All Activity

This stream auto-updates   

  1. Past hour
  2. கிளிநொச்சி ஒரு நகரமாக மாற்றமடையாது இருப்பதற்கு நகர அபிவிருத்தி அதிகார சபையும், இராணுவமும் முக்கிய தடையாக இருப்பதாக பாராளுமன்ற உறுப்பினர் சி.சிறீதரன் குற்றம் சாட்டியுள்ளார். கிளிநொச்சி மாவட்ட அபிவிருத்தி ஒரு ங்கிணைப்பு குழு கூட்டத்தின் போதே அவர் இவ்வாறு குற்றம் சாட்டியுள்ளார். நகர அபிவிருத்தி அதிகார சபையின் அதிகாரிகள் நகர திட்டமிடல் பற்றி கூட்டத்தில் விளக்க மளித்த போதே பாராளுமன்ற உறுப்பினர் சிறீதரன் குற்றச்சாட்டை சுமத்தியுள்ளார். கிளிநொச்சி டிப்போச் சந்தியில் இருக்கின்ற இராணுவ நினைவுச் சின்னம் யாருக்காக இருக்கிறது? டிப்போச் சந்தியில் இருக்கின்ற செங்கல் சுவர்கள் எப்போது அமைக்கப்பட்டது? எங்கிருந்து செங்கற்கள் கொண்டு வரப்பட்டது? 2009 இற்கு முன் நாங்கள் இடம்பெயர்ந்து சென்ற போது அந்த இடத்தில் அப்படி எதுவும் இல்லையே. இது யாருடைய கலாசாரம் என்பதை காட்டுவதற்கு யார் எடுக்கிற முயற்சி? இதற்கு நகர அவிருத்தி அதி கார சபையும் உடந்தையாக இருக்கிறதா? எனத் தெரிவித்த அவர், கிளிநொச்சி நகரமாவதற்கு நகர அபிவிருத்தி அதிகார சபையினரும் ஒத்துழைப்பது இல்லை என்றும் குற்றம் சாட்டினார். இதன்போது அங்கு கருத்து தெரிவித்த பாராளுமன்ற உறுப்பினர் அங்கஜன் இராமநாதன் கிளிநொச்சி டிப்போச் சந்தி இராணுவ நினைவுச் சின்னம் நல்லிணக்கத்திற்கு பொருத்தமானது இல்லை என்பதால் அது தொட ர்பில் ஜனாதிபதிக்கு கடிதம் எழுதுவோம் எனத் தெரிவித்தார். தொடர்ந்து இக் கருத்து ஏற்றுக்கொள்ளப்பட்டு ஒருங்கிணைப்புக் குழு கூட்டத்தில் அது தீர்மானமாகவும் நிறைவேற்றப்பட்டது. http://www.valampurii.lk/valampurii/content.php?id=14711&ctype=news
  3. கிளிநொச்சியில் பதற்றம்: ஏ9 வீதி முடக்கம் Editorial / 2017 மே 30 செவ்வாய்க்கிழமை, மு.ப. 11:23Comments - 0Views - 65 -சுப்பிரமணியம் பாஸ்கரன், எஸ்.என்.நிபோஜன் காணாமற் போனவர்களைக் கண்டுபிடித்துத் தருமாறு வலியுறுத்தி, கிளிநொச்சியிலிருந்து காணாமல் ஆக்கப்பட்டவர்களின் உறவினர்களால், கந்தசுவாமி கோயிலுக்கு முன்னால் முன்னெடுக்கப்பட்டு வரும் கவனயீர்ப்புப் போராட்டம், இன்றுச் செவ்வாய்க்கிழமை (30) 100ஆவது நாளை எட்டியது. இந்நிலையில், இன்றுக் காலை 10.30 மணியளவில், சர்வமதப் பிரார்த்தனையில் ஈடுபட்ட ஆர்ப்பாட்டக்காரர்கள், பின்னர் கந்தசுவாமி கோயிலுக்கு முன்னதாகவுள்ள யு9 வீதியின் இருவழிப் பாதைகளையும் முடக்கும் வகையில் நடு வீதியில் அமர்ந்து ஆர்ப்பாட்டத்தில் ஈடுபட்டனர். இதனால், ஏ9 வீதியின் போக்குவரத்து, முற்றாக ஸ்தம்பித்துள்ளது. இதேவேளை, காணாமற் போனவர்களின் உறவினர்களால் முன்னெடுக்கப்பட்டு வரும் போராட்டத்தால், பொதுமக்களுக்கு அசௌகரியம் ஏற்படும் என்றும் இதனால், இன்றைய இப்போராட்டத்துக்கு இடைக்காலத் தடை விதிக்குமாறும் வலியுறுத்தி, கிளிநொச்சி பொலிஸாரால், கிளிநொச்சி நீதவான் நீதிமன்றத்தில், நேற்றைய தினம் (29), மனுவொன்றுத் தாக்கல் செய்யப்பட்டது. இருப்பினும், நீதவான் நீதிமன்றம், அதனை நிராகரித்திருந்தது. இந்நிலையில், போராட்டத்தால் குழப்பங்கள் ஏற்பட வாய்ப்பிருக்கலாம் என்றெண்ணி, போராட்டக்காரர்கள் கூடியுள்ள பகுதியிலும் கிளிநொச்சி மாவட்டச் செயலகம் மற்றும் பொலிஸ் நிலையம் போன்ற இடங்களிலும், பொலிஸார் மற்றும் கலகம் அடக்கும் பொலிஸார் குவிக்கப்பட்டு கிளிநொச்சி நகரின் பாதுகாப்பு பலப்படுத்தப்பட்டுள்ளது. இந்நிலையில், “எங்களது உறவுகளை மீட்டுத்தருமாறு கோரி நாங்கள் கடந்த எட்டு வருடங்களாக பல போராட்டங்களை மேற்;கொண்டு வருகின்றோம். இந்நிலையில், எந்தவித பதில்களும் கிடைக்காத நிலையில், இந்த கவனயீர்ப்பு போராட்டத்தை முன்னெடுத்;;தோம். இப்போராட்டம், இன்று 100ஆவது நாளை எட்டியுள்ளது. இந்த நிலையில், எங்களுக்கான எந்த ஒரு தீர்வுகளும் வழங்காது எங்களது போராட்டங்களை தொடர்ந்து நீடிக்க விட்டு, நல்லாட்சி அரசாங்கமும் அரசியல் தலைமகளும் வேடிக்கை பார்க்கின்றன” என்று, போராட்டத்தில் ஈடுபட்ட மக்கள் தெரிவித்தனர். ஏ9 வீதி முடக்கப்பட்டுள்ளதைத் தொடர்ந்து, சம்பவ இடத்துக்கு விரைந்த கிளிநொச்சி நீதவான், மாவட்ட மேலதிகச் செயலாளர் மற்றும் சட்டத்தரணிகள், போராட்டக்காரர்களுடன், பேச்சுவார்த்தையில் ஈடுபட்டனர். இதனையடுத்து, போராட்டக்காரர்களின் கோரிக்கை அடங்கிய மகஜரொன்றை, மாவட்ட மேலதிகச் செயலாளரிடம் கையளிக்குமாறு, நீதவான் தெரிவித்தார். இதனையடுத்து, போராட்டக்காரர்கள் மனுக் கையளிக்கப்பட்ட நிலையில், குறித்த மனுவை ஜனாதிபதி மைத்திரிபால சிறிசேனவுக்கு அனுப்பி, உரிய நடவடிக்கை எடுப்பதாக, மாவட்ட மேலதிகச் செயலாளர், போராட்டக்காரர்களிடம் உறுதியளித்தார் Tamilmirror
  4. 180 பேர் உயிரிழப்பு 110 பேரைக்காணவில்லை ஐந்தரை இலட்சம் பேர் பாதிப்பு 76 ஆயிரம் பேர் முகாம்களில் தஞ்சம் தொடர்ந்தும் இயல்பு நிலை பாதிப்பு வெள்ள நீர் வழிந்தோட ஆரம்பம் போக்குவரத்தும் ஸ்தம்பிதம் (ஆர்.யசி,எம்.எப்.எம்.பஸீர்) நாட்டில் தொடரும் மோச­மான கால­நிலை கார­ண­மாக வெள்ளம் மற்றும் மண்­ச­ரிவு அனர்த்­தத்தில் சிக்­குண்டு பலியா­னோரின் எண்­ணிக்கை 180 ஆக உயர்­வ­டைந்­துள்­ளது. மேலும் 110 பேர் காணா­மல்­போ­யுள்­ளனர். அத்­துடன் அனர்த்­தங்­களில் 1 இலட்­சத்து 53 ஆயி­ரத்து 303 குடும்­பங்­களை சேர்ந்த 5 இலட்­சத்து 88 ஆயி­ரத்து 82 பேர் பாதிக்­கப்­பட்­டுள்­ளனர். பாதிக்­கப்­பட்ட 18,845 குடும்­பங்­களை சேர்ந்த 75,308 பேர் தொடர்ந்தும் முகாம்­களில் தங்­கி­யுள்­ளனர். கடந்த வாரம் ஏற்­பட்ட சீரற்ற கால­நிலை கார­ண­மாக ஏற்­பட்ட வெள்­ளப்­பெ­ருக்கு மற்றும் மண்­ச­ரிவு என்­ப­ன­வற்­றினால் பாதிக்­கப்­பட்ட மக்­களின் எண்­ணிக்கை தொடர்ந்தும் அதி­க­ரித்­த­வண்ணம் உள்­ளது. பாதிப்­புக்­குள்­ளாகி உயி­ரி­ழந்­தோரின் எண்­ணிக்­களை நேற்று 179 ஆக உயர்­வ­டைந்­துள்­ள­துடன் 109 பேர் காணாமல் போயுள்­ளனர். அதேபோல் இரத்­தி­ன­புரி, கேகாலை, மாத்­தளை, கண்டி, வவு­னியா, முல்­லைத்­தீவு, மாத்­தறை, ஹம்­பாந்­தோட்டை, காலி,கொழும்பு, களுத்­துறை, கம்­பஹா, மட்­டக்­க­ளப்பு,திரு­கோ­ண­மலை மற்றும் நுவ­ரெ­லியா ஆகிய மாவட்­டங்­களில் 1 இலட்­சத்து 50 ஆயி­ரத்து 392 குடும்­பங்­களை சேர்ந்த 5 இலட்­சத்து 57 ஆயி­ரத்து 505 பேர் பாதிக்­கப்­பட்­டுள்­ளனர். அதி­க­மாக பாதிக்­கப்­பட்ட 18 ஆயி­ரத்து 612 குடும்­பங்­களை சேர்ந்த 74 ஆயி­ரத்து 928 பேர் இது­வ­ரையில் 366 தற்­கா­லிக முகாம்­களில் தங்­க­வைக்­கப்­பட்­டுள்­ளனர் . நேற்று மற்றும் நேற்று முன்­தினம் கால­நிலை சாதா­ரண நிலை­மையில் இருந்த போதிலும் சாதா­ரண மழை­வீழ்ச்சி காணப்­பட்­டது. சில பகு­தி­களில் கடு­மை­யான மழை வீழ்ச்சி குறித்த சில மணி­நே­ரங்­க­ளுக்கு மாத்­திரம் பதி­வா­கி­யுள்­ளது. இந்­நி­லையில் பாதிக்­கப்­பட்ட பகு­தி­களின் நீர் தேங்­கி­யுள்­ளதை அடுத்து மக்­களின் இயல்பு வாழ்க்கை தொடாந்தும் பதிக்­கப்­பட்ட வண்­ணமே உள்­ளது. வங்­காள விரி­கு­டாவில் ஏற்­பட்­டுள்ள தாழ­முக்கம் கார­ண­மாக