• advertisement_alt
  • advertisement_alt
  • advertisement_alt

stream_title_14

Showing all content posted in for the last 365 days.

This stream auto-updates     

  1. Past hour
  2. தேசிய அரசாங்கம் குறித்த இறுதி நிலைப்பாட்டை பாராளுமன்றில் தெரிவித்தார் பிரதமர் (எம்.எம்.மின்ஹாஜ், ஆர்.யசி) இரு பிரதான கட்சிகளும் ஒன்றிணைந்து தேசிய அரசாங்கத்தில் தொடர்ந்து பயணிக்கும். நாம் பாராளுமன்றத்திற்கு முன்வைத்த யோசனையை இரத்து செய்யவில்லை. அத்துடன் தேசிய அரசாங்கமொன்றை அமைப்பதாக பாராளுமன்றத்திற்கு பிரேரணையொன்றை மாத்திரமே நாம் முன்வைத்தோம். அதனைவிடுத்து நாம் ஒப்பந்தகளோ அல்லது ஆவணங்களோ முன்வைக்கவில்லை. ஆகையால் தேசிய அரசாங்கத்தை கொண்டு போவதற்கு எழுத்து மூல ஆவணங்களோ ஒப்பந்தங்களோ அவசியமில்லை என ஐக்கிய தேசியக் கட்சியின் தலைவரும் பிரதமருமான ரணில் விக்கிரமசிங்க சபையில் தெரிவித்தார். இதன்படி அரசியலமைப்பின் பிரகாரம் தேசிய அரசாங்கத்தை நாம் தொடர்ந்து கொண்டு செல்வோம் என்றும் அவர் குறிப்பிட்டார். பாராளுமன்றத்தில் புதன்கிழமை ஐக்கிய தேசியக் கட்சி சார்பாக விசேட கூற்றொன்றை முன்வைத்து உரையாற்றுகையிலேயே பிரதமர் மேற்கண்டவாறு தெரிவித்தார். அவர் மேலும் உரையாற்றுகையில், இரு பிரதான கட்சிகளும் ஒன்றிணைந்து தேசிய அரசாங்கத்தை அரசியலமைப்பின் பிரகாரம் தொடர்ந்து கொண்டு செல்வோம். இது தொடர்பாக நானே பாராளுமன்றத்தில் யோசனையொன்றை முன்வைத்தேன். ஆகவே எமது பயணத்தை இரத்து செய்யவில்லை என்றார். இதன்போது இடைநடுவே குறுக்கிட்டு பேசிய அநுர குமார திஸாநாயக்க, தேசிய அரசாங்கத்தை தொடர்ந்து கொண்டு செல்வதாக தற்போது கூறினாலும். ஏற்கனவே பாராளுமன்றத்திற்கு முன்வைத்த யோசனையின் பிரகாரமும் ஜனாதிபதியும் பிரதமரும் பாராளுமன்றத்தில் கருத்து தெரிவித்ததன் பிரகாரம் இரண்டு வருடங்களுக்கே பயணிப்போம் என்று கூறினர். இந்நிலையில் குறித்த ஒப்பந்தம் செப்டம்பர் மாதம் நிறைவடைந்து விட்டது. இதன்படி தேசிய அரசாங்க ஒப்பந்தம் நிறைவடைந்து நான்கு மாதங்கள் பூர்த்தியாகி விட்டன. ஆகவே தற்போது இணைந்து செயற்படுவதாக கூறினாலும் நான்கு மாதங்கள் இருந்த அமைச்சரவை சட்டத்திற்கு முரணானது. ஏனெனில் 48 க்கு குறைவாகவே அமைச்சராகவும் 45 க்கு குறைவாகவே இராஜாங்க, பிரதி அமைச்சர்கள் இருக்க வேண்டும் என கூறப்பட்டுள்ளது. ஆகவே நான்கு மாதங்களில் அமைச்சரவை சட்டத்திற்கு முரணாகும் என்றார். இதனை தொடர்ந்து பதிலளித்த பிரதமர் ரணில் விக்கிரமசிங்க, தேசிய அரசாங்கமாக பயணிப்போம் என ஐக்கிய தேசியக் கட்சி சார்பாக நான் பாராளுமன்ற பிரேரணையொன்றை முன்வைத்தேன். இதன்படி அரசியலமைப்பின் 46 கீழ் 4 பிரகாரம் தேசிய அரசாங்கம் தொடர்ந்து செல்வதற்கு அதிகாரம் உள்ளது. அத்துடன் அரசியலமைப்பின் 48 ஷரத்தின் பிரகாரம் அமைச்சரவை எண்ணிக்கை அதிகரிக்கவும் குறைக்கவும் முடியும். இதன்படி தேசிய அரசாங்கத்தை கொண்டு செல்வதற்கு ஒப்பந்தம் அவசியமில்லை. பொதுவாக தேசிய அரசாங்கமொன்று உருவாக்கும்போது ஒப்பந்தங்கள் தேவைப்படாது. இதன்படி பிரித்தானியாவில் 1940 ஆம் ஆண்டு வின்சன்ட சேச்சில் தலைமையில் தேசிய அரசாங்கம் உருவாக்கப்பட்ட போது ஒப்பந்தங்கள் ஏதும் கைச்சாத்திடப்படவில்லை. ஆகவே தேசிய அரசாங்கத்தை உருவாக்கும் போது பாராளுமன்றத்தில் யோசனையொன்றை மாத்திரமே முன்வைத்தேன். அதற்கு மாறாக தேசிய அரசாங்கம் தொடர்பான ஒப்பந்தங்களையோ அல்லது ஆவணங்களையோ நாம் சமர்ப்பிக்கவில்லை. ஆகவே ஒப்பந்தம் ஒன்று எமக்கு அவசியமில்லை. எமது உரையைகளில் இரண்டு வருடங்கள் என கூற முடியும். எனினும் நாம் ஒப்பந்ததின் பிரகாரம் நாம் செயற்படவும் இல்லை. இதன்படி ஒப்பந்தம் ஒன்று அவசியமில்லை. தேசிய அரசாங்கம் என்ற வகையில் தொடர்ந்து பயணிப்போம் என்றார். http://www.virakesari.lk/article/30883
  3. எதுவும் செய்ய முடியாதென கைகழுவினார் சபாநாயகர் ! தேசிய அரசாங்கத்தில் அங்கம் வகிக்கும் ஐக்கிய தேசியக் கட்சியும் ஸ்ரீலங்கா சுதந்திரக் கட்சியும் தொடர்ந்து பயணிப்பதாக இணக்கம் தெரிவித்துள்ள நிலையில் இதற்கு அப்பால் எனக்கு எதுவும் செய்ய முடியாது. எனினும் இது தொடர்பில் காணப்படும் முரண்பாடுகள் குறித்து தான் அவதானம் செலுத்துவதாக சபாநாயகர் கரு ஜயசூரிய சபையில் தெரிவித்தார். பாராளுமன்றத்தில் புதன்கிழமை தேசிய அரசாங்கம் தொடர்பில் ஏற்பட்ட வாக்குவாதத்தை அடுத்து தனது நிலைப்பாட்டை அறிவிக்கும் போதே அவர் மேற்கண்டவாறு தெரிவித்தார். அவர் மேலும் உரையாற்றுகையில், தேசிய அரசாங்கம் தொடர்பில் எனது முடிவினை அறிவிப்பதாக கூறினேன். இதன்படி இன்றைய தினம் இரு பிரதான கட்சிகளும் தமது நிலைப்பாட்டை அறிவிக்க வேண்டும் என கோரினர். இதன்படி அவர்களுக்கு சந்தர்ப்பம் வழங்கினேன். இந்நிலையில் தேசிய அரசாங்கத்தில் அங்கம் வகிக்கும் ஐக்கிய தேசியக் கட்சியும் ஸ்ரீலங்க சுதந்திரக் கட்சியும் தொடர்ந்து பயணிப்பதாக இணக்கம் தெரிவித்துள்ள நிலையில் இதற்கு அப்பால் எனக்கு எதுவும் செய்ய முடியாது. எனினும் இது தொடர்பில் காணப்படும் முரண்பாடுகள் குறித்து தான் அவதானம் செலுத்துவேன் என்றார். http://www.virakesari.lk/article/30884
