நவீனன்

கருத்துக்கள உறவுகள்
  • Content count

    37,038
  • Joined

  • Last visited

  • Days Won

    248

Everything posted by நவீனன்

  1. தமிழர்களுக்கு கிடைத்த வாய்ப்புக்களை எல்லாம் தனது சுயலாபத்திற்காக பிரபாகரன் தட்டிக்கழித்து விட்டார் – என்கிறார் டக்ளஸ் தேவானந்தா: தேவானந்தா:- குளோபல் தமிழ்ச் செய்தியாளர்:- தமிழர்களுக்கு கிடைத்த வாய்ப்புக்களை எல்லாம் தனது சுயலாபத்திற்காக பிரபாகரன் தட்டிக்கழித்து விட்டார் என ஈழமக்கள் ஜனநாயக கட்சியின் செயலாளரும், யாழ்.மாவட்ட நாடாளுமன்ற உறுப்பினருமான டக்ளஸ் தேவானந்தா தெரிவித்துள்ளார். யாழில் உள்ள தனது கட்சி அலுவலகத்தில் ஞாயிற்றுக்கிழமை ஊடகவியலாளர்களை சந்தித்த போதே அவ்வாறு தெரிவித்தார். மேலும் தெரிவிக்கையில், தமிழ் தலைமைகள் அனைத்தும் தமிழ் மக்களுக்காக பேரம் பேசும் சந்தர்ப்பங்கள் கிடைத்த வேளை எல்லாம் அதனை தமது சுயஇலாபத்திற்காக கைவிட்டனர். பிரபாகரனும் அவ்வாறே. இலங்கை இந்தியா ஒப்பந்தம், பிரேமதாஸா, சந்திரிக்கா, ரணில், மகிந்த ஆகியோரின் ஆட்சி காலத்தில் பேரம் பேசும் சந்தர்ப்பங்கள் கை கூடி வந்த வேளை எல்லாம் அதனை தனது சுயஇலாபத்திற்காக கைவிட்டனர். வடமாகாணத்திற்கு கொடுத்தது 32 பில்லியன். செலவழித்தது 1.2 பில்லியன். கடந்த வருடம் வடமாகாண சபைக்கு 32 பில்லியன் நிதி கொடுக்கப்பட்ட போதும் 1.2 பில்லியன் நிதியினையே செலவழித்து உள்ளனர். நிதியமைச்சர் போரினால் பாதிக்கப்பட்ட மாகாணம் என பெருமளவான நிதியினை வடக்குக்கு ஒதுக்கும் போதும் , அதனை செலவு செய்யாமல் மாகாண சபையினர் செயற்படுகின்றனர். பொருத்து வீடு அரண்மனை. கிடைப்பதனை பெற்றுக்கொள்ள வேண்டும். முன் நிர்மாணிக்கப்பட்ட வீடு என்பது குடிசைகளிலும் , தகர கொட்டகைகளிலும் வாழும் எம் மக்களுக்கு அரண்மனை. அந்த அரன்மையில் 10 தொடக்கம் 15 வருடங்கள் ஆவது அந்த மக்கள் சந்தோசமாக வாழட்டும். கிடைப்பதனை ஏன் வேண்டாம் என கூற வேண்டும்.கிடைப்பதனை பெற்றுக்கொள்வோம். நீதி அமைச்சுக்கு சொந்தமான காணியை மக்களுக்கு வழங்க சம்மதம். யாழ்.குருநகர் பகுதியில் நீதி அமைச்சுக்கு சொந்தமான காணி ஒன்றினுள் 70 குடும்பங்கள் அத்துமீறி வீடமைத்து வாழ்வதாக நீதிமன்றில் வழக்கு தாக்கல் செய்யப்பட்டு அவர்களை அங்கிருந்து எழும்பும் மாறு நீதிமன்று அறிவித்து இருந்தது. இது தொடர்பில் நீதி அமைச்சருக்கு நான் தெரிய படுத்தியதை அடுத்து அந்த மக்கள் 91ம் ஆண்டு முதல் அக்காணியில் வாழ்வதனால் அவர்களை அங்கிருந்து அப்புறப்படுத்த வேண்டாம் எனவும் , நீதி அமைச்சுக்கு வேறு இடத்தில் காணிகளை அடையாளம் காணுமாறு நீதி அமைச்சர் கடிதம் மூலம் மேல் நீதிமன்ற நீதிபதி , அரச அதிபர் , பிரதேச செயலாளர் ஆகியோருக்கு அறிவித்து உள்ளார். நாவற்குழியில் வாழும் தமிழ் மக்களுக்கு விரைவில் வீடு. நாவற்குழியில் வாழும் தமிழ் குடும்பங்களுக்கு மிக விரைவில் வீடமைந்து கொடுக்க நடவடிக்கை எடுப்பேன். நாவற்குழியில் தேசிய வீடமைப்பு அதிகார சபையின் காணியில் வாழும் தமிழ் மக்களுக்கு வீடமைத்து கொடுக்க சகல நடவடிக்கைகளையும் முன்னெடுப்பேன். எதிர்க்கட்சி தலைவர் தொடர்பில் ஆராய்கிறோம். வடமாகாண எதிர்க்கட்சி தலைவர் தொடர்பில் தொடர்ந்து கட்சி தனது நிலைப்பாடு தொடர்பில் ஆராய்ந்து வருகின்றது. என தெரிவித்தார். http://globaltamilnews.net/archives/14747
  2. கேட்டதைக் கொடுக்கும் தேவலோகத்து மரம் கேட்டதைக் கொடுக்கும் தேவலோகத்து மரம் பனை, புல்லினத்தைச் சேர்ந்த ஒரு தாவரப் பேரினம். அறிவியல் வகைப்பாட்டில் இதை போரசசு (Borassus) என்னும் பேரினத்தில் அடக்குவர். இப்பேரினத்தில் பல சிற்றினங்கள் அடங்குகின்றன. நெடிய மரமாக 30 மீட்டர் உயரம் வரை பனைமரம் வளரும். இலைகள் நீட்டமாக விசிறி போல் இருக்கும். இலைகள் 2-3 மீட்டர் நீளம் இருக்கும். பூக்கள் சிறியவை. பழங்கள் (நுங்கு) பெரியதாக, வட்டமாக, பழுப்பு நிறத்துடன் இருக்கும். பொது வழக்கில் மரம் என்று தமிழில் வழங்கப்படினும், இது மர வகையைச் சார்ந்தது அல்ல. தற்காலத் தாவரவியல் அடிப்படையில் மட்டுமன்றித் தமிழ் இலக்கண மரபுகளின்படியும் பனையை மரம் என்பது தவறு. பனையை, கேட்டதைக் கொடுக்கும் தேவலோகத்து மரம் எனத் தொன்மங்கள் கூறும் கற்பகதருவுக்கு ஒப்பிடுவர். பனை மரத்தில் இருந்து கிடைக்கும் நுங்கு நீரை தொடர்ந்து சாப்பிட்டு வர கோடை காலத்தில் ஏற்படும் வேர்க்குரு நீங்கும். தோலுடன் நுங்கை சாப்பிட்டு வர சீதக்கழிச்சல் நீங்கும். பனங்கற்கண்டை ஏதாவது ஒரு வகையில் அடிக்கடி பயன் படுத்திவர அம்மை நோயால் ஏற்பட்ட உடல் வெப்பம் தாகம் போன்றவை நீங்கும். பனங்கிழங்கிற்கு ஊடல் குளிர்ச்சியை தரும் தன்மை உண்டு. இந்த கிழங்கை சாப்பிட்டு வந்தாலுடல் அழகு பெறும். உடல் பலமும் அதிகரிக்கும். பதநீர் மகிமை.. பனை மரத்துல நுங்கு பிஞ்சு உருவானதும், அதை நாறைக் கட்டி, வளர்ச்சியை கட்டுப்படுத்துவாக பிஞ்சு ஓரத்தில் லேசாக கீறிவிட்டு, தினமும் மூன்று முறை மரம் ஏறி, அந்த பிஞ்சை அழுத்த, சொட்டுச் சொட்டாக மண்பானையில் பால்(கள்) இறங்கும். இப்படி ஒரு மரத்துல மூன்று மாதம் வரை பால் எடுக்கலாம். அந்த பாலில் சுண்ணாம்பு சேர்த்தால் பதநீர் ரெடி. சில இடங்களில் மண்பானை அடியில் சுண்ணாம்பை தடவி கட்டிவிட்டுடுவாங்க. இதனால் மரத்திலிருந்து பானையை இறக்கும்போதே பதநீர் தயார். இந்த பதநீரில் சோறு சமைக்கலாம்; பொங்கல் வைக்கலாம்; கொழுக்கட்டை தயாரிக்கலாம்; அவியல் அரிசி படைக்கலாம். யானை இறந்தால் ஆயிரம் பொன் என்று சொல்லுவாங்க. பனை இருந்தாலும் ஆயிரம் பொன்தான். பிஞ்சிலிருந்து மரமாகி, கீழே விழும் வரை எல்லா வகையிலும் பயன்தரும் என்பது நிதர்சனம். இந்த பனைமர கள்ளைவிட, தென்னைமர கள் போதை அதிகம் தரும். ஆனால் சுவையில் பனைமர கள்ளை மிஞ்சமுடியாது. சுண்ணாம்பு சேர்த்து எடுக்கப்படும் பனஞ்சாற்றுக்கு பதர்நீர் என்று பெயர். மேக நோய் இருப்பவர்கள் இதை 40 நாட்களிடைவிடாது அருந்தி வர அந்த நோய் பாதிப்பில் இருந்து விடுபடலாம். பதநீரில் இருந்து எடுக்கப்படும் கருப்பட்டி, பனங்கற்கண்டு, ஆகியவற்றுக்கும் நோய் தீர்கும் குணங்கள் உண்டு. பனை நுங்கு கோடை கலத்தில் ஏற்படும் தாகத்திற்கு மிகவும் ஏற்றது. பனங்கிழங்கை உலர்த்தி இடித்து மாவாக்கி, அதனுடன் தேங்காய் உப்பு போட்டு சாப்பிட்டு வர உடலுக்கு பலம் உண்டாகும். மேலும் உடல் பருமன் ஆகும். பனம் பூவை சுட்டு சாம்பலாக்கி அதில் சிறிது தேங்காய் எண்ணெய் கலந்து புண்களின் மீது பூச ஆறும். பயன் தரும் பாகங்கள் நுங்கு, பனம்பழம், பனங்கிழங்கு, பனை ஓலை, குருத்து, பனை கருக்கு, பனைப்பால் (கள்) , முற்றிய மரம் முதலியன. வளரியல்பு. . . பனை கற்பக மரமாகும். கூந்தல் பனை, கரும்பனையில் கரும்பனையே மருத்துவ குணமுடையதாகும். இது எல்லா மண்வளத்திலும் வளர்க்கூடியது. வரட்சியைத் தாங்கி வளரக்கூடியது. பனை வைத்தவனுகுப் பயன் தராது என்பர். இதன் வளர்ச்சி ஆரம்பத்தில் மெதுவாக வளரும். நூறு ஆண்டுகள் உயிருடன் இருக்கும். இது தொண்ணூறு அடிக்கு மேல் வளரும். பனங்கை ஓலை 9 -10 அடி நீளம் வரை நீண்டிருக்கும். பக்கவாட்டில் அடுக்கடுக்காக பனங்கை வளர்ந்திருக்கும். இது விதை மூலம் உற்பத்தி செய்யப்படுகிறது. மருத்துவப் பயன்கள். . . பனை உடலுக்கு ஊட்டத்தை அளிப்பது. குளிர்ச்சி தருவது. வெப்பத்தைத் தணிப்பது, துவர்ப்பும் இனிப்பும் கலந்த சுவை உடையது. பனை மரத்தின் பால் தெளுவு-தெளிவு எனப்படும். சுண்ணாம்பு கலவாதது கள் எனப்படும். வைகறை விடியல் இந்தப் பாலை (கள்ளை) 100 -200 மி.லி. அருந்தி வந்தால் போதும். உடல்குளிர்ச்சி பெறும். ஊட்டம் பெறும். வயிற்றுப் புண் நிச்சையம் ஆறிவிடும். புளிப்பேறிய கள் மயக்கம் தரும், சுண்ணாம்பு சேர்த்த தெளிவு எல்லோருக்கும் சிறந்த சுவையான சத்தான குடிநீராகும். அதைக் காய்ச்சினல் இனிப்பான கருப்பட்டி கிடைக்கும். நுங்கு வெயிலின் கொடுமையைக் குறைக்க மனிதனுக்குக் கிடைத்த அரு மருந்தாகும். எல்லா வயதினருக்கும் ஏற்ற சிறந்த சத்துணவாகும். நுங்கின் நீர் வேர்க்கருவிற்குத் தடவ குணமாகும். பனம்பழம் சிறந்த சத்துணவாகும். உயிர் சத்து நிறைந்தது. பித்தம் தருவது. சுட்டு சாப்பிடலாம். பனங்கொட்டையை மிருதுவான மண் அல்லது ஈர மணலில் புதைத்து வைத்து இரண்டு மூன்று இலை விட்ட பின் தோண்டி கொட்டைக்குக் கீழ் உள்ள நீண்ட கிழங்கை எடுத்து வேக வைத்துச் சாப்பிட்டால் மிகச் சிறந்த ஊட்ட உணவாகும். சிறு குழந்தைகளுக்கு உடலைத் தேற்றும். பனை மரத்தின் அடி பாகத்தில் கொட்டினால் நீர் வரும் அதை கருப்படை, தடிப்பு, ஊரல், சொறி உள்ளவர்களுக்கு அதன் மீது தடவினால் குணமடையும். ஐந்தாறு முறை தடவ வேண்டும். பனையின் பயன்கள் பனை ஓலை குருத்து ஓலையில் இருந்தே அதிகமான பயன் தரும் பொருட்கள் செய்யப்படுகிறன்றன. கைவினைப்பொருட்களான: பூக்கள், பூச்சாடிகள், போன்றவை நாளாந்த பாவனைப்பொருட்களான: பெட்டி, சுளகு, பாய், கடகம், திருகணை, நித்துபெட்டி, இடியப்ப தட்டு என பல பொருட்கள் செய்ய உதவுகிறது. முற்றிய ஓலை மாட்டுக்கு உணவாக பயன்படுத்த படுவதுடன், வீடு வெய, வெலிகள் அடைக்கவும் பயன்படுகிறது. பனையோலை வேய்த இருப்பிடம் ஆரோக்கிய வாழ்வைத் தரும். வெப்பம் அண்டாது. இதில் விசிறி, தொப்பி, குடை, ஓலைச்சுவடி தயார் செய்யப் பயன் படும். கைவினைப் பொருள்கள் செய்யலாம். இந்தோனேசியாவில் ஓலையை எழுதும் பேப்பராகப் பயன் படுத்தினார்கள். அதைப்பக்குவப்படுத்த கொதிநீரில் வேக வைத்து மஞ்சள் பொடி இட்டு ஓரத்தில் ஓட்டைகள் போட்டு ஏட்டுப் புத்தகம் உண்டாக்கினார்கள். இலங்கையில் தமிழர்கள் வாழும் பகுதிகளில் தோட்டச் செய்கையின் போது தேவையற்ற களைகளைக் கட்டுப் படுத்துவதற்கும், பசளையாகவும் பனையோலையை தோட்டக் காணியின் மீது பரவி ஓரிரு வாரம் விட வேண்டும். பின்னர் பனை ஓலையின் கீழ் சூரிய ஒளி கிடையாது களைகள் வாடும் போது அப்பனை ஓலைகளையே வெட்டித் தாட்டு பசளையாக்கி விடுவதனால் ஒரே வேலையில் இரு பயன்கள் கிடைக்கும். பனம் நார் பனம் ஓலை, இலையில் இருக்கும் நீண்ட தண்டு, இளம் மட்டையிலிருந்து பிரித்தெடுக்கும் நாரினால் தயாராகும் விண் பட்டங்களில் ஒலியை ஏற்படுத்துவதற்காகப் பயன்படுத்தப் படுகிறது. மட்டையில் இருந்து பிரித்தெடுக்கப்படும் நார் நீண்ட நாள் பாவனைக்குரிய தூரிகைகள் (Brush), துடைப்பங்கள் செய்யவும், கயிறு திரிக்கவும், நார்க்கடகம் தயாரிக்கவும் பயன்படுத்தப்படுகிறது. பனை மரம் பனந்துலா, கட்டுமான பணிகளுக்கு குறிப்பாக வீட்டு கூரைகளுக்கு சிலாகை, தீரந்தி, வளை, என்பவை தயாரிக்க பயன்படுத்த படுகிறது. கண்ணில் புண் ஆனால் பனை குருத்து மட்டையைத் தட்டிப் பிழிந்த சாறு மூன்று நாள் விட குணமடையும் எரிச்சில் தீரும். அடிப்பனை வெட்டிசோறு செய்தார்கள். பனங்கையில்தூரிகை செய்தனர். கயிறுகள் தயார் செய்தனர். வேலிக்கும் பயன் படுத்தினர். பனையின் எல்லாபாகமும் உபயோகப் படுத்தினார்கள். பனம் பழம் பனம் பழத்தில் இருந்து