stream_title_14

Showing all content posted in for the last 365 days.

This stream auto-updates     

  1. Past hour
  2. இளமை புதுமை பல்சுவை

    இது இயற்கையின் தீபாவளி... இன்றிரவு மிஸ் பண்ணிராதீங்க! #Orionid இந்தியா தீபாவளியைக் கொண்டாடி ஓய்ந்திருக்கிறது. அடுத்து இயற்கை கொண்டாடப்போகிறது. இந்தியாவில் மட்டும் இல்லை; உலகம் முழுவதும். இயற்கை ஒரு பேரதிசயம்தான். அது எப்பொழுதாவது தனது அழகை வெளிக்காட்டும். அதுவும் பரந்த ஆகாய வெளியில் நடைபெறும் எந்த ஒரு நிகழ்வும் நமக்கு பரவச அனுபவத்தை அள்ளிக்கொடுக்கும். அப்படி ஒரு நிகழ்வு இன்று முதல் அடுத்த இரண்டு நாள்களுக்கு நடைபெற இருக்கிறது. ஓரியானிட் (Orionid) விண்கற்கள் பொழிவு எனப்படும் இதை வரும் 23-ம் தேதி வரை இரவு வானத்தில் காணமுடியும். எப்படி ஏற்படுகிறது இந்த விண்கற்கள் பொழிவு: இதன் வரலாறு ஹேலி வால்நட்சத்திரத்தில் இருந்து தொடங்குகிறது. நம்மில் பலரும் ஹேலி வால்நட்சத்திரம் பற்றிய தகவல்களை கேள்விப்பட்டிருக்கக்கூடும். வான்வெளியில் சுற்றிவரும் ஹேலி வால்நட்சத்திரம் 75 வருடங்களுக்கு ஒரு முறை நமது சூரிய மண்டலத்தில் நுழையும். இது கடந்த 1986-ம் ஆண்டு நமது சூரிய மண்டலத்தில் தென்பட்டது. அப்பொழுது பூமியில் இருந்தும் பார்வைக்கு புலப்பட்டது. ஹேலி வால்நட்சத்திரம் 2061-ம் ஆண்டில் மீண்டும் நமக்கு காட்சியளிக்கும். ஹேலி வால்நட்சத்திரம் மட்டுமின்றி இதுபோன்ற பல வால்நட்சத்திரங்கள் அனைத்தும் ஒரு பாதையில் பயணிக்கும்போது தனது வழியில் பெரும் சிதறல்களை விட்டுச்செல்லும். வால்நட்சத்திரங்களின் சிதறல்கள் இருக்கும் பாதையில் பூமி பயணிக்கும் வேளையில் அதன் சிதறல்கள் பூமியின் வளிமண்டலத்தில் நுழையும்பொழுது விண்கற்கள் பொழிவு ஏற்படும். அப்படி தற்பொழுது ஹேலி வால்நட்சத்திரத்தின் பாதையில் நுழையவிருக்கிறது பூமி. அப்பொழுது ஹேலி வால்நட்சத்திரத்தின் சிதறல்கள் வளிமண்டலத்தில் நுழையும். இதுபோன்ற சமயங்களில் சிதறல்கள் வளிமண்டலத்தில் நுழைவது தொடர்ச்சியாக நிகழும். எப்பொழுது காண முடியும்: ஒவ்வொரு வருடமும் அக்டோபர் மாதத்தின் 20-ம் தேதி முதல் 23-ம் தேதி வரை இரவு நேரங்களில் ஓரியானிட் விண்கற்கள் பொழிவை காண முடியும். நள்ளிரவு 11.30 மணி முதல் அதிகாலை 5.30 மணி வரை ஒவ்வொரு நாளும் இதைக் காணலாம். 21-ம் தேதி இந்தப் பொழிவு அதிக அளவில் இருக்கும். நள்ளிரவு வானத்தில் தூசிகளும் அதிகமான வெளிச்சம் இல்லாத தெளிவான வானத்தில் இதைக் காண முடியும். வால்நட்சத்திரத்தின் சிதறல்கள் அதிகபட்சமாக 238,000 கி.மீ வேகத்தில் வளிமண்டலத்தில் நுழையும். அப்படி நுழையும்பொழுது காற்று உராய்வின்பொழுது ஏற்படும் வெப்பத்தின் காரணமாக எரிந்து சிதறும். அது நம் கண்களுக்கு வானவேடிக்கைபோல தெரியும். தற்போதைய நிலையில், அதிகபட்சமாக ஒரு மணி நேரத்தில் 20 முதல் 25 வரையிலான எண்ணிக்கையில் சிதறல்கள் வளிமண்டலத்தில் நுழையும் வாய்ப்பு இருக்கிறது. NASA‏Verifizierter Account @NASA 13 Std.vor 13 Stunden Be dazzled by the Orionid meteor shower, peaking Oct 20-21! Watch before dawn in a dark area. May see ~20 meteors/hr http://go.nasa.gov/2xVSOPr நகர்ப்புறங்களில் இருந்து வெளிப்படும் அதிக வெளிச்சத்தால் இதைப் பார்ப்பதற்கு வாய்ப்புகள் குறைவாக இருக்கும். எனவே, கிராமப்பகுதிகளில் இருப்பவர்கள் இதைப் பார்ப்பதற்கான வாய்ப்புகள் அதிகம். இதை வெறும் கண்களிலேயே நம்மால் பார்க்க முடியும் இதற்குத் தனியாக தொலைநோக்கிகள் எதுவும் தேவைப்படாது. அதேபோல இதைப் பார்ப்பதால் கண்களுக்கு பாதிப்பு ஏற்படுவதற்கு வாய்ப்பு கிடையாது. ஒரு வருடத்தில் இது மட்டுமின்றி இதுபோல பல விண்கற்கள் பொழிவுகள் வெவ்வேறு மாதங்களில் நிகழ்கின்றன. இதற்கு முன்னால் இதுபோன்ற ஒன்றை பார்த்திராதவர்களுக்கு இது நிச்சயமாக ஒரு புது அனுபவமாக இருக்கும். தீபாவளியன்று வான வேடிக்கைகளை ரசித்திருப்போம். அதேபோல இயற்கை நிகழ்த்தும் இந்த வானவேடிக்கையும் பார்த்துவிடுங்கள். http://www.vikatan.com
  3. அதிகாரப் பகிர்வு மக்களுக்கே அன்றி அரசியல்வாதிகளுக்கு அல்ல – வவுனியாவில் – ஜனாதிபதி அதிகாரப் பகிர்வு அரசியல்வாதிகளுக்கு அல்ல, அது மக்களை பலப்படுத்தி அவர்களின் தேவைகளை நிறைவேற்றுவதற்காகவேயாகும் என்று ஜனாதிபதி மைத்ரிபால சிறிசேன தெரிவித்தார். அபிவிருத்தியின் நன்மைகளை அனைவருக்கும் பெற்றுக்கொடுத்து சமமான வசதிகளுடன் கூடிய நியாயமானதொரு சமூகத்தில் வாழ்வதற்கான சூழ்நிலையை ஏற்படுத்திக் கொடுப்பதே அதிகாரப் பகிர்வின் நோக்கமென குறிப்பிட்ட ஜனாதிபதி, அது ஒருபோதும் நாட்டை பிளவுபடுத்துகின்ற, துண்டாடுகின்ற நிகழ்ச்சித்திட்டமாக இருக்கக் கூடாதென்றும் தெரிவித்தார். இன்று (21) முற்பகல் வவுனியா சைவப் பிரகாஷ மகளிர் கல்லூரியில் இடம்பெற்ற வவுனியா மாவட்ட ‘உத்தியோகபூர்வ பணி’ ஜனாதிபதி சேவை நிகழ்ச்சித்திட்டத்தின் இறுதி நிகழ்வில் கலந்துகொண்டு உரையாற்றும் போதே ஜனாதிபதி இதனைத் தெரிவித்தார். நாட்டுக்குத் தேவையான அபிவிருத்தியையும் அரசியல் சீர்திருத்தத்ததையும் மேற்கொள்வதற்கு தற்போதைய அரசாங்கம் அர்ப்பணிப்புடன் உள்ளதாக குறிப்பிட்ட ஜனாதிபதி, இந்த நிகழ்ச்சித்திட்டத்தை அரசாங்கம் நடைமுறைப்படுத்துகின்றபோது பல்வேறு எதிர்ப்புகள் உருவாகி வருவதாக தெரிவித்தார். நாட்டுக்குத் தேவையான அரசியல் சீர்திருத்தத்தை மேற்கொள்கின்றபோது அதற்கெதிராக செயற்படுகின்ற அனைவரும் இந்த நாட்டில் ஏற்பட்டிருக்கின்ற பிரச்சினைகளுக்கான உண்மையான யதார்த்தத்தை புரிந்துகொண்டு செயற்பட வேண்டும் என்றும் இன்று இப்பிரச்சினைகளுக்கு தீர்வுகளை வழங்காது