Jump to content

Photoshop பாவிக்கும் முறை - Photoshop tamil


Recommended Posts

Photoshop பாவிக்கும் முறை - Photoshop tamil

இன்று எம்மிடையே Digital படங்களின் பாவனை அதிகரித்துள்ளது. கணணி, Digital படக் கருவிகள், அச்சு இயந்திரங்கள் போன்றவற்றை எல்லோராலும் இலகுவாக இயக்கக் கூடிய வகையில் தாயாரிக்கப்படுகின்றன. இணையத் தளங்கள் ஈமெயில் MMS போன்றவற்றினால் படங்களின் பாவனையும் இன்றியமையாததாக ஆகிவிட்டது. படங்களை இலகுவாக பரிமாற முடிந்தாலும் பலருக்கு அவற்றை உரிய முறையில் கையாள முடிவதில்லை. ஒரு படம் எந்த நோக்கத்திற்காகத் தேவைப்படுகிறதோ அதற்கேற்ற வகையில் மாற்றிக் கொள்வதன் மூலமும் ஒளி, நிறம் போன்றவற்றில் தேவையான அளவு மாற்றங்களைச் செய்வதன் மூலமும் அதன் தரத்தை உயர்த்தலாம். இவ்வாறான பொதுவான மாற்றங்களை எவ்வாறு இலகுவாகச் செய்துகொள்ளலாம் என்பதை விளக்குவதே இத் திரியில் நோக்கமாகும். மற்றும் ஏனைய மொழிகளில் இவ்வாறான விளக்கங்கள் இருந்தாலும் தமிழில் இருந்தால் (ஏற்கனவே உள்ளதோ தெரியவில்லை) பயனுள்ளது என்று நினைக்கிறேன்.

படங்களைக் கையாள்வதற்கான மென்பொருட்கள் பல இருந்தாலும் Photoshop மென்பொருள் பெரும்பாலோரினால் பாவிக்கப்படுவதால் அதயே நானும் தெரிவுசெய்துள்ளேன். மென்பொருட்கள் வித்தியாசமாக இருந்தாலும் பாவனையில் அவை ஏறத்தாள ஒரே மாதிரியாகவிருக்கும்.

இத் தலைப்பை வாசிக்க விரும்புபவர்கள் ஏற்கனவே கணணியை பாவிக்கத் தெரிந்தவர்களாக இருத்தல் வேண்டும். மென்பொருட்களில் உள்ள ஆங்கிலச் சொற்களுக்கு ஈடான தமிழ்ச் சொற்கள் தெரியாவிட்டால் அதனை ஆங்கிலத்திலேயே இடுகிறேன். தமிழில் அவற்றிற்கு ஈடான சொற்கள் யாருக்காவது தெரிந்தால் கூறுங்கள், மாற்றி விடுகிறேன். அத்துடன் எனக்குத் தெரியாத விடையங்களை அல்லது தவறுகளைச் சுட்டிக் காட்டுவது வரவேற்கத் தக்கது.

உங்கள் கேள்விகளையும் இத் திரி தொடர்பான உங்கள் விமர்சனங்களை இங்கே இடவும். இயன்ற அளவு பதிலளிக்கிறேன்.

http://www.yarl.com/...showtopic=62200

Link to comment
Share on other sites

பகுதி 1

பொதுவான விதிகள்.

1.1 நிறங்கள்.

இதனை எல்லோரும் தெரிந்து கொள்ளவேண்டிய அவசியமில்லை. ஆனால் Photoshop பற்றி விரிவாக அறிய விரும்புபவர்கள் தெரிந்து வைத்துக் கொள்வது நல்லது. ஏனையவர்கள் அடுத்த பகுதிக்குச் செல்லலாம்.

பொதுவாக நிறங்கள் இரண்டு விதமாக இயங்குகின்றன.

1 - Additive color {?}

2 - Subtractive color {?}

முதலாவது வகையானது சிவப்பு (RED), பச்சை (GREEN), நீலம் (BLUE) ஆகிய மூன்றையும் முதன்மை வண்ணங்களைக் கொண்டது. இம் மூன்றையும் சேர்க்கும்போது வெள்ளை நிறம் உண்டாகும். இவற்றில் இரண்டை அல்லது மூன்றையும் வித்தியாசமான விகிதத்தில் கலந்தால் ஏனைய எல்லா நிறங்களையும் உருவாக்கலாம். உதாரணமாக தொலைக்காட்சியைக் கொள்ளலாம். தொலைக்காட்சிப் பெட்டியில் ஒளி இல்லாதபோது கறுப்பாகவும் மூவண்ண ஒளிக்கதிர்களைச் சேர்க்கும்போது வெள்ளை நிறமும் உண்டாகும்.

substractive.gif

Photoshop இல் ஒவ்வொரு முதன்மை வண்ணங்களையும் 0 தொடக்கம் 255 ஆகப் பிரித்து கீழ்கண்டவாறு பயன்படுத்தப் படுகிறது (ஏன் 256 பிரிவுகள் என்பதை அடுத்த பகுதியில் பார்ப்போம்).

rvb.gif

இரண்டாவது வகையானது இளநீலம் (CYAN), குங்குமம் (MAGENTA), மங்சள் (YELLOW) ஆகியவற்றை முதன்மை வண்ணங்களாகக் கொண்டது. இம் மூன்றையும் கலக்கும்போது கறுப்பு நிறம் உண்டாகும். உதாரணமாக அச்சு இயந்திரத்தை எடுத்துக் கொள்ளலாம். ஆனால் உண்மையில் இம் மூன்று வண்ணங்களையும் கலந்தால் கறுப்பிற்குப் பதிலாக பழுப்பு நிறமே உண்டாகும். ஆகவே சரியான கறுப்பை உருவாக்குவதற்காகவும் வேறு சில காரணங்களுக்காகவும் கறுப்பையும் நான்காவது வண்ணமாகச் சேர்த்துக் கொள்ளப் படுகிறது. இதற்கு உதாரணமாக அச்சு இயந்திரத்தைக் கொள்ளலாம். மூன்று விதமான சாயங்களை ஒன்றாகக் கலந்தால் பழுப்பு நிறம் உண்டாகும்.

additive.gif

Photoshop இல் இவை ஒவ்வொன்றையும் 0 தொடக்கம் 100 விகிதமாகப் பயன்படுத்தப் படுகிறது.

cmyk.gif

Photoshop இல் ஒரு படத்தை உருவாக்க வேண்டுமாயின் இவ் விரண்டு வகைகளில் ஒன்றைத் தெரிவு செய்ய வேண்டும் (வேறு சில வகைகள் இருந்தாலும் இவை இரண்டுமே பிரதானமாகப் பயன்படுத்தப் படுகின்றன). எந்த நோக்கத்திற்காக அப் படத்தை உருவாக்குகிறோம் என்பதைப் பொறுத்து இத் தெரிவு அமையும். உ+ம் ; அச்சுப்பதிவுகாக இருந்தால் இரண்டாவதைத் தெரிவு செய்யலாம். இணையத்தில் பாவிப்பதானால் முதலாவது தெரிவாக இருத்தல் வேண்டும். நாம் முதலாவதை மட்டுமே தற்போது எடுத்துக் கொள்வோம்.

இனி படம் ஒன்று எப்படித் திரையில் கொண்டு வரப்படுகிறது என்பதைப் பார்ப்போம். Photoshop படத்தை மூன்று முதன்மை வண்ணங்களையும் தனித்தனியாகப் பிரித்து தனித்தனியான தட்டுகளில் பதிந்து கொள்கிறது.

couleurspalette.jpg

couleurscouches.jpg

இவை மூன்றும் ஒன்றாகச் சேர்க்கப்பட்டு திரையில் நேர்த்தியாக காட்டப்படுகிறது.

couleurscouches2.jpg

தொடரும்.

Link to comment
Share on other sites

பகுதி 1

பொதுவான விதிகள்.

1.2 அலகுகள்.

எந்தஒரு விடயத்தை எடுத்துக் கொண்டாலும் அதனை அளப்பதற்கான அலகொன்று இருக்க வேண்டும். கணணியின் Memory யின் அலகையும் படத்தின் அளவைத் தீர்மானிக்கும் Pixel என்ற அலகையும் பார்ப்போம்.

இந்த இரண்டும் டிஜிட்டல் படங்களின் தரத்தில் பாதிப்பை ஏற்படுத்துவதால் முக்கியத்துவம் பெறுகின்றன. ஒன்றின் அளவு கூடும்போது மற்றதின் அளவும் கூடும். அதேவேளை படத்தின் தரமும் அதிகரிக்கும். இவற்றில் ஏதாவது ஒன்று குறைந்தால் ஏனையவையும் குறைந்துவிடும். முன்பு குறிப்பிட்டதுபோல எந்த் நோக்கத்திற்காக ஒரு படத்தை உருவாக்குகிறோம் என்பதைப் பொறுத்து இவற்றின் அளவுகள் நிர்ணயிக்கப் படுகின்றன.

உ+ம் : ஈமெயிலில் சில படங்களை அனுப்ப வேண்டும் என்று வைத்துக் கொள்வோம். படங்களை Memory அளவால் குறைப்பதற்காக Pixel களின் எண்ணிக்கையைக் குறைக்க வேண்டும். அப்போதுதான் ஈமெயில் மூலமாக அவற்றை இலகுவாக அனுப்பவும் பெற்றுக் கொள்ளவும் முடியும்.

Memory

கணணியில் File கள் மென்பொருட்கள் போன்றவை களஞ்சியப்படுத்தப் படுத்தப் பாவிக்க்கப்படும் மிகச் சிறிய கொள்ளளவை (Capacity) bit என்று அழைக்கப்படும். ஒரு bit என்பது கணணியில் 1 அல்லது 0 என்ற இரண்டு பெறுமானங்களில் ஒன்றைப் பெறக்கூடியது.

கணணியால் ஒரு bit இன் பெறுமதி மின்னலையாக வாசிக்கப்பட்டு அது Micro Processor ரில் உள்ள Transister வழியாகச் செல்லுமாக இருந்தால் அதன் பெறுமதியை 1 ஆகக் கொள்வோம். அந்த bit இன் பெறுமதி மின்னலையை Processor இற்குள் செலுத்த முடியாததாக இருந்தால் அதன் பெறுமதியை 0 ஆகக் கொள்வோம். 1 அல்லது 0 என்ற தொடர்ச்சியான மின்னோட்டங்களின் மூலமாகவே கணணி எல்லாவற்றையும் செய்கிறது.

மேற்குறிப்பிட்ட விளக்கம் சிறுவர்களுக்கு அம்புலிமாமா காட்டுவதைப் போன்றது. உண்மையில் கணணியின் செயற்பாட்டை விளக்குவது மிகவும் சிக்கலானது.

இன்னும் புரியும்படியாக ஒரு உதாரணம். கறுப்பு வெள்ளை கணணித் திரை ஒன்றை எடுத்துக் கொள்வோம். சிறிய புள்ளிகள் மூலமாகவே கணணியின் திரை ஒளிர்கிறது. 0 பெறுமதியுடைய bit ஒன்றைக் கணணி வாசிக்கும்போது திரையில் ஒரு கறுப்புப் புள்ளியையும் 1 பெறுமதியுடைய bit அய் வாசிக்கும்போது வெள்ளைப் புள்ளியையும் ஒளிர வைக்கிறது.

pixel01.gif

பின்வரும் தொடர்ச்சியான bit களைக் கணணி எப்படி திரையில் தருகிறது என்பதைக் கீழுள்ள படத்தில் காணலாம்.

pixel02.gif

தொடர்ச்சியான 8 bit களை ஒன்றுசேர்த்து 1 Byte என்று அலகாக அழைக்கப்படுகிறது. ஆயிரம் Byte என்பதை ஒரு கிலோ பைற் என்றும் (1KB) பத்து இலட்சம் Byte என்பதை ஒரு மெகா பைற் (1MB) என்றும் நூறு கோடி Byte என்பதை ஒரு கிகாபைற் (1GB) ... என்றும் அழைக்கப்படும்.

பொதுவாக கிலோ என்பது ஆயிரத்தைக் குறிக்கும். ஆனால் கணணியில் ஒரு சிறிய வித்தியாசம். ஒரு bit இரண்டு பெறுமதிகளை உடையதால் கிலோ என்பது கீழ்கண்டவாறு கணிக்கப்படும்.

pixel04.gif

MB, GB போன்றவையும் இவ்வாறே கணிக்கப்படுகிறது.

Pixel

Digital படங்கள் நிறப் புள்ளிகளால் ஆக்கப்பட்டுள்ளன. பிரிக்க முடியாத மிகச் சிறிய புள்ளியை Pixel (Picture Element - சுருக்கமாக px) என்று அழைக்கப்படுகிறது. படமொன்றை Photoshop இல் பெரிதாக்கிக் கொண்டே (zoom) செல்ல இப் புள்ளிகளைக் காணலாம். இப் புள்ளிகளுக்கு நீள அகல அளவுகள் கிடையாது. இவற்றின் நீள அகல அளவுகளை நாம் பாவிக்கும் கருவி அல்லது மென்பொருளே நிர்ணயிக்கிறது. இதனால் Pixel லின் அளவை நீள அலகினால் (cm. அல்லது mm.) குறிப்பிட முடியாது. Pixel களின் எண்ணிக்கையால் மட்டுமே படத்தின் அளவைக் கூற முடியும்.

pixel06.gif

இப் புள்ளிகள் சதுரமாகக் காட்டப்படுவது ஏனென்றால், இரு புள்ளிகளுக்கிடையில் இடைவெளி இருக்காது என்பதனால்.

இந்த Pixel கள் எவ்வாறு படத்தை உருவாக்குகிறது என்பதனை Digital படக் கருவி எவ்வாறு செயற்படுகிறது என்பதனை வைத்துப் புரிந்து கொள்ளலாம்.

pixel07.gif

மேலுள்ள படத்தில் காணப்படும் ஒளிவாங்கியில் (image sensor) 256 Pixel (16 x 16 px) இருப்பதால் அது உருவாக்கிய Digital படம் தெளிவில்லாது உள்ளது. இதுவே 1024 Pixel ஆக இருந்தால் இன்னும் தரமாக இருக்குமல்லவா ?

pixel08.gif

இந்த வித்தியாசமான தரங்களையுடைய ஒளிவாங்கிகளை ஒப்பிடும்போது (256 Pixel - 1Kpixel) புள்ளிகளின் எண்ணிக்கை அதிகரிக்க அவற்றின் அகலம் குறைந்து செல்வது போன்று தோன்றுகிறது.

