மகிந்த ராஜபக்சவின் அதிஸ்ட மோதிரம் காணாமல் போய் மீட்கப்பட்டது

[நவீனன்]

மகிந்த ராஜபக்சவின் அதிஸ்ட மோதிரம் காணாமல் போய் மீட்கப்பட்டது

 

முன்னாள் ஜனாதிபதி மகிந்த ராஜபக்சவின் அதிஸ்ட மோதிரம் நேற்று முன்தினம் கொழும்பு ஐந்து நட்சத்திரஹோட்டலில் இடம்பெற்ற திருமண நிகழ்வொன்றில் காணமற்போனதாகவும் எனினும் ஹோட்டல் பணியாளர்கள் அதனை பின்னர் கண்டுபிடித்து கொடுத்துள்ளதாகவும் தகவல்கள் வெளியாகியுள்ளன.

கொழும்பு சினமன் ஹோட்டலில் இடம்பெற்ற திருமண நிகழ்வில் மகிந்தராஜபக்ச கலந்து கொண்;டவேளை அவரது அதிர்ஸ்டமோதிரம் காணமற்போனதால் ஹோட்டல் ஊழியர்கள் மற்றும் முன்னாள் ஜனாதிபதியின் பாதுகாப்புகடமையில் ஈடுபட்டிருந்தவர்கள் மத்தியில் பரபரப்பு  உருவானது. அவர்கள் உடனடியாக தேடும் நடவடிக்கையை மேற்கொண்டனர்.

குறிப்பிட்ட நிகழ்வில் கலந்துகொண்டவர்களிற்கு இந்தவிடயம் தெரியாத விதத்திலேயே நாங்கள் தேடவேண்டி இருந்தது. ஏனென்றால் காணமற்போனது முன்னாள் ஜனாதிபதியின் அதிர்ஸ்டமோதிரம் என்பது தெரியவந்திருந்தால். ஆதனை கண்டுபிடித்தவர்கள், கூட அதனை திரும்பிக்கொடுப்பதற்கு தயங்கலாம், அதனால் மிகவும் முன்னெச்சரிக்கையுடன் அதனை தேடவேண்டியிருந்தது.

15 நிமிடத்திற்கு மேல் மேற்கொள்ளப்பட்ட தேடலிற்கு பின்னர் முன்னாள் ஜனாதிபதி அமர்ந்திருந்த ஆசனத்திற்கு அருகில் அந்தமோதிரத்தை பணியாளர் ஓருவர் கண்டுபிடித்தார். என பொலிஸ் அதிகாரியொருவர் தெரிவித்தார்.

குறிப்பிட்ட நிகழ்வில் கலந்துகொண்ட பலர் இவ்வாறான ஓரு சம்பவம் இடம்பெற்றது தாங்கள் அறிந்திருக்கவில்லை என குறிப்பிட்டனர்.

ஜோதிடம், மந்திரதந்திர விடயங்களில் ஆர்வம்கொண்டுள்ள முன்னாள் ஜனாதிபதியின் கைகளில் பலவர்ணமோதிரங்கள் காணப்படுவது குறிப்பிடத்தக்கது.

http://globaltamilnews.net/GTMNEditorial/tabid/71/articleType/ArticleView/articleId/126398/language/ta-IN/article.aspx