All Activity

This stream auto-updates     

  1. Past hour
  2. எவர் ஆட்சிக்கு வந்தாலும் என்ரை செல்லக்குஞ்சுகள் சம்சும் கொம்பனிக்கு ஓட்டமெற்றிக் அதிஷ்டம் கண்டியளோ
  3. பேட்டியிலை அவரை முழுசாய் ஒண்டும் சொல்ல விடேல்லையாம்......குறுக்கை குறுக்காலை கேள்வி கேட்டு அவரை சொல்லாமல் பண்ணிப்போட்டினமாம் பேட்டி எடுத்தவருக்கு அனுபவம் காணாதாம்.
  4. வவுனியாவில் ஆயுததாரிகளாக நின்று கப்பம் கேட்டதெல்லாம் யாரை பாதுகாக்க???
  5. Today
  6. ஆட்கடத்தலில் தமிழர் ஈடுபட்டால் செய்தவரின் பெயர் ஊர் எல்லாத்தையும் போட்டு நாறடிப்பினம் சிங்களவர் செய்தால் இலங்கையர் எனும் ஒரு பதம் மட்டுமே போடுவினம் .
  7. குமாரசாமி

    நகைக் கள்ளனும் நானும்

    பியர் கள்ளனுக்கு அப்பவே ஐஞ்சை பத்தை கஞ்சத்தனமில்லாமல் குடுத்திருந்தால் சங்கிலி அறுப்புவரைக்கும் வந்திருக்காதெண்டது என்ரை ஊகம் கண்டியளோ...
  8. மின் இலத்திரனியல் வோட் மிசின் என்றால் கட்டாயம் மோடிதான் .
  9. காய்ந்த செடிகளும் கட்டாந்தரையுமாக உள்ள பாலைவனம். ஆனால் உற்று பாருங்கள், மஞ்சள் நிறத்தில் தரையை ஒட்டி மலர்கள் பூத்திருக்கின்றன! பிக் பென்ட் தேசிய பூங்கா அமெரிக்காவில் டெக்ஸாஸ் மாகாணத்தில் உள்ளது. நாங்கள் வசித்த இடத்திலிருந்து மிகவும் தொலைவில் இருந்தது இந்த பூங்கா. ஆனால் இந்த பூங்காவில் தான் நிறைய விதமான கள்ளி (cactus) செடிகளை பார்க்க முடியும். பல வண்ணங்களில் மலரும் கள்ளிப்பூக்களை பார்க்க ஏற்ற மாதமான மார்ச் மாதத்தில் பிக் பென்ட் தேசிய பூங்காவிற்கு கிளம்பினோம். என் தோழி ராஜஸ்ரீ டெக்ஸாசில் இருந்ததால் அவளை பார்த்துவிட்டு பிக் பென்டுக்கு கிளம்பினோம். அவள் அந்த பூங்காவில் உங்களுக்கு உண்ணுவதற்கு ஒன்றுமே கிடைக்காது என்று பல விதமான சாப்பாடுகள் எங்களுக்கு தயார் பண்ணி கொடுத்தாள். அவளுடைய கணவருக்கா கடைசியில் எனக்கு இப்படியாவது இவ்வளவு இந்திய உணவு கிடைக்கிறதே என்று சந்தோஷம். ஆனால் என் ஆருயிர் தோழி அதெல்லாம் அவர்களின் பயணத்துக்கே பத்தாது உங்களுக்கு பாஸ்தா தான் என்று சொல்லிவிட்டாள். அவள் கணவர் எங்களை பார்த்த பார்வையில் நாங்கள் கடகடவென்று சாப்பாடு மூட்டையை தூக்கிக்கொண்டு கிளம்பிவிட்டோம். எட்டு மணி நேர பயணத்திற்கு பின் பிக் பென்ட் தேசிய பூங்காவை சென்றடைந்தோம். இந்த பூங்காவின் பெரும்பகுதியில் சிஹுஹுன் (chihuahuan) பாலைவனம் உள்ளது. நாங்கள் பார்க்கும் முதல் பாலைவனம் இதுதான்.சிஸோஸ் மலை தொடர்ச்சி(Chisos Mountain Range) தூரத்தில் தெரிந்தது. கண்ணுக்கெட்டிய தூரம் வரை முற்புதர்களும் கள்ளிச்செடிகளும் கிடந்தன. ஆனால் சில இடங்களில் ஒரு மாதத்திற்கு முன்னால் பெய்த மழையினால் வண்ண மலர்கள் பூத்து கிடந்தன. சாலையோரத்தில் பூத்து குலுங்கிய நீல நிற லூபைன்(Big bend bluebonnet-Lupinus havardi)மலர்கள் பாலைவனத்தை வண்ணமயமாக்கின. முயல்கள் அந்த பூக்களை பறித்து சாப்பிட்டுக்கொண்டிருந்தன. எங்களுக்கு மலர்களையும் முயல்களையும் கண்டவுடன் 8 மணி நேரம் பயணம் செய்த களைப்பெல்லாம் காணாமல் போய் விட்டது. கொஞ்ச தூரம் வண்டி ஓட்டி சென்ற பின் சாலையின் ஓரத்தில் லூப்பைன்(Big bend bluebonnet-Lupinus havardi) மலர்கள் பூத்து குலுங்கி கொண்டிருந்தன. முயலின் அதிகாலை உணவு! நாங்கள் வெறும் கள்ளி செடி மலர்களை தேடி வந்தோம். இங்கு என்னடாவென்றால் விதவிதமான மலர்கள் கண்ணில் பட்டன, ஆனால் இன்னும் கள்ளிச்செடி மலர்களை பார்க்கவில்லை. 10அடிக்கு இருந்த யுக்கா (Yucca rostrata) செடிகள் அடுக்கடுக்காக மலர்கள் பூத்திருந்தன. பாலைவனத்தில் அழகாக மலர்ந்துள்ள யுக்கா(Yucca rostrata) மலர்கள் மறுநாள் அதிகாலையில் நாங்கள் எமோரி பீக் (Emory Peak) சென்று அங்கே உள்ள கேம்ப்சைட்டில் தங்கலாம் என்று முடிவு செய்திருந்தோம். அதற்கு தேவையான அனுமதி சீட்டுகளை வாங்கி கொண்டு நாங்கள் அங்கே உள்ள மற்ற இடங்களை பார்க்க சென்றோம். நிறைய கள்ளி செடிகள் பார்த்தோம், ஆனால் எதுவுமே பூக்கவில்லை. என்னடா இது, தப்பான மாதத்தில் கிளம்பி வந்துவிட்டோமா என்று யோசித்துக்கொண்டே சென்ற போது திடீரென்று மஞ்சளாக பாறை மேல் ஒரு பூ தெரிந்தது. வண்டியை நிறுத்தி கிட்டே சென்று பார்த்தால் கள்ளி பூ! அதன் பிறகு தொடர்ந்து பல விதமான கள்ளி செடிகளையும்,பூக்களையும் பார்த்தோம். கள்ளி செடியும் நானும் பாலைவனம் என்பதால் சில இடங்களில் மட்டுமே நீர் தேக்கம் இருக்கும். அதனால் அந்த இடங்களில் நிறைய உயிரினங்களை பார்க்கலாம். நாங்கள் வெயில் ஏறிய பின் சென்றதால் ஒரு பறவையை கூட பார்க்க முடியவில்லை. கண்களை கூசிய வெயிலில் அங்கே இருந்த பிரம்மாண்டமான பள்ளத்தாக்குகளை மட்டும் பார்த்துவிட்டு திரும்பினோம். பள்ளத்தாக்கை உற்று பாருங்கள்.