manthahini

கருத்துக்கள உறவுகள்
  • Content count

    47
  • Joined

  • Last visited

  • Days Won

    1

manthahini last won the day on May 17 2014

manthahini had the most liked content!

Community Reputation

56 Good

About manthahini

  • Rank
    புதிய உறுப்பினர்
  • Birthday

Profile Information

  • Gender
    Female
  1. நன்றி. ஏமாற்றுக்காரர்களை எண்ணும்போது வேதனையாக இருந்தது. அதனால் எழுதினேன்

    1. Show previous comments  1 more
    2. manthahini

      manthahini

      தங்கள் கருத்துக்கு மிகவும் நன்றி.

    3. suvy

      suvy

        வணக்கம் சகோதரி...!

      பரவாயில்லை தொடர்ந்து எழுதுங்கள்...!

      அன்புடன் சுவி...!

    4. manthahini

      manthahini

      தொடர்ந்து எழுதுகின்றேன். ஊக்கம்தருவதற்கு மீண்டும் நன்றிகள்

  2. எழுதிட மறுக்குது மனக்கோல் எழுதிட எடுத்தேன் எழுதுகோல் இயங்கிட மறுத்தது மனக்கோல் எழுதி எழுதி என்ன பயன் எதற்கும் தீர்வு இல்லை எனின் நாளும் நாளும் தொடருது அவலம் தடுத்திட வழி காண எவருமில்லா துயரம் போதும் போதும் பேசி ஏமாற்றும் நாடகம் முடிந்தால் மக்களைக் காப்பாற்ற வழி வேண்டும் அல்லல்பட்டு அல்லபட்டு அழிவதுதான் தமிழர் தலைவிதியோ என்று எண்ணிடும் போது இதயம் துடிக்கிறது அதனால் எழுதிட மறுக்குது மனக்கோல் வெற்று ஆரவாரங்களோ எல்லாம் என வெதும்புகின்றது உள்ளம் சொத்துக்கள் சேர்ப்பவரும் அரச இருக்கைகள் காப்பவர்களும் தான் அதிகமாகிவிட்டனர் என்னும்போது அழுவதா? கொதிப்பதா? என தெரியவில்லை. மெல்ல அரங்கேறும் இனக்கொலைக்கு உடந்தையாளர்கள்தான் கூடுமானவர்களோ? உண்மை உணர்வுடன் நீதி கேட்டு போராட பக்கபலமாக மக்களுக்கு யாருமில்லையோ? மக்களின் துயரநிகழ்வுகளில் கலந்து கொண்டு அங்கும் அரசியல்மேடை போட நினைப்பவர்கள் நித்தம் துயரத்துள் தள்ளாடும் மக்கள் நிலையை எப்படி உணர்வார் உதவிட வருவார்? சாவையே காசாக்க துணிந்திடும் எத்தர்கள்- மக்கள் வலிகளையே படமாக்கி விற்றிட முனையும் கொள்ளையர்கள் போலி வாக்குறுதிகளை அள்ளிக்கொட்டி அரசியல் ஆதாயம் தேடும் கொடியவர்கள் நடுவே மக்கள் வாழ்வு. நச்சுப்பாம்புகள் நடுவேயும் கொடிய விலங்குகள் மத்தியிலும் அச்சமின்றி எவரும் வாழ்ந்துவிடலாம் -பதவி மோகம் பணவெறி பிடித்தலையும் மனிதப்பண்பில்லாதோர் நடுவே பயமின்றி நிம்மதியாக வாழ முடிந்திடுமா? நீதிதான் கிடைத்திடுமா? மந்தாகினி
