இலங்கை அரசாங்கத்துக்கு கைகொடுப்பாரா ட்ரம்ப்?

[நவீனன்]

இலங்கை அர­சாங்­கத்­துக்கு கைகொ­டுப்­பாரா ட்ரம்ப்?

 

அமெ­ரிக்க ஜனா­தி­பதித் தேர்­தலில் பெரும்­பான்­மை­யின வாதத்தை முன்­னி­றுத்தி, டொனால்ட் ட்ரம்ப் பெற்ற வெற்­றியை முன்­னு­தா­ர­ண­மாகக் கொண்டு, அடுத்­த­டுத்த தேர்­தல்­களை எதிர்­கொள்ள மஹிந்த ராஜபக் ஷ தரப்பு தயா­ராகி வரு­கின்ற நிலையில், அர­சாங்­கமோ நேர­டி­யாக டொனால்ட் ட்ரம்­புடன் கைகோர்ப்­ப­தற்­கான தயார்­ப­டுத்­தல்­களில் இறங்­கி­யுள்­ளது.

சிறி­லங்கா சுதந்­திரக் கட்­சியின் உறுப்­பி­னர்­களை சேர்த்துக் கொள்ளும் கூட்டம் ஒன்று அண்­மையில் காலியில் நடை­பெற்ற போது, உரை­யாற்­றி­யி­ருந்த ஜனா­தி­பதி மைத்­தி­ரி­பால சிறி­சேன, பொறுப்­புக்­கூறல் மற்றும் மனித உரிமைக் குற்­றச்­சாட்­டு­களில் இருந்து இலங்­கையை விடு­விக்­கு­மாறும், இவற்றை வைத்து அழுத்­தங்­களைக் கொடுக்க வேண்டாம் என்றும், டொனால்ட் ட்ரம்­பிடம் கோரிக்கை விடுக்கப் போவ­தாக கூறி­யி­ருக்­கிறார்.

கூட்டு எதி­ர­ணியோ, ட்ரம்பின் வெற்­றியை பாட­மாக எடுத்துக் கொண்டு, அடுத்த தேர்­தலின் வெற்­றிக்­காகத் தம்மைத் தயார்­ப­டுத்தத் தொடங்­கி­யி­ருக்­கி­றது.

தற்­போ­தைய அர­சாங்­கமோ, ட்ரம்ப் அமைக்­க­வுள்ள அர­சாங்­கத்­துடன், இணைந்து செயற்­ப­டு­வ­தற்­கான தயார்­ப­டுத்­தல்­களில் இறங்­கி­யி­ருக்­கி­றது.

இந்த இரண்டு விட­யங்­க­ளுமே தமிழர் தரப்­புக்கு சாத­க­மான விட­யங்கள் அல்ல.

ட்ரம்பின் பெரும்­பான்­மை­யி­ன­வா­தத்தை முன்­னி­றுத்தி, கூட்டு எதி­ரணி மீண்டும் ஆட்­சியைப் பிடிக்க முனைந்தால் அல்­லது ஆட்­சியைப் பிடித்தால், தமி­ழர்கள் உள்­ளிட்ட சிறு­பான்­மை­யினர் மீது கடு­மை­யான அழுத்­தங்­களும் அடக்­கு­மு­றை­களும் பிர­யோ­கிக்­கப்­படும் வாய்ப்­புகள் உள்­ளன.

அது நாடெங்கும் இன­வாத அலை பெரு­கு­வ­தற்கும், தமி­ழர்­களும், ஏனைய சிறு­பான்­மை­யி­னரும், அச்­சு­றுத்­தப்­ப­டு­வ­தற்கும், அடக்கி ஒடுக்­கப்­ப­டு­வ­தற்கும் வழி­வ­குக்கும்.

அதே­வேளை, தற்­போ­தைய அர­சாங்கம் ட்ரம்பின் புதிய அர­சாங்­கத்­துடன் இணைந்து செயற்­பட்டு, பொறுப்­புக்­கூறல் மற்றும் மனித உரிமைக் குற்­றச்­சாட்­டு­களில் இருந்து விடு­விக்­கப்­பட்­டாலோ, அது­தொ­டர்­பான அழுத்­தங்­களில் இருந்து அமெ­ரிக்கா பின்­வாங்கச் செய்­யப்­பட்­டாலோ அது, தமி­ழர்­த­ரப்பை ஏமாற்­ற­ம­டையச் செய்யும்.

