Jump to content

இலகுவாகவும் இலவசமாகவும் கற்பதைச் சாத்தியமாக்கும் 20 இணையத்தளங்கள்


Recommended Posts

இருபத்தோராம் நூற்றாண்டின் கண்டுபிடிப்புகளுள் மிக முக்கிய நிலை நுட்பமாக இணையத்தை அடையாளம் காணலாம். இந்த இணையத்தைப் பயன்படுத்திப் பல விடயங்கள் சாத்தியமாக்கப்படுகின்ற அமைவுகள் தோற்றுவிக்கப்பட்டுள்ளன.

அதில், உலகத்தரத்திலான உயரிய கல்வியைப் பெற்றுக் கொள்ள வழிசெய்கின்ற இணையத்தின் அமைவு நிலை முதன்மை வாய்ந்தது. உலகின் தலைசிறந்த பல்கலைக்கழகங்களில் போதிக்கப்படும் பாடநெறிகளை, அப்படியாகவே, அந்தப் பல்கலைக்கழகங்கள் இணையத்தின் மூலமாக இலவசமாக அனைவரும் கற்றுக் கொள்ளும் வகையில் வழங்க முன்வந்துள்ளன.

பல்லாயிரக்கணக்கான அமெரிக்க டாலர்களைச் செலவு செய்து, கற்கவேண்டிய பல துறைப் பாடநெறிகளை இலவசமாகக் கற்றுக் கொள்வதற்கான வாய்ப்பை உண்டுபண்ணியுள்ள பல்கலைக்கழகங்களினதும், இணையத் தன்னார்வ அமைப்புகளினதும் இணையத்தளங்களை உங்களுக்காக பட்டியலிடுகின்றேன்.

கற்றுப் பயன்பெறுக. ஒருபோதும் கற்பதை நிறுத்தாதீர்கள்.

  1. Coursera — https://www.coursera.org/
  2. Khan Academy — http://www.khanacademy.org/
  3. edX — https://www.edx.org/
  4. Cambridge in Colour — http://www.cambridgeincolour.com/
  5. Drawspace — http://www.drawspace.com/
  6. Codecademy — http://www.codecademy.com/
  7. Udacity — http://www.udacity.com/
  8. MIT Open Courseware— http://ocw.mit.edu/courses/
  9. University of Reddit — http://ureddit.com/
  10. Alison— http://alison.com/
  11. Open Culture — http://www.openculture.com/
  12. Open YALE Courese — http://oyc.yale.edu/
  13. Zooniverse — https://www.zooniverse.org/
  14. iTunes U — http://www.apple.com/education/ipad/itunes-u/
  15. TED — http://ted.com
  16. Open Learn — http://www.open.edu/openlearn/history-the-arts
  17. Open2study — https://www.open2study.com/
  18. BBC Languages — http://www.bbc.co.uk/languages/
  19. Duolingo — http://www.duolingo.com/
  20. TEDED — http://ed.ted.com/lessons

நண்பர்களோடும் இதனைப் பகிருங்கள். நன்றி.

Medium இலும் இந்தப் பதிவு கிடைக்கிறது. https://medium.com/puthu-nutpam/20-31268c83f99f


 http://www.puthunutpam.com/internet/learn-everything/#ixzz49DkDMLp9

Link to comment
Share on other sites

  • கருத்துக்கள உறவுகள்

பயனுள்ள பதிவு...இணைப்பிற்கு நன்றி ஆதவன்.எனக்குப் பயன்படா விட்டாலும்,எனக்குத் தெரிந்தவர்களுக்குப் பயன்படும்

Link to comment
Share on other sites

  • கருத்துக்கள உறவுகள்
On 5/20/2016 at 1:08 PM, Athavan CH said:

இருபத்தோராம் நூற்றாண்டின் கண்டுபிடிப்புகளுள் மிக முக்கிய நிலை நுட்பமாக இணையத்தை அடையாளம் காணலாம். இந்த இணையத்தைப் பயன்படுத்திப் பல விடயங்கள் சாத்தியமாக்கப்படுகின்ற அமைவுகள் தோற்றுவிக்கப்பட்டுள்ளன.

