நவீனன்

கருத்துக்கள உறவுகள்
  • Content count

    36,613
  • Joined

  • Last visited

  • Days Won

    245

நவீனன் last won the day on January 14

நவீனன் had the most liked content!

Community Reputation

4,545 நட்சத்திரம்

About நவீனன்

  • Rank
    Advanced Member
  • Birthday

Profile Information

  • Gender
    Male
  • Location
    Germany
  • Interests
    cricket,internet,

Recent Profile Visitors

19,141 profile views
  1. ராஜேஷ்குமாரின் ஒன் + ஒன் = ஜீரோ... - அத்தியாயம் 9 'நான் ஏற்கனவே விளையாட ஆரம்பிச்சுட்டேன் ஸார்' என்று விவேக் சொன்னதும் செல்போனின் மறுமுனையில் இருந்த தியோடர் மெல்லச் சிரித்தார். "மிஸ்டர் விவேக்.... இந்த சுடர்கொடி கேஸ்ல நீங்க ரூல்ஸ் அண்ட் ரெகுலேசன் படி விளையாடினா குற்றவாளியை ஜெயிக்க முடியாது. நீங்க பவுல் கேம் ஆடணும்....!" "அந்த ஆட்டமும் எனக்குத் தெரியும் ஸார்" "வி நோ... வாட் யூ ஆர்... என்னோட கவலை எல்லாம் எந்த ஒரு நிரபராதியும் சுடர்கொடி, திலீபன் கொலை வழக்குகளில் மாட்டி தூக்குக் கயிறுக்கு முன்னாடி போய் நின்னுடக் கூடாது " "அப்படியொரு நிலைமை வராது ஸார்." "வந்திடும் போலிருக்கே ....?" "நீதி தேவதையோட கண்கள் கட்டப்பட்டு இருந்தாலும், குற்றவாளி உலகத்தின் எந்த மூலையில் ஒளிந்து இருந்தாலும் தப்பிக்க முடியாது ஸார்...." "வெல் செட் மிஸ்டர் விவேக்... நாளைக்கு பொழுது விடியும் போது உங்க கிட்டயிருந்து ஒரு பாஸிட்டிவான பதிலை எதிர்பார்க்கிறேன் ." "ஷ்யூர் ஸார்" "விஷ் யூ ஆல் த பெஸ்ட் " விவேக் செல்போனை அணைக்க ரூபலா சமயலறையில் இருந்து மணக்கும் லெமன் டீயோடும், பிஸ்கெட் தட்டோடும் எதிர்பட்டாள். விஷ்ணு எழுந்தான், "என்கிட்டே குடுங்க மேடம்... இவ்வளவு வெயிட்டை நீங்க வெச்சிக்கிட்டு நீங்க ரொம்ப நேரம் நிற்கக்கூடாது... " "என்னடா சொல்றார் உன்னோட பாஸ்... நீதி தேவதையோட கண்கள் அது இதுன்னு விஜய், அஜித் ரேஞ்சுக்கு டயலாக் பேசிட்டு இருந்தார்...." விவேக்கின் உதடுகளில் மெலிதாய் ஒரு புன்னகை அரும்பியது. "உங்க ரெண்டு பேர்க்கும் ஒரு உண்மை புரியலை." "என்ன உண்மை பாஸ்....?" "சுடர்கொடி ரயில்வே ஸ்டேஷனில் வைத்து கொடூரமாய் கொலை செய்யப்படணும்.... அதுக்கு முன்பாக திலீபன் தன்னோட வீட்ல தூக்கில் தொங்கவிடப்படணும்ன்னு... எந்த இடத்துல முடிவான விஷயம் தெரியுமா?" "வெத்தலையில் மை தடவிப் பார்த்தா தெரியும் பாஸ்." ரூபலா பயமாய் விவேக்கைப் பார்த்தாள். "நீங்க சொல்லுங்க.... எந்த இடத்துல....?" "டெல்லியில்" "அது எப்படி அவ்வளவு சரியாய் டெல்லின்னு சொல்றீங்க...?" விவேக் தன்னுடைய செல்போனில் இருந்த மெஸேஜ் ஆப்ஷனுக்குப் போய் சற்று முன் தனக்கு வந்த எஸ். எம் .எஸ். செய்தி ஒன்றை ரூபலாவிடம் நீட்டினான் . ரூபலா செல்போனை வாங்கி வாய்விட்டுப் படித்தாள். "DONT THINK MORE ABOUT THE MURDER S AND D, IT BRINGS RED DOTS" ரூபலா கலவரமானாள். "என்னங்க இது...?" "உனக்கு புரியுதா இல்லையா?" "புரிஞ்சும் புரியாத மாதிரி இருக்கு" "விஷ்ணு உனக்கு?" பிஸ்கெட் தட்டை முடித்துவிட்டு லெமன் டீயை ருசி பார்த்துக் கொண்டிடுந்த விஷ்ணு விவேக்கிடம் திரும்பினான். "என்ன பாஸ்... உங்க கூட எத்தனை வருஷம் குடும்பம் நடத்திட்டு வர்றேன்...? உங்களுக்கு வந்த எஸ். எம். எஸ். எது மாதிரியானது... யார் அது அனுப்பினதுன்னு எனக்குத் தெரியாதா என்ன?" "உன்னோட மேடத்துக்கு சொல்லு!" "மேடம்.... இந்த எஸ். எம். எஸ்.டெல்லியில் இருக்கற சி.பி.ஐ . ஆபிஸிலிருந்து பாஸுக்கு வந்திருக்கு. அனுப்பின ஆபிசர் பேர் சரத் சர்மா. பாஸுக்கு ரொம்பவும் வேண்டியவர். செய்தியில் குறிப்பிட்டு இருக்கற S அண்ட் D என்கிற எழுத்துக்கள் யாரைக் குறிப்பிடுது தெரியுமா மேடம். 'S' என்கிற எழுத்து சுடர்கொடியையும், 'D' என்கிற எழுத்து திலீபனையும் குறிக்குது. இந்த ரெண்டு கொலையைப் பற்றி அதிகமாய் அலட்டிக்க வேண்டாம். அப்படி அலட்டிக்கிட்டா மேலும் ரத்தத் துளிகளைப் பார்க்க வேண்டி வரலாம்ன்னு சரத் சர்மா 'வார்ன்' பண்ணியிருக்கார்." "என்னங்க இவன் சொல்றது நிஜமா....?" "விஷ்ணுவுக்கும் சில சமயங்களில் மூளை வேலை செய்யும். அப்படிப்பட்ட மகத்தான சமயங்களில் இதுவும் ஒண்ணு...." "நன்றி பாஸ்...." "மேலும் சில ரத்தத் துளிகளைப் பார்க்க வேண்டி வரலாம்ன்னு சரத் சர்மா சொல்லியிருக்காரே....?" "ஆமா...!" "அவர் யாரை மென்ஷன் பன்றார்...?" "அது விஷ்ணுவாகக் கூட இருக்கலாம்" "பா ..பா... பாஸ்...." "ஏன் நானாகக்கூட இருக்கலாம் " "இப்பத்தான் பாஸ் மனசுக்கு கொஞ்சம் ஆறுதலாயிருக்கு " "என்னங்க.... இவ்வளவு சீரியஸான மேட்டரை ஏதோ செல்லாத 1000 ரூபாய் நோட்டு மாதிரி மாதிரி டீல் பண்றீங்க....?" - தொடரும் Read more at: http://tamil.oneindia.com/columnists/rajeshkumar/rajeshkumar-s-one-plus-one-zero-9-271739.html
  2. 20 வருடங்கள் சிறையில் வாடும் தமிழ் கைதி தகவல்
  3. மொழி கடந்த ரசனை 12: கண்ணீர் வீணாகப் போயிருக்காது எஸ்.எஸ்.வாசன் நவரச உணர்வுகளில், மற்ற உணர்வுகளுக்கு இல்லாத ஒரு தனிச்சிறப்பு சோக உணர்வுக்கு உண்டு. மகிழ்ச்சி, கோபம், வெறுப்பு ஆகிய உணர்வுகள் பொது வெளியில் வெளிப்படும்போது அவற்றுடன் நம் மனது சட்டென்று தொடர்புகொண்டு நம்மை ஆட்கொள்ளாது. ஆனால் சோகம் மட்டும் எவருக்கு எப்போது, எங்கு ஏற்பட்டாலும், அது நம் உள்ளத்தில் மழையாய்ப் பெய்து கண்களைச் சிறிதாவது ஈரமாக்குகிறது. இதன் பொருட்டே காதலை இழந்து பிரிவின் துன்பத்தில் உழலும் திரைப் பாத்திரங்கள் பாடுவதாக ஒலிக்கும் பாடல் வரிகள், நாம் அடையும் சோகத்தின் வடிகாலாக நின்று ஆசுவாசப்படுத்துகின்றன. தடையை மீறிய காதல் ‘ஜஹான் ஆரா’ என்ற இந்திப் படத்தின் மூன்று சோகப் பாடல்களும் இதே ரகம்தான். உலக அதிசயங்களில் ஒன்றாகக் கருதப்படும் தாஜ்மஹாலைத் தன் அன்பு மனைவி மும்தாஜுக்காகச் கட்டிய முகலாய மன்னன் ஷாஜஹானின் செல்ல மகள்தான் ஜஹான் ஆரா. பெண்கள் ஆண்களைச் சந்திக்க இருந்த தடையையும் மீறி, அரச வாரிசு அழகி இளவரசி ஜஹான் ஆராவும் மிர்ஜா சையத் செங்கிஜி என்ற சாமானியனும் சந்தித்துக்கொள்கிறார்கள். அவர்கள் இருவருக்கும் இடையே காதல் மலர்கிறது. திருமணம் செய்துகொள்ளத் தீர்மானிக்கிறார்கள். இறக்கும் தறுவாயில் இருந்த அரசி மும்தாஜ், தன் அன்பு மகள் ஜஹான் ஆராவை அருகில் அழைத்து அவள் தந்தையும், தன் கணவனுமான ஷாஜஹானை இறுதிவரை பார்த்துக்கொள்ள வேண்டும், அவரை விட்டு எங்கும் செல்லக் கூடாது என்று சத்தியம் வாங்கிக்கொள்கிறாள். தந்தையை விட்டு எங்கும் செல்லக் கூடாது என்ற சத்தியக் கட்டுப்பாட்டால், கூடாத காதலாக ஆகிவிட்டதை எண்ணி ஏங்கி, அவள் காதலன் பாடுவதாக அமைந்துள்ளன இப்பாடல்கள். மீண்டும் மீண்டும் “ஃபிர் வோஹி ஷாம், வோஹி கம், தில் கோ ஸம்ஜானே தேரி யாத் சலீ ஆயி ஹை” என்று தொடங்கும் அந்தப் பாடல், தலத் முகமதுவின் சோக தொனிக்கு ஏற்ற மதன் மோகனின் துயரப் பின்னணி இசையுடன் கூடிய