• advertisement_alt
  • advertisement_alt
  • advertisement_alt

24 hours

Showing topics posted in for the last 1 days.

This stream auto-updates     

  1. Past hour
  2. அதை மறக்கவில்லை - ஆனால் அதற்கு கொடுத்த விலை - இந்த அளவு அழிவும், இனி மீள முடியாத முற்றான அழிவுக்கான நிரந்தரமான பாதையும் என்பதை ஏற்றுகொள்ள முடியவில்லை.
  3. மேற்கத்திய நாடுகளிலும் இவை நிறையவே இருக்கின்றன. எங்கெல்லாம் பெண்கள் தமது கணவரில் பொருளாதார ரீதியாக தங்கி இருக்கிறார்களோ அங்கெல்லாம் இது அதிகப்படியாக சாத்தியம். மேற்கத்திய நாடுகளில் இன்று பெண்கள் பெருமளவில் பொருளாதார ரீதியாக தமது கணவரில் தங்கி இல்லாததனால் இந்த வன்முறைகள் இங்கு குறைவு. மறுவளமாக, ஆண்களை வன்முறை பாலியலுக்கு உட்படுத்தும் பெண்களும் இருக்கிறார்கள். ஆனால் ஆண்களுக்கு உடற்பலம் கூடுதலாக இருப்பதால் இந்த வன்முறை குறைவு. எனக்கு கல்வி கற்பித்த ஆசிரியர் ஒருவரின் மனைவி அவரை வீதிக்கு துரத்தி தாக்கு தாக்கு என்று தாக்குவது எமது பிரதேசத்தில் பிரபலமாக அறியப்பட்ட ஒன்று. யாரும் பார்க்காத படுக்கை அறையில் அவரது கதி இதிலும் மோசமாக இருந்தது இருக்கும். முன்னாள் பெண் போராளியை திருமணம் செய்து கட்டாய பாலியலுக்கு வேறு வழியில்லாமல் தினம் தினம் ஆளாகி மனம் பாதிக்கப் பட்டு அழுதுகொண்டு திரிந்த மென்மையான ஒருவரையும் நான் அறிவேன்.
  4. ஆவணங்களை இரவோடு இரவாக திருடி கள்ளத்தனமாக கைத்தொலைபேசியில் இருட்டில் வைத்து படம்படித்திருப்பது போல் உள்ளது. எதுவுமே வாசிப்பதற்கு தெளவாக இல்லை. இது போன்ற போலி வரைபுகளை யாரும் தயாரிக்கலாம். அரசியல் பின்னணியில் என்ன இருந்தது என்பது எவருக்கும் வெளிப்படையாக தெரியாது. அதற்காக முதலமைச்சர்மீது கரிபூச வேண்டும் என்று கங்கணம் கட்டி புறப்படவேண்டிய தேவை யாருக்கு உள்ளது என்பது அனைவருக்கும் தெரிந்ததுதானே.
  5. Today
  6. சுப.சோமசுந்தரம்

    பிறந்தநாள் வாழ்த்துக்கள்!

    ஆதவன், தமிழ்த் தென்றல் இவர்களுக்குப் பிறந்த நாள் வாழ்த்துக்கள்.
  7. மேலே ஒவ்வொருவரும் ஒவ்வொரு கோணத்தில் இப்பிரச்சினையை அணுகியிருப்பது நன்றாக உள்ளது. பாதிக்கப்படும் நபர்களுக்குப் பாதுகாப்பு அளிக்க சட்டங்கள் தேவையே. தவறாகப் பயன்படுத்தப்படும் அபாயம் எல்லாச் சட்டங்களிலும் உண்டு. அவ்வாறான அபாயங்களை சமூகமாகவோ தனிமனிதராகவோ சில சமயங்களில் எதிர்கொள்ளத்தான் வேண்டும். திருமண உறவை பரஸ்பர புரிதல் மட்டுமே நிலைநிறுத்தும். சட்டம் நிலைநிறுத்தாது ; பாதுகாப்பை மட்டுமே தரும்.
  8. Yesterday
  9. Athavan CH

    தாய் மண்

    அப்படி என்ன இருக்கிறது இந்த நெடுந்தீவில்
  10. Athavan CH

    ரிலாக்ஸ் -2

    என்னை மிகவும் பாதித்த வாசிப்பு இது....., அந்நேரத்தில் அங்கிருந்த ஒவ்வொருவருக்காகவும் மனம் பிரார்திக்கிறது. அம்மக்களிற்கான எமது சமகால அரசியலை பார்க்கும் போது நாம் எல்லாம் மனிதர்களா எனும் வினா எழுகிறது!
  11. தமிழகம் முழுவதும் மிகப் பிரமாண்டமாக எம்.ஜி.ஆர். நூற்றாண்டு விழா பிஜேபியின் பினாமியான எடப்பாடி அரசால் கொண்டாடப்பட்டு வருகின்றது. இதன் மூலம் அதிமுக என்ற பிற்போக்கு பாசிசக் காட்சி இன்னும் சாமானிய மக்கள் மத்தியில் தனக்கு ஓட்டு கிடைத்துக் கொண்டிருப்பதற்கு அடிப்படைக் காரணமாக விளங்கும் எம்.ஜி.ஆர் என்ற ஊதி பெரிதாக்கப்பட்ட போலி பிம்பத்தின் புனித நினைவுகளை திரும்ப அந்தச் சாமானிய மக்கள் மத்தியில் பதிய வைக்கவும், அதன் மூலம் மக்கள் மத்தியில் கடும் வெறுப்புக்கு உள்ளாகி இருக்கும் தங்கள் அரசுக்கான ஆதரவை வலுப்படுத்திக் கொள்ளவும் முயன்று வருகின்றது. எம்.ஜி.ஆர் இறந்து வரும் டிசம்பர் 24 ஆம் தேதியுடன் முப்பது ஆண்டுகள் முடிவடையப் போகின்றது. எம்.ஜி.ஆரின் சமகாலத் தலைமுறையை சேர்ந்தவர்கள் மட்டுமல்லாமல் இப்போதுள்ள தலைமுறைவரை எம்.ஜி.ஆரை பாரிவள்ளல் அளவுக்கு தர்ம சிந்தனை படைத்த நபர் என்றும், ஏழைகளின் வறுமைத் துயர் துடைப்பதற்கென்றே தன் வாழ்நாளை அர்பணித்துக்கொண்டவர் என்றும் இன்றும் கருதிக்கொண்டு இருக்கின்றார்கள். இப்படி எம்.ஜி.ஆரைப் பற்றி மக்கள் மத்தியில் ஆணித்தரமாக உருவாக்கி பராமரிக்கப்படும் பிம்பம் உண்மையில் அவருக்குப் பொருத்தமானதுதானா? அதில் ஏதாவது குறைந்தபட்ச நியாயமாவது உள்ளதா? என நம்மில் இன்னும் எம்.ஜி.ஆரை புனிதராகக் கருதிக் கொண்டிருக்கும் பலர் ஆய்வுக்கு உட்படுத்துவதில்லை. அப்படி ஆய்வுக்கு உட்படுத்தி திரை எம்.ஜி.ஆருக்கும், நிஜ எம்.ஜி.ஆருக்கும் உள்ள பாரிய பிம்ப இடைவெளியை நாம் புரிந்து கொள்ள விரும்புவோம் என்றால், நமக்கு மிகச்சிறந்த கையேடாக மறைந்த தோழர் எம்.எஸ்.எஸ்.பாண்டியன் அவர்கள் ஆங்கிலத்தில் (THE IMAGE TRAP) எழுதி தமிழில் மொழிபெயர்ப்பு செய்யப்பட்டிருக்கும் 'பிம்பச் சிறை' என்ற நூல் உதவும். இப்போது இந்த நூலின் முக்கியத்துவம் என்னவென்றால், இந்த நூலின் கருத்துகள் இந்தக் காலத்துக்கும் பொருந்துவதுதான். இது எம்.ஜி.ஆரின் திரை வாழ்க்கையையும், அதன் வழியே அவர் கட்டமைத்த பிம்பத்தையும் பற்றிய ஆய்வாக இருந்தாலும் இதே ஆய்வை நாம் ரஜினிக்கும், கமலுக்கும், விஜய்க்கும் இன்னும் அரசியலில் கால் ஊன்ற சினிமாவை ஒரு ஆயுதமாகப் பயன்படுத்த நினைக்கும் அனைவரைப் பற்றியும் தெளிவாக உணர்ந்துகொள்ள இந்நூல் நமக்கு மிகவும் உதவும். எம்.ஜி.ஆர். திரையில் தனக்கான பிம்பத்தை திட்டமிட்டு மிகத் தெளிவாக கட்டமைத்தார் எனினும், அவர் கட்டமைத்த பிம்பத்தை எப்படி தமிழக மக்கள் மனதளவில் ஏற்றுக்கொண்டு எம்.ஜி.ஆரை தங்களில் ஒருவராக, தங்களை மீட்க வந்த மீட்பாராக கருதினார்கள் என்பதை சமூகத்தின் சிந்தனையில் ஏற்கெனவே படிந்திருக்கும் மரபுக்கூறுகளில் இருந்து தோண்டி எடுப்பதில் தான் பாண்டியனின் ஆய்வு தனித்து நிற்கின்றது. நிச்சயம் இது ஓர் அசாத்தியமான உழைப்பை தனக்குள் பொதிந்துவைத்திருக்கும் ஆய்வு நூல். நிச்சயம் இந்த நூலை நீங்கள் வாசித்து முடித்த பிறகு ஒட்டுமொத்த திரை பிம்பங்களைப் பற்றியும் நீங்கள் மறு பரிசீலினை செய்ய நேரும் என்பதில் மாற்றுக் கருத்துகள் கிடையாது. எம்.ஜி.ஆரை பெரும்பாலான மக்கள் ஏற்றுக்கொள்ள அடிப்படைக் காரணமாக இருந்தது தமிழ்நாட்டில் ஏற்கெனவே நிலவிவந்த வீர மரபுக் கதைகளை கொண்டாடும் பழக்கம் என்று பாண்டியன் குறிப்பிடுகின்றார். சின்னதம்பி, சின்னநாடன், மதுரைவீரன், முத்துப்பட்டன், காத்தவராயன் போன்றவர்களைப் பற்றிய வீர மரபு கதைப் பாடல்கள் தமிழகத்தின் பல்வேறு வட்டாரங்களில் கொண்டாடப்பட்டு வந்ததையும், ஆனால் அதன் தீவிர சாதி எதிர்ப்பு வடிவம் காரணமாக ஒட்டுமொத்த தமிழகத்துக்குமான கதைப் பாடலாக அவை மாறாமல் இருந்ததையும் இந்த இடத்தில்தான் மேல்தட்டு ஆதிக்க சாதிகளால் எம்.ஜி.ஆர் பயன்படுத்திக் கொள்ளப்பட்டதாகவும் பாண்டியன் சரியாகவே சுட்டிக்காட்டுகின்றார். ஆனால் வீரமரபு கதைப் பாடல்களின் தீவிரத்தன்மை நீக்கப்பட்ட, நீர்த்துபோகச் செய்யப்பட்ட எம்.ஜி.ஆரின் வீரக் கதைகளில் சாமானிய எளிய மக்கள் தங்களைப் பறிகொடுத்து, அவரை தங்கள் வீர நாயகனாக ஏற்றுக் கொண்டதாகவும் தரவுகளுடன் நிறுவுகின்றார். எம்.ஜி.ஆரின் திரைப்படங்களில் வரும் நிலபிரபுத்துவ எதிர்ப்பு, முதலாளிய எதிர்ப்பு, பெண்களை தெய்வங்களாகப் போற்றுவது போன்றவை எந்த அளவிற்குச் சமூகத்தில் ஏற்கனவே நிலவும் ஆதிக்க சக்திகளையும், ஆணாதிக்க வெறியையும் நிலை நிறுத்தின என மிக விரிவான தரவுகளுடன் நிரூபிக்கின்றார். “தொழிலாளி திரைப்படத்தில்(1964) ஒரே கையெழுத்தில் தன்னுடைய தொழிலாளர்களை வேலையை விட்டு அனுப்பும் தன்னுடைய பேருந்து முதலாளி, இறுதியில் தொழிலாளர் கூட்டுறவுக்குத் தலைமை தாங்குகின்றார். படத்தின் ஒரு குறிப்பிட்ட காட்சியில் வேலை நீக்கம் செய்யப்பட்ட தொழிலாளர்கள் முதலாளிக்கு எதிராக முழக்கங்கள் எழுப்பும் பொழுது, எம்.ஜி.ஆர் பொறுமையாக அவர்களைத் திருத்தி ‘முதலாளி ஒழிக' என்று கோஷம் போடாமல் அவரைச் சீர்திருத்த பாருங்கள்!" என்கின்றார். தன்னுடைய எல்லாச் சொத்துக்களையும் இழந்து தொழிலாளர் கூட்டுறவில், இணைந்த பின்னும் எம்.ஜி.ஆர் தொழிலாளிக்கு உரிய பழைய நன்றியோடு அவரை முதலாளி என்றே அழைக்கிறார்”. தன்னுடைய திரைப்படங்களில் ஒருவனுக்கு ஒருத்தி என்ற பார்ப்பனிய கருத்தியலை ஆணித்தரமாக வலியுறுத்தும் எம்.ஜி.ஆர் நிஜவாழ்க்கையில் எப்படி அடுத்தவர் மனைவியை அபகரிக்கும் நபராக இருந்தார் என்பதை பாண்டியன் சுட்டிக்காட்டுகின்றார். எம்.ஜி.ஆர்-ஜானகியை திருமணம் செய்துகொள்ளும்போது ஜானகியின் கணவர் உயிரோடு இருந்தார் என்பதையும், எம்.ஜி.ஆரின் இரண்டாவது மனைவி சதானந்தவதியும் உயிருடன்தான் இருந்தார் என்பதையும் பதிவு செய்கின்றார். அப்படி அடுத்தவர் மனைவியை அபகரிக்கும் எம்.ஜி.ஆர் தன்னுடைய திரைப்படங்களில் கற்பைப் பற்றி தமிழ்ச்சமூகத்திற்கு வகுப்பெடுத்தது கேலிக்கூத்தானது ஆகும். இன்று திமுக தலைவர் கருணாநிதியின் குடும்பத்தைப் பற்றி மேடைகளில் மிக தரக்குறைவாக விமர்சனம் செய்யும் அதிமுகவினர் தனது கட்சியின் நிறுவனரான எம்.