சுன்னாகத்தில் உளவுத்துறை பொலிஸாரை தாக்கியோரை அடையாளம் கண்டது பொலிஸ் ; விரைவில் கைதுசெய்யப்படுவர்

[நவீனன்]

சுன்னாகத்தில் உளவுத்துறை பொலிஸாரை  தாக்கியோரை அடையாளம் கண்டது பொலிஸ் ;  விரைவில் கைதுசெய்யப்படுவர்

 

 

(எம்.எப்.எம்.பஸீர்)

யாழ். சுன்னாகம் பகுதியில் சிவில் உடையில் கடமையில் இருந்த உளவுத் துறை பொலிஸ் உத்தியோகத்தர்கள் இருவர் மீது வாள் வெட்டுத் தாக்குதலை நடத்திய சந்தேக நபர்களை விஷேட விசாரணைக் குழுவினர் அடையாளம் கண்டுள்ளனர். 

 

தேசிய உளவுத் துறை பணிப்பாளர் சிரேஷ்ட பொலிஸ் அத்தியட்சர் நலிந்த ஜயவர்தனவின் ஆலோசனைக்கு அமைய அமைக்கப்பட்ட தேசிய புலனாய்வுப் பிரிவின் உளவுத் துறை அதிகாரிகள் அடங்கிய விசாரணைக் குழுவின்  உதவியுடன், விசாரணைகளை முன்னெடுத்த 5 சிறப்புக் குழுக்களே மேற்படி சந்தேக நபர்களை அடையாளம் கண்டுள்ளனர்.

விஷேட அதிரடிப்படையின் சிறப்பு விசாரணைக் குழு ஊடாக  தற்போது அடையாளம் காணப்பட்டுள்ள இரு சந்தேக நபர்களையும் அவர்களுக்கு மேற்படி பொலிசார் மீதான தக்குதலுக்கு உதவி ஒத்தாசை புரிந்தோரையும் கைது செய்ய திட்டம் வகுப்பட்டுள்ளதாகவும் அவர்களைக் கைது செய்யும் நடவடிக்கைகள் நாளை அல்லது நாளை மறுதினம் இடம்பெறலாம் எனவும் பொலிஸ் தலைமையகத்தின் உயர் பொலிஸ் அதிகாரி ஒருவர் கேசரியிடம் தெரிவித்தார்.

http://www.virakesari.lk/article/12746

[Paanch]

எத்தனை குற்றவாளிகளும் தப்பலாம் ஆனால் ஒரு சுற்றவாளி தண்டிக்கப்படக் கூடாது....................... அந்தக்கால நீதி

ஒரு குற்றவாளியைப் பிடிக்க எத்தனை சுற்றவாளிகளும் தண்டிக்கப்படலாம்........................................   இந்தக்கால நீதி

எத்தனை அப்பாவிகள் துவைக்கப்படப் போகிறார்களோ....???

[vanangaamudi]

கடந்தகால வாள்வெட்டு சம்பவங்களில் ஈடுபட்டவர்களை பிடி பிடி என்று செழியன் சொல்லும்போது பொலீசாருக்கு எங்குபோனது இந்த வேகம்.
இப்ப பொலிஸ்காரனுக்குகே வெட்டுவிழுந்தவுடன் எல்லாம் கடுகதி வேகத்திலை நடக்குது.

[ஜீவன் சிவா]

8 minutes ago, vanangaamudi said:

இப்ப பொலிஸ்காரனுக்குகே வெட்டுவிழுந்தவுடன் எல்லாம் கடுகதி வேகத்திலை நடக்குது.

எங்க நம்ம நாட்டிலையா?

அதுதான் நாளை மறுதினம்தான் ஆரம்பிப்போம் எண்டு இணையத்திலேயே வந்தாச்சே!!!!
அப்புறம் எப்படி பிடிப்பானுவ - ஓடிட மாட்டானுவ பயலுக? 

 

4 hours ago, நவீனன் said:

விஷேட அதிரடிப்படையின் சிறப்பு விசாரணைக் குழு ஊடாக  தற்போது அடையாளம் காணப்பட்டுள்ள இரு சந்தேக நபர்களையும் அவர்களுக்கு மேற்படி பொலிசார் மீதான தக்குதலுக்கு உதவி ஒத்தாசை புரிந்தோரையும் கைது செய்ய திட்டம் வகுப்பட்டுள்ளதாகவும் அவர்களைக் கைது செய்யும் நடவடிக்கைகள் நாளை அல்லது நாளை மறுதினம் இடம்பெறலாம் எனவும் பொலிஸ் தலைமையகத்தின் உயர் பொலிஸ் அதிகாரி ஒருவர் கேசரியிடம் தெரிவித்தார்.

 

[போல்]

9 hours ago, நவீனன் said:

இரு சந்தேக நபர்களையும் அவர்களுக்கு மேற்படி பொலிசார் மீதான தக்குதலுக்கு உதவி ஒத்தாசை புரிந்தோரையும் கைது செய்ய திட்டம் வகுப்பட்டுள்ளதாகவும் அவர்களைக் கைது செய்யும் நடவடிக்கைகள் நாளை அல்லது நாளை மறுதினம் இடம்பெறலாம் எனவும் பொலிஸ் தலைமையகத்தின் உயர் பொலிஸ் அதிகாரி ஒருவர் கேசரியிடம் தெரிவித்தார்.

சிங்கள-பௌத்த அரச பயங்கரவாதிகளின் திட்டமிட்ட நாடகம்.

[nunavilan]

Sajani Sp அதுவும் மருத்துவ அதிகாரியே சொல்லி விட்டார் காயம் என்று சொல்லுமளவிற்கு கூட அது காயம் இல்லை என்று....இது மாண்புமிகு ரணில் அவர்களின் தத்துவம் ஒரு கோட்டிற்கு அருகில் இன்னொரு கோடு கீறி கவனத்தை திசை திருப்பல்

[satan]

 இருக்கிற மிச்ச பல்கலைக் கழக மாணவரை அமுக்க போடுற நாடகமோ யாரறிவார். வாள் வெட்டுக்காரர் என்று சுட்டொம் என்று கதை விட்டினம். இப்ப வாள்வெட்டுக்காரரை பிடிக்க நாள் பாக்கினமாம். இன்னும் யார், யாரை மாட்டி பிடிக்கிறதென்று முடிவு பணேலைப்போல் தெரிகிறது.