ஆங்காங்கே மனிதர்கள் தெரிகிறார்களா? இப்பொழுது புரிகிறதா எவ்வளவு பெரிய பள்ளத்தாக்கு என்று!! சூரியன் அஸ்தமிப்பதை பாலைவனத்தில் பார்த்தால் மிக அழகாக இருக்கும் என்பதால் வினோத் அஸ்தமிக்கும் காட்சி முழுமையாக தெரியும் இடத்தை யூகித்து சென்றார். நாங்கள் கொண்டு வந்த கூடாரத்தை கேம்ப்சைட்டில் போட்டுவிட்டு ராஜ்ஸ்ரீ கொடுத்துவிட்ட தர்பூசணி பழத்தை எடுத்து சாப்பிட ஆரம்பித்தோம். மனதை மயக்கும் சூரிய அஸ்தமனத்தை பார்த்துவிட்டு மறுநாள் மலையேற்றத்துக்கு தேவையான பொருட்களை பைகளில் எடுத்துவைத்துவிட்டு உறங்க சென்றோம். பாலைவனத்தில் பகலில் எவ்வளவு சூடாக இருக்கிறதோ அந்த அளவுக்கு இரவில் நடுங்கும் குளிராக இருக்கும். இப்படி ஒரு இடத்தில உட்கார்ந்து சுவையான தர்பூஸ் சாப்புடுற சுகமே தனி. மறுநாள் அதிகாலை குளிரில் சிஸோஸ் மலை தொடர்ச்சி (Chisos mountain range) கீழே இருந்து எமோரி பீக் (Emory Peak) நடக்க ஆரம்பித்தோம். இரவு அங்கே உச்சியில் கேம்பிங் பண்ணுவதால் அதற்கு தேவையான பொருட்களை எல்லாம் ஆளுக்கொரு பையில் எடுத்துக்கொண்டோம். பறவைகளையும் பூக்களையும் தேடிக்கொண்டு உற்சாகமாக நடக்க ஆரம்பித்தோம். ட்ரெக் ஆரம்பிக்கும்போதே மானெல்லாம் (White tailed deer) பார்த்துட்டு போனா சகுனம் நல்லாத்தான் இருக்கும் இந்த மலை பகுதி அருகே ஒரு தங்கும் விடுதி உள்ளது. அங்கே தங்கி இருந்த ஒரு முதிய ஜோடியும் எங்களுடன் மலையேறினார்கள். அவர்களின் வயதில் நமக்கெல்லாம் ஏற தெம்பிருக்குமா என்று எங்களுக்குள் பேசிக்கொண்டே ஏறினோம். விடிய ஆரம்பித்தவுடன் நிறைய பேர் ட்ரெக்கிங் வந்தார்கள். இந்தியர்கள் பெரும்பாலும் இந்த மாதிரி இடத்திற்கு வர மாட்டார்கள் என்பதால் அங்கே வந்திருந்த பலர் எங்களை ஆச்சர்யமாக பார்த்தார்கள். அதிலும் நாங்கள் மட்டும் தான் இவ்வளவு பெரிய பை தூக்கிக்கொண்டு நடந்து கொண்டிருந்தோம். மற்றவர்கள் எல்லோருமே ஒரு வேளைக்கு தேவையான உணவை மட்டுமே தூக்கிக்கொண்டு நடந்து கொண்டிருந்தனர். எங்களிடம் சிலர் விசாரித்தபோது கேம்ப் பண்ண போகிறோம் என்று நாங்கள் சொன்னவுடன், இங்கேயா கேம்ப் எல்லாம் பண்ணலாமா என்று அவர்கள் ஆச்சர்யமாக கேட்டதை பார்த்து எங்களுக்கு குழப்பமாகி விட்டது. ஒருவேளை நாம்தான் தப்பாக நினைத்துவிட்டோமா என்று ரசீதை மறுபடியும் சரிபார்த்தோம். அதில் குறிப்பிட்டிருந்த பெயர்களை பார்த்துக்கொண்டு சரி, முதலில் கேம்ப் சைட்டை கண்டுபிடித்து பைகளை அங்கே வைத்து விட்டு உச்சிக்கு செல்லலாம் என்று நடக்க ஆரம்பித்தோம். எமோரி பீக் உச்சியிலிருந்து தெரிகின்ற சிஸோஸ் மலைத்தொடர்ச்சி வேறு சில கேம்ப்சைட்டுகள் கண்ணில் பட ஆரம்பித்தன. ஆனால் எங்களுக்கு அளித்த பெயரை கண்டுபிடிக்க முடியவில்லை. திரும்பி வந்து கண்டுபிடித்து கொள்ளலாம் என்று முடிவு செய்தோம். அருகே இருந்த ஒரு மரத்தில் மறைவாக எங்கள் பைகளை வைத்துவிட்டு மலையேறுவதை தொடர்ந்தோம். ஒருவழியாக 7,825 அடியில் உள்ள எமோரி பீக்கை(Emory Peak) அடைந்தோம். அவ்வளவு உயரத்திலிருந்து மற்ற மலை தொடர்ச்சிகளை பார்க்கும்போது உலகமே வேறு விதமாக கண்ணில் தெரிந்தது. கடகடவென்று நாங்கள் பை வைத்திருந்த இடத்திற்கு சென்றடைந்தோம். அருகே எங்கும் எங்களுக்கு அளித்த கேம்ப்சைட்டின் பெயரை காணவில்லை. இந்த கேம்ப்சைட்டுக்கு யாரும் வருவதாக தெரியவில்லை. அதனால் இங்கேயே நாங்கள் கூடாரம் அமைத்தோம். வெயிலுக்கு பழங்கள் தேவை படுமே என்று அதை வேறு தூக்கிக்கொண்டு வந்திருந்தேன். அருகே கரடி பெட்டி(Bear Box) வைத்திருந்தார்கள்.பழங்களை எல்லாம் எடுத்து அதற்குள் வைத்துவிட்டு எங்கள் உணவை திறந்தோம். தயிர் சாதமும்,ஊறுகாயும்!!! 8 கி.மீ ஏற்றத்தில் நடந்தபின் பாலைவனத்தின் நடுவே இப்படி ஒரு சாப்பாட்டின் அருமை தென்னிந்தியர்களுக்கு தான் தெரியும். எங்களுக்கு மிகவும் பிடித்த உணவு, அதனால் கடைசியாக சாப்பிட வைத்திருந்தோம். ராஜஸ்ரீ குடுத்த மற்ற சாத வகைகளை ஏற்கனவே உண்டு முடித்துவிட்டோம். ஏனோ சூடாக இருந்தாலும் அங்கே உள்ள சீதாக்ஷண நிலைக்கு உணவு பொருட்கள் எதுவும் கெட்டு போகவில்லை! எமோரி பீக்கிலிருந்து சூரிய அஸ்தமனம்! சூரியன் மலையிலிருந்து உருள்வது போல் இருக்கிறது இல்லையா? முந்தைய நாள் பாலைவனத்தில் சூரிய அஸ்தமனத்தை பார்த்தோம்.