இதுவே 1 மில்லியன் Pixel (1 மெகா பிக்சல்) ஆக இருந்தாலதன் தரம் எப்படி இருக்கும் என்று கற்பனை செய்துகொள்ளுங்கள். இன்று தொழில் நுட்பம் வளர்ச்சியடைந்துள்ளதால் சாதாரண Digital படக்கருவிகள் 10 மெகா பிக்சல் ஒளிவாங்கிகளைக் கொண்டுள்ளன. Digital படக்கருவிகளில் Pixel களின் எண்ணிக்கை மட்டும் அதன் தரத்தை நிர்ணயிப்பதல்ல என்பதைப் பின்னர் பார்ப்போம்.

தொடரும்.

Link to comment
Share on other sites

பகுதி 1

பொதுவான விதிகள்.

1.3 நிற ஆழம் (Color depth).

ஒரு bit கறுப்பு அல்லது வெள்ளை நிறத்தைத் திரையில் கொண்டு வரும் என்பதை மேலே பார்த்தோம். இதை 1 bit ஆழம் என்று சொல்லலாம். 1 bit ஆழமுடைய படமொன்றில் ஆகக் கூடியது இரண்டு நிறங்களே இருக்க முடியும்.

இனி வேறு நிறங்களை எப்படி திரையில் காட்ட முடியும் என்பதைப் பார்ப்போம். 16 pixel (4 x 4) அவுடைய படமொன்றை எடுத்துக் கொள்வோம். இவற்றைச் சதுர பெட்டிகளாகவும் நிறங்களைப் பந்துகளாகவும் கற்பனை செய்தால், பின்வருமாறு அவற்றைக் காட்டலாம்.

depth01.gif

இப்போது ஒரு பெட்டிக்குள் 4 பந்துகளை இட முடியும் என்று வைத்துக் கொள்வோம். ஒரு பெட்டிக்குள் கறுப்பு வெள்ளைப் பந்துகளைக் கலந்தால் சாம்பல் நிறங்களையும் உண்டாக்க முடியும்.

depth02.gif

இதை 4 bit ஆழமான படமாகக் கூறப்படும். 4 bit படமொன்றில் கறுப்பு வெள்ளைப் பந்துகளைக் கலந்து ஆகக் கூடுதலாக 16 வித்தியாசமான வண்ணங்களை உருவாக்கலாம்.

depth03.gif

இதேபோன்று 5, 6, 7, 8, ... bit ஆழங்களின் மூலம் ஒவ்வொன்றிலும் முறையே 32, 64, 128, 256, ... ஆகிய எண்ணிக்கையில் வண்ணங்களை உருவாக்கலாம். 8 bit ஆழத்திற்கு மேல் சென்றால் அருகருகாக சிறிய வித்தியாசத்திலுள்ள இரண்டு வண்ணங்களின் வேறுபாடு எமது கண்களுக்குப் புலப்படப் போவதில்லை. ஆகவே ஒரு வண்ணத்திலுள்ள 256 (0 தொடக்கம் 255 வரை) வேறுபாடுகள் போதுமாக உள்ளது.

rvb.gif

இன்னும் ஒரு படி மேலே சென்று மூன்று தட்டுக்களில் (சிவப்பு - பச்சை - நீலம்) இந்தப் பெட்டிகளை அடுக்கி, ஒவ்வொரு தட்டிலும் 8 bit ஆழமுள்ள பந்துகளைப் போடுவதாகக் கற்பனை செய்தால் கீழ்கண்டவாறு தோன்றும்.

couleurscouches2.jpg

ஒவ்வொரு தட்டிலும் உள்ள பந்துகளின் எண்ணிக்கையில் சிறிய மாற்றங்கள் செய்வதன் மூலம் ஏறத்தாள 16 மில்லியன் வண்ணங்களை உருவாக்கலாம். இதை 24 bit ஆழமாகக் கொள்ளலாம் (8 bit + 8 bit + 8 bit).

depth04.gif

முதற்பகுதி இத்துடன் நிறைவு பெறுகிறது.

தொடரும்.

Link to comment
Share on other sites

  • 4 weeks later...

பகுதி 2

எளிமையான முறையில் Photoshop

2.1 அறிமுகம்

1988 இல் Display என்ற பெயரில் எழுதப்பட்ட சிறிய மென்பொருள் ஒன்று இரு ஆண்டுகளின் பின்னர் Photoshop என்ற பெயர் மாற்றத்துடன் Apple கணணியில் பாவிப்பதற்காக விற்பனைக்கு வந்தது.

ps1cst.jpg

ஆரம்பத்தில் இதனை Scanner மூலம் புகைப்படங்களை கணணிக்குள் கொண்டு வருவதற்கும் அவற்றில் நிற மாற்றங்களைச் செய்வதற்காகவும் பிரதானமாகப் பயன்படுத்தப்பட்டது.

20 வருடங்களுக்கு மேலாக இம் மென்பொருள் நிலைத்து நிற்பதற்குப் பின்வரும் நான்கு காரணங்கள் கூறப்படுகின்றன.

1 - சாதாரணமான வெளித்தோற்றம்.

2 - நிற மாற்ற வசதிகள் (Chromatic corrections)

3 - படத்திலிருந்து ஒரு பகுதியைப் பிரித்தெடுக்கும் கருவிகள் (image selection tools)

4 - Filters

Photoshop இன் வெளித்தோற்றத்தைப் பார்த்தோமானால் ஆரம்பம் முதல் இன்றுவரை பாரிய மாற்றங்கள் நிகழவில்லை. மிகவும் இலகுவான முறையில் விளங்கிக் கொள்ளக் கூடிய வகையில் வடிவமைக்கப் பட்டுள்ளது.

pscaptureps1.gif

pscapturecs2.gif

Photoshop இன் பலமாகக் கருதப்படுவது அதன் நிறமாற்ற வசதிகளாகும். ஒரு படத்தைத் திறந்தவுடன் முதலில் செய்யவேண்டியது நிற, ஒளி மாற்றங்கள் அல்லது திருத்தங்கள். அதன் பின்னர்தான் ஏனையவை. Scanner மூலம் அல்லது ஒளிப்படக் கருவி மூலம் கணணிக்குள் கொண்டுவரப்படும் படங்கள் கணணித் திரைக்கு ஏற்றவாறு அல்லது அச்சுப் பதிப்பிற்கு ஏற்றவாறு இம் மாற்றங்களுக்கு உட்படுவது இன்றியமையாததாகும்.

21colorcorrectiondsc000.jpg

ஒளிப்படக் கருவியில் படம் பிடிக்கும் போது இயற்கையான வெளிச்சம், மின் விளக்குகளின் ஒளி மற்றும் flash வெளிச்சம் போன்றவை எப்பொதும் அனுகூலமாக அமைவதில்லை. இவற்றினால் ஏற்படும் சிறிய பாதிப்புகளை Photoshop இல் திருத்திக் கொள்ளலாம்.

Photoshop இல் அதிகமாகப் பயன்படுத்தப் படுவதும் நீண்ட நேரம் செலவிடப்படுவதும் படத்தின் பகுதிகளைப் பிரித்துத் தனிமைப்படுத்தும் கருவிகளுடன்தான்.

21selection.jpg

ஒரு படத்திலுள்ள ஒரு பகுதியை வெட்டி இன்னொரு படத்துடன் இணைப்பதற்கு அல்லது ஒரு படத்திலுள்ள ஒரு பகுதியில் மாத்திரம் மாற்றங்களை உண்டாக்குவதற்கு அப்பகுதியை தனிமைப் படுத்துவதற்காக இக் கருவிகள் பாவிக்கப்படுகின்றன.

படத்தில் அசாதாரண மாற்றங்களை உண்டாக்குவதற்காக Filters கள் பயன்படுத்தப் படுகின்றன. பல வகையான Filters கள் இருந்தும் இவற்றைப் பாவிப்பதற்கான தேவை குறைவாகவே உள்ளது.

21filters.jpg

முதலில் இவற்றின் செயற்பாடுகள் ஆச்சரியத்தை அளித்தாலும் பின்னர் இவற்றில் பெரும்பாலானவை அவசியமற்றவை என்பதை உணரலாம். ஆனால் இவை விற்பனை ரீதியான கவர்ச்சியைத் தருகின்றன. விற்பனையிலுள்ள, இலவசமாகக் கிடைக்கும் பலவிதமான Filters களை வாங்கி Photoshop இல் ஏற்கனவே உள்ளவற்றுடன் இணைத்துக் கொள்ளலாம்.

Link to comment
Share on other sites

பகுதி 2

எளிமையான முறையில் Photoshop

2.2 முதற் படி.

Photoshop இன் வெளித் தோற்றத்தை (interface) விரிவாகப் பார்ப்போம். அதற்குமுன்னர் ஒரு படத்தைத் திறந்து கொள்வோம்.

மேல் பகுதியிலுள்ள (menu) File என்பதை அழுத்தி Open என்பதைச் தெரிவு செய்யுங்கள்.

fichierouvrir.gif

கீழுள்ள பெட்டி தோன்றும். அதனுள் திறக்கவேண்டிய படத்தைத் தெரிவு செய்து Open என்ற பட்டனை அழுத்தவும். Format என்ற பகுதியில் எந்த மாற்றமும் செய்யத் தேவையில்லை. தெரிவு செய்யப்பட்ட படம் எந்த வடிவத்தில் உள்ளது என்பதனையும் கணணியில் அதன் கொள்ளளவையும் இப் பகுதியில் காணலாம். இப் படம் Apple கணணியில் இவ்வாறு தோன்றும். PC கணணியில் சற்று வித்தியாசமாகத் தெரியும்.

fichierouvrirdialog.gif

Photoshop இன் முக்கிய பகுதிகளைக் கீழுள்ள படத்தில் காணலாம்.

psinterface.jpg

1 - கருவிகள் (Toolbox)

2 - Palettes

3 - கணணித் திரையில் படம் சுருக்கப்பட்டுள்ள / பெரிதாக்கப்பட்டுள்ள வீதம்

4, 5 - தகவல்கள்

6 - கருவிகளின் மேலதிக உபயோகங்கள் (Tools options)

ஏனைய மென்பொருட்கள் போலவே Photoshop இலும் Menu உண்டு. மேலே குறிப்பிட்ட - நிற மாற்ற வசதிகள் - படத்திலிருந்து ஒரு பகுதியைப் பிரித்தெடுக்கும் கருவிகள் - Filters - ஆகியவற்றிற்கு Menu வில் தனித்தனியே பகுதிகள் உண்டு.

menuzos.gif

Photoshop இல் பெரும்பாலும் பாவிக்கப்படும் கருவிகளை மட்டும் தற்போது பார்க்கலாம்.

toolbox.gif

Link to comment
Share on other sites

பகுதி 2

எளிமையான முறையில் Photoshop

2.2 முதற் படி (தொடர்ச்சி)

இக் கருவிகளின் செயற்பாடுகள் ஒவ்வொன்றையும் விரிவாகப் பார்க்குமுன் Photoshop இல் நாம் திறந்த படத்தில் சில எளிமையான மாற்றங்களைச் செய்துகொள்வோம்.

படத்தைத் திறந்தவுடன் எமக்குத் தேவையான முறையில் படத்தை வெட்டி எடுத்துக் கொள்வோம். அதற்கான கருவி (Crop) Toolbox இல் உள்ளது. இதில் ஒரு தடவை அழுத்தி அதனைப் பெற்றுக் கொள்ளலாம். அல்லது விசைப் பலகையில் 'c' என்ற எழுத்தை அழுத்திப் பெற்றுக் கொள்ளலாம்.

22crop.gif

இக் கருவியைப் பெற்றுக் கொண்டதும் கணணித் திரையின் மேற் பகுதியிலுள்ள Tools options பகுதி மாற்றமடைவதை அவதானிக்கலாம். இதிலுள்ள மேலதிக உபயோகங்களைப் பின்னர் விரிவாகப் பார்க்கலாம். இப்போது இப் பகுதியிலுள்ள நீள அகல மற்றும் Resolution ஆகியவற்றிற்கான கட்டங்கள் வெறுமையாக உள்ளனவா என்பதை உறுதிப்படுத்திக் கொள்ளுங்கள்.

பின்னர் படத்தின் நடுவில் ஒரு சதுரத்தை வரைந்து கொள்வோம். வலது பக்க மேல் பகுதியில் Mouse இனால் அழுத்திப் பிடித்தவாறு கீழ்நோக்கி இழுக்க இவ்வாறு ஒரு சதுரம் உருவாகும்.

cropex1.jpg

இச் சதுரத்தின் நான்கு மூலைகளிலும் நான்கு பக்க ஓரங்களிலும் சிறிய கைப்பிடிகள் உள்ளன. இவற்றைத் தனித்தனியாக இழுத்து அல்லது சுருக்கி தேவைக்கேற்றவாறு நீள அகலங்களை மாற்றிக் கொள்ளலாம்.

சதுரத்தின் மூலைகளிலுள்ள கைப்பிடிகளின் வெளிப்புறமாக Mouse இனால் விலகிச் செல்ல (அழுத்தாமல்) சதுரத்தைச் சுழற்றக் கூடிய வசதி உண்டாகும். அதாவது Cursor கீழுள்ளவாறு மாற்றமடையும். உடனே Mouse ஐ அழுத்தியவாறு தேவைக்கேற்ற திசையில் சதுரத்தைச் சுழற்றிக் கொள்ளலாம்.

cropex.jpg

சதுரத்தின் நடுவில் Mouse இனால் அழுத்தியவாறு அதனை நகர்த்தவும் முடியும். இறுதியில் பொருத்தமான முறையில் சதுரத்தை வரைந்தபின்னர் அச் சதுரத்தினுள் (அதன் மையப் புள்ளியைத் தவிர்ந்த ஏனைய பகுதியில்) Mouse இனால் இரு முறை அழுத்த அல்லது விசைப்பலகையில் Enter விசையை அழுத்த அப் படமானது நாம் வரைந்த சதுரத்தின் நிலையைப் பெறும்.

தொடரும்.

Link to comment
Share on other sites

பகுதி 2

எளிமையான முறையில் Photoshop

2.2 முதற் படி (தொடர்ச்சி)

ஒரு படத்தினை மாற்றங்களுக்கு உட்படுத்து முன்னர் ஒளி, வண்ண மாற்றங்களை முதலாவதாகச் செய்ய வேண்டுமென மேலே குறிப்பிட்டிருந்தேன். இம் மாற்றங்கள் தேயையாயின் இப்போது செய்துகொள்ளலாம். படத்திலுள்ள ஒளி அளவுகளை மாற்றினால் அது நிறங்களில் தாக்கங்களை ஏற்படுத்தும். ஆகவே ஒளியையும் பின்னர் நிறங்களையும் மாற்ற வேண்டும்.

