• advertisement_alt
  • advertisement_alt
  • advertisement_alt

stream_title_14

Showing all content posted in for the last 365 days.

This stream auto-updates     

  1. Past hour
  2. சென்னை, ஆர்.கே.நகரில், ஒரு ஓட்டுச்சாவடிக்கு, 250 ஓட்டுகளை பெற, வியூகம் அமைத்துள்ள கட்சிகள் இடையே, போட்டா போட்டி ஏற்பட்டு உள்ளது. இதற்காக, இக்கட்சிகள் செய்யும் பணப் பட்டுவாடா தொடர்பான புகார்கள், தினமும் வந்து குவிவதால் திணறும் தேர்தல் கமிஷன், அறிக்கை அளிக்கும்படி, தமிழக தலைமை தேர்தல் அதிகாரிக்கு உத்தரவிட்டுள்ளது. இதையடுத்து, பட்டுவாடாவை தடுக்க, பறக்கும் படையினர், விடிய விடிய அதிரடி சோதனையில் இறங்கியுள்ளனர். கடந்த சட்டசபை தேர்தலின் போது, ஆர்.கே.நகர் தொகுதியில் இருந்த வாக்காளர்களில், 45 ஆயிரம் பேர், இரட்டை பதிவு, இடம் மாறியது உட்பட, பல்வேறு காரணங்களால் நீக்கப்பட்டு உள்ளனர். தற்போது, 2.28 லட்சம் வாக்காளர்கள் உள்ளனர். மொத்தம், 256 ஓட்டுச்சாவடிகள் அமைக்கப்பட்டு உள்ளன.ஒரு ஓட்டுச்சாவடியில், 500 - 1,300 வாக்காளர்கள் உள்ளனர். தி.மு.க., - அ.தி.மு.க., - தினகரன் தரப்பு ஆகியவை, தேர்தலில் வெற்றி பெற, ஒரு ஓட்டுச்சாவடிக்கு, குறைந்தது, 250 ஓட்டுகளை பெற திட்டமிட்டு உள்ளன. ஒரு ஓட்டுச்சாவடிக்கு, 250 ஓட்டுகள் வாங்கினால், 64 ஆயிரம் ஓட்டுகள் கிடைக்கும்.வாய்ப்புஎந்த கட்சி, 64 ஆயிரம் ஓட்டுகளை தக்க வைத்து, அதனுடன், கூடுதல் ஓட்டுகள் வாங்குகிறதோ, அந்த கட்சிக்கு, வெற்றி வாய்ப்பு அதிகம் உள்ளது. 2016 சட்டசபை தேர்தலில், தி.மு.க., 57 ஆயிரம் ஓட்டுகள் வாங்கியது. தற்போது, ஜெயலலிதா இல்லாதது; அ.தி.மு.க., வில் ஏற்பட்டுள்ள உட்கட்சி பூசல்; ஊழல் புகார்;கூட்டணி கட்சிகளின் பலம் போன்ற காரணங்களால், கூடுதலாக, 20 ஆயிரம் ஓட்டுகள் கிடைக்கும் என, அக்கட்சி கருதுகிறது. தினகரன் தரப்பு, 250 ஓட்டுகளை பெற முடியாவிட்டாலும், அதில் பாதியாவது கிடைத்து விட்டால், அ.தி.மு.க.,வுக்கு செல்லும், 32 ஆயிரம் ஓட்டுகள் பிரிகிறது. இதன் வாயிலாக, அ.தி.மு.க., வெற்றியை தடுத்து விட முடியும் என,கருதுகின்றனர். வியூகம் இதை தடுக்க, ஆளுங்கட்சியான அ.தி.மு.க.,வும், ஒரு ஓட்டுச்சாவடிக்கு, 250 ஓட்டுகள் என, 64 ஆயிரம் ஓட்டுகளை தக்கவைக்க, வியூகம் வகுத்துள்ளது. இரட்டை இலை சின்னம் கிடைத்து உள்ளதாலும், அனைத்து வாக்காளர்களுக்கும் தாராளமாக பண பட்டுவாடா செய்வதாலும், கூடுதலாக, 30 ஆயிரம் ஓட்டுகள் கிடைத்தால், வெற்றி நிச்சயம் என, அக்கட்சி எதிர்பார்க்கிறது. இந்நிலையில், வாக்காளர்களுக்கு, பணப்பட்டுவாடா நடப்பதாக, தேர்தல் கமிஷனுக்கு,புகார்கள் வந்தபடி உள்ளன. தி.மு.க., - பா.ஜ., போன்ற கட்சிகளும், புகார் மனு அளித்துள்ளன.'தேர்தல் விதிமீறல்களை தடுக்க, காவல் துறையினரும், தமிழக அதிகாரிகளும், போதிய ஒத்துழைப்பு அளிப்பதில்லை' என, தேர்தல் பார்வையாளர்களும், தேர்தல் கமிஷனுக்கு கடிதம் அனுப்பி உள்ளனர். புகார்கள் குவிவதால், தொகுதியில் என்ன நடக்கிறது என, அறிக்கை அளிக்கும்படி, தமிழக தலைமை தேர்தல் அதிகாரி மற்றும் தேர்தல் பணியில் ஈடுபட்டுள்ள அதிகாரிகளுக்கு, தேர்தல் கமிஷன் உத்தரவிட்டுள்ளது. ஆலோசனை அதைத் தொடர்ந்து, பறக்கும் படை அதிகாரிகள், விடிய விடிய சோதனை நடத்தி வருகின்றனர். பண பட்டுவாடா புகாரால், தேர்தல் கமிஷன், இடைத்தேர்தலை ரத்து செய்து விடுமோ என்ற சந்தேகம், கட்சிகளிடம் எழுந்துள்ளது. இதனால், வாக்காளர்களுக்கு, பண பட்டுவாடா செய்வதை தற்காலிகமாக நிறுத்தி, தேர்தல் நெருக்கத்தில் வழங்கலாமா என்பது குறித்தும், கட்சிகள் ஆலோசித்து வருகின்றன. 'வாட்ஸ் ஆப்' வாயிலாக குவியும் புகார்கள் 'ஆர்.கே.நகர் தொகுதியில், தேர்தல் தொடர்பாக நடக்கும் முறைகேடுகள் குறித்து, 99405 99465 என்ற, பிரத்யேக, 'வாட்ஸ் ஆப்' எண்ணிற்கு புகார் அனுப்பலாம்' என, போலீசார் தெரிவித்திருந்தனர். அந்த எண்ணிற்கு புகார்கள் குவிந்த வண்ணம் உள்ளன. அரசியல் கட்சியினர், வீட்டிற்கு அடிக்கடி வந்து, தங்களை துாங்க கூட விடாமல் தொல்லை கொடுத்து வருவதாகவும், பணப் பட்டுவாடா எப்படி நடக்கிறது; அதில், ஈடுபடுவோர் யார் என்பது உள்ளிட்ட விபரங்களையும், 'வீடியோ'வாக எடுத்து, போலீசாரின் பிரத்யேக, 'வாட்ஸ் ஆப்' எண்ணிற்கு, பொதுமக்கள் அனுப்புகின்றனர். பொதுமக்களின் இந்த புகார்கள், போலீசாரை திக்குமுக்காடச் செய்துள்ளன. இது குறித்து, போலீஸ் உயரதிகாரி ஒருவர் கூறியதாவது: ஆர்.கே.நகர் தொகுதியில், தேர்தல் தொடர்பான பாதுகாப்புக்கு, பொதுமக்களின் பங்களிப்பு திருப்தியாக உள்ளது.அவர்கள் தெரிவிக்கும் புகார்கள் மீது நடவடிக்கை எடுத்து, பதிலும் தெரிவித்து விடுகிறோம். தொகுதி முழுவதும் கூடுதல் கமிஷனர், ஜெயராம், இணை கமிஷனர், சுதாகர் தலைமையில், பலத்த போலீஸ் பாதுகாப்பு போடப்பட்டு உள்ளது. இவ்வாறு அவர் கூறினார். - நமது நிருபர் - http://www.dinamalar.com/news_detail.asp?id=1916332
  3. நாம் தமிழர் அரசியல் - பாகம் 2

    வாக்குக்கு பணம், கட்டமைப்பு கொண்ட ஆளுங்கட்சி, எதிர்க்கட்சி, வாக்கு இயந்திரம், மக்களின் அறியாமை, கவலையற்ற போக்கு, நேர்மையற்ற தன்மை இவற்றையெல்லாம் மீறி வாக்குகளை பெறுவது கடினம். ஒரு 5% வாக்கு கிடைக்கும் என நினைக்கிறேன். ஆனால் வளர்ந்து வரும் அடுத்த தலைமுறை சரியாக வளர்ந்து வரும்போது மாற்றம் நிச்சயம் நிகழும்.
  4. நாய் பிடிகாரர்.

    வாலை கொடுத்து(காட்டி) பணம் பெறுவதாகவே நானும் அறிந்துள்ளேன். நாய்களை கொன்று கடலில் வீசி விடுவார்களாம்.
  5. மேலும் பல ஆயிரம் பச்சைகளை பெற்றுக்கொள்ள நண்பர் பெருமாளுக்கு வாழ்த்துக்கள்!
  6. அகரமுதல்வனின் ‘முஸ்தபாவைச் சுட்டுக்கொன்ற ஓரிரவு’ -நூல் அறிமுகம் -விமர்சகர் த.ராஜன் December 08, 2017 "கண்ணீர்வலியைஇழிவுபடுத்திவிடும்என்றொருகடவுள்நம்பிக்கைஎனக்குண்டு." - அகரமுதல்வன் ஈழத்தின் தற்கால சூழலையும் அதன் வரலாற்றையும் அறிந்து கொள்ள இலக்கியம்மட்டுமே நம்பத்தகுந்த ஒரே வழியாக இருக்கின்றது.கொடூர சம்பவங்கள், வன்கொடுமைகள், குண்டுகளின் சப்தங்கள், சிதைந்த உடல்கள், இயலாதோரின்ஓலம், வலி என துயர் நிரம்பிய பக்கங்கள் தான் அடங்கியிருக்கும் என்பதைமுன்னமே வாசகர்கள் அறிந்திருப்பதால் ஈழம் சார்ந்த புத்தகங்களை வாசிப்பதில்பெரும் தயக்கம் காட்டுவதைக் காண முடிகிறது.இயலாமையினால் வரும்குற்றவுணர்வு மட்டுமல்லாமல் தற்போதைய 'ஃபேஸ்புக்மனநிலை'யினால் ஏற்படும்அதிருப்தியும் ஒரு வகையில் காரணம்எனலாம்.எல்லாவற்றையும் மேம்போக்காகபோலியாக அணுகும் மனநிலை. ஃபேஸ்புக்கில்கோர சம்பவம் ஒன்றினைக் காணும்மனம் வருந்துகிறது, சிறிது கீழிறங்கினால் காண நேரும் அரசியல் பகடியைக்கண்டு நகைக்கிறது, இன்னும் சற்று இறங்கி சினிமா நாயகன் நாயகியின்படங்களைக் கண்டு உருகுகிறது. இப்படி நொடிக்கு நொடி மாறும் போலியானஃபேஸ்புக் மனம்இயல்பாகிக் போன இக்காலத்தில் இது போன்ற படைப்புகளைவாசிக்க நேர்பவர் குற்றவுணர்ச்சியில் உழல்வது நிதர்சனம். தீவிரமாக வாசிக்கும் பழக்கமுள்ளவர்களும் கூட ஈழப் படைப்புகளைத்தவிர்க்கிறார்கள். அவ்வலியைத் தாங்கிக்கொள்ளும் திராணி இல்லை என்பது ஒருசாராரின் கருத்து. ஈழப்படைப்புகள் சில சமரசங்கள் எதிர்பார்க்கின்றன என்பதுஇன்னொரு புறம். அதாவது இது போன்ற படைப்புகள் கையாளும் விஷயங்கள் மிகவும் முக்கியமானது என்பதற்காகவே சிலவற்றை நாம் கண்டுக்கொள்ளத்தேவையில்லை என்பதாகச்சொல்வது. இந்த இருசாராரின் கருத்திற்கும் காரணமாக இருப்பது அனுதாபத்தை மட்டும் கோரிநிற்கும் படைப்புகள் என்பது என் அனுமானம். இத்தகையஇலக்கியப்படைப்புகள் தொடர்ந்து வெளியாவதே அவை வாசிக்கப்படாமல்இருப்பதற்கான காரணமாக இருக்க முடியும். கதை சுவாரசியமோ நளினங்களோநறுக்குகளோ அவசியமில்லை தான், ஆனால், வெறுமனே உள்ளதை உள்ளபடி(ஒரு செய்தித்தாளில் வெளியாகும் பத்தியின் முடிவில் அடையும் உணர்விற்கும் ஒரு இலக்கிய பிரதிதரும் உணர்விற்கும் பெரியதாக வித்தியாசமிருப்பதில்லை) பதிவு செய்வதைத் தவிர்க்கவேண்டுமென்றே தோன்றுகிறது. ஈழத்தின் வரலாற்றைப் புனைவாக பதிவு செய்வதால் இதைக்கருத்தில் கொள்ளவேண்டுமெனத் தோன்றுகிறது. வருங்காலச் சந்ததிகளுக்குஇப்புனைவுகள் தான் வரலாற்றை அறிய உதவும் மிகப்பெரும் சாட்சி. ஆக, சரியானமொழியில் சரியான உணர்வினை சரியான கதாப்பாத்திரச் சித்தரிப்போடு கதைகள்படைப்பது அவசியமாகின்றது. மண்டோ தனது படைப்புகளில் வன்முறையை, மனிதமற்ற செயல்களைக் கலையாக மாற்றினார். இன்றளவும் மண்டோவாசிக்கப்பட்டுக்கொண்டிருப்பதற்கு இதுவே காரணமாக இருக்க முடியும். அகரமுதல்வனின் கதைகள் வெறுமனே அனுதாபத்தை மட்டும் கோரி நிற்பவைஅல்ல. போர் நிலத்தின் யதார்த்தங்களை, போராளிகளின் மனதினை, அவர்களதுஅரசியல் நிலைப்பாட்டை, போராளிகளின் காதலை, காமத்தை, சாமானியர்களின்வாழ்வியலை அற்புதமான மொழியில் கச்சிதமான வாக்கியங்களில்மிகைஉணர்ச்சியற்ற தொனியில் கதைகளாகப் புனைகிறார். அகரமுதல்வனின் எழுத்துகள் எட்ட நின்று வேடிக்கை பார்ப்பவையாக அல்லாமல்நமது அனுபவமாக மாறுகின்றன. அதற்கு அகரமுதல்வனின் சொற்பிரயோகங்களும்மொழி ஆளுமையும் பிரதான காரணம். அகரமுதல்வனின் உவமைகள் குறிப்பிடத்தகுந்தது. துருத்தாமல், கதையோடு ஓர் அங்கமாக வலுசேர்க்கின்றன. 