ஜி.ஆரின் இந்த யோக்கியதையை பற்றி நினைத்துப் பார்ப்பது கூட கிடையாது. அதுமட்டுமல்லாமல் எம்.ஜி.ஆர் தன்னுடைய திரைப்படங்களில் எந்த விதவைப் பெண்களையும், ஆண்களால் ஏமாற்றப்பட்ட பெண்களையும் எப்போதுமே திருமணம் செய்துகொண்டதாக காட்சி வைத்ததே கிடையாது என்பதையும் பெரும்பாலான திரைப்படங்களில் அடங்காத பெண்களை அடக்கி அவர்களை தன்னை காதலிக்கும் படி செய்து, அவர்களுக்கு கணவனுக்கு அடங்கிய மனைவியாக எப்படி நடந்துகொள்வது என்ற ஆணாதிக்க கருத்தியலையே அவர் வற்புறுத்தியதையும் பல்வேறு காட்சிகளில் இருந்தும் பாடல்களில் இருந்தும் எடுத்துக்காட்டுகின்றார். விவசாயிகளின் தோழனாக பல படங்களில் நடித்த எம்.ஜி.ஆர் ஆட்சிக்கு வந்தவுடன் வாகைக்குளத்தில் விவசாயிகளைச் சுட்டுக் கொன்றதையும், மீனவனின் நண்பனாக படகோட்டியில் நடித்த எம்.ஜி.ஆர் அப்பாவி மீனவர்களை சுட்டு வீழ்த்தியதையும் , வட ஆற்காடு, தர்மபுரி மாவட்டங்களில் கொடுமையான நிலச்சுவான்தார்களை எதிர்த்துப் போராடிய மார்க்சிய- லெனினிய அமைப்பைச் சேர்ந்த அப்பாவி இளைஞர்கள் 22 பேரை துடிக்க துடிக்க என்கவுன்டர் செய்ததையும், ஒரு வருடத்திற்கும் மேலே முதல் தகவல் அறிக்கையே தராமல் 1.5 லட்சம் மக்களை சிறையில் அடைத்து சித்தரவதை செய்ததையும் குறிப்பிட்டு எம்.ஜி.ஆரின் பாசிச குணத்தை பாண்டியன் படம்பிடித்துக் காட்டுகின்றார். இது மட்டுமில்லாமல் எம்.ஜி.ஆர் எப்படி தன்னுடைய வயதான தோற்றத்தையும், சொட்டை தலையையும் மறைக்க மிக மோசமான அடாவடித்தனத்தில் ஈடுபட்டார் என்பதையும் குறிப்பிடுகின்றார். “கோயம்புத்தூரில் 1981-ல் நடைபெற்ற ஒரு பொதுக்கூட்டத்தில் ஒரு மாணவர் தலைவர் அவருக்கு மாலையிட, அது அவரின் தொப்பியை சற்றே சாய்த்துவிட்டது. எம்.ஜி.ஆர் தன்னுடைய ஆத்திரத்தை மறைக்க முடியாமல், பொதுமக்களின் முன்னால் அந்த இளைஞரை மீண்டும், மீண்டும் அறைந்தார். கர்நாடகாவின் கொல்லூர் மூகாம்பிகை ஆலயத்தை விட்டு தொப்பி, கண்ணாடி இல்லாமல் சட்டை அணியாமல் வெளியே வந்த எம்.ஜி.ஆரை ஒரு புகைப்படக்காரர் அப்படியே புகைப்படமெடுத்தார். எம்.ஜி.ஆரின் பாதுகாவலர்கள் அவரை இழுத்து, கேமராவிலிருந்து நெகட்டிவை எடுத்து அதை வெயிலில் காட்டி நாசப்படுத்தினார்கள்”. இப்படியாக “எப்பொழுதும் அணிந்திருக்கும் விக், விலங்கு முடிகளால் ஆன தொப்பி ஆகியவை பாரம்பரியக் காரணங்களாக அறியப்பட்ட ஆண்மையின்மை மற்றும் முதுமையின் அடையாளமான அவருடைய வழுக்கைத்தலையை மறைத்தன. அவரின் கண்களைச் சுற்றி விழுந்த சுருக்கத்தை அவர் அணிந்திருந்த கறுப்புக் கண்ணாடி மறைத்தது. மக்கள் முன் எப்பொழுதும் அதிக ஒப்பனை அணிந்தவாறே அவர் தோன்றினார்”. இதை அப்படியே மறைந்த முன்னால் முதலமைச்சர் ஜெயலலிதாவுக்கும் நாம் பொருத்திப் பார்க்கலாம். ஜெயலலிதாவின் வயது முதுமையால் சுருங்கிப்போன முகத்தையும் நரைத்துப்போன தலையையும் அவர் உயிருடன் இருந்த போதும் யாரும் பார்த்தது இல்லை, அவர் இறந்த பின்னரும் யாரும் பார்த்ததில்லை. அந்த அளவிற்கு தன்னுடைய பிம்பத்தை கடைசி வரை காப்பாற்றியவர் ஜெயலலிதா. தங்களின் வயது முதுமையால் ஏற்பட்ட இயல்பான தோற்றத்தைக் கூட பொதுமக்கள் பார்த்து தங்களை குறைத்து மதிப்பிட்டுவிடக்கூடாது என்று நினைத்த இவர்களைத்தான் பொதுமக்கள் தங்களின் ‘இதய தெய்வமாக’ கருதினார்கள், கருதிக்கொண்டு இருக்கின்றார்கள் என்பதும் மிகவும் வருத்தத்திற்கு உரியது. எம்.ஜி.ஆரின் ஆட்சிக் காலத்தை தமிழகத்தின் ஏழை எளியமக்களின் பொற்காலமாக சித்தரிக்கும் மோசடிகள் இன்றளவிலும் நடைபெற்று வருவதை நம்மால் பார்க்க முடிகின்றது. திரைப்படங்களில் மது அருந்துவதை ஒழுக்கக்கேடாக கருதிய எம்.ஜி.ஆரின் ஆட்சியில்தான் மது ஆறாக தமிழ்நாட்டில் ஓடியது. மாநிலத்தின் மொத்த கலால் வரியில் மதுவின் மூலம் மட்டும் 13.9 சதவீதம் 1980-1985 காலகட்டத்தில் கிடைத்துள்ளது. இந்த கலால் வரியில் 80 சதவீதம் நகர்ப்புற, கிராமப்புற ஏழைகள் பரவலாக பயன்படுத்தும் நாட்டுச்சரக்குகளான பட்டைச்சாராயம் மற்றும் கள் மூலமே கிடைத்துள்ளது. 1981-82 இல் 110 கோடியாக இருந்த வருமானம் 1984-85 காலகட்டத்தில் 202 கோடியாக உயர்ந்துள்ளது. அது மட்டும் அல்லாமல் விவசாயத் துறை, தொழிற்துறை என்று எதுவுமே வளர்ச்சியடையவில்லை. வேளாண்துறைக்கு ஒதுக்கப்பட்ட மானியம் கூட பணக்கார விவசாயிகள், பம்ப்செட் உரிமையாளர்களையுமே சென்று சேர்ந்தது அவர்களும் கூட அதிமுகவைச் சேர்ந்தவர்களாகவே இருந்தனர். 1977-85 இடைப்பட்ட காலத்தில் அடிமைத்தொழிலாளர்களின் மறுவாழ்வுக்கு மத்திய அரசு 26.70 லட்சம் ஒதுக்கிய நிதியில் 17.04 லட்சம் நிதியை செலவு செய்யாமலும், 3.68 லட்சம் நிதியை தேவையில்லை என்றும் திருப்பி செலுத்தி தான் திரைப்படத்தில் மட்டுமே அடிமைகளை மீட்டெடுக்கும் மீட்பான் என்பதை எம்.ஜி.ஆர் நிரூபித்தார். இப்படிப்பட்ட எம்.ஜி.ஆரைத்தான் இன்னும் சாமானிய மக்கள் தங்களுக்கான தலைவராகக் கொண்டாடி வருகின்றனர். எம்.ஜி.ஆர் தன்னைச் சுற்றி திட்டமிட்டு கட்டமைத்த பிம்பம் அவர் இருந்த போதும் அவருக்கு ஓட்டுகள் பெற்றுத்தர பயன்பட்டது, அவர் இறந்த பின்பும் அவர் உருவாக்கிய கட்சிக்கு ஓட்டுக்களை பெற்றுத் தந்து கொண்டு இருக்கின்றது. ஆளும் வர்க்கம் பட்டாளி மக்களின் எதிர்ப்பில் இருந்து தங்களையும் தங்களை காப்பாற்றிக்கொண்டு இருக்கும் பெரும்முதலாளிகளையும் காப்பாற்ற செய்யும் சில சில்லரை சலுகையைத்தான் எம்.ஜி.ஆரும் செய்தார். சத்துணவு திட்டம் விரிவாக்கம் போன்றவை அப்படிப்பட்டதுதான். ஆனால் அதைப் புரிந்துகொள்ளும் திராணியற்ற அரசியல் அறிவற்ற மக்கள் எம்.ஜி.ஆர் திரையில் செய்தது போலவே தன்னுடைய சொத்துக்களை எல்லாம் ஏழைகளுக்கு தந்து ஏழைகளுக்காகவே வாழும் தர்ம பிரபுவாகவே அவரை எண்ணினர். மக்களின் இந்த முட்டாள் தனம் தான் அவரை கடவுளைப் போன்று வணங்க வைத்தது. அவருக்கு கோயில் எல்லாம் கட்ட வைத்தது. ஏற்கெனவே அவர்களிடம் இருந்த மனிதரை கடவுளாக வணங்கும் பழக்கும் எம்.ஜி.ஆர் போன்ற போலிகளை, ஏழைகளை நம்ப வைத்து கழுத்தறுக்கும் மோசடிப் பேர்வழிகளை கடவுளாக வணங்க அவர்களை இட்டுச்சென்றது. இந்தப் புத்தகம் திராவிட இயக்க பிம்ப அரசியலை புரிந்துகொள்ள உதவுவதோடு எப்படி திட்டமிட்ட முறையில் மக்களிடம் வலிந்து பிம்ப அரசியல் திணிக்கப்படுகின்றது என்பதையும் மிக விரிவாக அலசி ஆராய்கின்றது. இந்தப் புத்தகம் ஒவ்வொரு பெரியாரிய, மார்க்சிய இயக்கத் தோழர்களும் படிக்க வேண்டிய புத்தகம் ஆகும். காரணம் எப்படி பார்ப்பனக் கருத்தியலை தூக்கிப்பிடித்த பாரதியை விமர்சனமே இல்லாமல் சி.பி.எம் ஏற்றுக்கொண்டு கொண்டாடுகின்றதோ, அதே போல எம்.ஜி.ஆர் என்ற பாசிஸ்டை எந்த விமர்சனமும் இல்லாமல் பெரியார் கொள்கைகளை கடைபிடிப்பதாய் சொல்லும் பல பேர் கொண்டாடி வருகின்றனர். இரண்டுமே நேர்மையற்ற பிழைப்புவாதிகளின் செயல் என்பதால் இதைக் குறிப்பிடுகின்றேன். திரைப்பட கதாநாயகர்களின் முகத்தில் பெரியாரையும், மார்க்சையும் தேடிக்கொண்டு இருக்கும் சீரழிந்து போன சிந்தனைவாதிகளும் படிக்க வேண்டிய புத்தகம். இன்றைய காலத் தேவைக்கு மிக முக்கியமான புத்தகம் என்பதால் தோழர்கள் அனைவரும் இந்தப் புத்தகத்தை வாங்கி நிச்சயம் படிக்க வேண்டும். கடைசியாக… இந்தப் புத்தகம் வெளிவந்து ஏறக்குறைய 24 ஆண்டுகள் கழித்தே தமிழில் மொழி பெயர்க்கப்பட்டுள்ளது என நினைக்கும் போது மிக வேதனையாக உள்ளது. இந்தப் புத்தகத்தை எழுதிய எம்.எஸ்.எஸ். பாண்டியன் தமிழர் என்பதும் அதைவிட வேதனையானது. அறிவுஜீவிகள் எல்லாம் தங்களுடைய படைப்புகளை ஆங்கிலத்தில் எழுதினால்தான் புகழ் கிடைக்கும் என நினைப்பது ஏற்கெனவே பிற்போக்குக் கருத்தியலை மட்டுமே டன் கணக்கில் வைத்திருக்கும் தமிழுக்கு அழிவைதான் கொண்டுவரும். ஆங்கிலத்தை நன்றாகப் படித்து புரிந்துகொள்ள முடிந்தவர்கள் மட்டுமே இது போன்ற புத்தகங்களை படிக்க முடியும் என்றால், ஆங்கிலத்தை பெரும்பாலும் சாராமல் தமிழில் கிடைக்கும் தரவுகளை மட்டுமே நம்பி எழுதுபவர்கள் என்ன செய்வது? மிக சிறப்பாக பூ.கொ.சரவணன் என்பவரால் மொழி பெயர்க்கப்பட்டிருக்கும் இந்த புத்தகத்தை பிரக்ஞை பதிப்பகம் வெளியிட்டு இருக்கின்றது. விலை ரூ.225. அவர்களின் தொலைபேசி எண்:044-23342771, 9940044042, 9841494448 - செ.கார்கி https://keetru.com/index.php/2014-03-08-04-35-27/2014-03-08-12-20-13/34351-2017-12-23-00-51-14
  12. கறுப்பு ஜீலை அப்பாவிச் சிறுபாண்மை தமிழர் மீது மிகக் கொடிய சிங்கள அரச பயங்கரவாதம் ஏவப்பட்ட மாதம், பல்வேறு அழிவுகளையும் தந்த மாதம் , தமிழரின் கண்கள் உயிருடன் பிடுங்கப்பட்டநாள்........, மிகவும் உணர்வுபூர்வமாக நினைவு கூறப்படவேண்டிய மாதம். வெளிநாட்டு இராசதந்திரிகளை நோக்கி அரச பயங்கரவாத ஏவலை நினைவூட்டி எமக்கான அரசியல் தீர்வை விரைவு படுத்தும் பிரசாரத்தை மேற் கொள்ளவேண்டிய முக்கிய மாதம்... "கறுப்பு ஜீலை நினைவேந்தல் கிண்ண உதைப்பந்தாட்டம்" எனவா இதனை நினைவு கூறுவது? உங்களைப் போன்ற தரம் கெட்ட அரசியல்வாதிகள் தான் தமிழினத்தின் மிகப் பெரிய சாபம்.