பெறப்படும் பழ கூழ் (Fruit pulp) பழபாகு (ஜாம்), பனாட்டு, குளிர் பானம் என்பன செய்ய பயன்படுத்த படுகிறது. அதை விட சுவையான சிற்றுண்டியான பனங்காய் பணியாரம் இலங்கையில் தமிழர்கள் மத்தியில் பிரபலம். பனம் பழம் கொண்டு உடுப்பு தோய்த்தவர்கள் பலர். அதை விட பனம் பழம் தீயில் வாட்டி சாப்பிடுபவர்களும் உண்டு. பனங்களி கசப்புக் கலந்த இனிப்புத் தன்மை கொண்டது. இதை நேரடியாக உண்பது மட்டுமன்றி, இக்களியைப் பதப்படுத்திப் பல வகையான உணவுப் பொருள்களையும் செய்வது உண்டு. இக்களியைப் பிழிந்து, பாய்களிற் பரவி, வெய்யிலில் காயவிட்டுப் பெறப்படுவது பனாட்டு எனப்படுகின்றது. இது நீண்ட காலம் வைத்து உண்ணத்தக்கது. இப் பனாட்டிலிருந்து பாணிப் பனாட்டு என்னும் ஒருவகைப் உணவுப் பண்டமும் தயாரிக்கலாம். பனாட்டு, பாணிப்பனாட்டு என்பன சோற்றுடன் உண்ண மிகுந்த சுவையாக இருக்கும். பனங்கிழங்கை அவிக்காது எடுக்கப்படும் ஒடியலில் இருந்து ஒடியல் மா எடுப்பார்கள். ஒடியல் மாவில் இருந்து ஒடியல் பிட்டு, ஒடியல் கூழ் ஆகிய உணவுகள் தயாரிக்கப்படுகிறது. இவை இலங்கையில் தமிழர்கள் மத்தியில் மிகவும் பிரபலாமான உணவுகள். மகப்பேற்று நிகழ்ந்த தாய்மாரிற்கு குழந்தைகளிற்கு பாலுட்டும்போது குழந்தைக்கான பாலின் அளவு குறைந்தால் ஒடியல் புட்டினை தாயாரிற்கு உணவுகளுடன் கொடுக்கும்போது தாய்ப்பால் சுரக்கும் அளவில் வித்தியாசத்தைக் காணக்கூடியதாக இருக்கும். பனங்கிழங்கை அவித்து காய வைத்து வரும் புளுக்கொடியல், இதனைத் தேங்காய்ச் சொட்டுடன் சாப்பிடலாம். புளுக்கொடியல் மா சிற்றுண்டியாக பயன் படுத்தப்படுகிறது. பனை வெல்லம், பனங்கற்கண்டு வாத பித்தம் நீங்கும். பசியை தூண்டும். புடைப்பு (புஷ்டி) தரும். முன்பு சொன்னபடி, நுரையீரல் மற்றும் தொண்டை பாதிப்புகளுக்கு கொடுக்கப்படும் ஆயுர்வேத மருந்துகளில் பனைவெல்லம் சேர்க்கப்படுகிறது. எலிகளை வைத்து நடத்திய பரிசோதனையில் பனைவெல்லம், நிலக்கரி மற்றும் சி(ஸி)லிகா தூசிகளால் ஏற்படும் நுரையீரல் பாதிப்பை குறைக்கும் என்பது தெரிய வந்துள்ளது. வெல்லம் அயன் சத்து மிகுந்தது. சோகை நோய்களுக்கு மருந்து. தமிழகத்தில் பனை மரத்தின் வெல்லத்தை இரண்டு வகையாக சொல்வார்கள். முற்றிலும் சுத்தப்படுத்தாத, கெட்டியான கரு நிற வெல்லத்தை “கருப்பட்டி” என்பார்கள். இதை சுத்தப்படுத்தப்பட்ட படிகங்களாக உருவாகும் சர்க்கரை ‘பனங்கற்கண்டு’ எனப்படும். இதற்கு மருத்துவ குணங்கள் உள்ளன. பாலில் பனங்கற்கண்டை சேர்த்து காய்ச்சி குடித்தால் மார்புச்சளி இளகும். முக்கியமாக தொண்டைப்புண், வலி இவை அகலும். சங்கீத வித்வான்கள் எப்போதும் பனங்கற்கண்டு கலந்து காய்ச்சிய பாலையே அருந்துவது வழக்கம். அதனால் அவர்களின் குரல் வளம் குறையாமல், பாதுகாக்கப்படுகிறது. கூடவே சில மூலிகைகளும் சேர்க்கப்படுவது உண்டு. தவிர பனங்கற்கண்டு, உடல் வெப்பம் (உஷ்ணம்), காங்கை, நீர் சுருக்கு, காய்ச்சல் (ஜுர) வெப்பங்கள் இவற்றுக்கு நல்லது. பனை மரத்தில் இருந்து கிடைக்கும் பதநீர் பலவிதமான நோய்களை தீர்க்கும் மருந்தாக உள்ளது. பனை நீரிலுள்ள சீனி சத்து உடலுக்கு தேவையான வெப்பத்தை தருகிறது. இதிலிருக்கும் குளுக்கோசு(ஸ்) மெலிந்து தேய்ந்து வாடிய உடலுடைய குழந்தைகளின் உடலை சீராக்கி நல்ல தருகிறது. கருவுற்ற பெண்களுக்கும் மகப்பேறு பெண்களுக்கும் ஏற்படுகின்ற மலச்சிக்கல், வயிற்றுப் புண் முதலியவைகளை குணப்படுத்துகிறது. இரத்த அழுத்தத்தை சீராக்குகிறது. குடல் சம்பந்தமான ஒருவகை காய்ச்சல், காய்ச்சல் (சுரம்) (Typhoid), நீர்க்கட்டு முதலிய வியாதிகளை போக்குகின்ற நல்ல மருந்தாகவும் இது செயல்படுகிறது. இதை அருந்துவதால் இருதய நோய் குணமாகும். இருதயம் வலுவடையும். இதிலிருக்கும் கால்சியம் பற்களை உறுதிப்படுத்தி, ஈறுகளில் ரத்தக்கசிவு ஏற்படுவதை தடுப்பதோடு பற்களின் பழுப்பு நிறத்தையும் மாற்றுகிறது. இதிலிருக்கும் இரும்புச்சத்து பித்தத்தை நீக்கி சொறி, சிரங்கு உள்பட சகல தோல் வியாதிகளையும் நீக்குவதுடன் கண் நோய், தடிமன் (ஜலதோசம்), காசநோய் இவைகளையும் நீக்குகிறது. மேலும் பதநீரானது சயரோகம், இரத்தக்கடுப்பு, அதிக வெப்பம், பசியின்மை, வயிற்றுப்புண், வாய்வு சம்பந்தமான நோய்களையும் குணப்படுத்துகிறது. http://onlineuthayan.com/lifestyle/?p=1532
  3. பன்னீருக்கு நெருக்கடி பதவி விலக பன்னீருக்கு மறைமுக நெருக்கடி ஜல்லிக்கட்டு போராட்டம் நீடிப்பதன் பகீர் பின்னணி ஜல்லிக்கட்டு போராட்டத்தை பயன்படுத்தி, முதல்வர் பன்னீர் செல்வத்துக்கு மறைமுக நெருக்கடிகள் கொடுக்கப்படுவதாக, அ.தி.மு.க., வில் ஒரு தரப்பில் புகார் கூறப்படுகிறது. இதன் மூலம், அவரை பதவி விலகச் செய்து, சசிகலாவை முதல்வராக்க காய் நகர்த்துவதாக வும், தகவல் வெளியாகி உள்ளது. தமிழகத்தில், இரண்டு ஆண்டுகளாக, ஜல்லிக் கட்டு போட்டிகள் நடத்த முடியவில்லை. 'இந்த ஆண்டு தடையை நீக்கி விடுவோம்' என, மாநில அரசு உறுதி அளித்தது; மத்திய அமைச்சர்களும் உத்தரவாதம் கொடுத்தனர். ஆனாலும், தடை நீக்கப்படவில்லை. களமிறங்கினர் பொங்கல் பண்டிகைக்கு, ஜல்லிக்கட்டு நடத்த முடியவில்லை. அதைத் தொடர்ந்து, ஜல்லிக் கட்டு மீதான தடையை நீக்க வலியுறுத்தி, மாணவர்கள், இளைஞர்கள் போராட்டத்தில் குதித்தனர். அவர்களுக்கு ஆதரவாக, சமூக ஆர்வலர்களும், பொது மக்களும் களமிறங்கி னர். தமிழகம் முழுவதும், போராட்டம் பரவியது. சென்னை, மெரினா கடற்கரையில், லட்சக்கணக்கான மாணவர்கள், இளைஞர்கள் திரண்டு, அறவழியில் போராட்டத்தில் ஈடுபட்டுள்ளனர். நாளுக்கு நாள் போராட்டம் வலுவடைந்தது. போராட்டக்காரர்களின் கோரிக்கையை நிறைவேற்ற, தமிழக அரசு அவசர சட்டம் பிறப்பித்துள்ளது. தமிழகம் முழுவதும், நேற்று ஜல்லிக்கட்டு நடைபெறும் என, முதல்வர் பன்னீர்செல்வம் அறிவித்தார்; அதை, போராட்டத்தில் ஈடு பட்டோர் ஏற்றுக்கொள்ளவில்லை. 'நிரந்தர சட்டம் கொண்டு வந்தால் மட்டுமே, போராட் டத்தை கைவிடுவோம்' என, அறிவித்துள்ளனர். இச் சூழ்நிலையில், மாணவர்களின் போராட் டத்தை பயன்படுத்தி, தாங்கள் நினைத்ததை சாதித்துக் கொள்ள, சசிகலா குடும்பத்தினர் முயற்சிகள் மேற்கொண்டுள்ளதாக, தகவல் வெளியாகிஉள்ளது. விரும்பவில்லை இது குறித்து, அ.தி.மு.க., நிர்வாகிகள் சிலர் கூறியதாவது: அ.தி.மு.க., பொதுச்செயலராக நியமனம் செய்யப் பட்டதும், முதல்வராக பதவியேற்க, சசிகலா முடிவு செய்தார். அதை, மத்திய அரசு விரும்பவில்லை. மத்திய அரசு ஆதரவு காரணமாக, முதல்வர் பதவி யில் இருந்து, பன்னீர்செல்வத்தை, சசிகலா தரப்பின ரால் இறக்க முடியவில்லை. இந்நிலையில், ஜல்லிக் கட்டுக்கு ஆதரவாக, தமி ழகத்தில் போராட்டம் தீவிரம் அடைந்தது. போராட் டத்தை முடித்து வைக்க, முதல்வர் பன்னீர்செல்வம், பல்வேறு முயற்சிகள் மேற்கொண்டார்; மத்திய அரசும், அவருக்கு உதவியது. இதையடுத்து, இரண்டே நாட் களில், ஜல்லிக்கட்டு நடத்த வகை செய்யும் அவசர சட்டம் கொண்டுவரப்பட்டது. திரும்பினார் ஆனால், போராட்டக்காரர்கள், அதை ஏற்க மறுத்து விட்டனர். ஜல்லிக்கட்டு நடத்துவதற்கான எல்லா ஏற்பாடுகளையும் அரசு செய்த போதிலும், போட்டியை நடத்த, ஆங்காங்கே தடை போட்டனர். ஜல்லிக்கட்டை துவக்கி வைக்க, அலங்காநல்லுார் சென்ற முதல்வர் பன்னீர் செல்வம், துவக்கி வைக்க முடியாமல் திரும்பினார். இதெல்லாமே, பன்னீர்செல்வத்திற்கு கொடுக்கப் படும் மறை முகமான நெருக்கடிகள். ஒரு முதல் வரை ஊருக்குள் நுழைய விடாமல் தடுத்து, திருப்பி அனுப்பிய செயலுக்கு, போராட்டம் மட்டும் காரணமல்ல; அரசியல் உள்நோக்கம் இருக்கிறது. அதேபோல், அவசர சட்டம் கொண்டு வரும், பன்னீர்செல்வத்தின் முயற்சிக்கு, பிரதமரும், மத்திய அமைச்சர் பொன்.ராதாகிருஷ்ணன் போன்றவர்களும் பெரிதும் துணையாக இருந்தனர். அவர்களின் ஆதரவால் தான், ஒரே நாளில், சட்ட வரைவுக்கு, மத்திய உள்துறை, சட்டத் துறை, சுற்றுச்சூழல் துறைகளின் ஒப்புதல் பெற முடிந்தது. குற்றச்சாட்டு அதனால், பிரதமருக்கும், மத்திய அரசுக்கும் பன்னீர்செல்வம் நன்றி தெரிவித்தார். ஆனால், அவரது கட்சியைச் சேர்ந்த, லோக்சபா துணை சபாநாயகர் தம்பிதுரை, டில்லியில் அளித்த பேட்டியில், பிரதமர் மீது குற்றச்சாட்டு சுமத்தினார். இதேபோல், மத்திய அரசு மீது, ஏற்கனவே சசிகலாவின் கணவர் நடராஜனும் குற்றம் சாட்டியிருந்தார். இது போன்ற நெருக்கடிகள் காரணமாக, பன்னீர்செல்வம், தானாகவே பதவி விலக முன் வருவார் என, எதிர்பார்க்கின்றனர். அது நடக்காத போது, சட்டம் - ஒழுங்கை சமாளிக்க தவறிவிட்டதாகக் கூறி, கட்சிக்குள் அவருக்கு எதிராக பிரச்னையை கிளப்பி, அதன் மூலம் காய் நகர்த்தலாம் என்றும் கணக்கு போடு கின்றனர்.இவ்வாறு அவர்கள் தெரிவித்தனர். - நமது நிருபர் - http://www.dinamalar.com/news_detail.asp?id=1695791
  4. இவர் இந்தியாவின் சோலார் பெண்மணி! புதுமைஸ்ரீ லோபாமுத்ரா நம் மக்கள் இப்போதுதான் வீடுகளில் சோலார் பேனல்கள் அமைக்கும் பணிகளை முன்னெடுத்து வருகிறார்கள். ஆனால், உத்தரப்பிரதேசத்தைச் சேர்ந்த ஒரு கிராமத்துப் பெண், தொழில்முறையில் சோலார் பேனல்கள் அமைத்திருக்கிறார். அத்துடன், அருகில் உள்ள கிராமங்களில் வசிக்கும் மக்களுக்கு, மாத வாடகைக்கு சார்ஜ் செய்யப்பட்ட விளக்குகள் கொடுத்து, புதிய சாதனை படைத்து வருகிறார். பிரதமர் நரேந்திர மோடி, அகில இந்திய வானொலி மூலம் மக்களிடம் பேசும் ‘மனதின் குரல் (மன் கி பாத்)’ நிகழ்ச்சியில் இந்தப் பெண்ணைக் குறிப்பிட்டுப் பேச, ‘இந்தியாவின் சோலார் பெண்மணி’ என்று நாடே கொண்டாடுகிறது அவரை. நூர்ஜஹான் என்பது அந்தப் பெருமைக்குரிய பெயர்! உத்தரப்பிரதேசத்தின் கான்பூர் நகருக்கு அருகில் உள்ள பைரி டாரியான் கிராமத்தில் வசிக்கிறார் நூர்ஜஹான். 