  3. பதின்மூன்று..பதினாலு., பத்தொன்பது என்று, தீர்வுத் திட்டங்களின், வரிசை நீள்கின்றது! உண்மைதான். திட்டங்கள் என்ற பெயரால் ஏமாற்றப்படும் நாடகங்கள் மேலும் மேலும் அதிகரித்துக்கொண்டே செல்கின்றன. அநீதியை பொறுக்க முடியாமல் மக்கள் எழுந்து கொண்டு போராட்டங்களை நடத்த முற்படும் வேளைகளிலெல்லாம் சில கறுப்பு ஆடுகள் புகுந்து கெடுத்துவிடும் கொடுமையும் அல்லவா தொடர்கின்றது
  4. தங்களுக்காக குரல் கொடுப்போம் என்ற நம்பிக்கையுடன் காத்திருக்கும் எம் மக்களை காப்பாற்ற இன்னும் எவ்வளவு காலம் அவர்கள் காத்திருக்கவேண்டும்? இங்கேதானே ஒவ்வொருவரும் ஒவ்வொரு திக்கில் நிற்கின்றார்களே
  5. மூச்சடங்கிப்போன இறுதிப்பொழுதுகள் ஆண்டுகள் ஆறானதோ? எங்கள் உறவுகள் அணுஅணுவாய் வதைபட்டு அல்லல்கள் பலபட்டு துடிதுடித்து சாவடைந்து ஆண்டுகள் ஆறானதோ? இரசாயன நெருப்புக்குள் வெந்து கருகி மடிந்தும் பச்சிளங்குழந்தைகள் பாழும் குண்டுகளால் பரிதவித்து இறந்தும் ஆண்டுகள் ஆறானதோ? சதிவலை பின்னியநாடுகளை இறுதிவரை நம்பி காத்திருந்து உயிர் பறிக்கப்பட்டு ஆண்டுகள் ஆறானதோ? பதுங்குகுழிகள் வெட்டி உயிரை பாதுகாக்க முடியாத வலயத்துள் பல நூறாயிரம் எறிகணைகள் வீழ்ந்து பதைபதைத்து எம் உறவுகள் துடிதுடித்துசாவடைந்து ஆண்டுகள் ஆறானதோ? நம்பிக்கை வைத்த நாடுகள் தான் கூடிச் சதி புரிந்தது தெரியாமலும் அயல்நாட்டு அரசின் பக்கபலத்துடன்தான் இனவாத சிங்கள அரசு இனப்படுகொலை செய்கின்றது என்பதை அறியாமலும் அன்று எம்உறவுகள் மூச்சடங்கியது அன்று இரசாயன குண்டுகளாலும் எறிகணைகளாலும் எங்கள் உறவுகள் உயிர்கள் பறிக்கப்பட்டன இன்று போலி உறுதிமொழிகளாலும் ஏமாற்றுப் பேச்சுக்களாலும் மக்கள் சிந்தனை முடக்கப்படுகின்றன போதைப்பொருட்களால் எம்மினம் சிதைக்கப்படுகின்றது வாள்வெட்டுக்களும் பாலியல் வன்கொடுமைகளும் நாளாந்த நடைமுறைகளாக்கப்பட்டு மெல்ல மெல்ல எம்மினம் அழிக்கப்படுகின்றது நிலத்தடிநீரை நஞ்சாக்கி நிலங்களை பாழாக்கி மக்கள் வயிற்றிலடித்து அலைந்து உலையவைக்கப்பட்டு எம்மினம் கருக்கப்படுகின்றது ஒரு சில நாட்கள் சில நொடிப் பொழுதுகளுக்குள் அன்று நடத்தப்பட்ட இனப்படுகொலை ஆறாண்டுகளுக்குள் அன்றாடம் தொடரும் அவலமாகிவிட்டது எம்மக்களின் வலிகள் இன்று விலைப்பொருளாக்கப்படும் கொடுமை உலப்பரப்பெங்கும் மலிந்துவிட்டன மனிதாபிமானம் மரணித்த நிலையில் நீதியைத் தேடி எங்கே போவோம்? மீண்டும் உருவெடுக்க தொடங்கும் போராட்டம் முளையிலேயே கிள்ளப்படும் ஆபத்து தொடரும் நிலையில் நீதிகேட்கும் போராட்டம் எப்படி தொடரும்? தொடரும் என்ற நம்பிக்கை இன்னும் சாகவில்லை அடித்தால் அழும் இனமாக வாழும்படி