All Activity

This stream auto-updates     

  1. Past hour
  2. Today
  3. அப்ப......கட்டுப்பாட்டு அறையிலை இருந்தவை உண்மை பேசாமல் இருக்கினம் எண்டோ????
  4. சுமத்திரன் ஆலையில்லா ஊருக்கு இலுப்பை பூ போல் அதுசரி முன்னொரு திரியில் சுமத்திரன் செய்த தமிழர்களுக்கு நல்ல வேலை என்ன என்று கேட்டு இருந்தன் உங்களிடம் பதில் வரவில்லை வருமா ? வராதா ?
  5. Yesterday
  6. பிளவுசுக்கு ஜன்னல் தாவாரம் தேர் தீர்த்தம் குளம் வைச்சாலும் எழுதுறதுக்கு Open Air இடம் வேணுமெல்லே....
  7. சாதனை அது இதெல்லாம் அரசுகள் சார்ந்த விடயங்கள். இதில் சாதாராண பொதுமக்கள் பாத்திரவாளிகளாக மாட்டார்கள். மேலைத்தேய கீழைத்தேய அரசுகளே மதத்தை முன்னிலைப்படுத்தும் போது அதன் கீழ்வாழும் குப்பனும் சுப்பனும் எம்மாத்திரம்?
  8. குமாரசாமி

    உணவு செய்முறையை ரசிப்போம் !

    நான் ஊரிலை இருக்கேக்கை காலைச்சாப்பாடு பச்சையரிசி புக்கையும் செத்தல்மிளகாய் சம்பலும்தான் கூடுதலாய் இருக்கும். அதை விட்டால் பழஞ்சோறு....இதுகளையெல்லாம் அனுபவித்த சந்ததியெண்டால் நாங்களாய்த்தான் இருக்கும்...
  9. நாதம்ஸ் ஜஸ்டின் ரூடோ இன்றைய நாள் பெரும் பகுதியை பொங்கல் சார்ந்த தமிழர்களின் விழாக்களில் கலந்து கொண்டு சிறப்பித்துள்ளார்.
  10. ஆரோ ஒராள் நல்ல நாள் பாத்து தொழில் தொடங்கியிருக்கிறார் எண்டு நினைக்கிறன்....😄
  11. என்ன.... நிழலியர் ஜஸ்டின் இந்த முறை கையை விட்டுட்டாரே .... உங்க தெரேசா அம்மாவுக்கு..... பிரெக்ஸிட் பிரச்சனை.... மூலக்கொதி கண்டியளே.... அதுதான் அவாவும் கையை விட்டுட்டா
  12. தை பொங்கலை முன்னிட்டு தமிழ் மக்களுக்கு பொங்கல் வாழ்த்தினை Go Transit எனப்படும் போக்குவரத்து சேவை தன் பேரூந்துகளில் போட்ட பொங்கல் வாழ்த்து. அத்துடன் ஒன்ராரியோ மாகாணம் தை மாதத்தை தமிழ் மரபுத் திங்களாக அறிவித்து இருப்பதால் அதையொட்டிய வாழ்த்தினையும் இங்குள்ள போக்குவரத்து சேவை ஒன்று தன் அறிவிப்பு பலகையில் அறிவிப்பொன்றை போட்டுள்ளது தமிழ் மரபுத் திங்களை முன்னிட்டு, ரொறன்ரோ நகரசபைக் கட்டடத்துக்கு முன்பாக TORONTO அடையாளம் ஜனவரி 14, 2019 இரவில் (சிவப்பு - மஞ்சளில்)
  13. நான் அப்பவே கிருபனிட்ட சொன்னனான்😊 நீங்கள் வீட்டை கூப்பிட்ட நீங்கள் என்று 😑அவர் தான் நம்பேல்ல 🙂 சமருக்கு ஒரு நாளைக்கு வாறோம் சரியா 😋