  4. ஆர்யாவை திருமணம் செய்ய 7 ஆயிரம் பேர் விருப்பம்!! ஆர்யாவை திருமணம் செய்து கொள்ள 7 ஆயிரம் பெண்கள் விருப்பம் தெரிவித்துள்ளனர். நடிகர் ஆர்யா, 2005-ல் ‘அறிந்தும் அறியாமலும்’ படத்தில் அறிமுகமாகி 13 வருடங்களாக முன்னணி கதாநாயகனாக நடித்துக்கொண்டு இருக்கிறார். நான் கடவுள், அவன் இவன், வேட்டை, ராஜாராணி, கடம்பன் என்று பல முக்கிய படங்களில் நடித்துள்ளார். தற்போது கஜினிகாந்த், சந்தனத்தேவன் படங்களில் நடித்து வருகிறார். ஆர்யாவுக்கு 37 வயது ஆகிறது. சில நடிகைகளுடன் அவரை இணைத்து கிசுகிசுக்கள் வந்தன. அவற்றை மறுத்தார். இந்த நிலையில் தனக்கு பெண் பார்ப்பதாகவும் திருமணம் செய்துகொள்ள விருப்பம் உள்ள பெண்கள் விண்ணப்பிக்கலாம் என்றும் வீடியோவில் பேசி சமூக வலைத்தளத்தில் வெளியிட்டார். திருமணம் செய்துகொள்ள விரும்பும் பெண்கள் தங்களைப் பற்றிய பெயர், படிப்பு, குடும்ப விவரங்களைத் தெரிவிக்கும் படி ஒரு தொலைபேசி இலக்கத்தையும் வெளியிட்டு இருந்தார். அதன் மூலம் ஆர்யாவை திருமணம் செய்து கொள்ள விருப்பம் தெரிவித்து 7 ஆயிரம் பெண்கள் விண்ணப்பித்து இருப்பதாக தகவல் வெளியாகி உள்ளது. இவர்களில் 18 பெண்கள் தெரிவு செய்யப்பட்டு உள்ளனர். இந்த 18 பேரில் இருந்து தனக்குப் பொருத்தமான மணமகளை ஆர்யா தெரிவு செய்கிறார். தனியார் டெலிவிஷன் நிகழ்ச்சி மூலமாக மணமகளை அவர் தேர்ந்தெடுக்கிறார். எனவே விரைவில் ஆர்யா திருமணம் நடக்கும் என்று எதிர்பார்க்கப்படுகிறது. நடிகர் விஷாலும் திருமணத்துக்குத் தயாராகிறார். ஆர்யா திருமணம் முடிந்ததும் எனது திருமணம் நடக்கும் என்று அவர் கூறியுள்ளார். இருவரது திருமணமும் இந்த வருடத்திலேயே நடக்கும் என்று தெரிகிறது. http://newuthayan.com/story/70482.html
  5. அனேகமான யாழ் உறவுகளுக்கு பரிச்சயப்படாத சிங்கள ஊர் ஒன்றின் சூழலை பின்புலமாக கொண்டு கதையை கொண்டு செல்கின்றீர்கள். ஒவ்வொரு இடத்தின் சூழலை வருணிப்பது கதைக்குள்ளும் அது இடம்பேரும் களத்துக்குள்ளும் கொண்டு செல்கின்றது. அது சரி அதென்ன "சோதனை தொடரும்" ? ஹேமாவுக்கா, இராகவனுக்கா ?
  6. சான்றிதழ்......! அவர்களாகவே ஹேமாவுக்கும் ஒரு வக்கீலை நியமித்து சில கோடிரூபாய் பணமும்,வெள்ளவத்தையில் ஒரு வசதியான அப்பார்ட்மென்டும் தந்து, அவள் விரும்பினால் அந்த வேலையில் அவள் தொடரலாம் என்றும் சொல்லி சுமூகமாய் விவாகரத்தை முடித்து விட்டார்கள். இந்த இடைப்பட்ட காலத்தில் ஹேமாவும் மனதளவில் தயாராகி இருந்தாள். கோர்ட்டில் விவாகரத்து முடிந்ததும் தான் அந்த வேலையில் தொடரப்போவதில்லை என்பதை பதிவுத்தபால் மூலம் தெரிவித்து இருந்தாள். ஒரு ஏஜென்ஸியைப் பிடித்து அந்த அப்பார்ட்மெண்டை வாடகைக்கு விட்டு பணம் தனது வங்கிக்கணக்கில் வரும்படி செய்திருந்தாள்.மேலும் வங்கியில் ஓர் லாக்கர் திறந்து அதில் தனது முக்கியமான பாத்திரங்கள்,விசாகார்ட், காசோலை, போன்,சிம், எல்லாவற்றையும் வைத்து பூட்டிவிட்டு வங்கியை விட்டு வெளியில் வந்து சில துணிமணிகளுடன் பெட்டியை எடுக்கும்போது அதில் அந்த நீலவைரம் இருக்குது.பரவாயில்லை இருக்கட்டும் என்று விட்டு பொட்டியை எடுத்துக்கொண்டு ஒரு பொது டெலிபோனில் இருந்து தன்கூட வேலைசெய்தவர்களுக்கு நன்றி சொல்லிவிட்டு, தனது ஆருயிர் சிநேகிதி வந்தனாவிடம் "வந்தனா நான் கொழும்பை விட்டு வெகு தூரம் போகின்றேன். எங்கே போகின்றேன் என்று எனக்கு தெரியவில்லை,எங்காவது நான் நிலைப்பட்டபின் தொடர்பு கொள்கிறேன்."என்று கண்கலங்க விடைபெற்றுக்கொண்டு குறைந்தது 10 வருடங்களாவது என்னுடைய எந்த அடையாளமுமின்றி கண்காணாத இடத்தில் வாழவேண்டும் என சங்கல்பம் எடுத்துக்கொண்டு முன்னாள் வந்த பஸ்ஸில் ஏறிக்கொண்டாள். நெடும் பயணத்துக்கு பின் பஸ்ஸைவிட்டு இறங்கி கால்போன போக்கில் நடந்து இருட்டில் அந்த தரிப்பிடத்தில் அட்டைக்கு ரத்தம் குடுத்து இப்பொழுது எங்கோ ஒரு மூலையில் பேக்கரியில் கொட்டிக் கிடைக்கும் கோதுமை மா மீது கோலம் போட்டபடி படுத்திருக்கிறாள். அருகே மாக்குழைக்கும் பெரிய நீள்சதுர மேசை, அதன்மேல் நீண்ட தடி இரு முனையிலும் கயிறு கட்டி தொங்க விட்டிருக்கு, அருகே ஒரு குமிழ் பல்பும் மேசையில் இருந்து ஒரு மீட்டர் உசரத்தில் தொங்குது. பல வருடங்களுக்கு பிறகு எந்தவித மனஅழுத்தங்களும் இல்லாமல் ஒரு நிம்மதியான ஆழ்ந்த உறக்கமாய் அது இருக்கு. அப்பப்ப வேலைக்கு நடுவே அங்கு வந்து பார்த்த இராகவன் அவளது நித்திரையை குழப்ப மனமின்றி தானாக எழும்பட்டும் என்று விட்டிருந்தான். கடையிலும் கூட்டமில்லை. இனி பின்னேரம்தான் ஆட்கள் வருவினம். மதியம் 2:00 மணிக்குமேல் அவள் எழும்புகிறாள்.காலில் வலி இல்லை. பின்பக்கம் போகிறாள். அங்கு ஒரு கிணறு, கக்கூசும், மூட்டைகள், விறகு,கரி போன்றவை வைக்க ஒரு கொட்டிலும் சற்று தள்ளி தாமரை குளம் ஒன்றும் நிறைய பூக்களுடன் இருக்கு.கைகால் முகம் கழுவி பழைய உடுப்பை மாற்றி ஒரு மினிஸ்கர்ட்டை உடுத்திக்கொண்டு அவள் வர மேசைமேல் சுடச்சுட கிரிபத்தும் கருவாட்டு குழம்பும் தயாராய் இருக்கு. வானொலியில் "சுந்தர லோவட்ட மல் வெகனா" நல்ல சிங்கள பாடல் ஒன்று போய்க் கொண்டிருக்கு. அவன் சாப்பிட சொன்னதும் அந்த அகோர பசியிலும் நாசூக்காக கிள்ளி கிள்ளி சாப்பிடுகிறாள். விக்கல் எடுக்க தண்ணி கிளாஸை அவளருகே அரக்கி வைக்கிறான். உன் பெயரென்ன என்று கேட்க அவள் ஹேமா என்கிறாள். எங்கிருந்து வருகிறாய், இனி எங்கு போகிறாய் சொன்னால் முடிந்த உதவி செய்கிறன் என்று சொல்ல, ஹேமாவும் தான் கொழும்பில் ஒரு வீட்டில் வேலை செய்ததாகவும் அந்த முதலாளி தன்னை மோசமாக நடத்தியதால் தான் அங்கிருந்து கிளம்பி விட்டதாகவும், இப்போது எங்காவது ஏதாவது ஒரு வேலை தேடவேண்டும். கௌரவமாய் வாழவேண்டும் என்கிறாள். இது ஒரு சின்னஞ் சிறிய கிராமம் ஹேமா. இங்கு நீ வேலை எடுப்பது சிரமம்.விரும்பினால் இன்றிரவு நீ இங்கு தங்கிவிட்டு நாளை காலை முதல் பஸ் பிடித்து கண்டிக்கு போனால் அங்கு உனக்கு வேலை கிடைக்கலாம்.அவளும் சரி என்று சொல்லிவிட்டு சாப்பிட்ட இலையை தொட்டிக்குள் போட பின்னால் போகிறாள். அங்கு ஒரு யானை நிற்பதைக் கண்டு அச்சத்துடன் பின்வாங்க, அது ஒன்றும் செய்யாது பயப்பிடாதை, பக்கத்து தஹநாயக்காவின் யானை குளத்திலே குளிக்க வந்திருக்கு என்கிறான் பின்னால் வந்த இராகவன். அப்போது தஹநாயக்காவும் பிள்ளைகளும் வந்து அதை குளத்துக்கு கூட்டிப்போகின்றார்கள். இவர்கள் வசதியானவர்கள் போல யானை எல்லாம் இருக்கு என்று அவள் சொல்ல, அப்படி இல்லை அதுதான் இவர்களுக்கு சாப்பாடு போடுது. விகாரை விழாக்கள், வீட்டு விசேஷங்களுக்கு கூட்டிப்போய் கூட்டி வருவார்கள். சோதனை தொடரும்.....!