எம்மாவீரர்கள் சொல்லிச் செல்லவில்லை விடியும் என்ற உறுதியுடன் இறுதிவரை தாய்மண்ணில் நின்று மடிந்த எங்கள் உறவுகளும் உயிர்ப்புடன் நிமிருங்கள் என்றுதான் உணர்த்தி சென்றார்கள் அதனால், பசப்பு வார்த்தைகளால் ஏமாற்றப்படுவதும் கொடியவதைகளால் ஒடுங்கிக்கிடப்பதும் இனியும் தொடராது முடக்க முடக்க மக்கள் எண்ணம் வலுக்கும் சிதைப்பவர்களை உலகமன்றில் நிறுத்தும் வல்லமை பெறுவர் எம் மக்கள் மந்தாகினி
  6. ஆசிரியரை இழந்து தவிக்கும் அவரின் குடும்பத்தினருக்கு எனது ஆழ்ந்த இரங்கலை தெரிவித்துக்கொள்கின்றேன்
  7. ஆற்றாமையும் அழுத விழிகளும்தான் எம் மண்ணிற்குச் சொந்தம் என நாம் சோர்ந்துவிடாமல் என்னஎன்ன வழிகள் உண்டு என தேடினால் நல்ல வழி ஒன்று கண்ணில் தென்படலாம் என்ற நம்பிக்கையுடன்தான் தாயகத்தில் எம் உறவுகள் தாங்களே அந்த வழியைத்தேடி புறப்பட்டிருக்கிறார்கள். அவர்களுக்கு பக்கபலமாக இருப்பதிலாவது ஒன்றுபட்டால் நல்லது.நடக்குமா ? நன்றி. எங்கள் மக்களுக்கு ஒரு நல்ல காலம் வரும். அதன் ஒரு வெளிப்பாடுதான் அண்மையில் சில நாட்களாக தாயகத்தில் இயல்பாக மக்களால் முன்னெடுக்கப்படும் போராட்டங்கள் என் எண்ணுகின்றேன் நன்றி. எங்கள் மக்களுக்கு ஒரு நல்ல காலம் வரும். அதன் ஒரு வெளிப்பாடுதான் அண்மையில் சில நாட்களாக தாயகத்தில் இயல்பாக மக்களால் முன்னெடுக்கப்படும் போராட்டங்கள் என் எண்ணுகின்றேன்
  8. இன்று அனைத்துலகபெண்கள்நாள். இன்று என்ன நடக்கும் என யோசித்தேன். வாழ்த்துக்கள்,சாதனையாளர்கள் தகவல் சொல்லுதல்,பெண்களை உயர்த்தி கூறுதல்,பெண்கள் மாநாடு என ஊடகங்கள் உட்பட பல நாடகங்கள் அரங்கேறும்.இதனை நினைத்தேன். எங்கள் பெண்களுக்கு இழைக்கப்பட்ட கொடுமைகளைப்பற்றி பேச ஒருவருக்கும் நேரமில்லை. காணாமல்போகடிக்கப்பட்ட தங்கள் உறவுகளைத்தேடி கண்ணீருடன் நீதிகேட்டு அலையும் எங்கள் உறவுகளைப்பற்றி யோசிக்க எவருக்கும் மனமில்லையே. அவர்களின் உள்ளவலிகளை புரிந்துகொள்ள எவருமேயில்லையே
  9. நன்றி. ஆற்றாமையும், வேதனையும் என்னை இதனை எழுதவைத்தது
  10. முகவரி இடப்படாத கடிதம் முகவரி இடப்படாத கடிதம் இது முடிந்தால் எவராவது உரியவரிடம் சேர்ப்பிப்பீர்களா? ஓலமிட்டு அழுகின்றோம் ஓடி ஓடி நீதி கேட்கின்றோம் ஆனால் எந்த விழிகளிலும் மனித நேயத்தை காணமுடியவில்லையே. மார்ச் எட்டு என்றவுடன் உலகமெங்கும் அனைத்துலக பெண்கள் நாள் ஆடம்பரமாக கொண்டாடப்படும். ஆனால் ஒடுக்கப்பட்டோர் எம் குரல் கேட்க உலகில் எவருக்கும் நேரமில்லை. காணாமல் போகடிக்கப்பட்டவர்கள் எங்கள் உறவுகள். கணவன்,மகன்,தந்தை என