மீண்டும் கன­மழை பெய்­யக்­கூ­டிய வாய்ப்­புகள் உள்­ள­தாக வளி­மண்­ட­ல­வியல் திணைக்­களம் தெரி­வித்­துள்­ளது. மாத்­தறை மாவட்­டத்தில் அதி­க­ள­வானோர் பாதிப்பு இந்த அனர்த்­தங்­களில் மாத்­தறை மாவட்­டமே அதி­க­மாக பாதிப்­பு­க­ளுக்கு உள்­ளா­கி­யுள்­ளது. மாத்­தறை மாவட்­டத்தை சேர்ந்­த­வர்­களே அதி­க­ளவு பாதிக்­கப்­பட்­டுள்­ள­தாக அனர்த்த முகா­மைத்­துவ மத்­திய நிலைய தக­வல்கள் தெரி­விக்­கின்­றன. மாத்­த­றையில் மாத்­திரம் 24 பேர் உயி­ரி­ழந்­துள்ள நிலையில் மேலும் 15 பேர் காணாமல் போயுள்­ளனர். பாது­காப்பு படை­க­ளினால் காணமால் போனோரை தேடும் பணிகள் தொடர்ந்­த­வண்ணம் உள்­ளன. குறித்த மாவட்­டத்தில் 16 பிர­தேச செய­ல­கங்கள் அனர்த்­தத்­தினால் பெரிதும் பாதிக்­கப்­பட்­டுள்ள நிலையில் இப் பிர­தேச செய­லங்­க­ளுக்கு உட்­பட்ட 87 வீடுகள் முற்­றா­கவும் 2001 வீடுகள் பகுதி அள­விலும் சேத­ம­டைந்­துள்­ளது. மாத்­தறை மாவட்­டத்தில் 41 ஆயி­ரத்து 545 குடும்­பங்­களைச் சேர்ந்த 1 இலட்­சத்து 31 ஆயி­ரத்து 775 பேர் வெள்ளம் மற்றும் மண் சரிவால் பாதிக்­கப்­பட்ட நிலையில் அவர்­களில் 2714 குடும்­பங்­களைச் சேர்ந்த 9 ஆயி­ரத்து 370 பேர் 29 முகாம்­களில் தங்­க­வைக்­கப்­பட்­டுள்­ளனர். களுத்­து­றையில் 54 பேர் பலி இயற்கை அனர்த்­தத்தில் சிக்­குண்டு களுத்­துறை மாவட்­டத்தில் 54 பேர் உயி­ரி­ழந்­துள்­ள­துடன் 69 பேர் காய­ம­டைந்­துள்­ளனர். அத்­துடன் மண் சரிவு மற்றும் வெள்ள அனர்த்தம் கார­ண­மாக மேலும் 57 பேர் காணாமல் போயுள்­ளனர். களு கங்­கையின் நீர் மட்டம் ஓர­ளவு குறைந்­துள்ள போதும் தாழ் நிலப் பகு­தி­களில் தொடர்ந்தும் வெள்ள நிலைமை நீடித்து வரு­கின்­றது. இது வரை­யி­லான காலப்­ப­கு­தியில் களுத்­துறை மாவட்­டத்தில் 29 ஆயி­ரத்து199குடும்­பங்­களைச் சேர்ந்த 107906 பேர் பாதிக்­கப்­பட்­டுள்­ள­துடன் அவர்­களில் 1602 குடும்­பங்­களைச் சேர்ந்த 6034 பேர் 60 முகாம்­களில் தங்­க­வைக்­கப்­பட்­டுள்­ளனர். களுத்­துறை மாவட்­டத்தின் 5 பிர­தேச செய­லாளர் பிரி­வு­க­ளுக்கு உட்­பட்ட பகு­தி­களில் 26 பாரிய மண் சரிவு சம்­ப­வங்கள் பதி­வா­கி­யுள்­ளன. களுத்­துறை, மது­ரா­வல, தொடான்­கொடை செய­லகப் பிரி­வு­களின் கீழ் உள்ள பகு­திகள் பல நேற்றும் அபாய எச்­ச­ரிக்­கையின் கீழேயே அடை­யா­ள­ப­டுத்­தப்­பட்­டுள்­ளது. மேல் மாகா­ணத்தி க்கு தொடர்ந்து மழை பெய்யக் கூடிய அபாயம் காணப்­படும் நிலையில் களுத்­துறை மாவட்­டத்­திற்­கான எச்­ச­ரிக்கை தொடர்­கி­றது. காலியில் 12 உயி­ரி­ழப்­புக்கள் நிவா­ரண சேவைகள் தீவிரம் தொடர்ச்­சி­யாக பெய்த கன­மழை கார­ண­மாக காலி மாவட்­டத்தின் பல பகு­தி­களும் தொடர்ந்தும் வெள்­ளத்தில் மூழ்­கி­யுள்­ளன. கிங் கங்­கையின் நீர் மட்டம் அதி­க­ரித்­ததன் விளை­வாக ஏற்­பட்ட வெள்­ளத்தில் கிங் கங்­கையை அண்­மித்­துள்ள பகு­திகள் அனைத்தும் நீரில் மூழ்­கிய போதும் தற்­போது வெள்ளம் வடிந்­தோ­டி­வ­ரு­கின்­றது. எனினும் காலியின் பத்­தே­கம மற்றும் அதனை அண்­மித்த பகு­தி­களில் வெள்ள நீர் தொடர்ந்தும் அதே மட்­டத்தில் காணப்­படும் நிலையில் அப்­ப­கு­தி­களில் உள்ள பல கிராம சேவகர் பிரி­வு­க­ளுக்கு நிவா­ர­ணங்­களை கொன்டு செல்லும் பணி­களில் தொடர்ந்தும் சிரமம் காணப்­ப­டு­கின்­றது. அனர்த்தம் கார­ண­மாக காலி மாவட்­டத்தில் 38155 குடும்­பங்­களைச் சேர்ந்த 151360 பேர் பாதிக்­கப்ப்ட்­டுள்­ள­துடன் 12 பேர் உயி­ரி­ழந்­துள்ள நிலையில் மேலும் 10 பேர் காணாமல் போயுள்­ளனர். பாதிக்­கப்­பட்­டோரில் 634 குடும்­பங்­களைச் சேர்ந்த 1411 பேர் 13 முகாம்­களில் தங்க வைக்­கப்­பட்­டுள்­ளனர். இரத்­தி­ன­பு­ரியில் 77 உயி­ரி­ழப்­புக்கள் 28 பேரை காண­வில்லை அனர்த்­தங்­க­ளினால் இரத்­தி­ன­புரி மாவட்­டத்­தி­லேயே அதிக உயி­ரி­ழப்­புக்கள் பதி­வா­கி­யுள்­ளன. மண் சரிவு, வெள்ளம் கார­ண­மாக இந்த உயி­ரி­ழப்­புக்கள் ஏற்­பட்­டுள்­ள­துடன் நேற்று ஐந்­தா­வது நாளா­கவும் இரத்­தி­ன­புரி மாவட்­டத்தின் பல பகு­திகள் தொடர்ந்தும் நீரில் மூழ்­கி­யி­ருந்­தன. இந் நிலையில் இரத்­தி­ன­புரி மாவட்­டத்தில் மட்டும் இது­வரை 77 பேர் மண் சரிவு மற்றும் வெள்­ளத்­துக்கு பலி­யா­கி­யுள்­ள­தா­கவும் 26 பேர் காய­ம­டைந்­துள்­ள­துடன் 28 பேர் காணாமல் போயுள்­ளனர். இரத்­தின புரி மாவட்­டத்தில் தற்­ச­மயம் மழை ஓய்ந்­துள்ள போதும் , இரத்­தி­ன­பு­ரியின் 325 கிராம சேவகர் பிரி­வுகள் நீரில் மூழ்­கி­யுள்­ளன. ஏனைய மாவட்­டங்கள் கேகாலை மாவட்­டத்தில் 1526 குடும்­பங்­களை சேர்ந்த 5799 பேர் பாதிக்­கப்­பட்­டுள்­ள­துடன் நான்கு பேர் உயி­ரி­ழந்­துள்­ளனர். மாத்­தளை மாவட்­டத்தில் 7 குடும்­பங்­களை சேர்ந்த 31 பேர் பாதிக்­கப்­பட்­டுள்­ளனர். கண்டி மாவட்­டத்தில் 4 குடும்­பங்­களை சேர்ந்த 20பேர் பாதிக்­கப்­பட்­டுள்­ளனர். வவு­னியா மாவட்­டத்தில் 31 குடும்­பங்­களை சேர்ந்த 102 பேர் பாதிக்கப் பட்­டுள்­ள­துடன், முல்­லைத்­தீவு மாவட்­டத்தில் 27குடும்­பங்­களை சேர்ந்த 72பேர் பாதிக்­கப்­பட்­டுள்­ளனர். அம்­பாந்­தோட்டை மாவட்­டத்தில் 2409 குடும்­பங்­களை சேர்ந்த 10368 பேர் பாதிக்­கப்­பட்­டுள்­ள­துடன் 5பேர் உயி­ரி­ழந்­துள்­ளனர். கொழும்பு மாவட்­டத்தில் 5150 குடும்­பங்­களை சேர்ந்த 20172நபர்கள் பாதிக்­கப்­பட்­டுள்­ளனர். கம்­பஹா மாவட்­டத்தில் 3756 குடும்­பங்­க­களை சேர்ந்த 16133பேர் பாதிக்­கப்­பட்­டுள்­ள­துடன் பேர் உயி­ரி­ழந்­துள்­ளனர். மட்­டக்­க­ளப்பு மாவட்­டத்தில் 4 குடும்­பங்­களை சேர்ந்த 20 பேர் பாதிக்­கப்­பட்­டுள்­ளனர். திரு­கோ­ண­மலை மாவட்­டத்தில் 206 குடும்­பங்­களை சேர்ந்த நபர்கள் பாதிக்­கப்­பட்­டுள்­ளனர். நுவ­ரெ­லியா மாவட்­டத்தில் 28 குடும்­பங்­களை சேர்ந்த 123 பேர் பாதிக்­கப்­பட்­டுள்­ளனர். நீர்­மட்டம் குறைவு. மழை­வீழ்ச்சி குறை­வ­டைந்­துள்ள நிலையில் களு­கங்கை, நில்­வலா கங்கை, கிங் கங்கை, களனி கங்கை ஆகிய நான்கு கங்­கை­களின் நீர்­மட்டம் குறை­வ­டைந்­துள்ள நிலையில் வெள்­ள­பெ­ருக்கும் குறை­வ­டைந்­துள்­ளது. தற்­போது மக்களுக்கு எந்த ஆபத்தும் இல்லை என தெரிவிக்கப்பட்ட போதிலும் திடீர் மழை பெய்யும் நிலையில் மீண்டும் அனர்த்தங்கள் ஏற்பட வாய்ப்புகள் உள்ளன. ஆகவே எச்சரிக்கை விடுக்கப்பட்டுள்ள பகுதிகளில் உள்ள மக்கள் அவதானத்துடன் இருக்குமாறு வலியுறுத்தப்பட்டுள்ளது எட்டு மாவட்டங்கள் தொடர்தந்தும் அனர்த்த எச்சரிக்கை. கேகாலை, காலி மாத்தறை, இரத்தினபுரி, கண்டி, நுவரெலியா, அம்பாந்தோட்டை களுத்துறை ஆகிய எட்டு மாவட்டங்களுக்கு விடுக்கப்பட்டுள்ள அனர்த்த நிலைமை எச்சரிக்கை மேலும் நீடிக்கப்பட்டுள்ளதாக தேசிய கட்டிட ஆய்வுகள் நிறுவனம் அறிவித்துள்ளது. நேற்று மாலை விடுக்கப்பட்ட இந்த அறிவித்தலின் அடிப்படையில் மலைப்பாங்கான பகுதியைச் சேர்ந்த மக்கள் அவதானமாக செயற்படுமாறு கோரப்பட்டுள்ளது. http://content.epaper.virakesari.lk/newspaper/Daily/main/2017-05-30#page-1
  5. போட்டி முடிவு திகதி 30.05.2017 ஜெர்மனி நேரம் மதியம் 12 மணி.