  13. கிட்டத் தட்ட இரண்டு மாதங்களின் பின் கணணி வந்திருப்பதால் பதிவிடுகிறேன்..
  14. இதே கருத்தை தான் விக்கி அவர்களும் சொன்னார்.
  15. கீழை நாடுகளில் இந்த நிலைமைக்கு ஒரு காரணம் பாலியல் கல்வி இல்லாமையும் அதனால் அந்த விடயமாக அறிவு இல்லாமையும் ஒரு கரணம் என்கிறார்கள். இந்த அறிவு இல்லாமல், தினமு, பாலியல் பலாத்காரம், வன்புணர்வு என, செய்திகளிலும், மக்கள் பேசுவதையும் கேட்டு, ஒரு வித பயம் உண்டாகின்றது. திருமணத்துக்கு பின்னர் கணவர் அணுகும் போது, பயம் காரணமாக இணங்க மறுப்பதால், விரக்தியில் கணவர் வேறு வழியில் முனைய... நிலைமை மோசமாகின்றது என்றும் சொல்கின்றனர். நம்ம கிழக்கு பக்கமா ஏதோ நம்ம தலைமுறை வரைக்கும் பெண்கள் அடங்க்கி வாழ்ந்தாலும், இதற்கு பொருளாதார சார்பு நிலைமை கூட காரணமாகலாம், மேலை நாடுகளில் நிலைமை மோசம். இங்கே, பொருளாதார ரீதியிலும், படுக்கை அறையிலும் மேலாண்மை இல்லாவிடில், பறவை பறந்து விடும் என்பதால், ஆண்கள் நிலைமை கொஞ்சம் கஷடம். ஓடிக் கொண்டே இருக்க வேண்டும். நின்றால்.... நிலைமை கஷ்டமாம்.
  16. யாழ்ப்பாணத்தில் கோட்டைவிடப்பட்ட 1500 மில்லியன் ரூபா திட்டம்: நடந்தது என்ன? July 21, 2018 யாழில் முன்மொழியப்பட்ட 1,500 மில்லியன் ரூபா பெறுமதியான அபிவிருத்தி திட்டங்களை அதிகாரிகளும், அரசியல்வாதிகளும் கோட்டைவிட்ட தகவல்களை தமிழ்பக்கம் ஆதாரபூர்வமாக பெற்றுள்ளது. வடக்கு அபிவிருத்தியில் தமிழ் அரசியல்வாதிகளும், அதிகாரிகளும் எவ்வளவு வினைத்திறனாக செயற்படுகிறார்கள் என்பதை, நாம் வெளியிடும் தகவல்கள் வாசகர்களிற்கு புரிய வைக்கும். 2016 டிசம்பரில் The Asia Foundation நிறுவனம் 517 மில்லியன் பெறுமதியான நவீன கடைத்தொகுதியொன்றிற்கான விரைபை யாழ் மாநகரசபை ஆணையாளரிடம் கையளித்திருந்தது. அப்பொழுது ஆணையாளர் நிர்வாகத்தின் கீழ் மாநகரசபை செயற்பட்டிருந்தது. இந்த திட்டத்திற்கான வரைபையும், நிதி மூலங்களையும் அந்த வரைபு அடையாளம் காட்டியிருந்தது. இலங்கை நிர்வாக நடைமுறைகளின் கீழ் மாநகரசபைகள், அரச வங்கிகளில் பெருமளவு கடன்பெற வழியுண்டு. அண்மையில் கண்டி மாநகரசபை இந்த நடைமுறையின் கீழ் 1000 மில்லியன் கடன்பெற்று, அபிவிருத்தி திட்டங்களில் ஈடுபட்டுள்ளது. மொத்தம் 517 மில்லியன் ரூபா பெறுமதியான இந்த திட்டத்தில் 112 மில்லியன் ரூபாயை வங்கி கடனாகவும், 153 மில்லியன் ரூபாவை கடைகளை வாடகைக்கு பெற்றுக்கொள்பவர்களிடம் இருந்தும், மாநகரசபையின் நிதியிலிருந்து 252 மில்லியன் ரூபாவையும் பயன்படுத்துவதென வழிகாட்டப்பட்டிருந்தது. கடைகளை எந்த அடிப்படையில் வாடகைக்கு விடுவது உள்ளிட்ட பல விடயங்களை வரைபு உள்ளடக்கியிருந்தது. 60 வாகனங்களை தரிக்கவைக்க கூடிய நிலக்கீழ் தரிப்பிடம், நான்கு தளங்களை உள்ளடங்கிய வணிக வளாகம்- 56,100 சதுரஅடி பரப்பில் இந்த திட்டம் முன்மொழியப்பட்டிருந்தது. யாழ் நகரின் வர்த்தக தேவைகளில் 20 வீதத்தையே கார்கில்ஸ் வளாகம் பூர்த்தி செய்வதால், மிகுதி தேவையை இலக்கு வைத்து இந்த திட்டம் தயாரிக்கப்பட்டிருந்தது. திட்டத்திற்கு செலவிடப்படும் பணத்தை எப்படி மீள பெறுவது, எவ்வளவு காலத்தில் கடனை அடைப்பது என்பவையும் வரைபில் உள்ளடக்கப்பட்டிருந்தது. இந்த திட்டத்தை நிறைவேற்ற யாழ். மாநகரசபை மற்றும் மாவட்ட செயலகத்திற்கிடையில் நடத்தப்பட்ட கலந்துரையாடலின் பின்னர், சத்திரசந்தை பகுதியில் இந்த திட்டத்தை நடைமுறைப்படுத்துவதென தீர்மானிக்கப்பட்டிருந்தது. எனினும், திட்டத்தை முன்னகர்த்த ஒரு அடிகூட முன்வைக்கப்படாமல் இருந்தது. திட்டவரைபை கீழே இணைத்துள்ளோம். இந்த சமயத்தில்தான் யாழில் வணிக வளாகம் ஒன்றை அமைக்க 1,000 மில்லியன் ரூபா மத்திய அரசிடமிருந்து வழங்கப்பட்டது. அந்த திட்டத்தை வடக்கு பிரதம செயலாளர் மற்றும் மாவட்ட செயலக அதிகாரிகள் இணைந்து செம்மணியில் நடைமுறைப்படுத்துவதென தீர்மானித்திருந்தனர். இந்த திட்டம் தொடர்பில் மாகாண அரசியல்வாதிகள் யாருடனும் கலந்துரையாடப்படவில்லை. எனினும், பின்னர் மாகாணசபையில் சர்ச்சையை ஏற்படுத்திய பின்னர், இந்த விடயத்தில் வடக்கு முதலமைச்சர் தலையிட்டார். வணிக வளாகத்திற்கான இடத்தை தீர்மானிப்பதில் அரசியல்வாதிகளை ஒன்றிணைத்து முதலமைச்சரால் இடமொன்றை தீர்மானிக்க முடியவில்லை. இந்த இடத்தில் முதலமைச்சரின் பலவீனத்தையும் சுட்டிக்காட்டுகிறோம். 1000 மில்லியன் வணிக வளாக திட்டம் தோல்வியடைந்ததின் ஒரு பகுதி பொறுப்பாளர் முதலமைச்சராவார். மிகுதி வடக்கு அதிகாரிகள், மற்றும் சில மாகாணசபை உறுப்பினர்களை சாரும். The Asia Foundation நிறுவன திட்டம் சத்திரசந்தையில் நடைமுறைப்படுத்தப்படுவதால் நல்லூர் முத்திரைசந்தையில் இந்த திட்டத்தை நடைமுறைப்படுத்தும்படி அவைத்தலைவர் சீ.வீ.கே.சிவஞானம் கோரினார். இந்த சமயத்தில் இன்னொரு நிகழ்வும் நடந்தது. எழுக தமிழ் நிகழ்வில் “ஒத்துழையாமை“ அறிவிப்புடன் அரசியலில் பிடியை அதிகப்படுத்தி, பின்னர் மாகாணசபை உறுப்பினரானவர் இ.ஜெயசேகரம். வர்த்தகர் சங்க தலைவரான அவர், வர்த்தகர் சங்க நலன்களின் அடிப்படையில் தனது பதவியை பாவித்தாரோ என சந்தேகிக்கத்தக்கதாகவே, இந்த வணிக வளாக திட்டத்தில் நடந்து கொண்டார். ஏற்கனவே The Asia Foundation திட்டம் சத்திரசந்தையில் தீர்மானிக்கப்பட்டிருந்த நிலையில், மத்திய அரசின் வணிகவளாக திட்டத்தையும் அந்த இடத்தில் நடைமுறைப்படுத்த வலியுறுத்தினார். நகரின் மத்தியில் பிரமாண்ட வணிக வளாகம் அமைத்தால், வர்த்தகர் சங்கம் தனது பிடியை இறுக்கமாக வைத்திருக்கலாமென்பதற்காகவே அவர் சத்திரசந்தையை நோக்கி திட்டத்தை நகர்த்த முயன்றார். முத்திரைசந்தையா, சத்திரசந்தையா என்ற இழுபறியில் திட்டம் தாமதமாகி, இறுதியில் 2017இன் வருட முடிவில் அந்த நிதி திரும்பி சென்றது. 1000 மில்லியன் வணிக வளாகத்தை எங்கு அமைப்பது என்பது தொடர்பில் யாழ் மாவட்ட செயலகத்தில் நடந்த கலந்துரையாடலின் கூட்ட குறிப்பை தமிழ்பக்கம் பெற்றுள்ளது. வணிக வாளகத்தின் அமைவிடம் தொடர்பான குழப்ப பகுதிகளை நிறமிட்டுள்ளோம். http://www.pagetamil.com/11481/
  17. இதோடா எல்லாத்தையும் ஆண்களின் தலையில் கொட்டிவிட்டு சுலபமாய் தப்பி விடுகிறீர்கள்.விவசாயத்தில் இருந்து கடினமான விளையாட்டுகள் மலையேறுதல் என்று எல்லாவற்றிலும் ஆண்களுக்கு சரிநிகர் சமானமாக மல்லுக்கட்டும் பெண்களுக்கு வன்முறையும் வன்புணர்சியும் தெரியவே தெரியாதாம். அவர்களுக்கு என்ன ஊரைக்கூட்டி ஒப்பாரி வைத்து விட்டு போவார்கள். நீருக்குள் மீன் அழுவதுபோல் ஆண்களின் கஷ்டம் யாருக்கு தெரியப்போகுது. ஆண்களுக்குத்தான் இதை வெளியில் சொல்வதற்கு பயம். இல்லை பயமும் ஒரு காரணமாய் இருக்கலாம் என்று சொல்ல வாறன். இந்தக்களத்தில ஒரு பெண் கூடவா துணிந்து வந்து ஆண்களுக்கு வக்காலத்து வாங்கக் கூடாது.....! 😪
