மீன்களில் எது ருசியானது... தெரிஞ்சுக்கலாமா?

[நவீனன்]

மீன்களில் எது ருசியானது... தெரிஞ்சுக்கலாமா?

 

கடல் மீன்களில் புரோட்டீன், கோலின், அயோடின் போன்ற சத்துக்கள் அதிகமா இருக்கு. இவையெல்லாம் இருக்கிறதுனு தெரியாமலே நாம் மீன்கள் மீது ஆசைவைக்கக் காரணம், அதன் சுவையே. மார்க்கெட்ல காய்கறி வாங்கப் போனா, வெண்டைக்காயை ஒடிச்சிப் பார்க்கிறதும்,  தண்ணீர் ஆடுதானு தேங்காய ஆட்டிப்பார்க்கிறதும் பலருக்கு வழக்கம். அதேபோல  மீன் வாங்கும்போது... அது நல்ல மீனா, கெட்ட மீனானு எப்படித் தெரிஞ்சுக்கிறது? பல தடவை நல்ல மீன்னு நினைச்சு  வாங்கிட்டு வந்து, வயிற்றுக்கும் ஒத்துக்காம, வாய்க்கும் நல்லா இல்லாமப்போய்... வீட்டுல திட்டு வாங்கி... வாங்கி பல பேருக்கு மீன் குழம்பே பிடிக்காமப் போயிருக்கும். எப்படி நல்ல மீன் வாங்குறதுனு  தெரிஞ்சிக்க,

கடல் மீன்களைப் பற்றி நிறையத் தெரிஞ்சு வெச்சிருக்கிற மீனவர், புது கல்பாக்கம் எஸ்.நாகராஜனை சந்திச்சுக் கேட்டு வந்தோம். அவர் தந்த யோசனைகள் இதோ...

1. மீன், பார்க்கும்போது புதுசா, ப்ரெஷ்ஷா இருந்தா நல்ல மீன்.

2. மீனின் செவுளைத் திறந்து பார்த்தா, செந்நிறமா  இருக்கணும். சாம்பல் நிறமா இருந்தா, அது கெட்டுப்போன மீன்.

3. உங்களுக்குப் பிடிச்ச மீனாக இருந்து, அதை வாங்கியே ஆகணும்னு நீங்க நினைக்கும்போது, அதில் எங்காவது அடிபட்டிருந்தா,  வேண்டாம் விட்டுருங்க.

4. மீனின் கண்கள் மங்கலா இல்லாம, தெளிவா இருக்கணும்.

5. ஐஸ் அதிகம் சேர்ந்த மீன் ஆகாது. ஐஸ் அதிகம் சேர்ந்திருந்தா, மீனின் மேல் விரலால் கோடு போட்டா தெரிஞ்சுடும்.

 

6. நீங்கள் வாங்கும் மீன் கெட்டுப்போனதா இருந்தா, அது ஃபுட் பாய்ஸன் ஆகும்.

7. செதில் அதிகமா இருக்கிற மீனும், உள்ளே முள் அதிகமா இருக்கிற மீனும் ருசியா இருக்கும். ஆனா, குழந்தைகள் சாப்பிட முடியாது.

8. மீனைத் தொட்டுப் பார்க்கும்போது, நொள நொளனு இருக்கக் கூடாது.

9. நண்டை  கையில் எடுத்துப்பார்க்கும்போது வெயிட்டா இருக்கணும்.

10. பூச்சியைப் போல சிவப்பு நிறத்துல இருக்கிற இறாலை வாங்காம, ஃப்ரெஷ்ஷா, தெளிவா இருக்கிறதை வாங்குறது நல்லது.

கடல் உணவுகளில் சுவையான எது எனத் தெரிந்துகொள்ள கீழுள்ள வீடியோவைப் பாருங்க...

 

 

 

இப்படியெல்லாம் நீங்க சரிபார்க்க மார்க்கெட்ல அவகாசம் கிடைக்குமா... மீனைத் தொட்டுப்பார்க்க அனுமதிப்பாங்களா? அது, உங்கள் சாமர்த்தியம்!