விட்டால் எதிர்காலத்தில் ஏற்படுகின்ற பிரச்சினைகளுக்கு அவர்கள் அனைவரும் வகைகூற வேண்டும் என்றும் ஜனாதிபதி சுட்டிக்காட்டினார். இந்த நிகழ்ச்சித்திட்டத்திற்கு எதிராக விமர்சனங்களையும் ஆர்ப்பாட்டங்களையும் முன்னெடுக்கும் எவரிடமும் இந்த பிரச்சினைகளுக்கான தீர்வுகள் குறித்த எந்தவொரு முன்மொழிவும் கிடையாதெனக் குறிப்பிட்ட ஜனாதிபதி, நாட்டில் ஏற்படுத்த வேண்டிய அரசியல் சீர்திருத்தம் குறித்த முன்மொழிவுகளை முன் வைக்குமாறு தான் அவர்களிடம் கேட்டுக்கொள்வதாகவும் குறிப்பிட்டார். புதிய அரசியலமைப்பு தொடர்பில் உத்தேச வரைபு கூட இன்னும் உருவாக்கப்படவில்லை என்பதுடன், அனைவரினதும் கருத்துக்கள், முன்மொழிவுகளை பெற்று உரையாடலுக்கு உட்படுத்தி பாராளுமன்றத்தில் முன் வைக்கப்பட்டுள்ள அறிக்கையில் நாட்டின் ஒருமைப்பாடு, பௌத்த சமயத்திற்குரிய இடம், நாட்டில் உள்ள அனைத்து மக்கள் மத்தியிலான நல்லிணக்கம் மற்றும் சமத்துவமான சமூகம் குறித்த தெளிவான விடயங்கள் உள்ளடக்கப்பட்டிருப்பதாக ஜனாதிபதி தெரிவித்தார். அந்த அறிக்கையில் குறிப்பிடப்படாத விடயங்களை சுட்டிக்காட்டி சிலர் மக்கள் மத்தியில் பிழையான கருத்துக்களை ஏற்படுத்த முயற்சித்து வருவதாக குறிப்பிட்ட ஜனாதிபதி, இன்று சில பத்திரிகைககள் மற்றும் ஊடகங்கள் வாயிலாக மக்களை பிழையாக வழிநடத்தும் போலிப் பிரசாரங்கள் முன்னெடுக்கப்படுவதாகவும் நாட்டுக்காக தமது பொறுப்புக்கள் என்னவென்று விளங்கி செயற்படுமாறு தான் அவர்கள் அனைவரிடமும் கேட்டுக்கொள்வதாகவும் ஜனாதிபதி குறிப்பிட்டார். வவுனியா மாவட்டத்தில் நிரந்தர காணி உறுதிகள் இல்லாத மக்களுக்கு 5000 காணி உறுதிகளை வழங்கும் நிகழ்வை ஆரம்பித்து வைத்தல், இம்முறை புலமைப்பரிசில் பரீட்சையில் சிறந்த பெறுபேறுகளை பெற்ற மாணவர்களுக்கு பரிசில்களை வழங்குதல், தேசிய உணவு உற்பத்தி நிகழ்ச்சிதிட்டத்தின் கீழ் தெங்கு அபிவிருத்தி சபையினால் தென்னங் கன்றுகளை வழங்குதல், வரட்சியினால் பாதிக்கப்பட்ட மக்களுக்கு குடிநீர் வழங்குவதற்குத் தேவையான இரண்டு பௌசர்களை பெற்றுக்கொடுத்தல் உள்ளிட்ட பல்வேறு நிகழ்ச்சித்திட்டங்கள் ஜனாதிபதியின் தலைமையில் மேற்கொள்ளப்பட்டன. பிரதமர் ரணில் விக்கிரமசிங்க, உள்நாட்டலுவல்கள் அமைச்சர் வஜிர அபேவர்தன, அமைச்சர்களான கயந்த கருணாதிலக்க, எஸ்.பி.நாவின்ன, ரிஷாட் பதுர்தீன், இராஜாங்க அமைச்சர் விஜயகலா மகேஸ்வரன், வட மாகாண ஆளுநர் ரெஜினோல்ட் குரே, பாராளுமன்ற உறுப்பினர்களான கே.காதர் மஸ்தான், எம்.ஏ.சுமந்திரன், செல்வம் அடைக்கலநாதன் உள்ளிட்ட மக்கள் பிரதிநிதிகளும் மாவட்ட செயலாளர் எம்.பி.ஆர்.புஸ்பகுமார உள்ளிட்ட அரசாங்க அதிகாரிகளும் இந்நிகழ்வில் கலந்துகொண்டனர். http://globaltamilnews.net/archives/46293
  4. புங்குடுதீவு மாணவி வித்தியா வீட்டுக்கு சென்ற ஜனாதிபதி குடும்பத்தின் எதிர்கால நடவடிக்கைகளுக்கு உதவுவதாக உறுதி யாழ்ப்பாணத்தில் படுகொலை செய்யப்பட்ட புங்குடுதீவு மாணவி வித்தியாவின் தாயார் ஜனாதிபதியை இன்றையதினம் சந்தித்துள்ளார் வவுனியா சென்ற ஜனாதிபதி மைத்திரிபால சிறிசேன வித்தியாவின் குடும்பத்தின் சுகதுக்கங்களை கேட்டறிவதற்காக அவரது வீட்டுக்கு சென்றுள்ளார். வவுனியா சைவப் பிரகாஷ மகளிர் கல்லூரியில் இடம்பெற்ற வவுனியா மாவட்ட ‘உத்தியோகபூர்வ பணி’ ஜனாதிபதி சேவை நிகழ்ச்சித்திட்டத்தின் இறுதி நிகழ்ச்சியின் முடிவில் வவுனியா பிரதேசத்தில் உள்ள அவர்களது வீட்டுக்கு சென்ற ஜனாதிபதி, வித்தியாவின் குடும்ப உறுப்பினர்களின் சுகதுக்கங்களை கேட்டறிந்தார். மாணவி வித்தியாவின் மூத்த சகோதரியின் உயர் கல்வி நடவடிக்கைக்காகவும் அவரது குடும்பத்தின் எதிர்கால நடவடிக்கைகளுக்காகவும் முடிந்த உதவிகளை வழங்குவதாக ஜனாதிபதி குறிப்பிட்டார். மாணவி வித்தியாவின் கொலைக்கு சட்ட ரீதியான நடவடிக்கைகளை துரிதப்படுத்துவதற்காக ஜனாதிபதி வழங்கிய உதவி குறித்து அவரின் தாயார் ஜனாதிபதிக்கு நன்றி தெரிவித்தார். http://globaltamilnews.net/archives/46296
  5. இந்த வாரத்துக்கான வடமாகாண முதலமைச்சருக்கான கேள்வியும் பதிலும் – குளோபல் தமிழ்ச் செய்தியாளர் வாரத்திற்கு ஒரு கேள்வி : மக்களால் கேட்கப்படும் பொதுவான கேள்விகளில் ஒன்றைத் தேர்ந்தெடுத்து முதலமைச்சர் விக்னேஸ்வரன் வாராவாரம் தனது கருத்துக்களை மக்களுடன் பகிர்ந்து கொள்கின்றார். இந்த வாரத்தின் கேள்வியும் பதிலும் இதோ – கேள்வி – அரசியல் யாப்பை மாற்றக்கூடாதென மகா நாயக்க தேரர்கள் கோரியிருப்பதாக செய்தி வந்தது. தற்போது பிரதமர் மகா நாயக்க தேரர் ஒருவர் வெளி நாட்டில் இருக்கும் போது இவ்வாறான தவறான செய்தியைப் பத்திரிகைகள் வெளியிட்டுள்ளதாகக் கூறியுள்ளார். இது பற்றி உங்கள் கருத்து என்ன? பதில் – இன்று தமிழர்கள் படும் அவஸ்தைக்குப் போதிய உரித்துக்கள் அவர்களுக்கு சட்டப்படி வழங்கப்படவில்லை என்பதை விட தமிழர்களுக்கு எதுவும் வழங்கப்படாது என்ற, சிங்களவர்களுள் ஒரு சாராரிடம் வெறியாக அமிழ்ந்திருக்கும், எண்ணமே காரணம். அந்த வெறிதான் பண்டா செல்வநாயகம் உடன்பாட்டை கிழித்தெறியச் செய்தது. டட்லி செல்வநாயகம் உடன்பாட்டை கைவிடச் செய்தது. தமிழ் மக்களின் விடிவுக்கென ஒருவரால் நடவடிக்கை எடுக்கும் போது அதற்கு எதிர்ப்புக்காட்டி வந்தமைக்கு இந்த வெறியே காரணம். அதற்கு பிரதமர் கௌரவ இரணில் விக்கிரமசிங்க ஒரு விதிவிலக்காக இருந்தார் என்று கூறமுடியாது. சந்திரிக்கா அம்மையார் 2000ஆம் ஆண்டில் அரசியல் யாப்புத் திருத்தம் பற்றிப் பேசிய போது அந்தத் திருத்த ஏற்பாடுகளின் பிரதிகளை அவரின் கட்சி உறுப்பினர்கள் பாராளுமன்றத்தினுள்ளேயே எரித்தனர். அந்த வெறியை அப்போது கௌரவ இரணில் விக்கிரமசிங்க