  14. நிறைவேற்று அதிகார ஜனாதிபதி ஆட்சிமுறையை ஒழிக்கிறது அரசியலமைப்பு வரைவு - பி.கே.பாலச்சந்திரன் இலங்கை பாராளுமன்றத்தில் கடந்த வாரம் சமர்ப்பிக்கப்பட்ட அரசியலமைப்பு சபையின் வழிநடத்தல் குழுவின் நிபுணர் குழுவின் அறிக்கை சகல வல்லமையும் பொருந்திய நிறைவேற்று அதிகார ஜனாதிபதி ஆட்சிமுறையை ஒழித்து அதற்குப் பதிலாக பலம்பொருந்திய பிரதமரையும் சம்பிரதாயபூர்வமான ஜனாதிபதியையும் கொண்ட வெஸ்ட்மினிஸ்டர் பாராளுமன்ற ஆட்சிமுறையை விதந்துரைக்கிறது. அரசியலமைப்பு வரைவு என்று வர்ணிக்கப்படக்கூடிய இந்த அறிக்கையின் பிரகாரம் ஜனாதிபதி மக்களினால் நேரடியாகத் தெரிவுசெய்யப்படமாட்டார். பதிலாக இரு சபைகளைக்கொண்ட சட்டவாக்கசபையினால் ( 233 உறுப்பினர்களைக் கொண்ட பாராளுமன்றத்தினாலும் 55 உறுப்பினர்களைக் கொண்ட இரண்டாவது சபையினாலும்) தெரிவுசெய்யப்படுவார். இரு சபைகளையும் சேர்ந்த முழு உறுப்பினர்களில் பெரும்பான்மையானவர்களே ஜனாதிபதியைத் தெரிவுசெய்வர். இது ஜனாதிபதியின் தார்மீக அதிகாரத்தில் பாரிய வேறுபாட்டை ஏற்படுத்துகிறது. தற்போது ஜனாதிபதி மிகப்பெரிய அதிகார உணர்வை அனுபவிக்கிறார். ஏனென்றால் இலங்கையின் முழு வாக்காளர்களினாலும் நேரடியாகத் தெரிவுசெய்யப்படுகின்ற இலங்கையின் அதியுயர் பதவிக்குரிய கதிரையில் அவர் அமர்ந்திருக்கிறார். மற்றவர்கள் சிறிய தொகுதிகளில் வாக்காளர்களினால் பாராளுமன்றத்துக்கு தெரிவுசெய்யப்படுகிறார்கள்( பிரதமரை உதாரணத்துக்கு எடுத்துக்கொள்ளலாம்.) அதனால் ரேடியாக மக்களால் தெரிவுசெய்யப்படுகின்ற ஜனாதிபதி தானே இலங்கையின் இறைமையினதும் சுயாதிபத்தியத்தினதும் முழுநிறைவான கருவூலம் என்று என்று சட்டப்படி உரிமையைக் கோரமுடியும். மறைமுகமாகத் தெரிவுசெய்யப்படுகின்ற ஜனாதிபதியினால் அவ்வாறு உரிமைகோர முடியாது. புதிய அரசியலமைப்பு வரைவின் கீழ் பிரதமரையும் அமைச்சரவையையும் தெரிவுசெய்கின்ற தனது அதிகாரத்தை ஜனாதிபதி இழக்கிறார். பாராளுமன்றத்தில் பெரும்பான்மை உறுப்பினர்களின் ஆதரவைக்கொண்டிருப்பவர் என்று தான் கருதுகின்ற ஒருவரை அல்ல, பெரும்பான்மை ஆதரவை ஐயத்துக்கு இடமின்றி கொண்டிருப்பவரையே ஜனாதிபதி பிரதமராக நியமிக்கவேண்டும். பிரதமரின் ஆலோசனையின் பேரில் மாத்திரமே ஐனாதிபதி அமைச்சர்களை நியமிக்கவேண்டியிருக்கும். பிரதமரின் சம்மதம் இல்லாமல் அமைச்சுகளுக்கு திணைக்களங்களை ஒதுக்கீடு