Athavan CH

கருத்துக்கள உறவுகள்
  • Content count

    9,884
  • Joined

  • Last visited

  • Days Won

    12

Athavan CH last won the day on September 6 2016

Athavan CH had the most liked content!

Community Reputation

997 பிரகாசம்

2 Followers

About Athavan CH

  • Rank
    Advanced Member
  • Birthday 05/20/1974

Profile Information

  • Gender
    Male
  • Location
    Swiss

Recent Profile Visitors

5,095 profile views
  1. சிலை வைக்கும் யோசனை வரும் போதே அதனைத் தடுத்திருக்க வேண்டியவர் நீங்கள். வரவு செலவு திட்டத்தில் பா.உறுப்பினர் ஒருவருக்கு ஒதுக்கப்படும் நிதி அவரது சொந்த பணமா அவர் நினைத்தபடி செலவு செய்வதற்கு...., எமது மக்களின் தேவைகள் மலை போல் குவிந்துள்ள போது அதற்கு கிடக்கும் நிதி வளமோ மிக மிகக் குறைவு , இந் நிலையில் வட , கிழக்கு மாகாணங்களை போரால் மிகப் பாதிக்கப்பட்ட பிரதேசமாக அறிவித்து, அம் மாகாண பா.உறுப்பினர் களுக்கு மேலதிகமாக நிதி ஒதுக்குமாறு அரசை கோர வேண்டிய நீங்கள் , அதைச் செய்யாது கிடைக்கும் அந்த அறப நிதியில் சிலை அமைப்பது எவ்வளவு கேவலம்..... எமது தாயகத்தில் பெண்களை தலைமையாக கொண்ட ஆயிரக்கணக்கான குடும்பங்கள் உள்ளன , அவர்கள் தங்கள் குடும்பங்களை நிர்வகிக்க மிகவும் கஸ்ட்டப் படுகிறார்கள், பல சிறுவர்கள் தமது பாடசாலை கல்வியைக் கைவிட்டு கூலி வேலைக்குப் போகிறார்கள்....., இந்த குடும்ப தலைவிகளை ஒன்றினைத்து மகளிர் சுய உதவிக் குழுக்களை உருவாக்கி அவர்களின் முன்னேற்றத்திற்கு உதவ முடியாதா? மகளிர் சுய உதவிக் குழுக்களுக்கு 1 அல்லது 2 எரிபொருள் நிரப்பு நிலையங்களை பெற்றுக் கொடுத்து அதன் மூலம் வருமானங்களைப் பெற்று அவர்களுக்கு உதவ முடியாதா? ஒரு பா.உறுப்பினரின் நிதி போதாவிடின் , மற்றய பா.உறுப்பினர்களின் நிதிகளையும் சேர்த்து இவ்வாறன திட்டங்களை முன்னெடுக்கலாமே..... வங்க தேசத்தினைச் சேர்ந்த பேராசிரியர் முகமது யூனுஸ் வறிய பெண்களை மையப்படுத்தி இப்படியான மகளிர் சுய உதவிக் குழுக்கள் , சிறு கடன் திட்டங்களை நடைமுறைப் படுத்தி தானே பெரிய மாற்றத்தினை ஏற்படுத்தினார், அதனால் தானே அவருக்கு நோபல் பரிசும் கிடைத்தது. மிகவும் நசுக்கப்பட்ட , பொருளாதர நிலையில் பின் தங்கிய ஒரு இனத்தின் பிரதிநிதிகளிடமிருந்து இப்படியான சிந்தனகள் ஊற்றெடுக்காமல் எவனோ ஒருவனுக்கு சிலை வைக்கும் வக்கிரம் எப்படி தோன்ற முடியும் சில வருடங்களுக்கு முன்னர் கேள்விப்பட்டது கணவனைத் தொலைத்த பெண் ஒருவர் எந்த நிவாரணமும் இன்றி ,கட்டாயம் வேலைக்கு போய்த்தான் குடும்பத்தினை காக்க வேண்டிய நிலையில் கூலி வேலைக்கு செல்ல , தனது மகளை பாதுகாப்புக்காக விடப்பட்ட இடத்தில் , அச் சிறுமி துஸ்பிரயோகத்திற்கு உட்படுத்த்ப் பட்டாள்....., ஒரு பக்கம் காணாமல் போன கணவன் , மறுபுறம் துஸ்பிரயோகத்திற்குள்ளான சிறுமி ... யோசித்துப் பாருங்கள் எவ்வளவு கொடுமை...... இப்படியான குடும்பங்கள் அதிகம் உள்ள பகுதியில் ஒரு சிறுவர் காப்பகம் ஒன்றை உருவாக்கி , வேலைக்கு போகும் பெண்கள் தங்கள் பிள்ளைகளை பாதுகாப்பாக விடக்கூடிய சூழலை உருவாக்கலாமே.... அண்மையில் எனது நண்பர் ஒருவர் ஊரிற்கு சென்றிருந்த போது..... அவர் நின்ற வீட்டில் இரு பெண் பிள்ளைகள் பாடசாலையிலிருந்து வீட்டிற்கு வந்தவுடன் அவசரப் பட்டு டொய்லெட்டுகு ஓடுவார்களாம்.... இதைத் தொடர்ந்து அவதானித்த நண்பர் ,பெற்ரோரிடம் விசாரித்த போது அவர்களின் பாடசாலையில் பெண்களுக்கென பிரத்தியோகமான மலசல கூட வசதி இல்லை எனச் சொன்ணாராம்....... எவ்வளவு கொடுமை வளர்ந்த பெண் பிள்ளைகள் படிக்கும் பாடசாலையில் மலசல கூட வசதி இல்லை, ஏன் இந்த பா.உறுப்பினர்களால் இப்படியான தேவைகளை நிறைவேற்ற முடியாதா..... என்ன மண்ணாங்கட்டிக்கு காந்தி சிலை? உங்களைப் பத்தி சுருக்கமாகக் கூறின் நீங்கள் எல்லாரும் இலங்கை பாராளுமன்றத்தில் அங்கம் வகிக்கும் இந்தியப் பிரதிநிதிகள்
  2. செல்பி அக்கம் பக்கம் பாகம் (49) இது நியாயமா ? வாரம் வாரம் அன்றாட வழக்கைக்கு தேவையான, முத்தான கருத்துக்களை மிக இயல்பாகவும், நகைச்சுவையாகவும் கொடுக்கும் நிகழ்ச்சி மன்மதன் பாஸ்கியின் செல்பி அக்கம் பக்கம். இவர் முன்வைக்கும் கருத்துக்கள் அனைத்தும் தற்போது ஒவ்வொருவரும் சமூகத்தில் சந்தித்துக் கொண்டிருக்கும் முக்கியமான பிரச்னைகள் ஆகும். இந்த வாரம் தன் மேல் பல குறைகளை வைத்து கொண்டு மேடையில் நீதி, ஜாதி தான் முக்கியம் என்று ஊரை ஏமாற்றும் ஒரு ஆசாமியை பற்றி பேசுகிறது செல்பி அக்கம் பக்கம்.
  3. அந்தமான் விவசாயம் 15: உணவுத் தன்னிறைவின் முதுகெலும்பு பொதுவாக அந்தமானில் பின்பற்றப்படும் வீட்டுத் தோட்டங்கள் ஐந்து அடுக்குத் தாவர வகைகளைக் கொண்டுள்ளன: வீட்டுத் தோட்டங்களின் அமைப்பு முதல் அடுக்கு (1 முதல் 2 மீட்டர் உயரம்) - ஒரு வருடப் பயிர்களான இஞ்சி, மஞ்சள், மரவள்ளி, சிறுகிழங்கு, சேனைக் கிழங்கு, அன்னாசிப்பழம். இரண்டாம் அடுக்கு (2 முதல் 5 மீட்டர் உயரம்) – சாதிக்காய், பட்டை, இலவங்கம், மற்ற உள்நாட்டு நறுமணப் பொருட்கள். மூன்றாம் அடுக்கு (5 முதல் 10 மீட்டர் உயரம்) – மா, புளி, தீவன மரங்கள் மற்றும் பல வகையான முந்திரி மரங்கள். நான்காம் அடுக்கு (10 முதல் 15 மீட்டர் உயரம்) – பாக்கு, பலா, இலவம் பஞ்சு, நாவல், பல வகையான வெப்பமண்டல மரங்கள். ஐந்தாம் அடுக்கு – தென்னை (பொதுவாக அந்தமான் மற்றும் கச்சால் உயரம் கொண்ட வகை), பல வகையான வெப்ப மண்டல மரங்கள். வேளாண் தன்னிறைவு இத்தகைய அடுக்குமுறை தோட்ட அமைப்பு அதிகச் சூரிய ஒளி, மண்ணின் சத்து, நீர் ஆகியவற்றை நன்கு பயன்படுத்திக்கொண்டு அதிக இடைவெளியின்றி நன்கு வளரக்கூடியது. இவ்வகையான தோட்டங்களின் பன்முகத்தன்மை உயிரினப் பன்மைத்தன்மையைக் காப்பதுடன், பல்வேறு வகை விளைப்பொருட்களைத் தருவதால் மக்களின் தேவைகள் பூர்த்தியாகின்றன. இத்தகைய பன்முகத்தன்மை கொண்ட