kayshan

கருத்துக்கள உறவுகள்
  • Content count

    44
  • Joined

  • Last visited

Community Reputation

17 Neutral

About kayshan

  • Rank
    புதிய உறுப்பினர்
  • Birthday October 8

Profile Information

  • Gender
    Male
  • Location
    தவறி வந்த இடம்....
  • Interests
    வாசிப்பு, யோசிப்பு, இரசிப்பு,
  1. அகதிக் கோரிக்கை நிராகரிப்பு: இலங்கை பெண்ணின் பரிதாப நிலை 2008ஆம் ஆண்டுடன் இலங்கையை விட்டு அகதியாக கனடாவிற்கு சென்று அங்கேயே இல்லற வாழ்வில் இணைந்துவிட்ட பெண் ஒருவர் தற்போது கனேடிய அதிகாரிகளால் நாடு கடத்தப்பட்டுள்ளார். இரண்டு பிள்ளைகளின் தாயான இவரின் அகதிக் கோரிக்கை நிராகரிக்கப்பட்ட நிலையில், அவர் நேற்று இங்கைக்கு குடிவரவு அதிகாரிகளால் நாடுகடத்தப்பட்டுள்ளார். இந்தப் பிரச்சினையில் சம்பந்தப்பட்ட பெண்ணின் பெயர் ராஜினி சுப்பிரமணியம் எனவும் இவரின் கணவர் ராசையா ராஜ் மனோகர் எனவும் தெரியவந்துள்ளது. இத்தம்பதியினருக்கு என இரு குழந்தைகள். குழந்தைகளையும் கணவரையும் விட்டு குறித்த பெண் நாடுகடத்தப்பட்டிருப்பதால் சம்பந்தப்பட்டவர்கள் மிகுந்த மன அழுத்தத்திற்கு உள்ளாகியுள்ளனர். குழந்தைகளுக்கும், பெண்ணின் கணவருக்கும் கனேடிய குடியுரிமை உள்ளது. கனடாவில் பல தசாப்தங்களுக்கும் மேல் வாழ்ந்து வரும் தமிழ் சமூக மக்களிடையே இது போன்ற விடயங்களில் போதிய விழிப்புணர்வு இன்னமும், இல்லாமல் இருப்பதையே இந்த நிகழ்வு காட்டுகிறது. தமிழர்களுக்காக குரல் கொடுக்க எத்தனையோ பொதுவான அமைப்புகளும், மனித உரிமை சட்டத்தரணிகளும் இருக்கின்ற போது முன் கூட்டியே இது தொடர்பான ஆலோசனைகளை யாரிடமும் கேட்காமல் இறுதி நேரத்தில் ஒட்டு மொத்த குடும்பமும் அவதிக்கு உள்ளாகியுள்ளது. அகதி கோரிக்கை நிராகரிக்கப்பட்டவர்கள் நாட்டுக்குத் திரும்பி அனுப்பபபடுவதென்பது கனடாவில் அரிதான கடைப்பிடிக்கப்படும் ஒரு விடயமே. இருப்பினும் சம்பந்தப்பட்ட இந்தத் தம்பதியினர் இது தொடர்பிலான தகவல்களை ஊடகங்களுக்கும், பொது அமைப்புக்களுக்கும், தமிழ் அகதி மக்களின் விடயத்தில் உதவி புரியத் தயாராக இருக்கும் சட்டத்தரணிகளுக்கும் முன்னரே தெரியப்படுத்தியிருந்தால் நிச்சயமாக விடயம் பெரிதுபடுத்தப்பட்டிருப்பதுடன் சம்பந்தப்பட்ட துறை அதிகாரிகளுடனும், பிரதமர் அலுவலகத்துடனும் பேச ஒரு வாய்ப்புக் கிட்டியிருக்கும் என தெரிவிக்கப்படுகின்றது. http://athavannews.com/?p=399221
  2. சிறு திருத்தம் " கிழக்கே யப்பானில் உதயத்திலிருந்து மேற்கே கியூபாவில் அஸ்தமனம் வரை தங்கத் தமிழ் தவழ்ந்து விளையாடுகின்றது ....! " இவர் ஜப்பானியர் அல்ல , சீனர் போல தோன்றுகிறது...............