செய்கின்ற அதிகாரத்தையும் ஜனாதிபதி இழக்கிறார். இப்போது நடைமுறையில் இருப்பதைப் போலன்றி, ஜனாதிபதி அரசாங்கத்தின் தலைவராக இருக்கவோ அமைச்சுப் பொறுப்புக்களை தன்வசம் வைத்திருக்கவோ அல்லது அமைச்சரவைக்குத் தலைமைதாங்கவோ முடியாது. அவர் அரச தலைவராகவும் ஆயுதப்படைகளின் பிரதம தளபதியாகவும் மாத்திரமே இருப்பார். ஆனால், பிரதம தளபதி என்ற வகையில் ஜனாதிபதியின் ஒவ்வொரு நடவடிக்கையும் பிரதமரின் ஆலோசனைக்கு இணங்கவே முன்னெடுக்கப்படவேண்டும். தனது விருப்பப்படி பாராளுமன்றத்தைக் கலைக்கும் உரிமையையும் ஜனாதிபதி இழப்பார். பாராளுமன்றத்தை அதன் ஐந்து வருட பதவிக்காலம் முடிவடைவதற்கு முன்னதாக கலைப்பதாக இருந்தால், அதன் முழு உறுப்பினர்களில் மூன்றில் இரண்டு பங்கினரின் ஆதரவுடன் சபையில் நிறைவேற்றப்படக்கூடிய பிரேரணை ஒன்றின் மூலமாக மாத்திரமே அவ்வாறு செய்யமுடியும். பிரதமரரையும் அமைச்சரவையையும் தனது விருப்பப்படி ஜனாதிபதி பதவி நீக்கமுடியாது. சபையில் நம்பிக்கையில்லாப் பிரேரணையொன்றில் தோற்கடிக்கப்பட்டால் அல்லது முதல் இரு வருடங்களுக்குள் வருடாந்த பட்ஜெட் மூன்றாவது தடவை தோற்கடிக்கப்பட்டால் அல்லது முதல் மூன்று வருடங்களுக்குள் வருடாந்த பட்ஜெட் இரண்டாவது தடவை தோற்கடிக்கப்பட்டால் மாத்திரமே பிரதமரும் அமைச்சர்களும் பதவியிழப்பர். மன்னிப்பு வழங்குவது தொடர்பாக கொண்டிருக்கும் தற்துணிபு அதிகாரத்தையும் ஜனாதிபதி இழப்பார். மன்னிப்பு வழங்கும் பொறுப்பு பிரதமரினாலும் நீதித்துறைக் குழுவொன்றினாலேயே செயற்படுத்தப்படும். இது தொடர்பிலான தீர்மானங்களுக்கு கைப்பொறிப்பு முத்திரை குத்தும் ஒருவராக மாத்திரமே ஜனாதிபதி இருப்பார். ஜனாதிபதி மனநலம் குன்றியவராக அல்லது உடல்ரீதியாக இயலாமைகொண்டவராக அடையாளம் காணப்பட்டால் பிரதமர், சபாநாயகர், எதிர்க்கட்சித் தலைவர் ஆகியோரை உள்ளடக்கிய குழுவினால் அவரை பதவி நீக்கமுடியும். பாராளுமன்றத்தின் இரு சபைகளிலும் மூன்றில் இரண்டு பெரும்பான்மை ஆதரவுடன் நிறைவேற்றப்படக்கூடிய தீர்மானம் ஒன்றின் மூலமாகவும் ஜனாதிபதியை பதவி நீக்கமுடியும். தெரிவாகியதற்குப் பின்னர் ஜனாதிபதி எந்தவொரு அரசியல் கட்சியுடனும் கொண்டிருக்கக்கூடிய சகல தொடர்புகளையும் துண்டித்துவிட வேண்டும். கட்சி சார்பின்றி அல்லது பக்கச்சார்பின்றி அவர் செயற்படவேண்டும். ஜனாதிபதி கட்சியொன்றின் தலைவராக