Jump to content

அஞ்சலி: வாலி - காலத்தை வென்றவன்


Recommended Posts

  • கருத்துக்கள உறவுகள்

வாலி - காலத்தை வென்றவன்

எஸ். கோபாலகிருஷ்ணன்

திரைப்படப் பாடலாசிரியர், கவிஞர், திரைக்கதை வசனகர்த்தா, எழுத்தாளர், மேடைப் பேச்சாளர், ஓவியர் எனப் பன்முகங்கள் கொண்ட வாலி அண்மையில் இறந்துவிட்டார். அவரது உடலுக்கு வயது 82 ஆகியிருந்தது. ஆனால் மனதளவில் அவர் என்றும் மார்க்கண்டேயன்தான். அவரது திறமைகளையும் அவற்றின் மூலம் அவர் நிகழ்த்திய சாதனைகளையும் எழுதிக்கொண்டே இருக்கலாம். சுருக்கமாகச் சொல்வதானால் ஒரு பாடலாசிரியராக புரட்சி, பாசம், காதல், காமம், இழப்பு, வலி, துக்கம் என அனைத்து உணர்ச்சிகளையும் பாடல் வரிகளில் கொண்டுவந்திருக்கிறார். அவரது பாடல்வரிகள் இலக்கிய ரசிகர்களுக்கும் விருந்தளித்திருக்கின்றன. பாடல் வரிகளில் நவீனத்தையும் ஆங்கிலக் கலப்பையும் புகுத்தி தற்காலிக கிளர்ச்சி விரும்பிகளையும் ஈர்க்கத் தவறியதில்லை. இரண்டு வகையான பாடல்களிலும் அவரது மொழி ஆளுமை மேலோங்கி நிற்கும்.

பாடல்களில் மட்டுமல்ல, பத்தி எழுத்திலும் மேடைப் பேச்சிலும்கூடத் தன் மொழி ஆளுமையைப் பயன்படுத்தி எதுகை மோனையில் அவர் கொளுத்திப் போடும் சரவெடிகளுக்கு கைதட்டல்கள் அடங்க பல நொடிகள் பிடிக்கும். இது தவிர தீவிர ஆன்மீகப் பற்றுக் கொண்டிருந்தவர். முருகன் மீது பல பக்திப் பாடல்களை எழுதியிருக்கிறார். ராமாயணத்தை அவதார புருஷன் என்றும் மகாபாரதத்தை பாண்டவர் பூமி என்றும் கவிதை நடையில் எளிய தமிழில் எழுதி அந்த இருபெரும் இதிகாசங்கள் எளிய வாசகர்களைச் சென்றடைய வித்திட்டவர். பல்வேறு துறைகளைச் சார்ந்த ஆளுமைகளைப் பாராட்டியும் கவிதைத் தொகுப்புகளை எழுதி இருக்கிறார்.

இவை எல்லாம் அவர் திறமை மற்றும் உழைப்பு சார்ந்தவை. அவரது வார்த்தைகளில் சொல்வதானால், கலைக் கடவுள் சரஸ்வதி தேவி அவருக்கு அளித்த கொடை. அரசன் முதல் ஆண்டி வரை அனைவரையும் சமமாகப் பாவித்து தன்னை யாருக்கும் உயர்வானவராகவும் கருதாமல் அதே நேரத்தில் தன் தன்மானத்தையும் விட்டுக்கொடுக்காமல் கடைசிவரை வாழ்ந்து சென்ற குணாதிசயம்தான் வாலியின் தனிப்பண்பு. இதைப் பறைசாற்றும் எண்ணற்ற நிகழ்வுகளில் சிலவற்றை நினைவுகூரலாம்.

வாலி திரையுலகில் காலூன்றக் களம் அமைத்துக் கொடுத்தவர் அன்றைய நட்சத்திர நாயகர் எம்.ஜி. ராமச்சந்திரன். வாலியை சந்திப்பதற்கு முன்பே தமிழக அரசியலிலும் முக்கிய அந்தஸ்தைப் பெற்று செல்வாக்கு நிறைந்த மனிதராகத் திகழ்ந்தார் எம்.ஜி.ஆர். இவர்கள் இருவருக்குள்ளும் பரஸ்பர அன்பும் மரியாதையும் எந்த அளவுக்கு இருந்திருக்கும் என்று சொல்லித் தெரிய வேண்டியதில்லை. ஆனால் அப்படிப்பட்ட எம்.ஜி.ஆரிடம்கூட தன் மாற்றுக் கருத்துக்களை முன்வைக்க வாலி தயங்கியதில்லை. தன் மனைவியின் பிரசவ நேரத்தில் எம்.ஜி.ஆர் படத்துக்குப் பாட்டெழுத உடனடியாக வருமாறு அழைப்பு வருகிறது. தன் நிலைமையைச் சொன்ன வாலியை அழைத்துப்போக வந்தவர் நக்கலாக ஏதோ சொல்லியிருக்கிறார். எம்.ஜி.ஆரின் சார்பில் வந்த அழைப்பு என்பதைப் பொருட்படுத்தாமல் கோபத்தில் கொதித்துவிட்டார் வாலி. தன் சார்பில் அழைத்தவர் அப்படிப் பேசியதற்காக எம்.ஜி.ஆரே தன்னிடம் மன்னிப்புக் கேட்டதாக பின்நாட்களில் ஒரு வார இதழுக்கு எழுதிய பத்தியில் வாலி பகிர்ந்துகொண்டார்.