உங்க வீட்டிலும் இனிமே சூப்பர் மீன்குழம்புதான்னு சொல்லுங்க.

http://www.vikatan.com/news/health/70632-which-is-the-most-tasty-fish.art

[suvy]

இப்படியெல்லாம் நீங்க சரிபார்க்க மார்க்கெட்ல அவகாசம் கிடைக்குமா... மீனைத் தொட்டுப்பார்க்க அனுமதிப்பாங்களா? அது, உங்கள் சாமர்த்தியம்!

அதெல்லாம் தொட்டுப் பார்க்கலாம் மீனை , என்ன ஹெட் போனை காதை விட்டு கழட்டக்கூடாது .....!  

[நிழலி]

மீன் விற்கின்ற பெண்ணைத்தான் தொட்டுப் பார்க்க கூடாது; மீனை தொட்டுப் பார்க்கலாம் .

செதில் இருக்கின்ற மீன் மட்டும் அல்ல, செதில் இல்லாத சுவாப் பாரை, தலபத்து போன்றவையும் சுவைதான்

[மெசொபொத்தேமியா சுமேரியர்]

15 minutes ago, நிழலி said:

மீன் விற்கின்ற பெண்ணைத்தான் தொட்டுப் பார்க்க கூடாது; மீனை தொட்டுப் பார்க்கலாம் .

செதில் இருக்கின்ற மீன் மட்டும் அல்ல, செதில் இல்லாத சுவாப் பாரை, தலபத்து போன்றவையும் சுவைதான்

ஏன் விக்கிற பெண்ணைத் தொடக்கூடாதெண்டு யார் சொன்னது உங்களுக்கு ???

 

அறக்குளா, விளைமீன் குழம்புகள் உருசிதானே.பாலை மீன் நன்றாக இருக்கும் எண்டு கடைக்காரர் சொன்னதைக் கேட்டு வாங்கிக் குழம்பு வச்சா வாய் எல்லாம் தடிச்கிப் போச்சு எல்லாருக்கும். 

[Nathamuni]

4 minutes ago, மெசொபொத்தேமியா சுமேரியர் said:

ஏன் விக்கிற பெண்ணைத் தொடக்கூடாதெண்டு யார் சொன்னது உங்களுக்கு ???

 

அப்படிப் போடுங்க அரிவாளை! 

நிழலி...

உங்களுக்கு செதில்லில்லாத மீன் சரிவராதே... 

[விசுகு]

12 minutes ago, மெசொபொத்தேமியா சுமேரியர் said:

ஏன் விக்கிற பெண்ணைத் தொடக்கூடாதெண்டு யார் சொன்னது உங்களுக்கு ???

நிழலியானந்தா  

தொட மட்டுமல்ல

புரட்டியும் பார்க்கலாமாம்.....

[தனிக்காட்டு ராஜா]

மீன்களைப்பற்றி பேசும்போதும் மீன் விற்கும் பெண்களை ஏன் பேசுறீங்கள் 

[ரதி]

கீரி மீனைப் பொரித்துக் குழம்பு வைத்தால் அதற்கு எந்த மீனும் ஈடாகாது

[மெசொபொத்தேமியா சுமேரியர்]

2 hours ago, ரதி said:

கீரி மீனைப் பொரித்துக் குழம்பு வைத்தால் அதற்கு எந்த மீனும் ஈடாகாது

கீரி மீன் என்றால் சூடை  மீனா ???

[இசைக்கலைஞன்]

சீலா மீன் 

[நவீனன்]

7 minutes ago, மெசொபொத்தேமியா சுமேரியர் said:

கீரி மீன் என்றால் சூடை  மீனா ???