  18. சுமந்திரன் சொன்ன சில முக்கிய விடயங்கள்! காணாமல்போனவர்கள் அலுவலகத்தின் அமர்வுகளில் காணாமல்போனவர்களின் உறவினர்கள் பெருமளவில் பங்கெடுத்திருக்கின்றார்கள். அதேபோல் சில காணாமல்போனவர்களின் உறவினர்கள் அதனை எதிர்த்து போராட்டங்களை நடாத்தியுள்ளதுடன், பகிஸ்கரிப்பும் செய்துள்ளார்கள். அந்த சிலருடைய மன நிலைப்பாட்டை நாங்கள் அறிந்திருக்கின்றோம். ஆனாலும் கூட தற்போதிருக்கும் நிலையில் நடைமுறைச்சாத்தியமானதும், சட்டரீதியானதுமான முறையாக காணாமல் ஆக்கப்பட்டோருக்கான அலுவலகமே இருக்கின்றது. மேற்கண்டவாறு தமிழ் தேசிய கூட்டமைப்பின் நாடாளுமன்ற உறுப்பினர் எம்.ஏ.சுமந்திரன் கூறியுள்ளார். காணாமல்போனவர்கள் அலுவலகம் குறித்து நேற்று சாவகச்சேரியில் இடம்பெற்ற நிகழ்வு ஒன்றில் ஊடகவியலாளர்கள் எழுப்பிய கேள்விக்கு பதிலளிக்கும்போதே அவர் மேற்கண்டவாறு கூறியுள்ளார். இதன்போது மேலும் அவர் கூறுகையில், காணாமல்போனவர்கள் தொடர்பான அலுவலகத்தினை காணாமல் ஆக்கப்பட்டவர்களின் உறவினர்கள் சிலர் சில இடங்களில் பகிஷ்கரித்திருக்கின்றார்கள். ஆனாலும் பெருமளவு உறவுகள் அலுவலகத்தின் அமர்வுகளில் கலந்து கொண்டிருக்கின்றார்கள். பகிஷ்கரிக்கிறவர்களின் மனநிலையை நாங்கள் நன்றாகவே உணர்ந்து கொள்கிறோம். ஆனாலும் இப்போதுள்ள நிலையில் காணாமல் ஆக்கப்பட்டவர்கள் விவகாரத்தை கையாளுவதற்கு இந்த அலுவலகமே நடைமுறைச்சாத்தியமானது. காணாமல் ஆக்கப்பட்டவர்களின் உறவுகள் கேட்பதுபோல் பட்டியல் கொடுப்பதோ? சில இடங்களை காண்பிப்பதோ சாத்தியமற்றது. அதனை நாங்கள் கேட்டாலும் கூட உண்மையை தருவார்கள் என்றோ, உண்மையான இடங்களை காண்பிப்பார்கள் என்றோ எந்த உத்தரவாதமும் இல்லை. ஆகவே நடைமுறைச்சாத்தியமானதும், சட்டபூர்வமானதுமான இந்த அலுவலகமே சிறந்தது. வடமாகாண அமைச்சர் சபை தொடர்பாக, வடமாகாண அமைச்சர் சபை குறித்து மேன்முறையீட்டு நீதிமன்றம் மிக தெளிவாக விடயங்களை கூறியுள்ளது. அதில் யாருக்கு அமைச்சர்களை நியமிக்கும் அதிகாரம் உள்ளது? யாருக்கு அமைச்சர்களை நீக்கும் அதிகாரம் உள்ளது? என்பது தெளிவுபடுத்தப்பட்டுள்ளது. அதன்படி முதலமைச்சருக்கே அந்த அதிகாரங்கள் உள்ளது. இது முதலமைச்சருக்கு தெரியாமல் இல்லை. ஆனால் தமக்கு தெரியாததுபோல் பாசாங்கு செய்வதாலேயே இவ்வளவு பிரச்சினைகள் உருவாகியிருக்கின்றன. எனவே மேன்முறையீட்டு நீதிமன்றம் தனது தீர்ப்பில் கூறியிருக்கும் விடயங்களை அவ்வாறே நடைமுறைப்படுத்தினால் சகல பிரச்சினைகளும் தீர்க்கப்படும். மாகாணசபை உறுப்பினர் அஸ்மினுக்கு எதிராக அமைச்சர் அனந்தி முறைப்பாடு தொடர்பாக.. மாகாணசபையில் பேச்சு சுதந்திரம் உள்ளமை சட்டரீதியாக உறுதிப்படுத்தப்பட்டுள்ள விடயம் அங்கு பேசப்படும் விடயங்கள் தொடர்பாக விமர்சிப்பதற்கோ, அதை குறித்து விசாரிப்பதற்கோ எவருக்கும் அதிகாரம் கிடையாது. யாழ்.குடாநாட்டில் சட்டம் ஒழுங்கு சீர்குலைவு தொடர்பாக இவ்வாறான சம்பவங்களை கட்டுப்படுத்த மாகாணசபைக்கு சட்டம் ஒழுங்கு அதிகாரங்கள் பூரணமாக பகிரப்படவேண்டும். மேலும் இந்த பிரதேசத்தில் பேசப்படும் மொழியை தமது சொந்த மொழியாக கொண்டவர்கள் பொலிஸ் சேவையில் ஈடுபடவேண்டும். அவ்வாறு இருந்தால் ம ட்டுமே குற்றங்களை குறைக்க இயலும். இல்லையேல் குற்றங்களை குறைப்பது கஸ்டமானதொரு விடயமாகும். ஆனால் அவ்வாறு எல்லாம் நடப்பதற்காக பார்த்துக் கொண்டிருக்க இயலாது. சட்டம் ஒழுங்கு மத்திய அரசாங்கத்தின் கைகளில் இருக்கும் நிலையில் அவர்கள் அதனை சரியாக நடைமுறைப்படுத்தவேண்டும். இந்த விடயம் தொடர்பாக நாங்கள் தொடர்ச்சியாக அழுத்தங்களை கொடுத்துக் கொண்டிருக்கிறோம். அதனாலேயே சட்டம் ஒழுங்கு அமைச்சர் மற்றும் பொலிஸ்மா அதிபர் ஆகியோர் இங்கே வந்தார்கள். ஆனாலும் ஒன்றும் முடிந்தபாடில்லை. ஆகவே இந்த விடயம் தொடர்பாக தொடர்ந்தும் அழுத்தங்களை கொடுப்போம். பிரதமருடனும் இந்த விடயம் தொடர்பாக நாங்கள் பேசுவோம் என்றார். http://www.tamilwin.com/politics/01/188721?ref=home-feed
  19. உருவாகிறதா படையப்பா 2? இயக்குநர் கே எஸ் ரவிக்குமார் சுப்பர் ஸ்டார் ரஜினிகாந்த் மீண்டும் இணையவிருக்கிறார்கள். படையப்பா படத்தின் இரண்டாம் பாகமாக இருக்கக்கூடும் என்ற செய்தியும் வெளியாகியிருக்கிறது. அண்மையில் சுப்பர் ஸ்டார் ரஜினிகாந்த்தை சந்தித்த இயக்குநர் கே எஸ் ரவிக்குமார் அவருக்காக உருவாக்கிய ஒன் லைன் ஒன்றை சொல்லியிருக்கிறார். அது ரஜினிக்கு பிடித்துவிட்டதாம். மேற்கொண்டு ஆகவேண்டிய பணிகளை செய்யுங்கள் என்று ரவிக்குமாரிடம் ரஜினி கேட்டுக் கொண்டாராம். இதனால் இவ்விருவரும் இணைவது உறுதி என்கிறார்கள் திரையுலகினர். இவர்கள் இருவரும் ஏற்கனவே முத்து, படையப்பா, லிங்கா என மூன்று படங்களில் இணைந்து பணியாற்றியிருக்கிறார்கள். இந்நிலையில் படையப்பா படத்தின் இரண்டாம் பாகத்தைத்தான் இயக்குநர் சுப்பர் ஸ்டாரிடம் சொல்லியிருக்கிறார் என்று ஒரு தரப்பினரும், இல்லையில்லை இந்த ஒன்லைன் புதிது. படையப்பா படத்தின் அடுத்த பாகம் அல்ல என்று மற்றொரு தரப்பினரும் செய்தியை கசியவிட்டிருக்கிறார்கள். இது குறித்த அதிகாரப்பூர்வ அறிவிப்பு விரைவில் வெளியாகும் என்று எதிர்பார்க்கப்படுகிறது. சுப்பர் ஸ்டார் நடிப்பில் "2பொயிண்ட் ஓ" நவம்பர் 29 ஆம் திகதியன்றும், கார்த்திக் சுப்புராஜ் இயக்கத்தில் உருவாகும் படம் அடுத்த ஆண்டு பொங்கலுக்கும் வெளியாகும் என்பதால் சுப்பர் ஸ்டாரின் ரசிகர்களுக்கு சந்தோஷத்தைக் கொடுத்திருக்கிறது. http://www.virakesari.lk/article/37040
  20. வட மாகாணத்தில் அவசர அம்புலன்ஸ் வண்டி சேவை ஆரம்பித்து வைப்பு இந்திய அரசின் நிதி உதவியுடன் சுவசெரிய அவசர அம்புலன்ஸ் வண்டி சேவை வடமாகாணத்தில் ஆரம்பித்து வைக்கப்பட்டது. யாழ்ப்பாணம் மாநகர சபை மைதானத்தில் இன்றுமாலை இடம்பெற்ற இந்நிகழ்வில், பிரதமர் ரணில் விக்கிரமசிங்கவினால் இந்தி அம்புலன்ஸ்சேவை ஆரம்பித்து வைக்கப்பட்டது. இன்றைய நிகழ்வில் வடமாகாணம் மற்றும் ஊவா மாகாணத்தில் மேற்படி அம்புலன்ஸ் சேவையில் ஈடுபடும்பொருட்டு 55 நோயாளர் காவு வண்டிகள் வழங்கி வைக்கப்பட்டுள்ளது. இத்திட்டத்திற்கென இந்திய மக்களால் இருபத்தாறு மில்லியன் அமெரிக்க டொலர் வழங்கப்பட்டுள்ளது. யாழ்ப்பாணத்திற்கு 7 அம்புலன்ஸ் வண்டிகளும், கிளிநொச்சி மாவட்டத்திற்கு 4 அம்புலன்ஸ் வண்டிகளும், மன்னார், வவுனியா, முல்லைத்தீவு ஆகிய மாவட்டங்களுக்கு தலா 3 அம்புலன்ஸ் வண்டிகள் வீதமும் வடமாகாணத்திற்கு 21 அம்புலன்ஸ் வண்டிகள் வழங்கப்பட்டு இந்த அவசர சேவை இன்று ஆரம்பித்து வைக்கப்பட்டது. அத்துடன் ஊவா மாகாணத்திற்கு 34 வண்டிகளும் இந்த சேவையின் கீழ் வழங்கப்பட்டுள்ளது. அத்துடன் இன்றையதினம் இந்த சேவையின் கீழ் பணியாற்றும் சாரதிகள் மற்றும் அவசர மருத்துவ உதவியாளர்கள் ஆகியோருக்கான நியமனப்பத்திரங்களும் வழங்கி வைக்கப்பட்டன. இந்நிகழ்வில் இலங்கைக்கான இந்திய தூதுவர் தரன்ஜித் சிங், வடமாகாண முதமைச்சர் சி.வி.விக்னேஸ்வரன், பிரதி அமைச்சர் ஹர்ச டி சில்வா, தமிழ் தேசிய கூட்டமைப்பின் பாராளுமன்ற உறுப்பினர்கள் உள்ளிட்ட பலர் கலந்துகொண்டனர். (யாழ் நிருபர் சுமித்தி/பிரதீபன்) http://tamil.adaderana.lk/news.php?nid=104375
  21. சம்பந்தனின் ராஜதந்திரம் !? யதீந்திரா சில தினங்களுக்கு முன்னர் இந்தியாவின் புதிய வெளிவிவகாரச் செயலர் வியஜ் கோகலே இரண்டு நாள் உத்தியோகபூர்வ விஜயமொன்றை மேற்கொண்டு இலங்கை வந்திருந்தார். இதன் போது வழமைபோல் கூட்டமைப்பையும் சந்தித்து பேசியிருந்தார். பொதுவாக இந்தியாவின் ராஜதந்திரிகள் இலங்கைக்கு விஜயம் செய்கின்ற போது, கூட்டமைப்பின் பிரதிநிதிகளை சந்திப்பது வழக்கம். எனவே இதற்கு அதிக அரசியல் முக்கியத்துவம் இருப்பதாக கூற முடியாது. ஆனால் தமிழர் தரப்பின் நிலைப்பாடுகளை வெளிப்படுத்துவதற்கான வாய்ப்பாக இவ்வாறான சந்திப்புக்களை கூட்டமைப்பினர் பயன்படுத்திக் கொள்ள முடியும். ஆனால் பொதுவாக இந்திய தரப்பினரிடம் ஒரு அபிப்பிராயம் உண்டு என்று அறிந்திருக்கிறேன். 