  3. பயங்கரவாத விசாரணைப்பிரிவினருக்கு கிடைத்த தகவலையடுத்து கொழும்பில் மேற்கொள்ளப்பட்ட சுற்றிவளைப்பில் போலியான கடவுச்சீட்டுகள் மற்றும் வீசாக்களை வைத்திருந்த 6 பேர் கைது செய்யப்பட்டுள்ளனர். இந்த சுற்றிவளைப்பில் சட்டவிரோதமாக கனடாவுக்கு செல்வதற்காக தயாரான குழுவொன்றுக்கு பெற்றுக்கொடுக்க திட்டமிடப்பட்டிருந்த 200 கடவுச்சீட்டுக்கள் கைப்பற்றப்பட்டதாக பொலிஸார் தெரிவித்தனர். மேலும், வீசா வடிவமைப்புக்கு பயன்படுத்தப்பட்ட கணணியொன்றும் மற்றும் அச்சு இயந்திரம் ஒன்றும் இதன் போது கண்டுபிடிக்கப்பட்டுள்ளது. வீசா ஒன்றிற்காக ஒருவரிடம் ஒரு இலட்சத்து 50 ஆயிரம் ரூபா வீதம் பெற்றுக்கொள்ளப்பட்டுள்ளதாக மேலதிக விசாரணைகளின் போது தெரியவந்துள்ளது. http://seithy.com/breifNews.php?newsID=163815&category=TamilNews&language=tamil
  4. பயங்கரவாத நடவடிக்கைளுடன் தொடர்புடையதாக கருதப்பட்டு தேடப்படும் இலங்கை பிரஜை ஒருவர் தற்போது கனடாவில் வாழ்ந்து வருவதாக தெரியவந்துள்ளதாக சீ.டி.வி டொரண்டோ செய்தி வெளியிட்டுள்ளது. குறித்த நபரின் பெயர் இன்டர்போல் சிவப்பு பட்டியலில் இருப்பதாகவும், இவர் டொரண்டோ பகுதியில் வாழ்வதாகவும் குறிப்பிடப்பட்டுள்ளது. இன்டர்போல் சிவப்பு பட்டியல் 2010ஆம் ஆண்டு வெளியிட்டிருந்த தகவலின்படி, பயங்கரவாதம் என்ற பட்டியிலில் “ரவிசங்கர் கனகராஜா” என்ற 43 வயதுடைய இலங்கை பிரஜையை பற்றி வெளியிட்டுள்ளது. இதேவேளை ரவிசங்கர் கனகராஜா தொடர்பிலான இந்த அறிக்கை தற்போது இன்டர்போல் வலைதளதத்தில் தேடப்படும் நபர்களின் பட்டியலில் இடம் பெற்றுள்ளதாகவும் குறிப்பிடப்பட்டுள்ளது. இவர் தமிழீழ விடுதலைப் புலிகள் இயக்கத்துக்காக கப்பல்கள் மூலம் ஆயுதங்களை கடத்தினார் என்றும் இந்தக் குற்றச்சாட்டிற்காக 30 வருட சிறைத் தண்டனை வழங்கப்பட்டுள்ளதாகவும் இலங்கை ஊடகம் செய்தி வெளியிட்டிருந்தது. அத்துடன் ரவிசங்கர் பயங்கரவாத குழுவின் தலைவர் என இலங்கை அரசாங்கம் தகவல் வெளியிட்டுள்ளது. ரவிசங்கரின் சகோதரனின் மனைவி தற்போது கிச்னர் பகுதியில் தனது கணவனுடன் வாழ்ந்து வருகின்றார் என்றும், ரவிசங்கரைத் தொடர்புகொள்ள பல முறை முயற்சித்த போதும் அது பலனளிக்கவில்லை என்றும் அவரது சகோதரனின் மனைவி சீ.டி.வி டொரண்டோவிடம் குறிப்பிட்டுள்ளார். இது தொடர்பில் சீ.டி.