  6. உலக மசாலா: மனித உடலுக்குள் மைக்ரோசிப் வரமா, சாபமா? ஸ்வீடனைச் சேர்ந்த எபிசென்டர் என்ற தொழில்நுட்ப நிறுவனம், தன் ஊழியர்களின் கைகளில் மைக்ரோசிப்பை பொருத்தி வருகிறது. 3000 பேர் வேலை செய்யும் நிறுவனத்தில் இதுவரை, 150 பேருக்கு மைக்ரோசிப்பைப் பொருத்திவிட்டது. நிறுவனத்தின் இந்த நடவடிக்கைக்கு ஒத்துழைப்பு அளித்தாலும் தாங்கள் மகிழ்ச்சியாக இல்லை என்கிறார்கள் மைக்ரோசிப் பொருத்தப்பட்ட ஊழியர்கள். “சிறிய அரிசி அளவுள்ள சிப்பை எங்கள் கைகளில் பொருத்தியிருக்கிறார்கள். சில நாடுகளில் செல்லப் பிராணிகளின் உடலில் இதுபோன்ற மைக்ரோசிப்பை பொருத்துவார்கள். அது எங்கே போகிறது, வருகிறது என்பதை எளிதாகக் கண்டுபிடித்துவிட முடியும். அதேபோல தான் நாங்கள் வேலை செய்கிறோமோ, கேண்டீனில் இருக்கிறோமோ, இந்தக் கட்டிடத்தை விட்டு வெளியே சென்றுவிட்டோமா என்றெல்லாம் இந்த மைக்ரோசிப் மூலம் கண்டுபிடித்துவிட முடியும். கண்காணிப்பு கேமராவை விட இது இன்னும் துல்லியமாக ஊழியர்களைக் கண்காணிக்கிறது” என்கிறார் ஓர் ஊழியர். “நம் வாழ்க்கையை எளிதாக்குவதற்குதான் தொழில்நுட்பம். மைக்ரோசிப் பொருத்தப்பட்டவர்கள் தனியாக அடையாள அட்டையை எடுத்துக்கொண்டு வரவேண்டியதில்லை. கேண்டீனில் கூப்பன் வாங்க வேண்டிய அவசியமில்லை. அலுவலகக் கதவு தானாகவே திறந்துகொள்ளும். இப்படி வேலை செய்யும் இடத்தில் எல்லாவற்றையும் எளிதாக்கி விடுகிறது இந்த மைக்ரோசிப். அரிசி அளவில் இருக்கும் மைக்ரோசிப்பை எளிதாக உடலுக்குள் வலியின்றி, ரத்தமின்றி நுழைத்துவிட முடியும். எதிர்காலத்தில் கடன் அட்டை, சாவிகளுக்குப் பதிலாக மைரக்ரோசிப்பை பயன்படுத்திக்கொள்ள முடியும். இதைக் கண்டு யாரும் அச்சப்படத் தேவையில்லை. காலப்போக்கில் உடலுக்குள் வைக்கக்கூடிய மைக்ரோசிப் தவிர்க்க இயலாததாக மாறிவிடும்” என்கிறார் எபிசென்டர் நிறுவனர்களில் ஒருவரான பாட்ரிக் மெஸ்டர்டன். மனித உடலுக்குள் மைக்ரோசிப் வரமா, சாபமா? பிலிப்பைன்ஸைச் சேர்ந்த 20 வயது மாடல் ராசின் ப்ரெகுன்டா, கடந்த மாதம் புற்றுநோயால் இறந்து போனார். தான் இறப்பதற்கு ஐந்து நாட்களுக்கு முன்பாக, தன் தங்கை ரோசிலினிடம், “இந்தப் புற்றுநோய் என் உடலை மோசமாகப் பாதித்துவிட்டது. இனி உயிர் பிழைக்க மாட்டேன். நான் இதுவரை எப்படி அழகாகப் பார்க்கப்பட்டேனோ, அதேபோல அழகாகவே மரணத்தைச் சந்திக்க விரும்புகிறேன். என் மரணத்துக்குப் பிறகு என் பெயரைச் சொல்லும்போது அழகான உருவம் தான் மனதில் வரவேண்டும்” என்று கேட்டுக் கொண்டார். “என் அக்கா மிகவும் துணிச்சலாகப் புற்றுநோயை எதிர்கொண்டார். அவரது கோரிக்கையை நிறைவேற்றுவதாக உறுதியளித்தேன். அதேபோல ராசின் இறந்தவுடன், அவரது பிரத்யேக ஒப்பனைக் கலைஞரை வரவழைத்து ஒப்பனை செய்தோம். இறுதி நேரத்தில் வலியை அனுபவித்தாலும் ராசினின் முகம் மெல்லிய புன்னகையுடன் இருந்ததைக் கண்டு பலரும் ஆச்சரியமடைந்தனர். இறுதிச் சடங்குகள் அவரின் விருப்பப்படி நடத்தப்பட்டது. அத்தனை விஷயங்களையும் புகைப்படங்கள் எடுத்து, ராசினின் ஃபேஸ்புக்கில் வெளியிட்டுள்ளேன். பலரும் தங்கள் கருத்துகளைப் பகிர்ந்து வருகிறார்கள்” என்கிறார் ரோசிலின். அழகான இறுதி மரியாதை! http://tamil.thehindu.com/world/உலக-மசாலா-மனித-உடலுக்குள்-மைக்ரோசிப்-வரமா-சாபமா/article9715695.ece?homepage=true&relartwiz=true
  7. Today
  8. கிளிநொச்சியில் கலகம் அடக்கும் பொலிஸார் குவிப்பு -சுப்பிரமணியம் பாஸ்கரன் கிளிநொச்சி மாவட்டச் செயலகம் மற்றும் பொலிஸ் நிலையம் போன்ற இடங்களில், பொலிஸார் மற்றும் கலகம் அடக்கும் பொலிஸார் குவிக்கப்பட்டு, கிளிநொச்சி நகரின் பாதுகாப்பு பலப்படுத்தப்பட்டுள்ளது. காணாமல் ஆக்கப்பட்டோரின் உறவுகளால் மேற்கொள்ளப்படும் போராட்டம் 10ஆவது நாளாக இன்று இடம்பெறுகின்றது. இந்நிலையிலேயே இவ்வாறு கலகம் அடக்கும் பொலிஸார் குவிக்கப்பட்டுள்ளனர். போராட்டத்தில் ஈடுபட்டுள்ள மக்களால் அசம்பாவிதங்கள் ஏற்படாலாம் எனக் கருதியே இவ்வாறு பொலிஸார் குவிக்கப்பட்டுள்ளதாக தெரிவிக்கப்படுகின்றது. http://www.tamilmirror.lk/வன்னி/கிளிநொச்சியில்-கலகம்-அடக்கும்-பொலிஸார்-குவிப்பு/72-197600
  9. டிரினிடாட் டொபாகோ தீவுக்கு இந்தியர்கள் சென்ற நாள்: மே 30- 1845 மேற்கிந்திய தீவுகளில் உள்ள டிரினிடாட் டொபாகோ தீவுக்கு இந்தியர்கள் 1845-ம் ஆண்டு மே மாதம் 30ந்தேதி வந்திறங்கினர். இதே தேதியில் நிகழ்ந்த முக்கிய நிகழ்வுகள்:- * 1431 - நூறாண்டுகள் போர்: பிரெஞ்சு வீராங்கனை 19 வயது ஜோன் ஒஃப் ஆர்க் ரோவென் என்ற இடத்தில் ஆங்கிலேயர்களைப் பெரும்பான்மையாகக் கொண்ட நீதிமன்றத்தினால் உயிருடன் தீ வைக்கப்பட்டு மரணதண்டனைக்கு உட்படுத்தப்பட்டாள். * 1539 - தங்கம் கண்டுபிடிக்கும் நோக்கில் ஹெர்னாண்டோ டி சோட்டோ 600 படையினருடன் மேற்கிந்திய தீவுகளில் உள்ள டிரினிடாட் டொபாகோ தீவுக்கு இந்தியர்கள் 1845-ம் ஆண்டு மே மாதம் 30ந்தேதி வந்திறங்கினர். இதே தேதியில் நிகழ்ந்த முக்கிய நிகழ்வுகள்:- * 1431 - நூறாண்டுகள் போர்: பிரெஞ்சு வீராங்கனை 19 வயது ஜோன் ஒஃப் ஆர்க் ரோவென் என்ற இடத்தில் ஆங்கிலேயர்களைப் பெரும்பான்மையாகக் கொண்ட நீதிமன்றத்தினால் உயிருடன் தீ வைக்கப்பட்டு மரணதண்டனைக்கு உட்படுத்தப்பட்டாள் * 1539 - தங்கம் கண்டுபிடிக்கும் நோக்கில் ஹெர்னாண்டோ டி சோட்டோ 600 படையினருடன் புளோரிடாவை அடைந்தான். * 1588 - 30,000 பேர்களுடன் ஸ்பானிய ஆர்மாடா என்ற 130 ஸ்பானியப் போர்க்கப்பல்களின் கடைசிக் கப்பல் ஆங்கிலக் கால்வாயை நோக்கிய பயணத்தை லிஸ்பனில் இருந்து புறப்பட்டட்து. * 1635 - முப்பதாண்டுப் போர்: பிராக் அமைதி உடன்பாடு எட்டப்பட்டது. * 1815 - இலங்கையிலிருந்து காயப்பட்ட போர்வீரர்களை ஏற்றி வந்த பிரித்தானியக் கிழக்கிந்தியக் கம்பெனியின் ஆர்னிஸ்டன் என்ற கப்பல் தென்னாபிரிக்காவுக்கு அருகில் மூழ்கியதில் அதில் பயணம் செய்த 378 பேரில் 372 பேர் கொல்லப்பட்டனர். * 1845 - டிரினிடாட் டொபாகோவுக்கு முதல் தொகுதி இந்தியர்கள் வந்திறங்கினர். * 1883 - நியூயோர்க் நகரில் புரூக்ளின் பாலம் இடிந்து விழப்போவதாக எழுந்த வதந்தியை அடுத்து இடம்பெற்ற நெரிசலில் சிக்கி 12 பேர் இறந்தனர். * 1913 - முதலாம் பால்க்கன் போர்: லண்டன் உடன்பாடு, 1913 எட்டப்பட்டு போர் முடிவுக்கு வந்தது. அல்பேனியா தனி நாடாகியது. * 1942 - இரண்டாம் உலகப் போர்: 1000 பிரித்தானிய போர் விமானங்கள் ஜெர்மனியின் கொலோன் நகரில் 90-நிமிடங்கள் குண்டுமாரி பொழிந்தன. * 1966 - முன்னாள் காங்கோ பிரதமர் எவரீஸ்டே கிம்பா மற்றும் பல அரசியல் தலைவர்கள் பகிரங்கமாகத் தூக்கிலிடப்பட்டார்கள். * 1971 - செவ்வாய்க் கோளின் 70 விழுக்காட்டைப் படம் பிடிப்பதற்காகவும் அதன் வளிமண்டலத்தை ஆராயவும் என மரைனர் 9 விண்ணுக்கு ஏவப்பட்டது. * 1972 - இஸ்ரேலின் விமானநிலையத்தில் ஜப்பானிய செம்படையினர் தாக்குதல் மேற்கொண்டதில் 24 பேர் கொல்லப்பட்டனர். * 1981 - வங்காள தேசத்தில் இடம்பெற்ற ராணுவப் புரட்சியின் போது அதிபர் சியாவுர் ரகுமான் ராணுவத்தினரால் சுட்டுக் கொல்லப்பட்டார். * 1987 - கோவா தனி மாநிலமாகியது. * 1998 - வடக்கு ஆப்கானிஸ்தானில் 6.6 ரிக்டர் அளவு நிலநடுக்கத்தில் 5,000 பேர் வரை கொல்லப்பட்டனர். * 2003 - எயார் பிரான்சின் கொன்கோர்ட் விமானம் தனது கடைசிப் பயணத்தை ஆரம்பித்தது. http://www.maalaimalar.com