பாடல். பலரும் மீண்டும் மீண்டும் கேட்க விரும்பும் பாடல் இது. பொருள்: மீண்டும் அந்த மாலைப் பொழுது அதே துக்கம் அதே தனிமை உள்ளத்தை உலுக்கும் உன் நினைவு வந்துள்ளது. மீண்டும் உன்னைப் பற்றிய கற்பனைகள் நிழலாக விரியும் கடந்து சென்ற அந்தத் தருணங்கள் பஞ்சுப் பொதியாய்த் திரும்பி வரும் ஏனெனில், இறுதியில் இருக்கிறதே உன் உறுதிமொழி உன் தரிசனம் கிடைக்குமோ இல்லையோ பாதியில் நின்றுவிட்ட பதிவுகள் நிறைவு பெறுமோ இல்லையோ என் இலக்கு உன் இலக்கிலிருந்து பிரிந்துவிட்டது. இயலாமையைக் காட்டும் வரிகள் நமது அன்புக்குரியவர்களின் கண்ணீரைத் துடைக்க இயலாத சமயங்களில் நாம் உணரும் இயலாமை உணர்வை அழுத்தமாக வெளிப்படுத்தும் இப்படத்தின் ஒரு பாடல், ‘தேரி ஆங்கோங்கி ஆசு பீ ஜாவும் ஐஸ்ஸி மேரி தக்தீர் கஹான்’ என்ற உருக்கமான வரிகளுடன் தொடங்குகிறது. இதன் பொருள்: உன் கண்களிலிருந்து வழியும் கண்ணீரைக் குடிக்கும் பாக்கியம் எனக்கு எங்கே கிடைக்கப்போகிறது உன் துக்கத்திற்கு ஆறுதல் சொல்லும் பாக்கியம் எங்கே கிடைக்கப் போகிறது ஐயோ ஒருவேளை நாம் ஒன்றாகக் கூடி அழ முடிந்தால் இந்தத் துக்கம் கொஞ்சம் லேசாகியிருக்கும் நம் கண்ணீர் இத்தனை வீணாகப் போயிருக்காது இதுபோன்ற கறைகள் எளிதாக நீங்குவதாக இருந்தால் இத்தனை துன்பங்கள் இருந்திருக்காது தனிமையின் துக்கம் இதுவரை எவ்வளவு எனக்குத் தெரியுமோ இன்னும் அவ்வளவு உள்ளது இந்த நெடுந்துயரப் பாதையில் இந்த நிலையைச் சரியாக்கும் பாக்கியம் எனக்கு எங்கே கிடைக்கப்போகிறது வினோதமான துக்கம் தலத் முகமது வெளிப்படுத்தும் மென்மையான சோக உணர்வை மிக அழுத்தமாக எடுத்துக் காட்டும் திறன் முகமது ரஃபியின் கூடுதல் சிறப்பு. அவரின் குரல் வளமும் உச்சரிப்பும் இதன் அடிப்படை. ‘கீஸ்ஸி கே யாத் மே துனியா கோ ஹை புலாயா ஹுவே’ என்று தொடங்கும் அந்த பாடலின் பொருள்: எவருடைய நினைவுகளிலோ இந்த உலகம் அழைக்கப்பட்டுள்ளது நம் எண்ணங்களின் சகாப்தம் முடிவுக்கு வந்துவிட்டது அன்பினால் ஏற்படும் துக்கம் வினோதமானது வெளிப்புறம் அமைதி, எனினும் உள்ளத்தில் காயம் ஆயிரம் திரைச்சீலைகள், ஆயிரம் கோபுரங்கள், ஆயிரம் மதில்கள் ஆகியவை மூலம் அவள் என் பார்வையில் நிறைந்துள்ளாள் இந்த உலகத்தை என் முன் விட்டில் பூச்சியாகச் செய்வதற்கு எவருடைய அழகின் ஒரு கீற்று போதுமானதோ அவளுடைய நினைவுகளின் பொருட்டு இந்த உலகம் அழைக்கப்பட்டுள்ளது. http://tamil.thehindu.com/cinema/cinema-others/மொழி-கடந்த-ரசனை-12-கண்ணீர்-வீணாகப்-போயிருக்காது/article9428957.ece
  4. இமயமலையின் குழந்தை துறவியர் (புகைப்படத் தொகுப்பு) இமயமலையின் உயரமான இடத்தில், உயர் மலைத்தொடர்கள் என்று அறியப்படும் லடாக்கில் லேக்கு அருகிலுள்ள 15 ஆம் நூற்றாண்டு திக்செ மடாலத்தில் மெரூன் நிறத்தில் ஆடைகள் அணிந்த இளம் புகுமுக துறவியர் பாடங்களை கற்று கொள்கின்றனர். இந்தியாவுக்கும், பாகிஸ்தானுக்கும் இடையில் சர்ச்சைக்குரிய எல்லையில், இந்தியாவின் கட்டுப்பாட்டில் இருக்கும் காஷ்மீர் பகுதி இதுவாகும். பாறையில் 3 ஆயிரம் மீட்டர் உயரத்தில் கட்டப்பட்டுள்ள வெள்ளை அடிக்கப்பட்ட பாதுகாப்பு அரண் கொண்ட, மலைத்தொடர்களுக்கு அப்பால்,சிந்து வெளி பள்ளத்தாக்கு முழுவதையும் பார்க்க்க்கூடிய நெஞ்சை அள்ளும் காட்சிகளோடு அமைந்துள்ள திக்செ, திபெத்திய பௌத்த மதத்தின் "மஞ்சள் தொப்பி" அல்லது கெலுக்பா பிரிவோடு இணைந்திருக்கும் ஒரு மடாலய சமூகத்தின் தாயகமாகும். திபெத்திய பௌத்தம் என்பது தாயகத்தில் இருந்து நாடு கடந்த நிலையில் கடைபிடிக்கப்படும் மதமாகும். திபெத் சீனாவால் ஆக்கிரமிக்கப்பட்டதால் ஏற்பட்ட விளைவு இதுவாகும். தங்களுடைய கலாசாரம், மொழி மற்றும் மதம் பற்றி கற்றுகொள்ள இந்தியாவில் வாழும் திபெத்திய குடும்பங்கள் தங்களின் குழந்தைகளில் ஒன்றையாவது இந்த மடாலயத்திற்கு அனுப்பி வருகின்றன. திபெத்திய பௌத்த மதத்தை புரிந்து கொள்ளுவதற்கு காட்சி உதவிக் கருவிகள் மிகவும் பிரபலம். படங்கள், பல்வேறு வித அமைப்புக்கள், பொது பிரார்த்தனை சக்கரங்கள், கொடிகள் ஆகியவை உலகில் ஆன்மீக சக்தி எப்போதும் இருப்பதை நினைவூட்டுகின்றன. தனிப்பட்ட ஆன்மீக வளர்ச்சிக்கு முக்கியத்துவம் வழங்கும் பாரம்பரியத்தை கொண்டது பௌத்தம். கடவுள்கள் அல்லது தேவதைகளை பௌத்தவர்கள் வணங்காமல், வாழ்க்கையின் உண்மையான இயல்பில் ஆழமான உள்ளுணர்வு பெறுவதற்காக தொடர்ந்து முயற்சித்து வருகின்றனர். http://www.bbc.com
  5. பைபிள் கதைகள் 25: வாட்டி வதைத்த வாதைகள் பத்து எகிப்தியருக்கு அடிமையாக வாழ்ந்துகொண்டு பெரும் துன்பத்தை அனுபவித்துவந்த இஸ்ரவேலர்களை விடுவிடுவிக்க கடவுள் சித்தம் கொண்டார். அதற்காக மோசேயை எகிப்தின் மன்னனாகிய பார்வோனிடம் அனுப்பினார். 80 வயது மோசே, தனது சகோதரர் ஆரோனுடன் பார்வோன் மன்னனைச் சந்தித்து கடவுள் அருளிய அடையாளங்களை அற்புதங்களாகச் செய்து காண்பித்தார். அதற்கெல்லாம் அசைந்துகொடுக்காத மன்னன், மக்களை விட மறுத்தான். இனி எகிப்தியரைத் தண்டிப்பதைத் தவிர வேறு வழியில்லை என்ற முடிவுக்கு வந்தார் கடவுள். எகிப்தியருக்குப் பத்து விதமான கஷ்டங்களை உண்டாக்கியதன் மூலம் பார்வோன் மன்னனை நிலைகுலையச் செய்தார் கடவுள். ரத்தமாய் மாறிய நதி எகிப்தியர்கள் நைல் நதியைத் தங்கள் உதிரமெனப் போற்றிவந்தவர்கள். அப்படிப்பட்ட நைல் நதியின் பளிங்குபோன்ற தண்ணீர் முழுவதும் ரத்தமாக மாறினால் அதை அவர்களால் பொறுத்துக்கொள்ள முடியுமா? கடவுள் உத்தரவிட்டபடி ஆரோன் தன் கைத்தடியால் நைல் நதியில் அடிக்க, அடுத்த நொடியே நதியின் தண்ணீர் ரத்தமாக மாறியது. மீன்கள் கொத்துக் கொத்தாய் செத்து மிதந்தன. இதனால் நதியில் துர்நாற்றம் வீசத் தொடங்கியது. எகிப்தியர்கள் திகைத்துப் போனார்கள். ஆனால் மன்னன் பயப்படவில்லை. அதனால் நைல் நதியிலிருந்து தவளைகள் கூட்டங்கூட்டமாகப் படையெடுத்து நகரத்துக்குள் வரும்படி செய்தார் கடவுள். ஒவ்வொரு வீட்டிலும் தவளைகள் நிறைந்தன. அடுப்புகளிலும் சமையல் பாத்திரங்களிலும் படுக்கைகளிலும் கூட தவளைகள் தாவி ஏறின. இப்படி வந்த தவளைகள் செத்து மடிந்தபோது நாடே நாறியது. அவற்றை அள்ளிப் போட்டு அப்புறப்படுத்துவதில் எகிப்தியர்கள் களைத்துப்போனார்கள். பூச்சிகளும் ஈக்களும் தவளைகளால் தன் மக்கள் பட்ட துன்பத்தைக் கண்டும் துவளாமல் இருந்தான் மன்னன். இதனால் ஆரோனை மேற்கொண்டு வழிநடத்தினார் கடவுள். ஆரோனைத் தனது கைத்தடியால் தரையை அடிக்கும்படி செய்தார். அப்போது கிளம்பிய புழுதியும் தூசிகளும் அந்துப் பூச்சிகளாய் மாறின. அவை நாடெங்கும் நிறைந்து மக்களுக்குப் பெரும் தொல்லையாக அமைந்தன. இந்த மூன்று வாதைகளையும் எகிப்தியர்களோடு இஸ்ரவேலர்களும் சேர்ந்து அனுபவிக்க வேண்டியிருந்தது. ஆனால் கடவுள் நான்காவது வாதையில் தொடங்கி அதன் பிறகு எகிப்தியரை மட்டுமே வாட்டும்படியாக ஏழு கஷ்டங்களைக் கொடுத்தார். நான்காவதாகப் பெரிய ஈக்களைப் பெருகச் செய்த கடவுள், அவற்றை எகிப்தியரின் வீடுகளில் மட்டுமே ஆயிரக்கணக்கில் படையெடுக்கும்படி