+- Yarl Forum (https://www.yarl.com/forum2)
+-- Forum: படைப்புக் களம் (https://www.yarl.com/forum2/forumdisplay.php?fid=11)
+--- Forum: கவிதை/பாடல் (https://www.yarl.com/forum2/forumdisplay.php?fid=52)
+--- Thread: கல்லறைக்கவிதைகள் (/showthread.php?tid=2658)
கல்லறைக்கவிதைகள் - Vaanampaadi - 11-01-2005
<b>அரசியல்வாதியின் கல்லறை</b>
ஆட்சி கவிழுமோ என்ற
அச்சமில்லாமல் உறங்குவது
இதுதான் முதல்முறை
<b>வக்கீலின் கல்லறை</b>
பாவம்
ஜாமீனில் எடுக்க
யாருமில்லை
<b>கண்டக்டரின் கல்லறை</b>
எல்லோருக்கும்
டிக்கெட் வழங்கியவருக்கு
இறைவன் கொடுத்த
நிரந்தர டிக்கெட்.
<b>டிரைவரின் கல்லறை</b>
பஸ் இல்லாமலையே
பரலோகம் வரை
சென்றுவிட்டார்
<b>மாணவனின் கல்லறை</b>
இதயக் கல்லூரிக்கு
ஸ்டிரைக் அடித்துவிட்டான்
<b>காதலனின் கல்லறை</b>
இங்கும் இவன்
மௌனமாகத்தான்
உறங்குகின்றான்.
<b>நீதிபதியின் கல்லறை</b>
ஆண்டவன் அளித்த
அப்பீல் இல்லாத
ஆயுள் தண்டனை
<b>நடிகனின் கல்லறை</b>
மேக்கப் இல்லாமல்
இங்குதான் முதன்முறையாக
நடிக்கின்றான்
<b>விபச்சாரியின் கல்லறை</b>
தயவுசெய்து இவளை
துணியோடு புதையுங்கள்- கலையை
கட்டெறும்புக்குக் கூட
கற்றுக்கொடுத்துவிடுவாள்
<b>டிவி ஊழியரின் கல்லறை</b>
தடங்கலுக்கு
வருந்துகிறோம்
<b>கவர்மெண்ட் அதிகாரியின் கல்லறை</b>
எமனுக்கு
லஞ்சம் கொடுக்க முடியாமல்
செத்துப்போனான்
<b>என்னவளின் கல்லறை</b>
வேறு எவனையோ
நினைத்தாள்
கொலைசெய்துவிட்டேன்.
<b>இந்தியனின் கல்லறை</b>
இங்குதான் இவன்
மதவெறியில்லாமல்
உறங்குகின்றான்
<b>நிருபரின் கல்லறை</b>
இறைவனிடம்
பேட்டி எடுக்கச்
சென்றுள்ளான்
<b>வீரப்பனின் கல்லறை</b>
தேவாரம் வந்தாலும்
தேட முடியாத காடு
<b>கணிப்பொறி மென்பொருளாளரின் கல்லறை</b>
If Condition முடிக்காமலையே
இறந்து விட்டான்.
<b>கவிஞனின் கல்லறை</b>
கவலைப்படாதீர்கள்
இனி
பொய்சொல்ல மாட்டான்
<b>நகைச்சுவை நடிகரின் கல்லறை</b>
இவனைச்சுற்றி
அழுதுகொண்டே
அத்தனைபேரும்
<b>பெண்சிசுவின் கல்லறை</b>
மனிதர்களே! இனிமேல்
கொசுவைக் கூட
கொல்லாதீர்கள்
<b>எழுத்தாளனின் கல்லறை</b>
முற்றும்
<b>விவசாயியின் கல்லறை</b>
அறுவடைக்கு
ஆளில்லையே..?
<b>கிரிக்கெட் வீரனின் கல்லறை</b>
இவன் இறந்துவிட்டதை
ரீபிளே (Replay) செய்தெல்லாம்
பார்க்க முடியாது
<b>தமிழனின் கல்லறை</b>
எமனிடம்
ஆங்கிலம் பேசி
அகப்பட்டுக்கொண்டான்
<b>காந்தியின் கல்லறை</b>
ஆறடிக்குள்
ஒரு தேசம்
<b>பாரதியின் கல்லறை</b>
கத்திப்பேசாதீரகள்
கவிதை
எழுதிக்கொண்டிருக்கிறான்.
<b>நேருவின் கல்லறை</b>
எப்படி வந்தது
இந்தக்கல்லறையிலிலிருந்து மட்டும்
ரோஜா வாசம்..?
<b>அன்னை தெரசாவின் கல்லறை</b>
ஒரு
மனிதநேயம் இங்கே
மௌனம் அனுஷ்டிக்கிறது.
யாரும் அழுதுவிடாதீரகள்
அரவணைக்க வந்திடுவாள்
<b>டயானாவின் கல்லறை</b>
டோடியோடு சென்று
வாடிப்போய்விட்டாள்
<b>ராணுவவீரனின் கல்லறை</b>
எதிரிநாட்டுப்பெயரை யாரும்
உச்சரித்துவிடாதீர்கள்
எழுந்துவிடப்போகிறான்
<b>குடிகாரனின் கல்லறை</b>
பட்டை அடித்தவன்
பாடையில் போகிறான்
<b>பால் வியாபாரியின் கல்லறை</b>
இவன் வாயில் ஊற்றிய
கடைசி நேர பாலில்
கலப்படம் இல்லை
<b>செய்தி வாசிப்பாளரின் கல்லறை</b>
வாழ்க்கை இத்துடன்
முடிவடைகிறது
வணக்கம்
நன்றி- ரசிகவ் ஞானியார்
- Vishnu - 11-01-2005
நல்ல இருக்கு.. நன்றி அண்ணா..
- Birundan - 11-02-2005
சூப்பர் வானம்பாடி வாழ்த்துக்கள். தொடர்ந்து போடுங்கள்.
- வெண்ணிலா - 11-02-2005
Quote:விபச்சாரியின் கல்லறை
தயவுசெய்து இவளை
துணியோடு புதையுங்கள்- கலையை
கட்டெறும்புக்குக் கூட
கற்றுக்கொடுத்துவிடுவாள்
இங்குதான் இவள் பணம் வாங்காமல்
பள்ளி கொள்கிறாள்
தயவுசெய்து எழுப்பாதீங்க
:roll:
- வெண்ணிலா - 11-02-2005
Quote:விபச்சாரியின் கல்லறை
தயவுசெய்து இவளை
துணியோடு புதையுங்கள்- கலையை
கட்டெறும்புக்குக் கூட
கற்றுக்கொடுத்துவிடுவாள்
இங்குதான் இவள் பணம் வாங்காமல்
பள்ளி கொள்கிறாள்
தயவுசெய்து எழுப்பாதீங்க
:roll: