நவீனன்

கருத்துக்கள உறவுகள்
  • Content count

    37,175
  • Joined

  • Last visited

  • Days Won

    248

நவீனன் last won the day on January 21

நவீனன் had the most liked content!

Community Reputation

4,609 நட்சத்திரம்

About நவீனன்

  • Rank
    Advanced Member
  • Birthday

Profile Information

  • Gender
    Male
  • Location
    Germany
  • Interests
    cricket,internet,

Recent Profile Visitors

19,318 profile views
  1.  'கிரிக்கெட்டை மேம்படுத்த வேண்டும்' வா.கிருஸ்ணா கிழக்கு மாகாணத்தில் விளையாட்டு மைதானங்களைப் புனரமைத்து கிரிக்கெட் விளையாட்டினை மேம்படுத்துவதற்கான நடவடிக்கைகளை முன்னெடுக்கப்போவதாக, இலங்கை கிரிக்கெட் தேர்வுக்குழுவின் தலைவரும் முன்னாள் கிரிக்கெட் வீரருமான சனத் ஜயசூரிய தெரிவித்தார். மட்டக்களப்பு சென்றலைட் விளையாட்டுக்கழகத்தின் 25வது ஆண்டு நிறைவினையொட்டிய நிகழ்வு, கடந்த வெள்ளிக்கிழமை (20) மட்டக்களப்பில் நடைபெற்றது. மட்டக்களப்புக்கு விஜயம் செய்த சனத் ஜெயசூரியவுக்கு, மெதடிஸ்த மத்திய கல்லூரியில் மகத்தான வரவேற்பளிக்கப்பட்டது. இதன்போது, பாடசாலைக்குச் சென்று பாடசாலையில் மேற்கொள்ளப்படும் விளையாட்டு செயற்பாடுகள் தொடர்பில் கேட்டறிந்துகொண்டார். அதனைத்தொடர்ந்து மட்டக்களப்பு ஈஸ்ட் லகூன் ஹோட்டலில் சென்றலைட் விளையாட்டுக்கழகத்தின் 25ஆவது ஆண்டுநிறைவு விழா நடைபெற்றது. சென்றலைட் விளையாட்டுக்கழகத்தின் தலைவர் வை.கோபிநாத் தலைமையில் நடைபெற்ற இந்த நிகழ்வில் இலங்கை கிரிக்கெட் தேர்வுக்குழுவின் தலைவரும் முன்னாள் கிரிக்கட் வீரருமான சனத் ஜயசூரிய பிரதம அதிதியாகக் கலந்துகொண்டார். சிறப்பு அதிதியாக மட்டக்களப்பு மாநகர ஆணையாளர் எம்.உதயகுமார், மட்டக்களப்பு வலய கல்விப் பணிப்பாளர் கே.பாஸ்கரன் உட்பட மெதடிஸ்த மத்திய கல்லூரி பாடசாலையின் அதிபர் பி.விமல்ராஜ், பழைய மாணவர்கள், சென்றலைட் விளையாட்டுக்கழக உறுப்பினர்கள் எனப் பலர் கலந்துகொண்டனர். இலங்கையின் முதல் பாடசாலையென்ற பெருமையினைக்கொண்ட மட்டக்களப்பு மெதடிஸ்த மத்திய கல்லூரியின் விளையாட்டுத்துறையின் வளர்ச்சியை கருத்தில்கொண்டு சென்றலைட் விளையாட்டுக்கழகம் உருவாக்கப்பட்டது. இதன்போது சென்றலைட் விளையாட்டுக்கழகத்தின் 25ஆவது ஆண்டு நிறைவினை குறிக்கும் வகையிலான நினைவு மலரும் வெளியிட்டுவைக்கப்பட்டது. விளையாட்டுத்துறையில் பிரகாசித்துவரும் இளம் வீரர்களுக்கு இதன்போது விருதுகள் வழங்கிக்கௌரவிக்கப்பட்டதுடன், விளையாட்டுத்துறைக்கு அர்ப்பணிப்புகளைச் செய்தவர்களும் கௌரவிக்கப்பட்டனர். - See more at: http://www.tamilmirror.lk/190138/-க-ர-க-க-ட-ட-ம-ம-பட-த-த-வ-ண-ட-ம-#sthash.9D2F9X6q.dpuf
  2. மாற்றம் காண வேண்டிய தமிழகத்தின் ‘பொங்குதமிழ்’ - ப. தெய்வீகன் தமிழகத்தில் சல்லிக்கட்டுக்கு எதிராக விதிக்கப்பட்ட தடையுத்தரவினால் ஏற்பட்டுள்ள மாணவர் பேரெழுச்சி, இந்த ஆண்டின் மிகப்பெரிய செய்திகளுடன் ஊடகங்களை அலற வைத்திருக்கிறது. வெறுமனே அரசியல் செய்திகளாலும் சினிமா பிரமாண்டங்களினாலும் தன் மீதான கவனத்தையும் சுவாரஸ்யத்தையும் பேணிவந்த தமிழகம், முதல் முறையாக மாணவர்களின் பேரெழுச்சி என்ற புரட்சிமொழியின் ஊடாக உலகையே வியந்து பார்க்க வைத்திருக்கிறது. மக்கள் கட்டமைப்பின் பிரதான இயங்கு சக்திகளில் ஒன்றான மாணவர்களின் போராட்டம் என்பது எப்போதும் உணர்வுபூர்வமான ஒரு புள்ளியிலிருந்துதான் தனது கோரிக்கைகளை முன்வைப்பது வழக்கம். ஆக, தற்போது நடைபெற்றுக் கொண்டிருக்கும் சல்லிக்கட்டுக்கு எதிரான தடையின் மீதான அறப்போராட்டம் என்பதும் அதுபோன்ற புள்ளியில்தான் வெடித்துக் கிளம்பியது என்பது அனைவரும் அறிந்ததே. ஆனால், இந்தப் போராட்டம் தனியே சல்லிக்கட்டுக்கு ஆதரவான போராட்டம் மட்டும்தானா? இந்தப் போராட்டம் பயணிக்கின்ற பாதையின் உறுதித்தன்மை என்ன? இதன் இயங்குவலு எதிர்காலத்தில் எந்த அடிப்படையில் தீர்மானிக்கப்படப்போகிறது என்பவற்றை ஆராய்வதுதான் இந்தப் பத்தியின் நோக்கம். முதலில் குறிப்பிட்டதுபோல தமிழகம் என்பது எப்போதும் செய்திகளின் புதையல். ஓவ்வொரு காலகட்டத்திலும் ஏதாவது ஒரு சர்சைக்குரிய விடயம் ஊடகங்களில் கொழுந்து விட்டு எரிந்துகொண்டிருக்கும். அதை அள்ளித்தின்றுவிடுவதுபோல இன்னொரு பிரச்சினை ஊடகங்களை ஆக்கிரமித்துக்கொள்ளும்போது பழைய பிரச்சினை மக்கள் மனங்களிலிருந்து மறைந்துவிடும். இப்படியே சங்கிலித்தொடரான பிரச்சினைகளின் நடுவால் அரசியல்வாதிகள் மிகச்சாணக்கியத்துடன் தங்களது காரியங்களை முன்னகர்த்திக் கொண்டு செல்லும்போது, மக்கள் எப்போதும் அப்பாவிகளாய் அந்தப் பிரச்சினைகள் எவற்றுக்குமே தீர்வுகள் அற்றவர்களாக, மௌனித்துப் போய்விடுவார்கள். ஆனால், தொடர்ச்சியான இந்தப் பாரம்பரியத்தினால் உள்ளுக்குள் வெகுண்டு கொண்டிருந்த இளைய சமுதாயம் அண்மையில் மோடி அரசாங்கம் கொண்டுவந்த ரூபாய் நோட்டுகளுக்கு எதிரான தடையினால் குரல் கொடுக்க ஆரம்பித்தது. நாடளாவிய ரீதியில் இந்த எதிர்ப்பு, பொதுவாகக் காணப்பட்டாலும் தேசிய கட்சிகளின் செல்வாக்குகள் அறவே இல்லாத தமிழகத்தில் சற்று அதிகமாகவே இருந்தது. இந்த மாதிரியான ஒரு சூழ்நிலையில், ஜெயலலிதாவின் இறப்பும் அதனைச் சூழ்ந்திருந்த மர்மமும் அதனைத் தொடர்ந்து சசிகலா குழுவினர் தமிழகத்தின் ஆட்சியை மெல்லமெல்லத் தமது கட்டுப்பாட்டுக்குள் கொண்டு வருவதற்கு மேற்கொண்ட முயற்சிகளும் தமிழகம் என்ற மாநிலம் தேசிய கட்சிகளின் கட்டுப்பாட்டுக்குள் சென்றுவிடுமோ என்ற அச்சத்தை தமிழக மக்களுக்கு ஏற்படுத்தியது. குறிப்பாக தமிழக இளைஞர்கள் விழித்துக்கொள்ள ஆரம்பித்தார்கள். இந்த மாதிரியான ஒரு நிலையில்,வெடித்துக் கிளம்புவதற்கு ஒரு தீப்பொறியாகக் கிடைத்த விடயம்தான் சல்லிக்கட்டுத் தடை. மத்திய அரசாங்கத்தின் மீதான தங்களது சகலவிதமான எதிர்ப்புக்களையும் இதுவரை காலமும் அடக்கி வைத்திருந்த ஒட்டுமொத்தக் கோபத்தையும் வெளிக்காட்டுவதற்கு சல்லிக்கட்டு விவகாரம் வசதியான ஒரு காரணமாக அமைந்தது. அந்தப்புள்ளியில் ஆரம்பித்த நெருப்புத்தான் இன்று உலகெங்கும் பற்றியெரிகிறது. சமூக வலைத்தளங்களின் உச்சப்பயன்பாடு எனப்படுவது இந்தப் போராட்டத்தின் அச்சாணியாகச் செயலாற்றிக் கொண்டிருக்கிறது. இந்த ஆர்ப்பாட்டங்களில் காணக்கூடிய மிகப்பெரிய சாதகமான விடயம் யாதெனில், 2008 - 2009 ஆம் ஆண்டு காலப்பகுதியில் உக்கிரமடைந்திருந்த ஈழத்தமிழர்களுக்கு ஆதரவான புலம்பெயர்ந்த மக்களின் போராட்டத்துடன், தமிழர்களுக்கு வலுவான புலம்பெயர்ந்த சக்தி, ஈழத்தமிழர்கள் மட்டும்தான் என்ற உண்மை, உலக நாடுகள் எங்கிலும் ஆழமாகப் பதிவாகியிருந்தது. ஆனால், தற்போது தமிழக மக்களுக்கு ஆதரவாக, உலகெங்கும் மேற்கொள்ளப்பட்டுவரும் போராட்டங்கள் தமிழக