'தேங்கிய மழை நீரை காலால் தூக்கி மீண்டும் துளியாக்கும் குழந்தைகளின் பாதத்தைப் போல குழலி சிவந்தாள்' – ‘வீடு வாழ்க்கையைப் போல எரிந்து கொண்டிருந்தது’ ‘நீர் வற்றிப் போன ஆற்றின் சரீரம் வெடித்தோடும் ஈரம் பிறழ்ந்த கோடுகளைப் போல மனம் பிறழ்ந்த வெடிப்புகள் எனக்குள் நதிபோல ஓடுகிறது’. தாய் தகப்பனை இழந்த இளம் மகள் குறித்த வரியொன்று வருகின்றது. இவ்விடத்தில் அச்சூழலின் துயரத்தை பத்தி பத்தியாக எழுதி வாசகனைக் கண்ணீர் உகுக்கச் செய்திருக்கமுடியும். அவை நீலிக்கண்ணீராக சொற்ப நிமிடங்களில் வடிந்துவிடக்கூடியது. அவ்விடத்தில் 'பூமியின் மிக இளமையான துயரம் குயிலினியிடம் இருந்தது' எனும் வாக்கியத்தால் மனதின் அடியாழத்தை தொட்டுச்செல்கிறார் அகரமுதல்வன். நாம் வாழும் நிலத்தில் இறப்பதற்கு அஞ்சுவது வாழ்வதற்கு சலிப்பதுபோல' - 'பூமியின் நித்திரைக்கு எமது மரணங்கள் கனவு' - 'இந்த நிலத்தில் மட்டும் தான் மரணித்த உயிருக்கு நிவாரணமாய் பரவசம் திரும்புகிறது. விடுதலையின் பரவசமாய் நாம் அனைவரும் மரணிப்போம்' போன்ற வரிகள் மனதில் இருந்து அகல மறுக்கின்றன. 'மரணத்தின் சுற்றிவளைப்பு' எனும் கதையில் ஒரு பத்தி: 'நித்திலா... வேப்பமரத்தின் குயில் இந்த இரவிலும் கூவிக்கொண்டே இருக்கிறது. அதன் குரலில் பல்லாயிரம் தொண்டைகளின் துயர் கிளைக்கிறது. அந்தக் குயிலைநீ என்று அழைப்பதா? நான் என்று அழைப்பதா? நமது துயரத்தின் கூவல் இதற்குமுன் இப்படிக் கேட்டதா? குயிலின் குரலும் கூவலும் துயரமும் எம்மைஒத்திருந்தாலும் குயில் மானமில்லாதது. அதற்கென சொந்தக் கூடேஇருப்பதில்லை. அது எமது நாட்டை ஆக்கிரமித்து குடியேறும்சிங்களர்களைப்போல காகத்தின் கூட்டில் அல்லவா முட்டையிடும். நாம் எப்போதுபிறர் நாட்டை விரும்பினோம். அந்தக் குயிலாய் நீயோ நானோ நாமோ இருக்கவேமுடியாது.' மிகச்சாதாரண விஷயத்தைக் குறிப்பிட்டு பெரும் அரசியலை பேசிக்செல்கின்றன இது போன்ற வரிகள். சுட்டுக் கொல்லப்படுவர்களின் வரிசையில் முதல் ஆளாகக்கூட தான் இருக்கலாம்என போராளி எண்ணுகிறான். அப்போது எழுதுகிறார்: 'அப்படி வாய்க்கும் ஒரு மரணத்தை நான் மறுக்கேன். அசையாமல் என் நெற்றியைகுறிபார்க்கும் துவக்கின் குழலையே எனது கண்களும் குறி பார்க்கும்.' போராளியின்தீரத்தை பெருமைபோற்றும் வாக்கியங்களாலால் அல்லாமல் எளிமையான ஒற்றைவரியில் அவனது மனத்திட்பத்தையும் வீரத்தையும் சொல்லிச்செல்கிறார். அசையாமல் என் நெற்றியை குறிபார்க்கும் துவக்கின் குழலையே எனது கண்களும்குறி பார்க்கும்! நாட்டுக்கு கௌவரமாய் இரத்தம் சிந்திய எம்மக்களை கேவலமாக தண்ணீருக்காக சண்டையிட பழக்கிவிட்டது இந்த அகதி முகாம் வாழ்க்கை என்று எழுதுகிறார். சமகாலத்தில் போராளிகள் மீதான மற்றவர்களின் பார்வையும், தற்போதைய சூழலில் மக்களின் மனப் போக்கும் இவரது கதைகளில் ஆங்காங்கே பதிவாகின்றன. 'தூயவள் சொன்னது சரியானதுவே. ஏழ்மையில் மூழ்கி தெருவில் அலைந்துதிரிபவர்களாய் காலம் ஆக்கிய போராளிகளை வெளிநாட்டில் இருந்து வருகிறசனங்களில் சிலர் விநோதமாய் பார்த்துக் கடந்து செல்வது கீரனுக்கேநிகழ்ந்ததுதான். அந்தக் காட்சி மிக மோசமானது. நேற்றைக்கு தெய்வங்களாய்வழிபட்ட சிலைகளை இன்றைக்கு கால்களால் தட்டிவிட்டு செல்வதைப்போலானகாட்சி.' நந்திதனுக்காக ரொட்டி சுடுகிறான். நேரமின்மையால் சம்பல் இடிக்கமுடியாதெனஇருப்பதைச் சாப்பிடுகிறார்கள். பார்வையை வெளியில் செலுத்தியபடிஉணவருந்தும்போது நந்திதன் சொல்கிறார், “விதிகளுக்கு இசைந்தவாழ்வு ரசிப்பதற்கு பிரபஞ்சத்தின் அழகுபோதாது.' தனதுவாழ்வினை, வலியினை இயல்பாகபறைசாற்றும் வரி!இன்னொருவரி: 'தன்னை அவள் தனியாகவிட்டு இறந்துபோவாளா? வாழ்வதையே தீர்மானிக்கஇயலாத வாழ்வில் இறப்பது யாரோடுவென தீர்மானம் கொள்வது எவ்வளவுவிசர்த்தனம்.' கீரனுக்கும் தூயவளுக்குமிடையே உடலுறவு நடைபெறுவதாக 'பிரேதங்கள் களைத்து அழுகின்றன' எனும் கதைதொடங்குகின்றது. பாதி கதை கடந்த பின்பே அவர்கள் கைகளை இழந்தவர்கள் என்பதை வெளிப்படுத்துகிறார். இதுவேஅகரமுதல்வனின்சிறப்பம்சம். முதலிலே இப்படியொரு வர்ணனையைத் தந்திருந்தது உடலுறவு கொள்வதாக எழுதியிருந்தால் அது வாசகனின் அனுதாபத்தை கோரிநிற்கும் .கண்ணீர் வடித்திருப்போம். அதை அகரமுதல்வனின் கதைகள் எதிர்பார்ப்பதில்லை. சதத் ஹசன் மண்டோவை அகரமுதல்வன் எட்டும் தூரம் வெகு தொலைவில் இல்லை. http://akaramuthalvan.blogspot.co.uk/2017/12/blog-post_8.html?m=1
  7. Today
  8. சவுதி அரேபியாவில் முதல் சினிமா தியேட்டர்! - 35 ஆண்டுக்கால தடை நீங்கியது சவுதி அரேபியாவில் அடுத்தாண்டு தொடக்கம் முதல் திரைப்படங்கள் திரையிட அனுமதி அளிக்கப்படும் என்று அறிவிக்கப்பட்டுள்ளது. இந்த முடிவு சவுதியின் தகவல் தொழில்நுட்பம் மற்றும் கலாசாரத்துறை அமைச்சர் அவ்வாட் அலாவட் தலைமையில் நடைபெற்ற கூட்டத்தில் எடுக்கப்பட்டது. நாட்டில் திரையிடப்படும் திரைப்படங்களுக்கு அனுமதி அளிக்க புதிதாக ஓர் அமைப்பை உருவாக்கவும் அந்தக் கூட்டத்தில் தீர்மானம் நிறைவேற்றப்பட்டது. கூட்டத்துக்குப் பின் செய்தியாளர்களிடம் பேசிய அவ்வாட் அலாவட், ‘சவுதியில் முதல் சினிமா தியேட்டர் 2018-ம் ஆண்டு மார்ச் மாதத்தில் திறக்கப்படும். பொருளாதார வளர்ச்சி மற்றும் பன்முகத்தன்மை ஆகிய காரணிகளின் அடிப்படையில் சினிமாக்களுக்கு அனுமதி அளிக்கப்பட்டுள்ளது’ என்றார். சவுதி அரேபியாவில் கடந்த 1980-ம் ஆண்டு முதல் சினிமா தியேட்டர்களுக்குத் தடை இருந்துவருகிறது. பட்டத்து இளவரசர் முகமது பின் சல்மானின் சமூக மற்றும் பொருளாதார சீர்திருத்தங்களின் ஒரு பகுதியாக சினிமாக்களுக்கு அனுமதி அளிக்கப்பட்டுள்ளதாகவும் சவுதி அரசு சார்பில் தெரிவிக்கப்பட்டுள்ளது. வரும் 2030-ம் ஆண்டுக்குள் 300 சினிமா தியேட்டர்களைத் திறக்கவும், அதன்மூலம் 2,000-த்துக்கும் மேற்பட்டோருக்கு வேலைவாய்ப்பு அளிக்கவும் இலக்கு நிர்ணயிக்கப்பட்டுள்ளது. சவுதி அரேபியாவின் பட்டத்து இளவரசராக சல்மான் அறிவிக்கப்பட்ட பின்னர் தொடர்ச்சியாகப் பல்வேறு சீர்திருத்த நடவடிக்கைகளை அவர் மேற்கொண்டு வருகிறார். அதன் ஒரு பெண்கள் கார் ஓட்டுவதற்கு இருந்த தடையை அண்மையில் நீக்கிய சவுதி அரசு, 2018-ம் ஆண்டு ஜூன் மாதம் முதல் அனுமதி வழங்கப்படும் என்றும் அறிவிக்கப்பட்டிருந்தது. அதேபோல் ஊழல் புகாரில் அரசு குடும்பத்தைச் சேர்ந்தவர்களைக் கைது செய்த சம்பவமும் சவுதியில் நடந்தது. https://www.vikatan.com/news/world/110428-saudi-arabia-to-reopen-cinemas-after-35year-ban.html செளதி அரேபியாவில் அடுத்த ஆண்டு மார்ச் மாதம் முதல் திரையரங்குகளில் படம் பார்க்கலாம்! இதை பகிர ஃபேஸ்புக்கில் இதை பகிர டுவிட்டரில் இதை பகிர Messenger இதை பகிர மின்னஞ்சல் பகிர்க படத்தின் காப்புரிமைAFP Image captionகடந்த மாதம் ரியாத்தில் நடைபெற்ற ஒரு நிகழ்ச்சியில் புகழ்பெற்ற திரைப்படக் கதாபாத்திரங்களாக வேடம் அணிந்த ரசிகர்கள் அடுத்த ஆண்டு மார்ச் மாதம் முதல் திரையரங்குகளுக்கு உரிமம் வழங்க செளதி அரேபிய அரசு முடிவு செய்துள்ளது. இதன் மூலம், கடந்த முப்பது ஆண்டுகளாக அமலில் இருக்கும் இந்தத் தடை முடிவுக்கு வருகிறது. அந்த திரைப்படங்களுக்கு உடனடியாக உரிமங்கள் வழங்கத் துவங்கப்போவதாகவும் முதல் திரையரங்கம் மார்ச் 2018-இல் செயல்படத் தொடங்கும் என்றும் கலாசாரம் மற்றும் தகவல் அமைச்சகம் கூறியுள்ளது. இந்த நடவடிக்கை, இளவரசர் முகம்மது பின் சல்மானின் 2030-ஆம் ஆண்டுக்கான சமூக மற்றும் பொருளாதார சீர்திருத்த திட்டத்தின் ஒரு பகுதி ஆகும். பழமைவாத இஸ்லாமிய ராஜ்ஜியம், 1970 களில் திரையரங்குகளைக் கொண்டிருந்தது, ஆனால் அவற்றை மூடுமாறு மதகுருக்கள் அதிகாரிகளை வற்புறுத்தி மூடவைத்தனர். கடந்த ஜனவரியில், மூத்த மதகுரு ஷேக் அப்துல் அஸீஸ் அல் அல்-ஷேக், திரையரங்குகளை அனுமதித்தால், அவை ஒழுக்கநெறிகளை சீர்குலைக்கும் என்று எச்சரித்திருந்தார். சௌதி அரேபியாவின் அரச குடும்பம் மற்றும் மத ஸ்தாபனம் சுன்னி இஸ்லாத்தின் ஒரு கடினமான வடிவமான வஹாபிசத்தையும் இஸ்லாத்தின் கொள்கைகள் மற்றும் உடை கட்டுப்பாட்டையும் தீவிரமாகக் கடைபிடிக்கின்றன. சினிமாவிற்கு உரிமங்கள் வழங்குவதற்கான முடிவு, சௌதிகளுக்கான வெளிப்படையான மற்றும் வளமான கலாசாரத்தை ஊக்குவிப்பதற்கான மத்திய அரசின் திட்டம் என கலாசார அமைச்சகம் திங்கட்கிழமை அன்று அறிக்கை வெளியிட்டுள்ளது. இது ஒரு திருப்புமுனை என கலாசார அமைச்சர் அவாத் அலாவத் வர்ணித்துள்ளார். "திரையரங்குகளைத் திறப்பது பொருளாதார வளர்ச்சிக்கும் விரிவாக்கத்துக்கும் வழிவகுக்கும். விரிவான கலாசார துறையை மேம்படுத்துவதன் மூலம் புதிய வேலை மற்றும் பயிற்சி வாய்ப்புக்களை உருவாக்க வழிவகுக்கும். மேலும், செளதி ராஜியத்தின் கேளிக்கை வாய்ப்புக்களையும் விரிவாக்கச் செய்யும்" என்று அமைச்சர் தெரிவித்துள்ளார். வரும் 2030-ஆம் ஆண்டுக்குள் 300 திரையரங்குகளில் 2 ஆயிரம் திரைகளில் திரைப்படங்கள் திரையிட நடவடிக்கை எடுக்கப்படும் என அது தெரிவித்துள்ளது. அதாவது, 203-ஆண் ஆண்டில், கலாசாரம் மற்றும் கேளிக்கை மீதான மக்களின் செலவினங்கள் 2.9 சதவீதத்தில் இருந்து 6 சதவீதமாக அதிகரிக்க வைக்கும் திட்ட இலக்கை 32 வயது பட்டத்து இளவரசர் நிர்ணயித்திருக்கிறார். http://www.bbc.com/tamil/global-42311118
  9. நாய் பிடிகாரர்.

