Sign in to follow this  
Followers 0
நவீனன்

உலக மசாலா

529 posts in this topic

உலக மசாலா: நாய்க்கு எவ்வளவு அறிவு!

 

 
dog1_3119569f.jpg
 
 
 

அமெரிக்காவின் மிச்சிகன் பகுதியில் வசித்து வருகிறார் 64 வயது பாப். இரவு தீமூட்டுவதற்காக, 15 அடி தூரத்தில் இருந்த விறகுகளை எடுக்கச் சென்றார். அவரது செருப்பு வழுக்கிவிட, கீழே விழுந்துவிட்டார். அவரால் அசையக்கூட முடியவில்லை. உதவிக்கு யாரையாவது கூப்பிடலாம் என்றாலும் கால் மைல் தொலைவு நடக்க வேண்டும். பாப் வளர்க்கும் கோல்டன் ரிட்ரீவர் நாய் கெல்சி, அவரைத் தேடிக்கொண்டு வந்தது. பாப்பின் நிலையைக் கண்டு, ஏதோ அசம்பாவிதம் என்பதை உணர்ந்தது. உதவி கேட்டுக் குலைத்தது. அருகில் யாரும் இல்லாததால், உதவி கிடைக்கவில்லை. சற்று நேரத்தில் சுயநினைவை இழந்தார் பாப். குளிர் மிக அதிகமாக இருந்தது. பனியில் உறைந்து போனவர் மீது நாய் அமர்ந்துகொண்டு கதகதப்பை அளித்தது. அவரது முகத்தையும் கைகளையும் நாக்கால் தடவிக்கொண்டேயிருந்தது. தொடர்ந்து குரைத்துக்கொண்டும் இருந்தது. ஒரு நிமிடம் கூட அவரை விட்டு அகலவில்லை. 20 மணி நேரம் கழித்து, கால் மைல் தொலைவிலிருந்த அண்டை வீட்டுக்காரர் ரிக் வந்துசேர்ந்தார். உடனே ஆம்புலன்ஸில் மருத்துவமனைக்கு அழைத்துச் சென்றார். சுயநினைவின்றி, 20 மணி நேரம் பனியில் உறைந்து கிடந்தவர் உயிர் பிழைக்க வாய்ப்பு மிகவும் குறைவு என்றனர் மருத்துவர்கள். “மறுநாள் கண் விழித்தேன். நாயின் உதவியால்தான் நான் உயிர் பிழைத்திருக்கிறேன் என்றும் நாய் இல்லாவிட்டால் இறந்து பல மணி நேரங்கள் ஆகியிருக்கும் என்றும் மருத்துவர்கள் கூறினார்கள். முதுகெலும்பு மோசமாகப் பாதிக்கப்பட்டுள்ளதால் இனிமேல் கால்களை அசைக்கக்கூட முடியாது. உயிர் பிழைத்ததை நினைத்து மகிழ்ச்சியடையுங்கள் என்று சொல்லிவிட்டனர். மறுநாள் என் கால்களை ஆட்டிப் பார்த்தேன். அசைந்தன. மருத்துவர் கோலன், இதுக்கும் உங்கள் நாய்க்குதான் நீங்கள் நன்றி சொல்லணும் என்றார். 6 மாதக் குட்டியிலிருந்து கெல்சியை வளர்த்து வருவதைத் தவிர, வேறு எதையும் நான் செய்யவில்லை. ஆனால் அது என் உயிரையே காப்பாற்றியிருக்கிறது” என்று நெகிழ்கிறார் பாப். “என் அப்பாவும் கெல்சியும் தனியாக வசித்துவருகிறார்கள். கெல்சியின் ஓயாத சத்தத்தால்தான் ரிக் வந்திருக்கிறார். இல்லை என்றால் அப்பாவைக் காப்பாற்றியிருக்க முடியாது. கெல்சியைப் போல புத்திசாலியான, அன்பான நாயைப் பார்க்க முடியாது” என்கிறார் பாப்பின் மகள் ஜென்னி.

ஓர் உயிரைக் காப்பாற்றும் அளவுக்கு நாய்க்கு எவ்வளவு அறிவு!