வி டொரண்டோ அவரது வழக்கறிஞர் கோப்லன்டிடம் தொடர்புக் கொண்ட போது, “அவர் தற்போது கனேடிய குடியுரிமை பெற்றுள்ளார். இருப்பினும் எந்த சூழ்நிலையின் காரணமாக இவர் கனேடிய குடியுரிமை பெற்றார் என்றும் அவர் வேறு பெயரை பயன்படுத்தியுள்ளாரா என்று தனக்கு தெரியாது” என்றும் அவர் தெரிவித்துள்ளார். கனகராஜா வழக்கு தொடர்பில் குடிவரவு அதிகாரிகள் தகவல் தர மறுத்துள்ளனர் என வழக்கறிஞர் கூறினார். மேலும், பயங்கரவாதத்தின் கீழ் ரவிசங்கரை கைது செய்ய திர்மானித்துள்ளனர். ஆனால் இலங்கையில் இடம் பெற்ற உள்நாட்டு யுத்தம் பயங்கரவாதத்துடன் தொடர்புடையதல்ல எனவும் அவரை பயங்கரவாதி என கூற முடியாது என்றும் வழக்கறிஞர் கூறியுள்ளார். ஆனால் இந்த கதை தொடர்பான பேட்டிக்கு கனடாவின் பொது மக்கள் பாதுகாப்பு அமைச்சர் ரல்ப் குடேல் மறுத்துள்ளார் என்றும் தெரிவிக்கப்பட்டுள்ளது. கனடாவில் வாழ்கின்றதாக கருதப்படும் ரவிசங்கர் கனகராஜாவை இது வரையில் இனங்காணவில்லை எனவும் சீ.டி.வி டொரண்டோ தகவல் தெரிவித்துள்ளமை குறிப்பிடத்தக்கது. தொடர்புடைய செய்தி- http://toronto.ctvnews.ca/man-accused-of-terrorist-activities-lives-just-outside-gta-as-canadian-citizen-1.3034499 - See more at: http://www.canadamirror.com/canada/68140.html#sthash.lQ4Shymy.dpuf
  5. நாடு பூராகவும் சீன குடிவரவாளர்களை பரப்ப விரும்பும் கனடா. வன்கூவர்- கனடாவிற்கு அதிக அளவிலான புதிய குடிவரவாளர்கள் தேவைப்படுகின்றனர் என கனடாவின் குடிவரவு அமைச்சர் தெரிவித்துள்ளார். குடிவரவு அமைச்சர் அண்மையில் சீனா விஜயம் ஒன்றை மேற்கொண்டு விட்டு திரும்பியுள்ளார்.அங்கு தனது செல்வாக்கை பயன்படுத்தி சீனாவிற்கான விசா விண்ணப்பங்களை இரட்டிப்பாக அல்லது மும்மடங்காக அதிகரித்து அதிக அளவிலான சீன மாணவர்கள், பணியாளர்கள் மற்றும் உல்லாச பயணிகளிற்கு கனடாவின் கதவை திறக்க அதிகாரிகளின் ஆதரவை திரட்டியுள்ளதாக தெரிவிக்கப்படுகின்றது. இது குறித்து கனடா பூராகவும் பல ஆலோசனைகளை நடாத்தியுள்ளார்.வன்கூவரில் வர்த்தக தலைவர்களுடன் நடாத்திய வட்டமேசை மாநாட்டில் பொருளாதார வளர்ச்சிக்கு இளைய தலைமுறையினர் விசேடமாக பெரிய நகரங்களிற்கு வெளியே தேவை என தெரிவித்துள்ளார். நாடு முழுவதிலும் குடிவரவாளர்களை சமஅளவில் விரிவு படுத்த விரும்புவதாகவும் அவர் கூறியுள்ளார் ரொறொன்ரோ அல்லது வன்கூவரிற்கு விரும்புவதாகவும் தாங்கள் கடைசியாக விரும்பும் ஒரு விடயம் ஒவ்வொரு குடிவரவாளர்களும் ஒன்றில் ரொறொன்ரோ அல்லது வன்கூவர் செல்வரை தாங்கள் விரும்புவதாகவும் புதன்கிழமை தெரிவித்தார். பிரதம மந்திரி ஜஸ்ரின் ட்ரூடோ செப்ரம்பர் மாதம் G20 உச்சி மாநாட்டிற்காக சீனா செல்வதற்கு சற்று முன்னராக குடிவரவு அமைச்சரின் பீஜிங் விடயம் மேற்கொள்ளப்பட்டது. எவ்வளவு குடிவரவாளர்களை ஏற்பது குறித்து முடிவாகவில்லை என அமைச்சர் தெரிவித்துள்ளார்.