வீட்டுத் தோட்டங்கள், அந்தமான் நிகோபார் தீவுகளின் இயற்கையின் பிரதிபலிப்பு எனலாம். இவ்வகையான வேளாண் காடுகள் சார்ந்த வீட்டுத்தோட்டங்கள் கோழி, வாத்துகள் வளர்ப்பதற்கு உதவியாக இருப்பதால் வீட்டுக்குத் தேவையான உணவுப் பொருட்கள் மட்டுமல்லாமல், விவசாய நிலைத்தன்மையையும் தன்னிறைவையும் தருகின்றன. இத்தகைய பன்முகத்தன்மை கொண்ட வீட்டுத்தோட்டங்கள் அந்தமான் தீவுகளின் உணவுத் தன்னிறைவுக்கான முதுகெலும்பென்றால் அது மிகையல்ல. சிலப்பதிகாரச் சிறப்பு இதற்கான மாதிரிகளைக் கேரளா, தமிழக மேற்குத் தொடர்ச்சி மலைப் பகுதிகளில் காண முடிகிறது. இதன் சிறப்புகளை ஐம்பெரும் காப்பியங்களில் ஒன்றான சிலப்பதிகாரத்திலும் காணமுடிகிறது. மழை அளவு, நீரின் கையிருப்பு, மண்ணின் தன்மைக்கேற்ப வேளாண் பன்முகத்தன்மை கொண்ட வீட்டுத் தோட்டங்களை அமைத்துக்கொண்டால், அவை சுற்றுச்சூழலையும் உடலையும் பேண உதவும் என்பதில் ஐயமில்லை. அந்தமான் விவசாயம் 16: அங்கக வேளாண்மையும் ஆரோக்கியமும் அங்கக வேளாண்மை என்பது நம் மண்ணுக்குப் புதிதல்ல. பண்டைத் தமிழ் நூல்களான பெரும்பாணாற்றுப்படையும் திருக்குறளும் அந்தக் கால வேளாண் முறைகளை விரிவாக எடுத்துரைக்கின்றன. எனவே, அது நம் பண்டைய கலாசாரத்தின் ஒரு பகுதி என்பதில் மாற்றுக் கருத்துக்கு இடமில்லை. வேளாண்மை: நேற்றும் இன்றும் அங்கக வேளாண்மை என்பது அங்ககக் கழிவு, நன்மை தரும் உயிரினங்களை வேளாண் பண்ணையில் பெருகச் செய்தோ அல்லது நேரடியாகப் பயன்படுத்தியோ மண்ணின் வளத்தைப் பாதுகாத்துச் சுற்றுச்சூழல் மாசுபடாமல் உணவு உற்பத்தி செய்வது. ஆனால் மக்கள்தொகைப் பெருக்கம், அந்நியர்களின் தவறான வேளாண் கொள்கைகள், இயற்கைக்குப் புறம்பான வேளாண் வளர்ச்சி மற்றும் பிற காரணங்களால் மண்ணின் வளம் சீர்கெட்டுச் சுற்றுச்சூழல் சீரழிந்துவிட்டது. இதன் மற்றொரு விளைவாகச் சமமற்ற அல்லது பற்றாக்குறை உணவை மக்கள் உட்கொள்ளும் நிலை ஏற்பட்டுவிட்டது. இதை நாம் சரிசெய்ய இயலாதா? ஏன் இந்த இடத்தில் அங்கக வேளாண்மை பற்றி பேசவேண்டும்? ஏனெனில், விளைச்சல் ஒன்றையே குறிக்கோளாகக் கொண்ட, தற்கால உணவு உற்பத்தி முறைகளில் மறைந்திருக்கும் மற்றொரு விரும்பத்தகாத விளைவு இருக்கிறது. அது உயிர்வேதிப்பொருட்கள், சத்துகள், தாது உப்புகளின் குறைபாடாகும். ஆனால், அங்கக வேளாண்மையில் விளைச்சல் அதிகரிப்பது மட்டுமல்லாமல் உடலுக்கு நன்மை பயக்கும் உயிர்வேதிப்பொருட்களைத் தருவதுடன், இயற்கை வளத்தைப் பேணுவதிலும் கவனம் செலுத்துகிறது என்பது அதன் சிறப்பம்சம். அப்படியென்றால் இது அறிவியல்பூர்வமாக எந்த அளவுக்கு உண்மை? பொருளாதார ரீதியில் சாத்தியம்தானா என்னும் கேள்விகள் எழும். http://tamil.thehindu.com/general/environment/அந்தமான்-விவசாயம்-16-அங்கக-வேளாண்மையும்-ஆரோக்கியமும்/article9479056.ece?ref=relatedNews
  4. உன்னால் முடியும்: வியர்வை சிந்துவதே வெற்றிக்கு அடித்தளம் உயர் படிப்புகள் எல்லாம் தலையில் உள்ள கிரீடம்போல, அதை இறக்கி வைத்தால்தான் உண்மையாக உழைக்க முடியும் என்கிறார் லண்டனில் எம்பிஏ படித்த விக்னேஷ். இதைப் படித்தால் வேலை கிடைக்கும், அதைப் படித்தால் வேலைக் கிடைக்கும் என்பதைத் தாண்டி, நம்மைச் சுற்றி உள்ள வேலை வாய்ப்புகளை அறிந்து கொண்டு, சரியாக முயற்சி செய்தால் வெற்றி நிச்சயம் என்கிறார். அயர்னிங், துணிகளை காயவைக்கும் ஸ்டேண்ட், உடனடி அலமாரி போன்ற பொருட்களை தயாரிக்கும் நிறுவனத்தை நடத்தி வரும் இவரது அனுபவம் இந்த வாரம் ``வணிக வீதி’’-யில் இடம் பெறுகிறது. கோயம்புத்தூரில் கம்ப்யூட்டர் இன்ஜினீயரிங் படித்து விட்டு, லண்டனுக்கு எம்பிஏ படிக்கச் சென்றேன். சாப்ட்வேர் துறையில் நாட்டம் இல்லை என்றாலும் மேனேஜ்மெண்ட் துறையில் நல்ல வேலைக்கு போகலாம் என்பதுதான் யோசனை. நான் படித்துக் கொண்டிருந்தபோது எங்கள் பல்கலைக் கழகத்துக்கு ஒருமுறை அப்துல்கலாம் வந்திருந்தார். அப்போது இந்திய மாணவர்களிடம் அவர் உரையாடியபோது ‘நீங்கள் கற்றுக் கொண்ட கல்வியை தேசத்துக்கு செலவிடுங்கள், தாய்நாட்டில் இரண்டு பேருக்கு வேலை வாய்ப்பு கொடுப்பதுகூட தேசபக்திதான்’ என்று குறிப்பிட்டிருந்தார். சில ஆண்டுகள் நான் லண்டனிலும், மஸ்கட்டிலும் வேலை பார்த்துவிட்டு இந்தியா வந்தேன். இங்கு வந்த பிறகு மாணவர்களுக்கு தன்னம்பிக்கை ஆலோசனை வகுப்புகள் எடுத்து வந்தேன். பிறகு இங்கேயே வேறு ஏதாவது தொழில் தொடங்கலாம் என யோசனை எழுந்தது. எந்த தொழில் என்கிற தேடலில்போது நான் என் அம்மாவுக்கு மஸ்கட்டிலிருந்து கிப்டாக வாங்கி வந்திருந்த அயர்னிங் டேபிள் கண்ணில் பட்டது. உடனடியாக இதற்கான மூலப்பொருட்களை தேடத் தொடங்கினேன். இந்த முயற்சியில் இறங்குவது தெரிந்து அப்பா தடுத்தார். உறவினர்களிடத்திலும் நல்ல ஆலோசனைகள் கிடையாது. இதை செய்வதற்கு லண்டனில் போய் படித்திருக்க வேண்டுமா என நேரடியாக பேசத் தொடங்கினர். ஆனால் என்னிடம் அப்போது கையில் இருந்த 40 ஆயிரம் ரூபாயை முதலீடாகக் கொண்டு ஒருவரை உதவிக்கு அமர்த்திக் கொண்டு வேலையில் இறங்கி விட்டேன். அயர்னிங் டேபிள், அதற்கடுத்து துணிகளை காயவைப்பதற்கான ஸ்டேண்ட் போன்றவற்றை அடுத்தடுத்து தயாரித்தேன். கோவை சுற்று வட்டாரத்தில் முக்கிய விற்பனையாளர்களிடத்தில் சென்றால், பிராண்ட் பெயர் இல்லாமல் வாங்குவதில்லை என்றனர். ஏனென்றால் அடுக்குமாடி வீடுகளில்தான் இதற்கான வரவேற்பு கிடைக்கும். எனவே ஆன்லைன் நிறுவனங்கள், சென்னையில் பிரபல கடைகள் என அடுத்த கட்ட வேலைகளில் இறங்கினேன். ஆனால் விற்பனையாளர்கள் கடன் அடிப்படையில்தான் வாங்குவார்கள். பணத்தை விற்பனையாளர்களிடமிருந்து வாங்குவதில் சுணக்கம் ஏற்பட்டால் நம்மால் தொழிலையே நடத்த முடியாது என்பதையும் அனுபவமே கற்றுக் கொடுத்தது. ஆரம்ப கட்ட பண நெருக்கடிகளை கடந்துவிட்டால், தொழிலில் நீடித்து விட முடியும் என்பதையும் உணர்ந்தேன். இந்த தயாரிப்புகளுக்கு சில்லரை விற்பனையைவிட ஆன்லைன் மூலமான விற்பனைக்கு நல்ல வரவேற்பு இருக்கிறது. ஆனால் நல்ல