போர்க்­கால அநீ­தி­க­ளுக்கு சர்­வ­தேச சமூ­கத்தின் மூலம் நீதி வழங்­கப்­பட வேண்டும் என்­பதே பாதிக்­கப்­பட்ட தமிழ்­மக்­களின் கோரிக்­கை­யாக இருந்து வரு­கி­றது.

இத்­த­கை­ய­தொரு நிலையில், பொறுப்­புக்­கூறல் சார்ந்த முன்­னெ­டுப்­பு­க­ளுக்குத் தலைமை தாங்­கிய, அமெ­ரிக்கா அந்தப் பங்­க­ளிப்பில் இருந்து பின்­வாங்­கு­கின்ற நிலை ஏற்­பட்டால், சர்­வ­தேச அரங்கில் தமிழர் விவ­காரம் கைவி­டப்­பட்ட நிலைக்குள் தள்­ளப்­படும்..

எனவே தான், அமெ­ரிக்க ஆட்சி மாற்­றத்தை முன்­னி­றுத்தி இலங்­கையின் இரு­பெரும் அர­சியல் சக்­தி­களும் முன்­னெ­டுக்கும் நட­வ­டிக்­கைகள் தமிழர் தரப்­புக்கு ஏமாற்­றத்­தையும், நெருக்­க­டி­க­ளையும் கொடுக்கும் என்ற கருத்து காணப்­ப­டு­கி­றது.

அமெ­ரிக்­காவில் வரும் ஜன­வ­ரியில், நிக­ழப்­போகும் ஆட்சி மாற்றம், சர்­வ­தேச அரங்கில் பெரி­ய­ள­வி­லான மாற்­றங்­க­ளுக்கு கார­ண­மாகும் என்ற எதிர்­பார்ப்பு இருக்கும் நிலையில், அதனைச் சாத­க­மாகப் பயன்­ப­டுத்திக் கொள்­வ­தற்கு இலங்கை அர­சாங்­கமும் தயா­ராகி வரு­கி­றது.

அமெ­ரிக்­காவில் குடி­ய­ரசுக் கட்சி ஆட்­சியில் இருந்த காலங்­களில் ஒப்­பீட்­ட­ளவில் இலங்­கைக்குச் சாத­க­மான முடி­வுகள் எடுக்­கப்­பட்­டதும், அமெ­ரிக்­கா­வுடன் நெருக்­க­மான உற­வுகள் ஏற்­பட்­டதும் தான் வர­லாறு.

எனவே தான், ஹிலாரி கிளின்டன் தோல்­வி­ய­டைந்த போது, அதிகம் நிம்­ம­தி­ய­டைந்த நாடு­களில் இலங்­கையும் ஒன்­றாகத் தான் இருந்­தி­ருக்கும்.

பொறுப்­புக்­கூறல் மற்றும் மனித உரி­மைகள் ஆகிய விட­யங்­களை முன்­னி­றுத்தி, ஒபாமா அர­சாங்­கத்­தினால் கடந்த அரை தசாப்­தங்­க­ளுக்கு மேலாக கொழும்பு மீது கொடுக்­கப்­பட்டு வந்த அழுத்­தங்­களை இந்த ஆட்சி மாற்றம் குறைக்கும் என்றே கரு­தப்­பட்­டது.

இந்த நிலையில் தான், அமெ­ரிக்­கா­வுக்குத் தாம் விசேட தூதுவர் ஒரு­வரை அனுப்­ப­வி­ருப்­ப­தாக ஜனா­தி­பதி மைத்­தி­ரி­பால சிறி­சேன தகவல் வெளி­யிட்­டி­ருக்­கிறார்.

