம். தற்சமயம் 104 ஆடுகள் எங்களிடம் உள்ளன. கடந்த 6 மாதங்களுக்குள் 50 ஆடுகள் வரை நாங்கள் விற்றிருக்கின்றோம். அகத்தி, இப்பிலிப்பில், கிளிசரியா போன்ற மரங்களை அதிகளவு நடுகை செய்து வருகிறோம். இவை நிழல், குளிர்ச்சியை தருவதோடு ஆடுகளுக்கும் நல்ல தீவனமாகவும் விளங்குகின்றன. எங்களிடம் கிராமப் புறங்களில் உள்ள நாட்டு ஆடுகளே அதிகம் உள்ளன. ஜமுனாபாரி கலப்பினங்களையும் உருவாக்கி வருகின்றோம். இவ்வினங்கள் இனப்பெருக்கம் அதிகம் உள்ளவை. ஆடுகளை வெளியில் கொண்டு போய் விவசாயம் செய்யப்படாத நிலங்களில் மேய்த்துக் கொண்டு வருகின்றோம். அதையும் விட எங்களது காணியிலும் குறிப்பிட்ட சதுர காணியாக தெரிவு செய்து அதனை சுற்றி கம்பி வேலி அமைத்து அதற்குள் CO3 வகையான புல்லுகளையும் நாட்டி தூறல் நீர்ப்பாசனம் செய்து அதற்குள் ஆட்டுக் குட்டிகளை மேய்ச்சலுக்காக விட்டு வருகின்றோம். அதில் நல்ல பலன்களை பெற கூடியதாக உள்ளது. பரந்த திறந்த வெளியில் ஆடுகளை உலவ விடுவதால் நோய் தொற்றுவதும் மிகக் குறைவாக உள்ளது. கோடை காலத்தில் உணவுற்பத்தி தான் எமக்கு பெரும் சவாலாக உள்ளது. முதலில் அதற்கான நீர்வளத்தை பெற்று புல்லு வளர்ப்பு, மரங்கள் வளர்ப்பை விஸ்தரிக்க உள்ளோம். எங்களது காணியின் வேலிகளை உயிர்வேலிகளாக அமைத்து வருகின்றோம். இதனால் பல நன்மைகள். ஒன்று பசுமையான சூழலை உருவாக்குகிறோம். ஆடுகளுக்கு தேவையான தீவனம் கிடைக்கிறது. மற்றையது காற்றுத்தடுப்பு வேலிகளாகவும் இவை விளங்குகின்றன. ஆடுவளர்ப்பு ஆரம்பித்து ஒரு சில வருடங்களே முடிந்துள்ளன. சந்தைவாய்ப்புக்கள் இப்போது தான் கொஞ்சம் கொஞ்சமாக வருகின்றன. எங்களிடம் இருக்கின்ற ஆடுகள் ஒருவருட காலத்தில் 25 கிலோவில் இருந்து 30 கிலோவுக்குள் தான் வருகின்றன. ஆனால், இதனையே 6 மாதத்துக்குள் 25 கிலோ உயிரெடை வரக் கூடியமாதிரி வளர்த்தால் இன்னும் விலையை குறைத்தும் கொடுக்க முடியும்.அதிக இலாபமும் சம்பாதிக்கலாம். ஆடுகளுக்கு வலிப்பு நோய் வந்தால் அதனை எப்படி எதிர்கொள்வது என்று முதலில் எங்களுக்கு தெரியாது. இப்படியான நோய்கள் வருவதற்கு உண்ணியும் ஒரு காரணம் . இயன்றளவு இயற்கை முறையில் இதற்கு தீர்வு காண முடியும் என பின்னர் அறிந்து கொண்டேன். மஞ்சள், தேங்காய் எண்ணெய், பூண்டு மூன்றையும் சேர்த்து ஆடுகளின் காதுகளில் பூசிவ ந்தால் உண்ணித்தாக்கம் குறையும். உள்ளி நல்லதொரு மருந்து. ஒரு ஆடுக்கு ஒரு பல்லு உள்ளி ஒவ்வொரு நாளும் கொடுத்து வந்தால் ஆடுகளின் நோய் எதிர்ப்பு திறனை அதிகரித்துக் கொள்ள முடியும். அத்தோடு பல்வேறு நோய்களையும் அண்டாமல் பாதுகாத்துக் கொள்ள முடியும். ஆடுகளுக்கு ஏற்படும் பூச்சித்தாக்கத்தை கட்டுப்படுத்த பூசணி விதை நல்ல மருந்தாகும். கத்தாழை நடுப்பகுதியும் பூச்சி தாக்கத்தை கட்டுப்படுத்த கொடுக்க முடியும்.\ வளர்க்கிற மாதிரியான நல்ல இன ஆடுகளை கிலோ 750 - 1300 ரூபாய் வரைக்கும் கொடுக்கிறோம். சாதாரண ஆடுகளை 650 - 750 ரூபாய் வரையும் கொடுக்கின்றோம். இந்த வருடம் ஆடுகளை விற்பதன் மூலம் 20 இலட்ச்சம் ரூபாய் வருமானமாக ஈட்டலாம் என இலக்கு நிர்ணயித்துள்ளேன். ஆட்டுப்பண்ணை சூழலை ஒரு பசுமை சூழலாக மாற்றி இதற்குள் ஓய்வு விடுதி ஒன்றையும் அமைத்து சுற்றுலாப் பயணிகளை ஈர்க்கின்ற இடமாக இதனை கொண்டு வந்தால் ஆட்டுப் பண்ணையும் மேலும் வளரும் சூழல் உருவாகும் என்றார். குறைந்த முதலீடு, குறைந்த பராமரிப்பில் அதிக லாபம் ஈட்டிக் கொடுப்பது ஆடு வளர்ப்புதான். ஆடுகளுக்கு வர இருக்கும் நோய்களுக்கும் நாம் முன்கூட்டியே இயற்கை முறையில் சிகிச்சையளித்து ஆரோக்கியமாக வளர்க்க முடியும். எங்கள் சூழலுக்கு ஏற்றதும் அதிக வருவாயை பெற்றுத் தரக் கூடியதுமான ஆடுவளர்ப்பை எம்மக்கள் அச்சமின்றி மேற்கொள்ளலாம். இதன் மூலம் கிராமிய பொருளாதாரம் நிச்சயம் உயரும். தொகுப்பு- துருவன் நிமிர்வு யூலை 2018 இதழ் http://www.nimirvu.org/2018/07/blog-post_30.html
  8. 5 points
    அதாகப்பட்டது.. வெள்ளையனே வெளியேறுன்னு.. கோசம் போடலாம்.. அது நிறவெறி ஆகாது. ஹிந்தி எரிப்போம்.. அழிப்போம் என்று.. மொழிவெறி காட்டலாம்.. அது திராவிடக் கூலிக் கும்பல்களின்.. மொழிவெறி ஆகாது. தனித் தமிழ்நாடு.. திராவிடருக்கு கேட்கலாம்.. அது.. பிரதேசவெறி ஆகாது. கன்னடன்.. கர்நாடவை ஆளலாம்.. மலையாளி.. கேரளாவை ஆளலாம்.. தெலுங்கன்.. ஆந்திராவை ஆளலாம்.. குஜராத்தி குஜராத்தை ஆளலாம்.. சிங்களன் சொறீலங்காவை ஆளலாம்.. ஜேர்மனி.. ஜேர்மனை ஆளலாம்... அதெல்லாம் எந்த வெறியும் இல்லை.. திராவிடக் கும்பலுக்கு.. ஆனால்.. தமிழ் நாட்டை.. தமிழீழத்தை தமிழன் ஆளனும் என்பது தான் திராவிடக் கூலிகளும்.. அவர் தம் திராவிடக் குஞ்சுகளுக்கும்.. வெறியாத் தெரியுது. இத்தனை