  10. வவுனியாவில் வாள் ஒன்றுடன் நான்கு பேர் கைது! வவுனியாவில் நேற்று இரவு பொலிஸாரால் மேற்கொள்ளப்பட்ட தேடுதல் நடவடிக்கையி் போது 4 பேர் கைது செய்யப்பட்டதுடன், வாள் ஒன்றும் மீட்கப்பட்டுள்ளது. கடந்த ஞாயிற்றுக்கிழமை மதுபோதையில் தாண்டிக்குளம் பகுதியில் இளைஞர் ஒருவர் மீது 15 பேரடங்கிய குழு தாக்குதல் மேற்கொண்டிருந்ததில் குறித்த இளைஞன் வைத்தியசாலையில் அனுமதிக்கப்பட்டார். எனினும் பொலிஸாரின் விசாரணைகள் பக்கசார்பாக இடம்பெற்று வருவதாக எண்ணிய பாதிக்கப்பட்டவர்கள் நேற்று இரவு சிரேஷ்ட பொலிஸ் அத்தியட்சகர் அலுவலகத்தில் வவுனியா பொலிஸாரின் செயற்பாட்டில் நம்பிக்கையில்லை. அவர்கள் தாக்கியவர்களைக் கைது செய்யவில்லை என தெரிவித்து பிறிதொரு முறைப்பாடு மேற்கொள்ளப்பட்டது. இதையடுத்து பொலிஸார் மேற்கொண்ட சுற்றிவளைப்பு நடவடிக்கையின்போது குறித்த இளைஞரைத் தாக்கியதாகத் கூறப்படும் 4 பேரை சந்தேகத்தின் பேரில் கைது செய்துள்ளதுடன், மேலும் ஒருவரை தேடிச் சென்றபோதும் அவர் தலைமறைவாகியுள்ளார். அவர்கள் பயன்படுத்தும் குழாய்க்கிணறு தோண்டும் கனரக இயந்திரத்திலிருந்து புதிய வாள் ஒன்றையும் பொலிஸார் மீட்டுள்ளனர். கைது செய்யப்பட்டவர்கள் இன்று நீதவான் நீதிமன்றில் முற்படுத்த நடவடிக்கைகள் மேற்கொள்ளப்பட்டு வருவதாக பொலிஸார் தெரிவித்துள்ளனர். http://www.virakesari.lk/article/20471
  11. நாவற்குழியின் பெயரை சாந்திபுரமாக மாற்றுவதற்கு மக்கள் எதிர்ப்பு! யாழ்ப்பாண மாவட்டம், நாவற்குழிக் கிராமத்தின் பெயரை சாந்திபுரம் என மாற்றுவதற்கு அங்குள்ள தமிழ் மக்கள் எதிர்ப்புத் தெரிவித்துள்ளதாக சிங்கள ஊடகம் ஒன்று செய்தி வெளியிட்டுள்ளது. இது தொடர்பில் அவ்வூடகத்தின் செய்திக்குறிப்பில் தெரிவித்திருப்பதாவது, யாழ்ப்பாண மாவட்டத்தில் சிங்கள மக்கள் செறிந்துவாழும் பிரதேசமாக நாவற்குழி உள்ளது. இக்கிராமத்தில் பௌத்த விகாரையொன்றும் உள்ளது. அங்கிருக்கும் பௌத்த விகாரைக்கும் அக்கிராமத்தில் வசிக்கும் சிங்கள மக்களுக்கும் பாதுகாப்பாக அங்கு ஒரு இராணுவ முகாமும் உண்டு. அத்துடன், அரசாங்கத்தின் நல்லிணக்கச் செயற்பாட்டில் ஒன்றாக இக்கிராமத்துக்கு சாந்திபுரம் என பெயர் மாற்றம் செய்வதற்கு பிக்கு ஒருவர் ஆதரவு தெரிவித்தபோதும் இதற்கு தமிழ் மக்கள் எதிர்ப்புத் தெரிவித்து வருவதாக அதில் குறிப்பிடப்பட்டுள்ளது http://thuliyam.com/?p=69194
  12. நாட்டில் ஜிகா வைரஸ் தொற்று பாதிப்பு இருந்ததை மறைக்க இந்தியா முயன்றதா? இந்தியாவின் மேற்கு மாநிலமான குஜராத்தில் உள்ள அகமதாபாத்தில் மூவர் கொசுவினால் பரவும் ஜிகா வைரஸ் தொற்றால் பாதிக்கப்பட்டிருந்ததை இந்திய சுகாதார அமைச்சகம் உறுதி செய்துள்ளதாக வெள்ளிக்கிழமையன்று உலக சுகாதார நிறுவனம் (டபுள்யூஹெச்ஓ) தெரிவித்துள்ளது. படத்தின் காப்புரிமைIMAGE COPYRIGHTSCIENCE PHOTO LIBRARY Image captionகொசுவினால் பரவும் ஜிகா வைரஸ் தொற்று 2016-ஆம் ஆண்டு நவம்பர் முதல் பிப்ரவரி 2017 வரையிலான காலகட்டத்தில் நெருக்கமான சுற்றுப்புறம் இருந்த பகுதியில் மூவருக்கு ஜிகா வைரஸ் தொற்று இருந்ததாக குஜராத்தை சேர்ந்த அதிகாரிகள் தெரிவித்தனர். ஏறக்குறைய 30 நாடுகளில் நிகழ்ந்த ஏரளாமான பிறப்பு குறைப்பாடுகளுடன் ஜிகா வைரஸ் தொற்றுக்கு தொடர்புள்ளது. மைக்ரோசிஃபாலி எனப்படும் அசாதாரணமான வகையில் இருக்கக்கூடிய சிறிய தலைகள் மற்றும் தடை செய்யப்பட்ட மூளை வளர்ச்சியுடன் பிறக்கும் குழந்தைகளின் பிறப்பு குறைப்பாடுகள் இதில் உள்ளடங்கும். பெரும்பாலும், இந்த வைரஸ் கொசுக்களினால் பரவினாலும், பாலியல் உறவு மூலமாகவும் இது பரவக்கூடும். படத்தின் காப்புரிமைGETTY IMAGES Image captionகுறைபாடுகளுடன் குழந்தைகள் பிறக்க காரணமான ஜிகா வைரஸ் தொற்று இந்தியாவில் ஜிகா வைரஸ் தோற்று பாதிப்பு இருந்த நபர்கள் குறித்து ஐநா சுகாதார முகமை வெளியிட்ட அறிக்கையில், 22 மற்றும் 34 வயதான இரு பெண்கள் மற்றும் 64 வயதான ஒரு ஆண் ஆகிய மூவருக்கு இப்பதிப்பு இருந்ததாக தெரிவிக்கப்பட்டுள்ளது. ஜிகா வைரஸ் தொற்று இருந்ததாக கூறப்பட்ட 34 வயது பெண், கடந்த 2016-ஆம் ஆண்டு நவம்பர் 9-ஆம் தேதியன்று மருத்துவ ரீதியாக குறைபாடு இல்லாத குழந்தையொன்றை பிரசவித்துள்ளார். இதில் தொடர்புடைய 22 வயது பெண்ணுக்கு, அவரது மகப்பேறின் 37-ஆவது வாரத்தில் ஜிகா வைரஸ் தொற்று இருந்தது கண்டறியப்பட்டது. ஜிகா வைரஸ் தொற்று பாதிப்பு இருந்த இந்த மூவரில் யாரும் நாட்டை விட்டு செய்யவில்லையென கூறப்படுகிறது. ''இவ்விரு கர்ப்பிணி பெண்களும் ஆரோக்கியமான குழந்தைகளை பெற்றெடுத்துள்ளனர். மேலும், பாதிக்கப்பட்ட 64 வயது மூத்த குடிமகனுக்கு எவ்விதமான மருத்துவ சிக்கல்களும் இல்லவே இல்லை''என வார இறுதியில் நடந்த செய்தியாளர்கள் சந்திப்பில் குஜராத்தின் மிக மூத்த அதிகாரியான ஜெ. என். சிங் தெரிவித்தார். ஜிகா வைரஸ் தொற்று பாதிப்புக்குள்ளானவர்களின் எண்ணிக்கையில் அதிகரிப்பு இல்லாததால், இந்த தொற்று பாதிப்பு தகவல்களை பொதுவெளியில் அரசு வெளிப்படையாக தெரிவிக்கவில்லை என அவர் தெரிவித்தார். படத்தின் காப்புரிமைREUTERS Image captionகுறைபாடுகளுடன் குழந்தைகள் பிறக்க காரணமான ஜிகா வைரஸ் தொற்று ஆனால், ஜிகா வைரஸ் தொற்று பாதிப்புக்கள் கண்டறியப்பட்டவுடன் இதனை பொது மக்களிடம் தெரிவிக்காதது ஏன் என்ற அதிர்ச்சி மற்றும் திகைப்பு, தனியார் பொது சுகாதார அலுவலர்கள் மற்றும் நிபுணர்களிடம் பரவியுள்ளது. அரசு பொய்யுரைத்ததா? ''இந்திய பொது சுகாதார வரலாற்றில் முன்னேப்போதும் இல்லாத ஒரு நடைமுறை இது. பல நெறிமுறை சிக்கல்களை இது உருவாக்கும். மக்களின் நம்பிக்கையை பெற அரசு முயற்சி செய்ய வேண்டும். மக்களிடையே அச்சம் எதனையும் பரவாமல் இப்பணியை செய்ய வேண்டும். இதுவே ஒரு நல்ல பொது சுகாதார கொள்கையாகும்'' என்று பிபிசியிடம் பேசிய டெல்லி ஜவாஹர்லால் நேரு பல்கலைக்கழகத்தின் சமூக மருத்துவம் துறை பேராசிரியரான ரஜிப் தாஸ்குப்தா தெரிவித்தார். கடந்த மார்ச் 17-ஆம் தேதியன்று, நாடாளுமன்றத்தில் இது தொடர்பான கேள்விக்கு பதிலளித்த மத்திய சுகாதாரத்துறை அமைச்சர் அனுப்பிரியா பட்டேல், இதுவரை ஒருவருக்கு மட்டுமே ஜிகா வைரஸ் தொற்று பாதிப்பு இருந்தது பரிசோதனை கூடத்தில் உறுதிசெய்யப்பட்டதாக தெரிவித்ததாக விமர்சகர்கள் தெரிவித்துள்ளனர். இது தொடர்பாக அரசு பொய்யுரைப்பதாக தெரிவித்த விமர்சகர்கள் , மூன்றாவது மற்றும் இறுதி ஜிகா வைரஸ் தொற்று ஜனவரி மாதத்தில் கண்டறியப்பட்டதாக குறிப்பிட்டனர். ஆனால், இது குறித்து மறுத்து பேசிய சுகாதாரத்துறை அதிகாரி, ''ஜனவரி மாதத்தில் பரிசோதனைக்காக இருவர் சோதனை செய்யப்பட்டதாகவும், பிப்ரவரி மாதத்தில் மூன்றாவது நபர் சோதனை செய்யப்பட்டார். இது குறித்து நாடாளுமன்றத்தில் அமைச்சர் பதிலளித்த போது ஒருவருக்கு மட்டுமே ஜிகா வைரஸ் தொற்று இருப்பது உறுதி செய்யப்பட்டது'' என்று தெரிவித்தார். ஜிகா வைரஸ் தொற்று பாதிப்புகள் குறித்து அரசின் மெளனம் ஏன்? டெங்கு மற்றும் சிக்குன்குன்யா ஆகியவை குறித்து தொடர்ந்து பொது மக்களுக்கு தகவல் அளித்து வந்த அரசு, ஜிகா வைரஸ் தொற்று பாதிப்பு குறித்து பல மாதங்களாக அமைதியாக இருந்தது வியப்பை ஏற்படுத்தியதாக அரசின் நிலை குறித்த விமர்சகர்கள் தெரிவித்தனர். சுகாதார கண்காணிப்பு தீவிரப்படுத்தப்பட்ட பின்னர், ஜிகா வைரஸ் தொற்று பாதிப்பில் அதிகரிப்பு எதுவுமில்லாத காரணத்தால் பொது மக்களுக்கு இதனை வெளிப்படையாக சொல்ல வேண்டிய அவசியம் இல்லையென தனது நிலைப்பாட்டில் அரசு உறுதியாக இருக்கிறது. படத்தின் காப்புரிமைEPA Image captionகருவில் இருக்கும் குழந்தைகளை ஜிகா வைரஸ் பாதிப்பதால் பெரும் கவலை ஆனால், உள்ளூர் அதிகாரிகளிடம் இதனை தெரிவித்திருக்க வேண்டும். அவர்கள் சமூக அமைப்பிலும், ஊடகங்களிடம் இது குறித்து தெரிவித்திருப்பர் என்று பொது சுகாதார நிபுணர்கள் தெரிவித்தனர். ஆனால், இது குறித்த அறிவிப்பை வெளியிடுவதை ஏன் அரசு .தாமதித்தது ? இந்திய பிரதமர் நரேந்திர மோதியின் சொந்த மாநிலமான குஜராத்தில் முதலீடுகளை ஊக்குவிக்க ஜனவரி மாதத்தில் முக்கிய சர்வதேச வணிக மாநாடு நடக்க இருந்ததால், மாநில பாஜக அரசு தங்கள் மாநிலத்தில் மூவருக்கு ஜிகா வைரஸ் தொற்று இருந்ததை ரகசியமாக வைத்ததாக உள்ளூர் ஊடகங்கள் தெரிவித்துள்ளன. ஆனால், இக்கூற்றை மாநில பாஜக அரசு மறுத்துள்ளது. படத்தின் காப்புரிமைSCIENCE PHOTO LIBRARY 'அரசின் இந்நிலைப்பாடு பொது சுகாதாரத்தையும், ஊடகங்களையும் அவமானப்படுத்துவதாக உள்ளது. ஜிகா வைரஸ் தொற்று பாதிப்பு குறித்து பெண்கள் மற்றும் குழந்தைகள் தங்களை பாதுகாத்துக் கொள்ள உள்ளூர் சமூகத்துக்கு இது குறித்து தெரியப்படுத்தியிருக்க வேண்டும்'' என்று தி இந்து நாளிதழின் சுகாதார மற்றும் அறிவியல் பிரிவு ஆசிரியரான வித்யா கிருஷ்னன் பிபிசியிடம் தெரிவித்தார். ''இது போன்ற தகவல்களை வெளியிடாமலோ அல்லது தாமதப்படுத்துவதன் விளைவுகள் மிகவும் அச்சமளிக்கின்றன. தங்கள் நாட்டில் உள்ள நோய் பாதிப்புகள் மற்றும் நோய் பரவல்கள் குறித்து இந்தியா மறைக்க ஆரம்பித்தால், அதன் நம்பகத்தன்மை சர்வதேச அளவில் பாதிக்கப்படும்'' என்று அவர் மேலும் தெரிவித்தார். 2003-ஆம் ஆண்டில், தங்கள் நாட்டில் நிலவி வந்த சார்ஸ் வைரஸ் தொற்றை முழுமையாக மறைக்க முயன்றதாக சீனா மீது குற்றம்சாட்டப்பட்டது நினைவிருக்கலாம். http://www.bbc.com/tamil/science-40083795
  13. ஆன்டிபயோட்டிக் மருந்துகளை எதிர்க்கும் கிருமிகளை அழிக்க ''மேஜிகல்' மருந்து உலக சுகாதாரத்திற்கு பெரும் அச்சுறுத்தலாக இருந்துவரும் பிரச்சனைகளில் ஒன்றான, ஆன்டிபயோட்டிக் மருந்துகளுக்கு எதிர்ப்பு காட்டும் நோய்த்தொற்றுகளை சமாளிக்க, அமெரிக்காவில் உள்ள ஆராய்ச்சியாளர்கள் ஒரு புதிய மருந்தை தயாரித்துள்ளனர். படத்தின் காப்புரிமைGETTY IMAGES ஆராய்ச்சியாளர்கள் தற்போதுள்ள வான்கோமைசின் (vancomycin) என்ற மருந்தை மாற்றி அதன் ஒரு ''மேஜிகல்' பதிப்பை தயாரித்துள்ளதாகத் தெரிவித்துள்ளனர். சிறுநீர்ப் பாதைக் குழாய் மற்றும் காயங்களில் தொற்று ஏற்படுத்தும் சாதாரண பாக்டீரியாகளை எதிர்கொள்ளும் தன்மையை வான்கோமைசின் இழந்துவருகிறது என்று அவர்கள் குறிப்பிட்டனர். இந்த வான்கோமைசினின் புதிய பதிப்பானது வித்தியாசமான வழிகளில், சுமார் ஆயிரம் மடங்கு அதிக ஆற்றலுடன் தாக்கும். அதனால் நோய் தொற்றுகள் இந்த மருந்தை எதிர்த்துப் போராடுவது என்பது சிரமம்தான். ஆன்டிபயோட்டிக் மருந்துகளுக்கு எதிர்ப்பு காட்டும் பாக்டீரியாகள்தான் அமெரிக்காவிலும் ஐரோப்பாவிலும் ஆண்டுதோறும் சுமார் ஐம்பது ஆயிரம் மரணங்களை ஏற்படுவதாகக் கருதப்படுகிறது. http://www.bbc.com/tamil/science-40089639
  14. மான்செஸ்டர் குண்டுவெடிப்பு உருவாக்கியிருக்கும் சவால்கள் பிரிட்டனின் மான்செஸ்டர் நகரின் அரங்கில் மே 22-ல் நடந்த தற்கொலைக் குண்டுவெடிப்பு அந்நாட்டையே அதிரவைத்திருக்கிறது. தாக்குதலுக்கு ஐஎஸ் அமைப்பு பொறுப்பேற்றிருக்கிறது. தாக்குதலை நடத்திய உட்பட 23 பேர் உயிரிழந்திருக்கிறார்கள். 59 பேர் காயமடைந்திருக்கிறார்கள். சல்மான் அபிதி, லிபியாவைப் பூர்விகமாகக் கொண்ட பிரிட்டன் குடிமகன். கடந்த மூன்று ஆண்டுகளாகவே, பயங்கரவாதிகள் மேற்கத்திய நகரங்களில் தாக்குதல்கள் நடத்தி குழந்தைகள் உட்பட அப்பாவிப் பொதுமக்களைக் கொன்று குவித்துவருகிறார்கள். மக்களிடையே பதற்றத்தை ஏற்படுத்தி சமூகத்தில் பிரிவினையை ஏற்படுத்த பயங்கரவாதிகள் மேற்கொள்ளும் முயற்சிகள் இவை. இதன் மூலம், இன, மதரீதியான பதற்றத்தை உருவாக்குவது அவர்களின் திட்டம். மான்செஸ்டர் குண்டுவெடிப்பில் 100 எதிரிகள் கொல்லப்பட்டிருப்பதாகவும், காயப்படுத்தப்பட்டிருப்பதாகவும் தனது இணையதளத்தில் ஐஎஸ் அமைப்பு தெரிவித்திருக்கிறது. இந்தத் தாக்குதலை இரு நம்பிக்கைகளுக்கு இடையிலான மோதலாகக் கட்டமைக்கும் முயற்சி இது. இந்தச் சம்பவத்தில் ஐஎஸ் அமைப்புக்கு நேரடியாகத் தொடர்பிருக்கிறதா என்று விசாரணை நடந்துவருகிறது. எனினும் வன்முறை சார்ந்த சித்தாந்தத்தை உலகமெங்கும் பரப்பும் ஐஎஸ், அல்-கொய்தா போன்ற அமைப்புகளுக்கு இதுபோன்ற தாக்குதல்களை மறைமுகமாகத் தூண்டிவிடுவது ஒன்றும் பெரிய விஷயமில்லை. பிரிட்டனில் கடந்த 12 ஆண்டுகளில் நடந்திருக்கும் முதல் பெரிய தாக்குதலான இந்தச் சம்பவம், அந்நாட்டுக்குப் பெரும் சவால்களை அதிகரித்திருக்கிறது. அபாரமான திறமையும், நவீன வசதிகளும் கொண்ட பிரிட்டிஷ் உளவு அமைப்புகள் கடந்த 18 மாதங்களில் மட்டும் 12 பயங்கரவாத முயற்சிகளை முறியடித்திருக்கின்றன. அப்படி இருந்தும், சல்மான் அபிதி, தீவிரக் கண்காணிப்புகளையும் தாண்டி இசை அரங்கத்தின் நுழைவாயிலில் அதிசக்தி வாய்ந்த குண்டை வெடிக்கச் செய்திருக்கிறார். தனது இடைவாரில் அடங்கக்கூடிய சிறிய அளவிலான அதிநவீன குண்டை எப்படிக் கொண்டு சென்றார் என்று கேள்விகள் எழுந்திருக்கின்றன. பிரிட்டனைப் பொறுத்தவரை, உடனடியாக முடிவுக்குக் கொண்டுவர முடியாத மிக நீண்ட போராக இது இருக்கப்போகிறது. கடந்த மூன்று ஆண்டுகளாகவே, ஐஎஸ் அமைப்பில் இணைந்துகொள்ள பிரிட்டனிலிருந்து நூற்றுக்கணக்கானோர் சிரியாவுக்குச் சென்றிருக்கிறார்கள். பிரிட்டன், அமெரிக்கா போன்ற பல நாடுகள் சிரியாவில் ஐஎஸ் அமைப்பினர் மீது தாக்குதல் நடத்திவருவது குறிப்பிடத்தக்கது. பெரும்பாலானோர் பிரிட்டனுக்குத் திரும்பியிருக்கிறார்கள். சிரியாவிலும் இராக்கிலும் கடும் நெருக்கடிக்கு ஆளாகியிருக்கும் ஐஎஸ் அமைப்பில் பணியாற்றிக்கொண்டிருக்கும் மேலும் பலர் பிரிட்டனுக்குத் திரும்பி வரலாம். இந்தச் சவாலை எதிர்கொள்வதில் பிரிட்டனின் அரசியல், சமூகத் தலைமை ஒரு தீர்க்கமான வழியைக் காண்பது அவசியம். http://tamil.thehindu.com/opinion/editorial/மான்செஸ்டர்-குண்டுவெடிப்பு-உருவாக்கியிருக்கும்-சவால்கள்/article9715619.ece?homepage=true&theme=true