மக்களுக்கும் செறிவான புலம்பெயர்ந்த சக்தி உண்டென்பதையும் அந்தச் சக்தி ஈழத்தமிழர்களின் புலம்பெயர்ந்த தரப்புக்களுடன் இணைந்து செயற்படக்கூடியது என்ற வலுவான செய்தியையும் பதிவு செய்திருக்கிறது. இது உண்மையிலே மிகவும் சாதகமாக நோக்கப்படவேண்டிய ஒரு விடயம். ஏனெனில், தமிழ் மக்களுக்கு எதிராக ஒரு விடயத்தை முன்னெடுப்பதற்கு முயற்சிக்கும் எந்தச் சக்தியும் உலகெங்கும் பரந்துவாழும் இந்தப் புலம்பெயர்ந்த மக்கள் தரப்புக்களுக்கு பதில் சொல்லியாகவேண்டும் என்ற ஓர் அச்சத்தை தற்போது நடைபெறுகின்ற போராட்டம் மிகப்பெரிய செய்தியாக சொல்லியிருக்கிறது. ஆனால், இதற்கு அப்பால் இந்தப் போராட்டத்தினால் ஏற்படுத்தக்கூடிய தாக்கங்கள் அனைத்தும் இப்போதைக்கு தளம்பல் நிலையிலேயே உள்ளன. அறிவார்ந்த நிலையிலிருந்து சிந்தித்தால், இதுதான் யதார்த்தம். இதனால்தான், இந்தப் போராட்டத்தை இலகுவாகக் கலைப்பதற்குக்கூட நேற்றைய தினம் பொலிஸாருக்கு முடிந்தது. அதற்கான காரணங்களை நோக்கினால், தற்போது நடைபெற்றுவரும் மாணவர்களது போராட்டம் அனைத்துத் தரப்பிடமிருந்தும் வலுக்கட்டாயமான ஓர் ஆதரவைக் கோரி நிற்கிறது. போராட்டத்துக்கு ஆதரவற்றவர்கள் மற்றும் மௌனமாக இருப்பவர்கள் அனைவரையும் தமிழினத்தின் ஒட்டுமொத்த துரோகிகளாக முத்திரை குத்துகிறது. சொல்லப்போனால், இவர்களது இந்தப் போராட்டம் உணர்வுநிலைப் போராட்டம் என்ற புள்ளியிலிருந்து ஓர் அடிகூட முன்னே நகராமல் ஒரே இடத்திலேயே தேங்கி நிற்கிறது. அடுத்த கட்டத்துக்கு எப்படி எடுத்து செல்வது? யார் யாரையெல்லாம் அதில் இணைத்துக்கொள்வது போன்ற கேள்விகளுக்கு விடை காண்பதில், இந்தப் போராட்டங்களை மேற்கொள்பவர்கள் மிகவும் குழம்பிப் போயிருக்கிறார்கள். சல்லிக்கட்டு என்ற விடயத்தைத் தொடர்ந்து வலியுறுத்திக்கொண்டு இந்தப் போராட்டத்தை முன்னகர்த்த முடியாது.சல்லிக்கட்டு என்பது பண்பாட்டு ரீதியாகத் தமிழர்கள் இழக்கமுடியாத விடயம் என்றும் பன்னாட்டு கம்பனிகளின் அரசியலுக்குள் இழந்துவிட முடியாதது என்றும் இந்தப் போராட்டக்காரர்கள் வலியுறுத்திவரும் கருத்து மிகப்பெரிய துவாரம் நிறைந்த வாதம் ஆகும். தமிழர்கள் இன்று இழந்துவிட்ட பாரம்பரிய முறைகள் எத்தனையோ எத்தனையோ. அதேபோல பன்னாட்டு நிறுவனங்களிடம் சரணாகதி அடைந்துகிடக்கும் துறைகளும் எத்தனையோ எத்தனையோ. அவை எல்லாவற்றையும் வசதியாக மறைத்துக்கொண்டு சல்லிக்கட்டு என்ற விடயத்தை மாத்திரம் பிரதான பேசுபோருளாக, பாரம்பரிய விளையாட்டாக முன்வைத்துத் தொடர்ச்சியாகப் போராடுவதும் அதற்காக நாட்டின் நீதித்துறைக்கு சவால் விடுவதும் அடிப்படையே இல்லாதது; சிறுபிள்ளைத்தனமானது. இந்தப் போராட்டத்தின் ஊடாக, மாநிலத்தில் வெளிநாட்டுப் பொருட்களைத் தடை செய்யப்போவதாகவும் தமிழரின் அடையாளங்களைக் காப்பாற்றப்போவதாகவும் ‘தூயதேசம்’ ஒன்றைக் கட்டியெழுப்பப் போவதாகவும் இந்தப் போராட்டக்காரர்கள் உறுதிபூண்டால், அது நல்ல விடயம்தான். ஆனால், அது நடைமுறை ரீதியாக மிக மிகக் கடினமான ஒரு விடயம். கிட்டத்தட்ட ஐரோப்பிய ஒன்றியத்திலிருந்து பிரித்தானியா பிரித்தெடுக்கப்பட்டதுபோல அல்லது அமெரிக்காவில் ட்ரம்ப் ஜனாதிபதியானதுபோல இமாலய மாற்றமொன்றின் ஊடாகச் சாதிக்கப்பட வேண்டிய ஒன்று. இந்த மாற்றத்துக்கு ஒட்டுமொத்த தமிழகமும் திருவுளம் கொள்ளவேண்டும். ஆனால், அதற்குத் தமிழகம் இன்றுவரை தயாராக இருப்பதாகத் தெரியவில்லை. தற்போது நடைபெற்றுவரும் மாணவர்களது போராட்டம் இன்னமும் மக்களது போராட்டமாக மாற்றமடையவில்லை. அது, இன்றுவரைக்கும் நடைபெறுவதற்கான சாத்தியத்தையும் காணவில்லை. தமிழகத்தில் பெருவாரியான மக்கள் தொடர்ந்தும் பார்வையாளர்களாக மட்டுமே இருந்துகொண்டிருக்கிறார்கள். மாணவர்களது போராட்டத்தை ஒரு கொண்டாட்டமாக பார்க்கிறார்கள். நடைபெற்றுக்கொண்டிருக்கும் போராட்டமானது, தாங்கள் வாழுகின்ற தேசத்தின் எதிர்காலம் பற்றியது என்ற விழிப்புணர்வினை போதியளவு உள்வாங்கியவர்களாகத் தெரியவில்லை. குறிப்பாகச் சொல்லப்போனால், ஒரு காலத்தில் ஈழவிடுதலைப்போராட்டம் ஆயுத வழியில் ஆரம்பிக்கப்பட்டபோது அதனை வெளியிலிருந்து ஆதரித்துக்கொண்டு பெரும்பான்மையான ஈழ மக்கள் எந்தப் பங்களிப்பும் செய்துகொள்ளாமல் எவ்வாறு வசதியாக இருந்துகொண்டார்களோ, அதே மாதிரியான நிலையே இன்று தமிழகத்தில் காணப்படுகிறது. இந்தப் போராட்டத்தை ஆதரித்துக் கருத்துத் தெரிவித்துக்கொண்டு, வெளியில் நிற்பவர்களும் தங்களது தொழிற்துறைக்கு இந்த மாணவர்களின் எதிர்ப்பு, எதிர்காலத்தில் ஒரு தடையாக அமைந்துவிடக்கூடாது என்ற கரிசனையின் வெளிப்பாடாகவே காணப்படுகிறது. தற்போதுள்ள திராவிட அரசியல் கட்சிகளால், தாங்கள் நினைக்கும் மாற்றம் எதுவும் நடைபெறப்போவதில்லை என்று இந்த மாணவர்கள் கருதினால், அதனை முறியடிப்பதற்குத் தாங்கள் களத்தில் குதித்து, இந்த அரசியலைக் கைப்பற்றுவதற்கான முயற்சிகளைக் கையிலெடுப்பதாகவும் தெரியவில்லை. “நாங்கள் நாங்களாகவே இருந்து கொண்டு உங்களை எதிர்ப்போம். நீங்கள் நீங்களாக இருந்துகொண்டிராமல் இறங்கிவரவேண்டும்” என்று ஆணையிடுவதானது, மிகப்பெரிய ஆளும் தரப்புகளையும் ஆக்கிரமிப்பு சக்திகளையும் அடக்குமுறையாளர்களையும் எதிர்கொள்வதற்கான அணுகுமுறை அல்ல. அவர்களது பாதையில் சென்று மாற்றங்களை ஏற்படுத்துவதற்கான வழிகளில் இறங்கவேண்டும். அந்த வழியில் இடர்படும் அனைத்துத் தடைகளையும் தந்திரமாக சமாளிக்கவேண்டும். மெரினாவில் பெருகியுள்ள மக்கள் கூட்டத்தைப் பார்த்து நண்பர் ஒருவர், “இவ்வளவு மக்களும் கடந்த தேர்தலில் எந்தக் கட்சிக்கு வாக்களித்திருப்பார்கள்” என்று கேட்டார். இந்தக் கேள்விக்கான பதில்தான் தற்போது இடம்பெற்றுவரும் போராட்டத்தினைச் சீர்திருத்திக் கொண்டு, செழுமைபெறச் செய்வதற்கு உரிய படிக்கல்லாக அமையும். மற்றும்படி, தடியடி நடத்தி மெரினாவிலிருந்து மக்களைக் கலைத்திருப்பதன் ஊடாகவும் போராட்டக்காரர்களை விரட்டிக்கொண்டதாலும் கடந்த எட்டு நாட்களாக நடைபெற்ற போராட்டம் முடிவடைந்துவிட்டதாக எவரும் கருதிவிடமுடியாது. போராட்டக்களங்களிலிருந்து போராட்டக்காரர்களை அகற்றிவிட்டால் போராட்டத்தை நிறுத்திவிடலாம் என்று நினைப்பது தலையிடிக்கு மருந்துவேண்டி தலையணையை மாற்றுவது போன்றது. இந்த உணர்வினை மக்கள் உணர்வாகவும் அறிவார்ந்த தளத்தில் சிந்திக்கும் புரட்சிப்பொருளாகவும் மாற்றிக்கொண்டு, தங்களது அனைத்து அத்தியாவசிய அபிலாசைகளுக்குமான எதிர்ப்பாக மாற்றும்போது, தற்போது போராட்டக்காரர்கள் எதிர்பார்க்கும் அந்தத் தமிழகத்தின் வசந்தம் மலரும். அது ஆசியாவுக்கான வசந்தமாகவும் இருக்கும். அதுவரை இந்தப் போராட்டத்துக்கு விஜயின் அறிக்கையும் சிம்புவும் பேச்சும் மாத்திரம் போதுமானதாகவே இருக்கும். - See more at: http://www.tamilmirror.lk/190277/ம-ற-றம-க-ண-வ-ண-ட-ய-தம-ழகத-த-ன-ப-ங-க-தம-ழ-#sthash.XOZc70WL.dpuf
