Jump to content

ஐ.நா தீர்மானத்தை நடைமுறைப்படுத்த நடவடிக்கை எடுங்கள்! : உசைனிடம் கூட்டமைப்பு வலியுறுத்து!


Recommended Posts

ஐ.நா தீர்மானத்தை நடைமுறைப்படுத்த நடவடிக்கை எடுங்கள்! : உசைனிடம் கூட்டமைப்பு வலியுறுத்து!
 
 
ஐ.நா தீர்மானத்தை நடைமுறைப்படுத்த நடவடிக்கை எடுங்கள்! : உசைனிடம் கூட்டமைப்பு வலியுறுத்து!
ஐ.நா வின் இலங்கை தொடர்பான தீர்மானத்தை முழுமையாக நடைமுறைப்படுத்த நடவடிக்கை எடுக்க வேண்டும் என தமிழ் தேசியக் கூட்டமைப்பு ஐ.நா மனித உரிமைகள் ஆணையாளரிடம் கோரிக்கை விடுத்துள்ளது.
 
இலங்கைக்கு விஜயம் செய்துள்ள ஐ.நா மனித உரிமைகள் ஆணையாளர் செயிட் அல் ஹுசைனை இன்று கொழும்பில் வைத்து சந்தித்த தமிழ் தேசியக் கூட்டமைப்பினர் இந்தக் கோரிக்கையை வலியுறுத்தியுள்ளனர்.
 
தமிழ்த் தேசியக் கூட்டமைப்பின் தலைவர் இரா. சம்பந்தன் தலைமையில் கூட்டமைப்பின் நாடாளுமன்ற உறுப்பினர்களான மாவை சேனாதிராஜா, எம்.ஏ.சுமந்திரன், செல்வம் அடைக்கலநாதன், தர்மலிங்கம் சித்தார்த்தன் ஆகியோர் இந்த சந்திப்பில் கலந்து கொண்டனர்.
 
இறுதிக்கட்டப் போரின் போது இடம்பெற்றுள்ள போர்க்குற்றங்கள் உட்பட மோசமான மனித உரிமை மீறல்கள் தொடர்பில் வெளிநாட்டு நீதிபதிகள், வழக்குத் தொடுநர்கள், சட்டத்தரணிகள் ஆகியோரின் பங்களிப்புடன் கலப்பு நீதிமன்ற விசாரணைக் கட்டமைப்பொன்றை ஏற்படுத்த இலங்கை அரசாங்கம் நடவடிக்கை எடுக்க வேண்டும் என்று ஐ.நா மனித உரிமைகள் பேரவையின் கடந்த செப்டெம்பர் மாத கூட்டத் தொடரில் நிறைவேற்றப்பட்ட தீர்மானத்தில் வலியுறுத்தப்பட்டிருந்தது.
 
எனினும் வெளிநாட்டு நீதிபதிகளை அனுமதிக்கப் போவதில்லை ஜனாதிபதி மைத்திரிபால சிறிசேன கடந்த மாதம் பகிரங்கமாக அறிவித்திருந்தார்.
 
இந்த நிலையிலேயே ஐ.நா தீர்மானத்தில் குறிப்பிட்டுள்ளதற்கு அமைய வெளிநாட்டு நீதிபதிகளின் பங்களிப்புடனான கலப்பு நீதிமன்ற விசாரணைக் கட்டமைப்பை அமைத்து போர்க்குற்றங்கள் தொடர்பில் விசாரணை நடத்துமாறு இலங்கை அரசாங்கத்திற்கு அழுத்தம் கொடுக்க வேண்டும் என்றும் தமிழ்த் தேசியக் கூட்டமைப்பின் தலைவர் தலைமையிலான பிரதிநிதிகள் ஐ.நா மனித உரிமைகள் ஆணையாளரிடம் கோரிக்கை விடுத்துள்ளனர்.
 