  15. தொடர்ந்து 6 சதங்கள் சாதனையை 16 ரன்களில் தவற விட்ட சங்கக்காரா குமார் சங்கக்காரா. | படம்: ஏ.பி. தொடர்ந்து 6 சதங்கள் என்ற டான் பிராட்மேன் சாதனையை சமன் செய்யக் கிடைத்த வாய்ப்பை 16 ரன்களில் இழந்தார் இலங்கை நட்சத்திர வீரர் குமார் சங்கக்காரா. டான் பிராட்மேன், சி.பி.ஃபிரை, மைக் புராக்டர் ஆகியோர் முதல் தர கிரிக்கெட்டில் 6 சதங்களைத் தொடர்ச்சியாக அடித்தது குறிப்பிடத்தக்கது, இந்த உயர்மட்ட பட்டியலில் இணையும் வாய்ப்பைச் சங்கக்காரா 16 ரன்களில் தவறவிட்டார். முதல் தர கிரிக்கெட்டில் 5 தொடர் சதங்களை அடித்த சாதனைப்பட்டியலில் இணைந்த சங்கக்காரா சர்ரே அணிக்காக ஆடிய கவுண்டி கிரிக்கெட் போட்டியில் 84 ரன்களில் ஆட்டமிழந்து தொடர் 6-வது சத சாதனையை தவறவிட்டார். சர்ரே அணிக்காக எஸ்ஸெக்ஸ் அணிக்கு எதிராக முதல் இன்னிங்சில் 200 ரன்களை அடித்த சங்கக்காரா, இரண்டாவது இன்னிங்சில் 107 பந்துகளில் 12 பவுண்டரிகளுடன் 84 ரன்கள் எடுத்து வெஸ்ட்லி பந்தில் அவரிடமே கேட்ச் கொடுத்து வெளியேறினார். அருமையாக ஆடி வந்த சங்கக்காரா 9-வது விக்கெட்டாகவே ஆட்டமிழந்தார். லாரா, எவர்டென் வீக்ஸ், மைக் ஹஸ்ஸி, பார்த்திவ் படேல் ஆகியோர் பட்டியலில் இணைந்த சங்கக்காரா தொடர் 5 சதங்களில் ஒன்றை இரட்டைச் சதமாக்கியதும் குறிப்பிடத்தக்கது. http://tamil.thehindu.com/sports/தொடர்ந்து-6-சதங்கள்-சாதனையை-16-ரன்களில்-தவற-விட்ட-சங்கக்காரா/article9715657.ece?homepage=true
  16. பிரெஞ்சு ஓபன் டென்னிஸ்: 2-வது சுற்றில் ஜோகோவிச், நடால் முகுருசா பிரெஞ்சு ஓபன் டென்னிஸ் போட்டியில் ஆடவர் ஒற்றையர் பிரிவில் ஜோகோவிச், ரபேல் நடால் ஆகியோரும் மகளிர் பிரிவில் கார்பைன் முகுருசா, கரோலின் வோஸ்னியாக்கி உள்ளிட்டோரும் 2-வது சுற்றுக்கு முன்னேறினர். பாரிஸ் நகரில் நடைபெற்று வரும் இந்த தொடரின் ஆடவர் ஒற்றையர் பிரிவு முதல் சுற்றில் 2-ம் நிலை வீரரும் நடப்பு சாம்பியனுமான செர்பியாவின் ஜோகோவிச், 77-ம் நிலை வீரரான ஸ்பெயினின் மார்செல் கிரானோலர்ஸூடன் மோதினார். இதில் ஜோகோவிச் 6-3, 6-4, 6-2 என்ற செட் கணக்கில் வெற்றி பெற்றார். 4-ம் நிலை வீரரான ஸ்பெயினின் ரபேல் நடால், 45-ம் நிலை வீரரான பிரான்சின் பெனோயிட் பேரை எதிர்கொண்டார். இதில் நடால் 6-1, 6-4, 6-1 என்ற செட் கணக்கில் வெற்றி பெற்று 2-வது சுற்றுக்கு முன்னேறினார். 14-ம் நிலை வீரரான அமெரிக்காவின் ஜேக் சாக் 5-7, 5-7, 3-6 என்ற நேர் செட்டில் 57-ம் நிலை வீரராக செக் குடியரசின் ஜெர்ரி வெஸ்லியிடம் தோல்வியடைந்தார். 5-ம் நிலை வீரரான கனடாவின் மிலோஸ் ரயோனிச் 6-3, 6-4, 6-2 என்ற நேர் செட்டில் 38-ம் நிலை வீரரான பெல்ஜியத்தின் ஸ்டீவ் டார்சியஸை வீழ்த்தினார். 17-ம் நிலை வீரரான ஸ்பெயின் ரோபர்டோ பவுதிஸ்டா அகுட் 6-2, 2-6, 6-0, 6-1 என்ற செட் கணக்கில் 142-ம் நிலை வீரரான ஆஸ்திரேலியாவின் ஜான் மில்மானை தோற்கடித்தார். 7-ம் நிலை வீரரான குரோஷியாவின் மரின் சிலிச் 6-3, 6-3, 6-3 என்ற நேர் செட்டில் லவித்யாவின் எர்னஸ்ட் குல்பிஸை வீழ்த்தினார். மகளிர் ஒற்றையர் பிரிவு முதல் சுற்றில் 4-ம் நிலை வீராங்கனையும் நடப்பு சாம்பியனுமான ஸ்பெயினின் கார்பைன் முகுருசா 6-2, 6-4 என்ற நேர் செட்டில், 78-ம் நிலை வீராங்கனையான இத்தாலியின் பிரான்செஸ்கா ஷியாவோனை வீழ்த்தினார். 11-ம் நிலை வீராங்கனையான டென்மார்க்கின் கரோலின் வோஸ்னியாக்கி 6-4, 3-6, 6-2 என்ற செட் கணக்கில் ஆஸ்திரேலியாவின் ஜெய்மி போர்லிஸை தோற்கடித்தார். http://tamil.thehindu.com/sports/பிரெஞ்சு-ஓபன்-டென்னிஸ்-2வது-சுற்றில்-ஜோகோவிச்-நடால்/article9715711.ece?homepage=true
  17. பிக்பாஸ்ல இவங்க எல்லாம் கலந்துகிட்டா எப்படி இருக்கும்? #VikatanFun விஜய் டி.வியில் உலகநாயகன் தொகுத்து வழங்க இருக்கும் பிக்பாஸ் நிகழ்ச்சிக்கான விளம்பரம் தூள் பறக்கிறது. பதினான்கு நபர்கள், நூறு நாள்கள் ஒரே வீட்டில் அடைந்து இருக்கணும், முப்பது கேமராக்கள் அவர்களைக் கண்காணிக்குமாம். இந்த நிகழ்ச்சியில் கலந்து கொள்பவர்கள் பெயர்களை சஸ்பென்ஸாக வைத்திருக்கிறார்கள். ஆனால், தமிழகத்தைத் தெறிக்கவிடும் சில செலிபிரிட்டிகள் எல்லாம் அந்த நிகழ்ச்சியில் கலந்து கொண்டால், தமிழகம் கொஞ்சகாலம் நிம்மதியாக இருக்குமேன்னு தோணுச்சு. லிஸ்ட் தர்றேன்...உங்களுக்கும் அப்படி தோணுதான்னு செக் பண்ணுங்க மக்களே..! முதல் ஆளா சுப்பிரமணிய சுவாமியை அந்த வீட்டுக்குள் அனுப்பலாம். அந்த நிகழ்ச்சியில் கலந்து கொள்பவர்களுக்கு நியூஸ் பேப்பர், போன் என்று எந்த சமாசாரமும் தரப்படாது என ரூல்ஸ் இருக்கிறது. அதனால், அவருக்கு நாட்டுநடப்பு தெரியப் போவதில்லை. அதனால் ட்வீட் போட்டு தமிழகத்தைக் கலவர பூமியாக்குவது தவிர்க்கப்படும். போக, நிகழ்ச்சியைத் தொகுத்து வழங்கும் கமலோடு ஏற்கெனவே லடாய். இதுதான் சாக்கு என கமலும் போட்டுத் தாக்குவார், பார்ப்பவர்களுக்குக் கொண்டாட்டம்தான். அடுத்ததாக, 'பிக்பாஸ் நிகழ்ச்சியில் கலந்து கொள்ளும் மற்றொரு பிரபலம் பா.ஜ.கவை சேர்ந்த ஹெச்.ராஜா. இவரும் அடிக்கடி கருத்து சொல்கிறேன் பேர்வழி ட்விட்டரில் பஞ்சாயத்து பண்ணுகிறார். டிவி ஷோக்களில் சண்டை போடுகிறார். ஜல்லிக்கட்டு போராட்டம் தொடங்கி மத்திய அரசின் மாட்டுக்கறி தடை வரை காமாசோமாவென கருத்து சொல்லி கடுப்பாக்கும் அவரை, 'வருமுன் காப்போம்' திட்டத்தின் கீழ் அந்த வீட்டுக்குள் அனுப்பலாம். அடுத்த போட்டியாளராக கொஞ்சமும் யோசிக்காமல் வைகோவை அறிவிக்கலாம். ஜாமீன் வேணாம் என ஜெம்மென இருந்தவர், ரஜினி வாய்ஸ் கொடுப்பது தெரிந்ததும், 'கேட்டை திற' என வெளியே வந்துவிட்டார். தி.மு.க, அ.தி.மு.கவை ஒழிக்க ம.ந.கூவை அமைத்தது போல, ம.ந.