அடுத்து வந்த முதல்வர்களான மு.கருணாநிதி, ஜெ.ஜெயலலிதா ஆகியோரோடும் மட்டற்ற நட்பு பாராட்டியவர்தான் என்றாலும் தனக்குத் தவறென்று பட்டால் அவர்களையும் விமர்சிக்கத் தவறியதில்லை.

திரையுலகிலும் இதே கதைதான். எப்பேர்ப்பட்ட ஜாம்பவனானாலும் வாலியிடம் வாலைச் சுருட்டிக்கொள்ள வேண்டும். அவர்களின் அன்புக்கு மட்டுமே கட்டுப்படுவார் வாலி. இதற்குப் பல உதாரணங்களைக் கூறலாம்.

90களின் தொடக்கத்தில் அப்போது நட்சத்திர அந்தஸ்தைப் பிடித்துவிட்ட நடிகர் ஒருவரின் படம். அந்த நடிகர் பாடல் பதிவின்போது உடனமர்கிறார். பாடலுக்கான சூழல் வாலியிடம் விளக்கப்படுகிறது. வாலியும் ஒரு பல்லவியைத் தருகிறார். 'இன்னும் கொஞ்சம் நல்லா இருக்கலாமே' என்று நடிகர் தயக்கத்துடன் கூற விருட்டென்று எழுந்து சென்றுவிடுகிறார் வாலி. நடிகர் சொன்ன வாக்கியத்தில் இன்னும் என்ற வார்த்தை வாலியின் காதில் விழாததுதான் காரணம். பிறகு நடிகர் மன்னிப்புக் கேட்டு வாலியைப் பாட்டெழுத அழைத்துவருகிறார். அந்த நடிகர் கமல்ஹாசன், படம் அபூர்வ சகோதரர்கள். பாடல், உன்ன நெனச்சேன் பாட்டுப் படிச்சேன்.

90களின் தொடக்கத்தில் அறிமுகமான இசையமைப்பாளர். முதல் படத்தின் பாடல்கள் தேசிய விருதுகளைப் பெறுகின்றன. அவருடன் இணைந்து பணியாற்ற மூத்தோர் முதல் இளையோர் வரை அனைவரும் காத்திருந்தார்கள். அப்படிப்பட்ட சூழலில் தன் இரண்டாவது படத்துக்குப் பாடல்களை எழுத வாலியை அணுகுகிறார் இசையமைப்பாளர். ஆனால் புதியவர்களுக்கு எழுதுவதில்லை, நான்கைந்து படங்களுக்குப் பிறகு பார்க்கலாம் என்று கூறுகிறார் வாலி. பிறகு தான் சேகரின் மகன் என்று சொன்னதும் தன் கொள்கையைத் தளர்த்திக்கொண்டு பாடல் எழுத ஒப்புக்கொள்கிறார் வாலி. இசையமைப்பாளர் ஏ.ஆர்.ரகுமான், படம் ஜெண்டில்மேன், பாடல் சிக்கு புக்கு ரயிலே.

90களில் அறிமுகமாகித் தொடர் வெற்றிகளால் நட்சத்திர இயக்குநராக உயர்ந்துவிட்ட இயக்குநர், வாலியை ஒரு நாள் காலை அழைக்கிறார். அப்போது அவரது படம் வெளியாகி மாபெரும் வெற்றி பெற்றிருந்தது. அந்தப் படத்தில் பாடல் எழுதும் வாய்ப்பு வாலிக்கு வழங்கப்படவில்லை. இயக்குநர் அழைப்பை எடுத்ததும் வாலி, 'என்னைய்யா, நீதான் எந்திரன்லயே எந்திறன் வேண்டாம்னு முடிவு பண்ணிட்டியே. இப்ப ஏன் கூப்பிட்ற?' என்கிறார். அந்த இயக்குநர் ஷங்கர்.

வாலியின் தன்மான உணர்வை அறியாதவர்கள் இல்லை. அதை மீறி தெரிந்தோ தெரியாமலோ அவரது தன்மானத்துக்கு இழுக்கு நேரும் வகையில் நடந்துகொள்பவர்கள் வாலியின் அறச்சீற்றத்துக்கும் தப்பியதில்லை. பொதுவாக இதுபோல் மனதில்பட்டதைப் பட்டென்று உடைத்துப் பேசுபவர்களுக்கு அதிக நண்பர்களோ நலன்விரும்பிகளோ இருக்க மாட்டார்கள். ஆனால் வாலி, எம்.ஜி.ஆர் முதல் நேற்று அறிமுகமான நடிகர்கள் வரை அனைவரின் அன்புக்குரியவராகவே விளங்கினார். எம்.ஜி.ஆரின் பாசத்துக்குரியவர். சிவாஜியின் அன்புக்கும் பாத்திரமானவர். நடிகர் நாகேஷின் 'வாடா போடா' நண்பர். நடிகர் வி. கோபாலகிருஷ்ணன் தன் வளர்ச்சிக்கு ஆற்றிய பங்கை பல இடங்களில் நன்றியுடன் நினைவுகூர்ந்திருக்கிறார் வாலி. எம்.எஸ். விஸ்வநாதனின் அன்புத் தம்பி. இளையராஜா, ரஜினிகாந்த், கமலஹாசன், ஏ.ஆர். ரகுமான் உள்ளிட்ட திரையுலக ஜாம்பவான்களால் 'அண்ணா' என்று அன்புடன் அழைக்கப்பட்டவர்.