கீரி மீன் - Round Fish

சூடை இல்லை

[மெசொபொத்தேமியா சுமேரியர்]

 

இதுவா

 

 

 

ஒருக்காப் படம் போடுங்கோ

 

[நிழலி]

கீரி மீன் சூடை மீன் மாதிரி இருக்கும், ஆனால் கொஞ்சம் குண்டாக / உருளையாக சூடையின் மூத்த அண்ணன் போன்று இருக்கும். நிறைய முள்ளு இருப்பதால் பொரிக்காமல் சாப்பிடுவது கடினம். நல்ல ருசியான மீன். சிங்களப் பகுதிகளில் ஹுருளோ என்ற பெயரில் விற்பார்கள். இந்தியாவில் மத்தி இதைச் சொல்வார்கள் என்று நினைக்கின்றேன்
 

[நவீனன்]

30 minutes ago, மெசொபொத்தேமியா சுமேரியர் said:

 

இதுவா

ஒருக்காப் படம் போடுங்கோ

 

மீனவர் வலையில் சிக்கயது அதிகளவு கீரி மீன்கள் !

 கரையோரப் பிரதேசங்களான மாளிகைக்காடு காரைதீவு, நிந்தவூர், , சாய்ந்தமருது, கல்முனை ஆகியபிரதேசங்களில் அண்மைக் காலங்களாக அதிகமீன்கள் கரைவலைகளில் பிடிபட்டு வருகின்றன.

 

காரைதீவு பிரதேசத்தில் ஞாயிற்றுக்கிழமை (13)மிகக் கூடுதலான கீரி மீன்கள் கரை வலைகளில் பிடிபட்டது

ஒரு கிலோகீரிமீன்நூறுரூபாவுக்குவிற்கப்பட்டதுஎன்றும்பிரதேசமீனவர்கள்தெரிவித்தனர்.

 

சுமார் ரூபா 30 இலட்சத்திற்கும் மேற்பட்ட மீன்கள் இன்று பிடிக்கப்பட்டதாகவும்இதன் மூலம் மீனவர்களினதும் மீன் வியாபாரிகளினதும் வருமானம்அதிகரித்துள்ளதாகவும் தெரிவிக்கப்படுகிறது.

 

பிடிக்கப்பட்ட மீன்களில் அதிகமானவை குளிரூட்டப்பட்ட பெட்டிகளில்அடைக்கப்பட்டதோடு கருவாடுகளுக்காக பீப்பாய்களில் அடைக்கப்பட்டும்,இலங்கையின் ஏனைய பிரதேசங்களுக்கு வியாபாரிகள் மூலம் எடுத்துச்செல்லப்பட்டவையும் குறிப்பிடத்தக்கது. 

 

 

http://www.karaitivu.org/index.php/what-s-new/news-from-karaitivu/5513-2015-09-13-16-10-51

[மெசொபொத்தேமியா சுமேரியர்]

ரதி சொன்னதுபோல பொரிச்சுக் கறி வச்சுச் சாப்பிட்டுப்போட்டு சொல்லுறன்.

5 hours ago, விசுகு said:

நிழலியானந்தா  

தொட மட்டுமல்ல

புரட்டியும் பார்க்கலாமாம்.....

நான் கேட்ட கேள்வி உங்களுக்கு விளங்கேல்லை அண்ணா. நிழலியானந்தாவுக்கு அடி விழுந்தால் நீங்கள் தான் பொறுப்பு.

[நவீனன்]

3 minutes ago, மெசொபொத்தேமியா சுமேரியர் said:

ரதி சொன்னதுபோல பொரிச்சுக் கறி வச்சுச் சாப்பிட்டுப்போட்டு சொல்லுறன்.

படத்தையும் போடுங்கோ..

ஆனால் இங்க வந்து எங்களை ஏசபடாது.. குழம்பு சரிவரா விட்டால்..

[நிழலி]

10 minutes ago, மெசொபொத்தேமியா சுமேரியர் said:

ரதி சொன்னதுபோல பொரிச்சுக் கறி வச்சுச் சாப்பிட்டுப்போட்டு சொல்லுறன்.

 

உங்கள் மனுசன் கொஞ்சம் தண்ணி பாவிப்பவராக இருந்தால், அடுத்த முறை பாவிக்கும் போது உந்த மீனில் நாலைப் பைட்ஸ் ஆக பொரிச்சுக் கொடுங்கோ.... அதோட ஆளுக்கு  நீங்கள் அவர் சொல்லக் கேட்காமல் பிளானை மாற்றி கொன்சேவேற்றி கட்டிய கோபம் இருந்த இடம் தெரியாமல்  பறந்து விடும்

[புங்கையூரன்]

2 hours ago, மெசொபொத்தேமியா சுமேரியர் said:

கீரி மீன் என்றால் சூடை  மீனா ???