ஒளியை மாற்றுவதற்குப் பல வழிகள் உண்டு.

1 - தானியங்கி மூலம் : தானியங்கியால் சில வேளைகளில் மட்டுமே சரியான திருத்தத்தை ஏற்படுத்தலாம். சில படங்களில் மிகச் சிறிய மாற்றத்தையும் சில படங்களில் மிக அதிகமான மாற்றங்களையும் ஏற்படுத்தும்.

மேலே பிரதான Menu பகுதியில் Image > Adjustments > Auto Levels என்பதைத் தெரிவு செய்யுங்கள். படத்தில் உடனடியான மாற்றம் ஏற்படுவதை அவதானிக்கலாம். இம் முறைக்கு மேலதிக செயற்பாடுகள் எதுவுமில்லை. இந்த மாற்றம் பொருத்தமாக இல்லாவிட்டால், இதனை நிராகரித்துவிட்டு இரண்டாவது முறைக்குச் செல்லலாம். ஏனைய மென்பொருட்கள் போலவே நிராகரிப்பதற்கு மெனுவில் Edit > Undo Auto Levels என்பதைத் தெரிவு செய்தால் கடைசியாகச் செய்யப்பட்ட மாற்றம் இல்லாமல் ஆகிவிடும்.

2 - தெரிவுகள் மூலம் : கூடிய ஒளி - குறைந்த ஒளி எனத் தானியங்கியால் மாற்றப்பட்ட இரண்டு படங்கள் தரப்படும். அவற்றில் ஒன்றைத் தெரிவு செய்வது.

மேலே பிரதான Menu பகுதியில் Image > Adjustments > Variations... என்பதைத் தெரிவு செய்யுங்கள். கீழ்கண்டவாறு ஒரு கட்டம் தோன்றும்.

22niveau01.jpg

வலது பக்கத்தில் 3 படங்கள் உள்ளன. முதலாவது கூடிய ஒளியுடனும் மூன்றாவது குறைந்த ஒளியுடனும் உள்ளன. இரண்டிற்கும் நடுவில் மாற்றமடையாத படம் காணப்படும். உங்கள் விருப்பம்போல் முதலாவதை அல்லது மூன்றாவதை அழுத்தினால் நடுவிலுள்ள படத்தில் அம் மாற்றம் ஏற்படுத்தப்படும். மறுபடியும் முதாலாவதும் மூன்றாவதும் படங்கள் புதிதான மாற்றங்களுடன் தெரிவில் விடப்படும். ஒரு தடவை செய்யப்பட்ட மாற்றம் போதாவிட்டால் மறுபடியும் முதலாவதை அல்லது மூன்றாவதை அழுத்தவும். இப்போது நடுவிலுள்ள படம் இரடாவது முறையாக மாற்றத்தைப் பெறும்.

மாற்றங்களின் வீரியம் போதாவிட்டால் வீரியக் கட்டுப்பாட்டிற்கான முள்ளை வலது பக்கமாக நகர்த்திக் கொள்ளலாம்.

இப்படியே பொருத்தமான ஒளி அளவைப் பெறும்வரை பல தடவை குறைந்த ஒளியையோ அல்லது கூடிய ஓளியையோ தெரிவு செய்துவிட்டு "OK" என்ற பட்டனை அழுத்தினால் உங்களது படம் அம் மாற்றங்களை நிரந்தரமாகப் பெற்றுக் கொள்ளும்.

இதே கட்டத்தின் இடது பக்கத்தில் நிற மாற்றங்களுக்கான தெரிவுகளும் இருப்பதை அவதானிக்கலாம். ஒளி மாற்றங்களினால் ஏற்படும் நிறத் தாக்கங்களை ஒரே நேரத்தில் திருத்திக் கொள்ளலாம். மேலே குறிப்பிடது போலவே மாற்றத்திற்கு உட்படுத்தப்பட்ட படம் நடுவிலும் வண்ணத் திருத்தத் தெரிவுகள் சுற்றிவரவும் இருக்கும். பொருத்தமான நிற மாற்றங்களைப் பல தடவைகள் தெரிவு செய்யலாம்.

அதீத ஒளி நிற மாற்றங்கள் படத்தின் தரத்தைக் கெடுத்து விடும். கட்டத்தின் மேற் பகுதியில் உங்களது ஆரம்பத்தில் இருந்த படமும் இறுதியான மாற்றங்களுக்கு உட்படப் போகும் படமும் காணப்படும். இது படத்தின் இயற்கைத் தன்மையிலிருந்து விலகிப் போகாமல் கவனித்துக் கொள்ள உதவும்.

இந்த மாற்றம் பொருத்தமாக இல்லாவிட்டால், இதனை நிராகரித்துவிட்டு மூன்றாவது முறைக்குச் செல்லலாம்.

3 - தனித்துவமாக நிர்ணயித்தல் : இம் முறையில் உங்களுக்குத் தேவையான ஒளி அளவை நீங்களே நிர்ணயிக்கலாம்.

மேலே பிரதான Menu பகுதியில் Image > Adjustments > Brightness / Contrast... என்பதைத் தெரிவு செய்தால் கீழ்காணும் கட்டம் தோன்றும்.

22niveau02.gif

முதலாவது நிரலிலுள்ள முள்ளை வலது பக்கமாக நகர்த்துவதன் மூலம் அதிக ஒளியையும் இடது பக்கமாக நகர்த்துவதன் மூலம் குறைந்த ஒளியையும் பெறலாம்.

Preview என்பதனைத் தெரிவு செய்தால் முட்களை நகர்த்தும்போது ஏற்படும் மாற்றங்களை நேரடியாக படத்தில் அவதானிக்கலாம்.

இதே கட்டத்தில் Contrast என்ற நிரலையும் அவதானிக்கலாம். இது இறுக்கமான ஒளியை படத்தில் ஏற்படுத்தும்.

வெளிச்சமான பகுதி மேலும் வெளிச்சமாகி இருளான பகுதி மேலும் இருளாகி இரு வகையான ஒளிகளுக்கிடையிலான வித்தியாசத்தை அதிகரித்து படத்தில் தெளிவை ஏற்படுத்தும்.

22niveau03.jpg

4 - ஒளி நிலைகள் : இம்முறையில் படத்திலுள்ள ஒளி அளவுகள் வெளிச்சமான பகுதி, இருண்ட பகுதி, இடைப்பட்ட பகுதி என மூன்று நிலைகளாகப் பிரிக்கப்பட்டு இம் மூன்று பகுதிகளிலும் வித்தியாசமான மாற்றங்களை ஏற்படுத்தலாம்.

மேலே பிரதான Menu பகுதியில் Image > Adjustments > Variations... என்பதைத் தெரிவு செய்யுங்கள். கீழ்கண்டவாறு ஒரு கட்டம் தோன்றும்.

22niveau04.gif

இக் கட்டத்திலுள்ள மூன்று முட்கள் இம் மூன்று நிலைகளையும் குறிக்கும். இவற்றை இடம் வலமாக நகர்த்துவதன் மூலம் ஒளி மாற்றத்தையும் Contrast ஐயும் ஒரே நேரத்தில் கையாளலாம். முதலாவது முள்ளை வலது பக்கமாக நகர்த்தினால் இருளான பகுதி மேலும் இருளடையும். மூன்றாவது முள்ளை இடது பக்கமாக நகர்த்தினால் வெளிச்சமான பகுதி மேலும் ஒளிர்வடையும். நடுவிலுள்ள முள் இடைப்பட்ட வெளிச்சமான பகுதியில் வெளிச்சத்தை அதிகரிக்கவோ அல்லது குறைக்கவோ உதவும்.

மேற்கண்ட 3 முறைகளைவிட இதுவே ஒளித்திருத்தத்திற்கு சிறந்தது என்பதனால் இது பற்றி பின்னர் விரிவாகப் பார்க்கலாம்.

5 - வரைபு மூலம் : இது ஏறத்தாள நான்காவது முறை போன்றது. வரைபு மூலம் இருண்ட, வெளிச்சமான மற்றும் இடைப்பட்ட நிலைகளை மாற்றலாம்.

22niveau05.gif

இதன் செயற்பாடு வாசகர்களுக்குச் சிக்கலாக இருக்குமென்பதாலும் ஒளிமாற்றத்திற்கு மிகச் சிறந்த முறை என்பதனாலும் பின்னர் விரிவாகப் பார்க்கலாம்.

மேற்கண்ட 5 வகையான முறைகளில் பாவனைக்கேற்றவாறு இலகுவானதைத் தெரிவு செய்து கொள்ளலாம். ஆரம்பநிலை Photoshop பாவனையாளர்களுக்கு 2 ஆவது அல்லது 3 ஆவது முறை இலகுவானது.

படத்தில் ஏற்படுத்தப்படும் திருத்தங்கள் அல்லது மாற்றங்கள் அப் படத்தின் தரத்தை அதிகரிப்பதுபோல் அளவுக்கு மீறினால் அப் படத்தின் இயற்கைத் தன்மை மாறுவதுடன் தரமும் குறைந்துவிடும். உதாரணமாக அதீத ஒளி மாற்றத்தின்போது மெல்லிய நிறத்தையுடைய ஒரு pixel தனது நிறத்தை முழுமையாக இழந்து வெள்ளை நிறத்துக்கு வரலாம். படத்திலுள்ள வெளிறிய உருவங்கள் முற்றாக மறைந்து வெறுமையாக மாறலாம்.

தொடரும்.

Link to comment
Share on other sites

பகுதி 2

எளிமையான முறையில் Photoshop

2.2 முதற் படி (தொடர்ச்சி)

அடுத்ததாக நிற மாற்றங்களைப் பார்க்கலாம். நிற மாற்றங்களுக்கான அல்லது திருத்தங்களுக்கான தேவையைப் பின்வரும் காரணிகள் ஏற்படுத்துகின்றன.

1 - நிற வெப்பநிலை

2 - ஒளி மாற்றங்களால் ஏற்படும் தாக்கம்

3 - படம் பிடிக்கும்போது ஏற்படும் இடையூறுகள்

4 - அச்சுப் பதிவிற்கான தயார்படுத்தல்

5 - மெருகேற்றுதல்

1 - நிற வெப்பநிலை

எம்மைச் சூழவுள்ள ஒளி மூலங்கள் வெளியிடும் ஒளி வெள்ளையாகத் தெரிந்தாலும் அவை ஏதோ ஒரு நிறத்தைச் சார்ந்ததாக இருக்கும். அவ்வொளிகளை நாம் குளிர்மையானவை என்றோ வெப்பமானவை என்றோ கூறலாம். இவ்வொளி வெப்பத்தை கெல்வின் ( K ) அலகுகளால் குறிக்கலாம்.

ps22color02.gif

ஒளியின் நிறம் சிவப்பு நிறத்தை அண்டியதாக இருந்தால் கெல்வின் பெறுமானம் குறைந்ததாகவும் நீல நிறத்தை நோக்கியதாக இருந்தால் கெல்வின் பெறுமானம் அதிகரித்தும் செல்லும்.

வெயில் காலத்தில் சூரியன் உச்சியில் இருக்கும்போது ஏறத்தாள 6500 K ஆக இருக்கும்.

மாலையில் சூரியன் மறையும்போது இதன் பெறுமதி ஏறத்தாள 2000 K ஆக இருக்கும்.

சாதாரண மின் விளக்கின் ஒளியானது 2800 K தொடக்கம் 3200 K வரையிலானது.

ஒளிப்படக் கருவியில் பாவிக்கப்படும் Flash இன் ஒளி ஏறத்தாள 6000 K ஆகும்.

Tube light ஒளியானது 4000 K தொடக்கம் 6500 K வரையிலாக இருக்கும். இவற்றில் அதன் நிற வெப்பத்தின் அளவு குறிக்கப்பட்டிருப்பதைக் கவனிக்கலாம்.

5600 K தொடக்கம் 6000 K வரையிலாக வெப்ப நிற ஒளியானது பொருட்களின் இயற்கையான நிறங்களைப் பிரதிபலிப்பதாகக் கொள்ளப்படுகிறது. இந்த அளவுகளை விட வேறு அளவான ஒளியில் படம் பிடிக்கும்போது படத்தில் நிற மாற்றம் தேவைப்படுகிறது. இந் நிறமானது படத்தில் ஒரு படலமாகத் தோன்றும். உதாரணமாக 3200 K அளவான மின்விளக்கில் எடுக்கப்பட்ட படம் மஞ்சள் நிறம் கூடியதாகக் காணப்படும். ஒளி அதிகமான கடற்கரையில் அல்லது பனி மலைப் பகுதியில் எடுக்கப்படும் படங்கள் 6500 K அளவைத் தாண்டிவிடும்.

2 - ஒளி மாற்றங்களால் ஏற்படும் தாக்கம்

ஒளி மாற்றம் செய்யும்போது படத்தில் மந்தமாக ஒருக்கும் நிறங்களின் வீரியம் அதிகரிக்கும். அவை ஏதாவது ஒரு நிறத்தைச் சார்ந்ததாகத் தோன்றினால் நிற மாற்றம் அவசியமாகிறது.

ps22color03.jpg

இப் படத்தில் ஒளியின் அளவை அதிகரித்தபோது ஒரு பச்சைப் படலம் தோன்றியது. பின்னர் நிற மாற்றத்தினால் பச்சை நிறம் குறைக்கப்பட்டு திருத்தம் செய்யப்பட்டது.

3 - படம் பிடிக்கும்போது ஏற்படும் இடையூறுகள்

அனுகூலமான முறையில் படம் பிடிக்கும்போதுகூட நாம் கவனிக்காத வகையில் சில இடையூறுகள் ஏற்படலாம். சிலவற்றைத் தவிர்க்க முடியாது. இவ்வாறான தவறுகளை நிற மாற்ற செய்வதன் மூலம் நிவர்த்தி செய்யலாம்.

ps22color04.jpg

இப் படத்தில் இருப்பவர் பச்சை நிற ஆடை அணிந்திருப்பதால் Flash ஒளியானது அந்த ஆடையில் பட்டு, பச்சை நிற ஒளித்தெறிப்பைச் செய்தது. இதனால் அவரின் முகம் பச்சை நிறத் தன்மையாக உள்ளது. நிறத் திருத்தத்தினால் பொருத்தமான நிறத்தைப் பெறச் செய்யலாம்.