செப்ரம்பரில் அறிவிக்கப்படும் எனவும் கூறப்பட்டுள்ளது. அட்லான்டிக் கனடா புது வரவாளர்களை ஈர்க்கும் ஒரு முன்னோடி திட்டமாக அமையும் எனவும் சுட்டிக்காட்டியுள்ளார். - See more at: http://www.canadamirror.com/canada/68126.html#sthash.8Irmo0B7.dpuf
  6. கனடாவில் 27 வருடங்கள் வாழ்ந்தவர் குடியுரிமைக்காக போராட்டம் ஜொனத்தன் குய்பெர் (Jonathan “Yoani” Kuiper) என்பவரின் குடியுரிமை தொடர்பான நிலைமை, இரு வாரங்களிற்கு முன் தெரியவந்தமையை அடுத்து அது கனடா எங்கும் விவாதிக்கப்படும் ஒரு விடயமாக ஆகியுள்ளது. அவர் அரசியல்வாதிகளிடமிருந்து சில உதவிகளைப் பெற்றிருந்தாலும், அவரது நிலையில் பெரிய அளவில் முன்னேற்றம் எதுவும் ஏற்படவில்லை. தற்போது 33 வயது நிரம்பிய குய்பெர் (Kuiper) ,14 மாதங்களேயான குழந்தையாய் இருந்தபோது தமது பெற்றோருடன் கனடாவிற்குக் குடிபெயர்ந்து London, Ont இற்கு அருகாமையில் உள்ள Aylmer என்ற நகரிற்கு வந்துள்ளார். இந்த 33 வருட காலப்பகுதியில் 27 வருடங்கள் கனடாவில் வாழ்ந்து, கல்வியும் கற்றவருக்கு தனது குடியுரிமை பற்றிய எண்ணமே எழவில்லை. 2013 ஆம் ஆண்டு அவர் ஐரோப்பாவில் வாழ்ந்தபொழுது இந்தவிடயம் அவருக்குப் பிரச்சினைகளை ஏற்படுத்தியது. கடந்த பெப்ரவரிமாதம் அவரது குடியுரிமைக்கான விண்ணப்பம் நிராகரிக்கப்பட்டபோது, அவர் ஏறத்தாழ 30 ஆண்டுகள் கனடாவில் வாழ்ந்த விடயம் கருத்திலெடுக்கப்படவில்லை. மாறாக, விண்ணப்பம் சமர்ப்பிக்கப்பட முன்னரான 4 ஆண்டுக் காலப்பகுதியே கருத்திற்கொள்ளப்பட்டது. அக்காலத்தில் குடியுரிமைக்கான விண்ணப்பதாரிகள், விண்ணப்பத்திகதிக்கு முன்னரான 4 ஆண்டுகளில் , 3 ஆண்டுகள் கனடாவில் கழித்திருக்கவேண்டும் என்ற நிபந்தனை அமுலில் இருந்தது. குய்பெர் (Kuiper) இந்த நிபந்தனையை நிறைவேற்ற அவருக்கு மேலும் 597 நாட்கள் தேவைப்பட்டது. இதனால் அவரது குடியுரிமைக்கான விண்ணப்பம் நிராகரிக்கப்பட்டதுடன், அவரது நிரந்தர வதிவிட அந்தஸ்தும் பறிபோனது. http://globalnews.ca/news/2807710/im-canadian-man-who-lived-in-canada-for-27-years-still-fighting-for-citizenship/