25 வயதில் அவர் தன் கணவரை இழந்தபோது, ஏழு குழந்தைகளுக்குத் தாயாக, நிராதரவுடன் நின்றார். கூலி வேலை செய்து கிடைத்த வருமானத்தில் குழந்தைகளை வளர்த்தார். ஒரு புதுமையான தொழிலைக் கையில் எடுத்தது, அவரே எதிர்பாராதது! ‘`எங்கள் சுற்றுவட்டாரத்தில் பல கிராமங்களுக்கு இன்றுவரை மின்சார வசதி எட்டிப் பார்க்கவில்லை. ஒரு சில கிராமங்களில் ஒரு நாளைக்கு மூன்று மணி நேரம் மட்டுமே மின்சாரம் கிடைக்கும். இதனால் பள்ளிக்குழந்தைகள் படிக்க முடியாமல் அவதிப்பட்டனர். கூலி வேலை செய்யும் பெண்களுக்கு மாலையில் வீடு திரும்பி இருட்டுவதற்குள் சமைத்து, வீட்டு வேலைகள் அனைத்தையும் முடிப்பது மிகச் சிரமமாக இருந்தது. இந்நிலையில், 10 ஆண்டுகளுக்கு முன் கான்பூரில் உள்ள தன்னார்வத் தொண்டு நிறுவனம், சோலார் பேனல்கள் அமைப்பது குறித்த பயிற்சியைப் பெண்களுக்கு வழங்கியது. நானும் கலந்துகொண்டேன். `மண்ணெண்ணெய் விளக்குகளுக்குப் பதிலாக, சூரியசக்தியில் எரியக்கூடிய சோலார் விளக்குகளைப் பயன்படுத்தலாம், அதைத் தொழிலாகவும் எடுத்துச் செய்யலாம்’ என்று அங்கே கற்றுக்கொண்டேன். மற்ற பெண்களுக்கு அதைத் தொழிலாக முன்னெடுக்கும் தெளிவோ, தன்னம்பிக்கையோ, தைரியமோ இல்லாத சூழலில், ‘இதை நானே செய்கிறேன்’ என்று முன்வந்தேன்’’ என்கிற நூர்ஜஹான், தொண்டு நிறுவனம் வழங்கிய பொருளாதார உதவியுடன் களத்தில் இறங்கியிருக்கிறார். ‘`எங்கள் கிராம மக்களுக்கு, சோலார் விளக்குகள் பாதுகாப்பானவை மற்றும் செலவும் குறைவானது என்பதைப் புரியவைக்கவே பல மாதங்கள் ஆனது. பின்னர் மகளிர் குழுக்களை ஒருங்கிணைத்து, சோலார் பேனல்கள் அமைத்து, சூரியசக்தியில் மின்சாரம் தயாரிக்கும் தொழில்கூடத்தை நிறுவினேன். அந்த மின்சாரத்தை, கருவிகளின் துணைகொண்டு விளக்குகளில் சார்ஜ் செய்தேன். அதை மக்களுக்கு வாடகைக்குக் கொடுக்க ஆரம்பித்தேன். தினமும் மாலையில் கிராமத்தினர் என்னிடம் வந்து, சார்ஜ் செய்யப்பட்ட சோலார் விளக்குகளைப் பெற்றுச் சென்று, அடுத்த நாள் காலையில் மீண்டும் ஒப்படைப்பார்கள். நான் மீண்டும் ரீசார்ஜ் செய்து வைத்திருக்க, மீண்டும் மாலை வந்து பெற்றுச் செல்வார்கள். ஒரு விளக்குக்கு மாதம் ஒன்றுக்கு ரூ.100 கட்டணம். 500-க்கும் மேற்பட்ட குடும்பங்கள் இப்போது இந்த விளக்குகளைப் பயன்படுத்துகின்றனர். கடந்த 10 ஆண்டுகளுக்கும் மேலாக இந்தத் தொழில் என் வாழ்வின் அங்கமாகிப் போனது’’ என்று சொல்லும் நூர்ஜஹானின் முகம், பிரதமரால்தான் குறிப்பிட்டுப் பேசப்பட்டதைச் சொல்லும்போது பிரகாசமாகிறது. ‘`பிரதமர் என்னைக் குறிப்பிட்டுப் பாராட்டிப் பேசியது, மிகவும் சந்தோஷமாக இருந்தது. அது எனக்கு மிகப்பெரிய ஊக்குவிப்பு. அதற்குப் பின்னர், பலரும் என்னைத் தேடிவந்து தொழிலுக்கான உதவிகளைச் செய்தனர். இப்போது மேலும் பல கிராமங்களுக்கு விளக்குகள் அளிக்கும்விதமாக, என் தொழிலை விரிவுபடுத்தி உள்ளேன். இதனால் பல பெண்கள் வேலைவாய்ப்பில் பயனடைந்துள்ளனர். மேலும் பல பெண்களுக்கு இதற்கான பயிற்சி அளித்தும் வருகிறேன். இனி எங்கள் கிராமத்துப் பிள்ளைகளும் மின்விளக்கொளியில் படிப்பார்கள்” எனும்போது, அந்த படிப்பறிவற்ற கிராமத்துப் பெண்ணின் கண்களில் நாம் கண்ட ஒளி, பல வீடுகளின் இருள் அகற்றிய பெருவெளிச்சம்! உலகின் வெளிச்சம்! நூர்ஜஹான் பற்றி பிரதமர் நரேந்திர மோடி ‘மக்களின் குரல்’ நிகழ்ச்சியில் பேசிய வார்த்தைகள்... ‘`கான்பூரில் வசிக்கும் நூர்ஜஹான் என்ற பெண்மணி, நினைத்தும் பார்த்திடாத அதிச யத்தை நிகழ்த்திக்கொண்டிருக்கிறார். அவர் ஏழை மக்களுக்கு சூரிய மின்சக்தியின் மூலம் எரியக்கூடிய விளக்குகளை, குறைந்த விலை யில் வழங்கி வருகிறார். நம் அனைவருக்கும் நம்பிக்கை அளிக்கும்விதமாகச் செயலாற்று கிறார். அவர் பெயருக்குக்கூட ‘உலகின் வெளிச்சம்’ என்பதே பொருள்!” vikatan
  5. இது ஒரு பல்சுவை திரி. நான் படித்தது பார்த்ததை பதிவிடுகிறேன். இயன்றவரை யாழில் வேறு திரிகளில் வராத நிகழ்வுகளை பதிவிட முயற்சிக்கிறேன். கால்கள் இல்லை... நம்பிக்கை உண்டு: மாடலிங் துறையில் சாதிக்கும் சீசர்! பிறக்கும்போதே இரண்டு கால்களும் இல்லாமல் பிறந்தவர் கென்யா சீசர் (23). ஆனால் தற்போதோ இவர் ஒரு வெற்றிகரமான உள்ளாடை மாடல். கென்யா 5 வயதாக இருக்கும்போது தாய்லாந்தைச் சேர்ந்த ஒரு அனாதை இல்லம் அவரை தத்து கொடுத்தது. அவர் தனது புதிய குடும்பத்துடன் (ஒரேகான்) போர்ட்லாந்து சென்றார். சக்கர நாற்காலி மற்றும் ஸ்கேட்டிங் போர்டை பயன்படுத்தி அவர் நடக்கக் கற்றுக்கொண்டார். கலிபோர்னியாக்ச் சேர்ந்தவரான கென்யா, தனது வாழ்க்கை குறித்து கூறுகையில், “மாடலிங் துறையில் சாதிக்க வேண்டும் என்ற எனது கனவு தற்போது நிறைவேறி இருக்கிறது. நான் முக்கியமாக தடகள உள்ளாடைகள் விளம்பரங்களில் நடிக்கிறேன். இது சில சமயம் வேடிக்கையாக இருக்கும். நான் வித்தியாசமாகவும், கவர்ச்சியாகவும் இருக்கிறேன். கவர்ச்சியாக உணர கால்கள் தேவை இல்லை. எனது வேலையை விரும்பி செய்து நான் சம்பாதிக்கிறேன். எனது அழகை மக்களிடையே காட்டுவதை விரும்புகிறேன். இது எனது பலத்தை காட்டுகிறது” என்கிறார். இந்த உள்ளாடை மாடலிங் துறை மூலம் தினமும் 65 ஆயிரம் ரூபாய் வரை வருமானம் ஈட்டி வருகிறார் கென்யா. பேஷன் துறையின் தடைகளை உடைத்து இவ்வாறு இவர் புகழ் பெறுவதன் மூலம், பெண்களுக்கு முன் உதாரணமாக இருக்கிறார். விளையாட்டின் மீதுள்ள ஆர்வத்தால், தற்போது 2018 பாரா ஒலிம்பிக் போட்டிக்கு பயிற்சி பெறுகிறார் கென்யா. வாழ்க்கையில் தனது பயணம் குறித்து, இவர் எழுதியுள்ள ஒரு புத்தகம் அடுத்த வருடம் (2016 ல்) வெளிவரவுள்ளது.
  6. உலக மசாலா: போஸ்னியா குகை மனிதருக்கு விரைவில் வீடு கிடைக்கட்டும்... போஸ்னியாவைச் சேர்ந்த 62 வயது ஜார்கோ ஹர்ஜிக், கடந்த 10 ஆண்டுகளாக ஜெனிகா நகருக்கு அருகே இருக்கும் ஒரு குகையில் வாழ்ந்து வருகிறார். திருமணத்துக்குப் பிறகு ஜெர்மனியில் குடியேறியவரின் திருமண வாழ்க்கை விரைவில் முடிவுக்கு வந்துவிட்டது. அதற்குப் பிறகு கிடைக்கும் வேலைகளைச் செய்துகொண்டிருந்தவர், 10 ஆண்டுகளுக்கு முன்பு போஸ்னியா திரும்பினார். ஆனால் ஜார்கோவின் வீடு போஸ்னியப் போரில் சிதைந்திருந்ததைக் கண்டு அதிர்ந்து போனார். அவரிடம் சேமிப்பும் இல்லை. அவருக்கு உதவக்கூடியவர்களும் யாருமே இல்லை. சிறிய மலையில் இருந்த குகைக்குள் தற்காலிகமாகத் தங்க முடிவுசெய்தார். கடந்த பத்து ஆண்டுகளாக அங்கேதான் வசித்துவருகிறார். குகைக்குக் கீழே பபினா நதி ஓடிக்கொண்டிருக்கிறது. “என்னுடைய ஓய்வூதியத்தை வைத்துக்கொண்டு, ஒரு வீட்டுக்கு வாடகை கொடுக்க முடியாது. அதனால் இந்தக் குகைக்குள் 13 நாய்களுடன் தங்கிக்கொண்டேன். என் செலவைக் குறைத்துக்கொண்டு நாய்களுக்கு உணவுகளை வாங்கிப் போடுகிறேன். வெளியில் எப்படிப்பட்ட பருவநிலை நிலவினாலும் குகைக்குள் அற்புதமாக இருக்கும். குளிர்காலத்தில் வெளியே மைனஸ் 25 டிகிரி செல்சியஸ் வெப்பநிலை நிலவும். ஆனால் குகைக்குள் அளவான குளிர் மட்டுமே இருக்கும். கதகதப்புக்கு நெருப்பைப் பற்ற வைக்க வேண்டிய அவசியம் இருக்காது. கடுமையான கோடை காலங்களிலும் குகை குளிர்ச்சியோடு காணப்படும். இந்தக் குகையில் ஒரே ஒரு ஆபத்து மட்டும் இருக்கிறது. நதியில் வெள்ளம் வந்தால் குகைக்குள்ளும் புகுந்துவிடும். அப்போது நானும் நாய்களும் பாதுகாப்பான இடம் தேடிச் செல்ல வேண்டும். அதற்காக உயரமான இடத்தில் ஒரு கூடாரத்தை அமைத்திருக்கிறேன். நீர் வடிந்தவுடன் குகைக்குத் திரும்பிவிடுவேன். நவீனக் குகை மனிதர் என்று என்னை அழைக்கும் மக்கள், இந்த வழியே செல்லும்போது தேவையற்ற உணவுப் பொருட்களைப் போடுவார்கள். அவற்றை நானும் நாய்களும் பகிர்ந்துகொள்வோம். இன்னும் மூன்று ஆண்டுகளில் எனக்கு போஸ்னியாவிலிருந்தும் ஓய்வூதியம் கிடைக்கும். இரட்டை ஓய்வூதியத்தை வைத்துக்கொண்டு, ஒரு சிறிய வீட்டுக்குக் குடிபுக முடியும். ஆரோக்கியமாக இருப்பதால் அந்த வாய்ப்பு கிடைக்கும் என்று காத்திருக்கிறேன்” என்கிறார் ஜார்கோ. போஸ்னியா குகை மனிதருக்கு விரைவில் வீடு கிடைக்கட்டும்… ஆஸ்திரேலியாவில் எடுக்கப்பட்ட ஓர் ஆய்விலிருந்து பாம்பு கடித்து இறப்பவர்களை விட குதிரை தாக்கிக் கொல்லப்படுபவர்களே அதிகம் என்ற விஷயம் தெரியவந்திருக்கிறது. மெல்பர்ன் பல்கலைக்கழகத்தைச் சேர்ந்த மருத்துவர் ரோனெல் வெல்டன், 2000 முதல் 2013-ம் ஆண்டு வரை மருத்துவமனைகளில் பதிவான தகவல்களை ஆராய்ந்து இந்த முடிவை வெளியிட்டிருக்கிறார். 13 ஆண்டுகளில் குதிரைகளால் 74 மனிதர்கள் இறந்திருக்கிறார்கள். விஷப்பூச்சிகளால் 27 பேரும் பாம்புகளால் 27 பேரும் இறந்திருக்கிறார்கள். ஆஸ்திரேலியாவில் விஷப் பூச்சிகளாலும் பாம்புகளாலும் மனிதர்கள் அதிகமாக உயிரிழக்கிறார்கள் என்று வழக்கமாகச் சொல்லப்பட்டு வந்ததை, இந்த ஆய்வு முடிவுகள் மாற்றியமைத்திருக்கின்றன என்கிறார் ரோனெல் வெல்டன். குதிரைகளைவிட பாம்புகள் சாதுவானவை! http://tamil.thehindu.com/world/உலக-மசாலா-போஸ்னியா-குகை-மனிதருக்கு-விரைவில்-வீடு-கிடைக்கட்டும்/article9495984.ece?homepage=true&relartwiz=true
  7. உலக மசாலா: குட்டி ஸ்டீவ் இர்வின்! ஆஸ்திரேலியாவில் வசிக்கிறான் 5 வயது சார்லி பார்கர். இவன்தான் உலகின் இளம் முதலை வேட்டைக்காரன். முதலைப் பண்ணையில் தினமும் தன் பெற்றோருடன் வேலை செய்து வருகிறான். 3 வயதில் இருந்தே முதலைக் குட்டிகளைப் பிடித்து விளையாட ஆரம்பித்துவிட்டான். பள்ளிக்குச் செல்லும் நேரம் தவிர்த்து, சீருடையில் முதலைப் பண்ணையில் தன் நேரத்தைச் செலவிடுகிறான். ப் விக்டோரியாவில் உள்ள பல்லரட் விலங்குகள் பூங்காவில் தினமும் ஆமை, முதலை, முயல் போன்ற விலங்குகளுக்குத் தன் கைகளால் உணவு கொடுப்பது சார்லியின் முக்கியமான பணி. பெற்றோர் கண்காணிப்பில் ஒவ்வொரு வேலையையும் செய்து வருகிறான். விலங்குகளைப் பார்ப்பதை விட, சார்லி விலங்குகளைக் கையாள்வதைப் பார்ப்பதற்கு மக்கள் பெரிதும் ஆர்வம் காட்டி வருகிறார்கள். குட்டி ஸ்டீவ் இர்வின்! நெதர்லாந்தில் உள்ள பன்றிப் பண்ணையில் உலகிலேயே முதல் முறை பன்றிப் பாலாடைக்கட்டி தயாரிக்கப்பட்டிருக்கிறது. ஒரு கிலோ பாலாடைக்கட்டியின் விலை ஒன்றரை லட்சம் ரூபாய்! பன்றிப் பண்ணையின் உரிமையாளர் எரிக் ஸ்டெனிக், பல ஆண்டுகள் யோசித்து, பரிசோதித்து பன்றிப் பாலில் இருந்து பாலாடைக்கட்டியை உருவாக்கியிருக்கிறார். மாட்டுப் பாலை விட பன்றிப் பாலில் புரோட்டீன் அதிகம் இருக்கிறது. ஆனால் பன்றிப் பாலைக் கறப்பதுதான் மிகவும் கடினமான காரியம். இரண்டு மணி நேரத்துக்கு ஒருமுறை 100 மி.லி. பால் மட்டுமே ஒரு பன்றி சுரக்கும். 10 லிட்டர் பால் கறக்க 40 மணி நேரம் செலவிட வேண்டும். 