  3. பெண்களுக்கு ஏற்படும் எலும்புத் தேய்மானம்! தடுப்பது எப்படி? பெண்களுக்கு மாதவிடாய் நிறைவுபெறும் காலத்தில் எலும்புத் தேய்மானம் ஏற்படுவது இயற்கையான நிகழ்வு.ஆனால் இப்பொழுது இருபது முதல் முப்பது வயதடைய இளம்பெண்களிடையே கூட எலும்பு தேய்மான பாதிப்பு உள்ளது. பல இளம்பெண்கள் கழுத்து வலி, முதுகுவலி, மூட்டு வலியால் துன்பப்படுகிறார்கள். இதற்கு முக்கிய காரணம் எலும்பு தாதுவில் அடர்த்தி குறைந்து, எலும்பின் வலிமை குன்றுவது தான். எலும்பு தேய்மானத்திற்கான காரணங்கள் இரவு வெகு நேரம் கண் விழிப்பது, காலையில் தாமதமாக எழுவது, இரவு பணி செய்வது, குளிரூட்டப்பட்ட இடங்களில் வேலை செய்வது, ஏ.சி. வாகனங்களில் பயணிப்பது என சூரிய ஒளி நம் உடலிலேயே படாமல் இருப்பவர்கள் இப்பொழுது அதிகம் பேர் உள்ளனர். சூரிய ஒளியினால் கிடைக்கக் கூடிய வைட்டமின் டி குறைவால் எலும்பின் அடர்த்தி குறையும். உடலுக்கு ஒரு வடிவத்தை கொடுப்பது எலும்பு. கால்ஷியம் மற்றும் பாஸ்பரஸ் தாதுக்களால் எலும்பு உருவாகின்றது. கால்சியத்தை எலும்பு ஏற்றுக்கொள்ள வைட்டமின் டி தேவைப்படுகிறது. இளம்வயதில் எலும்புகள் நீளமாகவும், அகலமாகவும் வளரும். பதினெட்டு வயதுக்கு பின் நீண்டு வளராது. அகலத்தில் தான் வளரும். 30 வயதுக்கு பின் எலும்பின் வளர்ச்சி நின்று விடும். அதற்குள் நாம் எலும்பின் உறுதியையும், திண்மையையும் அதிகப்படுத்தி கொள்ள வேண்டும். 30 வயதுக்கு பின் எலும்பின் அடர்த்தி சிறிது சிறிதாக குறைய ஆரம்பிக்கும். உணவில் தேவை அக்கறை அதிக புரதம் மற்றும் கொழுப்பு நிறைந்த உணவுகள் உடலில் அமிலத்தன்மையை அதிகரிக்கும். அதனால் எலும்புகள் வலுவை இழக்கும். உணவில் சேரும் அதிகப்படியான உப்பும் எலும்பின் வலிமைக்கு எதிராக அமையும். உடலில் உப்பு அதிகமாகும் பொழுது அதிகப்படியான உப்பு சிறுநீருடன் வெளியேறும். அப்பொழுது அதனுடன் கால்சியமும் தாதுவும் வெளியேறிவிடும். அதனால் பதப்படுத்தப்பட்ட உணவுகள், சாஸ், அப்பளம், ஊறுகாய், வறுவல் மற்றும் நொறுக்குதீனியை குறைத்து சாப்பிட வேண்டும். பாஸ்போரிக் அமிலம் உள்ள குளிர்ப்பானங்கள் கால்ஷியம் தாதுவை அழிக்கும் தன்மையுள்ளவை. காபி, டீ போன்ற பானங்கள் அதிகம் பருதுவதும் கால்ஷியம் குறைய காரணமாகின்றது. கால்ஷியம் நிறைந்த உணவுகள் பால் மற்றும் பால் பொருட்களில் கால்ஷியம் அதிகம் உள்ளது. குழந்தைகள் ஒரு நாளைக்கு குறைந்தது 400 மிலி. பால் அருந்த வேண்டும். வயதானவர்களுக்கு பால் அதிகம் ஜீரணமாவதில்லை. அவர்கள் கால்ஷியம் சத்து நிறைந்த காய்கறிகள், கீரைகள் மற்றம் கீரைகள் மற்றும் சிறு தானியங்களை உண்ணலாம். காய்கறிகளில் பீட்ரூட், வெண்டைக்காய், முருங்கைகாய், சுண்டைக்காய், தாமரைத்தண்டு போன்றவற்றில் கால்ஷியம் அபரிமிதமாக உள்ளது. அகத்திகீரை, முருங்கைகரை, அரைக்கீரை, பசலைக்கீரை, கறிவேப்பிலை, தண்டுக்கீரை, குப்பைமேனி மற்றும் வெற்றிலையில் அதிகம் கால்ஷியம் உள்ளது. எள், கால்ஷியம் சத்து நிறைந்த ஒரு எண்ணெய் வித்து, எள்ளை வெல்லம் உருண்டைகளாக செய்து குழந்தைகளுக்கு கொடுக்கலாம். இரண்டு எள்ளு உருண்டையில் 1400 மி.கி. கால்ஷியம் உள்ளது. எள்ளை பொடியாக செய்து உணவுடன் சாப்பிடலாம். தினமும் 5 பாதாம் பருப்புகளை ஊற வைத்து அரைத்து பாலுடன் கலந்து குழந்தைகளுக்கு கொடுக்கலாம். கேழ்வரகில் பாலை விட அதிக கால்ஷியம் உள்ளது. குழந்தைகளுக்கு கேழ்வரகு மாவில் முருங்கை கீரை கலந்து அடையாக செய்து கொடுக்கலாம். இது ஒரு கால்ஷியம் சத்துள்ள முழுமையான சிற்றுண்டி. பெரியவர்கள் கஞ்சி கூழாக செய்து சாப்பிட நல்ல பலனிருக்கும் எலும்பு தேய்மானத்துக்கு மிக அருமையான உணவு மருந்து பிரண்டை என்னும் கொடி. பிரண்டை எலும்பின் அடர்த்தியை அதிகரிக்க உதவுகிறது. இணைப்பு திசுக்களை விரைவில் வளரவும் உதவுகின்றது. சிறந்த வலி நிவாரணியாகவும்,வலி, வீக்கத்தை குறைக்கும் தன்மையுடையதாகவும் உள்ளது. உடைந்த எலும்புகளை எளிதில் சேர்க்கும் தன்மையும் இதற்குஉண்டு. பிரண்டையை துவையலாக செய்து தினம் இரண்டு தேக்கரண்டி வீதம் சாப்பிட்டு வரலாம். உடற்பயிற்சியின் அவசியம் எலும்புகள் உறுதியாக யோகா அல்லது உடற்பயிற்சி மிகவும் அவசியம். இத்தகைய பயிற்சிகள் செய்யும்பொழுது எலும்புகள் வலிமை பெறும். இன்று குழந்தைகள் ஓடி விளையாடுவதே குறைந்து விட்டது. பள்ளி, கல்லூரியில் படிக்கும் இளம் பெண்கள் உடற்பயிற்சிக்கான நேரம் ஒதுக்குவதே இல்லை. சிறுகுழந்தைகளாக இருக்கும்பொழுதே பெற்றோர்கள் குழந்தைகளை ஏதாவது ஒரு விளையாட்டில் பழக்கி விட வேண்டும். பெற்றோர்களும் நேரம் ஒதுக்கி குழந்தைகளுடன் யோகாசனம், நடைப்பயிற்சி, நீச்சல், சைக்கிளிங், தோட்ட வேலைகள் என்று செய்ய, குடும்ப ஆரோக்கியம் மேம்படும். உடற்பயிற்சி தசைகளை வலுவாக்கும். வலுவான தசைகள் எலும்புகளை பாதுகாக்கும். ஒல்லியாக இருப்பது தான் அழகு, ஆரோக்கியம் என இளம்பெண்கள் கருதுகிறார்கள். ஆனால் அது தவறான கருத்து. பலமாக உறுதியாக இருப்பது தான் அழகு, ஆரோக்கியம். பிற்காலத்திற்கான பயத்தை சேமிப்பதற்கு அக்கறையுடன் செயல்படுவது போன்று, நம் உணவுக்கும், உடற்பயிற்சிக்கும் அக்கறை அளிக்க வேண்டும். இளம்வயதிலேயே எலும்பை உறுதியாக வலுவாக ஆக்கிக்கொண்டால் போனஸாக நோயற்ற வாழ்வு கிடைக்கும். ச. பாலகிருஷ்ணன், கோயம்பத்தூர் http://www.dinamani.com/health/womens-health/2016/dec/20/பெண்களுக்கு-ஏற்படும்-எலும்புத்-தேய்மானம்-தடுப்பது-எப்படி-2618736.html
  4. சிவபெருமான் போலீஸை அனுப்பினார், பொறுக்கிகள் அலறி ஓடிவிட்டனர்: மீண்டும் சுப்ரமணியன் சுவாமி சர்ச்சை தமிழகத்தில் நேற்று நடைபெற்ற வன்முறை சம்பவங்கள் குறித்து கருத்து தெரிவித்துள்ள பாஜக மூத்த தலைவரும் எம்.பியுமான சுப்ரமணியன் சுவாமி சிவபெருமான் போலீஸை அனுப்பினார், பொறுக்கிகளை அலறிக்கொண்டு ஓடிவிட்டனர் என்று கூறியுள்ளார். புதுடெல்லி: ஜல்லிக்கட்டுக்கு ஆதரவாக தமிழகம் முழுவதும் இளைஞர்கள், மாணவர்கள் தாமாக முன்வந்து போராடி வந்தனர். கடந்த ஒரு வாரத்திற்கு மேலாக போராட்டம் நீடித்து நேற்று சில வன்முறை சம்பவங்களுடன் முடிவுக்கு வந்துள்ளது. தமிழகத்தில் நேற்று நடைபெற்ற வன்முறை சம்பவங்கள் குறித்து கருத்து தெரிவித்துள்ள பாஜக மூத்த தலைவரும் எம்.பியுமான சுப்ரமணியன் சுவாமி சிவபெருமான் போலீஸை அனுப்பினார், பொறுக்கிகளை அலறிக்கொண்டு ஓடிவிட்டனர் என்று கூறியுள்ளார். இது தொடர்பாக தமது டுவிட்டர் பக்கத்தில், ”தைரியம் இருந்தால் மெரினாவிற்கு வருமாறு பொறுக்கிகள் என்னை அச்சுறுத்தினார்கள். சிவபெருமான் போலீஸை அனுப்பினார், பொறுக்கிகள் ஐய்யோ, ஐய்யோ என அலறி அடித்துக் கொண்டு ஓடிவிட்டனர். தற்போது பொறுக்கிகள் தமிழ்நாட்டிற்கு வருமாறு கூறுகிறார்கள். சிவபெருமான் முடிவு செய்யட்டும்” என்று குறிப்பிட்டுள்ளார். மேலும் மற்றொரு பதிவில், “முதல்வர் ஓ.