பொறுப்­புக்­கூறல், மனித உரிமை மீறல் குற்­றச்­சாட்­டுக்­களில் இருந்து இலங்­கையை விடு­விக்­கு­மாறு கோரு­வ­தற்கும், இவற்றை வைத்து மேற்­கொள்ளும் அழுத்­தங்­களைக் கைவி­டு­மாறும் ட்ரம்­பிடம் கோரு­வ­தற்­குமே தாம் விசேட தூது­வரை அமெ­ரிக்­கா­வுக்கு அனுப்­ப­வி­ருப்­ப­தாக ஜனா­தி­பதி கூறி­யி­ருக்­கிறார்.

இலங்கை மீது எந்த சர்­வ­தேச அழுத்­தங்­களும் கிடை­யாது, பொறுப்­புக்­கூ­ற­லுக்கு எந்தக் காலக்­கெ­டுவும் விதிக்­கப்­ப­ட­வில்லை என்று சில நாட்­க­ளுக்கு முன்­ன­தாக நாடா­ளு­மன்­றத்தில் அமைச்சர் லக்ஸ்மன் கிரி­யெல்ல அறி­வித்து சில நாட்­களின் பின்­னரே ஜனா­தி­பதி இந்தக் கருத்தை வெளி­யிட்­டி­ருக்­கிறார்.

ஐ.நா மனித உரி­மைகள் பேர­வையில் முன்­னெ­டுக்­கப்­பட்ட பொறுப்­புக்­கூ­ற­லுக்­கான அழுத்­தங்கள், அர­சாங்­கத்தைக் கடு­மை­யான நெருக்­க­டிக்குள் சிக்க வைத்­தி­ருக்­கி­றது என்­ப­தையே, ஜனா­தி­ப­தியின் இந்தக் கருத்து எடுத்துக் காட்­டி­யி­ருக்­கி­றது. அதே­வேளை, ஒரு நாட்டின் ஆட்சி மாற்­றத்தைச் சாத­க­மாகப் பயன்­ப­டுத்திக் கொண்டு, இலங்கை அர­சாங்கம் தனக்கு எதி­ரான குற்­றச்­சாட்­டு­களில் இருந்து தப்­பித்துக் கொள்­ளவும், பொறுப்­புக்­கூ­ற­லுக்­கான பொறுப்பில் இருந்து நழுவிக் கொள்­ளவும் எடுக்கும் அப்­பட்­ட­மான முயற்­சி­க­ளையும் இந்தக் கருத்து அம்­ப­லப்­ப­டுத்­தி­யி­ருக்­கி­றது.

கடந்த ஆண்டு ஜெனிவா தீர்­மா­னத்தில், பொறுப்­புக்­கூ­ற­லுக்கு இணக்கம் வெளி­யிட்ட அர­சாங்கம், இந்த ஆண்டு அமெ­ரிக்­காவில் ஏற்­படும் ஆட்­சி­மாற்­றத்தை தமக்குச் சாத­க­மாகப் பயன்­ப­டுத்திக் கொண்டு, அதி­லி­ருந்து தப்­பிக்க முனை­கி­றது.

அவ்­வா­றாயின் சர்­வ­தேச மன்­றத்தில் அர­சாங்கம் கொடுத்த வாக்­கு­றுதி என்­ன­வாகப் போகி­றது என்ற கேள்வி எழு­கி­றது.

இலங்­கையை குற்­றச்­சாட்­டு­களில் இருந்து விடு­விக்­கு­மாறு ட்ரம்­பிடம் கோரு­வ­தற்கு ஜனா­தி­பதி எடுத்­துள்ள முடிவு, பொறுப்­புக்­கூறல் பற்­றிய வாக்­கு­று­தி­களில் இருந்து அர­சாங்கம் பின்­வாங்கத் தயா­ரா­கி­றதா என்ற சந்­தே­கத்தை தான் எழுப்­பி­யி­ருக்­கி­றது.

ஐ.நா மனித உரி­மைகள் பேர­வையில் அமெ­ரிக்கா கொடுத்து வந்த அழுத்­தங்­களே, இலங்கை அர­சாங்கம் அரை­குறை பொறுப்­புக்­கூறல் வாக்­கு­று­தி­க­ளுக்­கேனும் இணங்­கு­கின்ற நிலையை ஏற்­ப­டுத்­தி­யி­ருந்­தது.