4 - அச்சுப் பதிவிற்கான தயார்படுத்தல்

படமொன்று கணணித் திரையில் தெரிவது போலவே அச்சுக் கருவியால் பதிப்பிக்கப் படுவதில்லை. அச்சுக் கருவிக்கு ஏற்றவாறு படத்தின் நிறத்தை மாற்றி விட்டால் தரமான பதிப்புகளைப் பெறலாம்.

உதாரணமாக அச்சுக் கருவி பச்சை நிறச் சாயலில் படங்களைப் பதிவதாக வைத்துக் கொண்டால் அப்டங்களில் சிவப்பு (அல்லது ஊதா) நிறத்தைச் சற்று அதிகரித்தால் போதுமானது.

5 - மெருகேற்றுதல்

இயற்கையான நிறங்களையுடைய படங்கள் பொதுவாகக் கவர்ச்சியாக இருப்பதில்லை. நிறங்களின் தன்மையை ஓரளவு அதிகரிப்பதன் மூலம் படங்களை மெருகூட்டலாம். பழமையான படம் போன்ற தோற்றத்தை உண்டாக்க நிறங்களைக் குறைத்துக் கறுப்பு வெள்ளைப் படம் போல் ஆக்கலாம். நீல பச்சை வண்ணங்களை மிகையாக அதிகரித்து திரைப்படக் காட்சிகளில் வருவது போன்ற தோற்றத்தை உண்டாக்கலாம்.

நிற மாற்றங்களை ஏற்படுத்தும்போது ஒரு பொதுவான விதியைக் கடைப்பிடிக்கலாம்.

ஒரு நிறத்தைக் குறைப்பதற்கு இரண்டு வழிகள் உள்ளன. அந் நிறத்தைக் குறைப்பது அல்லது அந்நிறத்திற்கு எதிரான நிறத்தை அதிகரிப்பது. இவ்விரண்டு முறைகளும் ஒரே விதமான பலன்களைத் தரப்போவதில்லையாயினும் தேவைக்கேற்றபடி பாவிக்கலாம்.

ps22color01.gif

இப் படத்தில் இரண்டு முக்கோணங்களிலும் முதன்மை வண்ணங்களும் சேர்க்கை வண்ணங்களும் உள்ளன. ஒரு நிறத்திற்கு எதிரான வண்ணம் புள்ளிக் கோடிட்டுக் காட்டப்பட்டுள்ளது.

இப் புள்ளிக் கோட்டில் உள்ள ஒரு வண்ணம் அதே புள்ளிக் கோட்டில் மறு முனையில் உள்ள நிறத்திற்கு எதிரானதாகும். உதாரணமாக, சிவப்பு நிறம் இள நீல நிறத்திற்கு எதிரானது. பச்சை நிறம் குங்கும நிறத்திற்கு எதிரானது. பச்சை நிறத்தைக் குறைக்க குங்கும நிறத்தை அதிகரித்துச் செல்ல வேண்டும். அப்போது பச்சை நிறத்தின் தன்மை குறைந்து இறுதியில் சாம்பல் நிறத்தை அடையும்.

இதே போன்று ஒரு நிறத்திற்கு ஆதரவான நிறங்களும் உண்டு. ஒரு நிறத்திற்கு வெளிப் புறமாக இடது - வலது பக்கங்களில் காணப்படும் நிறங்களை ஆதரவான நிறமாகக் கொள்ளலாம். சிவப்பை எடுத்துக் கொண்டால் அதற்கு இடம் வலமாகவுள்ள குங்குமம் - மஞ்சள் ஆகியவை ஆதரவானவை. இவ் விரண்டையும் அதிகரிப்பதன் மூலம் சிவப்புத் தன்மையை அதிகரிக்கலாம்.

மஞ்சள் நிறத்தை எடுத்துக் கொண்டால் சிவப்பும் பச்சையும் ஆதரவானவை. இவ்விரண்டு வண்ணங்களும் சேர்ந்து மஞ்சள் நிறத்தை ஏற்படுத்தும். பச்சையை எடுத்துக் கொண்டால் மஞ்சளும் இள நீலமும் ஆதரவானவை.

தொடரும்.

Link to comment
Share on other sites

  • 3 weeks later...

பகுதி 2

எளிமையான முறையில் Photoshop

2.2 முதற் படி (தொடர்ச்சி)

நிற மாற்றங்களைச் செய்வதற்கும் பல வழிகள் இருந்தாலும் இலகுவான முறைகள் பின்வருவன .

1 - தானியங்கி மூலம் :

ஒளி மாற்றத்தைப் போலவே தானியங்கியில் நிற மாற்றத்தினால் பெரும்பாலும் சரியான பெறுபேறு கிடைப்பதில்லை.

Menu வில் Image > Adjustments > Auto Color > என்பதைத் தெரிவு செய்யுங்கள். படத்தில் உடனடியான மாற்றம் ஏற்படுவதை அவதானிக்கலாம். இம் முறைக்கு மேலதிக செயற்பாடுகள் எதுவுமில்லை. இந்த மாற்றம் பொருத்தமாக இல்லாவிட்டால், இதனை நிராகரித்துவிட்டு இரண்டாவது முறைக்குச் செல்லலாம். ஏனைய மென்பொருட்கள் போலவே நிராகரிப்பதற்கு Menu வில் Edit > Undo என்பதைத் தெரிவு செய்தால் கடைசியாகச் செய்யப்பட்ட மாற்றம் இல்லாமல் ஆகிவிடும்.

2 - தெரிவுகள் மூலம் :

Menu வில் Image > Adjustments > Variations > என்பதைத் தெரிவு செய்யுங்கள். கீழ்கண்டவாறு ஒரு கட்டம் தோன்றும்.

24colora.jpg

வலது பக்கத்தில் 3 ஒளி மாற்றத்திற்கான படங்களும் இடது பக்கத்தில் நிற மாற்றத்திற்கான படங்களும் உள்ளன. இதில் ஆறு படங்கள் வெவ்வேறு நிறத் தெரிவுகளாக விடப்பட்டிருக்கும். நடுவில் உள்ள படம் முதலில் மாற்றம் செய்யப்படாமலும் பின்னர் தெரிவுகள் ஒவ்வொன்றையும் அழுத்தும்போது அம் மாற்றங்களை உள்வாங்கியும் காட்டப்படும்.

24color.jpg

இப்போது இந்தப் பகுதியை நாம் ஏற்கனவே பார்த்த நிற முக்கோணங்களுடன் தொடர்புபடுத்திப் பார்த்தால் இந் நிறங்களின் செயற்பாடு தெளிவாகப் புரியும். புதிதாக Photoshop பாவிப்பவர்களுக்கு நிற மாற்றத்திற்கான இம் முறை இலகுவானது.

3 - நிறச் சமநிலையாக்கம் :

துல்லியமான முறையில் திருத்தங்களைச் செய்வதற்கு இம் முறை உகந்தது. Menu வில் Image > Adjustments > Color Balance... > என்பதைத் தெரிவு செய்யுங்கள். கீழ்கண்டவாறு ஒரு கட்டம் தோன்றும்.

24colorbalance.jpg

இதில் இடது பக்கமாக மூன்று வரிசைகளில் முதன்மை நிறங்களும் அவற்றின் மறு முனையில் அவற்றிற்கு எதிரான நிறங்களும் காணப்படும். ஒவ்வொன்றிலும் நடுநிலையாக உள்ள முட்களை வலது - இடது பக்கங்களாக நகர்த்தி மாற்றங்களைச் செய்துகொள்ளலாம். அதாவது ஒரு நிறத்தைக் குறைப்பதற்கு அந் நிறத்திற்கு எதிரான நிறத்தைக் கூட்ட வேண்டும். உதாரணமாக, மஞ்சள் நிறத்தைக் குறைப்பதற்கு மூன்றாவது வரியிலுள்ள முள்ளை வலது பக்கமாக நகர்த்த வேண்டும். அல்லது முதலாவது இரண்டாவது வரிசையிலுள்ள முட்களை இடது புறமாக நகர்த்தி cyan (இளநீலம்), magenta (குங்குமம்) ஆகிய நிறங்களைக் கூட்ட வேண்டும். இவ்விரு நிறங்களும் சேர்ந்து நீல நிறத்தைத் தரும் (பகுதி 1 இல் நிறங்கள் பற்றிய விளக்கங்களைப் பார்க்கவும்).

வரிசையான நிறங்களுக்குக் கீழே மூன்று நிலைகள் காணப்படும். இவை முறையே இருண்ட பகுதி, இடைப்பட்ட பகுதி, வெளிச்சமான பகுதி என்பனவாகும். ஆரம்பத்தில் இடைப்பட்ட பகுதியே தெரிவு செய்யப்பட்டிருந்தது. இம் மூன்றில் ஒன்றை அழுத்தி அதனைத் தெரிவு செய்தபின்னர் முட்களை நகர்த்தி அதிகம் வெளிச்சமான பகுதியையும் அதிகம் இருண்ட பகுதியையும் தனித்தனியாகத் திருத்தம் செய்யலாம்.

இம் மூன்று நிலைகளுக்குக் கீழ் Preserve Luminocity என்ற மேலதிக செயற்பாடு காணப்படும். இது நிற மாற்றத்தின்போது ஏற்படும் சிறிய ஒளி மாற்றத்தை நிவர்த்தி செய்வதாகும். முதன்மை நிறங்களைச் சேர்க்கும்போது பழுப்பு நிறம் உண்டாகும் என்பதை மேலே பார்த்தோம். இதன்படி ஒரு நிறத்தைக் குறைக்கும்போது அல்லது அதிகரிக்கும் போது அந் நிறமானது ஏற்கனவே உள்ள நிறங்களுடன் சேர்ந்து ஒளி வேறுபாட்டைக் கொடுக்கும்.

கீழுள்ள உதாரணங்கள் மூலம் நிறத் திருத்தத்தை விளங்கிக் கொள்ளலாம்.

24colorbalanceex1.jpg

இப்படம் மர நிழலில் எடுக்கப்பட்டிருந்ததால் நீல நிறத் தன்மையைக் கொண்டிருந்தது. இக் குறைபாட்டை நிவர்த்தி செய்ய நீலத்தைக் குறைக்கவும் சிவப்பை அதிகரிக்கவும் வேண்டியிருந்தது.

24colorbalanceex2.jpg

இப்படம் மின்விளக்கொளியில் எடுக்கப்பட்டது. ஓரளவு இயற்கையான தன்மையை ஏற்படுத்துவதற்காக இருண்ட பகுதியில் சிவப்பைக் குறைக்கவும் நீலத்தை அதிகரிக்கவும் (மஞ்சள் நிறத்தைக் குறைப்பதற்காக) வேண்டியிருந்தது. அத்துடன் மேலதிக செயற்பாடாகிய ஒளி மாற்றமும் நிவர்த்தி செய்யப்பட்டிருந்தது. ஒளி மாற்ற நிவர்த்தி செய்யாதிருந்தால் எப்படி இர்ந்திருக்கும் என்பதை அருகிலுள்ள படத்தின் மூலம் அறிந்து கொள்ளலாம்.

4 - நிறங்களின் வீரியத்தை மாற்றுதல் .

திருமண வைபவங்கள் போன்றவற்றில் எடுக்கப்படும் ஒளிப்படங்களின் நிறங்கள் வீரியம் கூடியதாக இருந்தால் கவர்ச்சியாக இருக்கும். சில படங்களில் ஒரு குறிப்பிட்ட நிறத்தின் வீரியம் அதிகமாக இருந்தால் நன்றாக இருக்கும். இவற்றை நிறச் சமநிலையாக்கம் மூலம் செய்ய முடியாது.

Menu வில் Image > Adjustments > Hue / Saturation... > என்பதைத் தெரிவு செய்யுங்கள். கீழ்கண்டவாறு ஒரு கட்டம் தோன்றும்.

24hue.jpg

இதன் முதல் பகுதியில் இருப்பது எத்தகைய மாற்றங்களை உண்டாக்கவேண்டுமென்ற தெரிவுகளாகும். முதலாவது Master என்பதைத் தெரிவு செய்தால் நிற வீரியம் எல்லா நிறங்களிலும் அதிகரிக்கும்.

Saturation: என்ற முள்ளை வலது பக்கமாக நகர்த்தினால் எல்லா நிறங்களின் விரியம் அதிகரித்துச் செல்லும். இடது பக்கமாக நகர்த்தினால் நிறங்கள் குறைந்து கறுப்பு வெள்ளை நிலையை நோச்க்கிச் செல்லும்.

மாறாக முதல் பகுதியில் சிவப்பு நிறத்தைத் தெரிவு செய்தால் படத்திலுள்ள சிவப்பான பகுதிகள் மற்றும் சிவப்பைச் சார்ந்த நிறமுடைய பகுதிகள் மட்டும் மாற்றத்திற்குள்ளாகும்.

கட்டத்தின் கீழுள்ள Colorize என்பதை அழுத்தினால் படம் முழுவதும் கறுப்பு வெள்ளையாக மாற்றப்பட்டு ஏதாவது ஒரு கறுப்புடன் ஏதாவது ஒரு நிறம் சேர்க்கப்படும். இது பற்றி விரிவாக உதாரணங்களுடன் பின்னர் பார்க்கலாம்.

தொடரும்.

Link to comment
Share on other sites

பகுதி 3

அத்தியாவசியமான குறிப்புகள்

3.1 படத்தின் அளவு

படத்தின் அளவும் அளவைக் குறிக்கும் அலகுகளும் பலருக்குக் குழப்பத்தை விளைவிக்கிறது. பொதுவாக நீள அகல அளவுகளை Pixel என்ற அலகினால் குறிப்பிடலாம். அகலமாக எத்தனை Pixel எனவும் நீளமாக எத்தனை Pixel எனவும் குறிப்பிடலாம். அகலமாக 1024 Pixel களை ஒளிர்க்கக் கூடிய 16 அங்குல கணணித் திரையொன்றில் ஒரு Pixel லின் அகலம் அண்ணளவாக 0.33 mm ஆக இருக்கும். அதாவது ஒரு அங்குல அகலத்தில் 72 Pixel களைக் காட்டக் கூடியது. இதை DPI (Dots Per Inch) என்று கூறலாம். இக் கணணித் திரை 72 Dpi என்ற அளவு வீதத்தில் படத்தை ஒளிரச் செய்கிறது.

இதே கணணித் திரை 1280 Pixel களை அகலப்பாட்டில் ஒளிர்க்கச் செய்யக் கூடிய தன்மையைப் பெற்றிருக்குமானால் ஒரு பிக்சலின் அளவு 0.26 mm ஆக இருக்கும். அதாவது ஏறத்தாள 96 Dpi என்ற விகிதத்தில் ஒளிரச் செய்யக் கூடியது.