கனடாவைச் சேர்ந்த டிரெக், ஸ்டீவ் இருவரும் எஸ்தர் என்ற பன்றியை வளர்த்து வருகிறார்கள். 303 கிலோ எடை கொண்ட மிகப் பெரிய பன்றியாக உருவெடுத்திருக்கும் எஸ்தர், துருவக் கரடி அளவுக்கு இருக்கிறது. “ஓட்ஸ், பார்லி, சோளம், காய்கறிகள், பழங்கள் போன்றவற்றைத்தான் எஸ்தர் சாப்பிடுகிறது. உணவுக்காக மட்டும் வாரத்துக்கு 2,500 ரூபாய் செலவாகிறது. சில நேரங்களில் ஐஸ் க்ரீம், கேக் போன்றவற்றையும் விரும்பி உண்ணும். இப்பொழுதே துருவக் கரடி அளவுக்கு வளர்ந்துவிட்டது. இன்னும் வளரும் என்கிறார்கள். குளியல் தொட்டியை விடப் பெரிதாக வளர்ந்துவிட்டதால், பெரிய வீட்டுக்குக் குடிபோக இருக்கிறோம். எஸ்தர் உலகம் முழுவதும் பிரபலமாகிவிட்டது. இவளை 10 லட்சம் பேர் ஃபேஸ்புக்கில் பின்தொடர்கிறார்கள்” என்கிறார் டிரெக்.

ராட்சச பன்றி!

http://tamil.thehindu.com/world/உலக-மசாலா-நாய்க்கு-எவ்வளவு-அறிவு/article9486608.ece?homepage=true&relartwiz=true

1 person likes this

Share this post


Link to post
Share on other sites

உலக மசாலா: ஒரு வேலைக்கு 20 ஆயிரம் விண்ணப்பங்கள்!

 
masala_3120676f.jpg
 
 
 

அமெரிக்காவில் வசிக்கும் மெக்கென்ஸி, டிரெக் டில்லாட்சன் தம்பதியர் தங்கள் 3 குழந்தைகளுடன் உலகப் பயணம் மேற்கொள்ள இருக்கிறார்கள். இந்தப் பயணத்தில் குழந்தைகளைப் பார்த்துக்கொள்வதற்கும் சமையல், பாத்திரங்களைச் சுத்தம் செய்வதற்கும் உதவியாக ஒரு பாட்டி வேண்டும் என்று சமூக வலைதளத்தில் கோரிக்கை வைத்திருந்தனர். 10, 20 விண்ணப்பங்கள் வரும் என்று எதிர்பார்த்தவர்களுக்கு 20 ஆயிரம் விண்ணப்பங்கள் குவிந்ததில் ஆச்சரியமடைந்தனர். “நாங்கள் மறக்க முடியாத ஒரு உலகப் பயணத்தை மேற்கொள்ளவேண்டும் என்று திட்டமிட்டோம்.

மூன்று குழந்தைகளையும் எங்கள் இருவரால் கவனித்துக்கொள்வது கஷ்டம். அதனால் குழந்தைகள் மீது அன்பும் அக்கறையும் கொண்ட பாட்டி ஒருவரை அழைத்துச் செல்ல திட்டமிட்டோம். பாட்டிக்கு ஏற்படும் அனைத்துச் செலவுகளையும் நாங்களே பார்த்துக்கொள்வோம். அவருக்கென்று ஒவ்வொரு நாளும் தனியாக சில மணி நேரங்களை ஒதுக்கிவிடுவோம். எங்களுடனே அவர் தங்கிக்கொள்ளலாம், சாப்பிடலாம். மிக நாகரிகமாகவும் மனிதத்தன்மையோடும் அவரை நடத்துவோம்.

இவை தவிர, அவருக்கு மாதம் ஒரு தொகையைச் சம்பளமாகவும் வழங்கிவிடுவோம். இந்தப் பயணத்துக்காக எங்களின் வீட்டை விற்றிருக்கிறோம். சில விண்ணப்பங்கள் வரும் என்று நினைத்த எங்களுக்கு 20 ஆயிரம் விண்ணப்பங்களைப் பார்த்து உறைந்துபோய்விட்டோம். ஓய்வு பெற்ற ஆசிரியர்கள், செவிலியர்கள், சமூக சேவகர்கள், மருத்துவர்கள் கூட விண்ணப்பித்திருக்கிறார்கள். இதிலிருந்து ஒருவரைத் தேர்ந்தெடுக்கும் மிகப் பெரிய பொறுப்பு எங்களிடம் இருக்கிறது” என்கிறார் டிரெக் டில்லாட்சன்.

அடேங்கப்பா! ஒரு வேலைக்கு 20 ஆயிரம் விண்ணப்பங்களா!

