இங்கிலாந்துக்கான டெஸ்ட் குழாமில் தசுன் ஷானக, தனஞ்சய டி சில்வா

[நவீனன்]

இங்கிலாந்துக்கான டெஸ்ட் குழாமில் தசுன் ஷானக, தனஞ்சய டி சில்வா

 

இங்கிலாந்து செல்லவுள்ள இலங்கை டெஸ்ட் குழாம் அறிவிக்கப்பட்டுள்ளது. அறிவிக்கப்பட்டுள்ள குழாமில், புதுமுக வீரர்களான தசுன் ஷானக, தனஞ்சய டி சில்வா ஆகியோர் சேர்க்கப்பட்டுள்ளனர். அஞ்சலோ மத்தியூஸ் தலைமையில் 17 பேர் கொண்ட குழாமாக அறிவிக்கப்பட்டுள்ள இந்தக் குழாம், அனுபவம் குறைவான ஓர் அணியாக இங்கிலாந்துக்குச் செல்லவுள்ளது.

தனஞ்சய டி சில்வா, உள்ளூர்ப் போட்டிகளில் தமிழ் யூனியன் கழகம் சார்பாகச் சிறப்பான துடுப்பாட்டத்தை வெளிப்படுத்தியிருந்தார். தசுன் ஷானக, இப்பருவகாலத்தில் 3 போட்டிகளில் மாத்திரமே பங்குபற்றியிருந்தார். எனவே, அவரது உள்ளடக்கம், சிறிது ஆச்சரியத்தை ஏற்படுத்தியுள்ளது.

தவிர, விக்கெட் காப்பாளர்களான குசால் மென்டிஸ், நிரோஷன் டிக்வெல்ல, கௌஷால் சில்வா ஆகியோருக்கும் இடம் வழங்கப்பட்டுள்ளது. இதில் கௌஷால் சில்வா, தலையில் பந்து தாக்கி, வைத்தியசாலையில் அனுமதிக்கப்பட்ட நிலையில், அதிலிருந்து முழுமையாகக் குணமடைந்துள்ளதால், இக்குழாமில் சேர்க்கப்பட்டுள்ளார்.

வேகப்பந்து வீச்சாளர்களாக தம்மிக்க பிரசாத், நுவான் பிரதீப், ஷமின்ட எரங்க, சுரங்க லக்மமால், துஷ்மந்த சமீர ஆகியோர் சேர்க்கப்பட்டுள்ளனர். இதில் ஷமின்ட எரங்க, 16 மாதங்களின் பின்னர் டெஸ்ட் போட்டியொன்றுக்காகச் சேர்க்கப்பட்டுள்ளார். காயம் காரணமாக அதிகம் பாதிக்கப்பட்ட அவர், குணமடைந்து, உள்ளூர்ப் போட்டிகளில் சிறப்பான பெறுபேற்றை வெளிப்படுத்தியதைத் தொடர்ந்து சேர்க்கப்பட்டுள்ளார்.

சுழற்பந்து வீச்சாளர்களாக ரங்கன ஹேரத், டில்ருவான் பெரேரா ஆகியோர் சேர்க்கப்பட்டுள்ளனர். உலக இருபதுக்கு-20 தொடரில் சிறப்பாகச் செயற்பட்ட ஜெப்றி வன்டர்சே மற்றும் தனக்குக் கிடைத்த டெஸ்ட் வாய்ப்புகளில் சிறப்பாகச் செயற்பட்ட தரிந்து கௌஷால் ஆகியோருக்கு இடங்கிடைக்கவில்லை.

இடதுகைத் துடுப்பாட்ட வீரரான லஹிரு திரிமான்ன, இத்தொடருக்காக அறிவிக்கப்பட்ட 20 பேர் கொண்ட தற்காலிகக் குழாமில் சேர்க்கப்பட்டிருக்காத போதிலும், தற்போது 17 பேர் கொண்ட இக்குழாமில் சேர்க்கப்பட்டுள்ளார். அண்மைக்காலமாக, டெஸ்ட் போட்டிகளில் அவர் பிரகாசித்திருக்காத நிலையிலேயே (இறுதி 25 இனிங்ஸ்களில் 19.26 என்ற சராசரி), அவரது உள்ளடக்கம் அமைந்துள்ளது.

