கச்சதீவை நோக்கி புறப்பட தயார் நிலையில் உள்ள தமிழக மீனவர்கள்

[கறுப்பி]

கச்சதீவை நோக்கி புறப்பட தயார் நிலையில் உள்ள தமிழக மீனவர்கள்

news

 

ராமேஸ்வரத்தில் இருந்து 5000 மீனவ குடும்பங்கள் கச்சதீவு நோக்கி வெள்ளைக்கொடியுடன் தஞ்சம் புக படகுகளுடன் தயார் நிலையில் உள்ளதால் ராமேஸ்வரம் பகுதியில் பரபரப்பு நிலவி வருகின்றது.

 

யாழ்ப்பாணம் மற்றும் அனுராதபுரம் சிறைகளில் உள்ள 89 தமிழக மீனவர்களையும், அவர்களுக்குச் சொந்தமான 63 படகுகளையும் விடுவிக்க வலியுறுத்தி ராமேஸ்வரம் மீனவர்கள் காலவரையற்ற வேலைநிறுத்தத்தில் ஈடுபட்டு வருகின்றனர். 

 

இந்தக் கோரிக்கையை வலியுறுத்தி ஒகஸ்ட்  2 ஆம் திகதி (இன்று) படகுகளில் வெள்ளைக்கொடி கட்டி குடும்பத்தோடு கச்சத்தீவு செல்ல உள்ளதாகவும் அறிவித்திருந்தனர். 

 

இதற்காக, ராமேஸ்வரம் கடற்கரையில் நிறுத்தியுள்ள தங்களது படகுகளில் வெள்ளைக்கொடிகளை மீனவர்கள் நேற்று கட்டி தயார் நிலையில் உள்ளதுடன். அரசு தடுத்தாலும், தடையை மீறி கச்சத்தீவு செல்லப்போவதாக மீனவர் சங்க பிரதிநிதிகள் அறிவித்திருக்கின்றனர்.

 

இதற்கிடையே, கச்சத்தீவு கடல் பகுதிக்குள் அத்துமீறி நுழையும் இந்தியப் படகுகளை கைது செய்வோமென இலங்கை கடற்படை அறிவித்துள்ளது. 

 

இந்த நிலையில் இந்திய கடல் எல்லையிலேயே படகுகளை தடுத்து நிறுத்த இலங்கை கடற்படையினர் தயார்நிலையில் உள்ளனர். இதையொட்டி கச்சத்தீவு கடல் பகுதியில் இலங்கை கடற்படையின் 2 ரோந்து கப்பல்கள், பத்துக்கும் மேற்பட்ட கன்போட்’ படகுகளை நிறுத்தி கண்காணிப்பில் ஈடுபட்டுள்ளது. 

 

ஆனால், தடையை மீறி கச்சத்தீவு செல்வோம் என்று மீனவர் சங்க பிரதிநிதிகள் நேற்று திட்டவட்டமாக தெரிவித்துள்ளனர்.

 

02 ஆகஸ்ட்டு 2014, சனி 9:15 மு.ப

- See more at: http://www.onlineuthayan.com/News_More.php?id=860963283002461227#sthash.NvE4AxkP.dpuf