    இலங்கையை பொறுத்த வரை கிராமப்புறங்களில் நாய் இல்லாத வீடே கிடையாது என்றெ சொல்லலாம்.நகர் புறங்களில் வளவுகளுடன் வீடுள்ளவர்களில் கணிசமானவர்களின் வீட்டிலும் நாய் வளர்பை பார்க்கலாம்.மாநகர் என்று பார்த்தால் அங்கு நாய்கள் வளர்க்கக் கூடிய சூழ்நிலைகள் இல்லாததால் ஓரிரு வீடுகளைத் தவிர மற்றைய வீடுகளில் நாய் வளர்க்க மாட்டார்கள். ஒரு சில வீடுகளில் வெளிநாட்டு நாய்களை வெளிநாடுகளில் பாணியில் வளர்ப்பார்கள்.எமது ஆட்களுக்கு ஒன்றுக்கு இரண்டுக்கு போறதை கழுவுறது துடைக்கிறதென்றால் மூஞ்சையை சுழிப்பார்கள். வெளிநாடுகளில் பலரும் நாய்கள் வளர்க்கிறார்கள்.அந்த அந்த நேரத்திற்கு வெளியே கொண்டு போய் ஒன்றுக்கு இரண்டுக்கு விடுவார்கள்.ஆட்கள் நடமாட்டமாக இருந்தால் சுடச்சுட எடுத்துக் கொண்டு போவார்கள்.எவருடைய நடமாட்டமும் இல்லை என்றால் அங்குமிங்கும் பார்த்துவிட்டு கொற கொறவென இழுத்துக் கொண்டு போய்விடுவார்கள்.அத்தோடு தடுப்பூசிகள் போட வேண்டும்.மயிர் வெட்ட வேண்டும் ஏகப்பட்ட செலவு. வெளிநாட்டில் மிருக வைத்தியருக்கும் நல்ல உழைப்பும் மரியாதையும்.இதுவே ஊரில் என்றால் ஏழனமாகவே பார்ப்பார்கள்.அலுவலகத்திலும் இலையான் கலைச்சுக் கொண்டு தான் இருப்பார். நான் யாழ் இந்துவில் சேர்ந்த புதிதில் இடைவேளையின் போது மைதானத்தில் தான் பொழுதைக் கழிப்பது. ஒரு நாள் இரண்டு சில்லுள்ள தள்ளுவண்டியை இருவர் தள்ளிக் கொண்டு வந்தார்கள்.அந்த வண்டியினுள் 5 ,6 நாய்கள்அங்குமிங்கும் ஓடிக் கொண்டிருந்தன.ஒருவர் வண்டியை தள்ளிக் கொண்டு வர மற்றவர் ஒரு கையை வண்டியிலும் மற்ற கையில் ஒரு அளவான தடியின் நுனியில் வயரினால் செய்த உருவுதடம் ஒன்றும் இருந்தது. என்ன தான் செய்கிறார்கள் என்று பின் தொடர்ந்து பார்த்தா கட்டாகாலி நாய்களை பிடித்து வண்டியினுள் போட்டு கொண்டு போகிறார்கள். இப்படி பிடிபடும் நாய்களை என்ன செய்கிறார்கள் என்று பலரையும் விசாரித்தால் எவருக்கும் அதற்கு பின்னால் என்ன தான் நடக்கிறதென்பது தெரியவில்லை.எனக்கோ ஏதாவதொரு தெரியவில்லை என்றால் அதை அறியுமட்டும் அதே சிந்தனை தான். கொஞ்சகாலம் கடந்த பின் மீண்டும் அதே மாதிரி வண்டியில் கட்டாகாலி நாய்களை பிடித்து ஏற்றிக் கொண்டு போகிறார்கள்.அந்த வண்டி பின்னாடியே எனது நண்பனும் நானுமாக பின் தொடர்கின்றோம்.கொஞ்ச தூரம் போக ஒருவர் ஓடி வந்து அவர்களுடன் சண்டை பிடிக்கிற மாதிரி கதைத்து பின்னர் சிறிது பணம் கொடுத்து அவரின் நாயை மீட்டு செல்கிறார். அந்த நாயைக் கொண்டு வந்தவரிடம் விபரம் கேட்கலாம் என்று அண்ணை அண்ணை கொஞ்சம் நில்லுங்கோ!இந்த நாய்களை ஏன் பிடிக்கிறார்கள?எங்கே கொண்டு போகிறார்கள்? அது தம்பியவை இவங்கள் மாநகரசபையால் வாறாங்கள்.கட்டாகாலி நாய்களை பிடித்து கொண்டு போறாங்கள். சரி அண்ணை எங்கை கொண்டு போறாங்கள்? இப்பிடியே கொண்டு போய் பண்ணை கடலினுள் இறக்கிவிடுவாங்கள் அதுகள் வாலை வெட்டிக் கொண்டு போய் மாநகரசபையில் கொடுத்தால் வாலுக்கு ஒரு ருபா கொடுப்பாங்களாம் இது மட்டும் தான் எனக்கு தெரியும். அந்த சிறு வயதிலேயே பிடிபட்ட நாய்களுக்காக மனம் ரொம்பவே அழுதது.இப்படியான சம்பவம் நடக்கிறதை மாநகரசபையில் வசிப்பவர்களைத் தவிர மற்றவர்கள் அறிந்திருக்க வாய்ப்புகளே குறைவு. உண்மையில் அந்த அண்ணன் சொன்ன மாதிரி நாய்களைக் கொன்று வாலை கொடுத்து பணம் பெறுகிறார்களா? அல்லது இந்த நாய்களுக்கு என்ன நடக்கின்றன என்று இன்று வரை சரியான தகவல்கள் தெரியாது.
  10. சரியான பதில்: காற்றாடி. பதில் அளித்தவர்களுக்கு வாழ்த்துக்கள் பொன் நகையால் பூட்டு இருக்கும், சொன்னதெல்லாம் உள் இழுக்கும், அது என்ன?
  11. இளமை புதுமை பல்சுவை

    பக்த மீரா என்றாலே நினைவுக்கு வரும் எம்.எஸ்.சுப்புலட்சுமியின் முகம்! #MSSubbulakshmiMemories வரலாற்றில் இடம்பிடித்த பலரின் புகைப்படங்களைக்கூட நாம் பார்க்க முடிந்ததில்லை. ஆனால், அவர்கள் எதேனும் ஒரு கலை வடிவத்தின் வழியே நம்மை வந்தடைந்துவிடுவார்கள். அப்போது, அந்த நடிகர்களின் முகமே வரலாற்று நாயகர்களின் முகமாக நம் மனதில் பதிந்துவிடும். உதாரணமாக, வீரபாண்டிய கட்டபொம்மன் என்ற பெயரைப் படித்ததுமே திரையில் கர்ஜித்த சிவாஜி கணேசனும் ஒளவை பாட்டி என்றதுமே இனிய குரலுக்குச் சொந்தக்காரரான கே.பி.சுந்தரம்பாள் நினைவுக்கு வருகின்றனர் அல்லவா... அதேபோல, கண்ணனை நினைத்து நெஞ்சை உருக வைக்கும் பாடல்களைப் பாடிய பக்த மீராவின் முகம் எம்.எஸ்.சுப்புலட்சுமி என்பதாகவே நமக்குப் பதிந்துவிட்டது. 1916 -ம் ஆண்டு மதுரையில் பிறந்தவர் சுப்புலட்சுமி. ஊரின் பெயரும் அம்மாவின் பெயரும் அவரோடு இணைந்துவிட்டது. மதுரை சண்முக வடிவு சுப்புலட்சுமி என்பதன் சுருக்கமே எம்.எஸ்.சுப்புலட்சுமி. இவரின் அம்மா சண்முக வடிவ வீணை வாசிப்பதில் புகழ்பெற்றவர். சுப்புலட்சுமிக்கு அந்தத் திறன் இருந்தது. ஆயினும் பாடல் மீதான ஆர்வமே அதிகம் இருந்தது. தனது சகோதரி வடிவம்பாளுடன் இசைப் பயின்றார். சுப்புலட்சுமி 10 வயதில் மரகத வடிவம் எனும் பாடலைப் பாடி, அப்போது புகழ்பெற்றிருந்த இசை நிறுவனவத்தின் வழியே இசைத்தட்டாக வெளிவந்தது. பாடலைக் கேட்டவர்கள் அந்தக் குரலின் இனிமையில் மயங்கினர். பின்னாளில் மிகச் சிறந்த பாடகியாக உருவெடுப்பார் என்பதற்கான முன் அறிவிப்பாக அந்தப் பாடல் அமைந்திருந்தது என்றால் மிகையில்லை. அம்மாவே இவரின் முதல் குரு. பின்னாளில், சேத்தூர் சுந்தரேச பட்டர், செம்மங்குடி சீனிவாச அய்யர் உள்ளிட்டவர்களிடமும் இசை பயின்றார். 1938-ம் ஆண்டு 'சேவா சதனம்' எனும் திரைப்படத்தில் நடித்தும், பாடல்களைப் பாடவும் செய்தார். அதற்குப் பிறகு, வெளியான 'சகுந்தலை' எனும் திரைப்படம்தான் எம்.எஸ்.சுப்புலட்சுமிக்குத் தனித்த கவனிப்பைத் தந்தது. சாவித்திரி எனும் படத்தில் நாரதராக நடித்தார். 1945 ஆம் ஆண்டு இவர் நடித்த 'மீரா' எனும் படம்தான் இவரின் அடையாளமாக மாறியது. அதில் இடம்பெற்ற 12 பாடல்களில், காற்றினிலே வரும் கீதம்... எனும் பாடல் இன்றைக்கும் பலரின் விருப்பமான பாடலாக ஒலித்துவருகிறது. படமும் வெற்றிகரமாக ஓடியது. இந்தியிலும் மறுஆக்கம் செய்யப்பட்டது. ஆனாலும் எம்.எஸ்.சுப்புலட்சுமிக்கு இதுவே கடைசிப் படமாகவும் ஆனது. 1940- சுப்புலட்சுமிக்கும் சதாசிவத்துக்கும் திருமணம் நடந்தது. எம்.எஸ். சுப்புலட்சுமியின் இசை வாழ்க்கைக்குப் பெரும் துணையாக அமைந்தவர் சதாசிவம். முற்போக்கு எண்ணம் கொண்டவர். இந்திய விடுதலைப் போராட்ட வீரர். எம்.எஸ்.சுப்புலட்சுமியை மகாத்மா காந்தியைச் சந்திக்க வைத்தவர். அந்தச் சந்திப்பின் காரணமாக கஸ்தூர்பா அறக்கட்டளைக்கு நிதி திரட்டுவதற்கு எம்.எஸ்.சுப்புலட்சுமி இசைக் கச்சேரிகளை நடத்தினார். இவர் பாடிய 'வைஷ்ணவ ஜனதே' மற்றும் 'ரகுபதி ராகவ ராஜாராம்' ஆகிய பாடல்களை, காந்தியடிகள் விரும்பி கேட்பார். எம்.எஸ். சுப்புலெட்சுமி திரைப்படத்தில் நடிப்பதை விட்டாலும் மேடையில் தொடர்ந்து கச்சேரிகள் செய்துவந்தார். புகழ்பெற்றவர்களின் பாராட்டுகளையும் பல்வேறு விருதுகளையும் பெற்றவர் எம்.எஸ்.எஸ். 1974- மகசேசே, 1998-ல் பாரத ரத்னா விருதும் இவரை வந்தடைந்தன. 1997- ஆம் ஆண்டு, கணவர் சதாசிவம் இறந்ததும், தன்னை எங்கும் வெளிகாட்டிக்கொள்ளாமல், பாடாமல் ஒதுங்கிக் கொண்டார். 2004 ஆம் ஆண்டு டிசம்பர் 11 ஆம் தேதி இசைப் பறவை இவ்வுலகை விட்டு விலகியது. https://www.vikatan.com
  12. அவர் தொப்பியைக் கழற்றி விட்டதால்தான் மாறிக் கதைக்கிறார்போல் தெரிகிறது... ! புதுத் தொப்பி எல்லாம் போடமுடியாது. போனால் போனதுதான்.!!
  13. ஒரு இனிய உதயம்! – சிறுகதை ''அம்மா.... நான் கேட்க, கேட்க ஏம்மா பதிலே சொல்ல மாட்டேன்ங்கிறீங்க?'' ''சுஜி... உனக்கு இன்னும் ரெண்டு பூரி வைக்கிறேன்.'' ''நான் என்ன கேட்கிறேன்? நீங்க அதுக்கு என்ன பதில் சொல்றீங்க? நான் கேட்டது உங்களுக்கு புரியலையா என்ன?'' ''புரியுது.... புரியுது... சுஜி. நீ சின்ன பெண். உனக்கு எதுக்கு இப்போ இதைப்பற்றின கவலை. சாப்பிட்டதும் போய் படி. பரீட்சை வருதுதில்லே.... இப்போ டென்த்துங்கிறதை மனசிலே வச்சுக்கிட்டு படி.'' ''படிக்க புத்தகத்தை எடுத்து விரிச்சாலே அதிலே அப்பா முகம்தான் தெரியுது. படிக்க முடியல...'' ''இதுல உன்னை சொல்ல குத்தமில்லே. இனிமேல் ஸ்கூல்ல வந்து உன்னை பார்க்க வேண்டாம்னு கொஞ்சம் கடுமையா பேசினால்தான் உன்னை தேடி உன் அப்பா அங்கே வரமாட்டார்.'' ''ஏம்மா.... ஏன் அப்படி பண்ண போறீங்க? இப்போ வாரத்திலே ஒரு நாள் ஸ்கூல்ல வந்து பார்த்துட்டு போறார். அதையும் கெடுக்க போறீங்களே? நீங்க ரெண்டு பேரும் ஏன் பிரிஞ்சீங்கன்னு கேட்டா அதுக்கு சரியான பதிலும் சொல்லமாட்டேன்ங்கிறீங்க. உங்களுக்குள்ளே என்ன பிரச்னை? அப்பாவை பார்த்தா பாவமா இருக்கே, எப்போதுமே சந்தோஷமும் இல்லாம ஒரு கலகலப்பும் இல்லாமலேயே இருக்கிறார். நீங்க டைவர்ஸ் வாங்கிக்கிட்டதனாலேதானே நான் அப்பா கூட இருக்க முடியாம ஆச்சு? இது ஏன் உங்களுக்கு புரியலே? அப்படி அப்பா என்ன தப்பு செய்துட்டார்? மற்ற பிள்ளைகளை போல எனக்கும் அப்பாவோட இருக்கணும்ங்கிற ஆசை இருக்காதா? அப்பா இல்லாம வளர நான் என்ன பாவம் செய்தேன்?'' ''சுஜி.... ரெண்டு பேக் எடுத்துக்க. ஒண்ணுலே உன் டிரஸ்ஸுகளையும் அப்புறம் உனக்கு தேவையான பேஸ்ட், பிரஷ், ஹேர் ஆயில்.... இப்படிப்பட்ட சாமான்களையும் வச்சுக்க. நானே உங்கப்பாகிட்ட இப்பவே கொண்டு போய் விட்டுட்டு வந்துடறேன். இன்னும் ரெண்டு தெரு தள்ளித்தானே இருக்குது உங்க அப்பா வீடு. சீக்கிரமாகவே போயிடலாம். அங்கே போய் உன் அப்பா கூடவே இரு. இப்போ நீ வளர்ந்துட்டே. உன் தேவைகளை நீயே கவனிச்சுக்க உன்னாலேயே முடியும். என் உதவி இனிமேல் உனக்கு தேவையில்லை. என்னை எப்போ பார்க்கணும்னு உனக்கு தோணுதோ, அப்போ இங்கே வா. என்னை வந்து பார். உடனேயே திரும்பி போய் விடு. ஏன்னா உனக்கு தாய் மேல் இருக்கும் பாசத்தை விட தந்தை மேல்தானே பாசம் கூடுதலாக இருக்குது? '' ''அம்மா உங்களை பிரிஞ்சு அப்பாகிட்டயே என்னை போக சொல்றீங்களா? அப்போ அப்பா கிடைப்பார், அம்மா உங்களை நான் இழந்திடணுமா?'' ''சுஜி.... நீ நினைக்கிறதை போல நாங்க ரெண்டு