திடீ­ரென அமெ­ரிக்கா தனது அழுத்­தங்­களை விலக்கிக் கொண்­டாலோ, குற்­றச்­சாட்­டு­களில் இருந்து பின்­வாங்கிக் கொண்­டாலோ, அது பாதிக்­கப்­பட்ட தமிழ் மக்­க­ளுக்குப் பேரி­டி­யா­கவே அமையும்.

பொறுப்­புக்­கூறல் மற்றும் மனித உரிமை விவ­கா­ரத்தைப் பயன்­ப­டுத்தி ,இலங்கை மீது கொடுத்து வந்த அழுத்­தங்­களை அமெ­ரிக்கா ஏற்­க­னவே குறைத்து விட்­டது.

இரா­ணுவ ஒத்­து­ழைப்பு, பொரு­ளா­தார ரீதி­யான கட்­டுப்­பா­டுகள் போன்­ற­வற்றில் இருந்து இலங்­கையை அமெ­ரிக்கா ஏற்­க­னவே விடுத்து விட்­டது.

இரா­ணுவ தள­பாட ஏற்­று­ம­திகள் போன்ற சில கட்­டுப்­பா­டுகள் தான் இன்­னமும் தொடர்­கின்­றன. அவற்­றினால் இலங்கை ஒன்றும் பெரி­ய­ள­வி­லான பாதிப்­புக்­களைச் சந்­திக்­க­வில்லை.

ஆனாலும், அமெ­ரிக்­காவில் ஏற்­பட்­டுள்ள ஆட்­சி­மாற்­றத்தைச் சாத­க­மாக்கிக் கொண்டு. இத்­த­கைய கட்­டுப்­பா­டுகள் அனைத்­தையும், களை­வ­தற்கும், இலங்கை மீதான குற்­றச்­சாட்­டு­களை குப்­பைக்குள் வீசு­வ­தற்கும் அர­சாங்கம் திட்­ட­மிட்­டி­ருக்­கி­றது.

இது­பற்றி ட்ரம்­புடன் பேச்சு நடத்­து­வ­தற்கு விசேட பிர­தி­நி­தியை அனுப்பப் போவ­தாக ஜனா­தி­பதி கூறி­யி­ருக்­கிறார் என்றால், அதி­க­ளவு நம்­பிக்­கையும் காய்கள் நகர்த்­தப்­ப­டு­கின்­றன என்றே அர்த்தம்.

அமெ­ரிக்­காவின் புதிய துணை ஜனா­தி­ப­தி­யாகத் தெரிவு செய்­யப்­பட்­டுள்ள, மைக் பென்ஸ், கடந்த வியா­ழக்­கி­ழமை இரவு ஜனா­தி­பதி மைத்­தி­ரி­பால சிறி­சே­னவை, தொலை­பே­சியில் அழைத்து, இரு­த­ரப்பு உற­வு­களைப் பலப்­ப­டுத்­து­வது தொடர்­பாக நடத்­திய பேச்­சுக்கள் அர­சாங்­கத்­துக்கு இன்னும் அதிக நம்­பிக்­கையைக் கொடுத்­தி­ருக்கும்.

அதே­வேளை, போரில் பாதிக்­கப்­பட்ட மக்­களின் நலன்கள், அவர்­க­ளுக்­கான நீதியைப் புறக்­க­ணித்து, பொறுப்­புக்­கூறல் குற்­றச்­சாட்டில் இருந்து இலங்கை அர­சாங்­கத்தை அமெ­ரிக்கா விடு­விக்கும் நிலை ஏற்­ப­டு­மே­யானால், தமிழ் மக்­க­ளுக்கு இலங்கை அர­சாங்­கத்தின் மீது இன்னும் ஆழ­மான நம்­பிக்­கை­யீ­னமும், சீற்­ற­முமே ஏற்­படும்.

அத்­த­கை­ய­தொரு நிலை உரு­வாக்­கப்­பட்டால், அது நிலை­யான அமைதி, நல்­லி­ணக்கம் என்­ப­ன­வற்­றுக்கு சவா­லான விட­ய­மா­கவும் இருக்கும்.