இருக்க அனுமதிக்கின்ற தற்போதைய அரசியலமைப்பின் ஏற்பாடுகளில் இருந்து இது முக்கியமான ஒரு விலகலாகும். மாகாண சுயாட்சிக்கான கோரிக்கையைப் பொறுத்தவரை, அரச நிலம் தொடர்பான அதிகாரங்களை மத்திய அரசாங்கத்துக்கும் மாகாண அரசாங்கங்களுக்கும் ( தேசிய காணி ஆணைக்குழுவின் விதிமுறைகளுக்கு இணங்க நிலப் பயன்பாடு நடைமுறைப்படுத்தப்படவேண்டும் என்ற நிபந்தனையுடன்) அரசியலமைப்பு வரைவு கொடுக்கிறது. ஆனால், ஆணைக்குழுவின் கொள்கைகள் சகல மாகாணசபைகளுடனும் கலந்தாலோசனை செய்தே வகுக்கப்படவேண்டும். மாகாணங்கள் பிரதி பொலிஸ்மா அதிபர் தரத்திலான அதிகாரிகளின் தலைமையிலான சொந்த பொலிஸ்படையையும் கொண்டிருக்கும். தேசிய மட்டத்திலும் மாகாண மட்டங்களிலும் நியமனங்கள், இடமாற்றங்கள் மற்றும் பதவியுயர்வுகளை செய்வதற்கு தனித்தனியான தேசிய பொலிஸ் ஆணைக்குழுவும் மாகாண பொலிஸ் ஆணைக்குழுவும் இருக்கும். தேசிய சட்டவாக்க சபைக்கு இரண்டாவது சபையொன்றை அரசியலமைப்பு வரைவு அறிமுகம் செய்கிறது. கீழ்சபையான மக்கள் பிரதிநிதிகள் சபை ( பாராளுமன்றம்) 233 உறுப்பினர்களைக் கொண்டிருக்கும். பதவிக்காலம் ஐந்து வருடங்களாக இருக்கும். இவர்களில் 140 பேர் தனியொரு உறப்பினருக்கான தொகுதிகளில் இருந்து தெரிவாவர். எஞ்சிய உறுப்பினர்கள் மாகாண அடிப்படையில் விகிதாசாரப் பிரதிநிதித்துவ தேர்தல் முறையின் கீழ் தெரிவுசெய்யப்படுவர். இரண்டாவது சபை 55 உறுப்பினர்களைக் கொண்டிருக்கும். இவர்கள் பாராளுமன்றத்தினாலும் மாகாண சபைகளினாலும் தெரிவுசெய்யப்படுவர். இந்த இரண்டாவது சபை பாராளுமன்றத்தினால் நிறைவேற்றப்படுகின்ற சட்டமூலங்களை தடுக்கின்ற வகையிலான எந்தப்பணியையும் செய்யாமல் அவற்றை ஆராய்ந்துபார்த்து மேம்படுத்தல்களைச் செய்வதற்கான யோசனைகளைத் தெரிவிக்கும். சட்டமூலங்களை வரையும் செயற்பாடுகளைப் பொறுத்தவரை பாராளுமன்றம் இரண்டாவது சபையினால் தெரிவிக்கப்படக்கூடிய கருத்துக்களையும் பரசீலனைக்கு எடுக்கும் என்று எதிர்பார்க்கப்படுகிறது. இலங்கையை ' ஏக்கிய ராஜ்ஜிய ' என்று சிங்களத்திலும் ' ஒருமித்த நாடு ' என்று தமிழிலும் ( இதன் அர்த்தம் ஐக்கியப்பட்ட நாடு) அரசியலமைப்பு வரைவு வர்ணிக்கிறது. ' ஒற்றையாட்சி ' அல்லது ' சமஷ்டி ' என்ற கோட்பாடுகளுக்கு ஆதரவாகவும் எதிராகவும் கடுமையான உணர்வுகள் இருப்பதை கருத்திற்கொண்டு அரசியலமைப்புக்கு நாமகரணஞ்சூட்டுவதற்கு