கண்ணதாசனுடன் ஏற்பட்ட பிணக்கால் அவரை தவிர்த்துவிட்டு வாலியை வளர்த்துவிட்டார் எம்.ஜி.ஆர் என்று சொல்வார்கள். இதனால் வாலி, கண்ணதாசன் இருவருக்குமிடையில் உரசல் இல்லாமல் இல்லை. ஆனால் இருவருக்கும் பரஸ்பர அன்பும் மரியாதையும் இல்லாமல் இருந்ததில்லை. கண்ணதாசன் வயதில் மட்டுமல்லாமல் கவிபாடும் திறமை, மொழி ஆளுமை என அனைத்து வகையிலும் தன்னைவிட உயர்ந்தவர் என்ற மரியாதை வாலிக்கு எப்போதுமே இருந்ததுண்டு. தன்னை வாழ்த்தி எழுதப்பட்ட பாடலொன்றில் கண்ணதாசனை தான் முந்திவிட்டதாக வந்த வரியை நீக்கச் சொல்லி அடம்பிடித்து, அதை நீக்கிய பின்தான் பாடலை வெளியிட அனுமதித்தார் வாலி என்று அந்தப் பாடலை எழுதியவரும் வாலியின் உற்ற நண்பருமான கவிஞர் நெல்லை ஜெயந்தா ஒரு தொலைக்காட்சி நிகழ்ச்சியில் பகிர்ந்துகொண்டார். கண்ணதாசனை யாராலுமே தோற்கடிக்க முடியாது. அவருக்கு நிகர் அவர் மட்டும்தான் என்ற கருத்தை ஆழமாகத் தன் நெஞ்சத்தில் பதித்திருந்தார் வாலி என்பதற்கு இதுவே சான்று. இதே போல் கண்ணதாசனும் பல நேரங்களில் தான் எழுதிய பாடல்களுக்கும் வாலி எழுதிய பாடல்களுக்கும் வித்தியாசமே தெரிவதில்லை என்று சொல்லியிருப்பதாகக் கூறுவார்கள். இந்தக் குழப்பம் கண்ணதாசனுக்கு மட்டுமில்லை. ரசிகர்களுக்கும் உண்டு. வாலியால் எழுதப்பட்ட பல பாடல்கள் கண்ணதாசனால் எழுதப்பட்டவை என்ற கருத்து பரவிவிடும்.

தன் அடுத்த போட்டியாளரான வைரமுத்துவிடம் தொழில் ரீதியாகப் போட்டி உணர்வு இருந்தாலும் தனிப்பட்ட முறையில் அன்பு பாராட்டத் தவறியதில்லை வாலி. வைரமுத்துவும் அந்த அன்புக்கு ஏற்றவாறு நடந்துகொண்டிருக்கிறார். பொதுவாக வைரமுத்து அளவுக்குக் கவிதைத் தரத்துடன் எழுத வாலி மெனக்கெடுவதில்லை என்று இருவருக்குள்ளும் பகை ஏற்படுத்திக் குளிர்காய நினைத்தவர்கள் சொன்னதை அவர்கள் இருவரும் விவாத அளவிலேயே விட்டுவிட்டனர்.

வைரமுத்துவுக்கு அடுத்து வந்த அனைத்துக் கவிஞர்களுமே வாலியின் சீடர்களாகவே தங்களை அறிவித்துக்கொண்டார்கள். பழனி பாரதி வாலியின் அன்புக்குப் பாத்திரமானவர். தினமும் சந்திக்கும் நண்பர். பா.விஜய், கபிலன், நா. முத்துகுமார், ஸ்நேகன், தாமரை ஆகியோரும் வாலியை அன்பு மழையில் நனையவைக்கத் தவறியதில்லை. இவர்களில் பெரும்பாலானோர் வைரமுத்துவிடம் நெருங்கியதில்லை. அவரைப் பற்றிப் பொதுவெளியில் பேசியதுகூட இல்லை. வைரமுத்துவைவிட மூத்தவரான வாலி பழகுவதற்கு இனியவராகவும் எளியவராகவும் இருப்பதாக அடுத்த தலைமுறைக் கவிஞர்கள் உணர்ந்திருக்கலாம்.