போலந்தைச் சேர்ந்த 20 வயது நடாலியா குட்கிவிஸ், மூன்றே ஆண்டுகளில் இன்ஸ்டாகிராமில் உலகப் புகழ் பெற்றுவிட்டார். இவ்வளவுக்கும் இவர் வெளியிடும் புகைப்படங்கள் அனைத்திலும் முகத்தை மறைத்திருக்கிறார்! ஆனாலும் இவரை 1 லட்சத்துக்கும் அதிகமானவர்கள் பின்தொடர்கிறார்கள். “எல்லோரும் விதவிதமாகப் புகைப்படங்களை எடுத்து வெளியிடுவதில்தான் ஆர்வமாக இருப்பார் கள். எனக்கு ஏனோ என் முகத்தைக் காட்டுவதில் விருப்பமில்லை. அதனால்தான் இதுவரை நான் வெளியிட்ட 443 புகைப்படங்களிலும் முகத்தை விதவிதமாக மறைத்திருக்கிறேன். ஒரு புகைப்படத்தில் கண்கள் தெரியும், இன்னொன்றில் உதடுகள் தெரியும். முழு முகத்தை இதுவரை காட்டியதில்லை. யாருக்குமே நான் எப்படி இருக்கிறேன் என்று தெரியாது. என்றாவது ஒருநாள் நான் முழு முகத்தையும் காட்டுவேன் என்று நம்பிக்கையுடன் காத்திருக்கிறார்கள். ஆனால் இணையப் பிரபலமாக இருப்பதில் எனக்கு விருப்பமில்லை. நான் வெளியே சென்றால் என்னை யாருக்கும் இப்போது அடையாளம் தெரியாது. நிம்மதியாக இருக்கிறேன். என்னுடைய கருத்துகள்தான் முக்கியமே தவிர, என்னுடைய முகம் முக்கியமில்லை என்பதை என்னைப் பின்தொடர்பவர்களும் புரிந்துகொள்வார்கள். ஆனாலும் இணையம் மூலம் என்னுடைய வாழ்க்கை மாறிவிட்டது என்பதை ஒப்புக்கொள்கிறேன். இதன் மூலம் விளம்பரங்களும் நல்ல வேலையும் எனக்குக் கிடைத்திருக்கின்றன” என்கிறார் நடாலியா.

பிரபலமாவதற்கு முகம் அவசியமில்லை!

http://tamil.thehindu.com/world/உலக-மசாலா-ஒரு-வேலைக்கு-20-ஆயிரம்-விண்ணப்பங்கள்/article9491877.ece?ref=relatedNews

1 person likes this

Share this post


Link to post
Share on other sites

உலக மசாலா: அபூர்வ காகங்கள்!

 

 
masala_2337362f.jpg
 
 
 

வாஷிங்டனில் வசிக்கும் கபிமனுக்கு வித்தியாசமான நண்பர்கள். தினமும் கபிக்கு நண்பர்களிடமிருந்து பரிசுப் பொருட்கள் வந்துகொண்டே இருக்கின்றன. கரையும் காகங்கள்தான் கபியின் நண்பர்கள். பக்கத்து வீட்டுச் சுவர்களில் வந்து அமரும் காகங்களுக்கு 4 ஆண்டுகளுக்கு முன்பு உணவு கொடுக்க ஆரம்பித்தாள் கபி.

விரைவில் காகங்களுக்கும் கபிக்கும் நல்ல புரிதல் ஏற்பட்டது. உணவு கொடுப்பது, தண்ணீர் வைப்பது, குளிப்பாட்டுவது என்று கபியின் சேவைகள் விரிவடைந்தன. காகங்கள் தங்கள் பங்குக்குத் தினமும் ஏதாவது ஒரு பொருளைக் கொண்டு வந்து கபியிடம் கொடுக்க ஆரம்பித்தன. நகைகள், பளிங்குக் கற்கள், பட்டன்கள், ஜெம் க்ளிப், ஸ்க்ரூ என்று என்ன கிடைக்கிறதோ அவற்றை எல்லாம் கொண்டு வந்து கொடுக்கின்றன.

காகங்கள் கொடுத்த பரிசுப் பொருட்களைப் பத்திரமாகக் காட்சிக்கு வைத்திருக்கிறாள் கபி. `வேர்க்கடலையும் நாய் உணவுகளையும் காகங்கள் விரும்பிச் சாப்பிடுகின்றன. நான் கொஞ்சம் தாமதமானாலும் சரியான நேரத்துக்கு வந்து, டெலிபோன் கம்பிகளில் அமர்ந்தபடி காத்திருக்கின்றன’ என்கிறாள் கபி. காகங்களால் மனித சமிக்ஞைகளைப் புரிந்துகொள்ள முடியும்.