ஆயிரம் ஈழத்தமிழரைக் கொல்ல சிங்களவனுக்கு.. ஆயுதமும்.. பயிற்சியும் வழங்கிய ஹிந்தியன் நல்லவன்.. பாகிஸ்தானி நல்லவன்.. இஸ்ரேலிய யூதன் நல்லவன்... அமெரிக்கன் நல்லவன்.. ஆனால்.. தமிழர்களுக்கு நேரடியாக எந்த பாதிப்பையும் உண்டு பண்ணாத ஹிட்லர் மகா கொடியவன். போங்கையா.. நீங்களும்.. உங்கட தத்துவங்களும். ஹிட்லர் மகா கொடியவராக இருக்கலாம்.. ஏன் அமெரிக்கன் அளவுக்கு அணுகுண்டு போடும் அளவுக்கு கொடியவராக இருக்கவில்லை. ஹிட்லர் தன் மக்கள் நாடு என்று நல்ல சில கொள்கைகளையும் கொண்டிருந்தார்.. அதை இனங்காண்பது தவறல்ல.. அணுகுண்டு வீசிய அமெரிக்காவை ஜனநாயக நாடுன்னு இன்றும் கொண்டாடிக் கொண்டிருப்பவர்களை விட. 😏
  9. 5 points
  10. 5 points
    ஒரு கம்பெனியின் அதிகாரி ஒருவர் அவசரமாக வெளியூர் செல்ல வேண்டியிருந்தது. ஆகையால் ரயில் நிலையத்திற்கு உடனே செல்ல வேண்டி டாக்ஸி ஒன்றை பிடித்து உடனே ரயில்வே ஸ்டேஷன் போகுமாறு ஓட்டுனரிடம் சொன்னார். இவர்கள் வேகமாக சென்று கொண்டிருக்கும்போது, இவர்களுக்கு முன்னாள் சென்ற கார் ஒன்று, திரும்புவதற்கான சிக்னல் எதுவும் கொடுக்காமல் திடீரென்று திரும்பிவிட, ஒரு கணம் நிலை தடுமாறிய டாக்ஸி ஓட்டுனர் , உடனே பிரேக்கை மிதித்து சரியாக முன் சென்ற காரை இடிப்பதற்கு ஒரு இன்ச் முன்னதாக நிறுத்தினார். அந்த காரிலிருந்து எட்டிப் பார்த்த அதன் ஓட்டுனர், இவர்களை 'கன்னா பின்னா'வென்று நா கூசும் வார்த்தைகளை பயன்படுத்தி திட்ட ஆரம்பிக்கிறான்.இந்த டாக்சி ஓட்டுனரோ பதிலுக்கு எதுவும் சொல்லாமல், ஜஸ்ட் ஒரு புன்னகையை மட்டும் சிந்திவிட்டு டாட்டா காட்டுவது போல கைகளை காட்டுகிறார். அவர் அப்படி செய்தது ஏதோ நண்பரை பார்த்து செய்வது போல இருந்ததே தவிர, தவறாக வண்டி ஒட்டிய ஒரு ஓட்டுனரிடம் செய்வது போல இல்லை. “ஏன் அவனை சும்மா விட்டீங்க..? நாலு வாங்கு வாங்கியிருக்கலாம் இல்ல…? அவன் மேல தப்பு வெச்சிகிட்டு நம்ம மேல எகிறுகிறான்..?” என்று அதிகாரி டாக்சி ஓட்டுனரிடம் கேட்கிறார். அதற்கு டாக்சி ஓட்டுனர் சொன்னது தான் ‘குப்பை வண்டி விதி’ எனப்படுவது. ஆங்கிலத்தில் ‘The Law of the Garbage Truck’ என்பார்கள். “இப்படிப்பட்ட மனிதர்களுக்கு ‘குப்பை வண்டி’ என்று பெயர் சார்..! பல மனிதர்கள் இப்படித்தான் குப்பை