பி 3 நல்ல விஷயங்களை செய்துள்ளார். 1.சுப்ரீம் கோர்ட் உத்தரவுகளின் படி நடந்த ஜல்லிக்கட்டை நிறுத்திவிட்டார். தமிழக சட்டசபையில் சட்டதிருத்த மசோதாவை கொண்டு வந்தார் 3.பொறுக்கிகள் மீது தாக்குதல் நடத்தும்படி உத்தரவிட்டார்” என்றும் குறிப்பிட்டுள்ளார். இதனால், தற்போது தமிழகத்தில் நிலவி வரும் அரசியல் சூழலில் பொறுக்கிகள் என்று கூறி சுப்ரமணியன் சுவாமியின் மீண்டும் கருத்து தெரிவித்துள்ளது சர்ச்சையை கிளப்பியுள்ளதாக கூறப்படுகிறது. முன்னதாக, போராட்டம் தொடங்கிய சில தினங்களில், பாஜக மூத்த தலைவரும் எம்.பியுமான சுப்ரமணியன் சுவாமி, சுப்ரமணியன் சுவாமி வெளியிட்டுள்ள தனது டுவிட்டர் பதிவில், “டுவிட்டரில் பீட்டா அமைப்பை அச்சுறுத்தும் வகையில் விதமாக கருத்துக்களை பதிவு செய்யும் அனைத்து தமிழ் பொறுக்கிகளும், தேசிய புலனாய்வு அமைப்பின் விசாரணைக்காக தங்கள் முகவரியையும் எழுத வேண்டும்” என்று தெரிவித்து இருந்தார். இது பெரும் சர்ச்சையை ஏற்படுத்தியது. இதனால் தமிழக முழுவதும் போராட்டத்தில் ஈடுபட்ட இளைஞர்கள் மத்தியில் சுப்ரமணியன் சுவாமியின் கருத்துக்கு கடுமையாக நிலவியது. இந்த விவகாரத்தில் நடிகர் கமல் ஹாசனுக்கும், சுப்ரமணியன் சுவாமிக்கும் இடையேயும் கருத்து மோதல் நிலவி வருவது குறிப்பிடத்தக்கது. http://www.maalaimalar.com/News/TopNews/2017/01/24231356/1063984/Lord-Shiva-sent-police-and-porkis-ran-away-howling.vpf 'ஹாய் சாமி நான் தமிழ் வாலா': சுப்பிரமணியன்சுவாமிக்கு கமலின் செம ரிப்ளை பொதுமக்களை முதல்வர் நேரில் பார்த்திருக்க வேண்டும் என்று கமல்ஹாசன் கூறியிருந்தார். கமலின் இந்த கருத்து முட்டாள்தனமானது என சுப்பிரமணியன்சுவாமி கூறியிருந்தார். இந்நிலையில் இதற்கு கமல் ட்விட்டரில், 'ஹாய் சாமி. நான் தமிழ் வாலா. முதல்வர் மக்களை சந்தித்திருக்க வேண்டும். காந்தியும், ஜூலியஸ் சீஸரும் கூட மக்களிடம் பணிவாகதான் இருந்தார்கள். அப்படியிருக்கையில் முதல்வர் ஏன் மக்களை சந்திக்க கூடாது?' என செம ரிப்ளை செய்துள்ளார். இந்நிலையில் மற்றொரு ட்வீட்டில் சுப்பிரமணியன் சுவாமிக்கு இனி பதில் சொல்ல விருப்பமில்லை என கமல் கூறியுள்ளார். Kamal Haasan ✔ @ikamalhaasan Hi Samy.AmTamilwallah. CM should have met his people. Politicians includ. MKG. Ceasars humble b4 people .why not CM.Tag it2him frnds. 2:23 PM - 24 Jan 2017 3,320 3,320 Retweets 6,382 http://www.vikatan.com/news/tamilnadu/78663-kamalhaasans-replies-to-subramanian-swamy.art
  5. 7 மாதங்களுக்குப் பின் அணிக்குத் திரும்புகிறார் டி வில்லியர்ஸ்..! அதே வேகம், அதே அதிரடி என உற்சாகமாக அணிக்குத் திரும்பியிருக்கிறார் டி வில்லியர்ஸ். கடந்த ஜூன் மாதத்தில் கரீபிய மண்ணில் நடந்த வெஸ்ட் இண்டீஸ், ஆஸ்திரேலியா, தென் ஆப்பிரிக்கா இடையிலான முத்தரப்பு போட்டியில் முழங்கையில் ஏற்பட்ட காயம் காரணமாக அணியில் இருந்து ஒதுங்கினார். காயத்துக்கு சிகிச்சை எடுத்துக் கொண்டார். இருந்தாலும் பூரண குணமடைய நீண்ட காலம் ஆனது. இதனால் அணியில் இருந்து பல மாதங்கள் ஒதுங்கியே இருந்தார். இதோ இந்த தொடரில் வந்துவிடுவார், அந்த தொடரில் வந்துவிடுவார் என ரசிகர்கள் ஒவ்வொரு முறை எதிர்பார்க்கும்போதும் ஃபிட்னெஸ் சோதனையில் தோல்வியைத் தழுவி விளையாட முடியாத சூழ்நிலையில் இருந்தார். இதோ தற்போது இலங்கைக்கு எதிராக நடக்க இருக்கும் மூன்றாவது டி20 போட்டி மற்றும் ஒருநாள் தொடருக்கான தென் ஆப்ரிக்க அணியில் இடம்பிடித்துள்ளார் டி வில்லியர்ஸ். ஒருநாள் போட்டிகளுக்கு மீண்டும் அவர் கேப்டனாக விளையாடப்போகிறார். தென் ஆப்பிரிக்க அணியைத் தாண்டி உலகம் முழுவதும் ரசிகர்களை சம்பாதித்து வைத்திருப்பவர் டி வில்லியர்ஸ். குறிப்பாக இந்தியாவில் அவருக்கு லட்சக்கணக்கான ரசிகர்கள் இருக்கிறார்கள். அவர் மீண்டும் அணிக்குத் திரும்பியிருப்பதை அறிந்த இந்தியவில் உள்ள ரசிகர்கள் தற்போது மகிழ்ச்சியடைந்து சமூக வலைதளங்களில் கொண்டாடி வருகிறார்கள். "2019 ஆம் ஆண்டு உலகக்கோப்பையை வெல்வது என் அல்டிமேட் இலக்கு. அதற்கு முன்னோட்டமாக சாம்பியன்ஸ் டிராஃபியை வெல்ல வேண்டும் என்பதும் என் ஆசை. சாம்பியன்ஸ் டிராஃபிக்கு முன்னதாக வெறும் பத்து ஒருநாள் போட்டிகளில் மட்டுமே தென் ஆப்பிரிக்கா விளையாடப்போகிறது என்பதால் மிகுந்த கவனம் செலுத்தவுள்ளோம்" எனச் சொல்லியிருக்கிறார் டி வில்லியர்ஸ். கடந்த 2015 உலகக்கோப்பையில் அரையிறுதியில் நம்பமுடியாத வகையில் ஃபீல்டிங்கில் சொதப்பி தோல்வியைத் தழுவியது தென் ஆப்பிரிக்கா. அந்த அணி தோல்வி அடைவதை டிவியில் பார்த்த ரசிகர்கள் அதிர்ச்சியடைந்தார்கள். தகுதி வாய்ந்த அணி அரையிறுதியில் சொதப்பியதற்கு வருத்தப்பட்டார்கள். தென் ஆப்பிரிக்காவை போலவே இந்தியாவும் அரையிறுதியில் தோற்றது குறிப்பிடத்தக்கது. தற்போது இந்த இரண்டு அணிகளும், 2019 உலகக்கோப்பையை வெல்ல வேண்டும் என இப்போதிருந்தே தயாராக ஆரம்பித்திருக்கிறார்கள். 2019 உலகக்கோப்பையை வெல்ல வேண்டுமென்றால் ஒருநாள் போட்டிகளில் மட்டும் கவனம் செலுத்த வேண்டும் என்பதை காரணமாக முன்வைத்து டிவில்லியர்ஸ் டெஸ்ட் போட்டிகளில் இருந்து ஓய்வு பெறவுள்ளதாக செய்தி வந்தது. இந்நிலையில் அந்தச் செய்தியையும் மறுத்திருக்கிறார் டி வில்லியர்ஸ். ‛எல்லா ஃபார்மெட்டுகளிலும் விளையாட வேண்டும் என்பதே என் ஆசை. எனினும் எந்தெந்த தொடரில் விளையாட வேண்டும் என்பதை தேர்ந்தெடுத்து ஆடலாம்’ என முடிவு செய்திருப்பதாக சொன்னார். ஓய்வு பற்றிய சர்ச்சைகள் ஓய்ந்த நிலையில், லிமிடட் ஓவர்ஸ் கிரிக்கெட்டுக்கு டிவில்லியர்ஸ் வருவது ரசிகர்களுக்கு மிகுந்த உற்சாகத்தை தந்திருக்கிறது. டிவில்லியர்ஸ் பொதுவாக பிங்க் ஜெர்சியில் பின்னுவார். இலங்கைக்கு எதிரான தொடரில் மீண்டும் பழைய ஃபார்முக்கு திரும்புவார் என எல்லோரும் எதிர்ப்பார்த்து காத்திருக்கிறார்கள். இலங்கை, தென் ஆப்பிரிக்கா இடையே மூன்று போட்டிகள் கொண்ட டி20 தொடர் நடந்து வருகிறது. இதில் முதல் போட்டியை தென் ஆப்பிரிக்காவுக்கும், இரண்டாவது போட்டியை இலங்கையும் வென்றன. இந்த சூழ்நிலையில் கோப்பை யாருக்கு என முடிவு செய்யும் மூன்றாவது டி 20 போட்டி நாளை நடக்கவிருக்கிறது. இந்த போட்டியில் டி வில்லியர்ஸ் களமிறங்குகிறார். சனிக்கிழமை முதல் தொடங்கவுள்ள ஒருநாள் தொடரில் விளையாடுவதற்கு டிவில்லியர்ஸ் தலைமையிலான தென் ஆப்பிரிக்க அணி அறிவிக்கப்பட்டிருக்கிறது. கோல்பாக் டீல் காரணமாக இங்கிலாந்துக்குச் செல்வதால் கைல் அபாட், ரஸவ் போன்ற வீரர்கள் அணிக்குத் தேர்வாகவில்லை. ஸ்டெயின், மோர்கல் போன்ற நட்சத்திர பந்துவீச்சாளர்கள் காயம் காரணமாக அணியில் இடம்பெறவில்லை. இதையடுத்தது