செய்தார். இப்படி வந்து மொய்த்த ஈக்களால் அவர்கள் தூக்கம் இழந்தார்கள். வெட்டுக்கிளிகளும் கல் மழையும் கடவுள் ஐந்தாவது வாதையை எகிப்தியரின் கால்நடைகளின் மீது தொடுத்தார். இதனால் எகிப்தியரின் பெரும் செல்வங்களில் ஒன்றாயிருந்த அவர்களின் ஆடு மாடுகள் அத்தனையும் செத்து விழுந்தன. பிறகு மோசேயும் ஆரோனும் கொஞ்சம் சாம்பலை எடுத்து அதைக் காற்றில் ஊதினார்கள். இதனால் எகிப்தியர் மீதும் எஞ்சியிருந்த விலங்குகள் மீதும் கொடும் வேதனைத் தரக்கூடிய கொப்புளங்கள் தோன்றின. இதனால் எகிப்தியர் கதறித் துடித்தனர். ஆனால் மன்னன் கலங்கவில்லை. அதன் பிறகு மோசே தன் கையை வானத்தை நோக்கி நீட்டினார், அப்போது கடவுள் இடி முழக்கத்துடன் கூடிய கல் மழையை பொழியச் செய்தார். கல் மழையைக் கண்டதும் நடுங்கிப் போனான் மன்னன். ஆனால் மனமாற்றம் ஏற்படவில்லை. இதனால் கடவுள் எட்டாவது வாதையை உருவாக்கும்படி ஆனது. பெரும் கூட்டமான வெட்டுக்கிளிகள் எகிப்தை நோக்கிப் படையெடுக்கும்படி செய்தார். ஒருபோதும் இப்படி கோடிக்கணக்கான வெட்டுக்கிளிகளை எகிப்தியரோ இஸ்ரவேலர்களோ கண்டதில்லை. கல் மழை அழிக்காமல் விட்டுவைத்த எகிப்தியரின் வயல்களில் இருந்த விளைச்சல் அனைத்தையும் தோட்டங்களையும் வெட்டுக்கிளிகள் தின்று தீர்த்தன. இருளில் மூழ்கிய தேசம் இத்தனை கொடிய வாதைகளைக் கடவுள் கொண்டுவந்தபோதும் மன்னன், எப்படியாவது சமாளித்துவிடலாம் என்று திடமாக இருந்தான். ஆனால் அவனது எண்ணத்தை இருண்டுபோகும்படிச் செய்தார் கடவுள். அவர் தேசம் முழுவதையும் மூன்று தினங்கள் கடும் இருளில் தள்ளினார். ஆனால் இஸ்ரவேலர் வசித்து வந்த பகுதிகளில் மட்டும் வெளிச்சம் ஒளிர்ந்தது. கும்மிருட்டால் மன உளைச்சலுக்கு ஆளான மன்னன், அப்படியும் துணிச்சல் காட்டவே கடைசியாகப் பத்தாவது வாதையைத் தந்தார் கடவுள். நிலைகுலைந்த மன்னன் ஓர் இளம் செம்மறியாட்டின் ரத்தத்தைத் தங்கள் வாசல் நிலைக்கால்களில் தடவி அடையாளம் செய்துகொள்ளும்படி, தனது மக்களாகிய இஸ்ரவேலர்களிடம் சொன்னார் கடவுள். அவர்களும் அவ்வாறே செய்தனர். பின்னர் கடவுளுடைய தூதன் எகிப்து தேசத்தை வீதிவீதியாகக் கடந்து சென்றார். அப்போது எந்தெந்த வீடுகளின் நிலைக்கால்களில் ரத்தம் காணப்பட்டதோ அந்த வீட்டிலிருந்த எவரையும் அவர் எதுவும் செய்யவில்லை. ஆனால் ரத்தமில்லாதிருந்த எல்லா வீடுகளிலும் சாவு விழுந்தது. அந்த வீடுகளில் இருந்த தலைப் பிள்ளையையும், எஞ்சியிருந்த கால்நடைகளில் தலைச்சன் குட்டிகளையும் கடவுளின் தூதன் கொன்றுபோட்டார். பத்தாவது வாதைக்குப் பின், பார்வோன் மன்னன் இனியும் இஸ்ரவேல் மக்களை எகிப்தில் இருக்கும்படி கட்டாயப்படித்தினால் இங்கே எல்லாம் அழிந்துபோகும் என்பதை உணர்ந்துகொண்டார். எனவே இஸ்ரவேலர்கள் எகிப்திலிருந்து செல்லலாம் என்று உத்தரவிட்டான். எகிப்தியரின் வீடுகளில் மரணம் நிகழ்ந்த அதே இரவில் எகிப்தை விட்டு இஸ்ரவேலர்கள் புறப்பட்டார்கள். http://tamil.thehindu.com/society/spirituality/பைபிள்-கதைகள்-25-வாட்டி-வதைத்த-வாதைகள்-பத்து/article9271898.ece
  6. ஆதரவாளர்களுக்கு தொடரும் மிரட்டல் தர்மபுரி: தர்மபுரி மாவட்டத்தில், தீபாவுக்கு ஆதரவு அதிகரித்து வருவதால், வருவாய் துறையினர் மூலம், ஆதரவாளர்கள் மிரட்டப்பட்டு வருவதாக, குற்றச்சாட்டு எழுந்துள்ளது. மறைந்த முதல்வர் ஜெயலலிதாவின் அண்ணன் மகள் தீபாவுக்கு, தமிழகம் முழுவதும் ஆதரவு பெருகி வருகிறது. எம்.ஜி.ஆர்., பிறந்த நாளான இன்று, அவர் தன் முடிவை அறிவிக்க உள்ளார். தீபாவுக்கு பெருகி வரும் ஆதரவை அடுத்து, சசிகலா தரப்பில், பல்வேறு வளைப்பு முயற்சிகள் நடந்து வருகின்றன. இதில், தீபாவுக்கு ஆதரவு அதிகம் உள்ள மாவட்டங்கள் கண்டறியப்பட்டு, ஆதரவாளர்களுக்கு அதிகாரிகள், போலீஸ் வழியாக மிரட்டல் கொடுப்பது துவங்கி உள்ளது. தீபாவுக்கு ஆதரவாக வைக்கப்படும் பேனர்களை, போலீசாரும், வருவாய் துறை அதிகாரிகளும் இணைந்து, அகற்றி வருகின்றனர். தீபாவை முன் நிறுத்தி வருகிறோம். இதுகுறித்து, அகில இந்திய அம்மா ஜெ.தீபா பேரவையின் தர்மபுரி மாவட்ட, நல்லம்பள்ளி ஒன்றிய இணை ஒருங்கிணைப்பாளர் என்.ஆர்.சேகர் கூறியதாவது: ஜெயலலிதாவின் எண்ணத்துக்கு மாறாகவும், தங்களது பதவியை தக்க வைத்துக் கொள்ளவும், சிலர் சசிகலாவை, அ.தி.மு.க., பொதுச்செயலராக்கி உள்ளனர். இதற்கு, அ.தி.மு.க., உண்மை விசுவாசிகள் மத்தியில் ஆதரவு இல்லை. மறைந்த முதல்வர் ஜெயலலிதாவின் அரசியல் வாரிசாக, அவரது அண்ணன் மகள் தீபாவை முன் நிறுத்தி வருகிறோம். நாளுக்கு நாள் தீபாவுக்கு ஆதரவு அதிகரித்து வருவதை கண்டு, பொறுத்துக் கொள்ள முடியாத சசி கும்பல், தர்மபுரி மாவட்டம் உட்பட, தமிழகம் முழுவதும் தீபா பேரவை நிர்வாகிகள் வைத்து வரும் பேனர்களை, வருவாய்த் துறையினர் மூலம் மிரட்டி அகற்றி வருகின்றனர். எங்களை மிரட்டுவதால், அவர்களுக்கு எந்த பயனும் ஏற்படப்போவதில்லை. சீப்பை மறைத்து வைத்தால் திருமணம் நின்று போகாது என்பது போல்,தமிழக மக்கள் மத்தியில் இருந்தும், அ.தி.மு.க.,வில் இருந்தும் தீபாவை அகற்ற முடியாது என்பதை, சசி கும்பல் விரைவில் தெரிந்து கொள்வர். இவ்வாறு அவர் கூறினார். தீபா பேரவையில் 'மாஜி' எம்.எல்.ஏ.? தீபாவுக்கு நாளுக்கு நாள் ஆதரவு அதிகரித்து வருகிறது. சிவகங்கை மாவட்டம், மானாமதுரை தொகுதி, அ.தி.மு.க., முன்னாள் எம்.எல்.ஏ., குணசேகரன், தீபாவுக்கு ஆதரவாக களம் இறங்க உள்ளதாக, தகவல் பரவியுள்ளது. தமிழகம் முழுவதும், எம்.ஜி.ஆர்., நுாற்றாண்டு விழா, அ.தி.மு.க., சார்பில், இன்று முதல் கொண்டாடப்படுகிறது. மானாமதுரையில், இன்று மாலை, முன்னாள் எம்.எல்.ஏ., குணசேகரன் தலைமையில் பொதுக்கூட்டம் நடக்கிறது. அதற்கான, 'நோட்டீஸ்'களில் பொதுச் செயலர் சசியின் படம் இல்லை. இதனால், அவர் தீபா பேரவைக்கு தாவ இருப்பதாக தகவல் பரவியுள்ளது. அவர் ஒன்றிய செயலராகவும் உள்ளார். குணசேகரனிடம் கேட்ட போது, ''நான் தீபா பேரவைக்கு போவது குறித்து, இன்று தெரியும். மேலிட வழிகாட்டு தல்படி தான், 'நோட்டீஸ்' அச்சடிக்கப்பட்டது,'' என்றார். ஆதரவாளர்கள்அதிர்ச்சி நாமக்கல் மாவட்டத்தில், ஆறு தொகுதிகளில், குமாரபாளையம் தொகுதி தவிர, மற்ற தொகுதிகளில், தீபாவுக்கு ஆதரவு தெரிவித்து, பிளக்ஸ் பேனர்கள் வைத்தனர்; போஸ்டர்கள் ஒட்டினர். குமாரபாளையம் தொகுதி, அமைச்சர் தங்கமணியின் சொந்த தொகுதி என்பதால், கட்சி நிர்வாகிகளும், தொண்டர்களும் அமைதி காத்து வந்தனர். கடந்த, 12ல், ஆவத்திபாளையத்தில், முதன் முறையாக, தீபாவுக்கு ஆதரவு தெரிவித்து, கட்சி நிர்வாகிகள், தொண்டர்கள் பேனர் வைத்தனர். தொடர்ந்து, தொகுதி முழுவதும், தீபாவுக்கு ஆதரவு தெரிவித்து, பேனர்கள் வைக்கப்பட்டு வருகின்றன. இந்நிலையில், நாளை பள்ளிபாளையத்தில், எம்.ஜி.ஆர்., பிறந்த நாள் விழா, பொதுக் கூட்டம் நடக்கிறது. இதற்காக, பள்ளிபாளை யம் முழுவதும், பிளக்ஸ் பேனர்கள் வைத்துள்ளனர். பெண்கள் சபதம் தொகுதி முழுவதும், பல இடங்களில் சசிகலாவுக்கு எதிர்ப்பும், தீபாவுக்கு ஆதரவும் அதிகரித்து வருகிறது. நாளுக்கு நாள் தீபாவுக்கு, ஆதரவு அதிகரித்து வருவதால், அமைச்சர் ஆதரவாளர்கள் அதிர்ச்சியில் உள்ளனர்.'உள்ளாட்சி தேர்தலில், சசிகலாவுக்கு சரியான பாடம் புகட்டுவோம்' என, திருப்பூரில் நடந்த, தீபா பேரவை கூட்டத்தில், பெண்கள் ஆதங்கம் தெரிவித்தனர். திருப்பூரில், அ.தி.மு.க., மகளிர் அணியினர், தீபா பேரவை துவக்குவது குறித்து, நேற்று ஆலோசனை நடத்தினர். இதில் கலந்து கொண்ட பெண்கள் கூறுகையில், 'கட்சியை வழிநடத்தும் தகுதி, சசிகலாவுக்கு கிடையாது. ஜெ., இருந்த இடத்தில், சசிகலா இருப்பதை, தமிழக பெண்கள் ஒருபோதும் ஏற்றுக் கொள்ள மாட்டார்கள்' என்றனர். http://www.dinamalar.com/news_detail.asp?id=1691883