வண்டிகள் போல இருக்கிறார்கள். மனம் நிறைய குப்பைகளையும், அழுக்குகளையும், வைத்திருப்பார்கள். விரக்தி, ஏமாற்றம், கோபம் அவர்களிடம் நிறைந்திருக்கும். அது போன்ற குப்பைகள் சேரச் சேர, அவற்றை இறக்கி வைக்க, அவர்களுக்கு ஓரிடம் தேவை. சில நேரங்களில் அவற்றை நம்மிடம் அவர்கள் இறக்கி வைப்பார்கள். அவற்றை நாம் பர்சனலாக எடுத்துக்கொள்ளக்கூடாது. ஜஸ்ட் அவர்களை பார்த்து ஒரு புன்னகை சிந்தி, கைகளை ஆட்டிவிட்டு நாம் போய்க்கொண்டே இருக்க வேண்டும்..! அவர்கள் நம் மீது கொட்டும் குப்பைகளை நாம் சுமந்து கொண்டு போய், நம் பணிபுரியும் இடத்திலோ அல்லது வீட்டிலோ தெருவில் மற்றவர்களிடமோ நாம் கொட்டக்கூடாது சார்..! நம்ம பேர் தான் நாறிப்போகும்…!!” என்று சொல்ல, அதிகாரி அதில் உள்ள நுணுக்கத்தை அறிந்து வியந்துவிட்டார். இதில் நாம் தெரிந்துகொள்ளவேண்டிய விஷயம் என்னவென்றால், 'வாழ்க்கையில் வெற்றி பெற்ற சாதனையாளர்கள் எவரும் இந்த குப்பை வண்டிகள் தங்கள் அன்றைய நாளை ஆக்கிரமித்துக்கொள்ள அனுமதிக்கவே மாட்டார்கள்' என்பது தான். அலுவலகத்திலோ அல்லது வீட்டிலோ, வெளியிலோ காரணமின்றி உங்கள் மீது யாரேனும் எரிந்து விழுந்தாலோ, அல்லது வன்சொற்கள் வீசினாலோ பதிலுக்கு நீங்களும் வார்த்தை யுத்தத்தில் இறங்காது, ஜஸ்ட் ஒரு புன்னைகையை மட்டும் பதிலாக தந்துவிட்டு அந்த இடத்தை விட்டு அகன்று விடுங்கள். நம்மை சரியாக நடத்துகிறவர்களை நேசிப்போம். அப்படி நடத்தாதவர்களுக்காக பிரார்த்திப்போம். இது ஒன்றே நாம் செய்யவேண்டியது..! வாழ்க்கை என்பது, 10% நாம் எப்படி உருவாக்குகிறோம்? என்பதை பொறுத்தது மட்டுமில்லாமல், மீதி 90% நாம் எப்படி எடுத்துக்கொள்கிறோம் என்பதையே பொறுத்தது. -'வாட்ஸ்அப்'பில் வந்தது
  11. 5 points
    “ஒரு மலையோரம் அங்கு கொஞ்சம் மேகம் அதன் அடிவாரம் ஒரு வீடு” - கவிதையாய் வாழ்க்கை வாழும் மக்கள் "ஒரு மலையோரம் அங்கு கொஞ்சம் மேகம் அதன் அடிவாரம் ஒரு வீடு உன் கைகோர்த்து என் தலைசாய்க்க அங்கு வேண்டுமடா என் கூடு" இந்த வரிகளை அப்படியே உங்கள் மனக்கண்ணில் நிறுத்துங்கள் நினைத்துப் பார்க்கும் போதே மனதில் மழை பெய்கிறது அல்லவா? நிஜத்தில் அப்படியான வாழ்வை வாழ்ந்துக் கொண்டிருக்கிறார்கள் ஸ்பிட்டி பள்ளத்தாக்கு மக்கள். இப்பூவுலகில் அதிக உயரத்தில் இருக்கும் வசிப்பிடங்களில் இமயமலையில் அமைந்திருக்கும் இந்த