ஏனென்றால், பொறுப்­புக்­கூறல் அழுத்­தங்கள் இருக்கும் போது, தமது வாக்­கு­று­தியை நிறை­வேற்­றாத அர­சாங்கம், அத்­த­கைய அழுத்­தங்கள் விலக்­கப்­பட்ட ஒரு சூழலில் வாக்­கு­று­தி­களை காற்றில் பறக்க விட்டு விடும் என்­பதில் சந்­தே­க­மில்லை.

அமெ­ரிக்க ஆட்­சி­மாற்­றத்தை இலங்கை அர­சாங்கம் சர்­வ­தேச அரங்கில் சாத­க­மாகப் பயன்­ப­டுத்திக் கொள்­வ­தற்கு எடுக்கும் முயற்­சிகள் பல­ன­ளிப்­ப­தற்கு அதிகம் வாய்ப்­புகள் இருக்­கின்­றன.

இதன் மூலம், தற்­போ­தைய அர­சாங்கம் சிங்­கள மக்கள் மத்­தியில் தமது ஆத­ரவை உறு­திப்­ப­டுத்திக் கொள்ள முனை­கி­றது.

மஹிந்த ராஜபக் ஷவையும் படை­யி­ன­ரையும் ஐ.நா மனித உரி­மைகள் பேர­வை­யிடம் இருந்து தாம் காப்­பாற்­றி­யதை, ஜனா­தி­பதி மைத்­தி­ரி­பால நினை­வு­ப­டுத்­தி­யி­ருப்­பது, அவ­ரது இந்த நோக்­கத்தைப் புலப்­ப­டுத்­து­கி­றது.

கடந்த தேர்­தல்­களில், தன்னை மின்­சாரக் கதி­ரைக்கு அனுப்ப சர்­வ­தேச சமூகம் முயற்­சிப்­ப­தாக மஹிந்த ராஜபக் ஷ பிர­சா­ரங்­களை முன்னெடுத்து வந்தார்.

அதற்கு ஈடாக இப்போது, மைத்திரிபால சிறிசேன, தாம் மகிந்த ராஜபக்சவை மின்சாரக் கதிரையில் இருந்து காப்பாற்றி விட்டதாக பிரசாரம் செய்து வருகிறார்.

டொனால்ட் ட்ரம்பைக் கொண்டு, பொறுப்புக்கூறல் குற்றச்சாட்டுகளில் இருந்து இலங்கையை விடுவிப்பேன் என்ற வாக்குறுதியை ஜனாதிபதி இப்போது கொடுக்கத் தொடங்கியிருக்கிறார்.

சிங்கள மக்களுக்கு அவர் கொடுக்கும் இந்த வாக்குறுதி தமிழ் மக்களுக்கு எதிர்மறையான கருத்துக்களையே கொடுக்கும் என்பதை அவர் கவனத்தில் கொள்ளவில்லை.

அமெரிக்காவில் ஏற்பட்டுள்ள ஆட்சி மாற்றத்தினால், அதிகாரிகள் மட்டத்தில் முன்னெடுக்கப்படும் பொறுப்புக்கூறல் முயற்சிகள் பாதிக்கப்படாது என்று போர்க்குற்ற விவகாரங்கள் தொடர்பான அமெரிக்காவின் முன்னாள் தூதுவர் ஸ்டீபன் ராப் கருத்து வெளியிட்டிருந்த போதிலும், ட்ரம்பை வைத்து எப்படியாவது பொறுப்புக்கூறல் அழுத்தங்களை உடைத்தெறிவதில் அரசாங்கம் குறியாக இருக்கிறது.

அரசாங்கத்தின் இந்த முயற்சி எந்தளவுக்கு வெற்றி கொடுக்கிறது என்பதை பொறுத்திருந்தே பார்க்க வேண்டும்.   

http://content.epaper.virakesari.lk/newspaper/Weekly/samakalam/2016-12-04#page-2

[Nathamuni]

என்னமோ அமெரிக்காவை இயக்கப்போவது  ஜனாதிபதி (ட்ரம்ப்) என்பது போல் கதைக்கிறார்கள். ண்மையில், கொள்கை வகுப்பாளர்களின் நிகழ்ச்சி நிரல் என்னும் அம்சத்தை வெளிப்படுத்தும், உத்தியோக பூர்வ குரல் அல்லது பதவி தான் அது.