2011 வரையில் கூட்டமைப்பின் பிரதிநிதிகளைப் போன்றே, அப்போது கூட்டமைப்புக்கு வெளியில் இருந்த கட்சிகள் சிலவற்றையும், இந்திய ராஜதந்திரிகள் சந்தித்து வந்தனர். அப்போது கூட்டமைப்புக்கு மாற்றான தரப்பாக இயங்கிவந்த, ஜனநாயக தமிழ் தேசியக் கூட்டமைப்பு என்னும் அமைப்பின் பிரதிநிதிகளையும் அவர்கள் சந்திப்பதுண்டு. தற்போது கூட்டமைப்பில் அங்கம் வகிக்கும் கட்சிகளில் ஒன்றான சித்தார்த்தன் தலைமையிலான புளொட் அமைப்பும் மேற்படி மாற்று அணியில் அங்கம் வகித்தது. ஆனந்த சங்கரியும் அதில் அங்கம் வகித்திருந்தார். இவர்கள் சந்திக்கச் செல்கின்ற போது, சம்பந்தனுடனான சந்திப்பு தொடர்பில் நகைச்சுவையாக பேசுவார்களாம். உங்களுடைய தலைவர்கள் தேர்தல் மேடையில் பேசுவது போலல்லவா எங்களுடனும் பேசுகின்றனர். சொல்ல வேண்டிய விடயங்களை விட்டுவிட்டு, வரலாறு தொடர்பில் வகுப்பெடுக்க முற்படுகின்றனர் – என்று கூறி சிரிப்பார்களாம். பொதுவாக ராஜதந்திரிகளுடனான சந்திப்பு சொற்ப நேரமே இடம்பெறும். அந்த நேரத்திற்குள்தான் இரண்டு தரப்பினர்களும் பேச வேண்டும், எனவே சொல்ல வேண்டிய விடயத்தை மிகவும் சுருக்கமாகவும் ஆழமாகவும் சொல்ல வேண்டியது அவசியம். ஆனால் சம்பந்தனோ, அரைத்த மாவை அரைப்பது போன்று ஒரே விடயத்தையே சொல்வதுண்டு. இதன் காரணமாகத்தான் ராஜதந்திரி ஒருவர் அவ்வாறு நகைச்சுவையாக கூறியிருக்கிறார். எவ்வாறு தமிழ் மக்களுக்கு ஒரே விடயத்தையே மீண்டும் மீண்டும் சம்பந்தன் கூறி வருகின்றாரோ, அதே போன்றுதான் ராஜதந்திரிகளுக்கும் கதை சொல்ல முற்படுகின்றார் போலும். 1984ஆம் ஆண்டு இந்தியாவின் மூத்த ராஜந்திரி ஒருவர், தமிழ் மிதவாத தலைவர்கள் தொடர்பில் (தமிழர் விடுதலைக் கூட்டணி) இவ்வாறு கூறியிருக்கிறார். உங்களுடைய தலைவர்கள் என்பவர்கள் கையாலாகாத அசடுகள் (inapt and stupid). இவ்வாறு கூறிய அந்த ராஜதந்திரி, அதற்காக கூறிய காரணம்தான் முக்கியமானது. உங்களுடைய தலைவர்கள், எங்களிடம் வந்து ஏதாவது பார்த்து செய்யுங்கள் (Do someth) என்கின்றனர். எங்களிடமிருந்து நீங்கள் எதிர்பார்ப்பது என்ன – என்று நாங்கள் கேட்டால், திரும்பவும், ஏதாவது பார்த்து செய்யுங்களேன் என்கின்றனர். தலைவர்கள் என்பவர்கள் இப்படி இருக்கக் கூடாது. இந்த சம்பவம் இடம்பெற்று 25 வருடங்கள் கடந்துவிட்டன. இப்போதும் மிதவாதிகளின் சொற்கள் மாறியிருக்கிறதே தவிர விடயம் என்னவோ பழைய குறுடி கதவைத் திறடி என்பதாகவே நகர்கிறது. அன்று ‘ஏதாவது பாத்துச் செய்யுங்கள்’ என்னும் நிலையிலிருந்த தமிழ் மிதவாதிகளின் ராஜதந்திரம் தற்போது, ‘சர்வதேச சமூகத்திற்கு ஒரு பொறுப்புண்டு’. ‘சர்வதேச சமூகம் இந்த விடயத்தில் அமைதியாக இருக்க முடியாது’ என்றவாறு மாற்றமடைந்திருக்கிறது. இதனை பிறிதொரு வகையில் சொல்வதானால் ‘ஏதாவது பார்த்துச் செய்யுங்கள்’ என்னும் முன்னைய மிதவாத அனுகுமுறைதான், தற்போது (சர்வதேச சமூகம்) ‘ஏதாவது நீங்கள் செய்யத்தானே வேண்டும்’ என்றவாறு உருமாறியிருக்கிறது. சம்பந்தன் மீது விசுவாசம் கொண்டவர்கள் இப்படிச் சொல்வதை கேட்டிருக்கிறேன். சம்பந்தன் ஜயா ஒரு பழுத்த அரசியல் மண்டை. ஆள் ஒரு சாணக்கியன். உண்மையில் சாணக்கியம் என்பது ஒருவர் எந்தளவு ஆங்கிலத்தில் பேசுகின்றார் என்பதல்ல மாறாக ஒரு தலைவர் என்பவர், தான் பிரதிநிதித்துவப்படுத்தும் மக்கள் கூட்டத்தின் தேவைகளை நிறைவு செய்வதற்கு, குறிப்பிட்;ட சூழலை எவ்வாறு கையாண்டு வெற்றிபெறுகின்றார் என்பதில்தான் ஒரு தலைவரது சாணக்கியம் தங்கியிருக்கிறது. இந்த வகையில் நோக்கினால் சம்பந்தன் ஒரு சாணக்கியர்தானா என்பதை நீங்களே இலகுவாக புரிந்து கொள்ள முடியும். நான் மேலே குறிப்பட்ட இந்திய வெளிவிவகாரச் செயலாளருடனான சந்திப்பின் போது சம்பந்தன் தெரிவித்திருந்த கருத்துக்கள் பத்திரிகைகளில் வெளியாகியிருந்தது. அதாவது, இந்தியா கிடைத்திருக்கும் வாய்ப்பை சரியாக பயன்படுத்திக் கொள்ள வேண்டுமென்று சம்பந்தன், இந்திய வெளிவிவகாரச் செயலருக்கு ஆலோசனை வழங்கியிருக்கிறாராம். ராஜதந்திரிகள் பொதுவாக எவ்வளவு முட்டாள்தனமான கருத்தென்றாலும் அது தொடர்பில் நேரடியாக எதிர்வினையாற்ற மாட்டார்கள். சம்பந்தனின் நகைச்சுவை தொடர்பில் இந்திய ராஜதந்திரிகள் தங்களுக்குள் நிச்சயம் புன்னகைத்திருக்கக் கூடும். சம்பந்தன் தன்னைப் பற்றி எவ்வாறு கருதுகின்றார் என்பது தொடர்பில் இந்தப் பத்தியாளரிடம் எந்தவொரு கருத்தும் இல்லை. ஒரு வேளை வயது முதிர்வின் காரணமாக தான் உளறுகிறேன் என்பதை அறியாமலேயே அவர் உளறியிருக்கவும் கூடும். இந்தியா ஒரு பிராந்திய சக்தி. அதன் சனத்தொகை 134 கோடியை தாண்டுகிறது. உலக அதிகாரம் தொடர்பான விவாதங்களில் அமெரிக்கா, சீனா, ரஸ்யா என்பவற்றின் வரிசையில் வைத்து நோக்கப்படும் ஒரு நாடு. இந்து சமூத்திர பிராந்தியத்தில் எழுச்சியடைந்துவரும் சீனாவை ஒரு எல்லைக்குள் முடக்க முனையும் அமெரிக்க மூலோபாயத்தின் இன்றியமையாப் பங்காளி (indispensable partner). அப்படிப்பட்ட இந்தியாவிற்கு, வாய்ப்;புக்களை சரியாக பயன்படுத்திக் கொள்ளுவது எப்படியென்று, சம்பந்தன் ஆலோசனை வழங்கியிருக்கிறாராம். இதனை வாசிக்கும் போதே ஒரு நகைச்சுவை உணர்வு அரும்பவில்லையா? தமிழில் ஒரு பழமொழி சொல்வார்கள். பேச்சு பல்லக்கு தம்பி பொடிநடை. சம்பந்தனின் இந்தக் கருத்தும் அப்படியான ஒன்றுதான். ஆட்சி மாற்றத்தை பயன்படுத்தி தமிழ் மக்களுக்குத் தேவையான பல விடயங்களை சாதகமாக கையாளத் தெரியாத சம்பந்தன், இந்தியாவிற்கான வாய்ப்புக்கள் தொடர்பில், ஆலோசனை வழங்கியிருக்கிறார். 2015 ஜனவரியில் ஆட்சி மாற்றம் ஏற்பட்டது. எந்தவொரு நிபந்தனையும் இன்றி, சம்பந்தன் பொது எதிரணி வேட்பாளரான மைத்திரிபால சிறிசேனவிற்கு ஆதரவு வழங்கியிருந்தார். அது நடப்பதற்கு முன்னர், அன்றைய சூழலை கையாளுவது தொடர்பில் சிலர் சம்பந்தனுடன் உரையாடியிருந்தனர். இந்த பத்தியாளரும் அவர்களில் ஒருவர். நடக்கவுள்ள ஆட்சி மாற்றம், உண்மையில் இலங்கை மக்களுக்கான நன்மைகளை அடிப்படையாகக் கொண்டு நிகழவில்லை மாறாக பல்பொருந்திய நாடுகளின் நலன்களை இலக்காகக் கொண்டே முன்னெடுக்கப்படுகிறது. எனவே ஆட்சி மாற்றத்திற்கு பின்னரான புதிய சூழலில், அதிகம் தலையிடுவதற்கான வாய்ப்புக்கள் தமிழர் தரப்பிற்கு கிடைக்காது, எனவே அதற்கான அடித்தளத்தை ஆட்சி மாற்றத்திற்கு முன்பதாகவே சரியாக போட்டுக் கொள்ள வேண்டும். ஆட்சி மாற்றத்தை உந்தித்தள்ளும் பலம்பொருந்திய நாடு ஒன்றின் மேற்பார்வையில் ஒரு எழுத்து மூல உடன்பாட்டுக்குச் செல்வது மிகவும் முக்கியமானது என்னும் கருத்தை அவ்வாறனவர்கள், சம்பந்தனுக்கு எடுத்துரைத்தனர். ஆனால் அனைத்துமே விழலுக்கு இறைத்த நீரானது. இறுதியில் சம்பந்தன் தனது மகளுக்கு திருமணம் செய்யும் முடிவை எடுப்பது போன்று சர்வ சாதாணரமாக ஒரு தேசிய இனத்தின் எதிர்காலத்தை தனது தனிப்பட்ட விருப்பின் பேரில் எடுத்திருந்தார். ஆனால் நாம் எதிர்பார்த்தது போன்றே, ஆற்றைக் கடக்கும் வரையில் தமிழ் மக்களின் கோரிக்கைகளில் ஒரு நியாயம் உண்டு என்பது போல் காண்பித்துக் கொண்ட சிங்கள ஆளும் வர்க்கம் (ஆட்சி மாற்றம்) ஆற்றை கடந்ததும், நீ யாரே நான் யாரே என்பது போல் நடந்து கொண்டது. ஆனால் இன்று ஆட்சி மாற்றம் ஏற்பட்டு மூன்று வருடங்கள் கடந்து விட்ட பின்னரும் கூட, தமிழ் மக்களின் ஆதரவுடன் மாற்றப்பட்ட ஆட்சி, தமிழ் மக்களுக்கு எந்தவொரு நன்மையும் வழங்கியிருக்கவில்லை. இதுதானா சம்பந்தனின் ராஜதந்திரம்? தனக்கு கிடைத்த வாய்ப்புக்களை மக்களின் நலனை முன்னிறுத்தி சரியாக கையாளத் தெரியாத சம்பந்தன், பிராந்திய சக்தியான இந்தியாவிற்கு ஆலோசனை வழங்கியிருப்பதை என்னவென்பது? இதனைத்தான் இந்தப் பத்தி சம்பந்தனின் நகைச்சுவை ராஜதந்திரம் என்று வரையறுக்கிறது. http://www.samakalam.com/செய்திகள்/சம்பந்தனின்-ராஜதந்திரம்/
  22. நவீனன்

    இளமை புதுமை பல்சுவை

    வாட்ஸ் அப் கலக்கல்: சிறுநீர் பாசனமா!!!