அதில், உலகத்தரத்திலான உயரிய கல்வியைப் பெற்றுக் கொள்ள வழிசெய்கின்ற இணையத்தின் அமைவு நிலை முதன்மை வாய்ந்தது. உலகின் தலைசிறந்த பல்கலைக்கழகங்களில் போதிக்கப்படும் பாடநெறிகளை, அப்படியாகவே, அந்தப் பல்கலைக்கழகங்கள் இணையத்தின் மூலமாக இலவசமாக அனைவரும் கற்றுக் கொள்ளும் வகையில் வழங்க முன்வந்துள்ளன.

பல்லாயிரக்கணக்கான அமெரிக்க டாலர்களைச் செலவு செய்து, கற்கவேண்டிய பல துறைப் பாடநெறிகளை இலவசமாகக் கற்றுக் கொள்வதற்கான வாய்ப்பை உண்டுபண்ணியுள்ள பல்கலைக்கழகங்களினதும், இணையத் தன்னார்வ அமைப்புகளினதும் இணையத்தளங்களை உங்களுக்காக பட்டியலிடுகின்றேன்.

கற்றுப் பயன்பெறுக. ஒருபோதும் கற்பதை நிறுத்தாதீர்கள்.

  1. Coursera — https://www.coursera.org/
  2. Khan Academy — http://www.khanacademy.org/
  3. edX — https://www.edx.org/
  4. Cambridge in Colour — http://www.cambridgeincolour.com/
  5. Drawspace — http://www.drawspace.com/
  6. Codecademy — http://www.codecademy.com/
  7. Udacity — http://www.udacity.com/
  8. MIT Open Courseware— http://ocw.mit.edu/courses/
  9. University of Reddit — http://ureddit.com/
  10. Alison— http://alison.com/
  11. Open Culture — http://www.openculture.com/
  12. Open YALE Courese — http://oyc.yale.edu/
  13. Zooniverse — https://www.zooniverse.org/
  14. iTunes U — http://www.apple.com/education/ipad/itunes-u/
  15. TED — http://ted.com
  16. Open Learn — http://www.open.edu/openlearn/history-the-arts
  17. Open2study — https://www.open2study.com/
  18. BBC Languages — http://www.bbc.co.uk/languages/
  19. Duolingo — http://www.duolingo.com/
  20. TEDED — http://ed.ted.com/lessons

நண்பர்களோடும் இதனைப் பகிருங்கள். நன்றி.

Medium இலும் இந்தப் பதிவு கிடைக்கிறது. https://medium.com/puthu-nutpam/20-31268c83f99f


 http://www.puthunutpam.com/internet/learn-everything/#ixzz49DkDMLp9

இதில் கான் அக்கடமி அலிசன் இரண்டும் நான் ஏற்கனவே பாவிக்கிறேன் 
மற்றவையையும் அறிய தந்தற்கு நன்றிகள் !

Link to comment
Share on other sites

  • 3 months later...
On 20.5.2016 at 8:08 PM, Athavan CH said:

இருபத்தோராம் நூற்றாண்டின் கண்டுபிடிப்புகளுள் மிக முக்கிய நிலை நுட்பமாக இணையத்தை அடையாளம் காணலாம். இந்த இணையத்தைப் பயன்படுத்திப் பல விடயங்கள் சாத்தியமாக்கப்படுகின்ற அமைவுகள் தோற்றுவிக்கப்பட்டுள்ளன.

அதில், உலகத்தரத்திலான உயரிய கல்வியைப் பெற்றுக் கொள்ள வழிசெய்கின்ற இணையத்தின் அமைவு நிலை முதன்மை வாய்ந்தது. உலகின் தலைசிறந்த பல்கலைக்கழகங்களில் போதிக்கப்படும் பாடநெறிகளை, அப்படியாகவே, அந்தப் பல்கலைக்கழகங்கள் இணையத்தின் மூலமாக இலவசமாக அனைவரும் கற்றுக் கொள்ளும் வகையில் வழங்க முன்வந்துள்ளன.