  7. இமாச்சல் பிரதேசத்தில் கடும் பனி நிலவுகிறது. சூரியன் மறையும் மாலை வேளையில் வீட்டு மாடியில் இருந்து எடுக்கப்பட்ட புகைப்படம். இடம்:சிம்லா.
  8. அ.தி.மு.க.,வை, அதன் பொதுச் செயலர் சசிகலாவின் கணவரான நடராஜனும், சகோதரரான திவாகரனும் கைப்பற்ற முயற்சி செய்வதாக, கட்சியின் மூத்த உறுப்பினரும், முன்னாள் அமைச்சருமான, கே.பி.முனுசாமி, பகிரங்கமாகக் குற்றம் சாட்டியுள்ளார்; மேலும், முதல்வர், ஓ.பி.எஸ்.,சுக்கு ஆதரவாக, கருத்து தெரிவித்துள்ளார். ஏற்கனவே, சமீபத்தில், சென்னையில் நடந்த ஒரு விழாவில், முன்னாள் அமைச்சர் பண்ருட்டி ராமச்சந்திரனும், ஓ.பி.எஸ்.,சுக்கு ஆதரவாக பேசி உள்ளதால், கட்சியில் பலரும், சசிகலா மீதும், அவர் உறவினர்கள் மீதும் எரிச்சலில் உள்ளது வெளிப்படும் சூழலும், ஓ.பி.எஸ்.,சுக்கு ஆதரவு பெருகும் சூழலும் உருவாகி உள்ளது. இதை அடிப்படையாக வைத்துப் பார்க்கும்போது, ஓ.பி.எஸ்., தலைமையில் புதிய அணி உருவாகும் வாய்ப்பு தெரிகிறது. சரமாரி புகார் கடந்த, அ.தி.மு.க., ஆட்சியில், சட்டத்துறை அமைச்சராக பணியாற்றியவர், கே.பி.முனுசாமி. கடந்த லோக்சபா தேர்தலில் தர்மபுரி தொகுதியில் மட்டும், பா.ம.க., வெற்றி பெற்றது. அன்புமணி எம்.பி.,யாக தேர்வு செய்யப்பட்டார். இதையடுத்து, அமைச்சர் பதவியில் இருந்து ஓரங்கட்டப்பட்டார் முனுசாமி. ஜெயலலிதா மறைவுக்கு பின், வன்னிய இன முக்கிய பிரமுகர்களை ரகசியமாக சந்தித்து பேசி வந்தார் முனுசாமி. இந்நிலையில் நேற்று திடீரென, கிருஷ்ணகிரி மாவட்டம், காவேரிப்பட்டணத்தில் உள்ள அவரது வீட்டில், பத்திரிகையாளர்களை சந்தித்தார் முனுசாமி. அப்போது அவர், சசிகலா உறவினர்கள் மீது சரமாரியாக குற்றம் சாட்டினார். மறைமுகமாக சசிகலாவுக்கு எச்சரிக்கை விடுக்கும் வகையில் அவரது பேட்டி இருந்தது.அவர் நிருபர்களிடம் கூறியதாவது: தஞ்சாவூரில், 15ம் தேதி, அ.தி.மு.க., பொதுச் செயலர் சசிகலாவின் கணவர் நடராஜன் தலைமையில் நடந்த பொங்கல் விழாவில், திவாகரன் பேசிய போது, 'அ.தி.மு.க.,வை தொடங்கிய நாள் முதல், நாங்கள் நிர்வகித்து வருகிறோம். எம்.ஜி.ஆரின் மறைவுக்குபிறகு, அ.தி.மு.க.,வையும், இரட்டை இலை சின்னத்தையும், நடராஜன் தான் மீட்டார்' என்று பேசியுள்ளார். ஆட்சி அதிகாரத்தை கைப்பற்ற சதி இந்த பேச்சு, அ.தி.மு.க., நிர்வாகிகள் மற்றும் தொண்டர்களிடையே பெரும் அதிர்ச்சியை ஏற்படுத்தியுள்ளது. எம்.ஜி.ஆர்., மறைவுக்கு பின், அவரது மனைவி ஜானகியின் ஒத்துழைப்பின்படி, இரட்டை இலை சின்னம் பெறப்பட்டது. எம்.ஜி.ஆரால் உருவாக்கப்பட்டு, ஜெயலலிதாவால் பாதுகாக்கப்பட்டு வளர்க்கப்பட்ட, அ.தி.மு.க., தற்போது, ஒன்றரை கோடி உறுப்பினர்களை கொண்ட இயக்கமாக உள்ளது.இதையெல்லாம் மறைத்துவிட்டு, அ.தி.மு.க.,வையும், ஆட்சி அதிகாரத்தையும், இரட்டை இலை சின்னத்தையும் கைப்பற்றும் வகையில் திவாகரன், நடராஜன் பேசியுள்ளனர். ஜெயலலிதாவால் கட்சியில் இருந்து நீக்கப்பட்டு, கட்சியில் எந்த ஒரு அடிப்படை பொறுப்பிலும் இல்லாத இவர்கள், இது போன்று பேசுவதை, அ.தி.மு.க., தொண்டர்கள் மற்றும் நிர்வாகிகள் வன்மையாக கண்டிக்கிறோம்.மேலும், திவாகரன், 'தமிழகத்தில் திராவிடர் ஆட்சி அமைந்துள்ளது, ஆரியர் ஆட்சி முடிந்துள்ளது' என்று பேசியுள்ளார். இது போன்ற வார்த்தைகளை, கருணாநிதி மற்றும் வீரமணி மட்டுமே பேசி வருகின்றனர். பார்ப்பன இனத்தைச் சேர்ந்த ஜெயலலிதாவை, ஜாதியை பார்க்காமல் அனைத்து தொண்டர்களும் கடவுளாக பார்த்தோம். திவாகரன் இது போன்று பேசியுள்ளது ஜெயலலிதாவுக்கு எதிராக உள்ளது. பன்னீருக்கு பாராட்டு ஜெயலலிதாவால் நியமிக்கப்பட்ட முதல்வர் பன்னீர்செல்வம், அவருக்கு பின் முதல்வராக சிறப்பாக பணியாற்றி வருகிறார்; பொதுமக்கள் எளிமையாக சந்திக்கும் முதல்வராக அவர் செயல்படுகிறார். 'வர்தா' புயலின் போது நேரில் பார்வையிட்டு மீட்புப் பணிகளை மேற்கொண்டார்; மேலும், முன்னெச்சரிக்கை நடவடிக்கையும் மேற்கொண்டார்.சென்னை மக்களின் குடிநீர் தேவைக்கு, ஆந்திர முதல்வரை சந்தித்து, கிருஷ்ணா நதி நீர் கிடைக்க நடவடிக்கை மேற்கொண்டுள்ளார். இவ்வாறு சிறப்பாக செயல்படும் முதல்வர் பன்னீருக்கு நெருக்கடி கொடுக்கும் வகையில், சிலர் செயல்படுகின்றனர். திவாகரன் பேச்சு, புதிதாக பொறுப்பேற்றிருக்கும், அ.தி.மு.க., பொதுச் செயலர் சசிகலாவுக்கு, தர்ம சங்கடத்தை ஏற்படுத்தி உள்ளது.அ.தி.மு.க.,வை கைப்பற்ற திவாகரன் மற்றும் நடராஜன் முயற்சி மேற்கொண்டு வருகின்றனர். அ.தி.மு.க.,வை கைப்பற்றவும், அழிக்கவும் என்னை போன்ற ஒன்றரை கோடி தொண்டர்கள், உயிர் உள்ளவரை விடமாட்டார்கள்.இவ்வாறு அவர் கூறினார். கே.பி.முனுசாமியின் இந்த பேட்டி, சசிகலாவுக்கு மறைமுக எச்சரிக்கை விடுப்பதாக இருக்கிறது என, கட்சியினர் மத்தியில் பரவலாக பேசப்படுகிறது. மேலும், முதல்வர் பன்னீர்செல்வத்துக்கு ஆதரவாக இவரும், பண்ருட்டி ராமச்சந்திரனும் பேசி இருப்பதாலும், ஏற்கனவே, 'எளிமையானவர்' என்ற பெயரை பன்னீர் பெற்றிருப்பதாலும், அவருக்கு மேலும் ஆதரவாளர்கள் கூடி, தனி அணி உருவாகும் சூழல் ஏற்படலாம். - நமது நிருபர் - http://www.dinamalar.com/news_detail.asp?id=1691804
  9. உலகின் மிகப்பெரிய கிரிக்கெட் ஸ்டேடியம்: குஜராத்தில் இன்று அடிக்கல் நாட்டப்பட்டது குஜராத் மாநிலம் அகமதாபாத்தில் ரூ.700 கோடி செலவில் உலகின் மிகப்பெரிய கிரிக்கெட் ஸ்டேடியம் அமைப்பதற்கு அடிக்கல் நாட்டப்பட்டுள்ளது. அகமதாபாத்: குஜராத் மாநிலம் அகமதாபாத் நகரின் மோதிரா பகுதியில் இருந்த சர்தார் பட்டேல் ஸ்டேடியம் 54 ஆயிரம் பேர் அமர்ந்து போட்டியை பார்க்கும் வகையில் உருவாக்கப்பட்டிருந்தது. இதில் பல்வேறு சர்வதேச போட்டிகள் நடைபெற்றுள்ளன. மிக பழமையான இந்த ஸ்டேடியத்தை இடித்துவிட்டு உலகின் மிகப்பெரிய ஸ்டேடியமாக உருவாக்குவதற்கு முடிவு செய்யப்பட்டது. அதன்படி சமீபத்தில் அந்த ஸ்டேடியம் இடிக்கப்பட்டது. இந்நிலையில், புதிய ஸ்டேடியம் அமைப்பதற்கான அடிக்கல் நாட்டு விழா இன்று நடைபெற்றது. விழாவில் குஜராத் கிரிக்கெட் சங்க துணைத்தலைவர் பரிமள் நத்வானி மற்றும் அதிகாரிகள் கலந்துகொண்டு அடிக்கல் நாட்டினர். சுமார் 700 கோடி ரூபாய் செலவில் இந்த ஸ்டேடியத்தை அமைக்க திட்டமிடப்பட்டுள்ளது. இரண்டு ஆண்டுகளில் கட்டுமானப் பணிகள் முடிக்கப்பட்டு ஸ்டேடியம் தயாராகிவிடும் என குஜராத் கிரிக்கெட் சங்க துணைத்தலைவர் பரிமள் நத்வானி அறிவித்தார். 90 ஆயிரம் பேர் அமரும் வசதி கொண்ட உலகின் மிகப்பெரிய ஸ்டேடியமாக உள்ள மெல்போர்ன் ஸ்டேடியத்தைவிட (ஆஸ்திரேலியா) மோதிராவில் அமைய உள்ள ஸ்டேடியம் மிகப்பெரியது. இதில், 1.10 லட்சம் இருக்கைகள் அமைக்கப்படும். மெல்போர்ன் ஸ்டேடியத்தை வடிவமைத்த நிறுவனம்தான் இந்த ஸ்டேடியத்தையும் வடிவமைக்கிறது என்றும் பரிமள் நத்வானி கூறினார். http://www.maalaimalar.com/News/Sports/2017/01/16220720/1062485/Foundation-stone-laid-for-worlds-biggest-cricket-stadium.vpf