இணுவில் காரரோட பெரிய பிரச்சனையாய்ப் போச்சு!

நாங்கள் எப்பவாவது கேட்டிருக்கிறமா? வேதாளம் எண்டால் வெங்காயமா எண்டு...!

இரண்டு ரூபாய்க்கு மீன் வாங்கினால்...உங்களுக்குப் பெட்டிக்காரன் ஒரு என்வலப்பில போட்டுத் தருவான்!

உங்களுக்கெப்படிக் கீரி மீனின்ர அருமையும், சுவையும் தெரியும்! 

[குமாரசாமி]

5 hours ago, ரதி said:

கீரி மீனைப் பொரித்துக் குழம்பு வைத்தால் அதற்கு எந்த மீனும் ஈடாகாது

கீரிமீன் சரியான கிரந்தி.....

[ஈழப்பிரியன்]

கொய் மீனும் நல்ல ருசி.சரியான முள்ளு.அதனால் அனேகமானோர் பொரித்து சாப்பிடுவார்கள்.

[புங்கையூரன்]

Just now, ஈழப்பிரியன் said:

கொய் மீனும் நல்ல ருசி.சரியான முள்ளு.அதனால் அனேகமானோர் பொரித்து சாப்பிடுவார்கள்.

வாளை மீனும்...அருமையான மீன்!

சேம் பிரச்சனை தான்... முள்ளு!

[suvy]

8 hours ago, குமாரசாமி said:

கீரிமீன் சரியான கிரந்தி.....

 

8 hours ago, ஈழப்பிரியன் said:

கொய் மீனும் நல்ல ருசி.சரியான முள்ளு.அதனால் அனேகமானோர் பொரித்து சாப்பிடுவார்கள்.

 

8 hours ago, புங்கையூரன் said:

வாளை மீனும்...அருமையான மீன்!

சேம் பிரச்சனை தான்... முள்ளு!

பொதுவாக சுவையானது எதுவும் விரைவாக கெட்டு விடும்... இது இயற்கையின் நியதி..., மீனும் விதிவிலக்கல்ல...!!

மீன் கொஞ்சம் நாறுற மாதிரித் தெரிந்தால், எறியவா முடியும். உடனே அம்மாமார் பொரித்துக் குழம்பு வைத்து விட்டு அப்லாஸ் அள்ளிக் கொண்டு போவினம். அது அவர்களின் சாதுர்யம். அப்படியே கறி வைத்தால் ஜிம்மியும் மோந்து பார்க்காது. விவஸ்தை கெட்ட பூனை மட்டும் அதை காதலுடன் கண்ணோக்கும். ( பூனை, புலி , முதலை யாவும் இரையை நாற வைத்து உண்பதில் விருப்பமுள்ளவை.).  

சகோதரி சுமெக்கு, நீங்கள் பொரித்துக் குழம்பு வைத்தும் அத்தான் வெறுத்தோடினால், அடுத்த தடவை நல்ல நாறல் மீனாக வாங்கி வந்து ஆக்கிக் கொடுத்து அப்லாஸ் அள்ளவும்...! 

[nedukkalapoovan]

சுவையை விட சத்து தான் முக்கியம். சில வகை பெரிய மீன்களில் கெட்ட கொழுப்பு அதிகம். சிறிய மீன்களில் நல்ல கொழுப்பு உள்ளது. சமன்.. கோட் போன்ற மீன்களில் நல்ல கொழுப்பும்.. விற்றமின் டியும் உள்ளன. சுவை சமைப்பதை பொறுத்து மாறுபடும். 

[Nathamuni]

தலபத்து, மிகவும் சுவையான மீன்.

[குமாரசாமி]

8 hours ago, suvy said:

( பூனை, புலி , முதலை யாவும் இரையை நாற வைத்து உண்பதில் விருப்பமுள்ளவை.).

நாமளும் நாறிக்காய்ஞ்சதைதான் கருவாடு என்று பெருமையாக சொல்கிறோம் இல்லையா?