பேரும் ஒண்ணா வாழ்ந்திட முடியாதும்மா?'' ''ஏன்மா? அதுதான் ஏன்னு கேக்கிறேன்? உங்க பிரிவுக்கான காரணத்தை ஏன் சொல்ல மாட்டேன்கிறீங்க? அத நான் எப்போதான் தெரிஞ்சுக்கிறது? நான் இன்னும் என்ன விபரம் தெரியாத சின்ன பொண்ணா?'' ''சுஜி.... நீ மாறி மாறி கேட்கிேற? அதிலும் கொஞ்ச நாளாகவே கேட்டுக்கிட்டு இருக்கே. அதனால சொல்றேன்.'' ஒருவித தயக்கத்துடன் சொல்ல ஆரம்பித்தாள் சாந்தி. ''எனக்கும், உங்கப்பாவுக்கும் கல்யாணம்னு பெரியவங்க பேசினபோதே நான் ரெண்டு கண்டிஷன்களை சொன்னேன். அதுக்கு உங்கப்பாவும், அவங்க குடும்பத்தினரும் ஒத்துக்கிட்டாங்க. ஆனால் கல்யாணம் ஆனதுக்கு அப்புறம் அப்படியே மாறி போயிட்டாங்க.'' ''அதென்னம்மா ரெண்டு கண்டிஷன்?'' ''முதல் கண்டிஷன் – எங்க அப்பா, அம்மாவுக்கு நான் ஒரே பெண் என்பதால் என் சம்பளத்தை நான் அவங்ககிட்டதான் கொடுப்பேன். இரண்டாவது கண்டிஷன் – அப்புறம் அவங்க தனியா இருப்பாங்க. அவங்க தளர்ந்து போகும் காலம் வரை இருக்கட்டும். அதன்பிறகு அவங்களை என்னோடவே வச்சுக்குவேன். இதுதான்.... இது தப்பா?'' ''இல்லையே? தாத்தாவும், பாட்டியும் உங்க வருமானத்திலேயும், உங்களை சார்ந்தும் தானே இருக்க முடியும்?'' ''இந்த கண்டிஷனுக்கு எல்லாம் தலையாட்டின உங்க அப்பாவும், அவங்க அப்பாவும், அம்மாவும் எங்களுக்கு கல்யாணமான மறுமாசமே என் சம்பள பணத்தை கேட்டாங்க. நான் என்னோட அம்மா, அப்பாகிட்ட கொடுத்துட்டதா சொன்னேன். அதற்காக அவங்க என்னை கடுமையான வார்த்தைகளாலே பேசினாங்க. அன்னைக்கே எங்க வாழ்க்கையிலே பிரச்னைதான். அதை தெரிஞ்சுக்கிட்ட என்னோட அப்பாவும், அம்மாவும் நீ எங்களுக்கு ரூபாய் எதுவும் தர வேண்டாம், உன் வாழ்க்கையை நீ பாரு, எங்களால் உனக்கு எந்த கஷ்டமும் வரக்கூடாதுன்னு சொன்னாங்க. நான் ரூபாய் கொடுக்கலேன்னா, அவங்க வயசான காலத்திலே சாப்பாட்டு செலவுக்கும் மருத்துவ செலவுக்கும் எல்லாம் என்ன செய்வாங்க? குடியிருந்த வீடு மட்டும்தான் சொந்தம். வேற அவங்களுக்கு வருமானத்துக்கு எந்த வழியும் இல்லையே? கொஞ்ச நாட்களாகவே யோசிச்சு நான் அந்த வீட்டை விற்க ஏற்பாடு பண்ணினேன். கொஞ்சம் பெரிய வீடு ஆனதனாலே இருபது லட்ச ரூபாய்க்கு விற்க முடிஞ்சது. வித்த பணத்தை பாங்க்கில் போட்டு அதன் வட்டியை மாசாமாசம் அவங்களுக்கு கிடைக்கும் படியான ஏற்பாடுகளை செய்தேன். என்னோட அப்பாவையும், அம்மாவையும் ஒரு சின்ன வீட்டை வாடகைக்கு எடுத்து அதிலே அவங்களை குடியமர்த்தினேன். அதன் பிறகு என் சம்பள பணத்தை உங்க அப்பாகிட்ட கொடுத்தேன். கொஞ்ச காலம் எந்த பிரச்னையும் இல்லாமல் நாட்கள் கழிஞ்சது. திடீர்னு ஒரு நாள் எங்கப்பா மாரடைப்பிலே இறந்து போக, அவருக்கு செய்ய வேண்டியவற்றை செய்து முடிந்த நான் தனியாக இருந்த அம்மாவை என்னோடு அழைத்து வந்தேன். அப்போது உங்க அப்பா குடும்பத்தினர் பிரச்னை பண்ணினாங்க. அதை பார்த்த எங்க அம்மா, என்னை ஏதாவது ஒரு முதியோர் இல்லத்திலே சேர்த்து விட்டுடுமான்னு சொல்லி அழுதாங்க. அவங்க ஆதரவு இல்லாமல் எங்கோ தனியா தவிக்க விட எனக்கு மனமில்லை. என் தாயை என்னால் அனாதை போல் விட்டுவிட முடியாதுன்னு சொல்லி அப்போ அஞ்சு வயசான உன்னையும் அழைச்சுக்கிட்டு இங்கே வந்துட்டேன். உங்கப்பா ரெண்டு, மூணு தடவை இங்கே வந்து என்னை அழைச்சார். நான் எங்கம்மாவோடுதான் இருப்பேன், அவங்க உங்க வீட்டிலே இருக்க சம்மதம்னா சொல்லுங்க, நானும் வர்றேன்னு சொன்னேன். உங்கப்பா சம்மதிச்சார். ஆனால், அவரோட அப்பாவும், அம்மாவும் சம்மதிக்க மறுத்துட்டாங்க. கொஞ்ச நாட்களுக்கு பிறகு அவருக்கு ரெண்டாவது கல்யாணம் பண்ணி வைக்க போறோம்னு சொல்லி உங்க தாத்தா, பாட்டி சொல்லவே அவரும் டைவர்ஸ் கேட்டார். நானும் கொடுக்க வேண்டியதா போச்சு. எங்கம்மா இறந்து ரெண்டு வருஷம் ஆச்சு. இப்போ எனக்கு நீ துணை.... உனக்கு நான் துணை. இப்போ உன்னோட அப்பாவும், தாத்தாவும், பாட்டியும் என்னை அவங்களோடு இருக்கும்படி அடிக்கடி வந்து வற்புறுத்துறாங்க. நான் எப்படி சம்மதிப்பேன்? உன்னோட தாத்தாவும், பாட்டியும் இப்போ தளர்ந்து போயிட்டாங்களாம். அவங்களுக்கு துணையா நான் இருக்கணுமாம். அவங்களை பராமரிக்கவும், அவங்களோட தேவைகளை நிறைவேற்றவும்தான் என்னை கூப்பிடுறாங்க. என்னால் அது முடியாது. நான் உத்தியோகத்துக்கு போய் கொண்டிருப்பவள். உங்கப்பாவே அவங்களை ஆதரித்து பார்த்துக்கட்டும், இல்லே வேலைக்கு ஆள் வச்சு பார்த்துக்கிடட்டும். என் பெற்றோரை வேண்டாம்னு சொன்னாங்க, உங்கப்பாவும் சேர்ந்துதானே சொன்னார். சட்டப்படியும் நாங்க பிரிஞ்சாச்சு. இனியும் எங்களுக்குள்ளே என்ன சொந்த பந்தம் இருக்க முடியும்? அவரோடு சேர்ந்து வாழணும்னு நான் நினைக்கலை. இத்தனை வருஷகாலம் நான் என் திறமையினாலே ஒருவரிடமும் கை ஏந்தாமல் வாழ்ந்து விட்டேன். இனிமேலும் அப்படியே வாழ்ந்துடறேன். எனக்கு நீ மட்டும்.... நீ மட்டும் போதும்'' சொன்னவள் சுஜியை கட்டிப்பிடித்து கொண்டு அழுதாள். சுஜியால் தன் தாய் சொன்னவற்றை கேட்டதும் எந்த பதிலும் சொல்ல முடியவில்லை. சிறிது நேரம் அமைதியாக அப்படியே உட்கார்ந்திருந்தாள். சின்ன பெண் என்றாலும் கொஞ்ச நேரம் ஏதேதோ யோசித்தபடியே அமர்ந்திருந்தவள் பேச ஆரம்பித்தாள். ''அம்மா..... நான் நல்லபடியா படிச்சு உத்தியோகத்துக்குப் போய் உங்களை நல்லபடியா பார்த்துக்குவேன்.'' ''அது போதும்டி என் கண்ணே...'' ''ஆனால் எனக்கு கல்யாணம் மட்டும் வேண்டாம்.'' திடுக்கிட்டாள் சாந்தி. ''என்ன சுஜி... ஏன் இப்படி சொல்றே?'' ''கல்யாணம் பண்ணிக்கிட்டா, புருஷன் வீட்ல என் சம்பளத்தை கேட்பாங்க. உங்களை என்னோட வச்சுக்க விடமாட்டாங்க. என்னாலும் உங்களை தனியாக விடமுடியாது. நானும் கணவனை பிரிஞ்சு வாழணும். அதெல்லாம் எதுக்கு? கல்யாணமே வேண்டாம்னு இருந்துடுறேனே! எனக்கு துணையாக நீ இருப்பீங்க. உங்களுக்கு துணையா நான் இருப்பேன். அதற்கு பிறகு எந்த பிரச்னைக்கும் இடமில்லை அல்லவா...'' சுஜியின் பேச்சு சாந்தியின் மனதில் எங்கோ ஒரு மூலையில் தாக்கியது. என்னை போல் இவளும் தனி மரமாகத்தான் வாழ வேண்டுமா? நினைத்தவள் எதுவும் பேசாமலேயே இருந்தாள். அன்று இரவு முழுவதும் துாக்கமே வராமல் 'சிவராத்திரி'யாகவே கழிந்தது சாந்திக்கு. இரண்டு நாட்கள் அவள் மனதில் ஏதேதோ குழப்பங்கள். மனதில் மட்டுமல்ல! குழப்பங்கள் சற்று கலங்கி தெளிந்த போது நான் ஏன் அவரோடு சேர்ந்து வாழக்கூடாது..... என்று நினைக்கத் தோன்றியது. மற்ற ஆண்களை போல் எந்த கெட்ட பழக்கங்களும் கிடையாது. அவரது பெற்றோர் இரண்டாவது கல்யாணத்திற்கு வற்புறுத்தியும் அவர் அதற்கு சம்மதிக்கவில்லை. என்னுடன் வாழ வேண்டும் என்று தானே பலமுறை வற்புறுத்தி கேட்டார். என் பிடிவாதத்தால்தான் என் வாழ்க்கையே சீரழிந்து போய் விட்டதோ...? என் மகளும் இனி தனிமரமாகத்தான் வாழ வேண்டுமோ....? மனதை குடைந்த பல கேள்விகள். அதில் அவளால் பதில் சொல்ல முடியாத கேள்விகளும் இருந்தன. தப்பு என் பக்கமா.... இல்லை அவர்கள் பக்கமா... பத்து வருடங்கள் தனியாக வாழ்ந்தாயிற்று. தாய், தந்தைக்காகத்தான் அவர்களை பிரிந்தேன். இப்போது அவர்களும் இல்லை என்றாயிற்று. இனி சுஜியின் விருப்பப்படி நான் அவர்களோடு சேர்ந்து வாழ்ந்தால் என்ன? போன வாரம் சுஜியின் ஸ்கூலில் நடந்த 'பெற்றோர் தினவிழா'வில் அவரும் வந்திருந்தாரே..... என்னோடு நெருக்கமாக அமர்ந்தாரே.... என்னை ஏறிட்டு கூட பார்க்கவில்லையே. இன்னொருவராக இருந்தால் டைவர்ஸ் ஆனதும் வேறு பெண்ணை மணம் முடித்து இருப்பாரே.... நினைக்க நினைக்க மனதுக்குள் ஏதோ ஒரு தடுமாற்றம். இனிமேலும் நான் தனித்தேதான் வாழ்வேன் என்ற எண்ணங்களும் பிடிவாதங்களும் சற்றே தளர ஆரம்பித்தது. ''அம்மா... அப்பா இன்னைக்கு ஸ்கூலுக்கு வந்திருந்தார். கொஞ்ச நேரம் என் பக்கத்திலேயே உட்கார்ந்திருந்தார். எதுவுமே பேசவில்லை. எழுந்து போகும் போது.... உன் அம்மாவை நல்லபடியா பார்த்துக்கம்மா... அப்படீன்னு சொன்னார்.'' ''சுஜி.... இனிமேல் அவர் உன்னை பார்க்க வந்தால் நம்ம வீட்டுக்கு அழைச்சிட்டு வாம்மா...'' தயக்கத்தோடு சொன்ன சாந்தியை வியப்போடு பார்த்தாள் சுஜி. ''அம்மா... என்னம்மா சொல்றீங்க? அப்பாவை இங்கே அழைச்சிட்டு வரவா!'' ஆச்சரியம் தாங்க முடியாமல் இன்னும் அதிர்ச்சியோடு கேட்டாள். ''ஆமாம் சுஜி.... நான் அவரோடு சேர்ந்து வாழ்வதாக முடிவுக்கு வந்து விட்டேன். அதுவும் உனக்காகத்தான்.'' ''அம்மா....'' என சொல்லியவாறு அப்படியே தன் தாயை கட்டி அணைத்தாள். ''அம்மா... இனி அடுத்த வாரம்தான் அப்பா என்னை பார்க்க வருவார். அதுவரை நாம ஏன் பொறுத்திருக்கணும்? இப்போ மணி அஞ்சு. நான் என் செல்லிலேயே அப்பாவை இப்போ கூப்பிடுறேன்.'' சந்தோஷத்தோடு செல்லை ஆன் பண்ணி முருகேசனிடம் பேசினாள். இன்னும் அஞ்சே நிமிஷத்தில் வந்து விடுகிறேன் என்று அவர் சொல்ல, சுஜியின் மனதோ இறக்கை கட்டி பறந்தது. தன் தந்தை வருமுன் தாயின் மனது மாறிவிடக் கூடாதே என்று நினைத்தது. சற்று நேரத்தில் முருகேசன் வர, சாந்தி, ''வாங்க'' என்னும் ஒற்றை சொல்லோடு தலை குனிந்தபடி நின்றாள். அவளால் மேற்கொண்டு எதுவும் பேச முடியவில்லை. சுஜி தன் தந்தையை வரவேற்று அமர வைத்தாள். சாந்தி அடுப்படிக்கு சென்றவள் ஐந்தே நிமிடத்தில் இரண்டு கப் காபியோடு வந்தாள். சுஜி ஒன்றை எடுத்து தன் தந்தை கையில் கொடுத்து விட்டு தானும் குடித்தாள். ''அப்பா.... அம்மா உங்க கூடவும், தாத்தா – பாட்டி கூடவும் வந்து இருக்கிறதா சொல்றாங்க.'' சாந்தியின் முகத்தை கூர்ந்து பார்த்தான் முருகேசன். அவளின் மவுனமே சம்மதம் என்பதை சொல்லாமல் சொல்லியது. ''சுஜி... இப்பவே ரெண்டு பேரும் என்னோடு பைக்கிலே வாங்க. நாளைக்கு வந்து நாம எல்லா சாமான்களையும் எடுத்துக்கலாம்'' என சொன்னபடியே முருகேசன் முன்னே நடக்க, சுஜி பின்தொடர்ந்தாள். வீட்டு கதவுகளை சாத்தின சாந்தி, சுஜியின் பின்னாடி பைக்கில் அமர, பைக் கிளம்பியது. அது ஒரு இனிய வாழ்க்கையை.... ஒரு இனிய உதயத்தை தேடி விரைந்தது. – http://dinamalarnellai.com
  14. தமிழரிடம் அரிசியை வாங்கிவிட்டுப் பதிலாக உமி கொடுக்கும் சுதந்திரக் கட்சியை விடவும்.... நெல்லுக் கொடுக்கும் ஐ.தே.க. சிறந்ததே.