இன்று மலை உச்சியில் இருந்து மொத்த பாலைவனத்தை சூரிய அஸ்தமனத்தில் பார்க்கிறோம். ஒவ்வொரு நாளும் சூரிய உதயத்தையும் அஸ்தமனத்தையும் இந்த மாதிரி இடங்களில் பார்த்தாலே போதும், மனதில் ஒரு அமைதி வந்துவிடும். நாங்கள் மலை உச்சியில் இருந்ததால் மாலை நேரத்தில் பயங்கர காற்று. இரவில் அடித்த காற்றை எப்படித்தான் எங்கள் கூடாரம் தாங்கியதோ தெரியவில்லை. பாலைவனத்தில் தான் ஒரே நாளில் மூன்று வேளையும் வெவ்வேறு காலநிலையை அனுபவிக்க முடியும் என்று நினைக்கிறேன். கரடிகள் நடமாடும் இடத்தில் இப்படி ஒரு கூடாரம் போட்டு உறங்கினோம்.இப்பொழுது யோசித்து பார்த்தால் சிரிப்பாக இருக்கிறது. அதிகாலையில் குடுகுடுவென்று கீழே சென்று விட்டால் நாங்கள் அடுத்து செல்ல வேண்டிய ரியோ கிராண்டேக்கு(Rio Grande) சீக்கிரம் செல்லலாம் என்று கிளம்பினோம். மலையேறியபோது இந்த கள்ளியில் மொட்டு தான் இருந்தது.மறுநாள் இறங்கி வரும்போது இந்த சிகப்பு கள்ளி பூ திறக்க ஆரம்பித்துவிட்டது. கீழே இறங்கியபின் எங்கும் பறவைகளின் சத்தங்கள், சிவப்பு நிறத்தில் கள்ளி பூக்கள். காலையை இனிதாக தொடங்குவதற்கு வேறு என்ன வேண்டும்! இந்த பயணத்தில் நினைத்தது போல விதவிதமான கள்ளி பூக்களையும், பாலைவன பறவைகளையும் பார்த்தோம். அதிலும் ரோடு ரன்னர்(Road Runner) போன்ற பறவைகளை எல்லாம் நேரில் பார்ப்பேன் என்றே நினைக்கவில்லை. இந்த பயணத்தில் பார்த்த பூக்களையும் பறவைகளையும் பற்றி தெரிந்துகொள்வதற்கு இந்த பக்கத்துக்கு செல்லுங்கள்.http://roamingowls.com/2018/07/23/big-bend-national-park-blooms-and-birds/ http://roamingowls.com/2018/07/24/பிக்-பென்ட்-தேசிய-பூங்கா/
  10. வேடம் போடாத...மோடி.....ஒரு மத வெறியன்! இவரது நடவடிக்கைகளால்...கொல்லப்பட்ட....முஸ்லிம்களின் எண்ணிக்கை...எண்ணிலடங்காதது! சுவாமியும்....ஒரு பார்ப்பன மேலாண்மை வாதி! மகிந்த ஒரு இன வெறியர்! இவரது கரங்கள்....இரத்தம் தோய்ந்தவை! இவர்களைப் போன்றவர்கள்.....மக்கள் பணத்தைத் தின்றும்....திருடியும் வாழ்வதையே...தொழிலாகக் கொண்டவர்கள்! இவர்களுக்குத் தூரநோக்கு என்று ஒன்று கிடையாது! இவர்களுக்குள்....ஒற்றுமையும்....உடன்படிக்கைகளும்....ஏற்படுவதில் வியப்பேதும் இல்லையே? இனம்....இனத்தைச் சாரும்!
  11. புங்கையூரன்

    நகைக் கள்ளனும் நானும்

    ஆத்திரத்தில்....திரும்பவும்....வந்து.....சாத்தினாலும்....சுமேய்க்கு...சாத்தினாலும் சாத்துவார்கள்!
  12. இன்றைய இளைஞர்களின் உணவுகளில் அதிமுக்கிய இடம் பிடித்திருக்கும் ஒரு உணவு என்றால் அது பன்னீர்தான். சென்ற தலைமுறை வரை வெகுசிலர் மட்டுமே பயன்படுத்திக் கொண்டிருந்த பன்னீர் நாகரீக வளர்ச்சியால் இன்று கிட்டத்தட்ட அனைவரின் இல்லத்தையும் சென்றடைந்து விட்டது என்றே சொல்லலாம். அசைவ உணவு சாப்பிடாதவர்களுக்கு மிகச்சிறந்த உணவாக பன்னீர் மாறிவிட்டது. ஏனெனில் இறைச்சியை கொண்டு சமைக்கக்கூடிய அனைத்து விதமான உணவுகளையும் பன்னீர் கொண்டு நாம் சமைக்கலாம். அதுமட்டுமின்றி பன்னீரை அதிக குழந்தைகள் விரும்பி உண்ண தொடங்கியுள்ளனர். குழந்தைகள் முதல் பெரியவர் வரை அனைவரும் விரும்பும் இந்த பன்னீர் பல ஆரோக்கிய கேடுகளையும் சேர்த்தே உருவாக்கும் என்பது பலரும் அறியாத ஒன்று. இதன் நன்மைகள் மற்றும் பக்கவிளைவுகளை இங்கே பார்க்கலாம். 100 கிராம் பன்னீரில் 18 கிராம் புரோட்டின் உள்ளது. உடலை கட்டுக்கோப்பாக வைக்க புரோட்டின் மிகவும் அவசியமான ஒன்று. எனவே கட்டுமஸ்தான உடலை விரும்புபவர்கள் பன்னீரை உணவில் சேர்த்துக்கொள்வது அவசியம். மேலும் இது பசியை கட்டுப்படுத்துவதால் அதிக உணவு உட்கொள்வதை தடுக்கிறது. எலும்பு மற்றும் பற்களின் ஆரோக்கியத்திற்கு கல்சியம் அவசியமான சத்தாகும். பன்னீரில் அதிகளவு கல்சியம் உள்ளது. எனவே பன்னீர் அதிகம் உணவில் சேர்த்துக்கொள்ளப்படுவதால் பற்களின் ஆரோக்கியம் அதிகரிப்பதுடன் எலும்புகள் வலுவடைகிறது. இதில் லேக்ட்டோஸ் குறைவாக உள்ளதால் பற்கள் சொத்தையாவது தடுக்கப்படுகிறது. இளைஞர்கள் பலரும் சருமம் ஆரோக்கியமாக இருக்க அதிக செலவு செய்கிறார்கள். ஆனால் பன்னீர் இந்த வேலையே மிகசுலபமாக செய்யக்கூடியது. இதில் உள்ள விட்டமின்கள் மற்றும் செலேனியம் சரும பொலிவை அதிகரிக்கும். உடலின் நோயெதிர்ப்பு சக்தியானது பன்னீரை தொடர்ந்து சாப்பிடுவதன் மூலம் அதிகரிக்கிறது. இருமல், ஆஸ்துமா போன்ற நோய்கள் ஏற்படும் வாய்ப்புகள் பன்னீர் தொடர்ந்து உணவில் சேர்த்துக்கொள்ளப்படும்போது குறைகிறது. இது ஹீமோகுளோபினின் அளவை அதிகரிக்கிறது. குறிப்பாக இது குழந்தைகளின் நோயெதிர்ப்பு சக்தியை அதிகரிக்க உதவுகிறது. இறைச்சியும், மீனும் இப்படியான விளைவுகளைக் கொண்டிருக்க, பெரும்பாலானோரின் கவனம் பன்னீர் பக்கம் திரும்பியது. ஆனால் அதிலும் இப்படியொரு கலப்படத்தைக் கண்டு, அதிர்ச்சியையும் ஆத்திரத்தையும் கட்டுப்படுத்த முடியவில்லை. சல்ஃப்யூரிக் ஆசிட் கலந்த இந்த