குறிகளை அடையாளம் காட்டும் சிறுமி - தீபச்செல்வன்

[கிருபன்]

குறிகளை அடையாளம் காட்டும் சிறுமி - தீபச்செல்வன்

பள்ளிக்கூடம் செல்ல

ஓர் தெருவைக் காட்டவில்லை

காவலரணற்ற

ஓர் நகரைக் காட்டவில்லை

துள்ளித்திரிய ஒரு புல்வெளியையோ

ஊஞ்சலாட ஒரு பூங்காவையோ காட்டவில்லை

பூர்வீக நிலத்தையும்

மூதாதையரின் வீட்டையும்

காட்ட முடியவில்லை

சிறு அமைதியையோ

அச்சமற்ற ஓர் பொழுதையோ காட்டவுமில்லை

காட்டினோம் பாதுகாப்பற்ற நிலத்தை

அலைகடலையும்

எழும் சூரியனையும்

காயங்களற்ற ஒரு பொம்மையையும்

கிழியாத பூக்களையும்

பறவைகள் நிறைந்த வானத்தையும்

காட்ட முடியவில்லை

எல்லா உறுப்புக்களையும் புணர்பவர்களை

சூழ நிறுத்திவிட்டு

காட்ட முடியாதிருந்தோம்

ஒளியிருக்கும் திசையை

ஈற்றில் வழங்கியிருக்கிறோம்

ஆண்குறிகளை அடையாளம்

காட்டுமொரு காலத்தை.

0

http://deebam.blogspot.co.uk/2014/07/blog-post_25.html

[alvayan]

எனது வீட்டிற்கு முன்னாலிருக்கும் வீதியில் இடதுபக்கம் சுமார் ஒரு கிலோ மீற்றர் நடந்தால் பருத்தித்துறையிலிருந்து யாழ்ப்பாணம் செல்லும் வீதியில் நான்காவதாக இருக்கும் பஸ் நிறுத்துமிடமான கிராமக்கோட்டடிச் சந்தியை அடையலாம்.

வலதுபக்கம் போகும்வீதி தூரத்திலிருக்கும் பிரபலமான வல்லிபுரக் கோவிலை நோக்கிச் செல்கிறது. அவ்வீதியில் உடனடியாக இன்னொருவீதி வலதுபக்கமாகப் புட்டளை என்ற இன்னொரு ஊரை நோக்கிச் செல்கிறது.

இவ்வீதிகளில் எதுவழியாகவும் அந்திவரை நடந்தால் எப்படியும் சந்திக்கக் கூடியவர்கள் இப்பகுதிகளின் குடிகாரர்களும் சண்டியர்களுமான நடுத்தரவயதுடைய சுப்பன், கதிர்காமலிங்கம், மணியம், திருநாவுக்கரசு ஆகியவர்கள். கௌரவமாக நடமாட விரும்புபவர்கள் இவர்கள் எங்கே நின்று எதைச் சொல்லி நிந்தித்தாலும் சலனங்காட்டாமல் நடந்துகொண்டேயிருக்கவேண்டும்.

இதைத்தவிர வாலிப வயதினர்களான கணேசலிங்கம், பாலநாதன் ஆகியோர் விடலை வயதுள்ள சிறுவர்களைத் தங்கள் பாலியல் இச்சைகளுக்காகப் பாவிப்பதற்காக அங்கங்கே நின்று தொடர்புகொள்வார்கள் பலவந்தமாகவும் பாவிப்பதற்கு இவர்கள் தயங்கியதில்லை என்பது எல்லோருக்கும் தெரிந்த விடயம்.

இன்று சுமார் 30 வருடங்களுக்குப் பிறகு எனது ஊருக்குச் சென்றபோது இப்படியானவர்களை எந்தச் சந்தியிலும் காணக்கிடைக்கவில்லை.

சிறீலங்காவின் இராணுவ வீரர்கள் நாலைந்து பேராகத் தமது துவிச்சக்கர வண்டிகளில் அவ்வப்போது உலவுகிறார்கள். மக்கள் பலரிடம் பேசும்போது இந்த இராணுவத்தினரின் நடமாட்டத்தை விரும்பாமை தென்பட்டாலும் ஊரில் சட்டமும் ஒழுங்கும் பேணப்படுகிறது என்பதைத் தெளிவாகப் புரிந்துகொள்ள முடிகிறது, உணரவும் முடிகிறது.

இப்படியிருக்கையில் சிறீலங்காவின் வடக்கில் சட்டம் ஒழுங்கு இல்லாமை நிலவுவதாகவும், பாலியல் வல்லுறவுக்களும், கேவலங்களும் அன்றாடம் கௌபோய் சினிமாக்களில் நடந்ததுபோல நடப்பதாகவும் கதைகட்டிக்கொண்டிருக்கும் வெளிநாடுகளில் வாழும் "ஓடிப்போய் ஒளிந்துவாழும்" ஈழத்தமிழர்கள் என்ன இலாபம் சம்பாதிக்கிறார்கள் என்று சிந்திக்க நாம் தயாரா......

 

 

face book ல் என்க்கு தெரிந்த நண்பர் ஒருவர் மூலம் வந்த இந்த செய்திசரத்தைபார்த்ததும் அழுவதா சிரிப்பதா என்று தெரியவில்லை...30 வருடத்தின் பின் போனவர் என்றால் யார் ஆளாக இருப்பர் என்றும் யோசிக்கலாம்...பாவம் அவர் கடித்த எலும்புத்துண்டுக்கு விசுவாசமாக எழுதியிருக்கிறார்...அதை அம்மணி தூக்கிப் பிடித்திருக்கிறா...எல்லாம் ஒரே குட்டயில் ஊறின....