  10. டுவிட்டர் கணக்கை மூட மாட்டேன், டொனால்டு டிரம்ப் திட்டவட்டம் அமெரிக்க அதிபராக பொறுப்பேற்ற பின்னர் தனது டுவிட்டர் கணக்கை மூட மாட்டேன் என டொனால்டு டிரம்ப் தெரிவித்துள்ளார். வாஷிங்டன்: அமெரிக்க அதிபராக உள்ள பராக் ஒபாமாவின் பதவிக்காலம் வரும் 20-ம் தேதியுடன் முடிவடைகிறது. அவரையடுத்து 44-வது அதிபராக டொனால்டு டிரம்ப் பதவியேற்க உள்ளார். அமெரிக்க அதிபருக்கென பிரத்யேக டுவிட்டர் கணக்கு தற்போது உள்ளது. மேலும், அமெரிக்க அதிபராக உள்ளவர்களின் தனிப்பட்ட தகவல்களை அந்நாட்டு அரசு கவனத்துடன் பாதுகாப்பாக பராமரிக்கப்பட்டு வருகிறது. இதனிடையே அதிபராக பதவியேற்ற உடன் தனது டுவிட்டர் கணக்கை மூடிவிட போவதில்லை, தொடர்ந்து கருத்துக்களை டுவிட்டர் மூலமாக தெரிவித்து வருவேன் என அவர் தெரிவித்துள்ளார். http://www.maalaimalar.com/News/TopNews/2017/01/16211615/1062483/DonaldTrump-says-he-has-no-plans-to-quit-twitter-even.vpf
  11. ஐரோப்பிய நாடுகளின் ஒற்றுமையே சிறந்த பாதுகாப்பு : டிரம்புக்கு ஏங்கெலா மெர்கல் பதிலடி டொனால்ட் டிரம்ப் கூறிய கருத்துக்களுக்கு எதிரான சிறந்த தற்காப்பு என்பது ஐரோப்பிய ஒற்றுமைதான் என்று ஜெர்மனி சான்சலர் ஏங்கெலா மெர்கல் கூறியுள்ளார். ஐரோப்பிய நாடுகளின் ஒற்றுமையே சிறந்த பாதுகாப்பு : ஏங்கெலா மெர்கல் ஐரோப்பிய ஒன்றியத்தில் இருந்து பிரிட்டன் வெளியேறியது குறித்து புகழ்ந்து பேசிய அமெரிக்க அதிபராக தேர்ந்தெடுக்கப்பட்டுள்ள டொனால்ட் டிரம்ப், ஐரோப்பிய ஒன்றியம் வீழ்ச்சியின் விளிம்பில் இருப்பதாக கருத்து தெரிவித்திருந்தார். ஐரோப்பா தனது சுய அடையாளத்திற்காகவும், 21 ஆம் நூற்றாண்டின் சவால்களை எதிர்கொள்ளத் தேவையான கொள்கைகளுக்காகவும் போராட வேண்டும் என்று மெர்கல் கூறியுள்ளார். ஒரு மில்லியனுக்கு அதிகமான குடியேறிகளை ஜெர்மனிக்குள் நுழைய அனுமதித்தது பேரழிவு ஏற்படுத்தும் தவறு என்று கூறிய டிரம்பின் கருத்துக்கு ஜெர்மன் துணை சான்சலரான சிக்மர் கேப்ரியல், கடுமையான பதிலுரை ஒன்றை வெளியிட்டுள்ளார். மத்திய கிழக்கு நாடுகளில் அமெரிக்கர்களின் நடவடிக்கையானது குடியேறிகள் நெருக்கடியை ஏற்படுத்தியதாக கேப்ரியல் தெரிவித்துள்ளார். http://www.bbc.com/tamil/global-38643767
  12. வாழைத்தண்டு ரெசிப்பி * வாழைத்தண்டு சாலட் * வாழைத்தண்டு பொரியல் * வாழைத்தண்டு சட்னி * வாழைத்தண்டு கூட்டு * வாழைத்தண்டு சூப் * வாழைத்தண்டு லோலா * வாழைத்தண்டு - சீஸ் உருண்டை * வாழைத்தண்டு புலாவ் * வாழைத்தண்டு ஊறுகாய் * வாழைத்தண்டு வடை * வாழைத்தண்டு - கீரை - முட்டை புஜியா வாழைத்தண்டு என்றவுடனே ‘ஹைய்’ என்பவர்களுக்கு சுவாரஸ்யமான ரெசிப்பிகளை வழங்கியிருக்கிறார், திருநெல்வேலியை சேர்ந்த ஹசினா செய்யது. வாழைத்தண்டு சாலட் தேவையானவை: நறுக்கி அவித்த வாழைத்தண்டு - 50 கிராம் முளைகட்டி, அவித்த பச்சைப் பயறு - 2 டீஸ்பூன் தேங்காய்த் துருவல் - 3 டீஸ்பூன் எலுமிச்சைச் சாறு - ஒரு டீஸ்பூன் சீரகத்தூள் - ஒரு சிட்டிகை நறுக்கிய கொத்தமல்லித்தழை - அரை டீஸ்பூன் உப்பு - தேவையான அளவு செய்முறை: கொடுக்கப்பட்டுள்ள அனைத்துப் பொருட்களையும் ஒரு பாத்திரத்தில் சேர்த்து நன்றாகக் கிளறி, பிறகு தேவையான அளவு உப்பு போட்டு காலை அல்லது மாலை வேளையில் சாப்பிடலாம். வாழைத்தண்டு பொரியல் தேவையானவை: நறுக்கிய வாழைத்தண்டு - 250 கிராம் நறுக்கிய சின்ன வெங்காயம் - ஒரு டேபிள்ஸ்பூன் கடலைப்பருப்பு - 50 கிராம் வறுத்த அரிசித்தூள் - ஒரு டீஸ்பூன் தேங்காய்த் துருவல் - 3 டீஸ்பூன் நறுக்கிய பச்சை மிளகாய் - ஒரு டீஸ்பூன் கடுகு, உளுத்தம்பருப்பு, கறிவேப்பிலை - சிறிதளவு பெருங்காயத்தூள் - ஒரு சிட்டிகை தண்ணீர் - 80 மில்லி நறுக்கிய கொத்தமல்லித்தழை - 2 டீஸ்பூன் நல்லெண்ணெய் - ஒரு டீஸ்பூன் உப்பு - தேவைக்கேற்ப செய்முறை: 50 மில்லி தண்ணீரைக் கொதிக்கவைத்து இறக்கி, அதில் கடலைப்பருப்பை அரை மணி நேரம் ஊறவைக்கவும். அடுப்பில் வாணலியை வைத்து தண்ணீர் வடித்த கடலைப்பருப்பு, நறுக்கிய வாழைத்தண்டு, மீதமிருக்கும் 30 மில்லி தண்ணீர், உப்பு சேர்த்து அடுப்பில் வைத்து 15 நிமிடம் வேகவைத்து இறக்கவும். மற்றொரு வாணலியை அடுப்பில் வைத்து நல்லெண்ணெய் சேர்த்துச் சூடானதும் கறிவேப்பிலை, கடுகு, உளுத்தம்பருப்பு சேர்த்துத் தாளிக்கவும். அதனுடன் நறுக்கிய சின்ன வெங்காயம், பச்சை மிளகாய், பெருங்காயத்தூள் சேர்த்து வதக்கவும். வேகவைத்த வாழைத்தண்டு - கடலைப்பருப்பு கலவையை இத்துடன் சேர்க்கவும். பிறகு, வறுத்த அரிசித்தூள், தேங்காய்த் துருவல், கொத்தமல்லித்தழை தூவி இறக்கி பரிமாறவும். குறிப்பு: வறுத்த அரிசித்தூள் என்பது, அரிசியை வெறும் வாணலியில் சிவக்க வறுத்து ஆறியதும் மிக்ஸியில் பொடியாக்கவும். வாழைத்தண்டு சட்னி தேவையானவை: நறுக்கிய வாழைத்தண்டு - கால் கப் தேங்காய்த் துருவல் - கால் கப் பச்சை மிளகாய் - 4 பூண்டு - ஒரு பல் தோல் நீக்கிய இஞ்சி - ஒரு சிறு துண்டு கடுகு, உளுத்தம்பருப்பு - தலா அரை டீஸ்பூன் கறிவேப்பிலை - சிறிதளவு தண்ணீர் - தேவையான அளவு நல்லெண்ணெய் - ஒரு டீஸ்பூன் உப்பு - தேவையான அளவு செய்முறை: கொடுத்துள்ளவற்றில் எண்ணெய், கடுகு, உளுத்தம்பருப்பு, கறிவேப்பிலை தவிர்த்து மற்ற அனைத்துப் பொருட்களையும் மிக்ஸியில் ஒன்றாகச் சேர்த்து, கொரகொரப்பாக அரைக்கவும். உப்பு, காரம் சரிபார்க்கவும். அடுப்பில் வாணலியை வைத்து எண்ணெய் சேர்த்து சூடாக்கி, கடுகு, உளுத்தம்பருப்பு, கறிவேப்பிலை சேர்த்துத் தாளித்து, அரைத்த சட்னியுடன் சேர்த்துக் கலந்து பரிமாறவும். குறிப்பு: வாழைத்தண்டை வேகவைக்காமல்தான் சட்னி அரைக்க வேண்டும். என்னதான் நார் உரித்தாலும் அரைக்கும்போது நார் வரத்தான் செய்யும். தாளித்து கொட்டுவதால், சாப்பிடும்போது பச்சையாக சாப்பிடுகின்ற உணர்வு வராது. அந்தளவுக்கு சாப்பிட சுவையாக இருக்கும். உடல்நலன் விரும்பிகளுக்கு இந்த சட்னி மிகவும் பிடிக்கும். வாழைத்தண்டு கூட்டு தேவையானவை: நறுக்கிய வாழைத்தண்டு - 100 கிராம் பாசிப்பருப்பு - 100 கிராம் தக்காளி - 2 பச்சை மிளகாய் - ஒன்று சீரகத்தூள் - கால் டீஸ்பூன் பெருங்காயத்தூள் - ஒரு சிட்டிகை மஞ்சள்தூள் - கால் டீஸ்பூன் கறிவேப்பிலை - சிறிது கடுகு, உளுத்தம்பருப்பு - தலா அரை