  7. இளங்கலைப் பட்டப்படிப்பிற்காக கனடா வரும் சர்வதேச மாணவர்களின் எண்ணிக்கை, ஐக்கிய இராச்சியத்திற்குச் (UK) செல்லுபவர்களை விட அதிகமாகக் காணப்படுகிறது. சர்வதேச இளங்கலை மாணவர்களை தம்வசம் கவரும் போட்டியில் ஐக்கிய இராச்சியத்தின் பின்னடைவிற்கு அந்நாட்டின் இறுக்கமான குடிவரவு நடைமுறைகளே பிரதான காரணம் எனத் தெரிவிக்கப்படுகிறது. ஐக்கிய இராச்சியத்தித்தின் சகல கட்சிப் பாராளுமன்றக் குழு ஒன்றின் ஆய்வின் மூலம் இவ்விடயம் கண்டுபிடிக்கப்பட்டுள்ளது. http://www.cicnews.com/2016/05/canada-popular-uk-international-undergraduates-058022.html#LmeVFdyPpqk6GT1j.99
  8. ஒன்ராரியோவின் அதி-சிறந்த தன்னார்வப் பணியாளர் கௌரவிப்பு ஒன்ராரியோவின் Brantford என்ற நகரைச் சேர்ந்த Austin Fowler, என்ற 19 வயதுடைய இளைஞர், Nova Vita என்ற இடத்தில் உள்ள துஷ்பிரயோகத்திற்குள்ளான பெண்களிற்கான புகலிடம் ஒன்றில், குழந்தைகளிற்காக செய்த தன்னலமற்ற தன்னார்வப் பணிக்காக விருது வழங்கி கௌரவிக்கப் பட்டுள்ளார். 2016 ஆம் ஆண்டின் இளைய தன்னார்வத் தொண்டர்களுக்கான பதக்கத்தைப் பெற்ற 10 பேர்களுள் இவரும் ஒருவராவார். ஓன்ராரியோவின் குடிவரவுத்துறை அமைச்சர் Michael Chan மற்றும் , மாகாண ஆளுனர் Lt.-Gov. Elizabeth Dowdeswell ஆகியோரிடம் இருந்து இவ் விருதை இவர் பெற்றுக் கொண்டார். http://www.brantfordexpositor.ca/2016/06/01/ontario-honour-for-selfless-volunteer
  9. கனடா- விடுமுறைக்கு அரிசோனா சென்ற கீதை தர்மசீலன் குடும்பத்தினர் தங்கியிருந்த ஹொட்டேலில் கடவு சீட்டுக்கள் களவாடப்பட்டு விட்டது. இது குறித்து எயர் கனடாவிடம் தெரிவித்த போது திரும்பி செல்வதற்கான ரிக்கெட்டுக்கள் போதுமென அவர்கள் உறுதியளித்துள்ளனர். திரும்பும் போது அவர்களிற்கு காத்திருந்த சோதனை குறித்து எந்த ஒரு எதிர்பார்ப்பும் இருக்கவில்லை. நால்வர் அடங்கிய குடும்பம் பீனிக்ஸ் விமான நிலைய பாதுகாப்பு பகுதியை கடந்து விட்டனர்.ஆனால் ஏர் கனடா முகவர் இவர்களிடம் போர்டிங் பாசை கையளிக்க சிறிது முன்னர் மற்றொரு முகவர் இவர்களை அணுகி கடவு சீட்டுக்கள் இன்றி கனடிய சட்டத்தின் பிரகாரம் திரும்ப ரொறொன்ரோ செல்வது குற்றமாகும் என தெரிவித்துள்ளார். யு.எஸ் சுங்க மற்றும் பாதுகாப்பு அதிகாரிகள் இவர்களை அனுமதித்து விட்ட பின்னரும் இவர்கள் அனுமதிக்கவில்லை என கீதை ரொறொன்ரோ பத்திரிகையாளரிடம் தெரிவித்தார். தொலைந்த கடவுச்சீட்டு சம்பந்தப்பட்ட விடயங்களில் எயர் கனடாவின் மாறுபட்ட கலப்பு செய்திகளினால் எதிர்பாராத விதமாக தடுக்கப்பட்ட சம்பவம் தர்மசீலன் குடும்பத்தினருக்கு