இளம் பந்துவீச்சாளர்களுடன் களமிறங்கப்போகிறது தென் ஆப்பிரிக்க அணி. இந்த அணியில் நிகிடி என்ற பவுலருக்கு வாய்ப்புத் தரப்பட்டிருக்கிறது. டி 20 தொடரில் இவரது பந்துவீச்சு அபாரமாக இருந்தது. ஸ்டெயின், மோர்கல் போலவே இனி ரபடா - நிகிடி இணை தென் ஆப்பிரிக்க அணியில் கலக்கும் என ஆருடம் சொல்கின்றன தென் ஆப்பிரிக்க பத்திரிகைகள். இந்தியாவைப் போலவே புது எழுச்சியுடன் ஒருநாள் போட்டிகளில் விளையாடவுள்ள தென் ஆப்பிரிக்க அணியை இலங்கை எப்படிச் சமாளிக்கப் போகிறது என்பதை தெரிந்துகொள்ள கிரிக்கெட் ரசிகர்கள் ஆர்வமாக இருக்கிறார்கள். ஒருநாள் தொடருக்கான தென் ஆப்பிரிக்க அணி :- அம்லா, டி காக், டு பிளசிஸ், டிவில்லியர்ஸ் (கேப்டன்), டுமினி, டேவிட் மில்லர், பெஹர்தீன், கிறிஸ் மோரிஸ், ரபடா, பார்னெல், நிகிடி, பெலுக்வாயோ, ஷம்ஸி, ப்ரொடீரியஸ், இம்ரான் தாஹிர். http://www.vikatan.com/news/sports/78621-de-villiers-returns-to-south-africa-team-after-seven-monthsde-villiers-returns-to-south-africa-team-after-seven-months.art
  6. கமா பிறந்த கதை! மொழிதீபா ராம் இரண்டு வெவ்வேறு வார்த்தைகளை ஒன்றாக்கி புது வார்த்தை உருவாக்குவதுதான் ஆங்கிலத்தில் Portmanteau. இதோ ஓர் உதாரணம்... ஸ்பூன் தெரியும். ஃபோர்க் தெரியும். Spork தெரியுமா? ஸ்பூன் போலவே வட்ட வடிவ நுனியுடன், fork மாதிரி கூர்மையான முட்கள் சேர்ந்து இருக்கும் கரண்டிக்குப் பெயர்தான் spork. இதைக் கண்டுபிடித்தவர் Samuel W. Francis. இந்த spork-ஐ foon என்றும் சொல்லலாம். * நாம் அனைவரும் பயன்படுத்தும் ஒரு பொருள் கைக்கடிகாரம். முன்னொரு காலத்தில் அதை அணிவதற்குப் பதில் velcro வைத்து ஒட்டிகொள்ளும் பழக்கம் இருந்தது. tape போல இருக்கும் முள்ளுப்பட்டியின் மேல் ஓட்டும் இந்தப் பொருளுக்குப் பெயர்தான் Velcro. velvet மற்றும் crochet ஆகிய இரு வார்த்தைகளைச் சேர்த்ததுதான் Velcro. முதலில் இதை Shoe lace ஆகப் பயன்படுத்தவே சுவிட்சர்லாந்தைச் சேர்ந்த George de Mestral கண்டுபிடித்தார். காலம் செல்லச் செல்ல வேட்டி முதல் பர்ஸ் வரை அனைத்திலும் velcro இடம்பிடித்துவிட்டது! * Johnson & Johnson, L & T, Dolce & Gabbana... இப்படி பல நிறுவனங்களின் பெயர்களோடு இணைந்து இருப்பதுதான் ampersand என்கிற and. ஏற்கெனவே இருக்கிற 26 ஆங்கில எழுத்து களோடு சேர்த்து 27-வதாக ampersand-ம் இருந்தது என்பது ஆச்சர்யமான செய்தி! and எனப்படும் இந்த எழுத்தின் வடிவம் (&) உண்மையில் இரு வேறு லத்தீன் எழுத்துகளின் ஒட்டு. encyclopaedia-வில் இருக்கிற ஒட்டு எழுத்து போலவே, et எனும் எழுத்தை சேர்த்து எழுதினால் and போல தெரியும். இன்றும் கணினி font Caslon-ல் இந்த amperstand அழகாக வடிவமைக்கப்பட்டு இருக்கிறது. * ampersand எனப்படும் `&' 1800-களில் குழந்தைகள் பாடும் ABCDEFG ரைம்ஸில் இருந்ததாகவும் சொல்லப்படுகிறது. ரைம்ஸ் பாடும்போது `X, Y, Z, and.' எனப் பாடி முடித்தால் குழப்பமாக இருக்கும் என்பதால், `and per se and.' என்று குழந்தைகளுக்குப் புரியும்படி ஆசிரியர்கள் சொல்லிக் கொடுத்தார்களாம். பின்னர் இந்தப் பாடலின் கடைசி வரி முற்றிலும் மருவி `ampersand' என்று மாறியது. * Aldus Manutius என்கிற இத்தாலியப் பதிப்பாளர் உருவாக்கியதே comma எனப்படும் punctuation. இவர்தான் italics மற்றும் semicolon-னையும் உருவாக்கினாராம். முன்னொரு காலத்தில் slash mark ( / ) virgule என்று சொல்லப்பட்ட punctuation மட்டுமே வார்த்தையை பிரிக்கப் பயன்படுத்தப்பட்டது. ஆனால், அச்சில் ஏற்றும்போது இந்த நிறுத்தக் குறியை கொஞ்சம் குட்டியாக வார்த்தைக்கு கீழே போட்டுப் பார்த்தால் நன்றாக இருக்குமே என்று Manutius-க்கு தோணியது. உடனே அவர் அதை செய்ததோடு, இந்த ஸ்லாஷ் குறியீட்டை கொஞ்சம் வளைத்து (,) அலங்காரமாக உருவாக்கினார். அன்றில் இருந்து இன்று வரை comma எனப்படும் நிறுத்தக்குறி வளைந்தே இருக்கிறது! http://www.vikatan.com
  7. ஊர்காவற்துறை கர்ப்பிணி பெண் படுகொலை. கண்கண்ட சாட்சியமாக சிறுவன். ஊர்காவற்துறை கர்ப்பிணி பெண் கொலையினை நேரில் கண்டதாக பன்னிரண்டு வயது, சிறுவன் காவல்துறையிடம் வாக்கு மூலம் கொடுத்துள்ளார். ஊர்காவற்துறை கரம்பெண் பகுதியை சேர்ந்த ஒரு பிள்ளையின் தாயார் ஞானசேகரன் ஹம்சிகா (வயது 27) எனும் ஏழு மாத கர்ப்பிணி பெண்ணே படுகொலை செய்யப்பட்டு உள்ளார். இது தொடர்பில் தெரியவருவதாவது , இளம் குடும்பம். நெடுந்தீவு பகுதியை சேர்ந்த இளம் குடும்பத்தினரான இவர்கள் கணவர் ஊர்காவற்துறை நீதிவான் நீதிமன்றில் கடமையாற்றி வருவதனால் , ஊர்காவற்துறை பகுதியில் வாடகைக்கு வீடெடுத்து தங்கி வாழ்ந்து வந்துள்ளனர். இவர்களுக்கு நான்கு வயதில் ஒரு பெண் பிள்ளையும் உண்டு. படுகொலை செய்யப்பட்ட பெண்ணின் கணவர் இன்றைய தினம் செவ்வாய்க்கிழமை வழமை போன்று மனைவி , பிள்ளைகளை வீட்டில் விட்டு விட்டு ஊர்காவற்துறை நீதிவான் நீதிமன்றுக்கு கடமைக்கு சென்று உள்ளார். தொலைபேசிக்கு பதில் இல்லை. மனைவி கர்ப்பிணியாக இருப்பதனால் , மதிய வேளைகளில் மனைவியுடன் தொலைபேசியில் உரையாடுவதனை வழக்கமாக கொண்டு இருந்துள்ளார். அவ்வாறு இன்றைய தினமும் , மனைவிக்கு தொலைபேசி அழைப்பினை ஏற்படுத்திய வேளை தொலைபேசிக்கு பதில் இல்லாததால் அயலவர்களுடன் தொடர்பு கொண்டு மனைவி பற்றி விசாரித்து உள்ளார். அதனை அடுத்து அயலவர் வீட்டுக்கு சென்று பார்த்த வேளை அவரது மனைவி இரத்த வெள்ளத்தில் கிடந்துள்ளார். அதனை கண்ணுற்ற அயலவர்கள் உடனடியாக கணவருக்கு அறிவித்ததுடன் பொலிசாருக்கும் தகவல்கள் தெரிவித்தனர். அடித்தும் , வெட்டியும் படுகொலை செய்துள்ளனர். குறித்த பெண்ணை படுகொலை செய்த கொலையாளிகள் , பெண்ணின் தலையின் பின்புறத்தில் கட்டையால் பலமாக அடித்துள்ளனர். அத்துடன் கழுத்து பகுதியில் வெட்டியும் உள்ளனர். தடயங்களை அழிக்க முயற்சி. பெண்ணை படுகொலை செய்யத பின்னர், தடயங்களை அழிக்கும் நோக்குடன் கொலையாளிகள் செயற்பட்டு உள்ளனர். இரத்தகறைகளை கழுவியும் உள்ளனர். பின்னர் அங்கிருந்து தப்பிச் சென்றுள்ளனர். இரும்பு சேகரிக்க வந்தவர்கள் மீதே சந்தேகம். கொலையாளிகள் என சந்தேகிக்கபப்டும் நபர்கள் அப்பகுதியில் இரும்பு சேகரிக்கும் பணியில் ஈடுபட்டவர்கள் என அப்பகுதி மக்கள் குற்றம் சாட்டினர். அதனை அடுத்து காவல்துறையினர் துரித கதியில் விசாரணைகளை முன்னெடுத்தனர். மண்டைதீவு சந்தியில் கொலை சந்தேக நபர்கள் கைது. ஊர்காவற்துறை – யாழ்ப்பாண வீதியில் மண்டைதீவு சந்தியில் உள்ள காவல்துறை காவலரணில் வைத்து ஊர்காவற்துறையில் இருந்து யாழ் நோக்கி வந்து கொண்டிருந்த முச்சக்கர வண்டியினை வழிமறித்து சோதனை நடத்திய போது முச்சக்கர வண்டியில் இருந்த ஒருவரினது ஆடையில் இரத்த கறை காணப்பட்டது. அத்துடன் அவரது கழுத்து பகுதியிலும் காயம் காணப்பட்டது. அதனை அடுத்து இருவரையும் கைது செய்து ஊர்காவற்துறை காவல் நிலையத்திற்கு விசாரணைக்காக அழைத்து சென்றனர். கொலை சந்தேகநபர்களை தாக்க முற்பட்ட ஊரவர்கள். அதன் போது ஊர்காவற்துறை காவல் நிலையத்தை முற்றுகையிட்ட ஊரவர்கள் கொலை சந்தேகநபர்களை தாக்க முற்பட்டனர். அதனை அடுத்து சந்தேகநபர்களின் பாதுகாப்பு கருதி , சந்தேகநபர்களை யாழ்.