அவர்கள் தமது கட்சிக்கு சார்பாகப் பாவித்தார் என்றும் கூறலாம். ஆக மொத்தத்தில் தமிழர்களுக்கு எந்த விதச் சலுகையும் அளித்து விடக்கூடாது என்பதில் சிங்களத் தலைவர்களுள் ஒரு முக்கியமான பிரிவினர் கண்ணும் கருத்துமாக இருந்து வந்துள்ளனர். பௌத்த சங்கத்தினர் அதற்கு விதிவிலக்கல்ல. இவ்வாறான தமிழர் மீதான வெறுப்பின் அடியை அல்லது ஆரம்பத்தை நாம் அடையாளம் காண வேண்டுமானால் 1919ம் ஆண்டுக்குச் செல்ல வேண்டும். இலங்கையர்களுக்குக் கூடிய அரசியல்ச் சட்ட சலுகைகளையும் உரிமைகளையுந் தாம் தர இருப்பதாகவும் எல்லாப் பிரிவினரும் அதாவது முக்கியமாகத் தமிழ், சிங்கள மக்கட் தலைவர்கள் ஒன்று சேர்ந்து எவ்வாறான அரசியல்ச்சட்டரீதியான திருத்தங்கள் கொண்டுவர வேண்டுமென்று கேட்கின்றார்களோ அவற்றை அவர்கள் தருவதாக ஆங்கிலேயர்கள் அறிவித்தனர். முக்கியமாக மக்கள் பிரதிநிதிகளை எவ்வாறு தேர்ந்தெடுக்க வேண்டும் என்பதில் இரு சாராரும் ஒருமித்த கருத்தை முன்வைத்தால் தாம் அதை ஏற்றுக்கொள்வதாக ஆங்கிலேயர்கள் கூறினர். வடமாகாணத் தமிழ் மக்களின் சங்கத் தலைவராக அப்போது கௌரவ சபாபதி அவர்கள் இருந்தார். சிங்கள மக்கட் தலைவர்கள் பிரதேச வாரியாக நாட்டைப் பிரித்து ஒவ்வொரு பிரதேசத்திற்கும் ஒருவரைத் தேர்தல் மூலம் நியமிக்க வேண்டும் என்று கோரிய போது கௌரவ சபாபதி அவர்கள் அது தமிழ் மக்களுக்கு நன்மை பயக்காது என்றும் இனரீதியாக அந்தந்த இனங்களைப் பாதுகாக்கும் வண்ணம் பிரதிநிதிகள் தேர்ந்தெடுக்கப்பட வேண்டும் என்ற கோரிக்கையை முன்வைத்தார். அதுவரையில் ஆங்கிலேயர் செய்து வந்ததும் அதைத்தான். அதாவது இனங்கள் எல்லாவற்றையும் சமமாகக் கருதி அந்தந்த இனங்களுக்காக பிரதிநிதிகளை ஆங்கிலேயர் நியமித்து ஆட்சியை நடாத்தி வந்தனர். இதை எப்படியாவது பிரதேசவாரித் தேர்தல் முறைக்கு மாற்ற சிங்களத் தலைவர்கள் கங்கணம் கட்டியிருந்தார்கள். அதாவது அவர்களின் பின்னணியில் நாட்டின் முழுமையான அதிகாரக் கையேற்பு என்ற குறிக்கோள் கரவாக உள்ளிருந்தது. தமிழ் மக்களின் எதிர்ப்பு இருந்ததை அறிந்து அவர்கள் சேர் பொன்னம்பலம் அருணாசலத்தை அண்டினார்கள். ஆங்கிலேயரின் சட்டவாக்க மன்றத்தில் முன்னர் கடமையாற்றியவர் என்ற முறையிலும் பல முக்கியமான அரச பதவிகளை வகித்தவர் என்ற முறையிலும் அவருக்கு சகல மக்களிடையேயுஞ் செல்வாக்கு இருந்தது. அத்துடன் அவர் சிங்கள மக்கட் தலைவர்களை முழுமையாக நம்பியிருந்தார். அவரைப் பொறுத்தவரையில் தமிழர்களும் சிங்களவர்களும் இந்த நாட்டின் இரு கண்கள் என்றும்; இந்து மதமும் பௌத்தமும் ஒரே பாரம்பரியத்தில் உதித்ததாலும்; இந்து மத ஆதிக்கம் பௌத்தத்தில் நடைமுறையில் காணப்பட்டதாலும் இலங்கையானது மத இணக்கத்திலும், இன இணக்கத்திலும் மேம்பட்டு நல்லிணக்கத்திற்கும் ஒத்துழைப்புக்கும் ஒரு எடுத்துக்காட்டாக வருங்காலத்தில் அமையும் என்ற அசைக்கமுடியாத நம்பிக்கையைக் கொண்டிருந்தார். அவரை அண்டி கௌரவ சபாபதியின் மனதை மாற்றி பிரதேச வாரியான தேர்தலுக்கு அவரை உடன்பட வைக்க வேண்டும் என்று கோரினார்கள் அப்போதைய சிங்களத் தலைவர்களான சேர். ஜேம்ஸ் பீரிசும், ஈ.ஏ.சமரவிக்கிரம அவர்களும். கொழும்பில் தமிழர்களுக்கென ஒரு மேலதிக ஆசனத்தைத் தருவதாக அவர்கள் எழுத்து மூலம் ஒப்புக் கொண்டார்கள். வடமாகாணத்திற்கு மூன்று ஆசனங்கள், கிழக்கிற்கு இரண்டு ஆசனங்கள் கொழும்புக்கு ஒரு ஆசனம் என்று கூறப்பட்டது. மலை நாட்டில் இருந்தும் தமிழ்ப் பிரதிநிதிகள் தேர்ந்தெடுக்கப்படக்கூடிய சாத்தியக் கூறுகள் இருந்ததாலும் மேலும் தமிழ்ப்பேசும் முஸ்லீம்கள் தேர்ந்தெடுக்கப்படக்கூடிய சாத்தியக் கூறுகள் இருந்ததாலும்; 55 ஆசனங்களில் இலங்கைத் தமிழர், இந்திய வம்சாவழித் தமிழர், தமிழ்ப் பேசும் முஸ்லீம் மக்கள், தமிழ்ப் பேசும் மலாய் மக்கள் எனப் பலரும் தேர்ந்தெடுக்கப் படுவார்கள் என்ற அடிப்படையில் இனரீதியான பிரதிநிதித்துவத்தைக் கைவிட்டு பிரதேச ரீதியான பிரதிநிதித்துவத்திற்கு உடன்படுமாறு சேர் அருணாச்சலம் அவர்கள் கோர அதைத் தட்டமுடியாமல் கௌரவ சபாபதி அவர்கள் பிரதேசப் பிரதிநிதித்துவத்திற்கு ஒத்துக் கொண்டார். சிங்கள மக்கட் தலைவர்கள் மத்தியில் கரவான எண்ணமொன்று இருந்து வந்ததை சேர் அருணாசலம் அவர்கள் அறிந்திருக்க வில்லை. உண்மையில் தமையனார் சேர் பொன்னம்பலம் இராமநாதன் அவர்கள் சிங்கள மக்கட் தலைவர்கள் கபட உள்ளம் கொண்டவர்கள், அவர்களை நம்பாதே என்று தம்பியை எச்சரித்தும் இன்றைய எமது தமிழ் மக்கட் தலைவர்கள் போல் அன்று சிங்கள அரசியல்த் தலைவர்களை சேர் பொன்னம்பலம் அருணாசலம் அவர்கள் நம்பிக் கெட்டார். ஆறு கடந்ததும் நீயாரோ நான் யாரோ என்றனர் அச் சிங்களத் தலைவர்கள். பிரதேச வாரியான தேர்தல் முறையைத் தமிழர்களும் சிங்களவர்களும் ஒத்துக் கொண்ட உடனே அதன் அடிப்படையில் தேர்தல்களை நடத்தினார்கள் ஆங்கிலேயர்கள். சிங்களவர்கள் பெரும்பான்மையாக பிரதேச ரீதியாக நியமிக்கப்பட்டார்கள். அரசியல் அதிகாரம், நிர்வாக அதிகாரம் போன்றவை சிங்கள மக்கட் தலைவர்கள் வசம் சிக்குண்டன. தமிழர்களுக்கென கொழும்பில் ஒரு ஆசனம் என்றவர்கள் தேர்தலின் போது அதற்கு இடமளிக்கவில்லை. சேர் அருணாசலம் அவர்கள் ஏமாற்றப்பட்டார். சிங்கள ஆதிக்கம் அப்பொழுதிருந்தே ஆரம்பமாகியது. அதிகாரத்தைத் தம்வசம் எடுத்துக் கொண்ட சிங்கள மக்கட் தலைவர்கள் அதனைச் சிறிதும் தளர்த்த முன்வந்தாரில்லை. மாறாக அரச அவை (State Council) தாபிக்கப்பட்ட போது சிங்களவர் மட்டும் அமைச்சரவையை (Pan Sinhala Cabinet) நியமித்தார்கள். அதற்கு அடி எடுத்துக் கொடுத்தவர் எமது மதிப்பிற்குரிய அப்போதைய கணிதப் பேராசிரியர் திரு.சி.