மட்டும் முதல் தடவையாக ஏற்படவில்லை. கடந்த வருடம் பிரிட்டிஷ் கொலம்பியாவை சேர்ந்த பெண் ஒருவருக்கும் நடந்துள்ளது. பிலடெல்பியா சென்ற இவரின் கடவுச்சீட்டு தொலைந்து விட்டது. அதிகாரிகள் இவர் திரும்ப கனடா செல்ல முடியும் என திரும்ப திரும்ப உறுதியளித்த போதும் எயர் கனடா பிலடெல்பியாவிலிருந்து விமானம் ஏற இவரை அனுமதிக்கவில்லை. தர்மசீலன் கனடிய தூதரகத்துடன் தொடர்பு கொண்டு கடவுச்சீட்டுக்கள் தொலைந்தமை குறித்து தெரிவிக்க அவர்கள் விமான நிறுவனத்துடன் கதைக்குமாறு தெரிவித்துள்ளனர்.ஏர் கனடா பிரதிநிதி இவர்கள் சுற்று-பயண ரிக்கெட்டுக்களை வாங்கியிருப்பதால் இவர்கள் குறித்த தகவல்கள் பியர்சன் சர்வதேச விமான நிலையத்தின் கணனிகளில் இருக்கும் என கூறியுள்ளார். மற்றொரு வழியால் இவர்களது அடையாளத்தை பியர்சன் சரிபார்க்க முடிந்தால் பயணம் செய்யமுடியும் என கனடிய தூதரகம் தெரிவித்துள்ளது. இவர்கள் திரும்ப வேண்டிய திகதி ஏப்ரல் 24.குடும்பம் விமான நிலையத்திற்கு 5-மணித்தியாலங்களிற்கு முன்னர் வந்தனர்.யு.எஸ் சுங்க அதிகாரிகள் மற்றும் TSA அதிகாரிகள் இவர்களிடம் வழக்த்திற்கு மேலாக கேள்விகள் கேட்ட பின்னர் போர்டிங் லவுன்சிற்கு செல்ல அனுமதித்தனர். ஆனால் மற்றுமொரு விமானநிலைய பணியாளரால் அனுமதி மறுக்கப்பட தர்மசீலன் ஒட்டாவாவிலுள்ள அவசர பாஸ்போட் அவசர தொலை தொடர்பு சேவையுடன் தொடர்பு கொண்டார். அவர்களும் கடவுசீட்டின்றி கனடாவிற்கு செல்வது குற்றம் என தெரிவித்துள்ளனர். இந்நிலையில் இவர்கள் செல்ல வேண்டிய விமானம் சென்றுவிட்டது. லாஸ் ஏஞ்சல்சிலுள்ள கனடிய தூதரகம் செல்லுமாறு ஏர் கனடா தெரிவித்தது. அதிஷ்ட வசமாக ஒரு West-Jet ஏஜன்ட் சாரதி அனுமதி பத்திர அடையாளத்துடன் இவர்களிற்கு விமானத்தில் அனுமதியளித்தனர். தர்மசீலன் குடும்பத்தினர் எல்லையை கடந்து கனடா வந்தடைந்தனர்.ஆனால் விமானங்கள் மாறியதால் இவர்களது பொதிகள் தாமதிக்கப்பட்டன. ஏயர் கனடா நடந்த சம்பவத்திற்கு மன்னிப்பு கேட்டது. எதிர் வரும் ஆகஸ்ட் மாதம் விடுமுறையில் யு.எஸ். செல்ல இருப்பதாக தெரிவித்த தர்மசீலன் நிச்சயமாக எயர் கனடா மூலமாக இல்லை என தெரிவித்தார். - See more at: http://www.canadamirror.com/canada/63794.html#sthash.y7TsmKIM.dpuf