டீஸ்பூன் தண்ணீர் - 200 மில்லி நல்லெண்ணெய் - 2 டீஸ்பூன் உப்பு - தேவையான அளவு செய்முறை: பாசிப்பருப்பை வெறும் கடாயில் பொன்னிறமாக வறுத்துக் கொள்ளவும். ஆறியதும் கழுவி குக்கரில் சேர்க்கவும். இத்துடன் தேவையான அளவு தண்ணீர், மஞ்சள்தூள், ஒரு துளி நல்லெண்ணெய் சேர்த்து ஒரு விசில் வரும்வரை வேகவிடவும். தக்காளியைப் பொடியாக நறுக்கவும். பச்சை மிளகாயைக் கீறவும். வாணலியை அடுப்பில் வைத்து, அதில் நறுக்கிய வாழைத்தண்டு, தக்காளி, பச்சை மிளகாய் தேவையான அளவு உப்பு, 200 மில்லி தண்ணீர் சேர்த்து வேகவிடவும். வாழைத்தண்டு முக்கால் பதம் வெந்ததும், வேகவைத்த பாசிப்பருப்பை கலந்து கொதிக்கவிடவும். அடுப்பில் மற்றொரு வாணலியை வைத்து நல்லெண்ணெய் விட்டு சூடாக்கி கடுகு, உளுத்தம்பருப்பு, கறிவேப்பிலை, சீரகத்தூள், பெருங்காயத்தூள் சேர்த்து தாளிக்கவும். இத்துடன் வெந்த வாழைத்தண்டு - பாசிப்பருப்பு கலவையைச் சேர்த்துக் கிளறிப் பரிமாறவும். வாழைத்தண்டு சூப் தேவையானவை: நறுக்கிய வாழைத்தண்டு - 250 கிராம் நறுக்கிய சிவப்புக் குடமிளகாய் - 100 கிராம் நறுக்கிய தக்காளி - 100 கிராம் சீரகம் - ஒரு டீஸ்பூன் கறிவேப்பிலை - சிறிதளவு பெருங்காயத்தூள் - ஒரு சிட்டிகை நறுக்கிய கொத்தமல்லித்தழை - ஒரு டீஸ்பூன் தண்ணீர் - 2 கப் எலுமிச்சைச் சாறு - 2 டீஸ்பூன் நல்லெண்ணெய் - ஒரு டீஸ்பூன் உப்பு, மிளகுத்தூள் - தேவைக்கேற்ப செய்முறை: நறுக்கிய வாழைத்தண்டு, குடமிளகாய், தக்காளியை குக்கரில் சேர்த்து, 2 கப் தண்ணீர் விட்டு ஒரு விசில் வரும் வரை வேக விட்டு இறக்கவும் (கலவை நன்றாக மசிந்து இருக்க வேண்டும்). கலவையை ஆறவைத்து மிக்ஸியில் அரைத்து வடிகட்டி சாறு எடுக்கவும். வாணலியை அடுப்பில் வைத்து நல்லெண்ணெய் விட்டு சூடாக்கி சீரகம், கறிவேப்பிலை, பெருங்காயத்தூள் சேர்த்துத் தாளிக்கவும். அதில் வடிகட்டிய சாற்றைச் சேர்த்து உப்பு, மிளகுத்தூள், சூப்புக்கு தேவையான அளவு தண்ணீர் (சூப் அதிக கெட்டியாக இருந்தால் மட்டும்) சேர்த்துக் கொதிக்கவிடவும். சூப் பதம் வந்ததும் அடுப்பிலிருந்து இறக்கி, எலுமிச்சைச் சாறு, நறுக்கிய கொத்தமல்லித்தழை சேர்த்துச் சூடாகப் பரிமாறவும். வாழைத்தண்டு லோலா தேவையானவை: நறுக்கிய வாழைத்தண்டு - ஒரு கப் உரித்த பச்சைப் பட்டாணி - ஒரு கப் அரிசி மாவு - ஒரு கப் தண்ணீர் - ஒன்றேகால் கப் பச்சை மிளகாய் - 2 பூண்டு - 2 பல் சீரகம் - ஒரு டீஸ்பூன் கொத்தமல்லித்தழை - ஒரு டீஸ்பூன் உப்பு - தேவையான அளவு செய்முறை: அடுப்பில் வாணலியை வைத்து ஒன்றேகால் கப் தண்ணீருடன், கால் டீஸ்பூன் உப்பு சேர்த்துக் கொதிக்கவிடவும். இத்துடன் அரிசி மாவை கொஞ்சம் கொஞ்சமாக சேர்த்து கெட்டிபடாமல் கிளறவும். தீயை மிதமாக்கி அரிசி மாவு வேகும் வரை கிளறி இறக்கவும். ஆறியதும் சப்பாத்தி மாவு பதத்துக்கு பிசைந்து மூடி போட்டு வைக்கவும். அடுப்பில் வாணலியை வைத்து நறுக்கிய வாழைத்தண்டு, பச்சைப் பட்டாணி, உப்பு, தண்ணீர் சேர்த்து, வேகவைத்து இறக்கி ஆறவைக்கவும். ஆறிய கலவையுடன் பச்சை மிளகாய், பூண்டு, சீரகம் சேர்த்து மிக்ஸியில் அரைக்கவும். அரைத்த விழுதுடன் நறுக்கிய கொத்தமல்லித்தழை சேர்த்துக் கலந்து வைக்கவும். அரிசி மாவை உருண்டையாக உருட்டி, ஒரு உருண்டையை கையில் வைத்துப் பரப்பி, நடுவில் வாழைத்தண்டு - பச்சைப் பட்டாணிக் கலவையை வைத்து, அரைவட்டமாக மடிக்கவும். இதேபோல் எல்லா உருண்டைகளையும் செய்யவும். பின்னர் அவற்றை இட்லி பாத்திரத்தில் வைத்து 15 - 20 நிமிடங்கள் ஆவியில் வேகவைத்து எடுத்து, விரும்பிய சட்னியுடன் பரிமாறவும். வாழைத்தண்டு - சீஸ் உருண்டை தேவையானவை: பொடியாக நறுக்கிய வாழைத்தண்டு - ஒரு கப் மோர் - 1 டம்ளர் மொசரல்லா சீஸ் - ஒன்றேகால் கப் வேகவைத்த உருளைக்கிழங்கு - 2 பெரிய வெங்காயம் - ஒன்று தேங்காய்த் துருவல் - ஒரு கைப்பிடி அளவு நறுக்கிய முந்திரிப்பருப்பு - ஒரு டீஸ்பூன் நறுக்கிய பாதாம் - ஒரு டீஸ்பூன் பச்சை மிளகாய் - 2 இஞ்சி-பூண்டு விழுது - கால் டீஸ்பூனில் பாதி சீரகத்தூள் - 2 சிட்டிகை மிளகாய்த்தூள் - 2 சிட்டிகை கரம் மசாலாத்தூள் - 2 சிட்டிகை கார்ன்ஃப்ளார் மாவு - அரை கப் கார்ன்ஃபிளேக்ஸ் - 2 கப் எண்ணெய் - தேவையான அளவு உப்பு - தேவையான அளவு செய்முறை: நறுக்கிய வாழைத்தண்டை ஒரு டம்ளர் மோரில் ஊறவைக்கவும். பெரிய வெங்காயம், பச்சை மிளகாயை பொடியாக நறுக்கவும். கார்ன்ஃப்ளார் மாவை, கால் கப் தண்ணீரில் கரைத்து வைக்கவும். உருளைக்கிழங்கை மசிக்கவும். மசித்த உருளைக்கிழங்கு, மோரில் ஊறிய வாழைத்தண்டு, நறுக்கிய பெரிய வெங்காயம் மற்றும் பச்சை மிளகாய், முந்திரி, பாதாம், தேங்காய்த் துருவல், இஞ்சி-பூண்டு விழுது, கரம் மசாலாத்தூள், சீரகத்தூள், மிளகாய்த்தூள், உப்பு அனைத்தையும் ஒரு பாத்திரத்தில் ஒன்றாகச் சேர்த்துப் பிசைந்து, சிறு சிறு உருண்டைகளாக உருட்டவும். உருட்டிய உருண்டையின் நடுவில் ஒரு குழியிட்டு, அதில் ஒரு சதுர வடிவ மொசரல்லா சீஸ் துண்டை வைத்து மூடவும். இதேபோல் மீதமிருக்கும் அனைத்து உருண்டைகள் உள்ளேயும் சீஸ் வைத்து மூடவும். பிறகு, கார்ன்ஃப்ளார் கரைசலில் முக்கியெடுத்து, கார்ஃப்ளேக்ஸில் புரட்டி தனியாக வைக்கவும். இப்படி எல்லா உருண்டைகளையும் செய்த பிறகு ஃப்ரிட்ஜில் 10 நிமிடம் வைத்தெடுக்கவும். அடுப்பில் வாணலியை வைத்து எண்ணெய் சேர்த்துக் காய்ந்ததும், வாழைத்தண்டு உருண்டைகளைச் சேர்த்துப் பொன்னிறமாகப் பொரித்து எடுக்கவும். பிறகு, சூடாக சாஸ் அல்லது மயோனைஸுடன் பரிமாறவும். வாழைத்தண்டு புலாவ் தேவையானவை: பாஸ்மதி அரிசி - ஒரு கப் நறுக்கிய வாழைத்தண்டு - ஒன்றரை கப் மோர் - ஒரு கப் + சிறிதளவு (வாழைத்தண்டை ஊற வைக்க) தண்ணீர் - ஒரு கப் சீரகத்தூள் - கால் டீஸ்பூன் மல்லித்தூள் (தனியாத்தூள்) - ஒரு டீஸ்பூன் மிளகாய்த்தூள் - அரை டீஸ்பூன் மஞ்சள்தூள் - கால் டீஸ்பூன் பெரிய வெங்காயம் - ஒன்று பிரிஞ்சி இலை - ஒன்று பட்டை - ஒரு சிறிய துண்டு கிராம்பு, ஏலக்காய் - தலா 2 நறுக்கிய கொத்தமல்லித்தழை - 2 டேபிள்ஸ்பூன் இஞ்சி-பூண்டு விழுது - கால் டீஸ்பூன் நெய் - 2 டீஸ்பூன் உப்பு - தேவையான அளவு புதினா - சிறிதளவு செய்முறை: பெரிய வெங்காயத்தை நறுக்கவும். பாஸ்மதி அரிசியை 10 நிமிடங்கள் தண்ணீரில் ஊறவைக்கவும். நறுக்கிய வாழைத்தண்டை மோரில் ஊறவைத்து, மோரை வடித்துவிட்டு, குக்கரில் சேர்த்து 2 விசில் வரும் வரை வேகவைத்து எடுக்கவும். அடுப்பில் குக்கரை வைத்து நெய் சேர்த்துச் சூடானதும் பட்டை, கிராம்பு, ஏலக்காய், பிரிஞ்சி இலை சேர்த்துத் தாளிக்கவும். அதனுடன் நறுக்கிய பெரிய வெங்காயம், இஞ்சி-பூண்டு விழுது சேர்த்து பச்சை வாசனை நீங்கும்வரை வதக்கவும். இத்துடன் வேகவைத்த வாழைத்தண்டு, உப்பு, சீரகத்தூள், மல்லித்தூள் (தனியாத்தூள்), மிளகாய்த்தூள், மஞ்சள்தூள் சேர்த்து 2 நிமிடம் வதக்கவும். ஒரு கப் மோர் மற்றும் ஒரு கப் தண்ணீர் சேர்த்துக் கொதிக்கவிடவும் (மோரும் வாழைத்தண்டும் சேர்ந்து அரிசியில் இரண்டு மடங்காக இருக்கும்படி