ஆளை அசத்தும் லெக்கிங்ஸ் – ஆளுக்கேற்ப அணிய ஆலோசனை.
உடலை மறைக்க மட்டுமே உடைகள் என்றிருந்த நிலைமாறி அழகை வெளிப்படுத்தவே ஆடைகள் என்ற நிலைக்கு வந்துவிட்டனர் இன்றைய இளையதலைமுறையினர். எட்டுமுழம் புடவையும், தழைய தழைய பாவாடை தாவணியும் கட்டிய காலம் மலையேறி விட்டது.
சுடிதார், சல்வார் கமீஸ், ஜீன்ஸ், டைட் பேண்ட், என்ற வரிசையில் கால் அழகை வெளிப்படுத்தும் லெக்கிங்ஸ் ஆடைகள் இளைஞிகள் மத்தியில் வலம் வர ஆரம்பித்துள்ளது. இது தற்காலத்திய உடை இல்லை என்கின்றனர் ஆடை வடிவமைப்பாளர்கள்.
மொகலாயர் காலத்திய உடை.
லெக்கின்ஸ் எனப்படும் டைட் பேண்ட் உடை மொகலாயர் காலத்தில் அறிமுகமானது. இதுதான் தற்போது மாற்றம் செய்யப்பட்டு பல வண்ணங்களில் இன்றைய யுவதிகளிடையே வலம் வருகிறது. கோல்டு, சில்வர், காப்பர் மற்றும் கண்ணைப் பறிக்கும் ப்ளரெசன்ட் வர்ணங்களிலும் கிடைக்கிறது. வெல்வெட், லேஸ், டெனிம், லைக்கரா போன்ற துணிவகைகளில் இந்த லெக்கின்ஸ் விற்பனைக்கு கிடைக்கிறது.
உடலை தழுவும் உடை.
அநேகம் பெண்கள் லைக்கரா துணியில் தைக்கப்படும் லெக்கிங்ஸ்சையே விரும்பி அணிகின்றனர் காரணம் அதுதான் உடலோடு ஒட்டி இருக்கிறது. ஆனால் இந்த உடை பெண்களின் உடல் அமைப்பினை அப்பட்டமாக வெளிச்சம் போட்டு காட்டி அடுத்தவர்களின் கண்களை உறுத்துவதை கவனிக்க மறந்துவிடுகின்றனர். எனவே உடலை இருக்கிப் பிடிக்கும் டாப்ஸ் அணியாமால் இடுப்பிற்கு கீழ் இருக்கும் வகையில் டாப்ஸ் தேர்ந்தெடுத்து அணியவேண்டும் என்பதே நிபுணர்களின் அறிவுரை. முட்டிவரை நீண்ட குர்தா, லூசான டாப், சல்வார், போன்றவைகளை மேட்சாக தேர்ந்தெடுத்து அணிவது அந்த உடைக்கு பொருத்தமாக இருக்கும்.
உடல் அமைப்பிற்கு ஏற்ற உடை.
லெக்கிங்ஸ் பல வகைகளில் உண்டு என்றாலும் அவரவர் உடல் அமைப்பிற்கு ஏற்பவே அணியவேண்டும் என்கின்றனர் ஆடை வடிவமைப்பாளர்கள். இந்த உடை நமக்கு பொருந்துமா என்பதை தெரிந்து கொண்ட பின்னரே அணியவேண்டும் உயரத்திற்கு ஏற்ப பார்த்து தேர்ந்தெடுக்க வேண்டும்.
ஆளுக்கேற்ற ஆடை.
ஒல்லியாக இருப்பவர்கள் லெக்கிங்ஸ் அணிவதே ஏற்புடையது. ஒல்லியாகவும், உயராமாகவும் இருப்பவர்கள் முக்கால் நீளமுள்ள லெக்கிங்ஸ் அணியலாம். குண்டாக இருப்பவர்கள் அணியவேண்டும் எனில் அவர்களின் இடுப்பளவிற்கு ஏற்ப தேர்வு செய்யவேண்டும் என்கின்றனர் நிபுணர்கள். உயரம் குறைவாக, குண்டாக, இருப்பவர்கள் முழு லெக்கிங்ஸ் அணிந்து முட்டி கால் வரையுள்ள லூசான டாப் அணிவதே எடுப்பாக இருக்கும் என்கின்றனர். நீளமான டாப் அணிவது மேலும் குள்ளமாக காட்டும் .
எல்லாவற்றையும் விட முக்கியமான விசயம் லெக்கிங்ஸ் அணியும் போது பாக்சர் உள்ளாடையை அணிவதே பாதுகாப்பானது என்பதே ஆடை வடிவமைப்பாளர்களின் அறிவுரையாகும்.
நன்றி தற்ஸ்தமிழ்.
பெண்கள் அணியும் உடைகளில் ...
தொள,தொள என்று இல்லாமல் உடலோடு ஒட்டியிருப்பதால், லெகிங்ஸ் எனக்குப் பிடித்தது.
