சந்திமால், இசாந்துக்கு தடை, லகிரு, தம்மிக்கவுக்கு அபராதம்

[நவீனன்]

சந்திமால், இசாந்துக்கு தடை, லகிரு, தம்மிக்கவுக்கு அபராதம்

September 1, 2015  09:03 pm

 

 

தினேஷ் சந்திமால் மற்றும் இசாந்த் சர்மா ஆகியோருக்கு தலா ஒரு போட்டியில் விளையாட தடைவிதிக்கப்பட்டுள்ளது.

இலங்கை அணிக்கு எதிரான கடைசி டெஸ்ட் போட்டியில் இந்தியா 117 ஓட்டங்கள் வித்தியாசத்தில் வெற்றி பெற்று இன்று தொடரை 2-1 எனக் கைப்பற்றியுள்ளது.

கடந்த 28ம் திகதி ஆரம்பமான, இந்த போட்டியின் 4-வது நாள் ஆட்டமான நேற்று 2-வது இன்னிங்சில் இந்தியா துடுப்பெடுத்தாடிய போது, 10-வது விக்கெட்டாக இசாந்த் சர்மா களம் இறங்கினார்.

இதன்போது இலங்கை அணியின் வேகப்பந்து வீச்சாளர் தம்மிக பிரசாத் இசாந்த் சர்மாவிற்கு தொடர்ந்து பவுன்சராக வீசினார்.

இதனால் கோபம் அடைந்த இசாந்த் சர்மா கடும் வாக்குவாதத்தில் ஈடுபட்டார். இதற்கு பிராசத்துடன் இணைந்து தினேஷ் சந்திமால், லகிரு திரிமானே ஆகியோரும் இசாந்த் சர்மாவுடன் வாக்குவாத்தில் ஈடுபட்டனர்.

முன்னதாக தம்மிக பிரசாத் துடுப்பெடுத்தாடிய வேளை, இசாந்த் சர்மா பந்தில் அடிபட்டு வெளியேறினார் என்பது குறிப்பிடத்தக்கது.

இதுகுறித்து மைதான நடுவர்கள் போட்டி நடுவரிடம் புகார் அளித்தனர். இதனைத்தொடர்ந்து இன்று போட்டி முடிந்தபின் இந்த விவாகரம் குறித்து விசாரிக்கப்பட்டது. அப்போது அவர்கள் ஐ.சி.சி. நன்னடத்தை விதியை மீறியது தெரிய வந்தது.

இதனால், இசாந்த் சர்மா ஒரு டெஸ்ட் போட்டியில் விளையாட ஐ.சி.சி. தடை விதித்துள்ளது. எனவே, தென்னாபிரிக்கா இந்தியாவில் சுற்றுப்பயணம் செய்து விளையாடும்போது முதல் போட்டியில் இசாந்த் சர்மாவால் பங்கேற்ற இயலாது.

அதுபோல், இலங்கை வீரர் சந்திமால் ஒரு ஒருநாள் போட்டியில் விளையாடுவதற்கு தடை விதிக்கப்பட்டுள்ளது. தம்மிக்க பிராசத் மற்றும் லகிரு திரிமானேவுக்கு போட்டியின் வருவாயில் இருந்து 50 சதவீதம் அபராதம் விதிக்கப்பட்டுள்ளது.

http://tamil.adaderana.lk/news.php?nid=72208

இசாந்த் சர்மா, சண்டிமால் ஒரு போட்டியில் விளையாடத் தடை: ஐசிசி அதிரடி

 

மோசமான நடத்தைக்காக இசாந்த் சர்மாவுக்கு ஒரு டெஸ்டில் விளையாடத் தடை. | படம்: ராய்ட்டர்ஸ்.

களத்தில் மோதல் போக்கைக் கடைபிடித்ததற்காக இசாந்த் சர்மா மற்றும் இலங்கை வீரர் தினேஷ் சண்டிமால் ஆகியோர் ஒரு போட்டியில் விளையாட ஐசிசி தடை விதித்துள்ளது.

மேலும், மோசமான நடத்தைக்காக இலங்கை வீரர்கள் லாஹிரு திரிமானே, தம்மிக பிரசாத் ஆகியோருக்கு ஆட்டத் தொகையில் 50% அபராதம் விதித்துள்ளது ஐசிசி.

இதனால் தென் ஆப்பிரிக்காவுக்கு எதிராக மொஹாலியில் நடைபெறும் முதல் டெஸ்ட் போட்டியில் இசாந்த் சர்மா விளையாட முடியாது. சண்டிமால் மேற்கிந்திய தீவுகளுக்கு எதிரான முதல் ஒருநாள் போட்டியில் விளையாட முடியாது.

நடந்து முடிந்த கொழும்பு, 3-வது டெஸ்ட் போட்டியில் தம்மிக பிரசாத்-இசாந்த் சர்மா விவகாரத்தின் போது இசாந்த் சர்மா மீது மோதியதால் சண்டிமாலுக்கு தடை விதிக்கப்பட்டது. இந்த மோதல் போக்கில் திரிமானேயும் ஈடுபட்டதால் அவருக்கு அபராதம் விதிக்கப்பட்டது.