  23. யுத்த காலத்திலும் கூட, வடக்கின் வர்த்தக நடவடிக்கைகள் சிறப்புற்றிருந்தன, யுத்தம் முடிந்த பின் பூச்சியமாகின… இன்றைய நிகழ்வின் தலைவர் அவர்களே, இந் நிகழ்வை சிறப்பிப்பதற்காக வருகைதந்திருக்கும் அதி கௌரவத்திற்குரிய பிரதமர்ரணில் விக்கிரமசிங்க அவர்களே, கௌரவ நிதி அமைச்சர் மங்கள சமரவீர அவர்களே, வர்த்தக மற்றும் வணிக அமைச்சர் கௌரவ ரிசாட் பதியுதீன் அவர்களே,மற்றும் இந்த நிகழ்வைச் சிறப்பிப்பதற்காக வருகை தந்திருக்கும் கௌரவ அதிதிகளே, விசேட அதிதிகளே,யாழ்ப்பாணம் வர்த்தகத் தொழிற்துறை மன்றத்தின் உறுப்பினர்களே, தேசிய வர்த்தக அபிவிருத்தி அதிகாரசபையின் உயர் அதிகாரிகளே, வர்த்தகப் பெருந்தகைகளே, புதிய தொழில் முனைவோரே, சகோதர சகோதரிகளே! இன்றைய தினம் யாழ்ப்பாணம் வர்த்தக தொழில்துறை மன்றம் மற்றும் தேசிய தொழில் முயற்சி அபிவிருத்தி அதிகாரசபை ஆகியன இணைந்துகொண்டு இந்தக் கூட்டத்தை முன்னெடுத்துள்ளனர். யாழ்ப்பாணத்தில் இருக்கும்புதிய தொழில் முனைவோரையும் முதலீட்டாளர்களையும் வடமாகாண வர்த்தக நீரோட்டத்தில் இணைத்துக் கொண்டு சாதனைகள் படைக்கும் முகமாக அவர்களை ஊக்கப்படுத்தி மென்மேலும் வளர்ச்சி பெறச் செய்வதற்கும் புதிய உந்துசக்திகளை அவர்களுக்கு வழங்குவதற்குமாக ஒழுங்கு செய்யப்பட்ட இந்த கௌரவிப்பு விழாவும் விருதுவழங்கும் வைபவமும் நடைபெறும் இத் தருணத்தில் உங்கள் முன் உரையாற்றுவதில் மகிழ்வடைகின்றேன். வடமாகாணத்தில் மூன்றாவது தடவையாக மிகச் சிறப்பாக முன்னெடுக்கப்படுகின்ற இந்த நிகழ்வில் இலங்கையின் அதி கௌரவத்திற்குரிய பிரதம மந்திரி அவர்களும், கௌரவத்திற்குரிய நிதி அமைச்சர் அவர்களும் மற்றும் கௌரவ வர்த்தக,வணிக அமைச்சர் அவர்களும் கலந்துகொண்டு இந்த நிகழ்வுகளை சிறப்பிப்பது மகிழ்விற்குரியது. இலங்கைப் பாராளுமன்றத்தின் பிரதம மந்திரி அவர்களும் முக்கிய அமைச்சர்களும் கலந்துகொண்டிருக்கின்ற இத் தருணத்தில் வடமாகாணத்தின் தொழில் முயற்சிகள் பற்றிய சில முக்கிய விடயங்களை வெளிக்கொண்டு வருவது பொருத்தமானது என எண்ணுகின்றேன். வடமாகாணத்தைப் பொறுத்தவரையில் கடந்த 30 ஆண்டுகளுக்கு மேலாக தொடர்ச்சியான யுத்தம் நடைபெற்ற காலத்தில் கூட இப் பகுதியின் வர்த்தக நடவடிக்கைகள் மிகுந்த நெருக்கடிகளின் கீழும் ஒரு ஒழுங்கான முறையில் மேற்கொள்ளப்பட்டுவந்தன. அக் காலத்தில் அனைத்துத்தர வர்த்தக முயற்சிகளும் பல சிரமங்களுக்கு மத்தியிலும் சிறப்பாக நடைபெற்றதை இத்தருணத்தில் பெருமையுடன் அறியத்தருவதில் மகிழ்வடைகின்றேன். அத்துடன் அக் காலத்தில் பெரிய, நடுத்தர, சிறிய வர்த்தக நடவடிக்கைகளில் ஈடுபட்ட வர்த்தகர்களினதும்மேலும் அனைத்துத்தர பொது மக்களினதும் கைகளில்பணப்புழக்கம் போதுமானதாக இருந்தது. ஆனால் யுத்தநிலை முடிவுக்குக் கொண்டுவரப்பட்ட பின்னர் அமைதியான சூழ்நிலையில் கடந்த 9 வருடங்களில் வடபகுதியின் வர்த்தக நடவடிக்கை என்ன வகையில் வளர்ச்சியடைந்திருக்கின்றதுஎன்பது பற்றி ஆராய்வோமானால் விடை வெறும் பூச்சியமாகவே காணப்படுகின்றது. தொடர்ச்சியாக வடபகுதியின் வர்த்தக நடவடிக்கைகள் பல பின்னடைவுகளை சந்தித்த வண்ணமே உள்ளன. எமது உள்ள வர்த்தகர்களின் வர்த்தக முயற்சிகள் பல்வேறு இரகசியக் காரணிகள் மூலம் முடக்கப்படுகின்றன.இதை நான் வர்த்தகர்களுடன் பேசித் தெரிந்து கொண்டே வெளியிடுகின்றேன். முதலாவது இங்கிருக்கும் வர்த்தகர்களின் வர்த்தக நடவடிக்கைகள் சிறப்பாக நடைபெறமுடியாத வகையில் வடமாகாணத்திற்கு வெளியே உள்ள வர்த்தகர்களின் பாரியளவிலான உள்நுழைவுகள் வர்த்தக நடவடிக்கைகளில் பாதிப்புக்களை ஏற்படுத்தியுள்ளன. இராணுவம் கூட உணவகத் தொழிலில்ஈடுபட்டு வருகின்றது. யுத்தத்திற்குப் பின்னர் எமது புலம் பெயர்ந்த மக்கள் இங்கு வந்து நம்பிக்கையுடன் முதலீடுகளைச் செய்ய ஏற்ற சூழல் இங்கு உருவாக்கப்படவில்லை. தெற்கில் இருந்து வந்து முதலீடுகள் நடைபெற வேண்டும் என்பதே அரசாங்கத்தின் குறிக்கோளாக இருக்கின்றது. வடகிழக்கு மாகாணங்களை பொருளாதார ரீதியில் தம்மை மிஞ்சி மேம்படவிடக்கூடாது என்ற எண்ணம் தெற்கில் உள்ளதோ நான் அறியேன். முதலமைச்சர் நிதியம் இன்று வரை முடக்கப்பட்டிருப்பதும் இந்தவாறு சிந்திக்கத் தூண்டுகின்றது. அடுத்து வடமாகாண வர்த்தக நடவடிக்கைகள் தொடர்பான விடயங்களை கையாள்வதற்கும் பிற விடயங்களை கவனிப்பதற்குமாக வடமாகாண அமைச்சு அமைக்கப்பட்டுள்ள போதும் எம் அமைச்சின் அதிகாரங்களை மீறி மத்திய அரசின் அனுமதியுடன் வடபகுதியில் பல வர்த்தக முயற்சிகள் பாரிய அளவில் ஆரம்பிக்கப்பட்டுள்ளன.இவை வடமாகாணத்தில் பலகாலமாக வர்த்தக முயற்சிகளில்ஈடுபட்டு வந்த பெரிய, நடுத்தர, சிறிய அளவிலான அனைத்து வர்த்தகர்களையும் பாதிப்புக்குள்ளாக்கியிருப்பதுகவலையளிக்கின்றது. போரின் பின்னர் விசேடமான கவனிப்புக்கு உள்ளாக்கப்பட வேண்டிய வடகிழக்கு மாகாணங்கள் தெற்கின் ஆக்கிரமிப்புக்கே உள்ளாக்கப்பட்டுள்ளது. யுத்தத்தின் பின்னரான காலப்பகுதியில் இங்கு ஆரம்பிக்கப்பட்ட பல நுண்கடன் நிதி நிறுவனங்களின் பசப்பு வார்த்தைகளில் ஏமாந்து அவர்களின் இயல்புக்கு மேற்பட்ட வகையில் பாரிய கடன் தொகைகளை கடனாகப் பெற்று அவற்றை மீளச் செலுத்த முடியாமலும் அவற்றின்அதிகரித்த வட்டித்தொகைகளைக் கட்ட முடியாத நிலையிலும்தமது சொத்துக்கள் அனைத்தையும் இழந்து கடுமையான மன விரக்திக்குட்பட்ட பல வர்த்தகர்களின் செய்திகள் பற்றி நாம் அறிந்திருக்கின்றோம். ஏனைய பகுதிகளில் இருந்து வருகைதந்து இப் பகுதிகளில் வர்த்தகங்களில் ஈடுபடுபவர்கள் பற்றி எமக்கு ஆட்சேபனை இல்லாதபோதும் அவர்களின் வர்த்தக நடவடிக்கைகள் இங்குள்ள ஒட்டுமொத்த வர்த்தகர்களின் வர்த்தக நடவடிக்கைகளுக்குப்பாதிப்பு ஏற்படுத்தாத வகையில் அமையுமாயின் அவ்வாறான வர்த்தகங்கள் வரவேற்கக்கூடியன. தற்போதைய நிலையில் இப்பகுதிகளில் உள்ள வர்த்தக மூல வளங்கள் மற்றும் மனித வளங்கள் அனைத்தும் பிற தேவைகளுக்காக அதுவும் வடபகுதிக்கு வெளியேயானபகுதிகளின் முன்னேற்றகரமான நடவடிக்கைகளுக்காக பயன்படுத்தப்படுவது இப் பகுதியின் வளர்ச்சியை பின்நோக்கித் தள்ளுவதான ஒரு நடவடிக்கையாகவே நாம் பார்க்கின்றோம். அண்மையில்கொக்கிளாய், கருவாட்டுக்கேணி போன்ற இடங்களில் இல்மினைட் அகழ்வுகள் நடாத்துவது பற்றி எமக்குக் கூறப்பட்டது. புல்மோடை இணைந்த வடகிழக்கு மாகாணத்தின் கீழ் உள்ளடங்கியிருந்தால் அது வேறு விடயம். இப்போது வடக்கு மாகாணத்தில் இருந்து வளங்களை வெளியே எடுத்துச் செல்ல எத்தனிக்கின்றீர்கள் என்று நான் கூறவும் எமது பிரதேசத்திற்கு இதற்கான ஒரு ஆலையைப் பெற்றுத்தருவதாகவும் இங்குள்ளவர்களை அதில் வேலை செய்ய இடமளிக்கப் போவதாகவும் கூறப்பட்டது. நான் இன்னொரு வேண்டுதலை முன் வைத்தேன். ஒரு மாகாணத்தின் வளங்களின் வருமானத்தின் பெரும் பகுதி திரும்பவும் அதே மாகாணத்திற்குக் கொண்டுவர வேண்டும் என்றேன். அந்த வருமானங்கள் மத்திக்குக் கிடைக்கும் என்றும் மத்தி எல்லோருக்கும் பொதுவாக அவற்றைப் பாவிக்கும் என்று கூறப்பட்டது. போரினால் பாதிக்கப்பட்ட எமது பிரதேசம் கூடிய வருமானங்களைப் பெற வேண்டியிருக்கும் இந்த நேரத்தில் வளங்களை மத்திய அரசாங்கம் தான் எடுக்கப் பார்ப்பதால் தான் நாங்கள் சமஷ;டி கேட்கின்றோம் என்றேன். ஆகவே அதிகாரப் பகிர்வு பற்றிக் கூறிக்கொண்டு மாகாணங்களை சுயமாக இயங்க விடாது மத்தி தனது கட்டுப்பாட்டினுள் வைத்திருக்கப் பார்ப்பது நியாயமான ஒரு விடயம் அல்ல. எனவே தான் வடபகுதியின் உள்ள வர்த்தக நடவடிக்கைகள் சிறப்பாக நடைபெற இடமளிக்க வேண்டும் என்று அபிப்பிராயப்படுகின்றேன்.எமது பகுதிகளில் அமைந்துள்ள நட்சத்திர ஹொட்டேல்கள், பல்பொருள் அங்காடிகள், பாரிய உணவுக் களஞ்சியங்கள் ஆகியவற்றின் செயற்பாடுகள் இப்பகுதியின் வர்த்தக நடவடிக்கைகளுக்கு அமைவாகவே முன்னெடுக்கப்பட வேண்டும். இவ்வாறு எமது நோக்கங்களையுந் தேவைகளையும் அறிந்து செயற்பட்டால்எமது வர்த்தகர்களும் நன்மையடைவார்கள். அதே நேரம் பிற பகுதிகளில் இருந்து இங்கு வருகைதந்து பாரிய வர்த்தக நடவடிக்கைகளில் ஈடுபடுபவர்களும் நன்மை அடைவார்கள். எமது பிரதேசங்களில் காணப்படும் மூல வளங்கள் முழுமையாக வடபகுதிக்கு வெளியில் எடுத்துச் செல்லப்படுவது தொடர்பில் கட்டுப்பாடுகளை ஏற்படுத்த வேண்டிய நிலை இன்று அவதானிக்கப்பட்டுள்ளது. தெங்குப் பொருட்கள்,கடல் வளங்கள்மற்றும் இன்னோரன்ன அத்தியாவசிய உணவுப் பொருட்கள் வகைதொகையின்றி இப் பகுதிகளில் இருந்து வெளியில் எடுத்துச் செல்லப்படுகின்றன. விளைவு இப் பகுதியில் உள்ள மக்களுக்கு இந்த உணவுப் பொருட்களுக்கு பாரிய தட்டுப்பாடுகள் ஏற்படுவதுடன் அவற்றை நாம் பெற அதிகூடிய பணச் செலவுகளும் ஏற்படுகின்றன. வளங்களின்வருமானம் தெற்கை வளம்படுத்துகின்றது. இதை முன்வைத்தே ஒன்பது மாகாணங்களும் சுயாட்சி உரிமை பெற வேண்டும் என்ற கருத்தை முன்வைத்தேன். எனவே இவற்றையெல்லாம் கவனத்தில் கொண்டே வர்த்தக முயற்சிகள் முன்னெடுக்கப்பட வேண்டும். அத்துடன் இப்பகுதியில் மேற்கொள்ளப்பட இருக்கின்ற வர்த்தக அபிவிருத்திகள் தொடர்பில் வடமாகாண சபையின் ஒத்திசைவுகளையும் பெற்றுக் கொண்டு முன்னெறிச் செல்வதேசிறப்பானது.எனது உரையை நிறைவு செய்வதற்கு முன்பதாக இன்றைய தினம் பாராட்டுக்களையும் கௌரவங்களையும் பெறுகின்ற அனைத்து வர்த்தக முயற்சியாளர்களையும் முதலீட்டாளர்களையும் இத் தருணத்தில் வாழ்த்தி அவர்களின் எதிர்காலம் சுபீட்சமானதாக அமைய இறையருள் வேண்டி எனது உரையை நிறைவு செய்கின்றேன். நன்றி வணக்கம் நீதியரசர் க.வி.விக்னேஸ்வரன் முதலமைச்சர் வடமாகாணம் யாழ்ப்பாணம் வர்த்தக தொழில்துறை மன்றம் மற்றம் தேசிய வர்த்தக அபிவிருத்தி அதிகாரசபையின் ஆதரவில் புதிய தொழில்முனைவோருக்கான கௌரவிப்பும் விருது வழங்கும் வைபவமும் செல்வா பலஸ் 21.07.2018 சனிக்கிழமை பிற்பகல் 6.00 மணியளவில் கௌரவ விருந்தினர் உரை குருர் ப்ரம்மா …………………… http://globaltamilnews.net/2018/88730/
  24. ஆல்ப்ஸ் நிஷா வந்து கிட்டதட்ட வருடம் ஆகப் போகிறது... வரலாமா என்று கேட்டு யாழ் கதவை தட்டினார், உபசரிப்பு சரியில்லை போலிருக்கிறது... ஆல்ப்சிடம் தோழனாகி ஆல்ப்சை ஒரு வலம் வரலாமென்று நினைத்திருந்தேன்... அதற்க்கு சந்தர்ப்பமே கிடைக்காத வண்ணம் ஆகிவிட்டது... சரி விடுங்க, முனியம்மாவிடம் நட்பு பாராட்டி வண்ணாரப்பேட்டையை சுத்த வேண்டியது தான்...