நிறுவனமா என சோதித்த பிறகுதான் பொருட்களை அனுப்ப வேண்டும். வெளியூர்களிலிருந்து மொத்த ஆர்டர் என்றால் விசாரிக்காமல் அனுப்பக்கூடாது. சிலரோ மொத்த ஆர்டர் தருகிறேன் சாம்பிள் அனுப்புங்கள் என்று வாங்குவார்கள். அதன்பிறகு அவர்களைத் தொடர்பு கொள்ள முடியாது. இது போன்ற அனுபவங்களுக்கு பிறகு தனியாக நானே ஹோம் யுட்டிலிட்டி என்று ஆன்லைன் தளத்தை தொடங்கிவிட்டேன். இந்த தயாரிப்புகளின் அடுத்த கட்டமாக அயர்னிங் டேபிளுடன் ஏணி, சுற்றுலா சென்ற இடங்களில் பயன்படுத்துவதற்கு ஏற்ற சிறு அலமாரிகள், துவைக்கும் துணிகளை சேர்க்கும் கூடை என ஒவ்வொன்றாக உருவாக்கினேன். நமக்கான தொழில் இதுதான் என முடிவு செய்துவிட்டால் அதில் புதிய முயற்சிகளில் ஈடுபடும்போதுதான் அங்கீகாரம் கிடைக்கும். லண்டனில் எம்பிஏ படித்தவனுக்கு இந்த வேலை எதுக்கு என்றார்கள். இப்போது 25 நபர்களுக்கு வேலை கொடுத்து வருகிறேன். ஆன்லைன் சந்தையிலும் சிறந்த விற்பனையாளராக உள்ளேன். நீ எப்போதும் மற்றவர்களின் வார்த்தைகளுக்கு பலி ஆடு ஆகிவிடக்கூடாது என என் அப்பா அடிக்கடி கூறுவார். தொழில் முயற்சியில் இறங்குகிறேன் என்றபோது அவரும் வேண்டாம் என்றுதான் சொன்னார். ஆனால் நான் அவர் சொல்லிக் கொடுத்ததை கடைபிடித்தேன். இப்போது நன்றாக இருக்கிறேன். பலருக்கும் வலியுறுத்தும் விஷயமும் அதுதான் என்று முடிக்கிறார். தொடர்புக்கு: vanigaveedhi@thehindutamil.co.in http://tamil.thehindu.com/business/business-supplement/உன்னால்-முடியும்-வியர்வை-சிந்துவதே-வெற்றிக்கு-அடித்தளம்/article9466615.ece?widget-art=four-rel
  5. எழுக தமிழை குழப்ப அன்றைய நாளை பாடசாலை நாளாக அறிவிப்பு எதிர்வரும் 21ஆம் திகதி கிழக்கில் இடம்பெறவுள்ள தைப்பொங்கலை முன்னிட்டு கிழக்கு மாகாணப் பாடசாலைகளுக்கு (தேசிய பாடசாலைகள் தவிர) எதிர்வரும் 13.01.2017 வெள்ளிக்கிழமை விசேட விடுமுறை வழங்கப்பட்டுள்ளதாக கிழக்கு மாகாண கல்வியமைச்சின் செயலாளர் EP/3/1/AO/01 எனும் இலக்க விசேட கடிதம் மூலமாக அறிவித்துள்ளார். இந்த விடுமுறைக்கு பதிலாக எதிர்வரும் 21.01.2017 ம் திகதி சனிக்கிழமை பதில் பாடசாலை நாளாக பிரகடனப்படுத்தப்பட்டுள்ளதாக மேலும் அந்த கடிதத்தில் குறிப்பிட்டுடள்ளது. இதன் முதற்கட்டமாக எதிர்ப்புகள் எழும் என்பதை கருத்திற்கொண்டு தமிழரசு கட்சியின் வடமாகாண கல்வி அமைச்சரால் வடக்கிலும் அறிமுகப்படுத்தப்பட்டு இன்று கிழக்கிலும் தமிழரசுகட்சி திருகோணமலை மாவட்ட தலைவரும் கல்வி அமைச்சருமான தண்டாயுதபாணியால் அமுலுக்கு வரும்முறையில் அறிவிக்கப்பட்டுள்ளது. எழுக தமிழில் கல்விச் சமூகம் கலந்துகொள்வதை தடுப்பதற்கு தமிழரசுக்கட்சி கடுமையாக பாடுபட்டுவருவதை ஏற்பாட்டாளர்கள் கடும விசனத்துடன் தெரிவித்துள்ளனர். http://www.tamilkingdom.com/2017/01/456_13.html
  6. கவனிக்க வேண்டிய 5 புத்தகங்கள் - 1 விடுதலையின் பாதைகள் - அருட்தந்தை ச.தே. செல்வராசு அடிகளார், தொகுப்பு: அ.மார்க்ஸ் ரூ. 160, உயிர்மை வெளியீடு. ஃபுக்குஷிமா: ஒரு பேரழிவின் கதை - மிக்கேயில் ஃபெரியே (தமிழில்: சு. ஆ. வெங்கட சுப்புராய நாயகர்), விலை: ரூ. 200, தடாகம் வெளியீடு. 1084-ன் அம்மா - மகாஸ்வேதா தேவி (தமிழில்: சு. கிருஷ்ணமூர்த்தி), ரூ. 130, பரிசல் வெளியீடு போக புத்தகம் (குறுங்கதைகள்) - போகன் சங்கர், விலை: ரூ. 350, கிழக்கு வெளியீடு. பாதுகாக்கப்பட்ட துயரம் - களந்தை பீர்முகம்மது, விலை: ரூ. 190, காலச்சுவடு வெளியீடு. http://tamil.thehindu.com/opinion/columns/கவனிக்க-வேண்டிய-5-புத்தகங்கள்-1/article9466519.ece?widget-art=four-rel
  7. சம்பந்தன் ஐயாவின் கொடும்பாவியை யாரும் எரிக்கக்கூடாது வவுனியாவில் எதிர்க் கட்சித் தலைவர் சம்பந்தனின் படத்தை எரித்து இருக்கின்றார்கள். இது மிகமோசமான செயலாகும் யாரும் அவ்வாறு செய்யக்கூடாது என தமிழரசு கட்சியின் பொதுச் செயலாளர் கி.துரைராஜாசிங்கம் தெரிவித்துள்ளார். மட்டக்களப்பு வந்தாறுமூலை கமநல சேவை நிலையத்தில் விவசாயிகளுக்கு உள்ளீடு வழங்கும் நிகழ்வில் கலந்து கொண்டு உரையாற்றுகையில் இவ்வாறு கருத்துத் தெரிவித்தார். எதிர்வரும் 21ஆம் திகதி மட்டக்களப்பில் எழுகதமிழ் நிகழ்வு இடம்பெறுவதை குழப்பும் நோக்கில் தமிழரசுக்கட்சியால் ஏற்பாடுசெய்யப்பட்ட மாட்டுப்பொங்கல் ஊர்வலத்தால் அங்கு இளைஞர்களிடையே பலத்த எதிர்ப்பு ஏற்பட்டுள்ளதை அறிந்துகொண்ட மாட்டுப்பொங்கல் ஏற்பாட்டாளரான தமிழரசுக்கட்சி செயலாளர் துரைராஜசிங்கம் அவர்கள் மேற்படி கருத்தை தெரிவித்துள்ளமை குறிப்பிடத்தக்கது. அவர் மேலும் பேசுகையில் சம்பந்தன் ஐயாவா காணாமல் ஆக்க செய்தார் அவர் அதனை செய்யவில்லை என்றும் அதனை செய்தவர்கள் வேறுநபர்கள் என்றும் அவர்கள் த.தே.கூட்டமைப்பில் உறுப்பினர்களாக இப்போதும் எங்களுடனேயே இருப்பதாகவும் ஐயா எவ்வளவு கஸ்டங்களை தாங்கிக்கொண்டு எங்களுக்காக செயற்படுகின்றார் என்றும் அவர் தெரிவித்துள்ளார். http://www.tamilkingdom.com/2017/01/45_5.html
  8. 2016ஆம் ஆண்டு பன்முகப்படுத்தப்பட்ட வரவு செலவுத் திட்ட நிதியில் அதிகளவு மக்கள் நலத்திட்டங்களை மேற்கொண்ட நாடாளுமன்ற உறுப்பினர்களின் விபரங்களில் தமிழ்த் தேசியக் கூட்டமைப்பைச் சேர்ந்த நாடாளுமன்ற உறுப்பினர்களே அதிளவான வேலைத்திட்டங்களை முன்னெடுத்துள்ளனர். யாழ்.மாவட்ட செயலகத்தில் நேற்றய தினம் நடைபெற்ற 2016ம் ஆண்டு மேற்கொள்ளப்பட்ட அபிவிருத்தி திட்டங்கள் தொடர்பான கலந்துரையாடலிலேயே இந்த விடயம் சுட்டிக்காட்டப்பட்டுள்ளது. இதன்படி, தர்மலிங்கம் சித்தார்த்தன், எம்.ஏ.சுமந்திரன், மாவை சேனாதிராசா, அங்கஜன் இராமநாதன், விஜயகலா மகேஸ்வரன், டக்ளஸ் தேவானந்தா ஆகியோர் முன்னிலை வகிக்கின்றனர். http://thuliyam.com/?p=54212