பல்லாயிரக்கணக்கான அமெரிக்க டாலர்களைச் செலவு செய்து, கற்கவேண்டிய பல துறைப் பாடநெறிகளை இலவசமாகக் கற்றுக் கொள்வதற்கான வாய்ப்பை உண்டுபண்ணியுள்ள பல்கலைக்கழகங்களினதும், இணையத் தன்னார்வ அமைப்புகளினதும் இணையத்தளங்களை உங்களுக்காக பட்டியலிடுகின்றேன்.

கற்றுப் பயன்பெறுக. ஒருபோதும் கற்பதை நிறுத்தாதீர்கள்.

 

  1. Khan Academy — http://www.khanacademy.org

நாம் ஏன் 'கான் அகாடமி' பாடத்திட்டத்தை வரித்துக்கொள்ளக் கூடாது?

send_3002084f.jpg
 

உலகளாவிய வலைக்கல்வி முறைகளோடு நமது கல்வித் திட்டத்தை இணைத்தால் தீர்வு காண இயலும்

கல்வியாளர் எஸ். எஸ். இராஜகோபாலனுடைய பேட்டியைப் படித்தேன் ( ‘தி இந்து’ - 24, 25 ஆகஸ்ட் 2016). முக்கியமான பேட்டி. அது சார்ந்து சில கருத்துகளைப் பகிர்ந்துகொள்ள வேண்டும் என்று நினைக்கிறேன். கல்வித் துறையில் ஆழ்ந்த அறிவும், நீண்ட அனுபவமும் கொண்ட அவருடைய புதிய கல்விக் கொள்கை பற்றிய சுருக்கமான, எனினும் மிகக் கூர்மையான பெரும்பான்மைக் கருத்துகளை நான் ஏற்றுக்கொண்டு வழிமொழிகிறேன். எனினும், அவர் சொல்லியிருப்பதைவிட, மிக அதிகமாகவே இன்றைக்கு நம்முடைய பள்ளி/கல்லூரி ஆசிரியர்களின் தரம் - சில விதிவிலக்குகள் இருந்தாலும் - வீழ்ந்திருப்பதாகவே நான் நினைக்கிறேன்.

தான் கற்பிக்கும் பாடம் சொல்லும் பொருள் பற்றி மாதத்துக்கு ஒரு புத்தகம்கூடப் படிக்காத எண்ணற்ற கல்லூரி ஆசிரியர்களை என் அரசுப் பணியின்போது சந்தித்திருக்கிறேன். மாணவர்கள் தேர்வின்போது 75% மதிப்பெண்களைப் பல்கலைக்கழகத் தேர்வின் மூலமும், 25% மதிப்பெண்களைப் பாடம் நடத்தும் ஆசிரியர்களே வழங்குவதன் மூலமும் தீர்மானிக்கலாம் என்கிற நல்ல திட்டத்தை, மதிப்பெண்களை வாரி வாரி வழங்குவதன் வழியாக, மாணவர்களிடம் நல்ல பெயர் வாங்கிக்கொண்டு அந்தத் திட்டத்தையே குட்டிச்சுவராக்கியவர்கள்தான் நம் கல்லூரி ஆசிரியர்கள்.

கல்வி மாற்றமும் சமூக மாற்றமும்

இப்போதைய கல்வி வர்த்தகர்களின் ஆதிக்கத்தை எதிர்க்க வேண்டுமானால், சமூக மாற்றம் ஏற்பட்டால்தான் கல்வி மாற்றம் ஏற்படும் என்கிற அவர் கருத்தில் எனக்கு உடன்பாடு உண்டு. அதேசமயம், சமூக மாற்றத்துக்கும் கல்வி மாற்றத்துக்கும் உள்ளது ஒருவழித் தொடர்பன்று. பல சமயங்களில், கல்வி மாற்றமும் சமூக மாற்றத்துக்கு வழிகோலியிருக்கிறது. நம் விடுதலைக்கான போராட்டத்தின் அடித்தளமே தனி மனித சுதந்திரம், உரிமைகள் பற்றிய விழுமியங்கள் கல்வியினால் நம் மக்கள் பெற்றதன் மூலம் வந்ததுதான் என்பது என் நம்பிக்கை.