சுந்தரலிங்கம் அவர்கள். ஆகவே இன்று அரசியல் அமைப்பில் மாற்றம் வேண்டாமென்று மகா நாயக்க தேரர்களோ வேறெந்த சிங்களத் தலைவர்களோ கோருகின்றார்கள் என்றால் அதற்கு ஒரு முக்கிய காரணம் உண்டு. அன்று 1919ம் ஆண்டில் இருந்து தாம் பெற்றுக் கொண்ட அரசியல் அதிகாரத்தை எவ்வகையிலேனும் விட்டுக்கொடுக்கக் கூடாது என்பதே அவர்களின் குறிக்கோளும் அபிலாஷையும். அதிகாரம் பகிரப்பட்டால் இதுவரை சிங்கள மக்கட் தலைவர்கள் முழு நாட்டையும் ஆண்டு வந்த முறைமை இல்லாதொழிக்கப்படும். மீண்டுந் தமிழ் மக்கள் தங்கள் தங்கள் இடங்களில் தலை நிமிர்ந்து வாழத் தலைப்பட்டுவிடுவார்கள் என்ற பயமே அவர்களின் இந்தக் கோரிக்கைக்குக் காரணம். எப்பொழுதுமே சிங்கள அரசியல் தலைவர்களுக்கு தமிழ் மக்கள் மீது ஒரு பயம் இருந்து வந்துள்ளது. ஆங்கிலேயர் காலத்தில் இரு தரப்பாரும் பரீட்சைகளில் ஒருமித்து ஆஜரானால் தமிழர்கள் எந்த துறையானால் என்ன அவற்றில் சிறப்பாகப் பரீட்சை எழுதி வெற்றி காண்பார்கள் என்பது அவர்களுக்குத் தெரியும். ஆகவே தமிழர்களை எழும்ப விடக்கூடாது என்ற எண்ணம் அவர்கள் மனதில் கரவாக இடம்பிடித்திருந்தது. அவ்வாறான கரவு எண்ணங்கள் கொண்ட பலர் இன்றும் சிங்கள மக்கட் தலைவர்களிடையே வாழ்கின்றார்கள். அவர்களின் சிந்தனையும் எதிர்பார்ப்புமே அரசியல் யாப்பில் மாற்றம் வேண்டாமென்பது. இதன் அடிப்படை நோக்கம் தமிழர்களுக்கு ஆட்சி அதிகாரம் கொடுக்கும் போது அதனை நிர்ணயிக்கும் பொறுப்பைத் தாம் தம் வசம் வைத்துக் கொண்டே கொடுக்க வேண்டும் என்ற எண்ணமே. தேரர்களோ வேறெவறாயினும் அரசியல் அமைப்பில் திருத்தம் கொண்டுவர வேண்டாம் என்றால் அதற்குரிய காரணம் நான் மேலே குறிப்பிட்ட காரணங்களேயாவன. http://globaltamilnews.net/archives/46287
  6. புலமைப்பரிசில் சித்தியடைந்த மாணவர்களை புறக்கணித்த மைத்திரி வவுனியா சைவப்பிரகாச மகளிர் கல்லூரியில் இன்று காலை 9.30 மணியளவில் "நில மெஹெவர ஜனாதிபதி மக்கள் சேவை" ஜனாதிபதி மைத்திரிபால சிறிசேன அவர்களின் தலமையில் இடம்பெற்றது. இந் நிகழ்வில் பிரதமர் ரணில் விக்கிரமசிங்க உட்பட அமைச்சர்கள், பாராளுமன்ற உறுப்பினர்கள், வடமாகாண சபை உறுப்பினர்கள், அரச உத்தியோகத்தர்கள், பொதுமக்கள் என பலரும் கலந்து கொண்டனர். இந் நிகழ்வின் போது இந்த வருடம் இடம்பெற்ற புலமைப்பரீட்சையில் சித்தியடைந்த மாணவர்களை கௌரவிக்கும் முகமாக ஜனாதிபதி மைத்திரிபால சிறிசேன அவர்களினால் பரிசில்கள் வழங்கப்படவிருந்த நிலையில் அக் கௌரவிப்பு இடம்பெறமால் மாவட்ட மாவட்டத்தில் முதலிடத்தினை பெற்ற மாணவர்களுக்கு மாத்திரம் கௌரவிப்பு நிகழ்வு இடம்பெற்றது. இதனையடுத்து ஏனைய மாணவர்களும், பெற்றோர்களும் மிகுந்த மனவேதனையுடன் சென்றதை காணக்கூடியதாகவிருந்தது. இவ் விடயம் தொடர்பாக பெற்றோர் ஒருவர் கருத்து தெரிவிக்கையில், "இவ்வருடம் இடம்பெற்ற புலமைப்பரிசில் சித்தியடைந்த மாணவர்களுக்கு வவுனியா பிரதேச செயலகத்தின் ஏற்பாட்டில் ஜனாதிபதியின் கைகளினால் பரிசில்கள் வழங்கப்படவுள்ளது, எனவே அனைவரும் உங்கள் பிள்ளைகளை வவுனியா சைவப்பிரகாச கல்லூரிக்கு அழைத்து வருமாறு பிரதேச செயலகத்தினால் அழைப்பு விடுக்கப்பட்டிருந்தது. அதனை நம்பி நாங்கள் எமது பிள்ளைகளுடன் வந்தோம். ஆனால் பரிசில்கள் எவையும் வழங்கப்படாமையினால் மிகுந்த வேதனையளிக்கின்றது. எனது மகன் இன்று காலை ஜனாதிபதியின் கையால் பரிசில் வாங்கவுள்ளேன் என சந்தோசத்தில் வந்தான். ஆனால் தற்போது அழுது கொண்டு செல்கின்றான்" என தெரிவித்தார். இது சம்பந்தமாக ஏற்பாட்டுக்குழுவுடன் தொடர்பு கொண்டு வினாவிய போது, ஜனாதிபதிக்கு நேரமின்மை காரணமாகவே இவ் கௌரவிப்பு நிகழ்வு நிறுத்தப்பட்டதாக தெரிவித்தனர். http://www.virakesari.lk/article/26123
  7. இசைஞானி

    இல்லை முகநூல் அறிமுகம் தான் மிகத் தீவிர இளையராஜா ஃபான் இல்லை முகநூல் அறிமுகம் தான் மிகத் தீவிர இளையராஜா ஃபான் ராஜா ராஜா தான்....! மூன்றே நாட்களில் ரீ–ரிக்கார்டிங்கை முடித்தார்.....! இளை­ய­ரா­ஜா­வின் அண்­ணன் பாஸ்­கர் அடிக்­கடி போய் சந்­திக்­கும் நண்­பர்­க­ளில் ஒரு­வர், கலை­ஞா­னம். அவர் அப்­போது தேவர் பிலிம்ஸ் கதை இலா­கா­வில் இருந்­தார். அவர் அப்­போது ஒரு படம் தயா­ரிக்­கப் போவ­தா­க­வும், இயக்­கு­னர் ஸ்ரீத­ரி­டம் உத­வி­யா­ள­ராக இருந்த பாஸ்­கர் என்­ப­வர் படத்தை இயக்­கப் போவ­தா­க­வும் இளை­ய­ரா­ஜா­வின் அண்­ணன் பாஸ்­க­ரி­டம் சொல்லி, படத்­திற்கு இளை­ய­ரா­ஜாவை இசை­ய­மைக்க ஒப்­பந்­தம் செய்­ய­வேண்­டும் என்­றும் கேட்­டி­ருக்­கி­றார். அவ­ரும் இளை­ய­ரா­ஜா­வி­டம் இவரை அழைத்­துச் செல்ல, கதை கேட்ட இளை­ய­ராஜா இசை­ய­மைக்க ஒப்­புக்­கொண்­டார். படத்­தின் பெயர் 'பைரவி.' படத்­தின் நாய­கன், ரஜினி. நாயகி, ஸ்ரீப்­ரியா. இயக்­கு­னர் பால­சந்­த­ரி­டம் இரண்டு ஹீரோக்­க­ளாக கம­லும், ரஜி­னி­யும் நடித்து கொண்­டி­ருந்­த­வர்­கள், தனித்­தனி ஹீரோக்­க­ளாக நடிக்க முடி­வெ­டுத்த கால­கட்­டம் இது. பாடல் பதி­விற்கு முன்­னமே படப்­பி­டிப்பு தொடங்­கி­யது. படப்­பி­டிப்­பில் ஒரு முறை ரஜி­னியை நேரில் பார்த்த இளை­ய­ராஜா சொன்­னது:– “ரஜி­னியை படப்­பி­டிப்­பில் நேரில் பார்த்­த­போது, ஒரு நெருப்பு கனன்று கொண்­டி­ருப்­பது போல இருந்­தது. எனக்­குள்­ளும் அப்­படி ஒரு நெருப்பு ஓடிக்­கொண்­டி­ருந்­தது. அன்று எங்­கள் இரு­வ­ரு­டைய பேச்­சும் சாதிக்க வேண்­டிய இலக்கு பற்­றியே இருந்­தது.” இன்று இரு­வ­ரும் அவ­ர­வர் வழி­யில் சாதித்து விட்­ட­னர். படப்­பி­டிப்­பில் கலை­ஞா­ன­மும், பாஸ்­க­ரும் இளை­ய­ரா­ஜா­வி­டம் சென்று தேவை­யான பாடல்­களை உட­ன­டி­யாக ரிக்­கார்­டிங் செய்­ய­வேண்­டும் என்று கேட்­ட­தும், கவிதா