அ.தி.மு.க., மீது பா.ஜ., பரிவு காட்டுவது ஏன்

[நவீனன்]

அ.தி.மு.க., மீது பா.ஜ., பரிவு காட்டுவது ஏன்

 

 

 

அடுத்த சில மாதங்களில் நடக்கவுள்ள, ஜனாதிபதி தேர்தல் வரை, அ.தி.மு.க., என்ற, 'தேன் கூடு' கலையாமல் பார்த்துக் கொள்ள, பா.ஜ., முடிவு செய்துள்ளதாக தெரிகிறது.

 

முன்னாள் முதல்வர் ஜெயலலிதா, மத்திய அரசின் பல்வேறு திட்டங்களை, எதிர்த்து வந்தார். ஆனால், அவரது மறைவுக்கு பின், தமிழக அரசு நிர்வாகத்தில், கவர்னர் வித்யாசாகர் ராவ் தலையிட துவங்கினார். அதை தொடர்ந்து, 'உதய்' மின் திட்டம், உணவு மானிய திட்டம் போன்ற, ஜெ., கடுமையாக எதிர்த்து வந்த, மத்திய அரசு திட்டங்களுக்கு, தமிழக அரசு திடீரென பச்சைக் கொடி காட்டியது.

ஜெ., போன்ற பெரிய ஆளுமை இல்லாமல், பலவீனமாக இருந்த அ.தி.மு.க.,வை, பா.ஜ.,

பணிய வைப்பதாக, பரவலாக பேச்சு எழுந்தது; அதை, தமிழக பா.ஜ., மறுத்து வருகிறது. இதுதவிர, முன்னெப்போதும் இல்லாத வரையில், மத்திய இணையமைச்சர், பொன். ராதாகிருஷ்ணன், ஒரு மணி நேரத்திற்கு மேலாக, முதல்வர் பன்னீர்செல்வத்தை சந்தித்துபேசியுள்ளார். தமிழிசையும், அவரை, சென்னை கோட்டையில் சந்தித்தார்.

இந்நிலையில், தமிழக நிர்வாகத்திலும், அ.தி.மு.க., விஷயத்திலும், மத்திய அரசும், பா.ஜ.,வும் காட்டும் பரிவுக்கான பின்னணி தெரிய வந்துள்ளது.இது குறித்து, அ.தி.மு.க., நிர்வாகி ஒருவர் கூறியதாவது: சேவை வரி சட்டத்திருத்த மசோதா, ராஜ்யசபாவில் அறிமுகமான போது, அ.தி.மு.க., அதை எதிர்த்து; ஆனாலும், ஓட்டெடுப்பின் போது, சபையை விட்டு வெளியேறியது. இது, பா.ஜ.,விற்கு சாதகமான முடிவாகவே பார்க்கப்பட்டது.

அதற்கு, ஜெ., - மோடி இடையே நிலவிய நட்பும் முக்கிய காரணம்.ஆனால், ஜெ., மறைவுக்குப் பின், பா.ஜ., அத்தகைய பரிவு காட்ட வேண்டிய அவசியம் இல்லை.எனினும், வரும் ஜூலையில், ஜனாதிபதி தேர்தலும், ஆகஸ்டில், துணை ஜனாதிபதி தேர்தலும் வருகிறது.அ.தி.மு.க., வசம் தற்போது, லோக்சபாவில், 37 எம்.பி.,க் களும், ராஜ்ய சபாவில், 13 எம்.பி.,க்களும் உள்ளனர். மேலும்,

 

அ.தி.மு.க., விற்கு, 135 எம்.எல்.ஏ.,க்களும் உள்ளனர். அதனால், ஜனாதிபதி தேர்தலில், அ.தி.மு.க., வின் பங்களிப்பு முக்கியத்துவம் வாய்ந்ததாக இருக்கும்.

அ.தி.மு.க., உடையாமல் இருந்தால், ஜனாதிபதி மற்றும் துணை ஜனாதிபதி தேர்த லில், பா.ஜ., வேட்பாளர்களுக்கு சிந்தாமல், சிதறாமல், அதன் ஓட்டுகள் கிடைக்கும் என, பா.ஜ., நம்புகிறது. அதனால் தான், தமிழக அரசியல் விஷயங்களில், அதீத ஆர்வமும், வலுவான தலைமை இல்லாத, அ.தி.மு.க., மீது பரிவும் காட்டுவதாக கருதுகிறோம், என்றார்.

http://www.dinamalar.com/news_detail.asp?id=1690131