10 லிட்டர் பாலில் இருந்து 1 கிலோ பாலாடைக் கட்டியைப் பெற முடியும். முதலில் பன்றிப் பாலில் இருந்து பாலாடைக் கட்டி எடுக்கும் முயற்சி தோல்வியில்தான் முடிந்தது. பல்வேறு விதங்களில் பரிசோதனைகள் செய்து, இறுதியில் பன்றிப் பாலாடைக் கட்டி எடுக்கும் முயற்சியில் வெற்றி பெற்றுவிட்டார் எரிக். பாலாடைக் கட்டிகளிலேயே மிகவும் சுவையானது பன்றிப் பாலாடைக்கட்டிதான். ஒருமுறை சுவைத்தால் மற்ற பாலாடைக்கட்டிகளை விரும்ப மாட்டார்கள் என்கிறார் எரிக். பன்றியின் பாலும் பாலாடைக்கட்டியும் யாரும் யோசித்திருக்கவே மாட்டார்கள்! சைபீரியாவில் உள்ள ஷோர்ஸ்கி தேசியப் பூங்காவில் 12 வயது சிறுவன் டெனின் அலெக்ஸாண்ட்ரோவ் நடந்துகொண்டிருந்தான். அப்பொழுது ஈர மண்ணில் மிகப் பெரிய மனிதக் காலடித் தடம் இருந்ததைக் கண்டு அதிர்ச்சியடைந்துவிட்டான். தன்னுடையை அப்பாவை அழைத்துக் காட்டினான். அவரும் ஆச்சரியமடைந்தார். காலடித் தடத்துக்கு அருகில் தன்னுடைய காலை வைத்துப் பார்த்தார். சாதாரண மனிதர்களின் காலை விட இரண்டு மடங்குப் பெரிதாக அந்தக் காலடி இருந்தது. ‘‘மிக அழுத்தமாகவும் புதிதாகவும் தெரிந்த காலடியைப் பார்க்கும்பொழுது, அந்த உயிரினம் வெகு தொலைவு சென்றிருக்க வாய்ப்பில்லை என்று தோன்றியது. அருகில் இருந்தவர்களிடம் விசாரித்தபோது யாருமே வித்தியாசமான உருவத்தையும் பார்த்ததில்லை, வித்தியாசமான சத்தத்தையும் கேட்டதில்லை என்றனர். அநேகமாக இது பனிமனிதனாகத்தான் இருக்க வேண்டும். இதுவரை அதை நான் நம்பவில்லை. காலடித் தடத்தைப் பார்த்த பிறகு பனிமனிதன் இருக்கலாம் என்று தோன்றுகிறது’’ என்கிறார் ஆண்ட்ரி. இந்தக் கோடையில் மட்டும் இரண்டாவது முறையாகப் பனிமனிதன் காலடித் தடம் இங்கே இருப்பதாகப் புகார் வந்திருக்கிறது என்கிறார்கள் பூங்கா ஊழியர்கள். காலம் காலமாக காலடியை மட்டும் விட்டுச் செல்லும் பனிமனிதனே, எங்கே ஒளிந்திருக்கிறாய்? பிரேஸிலைச் சேர்ந்த குளவியின் விஷத்தில் புற்றுநோயை எதிர்க்கக்கூடிய தன்மை இருப்பதாக லீட்ஸ் பல்கலைக்கழக ஆராய்ச்சியாளர் பால் பீல்ஸ் தெரிவித்திருக்கிறார். ‘‘தன்னை எதிரிகளிடமிருந்து பாதுகாத்துக்கொள்வதற்கே குளவிகள் கொடுக்கில் விஷத்தை வைத்திருக்கின்றன. புற்றுநோய் இருக்கும் பகுதிகளில் குளவியின் கொடுக்கை வைத்து விஷத்தைச் செலுத்தினால், புற்றுநோய் செல்கள் வேகமாக அழிந்து போகின்றன. உடலின் பல்வேறு பகுதிகளில் வரும் புற்றுநோய்களுக்குப் பல்வேறு விதங்களில் மருத்துவம் செய்யப்படுகின்றன. மருத்துகளை எடுத்துக்கொள்வதோடு, குளவியின் விஷத்தையும் செலுத்தினால் எளிதில் புற்றுநோயிலிருந்து மீண்டுவிடலாம். குளவியின் விஷம் நோய் இருக்கும் செல்களில் மட்டுமே வேலையைக் காட்டுகிறது. நோயற்ற செல்களுக்கு எந்த ஆபத்தையும் விளைவிப்பதில்லை என்பது முக்கியமானது’’ என்கிறார் பால் பீல்ஸ். இன்னும் பல கட்ட பரிசோதனைகளுக்குப் பிறகு குளவி விஷத்தை புற்றுநோய் சிகிச்சைக்குப் பயன்படுத்த முடியும் என்று நம்பிக்கை தெரிவிக்கிறார். புற்றுநோய் அரக்கனிடமிருந்து மனிதர்களை மீட்கும் காலம் வெகு விரைவில் வரவேண்டும். http://tamil.thehindu.com/world/உலக-மசாலா-குட்டி-ஸ்டீவ்-இர்வின்/article7610846.ece?homepage=true&relartwiz=true நிர்வாகத்தினர்க்கு இது ஒரு தொடர் பதிவு. இது வேறு ஒரு பகுதியில் வரவேண்டியது என்றால் பொருத்தமான பகுதிக்கு நகர்த்தி விடவும். நன்றி
  8. பிரதமரை சந்திக்க முடியாத அ.தி.மு.க., - எம்.பி.,க்கள் கடந்த வியாழனன்று, பிரதமரை சந்திக்க தீவிரமாக முயன்றும் முடியாமல், ஆறுதலுக் காக வெள்ளியன்று உள்துறை அமைச்சரை சந்தித்த, அ.தி.மு.க., - எம்.பி.,க்கள், கடைசியாக வெள்ளியன்று ஒரு திருப்திக்காக, ஜனாதிபதி யையும் சந்தித்து தமிழகம் திரும்பியுள்ளனர். வறட்சி நிவாரண நிதி கோரிக்கைக்காக ஏற்கனவே கேட்டிருந்த கோரிக்கையை ஏற்று பிரதமர் வரச் சொன்னதால், முதல்வர் பன்னீர்செல்வம் டில்லிக்கு வந்திருந்தார்.இந்த சந்திப்பை, தமிழகத்தில் பற்றி எரியும் ஜல்லிக்கட்டு பிரச்னைக்காகவும் முதல்வர் பயன்படுத்தப்போகிறார் என்பதை அறிந்து, அ.தி.மு.க., பொதுச்செயலர் சசிகலாவின் உத்தரவுப்படி, பிரதமரை சந்திக்க துணை சபாநாயகர் தம்பிதுரை, டில்லிக்கு கிளம்பி வந்தார். அ.தி.மு.க., - எம்.பி.,க்களை திரட்டி தயார் நிலையில் இருந்தும், பிரதமர் அலுவலகம் அனுமதி வழங்க மறுக்கவே, துணை சபா நாயகரும், எம்.பி.,க்களும் ஏமாற்றம் அடைந்த னர்.ஆனால், தமிழக முதல்வர் பன்னீர்செல்வம் திட்டமிட்டபடி பிரதமரை சந்தித்ததோடு மட்டுமல்லாது, அரை மணி நேர சந்திப்பை மாற்றி, 2 மணி நேரம் பிரதமருடன் பேசிக் கொண்டிருந்தார். முக்கிய பிரச்னைகள் குறித்து அதிகாரிகளுடன் பேசி முடித்த முதல்வர், பின், தமிழக அரசியல் விவகாரங்கள் குறித்து, நேருக்கு நேர் பிரதமரு டன் விவாதித்ததாக தெரிகிறது. முக்கியத்துவம் வாய்ந்த இந்த சந்திப்புக்கு பின், முதல்வர், முழுக்க முழுக்க மிகுந்த நம்பிக்கையுடன் தென்பட்டார். சென்னை பயணத்தை ரத்து செய்துவிட்டு, அன்றிரவு டில்லியில் தங்கி, அவசர சட்டம் தொடர் பான அனைத்து ஏற்பாடுகளையும், வழக்கறிஞர்கள் உதவியுடன் முதல்வரே முன்னின்று செய்து முடித்து, அதை அதிகாரி கள் மூலம், உள்துறை அமைச்கத்திற்கு அனுப்பிய பின், சென்னைக்கு கிளம்பினார். 'அவசர சட்டத்திற்கான அனைத்துஏற்பாடுகளையும், முதல்வரே செய்து முடித்து விட்டு சென்றுவிட்ட நிலையில், அ.தி.மு.க., - எம்.பி.,க்கள் இனி செய்வ தற்கு என்ன இருக்கிறது' என்ற கேள்வி எழுந்தது. அதை முறியடிக்கும் விதமாக, துணை சபாநாயகர் தம்பிதுரை தலைமை யில், பார்லிமென்ட் கட்சி அலுவலகத்தில், அ.தி.மு.க., - எம்.பி.,க்கள் வெள்ளியன்று காலை திரண்டனர். பிரதமர், நரேந்திர மோடிக்கு அளிப்பதற்காக தயார் செய்யப்பட்டிருந்த அதே மனுவை, அப்படியே விலாசத்தை மட்டும் மாற்றி, உள்துறை அமைச்சர், ராஜ்நாத் சிங்கிற்கு அளிக்க ஏற்பாடு செய்யப்பட்டு, எம்.பி.,க்களிடம் மளமளவென கையெழுத்துகள் வாங்கப்பட்டன.பிரதமர் அலுவலகத்திற்கு சென்றது போல, ஊர்வலமாக செல்லலாமா என்று எழுந்த யோசனையை, கடும் குளிர் காரணமாக மாற்றிக் கொண்டு, அருகிலேயே சவுத்பிளாக்கில் உள்ள உள்துறை அமைச்சகத்துக்கு விரைந்தனர். சில நிமிட சந்திப்புக்கு பிறகு, வெளியில் வந்து, நிருபர்களிடம் தம்பிதுரை பேசினார். அப்போது, காங்கிரஸ், தி.மு.க., ஆகிய கட்சிகளை குற்றஞ் சாட்டிவிட்டு, '2014ல் இருந்து ஆட்சியில் உள்ள பா.ஜ.,வும் ஒரு நடவடிக்கையும் எடுக்காமல் தோற்றுப்போய்விட்டது' என கூறினார். மறைந்த முதல்வர் ஜெயலலிதா, 'அ.தி.மு.க., ராணுவ கட்டுக்கோப்பான இயக்கம்' என, அடிக்கடி கூறுவார். அந்த கூற்று, நேற்று பொய்யானது. ஆனால், தம்பிதுரை பேட்டி யளித்தபோது, அதே சவுத்பிளாக் வளாகம் முழுவதும், அ.தி.மு.க., - எம்.பி.,க்கள், 10க்கும் மேற்பட்ட தனித்தனி குழுக்களாக மீடியாக் களுக்கு பேட்டியளித்துக் கொண்டிருந்ததை காண முடிந்தது. 'முதல்வரே அனைத்து விஷயங்களையும் செய்து முடித்துவிட்டு, சென்னைக்கே சென்று விட்ட பிறகு, உள்துறை அமைச்சகமும் அவசர சட்டத்திற்கு ஒப்புதல் கேட்டு, ஜனாதிபதி மாளிகைக்கும் அனுப்பிவிட்ட பிறகு, உள்துறை அமைச்சரிடம் மனு அளிக்கிறீர்களே' என்ற கேள்விக்கு தான், அங்கிருந்தவர்களிடம் பதில் பெற முடியவில்லை. சனிக்கிழமை காலை, மீண்டும் கட்சி அலுவலகத்தில் கூடிய, எம்.பி.,க்கள், ஜனாதிபதி மாளிகைக்கு விரைந்தனர். ஜனாதிபதி பிரணாப் முகர்ஜியிடம் மனுவை அளித்து, சில வார்த் தைகள் தம்பிதுரை விளக்கினார்.பின், 'தங்களு டன் சேர்ந்து, அனைவரும் போட்டோ எடுக்க விரும்புகின்றனர்' என கூற, 'தாராளமாக' என ஜனாதிபதியும் கூறினார். பல நிமிடங்களுக்கு முன்பே சென்று, ஜனாதிபதி மாளிகையில் அமர்ந்திருந்தாலும், ஜனாதிபதி வந்தவுடன், 'மனு அளிப்பு, போட்டோ' என எல்லாமே, ஐந்து நிமிடங்களில் முடிந்தன. பின், ஜனாதிபதி உள்ளே திரும்பிச் சென்றவு டன், அனைவருக்கும் அவர் அலுவலகம் சார் பில் தேனீர் விருந்து அளிக்கப்பட்டது. பாதி பேர் அங்கிருக்க, மீதி பேர், அங்கிருந்தே விமான நிலையத்திற்கு பறந்து, சென்னைக்கு திரும்பியும் விட்டனர். - நமது டில்லி நிருபர் - http://www.dinamalar.com/news_detail.asp?id=1695095
  9. சென்னை:தமிழகத்தையே புரட்டிப் போட்ட ஜல்லிக்கட்டு போராட்டத்தின் நோக்கத்தை சிதைக்க, விஷமிகள் சதி செய்வதாக, பரபரப்பு குற்றச்சாட்டு எழுந்துள்ளது. பாரம்பரியத்தை மீட்டெடுக்க, தன்னெழுச்சி யாக திரண்டுள்ள மாணவர் கூட்டத்தை, திசை திருப்பும் வேலைகளில், தேச விரோத சக்திகள் களம் இறங்கியுள்ளதாக, தீவிர ஜல்லிக்கட்டு ஆர்வலரும், இசை அமைப்பாளருமான, 'ஹிப் ஹாப்' தமிழா ஆதி கூறியுள்ளார். அதனால், 'சூழ்ச்சி வலையில் விழ வேண்டாம்' என, மாணவர்களுக்கு வேண்டுகோளும் விடுத்துள்ளார். பொங்கல் பண்டிகைக்கு முன், கிராமம், நகரம் என்ற வேறுபாடு இல்லாமல், அனைவரின் உதடுகளும், ஜல்லிக்கட்டு என்ற வார்த்தையை உச்சரிக்க கருவியாக இருந்தது, 'ஜல்லிக்கட்டு... ஜல்லிக்கட்டு..'என்ற ஆல்பம்.அதை உருவாக்கி, ஜல்லிக்கட்டுக்கான போராட்டத்தை முன்னெ டுத்தவர், ஹிப் ஹாப் தமிழா ஆதி. அவர் நேற்று, தன் முகநுாலில் கூறியுள்ளதாவது: இரண்டு நாட்களாக, நான் ஜல்லிக்கட்டுக்கான போராட்டத்தில் கலந்து கொள்ளாதது குறித்து, பலரும் பல கேள்விகளை முன்வைக்கின்றனர். ஜல்லிக்கட்டு போராட்டக் களத்தில் பல விரும்பத்தகாத நிகழ்வுகள் நடப்பதால், மன வேதனையுடன் வெளியேறி விட்டேன். பத்தாண்டுகளாக, ஜல்லிக்கட்டுக்காக போராடி வருவோரிடம் கலந்து பேசி, ஜல்லிக்கட்டு பற்றி விழிப்புணர்வு ஏற்படுத்த வேண்டும் என, பாடலை வெளியிட்டேன். இப்போது, தேசியக் கொடியை மிதிப்பது, எரிக்கப் போவதாக மிரட்டுவது உள்ளிட்ட செயல்களில், சில அமைப்புகள் பேசுகின்றன. அதேபோல், மத்திய அரசு, முஸ்லிம்களுக்கு எதிராக செயல்படுவதாக கூறி, பிரதமரை தகாத வார்த்தைகளில், திட்டி வருகின்றனர். மாணவர்கள், இளைஞர்கள், குடும்பத்துடன் போராட்டத்திற்கு வந்துள்ள நிலையில், 'பீட்டா' பற்றியும், அரசை பற்றியும், மத உணர்வுகளை துாண்டும் வகையிலும் பேசுகின்றனர். பல அமைப்புகள், போராட்டத்தை திசை திருப்புகின்றன. நான் இந்தியன்; தேச விரோத செயல்களில் ஈடுபடவோ, பேசவோ மாட்டேன்; அதை துாண்டவும் மாட்டேன். என் புகைப்படத்தை பயன்படுத்தி, தேச விரோத செயல்களுக்கான விஷ விதைகளை பரப்பாதீர்கள். இதனால், அந்த போராட்டத்தில் இருந்து வெளியேறி விட்டேன். ஆனாலும், தொடர்ந்து ஜல்லிக்கட்டுக்காக, குரல்கொடுப்பேன். நாட்டு மாடுகள் காப்பாற்றப்பட வேண்டும் என்பது தான், என் நோக்கம்.யாரையும் தகாத வார்த் தையில் திட்டக்கூடாது; அது தான் நாகரிக சமூகத்தின் அடையாளம். தற்போது இயற்றப்பட்டுள்ள சட்டம் குறித்து, முன்னாள் நீதிபதி மார்கண்டேய கட்ஜு, 'இது நிரந்தர தீர்வு' என்று கூறி உள்ளார். ஜல்லிக் கட்டுக்காக சட்டப் போராட்டம் நடத்தியவர் களும், அதை ஆராய்ந்து வருகின்றனர். இவ்வாறு அவர் கூறியுள்ளார். 'யோசிக்க வைக்கிறது' 'ஹிப் ஹாப் தமிழா ஆதியின் பேச்சு யோசிக்க வைக்கிறது' என, ஜல்லிக்கட்டு ஆர்வலரான, நடிகர் விவேக் தெரிவித்துள்ளார்.தன், 'டுவிட்டர்' பக்கத்தில் அவர் கூறியுள்ளதாவது: ஜல்லிக்கட்டு போராட்டம் திசை மாறி செல்வதாக, ஆதி கூறியிருக்கிறார். அவரது பேச்சு யோசிக்க வைக்கிறது. உலகமே, நம் மாணவர் போராட்டத்தை உச்சி முகர்கிறது. அதற்கு பங்கம் வராமல், பார்த்துக் கொள்ளுங்கள். தனிநபரை கொச்சைப்படுத்தும் கோஷங்கள், தேசியக் கொடி அவமதிப்பு போன்றவை நிகழக் கூடாது; நிதானம் அவசியம். நீங்கள் அனை வரும், கலாமின் சீடர்கள். இப்போது, அவர் இருந்தால் என்ன முடிவெடுப்பார்; யோசித்து செயல்படுங்கள், கண்மணிகளே.இவ்வாறு விவேக் கூறியுள்ளார். http://www.dinamalar.com/news_detail.asp?id=1695473