  9. பொருத்து வீட்டுத்திட்டத்துக்குப் பின்னால் ஒரு மிகப்பாரிய கமிசன் அரசியல் இருக்கிறது என நினைக்கிறேன். சுமந்திரனும் இதனை உறுதிப் படுத்துகிறார் ஒரு வீட்டின் விலை 21 லட்சம் என சொல்லப்படுகிறது, இதன் உண்மைப் பெறுமதி 15 , 16 லட்சத்திற்கு மேற்படாது (என் கணிப்பு) , மிகுதி அனைத்தும் பங்கு பிரிபடப் போகிறது ,அமைச்சருக்கு ஒரு வீட்டிற்கு 1 லட்சம் கமிசன் கிடைத்தால் 50 ஆயிரம் வீடுகள் என வைத்தால் கூட ,50 ஆயிரம் லட்சம் , 33 மில்லியன் அமெரிக்க டொலர்கள் ..... செம டீல் அதனால் தான் சுவாமிநாதன் ஒற்றைக்காலில் நிற்கிறார், பாதிக்கப் பட்ட மக்களுக்கு உதவி செய்வதே தனது குறிக்கோள் எனவும் , வீட்டுத்திட்டத்தினை எதிர்ப்பவர்களை , மக்களின் விரோதியாகவும் காட்ட முயல்கிறார் (3ஆம் உலக நாடுகளில் அபிவிருத்திக்கு பின்னால் இருக்கும் மிகப்பெரிய சாபக்கேடு இது, இதனை நன்கு தெரிந்து கொண்டதால் தான் சுவிசிலுள்ள உதவி செய்யும் அமைப்புக்கள் ஒரு போதும் தாம் உதவி செய்ய விரும்பும் திட்டத்திற்குரிய பணத்தினை அந்த நாடுகளின் அரசாங்கத்திடம் கொடுப்பதில்லை , தாமே நேரடியாகப் பொறுப் பெடுத்து செய்து முடிப்பார்கள், இங்கே உதவி நிறுவனங்கள் மக்களிடம் நிதி சேகரிக்கும் போது திட்டங்களை தாம் நேரடியாக செய்வதாக குறிப்பிடுவார்கள் . ) மக்கள் உண்மையிலேயே முகாம்களிலும் , கொட்டில்களிலும் மிகவும் துன்பப்படுகிறார்கள் இந்த துன்பங்களைத் தான் சுவாமிநாதன் தனது டீலுக்கான முதலீடாகக் கருதுகிறார் சுவாமிநாதன் உண்மையிலேயே தமிழ் மக்கள் மீது அக்கறை கொண்டவர் எனில் ...... அரசின் முக்கிய அமைச்சர் என்ற வகையில் அரசியல் கைதிகள் விடயத்திலோ அல்லது காணாமல் ஆக்கப் பட்டோரின் விடயத்திலோ கவணம் செலுத்தியிருக்கலாமே...... பொருத்து வீட்டுத்திட்டம் தொடர்பில் வட மாகாணத்திற்கு வெளியேயும் எதிர்ப்புகள் உள்ளன அவற்றையும் நாம் கருத்திலெடுக்க வேண்டும். மின்சக்தி பிரதி அமைச்சர் அஜீத் பீ.பெரேரா "பொருத்து வீடுகள் தொடர்பில் எனக்கு திருப்தியில்லை" எனக் கூறுகிறார். பொருத்து வீடுகள் நீண்டகாலப் பயன்பாட்டுக்கு ஏற்றதல்ல – மொறட்டுவ பல்கலைக்கழக வல்லுனர்கள்
  10. செல்பி அக்கம் பக்கம் பாகம் (48)
  11. பேரினவாதிகளால் அபகரிக்கப்பட்டுவரும் எல்லையோர கிராமங்களின் வரலாற்றையும் தற்போதைய நிலைமைகளையும் மையப்படுத்தி வெளியாகிய இருளுக்குள் இதயபூமி ஆவணப்படம் வெளியாகியுள்ளது. இதனை யாழ் ஊடக மையத்தின் ஏற்பாட்டில் ஊடகவியலாளர் ஜெராவின் நெறியாழ்கையில் யாழ் ஊடகவியலாளர்களின் ஒத்துழைப்புடன் இது வெளியாகியிருந்தமை குறிப்பிடத்தக்கது. http://www.tamilkingdom.com/2017/01/45_7.html
  12. எனினும் இந்தியா தந்த ஐந்தரை இலட்சம் பெறுமதியான வீடுகள் இனாமாக எமக்குத் தரப்பட்டவை. ஆனால் தற்போது அமைக்கப்படுகின்ற பொருத்தப்படும் வீடுகளோ சுமார் 21 லட்சம் ரூபா வரை வீடொன்றின் பெறுமதி வரையறுக்கப்பட்டுள்ளது. இது கடனாகப் பெற்றுக் கட்டப்படுவது. குறை வட்டியுடன் திருப்பிக்கட்ட வேண்டியது. அவ்வீடுகளின் அமைப்பு முறைகள் சூழலுக்குப் பொருந்தாமலும், மாரி காலத்தில் வீட்டினுள் நீர் புகுவதற்கும், வெய்யிற் காலங்களில் அதி கூடிய வெப்பத்தை உணர வைப்பதற்கும், இலகுவில் தீப்பற்றக் கூடிய அல்லது எரிந்து போய்விடக்கூடிய தன்மைகளைக் கொண்டதாகவும், அதன் பெறுமதி சீமெந்தினால் அமைக்கக் கூடிய இரண்டு வீடுகளை அமைக்கத் தேவைப்படும் செலவை விட அதிகரித்தும் காணப்படுவதாலேயே இது பற்றி நாம் விமர்சிக்க நேரிட்டது. தற்போது இவ் வீடுகளை அமைக்கின்ற நிறுவனம் அரசாங்க அதிபர், பிரதேச செயலர்கள் ஊடாக பயனாளிகளைப் பொறியில் விழுத்தக்கூடிய வகையில் ஒரு படிவத்தைத் தயாரித்து அதன் மூலமாக அவர்களின் விருப்பை வலிந்து பெற முயற்சிகள் மேற்கொண்டு வருகின்றனர். வடமாகாணசபையை எந்த விதத்திலும் கலந்தாலோசிக்காமல் எமது கருத்துக்களுக்கு மதிப்புக் கொடுக்காமல் எம் மக்களுக்கு தான்தோன்றித்தனமாக உதவிகள் அளிக்க முன்வருவதே எமக்கு அச்சத்தையும் அதிருப்தியையும் ஏற்படுத்துகின்றது. இன்று வடபகுதியில் பல்லாயிரக் கணக்கானவர்கள் வீடுகளை இழந்து சிறிய தகரக் கொட்டில்களிலும், ஓலைக் கீற்றுகளுக்குக் கீழும் சொல்லொண்ணாத் துயரங்களுடன் வாழ்கின்றனர். இவ்வாறான குடும்பங்களுக்கு தொலைக்காட்சிப் பெட்டிகள் தருகின்றோம், சூரிய சக்தி மின்சாரம் தருகின்றோம், சமையல் வாயு சிலிண்டர்களுடன் கூடிய அடுப்புக்களைத் தருகின்றோம், மேசை, கதிரை, கட்டில், மெத்தை அனைத்தும் தருகின்றோம் என குறிப்பிடும் போது எந்தவொரு குடும்பத்தவரும் அந்த வீட்டை ஏற்றுக் கொள்ளவே முன்வருவர். எம் மக்கள் வீடுகளைத்தான் கேட்கின்றார்கள். சிங்கப்பூர் வீடுகளைக் கேட்கவில்லை. சொர்க்காபுரிக்கு வழிகேட்கவும் இல்லை. அதே செலவில் இரண்டு வீடுகள் அழகாக உள்ளூர் பாணியில் கட்டமுடியுமென்றால் சிங்கப்பூர் பாணி எதற்கு? ஒரு வீட்டுப் பணத்தில் இரு குடும்பங்களுக்கு வீடுகள் கிடைக்குமென்றால் ஒருவருக்கு ஏன் தொலைக்காட்சிப் பெட்டி பொருத்தப்பட்ட வீடு மற்றவருக்குத் தொலை நோக்கி வீட்டிற்காகத் தவமிருக்கும் பாடு? இவ்வீடுகளை அறிமுகப்படுத்த இன்னொரு காரணமும் கூறப்படுகின்றது. – வெளிநாடுகளில் கழிக்கப்பட்ட இரும்புக் குவியல்களை கொண்டுவந்து கொட்டுவதற்கு இலங்கையின் வட கிழக்குப் பகுதிகள் தேர்ந்தெடுக்கப்பட்டிருக்கின்றது 21 லட்சம் ரூபா செலவில் அமைக்கப்படக் கூடிய இந்தப் புதிய ஏலவே தயாரிக்கப்பட்ட பொருத்து வீடுகளை அமைப்பதற்கு பதிலாக சீமெந்திலான உறுதியான, பொருத்தமான வீடுகளை அமைக்க இந்நிதி பயன்படுத்தப்பட்டால் 65 ஆயிரத்திற்குப் பதிலாக 150 ஆயிரம் பேருக்கு இவ் வீடுகளை வழங்க முடியும் என்ற கருத்தையே நாம் வலியுறுத்தி வருகின்றோம். http://thuliyam.com/?p=19610 65ஆயிரம் வீடு வாழ்வதற்கா? அல்லது ஒருசிலரின் வயிற்றை நிரப்புவதற்கா?. சிங்கள ஊடகம் ஒன்று கேள்வி எழுப்பியுள்ளது. இந்த வீட்டுத்திட்டத்திற்கான நிர்மாணப் பணிகள் அனைத்தும் இந்தியப் பிரதமர் நரேந்திர மோடியின் நெருங்கிய நண்பரும் கோடீஸ்வரருமான லட்சுமி மிட்டலிடம் வழங்கப்பட்டுள்ளது. இந்தப் பொருத்து வீடுகள் அனைத்தும் இரும்பு மற்றும் ஒருவகை பிளாஸ்டிக் கலந்த கலவையால் உருவாக்கப்படுகின்றது. இந்தப் பிளாஸ்டிக் கலவையானது ஜேடியு என அழைக்கப்படுகின்றது. இந்தக் கலவை தீப்பற்றுவதால் அதிலிருந்து நச்சுப்புகை வெளியேறி உயிராபத்து ஏற்படும் என எச்சரிக்கை விடுக்கப்பட்டுள்ளது. இந்த வீடொன்றுக்கு 21 இலட்சம் செலவாகுமென அரசாங்கம் தெரிவித்துள்ளது. இந்தத் தொகைக்கு சாதாரண வீடுகள் மூன்று கட்டலாம் இந்த உலோக வீடானது லட்சுமிமிட்டல் போன்ற ஒருசிலரின் வயிற்றைக் கழுவவுவதற்கான வீட்டுத்திட்டமேயொழிய உண்மையில் வறுமையில் வாடும் மக்கள் வாழும் வீட்டுத்திட்டமில்லை எனவும் அந்நாளிதழ் செய்தி வெளியிட்டுள்ளது. http://thuliyam.com/?p=19400