அந்த இரு சொற்களில் எந்தவொன்றையும் பயன்படுத்துவதை நிபுணர்குழு தவிர்த்திருப்பதைக் காணக்கூடியதாக இருக்கிறது. பௌத்த மதத்திற்கு தற்போதைய அரசியலமைப்பில் கொடுக்கப்பட்டுள்ள ' அதிமுதன்மை ' அந்தஸ்தை அவ்வாறே விட்டுவைத்திருக்கும் அதேவேளை, இந்த வரைவு ஏனைய மதங்களை பின்பற்றி அனுஷ்டிப்பதற்கான சுதந்திரத்தையும் உத்தரவாதம் செய்திருக்கிறது. ஏனைய அரசியலமைப்புகளில் இருந்து ஒரு விலகலாக, வரைவு தனிநபர்களினதும் குடும்பங்களினதும் அந்தரங்கத்தை உத்தரவாப்படுத்துகிறது. வரைவை சமர்ப்பித்து பாராளுமன்றத்தில் உரையாற்றிய பிரதமர் ரணில் விக்கிரமசிங்க அதை ஒரு ' வரைவு' மாத்திரமே என்று அழுத்தியுரைத்தார். 6 உப குழுக்களில் வெளிப்படுத்தப்பட்ட சகல கருத்துக்களினதும் சுருக்கத்தொகுப்பு பாராளுமன்ற உறுப்பினர்களுக்கு வழங்கப்பட்டிருக்கிறது என்றும் பிரதமர் சுட்டிக்காட்டினார். வரைவுகளையும் வெளிப்படுத்தப்பட்ட கருத்துகளையும் ஆழமாக ஆராய்ந்து பார்த்து அரசியலமைப்பின் ஒவ்வொரு அம்சம் தொடர்பிலும் கருத்தொருமிப்புக்கு வருமாறு உறுப்பினர்களிடம் பிரதமர் வேண்டுகோள் விடுத்தார். இந்த அரசியலமைப்பு நீண்டதூரம் பயணிக்கவேண்டியிருக்கிறது. பாராளுமன்றத்தில் அது மூன்றில் இரண்டு பெரும்பான்மை ஆதரவுடன் நிறைவேற்றப்படவேண்டும் என்பதுடன் சர்வஜன வாக்கெடுப்பொன்றில் மக்களின் அங்கீகாரத்தையும் பெறவேண்டும். ( நியூஸ் இன் ஏசியா) http://www.virakesari.lk/article/48094
  15. 400 கோலை பதிவுசெய்த மெஸ்ஸி லா லிகா கால்பந்து தொடரில் 400 ஆவது கோலை பதிவு செய்து பார்சிலோனாவின் முன்னணி வீரரான மெஸ்ஸி சாதனைப் படைத்துள்ளார். ஆர்ஜென்டினா கால்பந்து வீரர் மெஸ்ஸி ஸ்பெயினில் நடைபெறும் லா லிகா லீக்கில் விளையாடி வருகிறார். நேற்றுமுன்தினமிரவு நடைபெற்ற ஆட்டத்தில் பார்சிலோனா - எய்பர் அணி மோதின. இதில் பார்சிலோனா 3-0 என வெற்றி பெற்றது. நட்சத்திர வீரர் மெஸ்ஸி ஒரு கோலும், சுவாரஸ் இரண்டு கோலும் அடித்தனர். இந்த போட்டியில் கோல் அடித்ததன் மூலம் மெஸ்ஸி லா லிகாவில் 400 கோல்கள் அடித்து சாதனைப் படைத்துள்ளார். ஐரோப்பிய நாடுகளில் நடைபெறும் முன்னணி ஐந்து லீக் தொடரில் ஒரே தொடரில் 400 கோல்கள் அடித்த முதல் வீரர் என்ற பெருமையை பெற்றுள்ளார். ஒட்டுமொத்தமாக அதிக கோல் அடித்தவர்கள் பட்டியலில் 2 ஆவது இடம்பிடித்துள்ளார் மெஸ்ஸி. கிறிஸ்டியானோ ரொனால்டோ 507 போட்டிகளில் விளையாடி 409 கோல்கள் அடித்து முதல் இடத்தில் உள்ளார். ரொனால்டோ ஸ்பெயின், இங்கிலாந்து, இத்தாலி நாடுகளில் உள்ள கழக அணிகளுக்காக விளையாடியுள்ளமை குறிப்பிடத்தக்கது. http://www.virakesari.lk/article/48107