ஓட்­ட­லில் கவி­ய­ர­சர் கண்­ண­தா­ச­னு­டன் கம்­போ­சிங் தயா­ரா­னது. இயக்­கு­னர் பாடல்­க­ளுக்­கான சிச்­சு­வே­ஷனை சொல்ல, டியூன்­களை வாசித்­துக் காட்­டி­னார் இளை­ய­ராஜா. ஒரு பாட­லுக்­கான சிச்­சு­வே­ஷ­னைக் கேட்­ட­தும், கிரா­மப்­பு­றத்­தில் பாடப்­ப­டும் குழந்­தை­க­ளின் விளை­யாட்­டுப் பாட­லான ''நண்­டூ­ருது நரி­யூ­ருது'' என்ற பாடலை பல்­ல­வி­யாக வைத்­தால் நன்­றாக இருக்­கும் என்று சொல்லி டியூனை ''நண்­டூ­ருது நரி­யூ­ருது…'' என்ற சந்­தத்தை வைத்தே தொடங்­கி­னார் இளை­ய­ராஜா. கவி­ய­ர­ச­ரும் ''நண்­டூ­ருது'' என்றே தொடங்கி பாடலை எழு­தி­னார். இந்த பாட­லின் சர­ணத்­தில் தங்­கையை இழந்து, தங்­கையை கொன்­ற­வர்­க­ளைப் பழி­வாங்க துடிக்­கும் அண்­ணன் உச்­சஸ்­தா­யி­யில் வரும் “ஏழைக்கு வாழ்வு என்று எழு­தி­ய­வன் எங்கே?” என்ற வரி­கள் அரு­மை­யாக இருக்­கும். இந்த வரி­க­ளுக்கு ஏற்ப படத்­தி­லும் மிக அரு­மை­யா­கப் பட­மாக்­கி­யி­ருப்­பார் இயக்­கு­னர். இந்த வரி­க­ளைப் பட­மாக்­கும் போது இளை­ய­ரா­ஜா­வும் படப்­பி­டிப்­புத் தளத்­தில் இருந்­தி­ருக்­கி­றார். இந்த படத்­தில் இடம்­பெற்ற நான்கு பாடல்­க­ளில் சொல்­ல­வேண்­டிய இன்­னும் ஒரு பாடல் கவி­ய­ர­சர் எழு­திய “கட்­ட­புள்ள குட்­ட­புள்ள… கரு­க­மணி போட்ட புள்ள…” பாடல். இந்த பாட­லின் கம்­போ­சிங்­கும் கவிதா ஓட்­ட­லில்­தான் நடந்­தது. இயக்­கு­னர் கலை­ஞா­னத்­தைப் பார்ப்­ப­தற்­காக சில விநி­யோ­கஸ்­தர்­கள் வந்­தி­ருந்­த­னர். அவர்­களை கண்­ண­தா­னி­டம் அறி­மு­கப்­ப­டுத்­தி­னார் இயக்­கு­னர். இவர்­க­ளைப் பார்த்­த­துமே இளை­ய­ரா­ஜா­விற்கு 'கவிக்­கு­யில்' படத்­தின் பாடல் பதி­வின் போது ஏற்­பட்ட சம்­ப­வம் ஞாப­கத்­திற்கு வர, பாடலை யாரா­வது பாடிக்­காட்­டுங்­கள் என்று கேட்­டால் பாடிக்­காட்­டக்­கூ­டாது என்று முடிவு செய்து வைத்­தி­ருந்­தார் இளை­ய­ராஜா. இந்த நேரத்­தில் கண்­ண­தா­ச­னுக்கு அறி­மு­கப்­ப­டுத்­திய பின் கலை­ஞா­னம் இளை­ய­ரா­ஜா­வைப் பார்த்து “பாடலை கொஞ்­சம் வாசித்­துக் காட்­டுங்­கள்” என்­றார். எல்­லோ­ரும் ஆவ­லு­டன் இளை­ய­ராஜா பாடு­வார் என்று எதிர்­பார்க்க இளை­ய­ரா­ஜாவோ ஆர்­மோ­னி­யத்தை மூடி­விட்டு எழுந்து கலை­ஞா­னத்­தி­டம் கூலாக, “இங்கே பாடி­னால் ஒன்­றும் புரி­யாது. டி.எம்.எஸ்., சுசீ­லாவை பாட­வைத்து மியூ­சிக்­கோடு ரிக்­கார்டு செய்து போட்டு காட்டி விடு­வோம். அப்­போது நன்­றாக இருக்­கும்” என்­றி­ருக்­கி­றார். இதை பார்த்த எல்­லோ­ரும் என்ன சொல்­வ­தென்று தெரி­யா­மல் விழித்­தி­ருக்­கி­றார்­கள். இது போன்­ற­தொரு நிகழ்ச்­சியை பார்த்­த­தில்லை என்­பது கண்­ண­தா­சன் பார்த்த பார்­வை­யி­லேயே தெரிந்­தது என்று ஒரு­முறை இளை­ய­ரா­ஜாவே இந்த சம்­ப­வத்தை நினை­வு­கூர்ந்­த­போது சொல்­லி­யி­ருக்­கி­றார். இந்த படத்­தின் பின்­னணி இசைச்­சேர்ப்­பின் போது கலை­ஞா­னத்­திற்­கும் இளை­ய­ரா­ஜா­விற்­கு­மி­டையே ஒரு சிறு பிரச்னை ஏற்­பட்­டது. இதற்கு மேலே சொன்ன சம்­ப­வம்­தான் கார­ணமா என்று தெரி­ய­வில்லை. பின்­னணி இசைச்­சேர்ப்­பிற்கு படம் தயா­ரா­ன­தும், கலை­ஞா­னம் இளை­ய­ரா­ஜா­வி­டம் வந்து இன்­னும் மூன்று நாட்­க­ளுக்­குள் பின்­னணி இசையை முடித்­தாக வேண்­டும், அதற்கு மேல் ஆகக்­கூ­டாது என்­றும் அந்த அள­விற்­குத்­தான் என்­னி­டம் பணம் உள்­ளது என்­றும் சொல்­லி­யி­ருக்­கி­றார். இளை­ய­ரா­ஜாவோ, “படத்­தின் ஆரம்­பத்­தி­லேயே கிளை­மாக்ஸ் காட்­சி­கள் போல ஹீரோ­வின் தங்­கையை கெடுப்­பது, அவ­ளின் மர­ணம், அதன் இறு­திக்­காட்­சி­கள், வில்­ல­னின் ஆட்­க­ளோடு சண்டை என்று போய் கொண்­டி­ருக்­கி­றது. அது­மட்­டு­மல்­லாது படம் முழு­வ­துமே மிக­வும் சீரி­ய­ஸாக மனதை தொடும் விதத்­தில் அமைந்­தி­ருக்­கி­றது. மூன்று நாட்­க­ளுக்­குள் முடிக்க முடி­யுமா என்­பது சந்­தே­கம்” என்­றி­ருக்­கி­றார். கலை­ஞா­னமோ வேறு எது­வும் சொல்­லா­மல், அதெல்­லாம் தெரி­யாது மூன்று நாட்­க­ளுக்­குள் முடித்­தாக வேண்­டும் என்றே சொல்­லி­யி­ருக்­கி­றார். இளை­ய­ரா­ஜா­விற்கோ கோபம். மூன்று நாட்­க­ளுக்கு மேல் போனால் யார் சம்­ப­ளம் கொடுப்­பது? அப்­படி மூன்று நாட்­க­ளுக்கு மேல் போனால் எனக்கு நீங்­கள் சம்­ப­ளம் தர­வேண்­டாம், ஆனால் ஆர்க்­கெஸ்ட்­ரா­விற்கு கொடுத்து விடுங்­கள் என்று சொல்லி பின்­னணி இசைச்­சேர்ப்பை ஆரம்­பித்­தார் இளை­ய­ராஜா. கிட்­ட­தட்ட படத்­தின் எல்லா ரீல்­க­ளி­லுமே மியூ­சிக். மூன்று நாட்­க­ளுக்­குள் முடி­ய­வில்லை. இரவு 9 மணிக்கு முடிய வேண்­டிய கால்­ஷீட் இர­வும் தொடர்ந்­தது. அதி­காலை 4.30க்கு படத்தை முடித்­தார் இளை­ய­ராஜா. கலை­ஞா­னம் பாக்கி சம்­ப­ளப் பணத்தை இளை­ய­ரா­ஜா­வின் கையில் வைத்­தார். ''நீங்­கள்­தான் பணம் இல்லை என்­றீர்­களே, பர­வா­யில்லை எனக்கு எந்த வருத்­த­மு­மில்லை. ஆர்க்­கெஸ்ட்­ரா­விற்கு மீதிப் பணத்தை தந்­து­வி­டுங்­கள்'' என்­றார் இளை­ய­ராஜா. கலை­ஞா­னமோ, “இல்லை இல்லை கஷ்­டப்­பட்டு உழைத்­தி­ருக்­கி­றீர்­கள். உங்­க­ளுக்கு பேசிய தொகை கொடுத்­தால்­தான் மரி­யாதை” என்று சொல்லி இளை­ய­ரா­ஜாவை வேறு வார்த்தை பேச­வி­டா­மல் சம்­பள பணத்தை அவ­ரு­டைய கையில் வைத்­தி­ருக்­கி­றார். முதல் முறை­யாக மூன்றே நாட்­க­ளில் படத்தை முடிக்க வேண்­டும் என்ற இக்­கட்­டான நிலை இந்த படத்­தில்­தான் வந்­தது என்று சிறு வருத்­தத்­தோடு இளை­ய­ரா­ஜாவே பகிர்ந்து கொண்ட ஒரு சம்­ப­வம் இது. வேக­மா­க­வும், அதே சம­யம் நல்ல இசை தரு­வ­தில் எந்த ஒரு காம்ப்­ர­மை­ஸும் இல்­லா­மல் தந்­த­தில் எனக்கு ஏற்­பட்ட ஒரு அனு­ப­வம் என்று சந்­தோ­ஷப்­பட்­டும் இருக்­கி­றார் இளை­ய­ராஜா.... நன்றி....தினமலர்.....