நாங்கள் எங்கள் உறவுகளைத் தேடுகின்றோம் ஆறு ஆண்டுகளாக உளவலிகளால் அலைந்து உலைந்து கொணடிருக்கின்றோம் அழுது அரற்றுகின்றோம். எந்த நாட்டுப் பிரதிநிதி வந்தாலும் ஓடி ஓடி அவர்களிடம் எங்கள் நிலைமையை எடுத்தரைத்து எவராவது எம் உறவுகளைத் தேடித்தர உதவ மாட்டார்களா என ஏக்கத்துடன் அவர்களைப் பார்க்கின்றோம். எங்களின் ஓலம் எவர் செவிகளையும் எட்டவில்லையே காணாமல் போகடிக்கப்ட்ட உறவுளைத் தேடி உலகத்தின் காதுகளுக்கு உண்மை சொன்னதால் பிடித்துச் செல்லப்பட்டவர்களுக்கு என்ன நடந்தது என்பதும் தெரியாமல் எங்களுக்கும் அந்த நிலை வரலாம் என்ற உண்மை தெரிந்தாலும் எங்கள் உறவுகளைத் தேடி நீதிகேட்டு அலைகின்றோம் வேண்டுமென்றே விழி மூடி செவி அடைத்தவர்களிடம் தான் நாங்கள் நீதி கேட்கின்றோம் என்ற உண்மை நிலைமை புரிந்தாலும் நாளும் பொழுதும் அழுது அழுது அவலநிலைமையை சொல்கின்றோம். இன்னும் எவ்வளவு காலம் இப்படியே நாங்கள் இரக்கமற்றவர்களிடம் இறைஞ்சுவது எதுவுமே புரியாமல் மீண்டும் மீண்டும் நீதிகேட்டு வீதிகளில் இறங்கிப்போராடுகின்றோம் இனி அழுதிடக் கண்ணீருமில்லை இதயத்தில் வலுவுமில்லை உயிரற்ற வெறும் மனிதக்கூடுகளாக மெல்ல மெல்ல ஒடுங்கும் எங்கள் நிலையை எண்ணிப்பார்க்க எவருக்கும் நேரமுமுமில்லை இதயமும் இல்லை. இனி முடியவில்லை அதனால் இந்த முகவரி இல்லாத கடிதத்தை எங்கள் கண்ணீரால் எழுதுகின்றோம் எஞ்சிஇருக்கும் உள்ளவலுவை முழுவதுமாக திரட்டி இந்த அஞ்சலை அனுப்புகின்றோம் முடிந்தால் மனித நேயமுள்ள எவரையாவது யாராவது சந்தித்தால் மறக்காமல் இதனை அவர்களிடம் சேர்ப்பித்துவிடுங்கள் உள்ளம் நொந்து நைந்து நாங்கள் சாவதற்கிடையில் எவராவது விழி திறந்தால் எமக்கு நீதி கிடைக்கும். காணாமல் போகடிக்கப்பட்ட எங்கள் உறவுகளை நாங்கள் உயிருடன் உள்ள போதே காணுவோம் என்ற நம்பிக்கை ஊசலாட காத்திருக்கின்றோம் மந்தாகினி
  11. மன்னிக்கவேண்டும் . கடந்த வருடம் எழுதினேன். யாழ் இணையத்துக்கு அனுப்பியது நினைவில் இல்லை. காரணம் கடந்த 3,4 ஆண்டுகளாக மனதில் நினைப்பதை எழுதி வைத்திருப்பேன். ஆனால் எதனையும் அனுப்ப மனம் வருவதில்லை. அவ்வளவுக்கு மனம் உடைந்துபோயிருந்தேன். அதனால் இதனை அனுப்பியது நினைவில் இருக்கவில்லை. பாலா அங்கிளை பற்றி எழுதும்போது அதே உண்மை விடயங்கள் தானே வரும் என்பதும் இன்னொரு பக்கம் உண்மைதானே. நன்றி