கூவை அழிக்க ரஜினியோடு கூட்டு சேர்ந்தாலும் சேர்வார். இந்த விபரீதம் நடக்காமல் இருக்க அவரைக் கொஞ்ச காலம் உள்ளே அனுப்பி வைக்கலாம். அகில உலக ஒப்பற்ற விஞ்ஞானி செல்லூர் ராஜூவை கூட இந்த போட்டியில் இழுத்துவிடலாம். வைகை அணையில் தண்ணீர் ஆவியாக விடாமல் தடுக்க தெர்மாகோல் டென்ட் போட்டு பதினாலு லட்சத்தை வீணடித்தார். அடுத்து வங்காள விரிகுடாவுலயும் இதை பண்ணப்போறோம்னு கோடிக்கணக்குல வீணடிச்சா என்ன பண்ணுறது? அவர் அப்படி பில்லைத் தீட்டாம இருக்கணும்னா இந்த ஷோவுக்குத்தான் அனுப்பணும். உள்ளே போனதும் கமல் தீட்டு தீட்டுனு தீட்டுவார். பெண்களுக்கும் சம சதவிகிதம் கொடுக்கணுமில்ல. அ.தி.மு.கவை சேர்ந்த சி.ஆர்.சரஸ்வதியை கடைசி ஆளாக சேர்க்கலாம். 'இன்று ஒரு தகவல்' மாதிரி முன்னாடி எல்லாம் கோழி கூவ ஆரம்பிச்ச நேரத்துக்கெல்லாம் மொத்த மீடியாவும், 'இன்னைக்கு மேடம் என்ன சொல்லுவாங்க?' என இவங்க முகத்துக்கு முன்னால மைக்கை நீட்டுன காலம் இருந்துச்சு. ஆனால், இப்போ அமைதியா இருக்காங்க. ஆனால், ஒருவேளௌ இது பாயுறதுக்கு முன்னால பண்ற பதுங்கலா இருந்தா? மடைதிறந்த வெள்ளமாக அவர் மறுபடியும் சொற்பொழிவு ஆத்துறதுக்கு முன்னாடி பிக்பாஸ் நிகழ்ச்சி போட்டியாளராக்கி உள்ளே அனுப்பிடணும். ஆனா உள்ளேயும் ஒரு விவாத நிகழ்ச்சி நடக்கப்போறது உறுதி. என்ன மக்களே? நான் சொன்ன போட்டியாளர்கள் அனைவரும் ஒரே வீட்டுக்குள் இருந்தால் எப்படி சுவாரஸ்யமாக இருக்கும்?. நினைக்கும்போதே உச்சி மண்டை கசகசன்னு வேர்க்குதே. ஆண்டவா! http://www.vikatan.com/
  18. ஒரு இலட்சம் அமெரிக்க டொலர்: இலங்கைக்கு உதவிக் கரம் நீட்டியுள்ள சிங்கப்பூர் தற்போதைய இயற்கை அனர்த்த சூழ்நிலையில் இலங்கைக்குக் கைகொடுக்கும் வகையில் ஒரு இலட்சம் அமெரிக்க டொலர்களை சிங்கப்பூர் உதவியாக வழங்கவுள்ளது. இலங்கையில் ஏற்பட்டுள்ள இயற்கை அனர்த்தத்தால் நூற்றுக்கணக்கானோர் உயிரிழந்துள்ளனர். மேலும் பல நூற்றுக்கணக்கானோர் காணாமல் போயுள்ளனர். சுமார் ஐந்து இலட்சம் பேர் இந்த இயற்கை அனர்த்தத்தால் பாதிப்படைந்துள்ளனர். இந்நிலையில், பாதிக்கப்பட்டுள்ள இலங்கை மக்களுக்கு உதவும் வகையில் சிங்கப்பூர் அரசு ஒரு இலட்சம் அமெரிக்க டொலர்களை உதவியாக வழங்க முன்வந்துள்ளது. இது குறித்து சிங்கப்பூர் பிரதமர் லீ ஸீன் லூங் மற்றும் வெளிவிவகார அமைச்சர் கலாநிதி விவியன் பாலகிருஷ்ணன் ஆகியோர் முறையே பிரதமர் ரணில் விக்கிரமசிங்க மற்றும் வெளிவிவகார அமைச்சர் ரவி கருணாநாயக்க ஆகியோருக்கு எழுத்து மூலமாக அறிவித்துள்ளனர். மேற்படி கடிதங்களில், இலங்கையின் தற்போதைய நிலை குறித்து வருந்துவதாகவும், இலங்கை மக்கள் நிச்சயம் இந்த கடுமையான சூழலில் இருந்து மீண்டெழுவார்கள் எனத் தாம் நம்புவதாகவும், அதற்காக தம்மாலான அனைத்து உதவிகளையும் செய்யத் தயாராகவுள்ளதாகவும் குறிப்பிடப்பட்டுள்ளது. சிங்கப்பூர் செஞ்சிலுவைச் சங்கத்தின் ஏற்பாட்டில் நடைபெற்ற நிதி திரட்டும் முயற்சியிலேயே இந்நிதி திரட்டப்பட்டுள்ளது குறிப்பிடத்தக்கது. http://www.virakesari.lk/article/20463
  19. அதில சுவிம் பண்ணினால் சனம் பயங்கர சுவிம்சுழியங்களாகிடுவாங்கள்.பிறகு என்ன நட்க்கும் தெரியும்தானே அது தான் சுவிங் பழகும் பொழுது ஒரு கட்டுப்பாட்டுடன் பழக வேண்டும் என்று அரசு எண்ணுகின்றது....
  20. இரண்டாவது கப்பலில் புலிச் சின்னம் பொறிக்கப்பட்டுள்ளது.அதைப்பார்த்து சிங்களவர்கள் சிலர் துள்ளக்க்கூடும்...
  21. கேப்டன் கோலிக்கும் பயிற்சியாளர் கும்ப்ளேவுக்கும் இடையே மோதல்? பயிற்சியாளர் அனில் கும்ப்ளேவுடன் கேப்டன் விராட் கோலி. (கோப்பு படம்) இந்திய கிரிக்கெட் அணியின் தலைமைப் பயிற்சியாளர் அனில் கும்ப்ளேவை திடீரென மாற்றுவதற்கான நடவடிககைகளில் பிசிசிஐ இறங்கியிருப்பதன் பின்னணியில் கேப்டன் கோலிக்கும் கும்ப்ளேவுக்கு இடையே ஏற்பட்ட மோதலே காரணம் என்று தெரிகிறது. அனில் கும்ப்ளேவுக்கு எதிராக விராட் கோலி தண்டத்தை உயர்த்தினாரா என்று கேள்வி எழுப்பினால் அதற்கான பதில் ‘மிகப்பெரிய அளவில் ஆமாம்’ என்பதே. இது குறித்து பிசிசிஐ முக்கியஸ்தர்களிடம் விராட் கோலி புகார் எழுப்பியதாகத் தெரிகிறது, அதாவது அணி வீரர்களுக்கும் அனில் கும்ப்ளேவுக்கும் இடையே உறவுகள் சுமுகமாக இல்லை என்று விராட் கோலி தெரிவித்ததாகக் கூறப்படுகிறது. கடந்த ஜூலை மாதம் முதலே இந்திய அணியின் இரண்டு மிகப்பெரிய ஆளுமைகளாக அனில் கும்ப்ளேவுக்கும், விராட் கோலிக்கும் மோதல் ஏற்படும் என்று கருத்தாளர்கள் சிலர் தெரிவித்த வந்தவண்ணமே இருந்தனர். பிசிசிஐ-க்கும் இந்த மோதல் விவகாரம் சென்றதால், அதிரடி வீரர் விரேந்திர சேவாக்கை தலைமை பயிற்சியாளர் பொறுப்பேற்க விண்ணப்பிக்குமாறு பிசிசிஐ கேட்டுக் கொண்டதாகக் கூறப்படுகிறது. மும்பை இந்தியன்ஸ் அணிக்கும் கிங்ஸ் லெவன் பஞ்சாப் அணிக்கும் இடையே நடைபெற்ற போட்டியின் போது சேவாகிடம் இதனை வலியுறுத்தியதாக பிசிசிஐ வட்டாரங்கள் தெரிவிக்கின்றன. ஆனால் ‘நஜாப்கர் இளவரசன்’ என்று அழைக்கப்படும் அதிரடி வீரர் சேவாக், தனக்கு அதில் விருப்பமில்லை என்று கைகழுவியதாகவே கூறப்படுகிறது. ஒரு அதிகாரி கூறும்போது, “சேவாக்கிடம் தலைமைப் பயிற்சியாளர் பொறுப்பை கிட்டத்தட்ட கொடுத்ததாகவே கருதப்பட்ட நிகழ்வு இது” என்றார். ஆஸ்திரேலியாவுக்கு எதிரான கடைசி டெஸ்ட் போட்டியில் விராட் கோலி ஆடவில்லை, ரஹானே கேப்டன் பொறுப்பில் இருந்தார். இதில் இடது கை சைனமன் பவுலர் குல்தீப் யாதவ்வை சேர்க்க வேண்டும் என்று கும்ப்ளே வலியுறுத்தியதாகவும், கோலி இதனை ஏற்கவில்லை என்றும் இதனால் மோதல் ஏற்பட்டது என்றும் கூறப்படுகிறது, ஆனால் பயிற்சியாளரையே மாற்ற வேண்டுமென்ற அளவுக்கு இந்த மோதல் பெரிய விவகாரமா என்பது தெரியவில்லை. இது குறித்து பிசிசிஐ அதிகாரி ஒருவர் கூறும் போது, “இது காரணமாகவும் இருக்கலாம், இல்லாமலும்கூட போகலாம். ஆனால் அதிகார மட்டத்துடன் தொடர்பில் உள்ள சிலர் கூறுவது என்னவெனில் கும்ப்ளே வீரர்களுக்கு சுதந்திரம் வழங்க மறுக்கிறார் என்பதே புகாராக எழுந்துள்ளது. ஆனால் இந்திய கிரிக்கெட்டின் லெஜண்ட் (கும்ப்ளே) மீது இத்தகைய அபவாதம் கூறப்படுவது சோகமே” என்றார். சமீபத்தில் சச்சின் டெண்டுல்கர் பயோபிக் ‘சச்சின்: எ பில்லியன் ட்ரீம்ஸ்’ என்ற படத்தைக் காண இந்திய அணி சென்றிருந்தது. அப்போது விராட் கோலி அணிக்கும் பயிற்சியாளர் கும்ப்ளேவுக்கும் இடையே விரிசலடையும் உறவு பற்றி சச்சினிடம் தெரிவித்ததாகக் கூறப்படுகிறது. இது நடந்தது மே. 24-ம் தேதி என்றால் மே 25-ம் தேதி பயிற்சியாளர் பொறுப்பிற்கு விண்ணப்பங்கள் வரவேற்கப்பட்டுள்ளன. http://tamil.thehindu.com/sports/கேப்டன்-கோலிக்கும்-பயிற்சியாளர்-கும்ப்ளேவுக்கும்-இடையே-மோதல்/article9715677.ece?homepage=true