  7. Today
  8. சான்றிதழ்.

    அட நீங்கள் முதலே கதையை ஆரம்பிச்சாச்சா????நான் தான் கவனிக்கவில்லை. ஆவலுடன் மிகுதிக்காக காத்ருக்கிறோம்.
  9. நாங்கள் அனுபவித்த மாதிரி இனிவரும் காலங்களில் யாருமே அனுபவிக்க போவதில்லை.
  10. இந்த ஸ்பரிசம் ரொம்ப பிடித்திருக்கு.
  11. இரவின் ஸ்பரிசம்.

    கவிதை அருமைதான் அண்ணா. ஆனாலும் நாங்கள் உங்களிடம் எதிர்பார்ப்பது அதுக்கும் மேலே மேலே. பஞ்சிப்படாமல் ஒரு கதையை எழுதத் தொடங்குங்கோ.
  12. இன்றைக்கு முழுகப்போகிறோம்

    பழைய நினைவை மீளக் கொண்டுவந்து விட்டீர்கள் ஈழப்பிரியன். பெண்களுக்கும் அரப்பும் எலுமிச்சங்காயும் சேர்த்து அவித்துப் பூசுவார்கள். பொடுகு வராமல் இருக்கத்தான் எழுமிச்சை. எங்கள் அயலில் குமாரசாமி என்று ஒருவர் தான் ஆடு ஒன்றுவிட்ட கிழமை ஆடு அடிப்பது. சிறியவர்களாக இருந்தபோது அவர் பங்கு போடுவதை நாமும் நின்று பார்ப்போம். பச்சை இறைச்சியைப் பார்க்கவே ஒரு பரவசம் தான். ஆடு இல்லாத சனிக்கிழமைகளில் அம்மா நிறைய மீன் பொரித்துக் கறியும் வைப்பார். இப்ப நினைத்தால் எப்பவுமே மீண்டும் கிடைக்க முடியா நினைவு நெஞ்சை எதோ செய்கிறது.
  13. கடன் வாங்கிக் களியாட்டம்

    நன்றாகத்தான் கதை சொல்கிறீர்கள் ரவி அண்ணா
  14. வேப்பங் காய்கள் - சிறுகதை

    ஊரார் வீட்டுக் கதையை எழுதினால் உள்வீட்டுக்குள்ளயே குண்டுவைக்கப் பாக்கிரியளே அண்ணா. ஊரார் வீட்டுக் கதையை எழுதினால் உள்வீட்டுக்குள்ளயே குண்டுவைக்கப் பாக்கிரியளே அண்ணா.
  15. விடுதலைப் புலிகள் பற்றிய விவரணத் திரைப்படத்திற்கு கிடைத்த அங்கீகாரம் விடுதலைப் புலிகள் அமைப்பு சம்பந்தப்பட்ட கதையை அடிப்படையாக கொண்டு தயாரிக்கப்பட்ட விவரணத் திரைப்படம் ஒன்று இம்முறை பேர்லின் திரைப்பட விழாவில் திரையிடப்பட உள்ளது. மாதங்கி என இந்த திரைப்படத்திற்கு பெயரிடப்பட்டுள்ளது. பிரித்தானிய பிரஜையான ஹிப்ஹொப் பாடகி மியா என அழைக்கப்படும் மாதங்கி மாயா அருள் பிரகாசத்தின் கதை இந்த திரைப்படத்தில் உள்ளடக்கப்பட்டுள்ளது. மியாவின் தந்தை அருள் பிரகாசம் ஈரோஸ் அமைப்பின் ஆரம்ப கால உறுப்பினர் எனக் கூறப்படுகிறது. மியா தனது 9 வயது பெற்றோருடன் பிரித்தானியாவில் குடியேறினார். பின்னர், இலங்கைக்கு விஜயம் செய்த மாதங்கி, வடக்கில் நிலைமைகள் தொடர்பிலான காட்சிகளை ஒளிப்பதிவு செய்துள்ளார். 22 வருடங்களுக்கு முன்னர் இந்த காட்சிகள் ஒளிப்பதிவு செய்யப்பட்டுள்ளன. மியா என்ற பெயரில் பிரலமான பாடகியாக இருந்து வரும் மாதங்கி தனது பாடல்களில் இலங்கையில் தமிழர்களுக்கு ஏற்படும் பல்வேறு அநீதிகள் குறித்த விடயங்கள் உள்ளடக்கப்பட்டுள்ளமை குறிப்பிடத்தக்கது. http://www.tamilwin.com/special/01/174914?ref=home-feed
  16. தாய் மொழி இல்லையேல் தாய் நாடுமில்லை! உலக தாய்மொழி தினம் இன்று! – குளோபல் தமிழ் செய்திகளுக்காக தீபச்செல்வன் மாசி 21, உலக தாய் மொழி தினம் இன்றாகும். தாய்மொழி மீதான ஒடுக்குமுறைக்கு எதிராக போராடி வரும் ஈழத் தமிழர்களுக்கு இது மிக முக்கியமானதொரு நாளாகும். தாய் மொழி என்பது ஒவ்வொரு மனிதரதும் பிறப்புரிமை. அதனை அதனை மனிதர்கள் தம் தாய் வழி சமூகத்திடமிருந்து கற்றுக்கொள்ளுகின்றனர். மொழியற்று பிறக்கும் ஒரு குழந்தை தன் தாயிடமிருந்து மொழியை பெறுகிறது. தாய் மொழியின் ஊடாக தன்னுடைய பண்பாட்டை, வரலாற்றை, வாழ்வை கற்றுக்கொள்வது எளியது என்பதால் ஒவ்வொருவருக்கும் தாய்மொழி மிக முக்கியமாகிறது. தாய்மொழியை எவரும் இழந்துவிடக்கூடாது என்பதற்காகவே இந்த நாள் வருடம் தோறும் உலக மக்களால் அனுஷ்டிக்கப்பட்டு வருகிறது. ஈழத்தில் தாய்மொழியை மறந்துபோனவர்கள் பலருண்டு. தம் தாய் மொழியை இழந்தவர்கள் பலருண்டு. அன்றைய ஈழத் தீவில் தமிழ் மக்கள் தீவு முழுவதும் பரவியிருந்தனர். பிற்காலத்தில் சிங்கள ஆதிக்கம் பெற்றபோது தென்பகுதியில் காலி, நீர்கொழும்பு போன்ற பகுதிகளில் இருந்த தமிழர்கள் எல்லாம் சிங்களத்தை பேசி, பின்னர் அந்த மொழியில் முழுமையாக தங்கி தம் தாய் மொழியை இழந்து பின்னர், தமது இன அடையாளத்தையே தொலைத்து இன்று சிங்களவர்களாக வாழ்கின்றனர். ஈழத் தீவுக்குள் நிகழ்ந்த இந்த அனுபவமே தாய் மொழி குறித்து ஓரினம் எப்படி விழிப்பாக இருக்க வேண்டும் என்பதற்கு உதாரணமாகிறது. நூறு ஆண்டுகளுக்கு முன்னர் இருந்த பல மொழிகள் இன்று இல்லை என்று அறிஞர்கள் கூறுகின்றனர். ஏழாயிரம் மொழிகள் இருந்த இடத்தில் இப்போது மூவாயிரம் மொழிகளே உள்ளதாக கூறுகின்றனர். பல ஆயிரக்கணக்கான மொழிகள் இன்னும் வரிவடிவம் பெறாமல் பேச்சு மொழியாகவே உள்ளதாகவும் கூறப்படுகிறது. இன்னும் பல மொழிகள் அழிந்துவிடும் என்று மொழியியல் நிபுணர்கள் எச்சரிக்கை விடுத்திருக்கிறார்கள். தாய் மொழியை போற்றிய நாடுகளே பெரும் வளர்ச்சி பெற்றுள்ளன. தாய்மொழியை புறக்கணித்து அந்நிய மொழிகளை பயன்படுத்திய நாடுகள் வீழ்ச்சியையே சந்தித்துள்ளன. உலகிற்கு நாகரிகத்தை கற்றுக்கொடுத்த, வளமான இலக்கிய பாரம்பரியத்தை கொண்ட ஆறு மொழிகளில் தமிழும் முக்கிய இடம்பெறுகிறது. சமஸ்கிருதம், கிரேக்கம், ஹீப்ரு, லத்தீன், சீனம் ஆகிய