தீவிர ஆத்திகராக இருந்துகொண்டே நாத்திகர்களிடம், குறிப்பாக திராவிடக் கட்சித் தலைவர்களிடம் நட்பு பாராட்டியதும் வாலியின் தனித்தன்மைகளில் ஒன்று. தன் மதம் சாதி சார்ந்த அடையாளங்களை ஒருபோதும் மறைக்கவோ மறுக்கவோ விரும்பாத வாலி, மு.கருணாநிதி, திராவிடர் கழகத் தலைவர் கி. வீரமணி ஆகியோரின் நண்பராக இருந்திருக்கிறார். இவர்களின் கடுமையான விமர்சகர்களான துக்ளக் பத்திரிகை ஆசிரியர் சோ ராமாசாமியின் நண்பராகவும் இருந்திருக்கிறார். கருணாநிதியின் எதிர் முகாமைச் சேர்ந்த ஜெயலலிதா ஆட்சிக்கு வந்ததற்கு வாழ்த்துப்பா படிக்கும் அளவுக்கு ஜெயலலிதா மீது அன்புகொண்டிருந்தார்.

ஈழத்துயர் குறித்தும் வாலி அவ்வப்போது தன் கவிதைகளால் கண்ணீர் வடித்ததுண்டு. தமிழீழ விடுதலைப் புலிகளின் தாயார் பார்வதி அம்மாளின் மறைவின்போதும் அவ்வாறே அவரது பேனா அழுதது. 'பார்வதி அம்மாளுக்கு தங்க இடம்தராத எங்கள் தமிழ்மண் நிரந்தரமாய் பழிதேடிக்கொண்டது' என அவர் கவிதை நிறைவுபெற்றிருந்தது. விடுதலைப் புலிகளின் தலைவர் பிரபாகரன் அவர்கள் மீதும் கவிஞர் வாலி பெருமதிப்பும் விருப்பும் கொண்டிருந்தார் என்பதற்கு அவரது கவிதைகளே சாட்சியாய் நிற்கின்றன.

வாலி யார் மீதும் அன்பும் நட்பும் பாராட்டத் தயங்கியதில்லை. ஆனால் எப்பேர்ப்பட்ட நண்பராயினும் அவருக்காகத் தன் கொள்கைகளை விட்டுக்கொடுத்ததில்லை.

எல்லா மனிதர்களைப் போல் வாலியின் மீதும் சில குறைகள் உண்டு. பாராட்ட நினைத்தால் மனதாரப் பாராட்டிவிடுவது ஒரு நற்பண்புதான். ஆனால் சில நேரங்களில் சம்பந்தப்பட்டவரே கூச்சபப்டும் அளவுக்குப் பாராட்டுவிடுவது வாலியின் வழக்கம். குறிப்பாக கருணாநிதியை விமர்சனமின்றிப் பாராட்டிக்கொண்டே இருந்தார் என்ற குற்றச்சாட்டு அவர் மீது உண்டு. கருணாநிதி, ஜெயலலிதா ஆகியோரின் அரசியல் தவறுகளையோ, மக்கள் விரோத நடவடிக்கைகளையோ ஒரு முறைகூட விமர்சித்ததில்லை. திரையுலகைச் சேர்ந்தவர்கள் இவ்வாறு செய்வதற்குப் பெயர்போனவர்கள் அல்ல என்றாலும் மனதில் பட்டதை வெளிப்படையாகப் பேசுபவர் என்று அறியப்பட்ட வாலியும் அவர்களை விமர்சிக்கத் தயங்கியது சற்று ஏமாற்றம் அளிக்கும் விஷயமே.

வாலி மீது வைக்கப்படும் மற்றொரு விமர்சனம், அவர் இசையமைப்பாளரின் மெட்டுக்காகவும் தயாரிப்பாளர்களின் எதிர்பார்ப்புக்காகவும் மொழியை தன் இஷ்டத்துக்கு வளைத்தார் என்பது. இவரது பாடல்களில் அதிகமாகப் பிறமொழிக் கலப்பு இருந்ததாகவும் குற்றச்சாட்டு உண்டு. 'என்னைத் தேடி வரும் இலக்கிய ரசிகர்களுக்கு நான் பாலூட்டும் தாய், பணம் தரும் தயாரிப்பாளருக்கு வாலாட்டும் நாய்' என்று சுயவிமர்சன பாணியில் வாலியே இதை ஒப்புக்கொண்டாலும் ஒரு கட்டத்துக்கு மேல் இதுபோன்ற சமரசங்களைத் தவிர்க்கும் நிலையை அடைந்த பின்னும், அவர் அதற்கு முயற்சிக்கவில்லை என்பதை கவனிக்க வேண்டும்.

மூன்றாவது அவரது கவிதைத் திறமை பற்றியது. பாடல் எழுதுவது என்பது வேறு, கவிதை என்பது வேறு. திரைப்படங்களுக்குப் பாடல் எழுதுபவர்கள் அனைவரும் கவிஞர் என்று அழைக்கப்பட்டாலும் அவர்களும் சில கவிதை முயற்சிகளைச் செய்திருந்தாலும் கவிதைகளைத் தீவிரமான கலையாகக் காண்பவர்கள் இவர்களைக் கவிஞர்களாக ஏற்றுக்கொண்டதில்லை. அதற்காக இவர்களுக்கு கவித்திறனே இல்லை என்று சொல்லிவிட முடியாது. கண்ணதாசன், வாலி, வைரமுத்து ஆகியோரின் பாடல்களில் கவிதை நயம் மிளிர்கிறது. கவிதையை எட்டுவதற்கான முயற்சி தென்பட்டிருக்கிறது. ஆனால் அந்தப் பாடல்களை கவிதைகள் என்று கவிதை வாசகர்கள் கொண்டாடத் தக்கவையாக இருந்ததில்லை. வாலி திரைப்படத் தேவை எதுவும் இல்லாமல் வெளியே எழுதிய கவிதைகளிலும் எதுகை மோனை ஜாலங்களைத் தவிர அத்தனை சிறப்பாக வேறெதுவும் இருந்ததில்லை என்றே தேர்ந்த கவிதை வாசகர்கள் மதிப்பிடுகிறார்கள்.