பள்ளத்தாக்கும் ஒன்று. தரிசான மலைகள், பாம்புபோல ஊர்ந்து செல்லும் ஆறுகள், பாலை போல காட்சித் தரும் குளிர்ச்சியான நிலப்பரப்பு என வேறொரு உலகத்திற்கு சென்றது போல இருக்கிறது ஸ்பிட்டி வேலி. தபால் நிலையம் இப்படியான நிலப்பரப்பில் வசிக்கும் ஒருவரது ஆன்மா எவ்வளவு நெகிழ்வுடன் இருக்கும்? அந்த நெகிழ்ச்சி வார்த்தைகளாக உருப்பெற்றால்... அப்படியான வார்த்தைகளை கொண்டு எழுதப்பட்ட வார்த்தைகளை சுமந்து செல்ல அங்கு செயல்படுகிறது ஒரு தபால் நிலையம். படத்தின் காப்புரிமைSANDIPAN DUTTA கடல் மட்டத்திலிருந்து 4,440 மீட்டர் உயரத்தில் இருக்கும் ஹிக்கிம் கிராமத்தில் இருக்கிறது அந்த தபால் நிலையம். அங்கு சிறு சிறு குழுக்களாக இருக்கும் கிராமத்தை இந்த உலகத்துடன் இணைப்பது அந்த தபால் நிலையம்தான். அந்த தபால் நிலையம் தொடங்கப்பட்ட 1983 ஆம் ஆண்டிலிருந்து அங்கு போஸ்ட்மாஸ்டராக இருக்கிறார் ரின்சென் செரிங். படத்தின் காப்புரிமைSANDIPAN DUTTA அவர், "சாலைகள் மிகமோசமானதாக இருக்கும். வாகனங்கள் செல்ல முடியாது. கடிதங்களை சுமந்துக் கொண்டு நடந்து செல்ல வேண்டும். பனிப்பொழிவின் காரணமாக குளிர்காலங்களில் அடிக்கடி இந்த தபால் நிலையம் மூடப்படும்" என்கிறார். படத்தின் காப்புரிமைSANDIPAN DUTTA இங்கிருந்து ஸ்பிட்டி பள்ளத்தாக்கு தலைநகரான கஸாவுக்கு சென்று வர 46 கிலோ மீட்டர் பயணம். இரண்டு தபால் ஊழியர்கள் கடிதங்களை மக்களிடம் கொண்டு சேர்க்கும் பணியை மேற்கொள்கிறார்கள். ஐந்து கிராமம், ஒரு பள்ளி ஹிக்கிம் தபால் நிலையத்தை சார்ந்து இருக்கும் நான்கு, ஐந்து கிராமங்களில் மக்கள் தொகை குறைவுதான். கைபேசி சேவை இருக்கிறதென்றாலும், எல்லா நேரத்திலும் அது செயல்படாது. இணைய வசதி இன்னும் சென்று சேரவில்லை. படத்தின் காப்புரிமைSANDIPAN DUTTA இங்கு இருக்கும் கிராமங்களில் ஒன்று கோமிக். 4,587 மீட்டர் உயரத்தில் அமைந்துள்ளது இண்ட கிராமம். இங்கு 13 வீடுகள் மட்டுமே உள்ளன. ஒரு பள்ளி இருக்கிறது. அங்கு ஐந்து மாணவர்கள் மட்டுமே படிக்கிறார்கள். பழைய மடாலயம் ஒன்று உள்ளது, சிறு விவசாயபரப்பும் உள்ளது. அங்கு பார்லி மற்றும் பச்சை பட்டாணி விவசாயம் நடைபெறுகிறது. கடும் பனிப்பொழிவின் காரணமாக ஆண்டுக்கு ஆறு மாதங்கள் ஸ்பிட்டி பள்ளதாக்குக்கும் வெளி உலகுக்குமான தொடர்பு துண்டிக்கப்படும். இங்குள்ள மக்கள் பெளத்தத்தின் மீது பெரும் நம்பிக்கை வைத்திருக்கிறார்கள். இந்தியாவின் பழைய மடாலயம் இங்கு உள்ளது. சிலர் இதனை ஆயிரம் ஆண்டுகள் பழமையானது என்கிறார்கள். https://www.bbc.com/tamil/india-45327558