பன்னீர் வயிறு, குடல் சம்பந்தமான பிரச்னைகளை உண்டாக்கும். அதோடு கேன்சரையும் போனஸாகக் கொடுத்திடும். அடிக்கடி மலச்சிக்கல் மற்றும் அஜீரணக் கோளாறு நீங்கள் சாப்பிட்ட பன்னீரில் கலப்படம் இருப்பதை உணர்த்தும். நவீனம் என்ற பெயரில் நல்ல உணவுகளை புறம் தள்ளினோம், இப்போது நாமே தேடிச் சென்றாலும் கிடைக்காத நிலைமையில் தான் இவ்வுலகம் இருக்கிறது. இதன் அடுத்தக் கட்டமாக, விட்டமின், புரோட்டின் என அனைத்து நியூட்ரியன்ட்களுக்கும் மாத்திரைகளை மட்டுமே சாப்பிடும் நாளும் வெகு தொலைவில் இல்லை. இப்படி உணவுக் கலப்படம் செய்பவர்கள் கையும் களவுமாகப் பிடிப்பட்டால், அவர்களுக்கான தண்டனைகள் கடுமையாக்கப்பட வேண்டும். ஆயுள் தண்டனை போன்றவைகள் வழங்கப்பட்டால் ஒழிய, மற்றவர்கள் இந்த மாதிரியான செயலில் ஈடுபடாமல் இருப்பார்கள். உயிருடன் விளையாடும் இவர்களுக்கு தன் குடும்பத்தினரும் மற்ற நிறுவன தயாரிப்பு உணவுகளைத் தான் சாப்பிடுகிறார்கள் என்பதை உணர்ந்து கொள்ள வேண்டும். http://metronews.lk/article/33141
  13. பா.டெனீஸ்வரனை அமைச்சரவையிலிருந்து நீக்கிய முதலமைச்சரின் முடிவிற்கு எதிராக மேன்முறையீட்டு நீதிமன்றம் வழங்கிய இடைக்கால தடை இன்று விலக்கிக் கொள்ளப்பட்டுள்ளது. இதன்படி, வடக்கு அமைச்சரவையின் சட்டபூர்வ தன்மை குறித்து இதுவரை நிலவி வந்த இழுபறி இன்று முடிவிற்கு வந்துள்ளது. தன்னை பதவியிலிருந்து நீக்கியதற்கு எதிராக பா.டெனீஸ்வரன் தொடர்ந்த வழக்கில், மேன்முறையீட்டு நீதிமன்றம் வழங்கிய இடைக்கால நிவாரணத்தில்- பா.டெனீஸ்வரன் சட்டபூர்வ அமைச்சராக தொடர்வதில் எந்த தடைகளும் இல்லை, யாரும் அவரது கடமைக்கு இடையூறு விளைவிக்ககூடாதென குறிப்பிட்டது. இதன்படி, தன்னை அமைச்ச பதவி வகிக்க முதலமைச்சர் அனுமதிக்கவில்லையென குறிப்பிட்டு டெனீஸ்வரன் தொடுத்த நீதிமன்ற அவமதிப்பு வழக்கு இன்று (18) கொழும்பு மேன்முறையீட்டு நீதிமன்றத்தில் விசாரணைக்கு எடுத்துக் கொள்ளப்பட்டது. முதலமைச்சர் தரப்பு சட்டத்தரணி கனகஈஸ்வரனின் வாதத்தில் இன்று அனல் பறந்தது. நீதிமன்ற அவமதிப்பு வழக்கை மேன்முறையீட்டு நீதிமன்றம் ஏன் கையாள முடியாதென்பதை, சட்ட நுணுக்கங்களுடன் விலாவாரியாக எடுத்துரைத்தார். அரசியலமைப்பின்படி நீதிமன்றங்களிற்கு உள்ள அதிகாரங்களையும், முன்னைய வழக்கு உதாரணங்களையும் குறிப்பிட்டார். நீதிமன்ற அவமதிப்பு வழக்கை மேன்முறையீட்டு நீதிமன்றம் விசாரிக்க முடியாதென முதலமைச்சர் தரப்பு ஏற்கனவே உயர்நீதிமன்றத்தில் மனுதாக்கல் செய்திருப்பதையும் சுட்டிக்காட்டினார். இதை கவனத்தில் எடுத்த மேன்முறையீட்டு நீதிமன்ற நீதிபதிகள், உயர்நீதிமன்றத்தில் இந்த வழக்கின் முடிவை கவனித்து, அதன் பின்னால் விசாரணைக்கு எடுத்துக் கொள்ள வசதியாக ஒக்ரோபர் 16ம் திகதிக்கு ஒத்திவைத்துள்ளனர். இம்மாதம் 28ம் திகதி முதலமைச்சரின் உயர்நீதிமன்ற மேன்முறையீட்டு மனு விசாரணைக்கு வருகிறது. உயர்நீதிமன்றத்தில் வழக்கு ஒத்திவைக்கப்பட்டால், மேன்முறையீட்டு நீதிமன்றத்திலும் நீதிமன்ற அவமதிப்பு வழக்கு அடுத்த தவணையிலும் ஒத்திவைக்கப்படுமென எதிர்பார்க்கப்படுகிறது. இதன் பின்னர் மேன்முறையீட்டு நீதிமன்றத்தில் வடக்கு அமைச்சரவையிலிருந்து டெனீஸ்வரன் நீக்கப்பட்ட விவகாரம் எடுக்கப்பட்டது. சுமார் இரண்டரை மணித்தியாலங்கள் இரு தரப்பு சட்டத்தரணிகளும் அனல் பறந்த விவாதத்தில் ஈடுபட்டனர். இந்த விவாதத்தின் பின்னரே, டெனீஸ்வரனின் பதவி நீக்கத்திற்கு எதிராக வழங்கப்பட்ட இடைக்கால தடை நீக்கப்பட்டது. இதன்படி வடக்கு அமைச்சரவையின் சட்டபூர்வ தன்மை குறித்து இதுவரை நிலவி வந்த குழப்பங்கள் தீருமென எதிர்பார்க்கப்படுகிறது. இன்றைய வழக்கு விசாரணைகள் முடிவடைந்ததும், நீதிமன்ற வளாகத்திற்குள் தனது சட்டத்தரணி கனகஈஸ்வரனின் வாதங்களை வெகுவாக பாராட்டிய முதலமைச்சர், விசேடமாக நன்றி செலுத்தி விட்டு சென்றதை அவதானிக்க முடிந்தது. முதலமைச்சர் சார்பில் ஜனாதிபதி சட்டத்தரணி கனகஈஸ்வரனும், விவசாய அமைச்சர் க.சிவநேசன் சார்பில் ஜனாதிபதி சட்டத்தரணி சாலிய பீரிஸ் (இன்று சாலிய பீரிஸ் முன்னிலையாகவில்லை), மகளிர் விவகார அமைச்சர் அனந்தி சசிதரன் சார்பில் சட்டத்தரணி கணேசராஜா, வடமாகாணசபை உறுப்பினர் டெனீஸ்வரன் சார்பில் சட்டத்தரணி சுரேன் பெர்னாண்டோ, பா.சத்தியலிங்கம் சார்பில் ஜனாதிபதி சட்டத்தரணி எம்.ஏ.சுமந்திரன் ஆகியோர் இந்த வழக்கில் முன்னிலையாகி வருவது குறிப்பிடத்தக்கது. https://www.tamilnaatham.org/2018/09/vigneswaran23.html
  14. ஆனால் கனபேர் மோடி நல்லவர் வல்லவர் எண்டுறாங்கள்.......தன்ரை மாநிலம் குஜாரத்தை அமெரிக்கா மாதிரி வைத்திருக்கிறாராமே!