  8. சிந்திக்க வைப்பதே ஹைக்கூக்கள்

    கற்றுதந்த விலங்குகள் ஹைக்கூ வடிவில் சில***********************************உடம்பையே வளர்க்காதே நம்பிக்கையையும் வளர் யானை காப்பவனை காப்பாற்று கற்றுதந்தது நாய் குறிக்கோளுடன் வாழ்தன்னிலை இழக்காதே புலி வாழ்க்கை ஒரு சுமை அழாமல் சுமந்துகொள் கழுதை உழைக்காமல் சாப்பாடு மெத்தையில் தூக்கம் பூனை இனப்பெருக்கம் கற்றுத்தந்தது பன்றி
  9. அனைவரும் படிக்க வேண்டிய மிகவும் அருமையான புத்தகம். எம் முன்னோர் வாழ்ந்த ஆரம்பகால வாழ்க்கை முறைகள் குழுமுறையான வாழ்வியல் கண்ணோட்டம் அவர்கள் படிப்படியாக எப்படி மாற்றமடைந்தார்கள் நாகரீக வளர்ச்சி பண்பாட்டு விழுமியங்கள் என்று அனைத்தையும் மிகவும் சிறப்பாக எழுதியிருந்தார்கள். நான் பல வருடங்களுக்குமுன் படித்ததால் எனக்கும் நிறைய மறந்து விட்டது ஆனாலும் மனதில் பதந்துவிட்ட நல்லதொரு பதிவு.
  10. Today
  11. சிந்திக்க வைப்பதே ஹைக்கூக்கள்

    நாம் பிரிந்து வாழ்கிறோம் இணைந்து வாழ்ந்தால் இறப்பீர்கள் தண்டவாளம் @இனியவன் ஹைக்கூகள்
  12. என்ன ஒரு சந்தோசம், சாப்பிடுற காலத்தில பட்டினி கிடக்கிற அவலம் எல்லோருக்கும் கிடைக்கட்டும்.
  13. நவீனன் நீங்கள் இணைத்ததை யே திரும்பவும் இணைக்கிறீர்கள்
  14. அச்சம் அதிகமாகிறது
  15. புலிகள் தான் சமாதானத்துக்கு தடையாக உள்ளனர் என்று சொல்லியே, புலிகளை அளிக்க சர்வதேச உதவிகளை கேட்டு வாங்கிய சிங்களம், இன்று நிர்வாணமாக நிற்பதனை, வெளிக் காட்டிய வகையில், ராஜதந்திரத்தினை காண்பித்த சம்பந்தருக்கு ஒரு பாராட்டு. இது சுஜ நிர்ணய தேர்தலில் முடிய வேண்டும் என்பதே அடுத்த நிலை. அந்த நிலை வந்தால், புலிகளால், மகிந்தர் என்ன தீர்க்க தரிசன காரணத்துக்காகக் ஜனாதிபதி ஆக்கப் பட்டாரோ, அது நிறைவேறும். அதே வேளை இன்னும் 3 வருடங்களில், யாழ்ப்பாண ராஜதானி மன்னன் சங்கிலியன், போர்த்துகேயரிடம் வீழ்ந்த, சுதந்திரத்தினை இழந்த, 1520 ம் ஆண்டின் 500 ஆண்டு நிறைவு வருகின்றது. 500 ஆண்டுகள் அடிமைத்தனம். என்று தான் அந்த மண்ணுக்கு சுதந்திரம் வருமோ?
  16. இளமை புதுமை பல்சுவை

    வாட்ஸ்அப் கலக்கல்: கடன் நட்பை முறிக்குமா?
  17. ஐ.நா விசேட நிபுணர் பப்லோ டி க்ரீப் – சம்பந்தன் சந்திப்பு இலங்கை வந்துள்ள ஐ.நாவின் உண்மை, நீதி, நஷ்டஈடு, மற்றும் மீள் நிகழாமையை உறுதி செய்வதற்கான விசேட நிபுணர் பப்லோ டி க்ரீப் அவர்களுக்கும் எதிர்க்கட்சி தலைவரும் தமிழ் தேசிய கூட்டமைப்பின் தலைவருமான இரா. சம்பந்தன் அவர்களுக்கும் இடையில் இன்று கொழும்பில் சந்திப்பொன்று இடம்பெற்றது. காணி விடுவிப்பு, காணாமல் ஆக்கப்பட்டோர், மற்றும் தமிழ் அரசியல் கைதிகள் போன்ற விடயங்கள் தொடர்பில் தமிழ் மக்கள் எதிர்கொள்ளும் பிரச்சினைகளை விசேட நிபுணரின் கவனத்திற்கு இரா. சம்பந்தன் அவர்கள் கொண்டு வந்தார். இக்கலந்துரையாடலில் காணி விடுவிப்பு தொடர்பில் கருத்து தெரிவித்த இரா. சம்பந்தன் அவர்கள் “எமது மக்கள் தமது காணிகள் தொடர்பில் வெறும் உணர்ச்சிக்கும் அப்பாலான இணைப்பினை கொண்டுள்ளார்கள், இந்த மக்கள் சில பிரதேசங்களில் கடந்த 300 நாட்களுக்கும் அதிகமாக தமது காணிகளை விடுவிக்கக்கோரி ஆர்ப்பாட்டங்களில் ஈடுபட்டு வருகிறார்கள் என தெரிவித்தார். மேலும் இவர்கள் மழையிலும் வெயிலிலுமாக பல்வேறு இன்னல்களுக்கு மத்தியில் தமது காணிகள் விடுவிக்கப்பட வேண்டும் என இந்த போராட்டங்களில் மிகவும் தீர்மானமாக உள்ளார்கள் எனவும் தெரிவித்தார். மேலும், இந்த விடயமானது மக்களின் உணர்வுகளோடும் அவர்களது உரிமைகளோடும் சம்பந்தப்பட்ட விடயம் என்பதனை அரசாங்கம் உணர்ந்து கொள்ள வேண்டும் என வலியுறுத்திய இரா. சம்பந்தன் உண்மையான புரிந்துணர்வை ஏற்படுத்த வேண்டுமெனில் இந்த யதார்த்தம் புரிந்துகொள்ளப்பட வேண்டும் எனவும், எனவே இந்த விடயங்கள் மேலும் தாமதமின்றி முடிவிற்கு கொண்டு வரப்படவேண்டும் எனவும் தெரிவித்தார். காணாமல் ஆக்கப்பட்டோர் தொடர்பில் கருத்து தெரிவித்த தமிழ் தேசிய கூட்டமைப்பின் தலைவர், “ஒரு தாய் தனது மகனை படையினரிடமோ அல்லது பொலிஸாரிடமோ கையளித்திருந்தால் அவருக்கு என்ன நடந்தது என்பதனை அறிந்து கொள்ளும் உரிமை உள்ளது அந்த உரிமையை மறுக்க முடியாது எனவும் வலியுறுத்தினார். காணாமல் ஆக்கப்பட்டோருக்கான அலுவலகத்தின் செயலாக்கம் தொடர்பில் காணப்படும் தாமதம் குறித்து தமது கரிசனையை வெளிப்படுத்திய இரா. சம்பந்தன் அவர்கள் இந்த அலுவலகம் வடக்கு கிழக்கு மாகாணங்களிலும் நிறுவப்படவேண்டும் எனவும் தெரிவித்தார். அரசியல் கைதிகள் தொடர்பில் பேசிய எதிர்க்கட்சி தலைவர் அவர்கள், “இவர்கள் களவு செய்த காரணத்தினாலோ அல்லது தமது நன்மைக்காக சூறையாடிய காரணத்தினாலோ காவலில் இருக்கவில்லை. இந்த ஒவ்வொருவரினதும் வழக்குகள் அரசியல் பரிணாமத்தினை கொண்டுள்ளது. ஆகவே இவை அந்த அடிப்படையில் நோக்கப்பட்டு முடிவிற்கு கொண்டு வரப்படவேண்டும் எனவும் தெரிவித்தார். மேலும் பயங்கரவாத தடைச்சட்டமானது மிக கேடானதும் இந்நாட்டு சட்ட புத்தகங்களில் இருந்து நீக்கப்பட வேண்டிய ஒன்றும் என அரசாங்கமானது ஒப்புக்கொண்டுள்ள போது, எந்த அடிப்படையில் அதே சட்டத்தின் கீழ் கைது செய்யப்பட்ட இவர்களை தொடர்ந்தும் சிறையில் வைத்திருக்க முடியும் எனவும் கேள்வி எழுப்பினார். இந்த விடயங்களில் தவறிழைக்க முடியாது என தெரிவித்த இரா. சம்பந்தன் அவர்கள் அவ்வாறு தவறிழைக்கின்ற பட்சத்தில் அது நல்லிணக்க படிமுறைகளிலே பாரிய தாக்கத்தினை ஏற்படுத்தும் எனவும் வலியுறுத்தினார். மேலும் ஒரு சிலர் நல்லிணக்க மற்றும் அரசியல் தீர்வு முயற்சிகளை குழப்புவதற்கு தயாராக உள்ள நிலையில் இந்த விடயங்கள் அவர்களுக்கு சாதகமாக இருப்பதனை அனுமதிக்க முடியாது எனவும் தெரிவித்தார். இலங்கை மக்களுக்கும் சர்வதேச சமூகத்திற்கும் இலங்கை அரசு கொடுத்த வாக்குறுதிகளை அரசாங்கம் நிறைவேற்றுவதனை ஐ.நா.உறுதி செய்யவேண்டும் என விசேட நிபுணரை வலியுறுத்திய இரா. சம்பந்தன் அவர்கள் இந்த வாக்குறுதிகள் இலங்கை நாட்டினதும் அதன் மக்களின் நன்மையினையும் கருத்திற்கொண்டு இலங்கை அரசாங்கத்தினால் தன்னார்வமாக கொடுக்கப்பட்டவை என்பதனை சுட்டிக்காட்டிய அதேவேளை அவற்றினை இலங்கை அரசு மதித்து நடைமுறைப்படுத்த வேண்டும் எனவும் இவை வெறுமனே எழுத்துருவில் மாத்திரம் இருக்க கூடாது எனவும் தெரிவித்தார். மேலும் தனது விஜயத்தின் முடிவில் பல்வேறு விடயங்கள் தொடர்பில் தனது கருத்தினை தெரிவிக்கவுள்ளதாக கூறிய விசேட நிபுணர் இலங்கையில் நிலையான சமாதானத்தினை ஏற்படுத்தும் நோக்கிலும் அரசியல் தீர்வினை அடையும் வகையிலும் தனதும் ஐ.நாவினதும் தொடர்ச்சியான பங்களிப்பு இருக்கும் என்பதனையும் இச்சந்திப்பில் வலியுறுத்தினார். -(3) http://www.samakalam.com/
  18. தமிழீழம் என்னும் உயரிய இலட்சியத்திற்காக தமது இன்னுயிரை இந்நாளில் ஈகம் செய்த சந்தோசம்மான் உட்பட வீரவேங்கைகளுக்கு எனது வீரவணக்கங்கள் !!! மாவீரர்கள் எந்த இலட்சியத்துக்காக தம்மை ஈகம் செய்தார்களோ அவ் இலட்சியத்தை அடையும் வரை ஓயாது அதற்காக உழைப்போம் என்று உறுதி கொள்வோம் !!!