  13. அரசியலமைப்பாக்க சபையின் (Constitutional Assembly) வழிநடத்தல் குழு (Steering Committee) டிசம்பர் 10 அன்று தனது அறிக்கையை சமர்ப்பித்திருக்க வேண்டும். ஆனால், அறிக்கை பிற்போடப்பட்டது. அதற்குப் பதிலாக அன்றைய தினமே வழிநடத்தல் குழுவின் தலைவர் பிரதமர் ரணில் விக்கிரமசிங்க வழிநடத்தல் குழுவின் ஒரு தற்காலிக உப குழு (adhoc sub-committee) ஒன்றின் அறிக்கையை தாக்கல் செய்தார். அரசியலமைப்பாக்க சபை மார்ச் 2016இல் உருவாக்கப்பட்ட போதே வழிநடத்தல் குழு ஸ்தாபிக்கப்பட்டது. அதற்கு 6 உப குழுக்களும் ஸ்தாபிக்கப்பட்டன. அவ்வுபகுழுக்களின் அறிக்கை 19 நவம்பர் 2016 அரசியலமைப்பாக்க சபையில் தாக்கல் செய்யப்பட்டது. இது இப்படியிருக்க ஏன் முன்னர் அறிவிக்கப்படாத ஓர் உபகுழு திடீரென உருவாக்கப்பட்டது என்ற கேள்வி எழுகின்றது. இந்தத் தற்காலிக உப குழுவின் அங்கத்தவர்கள் மூவர் மாத்திரமே. ஒருவர் அமைச்சர் சுசில் பிரேமஜயந்த. முன்னாள் ஐக்கிய மக்கள் சுதந்திரக் கட்சியின் செயலாளர், சிறிசேன ஆதரவு ஸ்ரீலங்கா சுதந்திரக் கட்சியின் சிரேஷ்ட தலைவர்களில் ஒருவரும் அமைச்சரும். இரண்டாமவர் பிரசன்ன ரணதுங்க. கூட்டு எதிரணி என்றழைக்கப்படும் மஹிந்த சார்பு நாடாளுமன்றக் குழுவின் அழைப்பாளர்களில் ஒருவர். மூன்றாமவர் வைத்திய கலாநிதி துஷித விஜயமன்ன. ஐக்கிய தேசியக் கட்சியின் தென் மாகாண முன்னாள் எதிர்க்கட்சித் தலைவரும் தற்போதைய ஹம்பாந்தோட்டை மாவட்ட நாடாளுமன்ற உறுப்பினரும். தமிழ், முஸ்லிம், மலையகத் தமிழ் கட்சிகளை முற்றிலும் புறம் ஒதுக்கி ஜே.வி.பிபையையும் உள்ளடக்காமல் இவ் உபகுழு உருவாக்கப்பட்டது எவ்வாறு? அதற்கு வழிநடத்தல் குழு அனுமதி அளித்ததா? வழிநடத்தல் குழுவின் அங்கம் வகிக்கும் தமிழ்த் தேசியக் கூட்டமைப்பின் பிரதிநிதிகள், அமைச்சர் மனோ கணேஷன் ஆகியோருக்கு இவ் உபகுழுவின் உருவாக்கம் பற்றி தெரிந்திருந்ததா? இது தொடர்பில் ஏன் இவர்கள் வாய் மூடி மௌனிகளாக உள்ளனர்? தென்னிலங்கை சிங்கள பௌத்த கட்சிகளை மட்டும் உள்வாங்கிய இந்த உபகுழுவால் முன்வைக்கப்பட்டுள்ள யோசனைகள் 13ஆம் திருத்தத்திற்கு மேற்பட்டு அதிகாரப் பகிர்வு தேவையற்றது என்பதாகும். ஏதேனும் மாற்றங்கள் செய்யப்பட வேண்டுமாயின் அவை வெறுமனே மத்தியும் மாகாணங்களுக்கும் ஒதுக்கப்பட்டுள்ள விடயங்களின் பட்டியலில் மாத்திரமே என்று அறிக்கை கூறுகின்றது. எது எவ்வாறிருப்பினும் நாடாளுமன்றத்திற்கு அனைத்து விடயங்கள் தொடர்பில் தேசிய கொள்கையை ஆக்கும் உரித்து தொடர்ந்து இருக்க வேண்டும் என்று இவ்வறிக்கை விதந்துரைக்கின்றது. தற்போதைய 13ஆம் திருத்தத்தில் ஆளுநரால் செலுத்தப்படும் அதிகாரங்கள் தொடர்பில் தமக்கு பிரச்சினை இல்லை என வட மாகாண சபை தவிர்ந்த அனைத்து மாகாணங்களும் தெரிவித்துள்ளதாகவும் மாகாண ஆளுநருக்குள்ள அதிகாரங்கள் தொடர வேண்டும் என்றும் அறிக்கை கூறுகின்றது. ஆக மொத்தம், அரசியலமைப்புக் குழுவின் இந்தத் திடீர் உபகுழுவின் அறிக்கை மூலம் உறுதிப்படுத்தப்படுவது யாதெனில் தென்னிலங்கை கட்சிகளின் ஒருமித்த கருத்து 13ஆம் திருத்தத்திற்கு அப்பால் செல்ல வேண்டிய அவசியமில்லை என்பதாகும். தேவையென்றால் அங்கொன்றும் இங்கொன்றுமாக 13ஆம் திருத்தத்தில் சில திருத்தங்களை செய்து கொள்ளலாம். ஆனால், அடிப்படை கட்டமைப்பு சார் மாற்றங்கள் தேவையில்லை என்பது இவர்களது முடிவாகும். இந்தக் கருத்தொற்றுமை மஹிந்த – சிறிசேன – ரணில் வேறுபாடுகளைக் கடந்த ஒரு கருத்தொற்றுமை என்பது கவனிக்கப்பட வேண்டும். இந்த உபகுழுவில் ஐக்கிய தேசியக் கட்சியும் பங்குதாரர். சிறிசேனவின் பிரதிநிதியும் உண்டு. இந்தத் திடீர் உபகுழுவையும் அதன் அறிக்கையையும் ரணில் விக்கிரமசிங்கவின் சாணக்கியமான, பொது வழக்காற்று மொழியில் சொல்வதாயின் ‘குள்ள நரித்தனத்திற்கு’ சிறந்தவோர் எடுத்துக்காட்டாகக் கொள்ளலாம். இந்தத் திடீர் உபகுழுவின் தேவை ஏன் எழுந்தது? அதற்குக் காரணம் தர்மலிங்கம் சித்தார்த்தன் தலைமையிலான மத்திய – மாகாண உறவுகள் தொடர்பிலான உப குழுவின் அறிக்கையின் உள்ளடக்கமே. அவ்வறிக்கை இக்கட்டுரையாளர் சார்ந்திருக்கும் அடையாளம் கொள்கை ஆய்வுக்கான நிலையம் விடுத்த ஆய்வுக்குறிப்பில் குறிப்பிட்டிருந்தது போல் சமஷ்டிக்குரிய பண்புகளைக் கொண்ட ஒரு முறைமையைப் பரிந்துரைத்திருந்தது. ஆளுநரை பெயரளவிலான அதிகாரங்களைக் கொண்ட ஒரு பதவியாக வலுக் குறைத்தல், அவரது சட்டவாக்க, நிறைவேற்று, அதிகாரங்களை இல்லாதொழித்தல், மாகாணப் பொதுச் சேவையை முதலமைச்சரின் கட்டுப்பாட்டிற்குள் கொண்டு வரல், ஒருங்கிய நிரலை ஒழித்தல் போன்ற பல்வேறு முற்போக்கான அம்சங்கள் அதில் உண்டு. ஆனால், அவ்வறிக்கையில் கூட்டு எதிரணியைச் சேர்ந்த அக்குழுவின் அங்கத்தவர்களோ ஜே.வி.