இசாந்த் சர்மா, 2-வது இன்னிங்சில் உபுல் தரங்காவை வீழ்த்தி விட்டு அவரை மோசமாக வழியனுப்பியதாலும், மொத்தமாக அவரது நடத்தை மோசமாக இருந்ததாலும் நீக்கத்துக்கான 2 புள்ளிகளைப் பெற்றதால் ஒரு டெஸ்ட் போட்டியில் விளையாடத் தடை விதிக்கப்பட்டுள்ளது.

ஆட்டம் முடிந்த பிறகு 4 வீரர்களும் தங்கள் தவறுகளை ஒப்புக் கொண்டதால் இந்தத் தண்டனை விதிக்கப்பட்டது.

http://tamil.thehindu.com/sports/இசாந்த்-சர்மா-சண்டிமால்-ஒரு-போட்டியில்-விளையாடத்-தடை-ஐசிசி-அதிரடி/article7604267.ece

[நவீனன்]

''இனிமேல் இது போல் நடந்தால் நீண்ட காலத் தடை!''- இஷாந்துக்கு நடுவர்கள் எச்சரிக்கை

 

இலங்கை வீரர்களிடம் தொடர்ந்து வாக்குவாதத்தில் ஈடுபட்டு வந்த இஷாந்த் சர்மாவுக்கு, ஒரு டெஸ்ட் போட்டியில் விளையாடத் தடை விதிக்கப்பட்டுள்ளது. இலங்கை வீரர் சண்டிமாலும், ஒரு நாள் போட்டி ஒன்றில் விளையாடத் தடையை சந்தித்திருக்கிறார்.

இலங்கையில் நடந்த டெஸ்ட் தொடரை இந்திய அணி 2-1 என்ற கணக்கில் கைப்பற்றியது. 2வது டெஸ்ட் போட்டியில் ஒழுங்கீனமாக நடந்ததற்காக, ஏற்கனவே இஷாந்த் சர்மாவுக்கு போட்டி கட்டணத்தில் இருந்து 65 சதவீதம் அபராதமாக விதிக்கப்பட்டது.

இந்நிலையில் கொழும்பு நகரில் நேற்று முடிவடைந்த 3வது டெஸ்ட் போட்டியிலும் இஷாந்த் சர்மாவுக்கும், இலங்கை வீரர்கள் தம்மிகா பிரசாத், சண்டிமால், ஹெராத், திரிமண்ணே ஆகியோருக்குமிடையே மோதல் ஏற்பட்டது.

முக்கியமாக 'பந்தை நேராக என் தலைக்கு போடு 'என்னும் வகையில் இஷாந்த் சைகை செய்தது பெரும் சர்ச்சையை கிளப்பியது.  இந்திய இன்னிங்ஸ் முடிந்ததும் பெவிலியன் நோக்கி சென்று கொண்டிருந்த இஷாந்தை, இலங்கை வீரர் தம்மிகா பிரசாத் விரட்டி சென்றதும் சலசலப்பை ஏற்படுத்தியது.

இதனைத் தொடர்ந்து  ஐ.சி.சி. ஒழுங்கு விதிமுறைகளை மீறியுள்ளதாக இஷாந்த் சர்மாவுக்கு ஒரு டெஸ்ட் போட்டியில் விளையாடத் தடை விதிக்கப்பட்டுள்ளது. தென்ஆப்ரிக்க அணியின் இந்திய சுற்றுப்பயணத்தின் போது, மொகாலியில் நடைபெறவுள்ள முதல் டெஸ்ட் போட்டியில் இஷாந்த் விளையாட முடியாது.

அதேபோல் இஷாந்தை உரசியதற்காக இலங்கை வீரர் சண்டிமாலுக்கு,  ஒருநாள் போட்டி ஒன்றில் பங்கேற்க ஐ.சி.சி. தடை விதித்துள்ளது. மேற்கிந்திய தீவுகள் அணிக்கு எதிராக இலங்கை மோதவுள்ள முதல் ஒருநாள் போட்டியில் சண்டிமால் விளையாட முடியாது.

இந்த விவகாரத்தில் தொடர்புடைய பிற வீரர்களான தம்மிகா பிரசாத், திரிமண்ணே ஆகியோருக்கு போட்டி கட்டணத்தில் இருந்து 50 சதவீதம் அபராதமாக விதிக்கப்பட்டுள்ளது.

இது குறித்து போட்டி நடுவர் ஆன்டி பைகிராஃப்ட் கூறுகையில், '' கடந்த திங்கட்கிழமை மைதானத்தில் நடந்த சம்பவங்கள் ஏற்றுக்கொள்ள முடியாதவை. இது கிரிக்கெட்டுக்கு பலன் அளிக்க கூடிய செயல்கள் அல்ல. கிரிக்கெட் வீரர்கள் எதிரணி வீரர்களை  நடுவர்களை மதிக்க கற்று கொள்ள வேண்டும்.

தற்போது தடையை சந்தித்துள்ள இஷாந்த் சர்மா, 12 மாதங்களுக்குள் இது போன்று மீண்டும் சர்ச்சையில் சிக்கினார் அவர் நீண்ட காலத் தடையை சந்திக்க நேரிடும். சண்டிமாலை பொறுத்தவரை, பிரசாத்துக்கும் இஷாந்துக்கும் நடந்த சம்பவத்தில் தொடர்பு இல்லை. எனினும் இஷாந்தின் உடலுடன் உடல் உரசியதற்காக அவர் தடையை சந்தித்துள்ளார்'' என்றார். 

http://www.vikatan.com/news/article.php?aid=51809