இதிலிருந்து புரிவது என்னவென்றால் கணணித் திரையில் Pixel லின் அளவை mm, அங்குல அளவுகளில் குறிப்பிட முடியாது. ஒரு Pixel எந்தத் திரையில் பிரதிபலிக்கப்படுகிறதோ அத் திரையின் மிகச் சிறிய அளவைப் பெறுகிறது. ஆனால் அவற்றின் எண்ணிக்கை மட்டும் நிலையானதாகும். ஆகவே கணணித் திரையில் பாவிப்பதற்காக தயார்படுத்தப்படும் படங்களுக்கு Pixel என்ற அளவையே பயன்படுத்த வேண்டும்.

31sizea1.gif

மேலுள்ள படத்தில் ஒரே படம் பல்வேறு திரைகளில் எப்படித் தெரிகின்றது என்பதைக் காட்டுகிறது. கணணித் திரையின் அளவையும் திறனையும் பொறுத்து ஒரே படம் வெவ்வேறு திரைகளில் பெரிது சிறிதாகத் தெரிந்தாலும் அதன் அளவு Pixel எண்ணிக்கையில் மாறுவதில்லை.

அடுத்ததாக அச்சுப் பதிப்பைப் பற்றிப் பார்க்கலாம். அச்சுக் கருவிகளில் பலவிதமான தொழில் நுட்பங்கள் பயன்படுத்தப் படுகின்றன. இவை 600 Dpi முதல் 3200 Dpi வரையிலான வீதத்தில் அச்சுப் பதியக் கூடியன. கணணியின் ஒரு பிக்சலானது அச்சிலும் அதே உருவில் ஒரு Pixel லாகப் பதியப் படுவதில்லை. ஆகவே இங்கு Pixel அலகு சிக்கலை ஏற்படுத்துகிறது. அத்துடன் பதியப்படப் போகும் காகிதத்தின் அளவு mm அலகில் துல்லியமாகக் குறிக்கப்படுவதால் Pixel அலகைப் பாவிக்க முடியாது. ஆகவே காகிதத்தில் பதியப்படும் படத்தின் அளவையும் mm அலகில் குறிப்பிடுவது அவசியமாகிறது. ஒரு படம் இத்தனை Dpi இல் அச்சுப் பதியப்பட்டால் இத்தனை mm நீள அகலத்தில் இருக்கும் என்று Dpi ஐ மையமாக வைத்து மறைமுகமாக mm அலகினால் அளக்கலாம்.

இவ்வாறு Photoshop இலும் படங்களின் அளவை மறைமுகமாக பிக்சல்களின் எண்ணிக்கையில் மாற்றத்தை ஏற்படுத்தாதவாறு mm அலகினால் குறிக்கலாம்.

31sizea2.gif

மேலுள்ள படம் Pixel களினால் ஒரே அளவான படமொன்று காகிதத்தில் வித்தியாசமான அளவுகளில் பதியப்பட்டிருப்பதைக் காட்டுகிறது. ஒரு mm அகலத்தில் எத்தனை பிக்சல்கள் வரவேண்டும் என்பதைப் பொறுத்து அப் படத்தின் நீளத்தை mm அலகினால் குறிக்கப்படுகிறது. அதாவது Dpi அளவை வேறுபடுத்துவதன் மூலம் இவ்வாறு செய்யலாம்.

31sizea3.gif

அதேபோன்று வித்தியாசமான பிக்சல் எண்ணிக்கையுள்ள படங்கள் ஒரே அளவில் அச்சுப் பதியப் படுவதையும் இதில் காணலாம். இவ்விரண்டு உதாரணங்களையும் ஒப்பிடால் அச்சுப் பதிப்பில் Dpi இன் அளவு அதிகரிக்கும்போது அச்சுப் பதிவின் தரம் அதிகரிப்பதை அவதானிக்கலாம்.

Digital ஒளிப்படக் கருவியில் பிடிக்கப்பட்ட 2800 x 2000 Pixel அளவுள்ள படமொன்றை இணையத் தளமொன்றில் பாவிப்பதற்கு எப்படி அளவு மாற்றம் செய்யலாம் என்பதைப் பார்க்கலாம்.

Menu வில் Image > Image Size... என்பதைத் தெரிவு செய்யுங்கள். தற்போது Pixel Dimensions என்ற பகுதி மட்டுமே தேவைப்படுகிறது.

31size1.gif

மேலுள்ள படம் அதன் ஆரம்ப அளவைக் குறிக்கிறது. இப்படத்தைக் கணணித் திரையில் Photoshop 8.33% சுருக்கமாகக் காட்டுகிறது.

31size2.gif

Pixel Dimensions என்ற பகுதியில் தேவையான அளவை மாற்றிக் கொள்ளுங்கள். நீளத்தை மாற்றும்போது அகலமும் அதன் விகிதாசாரத்திற்கேற்றவாறு மாறிக் கொள்ளும். அல்லது அகலத்தை மாற்றினால் நீளம் தானாகவே மாறிக் கொள்ளும். இக் கட்டத்தின் கீழ்ப் பகுதியிலுள்ள மூன்று மேலதிக செயற்பாடுகளும் தெரிவு செய்யப்பட்டுள்ளனவா என்பதைக் கவனித்துக் கொள்ளுங்கள். Pixel அளவுகளை மாற்றும்போது Document Size என்ற பகுதியில் மாற்றம் ஏற்படுவதைக் கவனிக்கலாம். இவை பற்றி பின்னர் பார்க்கலாம்.

தொடரும்.

Link to comment
Share on other sites

பகுதி 3

அத்தியாவசியமான குறிப்புகள்

3.2 படத்தின் கொள்ளளவு

படத்தினைக் கணணியில் சேமிக்கும்போது கணணியின் Memory யில் அது குறிப்பிட்ட கொள்ளளவு தேவைப்படுகிறது. பெரும்பாலான படங்களிலுள்ள Pixel கள் 16.7 மில்லியன் வித்தியாசமான வண்ணங்களில் ஒன்றைப் பிரதிபலிக்கக் கூடியன. அல்லது 24 bit நிற ஆழத்தைக் கொண்டன என்றும் கூறலாம். முதல் பகுதியில் தரப்பட்ட உதாரணத்தை மீண்டும் எடுத்துக் கொள்வோம்.

ஒரு Pixel லை மூன்று அடுக்குகளைக் கொண்ட பெட்டியாகவும் (சிவப்பு - பச்சை - நீலம்) அதற்குள் ஒவ்வொரு தட்டுகளிலும் 8 கறுப்பு / வெள்ளைப் பந்துகள் இருப்பதாகவும் கற்பனை செய்துகொண்டால் 24 bit ஆழமுள்ள ஒரு Pixel (3 நிறங்கள் x 8 bit) = 3 Byte கொள்ளளவுடையது (8 bit = 1 Byte).

படத்தின் கொள்ளளவை இவ்வாறு கணிக்கலாம்.

கொள்ளளவு = (அகலம் x நீளம்) x (ஆழம் / 8)

உதாரணம் : அகலம் 600 Pixel லும் நீளம் 400 Pixel லும் 24 bit ஆழமும் கொண்ட படத்தின் கொள்ளளவு

(600 x 400) x (24 / 8) = 720 000 Byte

இதை கிலோ பைற் அளவில் அண்ணளவாகக் கூறினால் : 703 KB (1 KB = 1024 bit)

மெகா பைற் அளவில் கூறினால் : 0.7 MB (1 MB = 1024 000 bit)

10 மெகா பிக்சல் தரமுடைய ஒரு ஒளிப்படத்தை எடுத்துக் கொண்டால் அண்ணளவாக -

10 MB x (24 / 8) = 30 MB

இந்தக் கொள்ளவு அதிகமாக இருப்பதால் இவ்வாறான கோப்புகள் கணணியின் சேமிப்புப் பகுதியை விரைவில் நிறைத்து விடுவதுடன் இவற்றை வாசிப்பதற்கும் எழுதுவதற்கும் அதிக நேரம் எடுக்கும். ஆகவே இப் படங்களை JPEG அல்லது LZW போன்ற முறைகளில் Compression (அமுக்கப்படுத்தி) செய்து குறைவான கொள்ளளவில் சேமிக்கப்படுகிறது (Compression பற்றி அடுத்த பகுதியில் பார்க்கலாம்).

சில Digital ஒளிப்படக் கருவிகளில் 24 bit ஆழத்திற்குப் பதிலாக 33 தொடக்கம் 48 bit வரையிலான நிற ஆழங்கள் பயன்படுத்தப் படுகின்றன. நிற ஆழத்தை அதிகரிக்கும்போது நிறங்களின் எண்ணிக்கையும் அதிகரிப்பதால் மிகத் துல்லியமான தரமுடைய படங்களை எடுக்கலாம். இவ்வாறான படங்களில் நிற ஒளி மாற்றங்களைச் செய்யும்போது ஏற்படும் தரக் குறைவு சிறியதாக இருக்கும். மாற்றங்களின் பின்னர் இப் படங்கள் 24 bit ஆழத்திற்குக் குறைக்கப்படும். 24 bit ற்கு மேல் நிற ஆழத்தை அதிகரித்தால் எமது கண்களுக்கு வித்தியாசம் தெரியாது. ஏறத்தாள 16.7 மில்லியன் வரையிலான நிறங்களுக்குக் குறைவானயையே கண்களுக்குப் புலப்படக் கூடியன.

வித்தியாசமான நிற ஆழங்களைக் கொண்ட படங்களைக் இங்கு காணலாம்.

32ao.jpg

அச்சுப் பதிவில் இள நீலம், குங்குமம், மஞ்சள் ஆகிய முதன்மை நிறங்களுடன் கறுப்பும் பாவிக்கப்படுவதால் நிற ஆழம் 24 bit ற்குப் பதிலாக 32 bit ஆக இருக்கும்.

வீடியோ, சினிமாவில் பாவிப்பதற்காக Alpha channel என்ற தட்டுக்களையும் படங்களுடன் இணைத்துக் கொள்ளலாம். ஒவ்வொரு தட்டும் 8 bit கள் ஆழத்தை அதிகரிக்கும்.

இவை தவிர Photoshop இல் சேர்க்கப்படும் பல்வேறு Layer கள் படத்தின் கொள்ளளவை சற்று அதிகரிக்கச் செய்யும்.

தொடரும்.

Link to comment
Share on other sites

பகுதி 3

அத்தியாவசியமான குறிப்புகள்

3.3 Anti-aliasing

Photoshop அய் நுணுக்கமாக அறிந்து கொள்ள வேண்டுமாயின் Pixel பற்றி விரிவாகத் தெரிந்திருத்தல் வேண்டும். முன்பு கூறியது போல Pixel என்பது படத்தை உருவாக்கும் மிகச் சிறிய பகுதி. இது சதுரமானது, கூறாக்க முடியாதது, ஒரு நிறத்தை மட்டும் பிரதிபலிக்கக் கூடியது.

Photoshop இல் படங்களைப் பெருப்பித்து Pixel களைத் தெளிவாகப் பார்க்கலாம்.

33pixel1.gif

Pixel களைக் கொண்டு கிடையாக அல்லது நேராக ஒரு Pixel அகலமுடைய கோடுகளை வரைந்தால் இப்படி இருக்கும்.

33pixel2.gif

Pixel கள் நேர்த்தியாக அட்டவணை போன்று அடுக்கப்பட்டிருக்கும் (சதுரங்களாகக் கற்பனை செய்யலாம் ). இதே கோட்டைச் சரிவாக வரைந்தால் எப்படி இருக்குமென்பதையும் படத்தில் காணலாம்.

33pixel3.gif

இதே கோடுகளைச் சிறிதாக்கிச் சாதாரண அளவில் பார்த்தால் இவ்வாறு தோன்றும். நேர்த்தியான கோடுகளில் Pixel கள் நேரான கட்டங்களில் அடுக்கப்பட்டதால் நேரான கோடுகளாகத் தெரிகின்றன. சரிவாக உள்ள கோடுகளைக் கவனித்தால் சரியான முறையில் அடுக்க முடியாது. இண்டு கட்டங்களுக்கு இடையில் வரவேண்டிய Pixel (இடையில் வர முடியாதபடியால்) இடது புறமாக அல்லது வலது புறமாக வந்துள்ளது. ஆகவே சரிவான கோடு நேர்த்தியாகத் தெரியவில்லை.

இப் பிரச்சனையைத் தவிர்ப்பதற்குப் பின்வரும் முறை கையாளப்படுகிறது. ஒரு Pixel இரண்டு கட்டங்களுக்கு இடையில் வரவேண்டி இருந்தால், ஒவ்வொரு கட்டத்திலும் அப் Pixel நிரப்பியுள்ள விகிதாசாரத்தின்படி அதன் நிறம் பிரிக்கப்பட்டு, அவற்றின் அருகிலுள்ள Pixel களின் நிறங்களுடன் கலக்கப்பட்டு இரண்டு நிறங்கள் உருவாக்கப்பட்டு இரண்டு நிறைவான Pixel களாக இடதுபக்கம் ஒன்றும் வலது பக்கம் ஒன்றும் இடப்படும். இதுவே Anti-aliasing எனப்படும்.

கீழுள்ள இரண்டு படங்களில் இது புரியும்படியாகக் காட்டப்பட்டுள்ளது.

முதலாவது Anti-aliasing செய்யப்படாத படம்.

33pixel4.gif

Pixel - 1அ : கோடு வரவேண்டிய பகுதி 50 வீதத்திற்கு அதிகமாக உள்ளதால் இப் Pixel முழுமையான நிறத்தைப் பெறுகிறது.

Pixel - 1ஆ : கோடு வரவேண்டிய பகுதி 50 வீதத்திற்குக் குறைவாக உள்ளதால் இப் Pixel நிறத்தைப் பெறாது வெறுமையாக உள்ளது.

இரண்டாவது படம் Anti-aliasing செய்யப்பட்டது.

33pixel5.gif

Pixel - 2அ : கோடு வரவேண்டிய பகுதி 90 வீதமாக உள்ளதால் இப் Pixel 90 வீதமான நிறத்துடன் அருகிலுள்ள வெள்ளை நிறத்துடன் 10 வீதம் சேர்த்துக் காட்டுகிறது.

Pixel - 2ஆ : கோடு வரவேண்டிய பகுதி 20 வீதமாக உள்ளதால் இப் Pixel 20 வீதமான நிறத்துடன் அருகிலுள்ள வெள்ளை நிறத்துடன் 80 வீதம் சேர்த்துக் காட்டுகிறது.