  19. எனது தேச விடுதலையின் ஆன்மீக அறை கூவலாகவே மாவீரர்களது மரணம் திகழ்கின்றது ......
  20. 🔥🔥 நெருப்புடா!
  21. 21.10.1987 அன்று யாழ். கோண்டாவில் பகுதியில் இந்தியப் படையினருடனான மோதலின்போது வீரச்சாவைத் தழுவிக் கொண்ட விடுதலைப் புலிகளின் மூத்த உறுப்பினர்களில் ஒருவரும் முன்னாள் திருகோணமலை மாவட்டச் சிறப்புத் தளபதியுமான லெப்.கேணல் சந்தோசம் மாஸ்ரர் அவர்களின் வீர வணக்க நினைவு நாள் இன்றாகும். http://eelavenkaii.blogspot.ch/2011/10/8.html
  22. புலேந்தியம்மான், சந்தோசம்மான், பொன்னம்மான். இவர்களைப்பற்றியும் இவர்களின் போராட்டத்தில் என்ன பங்கு வகித்தார்கள் என்பது பற்றியும் இவர்களுடன் இருந்தவர்களுக்கு நன்கு தெரியும். எனக்கும் இம்மூவரையும் மிகவும் பிடிக்கும்.
  23. மரணச் சடங்கு செலவு 90 மில்லியன் டொலர்! தாய்லாந்தின் காலஞ்சென்ற முன்னாள் மன்னர் பூமிபோல் அதுல்யதேஜின் மரணச் சடங்குகளை சுமார் 90 மில்லியன் டொலர் - இலங்கை நாணய மதிப்பில் சுமார் 137 கோடி - செலவில் நடத்துவதற்கு அந்நாட்டு அரசு தயாராகிவருகிறது. மன்னர் பூமிபோல் அதுல்யதேஜ் கடந்த ஆண்டு ஒக்டோபர் 13ஆம் திகதி காலமானார். எனினும், அவரது உடல் அந்நாட்டு மன்னர்குல வழக்கப்படி ஓராண்டு காலத்தின் பின் எரித்துப் பின் புதைக்கப்படவுள்ளது. அதன்படி, எதிர்வரும் 26ஆம் திகதி அவரது உடல் எரிக்கப்படவும், மறுநாள் 27ஆம் திகதி அவரது அஸ்தி புதைக்கப்படவும் திட்டமிடப்பட்டுள்ளது. கடந்த ஒரு ஆண்டுகாலமாக, மன்னரின் இறுதிக் கிரியைகளுக்கான திட்டங்களும் செயற்படுத்தப்பட்டு வந்துள்ளன. ஐந்து நாள் நிகழ்வாக நடக்கவுள்ள இந்த இறுதிக் கிரியைகளுக்காக, ஆடம்பர அலங்காரங்கள் செய்யப்பட்டுள்ளன. இதற்காக, சுமார் 90 மில்லியன் அமெரிக்க டொலர்கள் ஒதுக்கப்பட்டுள்ளன. அவரது சாம்பல் புதைக்கப்படவுள்ள இடத்தில் தங்கத்தில் அலங்கார வேலைப்பாடுகள் செய்யப்பட்டு பொருத்தப்படவுள்ளன. தாய்லாந்தின் அயல் நாடுகளைச் சேர்ந்த சிரேஷ்ட தலைவர்கள், அரசியல்வாதிகள் உட்பட சுமார் ஐந்து இலட்சம் பேர் இந்த இறுதி நிகழ்வில் கலந்துகொள்வார்கள் என எதிர்பார்க்கப்படுகிறது. காலஞ்சென்ற மன்னர் ஏறக்குறைய ஆறு தசாப்தங்களாக தாய்லாந்தின் மன்னராக வீற்றிருந்தவர். தாய்லாந்தின் பெரும்பான்மையான மக்களுக்கு இன்னும் அவர் தெய்வத்துக்கு நிகரானவராகவே நோக்கப்படுவது குறிப்பிடத்தக்கது. http://www.virakesari.lk/article/26112
  24. பூகம்பத்தை வென்ற 21 சிறுவர்கள்... மெக்சிகோ எழுகிறது! #FIFAU17WC #FuerzaMéxico செப்டம்பர் 7, இரவு 11.49 மணியளவில் மெக்சிகோவின் சியாபஸ் மாநிலத்தைத் தாக்கியது சக்திவாய்ந்த நிலநடுக்கம். ரிக்டர் அளவுகோல் 8.1 எனக் காட்டியது. மெக்சிகோவின் வரலாற்றில் இரண்டாவது சக்திவாய்ந்த பூகம்பம். இந்த நூற்றாண்டில் மெக்சிகோ கண்ட மிகப்பெரிய பூகம்பம். இந்த நிலநடுக்கம் நூறு மைல் தூரம் உணரப்பட்டது. 41,000 வீடுகள் சேதமடைந்தன. 98 பேர் உயிரிழந்தனர். சுனாமி எச்சரிக்கை, ஆறடி உயர அலைகள், நிலநடுக்கத்துக்குப் பிறகான 3,831 அதிர்வுகள் என மெக்சிகோ கொஞ்சம் ஆடிப்போயிருந்தது. 20 லட்சம் மக்கள் மின்சாரமின்றி அவதிப்பட்டனர். ஹார்வி புயலின்போது தாங்கள் அமெரிக்காவுக்கு உதவியதால், பதில் உதவியை எதிர்பார்த்தனர் மெக்சிக்கர்கள். 'போன் சிக்னல் கிடைக்காததால்' (அப்படித்தான் காரணம் கூறினார்) ஒரு வாரம் கழித்து அனுதாபத்தைப் பதிவுசெய்தார் அமெரிக்க அதிபர் டொனால்ட் ட்ரம்ப். "அவர்கள் குற்றவாளிகள், போதை மருந்து கடத்துபவர்கள், ரேபிஸ்ட்ஸ்" என்று மெக்சிகர்களை தன் வாக்குசேகரிப்பின்போது வசைபாடிய மனிதனிடம் மனிதத்தை எதிர்பார்ப்பது சரியா? நம் தேசத்தைத் நாம்தான் தூக்கி நிறுத்த வேண்டுமென்பதை உணர்ந்துகொண்ட மக்கள், ஒருவருக்கொருவர் உதவிக்கரம் நீட்டி எழுந்தனர். செப்டம்பர் 19, 32 ஆண்டுகளுக்கு முன்னர், ஐந்தாயிரத்துக்கும் மேற்பட்டோரைக் காவு வாங்கிய பூகம்பத்தின் நினைவு தினத்தைக் காலை 11 மணியளவில் அனுசரித்துக்கொண்டிருக்கிறது மெக்சிகோ நகரம். நிலநடுக்கம் வந்தால் அதை எப்படி எதிர்கொள்வது என்பதற்கான விழிப்பு உணர்வுப் பயிற்சிகள் கொடுக்கப்பட்டு வருகின்றன. அடுத்த இரண்டு மணி நேரத்தில், 1.14 மணியளவில் உணரப்பட்டது அந்த நிலநடுக்கம். சுமார் 20 விநாடிகள் தொடர்ந்து அதிர, ரிக்டர் அளவுகோளில் 7.1-ஆகப் பதிவானது. இம்முறை பாதிப்பு அதிகம். மக்கள் அதிகம் வசிக்கும் தலைநகர் என்பதால் உயிரிழப்பும் அதிகம். 370 பலிகள். 6011 பேர் காயம். மொத்தமாக ஸ்தம்பித்தது நிர்வாகம். கேஸ் லீகேஜ், தரைமட்டமான சர்ச், பள்ளிகள், மைதானங்கள் என பேரிழப்பு. இஸ்ரேல், துருக்கி, ஜப்பான் நாடுகள் மெக்சிகோவுக்கு மீட்புப் படைகள் அனுப்ப இறுதியாய் உதவிக்கரம் நீட்டியது அமெரிக்கா. ஆனாலும் தாமாகவே எழத் தொடங்கினார்கள். ஆயிரக்கணக்கான மக்கள், சாலைகளில் படுக்கை அமைத்து அங்கேயே உறங்கினர். சுயநலமின்றி அனைவரும் பாதிக்கப்பட்டவர்களுக்கு உதவ, வேகமாக மீண்டெழுந்தது மெக்சிகோ. 