  15. மேற்குலகம் தன்நலன் கருதியே மத்தியகிழக்கு மத்தியில் யூதர்களுக்கு நாடு உருவாக்கி பரிபாலிக்கின்றது என பல பாரசீகக்காரர்கள் கூறுகின்றார்கள்.
  16. வெளிநாட்டினர் பணி ஓய்வுக்கு பிறகும் அங்கே வசிக்க நீண்டகால குடியிருப்பு விசா வழங்க அரபு எமிரேட்ஸ் நாடுகள் முடிவு செய்துள்ளது. அரபு எமிரேட்ஸ் நாடுகள் வெளிநாட்டினரை ஈர்க்க தங்களது விசா முறையில் பல்வேறு விதிமுறைகளை தளர்த்திக் கொண்டு வருகிறது. அண்மையில் குறுகிய கால விசிட்டிங் விசாவை அறிமுகம் செய்துள்ளது. இந்த விசா சுற்றுலா செல்பவர்களுக்கு பெரும் உதவியாக இருக்கும். அதேபோன்று தற்போது வெளிநாட்டினர் பணி ஓய்வுக்கு பிறகும் அங்கே வசிக்க நீண்டகால குடியிருப்பு விசா வழங்க முடிவு செய்துள்ளது. இது 2019ஆம் ஆண்டு முதல் அமலுக்கு வரும் என்று எதிர்பார்க்கப்படுகிறது. மேலும் கத்தார் நாடு குறிப்பிட்ட வெளிநாட்டினருக்கு நிலையான குடியுரிமை வழங்க வாய்ப்பை ஏற்படுத்தியுள்ளது குறிப்பிடத்தக்கது. http://tamil.webdunia.com/article/world-news-in-tamil/uae-offer-lond-term-residency-visa-for-foreign-workers-118091800026_1.html
  17. குமாரசாமி

    நகைக் கள்ளனும் நானும்

    கிரடிட் கார்ட்டுக்கு பதிலாய் டம்மி கார்ட் கொண்டு திரியுங்கள்.....ஆபத்து இல்லை......கள்ளர் ஒரு சதம் கூட உருவி எடுக்கேலாது...
  18. அடுத்த வருட தேர்தலில் மோடி இருப்பாரோ?
  19. வவுனியாவில் பணத்துக்கு செய்த கொலைகள் எத்தனை ? சுவிஸ் பாங்கில் உள்ள பணம் எத்தனை? சொந்த இனத்தை சுரண்ட மனித வடிவில் பிறந்த உண்ணி
  20. இந்த படத்தை கடந்த வருடமே நான் பார்த்துவிட்ட்டேன் பெரும்பாலும் இந்திய றோவின் முதலீட்டில் ஒரு வித்தியாசமான பரப்புரை. பார்ப்பானின் தமிழ் அழிப்பு அகோரம் என்பது எவ்ளவு தலைவிரித்து ஆடுகின்றது என்று சிந்திக்க கூடிய தமிழர்கள் மிக மிக அரிது. சீமானோ .... கோமானோ .... யாரும் தவறு செய்தால்கூட அதை அவர்களிடமே அணுகி அதை திருத்தி ஒரு நல் பாதையில் செல்லவேண்டும் தமிழன் தலைநிமிர வேண்டும் என்னும் எண்ணம் கொண்டவர்களை விரல் விட்டு எண்ணலாம் இழிவு எழுதி பிழைப்பை பார்க்கும் தமிழன்தான் யாழ் களத்திலேயே மிகுதி. புலிகள் முற்றாக அழிந்து போனாலும் .... அவர்கள் இன்னமும் தொடர்ந்து அடித்துக்கொண்டே இருக்கிறார்கள் தமிழனை மீண்டும் மீண்டும் ஒருவருடன் ஒருவரை மோதவிடுவதில் கவனமாக இருக்கிறார்கள். இந்த இன துரோகி முன்வைக்கும் முக்கிய பழிகள் மிகவும் வேடிக்கையானது. 1) புலிகள் ஆயுத போரை வெகு விரைவாக முன்னெடுத்துதானாம் சிங்கள இராணுவம் பல அட்டுழியங்களை செய்ய காரணமாக இருந்ததாம் ( எஜமான விசுவாசம்) இதுக்கு தான் ஆயுத குழுக்களுடன் இணைந்து ஆயுத போர் செய்ய கொழும்பில் இருந்து போனாராம் அப்ப ஆயுதம் தூக்கி காக்க சுடாவா போனவர்?? 2) மற்ற இயக்கங்கள் புலிகள் மீது மெல்லிய தாக்குதல்களைத்தான் செய்தார்களாம் ஆரம்பத்தில். கோபம் கொண்ட புலிகள் எல்லோரையும் துரோகிகள் ஆக்கினார்களாம் .... அது புலிகளின் பிழை? செல்வியை வசதி கிடைத்து இருந்தால் நானே கோடாரியால் அடித்து கொன்று இருப்பேன் புலிகள் விட்டு விட்டு கொண்டே வந்தார்கள் .... ஒன்று பெண் என்பதால் ... இரண்டு பல்கலைக்கழக மாணவி என்பதால் ....... இதுதான் அவாவுக்கும் சூடு ஏறினது. தான் பல்கலைக்கழக மாணவி என்பதால் தன்னை ஒன்றும் செய்யமாட்டார்கள் என்றுதான் ஆடிக்கொண்டு இருந்தவா. ஏன் கொண்டுபோனார்கள் என்பதை முதன் முதலாக ஒரு தமிழ் இன துரோகி வாயிலாக கேட்க முடிகிறது. இவர் 1985-86ற்கு பின் யாழில் இருந்திருக்க வாய்ப்பில்லை காரணம் அதன் பின் வரும் கதை எல்லாம் திரிப்பும் துரோகிகளின் பரப்புரையும்தான். அதன் முந்தைய கதைகளின் உண்மை தன்மை பற்றி அறிய எனக்கு அப்போது அறிவு இருக்கவில்லை. சைக்கோவா இருக்கும் என்றுதான் நான் நினைக்கிறன்