Pixel - 2இ : கோடு வரவேண்டிய பகுதி 20 வீதமாக உள்ளதால் இப் Pixel 60 வீதமான நிறத்துடன் அருகிலுள்ள வெள்ளை நிறத்துடன் 40 வீதம் சேர்த்துக் காட்டுகிறது.

Photoshop இல் உருவாக்கப்படும் இரண்டு Pixel களும் அவற்றின் அருகிலுள்ள Pixel களின் நிறங்களுடன் கலப்பதற்குப் பதிலாக அவ்வாறு கலக்காமல் கண்ணாடித் தன்மையையும் (Transparency ) பெறக்கூடியது. இக் கண்ணாடித் தன்மையுடைய Pixel கள் (கண்ணாடித் தன்மையின் விகிதாசாரத்திற்கேற்றபடி) அவற்றிற்குப் பின்லாலுள்ள படங்களை ஊடறுத்துக் காட்டக் கூடியன.

தொடரும்.

Link to comment
Share on other sites

  • 3 months later...

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.1 தனிமைப்படுத்தும் முறைகள்

Photoshop பாவிப்பவர்கள் அதிக நேரம் செலவிடுவது படத்திலிருந்து ஒரு பகுதியைப் பிரித்தெடுப்பதற்கே. இக் கடினமான செயலைத் துல்லியமாகச் செய்துவிட்டால் செயற்பாடுகள் யாவும் எளிதாகிவிடும். படத்தை வெட்டி இன்னொரு படத்துடன் சேர்த்தல், பகுதியான நிறமாற்றங்களைச் செய்தல், அவசியமற்ற பகுதிகளை நீக்குதல், குறிப்பிட்ட பகுதியில் மட்டும் Filter பாவித்தல் போன்ற பல்வேறு காரணங்களுக்காக இத் தனிமைப்படுத்துதல் அவசியமாகிறது.

இதற்கான வழிகள் Photoshop இல் பல உண்டு. சுலபமானவற்றை மட்டும் முதலில் பார்க்கலாம்.

1 - சதுர, வட்ட தனிமைப்படுத்தும் கருவிகள்

2 - Lasso

3 - மந்திரக்கோல்

4 - நிற எல்லைகள் மூலம்

இக் கருவிகள் ஒவ்வொன்றும் வெவ்வேறு ஆற்றல்களைக் கொண்டவையாக இருப்பதால் படத்தைப் பொறுத்து பொருத்தமான கருவிகளை உபயோகிக்கலாம்.

இவை தவிர Pen tool, Masque போன்றவற்றைப் பாவித்தும் தனிமைப்படுத்தலாம். இவற்றை வேறு பகுதிகளில் பார்க்கலாம்.

தொடரும்.

Link to comment
Share on other sites

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.2 சதுர, வட்ட தனிமைப்படுத்தும் கருவிகள்

mini_291988rectoutil.png

வட்டமாகவோ அல்லது சதுரமாகவோ படத்தின் ஒரு பகுதியை வெட்டி எடுக்கலாம்.

முதலில் சதுரக் கருவியினை எப்படி உபயோகிப்பது என்று பார்க்கலாம். Photoshop இல் இரண்டு படங்களைத் திறந்து கொள்ளுங்கள்.

caree2photos.png

படம் 1 இலிருந்து ஒரு பகுதியை வெட்டி இரண்டாவது படத்தில் ஒட்ட வேண்டும்.

சதுர தனிமைப்படுத்தும் கருவியில் ஒரு முறை அழுத்தி அதனைத் தெரிவு செய்யுங்கள். அதிக நேரம் அழுத்தியபடி இருந்தால் வட்டம் மற்றும் வேறு கருவிகள் தோன்றும். இவை பற்றி பின்னர் பார்க்கலாம்.

படம் 1 இல் மேல் பகுதியில் Mouse ஆல் அழுத்தியபடி கீழ்நோக்கி வலது பக்கமாக இழுங்கள். ஒரு சதுரம் தோன்றும். இச் சதுரத்தின் புள்ளிக் கோடுகள் மிளிர்ந்தவண்ணம் காணப்படும்.

careecoler.png

Menu வில் Edit > Copy என்பதைத் தெரிவு செய்தால் இச் சதுரத்தினுள் உள்ள படம் கணணியின் தற்காலிக சேமிப்புப் பகுதியில் பதியப்பட்டு விடும். இனி இரண்டாவது படத்தைத் தெரிவு செய்து, மறுபடி Menu வில் Edit > Paste என்பதைத் தெரிவு செய்யுங்கள். கணணியின் தற்காலிக சேமிப்புப் பகுதியில் இருந்த படம் இரண்டாவது படத்துடன் ஒட்டப்படும்.

இது மிக எளிமையான முறை.

இனி விரிவாகப் பார்ப்போம்.

சதுர தனிமைப்படுத்தும் கருவியில் ஒரு முறை அழுத்தி அதனைத் தெரிவு செய்யும்போது திரையின் மேற்பகுதியிலுள்ள மேலதிக செயற்பாட்டுப் பகுதி மாற்றமடைவதை அவதானிக்கலாம்.

careeoptions.png

முதல் பகுதியில் தெரிவு செய்யப்பட்ட கருவியும் அதைத் தொடர்ந்து சதுரங்கள் வரைவதற்கான 4 வழிமுறைகள் காணப்படும். இவை நான்கில் ஏதாவது ஒன்றைப் பயன்படுத்தியே சதுரம் வரையலாம். முதலாவது சாதாரண முறை. ஒரு முறை சதுரம் வரைந்துவிட்டு அருகில் இன்னொரு சதுரம் வரைய முயற்சித்தால் முதலில் வரந்தது மறைந்துவிடும். ஒரு தடவையில் ஒரு சதுரம் மட்டுமே வரைய முடியும்.

இரண்டாவது முறையில் பல சதுரங்களை வரையலாம். இரு சதுரங்கள் ஒன்றின்மேலொன்று வரையப்படும்போது அவை இரண்டும் ஒரே உருவமாகச் சேர்க்கப்படும்.

மூன்றாவது முறையில் முதலில் வரையப்பட்ட சதுரத்தின்மேல் அல்லது அதன் விளிம்புகளில் வரையப்படும் சதுரங்கள் கழிக்கப்படும்.

நான்காவது முறையில் வரையப்படும் இரு சதுரங்களுக்கு இடைப்பட்ட பொதுவான பகுதி மட்டும் எஞ்சியிருக்கும்.

careeoptionsex.png

அடுத்து Feather என்ற பகுதி உண்டு. Pixel கள் சதுரமானவை என மேலே பார்த்தோம். சதுரமாக வெட்டும்போது இரு பிக்சல்களுக்கிடையே கோடுகள் நேர்த்தியாக வருகின்றன. ஆகவே வெட்டப்பட்ட பகுதியின் விளிம்புகள் நேர்த்தியாக இருக்கும். அதாவது கோட்டின் இரண்டு பக்கங்களும் 100 வீதமான பிக்ஷெகல் களாகப் பிரிக்கப்படும். இக் கோடுகளைக் கலங்கலாகவும் (கோட்டின் இரு பக்கங்களும் கரைந்து செல்லத்தக்கவாறு) பிரிக்கும்படி செய்யலாம். கரையவேண்டிய விளிம்பின் அகலத்தை Feather என்ற கட்டத்தில் இட வேண்டும். பின்னர் சதுரம் ஒன்றை வரைந்து அதை வெட்டி இரண்டாவது படத்தில் ஒட்டினால் கீழ்கண்டவாறு தோன்றும்.

careecontourprog.png

உன்னிப்பாகப் பார்த்தால் சதுரத்தின் கோடுகளின் இரு பக்கங்களிலும் உள்ள Pixel கள் கண்ணாடித் தன்மையுடையதாக இருக்கும். சதுரமாக ஒரு பகுதியை வெட்டும்போது கோடுகள் நேராக இருப்பதால் Antialiasing அவசியமில்லை.

இம் முறைகளை ஒவ்வொரு தடவையும் மாற்றாமல் சாதாரண முறையில் இருக்கும்போது விசைப்பலகையில் Shift ஐ அழுத்தியவாறு வரையும் சதுரம் கூட்டப்படும். Alt என்ற விசையை அழுத்தியபடி வரயும் சதுரம் கழிக்கப்படும். Shift + Alt ஆகியவற்றை ஒரே நேரத்தில் அழுத்தியபடி வரைந்தால் இடைப்பட்ட பகுதி எஞ்சும். அத்துடன் முதலில் வரையும் சதுரத்தின் நான்கு பக்கங்களும் சமனாக வர வேண்டுமாயின் Shift விசையை அழுத்தியவாறு வரைய வேண்டும். இவ் விசைகள் ஏனைய கருவிகளுக்கும் பொருந்தும்.

மேலதிக செயற்பாட்டுப் பகுதியில் அடுத்ததாகக் காணப்படுவது Style என்ற பகுதி. இதில் இரண்டு முறைகள் உண்டு. முதலாவது சம விகிதாசாரமான சதுரம் அல்லது நீள்சதுரம். இதைத் தெரிவு செய்தால் அதன் அருகில் இரண்டு கட்டங்கள் தோன்றும். இக் கட்டங்களில் விகிதாரத்தை இட வேண்டும். உதாரணம் - 1 : 2.5. இதன்பின் வரையப்படும் நீள்சதுரங்கள் யாவும் இதே விகிதாசாரத்தில் இருக்கும். இரண்டாவது முறை நீள அகலத்தைத் துல்லியமாகக் குறித்து வரைதல். இதனைத் தெரிவு செய்தால் அருகில் அகலத்திற்கும் உயரத்திற்குமாக இரு கட்டங்கள் தோன்றும். இக் கட்டங்களில் வரையப்போகும் சதுரத்தின் நீள அகலங்களைத் துல்லியமாகத் தரலாம். உதாரணமாக - 200 pixels அகலம், 150 pixels நீளம். மில்லி மீற்றரில் அல்லது ஏனைய அலகுகளிலும் குறிப்பிடலாம். ஆனால் pixel அளவே துல்லியமானது.

தொடரும்.

Link to comment
Share on other sites

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.2 சதுர, வட்ட தனிமைப்படுத்தும் கருவிகள்

374892cercle_out.png

சதுர தனிமைப்படுத்தும் கருவியில் அதிக நேரம் அழுத்தியபடி இருந்தால் வட்டக் கருவி தோன்றும்.

மேலே சதுர தனிமைப்படுத்தும் கருவிக்குக் குறிப்பிட்ட அனைத்தும் வட்ட தனிமைப் படுத்தும் கருவிக்கும் பொருந்தும். வட்டத்தின் கோடுகள் சரிவாக இருப்பதால் இக் கருவிக்கு Antialiasing தேவைப்படலாம். Antialiasing வேண்டுமா இல்லையா என்பதை மேலதிக செயற்பாட்டுத் தொகுதியில் தெரிவு செய்யலாம். இரண்டிற்கும் இடையிலான வித்தியாசத்தை பெரிதாக்கப்பட்ட கீழுள்ள படம் மூலம் புரிந்து கொள்ளலாம்.

cerclelisage.png

தொடரும்.

Link to comment
Share on other sites

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.3 Lasso

313763outil_lasso.png

தனிமைப் படுத்துதலில் மிகவும் பயனுடைய இக் கருவி கையாள்வதற்குச் சற்று கடினமானது. பொறுமையுடனும் நிதானமுடனும் இதைப் பயன்படுத்தி தரமான படங்களை உருவாக்கலாம். ஒரு பேனா மூலம் தனிமைப் படுத்த வேண்டிய பகுதியைச் சுற்றிக் கோடு கீறுவது போன்று தான் இதன் பாவனையும். துல்லியமான முறையில் நேர்த்தியாகக் கீறுவதற்கும் கீறியதைத் திருத்திக் கீறுவதற்குமான வசதிகளையும் இது கொண்டுள்ளது.

Lasso கருவியில் சில வினாடிகள் அழுத்தியபடியிருந்தால் பின்வரும் மூன்று விதமான கருவிகள் தோன்றும்.

முதலாவது கருவி (Free hand) எமது விருப்பத்திற்கேற்றவாறு வளைவுகளைக் கீறிக் கொள்ளலாம். சிக்கலான ஒளி அமைப்பைக் கொண்ட பொருட்கள், உருவங்களைத் தனிமைப்படுத்த இக்கருவி பயனுள்ளதாக இருக்கும்.

இரண்டாவது (Polygonal) வளைவுகளற்ற நேர்கோடுகளை மட்டும் கீறக் கூடியது. ஒரு முனையிலிருந்து இன்னொரு முனைக்கு கோடு கீற வேண்டுமாயின் ஒவ்வொரு முனையிலும் mouse இனால் சொடுக்கினால் போதுமானது. இதன் மூலம் வளைவுகளற்ற பொருட்களை இலகுவாக தனிமைப்படுத்தலாம்.

மூன்றாவது (Magnetic) காந்த ஈர்ப்புள்ளது. படத்திலுள்ள உருவ வேறுபாடுகளை உணர்ந்து அவற்றின் விளிம்புகளில் கோட்டைனைக் கீறிச் செல்லும். தனிமைப் படுத்தப்பட வேண்டிய பொருளின் விளிம்பில் ஒரு முறை சொடுக்கியபின் mouse இனால் அப் பொருளின் விளிம்பினை அண்மித்த்தாய் பயணிக்க வேண்டும். இறுதியாக தொடக்கப் புள்ளியை அண்மித்து அதன்மேல் மற்படி அழுத்தினால் அக் கோடு பூரணமடையும்.

தொடரும்.

Link to comment
Share on other sites

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.3 Lasso

Lasso கருவியைப் பற்றி விரிவாகப் பார்ப்போம்.

சாதாரணமாக தனிமைப் படுத்தப்பட வேண்டிய பகுதியின் ஒரு விளிம்பில் அழுத்தியவாறு தொடர்ந்து அதன் விளிம்பில் தொடர்ந்து கீறிக் செல்ல வேண்டும். அப் பகுதியைச் சுற்றிக் கீறியபின்னர் தொடக்கப் புள்ளிக்கு வந்தபின்னர் அழுத்தப்பட்ட Mouse இனை விடுவிக்க வேண்டும். இடைவழியில் விடுவிக்கப்பட்டால் Photoshop அவ் விடுவிக்கப்பட்ட புள்ளிக்கும் தொடக்கப் புள்ளிக்கும் இடையில் தானாகத் தொடர்பை ஏற்படுத்தி தனிமையாக்கலை நிறைவு செய்து கொள்ளும்.

lassoex1.png

சதுர தனிப்படுத்தல் கருவி போலவே இதற்கும் நான்கு வழிமுறைகள் உள்ளன.