  10. சீக்கிய இனத்தவர்கள் உந்துருளி (Motor cycle) செலுத்தும் போது தலைக்கவசம் அணிவதிலிருந்து விலக்களிக்கக் கோரும் பிரேரணை, ஒன்ராரியோ சட்டசபையில் பல தடவைகள் சமர்ப்பிப்க்கப்பட்டுள்ளது. ஆயினும் இது ஒன்ராரியோவில் இன்னமும் சட்டமாக்கப் படவில்லை. பிரிட்டிஷ் கொலம்பியா மற்றும் மனிடோபா மாகாணங்களில் இவ்வாறு விலக்களிக்கப்படும் சட்டம் அமுல் படுத்தப்பட்டதை அடுத்து, ஒன்ராரியோவிலும் இச்சட்டமூலத்திற்கு உயிரளிக்க ஏற்பாடுகள் நடைபெறுகின்றன. மாகாண சட்டசபைத் தொகுதியான Bramalea—Gore—Malton இன் புதிய சனநாயகக் கட்சி சட்டசபை உறுப்பினர் Jagmeet Singh MPP, அவர்கள் , ஒன்ராரியோவின் பெருந்தெரு வாகனச் சட்டத்தில் (Highway Traffic Act) திருத்தங்களை ஏற்படுத்த விழைகிறார். சீக்கியர்கள் உந்துருளி (Motor cycle) செலுத்தும் போது தலைக்கவசம் அணியாது, அவர்களது தலைப்பாகையுடன் செலுத்தக் கூடியவகையில் சட்டத்தில் திருத்தம் ஏற்படுத்தப்பட வேண்டும் என அவர் கோருகுறார். டொரொன்டொ இல் கடந்த ஆண்டின் முதல் ஐந்து மாத காலத்துடன் ஒப்பிடுகையில் , இவ்வருடத்தின் முதல் ஐந்து மாதகாலப் பகுதியில் இடம்பெற்ற விபத்துக்களின் என்ணிக்கை அதிகரித்திருப்பதாக புள்ளிவிபரங்கள் தெரிவிக்கின்றன. இவ்வாறான ஒரு நிலையில், இத்தகைய ஒரு சட்டத் திருத்தத்திற்கான முயற்சி எவ்வளவு பொருத்தமானதாக இருக்கும் என்பதை பொறுத்திருந்துதான் பார்க்கவேண்டும். ஆதாரம் :http://www.autoevolution.com/news/helmet-exemption-for-sikh-riders-proposed-once-more-in-ontario-107526.html#ixzz4ARPWgY00
  11. கனேடிய அரசு கனடாவின் குடியுரிமைச்சட்டத்தில் மீண்டும் மாற்றங்களை ஏற்படுத்த முயற்சிக்கின்றதாக செய்திகள் தெரிவிக்கின்றன. பாராளுமன்ற குடிவரவுச் செயற்குழுவின் தவிசாளர் (The chair of the House Immigration Committee) Borys Wrzesnewskyj, MP அவர்களின் கூற்றுப்படி, C-6 என்றழைக்கப்படும் இச்சட்டமூலம் ஜூலை மாதம் முதலாம் திகதியளவில் (July 1), கனடா தினத்தையொட்டி அல்லது அதற்கு முன்னதாக, சட்டமாக அங்கீகரிக்கப்பட உள்ளது. முன்மொழியப்பட்டுள்ள மாற்றங்களில் முக்கியமானவை, 1. நிரந்தர வதிவாளர்களின் தகுதிகாண் வதிவிடக் காலப்பகுதியானது, ஆறு வருட காலப் பகுதியில் நான்கு வருடங்களாக இருந்து, ஐந்து வருட காலப் பகுதியில் மூன்று வருடங்களாகக் குறைக்கப்படல், 2. சில குறிப்பிட்ட விண்ணப்பதாரிகள், தாம் கனடாவில் தற்காலிக நிலையில் (temporary status) செலவிட்ட காலத்தின் ஒருபகுதியை , மேற்குறிப்பிட்ட மூன்று வருட நிபந்தனைக்காகப் பயன்படுத்தக் கூடியதாக இருக்கும். 3. சில குறிப்பிட்ட விண்ணப்பதாரிகளிற்கு, அரச கரும மொழித்தகைமை நிபந்தனைகளில் இருந்து விலக்களிக்கப்படல் ( Language proficiency requirements for Canadian citizenship) ஆதாரம்: http://www.cicnews.com/2016/05/government-canada-aims-pass-canadian-citizenship-act-law-july-1-058036.html