2002-ல் காலஞ்சென்ற பேராசிரியர் பிரமானந்தா அவர்களைச் சிறப்புச் செய்யும் நோக்கத்தோடு வெளியிடப்பட்ட நூலில், பெரும்பாலான கல்லூரி ஆசிரியர்களின் நிலை பற்றி இவ்வாறு குறிப்பிட்டிருந்தேன்:

“அவர்களிடம் படிக்கும் மாணவர்களை அவர்கள் தேர்ந்தெடுப்பதில்லை. அந்த ஆசிரியரை அந்த மாணவர்களும் தேர்ந்தெடுப்பதில்லை. கல்லூரி ஆசிரியர்கள் தங்களை மேன்மைப்படுத்தப்பட்ட ‘டேப் ரெக்கார்டர்’களாக உருமாற்றம் செய்துகொள்ள வேண்டும். தாங்கள் உருவாக்காத, வேறு எவராலோ தீர்மானிக்கப்பட்ட, ஒரு பாடத்திட்டத்தின் அடிப்படையில், அதற்கு வேறு எவர்களாலோ மாணவர்களின் ஜீரணத் துக்கு உகந்ததான வகையில் எழுதப்பட்ட கடைத்தெருக் குறிப்புரைகளை கிளிப்பிள்ளைபோல் திரும்பத் திரும்ப ஒப்பிக்க வேண்டும். மார்க் ifவெயின் கூறியிருக்கிறபடி ‘ஆசிரியர்களின் நோட்டுப் புத்தகங்களிலிருக்கும் செய்திகள், அவர்களின் மாணவர்களின் நோட்டுப் புத்தகங்களுக்கு, இருவரின் மூளைக்குள்ளேயும் நுழையாமலே, இடமாற்றம் நடக்க வேண்டும்!’

அந்நியப்படும் கல்லூரி அமைப்பு

அவர்கள் பாடம் நடத்திய பொருள்குறித்து, வேறு எவரோ தயாரித்த கேள்விகளுக்கு அவர்களின் மாணவர் கள் விடையளிக்கும் தேர்வுகளை மேற்பார்வையிடும் பணி மாத்திரம் அவர்களுடையது. அவர்கள் திருத்தும் விடைத்தாள்கள் அவர்களின் மாணவர்களினால் எழுதப்பட்டவை அன்று. அவர்களின் மாணவர்களின் விடைத்தாள்களை வேறெவரோதான் திருத்தி மதிப்பிடுவார்கள்.

மாணவர்கள் தேர்வில் வெற்றிபெற்றார்களா, தோல்வி யுற்றார்களா என்பதை அந்த ஆசிரியர்கள் தீர்மானிக்க மாட்டார்கள். அதைச் செய்வது ஒரு மையப்படுத்தப்பட்ட அமைப்பின் பணி. இந்தியத் துணைக் கண்டம் தவிர, இப்படி ஆசிரியர்களும் மாணவர்களும் அந்நியமாயிருக்கும் கல்லூரி அமைப்பு உலகில் வேறெங்கும் இருப்பதாக எனக்குத் தெரியவில்லை.”

இப்போது அறிவித்திருக்கும் கல்விக் கொள்கையிலும் இந்தப் பிரச்சினைக்குத் தீர்வு எதுவுமில்லை. இப்போதைக்கு இதையெல்லாம் மாற்றியமைக்கும் ஒரு கல்விக் கொள்கையை நடைமுறைப்படுத்த முடியுமா என்பதிலும் எனக்கு ஐயமிருக்கிறது.

காணொளியில் பாடங்கள்

இணையத்தின் வழியாகத் தொலைதூரக் கல்வி நமக்கு விடிவுகாலம் தரலாம் என்பதில் என் முழு நம்பிக்கையும் அடங்கியிருக்கிறது. ஆரம்பநிலைக் கல்வி, பள்ளிக் கல்வி, கல்லூரிக் கல்வி, ஆய்வுகள் ஆகிய அனைத்துக் களங்களிலும் உலகளாவிய வலைக்கல்வி முறைகளைத் தொடக்க, பள்ளி, மற்றும் கல்லூரிக் கல்வித் திட்டங்களோடு இணைப்பதால் நம் பிரச்சினைகளுக்கு ஒரு தற்காலிகமான ஏற்கத்தக்க தீர்வு காண இயலும் என்று நம்புகிறேன்.