  15. இங்கிலாந்து அணியின் ‘குடி’ பிரச்சினை ஜோக் அல்ல: ஆஸி.பயிற்சியாளர் டேரன் லீ மேன் டேரன் லீ மேன். - கோப்புப் படம். | கே.முரளி குமார் இங்கிலாந்து பந்து வீச்சு சாதனையாளர் ஜேம்ஸ் ஆண்டர்சன் தலையில் மதுவை ஊற்றிய சக வீரர் பென் டக்கெட், 2 நாள் பயிற்சி ஆட்டத்திலிருந்து நீக்கப்பட்டதையடுத்து இங்கிலாந்தின் இந்தப் பிரச்சினை சிரிப்பதற்குரியதல்ல என்று கூறியுள்ளார் ஆஸி. பயிற்சியாளர் டேரன் லீ மேன். கடந்த செப்டம்பரில் பிரிஸ்டலில் மதுபான விடுதி அருகே பென் ஸ்டோக்ஸ் குடித்துவிட்டு இருவர் மீது பலப்பிரயோகம் செய்தது பிரச்சினையாகி இன்னமும் முடியாத நிலையில் ஜேம்ஸ் ஆண்டர்சன் மீது டக்கெட் மது ஊற்றி விளையாடும் சம்பவம் நடந்துள்ளது. இன்னொரு சம்பவத்தில் பெர்த்தில் ஜானி பேர்ஸ்டோ, ஆஸ்திரேலிய தொடக்க வீரரை தலையால் முட்டி அதன் பிறகு இருவரும் சேர்ந்து குடியாய்க் குடித்த சம்பவமாகும். இது பிரிஸ்பன் டெஸ்ட் போட்டியின் போது சச்சரவுகளை ஏற்படுத்தியது. இந்நிலையில் எதிரணியினரின் இம்மாதிரி பலவீனமான தருணங்களில் மகிழ்ச்சியடைபவன் நான் இல்லை என்று ஆஸ்திரேலிய பயிற்சியாளர் டேரன் லீ மேன் தெரிவித்துள்ளார். “நான் இவற்றையெல்லாம் கடந்து வந்துள்ளேன். எனவே இதைப் பரிகாசம் செய்வது சரியல்ல. நம் கிரிக்கெட் வாழ்க்கை முழுதும் இத்தகைய சூழ்நிலைகளைக் நாமே சந்தித்திருக்கிறோம். எனவே இது வேடிக்கைக்குரியதல்ல” என்றார். பொதுவாக எதிரணியினரின் இத்தகைய பலவீனங்களை ஆஸ்திரேலியர்கள் வேட்டை விலங்குகள் போல் மைதானத்தில் பயன்படுத்தி அந்த வீரரை சின்னாபின்னமாக்குவதுதான் வழக்கம். ஆனால் டேரன் லீ மேன், “எங்களைப் பொறுத்தவரை இங்கிலாந்து அணியினரின் புறச்செயல்களைப் பற்றி கவலையில்லை. இங்கிலாந்து நல்ல அணி, அவர்களிடம் சில அபாயகரமான வீரர்கள் உள்ளனர். பெர்த் போட்டியில் ஆஸ்திரேலிய வீரர்கள் இதிலெல்லாம் கவனம் செலுத்தாமல் ஆஷஸ் தொடரை மீண்டும் கைப்பற்றுவதிலேயே கவனமாக இருப்பார்கள்” என்றார். இங்கிலாந்து பயிற்சியாளர் டிரவர் பெய்லிஸ் கூறும்போது, “களத்திற்கு வெளியே நடக்கும் விவகாரங்களைத் தீர்ப்பதே பெரும் சள்ளையாகப் போய் விட்டது. அணிக்குப் பயிற்சி அளிப்பதா அல்லது வீரர்களின் செய்கைகளுக்கு விளக்கம் அளித்துக் கொண்டிருப்பதா?” என்று வெறுப்படைந்துள்ளார். http://tamil.thehindu.com/sports/article21390511.ece
  16. இளமை புதுமை பல்சுவை

    பூமி என்னும் சொர்க்கம் : எதையும் தாங்கும் புழு! அற்பப் புழு’ என்று கூறுவது உண்டு. ஆனால் கண்ணுக்கே தெரியாத மிகச் சிறிய புழு ஒன்று நம்ப முடியாத அளவுக்குப் பல்வேறு திறன்களைப் பெற்றதாக விளங்குகிறது. அதன் பெயர் டார்டிகிரேடு(Tardigrade) அந்தப் புழுவுக்கு நீர்க்கரடி (water bear) என்ற பெயரும் உண்டு. இந்த நுண்ணியப் புழு கடும் வெப்பத்தைத் தாங்கி நிற்கும். கடும் குளிரையும் தாங்கி நிற்கும். கடும் கதிர் வீச்சையும் தாங்கி நிற்கும். இது அன்ன ஆகாரமின்றி பல ஆண்டுகள் ஜீவிக்கும் திறன் கொண்டது. ஏதோ விபரீதம் ஏற்பட்டு பூமியில் உயிரினப் பேரழிவு ஏற்பட்டாலும் டார்டிகிரேடு புழு உயிர் பிழைத்து நிற்கும் என்று கூறப்படுகிறது. எனவேதான் விஞ்ஞானிகள் டார்டிகிரேடு புழுவின் மரபணுக்களை விரிவாக ஆராய்ந்துவருகின்றனர். பலவிதமான பாதக நிலைமைகளையும் இந்தப் புழு எப்படித் தாங்கி நிற்கிறது என்பதை அறிந்துகொண்டால், எதிர்காலத்தில் மனிதன் நீண்ட விண்வெளிப் பயணம் மேற்கொண்டால் அதற்கு உதவும் என்று அவர்கள் கருதுகின்றனர். கீட்சே என்னும் ஜெர்மன் விஞ்ஞானி 1773-ம் ஆண்டில் முதன் முதலில் இந்தப் புழு பற்றிக் கண்டுபிடித்துக் கூறினார். பின்னர் புழு பற்றி மேற்கொண்டு ஆய்வுகள் மேற்கொள்ளப்பட்டன. இந்தப் புழு இனம் மலை உச்சிகளிலும் காணப்படுகிறது. கடல்களில் மிக ஆழத்திலும் இதைக் காணமுடியும். சேற்று எரிமலைகளிலும் இது ஜீவிக்கிறது. வெப்ப மண்டலக் காடுகளிலும் உள்ளது. பனிக்கட்டிகளால் மூடப்பட்ட அண்டார்டிகாவிலும் இது உள்ளது. டார்டிக்ரேடு புழு முழுதாக வளர்ந்த நிலையில் அரை மில்லி மீட்டர் நீளமே உள்ளது. இதற்கு எட்டுக் கால்கள் உண்டு. இந்தப் புழு முட்டையிட்டுக் குஞ்சு பொரிக்கும். இது மைனஸ் 272 டிகிரி (செல்சியஸ்) குளிரையும் தாங்கி நிற்கும். 150 டிகிரி (செல்சியஸ்) வெப்பத்தைச் சில நிமிட நேரம் தாங்கி நிற்கும். கடல்களில் மிக ஆழத்தில் இருக்கிற கடும் அழுத்தத்திலும் இது பிழைத்து நிற்கும். நீர் இல்லாத நிலையில் இது காய்ந்து வெறும் பொடிபோலாகி விடும். அப்போதும் சரி, இது உயிரிழந்து விடுவதில்லை. 30 ஆண்டுகள் இப்படிச் செயலற்ற நிலையில் இருந்து விட்டுப் பின்னர் உகந்த சூழ்நிலைகள் ஏற்பட்டதும் மறுபடி பிழைத்துக் கொள்ளும் கடும் கதிர்வீச்சு தாக்கினால் உயிரினங்களில் பெரும்பாலானவை மடிந்துவிடும். ஆனால் டார்டிகிரேடு புழு அதையும் தாங்கி நிற்க வல்லது. டார்டிகிரேடின் இந்தத் திறனைச் சோதிப்பதற்காக ஐரோப்பிய விண்வெளி நிறுவனம் 2008-ம் ஆண்டில் டார்டிகிரேடு புழுக்களை ஆளில்லா விண்கலம் ஒன்றில் வைத்து ராக்கெட் மூலம் உயரே செலுத்தியது. புழுக்கள் 12 நாட்களுக்கு விண்வெளியில் உள்ள கதிர்வீச்சு நிலைக்கு உள்ளாக்கப்பட்டன. பின்னர் கலம் பூமிக்குத் திரும்பியது. புழுக்களை நிபுணர்கள் ஆராய்ந்தபோது விண்வெளியில் நிலவும் கதிர்வீச்சினால் அவை பாதிக்கப்படவில்லை என்பது தெரியவந்தது. விண்வெளியில் உயிரினத்துக்குத் தீங்கான வகையைச் சேர்ந்த புற ஊதாக் கதிர்கள், அவற்றை விட ஆபத்தான எக்ஸ் கதிர்கள், மிகுந்த ஆற்றல் கொண்ட காஸ்மிக் கதிர்கள் முதலியவை உள்ளன. டார்டிகிரேடு புழுக்கள் காமா கதிர்களையும் எதிர்த்து நிற்கும் திறன் கொண்டவை. இந்தப் புழுக்கள் பின்னர் 2011-ம் ஆண்டிலும் அமெரிக்க விண்வெளி ஓடம் மூலம் விண்வெளிக்குக் கொண்டு செல்லப்பட்டன. டார்டிகிரேடு புழுக்கள் ஒன்றைக் காட்டுகின்றன. பூமியில் சாதகமான நிலைமைகளைப் பயன்படுத்திக் கொண்டு ஜீவிக்கும் உயிரினங்கள் எவ்வளவோ உள்ளன. அதே சமயத்தில் விபரீத நிலைமைகளையும் தாங்கி நிற்கும் உயிரினமும் பூமியில் உள்ளது. ஏனெனில் பூமியானது உயிரினத்தின் சொர்க்கம். http://tamil.thehindu.com
  17. இந்தநிலை இப்போது தோன்றியதல்ல. இலங்கை ஐரோப்பியரின் காலனியாக இருந்தபோதே, அவர்களின் ஆட்சியின்கீழ் கிழக்குமாகாணத்தில் அரசியல் செய்த தமிழர்கள் எவரும் கிழக்குமாகான வழித்தோன்றலில் வந்தவர்கள் அல்ல. மட்டக்களப்பில் இராசதுரை அவர்களைத் தோற்கடிப்பதற்கு தமிழரசுக்கட்சித் தலைவர் அமிர்தலிங்கம் செய்த சூழ்ச்சிப்பொறியில் கவிஞர் காசியானந்தன் அகப்பட்டார், காசியானந்தன் அவர்களைத் தவிர மற்றும் அனைத்து பேட்பாளர்களும் கிழக்குமாகாண வழித்தோன்றலில் வந்தவர்கள் அல்ல. கிழக்குமாகாண வழித்தோன்றலில் வந்த ஒரே ஒரு வேட்பாளர் கவிஞர் காசியானந்தன் அங்கு தோற்கடிக்கப்பட்டார்.
  18. முன்சீஃப் கர்ணம் முறையை ஒழித்த எம்.ஜி.ஆர்..! - ஒப்பனையும் ஒரிஜினலும்! எம்.ஜி.ஆர் 100 #MGR100 இறுதி அத்தியாயம் அரசியலிலும் மக்கள் மனம் கவர்ந்த எம்.ஜி.ஆர் நாளை போடப்போறேன் சட்டம் – பொதுவில் நன்மை புரிந்திடும் திட்டம் நாடு நலம் பெறும் திட்டம் என்று நாடோடி மன்னன் படத்தில் பாடிய படியே எம்.ஜி.ஆர் ஆட்சிக்கு வந்ததும் பல மக்கள் நலத்திட்டங்களை நிறைவேற்றினார். ஒப்பனையும் ஒரிஜினலும் ஒன்றுகலந்ததாக எம்.ஜி.ஆரின் வாழ்க்கை அமைந்துவிட்டதால் அவரை சினிமா எம்.ஜி.ஆர் என்றும் அரசியல் எம்.ஜி.ஆர் என்றும் பிரித்துப் பார்க்க இயலவில்லை. உலகப் பொருளாதாரக் கொள்கையில் மாற்றம் எம்.ஜி.ஆர் சினிமாவில் தனது ஹீரோ அந்தஸ்தை தக்க வைத்துக்கொள்ள பாடுபட்டதைப்போலவே முதல்வர் பொறுப்பேற்றதும் அதை தக்கவைக்க பல சவால்களைச் சந்தித்தார். அவரது ஆட்சிக்காலம் அவருக்கு மலர் பாதையாக அமையவில்லை. மாறாக பெரும் போராட்டக்களமாக அமைந்தது. மக்களின் முழு நம்பிக்கையை அவர் பெற்றிருந்ததால் அவர் அதிலும் வெற்றிபெற்றார். அவர் முதல்வரான காலகட்டத்தில் சர்வதேசப் பொருளாதாரத்தில் பல கொள்கை மாற்றங்கள் ஏற்பட்டன. LPG எனப்படும் Liberalization, Privatization, Globalization அதாவது தாராளமயமாக்கல், தனியார்மயமாக்கல் மற்றும் உலகமயமாக்கல் கொள்கைகள் தீவிரமாக இந்தியாவில் வேரூன்ற தொடங்கின. இந்நிலையில் அவர் பல மக்கள் நலத்திட்டங்களுக்காக மத்திய அரசுடன் போராடினார். ஏழை மக்களுக்கு அரசு உதவ வேண்டும் என்ற சோசலிச கொள்கை வலுவிழக்க தொடங்கிய காலகட்டம் அது. பொதுவுடைமை கொள்கை சிதறடிக்கப்பட்ட காலம். மக்கள் அவரவர் சொந்த முயற்சியில் தேவையானவற்றை பெற வேண்டுமே தவிர அரசை எதற்கும் எதிர்பார்க்க கூடாது என்ற கொள்கை பிரசாரம் தொடங்கியது. இந்நிலையில் 1977இல் முதல்வர் பொறுப்பேற்ற எம்.ஜி.ஆர் தன் படங்களில் ‘’நான் ஆணையிட்டால் அது நடந்துவிட்டால்-- இங்கு ஏழைகள் வேதனைப்படமாட்டார்’’ என்று பாடியது பொய்யாகிவிடக் கூடாது என்று சிந்தனையில் மிகவும் கவனமாகத் தான் சினிமாவில் நடித்துக்காட்டிய படி மக்கள் மீது அக்கறை கொண்டவராக ஒவ்வொரு திட்டத்தையும் செயல்படுத்தினார். எம்.ஜி.ஆர் தன் ஆட்சிக்காலத்தில் பெரிய அளவில் தொழிற்சாலைகள் அணைக்கட்டுகள் மேம்பாலங்கள் போன்றவற்றை உருவாக்காவிட்டாலும் மக்களின் அன்றாட வாழ்க்கை பிரச்னை இல்லாமல் இருக்கும்படி கவனித்துக்கொண்டார். பெண்களும் பிள்ளைகளும் பாதுகாப்பாக உணர்ந்தனர். பசிக்கொடுமையால் சிறுவர்கள் சிறுமிகள் தவறான பாதையில் போகும் சூழ்நிலை ஏற்படாதபடி பார்த்துக்கொண்டார். சத்துணவு முறையான கல்வி வழங்கப்பட்டதால் அவர்கள் வளர்ந்ததும் வேலை வாய்ப்பு பெற்றனர். நடுத்தரக் குடும்பங்களில் இரு பிரிவுகள் தோன்றியது, திமுக ஆட்சியில் வேலையில்லா போராட்டம் கடுமையாக இருந்தது. எம்.ஜி.ஆர் காலத்தில் அந்நிலை குறையத் தொடங்கியது. பெண்களுக்கும் வேலை கிடைத்தது. சத்துணவு திட்டத்திற்காக அவர் ஒரே நாளில் பத்தாயிரம் பெண்களுக்கு வேலை அளித்தார். இது இந்தியாவில் இதுவரை நடந்திராத சாதனையாகும். கல்லூரிகளில் வேலை வாய்ப்புக் கல்வி அறிமுகமானதால் இளைஞர்களிடையே நம்பிக்கை தோன்றியது. ‘தொழிலாளி’யாக எம்.ஜி.ஆரின் நலத் திட்டங்கள் ஏழை பங்காளன் என்று மக்களால் அழைக்கப்பட்ட எம்.ஜி.ஆர் அதற்கு எடுத்துக்கொண்ட முயற்சிகள் ஏராளம்., ரிக்‌ஷாக்காரனாக, பெயின்டராக, வண்டி இழுக்கும் தொழிலாளியாக, பரிசலோட்டியாக, கிணறு தூர் வாருபவராக பல வேடங்களில் நடித்து மக்கள் மனதில் இடம்பிடித்தார். இதனால் அவர் மீது மிகுந்த நம்பிக்கையும் எதிர்பார்ப்பும் தொழிலாளிகளிடையே காணப்பட்டது. அவர்கள் எதிர்பார்த்தபடியே எம்.