பியின் பிரதிநிதியோ கையெழுத்திடவில்லை என்பது கவனிக்கப்பட வேண்டியது. அவ்வறிக்கை வெளிவந்தவுடன் அது சமஷ்டியை உருவாக்கப் போகின்றது என்றும், அது நாட்டை பிளவுபடுத்தும் என்றும் சிங்கள பௌத்த அமைப்புக்கள் பிரச்சாரத்தைத் தொடங்கின. குறிப்பாக சித்தார்த்தன் அறிக்கையை விமர்சித்து பிரத்தியேக அறிக்கையொன்றை மஹிந்த ராஜபக்‌ஷவே வெளியிட்டார். சமஷ்டி என்ற வார்த்தை சித்தார்த்தன் அறிக்கையில் இல்லாவிட்டாலும் அதற்கு மிக இலகுவாக சமஷ்டி முத்திரையை சிங்கள பௌத்த அமைப்புக்கள் குத்தவும், அதை மறுத்து இல்லை நாங்கள் ஒற்றையாட்சியை கைவிடவில்லை என அமைச்சர்கள் பலர் விளக்கம் அளிப்பதையும் நாம் கவனிக்க வேண்டும். சமஷ்டியா ஒற்றையாட்சியா என்ற பதங்கள் தாங்காமல் உள்ளடக்கத்தில் சமஷ்டியின் பண்புகளோடு வரும் அரசியலமைப்பை சிங்கள மக்களிடம் “இதில் சமஷ்டி இல்லை” என்று சொல்லிக் கொண்டு அவர்களை நம்ப வைத்து நாம் எமது அரசியல் தீர்வைப் பெற்று விடலாம் என்ற தமிழ்த் தேசியக் கூட்டமைப்பின் அரசியல் அணுகுமுறையின் நடைமுறைப் போதாமையை சித்தார்த்தன் அறிக்கை மீது முன்வைக்கப்படும் விமர்சனங்கள் சுட்டி நிற்கின்றன. சித்தார்த்தன் அறிக்கையை ரணிலின் திடீர் உப குழு சமன் செய்து விட்டது. இப்பொழுது மீண்டும் ஆரம்பித்த இடத்திற்கே வந்தடைந்துள்ளோம். சமஷ்டி என்று பெயர் தாங்காத, வடக்கு – கிழக்கு இணைப்பில்லாத, பௌத்தத்திற்கு முன்னுரிமை அளிக்கும், சமஷ்டிப் பண்புகளைக் கொண்ட ஓர் அரசியலமைப்பை ஏற்றுக் கொள்ளலாம் என தமிழர்களின் நாடாளுமன்ற தலைமைத்துவம் முடிவு செய்துள்ளது போல் தெரிகின்றது. இதில் அவர்களைப் பொறுத்த வரையில் தொக்கு நிக்கும் கேள்வி ஒற்றையாட்சி என்ற பெயர் அரசியலமைப்பிற்கு இருக்குமா இல்லையா என்பதே. ஒற்றையாட்சி என்ற பதத்தை அரசியலமைப்பில் சேர்ப்பதை ஏற்றுக் கொள்வதாயின் அதற்கு ஒரு ஒடுங்கிய வரைவிலக்கணத்தை கொடுத்தால் ஒற்றையாட்சி என சுய அடையாளப்படுத்தும் ஒரு அரசியலமைப்பை ஏற்றுக் கொள்ளலாம் என கூட்டமைப்பு தலைமை எண்ணுவது போல் இருக்கின்றது. கொழும்பு வாழ் அரசியலமைப்பு நிபுணர்களும் இதை விதந்துரைத்திருக்கின்றனர். இவ்வாறாக ஒற்றையாட்சி என பெயர் தாங்கி வந்தாலும் நடைமுறையில் சமஷ்டிப் பண்புகளைக் கொண்ட ஒரு அரசியலமைப்பை தமிழர் ஏற்றுக்கொள்ள வேண்டும் என்று வாதிடப்படுகின்றது. இரண்டு மட்டங்களில் இது பிரச்சினைக்குரியது. ஒன்று – இலங்கையில் ஒற்றையாட்சி என்பது வெறுமனே ஓர் அரசியலமைப்பு சட்ட விவகாரம் சார்ந்த ஒரு கோட்பாடு அன்று. அது சிங்கள பௌத்த மேலாண்மை அரசியலின் அடிப்படை அரசு கட்டமைப்பு சார் கருத்தியல் நிலைப்பாடும் ஆகும். அரசியலமைப்பு சட்டம் என்பது மற்றைய சட்டங்களை விடவும் கூடுதலாக அரசியலோடு பின்னிப் பிணைந்த ஒன்று. அந்த வகையில்தான் தன்னை ஒற்றையாட்சி அரசு என சுய அடையாளப்படுத்தும் ஓர் அரசியலமைப்பை, அதன் உள்ளடக்கங்கள் வழமையான ஒற்றையாட்சி வகைக்குரியனவையாக இல்லாவிட்டாலும், ஓர் வலுவான ஒற்றையாட்சியாக இருப்பதற்கு வாய்ப்புபுக்கள் அதிகமாக இருக்கின்றன என நாம் கூறுகின்றோம். அதற்கு காரணம் நான் மேலே குறிப்பிட்ட அரசோடு பின்னிப் பிணைந்திருக்கும் இந்த ஒற்றையாட்சியை நேசிக்கும் கருத்தியலின் செயற்பாட்டால் ஆகும். 13ஆம் திருத்தம் ஒற்றையாட்சிக்கு உட்பட்டு தோல்வியடைந்தமைக்குக் காரணம் அரசியலமைப்பின் உயிர் நாடியாக ஒற்றையாட்சி இருந்தமையால் என்பது ஞாபகப்படுத்த வேண்டியது. அரசியலமைப்பை சட்ட பொருள்கோடல் செய்யும் போது இந்த ‘அரசியலமைப்பின் உயிர்நாடி’ (spirit of the constitution) என்பதை (நீதிமன்றங்கள்) அடையாளம் காணுவதும் அதை அடிப்படையாக வைத்து அரசியலமைப்பிற்கு விளக்கம் சொல்வதும் முக்கியமானது என்பதை அரசியலமைப்பு சட்டம் அறிந்த அனைவருக்கும் தெரியும். உதாரணமாக இந்தியாவின் அரசியலமைப்பு வெளிப்படையாக தன்னை சமஷ்டி அரசியலமைப்பு எனக் கூறிக்கொள்ளாவிட்டாலும் இந்திய உச்ச நீதிமன்றம் இந்திய அரசியலமைப்பின் அடிப்படைக் கட்டுமானக் கூறுகளில் ஒன்றாக சமஷ்டியை இனங்கண்டுள்ளது. இது அந்நாட்டின் அரசியலமைப்பு சம்பந்தமான பொருள்கோடலில் தாக்கம் செலுத்துகின்றது. ஆகவேதான் ஓர் அரசியலமைப்பு எந்த சொற்களால் தன்னை சுய அடையாளப்படுத்திக் கொள்கின்றது முக்கியமற்றது என்பதை ஏற்றுக்கொள்ள முடியாமல் உள்ளது. இரண்டாவதாக – அரசியலமைப்பு அடையாளங்களை தவிர்த்து பார்த்தாலும் எத்தகைய ஒரு முறைமையை நாம் சமஷ்டிப் பண்புகளுடன் கூடிய அரசியலமைப்பாக ஏற்றுக்கொள்ளப் போகின்றோம் என்ற கேள்வி எழுகின்றது. சமஷ்டிக்கான அடிப்படை வரைவிலக்கணம் மத்திய மாகாண அரசாங்கங்கள் தத்தமது மட்டங்களில் மீயுயர்வானவை, இறைமை உடையவை என்பதாகும். அத்தோடு, மாகாணங்கள்/ மாநிலங்களுக்கு மத்திய அளவிலும் முடிவெடுத்தலில் பங்குபற்றலையும் சமஷ்டி என்ற எண்ணக்கரு வலியுறுத்தி நிற்கின்றது. 13ஆம் திருத்தத்தில் செய்யப்படும் சில திருத்தங்களையும் ஒரு அதிகாரமற்ற விவாத சபையாக மட்டும் இருக்கக்கூடிய செனட் சபையையும் சமஷ்டியாக ஏற்றுக்கொள்ள முடியாது. அண்மையில் வெளிநாட்டு பத்திரிகையாளர்களைச் சந்தித்த மஹிந்த ராஜபக்‌ஷ கூட இப்படியான உப்புச்சப்பற்ற செனட் ஒன்றை உருவாக்குவதற்கு தாம் சம்மதம் எனக் கூறியுள்ளார் என்பதை நாம் கவனிக்க வேண்டும். இல்லாத சமஷ்டியை ஒற்றையாட்சி என அடையாளப்படுத்தப்படும் அரசியலமைப்பிற்குள் தேடுவது வீண் வேலை. மேற்படி இரண்டு காரணங்களும் அரசியலமைப்பு எவ்வாறு தன்னை அடையாளப்படுத்திக் கொள்ளுகின்றது என்பதைப் பார்க்க வேண்டாம் (சொற்களைப் பார்க்க வேண்டாம்), அதன் உள்ளடக்கத்தை மட்டும் பாருங்கள் என்று சொல்லும் வாதம் தொடர்பில் நாம் நியாயமான சந்தேகம் கொள்ள வேண்டியதன் அவசியத்தை உணர்த்தி நிற்கின்றன. நிற்க. அரசியல் தீர்வு முயற்சியில் மற்றுமொரு ஏமாற்றத்திற்கு நாம் எமது சமூகத்தை தயார் செய்ய வேண்டியவர்களாக உள்ளோம். ஆயுதப் போராட்டத்திற்குப் பின்னரான இந்த ஏமாற்றம் என்பது ஒரு கூட்டு அரசியல் உறக்கநிலைக்கும் நிலையான தோல்வி மனப்பாண்மைக்கும் இட்டுச் செல்லுமோ என்ற கவலை எழுகின்றது. ஆயுதப் போராட்டச் சூழலில் பேச்சுவார்த்தைத் தோல்விகள் அரசியல் போராட்டத்தின் முழுமையான தோல்வியாகக் கருதப்பட வேண்டிய சூழலாக இருக்கவில்லை. அடிப்படைகளற்ற எதிர்பார்ப்புக்களை அடிப்படைகளற்ற நம்பிக்கைகள் மீது உருவாக்குவது இத்தகைய கூட்டு சோர்வுக்கே வழிவகுக்கும் என்பதைப் பற்றி எமது அரசியல் தலைமைகள் கொஞ்சமும் கவலைப்பட்டதாகத் தெரியவில்லை. தீர்வைப் பெற்றுத் தருவோம் என்று அதீதமாக பெரும் தொனியில் தாம் விடுத்த வாய்ச் சவாடல்களை நியாயப்படுத்துவதற்காக, மக்கள் மத்தியில் தமது கட்சியின் செல்வாக்கு சரிந்துவிடக் கூடாது என்பதற்காக ஒரு தீர்வற்ற அரசியலமைப்பை தமிழ்த் தேசியக் கூட்டமைப்பு தீர்வாக மக்களிடம் எடுத்துச்செல்ல முயற்சிக்கக் கூடாது. நாம் பரிந்துரைத்தால் தமிழ் மக்கள் கட்டாயம் அதனை ஏற்றுக் கொள்வார்கள் என்ற துணிவில் கட்டாயம் மக்கள் தீர்ப்பிற்கு விடப்பட்டுத் தான் புதிய அரசியலமைப்பு உருவாக்கப் பட வேண்டுமென கூட்டமைப்பு சொல்லி வருகின்றது. இன்று மக்கள் கூட்டமைப்பிடம் எதிர்பார்ப்பது தீர்வை விட நேர்மையைத் தான். என்ன நடக்கின்றது என்ற உண்மையை சொல்ல வேண்டும் என மக்கள் எதிர்பார்க்கிறார்கள். தீர்வு கிடைக்காவிட்டால் மக்கள் ஆச்சரியப்படமாட்டார்கள். ஆனால் தம்மை தமது பிரதிநிதிகள் ஏமாற்றக் கூடாது என்று எதிர்பார்க்கிறார்கள். இந்தக் குறைந்தபட்ச எதிர்பார்ப்பையாவது பூர்த்தி செய்வது ஜனநாயக பொறுப்புக் கூறலுக்கு மிக அத்தியாவசியமானது. தொடர்ந்து ஜனநாயகத் தேர்தல் அரசியல் மீது மக்களுக்கு இருக்கும் அவநம்பிக்கையீனத்தை மோசமடையச் செய்யாமல் இருப்பதற்கும் தேவையானது. ஆனால், அரசியலமைப்புப் பேச்சுவார்த்தையில் முன்னேற்றம் இருந்தால் ஜெனீவாவில் அரசாங்கத்திற்கு மார்ச் கூட்டத் தொடரில் ஆதரவு அளிப்போம் என்று கூட்டமைப்பு அண்மையில் அறிவித்திருப்பது இந்த எதிர்பார்ப்பில் பெரும் ஏமாற்றத்தைத் தருகின்றது. முன்னேற்றம் இல்லை என்று தெரிந்தும் நீதியை பண்டமாற்றம் செய்யும் இந்த அறவொழுக்கம் தவறிய அணுகுமுறையை எந்த மென்வலுப் போர்வை கொண்டும் போர்த்த முடியாது. இத்தகைய பண்டமாற்றம் (நீதியா சமாதானமா – நீதியா அரசியல் அதிகாரமா) அடிப்படையில் தவறானது என்பதும், இறுதியில் சமாதானமும் இல்லை நீதியும் இல்லை என்ற நிலைக்கே கொண்டு செல்லும் என்பதும் பல்வேறுபட்ட போருக்குப் பின்னரான சமூகங்களில் இருந்து நாம் பெறுகின்ற படிப்பினை. இந்தப் பண்டமாற்று அணுகுமுறை ஒரு பக்கம் இருக்க கூட்டமைப்பின் இன்னொரு பக்கத்திலிருந்து போராட்ட முரசொலியும் கேட்கத்தான் செய்கின்றது. கூட்டமைப்பின் தலைவர் இரா. சம்பந்தன் இவ்வருடம் ஐ.நா. செயலாளர் நாயகம் பான் கீ மூனை யாழ்ப்பாணத்தில் வைத்து சந்தித்த பொழுது தமிழர்களின் அபிலாஷைகளை பூர்த்திசெய்யும் அரசியல் தீர்வு கிடைக்காவிட்டால் வடக்கு கிழக்கை இலங்கை அரசாங்கம் ஆள முடியாதவாறு (ungovernable) முடக்கும் ஓர் அறவழிப் போராட்டத்தை முன்னெடுப்போம் என்று சொன்னதாக கூட்டமைப்பு வட்டாரங்கள் உத்தியோகபூர்வமாகக் கூறியிருந்தார்கள். தெற்கின் ஆங்கில ஊடகங்கள் வழமையாக மிதவாதப் போக்கோடு பேசும் திரு. சம்பந்தன் மிகவும் தீர்க்கமாக நிலைப்பாடெடுத்த ஒரு சந்திப்பாக இந்தச் சந்திப்பை பற்றி அப்போது எழுதினார்கள். இந்த நிலைப்பாட்டில் இருந்து கீழிறங்கி தமிழர்களின் நீதிக்கான போராட்டத்தை அரசியல் தீர்வுக்காக பண்டமாற்றம் செய்யும் அணுகுமுறையை கூட்டமைப்பு எடுக்காதிருக்க வேண்டும். மிகவும் இக்கட்டான இன்றைய சூழல் முழுத் தமிழ்ச் சமூகமும் அரசியல் பங்களிப்பு செய்ய வேண்டிய காலகட்டம். அரசியல்மயப்படுத்தல் கூர்மை அடைய வேண்டும். கூட்டமைப்பு தவிர்த்த தமிழ்த் தரப்புக்கள் செய்ய வேண்டியவை காய்தல் உவர்த்தல் இன்றி இச்செயன்முறையை கூர்ந்து அவதானித்தலும் அது தொடர்பில் மக்களை அறிவுசார் விழிப்பு நிலையில் வைத்திருப்பதாகும். வழமை போன்றே கட்சி அரசியல் மோதலாக இது இல்லாமல் ஒரு வெளிப்படையான ஜனநாயக உரையாடலாக நாம் இதனை நடத்த வேண்டும். இதில் சிவில் சமூகத் தரப்புக்களுக்குக் கூடுதல் முக்கியமான வகி பாத்திரம் உண்டு. இந்த உரையாடல் தீர்வை இம்முறையும் பெறாதவிடத்து அடுத்த கட்டம் என்ன என்பதனை விவாதப் பொருளாக்கவும் வேண்டும். இது தவறினால் அரசியல் திக்கற்ற சமூகமாக நாம் மாறி விடுவோம். குமாரவடிவேல் குருபரன் http://maatram.org/?p=5339
  14. எழுக தமிழ் போராட்டம் எந்த அரசியல் கட்சிக்கும் எதிரான போராட்டம் அல்ல! (காணொளி) தமிழ் பேசும் மக்களின் அரசியல் அபிலாசைகளுக்காகவும் அவர்களது நலன்களுக்காகவும் ஜனனாயகரீதியாக பாடுபடுவது அதனுடைய முக்கிய பணியாகும். அப்பணியை சிறப்பாக திட்டமிட்டு நடைமுறைப்படுத்துவதற்காக பல்வேறு உபகுழுக்கள் அமைக்கப்பட்டு அவை செயற்பட்டு வருகின்றன. என தமிழ் மக்கள் பேரவை தெரிவித்துள்ளது. எதிர்வரும் 21 ஆம் திகதி கிழக்கின் மட்டக்களப்பில் நடைபெறவுள்ள எழுக தமிழ் நிகழ்வு தொடர்பில் வியாழக் கிழமை (05) மாலை மட்டக்களப்பு புகையிரத நிலைய வீதியிலமைந்துள்ள கூட்டுறவுச்சங்க மண்டபத்தில் நடைபெற்ற ஊடகவியலாளர் மாநாட்டின்போது தமிழ் மக்கள் பேரவையின் தமிழ் எழுக ஏற்பாட்டுக்குழு தெரிவித்துள்ளது. இதன்போது அக்குழு மேலும் தெரிவித்ததாவது.... தமிழ் மக்கள் பேரவையில், கலை கலாச்சார உபகுழு தமிழ் பேசும் மக்களின் கலை கலாச்சார பண்பாட்டு விழுமியங்களை வளர்ப்பதற்கான பணிகளை ஆரம்பித்துள்ளது. பொருளாதார உபகுழு வடகிழக்குக்கான முதன்மைத் திட்டம் ஒன்றினை தயாரிக்கும் பணியில் ஈடுபட்டு வருகின்றது. அரசியல் உபகுழு வடகிழக்கு மக்களுக்கான அரசியல் தீர்வுத் திட்டம் ஒன்றினைத் தயாரித்து அரசுக்கும் சர்வதேசத்துக்கும் கையளித்துள்ளதோடு அத்திட்டத்தில் பரிந்துரைக்கப்பட்டுள்ள விடயங்களை அமுலாக்கம் செய்வதற்கு உந்துதலையும் அழுத்தத்தையும் கொடுப்பதற்காக அது பல்வேறு திட்டங்களை தன்னகத்தே கொண்டுள்ளது. அத்திட்டங்களில் ஒன்றுதான் எழுக தமிழ் நிகழ்வு. இதனூடாக வடகிழக்கு மக்களின் அரசியல் அபிலாசைகளை இந்நாட்டு அரசுக்கும் சர்வதேசத்துக்கும் குறிப்பாக ஐக்கிய நாடுகளின் மனித உரிமைகள் பேரவைக்கும் உரத்துச் சொல்ல முடியும் என்பது தமிழ் மக்கள் பேரவையின் திடமான நம்பிக்கை. எதிர்வரும் பங்குனி மாதம் ஜெனிவாவில் நடைபெற இருக்கும் மனித உரிமைகள் பேரவையில் நமது பிரச்சினைகளில் காட்டப்படுகின்ற அக்கறை நீர்த்துப் போகாமலும் அதனுடைய