  21. மஹிந்த - இந்தியா உறவு: காதலா, வியாபாரமா? எம்.எஸ்.எம். ஐயூப் / இலங்கையின் முன்னாள் ஜனாதிபதி மஹிந்த ராஜபக்‌ஷவுடன், பிரதமர் நரேந்திர மோடியின் இந்திய அரசாங்கத்துக்கு ஏதாவது பிரச்சினை இருந்திருந்தால், தரகராகப் பாவிக்கப்படுவதற்கு மிகவும் பொருத்தமானவர், பாரதிய ஜனதாக் கட்சியின் மூத்த தலைவர்களில் ஒருவரான சுப்ரமணியன்சுவாமியே ஆவார். எனவே, இப்போது ஏதோ ஒரு காரணத்துக்காக, இந்திய அரசாங்கத்துக்கு, மஹிந்த ராஜபக்‌ஷவின் நட்புத் தேவையாக இருந்தால், மீண்டும் உறவை ஏற்படுத்திக் கொள்ள, சுப்ரமணியன்சுவாமியையே தரகராகப் பாவிப்பதற்கு, பிரதமர் மோடி ஆர்வமாயிருப்பார். ஏனெனில், மஹிந்த ராஜபக்‌ஷவின் ஆட்சிக் காலத்தில் இருந்து, மஹிந்தவுடன் நெருக்கமாகப் பழகி வருபவர், சுப்ரமணியன்சுவாமியே ஆவார். மஹிந்தவின் ஆட்சிக் காலத்தில், தமிழீழ விடுதலை புலிகள், இராணுவ ரீதியில் தோற்கடிக்கப்பட்டதற்காக, மஹிந்தவைப் பெரிதும் பாராட்டுபவர் அவர். அதற்காக மஹிந்தவுக்கு, இந்தியாவின் அதியுயர் சிவிலியன் விருதான, ‘பாரத ரத்னா’ விருதை வழங்க வேண்டும் எனக் கூறி வருபவர் இவராவார். இந்திய அரசாங்கம் தான், அண்மையில் சுவாமியை, இலங்கைக்கு அனுப்பியதோ தெரியாது. மஹிந்தவின் சகோதரர் ஒருவர், கடந்த மாதம் இறந்த போது, அதற்காக மஹிந்தவுக்கு அனுதாபம் தெரிவிக்க, இலங்கைக்கு வந்த சுவாமியை, இந்திய அரசாங்கம் பாவித்ததோ தெரியாது. எவ்வாறாயினும், இலங்கைக்கு வந்த சுவாமி, இந்திய விஜயமொன்றுக்காக, மஹிந்தவுக்கு அழைப்பு விடுத்துச் சென்றார். அந்த விஜயத்தின் போது, புதுடெல்லியில், இலங்கை - இந்திய உறவைப் பற்றிய பகிரங்க உரையொன்றுக்கும், மஹிந்தவுக்கு அழைப்பு விடுத்தார். அந்த விஜயம், சற்று வித்தியாசமானதாகவே தெரிந்தது. புதுடெல்லியில், மஹிந்த நன்றாக வரவேற்கப்பட்டார். அவர், பிரதமர் மோடியையும் காங்கிரஸ் தலைவர்களையும் சந்தித்துவிட்டு, நாடு திரும்பினார். மஹிந்தவுக்கும் இந்தியாவுக்கும் இடையில் இருந்த முறுகல் நிலை, போய்விட்டது போன்றதொரு நிலைமை இப்போது உருவாகியுள்ளது. மஹிந்தவுடனான தமது நெருங்கிய உறவை விளக்கும் சுவாமி, அதற்குக் காரணம், இந்தியாவின் எதிரியான புலிகளை, மஹிந்த அழித்தமையே எனக் கூறியுள்ளார். சுவாமி, கடுமையாக புலிகளை வெறுப்பவர். ராஜீவ் காந்தி கொலைக்காகச் சிறைக்குச் சென்றவர்கள், 27 வருடங்களாகச் சிறைத் தண்டனை அனுபவித்தும், அவர்களை விடுதலை செய்யக் கூடாது எனக் கூறுபவர். அது மட்டுமல்லாது, ராஜீவ் காந்தி கொலைக்காக, சிறையில் உள்ளவர்கள் மீது, தாம் வெறுப்புக் கொள்ளவில்லை என்று கூறியதற்காக, ராஜீவின் மகன் ராஹூலையும் மகள் பிரியங்காவையும் கண்டித்தவர். அக்கொலைக்காகச் சிறை வாசம் இருக்கும் நளினியின் மரண தண்டனையை, ஆயுள் தண்டனையாகக் குறைத்தமையை விமர்சிப்பவர். நளினியின் மகளுக்கு, இலண்டனில் கல்வி கற்க, வசதி செய்து கொடுத்தமையை விமர்சித்தவர். இவ்வாறு, சுவாமியின் புலி எதிர்ப்பை, பட்டியல் போட்டுக் காட்டலாம். எனவே, இலங்கைப் பாதுகாப்புப் படைகள், புலிகளைத் தோற்கடித்து, புலிகளின் தலைவர்களை அழித்த போது, நாட்டின் ஜனாதிபதியாக இருந்த மஹிந்தவை, சுவாமி நேசிப்பதைப் புரிந்து கொள்ளலாம். காரணம் எதுவாக இருந்தாலும், மஹிந்தவுடனான சுவாமியின் உறவை, இந்தியா பாவிக்கிறது போல் தான் தெரிகிறது. மஹிந்தவின் ஆட்சிக் காலத்திலும் அதற்குப் பின்னரும், மஹிந்தவுக்கும் இந்திய அரசாங்கத்துக்கும் இடையே, பல்வேறு முரண்பாடுகள் இருந்தன. இலங்கைத் தமிழர்களின் பிரச்சினைகளை, தமது தேர்தல் தேவைகளுக்காகப் பாவிக்கும், தமிழ் நாட்டுத் தலைவர்களின் நெருக்குவாரத்தின் காரணமாக, இந்திய அரசாங்கம், இலங்கையின் இனப் பிரச்சினையைத் தீர்க்கும் விடயத்தில், ஜனாதிபதி மஹிந்தவிடம் பல விடயங்களை எதிர்பார்த்தது. ஆனால், மஹிந்த தட்டிக் கழித்தே வந்தார். ஒரு சந்தர்ப்பத்தில், இலங்கைக்கு விஜயம் செய்த இந்திய வெளியுறவுக் செயலாளர் சிவ் சங்கர் மேனனிடம், “13 ஆவது அரசமைப்புத் திருத்தத்துக்கு அப்பாலும் சென்று, தமிழர்களுக்குச் சலுகைகளை வழங்கத் தயார்” என மஹிந்த கூறினார். பின்னர், அவ்வாறு தாம், மேனனுக்கு வாக்குறுதி அளிக்கவில்லை எனக் கூறியிருந்தார். இது, இந்தியத் தலைவர்களை வெகுவாகச் சீண்டும் செயலாக அமைந்தது. சிறுபான்மை இன மக்களுக்கு எதிராக, சில சிங்களப் பௌத்த தீவிரவாதக் குழுக்கள் செய்து வந்த குற்றச் செயல்களை, மஹிந்த அரசாங்கம் கண்டும் காணாமல் இருந்துவிட்டது. அதன் விளைவாக, ஜனாதிபதித் தேர்தலில் மஹிந்த தோல்வியடைந்து, அவரது அணியினர் கடந்த பொதுத் தேர்தலிலும் தோல்வியடைந்தனர். மஹிந்த அதற்கு இந்திய அரசாங்கத்தையே குறை கூறியிருந்தார். 