  10. புது கட்சி துவங்காவிட்டால்... தீபாவுக்கு ஆதரவாளர்கள் கெடு வேலுார்:'உடனடியாக தனிக் கட்சியை துவங்கா விட்டால், வேறு அணிக்கு சென்று விடுவோம்' என, தீபாவுக்கு, அவரின் ஆதரவாளர்கள் மிரட்டல் விடுத்துள்ளனர். ஜெ., அண்ணன் மகள் தீபாவுக்கு, வேலுார் மாவட்டத்தில், அதிகளவு ஆதரவு உள்ளது. ஆம்பூரில் துவங்கப்பட்டுள்ள தீபா பேரவையில், இதுவரை, இரண்டு லட்சம் பேர் உறுப்பினர் களாக சேர்ந்துள்ளனர். கடந்த, 17ல் எம்.ஜி.ஆர்., நுாற்றாண்டு விழாவில், தீபா தனிக் கட்சி துவங்குவார் என, அவரது தொண்டர்கள் பெரிதும் எதிர்பார்த்தனர். ஆனால், தனிக் கட்சி துவங்காத தால் ஏமாற்றம் அடைந்தனர். தீபா பேனர் வைத்தவிவகாரத்தில், தீபா பேரவை நிர்வாகிகள் கைது செய்யப்பட்டு, வேலுார் சிறை யில் அடைக்கப் பட்டனர். இதற்கு கண்டனம் தெரிவித்து, தீபா அறிக்கை வெளியிடவில்லை. இதனால், தொண்டர்கள் அதிர்ச்சியடைந்தனர். இதையடுத்து, தீபா பேரவையினர் கடந்த இரண்டு நாட்களாக, தீபாவுக்கு நுாற்றுக்கணக்கான கடிதங்கள் எழுதி அனுப்பியுள்ள னர். அக் கடிதத்தில் கூறியிருப்பதாவது: நீங்கள்உடனடியாக தனிக் கட்சி துவங்குவீர்கள் என்ற எதிர்பார்ப்பில் தொண்டர்கள் காத்திருக்கின்ற னர்.எனவே, காலம் தாழ்த்தாமல் தனிக் கட்சி துவங் கினால், இப்போது அ.தி.மு.க.,வில் உள்ளவர்கள், மாற்றுக்கட்சியினர் உங்களோடு வருவர்.தனி கட்சி துவங்க இது நல்ல நேரம். உள்ளாட்சி தேர்தலில் கணிசமான இடங்களில் வெற்றி பெறலாம். இந்த நேரத்தை கோட்டை விட்டால், தங்களுக்காக தொண்டர்கள் காத்திருக்க மாட்டார்கள்; வேறு அணிக்கு சென்று விடுவர். எனவே, உடனடியாக தனிக் கட்சி துவங்க வேண்டும்.இவ்வாறு கடிதத்தில் குறிப்பிட்டுள்ளனர். http://www.dinamalar.com/news_detail.asp?id=1694949
  11. ஜல்லிக்கட்டுக்கு எதிராக போர் கொடி தூக்கியமை துர்ப்பாக்கிய நிலைமை. – சி.வி ஜல்லிக்கட்டுக்கு எதிராக போர்க்கொடி தூக்குவது ஒரு துர்ப்பாக்கிய நிகழ்வாகும். என வடமாகாண முதலமைச்சர் சி.வி.விக்னேஸ்வரன் தெரிவித்து உள்ளார். வடமாகாண விவசாய அமைச்சின் ஏற்பாட்டில் யாழ்ப்பாணம் கோப்பாய் கிறிஸ்தவ கல்லூரியில் ஞாயிற்றுக்கிழமை மாலை நடைபெற்ற உழவர் தின நிகழ்வில் கலந்து கொண்டு உரையாற்றும் போதே அவ்வாறு தெரிவித்தார். மேலும் தெரிவிக்கையில் , தமிழர்களின் பாரம்பரிய விளையாட்டு நிகழ்வுகளாக ஜல்லிக்கட்டு அல்லது ஏறு தழுவல், போட்டிகளில் மக்கள் ஈடுபடுவதுடன் ஜல்லிக்கட்டு விளையாட்டுக்களுக்கு அதற்கென விசேட பயிற்சிகள் அளிக்கப்பட்ட சிறந்த காளைகள் கொண்டுவரப்பட்டு அக்காளைகளை அடக்குகின்ற போட்டிகள் மஞ்சுவிரட்டு, வட்ட மஞ்சுவிரட்டு, வெளிவிரட்டு எனப் பலவிதமாக முன்னெடுக்கப்படுவன. மஞ்சுவிரட்டு என்பது விளையாட்டுத்திடலில் வீறுகொண்டு நுழைகின்ற காளையை குறிப்பிட்ட தூரத்தில் அதன் ஏரியை அதாவது முதுகுப்புற மேற்பாகத்தை அழுத்திப்பிடித்து அடக்குவது. வட்டமஞ்சுவிரட்டு என்பது பத்து மீற்றர் நீள கயிற்றில் கட்டப்பட்ட திமிறுகின்ற காளையை ஏரியைப்பிடித்து அடக்கி நிலத்தில் விழ வைப்பது. மூன்றாவது வகை வெளிவிரட்டு. இது திறந்த வெளியில் அல்லது வீதியில் ஓடுகின்ற காளையை துரத்திப்பிடித்து அடக்கி பணிய வைப்பது. இவ்விளையாட்டுக்களில் ஆதிகாலத்தில் திருமணம் செய்ய இருக்கின்ற இளைஞர்களும் ஈடுபடுவார்கள். ஜல்லிக்கட்டு அல்லது ஏறுதழுவல், மற்றும் இளவட்டக்கல் தூக்கல் ஆகிய போட்டிகளில் வெற்றி பெற்ற ஆடவர்களை மட்டுமே வசதி படைத்த திருமண நங்கைகள் தமது துணைவர்களாக அந்தக் காலத்தில் தெரிவு செய்வர். இந்நிகழ்வுகள் மனிதர்களுக்கு மட்டும் உரித்தான போட்டிகள் என்று கூற முடியாது. பறவைகள், விலங்குகள், பூச்சியினங்கள் கூட வீரியமுள்ள சந்ததியைத் தோற்றுவிப்பதற்காகப் பலம் பொருந்திய துணையைத் தேர்வு செய்வன. அவற்றின் பலமானது பலவிதங்களில் பரீட்சிக்கப்படுவன. ஜல்லிக்கட்டு போட்டிகள் இந்தியாவில் பன்நெடுங்காலமாக முன்னெடுக்கப்பட்டு வந்த போதும் கடந்த ஒரு சில ஆண்டுகளாக இப் போட்டிகளை அரசு தடுத்து நிறுத்த முயல்வதும் அதற்கு எதிராக பல அணிகள் போர்க்கொடி தூக்குவது தமிழ் நாட்டில் இடம்பெற்றுவருவதும் ஒரு துர்ப்பாக்கிய நிகழ்வாகும். இருசாராரும் முன்வைக்கின்ற விடயங்களில் பல உண்மைத்தன்மைகள் காணப்படுகின்ற போதும் தொன்றுதொட்டு இடம்பெற்று வந்த பாரம்பரிய விளையாட்டுக் கலைகளை திடீரென்று மாற்றுவது சமூகச் சிக்கல்களை ஏற்படுத்தும். அது தான் இன்று தமிழ் நாட்டில் பூதாகரமாக வெடித்துள்ளது. நேற்றைய தினம் தொடர்புடையவர்கள் சில உடன்படிக்கைகளுக்கு வந்துள்ளாதாகக் கேள்வி. பொறுமையுடனும் பொறுப்புணர்ச்சியுடனும் இந்திய மத்திய மற்றும் மாநில அரசுகள் இப்பிரச்சனையை அணுகி உரிய தீர்வைப் பெற முயற்சிக்க வேண்டும். படித்த இளைஞர்கள் விவசாயம் செய்ய முன்வர வேண்டும். இந்த வகையில் இயற்கையோடு ஒன்றிய வாழ்க்கையை உடைய தமிழ் மக்கள் “சுழன்றும் ஏர்ப் பின்னது உலகம்”; என்ற கருப்பொருளுக்கு அமைவாக பல தொழில்களிலும் சுற்றித்திரிந்து ஈற்றில் ஏரால் உழும் தொழிலைச் செய்யும் உழவர்களைப் பின்பற்றியே உலகம் செல்லும் என்ற வள்ளுவன் வாக்கிற்கு வளம்சேர்ப்பவர்களாக விவசாய நடவடிக்கைகளில் ஈடுபட்டுவருவது எமக்கு மகிழ்வைத் தருகின்றது. எமது படித்த வாலிபர்கள் பலர் விவசாயத்தில் ஈடுபட வேண்டும்.நவீன தொழில்நுட்ப அறிவுடன் விவசாயத்தில் தன்னிறைவைக் காண எமது படித்த வாலிபர்கள் முன்வரவேண்டும். தமிழ் மக்களின் விவசாய காணிகளை கையகப்படுத்தியவர்கள் மீள ஒப்படைப்பார்கள் என எதிர்ப்பார்க்கிறேன். தமிழ் மக்கள் விவசாயத்தின்பால் கொண்டுள்ள நாட்டத்தையும் விவசாயத்தின் மூலம் அவர்கள் பெற்றுக் கொள்கின்ற நன்மைகளையும் கண்ணுற்ற பலர் தமிழ் மக்களின் பூர்வீக நிலங்களை கையகப்படுத்துவதில் குறியாக இருக்கின்றார்களோ என்று எண்ண வேண்டியுள்ளது. விரைவில் இவ்வாறு கையகப் படுத்தியுள்ளவர்கள் தாம் குடியேறி இருக்கும் காணிகளை மக்களிடம் திரும்பக் கையளிப்பார்கள் என்று எதிர்பார்க்கின்றேன். தரிசு நிலங்களை விவசாய அமைச்சு பொறுப்பு ஏற்க வேண்டும். எது எவ்வாறு இருப்பினும் எமது மக்களின் விவசாய நிலங்கள் முழுமையாகப் பயன்படுத்தப்பட வேண்டும். எமது தரிசு நிலங்களில் ஒரு சிறு பகுதிகூட விவசாய முயற்சிகளுக்கு பயன்படுத்தாது எஞ்சியிருக்கக் கூடாது. ஏதாவது காரணங்களால் சில நிலங்களில் விவசாய நடவடிக்கைகள் தொடர முடியாத விடத்து அக் காணிகளை தற்காலிகமாகவேனும் விவசாய அமைச்சு பொறுப்பேற்று அந் நிலங்களில் தோதான விவசாய நடவடிக்கைகளில் ஈடுபடுவதன்மூலம் எமது உற்பத்திகள் அதிகரிப்பதுடன் நிலங்களும் பாதுகாக்கப்படுவன. வெளிநாட்டில் உள்ள நில சொந்தக்காரர்களுடன் ஒப்பந்தம் செய்து அனலைதீவு போன்ற இடங்களில் இருக்குந் தரிசு நிலங்கள் எமது விவசாய அமைச்சினால் பொறுப்பேற்று சொந்தக்காரர்களுக்குப் பாதிப்பு ஏற்படுத்தாமல் நன்மைதரும் பயிர்ச் செய்கைகளில் ஈடுபடுத்தப்பட வேண்டும். எவ்வாறு மழைநீர் ஒருதுளி கூட கடலை அடையாது சேமிக்கப்பட வேண்டுமோ தரிசு நிலங்களும் உரியவாறு பயன்படுத்தாமல் வெட்டியாக வைத்திருக்கப்படாது நாம் பார்த்துக் கொள்ள வேண்டும். என தெரிவித்தார். http://globaltamilnews.net/archives/14743
  12. 3-வது ஒருநாள் போட்டி: 5 ரன்களில் இந்தியாவை வீழ்த்தி இங்கிலாந்து அணி வெற்றி 3-வது ஒருநாள் போட்டியில் இங்கிலாந்து அணி 5 ரன்கள் வித்தியாசத்தில் இந்தியாவை வீழ்த்தி வெற்றி பெற்றுள்ளது. கொல்கத்தா: இந்தியா - இங்கிலாந்து அணிகளுக்கு இடையிலான 3-வது மற்றும் கடைசி ஒருநாள் கிரிக்கெட் போட்டி கொல்கத்தாவில் இன்று பகல் இரவு ஆட்டமாக நடைபெற்றது. டாஸ் வென்ற இந்திய அணி கேப்டன் விராட் கோலி பீல்டிங் தேர்வு செய்தார். இங்கிலாந்து அணி 50 ஓவர்கள் முடிவில் 8 விக்கெட் இழப்பிற்கு 321 ரன்கள் குவித்தது. இங்கிலாந்து அணி தரப்பில் ராய்(65), பெய்ஸ்டோவ்(56), மோர்கன்(43) ரன்கள் குவித்து ஆட்டமிழந்தனர். இந்திய அணி தரப்பில் ஹர்திக் பாண்டியா(3), ஜடேஜா(2) விக்கெட்டுகளையும் சாய்த்தனர். பின்னர் 322 ரன்கள் எடுத்தால் வெற்றி என்ற இலக்குடன் இந்தியா களம் இறங்கியது. இறுதிவரை போராடிய இந்திய அணி 50 ஓவர்கள் முடிவில் 316 ரன்கள் மட்டுமே எடுத்தது. இதனால் இங்கிலாந்து அணி 5 ரன்கள் வித்தியாசத்தில் வெற்றி பெற்றது. இந்திய அணி தரப்பில் கேதர் யாதவ்(90), ஹர்திக் பாண்டியா(56), விராட் கோலி(55) ரன்கள் குவித்து ஆட்டமிழந்தனர். இங்கிலாந்து அணியில் டேவிட் வில்லி 5 விக்கெட்டுகளை சாய்த்து அந்த அணியின் வெற்றி வித்திட்டார். போட்டியில் தோல்வி அடைந்த போதிலும் இந்திய அணி ஏற்கனவே 2 போட்டிகளில் வெற்றி பெற்று தொடரை கைப்பற்றியுள்ளது. கேதர் யாதவ் தொடர் நாயகன் விருதை பெற்றுள்ளது. http://www.maalaimalar.com/News/TopNews/2017/01/22223309/1063656/England-beat-India-by-5-runs-in-the-3rd-ODI.vpf
  13. இங்கிலாந்துக்கு எதிரான ஒரு நாள் போட்டி: அஸ்வின், ஜடேஜா, சமிக்கு ஓய்வு இங்கிலாந்துக்கு எதிரான ஒரு நாள் போட்டி தொடரில் இந்திய அணியில் அஸ்வின், ரவீந்திர ஜடேஜா, முகமது சமி, உமேஷ் யாதவ் ஆகியோருக்கு ஓய்வு அளிக்கப்படுகிறது. மும்பை: இங்கிலாந்து கிரிக்கெட் அணி இந்தியாவில் சுற்றுப் பயணம் செய்து விளையாடி வருகிறது. 5 போட்டி கொண்ட டெஸ்ட் தொடரில் 3 போட்டிகள் முடிந்து இருக்கிறது. இதில் இந்தியா 2-0 என்ற கணக்கில் முன்னிலையில் உள்ளது. 4-வது டெஸ்ட் போட்டி வருகிற 8-ந்தேதி மும்பையில் தொடங்குகிறது. டெஸ்ட் தொடர் முடிந்த பிறகு இரு அணிகளும் 3 ஒரு நாள் போட்டியும் மூன்று 20 ஓவர் போட்டிகளில் விளையாடுகின்றன. இங்கிலாந்துக்கு எதிரான ஒரு நாள் போட்டி தொடரில் இந்திய அணியில் முன்னணி பந்து வீச்சாளர்களுக்கு ஓய்வு அளிக்க தேர்வு குழு முடிவு செய்து இருக்கிறது. சுழற்பந்து வீச்சாளர்கள் அஸ்வின், ரவீந்திர ஜடேஜா, வேகப்பந்து வீச்சாளர் முகமது சமி, உமேஷ் யாதவ் ஆகியோருக்கு ஓய்வு அளிக்கப்படுகிறது. இங்கிலாந்து தொடர் முடிந்த பிறகு இந்திய அணி வங்காளதேசம், ஆஸ்திரேலியாவுக்கு எதிரான டெஸ்ட் தொடரில் விளையாடுகிறது. இந்த தொடருக்காக இங்கிலாந்துக்கு எதிரான ஒரு நாள் போட்டியில் 4 முன்னணி பந்து வீச்சாளர்களுக்கு ஓய்வு கொடுக்கப்படுகிறது. இதன் மூலம் அவர்கள் புத்துணர்வுடன் டெஸ்ட் தொடரில் விளையாட முடியும் என்று கருதி தேர்வுக் குழு முடிவு செய்து இருக்கிறது. இதனால் ஒரு நாள் போட்டி தொடரில் ஜெய்ந்த் யாதவ், குல்கர்னி ஆகியோர் இடம் பெற அதிக வாய்ப்பு உள்ளது. ஒரு நாள் போட்டி தொடரில் ஜனவரி 15-ந்தேதி தொடங்குகிறது. http://www.maalaimalar.com/News/Sports/2016/12/03115322/1054187/One-day-match-against-England-rest-to-ashwin-jadeja.vpf
  14. ஜல்லிக்கட்டுக்கு ஆதரவு தெரிவித்து கனடாவில் ஆர்ப்பாட்டம் கனடா கல்கரி சிட்டி ஹாலில் நேற்று மாலை ஜல்லிக்கட்டுக்கு ஆதரவு தெரிவித்து பேராட்டத்தில் பெருந்திரளான தமிழர்கள் ஈடுப்பட்டுள்ளனர். http://www.virakesari.lk/article/15667
