சிலர் யுத்தம் செய்தபோது பலர் இங்கிருந்து படுகொலை செய்தனர் - இதுவே உண்மை நிலையாகும் என்கிறது அரசாங்கம்

[போல்]

சிலர் யுத்தம் செய்தபோது பலர் இங்கிருந்து படுகொலை செய்தனர் - இதுவே உண்மை நிலை­யாகும் என்­கி­றது அர­சாங்கம்  

இறு­திக்­கட்டப் போரில் இரா­ணுவம் படு­கொ­லை­களில் ஈடு­பட்­டி­ருந்தால் அதற்கு தண்­டனை வழங்­கப்­பட வேண்டும். படு­கொ­லை­களை நியா­யப்­ப­டுத்­தவோ ஆள்கடத்­தல்­களை அங்­கீ­க­ரிப்­பதோ நல்­லாட்சி அர­சாங்­கத்தின் கொள்­கை­யில்லை. சிலர் போர் செய்யும் போது பலர் இங்­கி­ருந்து படு­கொலை செய்­தனர். இதுவே உண்மை நிலை­யாகும் என அமைச்­ச­ரவைப் பேச்­சா­ளரும்  அமைச்­ச­ரு­மான ராஜித சேனா­ரத்ன தெரி­வித்தார்.  

நாட்டை பிள­வுப்­ப­டுத்தும் நிபந்­த­னை­க­ளுக்கு அடிப்­ப­ணிந்து ஐரோப்­பிய ஒன்­றி­யத்தின் ஜீ.எஸ்.பி வரிச்­ச­லு­கையை மீண்டும் பெற்­றுக்­கொள்ள வில்லை. பிரி­வி­னை­வா­தி­களே புதிய அர­சி­ய­ல­மைப்பை வரை­கின்­றனர் என்றால் முழு பாரா­ளு­மன்­றமும் பிரி­வி­னை­வா­தி­களின் கூடா­ராமா ? அடிப்­ப­டை­யற்ற பிர­சா­ரங்­களும் எதி­ரப்­பு­க­ளுமே ஜீ.எஸ்.பி விட­யத்தில் காணப்­ப­டு­கின்­றன எனவும் அவர் குறிப்­பிட்டார்.

அமைச்­ச­ரவை தீர்­மா­னங்கள் அறி­விக்கும் ஊடக சந்­திப்பு நேற்று புதன் கிழமை அர­சாங்கம் தகவல் திணைக்­க­ளத்தில் இடம்­பெற்­றது. இதில் கலந்து கொண்டு உரை­யாற்­று­கை­யி­லேயே அமைச்சர் ராஜித சேனா­ரத்ன மேற்­கண்­ட­வாறு தெரி­வித்தார்.

அவர் தொடர்ந்தும் கூறு­கையில் ,

ஜன­நா­யகம் , மனித உரி­மைகள் மற்றும் நல்­லாட்சி இதுவே ஐரோப்­பிய ஒன்­னி­ற­யத்தின் பொது­வான சிபா­ரி­சுகள் . இதனை ஏற்றுக் கொள்ளும் நிலைப்­பாட்டில் கடந்த ஆட்சி இருக்க வில்லை . ஜன­நா­ய­கத்­தையோ மனித உரி­மை­க­ளையோ அல்­லது நல்­லாட்­சி­யையோ மஹிந்த ராஜ­பக்ஷ அன்று ஏற்றுக் கொள்ள முன்­வ­ரா­ததால் தான் ஜீ.எஸ்.பி சலுகை இல்­லாமல் போனது. ஆனால் இன்று வரிச்­ச­லு­கையை பெற்றுக் கொள்ள நாட்டை காட்டிக் கொடுத்து விட்­ட­தாக கூறி கோஷம் எழுப்­பு­கின்­றனர்.

ஐரோப்­பிய ஒன்­றி­யத்தின் 58 சிபா­ரி­களும் என்ன என்­பதை முதலில் ஆராய வேண்டும். பின்னர் அவற்றை அர­சாங்கம் ஏற்றுக் கொண்­டுள்­ளதா ? என்­பதை கண்­ட­றிய வேண்டும். அமைச்­ச­ர­வையில் ஏற்றுக் கொள்ள முடி­யாத பல விட­யங்­களை திருத்­தத்­திற்கு உட்­ப­டுத்தி ஓரங்­கட்­டி­யுள்ளோம். இதனை அறி­யாது வெளியில் இருந்து போலி கோஷ­மெ­ழுப்­பு­வதில் பல­னில்லை.

ஓரின சேர்க்கை

ஓரின சேர்க்­கையை அங்­கி­க­ரிக்க கோரப்­பட்ட விட­யத்தை நாம் ஏற்றுக் கொள்ள வில்லை. அர­சாங்கம் அதற்கு எதி­ரா­கவும் ஏற்றுக் கொள்­ளாத நிலைப்­பாட்­டி­லுமே உள்­ளது. ஆனால் குறு­கிய நோக்­கங்­க­ளுக்­காக பிர­சாரம் செய்­கின்­றனர்.