மொழிகளுடன் தமிழ் மொழியும் மூத்த மொழிகளாக முக்கியத்துவம் பெறுகின்றன. தமிழ் ஹீப்ரு மொழியைக் காட்டிலும் முந்தியது. கிறிஸ்துவுக்கு முந்தைய வரலாற்றை கொண்டு. செழுமையான இலக்கியங்கள், தொல்லியல் சான்றுகள், நேர்த்தி மிக்க இலக்கண நூல்கள் என தமிழ் கொண்டுள்ள தனித்தும் சிறப்பு மிக்கது. ஈழத் தீவைப் பொறுத்தவரையில் தமிழ் மக்கள் தமது மொழியாற்றலால் உலக அளவில் கவனத்தை பெற்றிருந்தனர். இத் தீவின் தீர்மானிக்கும் சக்திகளாக ஈழத் தமிழர்கள் இருந்தனர். தமிழ் மக்களின் தாய் மொழி குறித்த அறிவும் ஆங்கிலப் புலமையும் பிரித்தானிய அரசில் இத் தீவின் முதல் பிரதிநிதிகளாக ஈழத் தமிழர்களை ஆக்கியது. பிந்தைய காலத்தில், சிங்கள அரசு உருவாக்கத்தின் பின்னர், ஈழத் தமிழ் மக்களின் தாய்மொழி திட்டமிட்ட ரீதியாக ஒடுக்கப்பட்டது. 1956இல் தனிச் சிங்களச் சட்டம் கொண்டுவரப்பட்டது. தமிழ் மொழிக்குரிய சம இடம் மறுக்கப்பட்டது. பின்னர் அரசால், அரச படைகளால் தமிழை ஒழித்துக் கட்டும் வேலைகள் மும்மரமாக இடம்பெற்றன. தமிழ் மக்களின் விடுதலைப் போராட்டம் தமிழ் மொழி உரிமைக்கானது. தமிழ் மொழி அரசுக்கானது. அதனால்தான் தந்தை செல்வா தமிழரசுக் கட்சியை தோற்றுவித்தார். ஒரு இனம் தனது தாய் மொழியை இழந்து வாழ முடியாது. தாய் மொழி இல்லையேல் அந்த இனம் அழிந்துவிடும். அது தனது பண்பாட்டை, வரலாற்றை இழந்துவிடும். தன் தாய் நாட்டை, தாய் நிலத்தை இழந்துவிடும். இதற்காகவே ஈழத் தமிழர்கள் இத்தனை ஆண்டு காலமாய் பல்வேறு நெருக்கடிகளின் மத்தியில் தியாகங்களைப் புரிந்து போராடி வருகிறார்கள். இன்றும் இலங்கை அரசின் அலுவலகங்களில், அரசு வடக்கு கிழக்கில் நடும் பெயர்பலகைகளில் எங்கள் தாய் மொழி கொலை செய்யப்படுகிறது. பொலிஸ் நிலையங்களில் சிங்களத்தில்தான் முறைப்பாடு பதிவு செய்யப்படுகிறது. வடக்கு கிழக்கிற்கு வரும் பல சுற்று நிரூபங்கள் சிங்களத்தில்தான் உள்ளன. தென் பகுதியில் பிரதான அலுவலகங்களுக்குச் சென்று தமிழிலில் பிரச்சினைகளை தீர்க்க முடியாது. வடக்கு கிழக்கில் மருத்துவமனை உள்ளிட்ட பல இடங்களில் தமிழ் தெரியாத வைத்தியர்களிடம் எங்கள் மக்கள் நோளை சொல்கிறார்கள். இன்று கிளிநொச்சியில் உலக தாய்மொழி தினத்தை முன்னிட்டு சிறப்பு நிகழ்வுகள் கிளிநொச்சியில் ஏற்பாடு செய்யப்பட்டுள்ளன. பாடசாலை மாணவர்களிடையே தாய்மொழி, மற்றும் தமிழ் மொழி குறித்தான பல்வேறு போட்டிகள் நடாத்தப்பட்டு பரிசில்கள் வழங்கப்படவுள்ளன. ஒவ்வொரு ஆண்டும் தாய் மொழி தினத்தை ஈழத் தமிழர்கள் கொண்டாட வேண்டும். மொழி, இனம், பண்பாடு குறித்த புரிதலை இந்த நாளில் நாம் ஏற்படுத்திக் கொள்ள வேண்டும். உலகில் தாய் மொழி அழிக்கப்படும் அனைத்து இனங்களுக்காகவும் நாங்கள் குரல் கொடுப்போம். தாய் மொழியை திட்டமிட்டு அழிக்க ஒடுக்கப்படும் அத்தனை இனங்களுக்காகவும் நாங்கள் குரல் கொடுப்போம். இனம், மொழி, பண்பாடு, வரலாறு என ஒன்றோடு ஒன்று பின்னிப் பிணைந்த வாழ்வை அழிப்பது மிகவும் கொடியது. கடந்த நூறு ஆண்டுகளாக நாங்கள் இத் தீவில் அனுபவித்து வரும் கொடிய சரித்திரம் இதுவே. தாய் மொழியை பேண, தமிழ் மரபை பேண, தமிழ் இனத்தின் இருப்பை பேண எல்லோரும் விழிப்புடன் இருக்க வேண்டிய காலம் இது. குளோபல் தமிழ் செய்திகளுக்காக தீபச்செல்வன் http://globaltamilnews.net/2018/67798/ http://globaltamilnews.net/2018/67798/
  17. அம்பாள்புரம் மாணவர்களுக்கு இன்றுமுதல் இ.போ.ச பேருந்து சேவை நாள்தோறும் 24 கிமீ தூரம் நடந்து பாடசாலைக்கு சென்று வரும் முல்லைத்தீவு அம்பாள்புரம் மாணவர்களின் பிரச்சினை தொடர்பில் ஜனாதிபதியின் கவனம் ஈர்க்கப்பட்டு அம்மாணவர்களுக்கு பேருந்து வசதியை ஏற்படுத்திக் கொடுக்குமாறு கடந்தவாரம் ஜனாதிபதி வழங்கிய பணிப்புரையின் பேரில் இன்றுமுதல் (பெப் 21) அம்பாள்புரம் ஊடாக இலங்கை போக்குவரத்து சபைக்கு சொந்தமான பேருந்து சேவையில் ஈடுபட ஆரம்பித்துள்ளது. தினமும் காலையும் மதியமும் இச்சேவை இடம்பெறவுள்ள அதேவேளை இம்மாணவர்களுக்கு தேவையான பேருந்து பிரவேசப் பத்திரங்களை வன்னிவிளாங்கும் மகா வித்தியாலயத்தின் அதிபர் ஊடாக மாணவர்களுக்கு வழங்க விரைவில் நடவடிக்கை எடுக்கவுள்ளதாக இப்பேரூந்து சேவையை நடத்தும் முல்லைத்தீவு இலங்கைப் போக்குவரத்து டிப்போவின் பொறுப்பதிகாரி திரு குணசீலன் தெரிவித்துள்ளார். http://globaltamilnews.net/2018/67801/
  18. காலமாறு நீதிப்பொறிமுறைமை தொடர்பில் அளித்த வாக்குறுதிகளை இலங்கை நிறைவேற்ற வேண்டும் – ஐரோப்பிய ஒன்றியம் குளோபல் தமிழ்ச் செய்தியாளர் காலமாறு நீதிப்பொறிமுறைமை தொடர்பில் அளித்த வாக்குறுதிகளை இலங்கை அரசாங்கம் நிறைவேற்ற வேண்டுமென ஐரோப்பிய ஒன்றியம் தெரிவித்துள்ளது. காணாமல் போனோர் குறித்த அலுவலகம் மற்றும் காலமாறு நீதிப்பொறிமுறைமை தொடர்பில் இலங்கை அரசாங்கம் சர்வதேச சமூகத்திற்கு வாக்குறுதி அளித்துள்ளது. இந்த உறுதிமொழியை அரசாங்கம் அமுல்படுத்த வேண்டுமென வலியுறுத்தியுள்ளது. ஐரோப்பிய ஒன்றியம் வெளியிட்டுள்ள டுவிட்டர் பதிவொன்றில் இந்த விடயம் குறிப்பிடப்பட்டுள்ளது. http://globaltamilnews.net/2018/67829/