காவல் நிலையத்திற்கு மாற்றுவதற்கு ஊர்காவற்துறை காவல்துறையினர் முயற்சிகளை எடுத்த வேளை அதற்கு ஊரவர்கள் சம்மதிக்காததால் பதட்டம் ஏற்பட்டது. சந்தேகநபர்கள் யாழ் காவல் நிலையத்திற்கு மாற்றம். அதனை தொடர்ந்து காவல்துறையினர் ஊரவர்களுடன் சமரசம் பேசி சந்தேகநபர்களை யாழ்.காவல் நிலையத்திற்கு கொண்டு சென்றனர். யாழ்.காவல் நிலையத்தில் வைத்து ஊர்காவற்துறை காவல்துறையினர் சந்தேக நபர்களிடம் விசாரணைகளை முன்னெடுத்து வருகின்றனர். சந்தேகநபர்களை ஊர்காவற்துறை நீதிவான் நீதிமன்றில் முற்படுத்த நடவடிக்கை. சந்தேக நபர்களை புதன் கிழமை காலை ஊர்காவற்துறை நீதிவான் நீதிமன்றில் முற்படுத்தவும் நடவடிக்கைளை மேற்கொண்டு வருகின்றனர். வாய் பேசமுடியாத சிறுவன் கண்கண்ட சாட்சி. அதேவேளை இந்த படுகொலை சம்பவத்தை நேரில் பார்த்ததாகவும் சந்தேக நபர்களை அடையாளம் காட்ட முடியும் எனவும் பன்னிரண்டு வயது வாய் பேச முடியாத சிறுவன் ஒருவன் ஊர்காவற்துறை காவல்துறையினருக்கு தகவல் தெரிவித்து உள்ளாா். குறித்த சிறுவனின் தகவலின் பிரகாரமும் காவல்துறையினர் விசாரணைகளை முன்னெடுத்து வருகின்றனர். படுகொலையுடன் வேறு நபர்களுக்கும் தொடர்பா ? குறித்த படுகொலை சம்பவத்துடன் இருவர் மாத்திரம் தான் தொடர்பா அல்லது வேறு நபர்களின் தொடர்பும் இருக்கின்றதா ? எனும் கோணத்தில் விசாரணைகளை முன்னெடுத்து வருவதாகவும் , தொடர்பு இருப்பின் அவர்களை கைது செய்வதற்காக நடவடிக்கைகளை முன்னெடுக்க உள்ளதாகவும் காவல்துறை தரப்பினர் தெரிவித்து உள்ளனர். கொலை சந்தேக நபர்கள் இருவரும் சகோதரர்கள். அத்துடன் கைது செய்யபப்ட்ட இரு சந்தேக நபர்களும் சுழிபுரம் பகுதியை சேர்ந்த சகோதரர்கள் எனவும் காவல்துறையினர் தெரிவித்து உள்ளனர். http://globaltamilnews.net/archives/15024
  8. உறைபனிக் குளிரில் தரையில் படுத்துறங்கும் சிறார் குடியேறிகள் ============================================= செர்பிய தலைநகர் பெல்கிரேடில் கடும் குளிரில் தரையில் படுத்துறங்கும் ஆயிரத்துக்கும் அதிகமான குடியேறிகளில் எட்டு வயதான சிறார்களும் அடங்குகின்றனர். தமது உறவினர் துணையில்லாமல் குடியேறிகளாக வந்தவர்கள் இந்த சிறார்களில் சிலர். உறை பனி காலநிலையில், ஒரு ரயில் பாதையின் இரு புறமாகவும், கைவிடப்பட்ட ஒரு களஞ்சியத்திலும் அவர்கள் உறங்குகிறார்கள். ஐரோப்பிய ஒன்றியத்தின் உறுப்பினராக இல்லாத செர்பியாவில் தங்கியிருக்க பெரும்பாலான குடியேறிகளுக்கு விருப்பமில்லை. அவர்களின் நிலை குறித்த பிபிசியின் காணொளி. BBC
  9. கருண் நாயர் முச்சதம் அடித்தது போல் இந்தியாவுக்கு எதிராக வார்னர் விளாச வேண்டும்: ஸ்மித் விருப்பம் வார்னர், கேப்டன் ஸ்மித். | படம்.| ஏ.எஃப்.பி. இந்தியாவை இந்திய மண்ணில் வீழ்த்த வேண்டுமெனில் பெரிய ஸ்கோர் தேவை, அதற்கு வார்னர், கருண் நாயர் போல் முச்சதம் விளாச வேண்டும் என்று ஆஸ்திரேலிய கேப்டன் ஸ்மித் விருப்பம் தெரிவித்துள்ளார். இது குறித்து ஈ.எஸ்.பி.என். கிரிக் இன்ஃபோ இணையதளத்திற்கு ஸ்மித் அளித்த பேட்டியில் கூறியதாவது: இந்திய தொடரில் நமது மூத்த வீரர்கள் தங்கள் ஆட்டத்தை இன்னும் மேம்படுத்த வேண்டும். இதைத்தான் நாம் இலங்கையில் சரிவர செய்யவில்லை. அதனால் நாங்கள் விரும்பிய முடிவுகள் கிட்டவில்லை. எனவே எங்கள் விருப்பத்திற்கேற்ப இந்தியாவுக்கு எதிராக முடிவு அமைய வேண்டுமெனில் வார்னர் வித்தியாசமாக ஆட வேண்டும். இயல்பாகவே அடித்து ஆடுபவர்களை நான் கட்டுப்படுத்துவதில்லை. வார்னர் அத்தகைய வீரர். இவர் சதம் எடுத்தால் அங்கிருந்து 200, 300 என்று செல்லவேண்டும், அதாவது இங்கிலாந்துக்கு எதிராக கருண் நாயர் அடித்தது போல். இத்தகைய பெரிய ஸ்கோர்கள்தான் அணியை நிமிரச்செய்யும். எனவே நாங்கள் மிகுந்த ஆவலுடன் இந்தத் தொடரில் பெரிய ஸ்கோர்களை நோக்கிச் செல்லப் போகிறோம், பின்வாங்கப்போவதில்லை. நம் தடுப்பாட்டம் நன்றாக அமைந்து அதில் நம்பிக்கை வைத்து நீண்ட இன்னிங்ஸை ஆடுவதை உறுதி செய்ய வேண்டும். அணியில் அனைவரிடமும் ஷாட்கள் ஆடும் திறமை உள்ளது. ஆனால் சிறிது நேரம் களத்தில் செலவிட்டால் விஷயம் எளிதாகும், பிறகு பெரிய இன்னிங்ஸ் ஆடும் விருப்புறுதியை நிலைநாட்ட வேண்டும். வெற்றி என்பதே முதல் குறிக்கோளாக இருக்க வேண்டும், இருப்பினும் தோல்வியை விட டிரா நல்ல முடிவுதான். ஆட்டம் நமக்கு முடிந்து விட்டது, புதைந்து விட்டது, நம்மால் வெற்றி பெற முடியாது என்றால் நாம் நம் இயல்பூக்கமான ஆட்டத்தை தள்ளி வைத்து நின்று நிலைத்து ஆட்டம் டிரா ஆவதற்காக பாடுபட வேண்டும். இந்த முயற்சியைத்தான் கடந்த தொடர்களில் நாங்கள் செய்யவில்லை. 500 ரன்கள் வெற்றி இலக்கு என்று வரும்போது வீரர்கள் சென்று ஷாட்களையே ஆடினர், அடிலெய்டில் சில ஆண்டுகளுக்கு முன்பு டுபிளெசிஸ் செய்ததை நாங்கள் செய்யவில்லை. எனவே தடுப்பாட்டம் ஆடி நாம் தோல்வியைத் தவிர்க்க வேண்டும். ஸ்பின்னர் ஓ’கீஃபுக்கு இந்தத் தொடர் மிகவும் முக்கியமானது. பவுலிங் ஆலோசகர் ஸ்ரீதரன் ஸ்ரீராமுடன் அவர் கலந்தாலோசித்துள்ளார். இவருடன் செய்த ஆலோசனை பலனளிக்குமாயின், பந்தின் தையலை எப்படி பிடிக்க வேண்டும், தோள்பட்டை இருக்க வேண்டிய பல்வேறு கோணங்கள், வேகம் ஆகியவை பற்றி ஸ்ரீராம் பயிற்சியை ஓ கீஃப் புரிந்து கொண்டால் இந்தத் தொடரில் வெற்றி பெற்றால் அதில் ஓ’கீஃபின் பங்கு முக்கியமானதாக இருக்கும். இவ்வாறு கூறினார் ஸ்மித். http://tamil.thehindu.com/sports/கருண்-நாயர்-முச்சதம்-அடித்தது-போல்-இந்தியாவுக்கு-எதிராக-வார்னர்-விளாச-வேண்டும்-ஸ்மித்-விருப்பம்/article9499391.ece