பார்த்துக்கொள்ளவும்). ஊறிய பாஸ்மதி அரிசியை கொதிக்கும் கலவையில் சேர்த்து, அரிசி உடையாமல் கிளறி, நறுக்கிய கொத்தமல்லித்தழை, புதினா சேர்த்து மூடிப்போட்டு ஒரு விசில் வரும் வரை வேகவிடவும். பிறகு அடுப்பை அணைத்து, உடனே இறக்கி, பிரஷர் நீங்கியதும் சூடாக தயிர் பச்சடியுடன் பரிமாறவும். வாழைத்தண்டு ஊறுகாய் தேவையானவை: வாழைத்தண்டு - 4 கப் (நறுக்கியது) நல்லெண்ணெய் - முக்கால் கப் பூண்டு - 20 பல் நறுக்கவும் இஞ்சி - 2 துண்டு (ஒரு இஞ்ச் அளவு) நறுக்கவும் கறிவேப்பிலை - சிறிதளவு மஞ்சள்தூள் - 1 டீஸ்பூன் மிளகாய்த்தூள் - 2 டேபிள்ஸ்பூன் வெந்தயத்தூள் - 1 டீஸ்பூன் பெருங்காயத்தூள் - 1 டீஸ்பூன் உப்பு - தேவைக்கேற்ப வினிகர் - அரை கப் கடுகு - 1 டீஸ்பூன் செய்முறை: நறுக்கிய வாழைத்தண்டை ஆவியில் 10 நிமிடங்கள் வேகவைத்து எடுக்கவும். வாணலியில் நல்லெண்ணெயைச் சூடாக்கி, கடுகு சேர்த்து வெடிக்கவிடவும். இத்துடன் நறுக்கிய இஞ்சி மற்றும் பூண்டைச் சேர்த்து பொன்னிறமாகும் வரை வதக்கவும். பிறகு, வாழைத்தண்டை சேர்த்து 5 நிமிடங்கள் வதக்கவும். இதனுடன் மஞ்சள்தூள், மிளகாய்த்தூள், வெந்தயத்தூள் பெருங்காயத்தூள், கறிவேப்பிலை மற்றும் உப்பு சேர்த்து மிதமான தீயில் ஐந்து நிமிடங்கள் வதக்கவும். எண்ணெய் பிரிந்து வரும்போது அடுப்பில் இருந்து இறக்கி நன்றாக ஆறவிடவும். ஆறிய ஊறுகாயின் மேல் வினிகரை ஊற்றி கலக்கவும். சுத்தமான, ஈரம் இல்லாத ஊறுகாய் ஜாடியில் வைத்து உபயோகிக்கவும். வாழைத்தண்டு வடை தேவையானவை: நறுக்கிய வாழைத்தண்டு - ஒரு கப் காய்ந்த பட்டாணி - 2 கப் காய்ந்த மிளகாய் - 6 சின்ன வெங்காயம் - ஒரு கைப்பிடி அளவு பச்சை மிளகாய் - 2 சோம்பு - ஒரு டீஸ்பூன் தோல் நீக்கிய இஞ்சி - கால் இஞ்ச் துண்டு கேரட் - ஒன்று பல்லாக நறுக்கிய தேங்காய் - 2 டேபிள்ஸ்பூன் எண்ணெய் - பொரிக்கத் தேவையான அளவு உப்பு - தேவையான அளவு செய்முறை: சின்ன வெங்காயம், பச்சை மிளகாய், இஞ்சி, கேரட் ஆகியவற்றை பொடியாக நறுக்கவும். காய்ந்த பட்டாணியை இரண்டு மணி நேரம் ஊறவிடவும். அதிலிருந்து 2 டேபிள்ஸ்பூன் ஊறிய பட்டாணியை எடுத்து தனியாக வைக்கவும். மீதம் உள்ள ஊறிய பட்டாணியுடன் காய்ந்த மிளகாய், சோம்பு, சிறிதளவு தண்ணீர் சேர்த்து மிக்ஸியில் கொரகொரப்பாக அரைக்கவும். கொடுக்கப்பட்டுள்ள பொருட்களில் மீதமிருப்பதில், எண்ணெய் தவிர, மற்ற அனைத்துப் பொருட்களையும் அரைத்த பட்டாணியுடன் சேர்த்துக் கலக்கவும். இத்துடன் தனியாக எடுத்து வைத்த 2 டேபிள்ஸ்பூன் ஊறிய பட்டாணியையும் கலந்துவிடவும். அடுப்பில் வாணலியை வைத்து எண்ணெய் சேர்த்துச் சூடாக்கி, அரைத்த கலவையை சிறு வடைகளாகத் தட்டிச் சேர்த்து, இருபுறமும் வேகவிட்டு பொன்னிறமாகப் பொரித்து எடுத்து சூடாகப் பரிமாறவும். வாழைத்தண்டு - கீரை முட்டை - புஜியா தேவையானவை: வாழைத்தண்டு - 1 (மீடியம் சைஸில் நறுக்கவும்) பெரிய வெங்காயம் - ஒன்று பச்சை மிளகாய் - 2 முருங்கைக் கீரை - ஒரு கப் முந்திரி - ஒரு டேபிள்ஸ்பூன் முட்டை - 3 மஞ்சள்தூள் - கால் டீஸ்பூன் மிளகாய்த்தூள் - கால் டீஸ்பூன் எண்ணெய் - தேவையான அளவு உப்பு - தேவைக்கேற்ப செய்முறை: பெரிய வெங்காயம் மற்றும் பச்சை மிளகாயைப் பொடியாக நறுக்கவும். நறுக்கிய வாழைத்தண்டை தண்ணீரில் ஊறவைக்கவும். அடுப்பில் வாணலியை வைத்து எண்ணெய் சேர்த்துச் சூடாக்கி, அதில் வாழைத்தண்டு துண்டுகளைச் சேர்த்து பொன்னிறமாக பொரித்து எடுக்கவும். மற்றொரு வாணலியில் 2 டேபிள்ஸ்பூன் எண்ணெய் விட்டு சூடாக்கி, நறுக்கிய பெரிய வெங்காயம் சேர்த்து சிவக்க வறுக்கவும். இத்துடன் முந்திரி சேர்த்து ஒரு நிமிடம் வதக்கவும். பிறகு, அதில் முருங்கைக் கீரை, பச்சை மிளகாய், மஞ்சள்தூள், மிளகாய்த்தூள், உப்பு சேர்த்துக் கிளறி, தண்ணீர் சேர்த்து 8 நிமிடங்கள் வதக்கவும். இத்துடன் பொரித்த வாழைத்தண்டை சேர்த்து, 3 நிமிடங்கள் பிரட்டவும். பிறகு கலவையை ஓரங்களில் ஒதுக்கவும். நடுவில் 2 டேபிள்ஸ்பூன் எண்ணெய் சேர்த்துச் சூடானதும், அதில் முட்டையை உடைத்து ஊற்றிக் கிளறவும். நன்றாக வெந்தவுடன் ஓரங்களில் ஒதுக்கிய கலவையை முட்டையுடன் கலந்து பிரட்டவும். இந்த சைடு டிஷ், சாதத்துக்கு பொருத்தமாக இருக்கும்.
  13. ஸ்ட்ரீட் கிரிக்கெட் அட்ராசிட்டி! சிறு வயதில் நாம் அனைவரும் கிரிக்கெட் விளையாடி இருப்போம். ஏரியா கிரிக்கெட்டில் ஐ.சி.சி விதிமுறைகளை மிஞ்சும் அளவுக்கு எக்கச் சக்க விதிமுறைகளைப் போட்டு கலாட்டா செய்திருப்போம். அங்கு நடக்கும் அட்ராசிட்டிகளைச் சொல்லவா? காமன்மேன் : ஒரு அணிக்கு 11 பேர் என்ற `ஸ்ட்ரிக்ட் ரூல்ஸ்' எல்லாம் `ஸ்ட்ரீட் கிரிக்கெட் ரூல்ஸ்'-ல் இல்லை. ஏரியாவில் விளையாடும்போது மொத்தம் எத்தனைப் பேர் வருவார்கள் என்று சொல்ல முடியாது. விளையாட வருபவர்களைச் சரி பாதியாகப் பிரித்து விளையாடுவதுதான் வழக்கம். இரண்டு பக்கமும் ஆள் எடுத்ததுக்குப் பிறகும் ஒரு நபர் மட்டும் கூடுதலாக இருந்தால், அவனை காமன்மேனாக விளையாட வைக்கும் கலாசாரத்தை நாம்தான் தொடங்கிவைத்தோம். காமன்மேனா இருக்கிறதுல என்ன பிரச்னைன்னா... அவனுக்கு பேட்டிங் மட்டும்தான் கிடைக்கும். பெளலிங் போட பந்தைத் தொடவே முடியாது. மற்றவர்கள் இரக்கப்பட்டால் விக்கெட் கீப்பராகி, பந்தைத் தொடும் பாக்கியம் கிடைக்கும். காமன்மேன் கடைசியாகத்தான் பேட்டிங் பிடிக்க வேண்டுமென்பது எழுதப்படாத `விதி' பாஸ். #ஆனால், நான் ரெண்டு டீம்லயும் ஓப்பனிங் பேட்ஸ்மேனா நின்னு போங்கு பண்ணி இருக்கேனே! அம்பயர் : விளையாடவே ஆள் வராதபோது, அம்பயருக்கு எங்கே போறது? பேட்டிங் பிடிக்கும் டீமிலிருந்து யாராவது ஒரு ஆள் அம்பயராக நிற்க வேண்டும். அதற்கும் நம்ம பசங்க ஒரு ட்விஸ்ட் வெச்சாங்க. ஓப்பனிங் பேட்ஸ்மேன்ஸ் யாராவது அவுட்டானால் அடுத்து பேட்டிங் பிடிக்கப்போகும் நபர்தான் அம்பயராக நிற்க வேண்டும். பேட்டிங் பிடிக்க வேண்டுமென்ற நப்பாசையில், அம்பயராக நிற்கும் நம்ம டீம் ஆளே சீக்கிரம் விக்கெட் விழ வேண்டுமென்று எல்லாக் கடவுள்களிடமும் வேண்டிக்கொண்டிருப்பான். #நான்லாம் எல்.பி.டபிள்யூலாம் கொடுப்பேனே! பேட்டிங் பிடிக்கும் நபர் பௌலிங் போடக்கூடாது: ஒருவன் பேட்டிங்கிலும், பெளலிங்கிலும் சகலகலா வல்லவனாக இருப்பான். அப்படி இருப்பவன் நிலைமை ரொம்பப் பாவம். ஏன்னா... ஓப்பனிங் பேட்ஸ்மேனா கெத்து காட்டிட்டு, பெளலிங் போடவந்தா பெரிய கலவரமே வெடிக்கும். `பேட்டிங் புடிச்சான்ல... ஓப்பனிங் பெளலிங் போடக்கூடாது' என்று நம்ம டீமிலிருந்தே சண்டைக்கு ஆள் கிளம்பி வருவார்கள். #நான்லாம் ஓவருக்கு 7 பால் போட்டிருக்கேனே! அம்மா சத்தியம் : டி.