  16. கோலியின் அதிரடியில் அவுஸ்திரேலியாவை வீழ்த்தியது இந்தியா இரண்டாவது ஒருநாள் போட்டியில் அணித் தலைவர் விராட் கோலியின் அபார சதத்தால் அஸ்திரேலியாவை வீழ்த்தியது இந்தியா. அஸ்திரேலியாவிற்கு எதிரான இரண்டாவது ஒருநாள் போட்டியில் விராட் கோலியின் அபாரமான சதத்தால் இந்திய அணி வெற்றி பெற்று தொடரை சமன் செய்தது. இந்தியா மற்றும் அவுஸ்திரேலிய அணிககளுக்கிடையிலான 2 ஆவது ஒருநாள் கிரிக்கெட் போட்டி இன்று அவுஸ்திரேலியாவின் அடிலெய்டில் இடம்பெற்றது. நாணயச்சுழற்சியில் வெற்றிபெற்ற அவுஸ்திரேலிய அணி துடுப்பெடுத்தாடத் தீர்மானித்தது. அந்தவகையில் அவுஸ்திரேலிய அணி சார்பில் பின்ச் 6 ஓட்டங்களுடனும் அலெக்ஸ் கேரி 18 ஓட்டங்களுடனும் கவாஜா 21 ஓட்டங்களுடனும் ஆட்டமிழந்து வெளியேறினார். பீட்டர் ஹேன்ட்ஸ்கோம்ப் 20 ஓட்டங்களுடன் ஆட்டமிழந்து வெளியேறினார். ஸ்டாய்னிஸ் 29 ஓட்டங்களுடன் ஆட்டமிழந்தார். ஷோன் மார்ஷ் அபாரமாக துடுப்பெடுத்தாடி சதமடித்தார். இவருக்கு மேக்ஸ்வெல் ஒத்துழைப்பு அளித்தார். மேக்ஸ்வெல் 48 ஓட்டங்களுடன் வெளியேறினார். பொறுப்புடன் ஆடிய ஷோன் மார்ஷ் 131 ஓட்டங்களுடன் ஆட்டமிழந்தார். இறுதியில், அவுஸ்திரேலிய அணி 50 ஓவர் முடிவில் 9 விக்கெட்டுக்கு 298 ஓட்டங்களைக் குவித்தது. இந்திய அணி சார்பில் புவனேஷ்வர் குமார் 4 விக்கெட்டும், முகமது ஷமி 3 விக்கெட்டும், ரவீந்திர ஜடேஜா 1 விக்கெட்டும் எடுத்தனர். இதையடுத்து, 299 ஓட்டங்கள் எடுத்தால் வெற்றி என்ற இலக்குடன் இந்தியா களமிறங்கியது. ரோகித் சர்மாவும் ஷிகர் தவானும் ஆரம்ப ஆட்டக்காரர்களாக களமிறங்கினர். இந்திய அணியின் ஓட்ட எண்ணிக்கை 47 ஆக இருக்கும்போது ஷிகர் தவான் 32 ஓட்டங்களுடன் ஆட்டமிழந்து வெளியேறினார். அடுத்து இறங்கிய விராட் கோலி ரோகித்துடன் ஜோடி சேர்ந்தார். இவர்கள் இருவரும் 54 ஓட்டங்களை இணைப்பாட்டமாக பெற்ற நிலையில் 43 ஓட்டங்களுடன் ரோகித் வெளியேறினார். அதன்பின் இறங்கிய அம்பதி ராயுடு 24 ஓட்டங்களுடன் ஆட்டமிழந்தார். அப்போது, இந்தியா 3 விக்கெட்டுக்கு 160 ஓட்டங்களை எடுத்திருந்தது. அடுத்து இறங்கிய எம்.