போர்­குற்றம்

இரா­ணுவம் உள் நாட்டு போரின் போது படு­கொ­லை­களில் ஈடுப்­பட்­டி­ருந்தால் அது ஏற்றுக் கொள்ள முடி­யாத தவ­றாகும் . அதன் உண்மை நிலை கண்­ட­றி­யப்­பட்டு தண்­டனை வழங்­கப்­பட வேண்டும். ஊட­க­வி­ய­லாளர் எக்­னெ­லி­கொட கடத்­தப்­பட்டு காணாமல் ஆக்­கப்­பட்டார் என்றால் அது தவ­றாகும். இவ்­வா­றா­ன­தொரு சூழல் காணப்­படும் பட்­சத்தில் பிறரை குறை கூறு­வதில் பல­னில்லை. சிலர் போர் செய்த அதே சமயம் பலர் இங்­கி­ருந்து கொலை செய்­தனர். இதுவே உண்மை நிலை­யாகும் .

மனித உரி­மை­களை பாது­காத்தல் , நல்­லாட்சி மற்றும் நிலை­யான அபி­வி­ருத்­திக்கு ஏற்­ற­வ­ரறே ஐரோப்­பிய ஒன்­றி­யத்தின் சிபா­ரி­சுகள் காணப்­ப­டு­கின்­றன . இதனை எதிர்க்க வேண்­டிய தேவை இல்லை. நல்­லாட்சி அர­சாங்கம் மாற்று அர­சியல் கலா­சா­ரத்தை நோக்­கியே பய­ணித்­தது. ஆனால் கடந்த அர­சாங்கம் அபி­வி­ருத்தி என்ற வெறு­மைக்குள் அனைத்­தையும் மீறி­யது.

அது­ர­லியே ரதன தேரர்

அது­ர­லியே ரதன தேரரின் சுயா­தீன தன்மை எமக்கு விளங்க வில்லை. புதிய அர­சி­ய­ல­மைப்பை எதிர்க்­கின்றார். அதே போன்று பிரி­வி­னை­வா­தி­களை தொடர்­புப்­ப­டுத்­து­கின்றார். இது வரைக்­கா­லமும் அர­சாங்­கத்தில் இருந்து திடீ­ரென இவ்­வாறு கூறு­வது புரி­யாத ஒன்­றா­கவே காணப்­ப­டு­கின்­றது. புதிய அர­சி­ய­ல­மைப்பு விவ­காரம் , ஜீ.எஸ்.பீ. வரிச்­ச­லுகை மற்றும் மனித உரி­மைகள் விவ­காரம் போன்ற விட­யங்­களை தவ­றாக விமர்­சிப்­பது ஏற்றுக் கொள்ள கூடிய விட­ய­மல்ல.

தேசிய சபை உரு­வாக்­கு­வ­தாக ரதன தேரர் கூறு­கின்றார். ஆனால் அவரால் அர­சி­ய­ல­மைப்பு சபையில் இருந்து கொண்டு இந்த விட­யங்கள் ஒன்றும் கூற முடி­யாமல் போனது ஏன் ? வெளிப்­ப­டைத்­தன்­மை­யுடன் அர­சாங்கம் செயற்­ப­டு­கின்­றது. அமைச்­ச­ர­வையில் எவ்­வி­த­மான ஒழிவு மறைவும் இல்லை.

தேசிய மனித உரி­மைகள்

 செயற்­பாட்­டுத்­திட்டம்

தேசிய மனித உரி­மைகள் (2017-2021) செயற்­பாட்­டுத்­திட்­டத்­தினை தயா­ரிப்­ப­தற்கு மற்றும் அதன் போது கவ­னத்திற் கொள்ள வேண்­டிய அனைத்து அம்­சங்­க­ளையும் முன்­னெ­டுப்­ப­தற்­காக அமைச்­சர்கள் சிலரின் இணை தலை­மைத்­து­வத்தின் கீழ் அமைச்­ச­ரவை குழு­வொன்றை நிய­மிப்­ப­தற்கு அமைச்­ச­ரவை கடந்த வருடம் அனு­மதி வழங்­கி­யி­ருந்­தது.

அத­ன­டிப்­ப­டையில் குறித்த குழுவின் பூரண கருத்­துக்­களை பெற்று தயா­ரிக்­கப்­பட்ட ஐந்து வருட தேசிய மனித உரி­மைகள் செயற்­பாட்­டுத்­திட்டம் (2017 - 2021) மானது பதில் வெளி­நாட்டு அலு­வல்கள் அமைச்சர் கலா­நிதி ஹர்ஷ டி சில்­வா­வினால் அமைச்சரவையில் முன்வைக்கப்பட்டது. குறித்த திட்டத்திற்கு அமைச்சரவை அங்கீகாரம் வழங்கியுள்ளது.

ஹம்பந்தொட்டை துறைமுகம்

ஹம்பந்தொட்டை துறைமுகத்தை சீனாவிற்கு விற்றதாக மஹிந்த ராஜபக்ஷ கூறுகின்றார். அவரது காலத்தில் என்ன நடந்தது என்று கூற வேண்டியதில்லை. அனைவருக்கும் தெரியும் . அந்த திட்டத்தை முன்னெடுக்க விடால் போனால் செலுத்த வேண்டிய தொகையை எவ்வாறு செலுத்துவது . வரி விதிப்புக்களுக்கே வழிவகுக்கும் . இதனால் பொது மக்களே பாதிக்கப்படுவார்கள் என தெரிவித்தார். 

http://content.epaper.virakesari.lk/newspaper/Daily/main/2017-01-19#page-1