வர வேண்டாம் (திரு வ.ஐ.ச.ஜெயபாலன் அவர்களுக்கு அனுமதி வழங்கப்படவில்லை)

[Athavan CH]

வர வேண்டாம்: தமிழாக்கம் குளோபல் தமிழ்ச் செய்திகள்:-

நேற்று (29/11/2015) யாழ்ப்பாணத்தில் நிகழ்ந்த புத்தகங்களின் வெளியீட்டு விழா ஒன்றிற் கலந்து கொள்வதற்காக இலங்கை வருவதற்குப் பயண அனுமதிக்கு விண்ணப்பித்திருந்த புகழ்பெற்ற ஈழக்கவிஞரான  திரு வ.ஐ.ச.ஜெயபாலன் அவர்களுக்கு அவ்வனுமதி வழங்கப்படவில்லை என JDSLanka இணையத்தளம் தெரிவித்துள்ளது.  திரு வ. ஐ. ச. ஜெயபாலன் அவர்களின் மூன்று குறுநாவல்களின் சிங்கள மொழிபெயர்ப்பான 'செக்கு கொனா' என்ற நூலும் சாமிநாதன் விமல் அவர்கள் மொழிபெயர்த்த, உபுல் சாந்த சன்னஸ்கலவின் 'அம்மா'  என்ற நாவலும் இன்று யாழ்பாணத்தில் வெளியிட்டு வைக்கப்பட்டன. யாழ்ப்பாணப் பொது நூலகக் கேட்போர் கூடத்தில் நடைபெற்ற இவ்வைபவத்திற் சிங்களக் கலை இலக்கியவாதிகளும்  புத்திசீவிகள் பலரும் கலந்து கொண்டிருந்ததுடன் கருத்துப்பரிமாற்றங்களையும் நிகழ்த்தியிருந்தனர் இச்சந்தர்ப்பத்தில் பத்தாயிரம் நூல்கள் பொது நூலகத்துக்கு அன்பளிப்பாகவும் வழங்கப்பட்டன.

திரு ஜெயபாலன் அவர்களின் வருகை மறுக்கப்பட்டமைக்கு வினோதமான காரணமொன்றை இலங்கை அரசு கூறியுள்ளது. திரு ஜெயபாலன் அவர்கள் ஏற்கனவே இலங்கைக்கான வதிவிட அனுமதியைக் கொண்டிருப்பதால் அவர் பயணம் செய்வதற்கான  அனுமதியைக் கோரமுடியாதென இலங்கை அதிகாரிகள் ஜெயபாலன் அவர்களுக்குத் தெரிவித்துள்ளனர். உண்மையிலும் தன்னிடம் அவ்வாறான வதிவிட அனுமதி ஏதும் இல்லை, இலங்கையை வந்தடைந்த பின்னர்  கொழும்பில் இலங்கை அதிகாரிகள் குறிப்பிடும் வதிவிட அனுமதியைப் பெறலாமா எனக் கேட்ட பொழுது அதுவும் நிராகரிக்கப்பட்டதாக திரு ஜெயபாலன் அவர்கள் JDSLanka இணையத்தளத்திற்குத் தெரிவித்துள்ளார்.

குறித்த நூல்களின் வெளியீட்டிற் கலந்து கொண்ட பல சிங்களப் புத்திசீவிகள் தற்போதைய அரசாங்கம் ஆட்சிக்கு வரக்காரணமாக இருந்தவர்கள் எனவும் கூறித்த இணையத்தளத்தில் தெரிவிக்கப்பட்டுள்ளது.

கவிஞர் ஒருவருக்கு அவரது  புத்தக வெளியீட்டில் கலந்து கொள்ள அனுமதி மறுக்கப்பட்டமை தவறானதென்ற கருத்து இங்கு வலியுறுத்தப்படுகிறது.

நன்றி : JDSLanka இணையத்தளம்
படம்: முகப்புத்தகம் அத்தனாஸ் யேசுராசா

 

http://globaltamilnews.net/GTMNEditorial/tabid/71/articleType/ArticleView/articleId/126421/language/ta-IN/article.aspx

 

[nedukkalapoovan]

ஐயா அறிக்கை மேல அறிக்கை விட்டார்... சம்பந்தனை எதிர்கட்சி தலைவராக்கவும் அறிக்கை விட்டார்.. அப்புறம் ஆனதும் வாழ்த்தினார்.. நல்லாட்சியிலும் ஐயாவுக்கு தடையா...?! சிங்களவன் தெளிவா இருக்கிறான். நாங்க தான் குழம்பிறதும் குழப்பிறதுமா இருக்கிறம். 

[புலவர்]

பல அமைப்புக்களின் தடையை எடுத்து விட்டார்களாம்.நல்லாட்சி அரசில் இப்படியா!ஐயா ஆதரிக்கும் முஸ்லிம்கள் அரசின் பங்காளிகள் ஆச்சே!!!!சம்பந்தர் கைவிட்டால் அவர்களைப் பிடிக்க வேண்டியதுதானே!!!!

[குமாரசாமி]

ஐயா நீங்கள் போக வேண்டாம்...உங்களுக்கு ஒண்டு எண்டால் எங்களாலை தாங்கேலாது...ஐயா போகாதேங்கோ.......புத்தகம் வெளியிடப்போற நேரத்துக்கு வேதாளம் படத்தை பாருங்கோ ஐயா........