அது மாத்திரமன்றி இனப்பிரச்சினைக்கு அரசியல் தீர்வொன்றை ஏற்படுத்தவும் ஆணையாளர் தம்மாலான அனைத்து நடவடிக்கைகளையும் மேற்கொள்ள வேண்டும் என்றும் கூட்டமைப்பினர் வலியுறுத்தியுள்ளனர்.
 
இன்றைய சந்திப்பின் போது காணாமல்போனோர், அரசியல் கைதிகளின் விடுதலை மற்றும் இராணுவம் கையகப்படுத்தி வைத்துள்ள காணிகளை விடுவிப்பது குறித்த விடயங்கள் தொடர்பிலும் விரிவாக ஆராயப்பட்டதாக தமிழ்த் தேசியக் கூட்டமைப்பின் தலைவர் இரா.சம்பந்தன் தெரிவித்தார்.
 
                                                            samanthan-hosain.jpg
 
Link to comment
Share on other sites

மீள்குடியேற்றத்திற்கு ஏன் தாமதம்? ததேகூ-விடம் கேள்வி எழுப்பிய ஹுசைன்!

 

போரினால் பாதிக்கப்பட்ட மக்களின் மீள்குடியேற்ற நடவடிக்கைகளில் ஏற்பட்டுள்ள தாமதத்திற்கான காரணம் குறித்து தமிழ்த் தேசியக் கூட்டமைப்பினரிடம், ஐக்கிய நாடுகள் மனித உரிமை ஆணையாளர் ஹூசைன் கேள்வி எழுப்பியுள்ளார்.

எதிர்க்கட்சி தலைவர் இரா.சம்பந்தன் மற்றும் தமிழ்த் தேசியக் கூட்டமைப்பின் உறுப்பினர்கள் ஐக்கிய நாடுகள் மனித உரிமை ஆணையாளர் செய்ட் அல் ஹூசைனை சந்தித்து பேச்சுவார்த்தை நடத்தியுள்ளனர். இந்த சந்திப்பு கொழும்பிலுள்ள நட்சத்திர விடுதியொன்றில் இன்று காலை நடைபெற்றது.
 

sampanthan-%20UN%20Hussian.jpg

இந்த சந்திப்புக்கு பின்னர் செய்தியாளர்களிடம் பேசிய  கூட்டமைப்பின் தலைவர் சம்பந்தன், வடக்கு மற்றும் கிழக்கு மாகாண மக்கள் எதிர்நோக்கும் பிரச்னைகள் தொடர்பாக பேசியதாகவும், இந்த பிரச்னைகளுக்கு அரசிடம் பேச்சுவார்த்தை நடத்தி உரிய தீர்வை பெற்றுத் தருவதாக மனித உரிமை ஆணையாளர் தமக்கு உறுதியளித்ததாகவும் தெரிவித்தார்.

அத்துடன், அரசியல் கைதிகள் மற்றும் மீள்குடியேற்றம் தொடர்பாக இன்றைய தினம் பேசியதாகவும் நாடாளுமன்ற உறுப்பினர் எம்.ஏ.சுமந்திரன் தெரிவித்துள்ளார்.

அதனைத் தொடர்ந்து, போரினால் பாதிக்கப்பட்ட மக்களின் மீள்குடியேற்ற நடவடிக்கைகளில் ஏற்பட்டுள்ள தாமதத்திற்கான காரணம் குறித்தும் செய்ட் அல் ஹூசைன் இதன்போது தமிழ்த் தேசியக் கூட்டமைப்பினரிடம் கேள்வி எழுப்பியுள்ளார்.

அத்துடன், பிரதமருடனான சந்திப்பின்போது மீள்குடியேற்றம் தொடர்பாகவும், அரசியல் கைதிகள் தொடர்பாகவும் பேசுவதாக ஐநா மனித உரிமை ஆணையாளர் உறுதி அளித்துள்ளதாக தமிழ்த் தேசியக் கூட்டமைப்பினர் தெரிவித்துள்ளனர்.

http://www.vikatan.com/news/world/58771-un-human-rights-commissioner-hussein-sampanthan.art

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.