கறாரான மதிப்பீடுகள் இப்படி இருந்தாலும் உன்னை நான் சந்தித்தேன், அம்மா என்றழைக்காத உயிரில்லையே என்பன போன்ற இலக்கியத் தரமான பாடல்கள், சிக்கு புக்கு போன்ற இளமைத் துள்ளலான பாடல்கள், நேத்து ராத்திரி போன்ற காம ரசம் சொட்டும் பாடல்கள், கற்பனை என்றாலும்.. என்பன போன்ற பக்திப் பாடல்கள் எனப் பல்வேறு வகைமைகளிலும் சிறந்து விளங்கினார் என்பதில் சந்தேகமில்லை. பல்வகை உணர்ச்சிகளையும் பாத்திரங்களையும் வாழ்நிலைகளையும் பிரதிபலிக்கும் சினிமாவுக்கு ஏற்ற முழுமையான படைப்பாளியாக அவர் விளங்கினார் என்றும் சொல்லலாம்.

கால மாற்றத்தால் காலாவதியாகிவிடாத உயிர்ப்பும் தொடர்ந்து தன்னைப் புதுப்பித்துக்கொள்ளும் திறமும் இயல்பான சொல்லாட்சிகளும் அந்தஸ்தையும் வயதையும் பொருட்படுத்தாமல் அவர் வாரி வழங்கிய அன்பும் வாலியின் முத்திரைகளாகத் தமிழர்களின் மனங்களில் என்றும் நிலைத்திருக்கும்.

http://www.ponguthamil.com/shownewscontent.aspx?sectionid=5&contentid=c1a186e5-dd68-4fa5-9f53-7bbaa956ba66

Link to comment
Share on other sites

Archived

This topic is now archived and is closed to further replies.