  19. பிரிகேடியர் பிரியங்க பெர்னாண்டோவிடம் விசாரணை நடத்தப்படாது – இராணுவம் குளோபல் தமிழ்ச் செய்தியாளர் பிரித்தானியாவிற்கான இலங்கை உயர்ஸ்தானிகராலயத்தின் பாதுகாப்பு ஆலோசகராக கடமையாற்றி வரும் பிரிகேடியர் பிரியங்க பெர்னாண்டோவிடம் விசாரணை எதுவும் நடத்தப்படாது என இராணுவம் அறிவித்துள்ளது. அண்மையில் இலங்கை உயர்ஸ்தானிகராலயத்தில் நடைபெற்ற சுதந்திர தின நிகழ்வுகளின் போது, புலம்பெயர் தமிழர்களை நோக்கி கழுத்தறுத்து கொலை செய்வதாக சைகை மூலம் காண்பித்தார் என பிரிகேடியர் பிரியங்க மீது குற்றம் சுமத்தப்பட்டுள்ளது. இந்த நிலையில் பிரிகேடியர் பிரியங்கவை அரசாங்கம், நாட்டுக்கு மீள அழைத்துள்ளதாக ஊடகங்களில் செய்தி வெளியிடப்பட்டிருந்தது. எனினும், இவ்வாறு மீள அழைக்கப்பட்டமை விசாரணைகளுக்காக அல்ல எனவும் சில விடயங்கள் குறித்து கலந்தாலோசிப்பதற்காக மட்டுமே எனவும் இராணுவம் தெரிவித்துள்ளது http://globaltamilnews.net/2018/67831/
  20. நாங்கள் ஆட்சிக்கு வந்தால் குவாட்டரும், ஸ்கூட்டரும் நீடிக்காது: கமல் திட்டவட்டம் கமல் | படம் உதவி: மக்கள் நீதி மய்ய ட்விட்டர் பக்கம். நாங்கள் ஆட்சிக்கு வந்தால் குவாட்டரும், ஸ்கூட்டரும் நீடிக்காது. இலவசம் இருக்காது என்று கமல்ஹாசன் பேசினார். மதுரை ஒத்தக்கடை பொதுக்கூட்டத்தில் மக்கள் நீதி மய்யம் என்ற தன் கட்சியின் பெயரை கமல்ஹாசன் இன்று அறிவித்தார். தொடர்ந்து கமல்ஹாசன் பேசியதாவது: ''எங்கள் தண்டவாளமும் உங்கள் வண்டவாளமும் வெளிவரும் நாள் இன்று. 37 ஆண்டுகளாக அமைதியாக நற்பணி செய்த கூட்டத்தை நீங்கள் பார்த்தீர்கள். இன்று பேசும் நாள், நாளை செயல்படும் நாள். இங்கு பணத்திற்கு பஞ்சமில்லை, நல்ல மனதிற்குதான் பஞ்சம். எங்கள் நற்பணிகளுக்கு இடைஞ்சலாக சில அரசுகள் இருந்தன அதனை மறக்க மாட்டோம். நல்ல கட்சிக்கு வாக்களித்தீர்கள் என்றால் ஆண்டுக்கு ரூ.6000 இல்லை ரூ.6 லட்சம் கிடைத்திருக்கும். நாங்கள் சமூக சேவகர்களாக வந்துள்ளோம். செய்ய வேண்டியதை செய்தாலே போதுமானது. கல்வியை தனியாரிடம் கொடுத்துவிட்டு மது வியாபாரத்தை அரசு நடத்துவது வாடிக்கையாகிவிட்டது. சாராயத்தை யார் வேண்டுமானாலும் விற்கலாம். கல்வியை அப்படி விடமுடியுமா? எல்லா தரப்பினருக்கும் தரமான கல்வி போய்ச் சேர வேண்டும். படித்த இளைஞர்கள் பலர் வேலைவாய்ப்பின்றி உள்ளார்கள். அதை மாற்ற முடியும். இளைஞர்களுக்கு வேலைவாய்ப்பு உருவாக்கப்படும். சாதி, மதம் அறவே நீக்கப்பட வேண்டும். ஊழலை குறைத்தால் மின்சாரம் வரும். நான் மட்டும் ஊழலை ஒழிக்க முடியாது; நீங்களும் வாருங்கள் சேர்ந்து ஊழலை ஒழிப்போம். எனக்கு வயது 63; நான் 40 வருட ஆட்சிக்காக வரவில்லை. மக்கள் நீதி மய்யத்தில் யாரும் நிரந்தர முதல்வராக இருக்க மாட்டார்கள். நாங்கள் ஆட்சிக்கு வந்தால் குவாட்டரும், ஸ்கூட்டரும் நீடிக்காது. இலவசம் இருக்காது. ஆனால், மற்றவர்களுக்கு ஸ்கூட்டர் வாங்கித் தரும் பொருளாதாரத்தை ஏற்படுத்துவேன்'' என்று கமல் பேசினார். http://tamil.thehindu.com/tamilnadu/article22817980.ece?homepage=true கட்சிக்கொடி உணர்த்துவது என்ன?- கமல் விளக்கம் மக்கள் நீதி மய்யத்தின் கட்சிக்கொடி குறித்து கமல்ஹாசன் விளக்கம் அளித்துள்ளார். மதுரை ஒத்தக்கடை பொதுக்கூட்டத்தில் கமல் தன் கட்சியின் பெயர் மக்கள் நீதி மய்யம் என்று அறிவித்தார். அதற்குப் பிறகு கமல்ஹாசன் பேசுகையில், ''கட்சியின் கொடியில் உற்றுப்பார்த்தால் புதிய தென்னிந்தியாவின் வரைபடம் தெரியும். ஆறு கைகள் ஆறு மாநிலங்களைக் குறிக்கும். நடுவில் இருக்கும் நட்சத்திரம் மக்களாகிய நீங்கள்தான். மக்களையும் நீதியையும் மய்யமாகக் கொண்டு இணைக்கும் கட்சி என்பதால் மக்கள் நீதி மய்யம் என்று பெயர் வைத்திருக்கிறோம். தராசின் நடுமுள் நாம். எந்தப் பக்கமும் சாயமாட்டோம். நீங்கள் வலதா, இடதா என்று கேட்கிறார்கள். அதனால்தான் கட்சியின் பெயரிலேயே மய்யம் என்று வைத்திருக்கிறோம்'' என்றார் கமல். http://tamil.thehindu.com/tamilnadu/article22817790.ece?homepage=true
  21. சீன போர்க்கப்பல் குழுமம், அமெரிக்காவின் விமானந்தாங்கி சண்டை அல்லது அடி குழுவை (CBG or CSG), கனவில் கூட எட்டிப் பிடடிப்பதற்கு நினைக்க முடியாதாயினும், இதை சீனாவின் வளரும் கடல் அரங்க தன்ந ம்பிக்கையை எடுத்து காட்டுகிறது. சமீபத்தில், சீனாவின் டீசல் நீர்மூழ்கி (பொதுவாகவே இவை மிகவும் சத்தமுடையவை) அமெரிக்காவின் விமானந்தாங்கி சண்டை அல்லது அடி குழுவை சத்தமின்றி ஜப்பான் கடலில் நெருங்கியது. மற்றது, இவ்வளவு போர்கப்பல்களை சீன தன்னுடைய கடல் வலயத்தை தாண்டி இன்னுமோர் அரசிசன் செல்வாக்குள்ள கோளத்திற்கு துணிந்து அனுப்பிக்கிறதென்றால், இந்துசமுத்திரத்தில் சீனாவின் உளவு சேகரிக்கும் துல்லியமும் ,மற்றும் அந்த செல்வாக்குள்ள அரசின் உளவு நடவடிக்கையை முறியடிக்கும் திறனும் மிகவும் விஞ்சி விட்டது என்பதே இந்த சீன போர்கப்பல்களின் வரவு பறைசாற்றுகிறது.