தங்கள் எண்ணங்களையும் வெளிப்படுத்த முடியும்… நம்பிக்கை வந்துவிட்டால் காகங்கள் மனிதர்களுக்கு வெகு அருகில் வசிக்க விரும்புகின்றன. ஆனாலும் காகங்கள் பரிசு கொடுக்கும் சம்பவத்தை முதல் முறையாக கேள்விப்படுவதாகத் தெரிவித்திருக்கிறார்கள் வாஷிங்டன் பல்கலைக்கழக ஆராய்ச்சியாளர்கள்.

அபூர்வ காகங்கள்!

அமெரிக்காவில் ஓரிகன் மாகாணத்தில் வசிக்கிறார் நடாலி ஃப்ளெட்சர். மனித உடலில் வரையும் கலைஞர்களில் இவர் வித்தியாசமானவராக இருக்கிறார். இல்லாத ஒன்றை இருப்பது போலக் காட்டும் ஆப்டிகல் இல்யூஷன் என்ற மாயத் தோற்றத்தை வரைவதில் சிறந்தவராக இருக்கிறார். மஞ்சள், பச்சை, வெளிர் நீலம் போன்ற வண்ணங்களில் கறுப்பு வண்ணத்தைக் கோடுகளாக வரைகிறார்.

அத்தனை அட்டகாசமாகப் பார்ப்பவர்களை ஏமாற்றி விடுகின்றன இந்த ஓவியங்கள். கல்லூரிப் படிப்பை முடித்து வேலை தேடிக்கொண்டிருந்த நடாலியின் பார்வையில் `பாடி பெயிண்டர்’ வேலை தென்பட்டது. குழந்தையிலிருந்தே ஓவியத்தின் மீது ஆர்வம் கொண்ட நடாலி, பயிற்சி எடுத்துக்கொண்டு இந்த வேலையில் இறங்கிவிட்டார்.

அடடா! பிரமாதம் நடாலி!

முட்டையின் வடிவத்தைக் கொஞ்சம் மாற்றினால் எப்படி இருக்கும்! முட்டையின் வடிவத்தை மாற்றக்கூடிய மோல்ட்கள் லண்டனில் விற்பனைக்கு வந்துள்ளன. முட்டைகளை வேக வைத்து, ஓடுகளை நீக்க வேண்டும். மோல்டில் முட்டையை வைத்து, மூட வேண்டும். குளிர்ந்த நீரில் சில நிமிடங்கள் வைத்துவிட வேண்டும்.

பிறகு எடுத்து, மோல்டைத் திறந்தால் அழகான கோல்ஃப் பந்து போல உருண்டையாகவும் புள்ளிகளுடனும் முட்டை காணப்படும். விளையாட்டில் ஆர்வமுள்ளவர்களும் குழந்தைகளும் இந்த வடிவ முட்டையை விரும்பிச் சாப்பிடுகிறார்கள். கேரட்களின் தோல்களை நீக்கும் ஷார்ப்னர்களும் இப்பொழுது விற்பனைக்கு வந்திருக்கின்றன.

எப்படியெல்லாம் யோசிக்கிறாங்க…

http://tamil.thehindu.com/world/உலக-மசாலா-அபூர்வ-காகங்கள்/article6981544.ece?ref=relatedNews

1 person likes this

Share this post


Link to post
Share on other sites

உலக மசாலா: போஸ்னியா குகை மனிதருக்கு விரைவில் வீடு கிடைக்கட்டும்...

 
pani_3121505f.jpg
 
 
 