  • Tell a friend

    Love கருத்துக்களம்? Tell a friend!
  • Topics

  • Posts

    • கெஹெலிய உள்ளிட்ட 7 பேருக்கு விளக்கமறியல் நீடிப்பு! தரமற்ற மருந்து கொள்வனவு தொடர்பில் கைது செய்யப்பட்டுள்ள முன்னாள் சுகாதார அமைச்சர் கெஹெலிய ரம்புக்வெல்ல உள்ளிட்ட 7 பேர் எதிர்வரும் 8ஆம் திகதி வரை மீளவும் விளக்கமறியலில் வைக்கப்பட்டுள்ளனர். சந்தேகநபர்கள் இன்று (28) மாளிகாகந்த நீதவான் நீதிமன்றில் முன்னிலைப்படுத்தப்பட்டனர். இதன்போது, கெஹெலிய ரம்புக்வெல்ல உள்ளிட்ட 7 பேரை எதிர்வரும் 8ஆம் திகதி வரை மீளவும் விளக்கமறியலில் வைக்குமாறு நீதவான் உத்தரவிட்டுள்ளார். சுகாதார அமைச்சின் முன்னாள் செயலாளர் ஜனக ஸ்ரீ சந்திரகுப்த மற்றும் சுகாதார அமைச்சின் மேலதிக செயலாளர் சமன் ரத்நாயக்கவும் இதில் உள்ளடங்குவதாக தெரிவிக்கப்பட்டுள்ளது. https://thinakkural.lk/article/297480
    • பல்லைக் காட்டியது யார், வெள்ளைக் குடை பிடித்தது ஏன்? - தமிழ்நாடு தேர்தல் களத்தில் என்ன நடக்கிறது? பட மூலாதாரம்,X/UDHAY/ANI 28 மார்ச் 2024, 05:54 GMT தமிழகத்தில் தேர்தல் பிரச்சாரம் சூடு பிடிக்க தொடங்கியுள்ளது. நாடாளுமன்றத் தேர்தல் பரப்புரைகளை கிட்டத்தட்ட அனைத்து கட்சிகளும் தொடங்கிவிட்ட நிலையில், திமுக அதிமுக இடையிலான புது மாதிரியான போட்டோ விவாதம் பரபரப்பாக நடைபெற்று வருகிறது. பிரச்சாரத்தின் முக்கிய அங்கமாக சமூக ஊடகங்கள் மாறியுள்ள நிலையில், களத்தில் நடைபெறும் பரப்புரைகள் சமூக வலைதளங்களிலும், எதிரொலிக்கின்றன. தமிழக விளையாட்டுத்துறை அமைச்சர் உதயநிதி ஸ்டாலின், தனது பிரச்சாரங்களில் போட்டோக்களை பயன்படுத்தி பரப்புரை செய்து வருகிறார். அதிமுகவும் பாஜகவும் ஒரே கூட்டணி என்பதை காட்ட, பிரதமர் மோதியும் அதிமுக பொதுச் செயலாளர் எடப்பாடி பழனிசாமியும் பொது நிகழ்வுகளில், சந்திப்புகளில் எடுத்துக் கொண்ட புகைப்படங்களை கையில் கொண்டு வந்து மக்கள் மத்தியில் எடுத்துக் காட்டி பரப்புரை செய்கிறார். இதற்கு பதிலடியாக எடப்பாடி பழனிசாமி தனது பரப்புரைக் கூட்டங்களில் திமுக தலைவரும் முதல்வருமான மு.க.ஸ்டாலினும் பிரதமர் மோதியும் அரசு நிகழ்வுகளில், விழாக்களில் அருகில் நின்று சிரித்து பேசிக் கொண்ட புகைப்படங்களை எடுத்துக் காட்டி, திமுகவும் பாஜகவும் கள்ளக் கூட்டணி கொண்டுள்ளனர் என்று சுட்டிக் காட்டுகிறார்.   பட மூலாதாரம்,X/UDHAY 'கல்லு பல்லு' என நீளும் விமர்சனம் அதே போன்று, உதயநிதி ஸ்டாலின், மதுரை எய்ம்ஸ் கட்டுமானப் பணிகள் பல ஆண்டுகளாக நிலுவையில் உள்ளது என்பதை சுட்டிக் காட்டும் வகையில் கடந்த தேர்தலில், ஒற்றை செங்கலைக் காட்டி பரப்புரை செய்தார். இந்த முறையும் அதே போன்ற பரப்புரையை மேற்கொண்ட போது, “ஸ்கிரிப்டை மாத்து பா” என்று எடப்பாடி தனது பிரச்சாரத்தில் பதில் கொடுத்துள்ளார். “செங்கலை தூக்கிக் கொண்டு வித்தை காட்டுகிறாயா” என்று கேள்வி எழுப்பிய எடப்பாடி பழனிசாமி, திமுகவின் நாடாளுமன்ற உறுப்பினர்கள் மக்களவையில் அழுத்தம் கொடுத்திருந்தால் எய்ம்ஸ் கட்டுமானத்துக்கு உதவியாக இருந்திருக்கும் என்றார். இந்த விவாதங்கள் பிரச்சாரக் களத்தில் மட்டுமல்லாமல், சமூக ஊடகங்களில் இடம் பெற்றுள்ளன. “நானாவது எய்ம்ஸ் -ல் வைத்த கல்லை காட்டினேன். இவர் பல்லை காட்டுகிறார் பாருங்கள்” என எடப்பாடி மோதியுடன் எடப்பாடி பழனிசாமி சிரித்துக் கொண்டு நிற்கும் புகைப்படத்தைக் காட்டி உதயநிதி ஸ்டாலின் பேசியது சமூக ஊடகங்களில் கல்லு பல்லு என்ற புதிய ஹேஷ் டேக்கை உருவாக்கிவிட்டது. இரு தரப்பினரும் மாறி மாறி, கல்லு பல்லு என்று பல உதாரணங்களை எடுத்து விமர்சித்து கேலி செய்து வருகின்றனர்.   பட மூலாதாரம்,X/EPSTAMILNADU மேலும் உதயநிதி ஸ்டாலின் பிரதமர் நரேந்திர மோதியை சந்தித்த போது எடுத்த புகைப்படத்தை காட்டி, “இவர் சிரிச்சா தப்பு இல்ல, நான் சிரிச்சா தப்பா. சிரிச்சா என்ன தெரியுது, பல்லு தானே” என்று மீண்டும் இந்த விவகாரத்தை கையில் எடுத்தார் எடப்பாடி பழனிசாமி. அந்தப் புகைப்படம் கேலோ இந்தியா நிகழ்வுகள் குறித்து பேசும் போது எடுத்தது என்று பதிலளித்தப் உதயநிதி, எடப்பாடி பழனிசாமி சசிகலாவின் காலில் விழும் போட்டோவை காண்பித்து, “நான் இப்படி ஒருவர் காலில் விழும் புகைப்படத்தை காண்பித்தால் நான் அரசியலை விட்டு விலகிவிடுகிறேன்” என சவால் விடுத்துள்ளார்.   பட மூலாதாரம்,X/ANI பிரதமர் நரேந்திர மோதி சென்னை வந்த போது கருப்பு குடைக்கு பதிலாக வெள்ளை குடை பிடித்ததை விமர்சனம் செய்து பேசிய எடப்பாடி பழனிசாமி, “நடிகர் வடிவேலுவின் 23ம் புலிகேசி திரைப்படத்தில், எதிரி நாட்டவர்கள் படை எடுத்து வரும் போது வெள்ளை கொடி எடுத்து செல்வார். அதே போல, கருப்பு குடை பிடித்தால் பிரதமருக்கு கோபம் வரும் என்பதால், அவர் சென்னை வரும் போது, வெள்ளை குடை பிடிக்கப்பட்டது. வெள்ளை குடை ஏந்தும் பொம்மை வேந்தர் என்று முதல்வரை மக்கள் சொல்கிறார்கள்” என்று கூறியிருந்தார்.   