கென்டக்கி சிக்கினா ??????

[மெசொபொத்தேமியா சுமேரியர்]

நேற்றுக் காலமை கடையைத் திறந்து இரண்டு மணிநேரம் வேலை செய்கிறேன் என்று முதலாளி நம்பிக்கொண்டு இருக்க முகநூலையும் யாழ் இணையத்தையும் ஓடிஓடிப் பாத்துக்கொண்டு வாறவர்களையும் கவனிச்சுக்கொண்டு இன்னும் ஆறு மணித்தியாலம் இருக்கே என்று மனதுள் நொந்துகொண்டு வேலை செய்துகொண்டிருக்க, கடைக் கதவைத் தள்ளிக்கொண்டு ஒரு பெண். பார்க்கப் புதிதாக இருக்கிறாரே எண்டு எண்ணிக்கொண்டே வணக்கம் எண்டன். ஆளிட்டையிருந்து பதில் வணக்கம் வராமல் ஒரு முறைப்புத்தான் வந்திது. சரி ஆரோ ஒரு பழக்க வழக்கம் தெரியாத மூதேவி இது என்று மனதுள் எண்ணிக்கொண்டு என்ன வேணும் என்று நைசாத்தான் கேட்டன். "அண்ணை இல்லையோ" என்றார். இந்தப் பெரிய ஆள் முன்னுக்கு நிக்கிறன். உனக்கு அண்ணையைத்தான் கேக்குதோ எண்டு மனதில் எண்ணிக்கொண்டே அண்ணை பின்னேரம் தான் வருவார் என்றேன். கொஞ்ச நேரம் எதோ யோசித்துடுவிட்டு "கென்டக்கி இருக்கோ" என்றார்??? கென்டக்கியா??? என்று நானும் யோசித்துவிட்டு "நீங்கள் மாறி வந்திட்டியள். இது சிக்கின் கடை இல்லை. offlicence. கொஞ்சம் தள்ளிப் போனால் KFC இருக்கு" என்றேன். "நீ என்ன வேலைக்குப் புதுசே? நான் நெடுக வந்து அண்ணனிட்ட வாங்கிறனான். கடையிலை என்ன சாமான் இருக்கெண்டு தெரியாமல் வேலை செய்யிறியோ" எண்டார். எனக்கு வந்த கோவத்தை எப்படி அடக்கினேன் என்று தெரியாது. அதுக்குக் காரணம் நெடுக வந்து வாங்கிறனான் என்று வேற சொல்லுறாளே என எண்ணிக்கொண்டு "கென்டக்கி சிக்கன் தான் லண்டனில இருக்கு. எங்கட கடையில அந்தப் பெயரில ஒண்டும் இல்லை. உங்களிலும் மோசமா என்னாலும் கதைக்க முடியும். பண்பாக் கதைச்சுப் பழகுங்கோ முதல்ல" என்றுவிட்டு வாசலை நோக்கிக் கையைக் காட்ட எதோ புறுபுறுத்தபடி வெளியே போனார்.

என்னைப் போய் ஒரு பட்டிக்காடு இப்பிடிப் பேசிப் போட்டுதே என்ற வெப்பியாரத்தோட உடன அண்ணனுக்குப் போனைப் போட்டன். அண்ணா ஒண்டு வந்து கென்டக்கி என்று கேட்டு இல்லை எண்டதும் எனக்கு ஏசிப்போட்டுப் போகுது. அப்பிடி  ஏதும் எங்கடை கடையில இருக்கோ எண்டன். அவரும் கொஞ்சநேரம் யோசிக்க ... உங்களிட்டை வந்து நெடுக வாங்கிறது என்று சொன்னாளே என்று நான் கேட்ட விதத்திலையே அவருக்கு ஞாபகம் வந்திட்டுது. அந்தப் பிள்ளையோட வந்த பொம்பிளையே எண்டுவிட்டு அது கென்டக்கி இல்லை kinder tea என்றார்.

ஜேர்மன் நாட்டில் பிள்ளைகளுக்குக் கொடுக்கும் தேநீர் வகைகளும் எமது கடையில் விக்கின்றோம். அதைத்தான் அவர் தவறாகக் கேட்டுவிட்டார். எனக்கு விளங்கவே முடியேல்லை. இதை விபரமாக ஏன் அவர் என்னிடம் கேட்கவில்லை என்று யோசித்தவண்ணம் மவளே அடுத்தமுறை வா உனக்கு இருக்கு என்று கறுவியபடி காத்திருக்கிறன்.