  12. 5 points
    உலக புகழ் பெற்ற கம்யூனிச தலைவர்களான மாவோ லெனின் போன்ற தலைவர்களின் படங்கள் பதாதைகள் இன்னமும் உலககெங்கிலும் கொண்டு திரிகிறார்கள்.அந்த வகையில் உலக புகழ் பெற்ற எம்கண் முன்னே அத்தனையோ சாகசங்கள் செய்து காட்டிய எம்தவைனின் படத்தை கொண்டு திரிவதில் என்ன தவறு?
  13. 5 points
    அப்ப திமுக அல்லது அதிமுக அல்லது பிஜேபி அதையும் விட்டு காங்கிரஸ் அண்ணை படத்தை போட்டு கொண்டு போனால் நீங்கள் அமைதியாகுவீங்களா ? சொல்லுங்க இன்னும் பத்து வருடம் போனால் ஈழத்தில் இப்படி ஒரு போராட்டம் நடை பெற்றதா என்பதே தமிழ்நாட்டில் கேள்வி குறி ஆகும் ஊருக்கு ஒரு பெண்டாட்டி வைத்தவர்கள் கருணாநிதியின் வாழ்க்கை வரலாறு மட்டும் தெலுங்கனின் வாழ்க்கை வரலாறு மட்டும் தமிழ்நாட்டு பாடதிட்டத்தில் வருவது உங்களுக்கு ஓகேயா ? அப்படி இருந்தபடியால்தான் இப்ப வந்ததும் கல் எறிந்து விளையாடுது .
  14. 5 points
  15. 4 points
    இதையெல்லாம் நான் சில வருடங்களுக்கு முன்னர் எதிர்வு கூறியபோது எந்தவொரு யாழ் களத்தில் யாரும் கண்டு கொள்ளவில்லை. இதைவிட நிர்வாகம் எச்சரிக்கை புள்ளியும் இட்டு இருந்தது.....!!!!! இப்பொழுது எல்லாரும் இருந்து வேடிக்கை பார்க்க வேண்டியது தான்
  16. 4 points
  17. 4 points
  18. 4 points
    பிற இனத்தவர்கள் தமிழ் நாட்டு மக்களின் மேல் சம்பல் அரைக்கும் போது 60 வருடத்துக்கு பிறகாவது ஒருவர் அவர்களை தோலுரித்து காட்டுவதற்கு பெயர் நாசி அல்லது அதற்கு மேலாகவும் இருக்கலாம்.கடைசி தமிழ் நாட்டு மக்கள் தாங்கள் எங்கு இருக்கிறோம் என புரிந்தாலே போதுமானது. கர்நாடகத்தவர்கள் கர்நாடகத்தை ஆள்கிறார்கள். தெலுங்கர்கள் தெலுங்கு தேசத்தை ஆள்கிறார்கள்.மலையாளிகள் மலையாளத்தை ஆள்கிறார்கள். தமிழர்கள் தம்மை ஆளவேண்டும் என கேட்பது எப்படி தேசிய வெறியாகும் என விளங்கவில்லை.ஏனைய மானிலத்தவர்கள் தமிழர்களுக்கு கிடைக்கும் அத்தனை சுதந்திரத்தையும் அனுபவிக்கலாம் என்று கூறுவது தேசிய வெறியா?? விளக்கம் தேவை.