கூர்மை மழுங்கிப் போகாமலும் இருப்பதற்காக குரல் எழுப்ப வேண்டியது தங்களது கடமை என வடகிழக்கு மக்கள் நினைக்கின்றார்கள். அதன் அடிப்படையில்த்தான் கடந்த புரட்டாதி 24 அன்று வடக்கில் யாழ்ப்பாணத்திலே எழுக தமிழ் நிகழ்வு முதன்முதலாக நடாத்தப்பட்டது. அந்நிகழ்வில் ஏறக்குறைய இருபத்தைந்தாயிரம் பொதுமக்கள் கலந்து கொண்டு தங்களது அபிலாசைகளை உலகுக்கு உரத்துக் கூறினர் கடந்த காலங்களில் தங்கது பிரச்சினைகளை மற்றும் அபிலாசைகளை தங்களது தலைவர்கள்தான் சம்பந்தப்பட்டோரிடம் எடுத்துச் சொல்ல வேண்டும் என்றும் அவற்றை நிறைவேற்றப்பாடுபடல் வேண்டும் என்றும் மக்கள் எதிர்பார்த்திருந்தனர். ஆனால் இப்போது நிலமை மாறிக் கொண்டு வருகின்றது. இப்போது மக்கள் தலைவர்களை முந்திக் கொண்டு தீர்மானம் எடுக்கவும் செயற்படவும் முற்படுகின்றனர். ஏனெனில் தலைவர்களுடைய தீர்மானங்களும் செயற்பாடுகளும் தடுமாற்றம் நிறைந்து இருப்பதாக மக்கள் எண்ணுகின்றார்கள். இது வரைகாலமும் தலைவர்களுக்குப் பின்னேதான் மக்கள் சென்று கொண்டிருந்தார்கள். ஆனால் இப்போது மக்கள் முன்னே போக தலைவர்கள் பின்னே செல்ல வேண்டிய நிலமை ஏற்பட்டு வருகின்றது. இப்போது இடம் பெற்று வருகின்ற பல நிகழ்வுகளை அதற்கு உதாரணங்களாக நாம் கொள்ள முடியும். தலைவர்களிடம் பொறுப்புக்களை ஒப்படைத்து விட்டு பார்த்துக் கொண்டிருக்க மக்கள் இப்போது தயாராக இல்லை. தலைவர்களால் மட்டும் பொறுப்புக்களை சுமக்க முடியாது என்பதை மக்கள் உணரத் தலைப்பட்டு விட்டனர். எனவே தங்கள் பிரச்சினைகளை தீர்ப்பதற்கு தாங்களும் முழுமையான பங்களிப்பைச் செய்ய வேண்டும் என மக்கள் முன்வரத் துவங்கியுள்ளனர். அதன் வெளிப்பாடுதான் தமிழ் மக்கள் பேரவையின் தோற்றமும் எழுக தமிழ் நிகழ்வும் எழுக தமிழ் நிகழ்வினூடாக அரசுக்கும் சர்வதேசத்துக்கும் வடகிழக்கு மக்கள் பின்வருவனவற்றை அழுத்திக் கூற முற்படுகின்றனர். 1. வடக்கும் கிழக்கும் இணைக்கப்படல் வேண்டும். 2. தங்களைத் தாங்களே நிர்வகித்துக் கொள்ளக்கூடிய சமஷ்டி முறையிலான தீர்வு வேண்டும்;. 3. வடகிழக்கிலே திட்டமிட்ட குடியேற்றங்களும் பௌத்தமயமாக்கலும் நிறுத்தப்படல் வேண்டும். 4. போர்க்குற்ற விசாரணை சர்வதேச பொறிமுறையினூடாக மேற்கொள்ளப்படல் வேண்டும். 5. விசாரணையின்றி நீண்ட காலமாக தடுத்து வைக்கப்பட்டிருக்கும் அரசியல் கைதிகள் காலதாமதமின்றி விடுதலை செய்யப்படல் வேண்டும். 6. காணாமல் ஆக்கப்பட்டோர் பற்றிய பிரச்சினைக்கு முடிவுவொன்று விரைந்து காணப்படல் வேண்டும். 7. போரின் விளைவாக உருவான பெண் தலைமை தாங்கும் குடும்பங்களுக்கான தகுந்த வாழ்வாதார நடவடிக்கைகள் மேற்கொள்ளப்படல் வேண்டும். 8. இடம் பெயர்ந்து வாழும் மக்களின் மீள்குடியேற்ற நடவடிக்கைகள் துரிதப்படுத்தப்படல் வேண்டும். 9. ஏனைய பிரதேசங்களுக்குச் சமனாக வடகிழக்கிலும் அபிவிருத்தி நடவடிக்கைகள் மேற்கொள்ளப்படல் வேண்டும். 10. ஏனைய மக்களுக்குக் கிடைப்பது போன்ற தொழில் வாய்ப்புக்கள் வடகிழக்கு மக்களுக்கும் கிடைக்க ஆவன செய்யப்படல் வேண்டும். 11. வடகிழக்கில் உள்ள உயர் கல்வி நிலையங்களில் பிறரின் ஆதிக்கம் இல்லாத நிலை உருவாக்கப்படல் வேண்டும். கேட்காமல் எதுவும் கிடைப்பதில்லை, கேட்பது நமது தலையாய கடமை. எங்களுக்கு எது தேவை என்பதை நாம்தான் சொல்லியாக வேண்டும். அதையும் உரத்துச் சொல்லுதல் வேண்டும் , தலைவர்கள் மட்டும் சொல்லி இதுவரையில் பெரிய பயன் விளையவில்லை , எனவே தலைவர்களோடு இணைந்து மக்களும் குரல் எழுப்பி எங்கள் தேவையை உலகறியச் செய்தல் வேண்டும். இதற்கான அரிய சந்தர்ப்பம் ஒன்றுதான் தை 21 இல் கிழக்கின் மட்டக்களப்பிலே நடைபெறவுள்ள எழுக தமிழ் நிகழ்வு. எனவே அந்நிகழ்வில் இன, மத, கட்சி வேறுபாடுகளை விடுத்து வடகிழக்கைச் சேர்ந்த அனைவரும் கலந்து கொள்ளுமாறு தமிழ் மக்கள் பேரவை பகிரங்கமாக அழைப்பு http://battinaatham.com/description.php?art=7085
  15. வடமாகாணத்தில் அடையாளப்படுத்தப்படாமல் உள்ள வரலாற்று சிறப்புமிக்க இடங்கள் மற்றும் காடுகள், உள்ளிட்ட சுற்றுலா மையங்களை அடையாளப்படுத்தி வடமாகாணத்திற்கான சுற்றுலா கைநூல் ஒன்றை தயாரிக்கும் பணிகள் தொடங்கப்பட்டுள்ளதாக வடமாகாண சுற்றுலாதுறை அமைச்சு தெரிவித்துள்ளது. வடமாகாணத்திற்கு வெளிநாடுகளில் இருந்தும், இலங்கையின் மற்றைய பாகங்களில் இருந்தும் அதிகளவான சுற்றுலா பயணிகள் தொடர்ச்சியாக வருகை தருகின்றனர். இவர்களால் அதிகம் பார்க்கப்படும் இடங்களாக சில இடங்களே காணப்படுகின்றன. குறிப்பாக யாழ்.பொதுநூலகம், யாழ்.கோட்டை, மற்றும் சில ஆலயங்கள், சில கடற்கரைகள் என்பவற்றுடன் அவை நிறைவடைகின்றது. ஆனால் வடமாகாணத்தில் சுற்றுலா பயணிகளை கவரும் வகையில் பல பெறுமதியான காடுகள் காணப்படுகின்றன. குறிப்பாக முல்லைத்தீவு மாவட்டத்தில் ´குருந்தூர்மலை´ மற்றும் கயட்டை காடு ஆகியவற்றை குறிப்பிடலாம். மேலும் வடமாகாணத்தில் இருந்து மலை பார்ப்பதற்கும், மன்னர்களுடைய இராசதானிகளை பார்ப்பதற்கும் மக்கள் வெளி மாகாணங்களுக்கு செல்கிறார்கள். ஆனால் வடக்கில் குருந்தூர் மலை என்ற மலை ஒன்று உள்ளது. அதே போல் அந்த மலையின் மேலும் பண்டைய தமிழ் மன்னர்களின் இராசதானியும் உள்ளது. இதேபோல் கயட்டை பகுதியில் இலங்கையின் எந்த காடுகளிலும் இல்லாத வித்தியாசமான மரங்கள் காணப்படுகின்றன. அவ்வாறான பல பகுதிகளை நாங்கள் கைவிட்டிருக்கின்றோம். அவற்றை எமது மாகாணத்தில் உள்ள வரலாற்று துறைசார்ந்த பேராசிரியர்கள், தொல்லியல் ஆய்வாளர்கள் ஆகியோருடன் கலந்தாலோசித்து சில விடயங்களை செய்யவேண்டும் என மாகாணசபை உறுப்பினர்கள், வடமாகாண முதலமைச்சரும் சுற்றுலாத்துறை அமைச்சருமான சீ.வி.விக்னேஸ்வரனிடம் கோரிக்கை விடுத்திருந்தனர். இதனை தொடர்ந்தே வடமாகாணத்தில் அமைந்துள்ள சகல சுற்றுலா தளங்களையும் அடையாளப்படுத்தி மாகாணத்திற்கான சுற்றுலா கைநூல் தயாரிக்கப்படுவதாக சுற்றுலாத்துறை அமைச்சு வட்டாரங்கள் கூறுகின்றன. http://www.tamilkingdom.com/2017/01/436.html