எஸ்.டோனி கோலிக்கு ஒத்துழைப்பு அளித்தார். அணித் தலைவர் விராட் கோலி பொறுப்புடன் ஆடி ஒருநாள் போட்டிகளில் 39 ஆவது சதமடித்தார். இவர் 2 சிக்சர், 5 பவுண்டரிகள் உள்பட 104 ஓட்டங்களைப்பெற்று ஆட்டமிழந்தார். அவரை தொடர்ந்து இறங்கிய தினேஷ் கார்த்திக்கும் டோனியும் பொறுப்புடன் ஆடி அணியை வெற்றிக்கு அழைத்துச் சென்றனர். டோனி அரை சதமடித்தார். இறுதியில், இந்திய அணி 6 விக்கெட் வித்தியாசத்தில் அவுஸ்திரேலியாவை வீழ்த்தியது. இந்த வெற்றி மூலம் 3 போட்டிகளைக்கொண்ட ஒருநாள் தொடர் 1 - 1 என சமனில் உள்ளது. http://www.virakesari.lk/article/48117
  17. “அமெரிக்கா வரவேண்டும் !” ; காணாமல் ஆக்கப்பட்டோரின் உறவுகள் ஆர்ப்பாட்டம் காணாமல் ஆக்கப்பட்ட தமது பிள்ளைகளை மீட்டுத்தர அமெரிக்கா வரவேண்டும் என வலியுறுத்தி வவுனியாவில் காணாமல் ஆக்கப்பட்டோரின் உறவுகளால் கவனயீர்ப்பு போராட்டம் ஒன்று முன்னெடுக்கப்பட்டது. வவுனியா, ஏ- 9 வீதியில் வீதி அபிவிருத்தி அதிகாரசபைக்கு முன்பாக 694 ஆவது நாளாக சுழற்சி முறையில் போராட்டத்தில் ஈடுபட்டுவரும் காணாமல் ஆக்கப்பட்டோரின் உறவுகளினாலேயே இன்று இக் கவனயீர்ப்பு போராட்டம் முன்னெடுக்கப்பட்டது. முன்னதாக வவுனியா கந்தசாமி கோவிலுக்கு சென்ற காணாமல் ஆக்கப்பட்டோரின் உறவுகள் அங்கு வழிபாடுகளை மேற்கொண்ட பின்னர், அமெரிக்கா மற்றும் ஐரோப்பிய ஒன்றியத்தின் கொடிகளை ஏந்தியவாறு பசார் வீதி வழியாக ஊர்வலமாக வந்த அவர்கள் தமது போராட்ட தளத்தை அடைந்து கவனயீர்ப்பு போராட்டத்தில் ஈடுபட்டனர். இதன்போது “எமது பிள்ளைகள் வராது எமக்கு பொங்கல் இல்லை”, “ மாறி மாறி வந்த அரசாங்கங்களில் நாம் நம்பிக்கையிழந்து விட்டோம்”, “ கூட்டமைப்பும் எம்மைப் பற்றி பேசாது சிங்கள மக்களுக்கு உரிமையைப் பெற்றுக் கொடுப்பது போன்று செயற்படுகின்றது”, “ சுமந்திரன் பௌத்ததிற்கு முன்னுரிமை மற்றும் ஒற்றையாட்சியான ஏக்கிய ராச்சிய என்பவற்றை ஏற்றுக் கொண்டுள்ளார்”, “ இனி நாம் அமெரிக்காவையையும் , ஐரோப்பிய ஒன்றியத்தையுமே நம்புகின்றோம்” ,“ அமெரிக்கா வந்து விரைவாக எமக்கு தீர்வைப் பெற்றுத் தர வேண்டும்” என இதன்போது அவர்கள் கோசங்களை வெளியிட்டு ஆர்ப்பாட்டத்தை முன்னெடுத்தனர். http://www.virakesari.lk/article/48113
  18. தனி ஒருவரின், முழுநீள நகைச்சுவை காணொளி.