இத்தொடரின் முதலாவது பயிற்சிப் போட்டி மே 8ஆம் திகதி ஆரம்பிக்கவுள்ளதோடு, முதலாவது டெஸ்ட் போட்டி, மே 19ஆம் திகதி ஆரம்பிக்கவுள்ளது. 3 டெஸ்ட் போட்டிகள் கொண்ட தொடராக இது அமையவுள்ளது.
இருதரப்பு டெஸ்ட் தொடரொன்றுக்காக இலங்கை அணி இறுதியாக 2014ஆம் ஆண்டு இங்கிலாந்துக்குச் சென்றிருந்த போது, 2 போட்டிகள் கொண்ட டெஸ்ட் தொடரை 1-0 என்ற கணக்கில் வெற்றிகொண்டிருந்தமை குறிப்பிடத்தக்கது.

- See more at: http://www.tamilmirror.lk/170899#sthash.VdC4Cf5o.dpuf

[நவீனன்]

இங்கிலாந்துக்கான இலங்கை டெஸ்ட் கிரிக்கெட் குழாமில் பத்து துடுப்பாட்டக்காரர்கள், ஏழு பந்துவீச்சாளர்கள்

2016-04-29 10:29:45

(நெவில் அன்­தனி)

 

இங்­கி­லாந்­துக்கு எதி­ராக ஆங்­கி­லேய மண்ணில் நடை­ பெ­ற­வுள்ள மூன்று போட்­டிகள் கொண்ட டெஸ்ட் தொடரை முன்­னிட்டு தெரிவு செய்­யப்­பட்­டுள்ள 17 வீரர்­களைக் கொண்ட இலங்கை கிரிக்கெட் குழாமில் 10 துடுப்­பாட்­டக்­கா­ரர்­களும் 7 பந்­து­வீச்­சா­ளர்­களும் உள்­ள­டக்­கப்­பட்­டுள்­ளனர்.

 

 

இரண்டு வரு­டங்­க­ளுக்கு முன்னர் இங்­கி­லாந்தை அதன் சொந்த மண்ணில் முதல்  தட­வை­யாக டெஸ்ட் தொடரில் வெற்­றி­கொண்ட ஏஞ்­சலோ மெத்யூஸ் தலை­மை­யி­லான இலங்கை அணியில் இடம்­பெற்ற இரு­வரைத் தவிர மற்­றைய அனை­வரும் குழாமில் இடம்­பெ­று­கின்­றனர்.

 

மஹேல ஜய­வர்­தன, குமார் சங்­கக்­கார ஆகிய இரு­வரும் ஓய்வு பெற்­று­விட்ட நிலையில் இங்­கி­லாந்தை ஹெடிங்லே அரங்கில் வீழ்த்­திய அணியில் இடம்­பெற்ற தலைவர் ஏஞ்­சலோ மெத்யூஸ், திமுத் கரு­ணா­ரட்ன, கௌஷால் சில்வா, லஹிரு திரி­மான்ன, தினேஷ் சந்­திமால், தம்­மிக்க பிரசாத், ரங்­கன ஹேரத், ஷமிந்த எரங்க, நுவன் பிரதீப் ஆகியோர் தற்­போ­தைய குழா­மிலும் இடம்­பெ­று­கின்­றனர்.

 

உபா­தை­யி­லி­ருந்து மீண்­டுள்ள லஹிரு திரி­மான்ன உத்­தேச குழாமில் இடம்­பெ­றாத நிலையில் பிர­தான குழாமில் இணைத்­துக்­கொள்­ளப்­பட்­டுள்ளார்.