ஜி.ஆரும் நெசவாளர், தீப்பெட்டி தொழிலாளர் மற்றும் பனையேறும் தொழிலாளிகளுக்கு விபத்து நிவாரணத் திட்டத்தை அறிமுகம் செய்தார். மீனவ நண்பனாக எம்.ஜி.ஆரின் நலத்திட்டங்கள் படகோட்டியாக வந்து ‘’தரை மேல் பிறக்க வைத்தான் –எங்களை தண்ணீரில் பிழைக்க வைத்தான்; கரை மேல் இருக்க வைத்தான் –பெண்களை, கண்ணீரில் குளிக்க வைத்தான்’’ என்று சோக கீதம் இசைத்த எம்.ஜி.ஆர் தன்னை மீனவ நண்பனாக நிலை நிறுத்தும் முயற்சியில் அவர்களுக்கென சிறப்பு வீட்டு வசதி திட்டத்தை அறிமுகம் செய்தார். இதனால் கடற்கரையில் குப்பங்களின் குடிசைகளில் வாழ்ந்து வந்த இவர்களின் நிலை விரைவில் மாறியது. ‘ஒளி விளக்கு’’ அளித்த எம்.ஜி.ஆர் இருளை அகற்றி எம்.ஜி.ஆர் நம் வாழ்வில் ஒளி விளக்கேற்றுவார் என்ற நம்பிக்கையில் வாக்களித்த மக்களை அவர் ஏமாற்றாமல் வீட்டுக்கொரு விளக்கு திட்டத்தை நடைமுறைப்படுத்தினார். குடிசைகளுக்கு இலவச மின்சாரமும் அளித்து அந்த விளக்கை ஒளிரச் செய்தார். இதனால் ஏழை குழந்தைகள் தங்கள் வீட்டிலேயே இரவில் படித்தனர். வீட்டில் மின்சார விளக்கு இல்லாத போது ஊர் மந்தையில் உள்ள பொது விளக்கில் சிறுவர்கள் படிப்பதுண்டு. ஆனால் அங்கேயும் தாழ்த்தப்பட்டோர் சென்று படிக்க இயலாது. கிராமங்களில் அதிகாரம் படைத்தோராக உயர் சாதியினர் இருந்ததால் ஏழை தலித் குழந்தைகள் படிக்க விளக்கின்றி சிரமப்பட்டனர். எனவே, இவர்கள் வீட்டில் காடா விளக்கில் படித்து வந்தனர். ‘நாடோடி’ எம்.ஜி.ஆரின் சாதிக்கொடுமைக்கு எதிரான திட்டம் நாடோடி படத்தில் எம்.ஜி.ஆர் தாழ்த்தப்பட்டவரின் மகன் என்பதால் அவரை எடுத்து வளர்த்தவரின் சொத்து ஏராளமாக அவருக்கு இருந்தும் அவருக்குச் சாதிக்கொடுமை பற்றி பிரசாரக் கூட்டங்களில் பேசி வரும் ஒரு தமிழாசிரியரே பெண் கொடுக்க மறுத்துவிடுவார். தாயின் மடியில் படத்திலும் எம்.ஜி.ஆருக்கு இதே கதைதான். பணக்காரரான அவரைப் பார்த்து எம்.ஆர்.ராதா என்ன சாதியோ என்ன குலமோ என்று ஏளனமாகப் பேசுவார். எம்.ஜி.ஆர் தன் ஆட்சிக்காலத்தில் கிராமங்களில் முன்சீஃப் கர்னம் போன்ற பொறுப்புகளில் இருப்பவர்கள் உயர் சாதியினர் என்பதால் அவர்களில் பலர் தாழ்த்தப்பட்டோரிடம் பாரபட்சமாக நடக்கின்றனர் என்பதை அறிந்து அந்தப் பதவிகளை ஒழித்தார். அரசுத் தேர்வு மூலமாக கிராம நல அதிகாரி [வி.ஏ.ஓ] பொறுப்புக்கு ஆட்கள் தேர்ந்தெடுக்கப்பட வேண்டும் என்ற புதிய முறையை அறிமுகம் செய்தார். இப்போது தாழ்த்தப்பட்டவர்களும் கிராம நிர்வாக அதிகாரியாகப் பொறுபேற்றனர். விவசாயி எம்.ஜி.ஆரின் நலத்திட்டங்கள் எம்.ஜி.ஆர் தான் நடித்த விவசாயி, ஒரு தாய் மக்கள் படங்களில் நவீன விவசாய முறைகள் மற்றும் கூட்டுப்பண்ணை விவசாயத்தின் முக்கியத்துவம் பற்றி உணர்த்தியிருப்பார். அவர் முதல்வரானதும் 325 கோடிக்கான விவசாயக் கடனை தள்ளுபடி செய்தார். பாசனத்துக்காக 3.31 இலட்சம் பம்பு செட்களுக்கு மின் இணைப்பு வழங்கினார். பேரிடர் காலங்களில் விவசாயிகள் நஷ்டமடையக் கூடாது என்பதற்காகப் பயிர் பாதுகாப்பு காப்பீடு திட்டத்தை கொண்டு வந்தார், ஊருக்கு உழைப்பவனின் விதவை கரிசனம் ஊருக்கு உழைப்பவன் படத்தில் குமாரி பத்மினி இளம்விதவையாக நடிப்பார். எம்.ஜி.ஆர் மீது ஆசைப்படுவார். எம்.ஜி.ஆர் இணங்காததும் ஒரு போலிச் சாமியாரிடம் தன்னை இழந்துவிடுவார். அதன்பிறகு எம்.ஜி.ஆர் அந்தச் சாமியாரை அடித்து உதைத்து திருத்தி குமாரி பத்மினிக்குத் திருமணம் செய்துவைப்பார். இது சினிமா கதை. நிஜத்திலும் எம்.ஜி.ஆர் விதவை பெண்கள் மீது மிகுந்த அக்கறை கொண்டிருந்தார். விதவைகளை மறுமணம் செய்வோருக்கு ரூ 5,300 ஊக்கத்தொகை வழங்கும் திட்டத்தை அறிமுகம் செய்தார். இதனால் ஆயிரக்கணக்கான விதவைகள் பலனடைந்தனர். ஒருமுறை ஒருவர் எம்.ஜி.ஆரிடம் வந்து விதவைகள் தன் கணவரின் வேலையை வாரிசு முறைப்படி பெற்றுக்கொண்டு பின்பு மறு திருமணம் செய்கின்றனர். இது முதல் கணவருக்குச் செய்யும் துரோகம் இல்லையா? மறுமணம் செய்துகொண்டால் முதல் கணவரால் கிடைத்த வேலையை விட்டுவிட வேண்டும் என்று ஆணையிடுங்கள் தலைவரே என்று வேண்டினார். அதற்கு எம்.ஜி.ஆர் ‘’ அந்த விதவைப்பெண்ணின் சம்பளத்துக்காகத்தான் பலர் மறு மணம் செய்கின்றனர். அவளுக்கு வேலை போய்விட்டால் அவனும் அவளை விட்டு போய்விடுவான். வேலைதான் விதவைக்கு பலம். அதை நாம் கெடுக்கக் கூடாது” என்றார். எம்.ஜி.ஆரின் இந்த பதில் ஆண்கள் மற்றும் பெண்களின் உளவியலை அவர் நன்றாகப் புரிந்துவைத்திருப்பதையும் விதவை பெண்கள் நல்ல முறையில் வாழ வேண்டும் என்று அவர் கருதியதையும் புலப்படுத்துகிறது. இந்த வாரத்தில் ராணுவத்தில் பணியாற்றி இறந்து போனவர்களின் மனைவிமார் தன் கணவரின் ஓய்வூதிய பலன்களைப் பெற்ற போதிலும் மறு மணம் செய்துகொள்ளலாம் என்ற சட்டம் வந்துவிட்டது. ஆனால் எம்.ஜி.ஆர் தன் ஆட்சிக்காலத்திலேயே இந்தச் சலுகையை விதவை பெண்களுக்கு வழங்கிவிட்டார். சைக்கிளில் டபுள்ஸ் போகவும் எம்.ஜி.ஆர் காலத்தில் அனுமதி வழங்கப்பட்டது பெண்களுக்கு மிகவும் மகிழ்ச்சியை அளித்தது. அதன்பிறகு சைக்கிளில் கணவனும் மனைவியுமாக சினிமாவுக்கும் மற்ற விசேஷங்களுக்கும் போக ஆரம்பித்தனர். இது சிறிய உத்தரவு என்றாலும் பெரியளவில் மக்கள் மனதை மகிழ்ச்சிக் கடலில் ஆழ்த்தியதை மறுக்க இயலாது. எம்.ஜி.ஆரின் தமிழ்ப் பற்றும் பணியும் ஐந்து வயது முதல் தமிழ்நாட்டில் வாழ்ந்த எம்.ஜி.ஆருக்குத் தாய்மொழி வேறாயினும் தமிழே தன் மொழியாகி விட்டது. திமுக கட்சியில் அவர் இணைந்திருந்ததும் அவருக்குத் தமிழின் மீது அதிக பற்று உண்டாகக் காரணமாயிற்று. அவரது முதல் சொந்தப் படமான நாடோடி மன்னன் ‘’செந்தமிழே வணக்கம் -- திராவிடர் வாழ்வினை சீரோடு விளக்கும் செந்தமிழே வணக்கம்’’ என்ற தமிழ்த்தாய் வாழ்த்தோடு தொடங்கும். இப்பாடல் இன்று மதிமுக கட்சியினரின் இறை வணக்கப் பாடலாக உள்ளது. கலைஞர் கதை வசனம் எழுதி எம்.ஜி.ஆர் நடித்த எங்கள் தங்கம் படத்தில் ‘என் சாம்பலும் தமிழ் மணந்து வேக வேண்டும்’’ என்பார். அவருக்கு இயற்கையாகவே தமிழ் மொழியின் மீது பற்றும் ஆர்வமும் இருந்ததால் அவர் தானும் பல தமிழ் நூல்களை வாசித்து தன் தமிழறிவை வளர்த்துக்கொண்டார். படித்த தமிழறிஞர்களிடமும் பலவற்றை கேட்டறிந்தார், அவர் முதல்வர் பொறுப்பேற்ற பிறகு கி.ஆ.பெ. விசுவநாதம், தெ.பொ. மீனாட்சிசுந்தரனார் பன்மொழிப்புலவர் தேவநேயப்பாவாணர் போன்ற தமிழறிஞர்களை கௌரவித்து மணிமண்டபங்கள் எழுப்பினார். மதுரை காமராசர் பல்கலைக்கழக துணை வேந்தர் தெ. பொ. மீனாட்சி சுந்தரனார் இறந்து ஒரு மாதத்துக்குள் அவருக்குச் சிலை வைக்கும் கோரிக்கை முன்வைக்கப்பட்டு சிலை பணிகள் துரிதமாக நடந்தன. தெ பொ மீ அவர்களின் தமையனார் சதாவதானி தெ. பொ. கிருஷ்ணசாமி பாவலரின் பதி பக்தி மேடை நாடகத்தில் எம்.ஜி.ஆர் நடித்திருக்கிறார். அது திரைப்படமாக இருந்த சமயத்திலும் எம்.ஜி.ஆர் அதில் நடிப்பதாக இருந்தது. ஆக அவர்கள் குடும்பத்துக்கும் எம்.ஜி.ஆருக்கும் இருந்த நீண்ட நாள் தொடர்பு சிலை தொடர்பான பணிகளை விரைவுபடுத்தியது. எம்.ஜி.ஆர் தன் பதவிக் காலத்தில் தமிழ்த்தொண்டு செய்த பெருமக்களின் பிள்ளைகளுக்கு மருத்துவக் கல்லூரியில் 2% ஒதுக்கீடு வழங்கினார். 1981இல் தன் தொகுதியான மதுரை மேற்கில் ஐந்தாம் உலகத்தமிழ் மாநாடு நடத்தினார். அதன் தொடக்க விழாவில் சிறிய பெரிய என அனைத்துக் கட்சித் தலைவர்களும் சிறப்புரையாற்றி அந்த மாநாட்டில் பங்கேற்கச் செய்தார். அப்போது பொதுமக்களும் இம்மாநாட்டில் பங்கேற்று மகிழும் வகையில் அவர்கள் கண்டும் கேட்டும் ரசிக்க முத்தமிழ் அரங்கங்களையும் மாபெரும் பொருட்காட்சி ஒன்றையும் நடத்தினார். பல்கலைக்கழகத்தில் கருத்தரங்குகளில் அறிஞர் பெருமக்கள் ஆராய்ச்சி கட்டுரைகளை வழங்கி விவாதங்கள் நடத்தினர். மதுரை மேற்கில் ரேஸ்கோர்ஸ் மைதானத்தில் ஜனவரி ஒன்று முதல் பத்து நாள்கள் வரை தமிழகத்து மக்கள் இலட்சக் கணக்கானோர் தமிழில் தலை சிறந்த பேச்சாளர்களும் கவிஞர்களும் கலைஞர்களும் நடத்திய கவியரங்கம், பட்டி மன்றம், நாட்டிய நாடகம், இன்னிசை கச்சேரி போன்றவற்றை கண்டும் கேட்டும் ரசித்தனர். எம்.ஜி.ஆர் வேறு எந்த ஆட்சியிலும் வேறு எந்த முதல்வரும் தமிழுக்குச் செய்யாத ஒன்றை தம் ஆட்சியில் செய்தார். அதுதான் தஞ்சையில் தமிழுக்கென்று ஆயிரம் ஏக்கர் பரப்பில் தமிழாராய்ச்சிக்கென்று அவர் தொடங்கிய தமிழ்ப் பலகலைக்கழகம் ஆகும். ஆனால் எம்.ஜி.ஆருக்குப் பின் வந்த முதல்வர்கள் அவரது நோக்கத்தை பாழ்படுத்திவிட்டனர். இப்பல்கலை உலகத்தரத்துக்கு உயர்ந்திருக்க வேண்டிய ஓர் அமைப்பாகும். மகாகவி பாரதியார் நூற்றாண்டு விழாவை எம்.ஜி.ஆர் சிறப்புற நடத்தினார். அவர் ஆட்சிக்காலத்தில் இன்னும் பல வகையில் அவர் தமிழுக்கும் தமிழ்ப் பெரியோருக்கும் உதவினார் நல்ல நல்ல பிள்ளைகளை நம்பியிருந்த எம்.ஜி.ஆர் எம்.ஜி.ஆர் தன் படத்தில் குழந்தை ரசிகர்களுக்காக தனிக் காட்சிகளும் பாடல்களும் காமெடியன் செய்யும் சில வேடிக்கை சண்டைகளும் வைத்திருப்பார். தனது தத்துவப்பாடல்களை அவற்றின் பல்லவியை இரண்டு வயது நிரம்பிய குழந்தை பாடும்படியாக எளிமையாக எழுத வேண்டும் என்பார். என் அண்ணனுக்கு ஒன்பது குழந்தைகளைக் கொடுத்த இறைவன் எனக்கு ஒரு குழந்தை கூட கொடுக்கவில்லையே என்று வசன கர்த்தா அரூர் தாசிடம் கவலைப்பட்ட எம்.ஜி.ஆர் சிறு குழந்தைகள் தன் வீட்டில் வந்து விளையாடுவதை பெரிதும் விரும்பினார். குழந்தைகள் நல்ல பண்புடனும் பழக்க வழக்கத்துடனும் வளர்க்கப்பட வேண்டும் என்பதில் கவனமாக இருந்தார். அதனால்தான் முதல்வரானதும் குழந்தைகளுக்காக நல்ல பல திட்டங்களை அறிமுகம் செய்தார். ஆட்சியிலும் சோறு போட்ட எம்.ஜி.ஆர் ஏழு வயதில் சாப்பாட்டுக்கு வழியின்றி நாடக கம்பெனியில் சேர்ந்து நடித்த எம்.ஜி.ஆர் அந்த நிலைமை தமிழகக் குழந்தைகளுக்கு வரக் கூடாது என்று விரும்பினார். காமராஜரை தன் தலைவராகவும் அண்ணாவை தன் வழிகாட்டியாகவும் கொண்டிருந்த எம்.ஜி.ஆர் காமராஜர் கொண்டுவந்த பள்ளிக்குழந்தைகளுக்கான மதிய உணவு திட்டத்தை விரிவு படுத்தி சத்துணவுத் திட்டமாக அறிவித்தார். காமராஜர் அறிமுகப்படுத்திய திட்டத்தில் குழம்பு,கறிகாய் போன்றவை கிடையாது. அது பசிக்கான உணவு மட்டுமே. ஆனால் ஆரம்பம் முதல் தன் வாழ்வில் உடல் நலம் உடல் பயிற்சி ஆகியவற்றில் ஈடுபாடு காட்டி வந்த எம்.