  10. ஜல்லிக்கட்டடிற்கு வழங்கப்பட்ட ஆதரவு காணாமல் போனவர்களின் உறவினர்களுக்கும் வழங்கப்படுமா...? ஜல்லிக்கட்டடிற்கு ஆதரவு வழங்கி வெற்றி கண்டது போல காணாமல் போனவர்களின் உறவினர்களுக்கும் ஆதரவு வழங்கி இந்த போராட்டத்திற்கு வெற்றியீட்டி கொடுக்க வேண்டும் என நாடாளுமன்ற உறுப்பினர் செல்வம் அடைக்கலநாதன் தெரிவித்துள்ளார். வவுனியாவில் காணாமல் போனோரின் உறவினர்களால் நடத்தப்பட்டு வரும் சாகும் வரையிலான உண்ணாவிரதப்போராட்டத்திற்கு ஆதரவு தெரிவித்து விடுத்துள்ள அறிக்கையிலேயே அவர் இவ்வாறு தெரிவித்துள்ளார். இந்த அறிக்கையில், யுத்த காலத்திலும் அதன் பின்னரான காலப்பகுதியிலும் கடத்தப்பட்டவர்களும், இராணுவத்தினரிடம் உறவினர்களால் விசாரணைக்காக ஒப்படைக்கப்பட்டவர்களும் காணாமல் ஆக்கப்பட்டுள்ளனர். இவர்களது நிலைப்பாடு தொடர்பில் அரசாங்கம் அவர்களது உறவினர்களுக்கு தகுந்த பதிலை தெரியப்படுத்தவில்லை. மாறி மாறி வந்த அரசுகளை எல்லாம் நம்பியவர்களாக அவர்கள் இருந்தபோதிலும், எந்த அரசாங்கமும் ஆக்கபூர்வமான நடவடிக்கைகளை எடுத்ததாக இல்லை. இந்தநிலையில் ஆணைக்குழுக்களை அமைத்து விசாரணை என்ற பெயரில் காலங்களை கடத்தியதே தவிர அதனூடாக தீர்வினை வழங்க நடவடிக்கை எடுக்கப்படவில்லை. அவர்கள் தமது சாத்வீக ரீதியிலான போராட்டங்களின் ஊடாக தமது உரிமையை கோருகின்ற போது வாக்குறுதியை அளிக்கும் பெரும்பான்மை அரசியல் சக்திகள் அவர்களின் உணர்வுகளை உணர்ந்து கொள்ள வேண்டிய தேவை உள்ளது. காணாமல் ஆக்கப்பட்டோர் தொடர்பான செயலகம் ஒன்றினை அமைப்பதிலேயே காலத்தினை கடத்தும் அரசு தமிழ் மக்களின் கோரிக்கைகளுக்கு செவி சாய்க்கின்றதா என்கின்ற கேள்வியை எழுப்புகிறது. இந்த நிலையில் சாகும் வரையிலான உண்ணாவிரதப் போராட்டத்தினை ஆரம்பித்துள்ள காணாமல் போனோரின் உறவினர்களுக்கு மக்கள் பிரதிநிதிகள் அனைவரும் ஆதரவு வழங்க வேண்டும். ஜல்லிக்கட்டு நடத்தப்பட வேண்டும் என்பதற்காக உணர்வுபூர்வமாக இளைஞர்கள் ஆதரவு வழங்கி போராட்டங்களை நடத்தியிருந்த நிலையில் காணாமல் ஆக்கப்பட்டோரின் உறவினர்களின் இப்போராட்டத்திற்கும் இளைஞர்கள் அணிதிரண்டு தமது ஆதரவினை வழங்க வேண்டும். இந்தநிலையில் காணாமல் போனோரின் உறவினர்களின் கோரிக்கைக்கு தீர்வு கிடைக்கும் வரையில் தமிழ்த் தேசியக் கூட்டமைப்பு அரசிற்கு அழுத்தத்தினை பிரயோகிக்கும் என்பதனையும் உறுதிபடத் தெரிவிக்கின்றேன் என அவர் தனது அறிக்கையில் தெரிவித்துள்ளார். http://onlineuthayan.com/news/23065
  11. வயதானாலும் இளமையை தக்க வைத்துக் கொள்ளலாம் இப்படி! #BeautyTips அகத்தின் அழகு முகத்தில் தெரியும் என்பார்கள். நம் மனதைப் புத்துணர்வுடன் வைத்துக் கொள்ளும் போது தான் முகம் பொலிவுற்று புறத்தோற்றத்திலும் அழகுடன் இருக்க முடியும். வயதானாலும் இளமையைத் தக்க வைத்துக் கொள்ள அகம் புறம் இரண்டுக்குமான டிப்ஸ்களை தருகிறார் அழகுகலை நிபுணர் ராதிகா. ஆரோக்கிய உணவு! அழகு என்றதும் முகப்பொலிவுக்கும் நிறத்துக்குமே முக்கியம் கொடுத்து முகப்பூச்சுக்கு மட்டுமே தயாராகிக் கொண்டிருப்போம். அப்படி இல்லாமல் வைட்டமின் சத்துகள் நிறைந்த காய்கறிகள், பழங்கள், சத்தான தானியங்களை எடுத்துக் கொள்வது நல்லது. சுத்தமான நீரை தேவையான அளவுக்குப் பருக வேண்டும். உடல் எடை கவனம்! ஆரோக்கிய உணவு எவ்வளவு முக்கியமோ அதே அளவுக்கு சரிவிகித உணவும் அவசியம். உடல் எடையை கட்டுக்கோப்புடன் வைத்திருக்க தேவையற்ற துரித உணவுகளை தவிர்ப்பதுடன், சீரான உடற்பயிற்சியை மேற்கொள்வதன் மூலம் உடலை கட்டுக்கோப்புடன் வைத்திருக்க முடியும். மன நலம் காப்போம்! தேவையற்ற மன அழுத்தத்தால் உடல் பொலிவை இழக்க நேரிடும். பார்லர்களில் இதற்கென உடல் மசாஜ்கள் செய்யப்படுகின்றன. பார்லர்களில் செல்ல விரும்பாதவர்கள் வாரம் ஒருமுறை வீட்டிலேயே மசாஜ் செய்து எண்ணெய் குளியல் செய்து கொள்ளலாம். தினமும் காலையிலும் மாலையிலும் மெடிடேஷன் என்று சொல்லக் கூடிய தியானப் பயிற்சி மனதைப் புத்துணர்வுடன் வைத்திருக்கும். மனம் ஆரோக்கியமாக இருந்தால் தான் வெளித்தோற்றமும் ஆரோக்கியமாகவும் இருக்கும். முகப்பூச்சுக்கு இதெல்லாம்! * உருளைக்கிழங்கின் சாறு எடுத்து உறங்குவதற்கு முன்பு முகத்தில் தடவி,15 நிமிடம் கழித்து குளிர்ந்த நீரில் கழுவவும். கருவளையங்கள் நீங்குவதுடன் நல்ல தூக்கம் கிடைக்கும். * தினமும் குளிப்பதற்கு 20 நிமிடங்கள் முன்பு பாதாம் ஆயிலை முகத்தில் தடவி குளித்து வர, நாளைடைவில் முகம் பொலிவு பெறும். * புதினா இலையை அரைத்து சாறு எடுத்து கடலை மாவுடன் சேர்த்து பேஸ்ட் ஆக்கி, முகத்தில் `பேக்' போட்டு, 10 நிமிடங்கள் கழித்து குளிர்ந்த நீரால் கழுவி வர, முகத்தில் உள்ள மாசு நீங்கி `பளிச்' அழகு கிடைக்கும். * வாழைப்பழம், இரண்டு டீஸ்பூன் தேங்காய்ப் பால், ஒரு டீஸ்பூன் வெள்ளரிச் சாறு சேர்த்து குழைத்துப் பூச கன்னம் பொலிவுறும். * கற்றாழை ஜெல்லுடன் தேன் கலந்து பூசி வர முகச் சுருக்கம் நீங்குவதுடன் முகம் பொலிவுறும். இதை கைகளுக்கும் பூசிக் கொள்ளலாம். முக அழகுக்கு முக்கியம் தருவது போலவே தலைமுடி பராமரிப்பும் அவசியம். அதனால் மாதம் ஒரு ஸ்பா செய்து கொள்ளலாம். அதிக அளவில் மேக்கப் செய்து கொள்ளாமல், உடலுக்கு ஒவ்வாமையை ஏற்படுத்தாத காஸ்மெட்டிக் பொருட்களை மட்டும் பயன்படுத்தும் போது உடல் சுருக்கம் மூலம் இளவயதில் ஏற்படும் முதிர்ச்சியான தோற்றத்தை தவிர்க்கலாம். http://www.vikatan.com
  12. இன்றைய பிபிசி தமிழ் தொலைக்காட்சி செய்தியறிக்கையில், * ஒபாமாவின் உத்தரவுகளை மாற்றுகிறார் டொனால்ட் டிரம்ப். வேலைவாய்ப்புக்களை உருவாக்கவும், அமெரிக்காவில் கருக்கலைப்பை தடுக்கவும் கொள்கையில் மாற்றங்களை அவர் செய்கிறார். * செர்பியாவில் உறைபனிக் குளிரில் தரையில் படுத்துறங்கும் பாகிஸ்தான் மற்றும் ஆப்கான் குடியேறிகள். பாதுகாப்புக்காக ஐரோப்பாவுக்குள் நுழைய முயற்சிப்பவர்கள் இவர்கள். * இந்த வருட இறுதிக்குள் அரிசி உற்பத்தியில் தன்னிறைவு கண்டுவிடுவோம் என்கிறது நைஜீர்ய அரசாங்கம். ஆனால், விமர்சகர்களுக்கோ அதில் சந்தேகம்.
  13. அசரவைக்கும் நெல்லை சமையல்: அவியல் படம்: மு.லெட்சுமிஅருண் திருநெல்வேலி என்றதுமே அல்வாதான் பலருக்கும் நினைவு வரும். “அல்வாவைத் தவிர நெல்லை மண்ணுக்கே உரிய சில பிரத்யேக உணவு வகைகள் எளிமையான செய்முறையாலும் சொக்க வைக்கும் சுவையாலும் நம்மை அடிமைப்படுத்திவிடக்கூடியவை” என்கிறார் வள்ளியூரைச் சேர்ந்த பி. பாஞ்சாலி. ஆரோக்கியம் தரும் சில உணவு வகைகளைச் சமைக்கக் கற்றுத் தருகிறார் அவர். அவியல் என்னென்ன தேவை? சேனை - 50 கிராம் கத்தரிக்காய் - 150 கிராம் முருங்கைக்காய் - 1 கேரட், பீன்ஸ் - தலா100 கிராம் அவரை - 50 கிராம் உருளை - 150 கிராம் உப்பு – தேவையான அளவு அரைக்க - தேங்காய் - அரை மூடி பச்சை மிளகாய் – 5 சீரகம் - அரை டீஸ்பூன் சின்ன வெங்காயம் – 3 பூண்டு - 4 பல் தாளிக்க - தேங்காய் எண்ணெய் - 5 டீஸ்பூன் உளுந்து, கடுகு – தலா ஒரு டீஸ்பூன் கறிவேப்பிலை - சிறிதளவு எப்படிச் செய்வது? காய்களை நீளமாக நறுக்கிக்கொள்ளுங்கள். ஒன்றரை டம்ளர் தண்ணீரில் அனைத்துக் காய்கறிகளையும் வேகவையுங்கள். அரைக்கக் கொடுத்துள்ள பொருட்களை ஒன்றாகச் சேர்த்து அரைத்து, வேகும் காயில் கொட்டி, பச்சை வாசனை போகும்வரை வதக்குங்கள். வாணலியில் தேங்காய் எண்ணெய் ஊற்றி கடுகு, உளுந்து தாளித்து, கறிவேப்பிலைச் சேர்த்துக் கிளறி பரிமாறுங்கள்.