 

இது­வரை டெஸ்ட் போட்­டி­களில் விளை­யா­டாமல் இருக் கும் சக­ல­துறை வீரர்­க­ளான தனஞ்­செய டி சில்வா, தசுன் ஷானக்க ஆகியோர் புது­மு­கங்­க­ளாக குழாமில் இணைத்­துக்­கொள்­ளப்­பட்­டுள்­ளனர்.

 

இவ்வருடம் ப்றீமியர் லீக் கிரிக்கெட் போட்­டி­களில் சம்­பி­ய­னான தமிழ் யூனியன் கழ­கத்­திற்­காக விளை­யா­டிய தனஞ்­செய டி சில்வா, பத்து போட்­டி­களில் 3 சதங்கள், 4 அரைச் சதங்கள் அடங்­க­லாக 868 ஓட்­டங்­களைக் குவித்­த­துடன் 34 விக்­கெட்­க­ளையும் கைப்­பற்­றி­யி­ருந்தார். 

 

இருவர் புதுமுகங்கள்

தமிழ் யூனியன் அணியில் இடம்­பெற்ற முன்னாள் இலங்கை வீரர் தரங்க பர­ண­வித்­தாரன 3 சதங்கள், 5 அரைச் சதங்­க­ளுடன் 953 ஓட்­டங்­களைக் குவித்­த­போ­திலும் துர­தி­ருஷ்­ட­வ­ச­மாக அவ­ருக்கு இடம்­ கி­டைக்­க­வில்லை.

 

அதே­வேளை ஐந்து ப்றீமியர் லீக் இன்­னிங்ஸ்­களில் மாத்­திரம் விளை­யா­டிய தசுன் ஷானக்­க­வுக்கு இடம் வழங்­கப்­பட்­டுள்­ளமை ஆச்­ச­ரியம் தரு­வ­தாக அமைந்­துள்­ளது.

 

தெரிவு செய்­யப்­பட்­டுள்ள இலங்கை கிரிக்கெட்  குழாமில் ஏஞ்­சலோ மெத்யூஸ், உதவித் தலைவர் தினேஷ் சந்­திமால், திமுத் கரு­ணா­ரட்ன, கொஷால் சில்வா, குசல் மெண்டிஸ். லஹிரு திரி­மான்ன, தனஞ்­செய டி சில்வா, மிலிந்த சிறி­வர்­தன, நிரோஷன் டிக்­வெல்ல, தசுன் ஷானக்க ஆகிய பத்து துடுப்­பாட்­டக்­கா­ரர்கள் இடம்­பெ­று­கின்­றனர். இவர்­களில் சந்­திமால், கௌஷால் சில்வா, டிக்­வெல்ல ஆகியோர் விக்­கெட் ­காப்­பா­ளர்­களும் ஆவர்.

 

தம்­மிக்க பிரசாத், நுவன் பிர­ரதீப், ஷமிந்த எரங்க, சுரங்க லக்மால், துஷ்­மன்த சமீர ஆகிய ஐந்த வேகப்­பந்து வீச்­சா­ளர்­களும் ரங்­கன ஹேரத், டில்­ருவன் பெரேரா ஆக இரண்டு சுழல்­பந்­து ­வீச்­சா­ளர்­களும் குழாமில் பெய­ரி­டப்­பட்­டுள்­ளனர்.

 

இங்­கி­லாந்­துக்கு எதிர்­வரும் மே 4 ஆம் திகதி புறப்­பட்டுச் செல்லும் இலங்கை அணி அங்கு டெஸ்ட் தொடருக்கு முன்னர் இரண்டு பயிற்சிப் போட்டிகளில் விளையாடும்.

 

முதலாவது இன்வெஸ்டெக் டெஸ்ட் ஹெடிங்லே (மே 19-–23)
இரண்டாவது இன்வெஸ்டெக் டெஸ்ட் செஸ்டர்-லீ-ஸ்ட்ரீட் (மே 27-–31)
மூன்றாவது இன்வெஸ்டெக் டெஸ்ட் லோர்ட்ஸ் (ஜூன் 9-–13)

- See more at: http://www.metronews.lk/article.php?category=sports&news=16312#sthash.Cb1vI6Zy.dpuf