  15. தமிழக போராட்டத்திற்கு ஆதரவாக யாழிலும் போராட்டம்! தமிழ் நாட்டில் ஜல்லிக்கட்டிற்கான தடையை நீக்கக்கோரி தமிழகம் எங்கும் இளைஞர்கள், மாணவர்கள் போராட்டங்களை முன்னெடுத்து வரும் நிலையில், நேற்றைய தினம் அலங்கா நல்லூரில் இரவிரவாக போராட்டத்தில் ஈடுபட்டிருந்த இளைஞர்கள் மாணவர்களை இன்று காலை பொலிஸார் கைது செய்துள்ளனர். இதனால் தமிழக மாணவர்கள் மற்றும் இளைஞர்கள் கொதித்தெழுந்தனர். சென்னையில் பெரும் போராட்டம் முற்றியது. மாணவர்களை விடுதலை செய், பீட்டாவை தடை செய், எங்கள் கலாச்சாரத்தை அழிக்காதே, தமிழ் நாடு தனிநாடாகும் போன்ற கோசங்களை எழுப்பி மாணவர்களும், இளைஞர்கள் போராட்டத்தை தொடர்ந்தனர். இந் நிலையில் தமிழக இளைஞர்களுக்கு ஆதரவாக நாங்களும் இருக்கிறோம் என்று கூறி யாழ் இளைஞர்கள் தன்னெழுச்சியான போராட்டம் ஒன்றிற்கு சமூக வலைத்தளங்களினூடாக அழைப்பு விடுத்துள்ளனர். ''தமிழ் மரபினை காக்கப் போராடும் தமிழக உறவுகளுக்காக யாழ்ப்பாணத்தில் இளைஞர்கள் கவனயீர்ப்பு'' என்று அழைப்பு விடுக்கப்பட்டுள்ளது. நாளை மாலை நான்கு மணிக்கு யாழ். நல்லூரில் அனைவரையும் ஒன்று கூடுமாறு அழைப்பு விடுக்கப்பட்டுள்ளது. தமிழகத்தில் தன்னெழுச்சியாக கூடியிருக்கும் இவ் வேளையில், ஈழத் தமிழர்களின் சார்பில் பூரண ஆதரவை வெளிப்படுத்துவதற்காக அனைவரும் ஒன்று திரண்டு நல்லூருக்கு வாருங்கள் என இளைஞர்கள் அழைப்பு விடுத்திருக்கின்றனர். http://www.onlineuthayan.com/news/22809
  16. இலங்கை அணி 3 விக்கட்டுகளால் வெற்றி இலங்கை மற்றும் தென்னாபிரிக்கா அணிகளுக்கு இடையிலான இரண்டாவது இருபதுக்கு20 போட்டியில் இலங்கை அணி 3 விக்கட்டுகளால் வெற்றி பெற்றது. இந்த போட்டியில் நாணய சுழற்சியில் வென்ற தென்னாபிரிக்கா அணி முதலில் துடுப்பாடி 19.3 ஓவர்களில் 117 ஓட்டங்களுக்கு சகல விக்கட்டுக்களையும் இழந்தது. இலங்கை அணி சார்பாக பந்துவீச்சில் அறிமுகவீரரான சந்தகன் 4 ஓவர்கள் பந்து வீசி 23 ஓட்டங்களுக்கு 4 விக்கட்டுகளையும் உதான 2.3 ஓவர்களில் 13 ஓட்டங்கள் கொடுத்து 3 விக்கட்டுகளை பெற்றுக்கொண்டனர். 118 ஓட்டங்கள் என்ற இலகுவான இலக்கினை நோக்கி களமிறங்கிய இலங்கை அணியின் துடுப்பாட்ட வீரர்களை தென்னாபிரிக்க அணியின் பந்து வீச்சாளர்கள் ஆரம்ப முதலே ஆட்டம் காணவைத்தனர். நிதானமாக துடுப்பெடுத்தாடிய அணித்தலைவர் மெத்­தியூஸ் 50 பந்துகளில் 54 ஓட்டங்கள் பெற்று இலங்கை அணியினை வெற்றி பாதைக்கு கொண்டு சென்றார். போட்டியின் ஆட்டநாயனாக மெத்­தியூஸ் தெரிவு செய்யப்பட்டார்.மூன்று இருபதுக்கு20 போட்டிகள் கொண்ட தொடரினை 1-1 என இலங்கை அணி சமநிலை செய்துள்ளது. http://www.virakesari.lk/article/15684
  17. தென் ஆபிரிக்கா, இலங்கை மோதும் இருபது 20 தொடர் இன்று ஆரம்பம் தென் ஆபி­ரிக்­கா­வுக்கும் இலங்­கைக்கும் இடை­யி­லான 3 போட்­டிகள் கொண்ட சர்­வ­தேச இரு­பது 20 கிரிக்கெட் தொடர் செஞ்­சூ­ரியன் விளை­யாட்­ட­ரங்கில் இன்று இரவு மின்­னொ­ளியில் நடை­பெ­ற­வுள்ள போட்­டி­யுடன் ஆரம்­ப­மா­க­வுள்­ளது. இலங்கை அணித் தலைவர் ஏஞ்­சலோ மெத்­யூ­ஸ் - தென் ஆபி­ரிக்­க­ அணித் தலைவர் பர்ஹான் புஹார்தீன் இரண்டு அணி­களும் 2012 முதல் கடந்த வருடம் வரை விளை­யா­டி­யுள்ள 6 சர்­வ­தேச இரு­பது 20 போட்­டி­களில் 4 – 2 என்ற ஆட்டக் கணக்கில் தென் ஆபி­ரிக்கா முன்­னி­லையில் இருக்­கின்­றது. இதே­வேளை தென் ஆபி­ரிக்­கா­வுக்கு எதி­ரான 3 போட்­டிகள் கொண்ட டெஸ்ட் தொடரில் வெள்­ளை­ய­டிப்புச் செய்­யப்­பட்ட இலங்கை, இரு­பது 20 தொடரில் திற­மையை வெளிப்­ப­டுத்­து­வ­தற்­கான முயற்­சியில் இறங்­க­வுள்­ளது. தென் ஆபி­ரிக்க வேகப்­பந்­து­ வீச்­சா­ளர்­களை எதிர்­கொள்­வ­தற்கு இலங்கை துடுப்­பாட்ட வீரர்கள் முதலில் மனதை திடப்­ப­டுத்­திக்­கொள்­வது அவ­சியம் என இலங்கை கிரிக்கெட் நிறு­வனத் தலைவர் திலங்க சும­தி­பால தெரி­வித்தார். தென் ஆபி­ரிக்­கா­வு­டனான டெஸ்ட் தொடர் தோல்­வியை அடுத்து அணித் தலைவர் ஏஞ்­சலோ மெத்­யூ­ஸுடன் ஸ்கைப் கலந்­து­ரை­யாடல் மூலம் ஆலோ­ச­னைகள் வழங்­கப்­பட்­ட­தா­கவும் அடுத்­து­வரும் மட்­டுப்­ப­டுத்­தப்­பட்ட ஓவர் தொடர்­களில் இலங்கை அணியை பிர­கா­சிக்கச் செய்ய கடும் முயற்சி எடுக்­கப்­படும் என ஏஞ்­சலோ மெத்யூஸ் உறுதி வழங்­கி­ய­தா­கவும் அவர் தெரி­வித்தார். இன்­றைய போட்­டியில் தனுஷ்க குண­தி­லக்­க­வுடன் நிரோஷன் டிக்­வெல்ல ஆரம்ப வீர­ராக விளை­யா­டுவார் என எதிர்­பா­ர்க்­கப்­ப­டு­கின்­றது. இவர்­களைத் தொடர்ந்து குசல் மெண்டிஸ், தினேஷ் சந்­திமால், ஏஞ்­சலோ மெத்யூஸ், தனஞ்­செய டி சில்வா, சச்தித் பத்­தி­ரன, சீக்­குகே பிர­சன்ன அல்­லது லக்ஷான் சந்­தகான், நுவன் குல­சே­கர, சுரங்க லக்மால் ஆகியோர் அணியில் இடம்­பெ­றுவர் என எதிர்­பார்க்­கப்­ப­டு­கின்­றது. பதி­னோ­றா­வது வீர­ராக நுவன் பிரதீப், தி­க்ஷிலா டி சில்வா, இசுரு உதான ஆகிய மூவரில் ஒருவர் இடம்­பெ­று­வ­தற்கு வாய்ப்­புள்­ளது. தென் ஆபி­ரிக்­காவைப் பொறுத்­த­ மட்டில் 6 புதிய வீரர்­க­ளுடன் முத­லா­வது போட்­டியை எதிர்­கொள்­ள­வுள்­ளது. எனவே இப் போட்டி தென் ஆபி­ரிக்­கா­வுக்கு சவால் மிக்­க­தாக அமையும் என கருதப்படுகின்றது. - See more at: http://www.metronews.lk/article.php?category=sports&news=21907#sthash.UXQjYIkV.dpuf
  18. http://content.epaper.virakesari.lk/newspaper/Weekly/samakalam/2017-01-22#page-6
  19. இலங்கையில் வலுவடையும் இந்தியாவின் ஆதிக்கம் இந்­தியன் ஒயில் நிறு­வ­னத்­துக்கு குத்­த­கைக்கு வழங்­கப்­பட்ட சீனக்­குடா எரி­பொருள் தாங்­கிகள் சில­வற்றை மீளப் பெறும் விட­யத்தில் இலங்கை அர­சாங்கம் நெருக்­க­டி­களைச் சந்­தித்துக் கொண்­டி­ருக்கும் நிலையில், திரு­கோ­ண­மலைத் துறை­மு­கத்தை, அபி­வி­ருத்தி செய்யும் பொறுப்பை இந்­தி­யா­விடம் ஒப்­ப­டைக்­க­வுள்­ள­தாக பிராந்­திய அபி­வி­ருத்தி அமைச்சர் பீல்ட் மார்ஷல் சரத் பொன்­சேகா தகவல் வெளி­யிட்­டி­ருக்­கிறார். திரு­கோ­ண­மலை துறை­முக அபி­வி­ருத்தி தொடர்­பாக இந்­திய - இலங்கை அர­சாங்­கங்­க­ளுக்கு இடையில் பேச்­சுக்கள் நடந்து கொண்­டி­ருக்­கின்­றன. விரைவில் இது தொடர்­பான இறுதி முடிவு எடுக்­கப்­படும் என்று, புது­டில்­லியில் கடந்­த­வாரம் நடை­பெற்ற, ரைசினா கலந்­து­ரை­யா­டலில் உரை­யாற்­றிய போது பீல்ட் மார்ஷல் சரத் பொன்­சேகா கூறி­யி­ருந்தார். இந்­தி­யா­வுக்கும் சீனா­வுக்கும் சம­மான வாய்ப்­பு­களை வழங்­கு­கின்ற நடு­நிலை நாடாக இலங்கை விளங்­கு­கி­றது என்­பதை நிரூ­பிப்­ப­தற்­கான ஒரு சந்­தர்ப்­ப­மாக, இந்த விடயம் பார்க்­கப்­ப­டு­கி­றது. ஏனென்றால், அம்­பாந்­தோட்டை துறை­மு­கத்தின் 80 சத­வீத உரி­மையை சீனா­வுக்கு குத்­த­கைக்கு வழங்க இலங்கை அர­சாங்கம் முடிவு செய்­தி­ருக்­கி­றது. அதற்குப் பதி­லா­கவே, திரு­கோ­ண­மலைத் துறை­மு­கத்தை இந்­தி­யா­வுக்குக் கொடுத்து அபி­வி­ருத்தி செய்யும் சாத்­தியம் குறித்து பேச்­சுக்கள் நடத்­தப்­ப­டு­வ­தாகக் கூறப்­ப­டு­கி­றது. பேச்­சுக்கள் நடக்­கின்­றன, விரைவில் முடிவு எடுக்­கப்­படும் என்று அமைச்சர் சரத் பொன்­சேகா கூறி­யி­ருந்­தாலும், இந்த விட­யத்தில் ஏற்­க­னவே இரண்டு நாடு­க­ளுக்கும் இடையில் ஓர் உள் இணக்கம் ஏற்­பட்­டி­ருக்­கலாம் என்றே கரு­தப்­ப­டு­கி­றது. அதன் அடிப்­ப­டையில் தான், அம்­பாந்­தோட்டை துறை­மு­கத்தை சீனா­வுக்கு குத்­த­கைக்கு வழங்கும் விட­யத்தில் இந்­தியா எந்த எதிர்ப்­பையும் வெளிப்­ப­டுத்­தாமல், இருந்­தி­ருக்கக் கூடும். இது­வ­ரையில் இந்த விவ­கா­ரத்தில் இந்­தியா மூக்கை நுழைக்­கவோ, எதிர்ப்பை வெளி­யி­டவோ இல்லை. உலகின் கேந்­திர முக்­கி­யத்­துவம் மிக்க, ஆழ­மான இயற்கைத் துறை­மு­கங்­களில் திரு­கோ­ண­ம­லையும் ஒன்று. அந்த வகையில், திரு­கோ­ண­மலை மீது அமெ­ரிக்கா, இந்­தியா போன்ற நாடு­க­ளுக்கு எப்­போ­துமே ஒரு கண் இருந்து வந்­தி­ருக்­கி­றது. 1980களில் அமெ­ரிக்­கா­வுக்கும் இலங்­கைக்கும் இடையில் நெருக்கம் அதி­க­மான போது, திரு­கோ­ண­மலைத் துறை­மு­கத்தை அமெ­ரிக்­காவின் பயன்­பாட்­டுக்கு வழங்க ஜே.ஆர். அர­சாங்கம் இணங்கி விட்­ட­தாக பேச்­சுக்கள் அடி­பட்­டன. அது இந்­தி­யாவை கோபத்­துக்­குள்­ளாக்­கி­யது. அந்தத் திட்­டத்தை முறி­ய­டிக்க இந்­தியா பல்­வேறு உத்­தி­களைக் கையாண்டு, கடை­சியில் இலங்­கை­யுடன் ஓர் அமைதி உடன்­பாட்டைச் செய்து, திரு­கோ­ண­ம­லையில் தனது படை­களை நிறுத்­தி­யது, அத்­துடன் திரு­கோ­ண­மலை மீதான அமெ­ரிக்­காவின் கன­வுக்கு இந்­தியா ஆப்பு வைத்­தது. 1990க்குப் பின்னர், திரு­கோ­ண­ம­லையில் தனது படை­களைக் கொண்­டி­ராது போனாலும், அதன் மீது கண்­கா­ணிப்­பையும் கவ­னத்­தையும் செலுத்தி வந்­தது இந்­தியா. 2014இல் சீனக்­கு­டாவில் விமான பரா­ம­ரிப்பு நிலையம் ஒன்றை சீனா அமைக்க முற்­பட்ட போதே இந்­தியா அதனைத் தடுத்து நிறுத்­தி­யி­ருந்­தது. இந்த விமான பரா­ம­ரிப்பு நிலையம், பின்னர் கடந்த ஆண்டு தொடக்­கத்தில் கட்­டு­நா­யக்­கவில் நிறு­வப்­பட்டு, சீன போர் விமா­னங்­களை மறு­சீ­ர­மைக்கும் நட­வ­டிக்­கைகள் மேற்­கொள்­ளப்­ப­டு­கின்­றமை குறிப்­பி­டத்­தக்­கது. திரு­கோ­ண­ம­லையில், தனக்கு விரோ­த­மான சக்­திகள் காலடி எடுத்து வைப்­பதை இந்­தியா எப்­போதும், எதிர்த்தே வந்­தி­ருக்­கி­றது. அதற்குக் காரணம், திரு­கோ­ண­மலைத் துறை­முகம் மாத்­தி­ர­மல்ல, சீனக்­கு­டாவில் இந்­தி­யாவின் கட்­டுப்­பாட்டில் உள்ள எரி­பொருள் குதங்­களும் தான். இரண்டாம் உலகப் போர் காலத்தில், பிரித்­தா­னி­யா­வினால் அமைக்­கப்­பட்ட 99 எரி­பொருள் தாங்­கிகள் சீனக்­கு­டாவில் இன்­னமும் பயன்­ப­டுத்தக் கூடிய நிலையில் இருக்­கின்­றன. இவற்றை இந்­தியன் ஓயில் நிறு­வனம் மூலம் இந்­தியா தனது கட்­டுப்­பாட்டில் வைத்­தி­ருக்­கி­றது. 2002ஆம் ஆண்டு ஆட்­சிக்கு வந்த ஐ.தே.