'திடமாக இரு மெக்சிகோ' என்பதை உணர்த்தும் #FuerzaMéxico என்னும் ஹேஷ்டேக் ட்விட்டரை நனைத்தது. "எல்லாம் முடிந்துவிட்டது" என்று அவர்கள் முடங்கிவிடவில்லை. இந்தச் சமயம் ஸ்பெயினில் பயிற்சி பெற்றுக்கொண்டிருந்தார்கள், மெக்சிகோ அணியின் அண்டர் 17 கால்பந்து அணி வீரர்கள். குடும்பத்துக்கு என்ன ஆயிற்றோ என்ற பதற்றம். அவர்கள் யாரும் உயிரிழக்கவில்லை. ஆனால், பாதிப்புகள், தங்களின் இருப்பிடம் இருக்கிறதா. ஸ்பெயினிலிருந்து மெக்சிகோவுக்குத் திரும்பிப் போனால் தங்குவதற்கு வீடு இருக்குமா, உற்றார் உறவினர்கள் இருப்பார்களா, இல்லை திரும்பவும் இன்னொரு பூகம்பம்தான் தாக்காமல் இருக்குமா? 17 வயதுச் சிறுவர்கள் இந்த அதிர்ச்சிகளை எப்படிச் சமாளிக்கப் போகிறார்கள்? இன்னும் 17 நாள்களில் இந்தியாவில் உலகக்கோப்பை தொடங்கப் போகிறது. அக்டோபர் 8, ஈராக் அணியுடன் முதல் போட்டி. 4-ம் தேதி கொல்கத்தாவில் இருக்க வேண்டும். கலங்கவில்லை அந்தச் சிறுவர்கள். இந்தியா வந்திறங்கினார்கள். பலமான அணி. கோப்பையை வெல்லக்கூடிய அணிகளுள் ஒன்றாகக் கூட கருதப்பட்டது. ஆனால், குரூப் பிரிவே மிகவும் கடினமாக அமைந்தது. இங்கிலாந்து, சிலி, ஈராக் அணிகளுடன் மல்லுக்கட்டவேண்டும். தயாரானார்கள் அந்தப் போராளிகள். தங்கள் தேசத்துக்கு ஆதரவளிக்க, இந்தியாவிலிருந்த மெக்சிகோ நாட்டவர் அனைவரும் கொல்கத்தாவில் ஒன்று திரண்டனர். ஈராக்குடன் முதல் போட்டி. 16-வது நிமிடத்திலேயே கோல் அடித்தது ஈராக். சுதாரித்து எழுந்தனர் மெக்சிகோ வீரர்கள். அதன்பிறகு ஆட்டம் முழுதும் அவர்கள் கட்டுப்பாட்டில்தான். 63 சதவிகித நேரம் பந்து அவர்களிடம்தான் இருந்தது. ஆனால், ஒரு கோல் மட்டுமே அடிக்க முடிந்ததால் ஆட்டம் டிராவானது. அடுத்து இன்னும் பலம் வாய்ந்த இங்கிலாந்து. 55 நிமிடங்களில் 3 கோல்கள் அடித்து அசரடித்திருந்தனர் இங்கிலாந்து வீரர்கள். மீண்டு வருவதுதான் இவர்களுக்குப் பழக்கமாயிற்றே. அடுத்த அரை மணி நேரம் ஆட்டம் அப்படியே தலைகீழாய் மாறியது. இங்கிலாந்து கத்துக்குட்டி அணிபோல் தெரியுமளவு இருந்தது மெக்சிகோவின் வெறித்தன ஆட்டம். 2 கோல்கள் மட்டும் கிடைக்க தோல்வி. சிலியுடன் 65 சதவிகித நேரம் பந்தைக் கட்டுக்குள் வைத்திருந்தும் கோல் அடிக்க முடியாததால் மீண்டும் டிரா. ஆனாலும் அடுத்த சுற்று வாய்ப்பு அவர்களுக்குக் கிடைத்தது. காலிறுதிக்கு முந்தைய சுற்று. இரண்டு சிறு தவறுகள். 11 நிமிடத்துக்குள் 2 கோல்கள். பின்தங்கிவிட்டது மெக்சிகோ. மூன்றுமுறை தொடர்ந்து அரையிறுதியை எட்டிய அணி, ஈரானிடம் காலிறுதி வாய்ப்பை இழந்துகொண்டிருந்தது. கால்பந்தில், 11 நிமிடத்தில் இரண்டு கோல்கள் வாங்கிய ஒரு அணி, அதன்பிறகு மீண்டுவருவதென்பது சற்றுக் கடினமே. அவர்களின் நம்பிக்கை குலைந்திருக்கும். எதிரணி இன்னும் ஆக்ரோஷம் காட்டி, ஆட்டத்தை முழுதும் கன்ட்ரோல் செய்ய நினைக்கும். எப்படி தோல்வியிலிருந்து மீண்டு வருவது, அதுவும் ஈரானுக்கு எதிராக, லீக் சுற்றில் ஜெர்மனியை 4-0 என பொசுக்கிய அணி. மீள்வது கடினம். ஆனால், மீண்டு வரப் போராடினார்கள் அந்த 17 வயதுப் போராளிகள். ஒரு மாதத்துக்கு முன்பு இரட்டை பூகம்பத்தைக் கண்டவர்கள். அதிலிருந்து மீண்டு வந்து விளையாடிக்கொண்டு.... இல்லை போராடிக்கொண்டிருப்பவர்கள். இந்த இரண்டு கோல்களா அவர்களை முடக்கிவிடும்? வழக்கம்போல் அடிபட்ட சிங்கங்கள் கடைசி கட்டத்தில் கர்ஜனையோடு பாய்ந்தது. ஜெர்மனி அணியிடம்கூட அந்த வேகத்தைக் கண்டிராத ஈரான் அணி சற்று ஆடித்தான் போனது. ஷார்ட் பாஸ், லாங் பால், த்ரூ பால், ப்ரஸ்ஸிங், கவுன்ட்டர் அட்டாக் என கால்பந்தின் சகல கலைகளையும் ஈரானுக்குக் கற்பித்தனர். ஆனால், முடிவு மட்டும் வழக்கம்போல் அவர்களுக்கு எதிராகவே அமைந்தது. ஈரான் கோல்கீப்பர் அலி கோலம் ஆபத்பாந்தவனாய் உருவெடுக்க, மெக்சிகோவின் தாக்குதலைச் சமாளித்து வெற்றிகண்டது அந்த அணி. அதோடு மெக்சிகோவின் உலகக்கோப்பைக் கனவும் முடிவுக்கு வந்தது. 4 போட்டிகள். ஒன்றில் கூட வெற்றி பெறவில்லை. வருத்தம்தான். ஆனால், அவர்கள் தோற்றவர்கள் இல்லை. கொல்கத்தாவில் வந்து தரையிறங்கியபோதே அந்த 21 சிறுவர்களும் வாழ்க்கையை வென்றுவிட்டனர். இனி இவர்கள் சீனியர் உலகக்கோப்பையைக் கூட வெல்லலாம். ஆனால், இந்த இந்தியப் பயணம்தான் அவர்களின் வாழ்வின் மிகப்பெரிய வெற்றி. விளையாடிக் கிடைப்பதல்லவே வெற்றி. போராடிக் கிடைப்பதுதான் வெற்றி. அந்த வகையில் இந்த 17 வயதுக்குட்பட்ட உலகக்கோப்பையின் முதல் வெற்றியாளர் போட்டியை நடத்திய, முதல் உலகக்கோப்பையில் பங்கேற்ற இந்தியா இல்லை. மெக்சிகோதான். அவர்கள் விளையாடிய போட்டிகளை பெரும்பாலும் அந்தத் தேசம் நேரில் கண்டிருக்காது. தொலைக்காட்சிகள் நொறுங்கிக்கிடக்கின்றன. தொலைக்காட்சிகள் இருக்கும் இடங்களில் மின்சாரம் இல்லை. live streaming பார்ப்பதற்கு நெட்வொர்க் இருந்திருக்கவும் வாய்ப்பில்லை. ஆனானப்பட்ட ட்ரம்புக்கே கிடைக்காத நெட்வொர்க், சாமானிய மக்களுக்குக் கிடைத்துவிடுமா என்ன? அவர்கள் இந்தியாவில் விளையாடியதைப் பார்க்கவில்லை. ஆனால், தன் நாட்டுச் சிறுவர்கள் இந்தியாவில் போராடுகிறார்கள் என்ற செய்தி கேட்டு, அவர்களும் போராட எழுந்துவிட்டனர். இதோ...மெக்சிகோவும் எழுந்து கொண்டிருக்கிறது. http://www.vikatan.com/news/u-17-fifa-wc/105481-the-mexican-under-17-football-team-showed-guts-after-the-nation-was-attacked-by-twin-earthquakes.html
  1. Load more activity