1 - சாதாரண முறை

2 - சேர்த்தல்

3 - கழித்தல்

4 - இடைப்பட்ட பகுதி

முதலாவது சாதாரண முறையில் படத்தின் ஒரு பகுதியில் Mouse ஐ அழுத்தினால் ஏற்கனவே நிறைவு செய்யப்பட்ட தனிமையாக்கம் நீக்கப்பட்டு புதிய தனிமையாக்கம் ஆரம்பமாகும்.

இரண்டாவது முறையைத் தெரிவு செய்து படத்தின் வேறொரு பகுதியைத் தனிமைப்படுத்தினால் ஏற்கனவே நிறைவு செய்யப்பட்ட தனிமையாக்கம் நீக்கப்படாமல் புதிதாகக் கீறப்பட்ட பகுதியுடன் இணைக்கப்படும். முதல்முறை கீறப்பட்ட விளிம்பில் தவறு ஏற்பட்டிருந்தால் இதன்மூலம் திருத்தம் செய்யலாம்.

மூன்றாவது முறையில் ஏற்கனவே நிறைவு செய்யப்பட்ட தனிமையாக்கத்திலிருந்து சில வேண்டாத பகுதிகளை நீக்கலாம்.

Lasso கருவியில் கீறத் தொடங்கியவுடனேயே Alt விசையை அழுத்திப் பிடித்திருந்தால் Mouse இனை விடுவித்தாலும் ஆரம்ப / விடுவிக்கப்பட்ட புள்ளிகளுக்கிடையில் தொடர்பு ஏற்படாது. Alt விசையை அழுத்திப் பிடித்தவாறே தொடர்ந்து கீறிச் செல்லலாம். ஆரம்பப் புள்ளியை அண்மித்ததும் Alt விசையை விடுவிக்கலாம்.

இக் கருவியின் விளிம்பு அகலம் (Feather), Antialiasing ஆகியவற்றின் விளைவுகளைக் கீழ்வரும் உதாரணங்கள் மூலம் விளங்கிக் கொள்ளலாம்.

lassoex.png

தொடரும்.

Link to comment
Share on other sites

  • 4 weeks later...

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.3 Lasso

Lasso கருவியின் இரண்டாவது தனிமைப்படுத்தும் முறையில் (Polygonal) Mouse இனை அழுத்திப் பிடித்திருக்கத் தேவையில்லை. புள்ளிகளை இட்டுச் செல்ல அப் புள்ளிகளுக்கிடையிலான கோடுகள் இணைக்கப்படும். தனிமைப் படுத்தலை நிறைவு செய்வதற்கு ஆரம்பப் புள்ளியில் இறுதியாக முடிக்கப்பட வேண்டும். இக் கருவியினால் வளைவான கோடுகளைக் கீற முடியாது. வளைவு ஒன்றைக் கீற வேண்டுமாயின் சிறிய நேர்கோடுகள் மூலம் கீறப்பட வேண்டும். அல்லது மேற்கூறியவாறு Alt விசையை அழுத்திப் பிடித்திருந்தால் வளைவுகளையும் கீறலாம்.

lassopoly.png

அ, ஆ, இ, ஈ, உ ஆகிய இடங்களில் புள்ளிகள் மட்டுமே இடப்பட்டன. இப் புள்ளிகளை இணைக்கும் கோடுகள் தானாக ஏற்பட்டன. படத்தில் காட்டப்பட்ட பகுதியில் Alt விசை அழுத்தப்பட்டதால் நேர்கோடு அல்லாது விரும்பியவாறு தொடர்ந்து கீறிச் செல்லக் கூடியதாயிருந்தது. ஆரம்பப் புள்ளியை (அ) Mouse இனால் நெருங்கும்போது படத்திலுள்ளவாறு ஒரு சிறிய வட்டம் Lasso கருவிக்கருகில் தோன்றும். அந்த இடத்தில் இறுதியாக ஒரு முறை அழுத்தினால் தனிமைப்படுத்தல் நிறைவு பெறும்.

தவறான இடத்தில் புள்ளியொன்று வைக்கப்பட்டால், delete விசையை அழுத்தினால் இறுதியாக வைக்கப்பட்ட புள்ளி நீக்கப்படும். பல தடவைகள் அழுத்தினால் அதன் முன்னர் வைக்கப்பட்ட புள்ளிகள் ஒவ்வொன்றாக நீங்கும். அவற்றை இணைக்கும் கோடுகளும் ஒவ்வொன்றாக பின்வாங்கிச் செல்லும்.

இக் கருவி மூலம் கீறப்பட்ட பகுதியில் வேறு ஒரு தனிமைப் படுத்தும் கருவியைக் கொண்டு மாற்றம் செய்யலாம். உதாரணமாக Alt விசையை அழுத்தியவாறு ஒரு சதுரம் கீறியபோது அச் சதுரம் ஏற்கனவே கீறிய பகுதியுடன் இணைந்து கொண்டது.

lassopoly2.png

Link to comment
Share on other sites

  • 1 month later...

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.3 Lasso

Lasso கருவியின் மூன்றாவது தனிமைப்படுத்தும் முறை (Magnetic) மிக இலகுவானது. தனிமைப் படுத்தப்பட வேண்டிய பகுதி விளிம்பில் ஒரு தடவை அழுத்தியபின் தொடர்ந்து அதன் விளிம்பில் Mouse இனால் பயணிக்க வேண்டும். துல்லியமான முறையில் தொடர வேண்டியதில்லை. இந்த Lasso காந்த சக்தியை உடையதால் நேர்த்தியான விளிம்பை நோக்கி இதன் கோடுகள் ஈர்க்கப்படும். விளிம்புகள் நேர்த்தியாக உள்ள பொருட்களை இம் முறையில் தனிமைப்படுத்துவது சுலபம். சிக்கலான படங்களை இக் கருவியைப் பாவித்து மேலோட்டமான கோடொன்றைக் கீறியபின் வேறு கருவிகளைப் பாவித்து திருத்தங்களைச் செய்துகொள்ளலாம்.

lasso2.png

மேலுள்ள படத்தில் விளிம்புகள் நேர்த்தியாக உள்ளதால் சுலபமாக கோடுகள் விளிம்புகளை நோக்கி ஈர்க்கப்பட்டன. வலது புறமுள்ள படத்தில் இக் கருவியின் பாவனை சிக்கலாக இருப்பதைக் காணலாம். இவ்வாறான படக்களுக்கு இக் கருவியின் மேலதிக செயற்பாடுகளில் மாற்றங்கள் செய்வதன் மூலம் ஓரளவு சிறப்பான வகையில் கோடுகளைக் கீறிக் கொள்ளலாம்.

lasso3.png

Feather : கீறப்படும் கோடுகளின் இரு பக்கங்களிலும் கரைந்து செல்லும் அளவு (அகலம்). இது பற்றி ஏற்கனவே விளக்கப்பட்டுள்ளது.

Anti-Alias : இது கீறப்படும் கோட்டின் தரத்தை நிர்ணயிக்கும். மேலதிக விளக்கங்களுக்கு.

Width (படத்தில் 'அ' குறியிடப்பட்டிருப்பது) : Mouse இனால் பயணிக்கும்போது இதில் குறிப்பிடப்படும் அகலத்தின் கட்டுப்பாட்டினுள் மட்டும்தான் கோடுகள் பொருட்களின் விளிம்பை நோக்கி ஈர்க்கப்படும். நேர்த்தியான விளிம்புகள் இவ்வகல எல்லைக்குள் இல்லாத பட்சத்தில் கோடு எதோற்சையான முறையில் கீறப்படும்.

Edge Contrast : கோடுகள் சடுதியான ஒளி வித்தியாசமான pixels கூட்டங்களின் இடையிலேயே ஈர்க்கப்படுகிறது. இதையே விளிம்பாகவும் கொள்ளலாம். இதன் அளவு குறைந்த வீதமாக இருந்தால் சிறிய ஒளி வித்தியாசத்தை உணரக் கூடியதாக இருக்கும். அதிகமாக இருந்தால் அதிக ஒளி வித்தியாசமான பகுதிகளை மட்டுமே இனங்காணக் கூடியதாக இருக்கும். படத்தில் 'ஆ' கிறியிடப்பட்டுள்ள பகுதியில் தனிமைப்படுத்தப்பட வேண்டிய பகுதியிலும் நீக்கப்பட வேண்டிய பகுதியிலும் காணப்படும் pixels களின் ஒளி வேறுபாடு அதிகமானது. 'இ' குறியிடப்பட்ட பகுதியில் இவ் வித்தியாசம் குறைவானது.

மேலே குறிப்பிட்டது போன்று கீறப்பட்ட கோடு பிழையானதாயின் delete விசையை அழுத்தினால் கோடானது பின்வாங்கியபடி பழைய நிலைகளை நோக்கிச் செல்லும். அத்துடன் குறிப்பிட்ட ஒரு விளிம்பை இக் கருவி இனங்காண மறுத்தால், Mouse இனை அழுத்துவதன் மூலம் நெருக்கமாக புள்ளிகளை இட்டுத் தொடர்ந்து கீறிச் செல்லலாம்.

Frequency : கீறிச் செல்லும்போது கோட்டின் முறிவுகளில் புள்ளிகளால் காட்டப்படும் (படத்தில் 'ஈ' குறியிடப்பட்டுள்ளது). இச் செயற்பாட்டின் அளவை அதிகரிக்க புள்ளிகளின் அளவு அதிகரிக்கும். அதாவது சிறிய விளிம்புகள் இனங்காணப்பட்டு பல முறிவுகளையுடைய கோடு துல்லியமாகக் கீறப்படும். ஆனால் இது எல்லாப் படங்களுக்கும் பொருத்தமாக இருக்காது. வளைவான விளிம்புகளையுடைய பொருளொன்றைத் தனிமைப்படுத்துவதாயின் முறிவான கோடுகள் பொருத்தமானதாக இருக்காது.

தொடரும்.

Link to comment
Share on other sites

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.4 மந்திரக்கோல் (magic wand)

magicwand1.png

பாவிப்பதற்கு மிகவும் எளிதானது. படத்தில் ஒரு தடவை அழுத்தினால் அழுத்தப்பட்ட இடத்திலுள்ள pixels களின் சாயலிலுள்ள ஏனைய pixels களைச் சுற்றி கோடொன்றைக் கீறிவிடும். Shift விசையை அழுத்திப் பிடித்தவாறு பல இடங்களில் அழுத்தினால் ஒவ்வொரு பகுதியிலும் உருவாக்கப்பட்ட கோடுகள் ஒன்றிணையும். சீரான நிறங்களை அல்லது ஒளி அளவுகளையுடைய பகுதிகளை இக் கருவி மூலம் தனிமைப் படுத்துவது இலகுவானது. சிக்கலான படங்களில் இக் கருவி மூலம் தனிமைப்படுத்தக் கூடிய பகுதிகளில் மட்டும் பாவித்தபின்னர் பொருத்தமான வேறொரு கருவி மூலம் பூரணப்படுத்தலாம்.

இதன் மேலதிக செயற்பாடுகள்.

Tolerance : இதன் அளவு 0 ஆக இருந்தால் அழுத்தப்படும் இடத்திலுள்ள pixel இன் நிறத்தை ஒத்ததான pixels களை மட்டுமே தனிமைப் படுத்தும். இதன் வீரியத்தை அதிகரித்தால் அழுத்தப்பட்ட இடத்திலுள்ள pixel இன் நிறத்தின் சாயலையுடைய ஏனைய pixels களையும் கூடவே தனிமைப் படுத்தும்.

Contiguous : இதனைத் தெரிவு செய்தால் அழுத்தப்படும் இடத்திற்கு அருகிலுள்ள pixels மாத்திரமே தனிமைப் படுத்தப்படும். தெரிவு செய்யாத பட்சத்தில் படம் முழுவதிலுமுள்ள அப் pixel இன் நிறத்தை ஒத்த அல்லது சாயலையுடைய pixels கள் எல்லாவற்றையும் தெரிவு செய்யும்.

magicwand2.jpg

படம் 1, படம் 2 ஆகியவற்றில் கருவியின் வீரியத்தை அதிகரிக்க தனிமைப்படுத்தப்படும் பரப்பு அதிகரிப்பதைக் காணலாம்.

படம் 3 இல் Contiguous நீக்கப்பட்டதால் படத்தில் பல இடங்கள் தனிமைப்படுத்தப்பட்டுள்ளன. முகத்திலும் சில இடங்களில் ஏறத்தாள அதே சாயலையுடைய pixels கள் காணப்படுவதால் அவையும் தனிமைப்படுத்தப் பட்டுள்ளன.

படம் 4 இல் Shift விசையை அழுத்தியவாறு 'அ, ஆ, இ' ஆகிய இடங்களில் மூன்று தடவை Mouse இனால் அழுத்தப்பட்டது. இவ்வாறு தொடர்ந்து ஏனைய பகுதிகளிலும் அழுத்தினால் இப் படத்தில் உள்ள முகமூடியைத் தவிர்த்து ஏனைய பகுதிகளைப் பூரணமாக தனிமைப்படுத்தலாம். அதாவது படத்திலிருந்து பின் புறமுள்ள காட்சியை மட்டும் நீக்கவோ மாற்றம் செய்யவோ தயார் படுத்தப்பட்டுள்ளது.

இதே போன்று முகமூடியைத் தனிமைப் படுத்த வேண்டுமாயின் ஏற்கனவே தனிமைப்படுத்தப்பட்ட பகுதியை தலைகீழாக மாற்றி விடலாம்.

magicwand3.jpg

தொடரும்.

Link to comment
Share on other sites

  • 2 weeks later...

பகுதி 4

படத்தின் ஒரு பகுதியைப் பிரித்தெடுத்தல், தனிமைப்படுத்துதல்

4.5 நிற எல்லைகள்

இது ஏறத்தாள மந்திரக்கோல் போன்றது. ஒரு படத்திலுள்ள ஒரே சாயலிலுள்ள எல்லாப் பகுதிகளையும் தெரிவு செய்வதன் மூலம் தனிமைப் படுத்துவது.