ஜி.ஆர் குழந்தைகளுக்கான சத்துணவுத் திட்டத்தில் அவர்களின் உடல்நலனைக் காக்கும் சத்துகள் இருக்க வேண்டும் என்று விரும்பியதால் இத்திட்டத்தில் சோறு, பருப்பு, காய்கறி, கீரை ஆகிய அனைத்தும் கலந்து சமவிகித உணவாக வழங்கப்பட்டது. எம்.ஜி.ஆரின் சத்துணவுத் திட்டம் பிறந்த நான்கு மாதக் குழந்தை முதல் பதினேழு வயது மாணவர்கள் வரைக்குமாகச் சேர்த்து திட்டமிடப்பட்டது. நான்கு மாதக் குழந்தைக்குச் சத்துணவு மாவு உருண்டை காலை பதினோரு மணிக்கு வழங்கப்படும் அதை தாய்மார் வந்து வாங்கி குழந்தைகளுக்கு ஊட்ட வேண்டும் இப்போது அந்த நிலை மாறிவிட்டது. சத்துமாவு பாக்கெட்டுகளைத் தாய்மாரிடம் வீட்டுக்குச் சத்துணவு ஆயாமார் கொடுத்துவிடுகின்றனர். காமராஜர் அரசுப் பள்ளிகளுக்கு மட்டும் எனத் தொடங்கிய இத்திட்டம் எம்.ஜி.ஆர் ஆட்சியில் அரசு உதவி பெறும் அனைத்துப் பள்ளிகளுக்கும் விரிவுபடுத்தப்பட்டது. பள்ளி செல்லும் குழந்தைகளுக்குக் காலணி மற்றும் சீருடை என எம்.ஜி.ஆர் குழந்தைகள் நலத்திட்டங்களைக் கொண்டுவந்தார், பள்ளிக் குழந்தைகளுக்கு இலவச சீருடை வழங்க பிரதமர் ராஜீவ் காந்தியிடம் உதவி கேட்டுப் போயிருந்தபோது அதிகாரிகள் காலம் தாழ்த்தினர் உடனே கோபப்பட்டு எம்.ஜி.ஆர் புறப்பட்டுவிட்டார். இவர்கள் கொடுக்காவிட்டால் நாம் வீட்டுக்கு ஒரு ரூபாய் என வசூலித்து இத்திட்டத்தைக் கொண்டுவருவோம் என்றார். அதன்பிறகு அவரைச் சமாதானப்படுத்தி பிரதமரின் உதவியாளர் எம்.ஜி.ஆரை அழைத்து நிதி உதவி செய்வதாக ஒப்புக்கொண்டார். இந்தத் துணிச்சல் எம்.ஜி.ஆர் கூடப் பிறந்தது ஆகும். அவர் தான் செய்ய நினைத்ததை செய்து முடிக்க வேண்டும் என்ற முனைப்புடன் செய்து வெற்றி பெறுவார். தமிழகத்தில் சத்துணவுத் திட்டம் கொண்டுவர வேண்டும் என்று எம்.ஜி.ஆர் கூறிய போது அரசு அதிகாரிகள் அரசிடம் அவ்வளவு நிதி இல்லை என்றனர். உடனே எம்.ஜி.ஆர் கோபத்துடன் உங்கள் நிதியே தேவையில்லை என் மக்களிடம் நிதி பெற்று நான் இத்திட்டத்தை நிறைவேற்றுகிறேன் என்றார். உடனே சத்துணவு நிதி ஒன்றை அறிவித்தார். நல்ல உள்ளங்கள் தாராளமாக உதவின. அவரை வளர்த்துவிட்ட திரையுலகினர் முதலில் உதவ முன்வந்தனர். பின்பு தொழிலதிபர்கள் வந்தனர். பலர் தம் ஒரு நாள் சம்பளத்தை ஒரு மாத சம்பளத்தைக் கொடுத்து உதவினர். இது உலகுக்கே ஒரு முன்னோடி திட்டமாக உருவாயிற்று. கல்வித் திட்டம் சர்வதேசப் பொருளாதாரக் கொள்கை காரணமாக தனியார்மயமாக்கல் விரைந்து வந்ததால் பள்ளிக்கல்வி முடித்த மாணவர்களுக்கு வேலை வாய்ப்புக் கல்வி வழங்குவதற்கான வாய்ப்பும் எம்.ஜி.ஆர் காலத்தில் அமைந்தது. தன்னிடம் வந்து வேலூர் மாவட்ட மாணவர்களுக்குப் படிக்க கல்லூரிகள் இல்லை. அரசு ஒரு கல்லூரி தொடங்க வேண்டும் என்று அவரது அமைச்சர் விசுவநாதன் கேட்டார் உடனே எம்.ஜி.ஆர் நீங்களே ஒரு கல்லூரி ஆரம்பியுங்கள். இந்த அரசு உங்களுக்கு வேண்டிய உதவிகளைச் செய்யும் என்றார். அப்படி ஆரம்பிக்கப்பட்டதுதான் இன்றைய வி.ஐ.டி அகாடமி. எம்.ஜி.ஆர் ஆதரவுடன் பல அதிமுக கட்சியினர் பாலிடெக்னிக் தொழிற்பயிற்சி கல்லூரிகளையும் சுயநிதி கல்லூரிகளையும் தொடங்கி நடத்தினர். இவற்றில் எம்.ஜி.ஆர் ஏழை மாணவர்களுக்கு 25% இலவச ஒதுக்கீட்டைப் கேட்டுப் பெற்றார். மற்ற மாணவர்களுக்கு இக்கல்லூரிகளில் கல்விக்கட்டணம் வசூலிக்கலாம் என்ற சட்டம் இயற்றினார். ஏழை மாணவர்கள் இலவசத் தொழிற்கல்வி பெற்றனர். இவை இன்று சர்வதேச தரத்துடன் பல்கலைக்கழகங்களாக வெளிநாட்டு மாணவர்களும் வெளி மாநில மாணவர்களும் படிக்கும் கலாலயமாக திகழ்கின்றன]. எம்.ஜி.ஆர் ஆட்சியின்போது தொழில் பயிற்சி அல்லது வேலை வாய்ப்புள்ள தொழிற்படிப்புகளைப் படித்த மாணவர்கள் வேலைக்குப் போய் கை நிறைய சம்பாதித்தனர். எம்.ஜி.ஆரின் குழந்தை நலத்திட்டம் அவரது ஆட்சியில் வெற்றி பெற்றது. நிறைவு எம்.ஜி.ஆர் தான் சினிமாவில் சொல்லிய விஷயங்களும் அவர் ஆட்சியில் அவர் அறிமுகம் செய்த திட்டங்களும் ஏறத்தாழ ஒன்றாகவே இருந்ததனால் இன்றளவும் அவரை மக்கள் மறக்கவில்லை. அவரது ஒரிஜினல் முகமும் ஒப்பனை முகமும் அதிக வித்தியாசமின்றி ஒரே மாதிரி இருக்கும்படி அவர் ஆரம்பத்தில் கவனித்துக்கொண்டார். இது காலப்போக்கில் அவருக்கு மாபெரும் புகழையும் வெற்றியையும் தரும் அம்சமாக மாறிவிட்டது. இந்த ஒற்றுமை தொடக்கத்தில் அவர் மக்கள் மத்தியில் புகழ் பெற உதவியது; இந்தப் புகழே அவர் முதல்வரானதும் சினிமாவில் சொன்னபடி மாற்றங்களைக் கொண்டுவரவும் மக்கள் நலத்திட்டங்களை நடைமுறைப்படுத்தவும் ஊக்கமளித்தது. எம்.ஜி.ஆர் தன் திரையுலகப் பயணம் முடிந்ததும் ஆன்மிக வாழ்வில் ஈடுபடலாம் என்று நினைத்திருந்த வேளையில் அவர் செய்து வரும் உதவிகளால் மகிழ்ந்திருந்த மக்கள் அவரை அரசியலுக்குள் கொண்டுவந்தனர். இது புலிவால் பிடித்த கதையாகிவிட்டது. அவராக உதவிகள் செய்த காலம் மாறி அவர் கண்டிப்பாக மக்களுக்குப் பல நன்மைகளைச் செய்தாக வேண்டும் என்ற கட்டாயமும் அவர் வகித்த முதல்வர் பதவியால் ஏற்பட்டது. அவர் மக்கள் மீது கொண்டிருந்த மாறாத அன்பினால் இந்தக் கட்டாயத்துக்குப் பணிந்தார். இந்த அன்பு ஆணிவேராக இருந்ததால் அவருடைய உழைப்பும் அறிவும் திட்டமிடலும் அவரை வெற்றித் திருமகனாக உயர்த்தியது. https://cinema.vikatan.com/tamil-cinema/news/110418-mgr-series-last-episode.html
  19. கிறிஸ்துவின் தானியங்கள்: அறுவடை நாளுக்காகக் காத்திருக்கும் விவசாயி எறும்புக்கும் இதயத்தைக் கொடுத்தவர் கடவுள். உலகின் முதலும் முடிவுமான உன்னதப் படைப்பாளி அவரே. அவரது ஆட்சி நிரந்தரமானது. சிறந்த ஆட்சியும் அதுவே. கடவுள் கூறும் இறைவார்த்தைகள், விதைகள் போன்றவை. அவற்றை இதயமெனும் நிலங்களில் ஏந்திக்கொள்ளும் மனிதர்கள், நல்ல கனி தரும் மரம்போல் பூமியிலும் பிறகு வானுலகிலும் மதிக்கப்படுவார்கள் என்று இறையாட்சியை எடுத்துக் கூறுகிறது விவிலியம். இறைமகனாகிய இயேசு, தம் தந்தையின் ஆட்சியைக் குறித்து தன்னைப் பின்தொடரும் சாமானிய மக்களுக்கு எளிய உவமைகள் வழியாக எடுத்துக்கூறினார். அவற்றில் ‘அறுவடை நாள்’ எனும் உவமை முக்கியமானது. அதற்குமுன் அவர் கூறிய இரு சிறு உவமைகளைக் கடந்து அறுவடை நாளுக்குப் பயணிப்போம். புதையலும் முத்தும் இயேசு அப்போது கலிலேயா பகுதியில் பிரசங்கம் செய்துகொண்டிருந்தார். ‘கடவுளின் அரசாங்கம் குறித்துக் கூறுகிறீர்களே, அது எப்படிப்பட்டது’ என மக்கள் கூட்டத்திலிருந்து சிலர் கேட்டனர். அதற்கு இயேசு, “ புதையலைத் தேடிக்கொண்டிருந்த ஒருவர், மறைந்திருந்த புதையல் ஒன்றைக் கண்டுபிடிக்கிறார். அது புதையல் என்று அவருக்கு உறுதியாய்த் தெரிந்தது. உடன் அதைப் பத்திரமாய் மூடிவைத்துவிட்டு மகிழ்ச்சியுடன் போய், தனக்குச் சொந்தமான அனைத்தையும் விற்று, அந்த நிலத்தை வாங்கிக்கொள்கிறார். விண்ணரசு இப்புதையலுக்கு ஒப்பாகும்.” என்றார். அடுத்து அவர், “ வணிகர் ஒருவர் சிறந்த முத்துகளைத் தேடிச் செல்கிறார். அப்போது விலை உயர்ந்த முத்து ஒன்றைக் கண்டார். உடன் அவர் போய்த் தமக்குள்ள அனைத்தையும் விற்று, அதை வாங்கிக்கொண்டார். தந்தையின் அரசு அந்நிகழ்ச்சிக்கு ஒப்பாகும்.” என்றார். களைகள் எப்படி வளர்ந்தன பின்னர் கடவுளை நல்ல விதைகளைப் பூமியில் விதைக்கும் விவசாயியாக உருவகப்படுத்தி, இயேசு வேறொரு உவமையை மக்களுக்குச் சொன்னார்: “ வானுலக அரசாங்கம், நல்ல விதையைத் தன் வயலில் விதைத்த ஒருவரைப் போல் இருக்கிறதென்று சொல்லலாம். நல்ல விதைகள் தூவப்பட்ட வயலைக் காவல் காத்துக்கொண்டிருந்த ஊழியர்கள் தூங்கிக்கொண்டிருந்தபோது அவருடைய எதிரி வந்து கோதுமைப் பயிர்களுக்கு இடையே களைகளை விதைத்துவிட்டுப் போய்விட்டான். பயிர்கள் வளர்ந்து கதிர்விட்டபோது, பயிர்களைப்போல் தோற்றம் காட்டிய களைகளும் வளர்ந்திருந்தன. அதனால், அந்த மனிதருடைய ஊழியர்கள் அவரிடம் வந்து, “எஜமானே, நீங்கள் வயலில் நல்ல விதையைத்தானே விதைத்தீர்கள். அப்படியிருக்கும்போது, களைகள் எப்படி வளர்ந்தன?” என்று கேட்டார்கள். உடன் அவர் “இது எதிரியின் வேலை” என்றார். அதற்கு ஊழியர்கள், “நாங்கள் போய் களைகளைப் பிடுங்கிப் எறியட்டுமா?” என்று கேட்டார்கள். அப்போது அவர், “வேண்டாம், அப்படிச் செய்யாதீர்கள்; களைகளைப் பிடுங்கும்போது தெரியாமல் கோதுமைப் பயிர்களையும் பிடுங்கி விடுவீர்கள். அதனால் அறுவடைநாள் வரும்வரை இரண்டும் சேர்ந்தே வளரட்டும். அறுவடைநாள் அன்று, அறுவடை செய்கிறவர்களிடம், முதலில் களைகளைப் பிடுங்கி அவற்றை எரித்துவிடுவதற்காகக் கட்டுகளாகக் கட்டுங்கள், அதன் பின்பு கோதுமையை என்னுடைய களஞ்சியத்தில் சேருங்கள் என்று சொல்வேன்” என்றார். இந்த உவமையைக் கேட்ட மக்கள் மனத்தெளிவு பெற்றவர்களாக முகம் மலர்ந்தனர். ஆனால் சீடர்களோ புரிந்தும் புரியாதவர்களைப்போல நின்றனர். நல்ல விதைகள் யாவர்? அதன்பின்பு இயேசு அங்கே திரண்டிருந்த மக்கள் கூட்டத்தை அனுப்பிவிட்டு வீட்டுக்குள் வந்தார். அப்போது சீடர்கள் அனைவரும் அவரருகே வந்து அமர்ந்து “ஆண்டவரே, கோதுமை வயலில் தோன்றிய களைகள்பற்றிய உவமையை எங்களுக்கு மேலும் விளக்கிக் கூறுங்கள்" என்று கேட்டனர். புன்முறுவலோடு அவர்களுக்கு விளக்கத் தொடங்கினார். “இந்த உலகம்தான் வயல். நல்ல விதைகள், கடவுளின் வார்த்தைகளைக் கேட்டு அதன்படி நடக்கும் அவரது ஆட்சிக்கு உட்பட்ட மக்கள். மானிட மகன் நல்ல விதைகளை விதைக்கிறார். களைகளை விதைக்கும் பகைவன், தீயோனாகிய சாத்தான். அறுவடை, உலகின் முடிவு. அறுவடை செய்வோர் கடவுளின் ஊழியர்களாகிய வானதூதர்கள். எவ்வாறு களைகளைத் தனியே பறித்துத் தீக்கிரையாக்குவார்களோ அவ்வாறே உலக முடிவிலும் நடக்கும். மானிட மகன் தம் வானதூதரை அனுப்புவார், அவர்கள் அவருடைய ஆட்சிக்குத் தடையாக உள்ள அனைவரையும் நெறிகெட்டோரையும் ஒன்று சேர்ப்பார்கள். பின் அவர்களை நெருப்புச் சூளையில் தள்ளுவார்கள். அங்கே அழுகையும் அங்கலாய்ப்பும் இருக்கும். அப்போது நேர்மையாளர் தம் தந்தையின் ஆட்சியில் கதிரவனைப் போல் ஒளிவீசுவார்கள். கேட்கச் செவியுள்ளோர் இதைக் கேட்கட்டும்” என்றார். http://tamil.thehindu.com/society/spirituality/article19838475.ece
  20. உயிர் வளர்த்தேனே