போஸ்னியாவைச் சேர்ந்த 62 வயது ஜார்கோ ஹர்ஜிக், கடந்த 10 ஆண்டுகளாக ஜெனிகா நகருக்கு அருகே இருக்கும் ஒரு குகையில் வாழ்ந்து வருகிறார். திருமணத்துக்குப் பிறகு ஜெர்மனியில் குடியேறியவரின் திருமண வாழ்க்கை விரைவில் முடிவுக்கு வந்துவிட்டது. அதற்குப் பிறகு கிடைக்கும் வேலைகளைச் செய்துகொண்டிருந்தவர், 10 ஆண்டுகளுக்கு முன்பு போஸ்னியா திரும்பினார். ஆனால் ஜார்கோவின் வீடு போஸ்னியப் போரில் சிதைந்திருந்ததைக் கண்டு அதிர்ந்து போனார். அவரிடம் சேமிப்பும் இல்லை. அவருக்கு உதவக்கூடியவர்களும் யாருமே இல்லை. சிறிய மலையில் இருந்த குகைக்குள் தற்காலிகமாகத் தங்க முடிவுசெய்தார். கடந்த பத்து ஆண்டுகளாக அங்கேதான் வசித்துவருகிறார். குகைக்குக் கீழே பபினா நதி ஓடிக்கொண்டிருக்கிறது. “என்னுடைய ஓய்வூதியத்தை வைத்துக்கொண்டு, ஒரு வீட்டுக்கு வாடகை கொடுக்க முடியாது. அதனால் இந்தக் குகைக்குள் 13 நாய்களுடன் தங்கிக்கொண்டேன். என் செலவைக் குறைத்துக்கொண்டு நாய்களுக்கு உணவுகளை வாங்கிப் போடுகிறேன். வெளியில் எப்படிப்பட்ட பருவநிலை நிலவினாலும் குகைக்குள் அற்புதமாக இருக்கும். குளிர்காலத்தில் வெளியே மைனஸ் 25 டிகிரி செல்சியஸ் வெப்பநிலை நிலவும். ஆனால் குகைக்குள் அளவான குளிர் மட்டுமே இருக்கும். கதகதப்புக்கு நெருப்பைப் பற்ற வைக்க வேண்டிய அவசியம் இருக்காது. கடுமையான கோடை காலங்களிலும் குகை குளிர்ச்சியோடு காணப்படும். இந்தக் குகையில் ஒரே ஒரு ஆபத்து மட்டும் இருக்கிறது. நதியில் வெள்ளம் வந்தால் குகைக்குள்ளும் புகுந்துவிடும். அப்போது நானும் நாய்களும் பாதுகாப்பான இடம் தேடிச் செல்ல வேண்டும். அதற்காக உயரமான இடத்தில் ஒரு கூடாரத்தை அமைத்திருக்கிறேன். நீர் வடிந்தவுடன் குகைக்குத் திரும்பிவிடுவேன். நவீனக் குகை மனிதர் என்று என்னை அழைக்கும் மக்கள், இந்த வழியே செல்லும்போது தேவையற்ற உணவுப் பொருட்களைப் போடுவார்கள். அவற்றை நானும் நாய்களும் பகிர்ந்துகொள்வோம். இன்னும் மூன்று ஆண்டுகளில் எனக்கு போஸ்னியாவிலிருந்தும் ஓய்வூதியம் கிடைக்கும். இரட்டை ஓய்வூதியத்தை வைத்துக்கொண்டு, ஒரு சிறிய வீட்டுக்குக் குடிபுக முடியும். ஆரோக்கியமாக இருப்பதால் அந்த வாய்ப்பு கிடைக்கும் என்று காத்திருக்கிறேன்” என்கிறார் ஜார்கோ.

போஸ்னியா குகை மனிதருக்கு விரைவில் வீடு கிடைக்கட்டும்…

ஸ்திரேலியாவில் எடுக்கப்பட்ட ஓர் ஆய்விலிருந்து பாம்பு கடித்து இறப்பவர்களை விட குதிரை தாக்கிக் கொல்லப்படுபவர்களே அதிகம் என்ற விஷயம் தெரியவந்திருக்கிறது. மெல்பர்ன் பல்கலைக்கழகத்தைச் சேர்ந்த மருத்துவர் ரோனெல் வெல்டன், 2000 முதல் 2013-ம் ஆண்டு வரை மருத்துவமனைகளில் பதிவான தகவல்களை ஆராய்ந்து இந்த முடிவை வெளியிட்டிருக்கிறார். 13 ஆண்டுகளில் குதிரைகளால் 74 மனிதர்கள் இறந்திருக்கிறார்கள். விஷப்பூச்சிகளால் 27 பேரும் பாம்புகளால் 27 பேரும் இறந்திருக்கிறார்கள். ஆஸ்திரேலியாவில் விஷப் பூச்சிகளாலும் பாம்புகளாலும் மனிதர்கள் அதிகமாக உயிரிழக்கிறார்கள் என்று வழக்கமாகச் சொல்லப்பட்டு வந்ததை, இந்த ஆய்வு முடிவுகள் மாற்றியமைத்திருக்கின்றன என்கிறார் ரோனெல் வெல்டன்.

குதிரைகளைவிட பாம்புகள் சாதுவானவை!

http://tamil.thehindu.com/world/உலக-மசாலா-போஸ்னியா-குகை-மனிதருக்கு-விரைவில்-வீடு-கிடைக்கட்டும்/article9495984.ece?homepage=true&relartwiz=true

Share this post


Link to post
Share on other sites
Sign in to follow this  
Followers 0