 

[suvy]

அந்தப் பெண்ணும் போகும்போது நினைத்திருக்கும் இதென்னடா புதுசா ஒரு பட்டிக்காடு வேலைக்கு வந்திருக்கு என்டு...! அந்தப் பிள்ளை நிக்கும்போதே  போன் பண்ணிக்  கேட்டிருக்கலாம் ....! அடுத்தமுறை அவவும் தேயிலைப் பெட்டியைக் கொண்டுவந்து , இதுதான் கென்டக்கி என்டு விட்டெறியப் போகுது கவனம்...!  

[குமாரசாமி]

மனுசி இதென்னடா புதிசாய் ஒரு மூதேவி கடையுக்கை நிக்கிது எண்டு திட்டிக்கொண்டு போயிருக்கும்......எங்கையும் ரோட்டிலை காணட்டும் உவவுக்கு காட்டுறன் விளையாட்டை...

[ஜீவன் சிவா]

4 minutes ago, குமாரசாமி said:

மனுசி இதென்னடா புதிசாய் ஒரு மூதேவி கடையுக்கை நிக்கிது எண்டு திட்டிக்கொண்டு போயிருக்கும்......எங்கையும் ரோட்டிலை காணட்டும் உவவுக்கு காட்டுறன் விளையாட்டை...

[colomban]

கடை ஒன்று ந‌டத்தும்போது இப்படி பலர் வருவார்கள்.

அந்தபிள்ளை திரும்ப திரும்ப அண்ணனிடம் வாங்குவதா கூறியாதல் அந்த உடனே அண்ணனுக்கு கோல் அடித்து என்ன பொருள் என் விபரமாக‌ கேட்டு இருக்காலாம். இங்கு ஓர் sales opportunity இழக்கப்பட்டுள்ளது.

[மெசொபொத்தேமியா சுமேரியர்]

வருகை தந்து கருத்துக்களைப் பதிந்த பச்சை தந்த சுவி அண்ணா, குமாரசாமி, ஜீவன் சிவா, கொழும்பான், நந்தன், புத்தன் ஆகியோருக்கு மிக நன்றி

[விசுகு]

On 10/06/2016 at 5:19 PM, colomban said:

கடை ஒன்று ந‌டத்தும்போது இப்படி பலர் வருவார்கள்.
அந்தபிள்ளை திரும்ப திரும்ப அண்ணனிடம் வாங்குவதா கூறியாதல் அந்த உடனே அண்ணனுக்கு கோல் அடித்து என்ன பொருள் என் விபரமாக‌ கேட்டு இருக்காலாம். இங்கு ஓர் sales opportunity இழக்கப்பட்டுள்ளது.

நீங்க வேற....

அதுவரைக்கும் யாழையும் முகநூலையும் பார்க்காமல் எப்படி???

(நேற்றுக் காலமை கடையைத் திறந்து இரண்டு மணிநேரம் வேலை செய்கிறேன் என்று முதலாளி நம்பிக்கொண்டு இருக்க முகநூலையும் யாழ் இணையத்தையும் ஓடிஓடிப் பாத்துக்கொண்டு வாறவர்களையும் கவனிச்சுக்கொண்டு இன்னும் ஆறு மணித்தியாலம் இருக்கே என்று மனதுள் நொந்துகொண்டு வேலை செய்துகொண்டிருக்க, 

[மெசொபொத்தேமியா சுமேரியர்]

31 minutes ago, விசுகு said:

நீங்க வேற....

அதுவரைக்கும் யாழையும் முகநூலையும் பார்க்காமல் எப்படி???

(நேற்றுக் காலமை கடையைத் திறந்து இரண்டு மணிநேரம் வேலை செய்கிறேன் என்று முதலாளி நம்பிக்கொண்டு இருக்க முகநூலையும் யாழ் இணையத்தையும் ஓடிஓடிப் பாத்துக்கொண்டு வாறவர்களையும் கவனிச்சுக்கொண்டு இன்னும் ஆறு மணித்தியாலம் இருக்கே என்று மனதுள் நொந்துகொண்டு வேலை செய்துகொண்டிருக்க, 

[Athavan CH]

Der Kunde ist König  (The customer is king)