க. அர­சாங்­கத்­துடன் செய்து கொண்ட உடன்­பாட்­டுக்கு அமைய, சீனக்­குடா எரி­பொருள் தாங்­கி­களை இந்­தியா தனது கட்­டுப்­பாட்டின் கீழ் கொண்டு வந்­தது. இந்த எரி­பொருள் தாங்­கி­களின் முக்­கி­யத்­துவம் கார­ண­மா­கவும், திரு­கோ­ண­ம­லையில் தனக்கு விரோ­த­மான சக்­திகள் காலூன்­று­வதை இந்­தியா விரும்­ப­வில்லை. இந்த எரி­பொருள் தாங்­கிகள் தொடர்­பாக, அண்மை நாட்­க­ளாக இந்­தியன் ஒயில் நிறு­வ­னத்­துக்கும், இலங்கை அர­சாங்­கத்­துக்கும் இடையில் இழு­பறிப் போர் ஒன்றும் நடந்து கொண்­டி­ருக்­கி­றது. இந்­தி­யா­வுக்கு 35 ஆண்­டுகள் குத்­த­கைக்கு வழங்­கப்­பட்ட இந்த எரி­பொருள் தாங்­கி­களில், 16 தாங்­கி­களை, மீளப்­பெ­று­வ­தற்கு கடந்த டிசம்பர் மாதம் அமைச்­ச­ர­வையில் அனு­மதி பெறப்­பட்­டது. வரட்­சியை எதிர்­கொள்­வ­தற்­காக, மின்­சார உற்­பத்­திக்­காக எரி­பொ­ருளை சேமித்து வைப்­ப­தற்­காக அவ­ச­ர­மாக மூன்று தாங்­கி­களை மீளப் பெறு­வ­தற்கு, பெற்­றோ­லியக் கூட்டுத் தாபனம் முற்­பட்ட போது அதற்கு இந்­தியன் ஒயில் நிறு­வனம் அனு­ம­திக்­க­வில்லை. இலங்கை அதி­கா­ரிகள் தாங்­கி­களை ஆய்வு செய்­வ­தற்குக் கூட இந்­தியன் “ ஒயில் நிறு­வன அதி­கா­ரிகள் அனு­ம­திக்­க­வில்லை. இது­பற்றி இந்­திய அர­சாங்­கத்­துடன் பேசித் தீர்த்துக் கொள்­ளு­மாறு திருப்பி அனுப்பி விட்­டார்கள். இந்­தியன் ஒயில் நிறு­வன அதி­கா­ரி­களின் செய­லினால், பெற்­றோ­லியக் கூட்­டுத்­தா­பன தொழிற்­சங்­கங்கள் கொதிப்­ப­டைந்­துள்­ளன. அமைச்­ச­ரவை முடி­வுக்கு எதி­ராக செயற்­படும் அள­வுக்கு இந்­தியன் ஒயில் நிறு­வ­னத்­துக்கு அதி­காரம் கிடைத்­தது எப்­படி என்று அவர்கள் கேள்வி எழுப்­பு­கின்­றனர். ஆனாலும், இந்­தியன் ஒயில் நிறு­வனம் அசை­ய­வே­யில்லை. இந்­திய அர­சுடன் பேசித் தீர்த்துக் கொள்­ளு­மாறு திட்­ட­வட்­ட­மாக கூறி­விட்­டது. இதனால், புதிய இந்­தியத் தூதுவர் தரன்ஜித் சிங் சந்து பத­வியைப் பொறுப்­பேற்கும் வரையில் இந்த விவ­கா­ரத்தை நிறுத்தி வைக்­கு­மாறு பிர­தமர் ரணில் விக்­கி­ர­ம­சிங்க உத்­த­ர­விட்­டுள்ளார். அது­மாத்­தி­ர­மன்றி, சீனக்­குடா எண்ணெய்த் தாங்­கிகள் அமைந்­துள்ள பகு­திக்கு செல்­வ­தற்கும் தடை விதிக்­கப்­பட்­டுள்­ளது. வரும் 28ஆம் திகதி புதிய இந்­தியத் தூதுவர் பொறுப்­பேற்கும் வரையில் எந்த நகர்­வையும் எடுப்­ப­தில்லை என்­பதில் அர­சாங்கம் உறு­தி­யாக இருக்­கி­றது. இந்­தி­யாவைப் பகைத்துக் கொள்ளக் கூடாது என்­ப­தற்­கா­கவே, இலங்கை அர­சாங்கம் பொறு­மை­யாக இந்த விவ­கா­ரத்தைக் கையாள முனை­கி­றது. சீனக்­குடா எரி­பொருள் தாங்­கிகள் விட­யத்­திலோ, அம்­பாந்­தோட்டை எரி­பொருள் சுத்­தி­க­ரிப்பு ஆலைத் திட்டம் தொடர்­பா­கவோ, பிராந்­திய சக்­தி­க­ளான இந்­தி­யா­வையோ, சீனா­வையோ கோப­மூட்டும் எந்த முடி­வையும் அர­சாங்கம் எடுக்­காது என்று அமைச்சர் சந்­திம வீரக்­கொடி கூறி­யி­ருக்­கிறார். சீனக்­குடா எரி­பொருள் தாங்­கிகள் விட­யத்தில் இந்­தி­யா­வுக்கும் இலங்­கைக்கும் இடையில் சிறு முரண்­பாடு ஒன்று ஏற்­பட்­டுள்ள நிலையில் தான், திரு­கோ­ண­மலைத் துறை­மு­கத்தை இந்­தி­யா­வுக்கு வழங்­கு­வது பற்­றிய தக­வல்கள் வெளி­யா­கி­யி­ருக்­கின்­றன. திரு­கோ­ண­மலைத் துறை­முக அபி­வி­ருத்­தியை இரண்டு கட்­டங்­க­ளாக முன்­னெ­டுக்க அர­சாங்கம் எதிர்­பார்க்­கி­றது. முத­லா­வது வர்த்­தக துறை­மு­க­மாக அபி­வி­ருத்தி செய்­வது. இரண்­டா­வது கடற்­படைத் தள­மாக அபி­வி­ருத்தி செய்­வது. இந்­தியப் பெருங்­கடல் பிராந்­தி­யத்தின் பாது­காப்பை உறு­திப்­ப­டுத்­து­வ­தற்­கான கடல்சார் பாது­காப்பு, கண்­கா­ணிப்பு நட­வ­டிக்­கை­களை திரு­கோ­ண­மலை தளத்தில் இருந்து ஒருங்­கி­ணைக்­கவே திட்­ட­மி­டப்­பட்­டுள்­ளது. அதற்­காக, திரு­கோ­ண­மலை கடற்­படைத் தளத்தை மேலும் விரி­வு­ப­டுத்தும் நட­வ­டிக்­கைகள் மேற்­கொள்­ளப்­ப­ட­வுள்­ளன. அதே­வேளை, வர்த்­தக நட­வ­டிக்­கை­களை மேற்­கொள்­வ­தற்­கான துறை­மு­க­மாக இதனை அபி­வி­ருத்தி செய்யும் நட­வ­டிக்­கை­களும் இடம்­பெ­ற­வுள்­ளன. இதில் இந்­தியா எதனைப் பொறுப்­பேற்­க­வுள்­ளது, அது­பற்­றிய உடன்­பா­டுகள் எந்த அடிப்­ப­டையில் மேற்­கொள்­ளப்­ப­ட­வுள்­ளன என்ற விப­ரங்கள் இன்­னமும் வெளி­யா­க­வில்லை. எவ்­வா­றா­யினும், இந்­தியா தனது படை­க­ளையோ, கடற்­ப­டை­யையோ நிறுத்தி வைத்து செயற்­பா­டு­களை முன்னெடுப்பதற்கு இலங்கை அனுமதிக்காது. அது இலங்கையின் இறைமையை மீறும் செயலாக இருக்கும் என்பதுடன், அம்பாந்தோட்டையில் அத்தகையதொரு வாய்ப்பை சீனா கோருவதற்கும் இடமளித்ததாகி விடும். அத்தகையதொரு வாய்ப்பை சீனாவுக்கு விட்டுக் கொடுக்க இந்தியா தயாராகவும் இருக்காது. எனவே வர்த்தகத்துறை சார்ந்த அபிவிருத்திகளை மேற்கொள்ளும் பொறுப்பை இந்தியா ஏற்றுக்கொள்ளும். அதன்மூலம் திருகோணமலை துறைமுகத்தின் கட்டுப்பாட்டை மேலும் இறுக்கமாக்கிக் கொள்ள இந்தியா முற்படலாம். ஏற்கனவே சீனக்குடாவில் இந்தியன் ஒயில் நிறுவனம் எந்தளவுக்கு பிடிமானமாகச் செயற்படுகிறதோ அதேயளவுக்கு திருகோணமலை துறைமுகத்தின் கட்டுப்பாட்டையும் இந்தியாவினால் பேண முடியும். கேந்திர முக்கியத்துவம் வாய்ந்த திருகோணமலைத் துறைமுகத்தை, இந்தியா தனது கட்டுப்பாட்டில் எடுத்துக் கொள்ளுமானால், இலங்கையில் இந்தியாவின் பிடி மேலும் இறுக்கமடைவதற்கான வாய்ப்புகளே அதிகமாக உள்ளன. http://content.epaper.virakesari.lk/newspaper/Weekly/samakalam/2017-01-22#page-4
  20. எல்லை நிர்ணயத்தில் முஸ்லிம்களுக்கு அநீதி உள்­ளூ­ராட்சி மன்­றங்­களின் எல்லை நிர்­ணய அறிக்கை மாகாண சபைகள் உள்­ளூ­ராட்சி மன்­றங்­களின் அமைச்சர் பைஸர் முஸ்­த­பா­விடம் எல்லை நிர்­ணயக் குழுவின் தலைவர் அசோக்க பீரி­ஸினால் கடந்த 17 ஆம் திகதி கைய­ளிக்­கப்­பட்­டுள்­ளது. இந்­நி­லையில், உள்­ளூ­ராட்சி மன்­றங்­களின் தேர்தல் புதிய முறைப்­படி நடத்த இருப்­ப­தாக மாகாண சபைகள், உள்­ளூ­ராட்சி அமைச்சர் பைஸர் முஸ்­தபா திட்­ட­வட்­ட­மாக அறி­வித்­துள்ளார். உள்­ளூராட்சி தேர்­தலில் புதிய முறை­மையில் உள்ள குறை­பா­டுகள் மற்றும் விமர்­ச­னங்­களை கவ­னத்தில் கொள்­ளா­மலும், எல்லை நிர்­ணய குழு­வி­னரின் அறிக்­கையில் தேவை­யான சட்­டத்­தி­ருத்­தங்­களை செய்­யா­மலும் அவ­ச­ர­மாக வர்த்­த­மா­னியில் பிர­சு­ரிப்­பது சிறு­பான்­மை­யி­ன­ருக்கும், சிறிய கட்­சி­க­ளுக்கும் செய்­கின்ற அநீ­தி­யாகும் என்று சிறு­பான்­மை­யினக் கட்­சி­களும், சிறிய கட்­சி­களும் அதி­ருப்­தியை வெளி­யிட்­டுள்­ளன. உள்­ளூராட்சி மன்­றங்­களின் தேர்­தலை நடத்­து­வ­தற்கு மாகாண சபைகள், உள்ளூ­ராட்சி மன்­றங்­களின் அமைச்சர் பைஸர் முஸ்­தபா அடிக்­கடி திக­தி­களை குறிப்­பிட்டுக் கொண்டே வந்­தா­ரே­யன்றி தீர்க்­க­மான அறி­விப்பைச் செய்­ய­வில்லை. உள்­ளூ­ராட்சி மன்­றங்­களின் தேர்­தலை வட்­டார அடிப்­ப­டையில் புதிய தேர்தல் முறை ஒன்றின் மூல­மாக நடத்­து­வ­தற்கு அர­சாங்கம் நட­வ­டிக்­கை­களை எடுத்துக் கொண்டு வந்­த­மையே தேர்­தலை நடத்­து­வதில் இழு­பறி நிலை ஏற்­பட்­ட­தற்கு கார­ண­மென்று தெரி­விக்­கப்­ப­டு­கின்­றது. ஆயினும், ஸ்ரீலங்கா சுதந்­திரக் கட்­சிக்குள் காணப்­படும் உள்­ளக முரண்­பா­டு­க­ளி­னா­லேயே உள்­ளூ­ராட்சி தேர்­தலை நடத்­து­வ­தற்கு கால­தா­ம­தங்கள் ஏற்­பட்­ட­மைக்கு பிர­தான கார­ண­மாகும். இதேவேளை, உள்­ளூ­ராட்சி தேர்­தலை புதிய முறைப்­படி நடத்­து­வ­தற்கு எல்லை நிர்­ண­யங்கள் செய்­யப்­பட்டு வட்­டா­ரங்கள் ஏற்­ப­டுத்­தப்­பட்­டுள்­ளன. இந்த வட்­டார எல்லை பிரிப்பு கடந்த அர­சாங்­கத்தின் காலத்திற் மேற்­கொள்­ளப்­பட்­ட­தாகும். ஐக்­கிய மக்கள் சுதந்­திர முன்­ன­ணியின் வெற்­றியை இலக்­காகக் கொண்டே வட்­டா­ரங்கள் உரு­வாக்­கப்­பட்­டுள்­ளன. அதே வேளை, வடக்கு கிழக்கு மாகா­ணங்­க­ளுக்கு வெளியே சிறு­பான்­மை­யி­னரின் பிர­தி­நி­தித்­து­வத்தில் பாரிய வீழ்ச்­சியை ஏற்­ப­டுத்தும் வகை­யில்தான் எல்லை நிர்­ணயம் செய்­யப்­பட்­டுள்­ள­தாக சிறு­பான்மைக் கட்­சிகள் சுட்டிக் காட்­டி­யுள்­ளன. குறிப்­பாக ஸ்ரீலங்கா முஸ்லிம் காங்­கி­ரஸின் தலைவர் ரவூப் ஹக்கீம் இந்த பிரச்­சி­னையை அர­சாங்­கத்தின் கவ­னத்­திற்கு கொண்டு சென்­றி­ருந்தார். ஆயினும், இவரின் இந்த கோரிக்­கையை அர­சாங்கம் கவ­னத்திற் கொள்­ள­வில்லை. சிறு­பான்மைச் சமூ­கங்­களும், சிறிய கட்­சி­களும் பாதிக்­கப்­ப­டு­கின்ற வகையில் எல்லை நிர்­ண­யங்கள் அமைந்­துள்­ளன. இந்த சர்ச்­சை­க­ளுக்கு நிரந்­த­ர­மான தீர்வைக் கண்டு விட்­டுத்தான் வர்த்­த­மா­னியில் அது பிர­சு­ரிக்­கப்­பட வேண்டும். தேர்தல் ஆணைக்­கு­ழுவின் தலைவர் ஏற்­க­னவே 56 இடங்­களில் திருத்­தங்கள் அவ­சி­ய­மென்று விதந்­து­ரை­களைச் செய்­தி­ருக்­கின்றார். மேலும், நாங்­களும் தெரிவு முறையில் காணப்­ப­டக்­கூ­டிய பாரிய பாதிப்­புகள் பற்றி ஏற்­க­னவே சுட்­டிக்­காட்­டி­யி­ருக்­கின்றோம். எனவே, சிறு­பான்­மை­யின கட்­சி­க­ளோடும், சிறிய கட்­சி­க­ளோடும், ஏனைய கட்சித் தலை­வர்­க­ளோடும் போதிய கலந்­து­ரை­யா­டலை மேற்­கொண்டு ஒரு­மித்த நிலைப்­பாடு எட்­டப்­பட்­டதன் பின்னர் இது­பற்­றிய தீர்க்­க­மான முடிவை எடுப்­ப­துதான் சிறந்­த­தாகும் என்று ரவூப் ஹக்கீம் தெரி­வித்­துள்ளார். உள்­ளூ­ராட்சி மன்­றங்­களின் தேர்­தலை புதிய முறைப்­படி நடத்­து­வ­தற்கு ஏற்­க­னவே அமைச்­ச­ரவை அங்­கி­காரம் வழங்­கி­யி­ருந்­தது. அமைச்­ச­ர­வையில் ஸ்ரீலங்கா முஸ்லிம் காங்­கி­ரஸின் தலைவர் ரவூப் ஹக்கீம், அகில இலங்கை மக்கள் காங்­கி­ரஸின் தலைவர் றிசாட் பதி­யுதீன் உட்­பட தமிழ், முஸ்லிம் அமைச்­சர்கள் உள்­ளார்கள். புதிய முறைப்­படி தேர்­தலை நடத்­து­வ­தற்­கு­ரிய அங்­கி­கா­ரத்தை வழங்­கு­வ­தற்கு முன்­ன­தாக அதி­லுள்ள குறை­பா­டு­களை இல்­லாமல் செய்­வ­தற்­கு­ரிய அழுத்­தங்­களை கொடுத்­தி­ருக்க வேண்டும். தாங்கள் எதிர்­பார்க்கும் மாற்­றங்கள் இடம்­பெற்­றி­ருந்தால் மாத்­தி­ரமே அமைச்­ச­ர­வையில் உள்ள தமிழ், முஸ்­லிம்கள், அமைச்­சர்கள் அதற்­கான அங்­கி­கா­ரத்தை வழங்­கி­யி­ருக்க வேண்டும். அத­னை­வி­டுத்து, அங்­கி­கா­ரத்­தினை வழங்­கி­விட்டு வர்த்­த­­மா­னியில் அவ­ச­ர­மாக பிர­சு­ரிப்­பது அநி­யாயம் என்று குற்­றச்­சாட்­டுக்­களை முன் வைப்­பது சிறு­பான்­மை­யி­னரை ஏமாற்றும் செய­லாகும். உள்­ளூ­ராட்சி மன்­றங்­களின் எல்லை நிர்­ண­யத்தில் சிறு­பான்­மை­யி­ன­ருக்கு எதி­ரான குறிப்­பாக முஸ்­லிம்­க­ளுக்கு எதி­ரான பாரிய அநீ­திகள் இழைக்­கப்­பட்­டுள்­ள­தாக ரவூப் ஹக்கீம் பல தட­வைகள் சுட்டிக் காட்­டி­யுள்ளார். அவற்­றினை தீர்க்­காது போனால் அதனை ஏற்றுக் கொள்­ள­மாட்டோம் என்றும் அவர் சூளு­ரைத்­தி­ருந்தார். ஆனால், தற்­போது எல்லை நிர்­ண­யத்தில் சுட்­டிக்­காட்­டப்­பட்ட குறை­க­ளையும், பிரச்­சி­னை­க­ளையும் கருத்திற் கொள்­ளாது நடை­மு­றைப்­ப­டுத்­து­வ­தற்­கு­ரிய நட­வ­டிக்­கை­களில் அர­சாங்கம் இறங்­கி­யுள்­ளது. அர­சாங்­கத்தின் இந்­ந­ட­வ­டிக்­கையால் வடக்கு, கிழக்கு மாகா­ணங்­க­ளுக்கு வெளியே வாழ்­கின்ற முஸ்­லிம்­களின் பிர­தி­நி­தித்­துவம் உள்­ளூ­ராட்சி மன்­றங்­களில் வெகு­வாகக் குறை­வ­டைந்­து­விடும். இதனால், முஸ்லிம் பிர­தே­சங்கள் மிகப் பெரிய பாதிப்­புக்­களை எதிர் கொள்ளும் என்­பதில் ஐய­மில்லை. ஒரு பிர­தே­சத்தில் உள்ள இன­வி­கி­தா­சாரம், நிலத் தொடர்­புகள் போன்­ற­வை­க­ளுக்கு முக்­கி­யத்­துவம் கொடுக்­காது பெரும்­பான்­மை­யினம் அதிக உறுப்­பி­னர்­களைப் பெற்றுக் கொள்ளும் வகையில் வட்­டா­ரங்­களின் எல்­லைகள் நிர்­ணயம் செய்­யப்­பட்­டுள்­ள­தாக குற்­றம்­சாட்­டப்­ப­டு­கின்­றன. முஸ்­லிம்­களைப் பொறுத்த வரை திரு­கோ­ண­மலை மாவட்­டத்தில் கந்­தளாய், மூதூர் ஆகிய உள்­ளூராட்சி மன்­றங்­களின் எல்லை நிர்­ண­யத்தில் முஸ்­லிம்­க­ளுக்கு அநீதி ஏற்­ப­டுத்­தப்­பட்­டுள்­ள­தாக அப்­பி­ர­தேச முஸ்­லிம்கள் தெரி­விக்­கின்­றார்கள். இங்கு முஸ்­லிம்­களின் பிர­தி­நி­தித்­து­வத்தை