  12. எங்கள் தேசத்தின் குரல் ஓய்ந்திடவில்லை ஆண்டுகள் எட்டு ஓடி மறைந்ததா?- எங்கள் தேசத்தின் குரல் ஓய்வெடுத்து ஆண்டுகள் எட்டானதோ? அன்பே மூலதானமாக அடக்கமே ஆளுமையாக அறிவே ஆயுதமாக தமிழினத்தின் குரலை தரணிக்கு எடுத்துக் கூறிய எங்கள் அன்பு பாலா அண்ணா உலகத்தைவிட்டு பறந்தோடி ஆண்டுகள் ஏழு ஆனதோ? உண்மையுள் உண்மையாய் உண்மையே உணர்வாய் உண்மையே இவராய் உண்மையாய் வாழ்ந்த உயரிய மகன்-இன்று எம்மைவிட்டு சென்றதை இன்னும் நம்ப மனம் மறுக்கின்றது உலகின் பார்வையில் இவரின் உறக்கம் சாவு எனச் சொல்லப்படலாம் ஆனால், உலகத்தமிழர் உளங்களில்- இவர் என்றும் வாழ்ந்திருக்கும்; மனிதன். தமிழின விடிவுக்காகவே இறுதிவரை உழைத்த உறுதியான போராளி இவர். பாழும் நோய் வந்து பாடையேறும் நாளை இரக்கமின்றி தெரிவித்தபோது பதட்டமின்றி பதில் சொன்ன பக்குவமனிதர் சிரிப்புடன் பேசி-எமை சிந்திக்க வைத்த செம்மையாளர் நோயின் வலியுடன் போராடினாலும்--தமிழ் தாயின் விடிவுக்கான வழியைப் பேசிட இறுதித் துடிப்புவரை போராடிய தூயதமிழ்மகன் இவர். விடிவினை எட்டும் தருணம் கிட்ட நெருங்கும் வேளை விட்டு விலகிப் போகும் வேதனை மனதை வருத்தினாலும் கடமைகளை உணர்த்திய நிம்மதியுடன் கண்மூடிய எங்கள் பாலா அண்ணா காத்திருப்பேன் நல்ல நாளுக்காக-- -என சொல்லாமல் சொல்லி துயில்கின்றார். தூக்கம் கலைக்காமல்-இவர் காட்டிய பாதையில் உறுதியுடன் கால்பதிப்போம். தமிழ்ஈழவிடிவைப்பார்க்க வருவாரென நம்பிக்கை மனதில் வைத்து தெளிவுடன் பணிதொடர்வோம். இறுதி இழப்பு தனதாக இருக்கட்டும் இதுவேதான் அவரின் இறுதிக்கண நினைப்பாகவும் இருந்திருக்கும். தன் நோயின் வலியை விட தமிழ்மக்கள் வாழ்வின் வலிகளை நினைந்து இறுதிக் கணங்களிலும் நொந்து வருந்திய-தமிழ் ஈழத் தாயின் தலைமகன் இவர். பாசமுடன் தன்னை அங்கிளென்றும் அண்ணாவென்றும் அழைத்தவர்கள் உலகச்சதிவலைக்குள் சிக்குண்டு அழிக்கப்பட்ட கொடுமையை அறியுமுன்னர் தேசத்தின்குரல் ஓய்ந்து போனதோ? தனது இழப்பை தாங்காது கதறும் தமிழினம் இனி என்றுமே அழுதிடக்கூடாது என்பதை இறுதிநொடிப் பொழுதின் உறுதிப்பதிவாக்கி உலகின் காதுகளில் ஓர் செய்தி சொல்லாமல் சொல்லி சென்றார் ஆனால் ஒட்டுமொத்த தமிழினமும் உடைந்து நொந்து அவதியுறும் அவலம் நேரும் என அன்று அவர் நினைத்திருப்பாரா? சத்திய வழியில் போராடும் தமிழினத்தின் உண்மைப் பலத்தை உலகே விரைவில் உணர்வாய் நீயென தெளிவான சேதி ஒன்றை சொல்லாமல் சொல்லி தூயமகன் விழிமூடி உறங்குகின்றார். 'நான் சாவடையவில்லை என் சிந்தனைகள் சுமந்து செயல்ப்படும் அனைத்து உறவுகள் விழிகளாலும் அகிலமே உனைப் பார்ப்பேன்'-என உறுதி உரைத்தபடி இமைமூடித் தூங்குகின்றார். எங்கள் தேசத்தின் குரல் ஓய்ந்திடவில்லை தமிழினத்தின் இதயஒலியாய் என்றும் நிலைத்து நிற்கும். மந்தாகினி