விமான பயிற்சி பாடசாலையாக மாறப் போகும் மத்தல விமான நிலையம்!

[தமிழரசு]

மத்தல விமான நிலையத்தை சிங்கப்பூர் நிறுவனம் ஒன்றுக்கு விமானிகளை பயிற்றுவிக்கும் பாடசாலை ஒன்றை ஆரம்பிக்க வழங்க அரசாங்கம் தயாராகி வருவதாக தெரியவருகிறது.

சிவில் விமான போக்குவரத்து அமைச்சர் பிரியங்கர ஜயரத்ன அண்மையில் வெளியிட்ட தகவல் மூலம் இது தெரியவந்துள்ளது.

சிங்கப்பூர் அரசாங்கத்தின் எரோ ஸ்பேஸ் நிறுவனம் இலங்கையின் சீனேட் நிறுவனம் இணைந்து விமான பயிற்சி பாடசாலை ஒன்றை ஆரம்பிக்க உள்ளதாக அமைச்சர் தெரிவித்திருந்தார்.

இது தொடர்பாக இரு நாட்டு அரசாங்கங்கள் இடையில் நடைபெற்ற பேச்சுவார்த்தைகள் முடிவடைந்துள்ளதாகவும் இதற்கு இடத்தை ஒதுக்குமாறு மத்தல விமான நிலையம் மற்றும் விமான சேவைகள் நிறுவனம் ஆகியவற்றுக்கு தான் அறிவித்துள்ளதாகவும் அமைச்சர் கூறியிருந்தார்.

மத்தல விமான நிலையத்திற்கு சர்வதேச விமானங்கள் வருவதில்லை என்பது இதன் மூலம் தெளிவாகியுள்ளது.

சர்வதேச விமான நிலையம் ஒன்றில் விமான பயிற்சி பாடசாலைகள் நடத்தப்படுவதில்லை. விமானங்கள் பறக்காத பிரதேசத்தில் உள்ள விமான நிலையம் இதற்காக பயன்படுத்தப்படும்.

மத்தல சர்வதேச விமான நிலையத்திற்கு விமானங்கள் வருவதில்லை என்பதாலேயே அங்கு விமான பயிற்சி பாடசாலை ஒன்றை ஆரம்பிப்பதற்கான அனுமதி வழங்கப்பட்டுள்ளது.

ஆசியாவின் விமானங்களின் கேந்திர நிலையம் என்று கூறி நாட்டு மக்களின் பணத்தை செலவிட்டு நிர்மாணிக்கப்பட்ட மத்தல மகிந்த ராஜபக்ஷ விமான நிலையத்திட்டம் தோல்வியடைந்த திட்டம் என்பது தற்போது உறுதியாகியுள்ளதாக பொருளாதார வல்லுநர்கள் தெரிவித்துள்ளனர்.

எதிர்வரும் ஜனாதிபதித் தேர்தல் பிரசாரத்தில் இந்த விமான நிலையம் தொடர்பாக எதிர்க்கட்சிகளிடம் இருந்து முன்வைக்கப்பட கூடிய குற்றச்சாட்டுக்களில் இருந்து தப்பிக்கும் தந்திரமாக அரசாங்கம் இதனை மேற்கொண்டுள்ளதாகவும் பொருளாதார வல்லுநர்கள் கூறியுள்ளனர்.

 

http://tamil24news.com/news/archives/175721

[nunavilan]

திட்டமிடல் இல்லாமல் மகிந்த தனது இடத்தில் கட்ட வேண்டும் என கட்டிய விமான நிலையம்  ஆட்கள் வராத விமான நிலையமாக பல காலமாக இருந்துள்ளது. 

[ராசவன்னியன்]

'மத்தல'யில் சர்வதேச விமான நிலையம் அமைத்ததிற்கு பதிலாக யாழ்ப்பாண பலாலி விமானதளத்தை சர்வதேச தரத்திற்கு மேம்படுத்தியிருந்தால் ஒருவேளை பயணிகளின் ஆதரவு மெருகூட்டியிருக்கும்.

[தமிழ் சிறி]

தமிழனுக்கு குழி பறிக்க வேண்டுமென்றால் மட்டும்... வரிந்து கட்டிக் கொண்டு வரும்,
சார்க் நாடுகளின் குட்டமைப்பில் அங்கம் வகிக்கும் நாடுகளான...... இந்தியா, பாகிஸ்தான், ஆப்கானிஸ்தான், பங்களாதேஷ், மாலைதீவு போன்ற நாடுகள் தங்களது விமானத்தை ஆவது மத்தள விமான நிலையத்துக்கு அனுப்பி, மகிந்தவின் ஆசையை பூர்த்தி செய்யலாமே.

[குமாரசாமி]

விமான பயிற்சி பாடசாலையாக மாறப் போகும் மத்தல விமான நிலையம்!

 

 

உதுவும் இனி எத்தினை நாளைக்கெண்டு ஆருக்குத்தெரியும்?