வி-யில் கிரிக்கெட் மேட்ச் நடந்தால், ரீ-ப்ளே போட்டுப்பார்த்து அதை அவுட்டா, இல்லையா என்று முடிவுக்கு வருவார்கள். ஆனால் இதெல்லாம் தெருவில் விளையாடும்போது சாத்தியமில்லை. அதற்குப் பதிலாக ரீ-ப்ளேவை விட மிகக் கொடூரமான `மெத்தட்' ஒன்று இருக்கிறது. அதுதான் `அம்மா சத்தியம்'. பொதுவாக இந்த மாதிரியான க்ளைம், ரன் அவுட்டுகளின் போதுதான் அதிகம் நடக்கும். அது அவுட்டா இல்லையான்னு பேட்ஸ்மேனுக்கு மட்டும்தான் தெரியும். பேட்ஸ்மேன்கிட்டேயே `டேய் அம்மா சத்தியம் பண்ணு, இது அவுட் தானே?' எனக் கேட்டு முடிவை அறிவிக்கும் சாமர்த்தியம் உலகத்துலயே கிடையாது. #நான்லாம் அழுதுடுவேனே! ஒன் பிட்ச் கேட்ச் : கிரிக்கெட்டை கிடைக்கும் சந்து பொந்தில் எல்லாம் விளையாடுவோம். அப்படி இடப்பற்றாக்குறையான இடத்தில் விளையாடும்போது `ஒன் பிட்ச் கேட்ச்' என்ற முத்தான ரூல்ஸைக் கொண்டு வருவோம். அதாவது பேட்ஸ்மேன் அடித்துப் பின்னர் அந்தப் பந்தை ஒருமுறை தரையில் குத்தவிட்டுப் பிடித்தாலும் பேட்ஸ்மேன் பெவிலியன் திரும்ப வேண்டும். #தூக்கி அடிச்சி அவுட் ஆவேனே! சுவரில் ஸ்டம்ப் : ஸ்டம்பை வைத்து விளையாடுவதில் சிக்கல் இருக்கிறது. அதனால் சுவரில் கரியால் மூன்று கோட்டை வரைந்து ஸ்டம்ப் உருவாக்கி, விளையாடிக்கொண்டிருப்போம். போல்டாகி விக்கெட் விழுந்தால், `இதோ பார்... பந்துல கரியோட அச்சு இருக்கு. இது அவுட்தான்' என்ற வாக்குவாதங்களெல்லாம் செம ஜாலியாக நடக்கும். #நான் எச்சி தொட்டு அழிச்சிடுவேனே! பந்தை அடித்தவன்தான் எடுத்து வரணும் : விளையாடும் இடத்தைச் சுற்றிலும் வீடுகளாகத்தான் இருக்கும். விளையாடும் சமயத்தில் யாராவது பந்தை வீட்டுக்குள் அடித்துவிட்டால், அவனேதான் அந்த வீட்டில் இருப்பவர்களிடம் சென்று கெஞ்சிக் கூத்தாடி பந்தை வாங்கி வர வேண்டும். அப்படி இல்லையென்றால், பேட்ஸ்மேன்தான் புது பந்து வாங்கித் தர வேண்டும். எதற்கும் சரிவரவில்லையென்றால் பந்தை அடிச்சவனை அடுத்த மேட்ச்ல ஊரைவிட்டு ஒதுக்கி வெச்சிருவாங்க. #பல்பை உடைச்சிருக்கேனே! லாஸ்ட் பால் சிங்கிள்ஸ் : இந்த அட்ராசிட்டியானது மிக அதிக அளவில் நடக்கும். ஒரு ஓவர் முழுக்க தானே ஆட வேண்டும் என்ற `நல்லெண்ணம்' கொண்ட ஆள், ஐந்து பந்தையும் ஆடி முடித்துவிட்டு கடைசி பந்தில் சிங்கிள்ஸ் அடித்து ஸ்ட்ரைக்கை மாற்றிவிட ஓடி வருவான். ஆனால் நம்ம பசங்கதான் தெளிவாச்சே! `சிங்கிள் வேணாம் மச்சான்'னு சொல்லி நின்றுவிடுவான். அது ஆட்டத்தின் எவ்வளவு முக்கியமான ரன்னாக இருந்தாலும் சரி. நம்ம பய ஒரு இன்ச் நகர மாட்டான். #பலவாட்டி பண்ணி இருக்கேனே! இன் ஆர் அவுட் : டாஸ் போட்டு ஆட்டத்தை ஆரம்பிப்பது வழக்கம். ஆனால், அப்போது ஒருவரிடமும் ஒரு ரூபாய்கூட இருக்காது. அப்படியே இருந்தாலும் எங்கே டாஸ் போடும்போது ஆட்டையைப் போட்டுவிடுவார்களோ என்ற பயத்தில் வெளியில் எடுக்காமல் கள்ள மெளனம் சாதிப்பார்கள் சிலர். அப்படிப்பட்ட இக்கட்டான சூழ்நிலையில் இந்த முறை பயன்படுத்தப்படும். கட்டை விரலுக்கும் கைக்கும் நடுவில் ஒரு சிறிய கல்லை வைத்து இன் ஆர் அவுட் என்று கேட்பதும், சிறிய கல்லில் எச்சில் துப்பி டாஸ் போடுவது தமிழ்நாட்டு கலாசாரம். #ஆட்டையப் போட்டிருக்கேனே! ஜெயிக்கிறவன் ஃபர்ஸ்ட் : காலையில் ஆரம்பிக்கும் ஆட்டம் மாலையானால்தான் ஓயும். அப்படித் தொடர்ந்து விளையாடும் பட்சத்தில், குறைந்தது மூன்றுக்கும் மேற்பட்ட ஆட்டங்களாவது நடக்கும். அதனால் யார் முதலில் பேட்டிங் பிடிப்பது என்ற கேள்வி வரும். அதைச் சரி செய்யும் வகையில்தான் இந்த ரூல். ஒரு மேட்ச் மட்டும் டாஸ் போட்டு முடிவு செய்துவிட்டு, அதற்குப் பின்வரும் ஆட்டத்தில் முந்தைய மேட்சில் யார் வெற்றி பெறுகிறார்களோ, அவர்கள்தான் அடுத்த மேட்சில் முதலில் பேட்டிங் பிடிக்கத் தகுதியானவர்கள். இதற்காகவே ஜெயித்தாக வேண்டுமென்று உயிரைக் கொடுத்து விளையாடுவார்கள். #ஆடி இருக்கேனே!
  14. யூடியூப் பகிர்வு: தடைக்கு தடைகேட்கும் சல்லிக்கட்டு'டா பாடல் ஜல்லிக்கட்டுக்கு ஆதரவாகவும் எதிர்ப்பாகவும் வெவ்வேறு மனநிலைகள் சிதறிக் கிடந்தாலும் 'நம்ம ஊர் விளையாட்டுக்கு யார்யாரெல்லாமோ வந்து தடைசொல்றாங்களே' என்று நினைக்கும்போது கோபம் வரத்தான் செய்கிறது. ஜல்லிக்கட்டை தங்கள் வாழ்க்கையோடு வாழ்க்கையாக கொண்டவர்களின் ஆதங்கத்தை அவர்கள் பேச்சின் வழியே புரிந்துகொள்ளமுடிகிறது. ஆனால் அதை எதிர்க்கும் அறிவுபூர்வமான வாதங்களை வைப்பதாக நினைத்துக்கொண்டு செயல்படும் அமைப்புகளும் அரசியல்வாதிகளும் வாதங்களை வைத்தாலும் புரிந்துகொள்வதில் சிக்கல் இல்லை. ஆனால் அவர்கள் வைக்கும் வாதம் அறிவு மற்றும் அதிகாரத்தின் கணுவிலிருந்து முளைத்த பிறிதொரு கொம்புஆகவே பார்க்கவேண்டியதாக இருக்கிறது. ''எதிலும் அரசியல் செய்யும் ஓட்டுக்காரனே கொஞ்சம் இங்கே வந்து உண்மை நிலை அறிவாயா?'' என்று கேட்கிறது ஒரு பாடல். சல்லிக் கட்டுடா என்று பெயரிடப்பட்ட அந்தப் பாடல் சமீபத்தில்தான் யூடியூப் தளத்தில் ஏற்றப்பட்டிருக்கிறது. ''அவன் யாரு இவன் யாரு சொல்ல! அவன் என்ன இவன் என்ன தடைபோட?'' என்று தொடங்கும்போதே ''அதானே'' நம்மையறியாமல் முணுமுணுத்தபடி முழுப்பாடலையும் கேட்க நிமிர்ந்து உட்காருகிறோம். தொகுக்கப்பட்ட சில புகைப்படங்களைக்கொண்டே முழுப்பாடலையும் பார்க்க வைத்துள்ளது இதன் சிறப்பு.... அதிலும் காளையைக் குளிப்பாட்டி அதன் நெற்றியில் முத்தமிடும் அந்த இளைஞனின் ஈடுபாடுதான் எவ்வளவு இனிமை! நடுகல்லில் மட்டுமே தற்போது வாழும் ஏறுதழுவிய இன்னொரு இளைஞனின் வீரம் எவ்வளவு அழகு! ஷ்வரன் இசையில் வடிவரசு வரிகளில், தமிழரின் உயிரில், உணர்வில் கலந்திட்ட சல்லிக்கட்டினை பாதுகாக்கத் துடிக்கும் அந்தப் பாடலை நீங்களும் கேளுங்களேன். http://tamil.thehindu.com/opinion/reporter-page/யூடியூப்-பகிர்வு-தடைக்கு-தடைகேட்கும்-சல்லிக்கட்டுடா-பாடல்/article9482803.ece
  15. ஜீ.எஸ்.பி வரிச் சலுகைக்காக படையினரை சிறையில் அடைக்க வேண்டாம் – ரதன தேரர் ஜீ.எஸ்.பி பிளஸ் வரிச் சலுகைத் திட்டத்தை பெற்றுக் கொள்வதற்காக படைவீரர்களை சிறையில் அடைக்க வேண்டாம் என பாராளுமன்ற உறுப்பினர் அதுரலிய ரதன தேரர் கோரியுள்ளார். யுத்தக் குற்றச் செயல்களின் அடிப்படையில் படையினர் கைது செய்யப்பட்டு சிறையில் அடைக்கப்படுவதனை ஏற்றுக் கொள்ள முடியாது என சுட்டிக்காட்டியுள்ள அவர் வரிச் சலுகையை பெற்றுக் கொள்வதற்காக பயங்கரவாதத்தை இல்லாதொழித்த படையினரை தண்டிக்க வேண்டுமா என அவர் கேள்வி எழுப்பியுள்ளார். கலப்பு நீதிமன்றமொன்றை அமைத்து விசாரணை நடத்துவதாக உறுதியளித்து இந்த வரிச் சலுகைத் திட்டம் பெற்றுக்கொள்ளப்படுவதாகத் தெரிவித்துள்ளார். இறுதிக் கட்ட யுத்தத்தில் இடம்பெற்ற மனித உரிமை மீறல்கள் மற்றும் மனிதாபிமான சட்ட மீறல்கள் தொடர்பில் விசாரணை நடத்துமாறு கோரி ஐக்கிய நாடுகள் மனித உரிமைப் பேரவையில் நிறைவேற்றப்பட்ட தீர்மானத்திற்கு இலங்கை அரசாங்கம் இணை அனுசரணை வழங்கியமை நியாயமற்றது என அவர் சுட்டிக்காட்டியுள்ளார். அனைத்து யுத்தங்களும் கொடூரமானது எனவும், பயங்கரவாதம் இல்லாதொழிக்கப்பட வேண்டுமெனவும் அவர் தெரிவித்துள்ளார். நல்லிணக்கத்தை தயார் எனவும் எந்தவொரு பிரஜையினதும் உரிமைகள் முடக்கப்படவில்லை எனவும் அரசாங்கம் சர்வதேச சமூகத்திற்கு அறிவிக்க வேண்டுமெனவும் அவர் வலியுறுத்தியுள்ளார். http://globaltamilnews.net/archives/13980