குறைக்கும் வகையில் எல்­லைகள் தீர்­மா­னிக்­கப்­பட்­டுள்­ளன. புத்­தளம் மாவட்­டத்தில் புத்­தளம் நகர சபை மற்றும் பிர­தேச சபை, கற்­பிட்டி பிர­தேச சபை, ஆராய்ச்­சிக்­கட்டு பிர­தேச சபை, வண்­ணாத்­தி­வில்லு பிர­தேச சபை, சிலாபம் நகர சபை மற்றும் பிர­தேச சபை, நாத்­தாண்­டியா பிர­தேச சபை ஆகி­ய­வற்­றிலும் முஸ்­லிம்­களின் பிர­தி­நி­தித்­துவம் இல்­லாமல் செய்ய வேண்­டு­மென்­ப­தற்­காக திட்­ட­மிட்ட வகையில் எல்லை நிர்­ணயம் செய்­யப்­பட்­டுள்­ளன. கண்டி மாவட்­டத்தில் அக்­கு­றணை பிர­தேச சபை, பாத்­த­ஹே­வ­ஹட்டை பிர­தேச சபை, பாத்­த­தும்­பறை பிர­தேச சபை­க­ளிலும் முஸ்­லிம்­க­ளுக்கு அநீதி இழைக்­கப்­பட்­டுள்­ள­தாக முறைப்­பா­டுகள் செய்­யப்­பட்­டுள்­ளன. இது போன்று வடக்கு, கிழக்கு மாகா­ணங்­க­ளுக்கு வெளியே உள்ள எல்லா மாவட்­டங்­க­ளிலும் உள்ள உள்­ளூராட்சி மன்­றங்­களில் முஸ்­லிம்­களின் மக்கள் பிர­தி­நி­தித்­து­வத்தை குறைப்­ப­தற்கு சதிகள் செய்­யப்­பட்­டுள்­ளன. இவற்­றிக்­கு­ரிய தீர்­வு­களை அர­சாங்கம் முன் வைக்­காத நிலையில் உள்­ளூ­ராட்சி மன்­றங்­களின் எல்லை நிர்­ண­யத்­தினை அமுல்­ப­டுத்த நட­வ­டிக்­கை­களை எடுப்­பது முஸ்­லிம்­களின் மீது வேண்­டு­மென்று மேற்­கொள்­ளப்­படும் அர­சாங்­கத்தின் திட்­ட­மிட்ட நட­வ­டிக்­கை­யா­கவே இருக்­கின்­றது. இதனால், முஸ்லிம் கட்­சி­களும், அமைச்­சர்­களும், பாரா­ளு­மன்ற உறுப்­பி­னர்­களும் இவற்றில் போதிய கவனம் செலுத்­துதல் வேண்டும். இன்று விடும் தவறு முஸ்­லிம்­களின் எதிர்காலத்தை அலங்­கோ­லப்­ப­டுத்­தி­விடும். இதேவேளை, வடக்கு, கிழக்கு மாகா­ணங்­களில் உள்ள முஸ்லிம் உள்­ளூ­ராட்சி மன்­றங்­களின் எல்­லை­களை நிர்­ணயம் செய்­வதில் அர­சியல் கட்­சி­க­ளி­னதும், கட்­சி­களின் பிர­தி­நி­தி­க­ளி­னதும் விருப்பு வெறுப்­புக்­க­ளுக்கு ஏற்­ற­வாறு தீர்­மா­னிக்­கப்­பட்­டுள்­ள­தாக குற்­றச்­சாட்­டுக்கள் முன் வைக்­கப்­ப­டு­கின்­றன. உள்­ளூ­ராட்சி மன்றத் தேர்­தலில் தமது அர­சியல் எதிரி அல்­லது கட்­சியை தோற்­க­டிக்க வேண்­டு­மென்­ப­தற்­காக எல்­லைகள் நிர்­ணயம் செய்­யப்­பட்­டுள்­ள­தாக முறைப்­பா­டுகள் செய்­யப்­பட்­டுள்­ளன. 1981ஆம் ஆண்­டிற்கு முன்னர் உள்­ளு­ராட்சி சபை­க­ளுக்கு வட்­டார அடிப்­ப­டை­யி­லேயே உறுப்­பி­னர்கள் தெரிவு செய்­யப்­பட்­டார்கள். ஒவ்­வொரு வட்­டா­ரத்­திற்கும் ஒருவர் தெரிவு செய்­யப்­பட்டு பின்னர் அவர்கள் ஒன்று கூடி தமது உள்­ளு­ராட்சி சபை­க­ளுக்­கான தலைவர், துணைத்­த­லை­வர்­களை தெரிவு செய்யும் முறை இருந்து வந்­துள்­ளது. இத்­தேர்தல் முறை 1989ஆம் ஆண்டு கொண்­டு­வ­ரப்­பட்ட உள்­ளு­ராட்சி தேர்தல் அதி­கார சபையின் சட்­டத்­தினால் மாற்­றி­ய­மைக்­கப்­பட்­டது. இதன் பின்னர் விகி­தா­சார அடிப்­ப­டை­யி­லேயே உறுப்­பி­னர்கள் தெரிவு செய்­யப்­பட்­டார்கள். தற்­போது அர­சாங்­கத்­தினால் முன் வைக்­கப்­ப­ட­வுள்ள உள்­ளு­ராட்சி தேர்தல் முறை­யா­னது 1981ஆம் ஆண்­டிற்கு முன்னர் இருந்த வட்­டார முறை­யையும், 1989ஆம் ஆண்டு கொண்டு வரப்­பட்ட விகி­தா­சார முறை­யையும் கலப்­பாகக் கொண்­ட­தொரு தேர்தல் முறையை அறி­முகம் செய்­ய­வுள்­ளது. உள்­ளு­ராட்சி மன்­றங்­க­ளி­னதும், பொதுத் தேர்தல் முறை­யிலும் மாற்­றங்­களை ஏற்­ப­டுத்தும் சட்ட மூலம் மஹிந்­த­ரா­ஜ­ப­க்ஷவின் அர­சாங்­கத்தில் நிறை­வேற்­றப்­பட்­டது. உள்­ளு­ராட்சி மன்­றங்­களின் தேர்­தலை வட்­டார முறைப்­படி நடாத்­து­வ­தென்று முடிவு செய்­யப்­பட்­டது. இம்­மு­றையில் 70வீதம் வட்­டார அடிப்­ப­டை­யிலும் 30 வீதம் விகி­தா­சார அடிப்­ப­டை­யிலும் உறுப்­பி­னர்கள் தெரிவு செய்­யப்­ப­டுவர் என்று தெரி­விக்­கப்­பட்­டது. இதன் போது சிறு­பான்மைக் கட்­சிகள் தங்­க­ளது இனங்­களின் பிர­தி­நி­தித்­துவம் குறை­வ­டையும் என்று சுட்டிக் காட்­டின. ஸ்ரீலங்கா முஸ்லிம் காங்­கி­ரஸின் செய­லாளர் ஹஸன்­அலி 60 வீதம் வட்­டார அடிப்­ப­டை­யிலும், 40 வீதம் விகி­தா­சார அடிப்­ப­டை­யிலும் உறுப்­பி­னர்கள் தெரிவு செய்­யப்­பட வேண்­டு­மென்று கேட்டுக் கொண்டார். இதனை அன்­றைய அர­சாங்கம் ஏற்றுக் கொண்­டது. ஆனால், தற்­போ­தைய அர­சாங்கம் 70இற்கு 30 என்ற அடிப்­ப­டை­யில்தான் உறுப்­பி­னர்­களை தெரிவு செய்­ய­வுள்­ளது. இதனால், வடக்கு, கிழக்கு மாகா­ணங்­க­ளுக்கு வெளியே வாழும் முஸ்­லிம்­களின் பிர­தி­நி­தித்­துவம் குறை­வ­டைந்து போகும் வகையில் எல்­லைகள் நிர்­ணயம் செய்­யப்­பட்­டுள்­ளன. முஸ்லிம் பிர­தே­சங்கள் பெரும்­பான்மை சிங்­கள பிர­தே­சங்­க­ளுடன் இணைக்­கப்­பட்­டுள்­ளன. இதனால், முஸ்­லிம்­க­ளினால் அந்­த­கைய வட்­டா­ரங்­களின் தமது பிர­தி­நி­தியைப் பெற்றுக் கொள்ள முடி­யாது போய்­விடும். மொத்த ஆசன ஒதுக்­கீட்டில் 25 வீதம் பெண்­க­ளுக்கும், இளை­ஞர்­க­ளுக்கும் ஒதுக்­கீடு செய்­யப்­பட வேண்டும். உள்ளுராட்சி மன்றமொன்றின் தேர்தலில் போட்டியிடுவதற்கு கட்சி ஒன்று 5 ஆயிரம் ரூபாவும் , சுயேட்சைக் குழு 20ஆயிரம் ரூபாவும் செலுத்துதல் வேண்டும். 05வீத வெட்டுப் புள்ளியும் நடைமுறையில் இருக்குமென்றும் தெரிவிக்கப்படுகின்றது. இலங்கையில் உள்ள உள்ளுராட்சி மன்றங்களின் அதிகாரங்கள் மிகவும் குறைவாகும். அரசாங்கம் உள்ளுராட்சி சபைகளை கட்டுப்படுத்தும் அதிகாரங்களை கொண்டுள்ளன. இதனால், உள்ளுராட்சி சபைகள் பொது நலன்கள் சார்ந்த துறைகளில் குறிப்பாக பொதுச் சுகாதாரம், கழிவகற்றல் போன்ற கருமங்களை செய்து கொண்டு வந்தள்ளன. ஆனால், மேற்கத்தைய நாடுகளில் உள்ளுராட்சி மன்றங்களுக்கு நிறைவான அதிகாரங்கள் வழங்கப்பட்டுள்ளன. மேற்கு நாடுகளில் உள்ள உள்ளுராட்சி மன்றங்கள் முழுமையான சுயாட்சி அதிகாரங்களைக் கொண்டுள்ளன. அங்குள்ள உள்ளுராட்சி அமைப்புகள் தமது பிரதேசத்திற்குரிய கல்வி, காவல்துறை, சமூக சேவைகள் என்பவற்றில் அதிகாரங்களைக்; கொண்டுள்ளன. இதனால், அங்குள்ள உள்ளுராட்சி அமைப்புக்கள் மக்களுக்கு பல அபிவிருத்திகளைச் செய்து கொண்டிருக்கின்றன. இவ்வாறு இலங்கையிலும் உள்ளுராட்சி சபைகளுக்கு அதிகாரங்கள் வழங்கப்பட வேண்டும். இதனால், பொது மக்கள் தமது பல தேவைகளை உள்ளுராட்சி சபைகளின் மூலமாக நிறைவேற்றிக் கொள்ளக்கூடியதாக இருக்கும் http://content.epaper.virakesari.lk/newspaper/Weekly/samakalam/2017-01-22#page-2
  21. அழுத்தங்கள் வந்தாலும் அரசியலிலிருந்து ஒதுங்கமாட்டேன் -மகிந்த எப்படியான பலமிக்க நாடுகள் எவ்வளவு அழுத்தங்களை கொடுத்தாலும் தான் அரசியலில் இருந்து விலகவோ, ஒதுங்கவோ போவதில்லை என முன்னாள் ஜனாதிபதி மஹிந்த ராஜபக்ச தெரிவித்துள்ளார். தனது அரசியலை நாட்டு மக்களே தீர்மானிப்பார்கள் எனவும் அவர் கூறியுள்ளார். முன்னாள் ஜனாதிபதியை அரசியலில் இருந்து ஒதுங்கிக்கொள்ளுமாறு வெளிநாடுகள் அழுத்தம் கொடுத்து வருவதாக வெளியாகியுள்ள செய்திகள் தொடர்பில் பதிலளிக்கும் போதே அவர் இவ்வாறு குறிப்பிட்டுள்ளார். எப்போதும் நாட்டு மக்களுடனேயே அரசியலில் ஈடுபட்டு வந்துள்ளதாகவும் வெளிநாடுகளின் விருப்பு வெறுப்புகளுக்கு அமைய தான் அரசியலில் ஈடுபடவில்லை எனவும் அவர் கூறியுள்ளார். மேலும் ஜனாதிபதி தேர்தலில் தோல்வியடைந்தாலும் எந்த இலாப நோக்கமும் இன்றி தன்னுடன் இருக்கும் இலட்சக்கண க்கான மக்களின் கோரிக்கைகளை எந்த வகையிலும் புறந்தள்ளப் போவதில்லை எனவும் மஹிந்த ராஜபக்ச தெரிவித்து ள்ளார். பலமிக்க வெளிநாடு ஒன்றின் தூதரகமும், அயல் நாடு ஒன்றின் புலனாய்வுப் பிரிவும், முன்னாள் ஜனாதிபதியை செயற்பா ட்டு ரீதியான அரசியலில் இருந்து ஒதுங்கிக்கொள்ளுமாறு அழுத்தம் கொடுத்து வருவதாக செய்திகள் வெளியாகியிருந்த மை குறிப்பிடத்தக்கது. http://www.onlineuthayan.com/news/22999
  22. கிளி .காந்தி சிறுவர் இல்லத்திலிருந்து மூன்று சிறுவர்கள் மாயம் கிளிநொச்சி – உருத்திரபுரம் காந்தி சிறுவர் இல்லத்தில் தங்கியிருந்த மூன்று சிறுவர்கள் காணாமல் போயுள்ளதாக தெரி விக்கப்படுகிறது. இவர்கள் கடந்த 17 ஆம் திகதி முதல் காணாமல் போயுள்ளதாக காந்தி சிறுவர் இல்லத்தினர் தெரிவித்துள்ளனர். இந்த விடயம் தொடர்பாக கிளிநொச்சி பொலிஸ்நிலையத்தில் முறைப்பாடு செய்துள்ளது. இவ்வாறு காணாமல் போனவர்கள் 14 மற்றும் 13 வயதுடைய சிறுவர்கள் என தெரிவிக்கப்படுகின்றது. குறித்த சிறுவர்கள் தமக்கு கல்வி கற்க விருப்பம் இல்லை எனவும், கல்வி கற்குமாறு தம்மை கட்டாயப்படுத்த வேண்டாம் எனவும் காந்தி சிறுவர் இல்லத்தினரிடம் தெரிவித்துள்ளனர். இந்த நிலையில், கல்வி கற்க விருப்பம் இன்றி சிறுவர் இல்லத்தில் இருந்து வெளியேறியிருக்கலாம் என பொலிஸார் சந்தேகம் வெளியிட்டுள்ளனர். காணாமற் போன சிறுவர்களை தேடும் பணிகளை கிளிநொச்சி பொலிஸார் மேற்கொண்டு வருகின்றனர். http://www.onlineuthayan.com/news/23001
  23. கார்டினல் ரஞ்சித் ஆண்டகை தலைமையில் டெங்கு ஒழிப்பு திட்டம் கொட்டாஞ்சேனை புனித லுஸியஸ் தேவாலய வளாகத்தில் இன்று இடம்பெற்ற டெங்கு ஒழிப்பு திட்டத்தில் பேராயர் மல்கம் கார்டினல் ரஞ்சித் ஆண்டகை பொது மக்களின் ஒத்துழைப்புடன் நடந்த திட்டத்தில் கலந்துக்கொண்டார். http://www.virakesari.lk/
  24. இலங்கையில் அமெரிக்க இராணுவ பயிற்சி ஐக்கிய அமெரிக்கா கடற்படை கப்பல் 'ஹோப்பர்' இலங்கைக்கு நான்கு நாட்கள் நல்லெண்ண விஜமொன்றை மேற்கொண்டுள்ள நிலையில், இலங்கை இராணுவத்திற்கான விசேட பயிற்சிகளையும் வழங்கியுள்ளது. கொழும்பு துறைமுகத்தை வந்தடைந்த இந்தக்கப்பலை இலங்கை கடற்படையினர், கடற்படை மரபுகளுக்கமைய வரவேற்றுள்ளனர். நான்கு நாட்கள் துறைமுகத்தில் தரித்திருக்கவுள்ள இக்கப்பலின் சிப்பந்திகள் மற்றும் இரு நாட்டு கடற்படையினருக்கும் மத்தியில் நிலவும் நட்புறவினை பலப்படுத்தும் நோக்கில் இலங்கை கடற்படையினருடன் இணைந்து பல்வேறு நிகழ்வுகளில் பங்குபற்றும் முகமாகவே குறித்த விஜயம் அமைந்துள்ளது. மேலும் ஹோப்பர் கப்பல் இம்மாதம் 23ம் திகதிவரை இலங்கையில் இருக்குமென கடற்படை தகவல்கள் தெரிவிக்கின்றன. http://www.virakesari.lk/article/15682
  25. 3.5 லட்சம் பேர் தேசிய கீதம் பாடி உலக சாதனை குஜராத் மாநிலம் காக்வாட் நகரில் நேற்று ஒரே நேரத்தில் 3.5 லட்சம் பேர் தேசிய கீதத்தை பாடி புதிய சாதனை படைத்தனர். குஜராத் மாநிலம், ராஜ்காட் மாவட்டம், காக்வாட் நகரில் புதிதாக அம்மன் கோவில் கட்டப்பட்டுள்ளது. அந்த கோவிலில் நேற்று அம்மன் சிலை பிரதிஷ்டை செய்யப்பட்டது. இந்த நிகழ்ச்சியின்போது 3.5 லட்சத்துக்கும் மேற்பட்டோர் தேசிய கீதத்தை பாடி புதிய உலக சாதனை படைத்தனர். இதற்கு முன்பு கடந்த 2014-ம் ஆண்டில் வங்கதேசத்தில் 2.54 லட்சம் பேர் சேர்ந்து அந்த நாட்டு தேசிய கீதத்தை பாடியது உலக சாதனையாக இருந்தது. அந்த சாதனை தற்போது முறியடிக்கப்பட்டுள்ளது. குஜராத் தேசிய கீத சாதனை கின்னஸ் உலக சாதனை புத்தகத்தில் இடம்பெற்றுள்ளது. tamil.thehindu