  19. உண்மையிலேயே சும் பதில் அளிக்கவில்லையா அல்லது நீங்கள் விரும்பிய பதில்களை அளிக்கவில்லையா?😎 நான் தொடர்ந்து கேட்கவில்லை, முழு கேள்வி பதிலையும் பார்த்து விட்டுச் சொல்கிறேன். ஆனால்,பதில் அளிக்கப் படா விட்டால் அது கண்டிக்கத் தக்கது மட்டுமல்ல, சும் தனது மக்களைப் பிரதிநிதித்துவப் படுத்தத் தகுதியற்றவர் எனவும் அர்த்தமாகும்! இதனால், அடுத்த தேர்தலில் சும் மைத் தூக்கியெறிந்து வித்தியரை பாராளுமன்றம் அனுப்ப வேண்டும்! அவர் சும் செய்யாததைச் செய்வார்! (பிறகு முதல் சதுரத்திலிருந்து நாங்கள் ஆரம்பிப்போம் இங்கே!) ஐயா தாசன், போன தேர்தலில் "புலிகளைப் புகழ்ந்து வாக்குக் கேட்க மாட்டேன்" என்று சொல்லி, அது போலவே விருப்பு வாக்குகள் வென்றும் காட்டினாரே சும்? இதென்ன புது சலஞ்? "புலிகளைத் திட்டி வாக்குப் கேட்டுப் பாரேன்!" எண்டு? அப்ப, அவருக்குப் புலிகளைத் திட்ட வேண்டிய தேவை இல்லாட்டிலும், திட்டி ஒருக்கா ரெஸ்ற் பண்ணிப் பார்க்க வேணுமோ? அதுக்குப் பிறகும் அவர் வென்றால் அடுத்தது என்ன?
  20. பட்டது + படிச்சது + பிடித்தது - 135 ஊர் இரண்டு பட்டால்.....??? நேற்று யாழ்ப்பாணத்தில் நடந்த கூட்டம் உட்பட தாயக அரசியல்வாதிகளின் நிலைப்பாடுகள் சார்ந்தும் அதற்கான மாற்றீடுகள் அல்லது புடுங்குப்பாடுகள் சார்ந்தும் பேசவேண்டியுள்ளது. கூட்டமைப்பைக்கூட விட்டுவிடலாம் தமிழரசுக்கட்சிக்குள்ளேயே இரண்டு நிலைப்பாடு தெரிவது வருந்தத்தக்கதும் கண்டிக்கப்படவேண்டியதுமாகும். உண்மையில் சுமேந்திரன் ஐனநாயகவழியில் நம்பிக்கை வைத்து சிங்களத்திடம் எதையாவது பெறமுடியும் என முயற்சிப்பாராயின் அதற்கு நாம் வழிவிடவேண்டும். ஏனெனில் அவரது கூற்றை அல்லது நடத்தைகளை நம்புபவர்களும் அவருக்கு வாக்களித்த மக்களும் எம்முக்குள் இருக்கிறார்கள். போர்க்கற்ற விசாரணைக்கு அவர் புலிகளை பலியிடுகின்றார் என்றால் அவருக்கான பொறுப்பும் பதில் கூறும் கடப்பாடும் அதிகரிக்குமே தவிர அவர் அதிலிருந்து ஒழிந்தோட முடியாது அதேநேரம் புலிகளது தொடர்ச்சியாக ஆயுத மௌனத்துக்கு பின்னர் தமிழரின் அழிவுகளுக்கான சர்வதேச ஆதரவை வைத்துக்கொண்டு அதே கொள்கைகளுடன் பயணிப்போர் தத்தமது கடமைகளை தொடர்ந்து செய்யணும். அதற்கான மக்கள் ஆதரவை பெருக்கணும் இதில் இரண்டு பகுதியுமே மற்றவருக்கு இடைஞ்சல் என வாழாதிருப்பதும் அல்லது ஆளையாள் இடைஞ்சல் செய்வதும் உண்மையில் சிங்களத்துக்கே நேரத்தை மிச்சப்படுத்தும். அதைவிட சர்வதேசம் தூங்க வழி அமைத்து ஆறிய கஞ்சியாகி ஆபத்து மட்டுமே மிஞ்சும். J’aime Commenter Partager
  21. புரட்சிகர தமிழ்தேசியன்

    பொங்கல் சிரிப்பு.

    கவுண்டமணி பொங்கல் ☺️
  22. என்ன மனுசரப்பா... ஒரு நல்ல நாளில், கோயிலில் வைத்து... வாளால் வெட்டிய மிருகப் பிறவிகளை என்ன வென்று சொல்வது.😡
  1. Load more activity