2015 ஆம் ஆண்டு மார்ச் மாதம், இந்தியாவில் வெளியிடப்படும் ‘தி ஹிந்து’ பத்திரிகை நடத்திய நேர்காணல் ஒன்றின் போது, இலங்கையின் எதிர்க்கட்சிகளை ஒன்றிணைத்து, தம்மை ஜனாதிபதித் தேர்தலில் தோல்வியுறச் செய்தது, இந்திய வெளிநாட்டு உளவுப் பிரிவான ‘ரோ’ அமைப்பே என, மஹிந்த கூறியிருந்தார். ஒரு நாட்டின் உள்விவகாரங்களில், மற்றொரு நாட்டின் உளவுப் பிரிவொன்று தலையிட்டதாகக் கூறுவது, பாரதூரமான குற்றச்சாட்டாகும். இந்தியா இந்தக் குற்றச்சாட்டை, அதுவும் இந்தியப் பத்திரிகை ஒன்றிடம் கூறிய கருத்தை, சாதாரணமாகக் கருதியிருக்காது. அதன் பின்னர், கடந்த வருடம் இந்தியப் பிரதமர், இலங்கைக்கு விஜயம் செய்யவிருந்த நிலையிலேயே, மஹிந்த அணியினரின் மே தினக் கூட்டம், காலி முகத்திடலில் நடைபெற்றது. அந்தக் கூட்டத்தில், மஹிந்த மேடையில் இருக்கும் போதே, தேசிய சுதந்திர முன்னணியின் தலைவர் விமல் வீரவன்ச, இந்தியப் பிரதமருக்கு எதிர்ப்பு தெரிவிக்கும் முகமாக, கறுப்புக் கொடி காட்டுமாறு, குழுமியிருந்த மக்களைக் கேட்டுக் கொண்டார். இதுவும் நிச்சயமாக இந்தியாவை ஆத்திரமூட்டியிருக்கும். அதேவேளை, மஹிந்த, தனது பதவிக் காலத்தில், சீனாவின் பக்கம் வெகுவாகச் சாய்ந்தார். மத்தல விமான நிலையம், ஹம்பாந்தோட்டைத் துறைமுகம், நுரைச்சோலை மின் உற்பத்தி நிலையம், துறைமுக நகரம் போன்ற பாரிய திட்டங்கள் அனைத்துக்கும், சீனாவிடமே கடன் பெற்று, அவற்றின் கட்டுமானப் பணிகளும் சீனாவுக்கே வழங்கப்பட்டன. போதாக்குறைக்கு, மஹிந்தவின் காலத்தில், அணுசக்தியால் இயங்கும் சீன நீர்மூழ்கிக் கப்பலொன்று, கொழும்புத் துறைமுகத்துக்கு வந்து, தரித்து நின்று சென்றது. இந்திய அரசாங்கம், அப்போது இதைப் பாரதூரமான விடயமாக நோக்கியது. அண்மையில், மஹிந்த இந்தியாவுக்குச் சென்றபோது, ‘ஹிந்து’ பத்திரிகையின் சார்பில், அவரைப் பேட்டி கண்டவர்கள், அதைப் பற்றியும் கேள்வி எழுப்பியிருந்தனர். பேட்டி கண்ட இருவரில் ஒருவரான சுஹாசினி ஹைதர், சுப்ரமணியன்சுவாமியின் இளைய மகள் என்பதும் குறிப்பிடத்தக்கதாகும். முன்னாள் இந்திய மத்திய அரசாங்கத்தில், முஸ்லிம் அமைச்சர்களில் ஒருவரான சல்மான் ஹைதரின் மகனான நதீம் ஹைதரையே, சுஹாசினி திருமணம் செய்துள்ளார். எனவேதான், அவர் சுஹாசினி ஹைதரானார். எனினும், சுவாமி கடும் இந்துத்துவவாதி. எவ்வளவுக்கு என்றால், அவரது முஸ்லிம் எதிர்ப்பின் காரணமாக, ஹாவர்ட் பல்கலைகழகத்தில் செய்த தொழிலையும் 2011 ஆம் ஆண்டு இழக்க நேரிட்டது. மும்பையில் வெளியிடப்படும் இரண்டு பத்திரிகைகளில், வெளியான அவரது இரண்டு கட்டுரைகளே, ஹாவர்ட் பல்கலைகழகம் அவரை விரிவுரைகளில் இருந்து நிறுத்தக் காரணமாகியது. அந்தக் கட்டுரைகளில் அவர், இந்தியாவிலுள்ள நூற்றுக் கணக்கான பள்ளிவாசல்களை இடித்துத் தள்ள வேண்டும் என்றும் தமது மூதாதையர்கள் இந்துக்கள் என்று ஏற்றுக் கொள்ளும் முஸ்லிம்களுக்கு மட்டுமே, இந்தியாவில் வாக்குரிமை வழங்க வேண்டும் என்றும் எழுதியிருந்தார் எனக் குற்றஞ்சாட்டப்பட்டது. சுப்ரமணியன்சுவாமி, எப்போதும் சர்ச்சைகளை விரும்புபவர் போலும். ஜே.ஆர். ஜெயவர்தன, இலங்கையின் ஜனாதிபதியாக இருந்த காலத்தில், தமிழீழக் கோரிக்கையை ஆதரித்துவந்தார். அதேவேளை, தமிழீழ விடுதலை புலிகள் அமைப்பையும் ஆதரித்திருந்தார். பின்னர் அவர் மாறிவிட்டார். ராஜீவ் காந்தி படுகொலையை அடுத்து, புலிகளைக் கடுமையாக எதிர்த்து வந்தார். 1991 ஆம் ஆண்டு மே 21 ஆம் திகதி, ராஜீவ் காந்தி கொல்லப்பட்டார். அதற்கு ஒரு வருடத்துக்குப் பின்னரே, புலிகள் இயக்கம் இந்தியாவில் தடை செய்யப்பட்டது. அந்தத் தடையைக் கொண்டு வருவதிலும் சுவாமி பெரும் பங்காற்றினார். இப்போது அவர், புலிகளை அழித்தமைக்காக, மஹிந்தவுக்கு, இந்திய அரசாங்கம் ‘பாரத ரத்னா’ விருதை வழங்க வேண்டும் என்று கூறுகிறார். அவர், இந்தப் பரிந்துரையை இம்முறை மட்டுமல்ல, 2011 ஆம் ஆண்டிலும் செய்தார். அவர், இந்தப் பரிந்துரையை இம்முறை செய்தபோது, தமிழ் நாட்டில் பல அரசியல்வாதிகள், அதனை எதிர்த்துக் கருத்து வெளியிட்டு இருந்தனர். எனவே, மஹிந்தவுடன் இந்திய அரசாங்கம், மீண்டும் நட்புறவை ஏற்படுத்திக் கொள்வதை, தமிழ் நாட்டுத் தலைவர்கள் அவ்வளவு