  22. முன்னர் பலருடன் முட்டி மோதிய அனுபவங்களுண்டு. மண் மணம் மாறாமல் இருக்கும் பல அறிவார்ந்த தொடர்புகளை யாழிணையம் மூலம் பெற்றுப் பயனடைந்தவர்களில் ஒருவன். எனது பெயரை அழைக்கையில் உறவு (தம்பி) தானாக வந்துவிடுகின்றது. தம்பி என்ற சொல்லுக்கேற்ப துடிதாட்டமும் முரட்டுக்குணமும் கூடவே இருக்கும்......இணைந்திருங்கள் ஈழத்தைப் பிரியேன் என்று இருக்கும் ஈழப்பிரியன் அவர்களே.......
  23. தமிழ் சிறி அண்ணாவுக்கு இனிய பிறந்தநாள் வாழ்த்துக்கள் 🎂🍻
  24. இளமை புதுமை பல்சுவை

    சர்வதேச தாய் மொழி நாள் (பிப்.21) அ-அ+ சர்வதேச தாய்மொழி நாள் என்று பிப்ரவரி 21-ம் தேதியை உலகம் முழுவதும் கொண்டாடி வருகின்றனர். 1952 இல் இந்த நாளன்று அன்றைய கிழக்கு பாகிஸ்தான் தலைநகர் டாக்காவில் வங்காள மொழியை ஆட்சி மொழியாக ஆக்கக்கோரி நடத்தப்பட்ட போராட்டத்தின் போது உயிர்நீத்த மாணவர்களின் நினைவாக இந்நாள் உலகளாவிய முறையில் மொழி தொடர்பாக நினைவு கூரப்படுகிறது. வங்காளதேச அரசாங்கத்தின் முயற்சிகள், அனைத்துலக அமைப்புகளது ஆதரவுகள் காரணமாக ஐக்கிய நாடுகள் கல்வி, அறிவியல், பண்பாட்டு சர்வதேச தாய்மொழி நாள் என்று பிப்ரவரி 21-ம் தேதியை உலகம் முழுவதும் கொண்டாடி வருகின்றனர். 1952 இல் இந்த நாளன்று அன்றைய கிழக்கு பாகிஸ்தான் தலைநகர் டாக்காவில் வங்காள மொழியை ஆட்சி மொழியாக ஆக்கக்கோரி நடத்தப்பட்ட போராட்டத்தின் போது உயிர்நீத்த மாணவர்களின் நினைவாக இந்நாள் உலகளாவிய முறையில் மொழி தொடர்பாக நினைவு கூரப்படுகிறது. வங்காளதேச அரசாங்கத்தின் முயற்சிகள், அனைத்துலக அமைப்புகளது ஆதரவுகள் காரணமாக ஐக்கிய நாடுகள் கல்வி, அறிவியல், பண்பாட்டு நிறுவனத்தால் (யுனெஸ்கோ) 1999ம் ஆண்டு பிப்ரவரி மாதம் நடந்த பொது மாநாட்டின் 30ஆவது அமர்வில் இந்நாள் அனைத்துலக தாய்மொழி நாளாக அறிவிக்கப்பட்டது. பல்வேறு சமூகங்களின் மொழி, பண்பாட்டுத் தனித்தன்மைகளைப் பேணுவதுடன் அவற்றுக்கிடையிலான ஒற்றுமையையும் உருவாக்கும் எண்ணத்தோடு இந்த நாளை யுனெஸ்கோ அறிவித்தது. 2000 ஆம் ஆண்டு முதல் இந்த நாளானது உலகம் முழுவதும் கொண்டாடப்பட்டு வருகின்றது. மேலும் இதே நாளில் நடந்த பிற நிகழ்வுகள்: 1804 - நீராவியால் இயங்கிய முதல் ரெயில் வேல்சில் இயக்கி சோதித்து பார்க்கப்பட்டது. 1848 - கார்ல் மார்க்ஸ், பிரெட்ரிக் ஏங்கல்ஸ் தமது புகழ்பெற்ற கம்யூனிஸ்ட் அறிக்கையை வெளியிட்டனர். 1907 - நெதர்லாந்தில் எஸ்.எஸ். பேர்லின் என்ற கப்பல் மூழ்கியதில் 125 பேர் கொல்லப்பட்டனர். 1937 - முதலாவது பறக்கும் விமானம் வெற்றிகரமாகப் பறக்க விடப்பட்டது. 1960 - பிடல் காஸ்ட்ரோ கியூபாவின் அனைத்து வியாபார நிறுவனங்களையும் அரசுடமையாக்கினார். 1963 - லிபியாவில் ஏற்பட்ட நிலநடுக்கத்தில் 500 பேர் வரை கொல்லப்பட்டனர். 1965 - மால்கம் எக்ஸ் நியூயார்க் நகரில் இஸ்லாமியத் தீவிரவாதிகளால் சுட்டுக் கொல்லப்பட்டார். 1972 - சோவியத்தின் லூனா-20 சந்திரனில் இறங்கியது. 1974 - சூயஸ் கால்வாயின் மேற்குக் கரையில் இருந்து கடைசி இஸ்ரேலியப் படைகள் வெளியேறின. 2013 - இந்தியாவின் ஐதராபாத் நகரில் நிகழ்ந்த தொடர் குண்டு வெடிப்பில் 20க்கும் மேற்பட்டோர் உயிரிழந்தனர். https://www.maalaimalar.com
  25. பேட்ஸ்மென் அடித்த ஷாட் பவுலர் தலையில் பட்ட பிறகு சிக்ஸ்: நியூஸி. கிரிக்கெட்டில் வினோதம்; ஆபத்திலிருந்து தப்பிய பவுலர் படம். | ட்விட்டர். நியூஸிலாந்தின் உள்நாட்டு 50 ஓவர் கிரிக்கெட் போட்டி ஒன்றில் பேட்ஸ்மென் ஆக்ரோஷமாக அடித்த ஷாட் ஒன்று பவுலர் தலையில் பட்டு பிறகு சிக்ஸருக்குச் சென்ற வினோதச் சம்பவம் நிகழ்ந்துள்ளது. ஆக்லாந்து பேட்ஸ்மென் ஜீத் ராவல், ஆண்ட்ரூ எல்லிஸ் என்ற பவுலரின் பந்தை நேராக ஆக்ரோஷமாக அடிக்க பந்து பவுலர் தலையில் பட்ட பிறகும் சிக்சருக்குப் பறந்தது. கேண்டர்பரி அணியைச் சேர்ந்தவர் பவுலர்/கேப்டன் எல்லிஸ். பந்து தலையில் பட்டதையடுத்து பரிசோதனை மேற்கொண்டார். ஆனால் ஒன்றும் ஆபத்தில்லை என்றவுடன் ஓவரையும் முடித்து பிறகு பேட்டிங்கும் செய்தார். ஃபோர்ட் டிராபிக்கான 50 ஓவர் கிரிக்கெட் தொடரில் ஆக்லாந்து இன்னிங்ஸில் 19வது ஓவரில் இந்த வினோதம் நிகழ்ந்தது. கேப்டன் எல்லிஸ் பந்து வீச வந்தார். அப்போது ஜீத் ராவல் தொடர்ச்சியாக 2 சிக்சர் அடித்தார், இதில் 2வது சிக்ஸர் எல்லிஸின் தலையில் பட்டு சற்றும் எதிர்பாராத விதமாக சிக்சருக்குப் பறந்தது. முதலில் நடுவர் நான்கு ரன்கள் என்று செய்கை செய்தார், பிறகு தன் முடிவை சிக்ஸ் என மாற்றினார். தலையில் அடிபட்டது குறித்து பரிசோதனை செய்வதற்காகச் சென்ற எல்லிஸ் பிறகு ஆபத்து ஒன்றுமில்லை என்று உறுதியானவுடன் 6 ஓவர்களை வீசினார். இந்த ஸ்பெல்லில் அவர் 7 ஓவர்கள் வீசி 