  25. ஹெல்சிங்கியில் ட்ரம்ப் புட்டின் உச்சி மாநாடு அமெ­ரிக்க அதிபர் டொனால்ட் ட்ரம்ப் பூகோ­ளத்தில் முதன்­மை­யான தலைவர் மட்­டு­மல்ல அண்மைக் காலங்­களில் உலகின் கவ­னத்தை பல வழி­க­ளிலும் ஈர்த்த தலைவர் என்று துணிந்து கூறலாம். கொரிய தீப­கற்­பத்தில் யுத்தம் ஒன்று வரு­குது பார் என்ற நிலை­யி­லி­ருந்து வட­கொ­ரிய அதி­ப­ருடன் சிங்­கப்­பூரில் உச்­சி­ம­ா­நாடு நடத்தி, கொரிய தீப­கற்­பத்தில் பதற்றத்தை நீக்கி, பேச்­சு­வார்த்தை நகர்­வுகள் மூலம் கொரிய பிணக்­குக்கும் வட­கொ­ரி­யாவின் அணு­ஆ­யுத அபி­ல­ாஷை­க­ளுக்கும் முடி­வு­கட்டும் இரா­ஜ­தந்­தி­ரத்தை சாமர்த்­தி­ய­மாக கையாள்­கின்றார்.வட­கொ­ரிய தலை­வ­ருடன் உச்­சி­மாநாடு நடத்­திய சூடு தணிய முன்னர் ரஷ்ய அதிபர் விளா­டிமிர் புட்­டி­னுடன் உச்­சி­மாநாடு நடத்­தப்­போ­வ­தாக செய்­திகள் அமெ­ரிக்க,ரஷ்ய தரப்­பு­க­ளி­லி­ருந்து கசிந்து உறு­திப்­ப­டுத்­தப்­பட்­டது.அவ்­வாறே பின்­லாந்து தலை­ந­க­ரான ஹெல்­சிங்­கியில் 2018ஆம் ஆண்டு ஆடி மாதம் 16ஆம் திகதி இரு தலை­வர்­க­ளுக்­கு­மி­டையில் உச்­சி­மாநாடு காலையில் ஆரம்­ப­மா­னது. எந்த அமெ­ரிக்க ஜனா­தி­ப­திக்கும் காட்­டாத எதிர்ப்­பினை ஜனா­தி­பதி ட்ரம்பின் குடி­ய­ரசுக் கட்­சி­யினர் காட்­டினர். பிர­தா­ன­மாக 2016 அமெ­ரிக்க ஜனா­தி­பதி தேர்­தலில் ரஷ்ய உள­வா­ளிகள் சம்­பந்­தப்­பட்­டி­ருந்­தனர் என்ற அமெ­ரிக்க புல­னாய்வு அமைப்­புக்­களின் புல­னாய்வு அறிக்­கைகள் பர­வ­லாக நம்­பப்­பட்ட சூழ்­நி­லையில் ஜனா­தி­ப­தியின் புட்­டி­னு­ட­னான உச்­சி­ம­ா­நாட்­டுக்கு எதிர்ப்­புக்கள் கிளம்­பின.ஹெல்­சிங்கி நகரில் பிர­ப­ல­மான ஹோட்டல் ஒன்றில் இரு தலை­வர்­களும் சந்­திக்க ஏற்­பா­டா­கி­யி­ருந்­தது. இரா­ஜ­தந்­திர, அர­சியல் வட்­டா­ரங்­களில் புட்டின் ஒத்துக் கொண்ட நேரத்­திற்கு பிர­சன்­ன­மா­க­மாட்டார் என்ற கருத்து நில­வு­கின்­றது. புட்டின் அக்­க­ருத்தைப் பொய்ப்­பிக்­க­வில்லை. அரை மணித்­தி­யாலம் பிந்­தியே, அதா­வது 10.00 மணிக்கு வர­வேண்­டி­யவர் 10.30 மணிக்கே மா­நாட்டு மண்­ட­பத்­துக்கு வருகை தந்தார். குறிப்­பிட்ட நேரத்­திற்கு பிர­சன்­ன­மானார் ஜனா­தி­பதி ட்ரம்ப், முதலில் உத­வி­யா­ளர்­க­ளின்றி இரு தலை­வர்­களும் பேசினர். சோவியத் ரஷ்யா உலக வல்­ல­ர­சாக கோலோச்­சிய காலத்தில் அமெ­ரிக்­கா­வுடன் சம­ப­ல­முள்ள நாடாக விளங்­கி­யது. சோவியத் ரஷ்யா 1991 இல் சிதறி உடைந்து, பல நாடுகள் தனித்­தனி சுதந்­திர நாடுகளாக பிரிந்­து­விட்ட நிலையில் ரஷ்ய சம்­மே­ளனம் முன்­னைய சோவியத் ரஷ்யாவி­ட­மி­ருந்த அணு ஆயு­தங்கள் இன்­னோ­ரன்ன அதி­சக்தி மிகுந்த ஆயு­தங்­க­ளுக்கு உரித்­தா­ளி­யா­கி­யது. சோவியத் ஒன்றியத்தின் பூலோக வகி­பாகம் இன்­றைய ரஷ்ய சம்­மே­ளனத்­தை­விட முக்­கி­யத்­துவம் பெற்று விளங்­கி­யது. எனினும் அமெ­ரிக்க - ரஷ்ய தலை­வர்­களின் உச்­சி­மாநாடு இன்­றைய சம­கால அர­சியல் நிகழ்­வு­களில் எந்­த­வி­த­மா­கவும் குறைத்து மதிப்­பிட முடி­யாது. சர்­வ­தேச மோதல் நடை­பெறும் அரங்­கு­களில் அமெ­ரிக்­காவின் வகி­பாகம், ரஷ்யாவின் வகி­பாகம் முரண்­பா­டா­னவை. சிரிய நெருக்­க­டியில் அமெ­ரிக்கா,ரஷ்யா எதிர் - எதிர்த் தரப்­பு­க­ளுக்கு உத­வு­கின்­றன. அமெ­ரிக்கா சிரிய அதிபர் அசாத்தின் ஆட்சி மாற்றம் என்ற நிகழ்ச்சி நிர­லுடன் கள­மாடி வரும் வேளை ரஷ்யா சிரிய அதி­ப­ருக்கு முட்­டுக்­கொ­டுக்­கி­றது. அதே­போன்று அமெ­ரிக்கா, ஈரானை மூர்க்­கத்­த­ன­மாக எதிர்க்கும் சவூதி அரே­பி­யா­வுக்கு தொடர்ந்து ஆத­ரவு வழங்கி வரு­கின்­றது. அரபு, இஸ்ரேல் பிணக்கில் அமெ­ரிக்கா இஸ்­ரேலை அர­வ­ணைத்துச் செயற்­ப­டு­கி­றது. ரஷ்யா, அரபு தரப்­பி­னருக்கு ஆத­ரவு வழங்­கு­கின்­றது. ஆசிய பிராந்­தி­யத்தை எடுத்துக் கொண்டால் ரஷ்யாவின் ஆத­ரவு வட­கொ­ரி­யா­வுக்கும் அமெ­ரிக்­காவின் ஆத­ரவு தென்­கொ­ரி­யா­வுக்கும் கிடைத்த சூழ்­நி­லையில் தற்­போது அமெ­ரிக்க - வட­கொ­ரியத் தலை­வர்­களின் உச்­சி­ம­ா­நாட்­டுடன் சில மாறு­தல்­க­ளுக்கு உட்­ப­டலாம் என எதிர்­பார்க்­கப்­ப­டு­கின்­றது. எனினும் இன்­றைய ரஷ்யா முன்­னைய சோவியத் ஒன்றியத்தின் பேரம் பேசும் பலத்­துடன் இல்­லை­யென்­பது எளிதில் விளங்­கக்­கூ­டி­ய­தாகும். ஆடி மாதம் 16ஆம் திகதி நடை­பெற்ற உச்­சி­ம­ா­நாட்­டுக்குப் பின்னர் இடம்­பெற்ற ஊடக சந்­திப்­புக்­களில் ஜனா­தி­பதி ட்ரம்ப் கூறிய விட­யங்கள் அமெ­ரிக்­கா­வினுள் ட்ரம்பின் குடி­ய­ரசுக் கட்­சி­யினரே நிரா­க­ரிக்கும் அள­விற்குச் சென்­றுள்­ளமை கவ­னிக்­கத்­தக்­கது. சோவியத் ஒன்றியத்தின் தோற்­றமும் வளர்ச்­சியும் பற்றி அறிந்து கொள்­ளாமல் இன்­றைய ரஷ்யாவைப் பற்­றிய புரி­தல்­களை சரி­யாகப் பெற­மு­டி­யாது. கார்ல்மார்க்ஸ் என்ற மாமேதை ஜேர்­ம­னியைச் சேர்ந்­தவர்.அவரின் பொருள்­ மு­தல்­வாத கோட்­பாடு, மார்க்­ஸியம் என உலகம் முழு­வதும் ஏற்­றுக்­கொள்­ளப்­பட்­டது. கார்ல்மார்க்ஸ் முத­லா­ளித்­துவ முறையை ஆயு­தப்­பு­ரட்சி மூலம் ஒழித்து சம­தர்ம ஆட்­சியை நிறு­வ­வேண்­டு­மென போதித்தார். கார்ல்­மார்க்ஸின் கோட்­பா­டு­களை பின்­பற்றி ரஷ்ய நாட்டில் போல்­சிவிக் கட்­சிக்கு (கம்­யூனிஸ்ட்) தலைமை தாங்­கிய விளா­டிமிர் லெனின் என்ற இன்­னொரு மாமேதை ரஷ்யாவின் ஆயுதப் புரட்­சிக்கு தலைமை தாங்கி அப்­போது ஆட்சி செலுத்­திய ஜார் ­மன்­னனின் ஆட்­சியைக் கவிழ்த்து சோச­லிச - சம­தர்ம ஆட்­சியை மலரச் செய்தார். வர­லாற்­றா­சி­ரி­யர்கள் சோவியத் புரட்­சியை ஒக்­டோபர் புரட்சி என்று புக­ழாரம் சூட்­டினர். சோவி­யத்­களின் ஒன்­றி­யமே சோவியத் ரஷ்யா எனப்­பெயர் சூட்­டப்­பட்­டது. முத­லா­ளித்­துவ நாடுகள் உலகம் பூரா­கவும் ஆட்சி செலுத்­திய கால­கட்­டத்தில் உலகின் முத­லா­வது சம­தர்ம சோச­லிச அரசை அழிப்­ப­தற்­காக அமெ­ரிக்­காவின் தலை­மையில் சோவியத் அர­சுக்கு எதி­ராக முற்­றுகை இடம்­பெற்­றது. ஆனால் சோவி­யத்தின் வீர­மிகு செஞ்­சேனை அமெ­ரிக்க கூட்­டணிப் படை­களைத் தோற்­க­டித்து சோவி­யத்­ அ­ரசை மேலும் பலம்­பெற வைத்­தார்கள். சோவியத் ரஷ்யாவுடன் அமெ­ரிக்கா இரா­ஜ­தந்­திர தொடர்­பு­களை ஏற்­ப­டுத்­த­வில்லை. கார்த்­திகை 1933ஆம் ஆண்டில் அமெ­ரிக்கா, சோவியத் ரஷ்யாவை அங்­கீ­க­ரித்­ததன் பின்னர் இரா­ஜ­தந்­திர உற­வுகள் தாபிக்­கப்­பட்­டன. 1991 இல் சோவியத் ரஷ்யா என்ற பலம் பொருந்­திய உலக வல்­ல­ரசு சிதைந்­தது. அமெ­ரிக்க ரஷ்ய உற­வுகள் சிறப்பு நிலை அடைந்­தன. 1999 வரை உற­வுகள் சிறப்­பாக இருந்­தன. பின்னர் உறவு நிலை­களில் தேக்கம் ஏற்­பட்­டது. 