விரும்ப மாட்டார்கள். அவ்வாறு இருக்கத் தான், தமிழ் நாட்டவரான சுவாமி, இரு தரப்பினருக்கிடையே நல்லுறவை ஏற்படுத்த முன்வந்துள்ளார். அல்லது, இந்திய அரசாங்கம் அவரை அந்தப் பணிக்காக பாவிக்கிறது. இந்திய அரசாங்கம் பழையவற்றை மறந்து, ஒரு பக்கத்தில் வைத்துவிட்டு, மஹிந்தவுடன் மீண்டும் உறவைப் பலப்படுத்திக் கொள்ள முற்படுவதாக இருந்தால், அதற்கான பிரதான கரணம், இலங்கையில் அரசியல் நிலைமை மாறி வருவதாகத் தென்படுவதேயாகும். கடந்த பெப்ரவரி மாதம் 10 ஆம் திகதி நடைபெற்ற உள்ளூராட்சி மன்றத் தேர்தல்களின் போது, அது தெளிவாகக் காணப்பட்டது. அத்தேர்தல்களின் போது, தேர்தல் நடைபெற்ற 340 உள்ளூராட்சி மன்றங்களில் 230 க்கு மேற்பட்ட சபைகளின் அதிகாரத்தை, மஹிந்த உத்தியோகப்பற்றற்ற முறையில் தலைமை தாங்கும் ஸ்ரீ லங்கா பொதுஜன பெரமுன கைப்பற்றிக் கொண்டது. அத்தேர்தல்களின் போது, அளிக்கப்பட்ட மொத்த வாக்குகளில் 45 சதவீதத்தையே மஹிந்த அணியினர் பெற்றனர். என்றாலும், தேர்தல் முறையிலுள்ள குழப்ப நிலை காரணமாக, மொத்த சபைகளில் 78 சதவீதத்தை அவர்கள் கைப்பற்றிக் கொண்டனர். வாக்குகளை விட, வெற்றி பெற்ற சபைகளின் எண்ணிக்கை எல்லோரது கண்ணிலும் படுவதால், மஹிந்த அணிக்கே நாட்டில் மக்கள் ஆதரவு இருப்பதாகப் பொதுவானதொரு மக்கள் அபிப்பிராயம் உருவாகியிருக்கிறது. அது இந்தியாவையும் ஆட்கொண்டு இருக்கும் என்பதில் சந்தேகம் இல்லை. எனவே, அடுத்த ஆட்சியாளர்கள் என்றதொரு தோற்றம், மஹிந்த அணியினரிடம் தென்படுவதால், மஹிந்தவை அரவணைக்க இந்தியா முற்படுவதாக இருக்கலாம். அதேவேளை, மஹிந்தவுக்கும் இந்தியாவின் நட்புத் தேவையாக இருக்கிறது. ஏனெனில், இலங்கையில் வடக்கு, கிழக்கு, மலையகம் ஆகிய பகுதிகளில், தமிழ் அரசியல் கட்சிகளை ஓரளவுக்காவது கட்டுப்படுத்தும், வழிநடத்தும் ஆற்றல் இந்தியாவிடம் இருக்கிறது. எனவே, எதிர்வரும் ஜனாதிபதி, பொதுத் தேர்தல்களின் போது, இந்தியாவை பகைத்துக் கொள்வது பாதகமானது என மஹிந்த கருதுகிறார் போலும். எனவே தான், தமது அணியினரான விமல் வீரவன்ச, மோடிக்கு எதிராகக் கறுப்புக் கொடி காட்ட வேண்டும் என்று கூறியிருந்த நிலையில், கடந்த வருடம் இந்தியப் பிரதமர் மோடி இலங்கைக்கு விஜயம் செய்தபோது, மஹிந்த, நள்ளிரவில் சென்று மோடியைச் சந்தித்தார். மோடியிடமிருந்து அவருக்கு, அதற்கான அழைப்பேதும் இருக்கவில்லை. அவர், வீரவன்சவின் முகத்தில் அறைந்தாற்போல், தாமாக இந்தியத் தூதரகத்திடம் கோரிக்கை விடுத்தே மோடியைச் சந்தித்தார். அதன் பின்னர் தான், இலங்கையில் உள்ளூராட்சி மன்றத் தேர்தல்கள் நடைபெற்றன. அத்தோடு, இந்தியாவுக்கும் மஹிந்தவின் உறவு தேவைப்பட்டது. அத்தோடு, மஹிந்தவின் சகோதரர் சந்திரா ராஜபக்‌ஷ, கடந்த மாதம் உயிரிழந்தார். அந்த மரண வீட்டைப் பாவித்து, சுப்ரமணியன்சுவாமி இங்கே வந்து, அவரது இந்து மறுமலர்ச்சி அமைப்பான ‘விராத் ஹிந்துஸ்தான் சங்கம்’ சார்பில், மஹிந்தவுக்குப் புதுடெல்லியில், இலங்கை, இந்திய உறவைப் பற்றிய விரிவுரையொன்றுக்கு அழைப்பு விடுத்தார். அத்தோடு, மோடியைச் சந்திக்கவும் சந்தர்ப்பம் அளிக்கப்பட்டது. எனவே, இரு சாராருக்கும் இடையே வளர்ந்து வருவது காதல் என்று கூற முடியாது. இது, இலாப நட்டத்தைக் கருத்தில் கொண்ட, வியாபாரமாகவே கருத வேண்டியுள்ளது. http://www.tamilmirror.lk/சிறப்பு-கட்டுரைகள்/மஹிந்த-இந்தியா-உறவு-காதலா-வியாபாரமா/91-222118
  22. படம் வந்து ஒரு வருடமாகின்றது. மீண்டும் திரையிட இப்படியான பரபரப்பு வசனங்களை எடுத்துவிட்டால்தானே பலரது கவனத்தையும் பெறலாம். படத்திற்கு ஸ்பொன்ஸர் செய்தவர்கள் யாராம்?
  23. யாழ் நூலகத்தை எரித்த சிங்கள-பௌத்த பயங்கரவாதக் கும்பலின் தற்காலத்து தலைமைப் பயங்கரவாதியின் படமும் இதில் இடம்பெற்றுள்ளது. தமிழ் நாட்டு மக்களின் புத்தக நன்கொடை பாராட்டுக்கு உரியது!
  24. எஸ்.பி.திஸாநாயக்க போகிற போக்கில் சொன்னால் இராணுவம் பேசாமல் இருக்குமா? சரணடைந்தவர்களை ஏன் சரணடையாதவர்களைக் கூடக் கொல்லவில்லை என்றுதான் சொல்வார்கள்.
  25. தமிழின விரோத இந்திய அரச பிச்சைக்காரர்களிடம் மனோகணேசன் எதிர்பார்த்த ஏதோ ஒன்று கிடைக்கவில்லை என்ற ஆதங்கம் தான்!
  1. Load more activity