  19. 4 points
    அடுத்தவர் பிரச்சனையை நாம் உணர முடியாது என்பது நிதர்சனம். ஏனெனில் மனிதன் அடிப்படையில் சுயநல விலங்கு. எமக்கு வேறு வகையில் பிரச்னை ஒன்று வராவிடில், நாம் எமது கட்டுப்பாட்டில் இருக்கும் ஒன்றை விடப் போவதில்லை. இதுதான் இன்று சிங்களவர் நிலை. போர்த்துக்கேயர் 138 வருடங்கள் ஆண்டார்கள். ஒல்லாந்தர் வருவார்கள் என்று நினைக்காததால், கோவிலை இடித்து, மாடுகளை கொன்று தின்று, எதிர்த்த மக்களை கொலை செய்து அட்டகாசம் செய்தார்கள். ஒல்லாந்தர் வந்தார்கள், அவர்கள் கிளம்ப வேண்டியதாயிற்று. ஆங்கிலேயர் வரும் வரை ஒல்லாந்தர் ஆட்டம். உலகின் மிகப் பெரும் சாம்ராஜ்யத்தினை ஆளும் தம்மை அசைக்க முடியாது என்று ஆங்கிலேயர் நினைத்து இருந்தனர். ஒரு ஹிட்லர் வந்தார். இன்று அந்த நாட்டிலிலேயே ஸ்காட்லாந்து பிரிந்து போக விரும்புகிறது. இலங்கையில் அண்மைக்காலமாக ஒரு விசயத்தினை கவனித்திருப்பீர்கள். தமிழ் மக்கள் துணிந்து போராட வருகிறார்கள். யுத்த காலத்தில், புலிகள் என்று கூறி அடக்கி ஒடுக்கிய சிங்களம், இப்போது செய்வது அறியாது திகைக்கிறது. முல்லைதீவில் தமிழ் மீனவர் படகுகளை எரித்ததன் மூலம் அவர்களை அடக்க முனைந்தார்கள். ஆனால் எரியும் போதே, உலகம் முளுவதும் செய்தி பரவியதால், எரித்தவர் மூவர் கைதாகியதுடன், ஏனையோர் கிளம்பிப் போக வேண்டியதாகி விட்டது. மக்களின் இந்த அகிம்சைப் போராட்டமும், தீவின் மீதான சீன, இந்திய, மேற்கு ஆர்வமுமே எமக்கு ஒரு முடிவை தரும்.
  20. 4 points
    தொடுப்பு இருந்து பிள்ளை உண்டானால் தற்கொலை செய்யவேண்டும் கொலை செய்யவேண்டும் என்று ஏன் யோசிக்கின்றார்கள்? யுத்தம் மூலம் உருவான பாதிப்பு இன்னும் மாறவில்லை. பாலியல் வல்லுறவுக்கு ஆளாக்கப்பட்டால், கொலை செய்யப்பட்டால் அது சிங்கள இராணுவம், முஸ்லிம் வியாபாரிதான் காரணம் என்று தமிழர்கள் உடனடியாக முடிவெடுப்பதனால் சில தமிழர்களும் இப்படியான குற்றங்களை பிடிபடமாட்டோம் என்று நினைத்துச் செய்கின்றார்கள்.
  21. 4 points
    சந்தேக நபருக்கு இரண்டு பிள்ளைகள் (+ மனைவி), கொலையுண்டான பெண்ணுக்கு 5 வயதில் மாற்றுத்திறனாளி மகள்.... ஆனால் இரண்டும் தம் பிள்ளைகளின் எதிர்காலம் பற்றிய எந்த அக்கறையும் இல்லாமல் தங்கள் 'அமரத்துவ' காதலுக்காக தற்கொலை செய்ய வெளிக்கிட்டு இருக்கினம். பாவம் அந்த பிள்ளைகள் தான். முக்கியமாக அந்த பெண் பிள்ளை வழக்கம் போல நடந்தது என்னவென்று தெரியும் முன்னரே நெடுக்கரும் போலும் சிங்களம் தான் இதுக்கு காரணம் என்று முழங்கி போட்டினம்.