52 ரன்களுக்கு 2 விக்கெட்டுகளைக் கைப்பற்றினார். இதில் ஜீத் ராவல் விக்கெட்டும் அடங்கும். ஜீத் ராவல் இது குறித்துக் கூறும்போது, “பந்து அவர் தலையில் பட்டவுடன் அவருக்கு என்ன ஆனதோ என்ற கவலையே மேலிட்டது, ஆனால் சரியான அடிபட்டும் அவருக்கு ஒன்றும் ஆகவில்லை என்றவுடன் மனம் நிம்மதி அடைந்தது. இப்படியாவது நிச்சயம் நல்ல உணர்வை எனக்கு ஏற்படுத்தவில்லை” என்றார். ஜீத் ராவல் 153 பந்துகளில் 149 ரன்களை 10 பவுண்டரிகள் 2 சிக்சர்களுடன் விளாசினார். ஆக்லாந்து 304/6. இலக்கை விரட்டிய கேண்டர்பரி 37.2 ஓவர்களில் 197 ரன்களுக்குச் சுருண்டது. http://tamil.thehindu.com/sports/article22817396.ece?homepage=true
  26. அதிகாரத்துக்குப் போட்டியிடும் சிங்களக் கட்சிகளும் பிரச்சினைகளோடு போராடும் சிறுபான்மையினரும் இவ்வாண்டு தனது 70வது சுதந்திர தினத்தைக் கொண்டாடிய இனப்பிரப்பிரச்சினை நிலவுகின்ற சிறிலங்காவில், வன்முறைகள் நிறைந்த தேர்தல்கள் இடம்பெறும். பெப்ரவரி 10 அன்று இடம்பெற்ற உள்ளூராட்சித் தேர்தல் சிறிலங்காவின் வரலாற்றில் என்றுமில்லாதவாறு மிகவும் அமைதியான முறையில் இடம்பெற்றது. இத்தேர்தலில் 75 சதவீத வாக்களிப்பு இடம்பெற்றதானது மக்கள் தமது வாக்களிக்கும் உரிமையைப் பயன்படுத்துவதில் ஆர்வம் காண்பித்துள்ளனர் என்பதை வெளிப்படுத்துகிறது. தற்போதைய அரசாங்கமானது புதிய தேர்தல் முறைமைக்கான வன்முறைகளற்ற வாக்களிப்பிற்கு பங்காற்றியுள்ளது. ‘முன்னைய தேர்தல்களில் இடம்பெறும் போட்டிமிக்க மற்றும் முரண்பாடான விருப்பு வாக்கு முறைமையானது நாங்கள் அறிமுகப்படுத்தியுள்ள புதிய முறைமையில் காணப்படாமையே தற்போது இடம்பெற்ற தேர்தல் மிகவும் அமைதியான தேர்தலாக இடம்பெறுவதற்குக் காரணமாகும்’ என சிறிலங்கா பிரதமர் ரணில் விக்கிரமசிங்க இதற்கான காரணத்தை விளக்கியுள்ளார். புதிய தேர்தல் முறைமை அறிமுகப்படுத்தப்படுவதானது வருகின்ற பொதுத் தேர்தலில் தற்போதைய அரசாங்கத்திற்கு நலன் பயக்கும் என விக்கிரமசிங்க மேலும் தெரிவித்தார். 1983 தொடக்கம் 2009 வரையான காலப்பகுதியில் உள்நாட்டு யுத்தத்தால் மிகவும் மோசமான முறையில் பாதிக்கப்பட்ட சிறிலங்காவில் வன்முறைகளற்ற தேர்தல் இடம்பெற்றதானது உண்மையில் வரவேற்கத்தக்கதாகும். எனினும், உள்ளூராட்சித் தேர்தல் பெறுபேறானது தற்போது ஆட்சியிலுள்ள கட்சிகளுக்கு சாதகமாக காணப்படவில்லை. உள்ளூராட்சித் தேர்தல் என்பது நாடாளுமன்ற மற்றும் அதிபர் தேர்தல்களைப் போன்ற பாரியதொரு தாக்கத்தை சிறிலங்காவில் ஏற்படுத்துவதில்லை எனினும் இம்மாதம் இடம்பெற்ற உள்ளூராட்சித் தேர்தலில் சிறிலங்காவின் முன்னைய ஆட்சியாளர் மகிந்த ராஜபக்ச வெற்றி பெற்றதானது, அவர் மிக விரைவாக மீண்டும் அரசியலில் முன்னிலைக்கு வந்துள்ளார் என்பதையும் அரசியல் அதிகாரத்தை மீளப்பெறுவதற்கான சாத்தியத்தைக் கொண்டுள்ளார் என்பதையும் சுட்டிக்காட்டுகிறது. 20115ல் இடம்பெற்ற அதிபர் தேர்தலில் மைத்திரிபால சிறிசேன 51 சதவீத வாக்குகளைப் பெற்றமையால் ராஜபக்ச தோல்வியுற்றார். சிறிலங்காவில் வாழும் தமிழ் மற்றும் முஸ்லீம் சமூகத்தினர் மைத்திரிபால சிறிசேனவின் வெற்றிக்குத் துணைநின்றனர். சிறிலங்கா சுதந்திரக் கட்சியைப் பிரதிநிதித்துவப்படுத்தும் சிறிசேன 2015 இடம்பெற்ற அதிபர் தேர்தலில் ஐக்கிய தேசியக் கட்சியுடன் இணைந்து போட்டியிட்டார். 2015 தொடக்கம் சிறிசேனவும் ரணில் விக்கிரமசிங்கவும் நாட்டை ஆட்சி செய்து வருகின்றனர். ராஜபக்ச ஆட்சியிலிருந்த போது இவர் மீது பல்வேறு ஊழல் மோசடிகள் மற்றும் பல்வேறு குற்றச்சாட்டுக்கள் சுமத்தப்பட்ட போதிலும், சிங்கள மக்கள் மத்தியில் ராஜபக்ச ஒருபோதும் தனது பிரபலத்தை இழக்கவில்லை. ராஜபக்ச தனது முன்னைய கட்சியான சிறிலங்கா சுதந்திரக் கட்சியை விட்டு வெளியேறிய பின்னர் புதிய அரசியல் கட்சியை ஆரம்பித்தார். தற்போது இவர் தனது சகோதரர்கள் மற்றும் சிறிலங்கா சுதந்திரக் கட்சியின் முன்னைய உறுப்பினர்களின் ஆதரவுடன் சிறிலங்கா பொதுஜன முன்னணி என்கின்ற கட்சியின் தலைவராக உள்ளார். அண்மையில் இடம்பெற்ற தேர்தலில் ராஜபக்ச வெற்றி பெற்றதன் மூலம் ஐக்கிய தேசியக் கட்சி மற்றும் சிறிலங்கா சுதந்திரக் கட்சி ஆகியவற்றின் மீது ராஜபக்ச பழிக்குப் பழி வாங்கியுள்ளார் என்பதை உணரமுடிகிறது. உள்ளூராட்சித் தேர்தல் இடம்பெற்றதன் பின்னர், தற்போதைய அரசாங்கமானது நாடாளுமன்றைக் கலைத்து மீண்டும் தேர்தலை நடத்த வேண்டும் என ராஜபக்ச அறிக்கை வெளியிட்டிருந்தார். இவரது இந்தப் பின்னணியானது, ராஜபக்ச இந்த நாட்டின் அரசியல் தலைவராக மீண்டும் வருவதற்கான தனது விருப்பை ஒருபோதும் கைவிடவில்லை என்பதைக் காண்பிக்கின்றது. அத்துடன் தனது கட்சி ஆதரவாளர்களிடம் வன்முறைகளில் ஈடுபட