உலகெங்கிலும், பல்வேறு நாடுகளில் உள்ள பள்ளிகள் ‘கான்’ஸ் அகாடமி (www.khanacademy. org) காணொளிக் காட்சிப் பாடங்களைத் தங்கள் பாடங் களோடு இணைத்தும், வீட்டுப்பாடத்துக்காகவும் பெரு மளவில் பயன்படுத்துகின்றன. அவை பல மொழி களில் மொழிபெயர்க்கப்பட்டிருக்கின்றன. தமிழிலும் சில காணொளிகள் மொழிபெயர்க்கப்பட்டிருக்கின்றன என்றாலும், அவை பரவலாகப் பயன்பாட்டுக்கு வரவில்லை.

2014-ல் கான்ஸ் அகாடமி காணொளிகளின் எண்ணிக்கை 5,000 அளவிலேயே இருந்தது. இப்போது 6,000 ஆக இருக்கலாம். ஒவ்வொரு காணொளியும் 5-ல் இருந்து 20 மணித்துளி நேரமே ஓடுகின்றன. அவற்றை மொழிபெயர்க்க ஒரு காணொளிக்கு ரூ.1,000 செலவாகும் என்றாலும், மொத்தச் செலவு ரூ.10 கோடிக்குள் அடங்கிவிடும் என்பது என் கணக்கு. தொடக்கக் கல்வியிலிருந்து உயர் நிலைக் கல்வி வரை பல துறைகளுக்கு அவர்கள் பாடங்கள் கொடுத்திருக்கிறார்கள். அவர்கள் நிறுவனம் இலவசமாக வழங்குவதுபோலவே, மொழிபெயர்த்த அந்தப் பாடங்களை நம் கல்வித் துறை இலவசமாக இணையம் மூலம் வழங்கலாம். அது ஒரு மிகப் பெரிய கல்வித் தொண்டாக அமையும்.

கல்வித் தொண்டில் காணொளி

கான்ஸ் அகாடமியின் காணொளிகளை நான் ஒரு எடுத்துக்காட்டாகத்தான் காட்டியிருக்கிறேன். பள்ளிக் கல்விக்கே வேறு பல தொலைதூரக் கல்வித் திட்டங்கள் இணையத்தில் கிடைக்கின்றன. கல்லூரிப் பாடத்திட்டங்களுக்கும் இவை ஒரு எலும்புக்கூடுபோல (www.mooc-list.com) கிடைக்கின்றன. ஒருபொருளாதார ஆசிரியன் என்கிற முறையில் நான் இந்தக் காணொளிகளை (www.mruniversity.com) அனைத்துப் பொருளியல் மாணவர்களுக்கும் பரிந்துரைப்பேன்.

இந்த எலும்புக்கூடுகளை உலகின் பல்வேறு நாட்டு மாணவர்களும் பயன்படுத்துகிறார்கள் என்பதால், அவற்றின் பொதுத்தன்மை அங்கீகரிக்கப்பட்டுள்ளது. அந்த எலும்புக்கூடுகளுக்கு மேல் சதையும் நரம்பும் குருதியும் சேர்த்து உயிரூட்டுவதை நம் கல்வி நிபுணர்கள் செய்வார்களானால், அது அந்தப் பாடத்திட்டங்களை நம் தேவைகளுக்கேற்ற வகையில் மாற்றியமைக்கும் வழியாகலாம். இப்படிச் செய்வது நடைமுறைக்கு உகந்ததாகவும் அமையும்.

இதில் வேறொரு பெருநன்மையும் அடங்கியிருக்கிறது. பள்ளியிலோ, கல்லூரியிலோ ஆசிரியர்கள் காணொளி களின் உள்ளடக்கங்களைச் சரியாக விளக்கவில்லை என்றாலும்,மாணவர்கள் மற்றவர் உதவியுடன் அவற்றைப் புரிந்துகொள்ள இவை வழி அமைத்துக் கொடுக்கின்றன. விடாமுயற்சியுடைய மாணவர்கள் தாங்களாகவே அவற்றைப் புரிந்துகொள்ள வாய்ப்பிருக்கிறது. ஊருக்கு ஊர் ‘கற்பிக்கும் மையங்கள்’இதற்காகத் தோன்றினாலும் வியப்பொன்றும் இல்லை. அவை முற்றுரிமை விலைகள் வசூலிக்க இயலாது. ஏனெனில், இந்தக் காணொளிகளை நன்கு புரிந்துகொண்ட எவர் வேண்டுமானாலும் ‘கற்பிக்கும் மையம்’ தொடங்கலாம். நிறையப் போட்டி வரலாம். சுருக்கமாகச் சொன்னால், மோசமான ஆசிரியர்களை எளிதில் இனங்கண்டுகொள்ள இந்தக் காணொளிகள் ஓரளவு உதவும்.