90 களின் முடிவில் சேர்­பியா, கோசவா நெருக்­க­டி­களில் அமெ­ரிக்கா ரஷ்யாவின் தலை­யீட்டைக் கண்­டித்­தது. இன்­றைய ரஷ்யத் ­த­லைவர் புட்டின் முதன்­மு­த­லாக 1999 இல் ஜனா­தி­ப­தி­யானார். அவரும் அமெ­ரிக்­கா­வுடன் விட்­டுக்­கொ­டுக்கும் போக்­கினை கடைப்­பி­டிக்­க­வில்லை. அமெ­ரிக்கா ஜோர்­ஜியா, உக்ரைன் நாடு­களில் ஆட்சி மாற்றம் ஏற்­பட தலை­யிட்­டது. அமெ­ரிக்க ரஷ்ய உற­வுகள் மீண்டும் தாழ்­நி­லை­ய­டைந்­தன. 2015 இல் உக்ரைன் பிரச்­சினை உக்­கி­ர­மா­கிய போது ரஷ்யா உக்ரைன் நாட்டின் ஒரு பகு­தி­யா­கிய கிரி­மி­யாவை ரஷ்யாவுடன் இணைத்­தது. இன்­று­வரை இப்­பி­ரச்­சினை தீர்க்­கப்­ப­ட­வில்லை. ஜ – 8 கைத்­தொழில் நாடு­களின் கூட்­ட­ணி­யி­லி­ருந்து ரஷ்யா விலக்­கப்­பட்­டது. அத்­துடன் சிரி­யாவில், ஈராக்கில் அமெ­ரிக்க ரஷ்ய தரப்­புகள் எதி­ரெ­தி­ராக செயற்­பட்­டன. 2016 இல் அமெ­ரிக்க ஜனா­தி­பதி தேர்­தலில் ரஷ்ய உள­வா­ளிகள் சம்பந்­தப்­பட்­டனர் என்ற புல­னாய்வு அறிக்­கைகள் இரு நாடுகளுக்­கு­மி­டையில் பிரச்­சி­னை­களை ஏற்­ப­டுத்­தி­ன. அமெ­ரிக்க ஜனா­தி­ப­தியின் முக்­கிய பிர­மு­கர்கள் ட்ரம்ப்– - புட்டின் உச்­சி­மா­நாட்டில் அமெ­ரிக்­காவை, உலகின் முதன்­மை­யான நாட்டை, வல்­ல­ர­சினை, அதன் அந்­தஸ்தை உயர்த்­து­வ­தற்குப் பதி­லாக தாழ்த்­தி­விட்டார் என்றும் அமெ­ரிக்க நாட்டின் பிர­சித்தி பெற்ற புல­னாய்வு நிறு­வ­னங்­க­ளான சீ.ஐ.ஏ, எப்.ஓ.ஐ ஆகிய அமைப்­புக்கள் நுட்­ப­மாகக் கண்­டு­பி­டித்த ரஷ்ய உள­வா­ளி­களின் செயற்­பா­டு­க­ளையும் உள­வா­ளிகள் எவ்­வாறு 2016 அமெ­ரிக்க ஜனா­தி­பதி தேர்­தலில் தலை­யிட்­ட­மையை கண்­டு­பி­டித்­தனர் என்ற விட­யத்­திற்கு முக்­கி­யத்­துவம் அளிக்­காமல் புட்­டினைத் திருப்திப்­ப­டுத்த அமெ­ரிக்க புல­னாய்வு நிறு­வ­னங்­களை அந்தோ என்று கைவிட்டு விட்டார் என்றும் ட்ரம்­புக்கு அமெ­ரிக்கா முதன்­மை­யாகத் தெரி­ய­வில்லை, ரஷ்யாதான் முதன்­மை­யாகத் தெரிந்­துள்­ளதோ? என்றும் ரஷ்ய புல­னாய்வு நிறு­வ­னங்கள் (கே.ஜே.ஓ உள­வா­ளிகள்) அமெ­ரிக்க தேர்­தலில் தலை­யி­ட­வில்லை என்றும் அப்­ப­டி­யான கூற்­றுக்கள் பொய்­யா­னவை என ரஷ்ய ஜனா­தி­பதி கூறி­ய­வற்றை ஏற்­றுக்­கொண்­டது மட்­டு­மல்ல ரஷ்ய ஜனா­தி­பதி புட்டின் திற­மை­யா­னவர் என்றும் மிக வல்­ல­மை­யா­னவர் என்றும் அவரைப் புகழ்ந்து கூறி அமெ­ரிக்­கா­விற்கு அவ­மா­னத்தை ஏற்­ப­டுத்­தி­விட்டார் என்றும் ரஷ்யாவின் நட்­பு­ற­வுக்­காக அமெ­ரிக்­காவின் நீண்­ட­கால நட்­பு­றவு நாடு­களை மன­மு­டையச் செய்­துள்ளார் என்றும் பேச்­சு­வார்த்­தையில் அமெ­ரிக்க தலைவர் பல­வீன நிலையில் இருந்­தது இது முதல் தடவை என்றும் பல விமர்­ச­னங்கள் முன்­வைக்­கப்­பட்­டன.ஜனா­தி­பதி ட்ரம்ப் வழ­மைபோல் தனது ட்விட்டர் பதிவில் இவற்­றை­யெல்லாம் மறுத்­துள்ளார். அமெ­ரிக்க புல­னாய்வுக் கணிப்­புக்­களை தான் ஒரு­போதும் குறைத்து மதிப்­பி­ட­வில்லை என்றும் புல­னாய்வு அமைப்­புக்கள் தொடர்ந்தும் சிறப்­பாகச் செய­லாற்­று­வ­தற்கு வெள்ளை மா­ளிகை வேண்­டிய பக்­க­பல உத­வி­களைச் செய்யும் என்றும் தெரி­வித்தார்.உலகின் முதன்மை நாடான அமெ­ரிக்கா இன்­னொரு சக்­தி­வாய்ந்த நாட்டுத் தலை­வரைச் சந்­திக்கும் போது பிராந்­திய, சர்­வ­தேச, முக்­கி­ய­மான விவ­கா­ரங்­களைப் பற்­றியே பேச வேண்டும் என்றும் சர்ச்­சை­களை உரு­வாக்­கக்­கூ­டிய விட­யங்­களைத் தவிர்ப்­பது தான் இரா­ஜ­தந்­திரம் என்றும் தெரி­வித்தார். 2016 அமெ­ரிக்க ஜனா­தி­பதி தேர்­தலில் ரஷ்ய உள­வா­ளிகள் சம்­பந்­தப்­பட்­டனர் என்ற குற்­றச்­சாட்­டிற்கு சில ஊட­கங்கள் அள­வுக்கு மீறிய முக்­கி­யத்­துவம் வழங்­கு­கின்­றன என்றும் கூறினார். ட்ரம்பின் நெருங்­கிய குடி­ய­ர­சுக்­கட்சிப் பிர­மு­கர்கள் சிலர் 2016 அமெ­ரிக்க ஜனாதிபதி தேர்­தலில் ரஷ்ய உள­வா­ளிகள் சம்­பந்­தப்­பட்­டி­ருந்தால் அவ்­வி­வ­கா­ரத்­திற்கு பொறுப்­புக்­கூற வேண்­டி­யவர் முன்னாள் ஜனா­தி­பதி பராக் ஒபாமா என்று கூறினர். இது இவ்­வாறு இருக்க உச்­சி­மாநாடு நடை­பெற்று மூன்றாம் நாள் வெள்ளை மா­ளிகை அதி­காரி ஒருவர் நிரு­பர்­க­ளுக்குப் பேட்­டி­ய­ளிக்­கையில், உச்­சி­ம­ா­நாட்டின் போது சிரிய அக­தி­க­ளுக்­கான மனி­தா­பி­மான உதவி, வட­கொ­ரி­யாவின் அணு­சக்தித் திட்­டங்­களை முற்­றாக இல்­லாமல் ஒழித்தல், உக்ரைன் – கிரி­மியா விவ­காரம், இஸ்­ரே­லியப் பாது­காப்பு, அமெ­ரிக்க ரஷ்ய நாடுகள் அணு ஆயு­தங்­களைக் குறைத்தல், 2016 அமெ­ரிக்க ஜனா­தி­பதி தேர்­தலில் ரஷ்ய உள­வா­ளிகள் சம்­பந்­தப்­பட்­ட­தாகக் கூறப்­படும் குற்­றச்­சாட்டு ஆகிய விட­யங்கள் பேசப்­பட்­ட­தாகத் தெரி­வித்தார். அர­சியல் இரா­ஜ­தந்­திர நடை­மு­றையில் இரு தலைவர்கள் உச்சிமாநாடு நடத்தினால் கூட்டறிக்கை வெளிவிடுவது வழமையானதாகும்.இவ் உச்சி மாநாடு முடிவடைந்த பின்னர் கூட்டறிக்கை வெளியிடப்பட்டாலும் மேலே கூறப்பட்ட விடயங்கள் பற்றிய தகவல் ஏதும் உள்ளடக்கப்படவில்லை என்பது குறிப்பிடத்தக்கது. எனினும் வெள்ளை மாளிகை பேச்சாளரின் தலையீடு விமர்சனங்களுக்கு முற்றுப்புள்ளி வைக்கும் என எதிர்பார்க்கப்படுகின்றது. அமெரிக்க ஜனாதிபதி முன்னைய ஜனாதிபதிகள் போன்று அரசியல் இராஜதந்திர உரையாடல்கள், பிரகடனங்கள், பேட்டிகள் அமையவில்லை என்பது கண்கூடு. ஆனால், அவருடைய மெகா வர்த்தக அனுபவம் அரசியலில் கைகொடுக்கின்றது என்பது பின்னர் ஏற்றுக்கொள்ளப்படும் எனத் தோன்றுகின்றது. ஒரு யுத்த அறைகூவல் விடுத்துக்கொண்டிருந்த வடகொரிய தலைவரை அமைதி காக்கச் செய்துவிட்டார். கொரிய தீபகற்பத்தில் யுத்த கோஷங்களை சற்றுத் தணித்துவிட்டார். வரலாறு கொரிய பிரச்சினையில் ஜனாதிபதி ட்ரம்பின் இராஜதந்திரத்தை பாராட்டும் என்று சில பிரபலமான பத்திரிகைகள் கருத்துத் தெரிவித்துள்ளன. இதே அடிப்படையில் ட்ரம்ப்– - புட்டின் உச்சிமாநாடு நோக்கப்பட வேண்டும். சிரிய நெருக்கடி, மத்திய கிழக்கு முறுகல்கள், ஆப்கான் நெருக்கடி போன்ற விடயங்களில் ஜனாதிபதி ட்ரம்பின் இராஜதந்திரம் சில முன்னேற்றகரமான மாற்றங்களை ஏற்படுத்தலாம் என கருத்துக்கள் வெளிவர ஆரம்பித்துவிட்டன. ஐயம்பிள்ளை தர்மகுலசிங்கம் (இளைப்பாறிய பணிப்பாளர், இலங்கை வெளிவிவகார அமைச்சு.) http://epaper.virakesari.lk/newspaper/Daily/arasiyal-theepori/2018-07-21#page-5
  26. ஸ்ரீ ரெட்டியின் ஆங்கிலத்தில் சில தவறுகள் இருக்கலாம். அவரது ஆதங்கங்கள் நியாயமானவை. சாதாரணமாக விலையில்லாமல் பெரும்பாலானவற்றை மனிதன் கொடுப்பதில்லை ; கொடுக்க வேண்டியதுமில்லை. சினிமா வாய்ப்பு அவரது உடலுக்கு விலையாகப் பேசப்பட்டது. பேசியது போல் கயவர்கள் விலையைத் தராமல் ஏமாற்றியிருக்கலாம். அவர்களைக் காட்டிக் கொடுப்பது நியாயம்தான். அவரது வயிற்றுப் பசிக்காகப் பணம் தந்து அனுபவித்தவர்களை அவர் காட்டிக் கொடுக்கவில்லை. ஓசிக்கு அனுபவித்துவிட்டுப் போக சினிமாத்துறை நாய்களுக்கு ஸ்ரீ ரெட்டி என்ன குப்பைத் தொட்டியா ? நிரூபிக்க வழியே இல்லாவிட்டாலும், இப்படி நாலு பேர் வெளியே வந்தால்தான் அந்த எச்சிக்கலை நாய்களுக்கும் பயம் வரும் ( புத்தி ஒரு போதும் வராது ). நேர்மையான இல்லத்தரசியைப் போல் நேர்மையான விலைமாதும் வணங்குதலுக்குரியவளே.
  27. இதென்னங்கப்பா கொடுமையா இருக்கு..? தாலி கட்டிவிட்டால் கணவன், மனைவியை என்ன வேண்டுமானாலும் செய்யலாமா..? அவளுக்கென்று விருப்பு, வெறுப்புகள் கிடையாதா..? விருப்பமில்லாவிட்டால், விலைமாதுவென்றாலும் தொடக்கூடாது..! அதுதானே நியாயம்..? பெண்களை போகப்பொருளாக நினைக்கும் இந்(து)திய சமுதாயம் என்று திருந்துமோ..??
  1. Load more activity