  22. 4 points
    சுவைப்பிரியன் தாயக மக்களின் அபிவிருத்தி குறித்த உங்கள் அக்கறையில் 1% அக்கறை கூட தாயக மக்களுக்கு இல்லை என்பதே கவலைக்குரிய உண்மை. சோம்பேறித்தனமும் பழமைவாதமும் ஒருபோதும் பொருளாதார அபிவிருத்திக்கு உதவாது. துரதிஷரவசமாக அதுதான் அங்கு நிறைந்து காணப்படுகிறது.
  23. 3 points
    துடிப்பில்லாத இதயமும் சில எலும்புத்துண்டுகளும் துடிப்பில்லாத இதயமும் சில எலும்புத்துண்டுகளும் போர்த்தியிருக்க ஒரு துண்டுத் தோலும் போதும் என்கிறதுமனம் உணர்வெல்லாம் விற்று வெறுமை வாங்கி சாம்பல் வெளியொன்றில்-அது புரண்டிடத் துடிக்கிறது விழி திறந்த வேளைகளில் வெறுமைகள் தேடி பிரபஞ்சம் எல்லாம் அலைந்து - அது சலித்துக் கொள்கிறது போதும்...போதும் என்று ஆர்ப்பரித்து புழுதி புரண்டழுகிறது வர்ணமெல்லாம் சேறுபூசி தூரவெறிந்த தூரிகைகளை தேடியெடுத்து கோபத்தோடு எரிக்கிறது குருடனனான உனக்கு வர்ணம் ஒரு கேடாவென்று- எள்ளி நகையாடி கெக்காளமிட்டுதச் சிரிக்கிறது இந்தப் பாழாய்ப்போன மனம் ஒரு கைப்பிடிச் சாம்பலும் சில எலும்புத்துண்டுகளும் போர்த்தியிருக்கத்தோலும் கூடவே துடிப்பில்லாத இதயமும் போதுமென்று புலம்புகிறது ! என்னை ஆக்கிரமி ! வா, வந்து முற்றாக என்னை ஆக்கிரமி என் உணர்வெல்லாம் பந்தாக்கி மனவறையில் எறிந்து விளையாடு உனது தேடல்களின் சாயல் என்று எனை அழை அடிக்கடி எனக்கதை நினைவூட்டு ரத்தமும் சதையுமான என் இதயத்தை சருகாக்கு உனது தேடல்களின் தெருக்களின் ஓரத்தில் அதை எறிந்துவிட்டுப் போ உனது தேடல்கள் தொடரத்தும் முடிவில் எவருமே இல்லை என்றால் அதே தெருக்களில் நடந்து வா வந்து உனக்காகக் கத்திருக்கும் எனதியத்தை தேடியெடு பத்திரப்படுத்து அப்போதாவது உனது தேடல்களின் முடிவு நான் என்று சொல் எனது இதயம் மீண்டும் துளிர்க்கும்
  24. 3 points
  25. 3 points
    ' நாங்களும் ஒழுங்கு நடவடிக்கை எடுப்போம்ல ' என்பது போல் இருக்கிறது நிர்வாகத்தின் நடவடிக்கை . இதுவரை குட்டைப் பாவாடை அணிந்து உள்ளாடை தெரிய விளையாடுகையில் போட்டியை மட்டுமா ரசித்தனர் (ரசித்தோம்) ? அப்போ ஆடையின்றி விளையாட வந்தால் என்றெல்லாம் அபத்தமாகக் கேட்காதீர்கள். அப்படி வந்தால் அப்புறம் யோசிப்போம். அதுவரை அதையே யோசியுங்கள் !