  12. டொரொன்டோவில் குடிவரவாளர்களுக்கான, தொழிற்றுறை, கல்வி, மற்றும் குடியமர்வு தொடர்பான இலவச கருத்தரங்கம் (FREE CAREER EDUCATION & SETTLEMENT IMMIGRANT FAIR) நீங்கள் டொரொன்டோவிற்கு அண்மையில் வந்த குடிவரவாளரா? இந்த அரிய சந்தர்ப்பத்தைத் தவற விடாதீர்கள். ஜூன் மாதம் 8ம் திகதி மு.ப 10.00 மணி தொடக்கம் பி.ப 4.30 வரைக்கும் Metro Toronto Convention Centre (255 Front St. W) என்ற முகவரியில் இக்கருத்தரங்கம் நடைபெறுகிறது. இந் நிகழ்விற்கு Centennial College, Osgoode Professional Development – YORK University, Humber College ஆகியனவும், இன்னும் பல நிறுவனங்களும் ஆதரவு வழங்குகின்றன.
  13. ஒன்ராரியோவின் மாகாண அரசு கடந்த கல்வி ஆண்டில் புதிய / மறுசீரமைக்கப்பட்ட பாலியல் கல்விப் பாடத்திட்டத்தை பாடசாலைகளில் அறிமுகம் செய்ததைத் தொடர்ந்து, பல்வேறு இனக்குழுக்களினால், டொரொன்டோவின் பல பகுதிகளில் பெற்றோர்களால் எதிர்ப்பு நடவடிக்கைகள் மேற்கொள்ளப்பட்டது தெரிந்ததே. தமிழ் சமூகத்தைச் சார்ந்த பெற்றோர்களும், தமிழ் அரசியல்வாதிகளும் இவ்வெதிர்ப்பு நடவடிக்கைளில் பங்கேற்றிருந்தனர். குறிப்பாக இஸ்லாமிய சமூகத்தவர் செறிந்து வாழும் பகுதியான Thorncliff Park இல், கடந்த வருடம் இவ்வெதிர்ப்பு நடவடிக்கையின் ஒரு பகுதியாக சில பாடசாலைகளில் 90% இற்கும் அதிகமான மாணவர்கள் பாடசாலைகளுக்குச் செல்லவில்லை. இது தவிர நகரின் முக்கிய பகுதிகளிலிலும், மாகாண அரசின் சட்டசபை முன்பாகவும் எதிர்ப்பு நடவடிக்கைகள் பெற்றோர்களால் மேற்கொள்ளப்பட்டன. டொரொன்டோ கல்விச் சபையின் (TDSB) அறங்காவலர் Gerri Gershon இன் கருத்துப்படி டொரொன்டோ கல்விச் சபையின் ஆரம்பப் பாடசாலைகளில் மாணவர் சேர்க்கை ஏறத்தாழ 2000 இனால் குறைவடைந்துள்ளமைக்கு, பாலியல் கல்விப் பாடத்திட்டத்தின் அறிமுகமும் ஒரு காரணமாக அமைகின்றது. ஆதாரம்: http://www.cbc.ca/news/canada/toronto/programs/metromorning/tdsb-sex-ed-curriculum-enrolment-thorncliffe-park-1.3601032
  14. நன்றி............ நன்றி கோமகன்.......
  15. Chat இலும் FaceBook இலும் விழுந்து எழும்ப முடியாமல், மாய வலையில் அகப்பட்டுள்ளனர் பலர் என்று சொல்ல வந்தன்..... புரியும்படி சொல்லவில்ல...என் தவறு