வேண்டாம் எனவும் ‘அவர்கள் எமக்கு என்ன செய்தாலும் பிரச்சினையில்லை, நாங்கள் ஒரு எடுத்துக்காட்டாக இருக்க வேண்டும்’ எனவும் ராஜபக்ச குறிப்பிட்டிருந்தார். பெரும்பான்மை சிங்கள கட்சிகளுக்கு வடக்கு கிழக்கில் வாழும் தமிழ் மக்கள் வாக்களிக்கவில்லை என்பதை நடந்து முடிந்த உள்ளூராட்சித் தேர்தல் பெறுபேறுகள் தெளிவாகச் சுட்டி நிற்கின்றன. தமிழ்த் தேசியக் கட்சிகளான இலங்கை தமிழரசுக் கட்சி நடந்து முடிந்த உள்ளூராட்சித் தேர்தலில் வடக்கிலும் கிழக்கிலும் வெற்றி பெற்றுள்ளது. உள்நாட்டுப் போர் இடம்பெற்ற போது வடக்கு கிழக்கில் தமிழீழ விடுதலைப் புலிகளும் அவர்களது ஆதரவாளர்களும் செயற்பட்டனர். தற்போது தமிழீழ விடுதலைப் புலிகள் இல்லாவிட்டாலும் கூட அவர்களது எண்ணங்கள் இன்றும் வடக்கில் காணப்படுகின்றன. தமிழ் சமூகமானது மன அழுத்தத்தினால் பாதிக்கப்படுவதாக சித்திரவதைகள் தொடர்பான அறிக்கையில் குறிப்பிடப்பட்டுள்ளது. அத்துடன் தமிழ் மக்களுக்குச் சொந்தமான நிலங்கள் அபகரிக்கப்பட்டு அங்கு குடியேற்றங்கள் இடம்பெறுவதும் மிகப்பாரியதொரு பிரச்சினையாகக் காணப்படுகிறது. இடம்பெயர்ந்த தமிழ் மக்களின் நிலங்களை சிறிலங்கா இராணுவத்தினர் அபகரித்துள்ளதுடன் இதில் தமது சொந்த நடவடிக்கைகளை விரிவுபடுத்தியுள்ளனர். ஆகவே இது முன்னைய அரசாங்கத்தால் ஏற்பட்ட பிரச்சினை எனினும் தமிழ் மக்கள் தற்போதைய சிங்களத் தலைமை மீதும் நம்பிக்கை வைக்க முடியாதவர்களாக உள்ளனர். இதேபோன்று முஸ்லீம் மக்களுக்குச் சொந்தமான நிலங்களும் அபகரிக்கப்பட்டுள்ளன. 2013ல் சிறிலங்கா முஸ்லீம் காங்கிரசின் தலைவர் ரவூப் ஹக்கீமுடன் உரையாடும் போது இதனை நான் உறுதிப்படுத்தினேன். தனது சமூகத்தைப் பொறுத்தளவில் காணி அபகரிப்பு என்பது மிகவும் முக்கியமானதொரு கேள்வியாக உள்ளதாக அவர் என்னிடம் தெரிவித்தார். மகிந்த ராஜபக்சவின் ஆட்சிக்காலத்தில், அவரது சகோதரரான கோத்தபாய ராஜபக்சவின் ஆதரவுடன் இயங்கிய கடும்போக்கு பௌத்த அமைப்பான பொது பல சேன, முஸ்லீம் எதிர்ப்பு நிகழ்ச்சி நிரலைக் கொண்டிருப்பதுடன், சிறிலங்காவானது பௌத்தர்களுக்கான புனித நிலம் எனவும் பரப்புரை செய்துவருகிறது. 2020ல் அடுத்த அதிபர் தேர்தல் இடம்பெறவுள்ளது. ஆனால் இத்தேர்தலில் தற்போதைய அரசியல் சீர்திருத்தத்தின் படி, மகிந்த ராஜபக்ச அதிபர் வேட்பாளராகப் போட்டியிட முடியாது. ஆனால் நடந்து முடிந்த உள்ளூராட்சித் தேர்தலின் மூலம் தான் மக்கள் மத்தியில் எத்தகைய பிரபலத்தையும் ஆதரவையும் கொண்டுள்ளார் என்பதை மகிந்த ராஜபக்ச காண்பித்துள்ளார். ஆகவே இதன்மூலம் மகிந்தவின் சகோதரர்களில் ஒருவர் அதிபர் தேர்தலில் வேட்பாளராகப் போட்டியிடுவார். ஐக்கிய தேசியக் கட்சி சிறிசேனவிற்கான தனது ஆதரவை விலக்கி தனது கட்சி வேட்பாளர் ஒருவரை அதிபர் தேர்தலில் நிறுத்தலாம். ஆகவே 2020ல் சிறிசேன இவ்வாறான பிரச்சினைகளுக்கு முகங்கொடுக்க வேண்டியேற்படும். பிரதான சிங்களக் கட்சிகள் ஆட்சியைக் கைப்பற்றுவதற்கு போட்டியிடும் அதேவேளையில், சிறிலங்காவில் வாழும் இரு சிறுபான்மை சமூகங்களும் தத்தமது பிரச்சினைகளுடன் போராடிக் கொண்டிருப்பார்கள். ஆங்கிலத்தில் – ANDREAS JOHANSSON வழிமூலம் – Open Democracy மொழியாக்கம் – நித்தியபாரதி http://www.puthinappalakai.net/2018/02/21/news/29263
  27. கூட்டு அரசாங்கம் தொடர்கிறது – நாடாளுமன்றத்தில் அதிகாரபூர்வ அறிவிப்பு ஐக்கிய தேசியக் கட்சியும், ஐக்கிய மக்கள் சுதந்திர முன்னணியும் இணைந்து உருவாக்கிய கூட்டு அரசாங்கம் இன்னமும் நடைமுறையில் இருப்பதாகவும், அது தொடரும் என்றும் சிறிலங்கா நாடாளுமன்றத்தில் இன்று அறிவிக்கப்பட்டுள்ளது. சிறிலங்கா பிரதமரும் ஐதேக தலைவருமான ரணில் விக்கிரமசிங்கவும், ஐக்கிய மக்கள் சுதந்திர முன்னணியின் பொதுச்செயலரும் அமைச்சருமான மகிந்த அமரவீரவும் நாடாளுமன்றத்தில் இதனை அதிகாரபூர்வமாக அறிவித்தனர். தேசிய அரசாங்கம் தொடர்பாக உடன்பாடு இன்னமும் நடைமுறையிலேயே உள்ளது. அதனைத் திருத்துவதற்கு எந்தத் தேவையுமில்லை என்று பிரதமர் ரணில் விக்கிரமசிங்க தெரிவித்தார். அதேவேளை, தேசிய அரசாங்கத்தில் இருந்து ஐக்கிய மக்கள் சுதந்திர முன்னணி விலகவில்லை என்று அந்தக் கட்சியின் செயலாளர் மகிந்த அமரவீர கூறினார். ஐதேக – ஐக்கிய மக்கள் சுதந்திர முன்னணி இணைந்து அமைத்த கூட்டு அரசாங்கம் இன்னமும் நடைமுறையில் உள்ளதா என்று நேற்று நாடாளுமன்றத்தில் எதிர்க்கட்சிகள் கேள்வி எழுப்பியிருந்தன. இதற்கு சபாநாயகர் இன்று பதிலளிப்பதாக கூறியிருந்த நிலையிலேயே இரண்டு கட்சிகளும் தாம் கூட்டு அரசில் இணைந்திருப்பதாக அறிவித்துள்ளன. http://www.puthinappalakai.net/2018/02/21/news/29255
  1. Load more activity