ஒரு படத்தைத் திறந்து வைத்துக் கொண்டு, Menu வில் Select > Color Range... என்பதைத் தெரிவு செய்யுங்கள். கீழுள்ள படத்தில் உள்ளது போன்ற கட்டம் தோன்றும். அதன் மையத்திலுள்ள படம் முதலில் கறுப்பாகத் தோன்றும். அதாவது படத்தில் எந்தப் பகுதியும் தனிமைப் படுத்தப்படவில்லை என்று அர்த்தம். இக் கட்டத்தினுள் வலது பக்கத்தில் நிறங்களைத் தெரிவு செய்வதற்கான 3 கருவிகள் உள்ளன. முதலாவது கருவி மூலம் படத்தில் 'அ' என்ற பகுதியில் அழுத்தினால் கட்டத்தின் மத்தியில் கறுப்பாக இருந்த படத்தில் மாற்றம் ஏற்படும். 'அ' என்ற பகுதியும் அதிலுள்ள நிறத்தை ஒத்த பகுதிகளும் வெள்ளையாக மாறும். அதாவது வெள்ளையாக உள்ள பகுதிகள் தனிமைப் படுத்தப்பட்ட பகுதிகளாகும். வேறு பகுதிகளையும் இதனுடன் சேர்க்க வேண்டுமாயின் இரண்டாவது கருவியினால் (+) முறையே 'ஆ', 'இ' ஆகிய பகுதிகளில் அழுத்த, அப் பகுதிகளிலுள்ள நிறத்தை ஒத்த ஏனைய பகுதிகளும் வெள்ளையாக மாறும். பின்னர் OK என்ற பட்டனை அழுத்தினால் கட்டத்தில் ஏற்படுத்தப்பட்ட கறுப்பு வெள்ளை மாற்றங்கள் தனிமைப்படுத்தப்படும் கோடுகளாக மாறும். இதனைப் பூரணப்படுத்துவதற்கு வேறு கருவிகளைப் பாவிக்கலாம்.

colorselect.gif

இதில் கவனத்தில் கொள்ள வேண்டிய விடயம் என்னவென்றால், Photoshop மென்பொருள் படங்களப் பிரித்தெடுத்து பதிந்து வைத்திருப்பதற்கு இப்படியான கறுப்பு வெள்ளை கொண்ட தட்டொன்றைத்தான் பாவிக்கிறது. இத் தட்டினைக் கண்டுபிடித்து, அதனை தூரிகையினால் அல்லது வேறு கருவிகளினால் மாற்றம் செய்வதன் மூலம் தனிமைப் படுத்துதலை இலகுவாக்கலாம் அல்லவா ?

வேறு பல வழிகள் மூலமும் படங்களைப் பிரித்து தனிமைப் படுத்தலாம் என்றாலும் அவற்றிற்கு அடிப்படையாக விளங்குபவை Pen tool தவிர்ந்த மேற்குறிப்பிட்ட 4 முறைகளுமே. Pen tool பாவிப்பது எப்படி என தனியான ஒரு பகுதியில் பார்க்கலாம்.

இத்துடன் இப் பகுதி நிறைவு பெறுகிறது.

தொடரும்.

Link to comment
Share on other sites

பகுதி 5

படத் தட்டுக்கள் (Layer)

5.1அறிமுகம்

சென்ற மாதத்துடன் Photoshop தனது 20 ஆவது வயதினை நிறைவு செய்கிறது. 1987 இல் Display என்ற பெயரில் ஆரம்பிக்கப்பட்டு, 1988 இல் Adobe நிறுவனத்தால் Photoshop என்ற பெயரில் வாங்கப்பட்டு, 1990 மார்ச் மாதம் முதலாவது பதிப்பு விற்பனைக்கு விடப்பட்டது. இதன் உருவாக்கக் முழுவில் நீண்ட காலமாக பல இந்தியர்களும் (தமிழர்கள் ?) உள்ளடக்கப் பட்டுள்ளனர் என்பது குறிப்பிடத்தக்கது. Photoshop இன் தொடர்ச்சியான வளர்ச்சியில் மூன்றாவது பதிப்பு முக்கியத்துவம் பெறுகிறது. இப் பதிப்பில் படத் தட்டுக்கள் (Layers) அறிமுகப் படுத்தப்பட்டது.

படத் தட்டுக்களை கீழுள்ள படம் மூலம் எளிமையாக விளக்கலாம். 4 கண்ணாடித் தட்டுக்கள் ஒன்றன் மேல் ஒன்றாக இருப்பதாகக் கற்பனை செய்வோம். ஒவ்வொரு தட்டுக்களிலும் சில பொருட்களை அடுக்கிக் கொள்வோம். இப்போது இத் தட்டுக்களை மேலிருந்து நோக்கினால் கண்ணாடிகள் ஒன்றாகி அதன்மேல் வைக்கப்பட்ட பொருட்கள் ஒன்றின்மேல் ஒன்று இருப்பது போன்று தோன்றும். Photoshop இன் படத் தட்டுக்களும் இதே போன்று கண்ணாடித் தன்மையுடையன. அவற்றின்மீது தனிமைப் படுத்தப்பட்ட படங்கள், எழுத்துக்கள், vector படங்கள் போன்றவற்றை அடுக்கலாம். எமக்குத் தேவையான இறுதி வடிவமைப்பு அமைக்கப்பட்டபின்னர் அவற்றையெல்லாம் ஒன்றாக்கி பல்வேறு பாவனைகளுக்கும் (இணையத் தளத்தில், அச்சுப் பதிப்பிற்கு, ... ) பயன்படுத்தலாம்.

bannermake.png

Photoshop இல் இத் தட்டுக்கள் இவ்வாறு காண்பிக்கப்படும்.

layer.png

இத்தட்டுக்களால் பின்வரும் பயன்கள் உள்ளன.

1) தேவைக்கேற்றவாறு ஒவ்வொரு தட்டிலுமுள்ள பொருளை நகர்த்தலாம்.

2) அவை அடுக்கப்பட்டுள்ள வரிசையை இலகுவாக மாற்றியமைக்கலாம்.

3) ஒவ்வொரு பொருட்களையும் தனித்தனியான ஒளி / நிற மாற்றங்களுக்கு உட்படுத்தலாம்.

4) ஒரு பொருளுக்கு மேலுள்ள பொருள் எவ்வாறு அதனுடன் சேருகின்றது என்பதை மாற்றியமைக்கலாம் (கண்ணாடித் தன்மையாக, ஒளிரும் பொருளாக, ...).

5) ஒவ்வொரு பொருளிற்கும் விசேட தன்மைகளைக் கொடுக்கலாம் (நிழல், சுற்றுக் கோடு, பளபளப்பு, ...)

6) vector படங்களை அவற்றின் அவற்றின் தன்மையை மாற்றாது Photoshop இனுள் கொண்டுவரலாம்.

ஆனால் அதிக தட்டுக்களை அடுக்கிக் கொண்டு போக Photoshop அதிக Memory ஐயும் அதிக வேகத்தையும் எதிர்பார்க்கும். இதனால் கணணியின் வேகம் குறைய வாய்ப்புள்ளது. அத்துடன் தட்டுக்களையுடைய படங்களை Photoshop வடிவத்தில் மட்டுமே சேமித்து வைக்கலாம். ஆகவே இவ் வடிவமான படம் வேறு பாவனைக்கு உகந்ததல்ல. வேறு பாவனைக்கு வேண்டுமாயின் தட்டுக்களை ஒன்றாக்கி png அல்லது jpg போன்ற வடிவங்களில் பதிய வேண்டும். png அல்லது jpg வடிவத்திலான படங்களை மறுபடி மாற்றம் செய்ய முடியாதாகையால் Photoshop வடிவத்தையும் பதிந்து வைத்திருக்க வேண்டும்.

தொடரும்.

Link to comment
Share on other sites

  • 4 months later...

நீண்ட இடைவெளிக்குப் பின்னர் மீண்டும் தொடர்கிறேன்.

பகுதி 5

படத் தட்டுக்கள் (Layers)

5.1 அறிமுகம்

படத்தட்டுக்கள் மிக முக்கிய பங்கு வகிப்பதால் இதனை விரிவாகப் பார்க்கலாம்.

layer2i.png

மேலே உள்ள பகுதியிலுள்ள (அ, ஆ, இ, ஈ) செயற்பாடுகள் ஒவ்வொரு தட்டையும் தனித்தனியாக மாற்றமடையச் செய்யக்காடியவை. தேவையான தட்டொன்றை Mouse இனால் அழுத்தி தெரிவு செய்தபின்னர் தேவையானபடி மாற்றம் செய்யவும். பின்னர் எந்த வேளையிலும் அம் மாற்றங்களைச் செயலிழக்க வைக்கலாம். அதாவது இம் மாற்றங்கள் நேரடியாகத் தட்டுக்களிலுள்ள படங்களில் மாற்றங்களை உண்டாக்குவதில்லை.

அ ) ஒரு தட்டிலுள்ள படம் அதன் கீழுள்ள படங்களுடன் எவ்வாறு சேர வேண்டுமென்பதைத் தீர்மானிக்கும். இது ஒரு தட்டை இணைக்கும்போது Normal என்று இருக்கும். இதனால் எந்த ஒரு தாக்கமும் இல்லை. இத் தட்டு கண்ணாடித் தன்மையைக் கொண்டிருந்தால் அப் பகுதிகளினூடாக கீழுள்ள தட்டுக்களைக் காணலாம். அப்படி இல்லாவிடின் இத் தட்டினால் கீழுள்ள தட்டுக்கள் மறைக்கப்பட்டிருக்கும்.

இனி Normal என்பதை அழுத்தி வேறுசில சேர்வை முறைகளை அவதானிக்கலாம்.

layer3.png

ஆ ) Opacity - ஒரு தட்டின் கண்ணாடித் தன்மையைத் தீர்மானிக்கும். ஆரம்பத்தில் 100 வீதமாக இருக்கும். இதனை அழுத்தி வேறு வீதங்களை இட்டு மாற்றங்களை அவதானிக்கலாம். கண்ணாடித் தன்மை இல்லாத படத்திலுள்ள பிக்சல்கள் யாவும் ஒரே மாதிரியான மாற்றத்திற்கு உட்படும். 50 வீதமாக இருந்தால் இத் தட்டிலுள்ள எல்லாப் பிக்சல்களும் 50 வீதமான கண்ணாடித் தன்மையைப் பெறும். ஏற்கனவே கண்ணாடித் தன்மையைப் பகுதியாகக் கொண்டுள்ள படத்தில் அவற்றின் அளவுக்கேற்ப மாறுபடும். 50 வீதத்தை ஏற்கனவே கொண்டுள்ள பகுதி 25 வீதமாகவும் 30 வீதத்தை ஏற்கனவே கொண்டுள்ள பகுதி 15 வீதமாகவும் மாறும். இதனை 0 வீதமாக மாற்றினால் தட்டிலுள்ள படம் கண்ணுக்குப் புலப்படாது.

இ ) தெரிவு செய்யப்பட்ட தட்டொன்றைப் பாதுகாப்பதற்கான வழிமுறைகள். ஒரு தடவை இவற்றில் ஒன்றை அல்லது பலவற்றைத் தனித்தனியாக அழுத்தினால் அப் பாதுகாப்பு முறை பேணப்படும். இனொரு தடவை அழுத்தினால் அம்முறை செயலிழக்கும்.

- முதலாவது : தட்டிலுள்ள படத்தின் கண்ணாடித் தன்மையில் மாற்றம் செய்வதைத் தடுக்கும்.

- இரண்டாவது : அத் தட்டில் ஏனைய கருவிகள் மூலம் மாற்றங்கள் செய்வதைத் தடுக்கும்.

- மூன்றாவது : அத் தட்டிலுள்ள படத்தினை நகர்த்த முடியாது.

- நான்காவது : இதை அழுத்தினால் மூற்குறிய 3 முறைகளும் பேணப்படும்.

ஈ ) Fill - இதன் அளவில் மாற்றம் செய்தால் தட்டொன்றிலுள்ள படத்தின் கண்ணாடித் தன்மை மாத்திரம் கூடிக் குறையும்.

தொடரும்.

Link to comment
Share on other sites

உ ) இப் பகுதியில் படத்திலுள்ள தட்டுக்கள் அனைத்தையும் காணலாம். படத்தில் ஒரு தட்டு தற்காலிகமாக நீக்கப்பட வேண்டுமாயின் அதன் இடது பக்கமுள்ள "கண்"ணை அழுத்தி மறைத்து விடலாம். மறுபடி அழுத்த அத்தட்டு மீண்டும் படத்தில் தோன்றும். ஒரு படம் நிறைவு பெற்று விட்டால் முடிந்த அளவு தேவையற்ற மறைத்து விடப்பட்டுள்ள தட்டுக்களை அழித்து விடுவது நல்லது. இதனால் கணணியில் அதிக இடத்தைப் பிடிப்பதைத் தவிர்க்கலாம்.

ஒவ்வொரு தட்டையும் இலகுவாக இனம்காண வசதியாக ஒவ்வொரு தட்டுக்களிலும் அவற்றின் உள்ளடக்கம் பிரதிபலிக்கும். "ஊ" என்ற பகுதியில் அழுத்தி Palette Options... என்பதைத் தெரிவு செய்து உங்கள் வசதிக்கேற்ப தட்டுக்களின் தோற்றத்தை மாற்றிக் கொள்ளலாம். தட்டுக்களின் வலது பக்கத்தில் அவற்றின் பெயரும் காணப்படுகிறது. இதில் இரண்டு தடவை அழுத்தி அவற்றின் பெயர்களையும் மாற்றிக் கொள்ளலாம்.

ஒரு தட்டை இடம் மாற்ற வேண்டுமாயின் அதன்மேல் அழுத்திப் பிடித்தவாறு மேல் நோக்கி அல்லது கீழ்நோக்கி நகர்த்தி பொருத்தமான இடத்தில் வைக்கலாம்.

கடைசியாக உள்ள தட்டு Background எனப்படும். இதை அசைக்கவோ இடம் மாற்றவோ முடியாது. அவசியமானால் இரண்டு தடவை இதன்மேல் அழுத்தி சாதாரண தட்டாக மாற்றலாம்.

இப்போது இப் Palette இன் கீழ்ப் பகுதியைப் பார்க்கலாம்.

layer6.png

எ1 ) பல தட்டுக்களை ஒன்றாக பிணைப்பதற்கும் பயன்படுத்தலாம்.

எ2 ) படத்தினை மெருகூட்டுவதற்குப் பயன்படும்

எ3 ) படத்தின் ஒரு பகுதியை மறைக்கச் செய்யும்

எ4 ) நிற ஒளி மாற்றங்களைச் செய்யும்

எ5 ) தட்டுக்களைப் ஒருங்கிணைக்க உதவும்

எ6 ) புதிய தட்டொன்றை உருவாக்கும்

எ7 ) தட்டுக்களை அழிக்க உதவும்

Link to comment
Share on other sites

Archived

This topic is now archived and is closed to further replies.



×
×
  • Create New...

Important Information

By using this site, you agree to our Terms of Use.