பட மூலாதாரம்,X/ANNAMALAI_K 'கோட்டா அரசியல்' - விமர்சனத்தில் சிக்கியுள்ள அண்ணாமலை அண்ணாமலை கோவையில் செய்தியாளர் சந்திப்பில் பேசும் போது,தன்னை எதிர்த்து போட்டியிடும் அதிமுக வேட்பாளரான சிங்கை ராமச்சந்திரன், சட்டமன்ற உறுப்பினராக இருந்த அவரது தந்தை கோவிந்தராசுவின் உதவியால் தான் உயர்படிப்பு படித்தார் என்றும் விமச்சித்திருந்தார். “2002ம் ஆண்டு எம் எல் ஏ கோட்டாவின் கீழ் கல்லூரியில் இடம் பெற்றவர் அவர், வாரிசு அரசியலில் வந்தவர் அவர். ஆனால் நான், எனது தந்தையுடன் கிராமத்திலிருந்து மூன்று பேருந்துகள் மாறி, தகரப்பெட்டியுடன் இந்த நகரத்துக்குள் நுழைந்தேன். கோட்டா அரசியலில் வரவில்லை நான்.” என்று அண்ணாமலை தெரிவித்திருந்தார். பட மூலாதாரம்,X/RAMAAIADMK இதற்கு பதிலளித்த சிங்கை ராமச்சந்திரன், “எனக்கு 11 வயது இருக்கும் போதே என் தந்தை இறந்துவிட்டார். நான் பெற்ற மதிப்பெண்கள் காரணமாகவே எனக்கு பொறியியல் கல்லூரியில் இடம் கிடைத்தது. அவர்களுடைய மோதியின் குஜராத்-ல் உள்ள ஐஐஎம்-ல் மீண்டும் மதிப்பெண்கள் மூலமாகவே இடம் பெற்றிருந்தேன். அவருக்காவது தகரப்பெட்டியை உடன் தூக்கி வர அப்பா இருந்தார், ஆனால் எனக்கு அதுவும் இல்லை. இது போன்ற கஷ்டங்களை அனைவரும் தங்கள் வாழ்வில் சந்தித்திருப்பார்கள். எனவே நான் தான் துன்ப்பப்பட்டேன் என்று கூறிக் கொள்ள எதுவும் இல்லை” என்று பதில் கூறியிருந்தார். இதை அடுத்து கோட்டா அரசியல், இட ஒதுக்கீடு குறித்த விவாதம் சமூக ஊடகங்களில் பரப்பரப்பாக நடைபெற்று வருகின்றன. திருவள்ளூர் தொகுதி காங்கிரஸ் வேட்பாளர் சசிகாந்த் செந்தில், அண்ணாமலை தான் வளர்ந்து வந்த பாதையை மறந்துவிடக் கூடாது என்று கூறியுள்ளார். இதற்கிடையில், முன்னாள் அமைச்சர் சிவி சண்முகம் விழுப்புரம் தொகுதியில் பேசும் போது அதிமுக போட்ட பிச்சை தான் தமிழகத்தில் பாஜகவுக்கு இருக்கும் நான்கு சட்டமன்ற உறுப்பினர்கள் என்று காட்டமாக கூறியிருந்தார். தேனி தொகுதியில் பாஜக கூட்டணியில் போட்டியிடும் அம்மா மக்கள் முன்னேற்றக் கழகத்தின் டிடிவி தினகரன், பாஜகவின் சாதனைகளை குறித்தோ அல்லது காங்கிரஸ் மீதுள்ள விமர்சனங்கள் குறித்து குறிப்பிட்டு எதையும் பேசுவதில்லை. தனது கட்சியிலிருந்து விலகிச் சென்றவர்களை மறைமுகமாக தாக்கிப் பேசும் அவருக்கு, பிரதான அரசியல் பிரச்னைகள் குறித்து பேசுவதை விட தனது குக்கர் சின்னத்தை மக்களிடம் கொண்டு சேர்ப்பதே முக்கியத்துவம் பெறுகிறது.   பட மூலாதாரம்,X/DRARAMADOSS பாமக மாறி மாறி கூட்டணி வைத்துக் கொள்வதை விமர்சித்து பேசிய எடப்பாடி பழனிசாமி, “நீர் இருக்கும் இடத்தை தேடிச் செல்லும் வேடந்தாங்கல் பறவை போல் பா.ம.க.,வினர் தேவைக்கேற்ப சென்று விடுவர். பா.மக., கூட்டணி வைக்காத கட்சிகளே இல்லை” என்று கூறியிருந்தார். தருமபுரியில் வேட்பாளர் சௌம்யா அன்புமணியை அறிமுகம் செய்து பேசிய அன்புமணி ராமதாஸ் “நாங்கள் வேடந்தாங்கல் பறவை அல்ல, சரணாலயம்” என்று பதில் கூறியுள்ளார். “யார் வந்தாலும் பாதுகாப்பு கொடுப்போம். வெற்றி பெற செய்வோம். எங்களை நம்பி வருபவர்களை வாழ வைப்போம். யாருக்கும் துரோகம் செய்ய மாட்டோம்” என்று தெரிவித்திருந்தார். https://www.bbc.com/tamil/articles/cjkd7v517z2o
    • 😀..... உங்களுக்காக 'கோப்பிக் கணக்கு' என்ற தலைப்பில் ஒன்று எழுத வேண்டும்....🤣 நீங்கள் இலகுவாக கடந்து விடுகிறீர்கள்........👍
    • உங்களின் சிறுகதைப் புத்தகம் வந்தவுடன் சொல்லுங்கள், நான் வாசிப்பில் கொஞ்சம் ஆர்வம் உள்ளவன். நீங்கள் அகரமுதல்வனின் எழுத்துகளை பற்றி இன்னொரு திரியில் எழுதியிருந்ததை பார்த்தேன். எனக்கும் அவரின் எழுத்துகளை பற்றி சில அபிப்பிராயங்கள் இருக்கின்றது. ஆனால், இந்த மாதம் தான் இங்கே களத்தில் இணைந்தேன், அதனால் உடனேயே எல்லா இடமும் போய் கருத்து எழுத ஒரு சின்ன தயக்கமாக இருக்கின்றது. போகப் போக தயக்கம் போய்விடும்.........😀 கலிபோர்னியாவின் பெரும் நகரங்களில் நீங்கள் கண்ட விடயம் மிகச் சாதாரண ஒரு நிகழ்வு. அமெரிக்காவின் பல பெரு நகரங்களிலும் இதே நிலையே.  மினசோட்டாவிற்கு வந்திருக்கின்றேன். அந்த நாட்களில் Kevin Garnett அங்கு கூடைப்பந்து விளையாடும் போது, அது பிடித்த அணிகளில் ஒன்றாக இருந்தது. இந்த வருடம் மீண்டும் ஒரு நல்ல அணி மினசோட்டாவில் உருவாகியுள்ளது. Vikings அணியும் பிடித்த ஒரு அணியே.
    • நன்றி... நாங்கள் அழகிய ஏரிகள் சூழ்ந்த மினசோட்டாவில் வசிக்கின்றோம். மிகவும் பிடித்தமான மகிழ்வான வாழ்வுக்குரிய இடம். தொடக்கத்தில் பனி கொஞ்சம் சிரமமாக இருந்தாலும் குழந்தைகளுடன் குழந்தையாக அதையும் ரசித்து வாழப் பழகி விட்டோம்.  இந்த இடத்தில் இன்னொன்றும் சொல்ல வேண்டும், போன வருடம் வட அமெரிக்க பேரவையின் தமிழ் பெரு விழாவுக்காக சாக்கிரமென்டோ போயிருந்தேன். இடையில் சான்பிரான்ஸ்சிஸ்கோவில் இரண்டு நாட்களை களித்தோம், கோல்டன் கேட் பாலத்துக்கு அருகில் கார் கண்ணாடிகளை உடைத்து பட்டப்பகலில் கொள்ளையர் புரியும் அட்டகாசத்தை நேரில் கண்டு பயந்தேன். இது பற்றி "தங்க வாசல்" என்ற தலைப்பில் ஒரு சிறுகதை எழுதியுள்ளேன், இன்னும் ஓரிரு மாதங்களில் வரவுள்ள எனது சிறுகதை புத்தகத்தில் அது இடம்பெறுகிறது.   
  • Our picks

    • மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
    • பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 19 replies
    • எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 4 replies
    • களத்தில் தற்போது சமயம் சம்ம்பந்தமாக பெரியா கருத்து பரிமாற்றம் நடக்கிறது, அங்கே கருத்தாடு பெரியவர்களே, அறிஞோர்களே உங்களால் இறைவன் இருக்கார் என்று ஆதாரத்துடன் நிரூபிக்க முடியுமா...........? முடிந்தால் நிரூபியூங்கள், நிரூபித்து விட்டு உங்கள் கருத்து மோதலை தொடருங்கள்
      • 37 replies
    • சமூகத்துக்கு பயனுடைய கல்விநிலை எது?

      பேராசிரியர் சோ. சந்திரசேகரன்

      இன்று நாட்டில் உள்ள கல்விமுறையையும் அதற்கு அப்பால் உள்ள கல்வி ஏற்பாடுகளையும் நோக்குமிடத்து, பல்வேறு கல்வி நிலைகளை இனங்காண முடியும். அவையாவன: ஆரம்பக்கல்வி, இடைநிலைக் கல்வி, பல்கலைக்கழகக் கல்வி உள்ளடங்கிய உயர் கல்வி, பாடசாலையில் வழங்கப்படும் (1-11 ஆம் வகுப்பு வரை) பொதுக்கல்வி, தொழில்நுட்பக்கல்வி, வளர்ந்தோர் கல்வி என்பன, இவை தவிர கருத்தாக்க ரீதியாக முறைசாராக் கல்வி, வாழ்க்கை நீடித்த கல்வி, தொடர்கல்வி எனப் பலவற்றை இனங்காண முடியும். இவற்றில் ஆரம்பக்கல்வி, இடைநிலைக்கல்வி, உயர்கல்வி என்னும் கல்வி நிலைகளே முறைசார்ந்த (Formal) கல்வியின் பிரதான நிலைகள் அல்லது கூறுகளாகும்.
      • 5 replies
×
×
  • Create New...

Important Information

By using this site, you agree to our Terms of Use.