  14. ஒரு நிமிடக் கதை: சொத்து ஒரேயொரு சிறிய வீட்டை வைத்துக் கொண்டு எட்டு பிள்ளைகளைப் பெற்றுவிட்ட தன் அப்பா மீது இனம்புரியாத கோபம் கோபாலுக்கு. பொதுச் சொத்தாய் இருந்த பூர்வீக வீட்டை விற்று கிடைத்த பணத்தை தன் சகோதர, சகோதரிகள் ஏழு பேருடன் பங்கு பிரித்ததில் கோபாலுக்கு இரண்டு லட்சம் ரூபாய்தான் கிடைத்தது. தன் நண்பன் சுரேஷை நினைத்துப் பார்த்தான்… ‘சுரேஷ் ஒரே பிள்ளை என்பதால் வெகு சுலபமாக எந்த முயற்சியும் இன்றி தன் அப்பாவின் எழுபது லட்ச ரூபாய் மதிப்புள்ள சொத்துக்கு அதிபதியாகிவிட்டான். நான்? ஒரு சிறிய ஃபிளாட் வாங்குவதற்கு லோன் வாங்கி இன்னும் வட்டிதான் கட்டிக் கொண்டிருக்கிறேன்…’ யோசிக்க யோசிக்க மனம் களைத்துப் போனது கோபாலுக்கு. மறுநாள் தற்செயலாய் ரோட்டில் சுரேஷைச் சந்தித்தான். “சுரேஷ்! பிறந்தா உன்னை மாதிரி ஒரே பிள்ளையா பிறக்கணும்டா. அப்பாவோட சொத்து முழுவதும் கிடைக்கும். என்னைப் பாரு. கூடப் பிறந்த ஏழு பேருக்கும் சொத்தைப் பிரிச்சதுல என் பங்கு வெறும் 2 லட்சம் ரூபாய். நிஜமா சொன்னா உன் மேலே எனக்குப் பொறாமையாக் கூட இருக்கு” என்று பெருமூச்சு விட்டபடி சொன்னான். “அடப்போடா... உனக்கு ஏதாவது ஒண்ணுன்னா கூடப் பிறந்தவங்க ஏழு பேர் வந்து நிற்பாங்க. ஆனா எனக்கு? என் குழந்தைகளுக்கு சித்தி, அத்தை, சித்தப்பா, பெரியப்பான்னு எந்த உறவுமே கிடையாது. ஒரு பிறந்த நாள்னாகூட நாங்களே கேக் வெட்டி நாங்களே சாப்பிட்டுக்கறோம். ஆனா ஒரு சின்ன நிகழ்ச்சியைக்கூட உன்னோட அண்ணன் தங்கைன்னு ரொம்ப சந்தோஷமா கொண்டாடுறீங்க. எல்லாத்துக்கும் மேலே எனக்காக வந்து பேச ஆளில்லைன்னு யார் யாரோ சண்டை சச்சரவுக்கு வர்றாங்க. பணம் காசு இல்லேன்னா என்னடா, உங்க அப்பா உனக்கு சொந்த பந்தம்ங்கிற பெரிய சொத்தை சேர்த்து வெச்சிருக்கிறார். நிஜமாலுமே உன்னைப் பார்த்தாதான் எனக்குப் பொறாமையா இருக்கு” என்று சுரேஷ் கூறினான். தன் அப்பா மீதிருந்த கோபம் மெல்ல மெல்ல கரையத் தொடங்கியிருந்தது கோபாலிடம். http://tamil.thehindu.com/
  15. 'சின்னம்மா சின்னம்மா... ஒபி.எஸ். எங்கம்மா','நேற்று வந்த ஆயாம்மா... நீயெல்லாம் சி.எம்மா? : 'இன உணர்வுடன் கோஷம் போட்ட என் மீது அரசியல் சாயம் பூசுகிறார்கள்'- மெரீனா ஆர்ப்பாட்டத்தில் உணர்வுபூர்வமாக கோஷமிட்ட மதுரை யுவதி கூறுகிறார் 2017-01-24 11:58:46 ஜல்­லிக்­கட்டு மீதான தடைக்கு எதி­ராக சென்னை மெரீனா கடற்­க­ரையில் இலட்­சக்­க­ணக்­கான மக்கள் ஒன்று திரண்டு நடத்­திய ஆர்ப்­பாட்­டத்தில் பல்­வேறு கோஷங்கள் ஒலித்­தன. இவற்றில், 'சின்­னம்மா சின்­னம்மா ஒபிஎஸ் எங்­கம்மா', 'நேற்று வந்த ஆயாம்மா நீயெல்லாம் சி.எம்மா? வரச் சொல் வரச்சொல் ஓபி­எஸ்ஸை வரச்சொல், ஊரை சுத்­துற மோடி மதுரைப் பக்கம் வாடி' போன்ற கோஷங்­களை எழுப்­பிய ஒரு யுவதி பலரின் கவ­னத்­தையும் ஈர்த்தார். நாட்கள் செல்ல செல்ல அவர் கோஷ­மி­டு­வதைப் பார்ப்­ப­தற்­காக அவரைச் சூழ திரண்­ட­வர்­களின் எண்­ணிக்கை வெகு­வாக அதி­க­ரித்­தது. பல்­வேறு வகை­யான கோஷங்­களை அவர் எழுப்­பினார். இந்த இளம் பெண் உணர்­வு­பூர்­வ­மாக வீரா­வே­ச­மாக முழக்­க­மிடும் வீடி­யோக்கள் இணை­யத்­த­ளங்­க­ளிலும் வெளி­யாகி வேக­மாகப் பர­வின. இந்த யுவ­தி யின் துணிச்­சலைக் கண்டு பலரும் வியப்­ப­டைந்­தனர். மிகப் பிர­ப­ல­மான ஒரு­வ­ரா­கி­விட்ட அவர், தற்­போது பெரும் வேத­னையில் உள்ளார். காரணம், அவ­ருக்கு அர­சியல் முத்­திரை குத்தி குறிப்­பிட்ட கட்­சி­யினர் அவரை பேஸ்­புக்கில் மிகக் கடு­மை­யாக விமர்­சித்து வரு­வதே. சசி­கலா, மோடி முத­லா­னோரை குறிப்­பிடும் வித­மாக கோஷ­மிட்ட இந்த யுவ­தியின் பாது­காப்பு குறித்து பலர் கரி­சனை தெரி­வித்­துள்­ளனர். ஆனால் தன் மீதான அர­சியல் முத்­தி­ரையை முற்­றாக மறுத்­துள்ளார் மதுரை மாவட்­டத்தைச் சேர்ந்த இந்த யுவதி. தான் மிக மிக சாதா­ரண பெண் என்றும், சாதா­ர­ண­மான முறையில் சென்­னையில் தனியார் நிறு­வ­னத்தில் பணி­யாற்றி வரு­வ­தா­கவும் கூறி­யுள்ள அவர், தனக்கும் ஜல்­லிக்­கட்­டுக்கும் உணர்­வு­பூர்­வ­மான நெருக்கம் இருப்­ப­தா­கவும் அதனடிப்­ப­டை­யில் தான் போராட்­டத்தில் கலந்து கொண்டேன் என்றும் கூறி­யுள்ளார். இது தொடர்­பாக அவர் 'ஒன்­இந்­தியா' தமிழ் இணை­ய­த­ளத்­துக்கு அளித்த செவ்­வியில் கூறி­யி­ருப்­ப­தா­வது, நான் சாதா­ர­ண­மா­னவள் எனக்கும் எந்தக் கட்­சி க்கும் தொடர்பு கிடை­யாது. அர­சி­ய­லுக்கும் எனக்கும் எந்த சம்­பந்­தமும் கிடை­யாது. நான் மிக மிக சாதா­ரண பெண். எந்தக் கட்­சி­யையும் எனக்குத் தெரி­யாது. நான் திமு­கவும் இல்லை, அதி­மு­கவும் இல்லை. தமிழ் உணர்ச்­சி­யோடு, தமிழ்­நாட்­டுக்­காக பேச வந்தேன். தனி ஆளாக மெரீனா போராட்­டத்தில் கலந்து கொண்டேன். என் பின்னால் நின்­றி­ருந்த நபர் எந்தக் கட்­சியைச் சேர்ந்­தவர் என்று எனக்குத் தெரி­யாது. அவர் தி.மு­.க.வைச் சேர்ந்­தவர் என்­றெல்லாம் எனக்குத் தெரி­யாது. அங்கு பலரும் கூடி­யி­ருந்­தனர். அனை­வ­ருமே கறுப்புச் சட்­டை தான் போட்­டி­ருந்­தனர். நான் பயப்­பட மாட்டேன் எந்த விமர்­ச­னத்­திற்­கா­கவும் நான் பயப்­படப் போவ­தில்லை . சர்ச்­சை­களைக் கண்டு நான் பயப்­ப­ட­வில்லை. நான் சர்ச்­சைக்­கு­ரிய வகையில் பேசவும் இல்லை. எல்­லோ­ரையும் போலதான் கோஷ­மிட்டேன். வாடி­வா­ச­லுக்கு அருகில் என் வீடு ஜல்­லிக்­கட்­டுடன் உணர்­வு­பூர்­வ­மாக நெருங்­கிய தொடர்பு கொண்­டவள் நான். ஜல்­லிக்­கட்டு நடக்கும் ஊர் தான் நானும். வாடி வாச­லுக்கு அரு­கில் தான் எனது வீடு. அந்த உணர்­வில் தான் நான் கலந்து கொண்டேன். அந்த உணர்வின் அடிப்­ப­டை­யில் தான் போராட்­டத்தில் பங்­கேற்றேன். யாரையும் அவ­மா­னப்­ப­டுத்­த­வில்லை. அ.தி­.மு.க. பொதுச் செய­லாளர் சசி­கலா அம்­மாவை நான் குறிப்­பிட்டு விமர்­சித்துப் பேச­வில்லை. அதே­போ­லத் தான் பிர­தமர் மோடி­யையும் நான் திட்­ட­மிட்டு விமர்­சிக்­க­வில்லை. அவ­மா­னப்­ப­டுத்தும் நோக்கில் நான் விமர்­சித்து கோஷ­மி­ட­வில்லை. அனை­வரும் எப்­படி முழக்­க­மிட்­டார்­களோ அதே­போ­லத் தான் நானும் கோஷ­மிட்டேன். என் தமிழ் இனத்­திற்­காக, ஜல்­லிக்­கட்­டுக்­கா­கத் தான் நான் போரா­டினேன். உயி­ருள்­ள­வரை போரா­டுவேன். போராட்­டத்­தின்­போது நான் கோஷ­மிட்டபோது தவ­று­த­லாக தவ­றான வார்த்­தைகள் வந்­தி­ருக்­கலாம். அது யாரையேனும் வருத்தப்படுத்தியிருந்தால் அதற்காக வருத்தம் தெரிவித்துக் கொள்கிறேன். முத்திரை குத்த வேண்டாம் நான் கட்சி சார்பற்றவள், அரசியல் சார்பற்றவள். ஆனால் பலரும் எனக்கு முத்திரை குத்திப் பேசுவது வருத்தம் தருகிறது என்பதை சொல்லிக் கொள்ள விரும்புகிறேன் என்று கூறியுள்ளார் அந்த யுவதி. வீடியோக்கள் : நேத்து வந்த ஆயாம்மா நீயெல்லாம் சி.எம்மா?: நன்றி: ஒன் இந்தியா - See more at: http://www.metronews.lk/article.php?category=gossips&news=21972#sthash.7o7k2ZG0.dpuf