கல்லூரிகளையும் பள்ளிகளையும் இவை இடப்பெயர்ச்சி செய்ய இயலாது. ஆனால், கல்லூரிகளையும் பள்ளிகளையும் திறன்மிக்கதாக ஆக்குவதற்கு இவை ஒரு பற்றாக்குறை நிரப்பும் சக்தியாக இயங்க இயலும். எனவே, நடைமுறை சாத்தியமான இந்த முயற்சியை மேற்கொள்வதற்குப் பரிசீலனை செய்ய வேண்டும்.

- எஸ்.நீலகண்டன், பொருளியலாளர், எம்ஐடிஎஸ் முன்னாள் இயக்குநர்,

தொடர்புக்கு: neelakantanster@gmail.com

http://tamil.thehindu.com/opinion/columns/நாம்-ஏன்-கான்-அகாடமி-பாடத்திட்டத்தை-வரித்துக்கொள்ளக்-கூடாது/article9084360.ece?homepage=true&theme=true

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • 5 எள்ளு பாகுகள் பாக்கெட்டில் அடைத்து லேபல் ஒட்டி - வீட்டில் போய் வாங்கினால் ரூ 200 ( 50 பென்ஸ்). இலண்டனில் தமிழ் கடையில் குறைந்தது £3.50? ஏற்றுமதி செலவை கழித்து பார்த்தாலும்? பிகு எள்ளை இடித்து மாவாக்கி பிசையும் உருண்டை. எள்ளுருண்டை அல்ல.
    • அவள் ஒருநாள் வீதியோரம் கூடை நிறைந்த கடவுளர்களை கூவிக் கூவி விற்றுக்கொண்டிருந்தாள்   போவோர் வருவோரிடம் 'கடவுள் விற்பனைக்கு' என்று கத்திச் சொன்னாள்   அவள் சொன்னதை யாரும் கவனித்ததாகத் தெரியவில்லை   பிள்ளை பாலுக்கு அழுதது கடவுளர்களின் சுமை அவளின் தலையை அழுத்தியது   'கடவுள் விற்பனைக்கு' அவள் முகம் நிறைந்த புன்னகையுடன் மீண்டும் கூவினாள்   கடவுள் மீது விருப்புற்ற பலரால் கடவுள் அன்று பேரம் பேசப்பட்டார்   அந்நாளின் முடிவில் அவளின் வேண்டுதலை ஏற்றுக் கடவுளர்கள் அனைவரும் விலை போயினர்     தியா - காண்டீபன் மார்ச் 29, 2024 காலை 7:20
    • வருகை, கருத்துக்கு நன்றி. இரெண்டு வாரம் இல்லை. மாதம். ஆனால் இதை வைத்தும் கணிக்க முடியாதுதான். ஒரு ஊக கணிப்புத்தான். பேசிய பலரும் யாருக்கும் வாக்களிக்காத மனநிலையில், ஒதுங்கி போவதாகவே இருந்தார்கள். இவர்கள் வீட்டில் இருக்க, சலுகை அரசியலை விரும்புவோர் வாக்களித்தால் யாழில் தமிழ் தேசிய எம்பிகள் அளவு குறையும் என நினைக்கிறேன்.  ஜேவிபி க்கு முன்னர் இல்லாத ஆதரவு யாழில் உள்ளது. பிள்ளையார் இன்னில் அண்மையில் கூட்டம் வைத்து, உள்ளூர் பிரமுகர்கள் பலரும் சமூகமாகி இருந்தனர்.
    • சிறப்பான கவிதை... மகிழ்ச்சியாக இருங்கள் 
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.