    உயிர் வளர்த்தேனே 37: கோதுமைப் பண்டங்கள் வெறும் நொறுவை அல்ல அரிசியைக் காட்டிலும் கோதுமையில் எரிமச்சத்து சுமார் பத்து சதவீதம் குறைவு, புரதம் சற்று அதிகம். எனவே நீரிழிவுத் தொல்லையை ‘எதிர்கொள்வோர்’ (‘நீரிழிவு நோயாளி’ என்ற சொல்லில் நிரந்தரப் புறக்கணிப்பு மறைந்திருக்கிறது) தங்களது உணவில் அரிசியைக் குறைத்து, கோதுமையை அதிகரித்தால் மேற்படி நோயால் ஏற்படும் தொல்லை மட்டுப்படும் என்றொரு கருத்து நிலவுகிறது. தற்காப்பு நடவடிக்கை நீரிழிவால் கோதுமையை உண்போருக்கு நீரிழிவு குறைவதற்குப் பதிலாக அதிகரித்துவருவதாக அமெரிக்காவில் சமீபத்தில் மேற்கொள்ளப்பட்ட ஆய்வு தெரிவிக்கிறது. பெரும்பாலான ஆய்வுகள் முன்முடிவுகளின் அடிப்படையிலேயே மேற்கொள்ளப்படுகின்றன. தம் முடிவுகளுக்கு ஏற்ற ஆதாரங்களைக் கண்டடைவதே ஆய்வின் நோக்கம் என்ற உண்மை ஒருபுறம் இருக்கட்டும். போதிய உடலுழைப்பு இல்லாத ஒருவர் தொடர்ந்து ஒரே சத்தைக் கொண்ட உணவை எடுத்து வருவாரானால், அந்த உணவை ஏற்கும் திறனை அவரது உடல் இழந்துவிடும். எனவே உபரியான சத்தை ஏற்க மறுத்து, சர்க்கரை வடிவில் வெளியேற்றுவது உடலின் தற்காப்பு நடவடிக்கை. இதை நாம் நிரந்தர நோயாகக் கருத வேண்டியதில்லை. மாவு அரைக்கும் முறை அது போகக் கோதுமையை மாவாக அரைக்கும் முறையால் அதிலுள்ள சத்துகள் அனைத்தும் சிதைந்து, வெறும் சக்கையாகி விடுகிறது. எனவே அது நீரிழிவைக் கட்டுப்படுத்தாது என்பது மட்டுமல்ல, வேறுபல நோய்களுக்கும் கோதுமை மாவு காரணியாக அமைந்துவிடக்கூடும். கோதுமை மாவைக் கடையிலும் வாங்கக் கூடாது. நமக்கும் சொந்தமாக அரைக்கத் தெரியாது. அப்போது என்னதான் செய்வது? சற்றுக் கவனமாக அரைக்க வேண்டும். மூன்று கிலோ அல்லது ஐந்து கிலோ கோதுமையை வாங்கிச் சுத்தம் செய்து பெரிய பாத்திரத்தில் போட்டு, கோதுமை மூழ்கும் அளவுக்கு நீர் ஊற்ற வேண்டும். அது பன்னிரண்டு மணி நேரம் ஊறிய பின் நீரை வடித்து எடுத்துத் தொட்டிச் செடிக்கு அல்லது தோட்டத்து மரங்களுக்கு `ஸ்பான்சர்’ செய்து விடுங்கள். நல்ல ஊட்டமளிக்கும் நீராக இருக்கும். நாம் அரைக்கப் போகும் கோதுமையில் மிகுந்துள்ள ரசாயனமும் பெருமளவு வெளியேறிவிடும். நீரை வடித்த பின் மேற்படி பாத்திரத்தின் மீது கெட்டியான ஈரத்துணியைப் போட்டு மூடிவிட வேண்டும். இருபத்தி நான்கு அல்லது முப்பது மணி நேரம் கழித்துப் பார்த்தால் எலிக்குஞ்சுகள் கண் திறப்பதுபோலக் கோதுமை முளைவிட்டிருக்கும். கவித்துவமான மனம் உடையவர்களுக்கு அதை அப்படியே முளைக்க விடலாமா என்றுகூடத் தோன்றும். அவ்வளவு அழகாக இருக்கும் கோதுமை முளை. நாம் இங்கே மாவு தயாரிப்பு பற்றி பேசுவதால், அதை இப்போது காயப்போடுவதுதான் அடுத்த படிநிலை. முளைகட்டிய கோதுமையை விரித்த துணியில் பரப்பி வெயிலில் காய வைக்க வேண்டும். ‘வெயிலுக்கு உகந்த அம்மன்’ அருள் பாலிக்கும் நம்மூரில் வெயிலுக்கா பஞ்சம். இயற்கையின் மூலச் சக்தியான வெயிலைப் பழிக்காமல், நமக்கு இசைவாக்கிக்கொண்டால் வெயில் நிறைய பலன்களைத் தரும். நார்ச்சத்து முழுமையாகக் கிடைக்க… சுக்காகக் காய்ந்த கோதுமையை இயந்திரத்தில் கொடுத்துச் சூடு ஏறாமல் இரண்டுக்குப் பதிலாக மூன்று அல்லது நான்கு முறை போட்டு அரைக்கச் சொல்ல வேண்டும். கூடுதல் காசு கேட்பார்கள். ஆரோக்கியத்துக்கான விலையை அங்குக் கொடுப்பதில் தவறில்லை. சூடு ஏறாமல் அரைக்கும்போது அதன் நுண்சத்துகளும் நார்ச்சத்தும் சிதையாமல் கிடைக்கும். அரைத்த மாவை வீட்டுக்குக் கொண்டு வந்த பின் செய்தித்தாளில் பரப்பி நன்றாக ஆறவிட்டு எடுத்து மூடி வைத்துக்கொள்ள வேண்டும். அல்லது பிளாஸ்டிக் கவரில் போட்டு அதன் உயிர்ப்பண்பு கெடாத வண்ணம் பிரிட்ஜில் வைத்துக்கொள்ள வேண்டும். (கவனிக்க: ஈர மாவைத்தான் பிரிட்ஜில் வைக்க வேண்டாம் என்று முன்னர்க் கூறியுள்ளோம்). இரண்டு மூன்று பேர் மட்டுமே உள்ள குடும்பத்தில் கோதுமை மாவுக்கு இத்தனை பண்டித வேலைகள் செய்துகொள்ள முடியுமா என்ற கேள்வி எழலாம். இதைப் பெரிய வேலையாகக் கருதினால் நிச்சயமாகச் செய்ய முடியாது. இது வேலையல்ல. நம் உடலுக்கு ஆற்றல் தரும் உணவுக்கு, நாம் செய்யும் மரியாதை. நாம் உணவுக்கும் உடலுக்கும் மரியாதை செய்யவில்லையானால், நம் உடல் நமக்கு மரியாதை செய்யாது. சரியான நேரம் பார்த்துப் போட்டு எடுத்து விடும். குழந்தைகளையும் ஈடுபடுத்தலாம் மாவு அரைத்தல் என்பது நமது செக்குமாட்டுத்தனமான நகர்ப்புற வாழ்க்கை முறைக்கு அளிக்கும் ஒரு சின்ன பிரேக். ஒரு `ரிலாக்சேஷன்’ என்று புரிந்துகொண்டால், விளையாட்டாகச் செய்ய முடியும். குழந்தைகளும் இதில் தம்மை ஈடுபடுத்திக்கொள்வார்கள். கம்ப்யூட்டரிலும் போனிலும் விளையாடும் பிள்ளைகள் எதிரில் மாவைக் கொட்டிப் பரப்பிவிடச் சொல்லுங்கள். இதுவரை காணாத ஆர்வத்துடன் கார்ட்டூன் சித்திரம் வரைந்தபடி மாவை ஆற விடுவார்கள். அவர்களுடைய படைப்புத் திறன் கிளர்ச்சியடையும். அக்கம்பக்க இரண்டு மூன்று சின்னக் குடும்பங்கள் கூட்டாகக் கோதுமை மாவை அரைத்துக்கொள்ளலாம். கோதுமையில் உள்ள குளூட்டன் பசை உறவுகளைப் பிணைக்கும். கோதுமை மாவில் எப்போதும் சப்பாத்தி மட்டுமே தானா? ஏன் அந்த மாவைக் கலக்கி தோசை சுடலாமே என்கிறீர்களா? கோதுமைத் தோசை, ரவா உப்புமாவைக் காட்டிலும் கொடிய தண்டனை. பல நீரிழிவுத் தொல்லையினருக்கு நீரிழிவைக் காட்டிலும் பெருந்தொல்லை ‘நெளுக்கு முழுக்கு’ என்று விரல்களுக்குள்ளேயே சுற்றிச் சுழன்று கொண்டிருக்கும் கோதுமைத் தோசை. கோதுமைத் தோசையை எப்படிச் சுவையாகவும் சத்து கெடாமலும் சமைக்க முடியும் என்பதைப் பின்னர் பார்க்கலாம். கோதுமைப் பண்டங்கள் கோதுமை மாவுடன் சிறிதளவு அரிசி மாவு அல்லது ராகி மாவு கலந்து இடியாப்பம், புட்டு, கொழுக்கட்டை போன்ற பண்டங்களைச் சமைக்கலாம். சப்பாத்தி தவிர மற்றப் பண்டங்கள் சமைப்பதற்கு மாவை மையாக அரைக்க வேண்டியதில்லை. கோதுமை மாவு இடியாப்பமும் தேங்காய்ப்பாலும் காலை உணவாக எடுத்துக்கொண்டால் வயிற்றுப் பொருமல், அடிக்கடி ஏப்பம், காலையில் தோன்றும் மந்த உணர்வு போன்ற தொல்லைகளிலிருந்து விடுபடலாம். கொழுக்கட்டை, பணியாரம் போன்ற பலகாரங்களை உணவுக்கு இடையிலான வெறும் நொறுவையாகக் கருதாமல் மாலை உணவாக எடுத்துக்கொண்டு இரவில் பழம் அல்லது பழச்சாறு போன்றவற்றை அருந்தினால் வயிறும் உடலும் இலகுவாகவும் சுகமாகவும் இருக்கும். கோதுமைப் பணியாரம் தேவையான பொருட்கள்: கோதுமை மாவு - சுமார் 200 கிராம் அரிசிமாவு அல்லது வெள்ளை ரவை - ஒரு குழம்பு கரண்டியளவு தேங்காய் - அரை மூடி வெல்லம் - குழம்பு கரண்டியளவு. சுக்கு பொடி - இரண்டு சிட்டிகை ஏலக்காய்ப் பொடி இரண்டு சிட்டிகை நெய் - இரண்டு டீ ஸ்பூன் அனைத்தையும் ஒன்றாகச் சேர்த்து நெய்விட்டுக் கிளற வேண்டும். பின்னர்த் தோசை மாவுப் பதத்தைக் காட்டிலும் சற்றே கெட்டியாகக் கரைத்துக்கொள்ள வேண்டும். கரைசலைப் பத்திருபது நிமிடங்கள் ஊறவிட்டுப் பின்னர் பணியாரக் கல்லை நிதானமாகச் சூடேற்றி மாவை ஊற்றி எடுத்தால் அழகாகக் கிரிக்கெட் பந்துபோல உப்பி எழும். இதே மாவில் வெல்லம் ஏலக்காயைத் தவிர்த்துவிட்டு வெங்காயம், பச்சை மிளகாய், சீரகம், கடலைப்பருப்பு, காரட் துருவல் ஆகியவற்றைத் தாளித்துக் கொட்டிக் காரப் பணியாரமும் செய்யலாம். (அடுத்த வாரம்: கோதுமைப் பாலும் கோதுமை தோசையும்) கட்டுரையாளர், உணவு எழுத்தாளர் http://tamil.thehindu.com/general/health/உயிர்-வளர்த்தேனே-37-கோதுமைப்-பண்டங்கள்-வெறும்-நொறுவை-அல்ல/article9714045.ece
  21. கருணாவின் அணி மட்டக்களப்பு மாவட்டத்தில் கட்டுப்பணம் செலுத்தியது! மட்டக்களப்பு மாவட்டத்தில் கருணா தலைமையிலான தமிழர் ஐக்கிய சுதந்திர முன்னணி மட்டக்களப்பு மாவட்ட தேர்தல்கள் அலுவலகத்தில் கட்சியின் தலைவர் விநாயகமூர்த்தி முரளிதரன் தலைமையில் கட்டுப்பணம் செலுத்தியது. கட்டுப்பணம் செலுத்திய பின்னர் ஊடகங்களுக்கு கருத்துத் தெரிவித்த கட்சியின் தலைவர் விநாயகமூர்த்தி முரளிதரன். இன்று நாம் சுக நேரத்தில் எமது கட்சியின் சார்பாக போட்டியிடும் தலைமை வேட்பாளர்கள் மூலம் இரண்டு உள்ளுராட்சி மன்றங்களுக்கு கட்டுப்பணத்திணை செலுத்தியுள்ளோம்.அதில் கட்சி சுயேட்சையாக போட்டியிடுவதற்காக எமது மத்தியகுழுவின் தீர்மானங்களுக்கு அமைய போட்டியிடவுள்ளோம். முதலில் வாகரை உள்ளுராட்சி மன்றத்தின் சார்பில் தலைமை வேட்பாளராக சின்னத்தம்பி துரைராசசிங்கம் உட்பட 21 வேட்பாளர்கள் போட்டியிடவுள்ளதுடன் வாழைச்சேனை உள்ளுராட்சி மன்றத்தின் சார்பில் தலைமை வேட்பாளராக சண்முகம் கதிரவன் உட்பட 26 வேட்பாளர்கள் போட்டியிடவுள்ளமை குறிப்பிடத்தக்கது. அதில் ஏனைய தமிழ் பகுதிகளுக்கு எதிர்வரும் நாட்களில் தலைமை வேட்பாளர்களின் தலைமையில் கட்டுப்பணம் செலுத்தவுள்ளோம் என தெரிவித்தார். மட்டக்களப்பு மாநகர சபை, ஏறாவூர்பற்று பிரதேச சபை, ஏறாவூர் நகரசபை, மண்முனைப்பற்று பிரதேச சபை ஆகியவற்றுக்கு வேட்புமனுக்களைக் கையளிக்கும் தினம் இன்று ஆரம்பமானதுடன், 14.12.2017 திகதி பகல் 12 மணியுடன் நிறைவடையவுள்ளது. அதே நேரம், ஏனைய சபைகளுக்கு 18ஆம் திகதி முதல் 21ஆம்திகதி பகல் 12 மணிவரையில் வேட்புமனுக்களைத் தாக்கல் செய்யமுடியும். https://news.ibctamil.com/ta/internal-affairs/karuna-political-party
  22. லெமன் பெப்பர் மீன் வறுவல் குழந்தைகளுக்கு மீன் மிகவும் பிடிக்கும். இன்று லெமன், பெப்பர் சேர்த்து மீன் வறுவல் செய்வது எப்படி என்று பார்க்கலாம். தேவையான பொருள்கள் : வஞ்சிரம் மீன் - அரை கிலோ இஞ்சி பூண்டு விழுது - 2 ஸ்பூன் லெமன் சாறு - 3 ஸ்பூன் கொத்தமல்லி இலை - 3 ஸ்பூன் உப்பு - தேவையான அளவு எண்ணெய் - தேவையான அளவு பெருஞ்சீரகம் - 2 ஸ்பூன் மிளகு - 2 ஸ்பூன் செய்முறை : வஞ்சிரம் மீனை நன்றாக கழுவி சுத்தம் செய்து கொள்ளவும். ஒரு கடாயில் மிளகு மற்றும் பெருஞ்சீரகத்தை போட்டு பொன்னிறமாக வறுத்து மிக்சியில் போட்டு பொடித்து கொள்ளவும். ஒரு தட்டில் இஞ்சி பூண்டு விழுது, பொடித்த மிளகு பொடி, எலுமிச்சை சாறு, உப்பு, கொத்தமல்லி இலை சேர்த்து நன்றாக கலக்கவும். இந்த கலவையில் மீன் துண்டுகளை எடுத்து கலவையில் நன்கு புரட்டி அரை மணிநேரம் ஊற வைக்கவும். பின்பு கடாயில் எண்ணெய் ஊற்றி மீன்களை போட்டு இருபுறமும் பொன் நிறமாகும் வரை வறுக்கவும். சுவையான லெமன் பெப்பர் மீன் வறுவல் ரெடி http://www.maalaimalar.com
  23. பதின்மூன்ற்றாவது திருத்தச் சட்டமும் புதிய அரசியலமைப்பும்! பொலிஸ் அதிகாரமும் http://epaper.virakesari.lk/newspaper/Weekly/samakalam/2017-12-10#page-8
  1. Load more activity