  22. சாம்பியன்ஸ் கோப்பை கிரிக்கெட் பயிற்சி ஆட்டம்: இந்தியா - வங்காளதேசம் இன்று மோதல் சாம்பியன்ஸ் கோப்பை கிரிக்கெட் போட்டிக்கான பயிற்சி ஆட்டத்தில் இந்தியா - வங்காளதேச அணிகள் இன்று மோதுகின்றன. லண்டன் : 8-வது சாம்பியன்ஸ் கோப்பை கிரிக்கெட் போட்டி இங்கிலாந்தில் வருகிற 1-ந் தேதி முதல் 18-ந் தேதி வரை நடக்கிறது. 8 அணிகள் பங்கேற்கும் இந்த போட்டியில் ‘பி’ பிரிவில் இடம் பிடித்துள்ள இந்திய அணி, தனது முதலாவது லீக் ஆட்டத்தில் வருகிற 4-ந் தேதி பாகிஸ்தானை எதிர்கொள்கிறது. தற்போது சாம்பியன்ஸ் கோப்பை போட்டிக்கான பயிற்சி ஆட்டங்கள் நடந்து வருகிறது. மழையால் பாதிக்கப்பட்ட தனது முதல் பயிற்சி ஆட்டத்தில் இந்திய அணி ‘டக்வொர்த் லீவிஸ்’ விதிமுறைப்படி 45 ரன்கள் வித்தியாசத்தில் நியூசிலாந்தை வீழ்த்தியது. இந்த நிலையில் லண்டனில் இன்று (செவ்வாய்க்கிழமை) நடைபெறும் பயிற்சி ஆட்டத்தில் விராட்கோலி தலைமையிலான இந்திய அணி, வங்காளதேச அணியை சந்திக்கிறது. முதல் பயிற்சி ஆட்டத்தில் இந்திய அணி சிறப்பாக பந்து வீசி 38.4 ஓவர்களில் நியூசிலாந்து அணியை 189 ரன்னில் சுருட்டியது. வேகப்பந்து வீச்சாளர்கள் முகமது ஷமி, புவனேஷ்வர்குமார் தலா 3 விக்கெட்டும், ரவீந்திர ஜடேஜா 2 விக்கெட்டும், அஸ்வின், உமேஷ்யாதவ் தலா ஒரு விக்கெட்டும் கைப்பற்றினார்கள். பேட்டிங்கில் தொடக்க ஆட்டக்காரராக களம் கண்ட இந்திய வீரர் ஷிகர் தவான் 40 ரன்கள் எடுத்து ஆட்டம் இழந்தார். கேப்டன் விராட்கோலி (52 ரன்கள்) அரை சதம் அடித்து ஆட்டம் இழக்காமல் இருந்தார். டோனி 17 ரன்னுடன் களத்தில் இருந்தார். தொடக்க ஆட்டக்காரர் ரஹானே 7 ரன்னிலும், தினேஷ் கார்த்திக் ரன் எதுவும் எடுக்காமலும் அவுட் ஆகி ஏமாற்றம் அளித்தனர். மழையால் இந்திய அணியின் இன்னிங்ஸ் 26 ஓவர்களில் முடிவுக்கு வந்ததால் கேதர் ஜாதவ், ரவீந்திர ஜடேஜா, ஹர்திக் பாண்ட்யா உள்ளிட்ட வீரர்களுக்கு பேட்டிங் செய்ய வாய்ப்பு கிடைக்கவில்லை. காய்ச்சல் காரணமாக கடந்த பயிற்சி ஆட்டத்தில் விளையாடாத யுவராஜ்சிங் இன்னும் முழு உடல் தகுதியை பெற்று விட்டாரா? என்பது தெரியவில்லை. அவர் இன்றைய ஆட்டத்தில் ஆடுவாரா? என்பதில் சந்தேகம் நிலவுகிறது. குட்டி அணியாக இருந்தாலும் வங்காளதேச அணியை குறைத்து மதிப்பிட முடியாது. பெரிய அணிகளுக்கு அதிர்ச்சி அளிக்கும் ஆற்றல் கொண்ட வங்காளதேச அணி களத்தில் கடைசி வரை வெற்றிக்காக போராடும் குணம் கொண்டதாகும். முதல் பயிற்சி ஆட்டத்தில் வங்காளதேச அணி 2 விக்கெட் வித்தியாசத்தில் பாகிஸ்தானிடம் போராடி தோல்வி கண்டது. முதலில் ஆடிய வங்காளதேச அணி 9 விக்கெட் இழப்புக்கு 341 ரன்கள் குவித்து அசத்தியது. 2015-ம் ஆண்டு உலக கோப்பை போட்டியில் கால் இறுதி வரை முன்னேறிய வங்காளதேச அணி, அந்த ஆண்டில் சொந்த மண்ணில் இந்தியாவுக்கு எதிரான ஒருநாள் போட்டி தொடரை 2-1 என்ற கணக்கில் வென்றதை மறந்து விட முடியாது. எனவே வங்காளதேச அணி எல்லா வகையிலும் இந்திய அணிக்கு சவால் அளிக்க முழு முயற்சி மேற்கொள்ளும். எனவே இந்த ஆட்டம் விறுவிறுப்பு நிறைந்ததாக இருக்கும். இன்றைய போட்டிக்கான இரு அணி வீரர்கள் வருமாறு:- இந்தியா: விராட்கோலி (கேப்டன்), ரோகித் சர்மா, ஷிகர் தவான், யுவராஜ்சிங், டோனி (விக்கெட் கீப்பர்), கேதர் ஜாதவ், ஹர்திக் பாண்ட்யா, ரவீந்திர ஜடேஜா, முகமது ஷமி, புவனேஷ்வர்குமார், பும்ரா, ஆர்.அஸ்வின், உமேஷ் யாதவ், தினேஷ் கார்த்திக், ரஹானே. வங்காளதேசம்: மோர்தசா (கேப்டன்), தமிம் இக்பால், இம்ருல் கெய்ஸ், சவுமியா சர்கார், சபிர் ரஹ்மான், மக்முதுல்லா ரியாத், ஷகிப் அல்-ஹசன், முஷ்பிகுர் ரஹிம், ருபெல் ஹூசைன், முஸ்தாபிகுர் ரஹமான், தஸ்கின் அகமது, மெஹதி ஹசன், மொசாடெக் ஹூசைன், சன்ஜாமுல் இஸ்லாம், ஷபியுல் இஸ்லாம். http://www.maalaimalar.com/News/Sports/2017/05/30100740/1087956/Champions-Cup-Cricket-practice-India-vs-Bangladesh.vpf
  23. ஜெர்மனி வேந்தர் ஏஞ்சலா மெர்க்கலுடன் பிரதமர் மோடி சந்திப்பு அரசுமுறை பயணமாக ஜெர்மனி சென்றுள்ள பிரதமர் நரேந்திர மோடி, அந்நாட்டு வேந்தர் ஏஞ்சலா மெர்க்கலை சந்தித்து பேச்சுவார்த்தை நடத்தினார். பெர்லின்: வர்த்தகம், முதலீடு மற்றும் பொருளாதார உறவுகளை மேம்படுத்தும் நோக்கில் பிரதமர் நரேந்திர மோடி, ரஷியா, பிரான்ஸ், ஜெர்மனி, ஸ்பெயின் ஆகிய நாடுகளில் 6 நாட்கள் அரசுமுறை சுற்றுப்பயணம் மேற்கொள்கிறார். நேற்று தொடங்கிய இந்த சுற்றுப்பயணத்தில் முதலாவதாக அவர் ஜெர்மனிக்கு இந்திய நேரப்படி நேற்றிரவு சென்றடைந்தார். ஜெர்மனி சென்றடைந்த அவருக்கு விமான நிலையத்தில் ராணுவ மரியாதையுடன் சிவப்பு கம்பள வரவேற்பு அளிக்கப்பட்டது. பின்னர் மோடி அந்நாட்டு வேந்தர் ஏஞ்சலா மெர்க்கலை சந்தித்தார். விருந்தினர் இல்லத்தில் உள்ள தோட்டத்தில் இருவரும் நடந்து சென்று பல்வேறு விஷயங்கள் குறித்து பேச்சுவார்த்தை நடத்தினர். இதையடுத்து ஜெர்மன் அதிபர் பிராங்க்-வால்டர் ஸ்டைன்மரையும் மோடி சந்தித்து உரையாட இருக்கிறார். பிரதமரின் இந்த சுற்றுப்பயணத்தின் போது இந்தியா-ஜெர்மனி இடையே வர்த்தகம் மற்றும் முதலீடு, பாதுகாப்பு மற்றும் பயங்கரவாத எதிர்ப்பு, திறன் மேம்பாடு, நகர்ப்புற கட்டமைப்பு, ரெயில்வே மற்றும் சிவில் விமான போக்குவரத்து உள்ளிட்ட துறைகளில் சில ஒப்பந்தங்கள் கையெழுத்தாக உள்ளன. ஜெர்மனி பயணத்தை முடித்து விட்டு பிரதமர் நரேந்திர மோடி ஸ்பெயின் நாட்டுக்கு புறப்பட்டு செல்கிறார். ராஜீவ் காந்திக்கு பிறகு கடந்த 30 ஆண்டுகளில் ஸ்பெயினுக்கு செல்லும் முதல் இந்திய பிரதமர் மோடி ஆவார். அங்கு அவர் ஸ்பெயின் மன்னர் 6-ம் பெலிப் மற்றும் அதிபர் மரியானோ ரஜோய் ஆகியோருடன் இருதரப்பு உறவுகள் குறித்து பேச்சுவார்த்தையில் ஈடுபடுகிறார். இதைத்தொடர்ந்து பிரதமர் நரேந்திர மோடி 31-ந் தேதி ரஷியாவுக்கு செல்கிறார். அடுத்த மாதம் (ஜூன்) 2-ந் தேதி வரை அங்கு தங்கியிருக்கும் மோடி, 18-வது இந்தியா-ரஷியா உச்சிமாநாடு உள்ளிட்ட பல்வேறு நிகழ்வுகளில் பங்கேற்கிறார். குறிப்பாக அதிபர் புதினுடன் இருதரப்பு பேச்சுவார்த்தை, இருநாட்டு அதிகாரிகளுடன் மோடி-புதினின் கலந்துரையாடல் உள்ளிட்ட பல்வேறு நிகழ்ச்சிகளுக்கு ஏற்பாடு செய்யப்பட்டு உள்ளது. ரஷிய பயணத்தை முடித்துக்கொண்டு பிரதமர் மோடி 2-ந் தேதி பிரான்ஸ் செல்கிறார். 3-ந் தேதி வரை அங்கு தங்கியிருக்கும் மோடி, புதிதாக தேர்ந்தெடுக்கப்பட்டு உள்ள பிரான்ஸ் அதிபர் இம்மானுவேல் மெக்ரானை சந்தித்து பேசுகிறார். இதில் இருதரப்பு உறவுகளை மேம்படுத்துதல் மற்றும் ஐ.நா. பாதுகாப்பு கவுன்சில் சீர்திருத்தம் உள்ளிட்ட பல்வேறு விவகாரங்கள் குறித்து இருதலைவர்களும் விவாதிக்கின்றனர். அத்துடன் 4 நாடுகள் சுற்றுப்பயணத்தை முடித்துவிட்டு பிரதமர் மோடி நாடு திரும்புகிறார். http://www.maalaimalar.com/News/TopNews/2017/05/30083422/1087937/PM-Modi-meets-German-Chancelor-Merkel-at-Schloss-Meseberg.vpf
  1. Load more activity